Ескерту. Күші жойылды – ҚР Ұлттық Банкі Басқармасының 31.01.2019 № 14 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      "Қазақстан Республикасының Ұлттық Банкі туралы" 1995 жылғы 18 желтоқсандағы, "Сақтандыру қызметі туралы" 2000 жылғы 30 наурыздағы, "Мемлекеттік статистика туралы" 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Исламдық сақтандыру (қайта сақтандыру) ұйымының нормативтік мәндері мен пруденциялық нормативтерді есептеу әдістемесін және сақталуы міндетті өзге де нормалар мен лимиттерді белгілеу жөніндегі нұсқаулық бекітілсін.

      2. Бақылау және қадағалау әдіснамасы департаменті (Әбдірахманов Н.А.) заңнамада белгіленген тәртіппен:

      1) Құқықтық қамтамасыз ету департаментімен (Досмұхамбетов Н.М.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде "Қазақстан Республикасы Әділет министрлігінің республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнының "Әділет" ақпараттық-құқықтық жүйесінде ресми жариялауға жіберуді;

      3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.

      3. Халықаралық қатынастар және жұртшылықпен байланыс департаменті (Қазыбаев А.Қ.) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында ресми жариялауға жіберуді қамтамасыз етсін.

      4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Қ.Б. Қожахметовке жүктелсін.

      5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      КЕЛІСІЛДІ

      Қазақстан Республикасы

      Ұлттық экономика министрлігі

      Статистика комитеті

      Төраға _________ Ә. Смайылов

      2015 жылғы 30 маусым

Исламдық сақтандыру (қайта сақтандыру) ұйымының нормативтік
мәндері мен пруденциялық нормативтерді есептеу әдістемесін және
сақталуы міндетті өзге де нормалар мен лимиттерді белгілеу
жөніндегі нұсқаулық
1. Жалпы ережелер

      1. Осы Исламдық сақтандыру (қайта сақтандыру) ұйымының нормативтік мәндері мен пруденциялық нормативтерді есептеу әдістемесін және сақталуы міндетті өзге де нормалар мен лимиттерді белгілеу жөніндегі нұсқаулық (бұдан әрі – Нұсқаулық) "Сақтандыру қызметі туралы" 2000 жылғы 18 желтоқсандағы Қазақстан Республикасының Заңын іске асыру мақсатында әзірленді және исламдық сақтандыру (қайта сақтандыру) ұйымының нормативтік мәндері мен пруденциялық нормативтерді есептеу әдістемесін және сақталуы міндетті өзге де нормалар мен лимиттерді белгілейді.

      Нұсқаулықтың мақсаттары үшін:

      сақтандыру сыйлықақысы болып исламдық сақтандыру қорындағы сақтандыру сыйлықақысы танылады;

      сақтандыру резерві болып исламдық сақтандыру қорында қалыптастырылған сақтандыру резерві танылады;

      сақтандыру төлемі болып исламдық сақтандыру қорынан жүзеге асырылатын сақтандыру төлемі танылады;

      актив болып исламдық сақтандыру (қайта сақтандыру) ұйымының және исламдық сақтандыру қорының активі танылады;

      қайта сақтандырушылардан алынуға тиіс сома болып исламдық сақтандыру қорында қалыптастырылатын қайта сақтандырушылардан алынуға тиіс сома танылады;

      қайта сақтандыру активі болып исламдық сақтандыру қорындағы қайта сақтандыру активі танылады.

2. Исламдық сақтандыру (қайта сақтандыру) ұйымының
жарғылық капиталының ең аз мөлшері

      2. Жаңадан құрылатын исламдық сақтандыру (қайта сақтандыру) ұйымы үшін жарғылық капиталының ең аз мөлшері:

      "жалпы сақтандыру" саласы бойынша лицензия алған кезде – 1 100 000 000 (бір миллиард бір жүз миллион) теңге;

      "өмірді сақтандыру" саласы бойынша лицензия алған кезде – 1 200 000 000 (бір миллиард екі жүз миллион) теңге;

      "жалпы сақтандыру" саласы бойынша лицензия және исламдық қайта сақтандыру бойынша лицензия алған кезде – 1 200 000 000 (бір миллиард екі жүз миллион) теңге;

      "өмірді сақтандыру" саласы бойынша лицензия және исламдық қайта сақтандыру бойынша лицензия алған кезде – 1 300 000 000 (бір миллиард үш жүз миллион) теңге;

      қайта сақтандыруды айрықша қызмет түрі ретінде жүзеге асыру арқылы исламдық қайта сақтандыру бойынша лицензия алған кезде – 1 000 000 000 (бір миллиард) теңге болады.

      1. "Жалпы сақтандыру" саласындағы "ипотекалық сақтандыру" сыныбы бойынша лицензия алатын жаңадан құрылатын исламдық сақтандыру ұйымы үшін жарғылық капиталының ең аз мөлшері 1 600 000 000 (бір миллиард алты жүз миллион) теңге болады.

3. "Жалпы сақтандыру" саласы бойынша сақтандыру қызметін
жүзеге асыратын исламдық сақтандыру ұйымының және исламдық
қайта сақтандыру ұйымының төлем қабілеттілігі маржасының
ең аз мөлшері

      4. "Жалпы сақтандыру" саласы бойынша сақтандыру қызметін жүзеге асыратын исламдық сақтандыру ұйымының және исламдық қайта сақтандыру ұйымының төлем қабілеттілігі маржасының ең аз мөлшері Нұсқаулықтың 5 және 6-тармақтарында көзделген әдістер бойынша есептелген шамалардың біреуінің ең жоғарғы мәніне тең шаманы білдіріеді.

      5. Төлем қабілеттілігі маржасының ең аз мөлшерін "сыйлықақы әдісін" пайдалана отырып есептеу тәртібі:

      1) есептеу алдыңғы қаржы жылы үшін исламдық сақтандыру (қайта сақтандыру) шарттары бойынша қабылданған жиынтық сақтандыру сыйлықақыларының сомасын немесе алдыңғы қаржы жылы үшін еңбек сіңірілген жиынтық сақтандыру сыйлықақыларын негізге алып жүзеге асырылады, есеп үшін олардың ішіндегі ең жоғары шама алынады;

      2) исламдық сақтандыру (қайта сақтандыру) ұйымының көлiк құралдары иелерiнiң азаматтық-құқықтық жауапкершілігін мiндеттi сақтандыру сыныбы бойынша қабылданған жиынтық сақтандыру сыйлықақыларының сомасы 50 пайызға ұлғайтылады;

      3) алдыңғы қаржы жылы үшін исламдық сақтандыру (қайта сақтандыру) шарттары бойынша қабылданған жиынтық сақтандыру сыйлықақыларының (еңбек сіңірілген жиынтық сыйлықақыларының) сомасы исламдық сақтандыру қызметі бойынша комиссиялық сыйақы төлеу бойынша шығыстар сомасына, сондай-ақ негізгі қызметтен корпоративтік табыс салығының сомасына азайтылады;

      4) осы тармақтың 1), 2) және 3) тармақшаларына сәйкес есептелген, 1 500 000 000 (бір миллиард бес жүз миллион) теңгеден аспайтын мөлшердегі сақтандыру сыйлықақыларының сомасы 18 (он сегіз) пайызға көбейтіледі, қалған артық сомасы 16 (он алты) пайызға көбейтіледі. Алынған нәтиже қосылады және осы тармақтың 5) тармақшасына сәйкес есептелген түзету коэффициентіне түзетіледі;

      5) түзету коэффициенті алдыңғы үш қаржы жылында есептелген сақтандыру төлемдеріндегі қайта сақтандырушының үлесін шегергендегі жиынтық сақтандыру төлемдері сомасының алдыңғы үш қаржы жылында есептелген жиынтық сақтандыру төлемдері сомасына қатынасы ретінде есептеледі. Осы қатынас 0,5-тен төмен болмауға тиіс. Егер түзету коэффициентін есептеу нәтижесінде алынған шама 0,5-тен кем болса, онда есептеу үшін 0,5 алынады.

      Егер исламдық сақтандыру (қайта сақтандыру) ұйымы алдыңғы үш қаржы жылында сақтандыру төлемдерін жүзеге асырмаған болса, исламдық сақтандыру (қайта сақтандыру) ұйымның төлем қабілеттілігі маржасының ең аз мөлшерін есептеу кезінде түзету коэффициенті қолданылмайды.

      6. Төлем қабілеттілігі маржасының ең аз мөлшерін "төлем жасау әдісін" пайдалана отырып есептеу тәртібі:

      1) есептеу үшін алдыңғы үш қаржы жылында есептелген жиынтық сақтандыру төлемдерінің сомасы пайдаланылады;

      Заңның 6-бабының 3-тармағының 13), 14) тармақшаларында көрсетілген, тәуекелдерді сақтандырумен ғана айналысатын исламдық сақтандыру (қайта сақтандыру) ұйымы үшін есептеу үшін алдыңғы жеті қаржы жылындағы жиынтық сақтандыру төлемдерінің сомасы пайдаланылады;

      2) исламдық сақтандыру (қайта сақтандыру) ұйымы көлiк құралдары иелерiнiң азаматтық-құқықтық жауапкершілігін мiндеттi сақтандыру сыныбы бойынша жүзеге асырған жиынтық сақтандыру төлемдерінің сомасы 50 (елу) пайызға ұлғайтылады;

      3) жиынтық сақтандыру төлемдерінің сомасы алдыңғы қаржы жылының соңында мәлімделген, бірақ реттелмеген шығындар резерві сомасына ұлғайтылады және мыналарға:

      есепті қаржы жылының алдындағы үш жыл үшін қаржы жылының соңындағы мәлімделген, бірақ реттелмеген шығындар резерві сомасына;

      осы тармақтың 1) тармақшасының екінші абзацында көрсетілген исламдық сақтандыру (қайта сақтандыру) ұйымдары үшін – есепті қаржы жылының алдындағы жеті жыл үшін қаржы жылының соңындағы мәлімделген, бірақ реттелмеген шығындар резерві сомасына азайтылады;

      4) исламдық сақтандыру (қайта сақтандыру) ұйымының төлем қабілеттілігі маржасының ең аз мөлшерін есептеу үшін мыналар пайдаланылады:

      осы тармақтың 3) тармақшасының екінші абзацында көрсетілген соманың үштен бір бөлігі;

      осы тармақтың 1) тармақшасының екінші абзацында көрсетілген исламдық сақтандыру (қайта сақтандыру) ұйымдары үшін – осы тармақтың 3) тармақшасының үшінші абзацында көрсетілген соманың жетіден бір бөлігі;

      5) осы тармақтың 1) - 4) тармақшаларына сәйкес есептелген 1 000 000 000 (бір миллиард) теңгеден аспайтын мөлшердегі сақтандыру төлемдері сомасы 26 (жиырма алты) пайызға көбейтіледі, қалған артық сома 23 (жиырма үш) пайызға көбейтіледі. Алынған нәтижелер қосылады және Нұсқаулықтың 5-тармағының 5) тармақшасына сәйкес есептелген түзету коэффициентіне түзетіледі.

      Егер исламдық сақтандыру (қайта сақтандыру) ұйымы осы тармақтың 1) тармақшасында көрсетілген мерзім ішінде сақтандыру төлемдерін жүзеге асырмаса, онда төлем қабілеттілігі маржасының ең аз мөлшерін есептеу "төлем жасау әдісін" пайдаланбай жүзеге асырылады.

      7. "Ипотекалық сақтандыру" сыныбы бойынша сақтандыру (қайта сақтандыру) шарттары бойынша сақтандыру сыйлықақыларын қабылдайтын исламдық сақтандыру (қайта сақтандыру) ұйымдары үшін төлем қабілеттілігі маржасының ең аз мөлшері "ипотекалық сақтандыру" сыныбы бойынша есепті кезең соңында қолданыста болған сақтандыру (қайта сақтандыру) шарттары бойынша есепті кезең соңындағы сақтандыру сомасындағы қайта сақтандырушының үлесі шегерілген сақтандыру сомасының бес пайызына ұлғайтылады.

      Исламдық сақтандыру (қайта сақтандыру) ұйымы Заңның 26-баптарына сәйкес сақтандыру (қайта сақтандыру) ұйымдарының ірі қатысушылары болып табылатын тұлғалармен, сондай-ақ исламдық сақтандыру (қайта сақтандыру) ұйымының қомақты қатысуы бар не Заңның 32-бабына сәйкес еншілес ұйымы болып табылатын тұлғалармен "ипотекалық сақтандыру" сыныбы бойынша жасаған сақтандыру (қайта сақтандыру) шарттары бойынша төлем қабілеттілігі маржасының ең аз мөлшері есепті кезең соңында "ипотекалық сақтандыру" сыныбы бойынша қолданыста болған сақтандыру (қайта сақтандыру) шарттары бойынша есепті кезең соңындағы сақтандыру сомасындағы қайта сақтандырушының үлесі шегерілген сақтандыру сомасының 10 (он) пайызына ұлғайтылады.

      8. Егер исламдық сақтандыру (қайта сақтандыру) ұйымының есепті кезеңдегі төлем қабілеттілігі маржасының ең аз мөлшері алдыңғы қаржы жылындағы мөлшерден аз болса, есепті кезеңдегі төлем қабілеттілігі маржасының ең аз мөлшері өткен жылдың осындай кезеңдегі төлем қабілеттілігі маржасының Нұсқаулықтың 9-тармағына сәйкес есептелген резервтік коэффициентке түзетілген ең аз мөлшеріне тең болады.

      Егер өткен жылдың осындай кезеңдегі резервтік коэффициентке түзетілген төлем қабілеттілігі маржасының ең аз мөлшері есепті кезеңдегі төлем қабілеттілігі маржасының ең аз мөлшерінен төмен болса, есептеу үшін есепті кезеңдегі төлем қабілеттілігі маржасының ең аз мөлшері пайдаланылады.

      9. Резерв коэффициенті алдыңғы қаржы жылының басындағы қайта сақтандырушының үлесі шегерілген мәлімделген, бірақ реттелмеген шығындар резервінің сомасына алдыңғы қаржы жылының соңындағы қайта сақтандырушының үлесі шегерілген мәлімделген, бірақ реттелмеген шығындар резерві сомасының қатынасы ретінде есептеледі. Осы қатынас 1-ден артық болмауға тиіс. Егер есептеу нәтижесінде алынған резерв коэффициентінің шамасы 1-ден асса, онда есептеу үшін 1 алынады.

4. "Өмірді сақтандыру" саласы бойынша сақтандыру қызметін
жүзеге асыратын исламдық сақтандыру ұйымының төлем
қабілеттілігі маржасының ең аз мөлшері

      10. Қызметін "өмірді сақтандыру" саласында жүзеге асыратын исламдық сақтандыру ұйымы үшін төлем қабілеттілігі маржасының ең аз мөлшерін есептеу мынадай сақтандыру сыныптары және түрлері бойынша жеке-жеке жүргізіледі:

      1) өмірді сақтандыру және аннуитеттік сақтандыру сыныбы бойынша;

      2) сақтанушының исламдық сақтандыру ұйымының инвестицияларына қатысуымен өмірді сақтандыруды көздейтін сақтандыру түрі бойынша;

      3) жазатайым оқиғалардан сақтандыру және ауырған жағдайдан сақтандыру сыныбы бойынша.

      Исламдық сақтандыру ұйымының төлем қабілеттілігі маржасының ең аз мөлшерін есептеу үшін осы Нұсқаулықтың 11, 15 және 16-тармақтарына сәйкес алынған сомалар қабылданады.

      11. Исламдық сақтандыру ұйымының Нұсқаулықтың 10-тармағының 1) тармақшасында көрсетілген сақтандыру сыныптары бойынша төлем қабілеттілігі маржасының ең аз мөлшерінің есебі Нұсқаулықтың 12 және 14-тармақтарына сәйкес есептелген мәндердің сомасына тең шаманы білдіреді.

      12. Тәуекелі бар капитал теріс мәнді болып табылмайтын, қайтыс болған жағдайда өмірді сақтандыру шарттары бойынша төлем қабілеттілігі маржасының ең аз мөлшері мынадай шамалардың сомасына тең болады:

      1) қайтыс болған жағдайда өмірді сақтандыру шарттары бойынша (3 жылға дейінгі мерзімге) – тәуекелі бар капитал сомасының 0,1% Нұсқаулықтың 13-тармағының екінші бөлігіне сәйкес есептелген түзету коэффициентіне көбейтіледі;

      2) қайтыс болған жағдайда өмірді сақтандыру шарттары бойынша (3 (үш) жылдан бастап 5 (бес) жылға дейінгі мерзімге) – тәуекелі бар капитал сомасының 0,15% Нұсқаулықтың 13-тармағының екінші бөлігіне сәйкес есептелген түзету коэффициентіне көбейтіледі;

      3) қайтыс болған жағдайда өмірді сақтандырудың басқа шарттары бойынша – тәуекелі бар капитал сомасының 0,3% Нұсқаулықтың

      13-тармағының екінші бөлігіне сәйкес есептелген түзету коэффициентіне көбейтіледі.

      13. Тәуекелі бар капитал алдыңғы қаржы жылының соңында қолданыстағы қайтыс болған жағдайда өмірді сақтандыру шарттары бойынша олар бойынша қалыптастырылған сақтандыру резервтерінің сомасына кемітілген жиынтық сақтандыру сомасын білдіреді.

      Түзету коэффициенті тәуекелі бар капиталға қайтыс болған жағдайда өмірді сақтандыру шарттары бойынша қайта сақтандырушының үлесі шегерілген тәуекелі бар капиталдың қатынасы ретінде есептеледі. Осы қатынас 0,5-тен кем болмауға тиіс. Егер түзету коэффициенті есептеу нәтижесінде алынған шама 0,5-тен кем болса, есептеу үшін 0,5 алынады.

      14. Нұсқаулықтың 10-тармағының 1) тармақшасында көрсетілген сыныптар бойынша қалған сақтандыру шарттары бойынша төлем қабілеттілігі маржасының ең аз мөлшері қалыптасқан сақтандыру резервтері сомасының 4 (төрт) пайызының және осы тармақтың екінші абзацына сәйкес есептелген түзету коэффициентіне көбейтіндісіне тең болады.

      Түзету коэффициенті алдыңғы қаржы жылының соңындағы сақтандыру резервіндегі қайта сақтандырушының үлесі шегерілген қалыптастырылған сақтандыру резервтері сомасының алдыңғы қаржы жылының соңында қалыптастырылған сақтандыру резервтерінің жалпы сомасына қатынасы ретінде есептеледі. Осы қатынас 0,85-тен кем болмауға тиіс. Егер түзету коэффициентін есептеу нәтижесінде алынған шама 0,85-тен кем болса, онда есептеу үшін 0,85 алынады.

      15. "Сақтанушының исламдық сақтандыру ұйымының инвестицияларына қатысуымен өмірді сақтандыру" сақтандырудың түрі бойынша исламдық сақтандыру ұйымы үшін төлем қабілеттілігі маржасының ең аз мөлшері мынадай шамалардың қосындысына тең мәнді білдіреді:

      1) исламдық сақтандыру ұйымы инвестициялық тәуекелге ұшырайтын шарттар бойынша Нормативтік құқықтық актілерді мемлекеттік тіркеу тізілімінде № 6540 тіркелген, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Сақтанушының сақтандыру ұйымының инвестицияларына немесе кірістеріне қатысу ережесін бекіту туралы" 2010 жылғы 3 қыркүйектегі № 134 қаулысына (бұдан әрі - № 134 қаулы) сәйкес есептелген ішкі резерв қоры сомасының 4 (төрт) пайызы;

      2) исламдық сақтандыру ұйымы инвестициялық тәуекелдерге ұшырамайтын және әкімшілік шығыстарды жабуға бөлінетін қаражат сомасы белгіленген шарттар бойынша № 134 қаулыға сәйкес есептелген ішкі резерв қоры сомасының 1 (бір) пайызы;

      3) исламдық сақтандыру ұйымы инвестициялық тәуекелге ұшырамайтын және әкімшілік шығыстарды жабуға бөлінетін қаражат сомасы белгіленбеген шарттар бойынша алдыңғы қаржы жылындағы әкімшілік шығыстар сомасының 25 (жиырма бес) пайызы.

      16. Жазатайым жағдайлардан сақтандыру және ауырған жағдайдан сақтандыру сыныптары бойынша төлем қабілеттілігі маржасының ең аз мөлшері Нұсқаулықтың 4, 5 және 6-тармақтарына сәйкес есептеледі.

5. Исламдық сақтандыру (қайта сақтандыру) ұйымының нақты
төлем қабілеттілігі маржасының есебі

      17. Нақты төлем қабілеттілігі маржасы:

      мыналар:

      исламдық сақтандыру (қайта сақтандыру) ұйымының негізгі қызметінің мақсаттары үшін сатып алынған бағдарламалық қамтамасыз етуді қоспағанда, материалдық активтер шегерілген. Исламдық сақтандыру (қайта сақтандыру) ұйымының негізгі қызметінің мақсаттары үшін сатып алынған бағдарламалық қамтамасыз ету исламдық сақтандыру (қайта сақтандыру) ұйымының бухгалтерлік есебінде нақты төлем қабілеттілігі маржасын есептеу күніне көрсетілген және исламдық сақтандыру (қайта сақтандыру) ұйымы активтерінің 10 (он) пайызынан аспайтын оның баланстық құны мөлшерінде алынады.

      алдыңғы жылдардағы жабылмаған зиян;

      есепті кезеңдегі жабылмаған зиян;

      басқа заңды тұлғалардың капиталына инвестициялар

      шегерілген

      төленген жарғылық капиталдың;

      төленуге тиіс дивидендтер шегерілген алдыңғы жылдардың бөлінбеген кірісінің (оның ішінде қорлар, көзделмеген тәуекелдер резерві, тұрақтандыру резерві, өткен жылдардың таза кірісі есебінен қалыптастырылған резервтер) сомасы ретінде есептеледі.

      18. Нақты төлем қабілеттілігі маржасы нақты төлем қабілеттілігі маржасының немесе төлем қабілеттілігі маржасының ең аз мөлшерінің (қай көрсеткіштің төмендеу болуына байланысты) 50 (елу) пайызынан аспайтын сомадағы реттелген борыш сомасына ұлғайтылады. Сомасы бойынша өтеу мерзімі белгіленген реттелген борыш реттелген борыш сомасының 50 (елу) пайызынан аспайды.

      19. Исламдық сақтандыру (қайта сақтандыру) ұйымының реттелген борышы – бұл исламдық сақтандыру (қайта сақтандыру) ұйымының қамтамасыз етілмеген міндеттемесі. Реттелген борыш мынадай талаптарға сәйкес келеді:

      1) исламдық сақтандыру (қайта сақтандыру) ұйымы нақты алған ақшаның толығымен төленген сомасы ғана есепке алынады;

      2) исламдық сақтандыру (қайта сақтандыру) ұйымы таратылған кезде Заңның 72-бабында белгіленген кезектілікпен қанағаттандырылады;

      3) исламдық сақтандыру (қайта сақтандыру) ұйымы оны өтейді (толық немесе ішінара), оның ішінде, қаржы нарығын және қаржы ұйымдарын реттеу, бақылау мен қадағалау жөніндегі уәкілетті органның (бұдан әрі - уәкілетті орган) қорытындысына сәйкес осындай өтеу кейіннен сақтандыру (қайта сақтандыру) ұйымының Нұсқаулықта белгіленген пруденциалдық нормативтерді сақтамауына әкелмейді деген шартпен мерзімнен бұрын исламдық сақтандыру (қайта сақтандыру) ұйымының бастамасы бойынша ғана өтеледі;

      4) өтеу мерзімі белгіленген реттелген борышты өтеу мерзімі бес жылдан кем болмайды. Исламдық сақтандыру (қайта сақтандыру) ұйымы өтеу күніне дейінгі кем дегенде бір жыл бұрын уәкілетті органға өтеу сәтіндегі нақты төлем қабілеттілігі маржасын қамтамасыз ету жоспарын береді. Бұл талап реттелген борыш нақты төлем қабілеттілігі маржасының есебіне мынадай тәртіппен енгізілген жағдайларда қолданылмайды:

      борышты өтеу мерзімі басталғанға дейінгі бес жылдан асатын мерзім ішінде - борыштың толық сомасын, борышты өтеу мерзімі басталғанға дейін қалған бес жыл ішінде:

      1-ші жыл – реттелген борыш сомасының 100 (бір жүз) пайызы;

      2-ші жыл - реттелген борыш сомасының 80 (сексен) пайызы;

      3-ші жыл - реттелген борыш сомасының 60 (алпыс) пайызы;

      4-ші жыл – реттелген борыш сомасының 40 (қырық) пайызы;

      5-ші жыл - реттелген борыш сомасының 20 (жиырма) пайызы;

      5) исламдық сақтандыру (қайта сақтандыру) ұйымы белгіленген өтеу мерзімі жоқ реттелген борышты өтеген жағдайда, болжамдалатын өтеу мерзіміне дейін кемінде бес жыл бұрын уәкілетті органға нақты төлем қабілеттілігі маржасын қамтамасыз ету жоспарын береді. Осы талап исламдық сақтандыру (қайта сақтандыру) ұйымы реттелген борышты нақты төлем қабілеттілігі маржасының есебіне енгізбеген, сондай-ақ оны мерзімінен бұрын өтеген жағдайда қолданылмайды. Бұл жағдайда исламдық сақтандыру (қайта сақтандыру) ұйымы осындай өтеуге дейінгі және кейінгі нақты төлем қабілеттілігі маржасын қамтамасыз ету жоспарын алдын-ала бере отырып, болжамдалып отырған өтеу күніне дейінгі алты ай бұрын реттелген борышты мерзімінен бұрын өтеуге уәкілетті органның қорытындысын алады;

      6) реттелген борыш исламдық сақтандыру (қайта сақтандыру) ұйымын таратуды қоспағанда, уәкілетті органмен келісілген күннен басқа күні өтелуге жатпайды;

      7) реттелген борыш талаптарын өзгерту уәкілетті органмен келісілген жағдайда ғана жүзеге асырылады.

      20. Нақты төлем қабілеттілігі маржасы Нұсқаулықтың 26-тармағына сәйкес есептелген, қайта сақтандырушының үлесі шегерілген сақтандыру резервтерінің және сақтандыру резервтерін қоспағандағы міндеттемелердің сомасына кемітілген активтермен қамтамасыз етіледі.

      Егер нақты төлем қабілеттілігі маржасы осы тармақтың бірінші абзацына сәйкес есептелген активтер сомасымен қамтамасыз етілмесе, онда нақты төлем қабілеттілігі маржасы сақтандыру резервтері мен сақтандыру резервтерін қоспағандағы міндеттемелер шегерілген, сапасы мен өтімділігі бойынша жіктелімін ескеріп есептелген активтердің арасындағы айырманы құрайды.

6. Кепілдік беру қорының ең аз мөлшері

      21. Исламдық сақтандыру (қайта сақтандыру) ұйымдары үшін кепілдік беру қорының ең аз мөлшері мына шамалардан кем болмауы тиіс:

      "жалпы сақтандыру" саласы бойынша лицензиясы бар исламдық сақтандыру (қайта сақтандыру) ұйымы үшін – 600 000 000 (алты жүз миллион) теңге;

      "өмірді сақтандыру" саласы бойынша лицензиясы бар исламдық сақтандыру (қайта сақтандыру) ұйымы үшін – 1 100 000 000 (бір миллиард бір жүз миллион) теңге;

      Заңның 6-бабы 3-тармағының 9), 10), 11), 12), 13), 14) және 15) тармақшаларында көрсетілген сақтандырудың ерікті нысанындағы сыныптары бойынша және сақтандырудың міндетті нысанындағы сыныптарының кез келгені бойынша лицензиясы бар исламдық сақтандыру (қайта сақтандыру) ұйымы үшін - 1 000 000 000 (бір миллиард) теңге;

      қайта сақтандыруды айрықша қызмет түрі ретінде жүзеге асыратын исламдық қайта сақтандыру (қайта сақтандыру) ұйымы үшін - 780 000 000 (жеті жүз сексен миллион) теңге.

      Егер исламдық сақтандыру (қайта сақтандыру) ұйымының есепті күндегі міндеттемелерінің жалпы көлеміндегі Заңның 6-бабы 3-тармағының 2) тармақшасында көрсетілген сынып бойынша міндеттемелердің үлесі 90 (тоқсан) пайыздан астам болса, исламдық сақтандыру (қайта сақтандыру) ұйымдары үшін кепілдік беру қорының ең аз мөлшері 10 (он) пайызға азайтылады.

      22. "Ипотекалық сақтандыру" сыныбы бойынша "жалпы сақтандыру" саласы бойынша лицензиясы бар исламдық сақтандыру ұйымы үшін кепілдік беру қорының мөлшері кемінде 1 500 000 000 (бір миллиард бес жүз миллион) теңгені құрайды.

7. Төлем қабілеттілігі маржасының жеткіліктілігі және
кепілдік беру қорының нормативі

      23. Егер төлем қабілеттілігі маржасының ең аз мөлшері ең аз кепілдік беру қорынан төмен болса, онда төлем қабілеттілігі маржасының ең аз мөлшері ең аз кепілдік беру қорына тең шаманы құрайды.

      24. Исламдық сақтандыру (қайта сақтандыру) ұйымының төлем қабілеттілігі маржасының немесе кепілдік беру қорының ең аз мөлшері осы Нұсқаулықтың 1-қосымшасына сәйкес нысан бойынша қайта сақтандырушының қаржылық сенімділік рейтингіне немесе Қазақстан Республикасынының резиденті-қайта сақтандыру ұйымының нақты төлем қабілеттілігі маржасының жеткіліктілігі нормативінің мәніне байланысты қолданыстағы исламдық қайта сақтандыру шарттары бойынша Қазақстан Республикасының резиденттері және бейрезиденттері – исламдық сақтандыру (қайта сақтандыру) ұйымдарына қайта сақтандыруға берілетін (берілген) міндеттемелер сомасына өсіріледі.

      Қайта сақтандырушының рейтингтік бағасы немесе төлем қабілеттілігі маржасының жеткіліктілігі нормативінің мәні төмендетілген жағдайда, исламдық сақтандыру (қайта сақтандыру) ұйымы қайта сақтандырушының рейтингтік бағасын немесе төлем қабілеттілігі маржасының жеткіліктілігі нормативінің мәнін қайта сақтандыру шартының қолданыс мерзімі ішінде, бірақ 12 (он екі) айдан аспайтын мерзім ішінде қайта сақтандыру шарты жасалған күні пайдаланады.

      25. Төлем қабілеттілігі маржасының жеткіліктілігі нормативі нақты төлем қабілеттілігі маржасының төлем қабілеттілігі маржасының ең аз мөлшеріне қатынасы ретінде мынадай формула бойынша есептеледі:

      НТҚМ

      ТҚМЖН = ----------------- >= 1,

      ТҚМЕАМ

      мұнда:

      ТҚМЖН - төлем қабілеттілігі маржасының жеткіліктілігі нормативі;

      НТҚМ - нақты төлем қабілеттілігі маржасы;

      ТҚМЕАМ - төлем қабілеттілігі маржасының ең аз мөлшері.

      Исламдық сақтандыру (қайта сақтандыру) ұйымының төлем қабілеттілігі маржасының жеткіліктілігі нормативі бірден кем болмауы тиіс.

      26. Исламдық сақтандыру (қайта сақтандыру) ұйымы активтерінің сапасы мен өтімділігі бойынша жіктелуін ескере отырып олардың құнын есептеуге мыналар кіреді:

      1) ақша:

      қайта сақтандыру активтерін шегергенде исламдық сақтандыру (қайта сақтандыру) ұйымы активтері сомасының бір пайызынан аспайтын сомада кассадағы ақша - баланстық құнының 100 (бір жүз) пайызы көлемінде;

      Нұсқаулықтың 31-тармағының 3) тармақшасында көрсетілген Қазақстан Республикасының екінші деңгейдегі банктеріндегі жолдағы ақша - баланстық құнының 100 (бір жүз) пайызы көлемінде;

      Нұсқаулықтың 31-тармағының 3) тармақшасында көрсетілген Қазақстан Республикасының екінші деңгейдегі банктеріндегі және Қазақстан Республикасының Ұлттық Банкіндегі ағымдағы шоттардағы ақша - баланстық құнының бір жүз пайызы көлемінде;

      2) Нұсқаулықтың 31-тармағының 3) тармақшасында көрсетілген Қазақстан Республикасының екінші деңгейдегі банктерінде және Қазақстан Республикасының Ұлттық Банкінде орналастырылған салымдар - Нұсқаулықтың 2 және 3-қосымшаларына сәйкес нысан бойынша көлемдерде;

      3) Нұсқаулықтың 31-тармағының 4), 5), 6), 7), 8), 9), 10), 11), 12) және 13) тармақшаларында көрсетілген қаржы құралдары - Нұсқаулықтың 2-қосымшасына сәйкес нысан бойынша көлемде;

      4) "Сақтандыру төлемдерiне кепілдік беру қоры" акционерлік қоғамының акциялары - күмәнді борыштар бойынша резервті шегергендегі, баланстық құнының (есептелген сыйақыны ескергендегі) бір жүз пайызы көлемінде;

      5) материалдық емес активтер:

      исламдық сақтандыру (қайта сақтандыру) ұйымының негізгі қызметінің мақсаты үшін сатып алынған бағдарламалық қамтамасыз ету - жинақталған амортизацияны ескергендегі өзіндік құнның және қайта сақтандыру активтерін шегере отырып, исламдық сақтандыру (қайта сақтандыру) ұйымының активтерінің он пайызынан аспайтын мөлшерде;

      6) қайта сақтандырушылардан алынатын сомалар, күмәнді борыштар бойынша резервті шегергенде, қайта сақтандыру активтерін алып тастағанда сақтанушылардан (қайта сақтанушылардан) және делдалдардан алынатын исламдық сақтандыру (қайта сақтандыру) ұйымының активтері сомасының он пайызынан аспайтын сомадағы сақтандыру сыйлықақылары.

      Сақтанушылардан алынатын сақтандыру сыйлықақылары сақтанушы сақтандыру шарты бойынша сақтандыру сыйлықақысының он екіден бір бөлігін немесе жинақтаушы сақтандыру шарты бойынша бірінші сақтандыру жарнасын төлеген жағдайда Исламдық сақтандыру (қайта сақтандыру) ұйымы активтерінің сапасы мен өтімділігі бойынша жіктелуін ескере отырып олардың құнын есептеуге енгізіледі.

      Қайта сақтанушылардан алынатын сақтандыру сыйлықақылары қайта сақтанушы қайта сақтандыру шарты бойынша сақтандыру сыйлықақысының он екіден бір бөлігін төлеген жағдайда Исламдық сақтандыру (қайта сақтандыру) ұйымы активтерінің сапасы мен өтімділігі бойынша жіктелуін ескере отырып олардың құнын есептеуге енгізіледі;

      7) қайта сақтандыру активтерін шегере отырып, исламдық сақтандыру (қайта сақтандыру) ұйымының активтер сомасының бес пайызынан аспайтын сомадағы жылжымайтын мүлік түріндегі негізгі құрал-жабдықтар - жинақталған амортизацияны ескере отырып, баланстық құнының бір жүз пайызы көлемінде.

      Исламдық сақтандыру (қайта сақтандыру) ұйымы активтерінің сапасы мен өтімділігі бойынша жіктелуін ескере отырып олардың құнын есептеуге шарт талаптары бойынша мерзімі өткен дебиторлық берешек, сақтандырып (қайта сақтандырып) қорғаудың қолданыс мерзімі туындамаған сақтандыру шарттары бойынша қалыптасқан дебиторлық берешек, сондай-ақ ірі қатысушылардың, еншілес ұйымдардың, исламдық сақтандыру (қайта сақтандыру) ұйымы ірі қатысушы болып табылатын немесе қомақты үлесі бар ұйымдардың, сондай-ақ өзге де үлестес ұйымдардың дебиторлық берешегі енгізілмейді.

      27. Исламдық сақтандыру (қайта сақтандыру) ұйымы қайта сақтандырушының үлесі шегерілген, сақтандыру резервтері сомасына жоғары өтімді активтер құнының қатынасы ретінде мынадай формула бойынша есептелетін жоғары өтімді активтердің жеткіліктілігі нормативін күнделікті сақтайды:

      ЖӨА

      ЖӨАЖН = ------------- >1,

      СР

      мұнда:

      ЖӨАЖН - жоғары өтімді активтердің жеткіліктілігі нормативі;

      ЖӨА - Нұсқаулықтың 31-тармағында көрсетілген жоғары өтімді активтердің күнтізбелік күн соңындағы құны;

      СР - Нормативтік құқықтық актілерді мемлекеттік тіркеу тізілімінде № 9529 тіркелген, Қазақстан Республикасы Ұлттық Банкі Басқармасының "Сақтандыру резервтерін қалыптастыруға, есептеу әдiстемесiне және олардың құрылымына қойылатын талаптарды бекіту туралы" 2014 жылғы 6 мамырдағы № 76 қаулысына (бұдан әрі - № 76 қаулы) сәйкес есептелген қайта сақтандырушының соңғы есепті айдың соңындағы үлесі шегерілген исламдық сақтандыру ұйымының сақтандыру резервтерінің сомасы. Сақтандыру резервтерінің сомасы уәкілетті органға ай сайынғы қаржылық және өзге де есептілікті ұсынған күнге дейін пайдаланылады

      Жоғары өтімді активтер жеткіліктілігінің нормативі бірден кем болмайды.

      28. Нұсқаулықтың 20-тармағына сәйкес Активтердің сапасы мен өтімділігі бойынша жіктелуін ескере отырып, жоғары өтімді активтердің жеткіліктілігі нормативін және нақты төлем қабілеттілігі маржасын есептеген кезде сақтандыру резервтеріндегі қайта сақтандырушының үлесі сомасына Қазақстан Республикасының резидент исламдық сақтандыру (қайта сақтандыру) ұйымдарымен және Қазақстан Республикасының бейрезидент исламдық сақтандыру (қайта сақтандыру) ұйымдарымен жасалған қайта сақтандыру шарттары бойынша сақтандыру резервтеріндегі қайта сақтандырушының үлесі мына жағдайлардың бірі болғанда енгізілмейді:

      Қазақстан Республикасының бейрезидент исламдық сақтандыру (қайта сақтандыру) ұйымының "Standard & Poor's" агенттігінің "B-"-тен төмен халықаралық рейтингтік бағасы немесе басқа рейтингтік агенттіктердің бірінің осындай деңгейдегі рейтингісі бар немесе осы рейтингтік агенттіктердің рейтингтік бағасы жоқ болған;

      қайта сақтанушыда (цедентте) Қазақстан Республикасының бейрезидент сақтандыру (қайта сақтандыру) ұйымының қаржылық тұрақтылығы туралы ақпарат, оның ішінде қайта сақтандыру шартын жасаған күннің алдындағы соңғы үш қаржы жылының қаржылық есептілігі және ол тіркелген елдің уәкілетті органының қайта сақтандыру шартын жасаған күнге дейінгі соңғы есепті кезең ішінде төлем қабілеттігі маржасы (меншікті капиталы) бойынша талаптарының сақталуы туралы ақпарат жоқ болған;

      сақтандыру тәуекелдерін тапсыру кезінде факультативтік қайта сақтандыру шарты бойынша сақтандыру сыйлықақысының мөлшері, қайта сақтандыру шарты бойынша міндеттемелерді орындау валютасы бағамының өзгеруі нәтижесінде асып түсу жағдайын қоспағанда, сақтандыру шарты бойынша сыйлықақы мөлшерінен асып түседі;

      қайта сақтандыру шарты жауапкершілік көлемінің кемінде (10) он пайызын және сақтандыру сыйлықақысының 50 (елу) пайызынан астамын беруді көздейді;

      қайта сақтандыру шарты қайта сақтанушының (цеденттің) қайта сақтандыру саясатына, сондай-ақ Нормативтік құқықтық актілерді мемлекеттік тіркеу тізілімінде № 6113 тіркелген, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Сақтандыру (қайта сақтандыру) ұйымдарында тәуекелдерді басқару және ішкі бақылау жүйелерінің болуына қойылатын талаптар жөніндегі нұсқаулықты бекіту туралы" 2010 жылғы 1 ақпандағы № 4 қаулысының ережелеріне қайшы жасалған;

      қайта сақтандыру шартында қайта сақтанушыны (цедентті) және сақтандырылған тұлғаны қоспағанда, қайта сақтанушының (цеденттің) үлестес тұлғасының және (немесе) сақтанушының үлестес тұлғасының сақтандыру сыйлықақысының, пайданың және (немесе) қайта сақтандыру шарты немесе шарттар тобы бойынша қайта сақтанушының кірістері мен шығыстары арасындағы оң айырмасының бір бөлігін алуы туралы талабы бар;

      қайта сақтандыру шартында шарт немесе көлік құралдары иелерінің азаматтық-құқықтық жауапкершілігін міндетті сақтандыру сыныбы бойынша барлық сақтандыру тәуекелдерін немесе бір бөлігін қайта сақтандыруға беру көзделеді.

      29. Нұсқаулықтың мақсаты үшін факультативті қайта сақтандыру шарты болып талабы бойынша қайта сақтандырушыда сақтандыруды жабу таратылатын сақтандыру шарты бойынша сақтандыру оқиғасы басталған кезде қайта сақтандыру төлемін жүргізу міндеттемесі, ал қайта сақтанушыда (цедентте) қайта сақтандырушыға сақтандыру сыйлықақысын төлеу, сондай-ақ осы келісімде көзделген өзге міндеттемелерді орындау міндеті туындайтын, қайта сақтанушы (цедент) және қайта сақтандырушы арасындағы келісім танылады.

      30. Уәкілетті орган "Standard & Poor's" агенттігінің рейтингтік бағаларынан басқа "Moody's Investors Service", "Fitch" және "A.M. Best" агенттіктерінің, сондай-ақ олардың еншілес рейтингтік ұйымдарының (бұдан әрі - басқа рейтингтік агенттіктер) рейтингтік бағаларын да мойындайды. Бұл ретте A.M. Best агенттігінің рейтингтік бағалары Нұсқаулыққа 1-қосымшаға сәйкес "Ең төменгі төлем қабілеттілігі маржасының немесе кепілдік беру қорының ең аз мөлшерін ұлғайту сомасы" нысанын толтыру мақсаттары үшін ғана пайдаланылады.

      Нұсқаулықтың мақсаттары үшін исламдық сақтандыру (қайта сақтандыру) ұйымының ұзақмерзімді кредиттік рейтингтері, қаржылық тұрақтылығы рейтингтері немесе Нұсқаулықтың 4-қосымшасында көрсетілген оларға сәйкес келетін рейтингтер пайдаланылады.

      31. Исламдық сақтандыру (қайта сақтандыру) ұйымының мынадай активтері жоғары өтімді активтер ретінде танылады:

      1) қайта сақтандыру активтерін шегергенде исламдық сақтандыру (қайта сақтандыру) ұйымының активтері сомасының бір пайызынан аспайтын сомадағы кассадағы ақшасы;

      2) Қазақстан Республикасының Ұлттық Банкіндегі салымдары;

      3) мынадай талаптардың біріне сәйкес келетін:

      Standard & Poor's агенттігінің "ВВ-"-тен төмен емес ұзақмерзімді кредиттік рейтингі немесе басқа рейтингтік агенттіктердің бірінің осыған ұқсас деңгейдегі рейтингі немесе Standard & Poor's ұлттық шкала бойынша "kzBB"-дан төмен емес рейтингтік бағасы немесе басқа рейтингтік агенттіктердің бірінің ұлттық шкаласы бойынша осыған ұқсас деңгейдегі рейтингі бар;

      Қазақстан Республикасының бейрезидент бас банктерінде Standard & Poor's агенттігінің "А-"-тен төмен емес шетел валютасында ұзақмерзімді кредиттік рейтингі немесе басқа рейтингтік агенттіктердің бірінің осыған ұқсас деңгейдегі рейтингі бар Қазақстан Республикасының резидент еншілес банктер болып табылатын Қазақстан Республикасының екінші деңгейдегі банктеріндегі салымдары;

      4) Қазақстан Республикасының Қаржы министрлігі және Қазақстан Республикасының Ұлттық Банкі шығарған (оның ішінде басқа мемлекеттердің заңнамаларына сәйкес айналысқа шығарылған) Қазақстан Республикасының мемлекеттік бағалы қағаздары;

      5) Қазақстан Республикасының аумағында қызметін жүзеге асыратын "Қазақстан қор биржасы" (бұдан әрі - қор биржасы) акционерлік қоғамының ресми тізіміне енгізілген облыстардың, республикалық маңызы бар қаланың, астананың жергілікті атқарушы органдары шығарған борыштық бағалы қағаздары;

      6) "Самұрық-Қазына" ұлттық әл-ауқат қоры" акционерлік қоғамы және "Бәйтерек" ұлттық басқарушы холдингі" шығарған борыштық бағалы қағаздар;

      7) Қазақстан Республикасының аумағында қызметін жүзеге асыратын қор биржасының ресми тізіміне кіретін Қазақстан Республикасының заңды тұлғаларының мемлекеттік емес бағалы қағаздары:

      Standard & Poor's агенттігінің "ВВ-"-тен төмен емес халықаралық рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі немесе Standard & Poor's ұлттық шкаласы бойынша "kzBB"-дан төмен емес рейтингтік бағасы немесе басқа рейтингтік агенттіктердің бірінің ұлттық шкаласы бойынша осыған ұқсас деңгейдегі рейтингі бар эмитенттердің акциялары және осы акциялар базалық активі болып табылатын депозитарлық қолхаттары;

      Қазақстан Республикасының заңнамасына сәйкес шығарылған, Нормативтік құқықтық актілерді мемлекеттік тіркеу тізілімінде № 9871 тіркелген, Қазақстан Республикасының Ұлттық Банкі Басқармасының "Эмитенттерге және олардың қор биржасында айналысқа жіберілетін (жіберілген) бағалы қағаздарына, сондай-ақ қор биржасы тізімінің жекелеген санаттарына қойылатын талаптарды бекіту туралы" 2014 жылғы 22 қазандағы № 189 қаулысында (бұдан әрі - № 189 қаулы), көзделген "акциялар" секторының талаптарына сәйкес келетін акциялар және осы акциялар базалық активі болып табылатын депозитарлық қолхаттары;

      Қазақстан Республикасының және басқа мемлекеттердің заңнамаларына сәйкес шығарылған, Standard & Poor's агенттігінің "В-"-тен төмен емес халықаралық рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі немесе Standard & Poor's ұлттық шкаласы бойынша "kzB"-дан төмен емес рейтингтік бағасы немесе басқа рейтингтік агенттіктердің бірінің ұлттық шкаласы бойынша осыған ұқсас деңгейдегі рейтингі бар исламдық борыштық бағалы қағаздары;

      осы тармақтың 7) тармақшасының төртінші абзацында көрсетілген деңгейден төмен емес рейтингтік бағасы бар, сондай-ақ № 189 қаулыға сәйкес "квазимемлекеттік сектор субъектілерінің борыштық бағалы қағаздары" санаты бойынша қор биржасының ресми тізіміне енгізілген, рейтингтік бағасы жоқ исламдық борыштық бағалы қағаздары;

      8) осы тармақтың 7) тармақшасының төртінші және бесінші абзацтарында көрсетілген бағалы қағаздарды қоспағанда, Қазақстан Республикасының резидент-ұйымдары Қазақстан Республикасының және басқа мемлекеттердің заңнамаларына сәйкес шығарған, қор биржасының ресми тізіміне енгізілген, мынадай талаптарға сәйкес келетін мемлекеттік емес исламдық борыштық бағалы қағаздары:

      исламдық борыштық бағалы қағаздардың эмитентін мемлекеттік тіркеу оның бағалы қағаздарын қор биржасының ресми тізіміне енгізу туралы өтініш берілген күнге дейін кем дегенде екі жыл бұрын жүзеге асырылған;

      исламдық борыштық бағалы қағаздардың эмитенті қаржылық есептілікті қаржылық есептіліктің халықаралық стандарттарына (International Financial Reporting Standards - IFRS) (бұдан әрі - ҚЕХС) немесе Америка Құрама Штаттарында (General Accepted Accounting Principles - GAAP) (бұдан әрі - АҚШ ҚЕС) қолданылатын қаржылық есептіліктің стандарттарына сәйкес жасайды;

      исламдық борыштық бағалы қағаздар эмитентінің қаржылық есептілігінің аудитін қор биржасы танитын аудиторлық ұйымдардың тізбесіне кіретін аудиторлық ұйымдардың бірі жүргізеді;

      аудиторлық есеппен расталған исламдық борыштық бағалы қағаздар эмитентінің қаржылық есептілігі кем дегенде аяқталған екі қаржы жылы үшін ұсынылған;

      исламдық борыштық бағалы қағаздар эмитентінің меншікті капиталы аудиторлық есеппен расталған, соңғы есепті күнге қаржылық есептілікке сәйкес тиісті қаржы жылына арналған республикалық бюджет туралы заңда белгіленген, айлық есептік көрсеткіштің екі миллион елу мың еселенген мөлшерінен кем емес балама соманы құрайды;

      исламдық борыштық бағалы қағаздар эмитентінің соңғы екі жылдың біреуіндегі таза пайдасы аудиторлық есеппен расталған, соңғы есепті күнге жасалған қаржылық есептілікке сәйкес тиісті қаржы жылына арналған республикалық бюджет туралы заңда белгіленген, айлық есептік көрсеткіштің сексен бес мың алты жүз еселенген мөлшерінен кем емес балама соманы құрайды;

      лизингтік ұйымды және кредиттік серіктестікті қоспағанда, қаржылық емес ұйым - исламдық борыштық бағалы қағаздар эмитентінің аудиторлық есеппен расталған, қаржылық есептіліктің деректері бойынша соңғы екі жылдың әрбір жылы үшін негізгі қызметі бойынша сату көлемі тиісті қаржы жылына арналған республикалық бюджет туралы заңда белгіленген, айлық есептік көрсеткіштің екі миллион елу мың еселенген мөлшерінен кем емес балама соманы құрайды;

      исламдық борыштық бағалы қағаздар эмитенті акционерлерінің жалпы жиналысында бекітілген корпоративтік басқару кодексінің болуы;

      осы исламдық бағалы қағаздар қор биржасының ресми тізімінде болған кезде исламдық борыштық бағалы қағаздар бойынша маркет-мейкердің болуы;

      исламдық борыштық бағалы қағаздар эмитентінің құрылтай құжаттарында және (немесе) исламдық эмиссиялық бағалы қағаздар шығарылымының проспектісінде исламдық бағалы қағаздардың меншік иесінің оларды иеліктен шығару (беру) құқығына нұқсан келтіретін немесе оларды шектейтін нормалардың болмауы;

      9) осы тармақтың 7) тармақшасының төртінші және бесінші абзацтарында, сондай-ақ 8) тармақшасында көрсетілген бағалы қағаздарды қоспағанда, Қазақстан Республикасының резидент ұйымдары Қазақстан Республикасының және басқа мемлекеттердің заңнамаларына сәйкес шығарған, қор биржасының ресми тізіміне енгізілген, мынадай талаптарға сәйкес келетін мемлекеттік емес исламдық борыштық бағалы қағаздары:

      исламдық борыштық бағалы қағаздардың эмитентін мемлекеттік тіркеу оның бағалы қағаздарын қор биржасының ресми тізіміне енгізу туралы өтініш берілген күнге дейін кем дегенде бір жыл бұрын жүзеге асырылған;

      исламдық борыштық бағалы қағаздардың эмитенті қаржылық есептілікті ҚЕХС немесе АҚШ ҚЕС сәйкес жасайды;

      қор биржасымен танылатын аудиторлық ұйымдардың тізбесіне кіретін аудиторлық ұйымдардың бірі исламдық борыштық бағалы қағаздар эмитентінің қаржылық есептілігінің аудитін жүргізеді;

      исламдық борыштық бағалы қағаздардың эмитенті аудиторлық есеппен расталған соңғы аяқталған қаржы жылы үшін қаржылық есептілікті ұсынған;

      исламдық борыштық бағалы қағаздар эмитентінің меншікті капиталы аудиторлық есеппен расталған соңғы есепті күнге қаржылық есептілікке сәйкес республикалық бюджет туралы заңда белгіленген, тиісті қаржы жылына айлық есептік көрсеткіштің үш жүз қырық мың еселенген мөлшерінен кем емес балама соманы құрайды;

      исламдық борыштық бағалы қағаздар эмитентінің аудиторлық есеппен расталған соңғы есепті күнге қаржылық есептілікке сәйкес аяқталған үш қаржы жылының біреуіндегі таза пайдасының болуы;

      лизингтік ұйымды және кредиттік серіктестікті қоспағанда, қаржылық емес ұйымы - эмитенттің исламдық борыштық бағалы қағаздарын сату көлемі негізгі қызметі бойынша аудиторлық есеппен расталған қаржылық есептіліктің деректері бойынша соңғы жылдың әрбір жылы үшін республикалық бюджет туралы заңда белгіленген, тиісті қаржы жылына айлық есептік көрсеткіштің үш жүз қырық мың еселенген мөлшерінен кем емес балама соманы құрайды;

      исламдық борыштық бағалы қағаздар эмитенті акционерлерінің жалпы жиналысында бекітілген корпоративтік басқару кодексінің болуы;

      исламдық борыштық бағалы қағаздар эмитентінің құрылтай құжаттарында және (немесе) эмиссиялық бағалы қағаздар шығарылымының проспектісінде бағалы қағаздардың меншік иесінің оларды иеліктен шығару (беру) құқығына нұқсан келтіретін немесе оларды шектейтін нормалардың болмауы;

      10) шетел мемлекеттерінің орталық үкіметтері шығарған, Standard & Poor's агенттігінің "ВВВ-"-тен төмен емес тәуелсіз рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі бар мемлекеттік мәртебесіне ие исламдық бағалы қағаздары;

      11) шетелдік ұйымдар шығарған мемлекеттік емес исламдық бағалы қағаздары:

      Standard & Poor's агенттігінің "ВВВ-"-тен төмен емес халықаралық рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі бар исламдық борыштық бағалы қағаздары;

      Standard & Poor's агенттігінің "ВВВ-"-тен төмен емес халықаралық рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі бар эмитенттердің акциялары және осы акциялар базалық активтері болып табылатын депозитарлық қолхаттары;

      12) тізбесі Нұсқаулықтың 32-тармағында белгіленген халықаралық қаржы ұйымдарының исламдық бағалы қағаздары;

      13) Лондон бағалы металдар нарығының қауымдастығы (London billion market association) қабылдаған халықаралық сапа стандарттарына сәйкес келетін және осы қауымдастықтың құжаттарында "Лондон сапалы жеткізілім" ("London good delivery") стандарты ретінде белгіленген тазартылған бағалы металдары және металл депозиттері, оның ішінде Standard & Poor's агенттігінің "А"-дан төмен емес халықаралық рейтингтік бағасына немесе басқа рейтингтік агенттіктердің бірінің осыған ұқсас деңгейдегі рейтингіне ие Қазақстан Республикасының бейрезидент банктеріндегі металл депозиттері.

      Осы тармақта көрсетілген қаржы құралдары Нұсқаулықтың 3-қосымшасында көрсетілген көлемде жоғары өтімді активтер есебіне енгізіледі.

      32. Исламдық сақтандыру (қайта сақтандыру) ұйымы өз активтерін мынадай халықаралық қаржы ұйымдарының айналысқа шығарған, "Standard & Poors" агенттігінің "ВВВ-"-тен төмен емес халықаралық рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі бар исламдық бағалы қағаздарына орналастыра алады:

      1) Азия даму банкі;

      2) Африка даму банкі;

      3) Халықаралық есеп айырысу банкі;

      4) Еуразиялық даму банкі;

      5) Еуропалық қайта құру және даму банкі;

      6) Еуропалық инвестициялық банк;

      7) Ислам даму банкі;

      8) Америкааралық даму банкі;

      9) Халықаралық қайта құру және даму банкі;

      10) Халықаралық қаржылық корпорация.

      33. Нұсқаулықтың 26 және 31-тармақтарына сәйкес исламдық сақтандыру (қайта сақтандыру) ұйымының активтері сомасын есептеу үшін мыналар ескерілмейді:

      1) исламдық сақтандыру ұйымының меншік құқығы шектеулі (оның ішінде кепілге беру, міндеттемелерді орындауды қамтамасыз ету үшін активке ауыртпалық салу бойынша мәмілені жасау нәтижесінде) активтер;

      2) Заңға сәйкес ірі қатысушылар немесе еншілес ұйымдар (исламдық сақтандыру (қайта сақтандыру) ұйымының қомақты қатысуы бар ұйымдар) болып табылатын заңды тұлғалардың акциялары және екінші деңгейдегі банктердегі салымдар;

      3) осы ұйымға қатысты үлестес болып табылатын, заңды тұлғалар шығарған исламдық бағалы қағаздар;

      4) сақтанушының исламдық сақтандыру ұйымының инвестицияларына қатысуымен өмірді сақтандыру шарттары бойынша ішкі резерв қорын орналастыру нәтижесінде алынған активтер.

8. Активтерді әртараптандыру нормативтері

      34. Исламдық сақтандыру (қайта сақтандыру) ұйымы активтерді әртараптандырудың мынадай нормативтерін сақтайды:

      1) исламдық бағалы қағаздарға жиынтық орналастыру, екінші деңгейдегі бір банктегі және осы банктің үлестес тұлғаларындағы салымдар мен ақша - қайта сақтандыру активтерін шегергендегі исламдық сақтандыру (қайта сақтандыру) ұйымдары активтерінің 10 (он) пайызынан аспайды;

      2) исламдық бағалы қағаздарға жиынтық орналастыру, екінші деңгейдегі банк болып табылмайтын бір заңды тұлғадағы және осы заңды тұлғаның үлестес тұлғаларындағы ақша - қайта сақтандыру активтерін шегергендегі исламдық сақтандыру (қайта сақтандыру) ұйымдары активтерінің 10 (он) пайызынан аспайды;

      3) мемлекеттік мәртебесі бар, шетел мемлекетінің орталық үкіметі шығарған исламдық бағалы қағаздарға жиынтық орналастыру - қайта сақтандыру активтерін шегергендегі исламдық сақтандыру (қайта сақтандыру) ұйымдары активтерінің он пайызынан аспайды;

      4) Нұсқаулықтың 32-тармағында белгіленген тізбеге кіретін халықаралық қаржы ұйымының исламдық бағалы қағаздарына жиынтық орналастыру - қайта сақтандыру активтерін шегергендегі исламдық сақтандыру (қайта сақтандыру) ұйымдары активтерінің 10 (он) пайызынан аспайды;

      5) тазартылған бағалы металдар және металл депозиттер - 12 (он екі) айдан аспайтын мерзімге қайта сақтандыру активтерін шегергендегі исламдық сақтандыру (қайта сақтандыру) ұйымдары активтерінің 10 (он) пайызынан аспайды;

      6) бір инвестициялық қордың пайларына инвестициялардың жиынтық мөлшері - қайта сақтандыру активтерін шегергенде, исламдық сақтандыру (қайта сақтандыру) ұйымдарының активтерінің 10 (он) пайызынан аспайды;

      7) инвестициялардың Қазақстан Республикасының жергілікті атқарушы органдары шығарған борыштық бағалы қағаздарына жиынтық мөлшері - қайта сақтандыру активтерін шегергендегі исламдық сақтандыру (қайта сақтандыру) ұйымдары активтерінің он пайызынан аспайды.

      Исламдық сақтандыру (қайта сақтандыру) ұйымдарының исламдық борыштық бағалы қағаздарға салған инвестициялары Қазақстан Республикасының екінші деңгейдегі банкінің бір эмиссиясындағы облигацияларының жалпы көлемінің 25 (жиырма бес) пайызынан аспайды.

      35. Осы Нұсқаулықтың 34-тармағында көрсетілген әртараптандыру нормативтері Қазақстан Республикасы Ұлттық Банкінің, Қазақстан Республикасы Қаржы министрлігінің, "Самұрық-Қазына" ұлттық әл-ауқат қоры", "Бәйтерек" ұлттық басқарушы холдингі" акционерлік қоғамдарының бағалы қағаздарына қолданылмайды.

9. Қазақстан Республикасының бейрезидент сақтандыру (қайта
сақтандыру) ұйымдарына есептелген сақтандыру сыйлықақыларының
жиынтық мөлшері. Өздігінен ұстап қалудың барынша төмен
мөлшері және оны есептеу тәртібi

      36. Жеке сақтандыру немесе қайта сақтандыру шарты бойынша, сондай-ақ әрбір сақтандыру тәуекелі бойынша исламдық сақтандыру (қайта сақтандыру) ұйымының өздігінен ұстап қалудың ең жоғары мөлшерін актуарий есептейді.

      Сақтандыру немесе қайта сақтандыру шартын жасау күніне және бүкіл қолданыста болу кезеңі ішінде әрбір келесі есепті күніне исламдық сақтандыру (қайта сақтандыру) ұйымының өздігінен ұстап қалудың ең жоғары мөлшері исламдық сақтандыру (қайта сақтандыру) ұйымының есепті күніне есептелген нақты төлем қабілеттілігі маржасының мөлшеріне қатысты 30 (отыз) пайыздан аспайды.

      37. Қоса сақтандыру кезінде Нұсқаулықтың 36-тармағында көрсетілген есеп әрбір қоса сақтандырушының сақтандыру сомасының үлесіне қарай жүзеге асырылады.

      Исламдық қайта сақтандыру ұйымдары есептеген сақтандыру сыйлықақыларын шегергенде, сақтандыру және қайта сақтандыру шарттары бойынша қайта сақтанушы (цедент) алуына есептелген сақтандыру сыйлықақыларының жиынтық мөлшері қаржы жылы аяқталғаннан кейін сақтандыру және қайта сақтандыру шарттары бойынша қайта сақтанушы (цедент) алуына есептелген сақтандыру сыйлықақыларының жиынтық мөлшерінің кемінде 40 (қырық) пайызын құрайды.

      Қазақстан Республикасының бейрезидент қайта сақтандыру ұйымдарына қайта сақтанушы (цедент) олардан алуына есептелген комиссиялық сыйақыны шегергенде, қайта сақтандыру шарттары бойынша қаржы жылы аяқталғаннан кейін есептелген сақтандыру сыйлықақыларының жиынтық мөлшері қаржы жылы аяқталғаннан кейін есептелген сақтандыру сыйлықақыларының жиынтық мөлшерінің 25 (жиырма бес) пайызынан аспайды.

      Осы тармақтың үшінші және төртінші бөліктерінде көрсетілген шектеулер мыналарға қолданылмайды:

      сақтандыру сомасы (міндеттемелердің көлемі) кемінде бір миллиард теңгені құрайтын сақтандыру (қайта сақтандыру) шарттары;

      сақтандыру сомасы (міндеттемелердің көлемі) сақтандыру немесе қайта сақтандыру шартын жасаған күннің алдындағы есепті кезеңнің соңына есептелген исламдық сақтандыру (қайта сақтандыру) ұйымының төлем қабілеттілігі нақты маржасының мөлшерінен кемінде екі пайызды құрайтын әуе көлігін, су, теміржол көлігін және (немесе) олардың иелерінің азаматтық-құқықтық жауапкершілігін сақтандыру (қайта сақтандыру) шарттары;

      Қазақстан Республикасының бейрезидент исламдық сақтандыру (қайта сақтандыру) ұйымдарынан сақтандыру тәуекелдерін қайта сақтандыруға қабылдауды көздейтін қайта сақтандыру шарттары.

      Бұл ретте бір сақтандыру немесе қайта сақтандыру шарты бойынша исламдық сақтандыру (қайта сақтандыру) ұйымының өздігінен ұстап қалу мөлшері:

      осы тармақтың төртінші бөлігінің екінші абзацының талаптарына сәйкес келетін сақтандыру немесе қайта сақтандыру шарттары бойынша сақтандыру шартын жасау күнінің алдындағы есепті кезеңнің соңына есептелген исламдық сақтандыру (қайта сақтандыру) ұйымының төлем қабілеттілігі нақты маржасының мөлшерінен кемінде 5 (бес) пайызды;

      осы тармақтың төртінші бөлігінің үшінші абзацының талаптарына сәйкес келетін сақтандыру немесе қайта сақтандыру шарттары бойынша сақтандыру шартын жасау күнінің алдындағы есепті кезеңнің соңына есептелген исламдық сақтандыру (қайта сақтандыру) ұйымының төлем қабілеттілігі нақты маржасының мөлшерінен кемінде 2 (екі) пайызды құрайды.

      Егер осы тармақтың төртінші бөлігінің екінші және үшінші абзацтарының талаптарына сәйкес келетін сақтандыру немесе қайта сақтандыру шарттары бойынша сақтандыру сомасы (міндеттемелердің көлемі) сақтандыру немесе қайта сақтандыру шартын жасаған күннің алдындағы есепті кезеңнің соңына есептелген исламдық сақтандыру (қайта сақтандыру) ұйымының төлем қабілеттілігі нақты маржасы мөлшерінің тиісінше 5 (бес) пайызынан және 2 (екі) пайызынан аз болса, онда осындай сақтандыру немесе қайта сақтандыру шарттары бойынша өздігінен ұстап қалу сақтандыру сомасын (міндеттемелердің көлемін) құрайды.

10. Сақтандыру (қайта сақтандыру) ұйымының қайта
сақтандыруға қабылданған сақтандыру тәуекелдердің
тапсыруға қойылатын талаптар

      38. Standard & Poor's агенттігінің халықаралық шкаласы бойынша "А"-дан төмен рейтингтік бағасы немесе басқа рейтингтік агенттіктердің бірінің осыған ұқсас деңгейдегі рейтингі бар Қазақстан Республикасының бейрезидент - қайта сақтандырушысының сақтандыру тәуекелдерін тапсыру кезінде қайта сақтанушы (цедент) мынадай талаптарды сақтайды:

      1) жеке сақтандыру шарты бойынша қайта сақтанушы (цедент) қабылдаған (қабылдауға жататын) міндеттемелер көлемінің бөлігі Қазақстан Республикасының резиденті қайта сақтандыру ұйымдарына қайта сақтанушы (цедент) өздігінен ұстап қалу сомасынан асып кету мөлшерінде қайта сақтандыруға қабылдауға ұсынады;

      2) Қазақстан Республикасының резиденті қайта сақтандыру ұйымы қайта сақтанушы (цедент) жіберетін қайта сақтандыру шартын жасау туралы ұсыныстың талаптары, оның ішінде сақтандыру тарифтері туралы талаптар Қазақстан Республикасының бейрезидент қайта сақтандыру ұйымдарына жіберетін қайта сақтандыру шартын жасау туралы ұсыныстың талаптарына ұқсас.

      39. Қазақстан Республикасының резиденті-қайта сақтандыру ұйымына қабылдауға ұсынатын міндеттемелердің көлемі осы қайта сақтандыру ұйымының өздігінен ұстап қалудың ең жоғары мөлшерінен аспайды және әрбір Қазақстан Республикасының резиденті - қайта сақтандыру ұйымының төлем қабілеттілігі нақты маржасының мөлшерін негізге ала отырып мынадай формула бойынша есептеледі:

      МК = (СС - ӨҰҚ)*ТҚНМм / ТҚНМс < ӨҰҚЕЖМ

      мұнда:

      МК - Қазақстан Республикасының резиденті-қайта сақтандыру ұйымы қабылдауға ұсынатын міндеттемелердің көлемі;

      СС - сақтандыру шарты бойынша сақтандыру сомасы немесе қайта сақтандыру шарты бойынша міндеттемелер көлемі;

      ӨҰҚ - қайта сақтандыру шарты бойынша қайта сақтанушының (цедентінің) өздігінен ұстап қалу;

      ТҚНМм - қайта сақтандыру шартын жасау туралы ұсынысты жіберген күннің алдындағы үш ай бұрын есепті күніне есептелген Қазақстан Республикасының резиденті - қайта сақтандыру ұйымының төлем қабілеттілігі нақты маржасының мөлшері;

      ТҚНМс - қайта сақтандыру шартын жасау туралы ұсынысты жіберген күннің алдындағы үш ай бұрын есепті күніне есептелген қайта сақтандыру шартын жасау туралы ұсынысты (оферт) жіберу үшін қайта сақтанушы (цедент) таңдаған Қазақстан Республикасының резиденттері - қайта сақтандыру ұйымдарының төлем қабілеттілігі нақты маржасы мөлшерінің жиынтық сомасы;

      ӨҰҚЕЖМ - осы Нұсқаулықтың 33-тармағына сәйкес Қазақстан Республикасының резиденті - қайта сақтандыру ұйымы есептеген Қазақстан Республикасының резиденті - қайта сақтандыру ұйымының өздігінен ұстап қалудың ең жоғары мөлшері.

      40. Ұсынылатын міндеттемелердің көлемі қайта сақтандыру шартын жасау туралы ұсыныс жіберу үшін қайта сақтанушы (цедент) таңдаған қайта сақтандыру ұйымдарының өздігінен ұстап қалудың ең жоғары мөлшерінің сомасынан аспайтын жағдайды қоспағанда, қайта сақтандыру шартын жасау туралы ұсыныс жіберілетін қайта сақтандыру ұйымдарының саны "жалпы сақтандыру" саласы бойынша лицензиясы бар қайта сақтандыру ұйымы үшін бестен кем болмауы, "өмірді сақтандыру" саласы бойынша лицензиясы бар қайта сақтандыру ұйымы үшін үштен кем болмайды.

      41. Қайта сақтандыру шартын жасау туралы ұсынысы мынадай мәліметтерді:

      1) қайта сақтандыру шартының түрі (факультативті/облигаторлық қайта сақтандыру, теңбе тең/теңбе тең емес);

      2) қайта сақтанушының (цеденттің) атауы;

      3) сақтандыру шарты туралы ақпарат: сақтандыру шарты бойынша сақтандырылған мүліктік және (немесе) мүліктік мүдде, сақтандыру жағдайлары, қолдану мерзімі, сақтандыру сомасы, сақтандырылған объектіні осындай объектіні сәйкестендіруге мүмкіндік беретін сипаты;

      4) қайта сақтанушының (цедентінің) өздігінен ұстап қалу мөлшері;

      5) Қазақстан Республикасының резидент - қайта сақтандыру ұйымы қабылдауға ұсынатын міндеттемелердің көлемі;

      6) қайта сақтандыру шарты бойынша сақтандыру тарифінің мөлшері;

      7) қайта сақтандыру шарты бойынша сақтандыру сыйлықақының мөлшері, оны төлеу мерзімі мен тәртібі;

      8) қайта сақтандыру шартына енгізілетін сақтандыру тәуекелдері туралы ақпарат;

      9) сақтандыру төлемдерін жүзеге асыру талаптары;

      10) жасалатын қайта сақтандыру шартының қолданылу мерзімі.

      Қайта сақтандыру шартын жасау туралы ұсыныс Қазақстан Республикасының резиденті-қайта сақтандыру ұйымына қайта сақтандыруға қабылданатын міндеттемелердің көлемін дербес белгілеуге мүмкіндік береді. Бұл ретте міндеттемелердің көлемі қайта сақтанушы қабылдауға ұсынылған міндеттемелердің көлемінен аспайды.

      42. Қазақстан Республикасының резиденті қайта сақтандыру ұйымының сұратуы бойынша қайта сақтанушы (цедент) сұратуды алған күннен бастап қайта сақтандыруға ұсынылатын сақтандыру тәуекелді бағалау үшін қажетті құжаттарды, оның ішінде сақтандыру шартының, негізінде сақтандыру шарты жасалған сақтандыру ережелерінің көшірмелері, сондай-ақ нақты сақтандыру тәуекелі бойынша өзге қосымша ақпаратты егер осындай ақпаратқа қатысты Қазақстан Республикасының заңнамасында және (немесе) сақтандыру шартында оның таратылуына қатысты шектеулер белгіленбесе, бір жұмыс күнінен кешіктірмей ұсынады.

      43. Қайта сақтандыру шартын жасау туралы ұсынысы оның акцептінің мерзімін белгілейді, бірақ ұсынысты жіберген күннен бастап 3 (үш) жұмыс күнінен кем емес.

      Қайта сақтанушы (цедент) ұсынған шарттарда қайта сақтандыру шартын жасауға келіскен жағдайда Қазақстан Республикасының резиденті - қайта сақтандыру ұйымы қайта сақтанушыға (цедентке) қайта сақтандыруға қабылданатын міндеттемелердің көлемін көрсете отырып жазбаша келісім (акцепт) жібереді.

      Қайта сақтандыру шартын жасау туралы ұсынысымен белгіленген мерзімде қайта сақтанушы (цедент) келісімді алмауы Қазақстан Республикасының резиденті қайта сақтандыру ұйымының қайта сақтандыру шартын жасаудан бас тартуы деп танылады.

      44. Қайта сақтанушының қайта сақтандыру шарты жасау туралы ұсынысы және Қазақстан Республикасының резиденті - қайта сақтандырушының қайта сақтандыру шартын жасауға жазбаша келісімі деректердің конфиденциалдылығын және түзетілмейтіндігін қамтамасыз ететін криптографиялық қорғау құралдары бар ақпаратты кепілдік бере отырып жеткізудің тасымалдау жүйесін пайдалана отырып жіберіледі.

      45. Қайта сақтанушы (цедент) таңдаған Қазақстан Республикасының резиденті - қайта сақтандыру ұйымы ұсынылған қайта сақтандыру шартын жасаудан бас тартқан жағдайда қайта сақтанушы (цедент) Қазақстан Республикасының резиденті - қайта сақтандыру ұйымына қайта сақтандыру шартын жасау ұсынылған қайта сақтандыру ұйымының жалпы саны: "жалпы сақтандыру" саласы бойынша лицензиясы бар қайта сақтандыру ұйымы үшін 10-ға (онға), "жалпы сақтандыру" саласы бойынша лицензиясы бар қайта сақтандыру ұйымы үшін 5-ке (беске) жеткенге дейін қайта сақтандыру шартын жасау туралы ұсыныс жібереді.

11. Қосымша пруденциалдық нормативтер: көзделмеген
тәуекелдер резерві, тұрақтандыру резерві

      46. Көзделмеген тәуекелдер резерві (бұдан әрі – КТР) – сақтандыру төлемдерін және сақтандыру шығындарын реттеу бойынша шығыстарды жабу үшін еңбек сіңірілмеген сыйлықақы резерві (бұдан әрі - ЕСР) жеткіліксіз болған кезде ықтимал болашақ тәуекелдер бойынша қалыптастырылатын резерв. Бұл ретте ЕСР № 76 қаулыға сәйкес есептеледі.

      Көзделмеген тәуекелдер резерві бір мезгілде мынадай талаптар сақталған жағдайда ай сайын есептеледі:

      таза сақтандыру төлемдерінің, сақтандыру шығындарын реттеу бойынша шығыстардың және қайта сақтандырушының үлесі ескерілмеген шығындар резервінің өзгеруі сомасының қол қойылған сақтандыру сыйлықақыларының және қайта сақтандырушының үлесі ескерілмеген КТР өзгеруінің айырмасына қатынасы сақтандыру сыныбы бойынша 105 (бір жүз бес) пайыздан артық болса;

      жеке сақтандыру сыныбы бойынша қолданыстағы сақтандыру шарттары бойынша таза сақтандыру сыйлықақыларының көлемі есепті кезеңдегі қолданыстағы сақтандыру шарттары бойынша таза сақтандыру сыйлықақыларының жалпы көлемінің 10 (он) пайызынан асатын болса.

      КТР төмендегідей есептеледі:

      мұнда:

      Т – таза сақтандыру төлемдері;

      Ш – сақтандыру шығындарын реттеу бойынша шығыстар;

      ТҚ – қол қойылған таза сақтандыру сыйлықақылары (қайта сақтандырушының үлесі ескерілмеген қол қойылған сыйлықақылар). Таза қол қойылған сақтандыру сыйлықақылары – сақтандырушы олар нақты алынғанына немесе алынбағанына қарамастан есепке алуға қабылдаған сыйлықақылар;

      ЕСР – есептеу күніне қайта сақтандырушының үлесі ескерілмеген еңбек сіңірілмеген сыйлықақы резерві.

      Т, Ш,

      47. Тұрақтандыру резерві исламдық сақтандыру (қайта сақтандыру) ұйымының болашақ сақтандыру төлемдерін жүзеге асыруға байланысты міндеттемелерін бағалау болып табылады.

      Исламдық сақтандыру ұйымының қайта сақтандырушының үлесі ескерілмеген шығындылығын сипаттайтын орташа квадратты ауытқу коэффициенті шығындылықты сипаттайтын коэффициентінің орташа мәнінің 10 (он) пайызынан артық болған жағдайда, сақтандыру сыныбы бойынша тұрақтандыру резерві қалыптастырылады.

      Исламдық сақтандыру ұйымының қайта сақтандырушының үлесі ескерілмеген шығындылығын сипаттайтын коэффициент (бұдан әрі – шығындылықты сипаттайтын коэффициент) Нормативтік құқықтық актілерді мемлекеттік тіркеу тізілімінде № 13052 тіркелген "Сақтандыру (қайта сақтандыру) ұйымының шығындылықты (шығындылық коэффициенті, шығындар коэффициенті, аралас коэффициент) сипаттайтын коэффициенттерін есептеу қағидаларын бекіту туралы" Қазақстан Республикасы Ұлттық Банкі Басқармасының 2015 жылғы 19 желтоқсандағы № 240 қаулысына сәйкес айқындалады.

      48. Тұрақтандыру резервін және шығындылықты сипаттайтын коэффициенттің оның орташа мәнінен орташа квадраттық ауытқуын есептеу осы Нұсқаулықтың 8-қосымшасына сәйкес жүргізіледі.

      Тұрақтандыру резервінің есебіне өткен үш қаржы жылында есептелген, шығындылықты сипаттайтын коэффициенттердің мәндері алынады.

      Тұрақтандыру резервін есептеу аяқталған қаржы жылының нәтижелері бойынша әрбір сақтандыру сыныбы бойынша жеке-жеке жүргізіледі.

      "Жазатайым оқиғалардан сақтандыру", "ауырған жағдайда сақтандыру", "өмірді сақтандыру", "аннуитеттік сақтандыру" сыныптары бойынша тұрақтандыру резерві нөлге тең болады.

      Тұрақтандыру резервінің жалпы шамасы сақтандырудың барлық сыныптары бойынша тұрақтандыру резервін қосу арқылы анықталады.

      Ағымдағы қаржы жылының басында қалыптастырылған тұрақтандыру резерві ағымдағы қаржы жылы аяқталғанға дейін өзгермейді.

12. Пруденциалдық нормативтердің орындалуы туралы есептер беру

      49. Исламдық сақтандыру (қайта сақтандыру) ұйымы уәкілетті органға пруденциалдық нормативтердің есебін мынадай мерзімділікпен ұсынады:

      1) ай сайын, есепті айдан кейінгі айдың алтыншы жұмыс күнінен кешіктірмей – Нұсқаулықтың 1, 2, 5, 6, 7 және 10-қосымшаларына сәйкес нысандар бойынша пруденциалдық нормативтердің есебін;

      2) он күн сайын – Нұсқаулықтың 3-қосымшасына сәйкес нысан бойынша жоғары өтімді активтер жеткіліктілігінің есебін:

      айдың бірінші күніндегі жағдай бойынша айдың есепті онкүндігінен кейінгі онкүндіктің алтыншы жұмыс күні ұсынылады;

      айдың оныншы, жиырмасыншы күніндегі жағдай бойынша айдың есепті онкүндігінен кейінгі онкүндіктің екінші жұмыс күні ұсынылады.

      Исламдық сақтандыру (қайта сақтандыру) ұйымының пруденциалдық нормативтердің есебі:

      Нұсқаулыққа 1, 2, 5, және 6-қосымшаларға сәйкес қағаз тасымалдағышпен;

      Нұсқаулыққа 3 және 7-қосымшаларға сәйкес электрондық форматта;

      Нұсқаулыққа 10-қосымшаға сәйкес қағаз тасымалдағышпен және электрондық форматта ұсынылады.

      Есепті күнгі жағдай бойынша қағаз тасымалдағыштағы пруденциалдық нормативтердің есебіне исламдық сақтандыру (қайта сақтандыру) ұйымының бірінші басшысы (ол болмаған кезеңде – оның орнындағы адам) және бас бухгалтері қол қояды, мөрмен куәландырылады және исламдық сақтандыру (қайта сақтандыру) ұйымында сақталады.

      Исламдық сақтандыру (қайта сақтандыру) ұйымының электрондық форматта ұсынылатын есебіндегі деректердің қағаз тасымалдағыштағы деректермен сәйкестігін исламдық сақтандыру (қайта сақтандыру) ұйымының бірінші басшысы (ол болмаған кезде – оның орнындағы адам) және бас бухгалтері қамтамасыз етеді.

      Егер есептілікті беру мерзімі демалыс (мереке) күніне келетін болса, содан кейінгі жұмыс күні есептілікті беру күні болып саналады.

      50. Исламдық сақтандыру (қайта сақтандыру) ұйымы уәкілетті органға КТР есебін қағаз тасымалдағышпен Нұсқаулықтың 8-қосымшасына сәйкес 1-нысан бойынша тоқсан сайын, есепті тоқсаннан кейінгі айдың алтыншы жұмыс күнінен кешіктірмей ұсынады.

      Исламдық сақтандыру (қайта сақтандыру) ұйымы уәкілетті органға тұрақтандыру резервінің есебін қағаз тасымалдағышпен Нұсқаулықтың 8-қосымшасына сәйкес 2-нысан бойынша жыл сайын, есепті жылдан кейінгі жылдың 10 (оныншы) ақпанына дейін жыл сайын ұсынады.

      51. Исламдық сақтандыру (қайта сақтандыру) ұйымы уәкілетті органға КТР, тұрақтандыру резервінің есебін Нұсқаулыққа 9-қосымшаға сәйкес нысан бойынша ай сайын, есепті айдан кейінгі айдың алтыншы жұмыс күнінен кешіктірмей, электрондық форматта ұсынады.

      52. Исламдық сақтандыру (қайта сақтандыру) ұйымы пруденциалдық нормативтердің есебін өткен жұмыс күнінің соңындағы жағдай бойынша Нұсқаулыққа 1, 2, 3, 5 және 6-қосымшаларға сәйкес нысандар бойынша әрбір жұмыс күні жүргізеді. Қағаз тасымалдағыштағы пруденциалдық нормативтердің есебіне бірінші басшы (ол болмаған кезде – оның орнындағы адам), бас бухгалтер қол қояды, мөрмен куәландырылады және исламдық сақтандыру (қайта сақтандыру) ұйымында сақталады.

      Уәкілетті органның талабы бойынша исламдық сақтандыру ұйымы сұратуды алған күннен бастап екі жұмыс күнінен кешіктірмей пруденциалдық нормативтердің есебін қағаз тасымалдағышпен ұсынады.

      53. Есепті және қосымша мәліметтерді жасау кезінде пайдаланылатын өлшем бірлігі мың теңгемен белгіленеді. Есептегі және қосымша мәліметтердегі бес жүзден кем сома нөлге дейін дөңгелектенеді, ал бес жүз теңгеге тең және одан артық сома мың теңгеге дейін дөңгелектенеді.

      Жоғары өтімді активтер жеткіліктілігінің, төлем қабілеттілігі нақты маржасының нормативтері және сақтандыру резервтерін жабатын активтерді әртараптандыру нормативтері жүзге дейін дөңгелектенеді. Егер жоғары өтімді активтердің жеткіліктілігі нормативтерінің және төлем қабілеттілігі нақты маржасының дөңгелектенген мәні 1,00-ден кем болса немесе әртараптандырылған нормативтердің дөңгелектенген мәні Нұсқаулықтың 35-тармағында белгіленген мәндерден жоғары болса, онда аталған нормативтер бұзылған болып есептеледі.

      54. Исламдық сақтандыру ұйымы күн сайын әрбір исламдық бағалы қағаз, эмитент, исламдық қайта сақтандыру ұйымы бойынша рейтингтік бағалауларға, сондай-ақ қор биржасының бағалы қағаздар санаттарына мониторингті жүзеге асырады. Есепті жүргізуді және есептерді ұсынуды жүзеге асыру кезінде есептік кезеңнің соңындағы жағдай бойынша қор биржасының рейтингтік бағасы мен исламдық бағалы қағаздардың санаты пайдаланылады.

      55. Уәкілетті орган түзетулері бар және өшіріліп тазартылған есептер мен қосымша мәліметтерді қабылдамайды және қайтарып береді.

      Әкімшілік деректерді жинауға арналған нысан

      "Ең аз төлем қабілеттілігі маржасының немесе

      кепілдік беру қорының ең аз мөлшерін ұлғайту сомасы"

      Есепті кезең: 20___ жылғы "____" _________________ жағдай бойынша

      Индекс: 1-I_SUMMP_M

      Кезеңділігі: ай сайын

      Ұсынатындар: исламдық сақтандыру (қайта сақтандыру) ұйымдары

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі - ай сайын, есепті айдан кейінгі айдың алтыншы жұмыс күнінен кешіктірмей.

      Нысан

      ________________________________________________________

      (исламдық сақтандыру (қайта сақтандыру) ұйымының атауы)

      (мың теңгемен)

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

Әкімшілік деректерді жинауға арналған нысанды
толтыру бойынша түсіндірме
1. Жалпы ережелер

      1. Осы түсіндірме (бұдан әрі – Түсіндірме) "Ең аз төлем қабілеттілігі маржасының немесе кепілдік беру қорының ең аз мөлшерін ұлғайту сомасы" нысанын (бұдан әрі - Нысан) толтыру бойынша бірыңғай талаптарды айқындайды.

      2. Нысан "Сақтандыру қызметі туралы" 2000 жылғы 18 желтоқсандағы Қазақстан Республикасы Заңның 46-бабының 10-1-тармағына сәйкес әзірленді.

      3. Исламдық сақтандыру (қайта сақтандыру) ұйымы нысанды ай сайын толтырады.

      4. Нысанды толтырған кезде пайдаланылатын өлшем бірлігі мың теңгемен белгіленеді. Бес жүз теңгеден кем сома нөлге дейін дөңгелектенеді, ал бес жүз теңгеге тең және одан жоғары сома мың теңгеге дейін дөңгелектенеді.

      5. Нысанға бірінші басшы (ол болмаған кезде - оның орнындағы адам), бас бухгалтер және орындаушы қол қояды.

2. Нысанды толтыру бойынша түсіндірмелер

      6. Төлем қабілеттілігінің маржасының немесе кепіл қорының ең аз мөлшерін берілетін (берілген) міндеттемелер сомасына ұлғайту сомасын есептеу кезінде Standard & Poor's, Moody's Investors Service, Fitch және А.М. Best рейтингтік агенттіктердің, сондай-ақ олардың еншілес ұйымдарының халықаралық және ұлттық шкаласы бойынша бар рейтингтік бағалардың ең төменгі рейтингі пайдаланылады.

      Әкімшілік деректерді жинауға арналған нысан

      Исламдық сақтандыру (қайта сақтандыру) ұйымының активтерін

      сапасы мен өтімділігі бойынша жіктелуін ескере отырып есептеу

      Есепті кезең: 20__жылғы "___" _______________ жағдай бойынша

      Индекс: 2-I_RA_M

      Кезеңділігі: ай сайын

      Ұсынатындар: исламдық сақтандыру (қайта сақтандыру) ұйымдары

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: ай сайын, есепті айдан кейінгі айдың алтыншы жұмыс күнінен кешіктірмей.

      Нысан

      _________________________________________________________

      (исламдық сақтандыру (қайта сақтандыру) ұйымының атауы)

      (мың теңгемен)

      Активтерді әртараптандыру нормативтерінің есебі

      Исламдық бағалы қағаздарға, екінші деңгейдегі бір банктегі

      және банктің үлестес тұлғаларындағы салымдар мен ақшаға жиынтық

      орналастыру қайта сақтандыру активтерін шегергенде, активтердің

      10 (он) пайызынан аспайды

      (мың теңгемен)

      Исламдық бағалы қағаздарға және екінші деңгейдегі банк болып

      табылмайтын бір заңды тұлғада және оның үлестес тұлғаларында ақшаға

      жиынтық орналастыру (HД2) қайта сақтандыру активтерін шегергенде,

      активтердің он пайызынан астам емес

      (мың теңгемен)

      Активтерді әртараптандырудың қосымша нормативтері

      (мың теңгемен)

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

      Әкімшілік деректерді жинауға арналған нысан

      Жоғары өтімді активтер жеткіліктілігі нормативінің есебі

      Есепті кезең 20__жылғы "___"_____ бастап 20__жылғы "__"______дейін

      Индексі: 3-I_NDVA_D

      Кезеңділігі: күн сайын

      Ұсынады: исламдық сақтандыру (қайта сақтандыру) ұйымдары

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: айдың бірінші күніндегі жағдай бойынша – айдың есепті он күндігінен кейінгі он күндіктің алтыншы жұмыс күні, айдың оныншы, жиырмасыншы күндеріндегі жағдай бойынша – айдың есепті он күндігінен кейінгі он күндіктің екінші жұмыс күні

      Нысан

      __________________________________________________________

      (исламдық сақтандыру (қайта сақтандыру) ұйымының атауы)

      (мың теңгемен)

      кестенің жалғасы:

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

Әкімшілік деректерді жинауға арналған
"Жоғары өтімді активтер жеткіліктілігі нормативінің есебі"
нысанды толтыру бойынша түсіндірме
1. Жалпы ережелер

      1. Түсіндірме (Бұдан әрі – Түсіндірме) "Жоғары өтімді активтер жеткіліктілігі нормативінің есебі" нысанын (бұдан әрі – Нысан) толтыру бойынша бірыңғай талаптарды белгілейді.

      2. Нысан "Сақтандыру қызметі туралы" 2000 жылғы 18 желтоқсандағы Қазақстан Республикасы Заңның 46-бабы 10-1-тармағына сәйкес әзірленді.

      3. Нысанды исламдық сақтандыру (қайта сақтандыру) ұйымдары он күн сайын толтырады. Нысандағы деректер мың теңгемен толтырылады. Бес жүз теңгеден аз сома нөлге дейін дөңгелектенеді, ал бес жүз теңгеге тең және одан асатын сома мың теңгеге дейін дөңгелектенеді.

      4. Нысанға бірінші басшы (ол болмаған кезеңде - оның орнындағы адам), бас бухгалтер және орындаушы қол қояды.

2. Нысанды толтыру бойынша түсіндірмелер

      5. 11-жолда № 76-қаулыға сәйкес есептелген соңғы есепті айдың соңындағы қайта сақтандырушы үлесін шегергендегі исламдық сақтандыру (қайта сақтандыру) ұйымдарының сақтандыру резервтерінің сомасы көрсетіледі.

      Сақтандыру резервтерінің сомасы уәкілетті органга ай сайынғы және басқа да есептілікті ұсынатын күнге дейін пайдаланылады (есепті айдан кейінгі айдың бесінші жұмыс күніне дейін өткен есепті айдың сақтандыру резервтерінің сомасы пайдаланылады).

Ұзақ мерзімді рейтингтердің салыстырмалы кестесі

      Әкімшілік деректерді жинауға арналған нысан

      "Жалпы сақтандыру" саласы бойынша сақтандыру қызметін жүзеге

      асыратын исламдық сақтандыру ұйымдары мен исламдық қайта сақтандыру

      ұйымдары үшін төлем қабілеттілігі маржасының есебі

      Есепті кезең: 20_____ жылғы "_____" __________ жағдай бойынша

      Индексі: 5-I_RMP_OS_M

      Кезеңділігі: ай сайын

      Ұсынады: исламдық сақтандыру (қайта сақтандыру) ұйымдары

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: ай сайын, есепті айдан кейінгі айдың алтыншы жұмыс күнінен кешіктірмей

      Нысан

      _________________________________________________________

      (исламдық сақтандыру (қайта сақтандыру) ұйымының атауы)

      1. "Сыйлықақылар әдісін" пайдалана отырып төлем қабілеттілігі

      маржасының ең төменгі мөлшерінің есебі

      (мың теңгемен)

      2. "Төлемдер әдісін" пайдалана отырып төлем қабілеттілігі

      маржасының ең аз мөлшерінің есебі

      (мың теңгемен)

      3. Төлем қабілеттілігі маржасының ең аз мөлшері

      (мың теңгемен)

      4. Жалпы сақтандыру бойынша сақтандыру (қайта сақтандыру)

      ұйымдары үшін нақты төлем қабілеттілігі маржасының есебі

      (мың теңгемен)

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

Әкімшілік деректерді жинақтауға арналған нысанды
толтыру бойынша түсіндірме
1. Жалпы ережелер

      1. Осы түсіндірме (бұдан әрі – Түсіндірме) "Жалпы сақтандыру бойынша исламдық сақтандыру ұйымдарына және қайта сақтандыру ұйымдарына арналған төлем қабілеттілігі маржасының есебі" нысанын (бұдан әрі - Нысан) толтыру бойынша бірыңғай талаптарды айқындайды.

      2. Нысан "Сақтандыру қызметі туралы" 2000 жылғы 18 желтоқсандағы Қазақстан Республикасы Заңның 46-бабының 10-1-тармағына сәйкес әзірленді.

      3. Исламдық сақтандыру (қайта сақтандыру) ұйымы нысанды ай сайын толтырады.

      4. Нысанды толтырған кезде пайдаланылатын өлшем бірлігі мың теңгемен белгіленеді. Бес жүз теңгеден кем сома нөлге дейін дөңгелектенеді, ал бес жүз теңгеге тең және одан жоғары сома мың теңгеге дейін дөңгелектенеді.

      5. Нысанға бірінші басшы (ол болмаған кезде - оның орнындағы адам), бас бухгалтер және орындаушы қол қояды.

2. Нысанды толтыру бойынша түсіндірмелер

      6. Нысан әрбір есепті күнге толтырылады.

      7. "Сыйлықақылар әдісін" пайдаланған кездегі төлем қабілеттілігі маржасының ең аз мөлшері есебінің 1 000-жолында төлем қабілеттілігі маржасының "сыйлықақылар әдісімен" есептелген ең төменгі мәні көрсетіледі.

      8. "Төлемдер әдісін" пайдаланған кездегі төлем қабілеттілігі маржасының ең аз мөлшері есебінің 2110-жолында алдыңғы үш қаржы жылына есептелген, 2111, 2112 және 2113-жолдарының мәндеріне сәйкес сақтандыру төлемдерінің сомасы көрсетіледі.

      9. "Төлемдер әдісін" пайдаланған кездегі төлем қабілеттілігі маржасының ең аз мөлшері есебінің 2210, 2310, 2320-жолдарында мәлімделген, бірақ реттелмеген шығындар сомасы көрсетіледі.

      10. "Төлемдер әдісін" пайдаланған кездегі төлем қабілеттілігі маржасының ең аз мөлшері есебінің 2 000-жолында төлем қабілеттілігі маржасының "төлемдер әдісімен" есептелген ең төменгі мәні көрсетіледі.

      11. Төлем қабілеттілігі маржасының ең аз мөлшерінің 3 000-жолында 1 000 және 2 000-жолдарында көрсетілген мәндердің ең жоғары шамасы көрсетіледі.

      12. 6 000-жолда осы Нұсқаулықтың 20, 21-тармақтарына сәйкес исламдық сақтандыру ұйымының кепілдік беру қорының ең аз мөлшері көрсетіледі.

      13. 9 000-жолда есепті кезеңдегі төлем қабілеттілігі маржасының ең аз мөлшері көрсетіледі.

      14. Жалпы сақтандыру бойынша сақтандыру (қайта сақтандыру) ұйымдары үшін нақты төлем қабілеттілігі маржасы есебінің 111, 112, 113, 114, 115, 116, 117, 118, 119-жолдарында төлем қабілеттілігі маржасының нақты мөлшерін есептеу үшін қажетті мәндер көрсетіледі.

      15. Жалпы сақтандыру бойынша сақтандыру (қайта сақтандыру) ұйымдары үшін нақты төлем қабілеттілігі маржасы есебінің 100-жолында А аралық жиынтығы көрсетіледі, ол мынадай мәнге тең болады: 111-жол - 112-жол + 113-жол + 114-жол - 115-жол - 116-жол - 117-жол - 118-жол - 119-жол.

      16. 300-жолда көрсетілетін нақты төлем қабілеттілігі маржасы екі шаманың ең төменгісіне тең: 1) А және Б аралық жиынтығы сомасының (100-жол + 200-жол); немесе 2) активтердің сапа және өтімділік бойынша жіктелімін ескере отырып есептелген нақты төлем қабілеттілігі маржасы (15 000-жол).

      17. 500-жолда ең төменгі төлем қабілеттілігі маржасына нақты төлем қабілеттілігі маржасының қатынасына (300-жол/400-жол) тең төлем қабілеттілігі маржасының жеткіліктілігі нормативінің мәні көрсетіледі.

      Әкімшілік деректерді жинауға арналған нысан

      "Өмірді сақтандыру" саласы бойынша сақтандыру қызметін

      жүзеге асыратын исламдық сақтандыру ұйымдарына арналған

      төлем қабілеттілігі маржасының есебі

      Есепті кезең: 20__жылғы "__" _________ жағдай бойынша

      Индекс: 6-1-RMP_SZN_M

      Кезеңділігі: ай сайын

      Ұсынатындар: исламдық сақтандыру (қайта сақтандыру) ұйымдары

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: ай сайын, есепті айдан кейінгі айдың алтыншы жұмыс күнінен кешіктірмей

      Нысан

      ________________________________________________________________

      исламдық сақтандыру (қайта сақтандыру) ұйымының атауы

      1. "Өмірді сақтандыру" және "аннуитеттік сақтандыру" сыныптары үшін

      (мың теңгемен)

      2. "Жазатайым жағдайлардан сақтандыру" және "ауырған

      жағдайдан сақтандыру" сыныптары үшін

      (мың теңгемен)

      3. Төлем қабілеттілігі маржасының ең аз мөлшері

      (мың теңгемен)

      4. "Өмірді сақтандыру" саласы бойынша исламдық сақтандыру (қайта

      сақтандыру) ұйымдары үшін нақты төлем қабілеттілігі маржасының есебі

      (мың теңгемен)

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

Әкімшілік деректерді жинауға арналған "Өмірді сақтандыру"
саласы бойынша сақтандыру қызметін жүзеге асыратын исламдық
сақтандыру ұйымдарына арналған төлем қабілеттілігі маржасының
есебі" нысанын толтыру бойынша түсіндірме
1. Жалпы ережелер

      1. Осы түсіндірме (бұдан әрі – Түсіндірме) "Өмірді сақтандыру бойынша исламдық сақтандыру ұйымдарына арналған төлем қабілеттілігі маржасының есебі" нысанын (бұдан әрі - Нысан) толтыру бойынша бірыңғай талаптарды айқындайды.

      2. Нысан "Сақтандыру қызметі туралы" 2000 жылғы 18 желтоқсандағы Қазақстан Республикасы Заңның 46-бабының 10-1-тармағына сәйкес әзірленді.

      3. Исламдық сақтандыру (қайта сақтандыру) ұйымы нысанды ай сайын толтырады.

      4. Нысанды толтырған кезде пайдаланылатын өлшем бірлігі мың теңгемен белгіленеді. Бес жүз теңгеден кем сома нөлге дейін дөңгелектенеді, ал бес жүз теңге тең және одан жоғары сома мың теңгеге дейін дөңгелектенеді

      5. Нысанға бірінші басшы ол болмаған кезде - оның орнындағы адам), бас бухгалтер және орындаушы қол қояды.

2. Нысанды толтыру бойынша түсіндірмелер

      6. Нысан әрбір есепті күнге толтырылады.

      7. "Өмірді сақтандыру" және "аннуитеттік сақтандыру" сыныптары үшін төлем қабілеттілігі маржасының ең аз мөлшері есебінің 1 000-жолында "өмірді сақтандыру" және "аннуитеттік сақтандыру" сыныптары үшін есептелген төлем қабілеттілігі маржасының ең төменгі мәні көрсетіледі.

      8. "Жазатайым жағдайлардан сақтандыру" және "ауырған жағдайдан сақтандыру" сыныптары үшін төлем қабілеттілігі маржасының ең аз мөлшері есебінде "жазатайым жағдайлардан сақтандыру" және "ауырған жағдайдан сақтандыру" сыныптары үшін төлем қабілеттілігінің ең аз мөлшерін есептеу үшін қажетті мәндер көрсетіледі.

      9. "Жазатайым жағдайлардан сақтандыру" және "ауырған жағдайдан сақтандыру" сыныптары үшін төлем қабілеттілігі маржасының ең аз мөлшері есебінің 3 000-жолында "жазатайым жағдайлардан сақтандыру" және "ауырған жағдайдан сақтандыру" сыныптары үшін есептелген ең аз мөлшердің мәні көрсетіледі.

      10. Төлем қабілеттілігі маржасының ең аз мөлшерінің 4000-жолында 1 000, 2 000 және 3 000-жолдарда көрсетілген мәндердің сомасы көрсетіледі.

      11. 5 000-жолда осы Нұсқаулықтың 21 және 22-тармақтарына сәйкес сақтандыру ұйымының кепілдік беру қорының ең аз мөлшері көрсетіледі.

      12. 8 000-жолда төлем қабілеттілігі маржасының ең аз мөлшері көрсетіледі.

      13. Өмірді сақтандыру бойынша исламдық сақтандыру (қайта сақтандыру) ұйымдары үшін нақты төлем қабілеттілігі маржасы есебінің 111, 112, 113, 114, 115, 116, 117,118, 119-жолдарында нақты төлем қабілеттілігі маржасының ең аз мөлшерін есептеу үшін қажетті мәндер көрсетіледі.

      14. Өмірді сақтандыру бойынша исламдық сақтандыру (қайта сақтандыру) ұйымдары үшін нақты төлем қабілеттілігі маржасы есебінің 100-жолында А аралық жиынтығы көрсетіледі, ол мынадай мәнге тең болады: 111-жол - 112-жол + 113-жол + 114-жол - 115-жол - 116-жол - 117-жол - 118-жол.

      15. 300-жолда көрсетілетін нақты төлем қабілеттілігі маржасы мына екі шаманың: 1) А және Б аралық жиынтығы сомасының (100-жол + 200-жол) немесе 2) активтердің сапа және өтімділік бойынша жіктелімін ескере отырып есептелген нақты төлем қабілеттілігі маржасы (15 000-жол) ең төменгісіне тең.

      16. 500-жолда ең төменгі төлем қабілеттілігі маржасына нақты төлем қабілеттілігі маржасының қатынасына (300-жол/400-жол) тең төлем қабілеттілігі маржасының жеткіліктілігі нормативінің мәні көрсетіледі.

      ________________________________________________________

      (исламдық сақтандыру (қайта сақтандыру) ұйымының атауы)

      20___ жылғы "___" ___________ жағдай бойынша

      пруденциялық нормативтерді есептеуге арналған

      қосымша мәліметтер

      (мың теңгемен)

      Ескертпе: № 8020-8047 белгілерін "жалпы сақтандыру" саласында қызметін жүзеге асыратын исламдық сақтандыру (қайта сақтандыру) ұйымдары ғана толтырады.

      № 8048-8078 белгілерін "өмірді сақтандыру" саласында қызметін жүзеге асыратын исламдық сақтандыру (қайта сақтандыру) ұйымдары ғана толтырады.

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

      Тұрақтандыру резервін және шығындылықты сипаттайтын

      коэффициенттің орташа квадраттық ауытқуын есептеу

      1. Тұрақтандыру резерві шығындылықты сипаттайтын коэффициенттің орташа квадраттық ауытқуы (Sk) шығындылықты сипаттайтын коэффиценттің орташа мәнінің

      мұнда:

      K(i) - i-ші қаржы жылына шығындылықты сипаттайтын коэффиценттің шамасы;

      M - қаржы жылдарының саны.

      Егер қайта сақтандырушының үлесі ескерілмеген шығындылық коэффициентінің

      2. Шығындылықты сипаттайтын коэффициенттің орташа мәні және сақтандыру сыныбы бойынша шығындылықты сипаттайтын коэффициенттің орташа квадраттық ауытқуын бағалау алдыңғы үш қаржы жылындағы деректер негізінде анықталады.

      3. Сақтандыру сыныбы бойынша тұрақтандыру резерві есепті кезеңдегі тапқан сақтандыру сыйлықақысының шамасы шегерілген есепті кезеңнің басындағы тұрақтандыру резервінің шығындылықты сипаттайтын коэффициентінің

      Есепті күндегі тұрақтандыру резерві = ТР1 - ТС

      мұнда:

      ТР1 - алдыңғы есепті күнгі тұрақтандыру резерві;

      K - шығындардың есепті кезеңдегі шығындылығын сипаттайтын коэффициенттің шамасы;

      ТС - есепті кезеңдегі табыс берген сақтандыру сыйлықақысы.

      Табыс берген сақтандыру сыйлықақысы - есепті кезең басында табыс бермеген сыйлықақының шамасына көбейтілген және осы кезеңнің соңында табыс бермеген сыйлықақы резервінің шамасына азайтылған есепті кезеңде есептелген сақтандыру сыйлықақысы.

      Тұрақтандыру резервін есептеу үшін есепті кезең бір қаржы жылына тең.

      4. Егер қандай да бiр сақтандыру сыныбы бойынша шығындылықты сипаттайтын коэффициенттің орташа квадраттық ауытқуы шығындылықты сипаттайтын коэффициентінің орташа мәнінен 10 (он) пайызға аз болса, осы сақтандыру сыныбы бойынша тұрақтандыру резервінің мөлшері нөлге тең болып қолданылады.

      5. Егер қандай да бiр сақтандыру сыныбы бойынша исламдық сақтандыру ұйымы екі жыл ішінде сақтандыру шарттарын жасамаса, сақтандыру сыныбы бойынша тұрақтандыру резервінің мөлшері нөлге тең болып қолданылады.

      6. Сақтандыру сыныбы бойынша тұрақтандыру резерві соңғы қаржы жылы үшін сақтандырудың тиісті сыныбы бойынша табыс берген сақтандыру сыйлықақысына көбейтілген шығындылықты сипаттайтын коэффициенттің орташа квадраттық ауытқуын бағалаудан 450 (төрт жүз елу) пайыздан аспайды:

      Есепті күндегі тұрақтандыру резерві < 4.5 х Sk х ТС(М)

      мұнда:

      ТС(M) - соңғы қаржы жылында табыс берген сақтандыру сыйлықақысы.

      1-нысан

      Күтпеген тәуекелдер резервін есептеуге арналған деректер

      2-нысан

      ______________ бойынша тұрақтандыру резервін есептеуге арналған

      деректер сақтандыру сыныбы

      Ескертпе: 2-нысанда көрсетілген деректер тұрақтандыру резервін және шығындылықты сипаттайтын коэффициентінің елеулі ауытқуын осы қосымшаға сәйкес есептегенде қолданылады.

      Әкімшілік деректерді жинауға арналған нысан

      Күтілмеген тәуекелдер резервін және исламдық сақтандыру

      (қайта сақтандыру) ұйымдарының тұрақтандыру резервін есептеу

      туралы есеп

      Есепті кезең: 20__жылғы 01.__.

      Индекс: 9-I_RUR_SR

      Кезеңділігі: ай сайын

      Ұсынатын ұйым: исламдық сақтандыру (қайта сақтандыру) ұйымы

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: ай сайын, есепті айдан кейінгі айдың алтыншы жұмыс күнінен кешіктірмей

      Нысан

      (мың теңгемен)

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

Әкімшілік деректерді жинауға арналған нысандарды
толтыру бойынша түсіндірме
1. Жалпы ережелер

      1. Осы түсіндірме (бұдан әрі – Түсіндірме) "Күтілмеген тәуекелдер резервін және исламдық сақтандыру (қайта сақтандыру) ұйымдарының тұрақтандыру резервін есептеу туралы есеп" нысанын (бұдан әрі - Нысан) толтыру бойынша бірыңғай талаптарды белгілейді.

      2. Нысан "Сақтандыру қызметі туралы" 2000 жылғы 18 желтоқсандағы Қазақстан Республикасы Заңның 46-бабының 10-1-тармағына сәйкес әзірленді.

      3. Нысанды ай сайын исламдық сақтандыру (қайта сақтандыру) ұйымы жасайды және Күтілмеген тәуекелдер резерві және Тұрақтандыру резерві бойынша толтырады.

      4. Нысанды жасау кезінде пайдаланылатын өлшем бірлігі мың теңгемен белгіленеді. Бес жүз теңгеден аз сома нөлге дейін дөңгелектенеді, ал бес жүз теңгеге тең және одан көп сома мың теңгеге дейін дөңгелектенеді.

      5. Нысанға бірінші басшы (ол болмаған кезеңде - оның орнындағы тұлға), бас бухгалтер және орындаушы қол қояды.

2. Нысанды толтыру бойынша түсіндірмелер

      6. Нысан әрбір есептік күнге толтырылады.

      7. 3-бағанда сақтандыру сыныбы бойынша есепті күнге есептелген Күтілмеген тәуекелдер резервінің сомасы көрсетіледі.

      8. 3-бағанның 2.1, 2.2, 2.2.1, 2.2.2 және 2.2.3-жолдарында Күтілмеген тәуекелдер резерві бойынша ақпарат көрсетілмейді.

      9. 4-бағанда сақтандыру сыныбы бойынша ағымдағы жылдың 1 қаңтардағы жағдай бойынша есептелген Тұрақтандыру резервінің сомасы көрсетіледі.

      10. 4-бағанның 2, 2.1, 2.2, 2.2.1, 2.2.2, 2.2.3, 2.3, 2.4 және 2.5-жолдарында Тұрақтандыру резерві бойынша ақпарат көрсетілмейді.

      11. 4-жолда сақтандырудың барлық сыныптары бойынша есепті күнге Күтілмеген тәуекелдер резервінің, Тұрақтандыру резервінің жиынтық сомалары көрсетіледі.

      Әкімшілік деректерді жинауға арналған нысан

      Исламдық сақтандыру (қайта сақтандыру) ұйымының пруденциялық

      нормативтерді орындауы туралы есеп

      Есепті кезең: 20__жылғы 01.___

      Индекс: 10-I_PN_M

      Кезеңділігі: ай сайын

      Ұсынатындар: исламдық сақтандыру (қайта сақтандыру) ұйымдары

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: ай сайын, есепті айдан кейінгі айдың алтыншы жұмыс күнінен кешіктірмей

      Нысан

      _________________________________________________________

      (исламдық сақтандыру (қайта сақтандыру) ұйымының атауы)

      Бірінші басшы (ол болмаған жағдайда - оның орнындағы адам)

      ________________________________________________________ __________

      (тегі, аты, әкесінің аты (бар болса) (қолы)

      Бас бухгалтер __________________________________________ __________

      (тегі, аты, әкесінің аты (бар болса) (қолы)

      Орындаушы ___________________________________ ________ ___________

      (лауазымы, тегі, аты, (бар болса) (қолы) (телефоны)

      Есепке қол қойылған күн 20 __ жылғы "____" _______________

      Мөр орны (бар болса)

Әкімшілік деректерді жинауға арналған нысанды
толтыру бойынша түсіндірме
"Исламдық сақтандыру (қайта сақтандыру) ұйымының пруденциялық
нормативтерді орындауы туралы есеп"
1. Жалпы ережелер

      1. Осы түсіндірме (бұдан әрі – Түсіндірме) "Исламдық сақтандыру (қайта сақтандыру) ұйымының пруденциялық нормативтерді орындауы туралы жиынтық мәліметтер" нысанын (бұдан әрі - Нысан) толтыру бойынша бірыңғай талаптарды айқындайды.

      2. Нысан "Сақтандыру қызметі туралы" 2000 жылғы 18 желтоқсандағы Қазақстан Республикасы Заңның 46-бабының 10-1-тармағына сәйкес әзірленді.

      3. Нысанды Исламдық сақтандыру (қайта сақтандыру) ұйымы ай сайын толтырады.

      4. Нысанды жасау кезінде пайдаланылатын өлшем бірлігі мың теңгемен және пайызбен белгіленеді (үтірден кейін екі белгіге дейін). Бес жүз теңгеден кем сома нөлге дейін дөңгелектенеді, ал бес жүзге тең және одан астам сома мың теңгеге дейін дөңгелектенеді.

      5. Нысанға бірінші басшы (ол болмаған кезеңде - оның орнындағы адам), бас бухгалтер және орындаушы қол қояды.

2. Нысанды толтыру бойынша түсіндірмелер

      6. Нысан әрбір есепті күні толтырылады.

      7. 1-жолда төлем қабілеттілігінің маржасының жеткіліктілігі нормативі көрсетіледі.

      8. 1.1, 1.2, 1.3, 1.4, 1.5, 1.6, 1.7, 1.8-жолдарда төлем қабілеттілігінің маржасының жеткіліктілігі нормативін есептеу үшін мәндері көрсетіледі.

      9. 11-жолда жоғары өтімді активтердің жеткіліктілігі нормативін орындау туралы ақпарат көрсетіледі (иә/жоқ). Жоғары өтімді активтердің жеткіліктілігі нормативі бірден кем болмауы тиіс. Исламдық сақтандыру (қайта сақтандыру) ұйымы күн сайынғы жоғары өтімді активтердің жеткіліктілігі нормативін сақтамаған жағдайда, нормативтің мәні "жоқ" деп қойылады.