Ескерту. Күші жойылды – ҚР Әділет министрінің м.а. 27.05.2020 № 58 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Мемлекеттік көрсетілетін қызметтер туралы" Қазақстан Республикасының 2013 жылғы 15 сәуірдегі Заңының 10-бабы 2) тармақшасын іске асыру мақсатында БҰЙЫРАМЫН:

      1. Қоса беріліп отырған "Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою" мемлекеттік көрсетілетін қызмет регламенті бекітілсін.

      2. Мыналардың күші жойылды деп танылсын:

      1) Қазақстан Республикасы Әділет министрінің 2014 жылғы 30 қантардағы "Азаматтық хал актілерін тіркеу және апостильдеу мәселелері бойынша мемлекеттік қызметтердің регламенттерін бекіту туралы" № 36 бұйрығының (Нормативтік құқықтық актілерді мемлекеттік тіркеу тізілімінде № 9114 тіркелді, 2014 жылғы 4 наурыздағы "Әділет" ақпараттық-құқықтық жүйесінде жарияланған);

      2) Қазақстан Республикасы Әділет министрінің 2014 жылғы 19 маусымдағы "Азаматтық хал актілерін тіркеу және апостильдеу мәселелері бойынша мемлекеттік қызметтердің регламенттерін бекіту туралы" Қазақстан Республикасы Әділет министрінің 2014 жылғы 30 қаңтардағы № 36 бұйрығына өзгерістер мен толықтырулар енгізу туралы" № 215 бұйрығының (Нормативтік құқықтық актілерді мемлекеттік тіркеу тізілімінде № 9568 тіркелді, 2014 жылғы 16 шілдедегі "Әділет" ақпараттық-құқықтық жүйесінде жарияланған).

      3. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті заңнамада белгіленген тәртіппен осы бұйрықты мемлекеттік тіркеуді және оны ресми жариялауды қамтамасыз етсін.

      4. Осы бұйрықтың орындалуын бақылау Қазақстан Республикасы Әділет министрінің орынбасары Б.Ж.Әбдірайымға жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

"Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою" мемлекеттік көрсетілетін қызмет регламенті

      Ескерту. Регламент жаңа редакцияда - ҚР Әділет министрінің м.а. 13.07.2018 № 1090 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы "Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою" мемлекеттік көрсетілетін қызмет регламенті (бұдан әрі – мемлекеттік көрсетілетін қызмет) "Азаматтық хал актілерін тіркеу және апостильдеу мәселелері бойынша мемлекеттік көрсетілетін қызметтер стандарттарын бекіту туралы" 2015 жылғы 17 сәуірдегі № 219 Қазақстан Республикасы Әділет министрінің бұйрығымен бекітілген "Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою" мемлекеттік көрсетілетін қызмет стандартының (бұдан әрі – Стандарт) (Нормативтік құқықтық актілерді мемлекеттік тіркеу тізілімінде № 11374 болып тіркелген) негізінде әзірленді.

      Мемлекеттік көрсетілетін қызмет Қазақстан Республикасының Әділет министрлігімен (бұдан әрі - Министрлік), облыстардың, Нұр-Сұлтан, Алматы және Шымкент қалаларының Әділет департаменттерімен (бұдан әрі - Департамент) (бұдан әрі - көрсетілетін қызметті берушілер) көрсетіледі.

      Өтініштерді қабылдау және мемлекеттік қызмет көрсету нәтижесін беру мынадай негізде:

      1) "Азаматтарға арналған үкімет" мемлекеттік корпорациясы" коммерциялық емес акционерлік қоғамы (бұдан әрі – Мемлекеттік корпорация);

      2) "электрондық үкіметтің" веб-порталы (бұдан әрі – портал) www.egov.kz арқылы жүзеге асырылады.

      2. Мемлекеттік қызметті көрсету нысаны: электрондық /қағаз түрінде.

      3. Мемлекеттік көрсетілетін қызметтің нәтижесі:

      Стандарттың 1-қосымшасына сәйкес "апостиль" мөртабаны бар қағаз жеткізгіштегі құжат, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не Стандарттың 10-тармағында көзделген жағдайлар мен негіздер бойынша жеке басын куәландыратын құжатты көрсеткен кезде қағаз жеткізгіштегі, мемлекеттік көрсетілетін қызметтен бас тарту туралы дәлелді жауап.

      Порталда көрсетілетін қызметті алушының "жеке кабинетіне" электрондық құжат нысанында көрсетілетін қызметті берушінің уәкілетті тұлғасының электрондық цифрлық қолтаңбасымен (бұдан әрі - ЭЦҚ) қолы қойылған, мемлекеттік көрсетілетін қызмет нәтижесінің берілетін жері және күні көрсетіле отырып, мемлекеттік қызмет көрсетуді қарау нәтижесінің дайын екендігі туралы хабарлама, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не Стандарттың 10-тармағында көзделген жағдайлар мен негіздер бойынша мемлекеттік көрсетілетін қызметтен бас тарту туралы электрондық құжат нысанындағы дәлелді жауап жолданады.

2-тарау. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-әрекеті тәртібінің сипаттамасы

      4. Көрсетілетін қызметті берушінің көрсетілетін қызметті алушыдан мемлекеттік қызметтің көрсетілуі үшін Стандарттың 9-тармағында көзделген өтінішті және қажетті құжаттарды немесе электрондық сұрау салуды алуы мемлекеттік қызметті көрсету бойынша рәсімді (іс-әрекетті) бастауға негіз болып табылады.

      Көрсетілетін қызметті алушының мемлекеттік көрсетілетін қызметті ЭЦҚ болған жағдайда портал арқылы электрондық нысанда алуға мүмкіндігі бар.

      5. Мемлекеттік қызметті көрсету процесінің құрамына кіретін рәсімдер (іс-әрекеттер):

      1) Мемлекеттік корпорация қызметкерінің құжаттарды қабылдау ;

      2) көрсетілетін қызметті берушінің кеңсе қызметкеріне құжаттарды табыстау;

      3) көрсетілетін қызметті берушінің кеңсе қызметкерімен берілген құжаттарды және тізілімді тіркеу;

      Мемлекеттік корпорациядан түсетін өтініштер Электронды құжат айналымының бірыңғай жүйесінде (бұдан әрі - ЭҚАБЖ) тіркелмейді.

      4) құжаттарды:

      Министрлікте – азаматтық хал актілерін тіркеу мен апостиль қоюды әдістемелік қамтамасыз ету және бақылау басқармасының басшысына немесе оның міндетін атқарушысына (бұдан әрі – көрсетілетін қызметті берушінің басқармасының басшысы);

      Департаменттерде - азаматтық хал актілерін тіркеу мен апостиль қоюды қамтамасыз ету және бақылау бөлімінің басшысына немесе оның міндетін атқарушысына (әрі қарай - көрсетілетін қызметті берушінің бөлім басшысы) құжат табыс ету үшін көрсетілетін қызметті беруші басшысының аталған саланы жетекшілік ететін орынбасарына (бұдан әрі – көрсетілетін қызметті беруші басшысының орынбасары) тапсыру;

      5) көрсетілетін қызметті берушінің қызметкеріне құжаттарды:

      Министрлікте – ұсынылған құжаттарды тексеру және қарау, сондай-ақ, апостиль мөртабанын қою функционалдық міндеттеріне жататын бас сарапшыға немесе сарапшыға (бұдан әрі – көрсетілетін қызметті берушінің қызметкері);

      Департаменттерде – ұсынылған құжаттарды тексеру және қарау функционалдық міндеттеріне жататын бас маманға немесе жетекші маманға (бұдан әрі – көрсетілетін қызметті берушінің қызметкері) қарауға беру;

      6) мемлекеттік қызмет көрсету нәтижесінің көрсетілетін қызметті беруші қызметкерімен рәсімделуі:

      Министрлікте:

      оң жауап болса - апостиль мөртабанын қою, көрсетілетін қызметті беруші қызметкерінің қол және апостильдеу үшін мөрді қою;

      теріс жауап болса - көрсетілетін қызметті беруші қызметкерімен мемлекеттік қызмет көрсетілуден бас тартылатыны туралы дәлелді жауап дайындау, көрсетілетін қызметті беруші басқармасының басшысымен аталған жауапқа виза қою, көрсетілетін қызметті берушінің бөлімше басшысының орынбасарымен жауапқа виза қою, көрсетілетін қызметті берушінің бөлімше басшысымен немесе оның міндетін атқарушы орынбасарымен жауапқа қол қою;

      Департаменттерде:

      оң немесе теріс жауап болса - көрсетілетін қызметті беруші қызметкерімен қызмет көрсетілу нәтижесін дайындау, көрсетілетін қызметті берушінің бөлім басшысымен нәтижеге виза қою, көрсетілетін қызметті беруші басшысының орынбасарымен нәтижеге қол қою, осы мөрді сақтауға жауапты қызметкерімен апостиль қойылған құжаттарға Департаменттің елтаңбалы мөрін қою;

      7) көрсетілетін қызметті берушінің қызметкерімен көрсетілетін қызметті беруші кеңсесінің қызметкеріне мемлекеттік қызмет көрсету нәтижесін беру;

      8) көрсетілетін қызметті беруші кеңсесінің қызметкерімен Мемлекеттік корпорацияның қызметкеріне мемлекеттік қызмет көрсету нәтижесін беру.

3-тарау. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) өзара іс-қимыл тәртібінің сипаттамасы

      6. Көрсетілетін мемлекеттік қызмет процесіне қатысатын көрсетілетін қызметті берушінің құрылымдық бөлімшелерінің тізбесі:

      1) Мемлекеттік корпорация;

      2) көрсетілетін қызметті беруші;

      3) көрсетілетін қызметті беруші кеңсесінің қызметкері;

      4) Министрлікте-көрсетілетін қызметті беруші бөлімшесінің басшысы, көрсетілетін қызметті беруші бөлімше басшысының орынбасары; Департаменттерде - көрсетілетін қызметті беруші басшысының орынбасары;

      5) Министрлікте көрсетілетін қызметті берушінің басқарма басшысы;

      Департаменттерде – көрсетілетін қызметті берушінің бөлім басшысы;

      6) көрсетілетін қызметті берушінің қызметкері.

      7. Құжат Мемлекеттік корпорация арқылы түскен кезде көрсетілетін қызметті берушінің құрылымдық бөлімшелерінің арасында рәсімдердің (іс-әрекеттердің) дәйектілігі сипаттамасы:

      1) құжаттарды қабылдауды және Мемлекеттік корпорацияның ақпараттық жүйесінде 15 (он бес) минут ішінде өтінішті тіркеуді және көрсетілетін қызметті берушіге орындауға тапсыруды жүзеге асырады;

      2) көрсетілетін қызметті беруші кеңсесінің қызметкері мемлекеттік қызметті көрсету үшін өтініш пен қажетті құжаттар түскен соң 20 (жиырма) минут ішінде тізілімде ЭҚАБЖ – де тіркеуді жүзеге асырады, Стандарттың 4-тармағында белгіленген мерзімге сәйкес бақылауға қояды және Министрлікте - көрсетілетін қызметті берушінің басқарма басшысына, Департаменттерде – көрсетілетін қызметті беруші басшысының орынбасарына қарауға береді;

      3) Министрлікте – басқарма басшысы 15 (он бес) минут ішінде көрсетілетін қызметті алушының өтінішін көрсетілетін қызметті берушінің қызметкеріне, Департаментте – көрсетілетін қызметті беруші басшысының орынбасары 10 (он) минут ішінде көрсетілетін қызметті алушының өтінішін көрсетілетін қызметті берушінің бөлім басшысына жолдайды;

      4) Департаменттерде көрсетілетін қызметті берушінің бөлім басшысы 5 (бес) минут ішінде қарарға сәйкес көрсетілетін қызметті алушының өтінішін көрсетілетін қызметті беруші қызметкеріне орындау үшін жолдайды;

      5) көрсетілетін қызметті берушінің қызметкері келесі дәйекті іс әрекеттерді жүзеге асырады:

      ұсынылған құжаттардың Стандарттардың 9-тармағына және басқа да нормативтік құқықтық актілерге сәйкестігін тексереді;

      Министрлікте: 15 (он бес) сағат ішінде ресми құжаттың төлнұсқаулығын тексереді, құжаттарды апостиль қою үшін ұсынылған құжаттарды тіркеу кітабында тіркейді, ұсынылған құжатты апостильдеуге дайындайды, оған қол қояды, апостильдеу үшін мөр қояды немесе көрсетілетін қызметті алушы өтінішпен жүгінген кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты көрсетілетін қызмет беруші басқармасының басшысына зерделеуге ұсынады;

      көрсетілетін қызметті беруші басқармасының басшысы 15 (он бес) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, виза қояды және оны әрі қарай осы саланы жетекшілік ететін көрсетілетін қызметті беруші бөлімше басшысының орынбасарына виза қою үшін және көрсетілетін қызметті беруші бөлімшесінің басшысына қол қою үшін ұсынатын көрсетілетін қызмет берушінің қызметкеріне қайтарады;

      осы саланы жетекшілік ететін көрсетілетін қызметті беруші бөлімше басшысының орынбасары және көрсетілетін қызметті беруші бөлімшесінің басшысы 15 (он бес) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, көрсетілетін қызметті беруші бөлімше басшысының орынбасары виза қояды, көрсетілетін қызметті беруші бөлімшесінің басшысы оған қол қояды және көрсетілетін қызметті берушінің қызметкеріне қайтарады;

      Департаменттерде: 14 (он төрт) сағат 45 (қырық бес) минут ішінде ресми құжаттың төлнұсқалығын текереді, құжаттарды апостиль қою үшін ұсынылған құжаттарды тіркеу кітабына тіркейді, ұсынылған құжатты апостильдеуге дайындайды немесе көрсетілетін қызметті алушы өтінішпен жүгінген кезде қарастырылудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты көрсетілетін қызметті берушінің бөлім басшысына зерделеуге ұсынады;

      көрсетілетін қызметті беруші бөлімінің басшысы 15 (он бес) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті берушінің қызметкері дайындаған құжатты көрсетілетін қызметті алушы өтінішпен жүгінген кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, виза қояды және оны әрі қарай осы саланы жетекшілік ететін қарастырудың тоқтатылғаны жөніндегі хат беру не мемлекеттік көрсетілетін қызметті беруші басшысының орынбасарына қол қою үшін ұсынатын көрсетілетін қызмет берушінің қызметкеріне қайтарады.

      көрсетілетін қызметті беруші басшысының орынбасары 15 (он бес) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті берушінің қызметкері дайындаған құжатты, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, оған қол қояды және көрсетілетін қызмет берушінің қызметкеріне қайтарады;

      көрсетілетін қызметті берушінің қызметкері (Министрліктің және Департаменттің) 15 (он бес) минут ішінде көрсетілетін қызметті берушінің кеңсе қызметкеріне мемлекеттік көрсетілетін қызметтің нәтижесін береді, ол Мемлекеттік корпорацияның қызметкеріне тізілім бойынша дайын құжатты, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат не мемлекеттік көрсетілетін қызметтен бас тарту туралы дәлелді жауапты береді.

      8. Құжат портал арқылы түскен кезде құрылымдық бөлімшелердің арасында рәсімдердің (іс-әрекеттердің) дәйектілігі сипаттамасы:

      1) көрсетілетін қызметті берушінің қызметкері 15 (он бес) минут ішінде құжаттарды қабылдайды және "АХАЖ Тіркеу пункті" ақпараттық жүйесінде өтінішті тіркеуді жүзеге асырады және Министрлікте – көрсетілетін қызметті берушінің басқарма басшысына, Департаменттерде – көрсетілетін қызметті беруші басшысының орынбасарына қарауға береді;

      2) Министрлікте – басқарма басшысы 15 (он бес) минут ішінде, Департаменттерде көрсетілетін қызметті беруші басшысының орынбасары 10 (он) минут ішінде көрсетілетін қызметті алушының өтінішін, Министрлікте – көрсетілетін қызметті берушінің қызметкеріне, Департаментте - көрсетілетін қызметті берушінің бөлім басшысына қарарға сәйкес жолдайды;

      3) көрсетілетін қызметті берушінің бөлім басшысы 5 (бес) минут ішінде қарарға сәйкес көрсетілетін қызметті алушының өтінішін көрсетілетін қызметті беруші қызметкеріне орындау үшін жолдайды;

      4) көрсетілетін қызметті берушінің қызметкері келесі дәйекті іс-әрекеттерді жүзеге асырады:

      көрсетілетін қызметті берушінің қызметкері өтініш түскеннен кейін мемлекеттік қызмет көрсету үшін 15 (он бес) минут ішінде ұсынылған құжаттарды Стандарттың 9-тармағына және басқа да нормативтік құқықтық актілерге сәйкестігін тексереді;

      Министрлікте: 6 (алты) сағат 50 (елу) минут ішінде құжаттарды апостиль қою үшін ұсынылған құжаттарды тіркеу кітабына тіркейді, ресми құжаттың төлнұсқалығын тексереді, ұсынылған құжатты апостильдеуге дайындайды, оған қол қояды, апостильдеу үшін мөр қояды немесе көрсетілетін қызметті алушы өтінішпен жүгінген кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты көрсетілетін қызметті беруші басқармасының басшысына зерделеуге ұсынады;

      көрсетілетін қызметті беруші басқармасының басшысы 20 (жиырма) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, виза қояды және оны әрі қарай осы саланы жетекшілік ететін көрсетілетін қызметті беруші бөлімше басшысының орынбасарына виза қою үшін және көрсетілетін қызметті беруші бөлімшесінің басшысына қол қою үшін ұсынатын көрсетілетін қызмет берушінің қызметкеріне қайтарады:

      осы саланы жетекшілік ететін көрсетілетін қызметті беруші бөлімше басшысының орынбасары және көрсетілетін қызметті беруші бөлімшесінің басшысы 20 (жиырма) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, көрсетілетін қызметті беруші бөлімше басшысының орынбасары виза қояды, көрсетілетін қызметті беруші бөлімшесінің басшысы оған қол қояды және көрсетілетін қызметті берушінің қызметкеріне қайтарады;

      Департаменттерде: 6 (алты) сағат 35 (отыз бес) минут құжаттарды апостиль қою үшін ұсынылған құжаттарды тіркеу кітабында тіркейді, ішінде ресми құжаттың төлнұсқалығын тексереді, ұсынылған құжатты апостильдеуге дайындайды немесе көрсетілетін қызметті алушы өтінішпен жүгінген кезде қарастырудың тоқтатылғаны жөніндегі хатты не мемлекеттік көрсетілетін қызметтен бас тарту туралы дәлелді жауапты көрсетілетін қызметті берушінің бөлім басшысына зерделеуге ұсынады;

      көрсетілетін қызметті беруші бөлімінің басшысы 20 (жиырма) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті берушінің қызметкері дайындаған құжатты көрсетілетін қызметті алушы өтінішпен жүгінген кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, виза қояды және оны әрі қарай осы саланы жетекшілік ететін қарастырудың тоқтатылғаны жөніндегі хат беру не мемлекеттік көрсетілетін қызметті беруші басшысының орынбасарына қол қою үшін ұсынатын көрсетілетін қызмет берушінің қызметкеріне қайтарады.

      көрсетілетін қызметті беруші басшысының орынбасары 15 (он бес) минут ішінде мемлекеттік қызмет көрсетілуі үшін қажетті көрсетілетін қызметті алушы ұсынған құжаттарды, көрсетілетін қызметті берушінің қызметкері дайындаған құжатты, көрсетілетін қызметті алушы өтінішпен жүгінген кезде қарастырудың тоқтатылғаны жөніндегі хат беру не мемлекеттік көрсетілетін қызметтен бас тарту туралы дәлелді жауапты зерделейді, оған қол қояды және көрсетілетін қызмет берушінің қызметкеріне қайтарады;

      көрсетілетін қызметті берушінің қызметкері құжатты алған кезден бастап 15 (он бес) минут ішінде апостильденген құжатқа Департаменттің елтаңбалы мөрін осы мөрді сақтауға жауапты қызметкерден қойдырады;

      көрсетілетін қызметті берушінің қызметкері (Министрліктің және Департаменттің) көрсетілетін қызметті берушінің кеңсе қызметкеріне мемлекеттік көрсетілетін қызметтің нәтижесін береді, ол аумақтық қағидаты бойынша Мемлекеттік корпорацияның қызметкеріне тізілім бойынша дайын құжатты, көрсетілетін қызметті алушы өтінішпен жолыққан кезде қарастырудың тоқтатылғаны жөніндегі хат не мемлекеттік көрсетілетін қызметтен бас тарту туралы дәлелді жауапты береді.

4-тарау. Мемлекеттік корпорация және (немесе) өзге де көрсетілетін қызмет берушілердің өзара іс-қимыл тәртібінің, сондай-ақ мемлекеттік қызмет көрсету процесінде ақпараттық жүйелерді пайдалану тәртібінің сипаттамасы

      9. Көрсетілетін қызметті берушінің құрылымдық бөлімшелерінің (қызметкерлерінің) арасында рәсімдердің (іс-әрекеттердің) дәйектілігі сипаттамасы осы Регламенттің 1-қосымшасына сәйкес кестеде келтірілген.

      10. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) рәсімдері (іс-қимылдары), өзара іс-қимылдары дәйектілігінің сипаттамасы, сондай-ақ мемлекеттік қызмет көрсету процесінде өзге көрсетілетін қызметті берушілермен және (немесе) Мемлекеттік корпорациямен өзара іс-қимыл тәртібінің және мемлекеттік қызмет көрсету процесінде ақпараттық жүйені пайдалану тәртібінің сипаттамасы осы Регламенттің 2-қосымшасына сәйкес мемлекеттік қызмет көрсету бизнес-процестерінің анықтамалығында көрсетіледі.

Көрсетілетін қызметті берушінің құрылымдық бөлімшелерінің (қызметкерлерінің) арасында рәсімдердің (іс-әрекеттердің) дәйектілігі сипаттамасы

Мемлекеттік қызмет көрсету бизнес-процестерінің АНЫҚТАМАЛЫҒЫ "Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою"

      Мемлекеттік корпорация арқылы қызмет көрсетілген кезде

Қызмет Электрондық үкімет порталы арқылы көрсетілгенде

Қызметті электрондық түрде Мемлекеттік корпорация арқылы көрсеткенде

      *ҚФБ – Құрылымдық-функционалдық бірлік: қызмет беруші құрылымдық бөлімшелерінің (қызметкерлерінің), Мемлекеттік корпорацияның, "электрондық үкімет" веб-порталының өзара іс-қимыл жасауы;