Ескерту. Күші жойылды - ҚР Энергетика министрінің 11.06.2018 № 233 бұйрығымен (29.06.2018 бастап қолданысқа енгізіледі).

      "Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасы Заңының 17-бабының 20-тармағына сәйкес БҰЙЫРАМЫН:

      1. Қоса берілген:

      1) осы бұйрықтың 1-қосымшасына сәйкес көмірсутек шикізатын, көмір және уранды барлауға арналған модельдік келісімшарт;

      2) осы бұйрықтың 2-қосымшасына сәйкес көмірсутек шикізатын, көмір және уранды өндіруге арналған модельдік келісімшарт;

      3) осы бұйрықтың 3-қосымшасына сәйкес көмірсутек шикізатын, көмір және уранды бірлесіп барлауға және өндіруге арналған модельдік келісімшарт бекітілсін.

      2. Қазақстан Республикасы Энергетика министрлігінің Жер қойнауын пайдалану департаменті Қазақстан Республикасының заңнамасында белгіленген тәртіппен:

      1) Қазақстан Республикасының Әділет министрлігінде осы бұйрықтың мемлекеттік тіркелуін;

      2) Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде осы бұйрықтың көшірмесін мерзiмдi баспа басылымдарында және "Әділет" ақпараттық құқықтық жүйесінде ресми жариялауға жолдануын;

      3) осы бұйрықтың Қазақстан Республикасы Энергетика министрлігінің ресми интернет-ресурсында және мемлекеттік органдардың интранет-порталында орналастыруын;

      4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 2) және 3) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Энергетика вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасы

КӨМІРСУТЕК ШИКІЗАТЫН, КӨМІР ЖӘНЕ УРАНДЫ
БАРЛАУҒА АРНАЛҒАН МОДЕЛЬДІК КЕЛІСІМШАРТ

      Бұдан әрі бірлесіп Тараптар деп аталатын, Қазақстан Республикасының

      атынан құзыретті орган ретінде әрекет ететін

      _____________________________________________________________________

      (мемлекеттік органның атауы)

      және ________________________________________________________________

      (азаматтың аты-жөні немесе заңды тұлғаның атауы, бұдан әрі-жер

      қойнауын пайдаланушы)

      арасындағы

      _____________________________________________________________________

      (әкімшілік-аумақтық бірлікте орналасқан жері көрсетілсін)

      _____________________________________________________________________

      (учаске немесе блок)

      _____________________________________________________________________

      (пайдалы қазбаның түрі көрсетілсін)

      барлауға арналған келісімшарт.

      Қазақстан Республикасының ___________________________________________

      (әкімшілік-аумақтық бірлікте орналасқан жері көрсетілсін)

      _____________________________________________________________________

      (жер қойнауы учаскесі)

      _____________________________________________________________________

      (пайдалы қазбаның түрі көрсетілсін)

      барлауға арналған осы келісімшартына Тараптар

      _____________________________________________________________________

      (келісімшарт жасасуға негіз болатын конкурстық комиссия хаттамасына

      немесе ұлттық компаниямен тікелей келіссөздер хаттамасына)

      сәйкес 20 __ жылғы "___"____________ қол қойды.

Мазмұны

      Кіріспе

      1. Келісімшарттың мақсаты

      2. Келісімшарттың қолданылу мерзімі

      3. Келісімшарттық аумақ

      4. Жұмыс бағдарламасы

      5. Мүлік пен ақпаратқа арналған меншік құқығы

      6. Қазақстан Республикасының пайдалы қазбаларды сатып алу және

      реквизициялау құқығы

      7. Барлау жүргізу кезінде персоналды жалдау, тауарларды, жұмыстарды

      және көрсетілетін қызметтерді сатып алу

      8. Өңірді әлеуметтік-экономикалық дамытуға және ғылыми зерттеулерді

      қаржыландыруға қатысу

      9. Салық салу

      10. Коммерциялық табу

      11. Консервациялау, жою және тарату қоры

      12. Есепке алу және есептілік

      13. Жер қойнауын пайдалану бойынша операциялар жүргізудің жалпы

      шарттары

      14. Жер қойнауын пайдаланушының келісімшарт талаптарын бұзғаны үшін

      жауапкершілігі

      15. Құқықтар мен міндеттерді беру

      16. Еңсерілмейтін күш

      17. Құпиялылық

      18. Қолданылатын құқық

      19. Дауларды шешу тәртібі

      20. Жер қойнауын пайдаланушының құқықтарының кепілдіктері

      21. Келісімшарттың қолданылуын тоқтату шарттары

      22. Келісімшарт тілі

      23. Қосымша ережелер

      Барлауға арналған келісімшартқа қосымшалар:

      1-қосымша – Жұмыс бағдарламасы

      2-қосымша – Геологиялық бөлу

Кіріспе

      1) Қазақстан Республикасының Конституциясына сәйкес жер қойнауы

      мен ондағы пайдалы қазбалар мемлекет меншігінде болып табылатынын,

      Қазақстан Республикасы жер қойнауын ұтымды, кешенді және қауіпсіз

      пайдалануды қамтамасыз ету шарттарымен ______________________________

      (пайдалы қазбаның түрі көрсетілсін)

      барлауды жүзеге асыруға ниет білдіретінін;

      2) жер қойнауын пайдаланушының келісімшартқа сәйкес

      ________________________________ барлауды ұтымды әрі тиімді жүргізуге

      (пайдалы қазбаның түрін көрсету)

      ниеті және қаржылық, техникалық мүмкіндігі бар екенін;

      3) Қазақстан Республикасының Үкіметі құзыретті органға

      келісімшарт жасасуға және орындауға құқық бергенін;

      4) Құзыретті орган мен жер қойнауын пайдаланушы келісімшарт

      _________________________________________ барлау жұмыстарын жүргізуде

      (пайдалы қазбаның түрі көрсетілсін)

      олардың өзара құқықтары мен міндеттерін реттейді деп

      уағдаласқанын назарға ала отырып, құзыретті орган мен жер қойнауын

      пайдаланушы төмендегілер туралы уағдаласты:

1. Келісімшарттың мақсаты

      1. Келісімшарт мақсаты Қазақстан Республикасының заңнамасына сәйкес келісімшарттық аумақта барлау бойынша операцияларды жүргізу үшін жер қойнауын пайдалану құқығын беру шарттарын айқындау болып табылады.

      2. "Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасының Заңында (бұдан әрі – Заң) және келісімшарттың шарттарына сәйкес жер қойнауын пайдаланушы геологиялық бөлу шегінде барлауды жүргізуге, оның ішінде:

      өз қалауы бойынша өз қызметінің нәтижелерін, оның ішінде егер келісімшартта немесе Заңда өзгеше көзделмесе, минералдық шикізатты сынамалы пайдалану/ тәжірибелік-өнеркәсіптік өндіруді жүргізу кезінде өндірілген қызметінің нәтижелерін пайдалануға;

      келісімшарттық аумақта, ал қажет болған жағдайда жер қойнауын пайдаланушыға белгіленген тәртіппен берілген өзге де жер учаскелерінде жұмыстарды жүзеге асыру үшін қажетті өндірістік және әлеуметтік сала объектілерін салуға, сондай-ақ шарттар негізінде келісімшарттық аумақта да, одан тысқары жерлерде де жалпыға ортақ объектілер мен коммуникацияларды пайдалануға;

      Заңда белгіленген талаптарды сақтай отырып, құқықтарды немесе олардың бір бөлігін басқа тұлғаларға беруге;

      Заңда немесе келісімшартта айкындалған жағдайларда жер койнауын пайдалану жөніндегі операцияларды тоқтатуға құқығы бар.

2. Келісімшарттың қолданылу мерзімі

      3. Барлауға арналған келісімшарт _______ мерзімге жасалады (мерзім көрсетілсін).

      4. Келісімшарт құзыретті органда мемлекеттік тіркелген күнінен бастап күшіне енеді.

      5. Жер қойнауын пайдаланушы келісімшарт күшіне енген күннен бастап (не өзге мерзімді көрсетіңіз) барлауға кірісуге тиіс.

      6. Егер жер қойнауын пайдаланушы келісімшарттың қолданылу мерзімінің аяқталуына дейін алты айдан кешіктірмей, құзыретті органға келісімшарттың қолданылу мерзімін ұзарту туралы өтінішпен мұндай ұзартудың себебін негіздей отырып жүгінсе, құзыретті орган теңізде мұнай операцияларын жүргізу кезінде барлауға арналған келісімшарттың қолданылу мерзімін екі жылға дейін ұзартуы мүмкін.

      7. Кен орнын табу жағдайында жер қойнауын пайдаланушының барлауға арналған келісімшарттың қолданылу мерзімін оны бағалау үшін қажетті кезеңге Заңның 65 және 69-баптарына сәйкес ұзартуға құқығы бар.

      8. Табуды бағалау үшін келісімшарттың қолданылу мерзімін ұзарту туралы өтініш құзыретті органға немесе облыстың, республикалық маңызы бар қаланың, астананың жергілікті атқарушы органына келіп түскен күнінен бастап бір айдан кешіктірілмей қаралуға тиіс.

      9. Келісімшарттың қолданылу мерзімі өзгерген кезде келісімшартқа тараптардың қосымша келісімімен ресімделетін тиісті өзгерістер және (немесе) толықтырулар енгізіледі.

      Егер тараптар өзге мерзімді келіспесе, ұзарту мерзімі тиісті толықтыру тіркелген күннен бастап есептеледі.

3. Келісімшарттық аумақ

      10. Жер қойнауын пайдаланушы барлауды келісімшарттың ажырамас бөлігі болып табылатын геологиялық бөлуде көрсетілген келісімшарттық аумақ шегінде жүргізеді.

      11. Егер пайдалы қазбаларды барлаудi жүргiзу кезiнде табудың немесе кен орнының географиялық шекараларының (құрлықта немесе теңiзде орналасуына қарамастан) геологиялық бөлуде көрсетiлген келiсiмшарттық аумақ шегiнен шығатыны анықталса, онда оны кеңейту туралы мәселенi құзыреттi орган егер бұл аумақ жер қойнауын пайдаланудан бос болған жағдайда, келiсiмшарт жобасын келiсу және оны жасасу үшiн осы Заңда белгiленген тәртiппен және мерзiмдерде конкурс өткiзбей-ақ, көлемі бойынша келісімшарттық аумақтың елу пайызынан аспайтын жаңа геологиялық бөлуді беру, сондай-ақ келiсiмшарт пен жұмыс бағдарламасының шарттарын өзгерту арқылы шешуге тиiс.

      12. Жер қойнауын пайдаланушы келісімшарттық аумақты тек қана келісімшартта көзделген мақсаттарда пайдалануға міндеттенеді.

      13. Келісімшарттық аумақты қайтару, бағалау және / немесе коммерциялық табу жүргізілген аумақты қоспағанда, мынадай график бойынша жүзеге асырылады:

      келісімшарт қолданылуының екінші жылының соңына %

      келісімшарт қолданылуының үшінші жылының соңына %

      келісімшарт қолданылуының төртінші жылының соңына %

      келісімшарт қолданылуының бесінші жылының соңына %

      келісімшарт қолданылуының алтыншы жылының соңына %:

      Келісімшарттық аумақтың бөлігін қайтару қайтарылатын келісімшарттық аумақ бөлігін тиісті геологиялық бөлуден алып тастаумен геологиялық бөлуді қайта ресімдеу жолымен жүзеге асырылады.

      14. Осы бөлімнің 13-тармағының қосымшаларына нұқсан келтірместен жер қойнауын пайдаланушы келісімшарт қолданысының бірінші жылы аяқталған соң, бұл туралы 1 ай бұрын алдын ала құзыретті органды хабардар ете отырып келісімшарт аумағының барлық немесе бір бөлігін қайтаруға құқылы.

      15. Қайтарылатын учаскелер Қазақстан Республикасының учаскелерді қайтаруға қойылатын заңнамасы талаптарына сәйкес келуге тиіс. Жер қойнауын пайдаланушы барлау салдарынан бүлінген қайтарылатын аумақтарды және өзге де табиғи объектілерді одан әрі тікелей мақсатына пайдалануға жарамды қалыпқа дейін өз қаражаты есебінен қалпына келтіреді.

      16. Келісімшарттық аумақты қайтару белгіленген тәртіппен және оның бөлімдеріне сәйкес жүзеге асырылады.

4. Жұмыс бағдарламасы

      17. Барлаудың жұмыс бағдарламасы осы модельдік келісімшарттың қосымшасына сәйкес міндетті бөлігі болып табылады және инвестициялық жобалық көрсеткіштеріне қол жеткізу үшін қажетті жер қойнауын пайдаланушының міндеттемелерін қамтиды.

      Жұмыс бағдарламасы негізгі жобалау көрсеткіштеріне қол жеткізу үшін қажетті іс-шараларды да жылдар бойынша бөліп және қажетті шығындарды көрсете отырып қамтуға тиіс.

      18. Жұмыс бағдарламасына енгізілген инвестициялық жобалау көрсеткіштерін қозғайтын жобалау құжаттары көрсеткіштерін өзгерткен кезде жұмыс бағдарламасына тиісті өзгерістер енгізілуге тиіс.

5. Мүлік пен ақпаратқа арналған меншік құқығы

      19. Барлау бойынша операцияларды жүргізу үшін жер қойнауын пайдаланушы алған мүлік жер қойнауын пайдаланушының меншігі болып табылады.

      20. Жабдыққа және өзге де мүлікке меншік құқығының Қазақстан Республикасына ауысуына қарамастан, келісімшарттың қолданылу мерзімі ішінде, сондай-ақ мұндай жабдықты және өзге де мүлікті құзыретті органның жазбаша хабарламасына сәйкес басқа тұлғаға беру жағдайларын қоспағанда, келісімшарттың қолданылу мерзімі өткен сәттен бастап бір жыл ішінде не келісімшартта өзгеше белгіленген жағдайда, жер қойнауын пайдаланушыда мұндай жабдық пен өзге де мүлікті өз есебінен бөлшектеу не келісімшарттық аумақтан әкету міндеті сақталады.

      Жабдықтың және өзге де мүліктің тиесілігіне қарамастан, мұндай жабдық пен өзге де мүлікті бөлшектеуді және келісімшарттық аумақтан әкетуді жер қойнауын пайдаланушы адам өміріне, денсаулығына және қоршаған ортаға қауіпсіз тәсілмен, Қазақстан Республикасының заңнамасына сәйкес жүзеге асыруға тиіс.

      21. Құзыретті орган келісімшарттың қолданысын мерзімінен бұрын тоқтатқан кезде ұлттық компания келісімшарттық аумақты сенімгерлікпен басқаруға қабылдайды. Технологиялық процестің үздіксіз болуын және өнеркәсіптік қауіпсіздікті қамтамасыз ететін құрылыстар мен жабдықтарды бұрынғы жер қойнауын пайдаланушы жаңа жер қойнауын пайдаланушыға мүлік берілгенге дейінгі мерзімге ұлттық компанияның уақытша иеленуі мен пайдалануына беруге тиіс. Бұрынғы жер қойнауын пайдаланушы болмаған не ол мүлікті ұлттық компанияға беруден бас тартқан жағдайда құзыретті орган осындай мүлікке қатысты оның сенім білдірген адамы ретінде іс-қимыл жасайды.

      22. Геологиялық ақпарат, егер ол жер қойнауын пайдаланушының жеке қаражаты есебінен алынса, жер қойнауын пайдаланушының меншігінде болады.

      23. Мемлекеттік меншігінде болатын Келісімшарт аумағы бойынша жер қойнауы туралы ақпарат, Заңнамада белгіленген тәртіпте жер қойнауын зерттеу және пайдалану жөніндегі уәкілетті органынан алынады.

      24. Мемлекет меншігінде болатын геологиялық ақпараттың құны тарихи шығындар сомасының бір бөлігі ретінде айқындалады. Геологиялық ақпараттың құны Қазақстан Республикасының бюджетіне төленеді.

      25. Жер қойнауын пайдалану жөніндегі операцияларды қаржыландыру көзiне қарамастан, жер қойнауы туралы геологиялық және өзге де ақпарат мемлекет меншігіне міндетті түрде өтеусіз берілуге жатады және кез-келген уақытта жер қойнауын зерттеу мен пайдалану жөніндегі уәкілетті органға оның сауалы бойынша зерттеу үшін беріледі. Геологиялық ақпаратты есепке алуды, сақтауды, жүйелеуді және жинақтап қорытуды жер қойнауын зерттеу мен пайдалану жөнiндегi уәкiлеттi орган өзі бекiткен тәртiпке сәйкес жүзеге асырады.

      26. Жер қойнауын пайдалану операциялары бойынша есептер Қазақстан Республикасы Инвестициялар және даму министрінің 2015 жылғы 31 наурыздағы № 396 бұйрығымен (Нормативтік құқықтық актілерді мемлекеттік тіркеу тізілімінде № 11028 тіркелген) бекітілген Жер қойнауын пайдаланушылардың жер қойнауын пайдалану жөніндегі операцияларды жүргізу туралы есептер беру қағидаларына сәйкес жер қойнауын пайдалану мен зерттеуге уәкілетті органға тапсырылады.

      27. Келісімшарт қолданысы тоқтатылғаннан кейін барлық геологиялық ақпарат Қазақстан Республикасының меншігіне беріледі. Жер қойнауын пайдаланушы жер қойнауын зерттеу мен пайдалану жөніндегі уәкілетті органға барлық құжаттарды және геологиялық ақпараттың өзге де материалдық жеткізгіштерін өтеусіз беруге міндетті.

6. Қазақстан Республикасының пайдалы қазбаларды сатып алу
және реквизициялау құқығы

      28. Қазақстан Республикасының көліктік шығыстар мен өткізу шығындары шегеріле отырып, жер қойнауын пайдаланушы тиісті пайдалы қазбаларға қатысты мәмілелер жасасу кезінде қолданатын, мәмілені жасасу күніне қалыптасқан бағадан аспайтын бағалар бойынша жер қойнауын пайдаланушының пайдалы қазбаларын сатып алуға басқа тұлғалар алдында артықшылықты құқығы бар.

      29. Жер қойнауын пайдаланушы мәмiлелер жасау кезiнде қолданатын пайдалы қазбалардың бағалары туралы ақпарат болмаған жағдайда, Қазақстан Республикасының пайдалы қазбаларды сатып алуы жөнiнде мәмiле жасалған күнi әлемдiк нарықтарда қалыптасқан бағалардан аспайтын бағалар, көлік шығыстары және өткізуге арналған шығындар шегеріле отырып қолданылады.

      Сатып алынатын пайдалы қазбалардың шекті көлемі тиісті жылы нақты өндірілген өнімнің жалпы көлемінен __ % аспауға тиіс.

      30. Төтенше немесе соғыс жағдайы енгізілген жағдайда, Үкіметтің жер қойнауын пайдаланушыға тиесілі пайдалы қазбалардың бір бөлігін немесе барлығын реквизициялауға құқығы бар. Реквизициялау. Қазақстан Республикасының мұқтажына қажет мөлшерде төтенше немесе соғыс жағдайының барлық қолданылу мерзімі ішінде жүргізілуі мүмкін.

      31. Қазақстан Республикасы реквизицияланған пайдалы қазбалар үшін заттай нысанда немесе шетелдік жер қойнауын пайдаланушыға, олардың құнына еркін айналымдағы валютамен, ал ұлттық жер қойнауын пайдаланушыға жер қойнауын пайдаланушы тиісті пайдалы қазбаларға қатысты мәмілелер жасасу кезінде реквизициялау күніне қолданатын, көліктік шығыстар мен өткізу шығындары шегерімінен қалған бағадан аспайтын бағалар бойынша ұлттық валютамен өтемақы төлеуге кепілдік береді.

7. Барлау кезінде персоналды жалдау, тауарларды,
жұмыстарды және көрсетілетін қызметтерді сатып алу

      32. Жер қойнауын пайдаланушы барлау бойынша операцияларды жүргізу кезінде қазақстандық кадрларға басымдық беруге міндеттенеді. Бұл ретте қазақстандық кадрларды тарту, жұмысқа тартылған кадрлардың жалпы санына пайыздық қатынаста мердігерлік жұмыстарға тартылған қызметкерлерді қоса алғанда жетекші құрам бойынша__%, жоғары және орта кәсіптік білімді мамандар бойынша__%, білікті жұмысшылар бойынша__%, соның ішінде жылдар бойынша:

      33. Жер қойнауын пайдаланушы мердiгерлiк жұмыстармен айналысатын персоналды қоса алғанда, жұмысқа тартылған шетелдiк персоналға қатысты алғанда қазақстандық персонал үшiн еңбекке ақы төлеудiң тең жағдайларын қамтамасыз етуге міндетті.

      34. Жер қойнауын пайдаланушы барлау жүргізу кезеңінде Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқыту, олардың біліктілігін арттыру және оларды қайта даярлау бойынша жыл сайын ____________ (тікелей келіссөздер хаттамасында немесе конкурстық ұсыныста немесе тендер, аукцион өткізілу туралы хабарламада белгіленген соманы көрсетумен) қаржыландыруды жүзеге асыруға міндеттенеді.

      Осы тармақта көзделген талап етілген қаржыландыру көлемі артқан кезде қандай да бір жылдың қорытындылары бойынша көрсетілген асып түсу сомалары алдағы кезеңдердегі Қазақстан Республикасының азаматтары болып табылатын, қызметкерлерді оқытуын, олардың біліктілігін арттыруын және оларды қайта даярлауын қаржыландыру бойынша міндеттемелерінің есебіне жатқызылады және міндеттемелер есебіне есептелген кезеңнің шығыстары ретінде есепке алынады.

      Осы тармақта көрсетілген міндетті орындау жер қойнауын пайдаланушының Қазақстан Республикасының азаматтарын даярлауды және қайта даярлауды қаржыландыру бойынша, оның ішінде облыстың, республикалық маңызы бар қаланың, астананың жергілікті атқарушы органы ұсынған және құзыретті органмен келісілген тізбе бойынша тиісті облыстың, республикалық маңызы бар қаланың, астананың аумағында жер қойнауын пайдалану саласымен тікелей байланысты мамандықтар бойынша кадрлар даярлауды жүзеге асыратын білім беру ұйымдарының материалдық-техникалық базасын жақсарту үшін қажет тауарлар, жұмыстар мен көрсетілетін қызметтер сатып алуға нақты жұмсаған шығыстары, сондай-ақ жер қойнауын пайдаланушы болып табылатын заңды тұлға жанындағы өзінің оқу (оқыту) орталықтарында кадрларды кәсіптік даярлауды және қайта даярлауды қаржыландыру жөніндегі шығыстар болып табылады.

      35. Барлау кезінде тауарларды, жұмыстарды және көрсетілетін қызметтерді сатып алу Заң талаптарына сәйкес жүзеге асырылуы қажет. Жер қойнауын пайдаланушы тауарларды, жұмыстар мен көрсетілетін қызметтерді сатып алу кезінде: Қазақстан Республикасында өндірілген жабдықтарды, материалдарды және дайын өнімді, олар конкурстың және Қазақстан Республикасының техникалық реттеу туралы заңнамасының талаптарына сәйкес келген жағдайда, пайдалануға; егер осы көрсетілетін қызметтер Қазақстан Республикасының резидент еместері орындайтын біртектес жұмыстар мен көрсетілетін қызметтердің стандарттарына, бағалық және сапалық сипаттамаларына сәйкес келсе, әуе, темір жол, су және басқа да көлік түрлерін пайдалануды қоса алғанда, жер қойнауын пайдалану бойынша операцияларды жүргізу кезінде жұмыстарды, көрсетілетін қызметтерді қазақстандық өндірушілерді міндетті түрде тартуға міндеттенеді.

      Бұл ретте барлау бойынша операцияларды жүргізу кезінде келісімшарт бойынша жергілікті қамту көлемі тауарларға қатынасы бойынша ______ пайызды, жұмыстарға қатынасы бойынша ______ пайызды, көрсетілетін қызметтерге қатынасы бойынша ______ пайызды құруға, оның ішінде жылдар бойынша:

8. Өңірді әлеуметтік-экономикалық дамытуға және
ғылыми зерттеулерді қаржыландыруға қатысу

      36. Келісімшарт қолданылу мерзімі ішінде жер қойнауын пайдаланушы өңірді әлеуметтік-экономикалық дамытуға және оның инфрақұрылымын дамытуға _____________ мөлшерінде (тендерге қатысу үшін ұсынылған конкурстық ұсыныста немесе тiкелей келiссөздер хаттамасында көрсетiлген, не аукцион өткізу туралы хабарландыруда көрсетілген мөлшерден төмен болмайтын соманы көрсету) Қазақстан Республикасы Қаржы министрінің 2014 жылғы 18 қыркүйектегі № 403 бұйрығымен (Нормативтік құқықтық актілерді мемлекеттік тіркеу тізілімінде № 9756 тіркелген) бекітілген Бірыңғай бюджеттік сыныптамасына сәйкес "Жер қойнауын пайдаланушы өңірді әлеуметтік-экономикалық дамытуға және оның инфрақұрылымын дамытуға аударымдар" 206114 бюджетті сыныптама кодына облыстың, республикалық маңызы бар қаланың және астананың жергілікті атқарушы органның бюджетіне жыл сайынғы аударымдарды жүргізеді.

      37. Жер қойнауын пайдаланушы Заңның 76-бабы 1-тармағының 12-1)- тармақшасына сәйкес тауарларды, жұмыстар мен көрсетілетін қызметтерді қазақстандық өндірушілер көрсететін ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыруды өткен жылдың қорытындылары бойынша келісімшарттық қызмет бойынша жылдық жиынтық табыстың кемінде бір пайызы мөлшерінде жыл сайын жүзеге асыруға міндеттенеді.

      Ағымдағы жылдың қорытындылары бойынша ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелердің көлемі асыра орындалған жағдайда, жер қойнауын пайдаланушы асыра орындалған міндеттемелердің көлемдерін келесі есепті кезеңдерге түзетуді (есепке жатқызуды) жүзеге асырады.

      Ғылыми-зерттеу, ғылыми-техникалық және (немесе) тәжірибелік-конструкторлық жұмыстардың қазақстандық өндірушілері болмаған жағдайда, шетелдік өндірушілер көрсететін осы жұмыстарды қаржыландыру құзыретті органның рұқсаты бойынша жүзеге асырылады.

      Жер қойнауын пайдаланушының ғылыми-зерттеу, ғылыми-техникалық және (немесе) тәжірибелік-конструкторлық жұмыстарды орындауға, жер қойнауын пайдалануға арналған келісімшарт шеңберіндегі қызметпен байланысты, сондай-ақ жер қойнауын пайдалануға арналған келісімшарт шеңберіндегі қызметпен байланысты емес, қосылған құны жоғары өнімді (қайта жасалуы жоғары) алуға бағытталған жұмыстарға, экология, еңбекті қорғау, жұмысты қауіпсіз жүргізуді қамтамасыз ету, өндірістік қызмет шеңберінде (технологиялық цикл) энергия үнемдеуге жұмсаған нақты шығыстары және (немесе) "Ғылым туралы" Қазақстан Республикасының Заңына сәйкес ғылыми және (немесе) ғылыми-техникалық қызмет субъектілері жүзеге асыратын ғылыми зерттеулерді, сондай-ақ "Индустриялық-инновациялық қызметті мемлекеттік қолдау туралы" Қазақстан Республикасының Заңына сәйкес индустриялық-инновациялық инфрақұрылым элементтерін қаржыландыруға арналған шығыстары оның ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемені орындауы болып табылады.

9. Салық салу

      38. Келiсiмшарт шеңберінде жүзеге асырылатын қызмет бойынша салық және бюджетке төленетін басқа да мiндеттi төлемдер бойынша салық мiндеттемелерiн есептеу оларды төлеу жөнiндегi міндеттемелер туындаған кезде қолданыстағы Қазақстан Республикасының салық заңнамасына сәйкес жүргiзiледi.

      Келісімшарт шеңберінде жүзеге асырылатын қызмет бойынша салық міндеттемелерін орындау жер қойнауын пайдаланушыны салық міндеттемелері туындаған күні Қазақстан Республикасының қолданыстағы салық заңнамасына сәйкес жер қойнауын пайдалануға арналған келісімшарт шеңберінен тыс қызметті жүзеге асыру бойынша салық міндеттемелерін орындаудан босатпайды.

      39. Қол қойылатын бонустың түпклікті мөлшері ________ (сомасы көрсетілсін).

      40. Келiсiмшартты жасасу кезiнде жер қойнауын пайдаланушы қол қойылатын бонустың белгiленген сомасының елу пайызын 20 жылғы "___" №___ төлем тапсырмасы бойынша төледi.

      41. Қол қойылатын бонустың мөлшердегi қалған ______ (сомасы көрсетiлсiн) елу пайызын жер қойнауын пайдаланушы Қазақстан Республикасының салық заңнамасында белгіленген тәртіппен және мерзімде төлейдi.

10. Коммерциялық табу

      42. Жер қойнауын пайдаланушы кен орынды тапқан жағдайда отыз жұмыс күніннің ішінде құзыретті органға хабарлауы тиіс.

      43. Құзырлы орган хабарламаны алған кезден бастап бір ай ішінде бағалау кезеңіне өтуге рұқсат береді. Бағалау кезеңіне өткен кезде міндетті түрде келісімшарттың жұмыс бағдарламасына өзгеріс енгізіледі.

      44. Табуды растау мен оны бағалау мерзімін жер қойнауын зерттеу мен пайдалану бойынша құзыретті органның қорытындысы бойынша құзыретті орган белгілейді. Коммерциялық табу жер қойнауын пайдаланушымен хабарланады.

      45. Жер қойнауын пайдаланушы бағалау жұмыстары кезеңіне өту кезінде Заңға сәйкес бағалау жұмыстарының жобасын әзірлейді. Бағалау жұмыстары сынамалы пайдалану/тәжірибелік-өнеркәсіптік өндіру жобасын қамту мүмкін.

      46. Коммерциялық табу жағдайында жер қойнауын пайдаланушының жер қойнауын пайдаланушының конкурс өткізілмей-ақ, тікелей келіссөздер негізінде өндіруге арналған келісімшарт жасасуға айрықша құқығы болады.

11. Консервациялау, жою және тарату қоры

      47. Барлау бойынша операциялар тоқтатылғанда жер қойнауын пайдаланушы одан әрі жер қойнауын пайдалану жөніндегі операцияларды жүргізу кезінде қолданылатын жер қойнауын пайдалану объектісінің технологиялық бірліктерін (блоктарды, панельдерді, қазбаларды) қоспағанда, барлау бойынша жұмыстар жүргізілген жер қойнауын пайдалану объектілерді жоюды немесе консервациялауды жобалау құжаттарына және жұмыс бағдарламасына сәйкес жүзеге асырады.

      48. Жер қойнауын пайдалану объектілері Заңда белгіленген тәртіппен таратылады немесе консервацияланады.

      Жер қойнауын пайдаланушы келісімшарт бойынша өз операциялары салдарын жою үшін тарату қорын құрады.

      Барлау кезеңінде тарату қорына жұмыс бағдарламасында қарастырылған барлауға арналған жыл сайынғы шығындарынан бір пайыздан кем емес мөлшерінде Қазақстан Республикасының аумағындағы кез келген банктегі депозиттік шотына аударымдар жер қойнауын пайдаланушымен жыл сайын жүргізіледі.

      49. Егер жоюға нақты шығындар тарату қорының мөлшерінен асып кетсе, онда жер қойнауын пайдаланушы жоюды қосымша қаржыландыруды жүзеге асырады.

      50. Егер жоюға нақты шығындар тарату қорының мөлшерінен төмен болса, онда қалған ақша жер қойнауын пайдаланушыға беріледі және салық салынатын табысқа енгізіледі.

      51. Жер қойнауын пайдалану құқығын беру жағдайында тарату қоры жаңа жер қойнауын пайдаланушыға беріледі.

      52. Құзыретті орган келісімшартты біржақты тәртіппен тоқтатқан жағдайда тарату қоры Заңның 72-бабының 10-тармағына сәйкес анықталатын сенімгерлік басқарушыға беріледі.

12. Есепке алу және есептілік

      53. Жер қойнауын пайдаланушы барлау жүргізу кезінде жер қойнауын пайдалану бойынша жүргізілетін операциялардың есебін жүргізуге және құзыретті органға Заңмен белгіленген тәртіпте және мерзімде келісімшартта және жұмыс бағдарламасында қарастырылған міндеттемелердің орындалғаны туралы есептілікті ұсынуға тиіс.

      54. Жер қойнауын пайдаланушы Заңда белгіленген мерзімде мұнай және газ саласындағы уәкілетті органымен бекітілетін тізімдеме бойынша өзінің өндірістік объектілерін есепке алудың бақылау аспаптарымен жарақтандыруға және мұнай және газ саласындағы уәкілетті органы белгілеген тәртіпте есепке алудың бақылау аспаптарының жұмыс істеуін қамтамасыз етуге міндетті.

      55. Жер қойнауын пайдаланушы Қазақстан Республикасының бақылаушы органдары лауазымды адамдарының қызметтік міндеттерін атқаруы кезінде оларға қажетті құжаттарды, ақпаратты беруге және жұмыс орындарына оларды кедергісіз өткізуге және олар анықтаған бұзушылықтарды уақтылы жоюға міндеттенеді.

      56. Келісімшарт аумағындағы қызмет нәтижелері бойынша жер қойнауын пайдаланушы жер қойнауын зерттеу және пайдалану жөніндегі уәкілетті органға геологиялық есептілікті беруге міндетті.

13. Жер қойнауын пайдалану бойынша операциялар
жүргізудің жалпы шарттары

      57. Жер қойнауын пайдаланушы келісімшартқа және Заңға сәйкес жер қойнауын пайдалану бойынша операцияларды жүргізуге, жер қойнауын пайдалану бойынша операцияларға Қазақстан Республикасының заңнамасында белгіленген талаптарды сақтауға, оның ішінде экологиялық, санитарлық-эпидемиологиялық, жер қойнауын қорғау саласындағы талаптарды, жер қойнауын ұтымды және кешенді пайдалану талаптарын сақтауға міндетті.

      58. Жер қойнауын пайдаланушы жер қойнауын пайдалану бойынша операцияларды жүргізу кезінде егер бұл қауіпсіздіктің ерекше жағдайларымен байланысты болмаса және мұндай қызмет жер қойнауын пайдалану жөніндегі операцияларды жүргізуге кедергі келтірмесе, келісімшарттық аумақ шегінде басқа адамдардың еркін жүруіне, жалпыға ортақ объектілер мен коммуникацияларды пайдалануына кедергі жасамауға міндеттенеді.

      59. Барлауды жүзеге асыру кезінде жер қойнауын пайдаланушы жер қойнауын пайдаланудың оң тәжірибесіне негізделген жер қойнауын пайдалану жөніндегі операцияларды жүргізудің неғұрлым тиімді әдістері мен технологияларын таңдауға тиіс.

      60. Барлауды жүзеге асыру кезінде жер қойнауын пайдаланушы өндірілген шикі мұнай көлемін Қазақстан Республикасының аумағында өңдеуге жеткізіп береді.

      61. Көмірсутегі шикізатының сынамалы пайдалануын іске асыратын жер қойнауын пайдаланушылар мұнай және газ саласындағы уәкілетті органның бекітуіне және жер қойнауын зерттеу мен пайдалану жөніндегі, қоршаған ортаны қорғау саласындағы уәкілетті органдармен келісуге жататын ілеспе газды өңдеуді дамыту бағдарламаларын көздеуге міндетті, олар ілеспе газды жағу немесе қатқа кері айдау (кәдеге жарату) көлемдерін қысқарту жолымен қоршаған ортаға зиянды әсерін төмендету мақсатында әр үш жыл сайын жаңартылып отыруға тиіс.

      62. Жер қойнауын пайдаланушы Қазақстан Республикасындағы Өндiрушi салалардың қызметi ашықтығының бастамасын iске асыруға қатысты өзара түсiнiстiк туралы меморандум шарттарын сақтауға міндеттенеді.

      63. Жер қойнауын пайдаланушы өзiне жобалау құжаттарына және жұмыс бағдарламасына сәйкес келiсiмшарт бойынша өз қызметiн қаржыландыру бойынша мiндеттеме алады.

14. Жер қойнауын пайдаланушының келісімшарт талаптарын
бұзғаны үшін жауапкершілігі

      64. Жер қойнауын пайдаланушы өзіне қабылдаған мiндеттемелердi орындамағаны, тиiсiнше орындамағаны үшiн тұрақсыздық айыбы түрінде келесі жауапкершіліктерге тартылады:

      1) тауарлар, жұмыстар мен көрсетiлетiн қызметтердегі жергілікті қамту бойынша міндеттемелерді орындамағаны үшін есептік кезеңде орындалмаған міндеттемелер сомасының 1 % мөлшерінде;

      2) кадрлардағы жергілікті қамту бойынша міндеттемелерді орындамағаны үшін республикалық бюджет туралы заңға сәйкес және тиісті жылдың 1 қаңтарында қолданыста болатын 2000 айлық есептік көрсеткіш (АЕК) мөлшерінде;

      3) осы келісімшарттың 7 және 8-тармақтарда көрсетілген міндеттемелерді орындамағаны үшін есептік кезеңде орындалмаған міндеттеме сомасының 1 % мөлшерінде;

      Сонымен қатар, егер жер қойнауын пайдаланушының нақты шығыстары нарықта қолданылатын бағалардың өзгеруі салдарынан, сондай-ақ жер қойнауын пайдаланушының еркіне тәуелді емес басқа да мән-жайларға байланысты келісімшарт жасасу, жұмыс бағдарламасы мен жобалау құжаттарын бекіту кезінде ескерілгендерден кем болып шықса, бірақ бұл ретте жер қойнауын пайдаланушы міндеттемелерінің келісімшартта, жұмыс бағдарламасында және жобалау құжаттарында көзделген нақты көлемі толық көлемде орындалса, жер қойнауын пайдаланушының нақты шығыстарының мұндай азаюы келісімшарт талаптарын бұзу және тұрақсыздық айыбын салуға негіз болып табылмайды.

      65. Қазақстан Республикасының аумағынан тысқары жерде өткізілген конкурс нәтижелері бойынша жер қойнауын пайдалану жөніндегі операцияларды жүргізу кезінде пайдаланылатын немесе жер қойнауын пайдалану жөніндегі операцияларды жүргізу кезінде тауарларды, жұмыстарды және көрсетілетін қызметтерді сатып алудың тәртібі бұзыла отырып сатып алынған тауарларды, жұмыстар мен көрсетілетін қызметтерді сатып алу жөніндегі шығыстар құзыретті орган жер қойнауын пайдаланушының келісімшарттық міндеттемелерді орындауы ретінде есепке алатын шығыстардан алып тасталады.

      66. Осы бөлімнің 64-тармағының 1) тармақшасының мақсаттары үшін жергілікті қамту үлесі келісімшарттың 7-бөлімінің 35-тармағының талаптарына сәйкес келмейтін тауарларды, жұмыстарды және көрсетілетін қызметтерді сатып алу тәртібіне осы келісімшартта және Заңда белгіленген талаптарды бұза отырып жер қойнауын пайдаланушы сатып алуды жүзеге асырған тауарлардың, жұмыстардың және көрсетілетін қызметтердің құны ескеріледі. Сонымен бірге көрсетілген көлемнен тауарлардың, жұмыстардың және көрсетілетін қызметтердің нақты құны азайтылады.

15. Құқықтар мен міндеттерді беру

      67. Жер қойнауын пайдаланушы Заңда белгіленген талаптарды сақтай отырып, құқықтарды немесе олардың бір бөлігін басқа тұлғаларға беруге құқылы.

      68. Жер қойнауын пайдалану құқығын беру келiсiмшартқа тиiстi өзгерiстер және (немесе) толықтырулар енгiзу қажеттiгiне әкеп соғады және осындай өзгерiстер және (немесе) толықтырулар тiркелген кезден бастап жасалды деп есептеледi.

16. Еңсерілмейтін күш

      69. Міндеттемелерді орындаудың мүмкін болмауы еңсерілмейтін күш мән-жайларының себептері тікелей әсер еткен жағдайда, Тараптар клісімшарт бойынша міндеттемелерін орындамағаны немесе тиісті орындамағаны үшін жауапкершілікке тартылмайды.

      70. Еңсерілмейтін күштің мән-жайларына тәуелді емес себептер тікелей әсер еткен төтенше және еңсерілмейтін мән-жайлар жатады (мысалы: әскери жанжалдар, табиғат апаттары, табиғи зілзалалар. Келтірілген тізбе толық болып табылмайды.

      71. Еңсерілмейтін күш мән-жайлары туындаған жағдайда, осындай мән-жайлардан зардап шеккен Тарап бұл туралы екінші тарапқа еңсірілмейтін күш мән-жайлары басталған күнін және сипаттамасын анықтайтын жазбаша хабарламаны тапсыру немесе поштамен жіберу жолымен дереу хабарлайды.

      72. Еңсерілмейтін күш мән-жайлары туындаған кезде Тараптар қалыптасқан жағдайдан шығудың шешімін іздеу үшін шұғыл түрде кеңес өткізеді және мұндай мән-жайлардың салдарларын жою үшін барлық тәсілдерді пайдаланады.

      73. Еңсерілмейтін күш мән-жайларынан туындаған келісімшарт бойынша жұмыстар толық немесе ішінара тоқтатылған кезде тараптар келісімшарт мерзімі еңсерілмейтін күш мән-жайларының қолданысы кезеңіне ұзартады.

17. Құпиялылық

      74. Келісімшартты орындау барысында тараптар алған немесе сатып алған ақпарат құпия болып табылады және азаматтық заңнамаға сәйкес қорғалуға жатады. Тараптар Қазақстан Республикасының заңнамасында көзделген қажетті есеп берулер құрастыру үшін құпия ақпаратты пайдалана алады.

      75. Геологиялық ақпарат жер қойнауын пайдаланушыға 20__ жылғы "__" ______ № ___ құпиялылық туралы келісіммен рәсімделетін Заңның 11-бабына сәйкес белгіленген тәртіпте беріледі.

      76. Тараптар екінші тараптың келісімінсіз құпия ақпаратты үшінші тұлғаларға:

      егер бұл ақпарат сотта іс қарауды жүргізу барысында пайдаланылса;

      ақпарат жер қойнауын пайдаланушыға қызмет көрсететін үшінші тұлғаға мұндай үшінші тарап мұндай ақпаратты құпия қарап және оны тараптар белгілеген мақсаттарға және белгіленген мерзімдерде ғана пайдалануға міндеттеме алу шартымен берілген;

      ақпарат жер қойнауын пайдаланушы қаржылық қаражат алатын банкке немесе басқа қаржылық ұйымға, мұндай банк немесе басқа қаржылық ұйым бұл ақпаратты құпия деп қарап және оны тек көрсетілген мақсаттарға ғана пайдалануға міндеттеме алу шартымен берілген;

      ақпарат Қазақстан Республикасының бақылаушы органдарының лауазымды тұлғаларына олардың қызметтік міндеттерін орындауы барысында берілген; жағдайларды және Қазақстан Республикасының заңнамасында көзделген өзге де жағдайларды қоспағанда беруге құқығы жоқ.

      77. Тараптар келісімшарттық аумақта барлау жүргізуге байланысты және геологиялық ақпараттарды қамтитын барлық құжаттардың, ақпараттардың және есептердің құпиялығын сақтау мерзімін айқындайды.

      78. Келісімшарттық міндеттемелерді жергілікті қамту бөлігінде орындауға қатысты, жер қойнауын пайдаланушының тауарлар, жұмыстар мен көрсетілетін қызметтер сатып алуды жоспарлауы және жүргізуі, сондай-ақ қазақстандық мамандарды оқытуға арналған шығындар мен өңірдің әлеуметтік-экономикалық дамуына және оның инфрақұрылымын дамытуға арналған шығыстар туралы ақпарат құпия болып табылмайды.

18. Қолданылатын құқық

      79. Қазақстан Республикасының құқығы осы келісімшартқа қолданылатын құқық болып табылады.

      80. Жер қойнауын пайдалану құқығын беру жөніндегі мәмілелерге Қазақстан Республикасының құқығы қолданылады.

      81. Жер қойнауын пайдаланушы Қазақстан Республикасы алған келісімшарт аумағында қоршаған ортаны қорғау саласындағы халықаралық міндеттемелерді сақтау міндеттілігін алады.

19. Дауларды шешу тәртібі

      82. Келісімшартты орындауға, өзгертуге немесе тоқтатуға байланысты даулар келіссөздер жүргізу жолымен шешіледі.

      83. Егер келісімшартты орындауға, өзгертуге немесе тоқтатуға байланысты даулар келіссөздер арқылы алты ай мерзімде шешілмейтін болса, онда тараптар дауларды Қазақстан Республикасының заңдарына және Қазақстан Республикасы ратификациялаған халықаралық шарттарға сәйкес шешуге құқылы.

20. Жер қойнауын пайдаланушының құқықтарының кепілдіктері

      84. Жер қойнауын пайдаланушыға Қазақстан Республикасының заңнамасына сәйкес құқықтарының қорғалуына кепілдік беріледі.

      85. Келісімшарт талаптарын өзгертуге және толықтыруға тараптардың келісімі бойынша жол беріледі. Тараптардың бірінің талабы бойынша келісімшарт талаптарын өзгертуге және толықтыруға Заңда және осы келісімшартта тікелей көзделген жағдайларда жол беріледі.

21. Келісімшарттың қолданылуын тоқтату шарттары

      86. Егер тараптар Заңның 69-бабына сәйкес келісімшарттың қолданылу мерзімін ұзарту туралы келісім жасаспаса, оның қолданылу мерзімі өткеннен кейін тоқтатылады.

      87. Келісімшарт қолданысын мерзімінен бұрын тоқтатуға тараптардың келісімі бойынша жол беріледі. Сонымен қатар, келісімшарттың 3-бөліміне сәйкес барлық келісімшарт аумағы қайтарылған жағдайда Келісімшарт өз қолданысын мерзімінен бұрын тоқтатады.

      88. Құзыретті орган келесі жағдайларда:

      1) жер қойнауын пайдаланушы жер қойнауын пайдалануға арналған келiсiмшартта белгiленген мiндеттемелердi екi реттен көп бұзуды құзыреттi органның хабарламасында көрсетiлген мерзiмде жоймаған кезде;

      2) Заңның 36-бабының 5-тармағына сәйкес мұндай рұқсат ету талап етілмейтін жағдайларды қоспағанда, құзыретті органның рұқсатынсыз Заңның 36-бабының 1 және 3-тармақтарында көзделген жағдайларда, жер қойнауын пайдаланушы жер қойнауын пайдалану құқығын және (немесе) жер қойнауын пайдалану құқығымен байланысты объектілерді берген кезде;

      3) жер қойнауын пайдалануға арналған келісімшартта белгіленген қаржылық міндеттемелер қатарынан екі жыл бойы отыз пайыздан кем орындалған жағдайда;

      4) Заңның 76-бабының 1 тармағының 13)-тармақшасымен көзделген мәліметтерді беруден бас тартқан немесе дәйексіз мәлімет берген жағдайда келісімшарттың қолданылуын біржақты тәртіппен мерзімінен бұрын тоқтатуға құқылы.

      Жер қойнауын пайдаланушы құзыретті органның хабарламасында белгіленген мерзімде толық жойған келісімшарт талаптарының бұзылуы келісімшарттың қолданысын біржақты тәртіппен мерзімінен бұрын тоқтатуға негіз болып табылмайды.

      89. Заңның 71-бабының 3-тармағында көзделген жағдайда құзыретті орган бір жақты тәртіппен келісімшарттың қолданысын мерзімінен бұрын тоқтатуға құқылы, егер:

      1) құзыретті органнан келісімшарт талаптарын өзгерту және (немесе) толықтыру туралы хабарлама алған күннен бастап екі айға дейінгі мерзімде жер қойнауын пайдаланушы келісімшарт талаптарын өзгерту және (немесе) толықтыру жөнінде келіссөздер жүргізуге өз келісімін жазбаша түрде растамаса не оларды жүргізуден бас тартса;

      2) жер қойнауын пайдаланушының келісімшарт талаптарын өзгерту және (немесе) толықтыру жөнінде келіссөздер жүргізуге келісімі алынған күннен бастап төрт айға дейінгі мерзімде тараптар келісімшарт талаптарын өзгерту және (немесе) толықтыру жөніндегі келісімге келмесе;

      3) Қазақстан Республикасының экономикалық мүдделерін қалпына келтіру жөніндегі келісілген шешімге қол жеткізілген күннен бастап алты айға дейінгі мерзімде тараптар келісімшарттың талаптарына өзгерістерге және (немесе) толықтыруларға қол қоймаса, бір жақты тәртіппен келісімшарттың қолданысын мерзімінен бұрын тоқтатуға құқылы.

      90. Егер стратегиялық маңызы бар жер қойнауы учаскелеріне, кен орындарына қатысты жер қойнауын пайдалану жөніндегі операцияларды жүргізу кезінде жер қойнауын пайдаланушының іс-әрекеті ұлттық қауіпсіздікке қатер төндіретін, Қазақстан Республикасының экономикалық мүдделерін өзгертуге әкеп соғатын болса, Үкіметтің шешімі бойынша құзыретті орган келісімшарттың, оның ішінде бұрын жасалған келісімшарттың қолданысын бір жақты тәртіппен тоқтатуға құқылы.

      Келісімшарттың қолданылуы аталған негіз бойынша біржақты тәртіппен тоқтатылған жағдайда құзыретті орган ол жөнінде жер қойнауын пайдаланушыны кемінде екі ай бұрын ескертуге тиіс.

22. Келісімшарт тілі

      91. Келісімшарттың мәтіні тараптардың әрқайсысы үшін бір данадан қазақ және орыс тілдерінде жасалады және барлық даналары бірдей болады.

      Келісімшарт тараптарының келісімі бойынша келісімшарттың мәтіні өзге тілге аударылуы да мүмкін.

      92. Мәтіннің нұсқалары арасында келісімшарттың мағынасы мен талдануын анықтау барысындағы келіспеушіліктер мен даулар туындаған жағдайда қазақ немесе орыс тілдеріндегі нұсқалары басым күшке ие болады.

      93. Тараптар қазақ және (немесе) орыс тілдерін қатынас тілдері ретінде қолданылатындығына уағдаласады.

      94. Келісімшарт күшіне енген күннен бастап ___________(пайдалы қазба түрі көрсетілсін) барлауды жүргізуге қатысты техникалық құжаттамалар және ақпараттар қазақ және (немесе) орыс тілдерінде жасалатын болады.

23. Қосымша ережелер

      95. Осы келісімшартты іске асыруға байланысты талап етілетін барлық хабарламалар мен құжаттар оларды алу фактісі бойынша осы келісімшарт бойынша тараптардың әрқайсысына тиісті түрде ұсынылған және жеткізілген деп есептеледі.

      96. Хабарламалар мен құжаттар тікелей тараптардың қолына тапсырылады немесе пошта, тапсырыс авиапоштасы, факс бойынша жіберіледі.

      97. Осы келісімшарт бойынша пошталық мекенжай өзгерген кезде тараптардың әрқайсысы екінші тарапқа 7 күннің ішінде жазбаша хабарлама ұсынуға міндетті.

      98. Келісімшартқа барлық қосымшалар оның құрамдас бөліктері ретінде қарастырылады. Қосымшалардың және келісімшарттың өзінің ережелерінің арасында қандай да бір айырмашылық болған кезде, келісімшарттың ережелері басым күшке ие болады.

      99. Келісімшартқа өзгерістер мен толықтырулар тараптардың жазбаша келісімімен ресімделеді. Мұндай келісім келісімшарттың құрамдас бөлігі болып табылады. Келісімшартқа өзгерістер мен толықтырулар құзыретті органында міндетті тіркеуге жатады. Келісімшартқа өзгерістер мен толықтырулар олардың тіркелген сәтінен бастап күшіне енген деп танылады.

      100. Осы келісімшартта пайдаланылатын анықтамалар мен терминдер олар үшін Заңда айқындалған мағынаға ие.

      101. Осы келісімшартты қ. ж. (күн) (ай) (Қазақстан Республикасы) Тараптардың уәкілетті өкілдері жасасты.

      102. Тараптардың заңды мекенжайлары мен қолдары:

____________________ (пайдалы қазбаның түрі көрсетіледі)
барлауға арналған келісімшартқа жұмыс бағдарламасы

      Барлауға арналған келісімшарттың қолданылу мерзімі кезеңінде

      жер қойнауын пайдаланушы көрсетілген мерзімдерде келісімшарт

      аумағында мынадай жұмыс түрлерін орындауға міндеттенеді.

      Жұмыс бағдарламасы бекітілген күнге АҚШ долларының бағамы

КӨМІРСУТЕК ШИКІЗАТЫН, КӨМІР ЖӘНЕ УРАНДЫ
ӨНДІРУГЕ АРНАЛҒАН МОДЕЛЬДІК КЕЛІСІМШАРТ

      Бұдан әрі бірлесіп Тараптар деп аталатын, Қазақстан Республикасының

      атынан құзыретті орган ретінде әрекет ететін

      _____________________________________________________________________

      (мемлекеттік органның атауы)

      және ________________________________________________________________

      (азаматтың аты-жөні немесе заңды тұлғаның атауы, бұдан әрі-жер

      қойнауын пайдаланушы)

      арасындағы

      _____________________________________________________________________

      (әкімшілік-аумақтық бірлікте орналасқан жері көрсетілсін)

      _____________________________________________________________________

      (кен орны)

      _____________________________________________________________________

      (пайдалы қазбаның түрі көрсетілсін)

      өндіруге арналған келісімшарт.

      Қазақстан Республикасының ___________________________________________

      (әкімшілік-аумақтық бірлікте орналасқан жері көрсетілсін)

      _____________________________________________________________________

      (жер қойнауы учаскесі)

      _____________________________________________________________________

      (пайдалы қазбаның түрі көрсетілсін)

      өндіруге арналған осы келісімшартына Тараптар

      ____________________________________________________________________.

      (келісімшарт жасасуға негіз болатын конкурстық комиссия хаттамасына

      немесе ұлттық компаниямен тікелей келіссөздер хаттамасына)

      сәйкес 20 __ жылғы "___"____________ қол қойды.

Мазмұны

      Кіріспе

      1. Келісімшарттың мақсаты

      2. Келісімшарттың қолданылу мерзімі

      3. Келісімшарттық аумақ

      4. Жұмыс бағдарламасы

      5. Мүлік пен ақпаратқа арналған меншік құқығы

      6. Қазақстан Республикасының пайдалы қазбаларды сатып алу және

      реквизициялау құқығы

      7. Өндіру жүргізу кезінде персоналды жалдау, тауарларды, жұмыстарды

      және көрсетілетін қызметтерді сатып алу

      8. Өңірді әлеуметтік-экономикалық дамытуға және ғылыми зерттеулерді

      қаржыландыруға қатысу

      9. Салық салу

      10. Консервациялау, жою және тарату қоры

      11. Есепке алу және есептілік

      12. Жер қойнауын пайдалану бойынша операциялар жүргізудің жалпы

      шарттары

      13. Ілеспе міндетемелер

      14. Жер қойнауын пайдаланушының келісімшарт талаптарын бұзғаны үшін

      жауапкершілігі

      15. Құқықтар мен міндеттерді беру

      16. Еңсерілмейтін күш

      17. Құпиялылық

      18. Қолданылатын құқық

      19. Дауларды шешу тәртібі

      20. Жер қойнауын пайдаланушының құқықтарының кепілдіктері

      21. Келісімшарттың қолданылуын тоқтату шарттары

      22. Келісімшарт тілі

      23. Қосымша ережелер

      Өндіруге арналған келісімшартқа қосымшалар:

      1-қосымша – Жұмыс бағдарламасы

      2-қосымша – Тау-кендік бөлу

Кіріспе

      1) Қазақстан Республикасының Конституциясына сәйкес жер қойнауы

      мен ондағы пайдалы қазбалар Қазақстан Республикасының меншігінде

      болып табылатынын, Қазақстан Республикасы жер қойнауын ұтымды,

      кешенді және қауіпсіз пайдалануды қамтамасыз ету шарттарымен өндіруді

      жүзеге асыруға ниет білдіретінін;

      2) жер қойнауын пайдаланушының келісімшартқа сәйкес

      ________________________________ өндіруді ұтымды әрі тиімді жүргізуге

      (пайдалы қазбаның түрін көрсету)

      ниеті және қаржылық, техникалық мүмкіндігі бар екенін;

      3) Қазақстан Республикасының Үкіметі құзыретті органға

      келісімшарт жасасуға және орындауға құқық бергенін;

      4) Құзыретті орган мен жер қойнауын пайдаланушы келісімшарт

      _________________________________________ өндіру жұмыстарын жүргізуде

      (пайдалы қазбаның түрі көрсетілсін)

      олардың өзара құқықтары мен міндеттерін реттейді деп уағдаласқанын

      назарға ала отырып, құзыретті орган мен жер қойнауын пайдаланушы

      төмендегілер туралы уағдаласты:

1. Келісімшарттың мақсаты

      1. Келісімшарт мақсаты Қазақстан Республикасының заңнамасына сәйкес келісімшарттық аумақта өндіру бойынша операцияларды жүргізу үшін жер қойнауын пайдалану құқығын беру шарттарын айқындау болып табылады.

      2. "Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасының Заңында (бұдан әрі – Заң) және Келісімшарттың шарттарына сәйкес жер қойнауын пайдаланушы тау-кендік бөлу шегінде өндіруді жүргізуге, оның ішінде:

      өз қалауы бойынша өз қызметінің нәтижелерін, оның ішінде егер келісімшартта немесе Заңда өзгеше көзделмесе, өндірілген минералдық шикізатты пайдалануға;

      келісімшарттық аумақта, ал қажет болған жағдайда жер қойнауын пайдаланушыға белгіленген тәртіппен берілген өзге де жер учаскелерінде жұмыстарды жүзеге асыру үшін қажетті өндірістік және әлеуметтік сала объектілерін салуға, сондай-ақ шарттар негізінде келісімшарттық аумақта да, одан тысқары жерлерде де жалпыға ортақ объектілер мен коммуникацияларды пайдалануға;

      Заңда белгіленген талаптарды сақтай отырып, құқықтарды немесе олардың бір бөлігін басқа тұлғаларға беруге;

      Заңда немесе келісімшартта айкындалған жағдайларда жер койнауын пайдалану жөніндегі операцияларды тоқтатуға құқығы бар.

      3. Осы келісімшартпен жер қойнауын пайдаланушыға (пайдалы қазбаны көрсетіңіз), сондай-ақ көрсетілген пайдалы қазбаны (қазбаларды) өндіру кезінде минералдық шикізат құрамындағы ілеспе пайдалы қазбаларды өндіруді жүзеге асыру құқығы беріледі.

2. Келісімшарттың қолданылу мерзімі

      4. Өндіруге арналған келісімшарт_______ (Заңның 69-бабының 2-тармағымен сәйкес мерзім көрсетілсін) жасалады.

      5. Келісімшарт құзыретті органда мемлекеттік тіркелген күнінен бастап күшіне енеді.

      6. Жер қойнауын пайдаланушы келісімшарт күшіне енген күннен бастап (не өзге мерзімді көрсетіңіз) өндіруге кірісуге тиіс.

      Егер жер қойнауын пайдаланушы жұмыстардың аяқталуына дейiн алты айдан кешiктiрмей құзыреттi органға келiсiмшарттың қолданылу мерзiмiн ұзарту туралы өтiнiшпен мұндай ұзартудың себептерiн негiздей отырып жүгiнсе, жер қойнауын пайдаланушының келiсiмшарттық мiндеттемелер бойынша жойылмаған бұзушылықтары болмаған жағдайда құзыреттi орган өндiруге арналған келiсiмшарттың қолданылу мерзiмiн ұзартады.

      Өндіруге арналған келісімшарттың қолданылу мерзімі, егер пайдалы қазбаны пайдалану қосылған құны жоғары (неғұрлым жоғары қайта жасалған және өңделген) өнім өндіруді көздейтін индустриялық-инновациялық жобаны "Индустриялық-инновациялық қызметті мемлекеттік қолдау туралы" Қазақстан Республикасының Заңына сәйкес іске асыруға байланысты болса, ұзартылуға жатады.

      7. Келiсiмшарттың қолданылу мерзiмiн ұзарту туралы өтiнiш құзыреттi органға немесе облыстың, республикалық маңызы бар қаланың, астананың жергілікті атқарушы органдарына келiп түскен күнiнен бастап екi айдан кешiктiрiлмей қаралуға тиiс.

      8. Келісімшарттың қолданылу мерзімі өзгерген кезде келісімшартқа тараптардың қосымша келісімімен ресімделетін тиісті өзгерістер және (немесе) толықтырулар енгізіледі.

      Егер тараптар өзге мерзімді келіспесе, ұзарту мерзімі тиісті толықтыру тіркелген күннен бастап есептеледі.

3. Келісімшарттық аумақ

      9. Жер қойнауын пайдаланушы өндіруді келісімшарттың ажырамас бөлігі болып табылатын тау-кендік бөлуде көрсетілген келісімшарттық аумақ шегінде жүргізеді.

      10. Егер пайдалы қазбаларды өндiрудi жүргiзу кезiнде табудың немесе кен орнының географиялық шекараларының (құрлықта немесе теңiзде орналасуына қарамастан) тау-кендiк бөлуде көрсетiлген келiсiмшарттық аумақ шегiнен шығатыны анықталса, онда оны кеңейту туралы мәселенi құзыреттi орган егер бұл аумақ жер қойнауын пайдаланудан бос болған жағдайда, келiсiмшарт жобасын келiсу және оны жасасу үшiн осы Заңда белгiленген тәртiппен және мерзiмдерде конкурс өткiзбей-ақ, көлемі бойынша келісімшарттық аумақтың елу пайызынан аспайтын жаңа тау-кендік бөлуді беру, сондай-ақ келiсiмшарт пен жұмыс бағдарламасының шарттарын өзгерту арқылы шешуге тиiс.

      11. Жер қойнауын пайдаланушы келісімшарттық аумақты тек қана келісімшартта көзделген мақсаттарда пайдалануға міндеттенеді.

      12. Жер қойнауын пайдаланушы келісімшарттың қолданылу мерзімі аяқталғанға дейін бұл туралы 1 ай бұрын құзыретті органды алдын ала хабардар ете отырып, келісімшарт аумағының барлық немесе бір бөлігін қайтаруға құқылы.

      13. Қайтарылатын учаскелер учаскелерді қайтаруға қойылатын Қазақстан Республикасы заңнамасының талаптарына сәйкес келуі тиіс. Жер қойнауын пайдаланушы өндіру салдарынан бүлінген жер учаскелерін және басқа да табиғи объектілерді одан әрі пайдалануға жарамды қалыпқа дейін өз қаражаты есебінен қалпына келтіреді.

      14. Келісімшарттық аумақты қайтару Келісімшарттық аумақты немесе оның бөліктерін қайтару Ережелерімен белгіленген тәртіпте жүзеге асырылады.

      15. Қорлардың өсiмi болған және олар жер қойнауына мемлекеттiк сараптамамен расталған жағдайда келiсiмшартқа тараптардың жазбаша келiсiмімен Заңда белгiленген тәртiппен тиiстi өзгерiстер енгiзiлуге тиiс.

4. Жұмыс бағдарламасы

      16. Жұмыс бағдарламасы осы модельдік келісімшарттың қосымшасына сәйкес мiндеттi бөлiгi болып табылады және жер қойнауын пайдаланушының инвестициялық жобалау көрсеткіштеріне қол жеткізу үшін қажетті міндеттемелерін қамтиды.

      Жұмыс бағдарламасы негізгі жобалау көрсеткіштеріне қол жеткізу үшін қажетті іс-шараларды да жылдар бойынша бөліп және қажетті шығындарды көрсете отырып қамтуға тиіс.

      17. Жұмыс бағдарламасына енгізілген инвестициялық жобалау көрсеткіштерін қозғайтын жобалау құжаттары көрсеткіштерін өзгерткен кезде жұмыс бағдарламасына тиісті өзгерістер енгізілуге тиіс.

      18. Егер бекітілген жобаларда айқындалған өндіру көлемдері бекітілген жобалау көрсеткіштерінен нақты мәнде жиырма пайыздан аз өзгеретін жағдайда, қатты пайдалы қазбалар бойынша бекiтiлген жобаларға өзгерiстер және (немесе) толықтырулар жобалары жасалмайды.

5. Мүлік пен ақпаратқа арналған меншік құқығы

      19. Өндіру бойынша операцияларды жүргізу үшін жер қойнауын пайдаланушы алған мүлік жер қойнауын пайдаланушының меншігі болып табылады.

      20. Жабдыққа және өзге де мүлікке меншік құқығының ауысуына қарамастан, келісімшарттың қолданылу мерзімі ішінде, сондай-ақ мұндай жабдықты және өзге де мүлікті құзыретті органның жазбаша хабарламасына сәйкес басқа тұлғаға беру жағдайларын қоспағанда, келісімшарттың қолданылу мерзімі өткен сәттен бастап бір жыл ішінде не келісімшартта өзгеше белгіленген жағдайда, жер қойнауын пайдаланушыда мұндай жабдық пен өзге де мүлікті өз есебінен бөлшектеу не келісімшарттық аумақтан әкету міндеті сақталады.

      Жабдықтың және өзге де мүліктің тиесілігіне қарамастан, мұндай жабдық пен өзге де мүлікті бөлшектеуді және келісімшарттық аумақтан әкетуді жер қойнауын пайдаланушы адам өміріне, денсаулығына және қоршаған ортаға қауіпсіз тәсілмен, Қазақстан Республикасының заңнамасына сәйкес жүзеге асыруға тиіс.

      21. Құзыретті орган келісімшарттың қолданысын мерзімінен бұрын тоқтатқан кезде ұлттық компания келісімшарттық аумақты сенімгерлікпен басқаруға қабылдайды. Технологиялық процестің үздіксіз болуын және өнеркәсіптік қауіпсіздікті қамтамасыз ететін құрылыстар мен жабдықтарды бұрынғы жер қойнауын пайдаланушы жаңа жер қойнауын пайдаланушыға мүлік берілгенге дейінгі мерзімге ұлттық компанияның уақытша иеленуі мен пайдалануына беруге тиіс. Бұрынғы жер қойнауын пайдаланушы болмаған не ол мүлікті ұлттық компанияға беруден бас тартқан жағдайда құзыретті орган осындай мүлікке қатысты оның сенім білдірген адамы ретінде іс-қимыл жасайды.

      22. Геологиялық ақпарат, егер ол жер қойнауын пайдаланушының жеке қаражаты есебінен алынса, жер қойнауын пайдаланушының меншігінде болады.

      23. Мемлекеттік меншігінде болатын Келісімшарт аумағы бойынша жер қойнауы туралы ақпарат, Заңнамада белгіленген тәртіпте жер қойнауын зерттеу және пайдалану жөніндегі уәкілетті органынан алынады.

      24. Мемлекет меншігінде болатын геологиялық ақпараттың құны тарихи шығындар сомасының бір бөлігі ретінде айқындалады. Геологиялық ақпараттың құны Қазақстан Республикасының бюджетіне төленеді.

      25. Жер қойнауын пайдалану жөніндегі операцияларды қаржыландыру көзiне қарамастан, жер қойнауы туралы геологиялық және өзге де ақпарат мемлекет меншігіне міндетті түрде өтеусіз берілуге жатады және кез-келген уақытта жер қойнауын зерттеу мен пайдалану жөніндегі уәкілетті органға оның сауалы бойынша зерттеу үшін беріледі. Геологиялық ақпаратты есепке алуды, сақтауды, жүйелеуді және жинақтап қорытуды жер қойнауын зерттеу мен пайдалану жөнiндегi уәкiлеттi орган өзі бекiткен тәртiпке сәйкес жүзеге асырады.

      26. Жер қойнауын пайдалану операциялары бойынша есептер Қазақстан Республикасы Инвестициялар және даму министрінің 2015 жылғы 31 наурыздағы № 396 бұйрығымен (Нормативтік құқықтық актілерді мемлекеттік тіркеу тізілімінде № 11028 тіркелген) бекітілген Жер қойнауын пайдаланушылардың жер қойнауын пайдалану жөніндегі операцияларды жүргізу туралы есептер беру қағидаларына сәйкес жер қойнауын пайдалану мен зерттеуге уәкілетті органға тапсырылады.

      27. Келісімшарт қолданысы тоқтатылғаннан кейін барлық геологиялық ақпарат Қазақстан Республикасының меншігіне беріледі. Жер қойнауын пайдаланушы жер қойнауын зерттеу мен пайдалану жөніндегі уәкілетті органға барлық құжаттарды және геологиялық ақпараттың өзге де материалдық жеткізгіштерін өтеусіз беруге міндетті.

6. Қазақстан Республикасының пайдалы қазбаларды
сатып алу және реквизициялау құқығы

      28. Қазақстан Республикасының көліктік шығыстар мен өткізу шығындары шегеріле отырып, жер қойнауын пайдаланушы тиісті пайдалы қазбаларға қатысты мәмілелер жасасу кезінде қолданатын, мәмілені жасасу күніне қалыптасқан бағадан аспайтын бағалар бойынша жер қойнауын пайдаланушының пайдалы қазбаларын сатып алуға басқа тұлғалар алдында артықшылықты құқығы бар.

      29. Жер қойнауын пайдаланушы мәмiлелер жасау кезiнде қолданатын пайдалы қазбалардың бағалары туралы ақпарат болмаған жағдайда, Қазақстан Республикасының пайдалы қазбаларды сатып алуы жөнiнде мәмiле жасалған күнi әлемдiк нарықтарда қалыптасқан бағалардан аспайтын бағалар, көлік шығыстары және өткізуге арналған шығындар шегеріле отырып қолданылады.

      Сатып алынатын пайдалы қазбалардың шекті көлемі тиісті жылы нақты өндірілген өнімнің жалпы көлемінен __ % аспауға тиіс.

      30. Төтенше немесе соғыс жағдайы енгізілген жағдайда, Үкіметтің жер қойнауын пайдаланушыға тиесілі пайдалы қазбалардың бір бөлігін немесе барлығын реквизициялауға құқығы бар. Реквизициялау Қазақстан Республикасының мұқтажына қажет мөлшерде төтенше немесе соғыс жағдайының барлық қолданылу мерзімі ішінде жүргізілуі мүмкін.

      31. Қазақстан Республикасы реквизицияланған пайдалы қазбалар үшін заттай нысанда немесе шетелдік жер қойнауын пайдаланушыға, олардың құнына еркін айналымдағы валютамен, ал ұлттық жер қойнауын пайдаланушыға жер қойнауын пайдаланушы тиісті пайдалы қазбаларға қатысты мәмілелер жасасу кезінде реквизициялау күніне қолданатын, көліктік шығыстар мен өткізу шығындары шегерімінен қалған бағадан аспайтын бағалар бойынша ұлттық валютамен өтемақы төлеуге кепілдік береді.

7. Өндіру жүргізу кезінде персоналды жалдау, тауарларды,
жұмыстарды және көрсетілетін қызметтерді сатып алу

      32. Жер қойнауын пайдаланушы өндіру бойынша операцияларды жүргізу кезінде қазақстандық кадрларға басымдық беруге міндеттенеді. Бұл ретте қазақстандық кадрларды тарту, жұмысқа тартылған кадрлардың жалпы санына пайыздық қатынаста мердігерлік жұмыстарға тартылған қызметкерлерді қоса алғанда жетекші құрам бойынша__%, жоғары және орта кәсіптік білімді мамандар бойынша__%, білікті жұмысшылар бойынша__%, соның ішінде жылдар бойынша:

      33. Жер қойнауын пайдаланушы мердiгерлiк жұмыстармен айналысатын персоналды қоса алғанда, жұмысқа тартылған шетелдiк персоналға қатысты алғанда қазақстандық персонал үшiн еңбекке ақы төлеудiң тең жағдайларын қамтамасыз етуге міндетті.

      34. Жер қойнауын пайдаланушы өндіру жүргізу кезеңінде Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқыту, олардың біліктілігін арттыру және оларды қайта даярлау бойынша жыл сайын ____________ (тікелей келіссөздер хаттамасында немесе конкурстық ұсыныста немесе тендер, аукцион өткізілу туралы хабарламада белгіленген соманы көрсетумен) қаржыландыруды жүзеге асыруға міндеттенеді.

      Осы тармақта көзделген талап етілген қаржыландыру көлемі артқан жағдайда қандай да бір жылдың қорытындылары бойынша асыра көрсетілген сомалары алдағы кезеңдердегі Қазақстан Республикасының азаматтары болып табылатын, қызметкерлерді оқытуын, олардың біліктілігін арттыруын және оларды қайта даярлауын қаржыландыру бойынша міндеттемелерінің есебіне жатқызылады және міндеттемелер есебіне есептелген кезеңнің шығыстары ретінде есепке алынады.

      Осы тармақта көрсетілген міндетті орындау жер қойнауын пайдаланушының Қазақстан Республикасының азаматтарын даярлауды және қайта даярлауды қаржыландыру бойынша, оның ішінде облыстың, республикалық маңызы бар қаланың, астананың жергілікті атқарушы органы ұсынған және құзыретті органмен келісілген тізбе бойынша тиісті облыстың, республикалық маңызы бар қаланың, астананың аумағында жер қойнауын пайдалану саласымен тікелей байланысты мамандықтар бойынша кадрлар даярлауды жүзеге асыратын білім беру ұйымдарының материалдық-техникалық базасын жақсарту үшін қажет тауарлар, жұмыстар мен көрсетілетін қызметтер сатып алуға нақты жұмсаған шығыстары, сондай-ақ жер қойнауын пайдаланушы болып табылатын заңды тұлға жанындағы өзінің оқу (оқыту) орталықтарында кадрларды кәсіптік даярлауды және қайта даярлауды қаржыландыру жөніндегі шығыстар болып табылады.

      35. Өндіру кезінде тауарларды, жұмыстарды және көрсетілетін қызметтерді сатып алу Заң талаптарына сәйкес жүзеге асырылуы қажет. Жер қойнауын пайдаланушы тауарларды, жұмыстар мен көрсетілетін қызметтерді сатып алу кезінде: Қазақстан Республикасында өндірілген жабдықтарды, материалдарды және дайын өнімді, олар конкурстың және Қазақстан Республикасының техникалық реттеу туралы заңнамасының талаптарына сәйкес келген жағдайда, пайдалануға; егер осы көрсетілетін қызметтер Қазақстан Республикасының резидент еместері орындайтын біртектес жұмыстар мен көрсетілетін қызметтердің стандарттарына, бағалық және сапалық сипаттамаларына сәйкес келсе, әуе, темір жол, су және басқа да көлік түрлерін пайдалануды қоса алғанда, жер қойнауын пайдалану бойынша операцияларды жүргізу кезінде жұмыстарды, көрсетілетін қызметтерді қазақстандық өндірушілерді міндетті түрде тартуға міндеттенеді.

      Бұл ретте өндіру бойынша операцияларды жүргізу кезінде келісімшарт бойынша жергілікті қамту көлемі тауарларға қатынасы бойынша ______ пайызды, жұмыстарға қатынасы бойынша ______ пайызды, көрсетілетін қызметтерге қатынасы бойынша ______ пайызды құруға, оның ішінде жылдар бойынша:

8. Өңірді әлеуметтік-экономикалық дамытуға және
ғылыми зерттеулерді қаржыландыруға қатысу

      36. Келісімшарт қолданылу мерзімі ішінде жер қойнауын пайдаланушы өңірді әлеуметтік-экономикалық дамытуға және оның инфрақұрылымын дамытуға _____________мөлшерінде (тендерге қатысу үшін ұсынылған конкурстық ұсыныста немесе тiкелей келiссөздер хаттамасында көрсетiлген, не аукцион өткізу туралы хабарландыруда көрсетілген мөлшерден төмен болмайтын соманы көрсету) Қазақстан Республикасы Қаржы министрінің 2014 жылғы 18 қыркүйектегі № 403 бұйрығымен (Нормативтік құқықтық актілерді мемлекеттік тіркеу тізілімінде № 9756 тіркелген) бекітілген Бірыңғай бюджеттік сыныптамасына сәйкес "Жер қойнауын пайдаланушы өңірді әлеуметтік-экономикалық дамытуға және оның инфрақұрылымын дамытуға аударымдар" 206114 бюджетті сыныптама кодына облыстың, республикалық маңызы бар қаланың және астананың жергілікті атқарушы органның бюджетіне жыл сайынғы аударымдарды жүргізеді.

      37. Жер қойнауын пайдаланушы Заңның 76 бабы 1 тармағының 12-1) тармақшасына сәйкес тауарларды, жұмыстар мен көрсетілетін қызметтерді қазақстандық өндірушілер көрсететін ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыруды өткен жылдың қорытындылары бойынша келісімшарттық қызмет бойынша жылдық жиынтық табыстың кемінде бір пайызы мөлшерінде жыл сайын жүзеге асыруға міндеттенеді.

      Ағымдағы жылдың қорытындылары бойынша ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелердің көлемі асыра орындалған жағдайда, жер қойнауын пайдаланушы асыра орындалған міндеттемелердің көлемдерін келесі есепті кезеңдерге түзетуді (есепке жатқызуды) жүзеге асырады.

      Ғылыми-зерттеу, ғылыми-техникалық және (немесе) тәжірибелік-конструкторлық жұмыстардың қазақстандық өндірушілері болмаған жағдайда, шетелдік өндірушілер көрсететін осы жұмыстарды қаржыландыру құзыретті органның рұқсаты бойынша жүзеге асырылады.

      Жер қойнауын пайдаланушының ғылыми-зерттеу, ғылыми-техникалық және (немесе) тәжірибелік-конструкторлық жұмыстарды орындауға, жер қойнауын пайдалануға арналған келісімшарт шеңберіндегі қызметпен байланысты, сондай-ақ жер қойнауын пайдалануға арналған келісімшарт шеңберіндегі қызметпен байланысты емес, қосылған құны жоғары өнімді (қайта жасалуы жоғары) алуға бағытталған жұмыстарға, экология, еңбекті қорғау, жұмысты қауіпсіз жүргізуді қамтамасыз ету, өндірістік қызмет шеңберінде (технологиялық цикл) энергия үнемдеуге жұмсаған нақты шығыстары және (немесе) "Ғылым туралы" Қазақстан Республикасының Заңына сәйкес ғылыми және (немесе) ғылыми-техникалық қызмет субъектілері жүзеге асыратын ғылыми зерттеулерді, сондай-ақ "Индустриялық-инновациялық қызметті мемлекеттік қолдау туралы" Қазақстан Республикасының Заңына сәйкес индустриялық-инновациялық инфрақұрылым элементтерін қаржыландыруға арналған шығыстары оның ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемені орындауы болып табылады.

9. Салық салу

      38. Келiсiмшарт шеңберінде жүзеге асырылатын қызмет бойынша салық және бюджетке төленетін басқа да мiндеттi төлемдер бойынша салық мiндеттемелерiн есептеу оларды төлеу жөнiндегi міндеттемелер туындаған кезде қолданыстағы Қазақстан Республикасының салық заңнамасына сәйкес жүргiзiледi. Келісімшарт шеңберінде жүзеге асырылатын қызмет бойынша салық міндеттемелерін орындау жер қойнауын пайдаланушыны салық міндеттемелері туындаған күні Қазақстан Республикасының қолданыстағы салық заңнамасына сәйкес жер қойнауын пайдалануға арналған келісімшарт шеңберінен тыс қызметті жүзеге асыру бойынша салық міндеттемелерін орындаудан босатпайды.

      39. Қол қойылатын бонустың түпклікті мөлшері ________ (сомасы көрсетілсін).

      40. Келiсiмшартты жасасу кезiнде жер қойнауын пайдаланушы қол қойылатын бонустың белгiленген сомасының елу пайызын 20 жылғы "___" №___ төлем тапсырмасы бойынша төледi.

      41. Қол қойылатын бонустың мөлшердегi қалған ______ (сомасы көрсетiлсiн) елу пайызын жер қойнауын пайдаланушы Қазақстан Республикасының салық заңнамасында белгіленген тәртіппен және мерзімде төлейдi.

10. Консервациялау, жою және тарату қоры

      42. Өндіру бойынша операциялар тоқтатылғанда жер қойнауын пайдаланушы одан әрі жер қойнауын пайдалану жөніндегі операцияларды жүргізу кезінде қолданылатын жер қойнауын пайдалану объектісінің технологиялық бірліктерін (блоктарды, панельдерді, қазбаларды) қоспағанда, өндіру жөніндегі жұмыстар жүргізілген жер қойнауын пайдалану объектілерді жоюды немесе консервациялауды жобалау құжаттарына және жұмыс бағдарламасына сәйкес жүзеге асырады.

      43. Жер қойнауын пайдалану объектілері Заңда белгіленген тәртіппен таратылады немесе консервацияланады.

      Жер қойнауын пайдаланушы келісімшарт бойынша өз операциялары салдарын жою үшін тарату қорын құрады.

      Өндіру кезеңінде тарату қорына жұмыс бағдарламасында қарастырылған өндіруге арналған жыл сайынғы шығындарынан бір пайыздан кем емес мөлшерінде Қазақстан Республикасының аумағындағы кез келген банктегі депозиттік шотына аударымдар жер қойнауын пайдаланушымен жыл сайын жүргізіледі.

      44. Егер жоюға нақты шығындар тарату қорының мөлшерінен асып кетсе, онда жер қойнауын пайдаланушы жоюды қосымша қаржыландыруды жүзеге асырады.

      45. Егер жоюға нақты шығындар тарату қорының мөлшерінен төмен болса, онда қалған ақша жер қойнауын пайдаланушыға беріледі және салық салынатын табысқа енгізіледі.

      46. Жер қойнауын пайдалану құқығын беру жағдайында тарату қоры жаңа жер қойнауын пайдаланушыға беріледі.

      47. Құзыретті орган келісімшартты біржақты тәртіппен тоқтатқан жағдайда тарату қоры Заңның 72-бабының 10-тармағына сәйкес анықталатын сенімгерлік басқарушыға беріледі.

11. Есепке алу және есептілік

      48. Жер қойнауын пайдаланушы өндіру жүргізу кезінде жер қойнауын пайдалану бойынша жүргізілетін операциялардың есебін жүргізуге және құзыретті органға Заңда белгіленген тәртіпте және мерзімде келісімшартта және жұмыс бағдарламасында қарастырылған міндеттемелердің орындалғаны туралы есептілікті ұсынуға тиіс.

      49. Жер қойнауын пайдаланушы Заңда белгіленген мерзімде мұнай және газ саласындағы уәкілетті органымен бекітілетін тізімдеме бойынша өзінің өндірістік объектілерін есепке алудың бақылау аспаптарымен жарақтандыруға және мұнай және газ саласындағы уәкілетті органы белгілеген тәртіпте есепке алудың бақылау аспаптарының жұмыс істеуін қамтамасыз етуге міндетті.

      50. Жер қойнауын пайдаланушы Қазақстан Республикасының бақылаушы органдары лауазымды адамдарының қызметтік міндеттерін атқаруы кезінде оларға қажетті құжаттарды, ақпаратты беруге және жұмыс орындарына оларды кедергісіз өткізуге және олар анықтаған бұзушылықтарды уақтылы жоюға міндеттенеді.

      51. Келісімшарт аумағындағы қызмет нәтижелері бойынша жер қойнауын пайдаланушы жер қойнауын зерттеу және пайдалану жөніндегі уәкілетті органға геологиялық есептілікті беруге міндетті.

12. Жер қойнауын пайдалану бойынша операциялар
жүргізудің жалпы шарттары

      52. Жер қойнауын пайдаланушы келісімшартқа және Заңға сәйкес жер қойнауын пайдалану бойынша операцияларды жүргізуге, жер қойнауын пайдалану бойынша операцияларға Қазақстан Республикасының заңнамасында белгіленген талаптарды сақтауға, оның ішінде экологиялық, санитарлық-эпидемиологиялық, жер қойнауын қорғау саласындағы талаптарды, жер қойнауын ұтымды және кешенді пайдалану талаптарын сақтауға тиіс.

      53. Жер қойнауын пайдаланушы жер қойнауын пайдалану бойынша операцияларды жүргізу кезінде егер бұл қауіпсіздіктің ерекше жағдайларымен байланысты болмаса және мұндай қызмет жер қойнауын пайдалану жөніндегі операцияларды жүргізуге кедергі келтірмесе, келісімшарттық аумақ шегінде басқа адамдардың еркін жүруіне, жалпыға ортақ объектілер мен коммуникацияларды пайдалануына кедергі жасамауға міндеттенеді.

      54. Өндіруді жүзеге асыру кезінде жер қойнауын пайдаланушы жер қойнауын пайдаланудың оң тәжірибесіне негізделген жер қойнауын пайдалану жөніндегі операцияларды жүргізудің неғұрлым тиімді әдістері мен технологияларын таңдауға тиіс.

      55. Өндіруді жүзеге асыру кезінде жер қойнауын пайдаланушы қажеттілік болған жағдайда, ішкі нарықтың жанар-жағармай материалдарына қажеттіліктерін жабуға қажетті Қазақстан Республикасының аумағында және оның шегінен тысқары жерлерде өңдеуге арналған шикі мұнайды мұнай және газ саласындағы уәкіліетті органымен бекітілетін кестелермен айқындалатын көлемде, бірақ өндірілген көлемінен кем дегенде 35% жеткізіп береді.

      56. Көмірсутегі шикізатын өндіретін жер қойнауын пайдаланушылар мұнай және газ саласындағы уәкілетті органның бекітуіне және жер қойнауын зерттеу мен пайдалану жөніндегі, қоршаған ортаны қорғау саласындағы уәкілетті органдармен келісуге жататын ілеспе газды өңдеуді дамыту бағдарламаларын көздеуге міндетті, олар ілеспе газды жағу немесе қатқа кері айдау (кәдеге жарату) көлемдерін қысқарту жолымен қоршаған ортаға зиянды әсерін төмендету мақсатында әр үш жыл сайын жаңартылып отыруға тиіс.

      57. Жер қойнауын пайдаланушы Қазақстан Республикасындағы Өндiрушi салалардың қызметi ашықтығының бастамасын iске асыруға қатысты өзара түсiнiстiк туралы меморандум шарттарын сақтауға міндеттенеді.

      58. Жер қойнауын пайдаланушы өзiне жобалау құжаттарына және жұмыс бағдарламасына сәйкес келiсiмшарт бойынша өз қызметiн қаржыландыру бойынша мiндеттеме алады.

13. Ілеспе міндеттемелер

      59. Индустриялық-инновациялық қызметтің субъектісі болып табылатын жер қойнауын пайдаланушы өндіру бойынша операцияларды жүргізу кезінде мынадай технологияларды қолдануға міндеттенеді (технологиялық бағдарламаға сәйкес технологиялар туралы ақпаратты көрсетіңіз).

      60. Келісімшарт жер қойнауын пайдаланушымен конкурс немесе тікелей келіссөздер нәтижелері бойынша қабылданған Жоғары технологияларды, жаңа және өңдейтін өндірістерді, магистральдық және өзге де құбырларды дамыту мен пайдалану, инфрақұрылымдық және өзге де объектілерді тұрғызу және бірлесіп пайдалану жөніндегі міндеттемелерді (олар болған кезде) қарастыруы мүмкін.

14. Жер қойнауын пайдаланушының келісімшарт
талаптарын бұзғаны үшін жауапкершілігі

      61. Жер қойнауын пайдаланушы өзіне қабылдаған мiндеттемелердi орындамағаны, тиiсiнше орындамағаны үшiн тұрақсыздық айыбы түрінде келесі жауапкершіліктерге тартылады:

      1) тауарлар, жұмыстар мен көрсетiлетiн қызметтердегі жергілікті қамту бойынша міндеттемелерді орындамағаны үшін есептік кезеңде орындалмаған міндеттемелер сомасының 1 % мөлшерінде;

      2) кадрлардағы жергілікті қамту бойынша міндеттемелерді орындамағаны үшін республикалық бюджет туралы заңға сәйкес және тиісті жылдың 1 қаңтарында қолданыста болатын 2000 айлық есептік көрсеткіш (АЕК) мөлшерінде;

      3) осы келісімшарттың 7 және 8-тармақтарда көрсетілген міндеттемелерді орындамағаны үшін есептік кезеңде орындалмаған міндеттеме сомасының 1 % мөлшерінде;

      Сонымен қатар, егер жер қойнауын пайдаланушының нақты шығыстары нарықта қолданылатын бағалардың өзгеруі салдарынан, сондай-ақ жер қойнауын пайдаланушының еркіне тәуелді емес басқа да мән-жайларға байланысты келісімшарт жасасу, жұмыс бағдарламасы мен жобалау құжаттарын бекіту кезінде ескерілгендерден кем болып шықса, бірақ бұл ретте жер қойнауын пайдаланушы міндеттемелерінің келісімшартта, жұмыс бағдарламасында және жобалау құжаттарында көзделген нақты көлемі толық көлемде орындалса, жер қойнауын пайдаланушының нақты шығыстарының мұндай азаюы келісімшарт талаптарын бұзу және тұрақсыздық айыбын салуға негіз болып табылмайды.

      62. Қазақстан Республикасының аумағынан тысқары жерде өткізілген конкурс нәтижелері бойынша жер қойнауын пайдалану жөніндегі операцияларды жүргізу кезінде пайдаланылатын немесе жер қойнауын пайдалану жөніндегі операцияларды жүргізу кезінде тауарларды, жұмыстарды және көрсетілетін қызметтерді сатып алудың тәртібі бұзыла отырып сатып алынған тауарларды, жұмыстар мен көрсетілетін қызметтерді сатып алу жөніндегі шығыстар құзыретті орган жер қойнауын пайдаланушының келісімшарттық міндеттемелерді орындауы ретінде есепке алатын шығыстардан алып тасталады.

      63. Осы бөлімнің 61-тармағының 1) тармақшасының мақсаттары үшін жергілікті қамту үлесі келісімшарттың 7-бөлімі 35-тармағының талаптарына сәйкес келмейтін тауарларды, жұмыстарды және көрсетілетін қызметтерді сатып алу тәртібіне осы келісімшартта және Заңда белгіленген талаптарды бұза отырып жер қойнауын пайдаланушы сатып алуды жүзеге асырған тауарлардың, жұмыстардың және көрсетілетін қызметтердің құны ескеріледі. Бұл ретте көрсетілген көлемнен тауарлардың, жұмыстардың және көрсетілетін қызметтердің нақты құны азайтылады.

15. Құқықтар мен міндеттерді беру

      64. Жер қойнауын пайдаланушы Заңда белгіленген талаптарды сақтай отырып, құқықтарды немесе олардың бір бөлігін басқа тұлғаларға беруге құқылы.

      65. Жер қойнауын пайдалану құқығын беру келiсiмшартқа тиiстi өзгерiстер және (немесе) толықтырулар енгiзу қажеттiгiне әкеп соғады және осындай өзгерiстер және (немесе) толықтырулар тiркелген кезден бастап жасалды деп есептеледi.

16. Еңсерілмейтін күш

      66. Еңсерілмейтін күш мән-жайларының себептері тікелей әсер еткен жағдайда, міндеттемелерді орындаудың мүмкін болмауы Тараптар клісімшарт бойынша міндеттемелерін орындамағаны немесе тиісті орындамағаны үшін жауапкершілікке тартылмайды.

      67. Еңсерілмейтін күштің мән-жайларына тәуелді емес себептер тікелей әсер еткен төтенше және еңсерілмейтін мән-жайлар жатады (мысалы: әскери жанжалдар, табиғат апаттары, табиғи зілзалалар (өрт және т.с.). Келтірілген тізбе толық болып табылмайды.

      68. Еңсерілмейтін күш мән-жайлары туындаған жағдайда, осындай мән-жайлардан зардап шеккен Тарап бұл туралы екінші тарапқа еңсірілмейтін күш мән-жайлары басталған күнін және сипаттамасын анықтайтын жазбаша хабарламаны тапсыру немесе поштамен жіберу жолымен дереу хабарлайды.

      69. Еңсерілмейтін күш мән-жайлары туындаған кезде Тараптар қалыптасқан жағдайдан шығудың шешімін іздеу үшін шұғыл түрде кеңес өткізеді және мұндай мән-жайлардың салдарларын жою үшін барлық тәсілдерді пайдаланады.

      70. Еңсерілмейтін күш мән-жайларынан туындаған келісімшарт бойынша жұмыстар толық немесе ішінара тоқтатылған кезде тараптар келісімшарт мерзімі еңсерілмейтін күш мән-жайларының қолданысы кезеңіне ұзартады.

17. Құпиялылық

      71. Келісімшартты орындау барысында тараптар алған немесе сатып алған ақпарат құпия болып табылады және Қазақстан Республикасының заңнамасына сәйкес қорғалуға жатады. Тараптар Қазақстан Республикасының азаматтық заңнамасында көзделген қажетті есептерді жасау үшін құпия ақпаратты пайдалана алады.

      72. Геологиялық ақпарат жер қойнауын пайдаланушыға 20__ жылғы "__" ________ № ___ құпиялылық туралы келісіммен рәсімделетін Заңның 11-бабына сәйкес белгіленген тәртіпте беріледі.

      73. Тараптар екінші тараптың келісімінсіз құпия ақпаратты үшінші тұлғаларға мынадай:

      егер бұл ақпарат сотта іс қарауды жүргізу барысында пайдаланылса;

      ақпарат жер қойнауын пайдаланушыға қызмет көрсететін үшінші тұлғаға мұндай үшінші тарап мұндай ақпаратты құпия қарап және оны тараптар белгілеген мақсаттарға және белгіленген мерзімдерде ғана пайдалануға міндеттеме алу шартымен берілген жағдайды;

      ақпарат жер қойнауын пайдаланушы қаржылық қаражат алатын банкке немесе басқа қаржылық ұйымға, мұндай банк немесе басқа қаржылық ұйым бұл ақпаратты құпия деп қарап және оны тек көрсетілген мақсаттарға ғана пайдалануға міндеттеме алу шартымен берілген жағдайды;

      ақпарат Қазақстан Республикасының бақылаушы органдарының лауазымды тұлғаларына олардың қызметтік міндеттерін орындауы барысында берілген жағдайды;

      Қазақстан Республикасының заңнамасында көзделген өзге де жағдайларды қоспағанда беруге құқығы жоқ.

      74. Тараптар келісімшарттық аумақта өндіру жүргізуге байланысты және геологиялық ақпараттарды қамтитын барлық құжаттардың, ақпараттардың және есептердің құпиялығын сақтау мерзімін айқындайды.

      75. Келісімшарттық міндеттемелерді жергілікті қамту бөлігінде орындауға қатысты, жер қойнауын пайдаланушының тауарлар, жұмыстар мен көрсетілетін қызметтер сатып алуды жоспарлауы және жүргізуі, сондай-ақ қазақстандық мамандарды оқытуға арналған шығындар мен өңірдің әлеуметтік-экономикалық дамуына және оның инфрақұрылымын дамытуға арналған шығыстар туралы ақпарат құпия болып табылмайды.

18. Қолданылатын құқық

      76. Қазақстан Республикасының құқығы осы келісімшартқа қолданылатын құқық болып табылады.

      77. Жер қойнауын пайдалану құқығын беру жөніндегі мәмілелерге Қазақстан Республикасының құқығы қолданылады.

      78. Жер қойнауын пайдаланушы Қазақстан Республикасы алған келісімшарт аумағында қоршаған ортаны қорғау саласындағы халықаралық міндеттемелерді сақтауды өзіне алады.

19. Дауларды шешу тәртібі

      79. Келісімшартты орындауға, өзгертуге немесе тоқтатуға байланысты даулар келіссөздер жүргізу жолымен шешіледі.

      80. Егер келісімшартты орындауға және өзгертуге немесе тоқтатуға байланысты даулар келіссөздер арқылы алты ай мерзімде шешілмейтін болса, онда тараптар дауларды Қазақстан Республикасының заңдарына және Қазақстан Республикасы ратификациялаған халықаралық шарттарға сәйкес шешуге құқылы.

20. Жер қойнауын пайдаланушының құқықтарының кепілдіктері

      81. Жер қойнауын пайдаланушыға Қазақстан Республикасының заңнамасына сәйкес құқықтарының қорғалуына кепілдік беріледі.

      82. Келісімшарт талаптарын өзгертуге және толықтыруға тараптардың келісімі бойынша жол беріледі. Тараптардың бірінің талабы бойынша келісімшарт талаптарын өзгертуге және толықтыруға Заңда және осы келісімшартта тікелей көзделген жағдайларда жол беріледі.

21. Келісімшарттың қолданылуын тоқтату шарттары

      83. Егер тараптар келісімшарттың қолданылу мерзімін ұзарту туралы Заңның 69-бабына сәйкес келісім жасалмаса, келісімшарт қолданылу мерзімі өткеннен кейін тоқтатылады.

      84. Келісімшарт қолданысын мерзімінен бұрын тоқтатуға тараптардың келісімі бойынша жол беріледі. Сонымен қатар, келісімшарттың 3-бөліміне сәйкес барлық келісімшарт аумағы қайтарылған жағдайда Келісімшарт өз қолданысын мерзімінен бұрын тоқтатады.

      85. Құзыретті орган келесі жағдайларда:

      1) жер қойнауын пайдаланушы жер қойнауын пайдалануға арналған келiсiмшартта белгiленген мiндеттемелердi екiден астам бұзуды құзыреттi органның хабарламасында көрсетiлген мерзiмде жоймаған жағдайда;

      2) Заңның 36-бабы 5-тармағына сәйкес мұндай рұқсат ету талап етілмейтін жағдайларды қоспағанда, құзыретті органның рұқсатынсыз Заңның 36-бабының 1 және 3-тармақтарында көзделген жағдайларда, жер қойнауын пайдаланушы жер қойнауын пайдалану құқығын және (немесе) жер қойнауын пайдалану құқығымен байланысты объектілерді берген жағдайда;

      3) жер қойнауын пайдалануға арналған келісімшартта белгіленген қаржылық міндеттемелер қатарынан екі жыл бойы отыз пайыздан кем орындалған жағдайда;

      4) Заңның 76-бабының 1 тармағының 13)-тармақшасымен көзделген мәліметтерді беруден бас тартқан немесе дәйексіз мәлімет берген жағдайда келісімшарттың қолданылуын біржақты тәртіппен мерзімінен бұрын тоқтатуға құқылы.

      Жер қойнауын пайдаланушы құзыретті органның хабарламасында белгіленген мерзімде толық жойған келісімшарт талаптарының бұзылуы келісімшарттың қолданысын біржақты тәртіппен мерзімінен бұрын тоқтатуға негіз болып табылмайды.

      86. Заңның 71-бабы 3-тармағында көзделген жағдайда құзыретті орган бір жақты тәртіппен келісімшарттың қолданысын мерзімінен бұрын тоқтатуға құқылы, егер:

      1) құзыретті органнан келісімшарт талаптарын өзгерту және (немесе) толықтыру туралы хабарлама алған күннен бастап екі айға дейінгі мерзімде жер қойнауын пайдаланушы келісімшарт талаптарын өзгерту және (немесе) толықтыру жөнінде келіссөздер жүргізуге өз келісімін жазбаша түрде растамаса не оларды жүргізуден бас тартса;

      2) жер қойнауын пайдаланушының келісімшарт талаптарын өзгерту және (немесе) толықтыру жөнінде келіссөздер жүргізуге келісімі алынған күннен бастап төрт айға дейінгі мерзімде тараптар келісімшарт талаптарын өзгерту және (немесе) толықтыру жөніндегі келісімге келмесе;

      3) Қазақстан Республикасының экономикалық мүдделерін қалпына келтіру жөніндегі келісілген шешімге қол жеткізілген күннен бастап алты айға дейінгі мерзімде тараптар келісімшарттың талаптарына және (немесе) толықтыруларға қол қоймаса, бір жақты тәртіппен келісімшарттың қолданысын мерзімінен бұрын тоқтатуға құқылы.

      87. Егер стратегиялық маңызы бар жер қойнауы учаскелеріне, кен орындарына қатысты жер қойнауын пайдалану жөніндегі операцияларды жүргізу кезінде жер қойнауын пайдаланушының іс-әрекеті ұлттық қауіпсіздікке қатер төндіретін, Қазақстан Республикасының экономикалық мүдделерін өзгертуге әкеп соғатын болса, Үкіметтің шешімі бойынша құзыретті орган келісімшарттың, оның ішінде бұрын жасалған келісімшарттың қолданысын бір жақты тәртіппен тоқтатуға құқылы.

      Келісімшарттың қолданылуы аталған негіз бойынша біржақты тәртіппен тоқтатылған жағдайда құзыретті орган ол жөнінде жер қойнауын пайдаланушыны кемінде екі ай бұрын ескертуге тиіс.

22. Келісімшарт тілі

      88. Келісімшарттың мәтіні тараптардың әрқайсысы үшін бір данадан қазақ және орыс тілдерінде жасалады және барлық даналары бірдей болады.

      Келісімшарт тараптарының келісімі бойынша келісімшарттың мәтіні өзге тілге аударылуы да мүмкін.

      89. Мәтіннің нұсқалары арасында келісімшарттың мазмұны мен түсіндірмесін анықтау барысындағы келіспеушіліктер мен даулар туындаған жағдайда қазақ немесе орыс тілдеріндегі нұсқалары басым күшке ие болады.

      90. Тараптар қазақ және (немесе) орыс тілдерін қатынас тілдері ретінде қолданылатындығына уағдаласады.

      91. Келісімшарт күшіне енген күннен бастап ___________(пайдалы қазба түрі көрсетілсін) өндіруді жүргізуге қатысты техникалық құжаттамалар және ақпараттар қазақ және (немесе) орыс тілдерінде жасалатын болады.

23. Қосымша ережелер

      92. Осы келісімшартты іске асыруға байланысты талап етілетін барлық хабарламалар мен құжаттар оларды алу фактісі бойынша осы келісімшарт бойынша тараптардың әрқайсысына тиісті түрде ұсынылған және жеткізілген деп есептеледі.

      93. Хабарламалар мен құжаттар тікелей тараптардың қолына тапсырылады немесе пошта, тапсырыс авиапоштасы, факс бойынша жіберіледі.

      94. Осы келісімшарт бойынша пошталық мекенжай өзгерген кезде тараптардың әрқайсысы екінші тарапқа 7 күннің ішінде жазбаша хабарлама ұсынуға міндетті.

      95. Келісімшартқа барлық қосымшалар оның құрамдас бөліктері ретінде қарастырылады. Қосымшалардың және келісімшарттың өзінің ережелерінің арасында қандай да бір айырмашылық болған кезде, келісімшарттың ережелері басым күшке ие болады.

      96. Келісімшартқа өзгерістер мен толықтырулар тараптардың жазбаша келісімімен ресімделеді. Мұндай келісім келісімшарттың құрамдас бөлігі болып табылады. Келісімшартқа өзгерістер мен толықтырулар құзыретті органында міндетті тіркеуге жатады. Келісімшартқа өзгерістер мен толықтырулар олардың тіркелген сәтінен бастап күшіне енген деп танылады.

      97. Осы келісімшартта пайдаланылатын анықтамалар мен терминдер олар үшін Заңда айқындалған мағынаға ие.

      98. Осы келісімшартты қ. ж. (күн) (ай) (Қазақстан Республикасы) Тараптардың уәкілетті өкілдері жасасты.

      99. Тараптардың заңды мекенжайлары мен қолдары:

__________________(пайдалы қазбаның түрі көрсетіледі)
өндіруге арналған келісімшартқа жұмыс бағдарламасы

      Өндіруге арналған келісімшарттың қолданылу мерзімі кезеңінде

      жер қойнауын пайдаланушы көрсетілген мерзімдерде келісімшарт

      аумағында мынадай жұмыс түрлерін орындауға міндеттенеді

      Жұмыс бағдарламасы бекітілген күнге АҚШ долларының бағамы

КӨМІРСУТЕК ШИКІЗАТЫН, КӨМІР ЖӘНЕ УРАНДЫ БІРЛЕСІП БАРЛАУҒА
ЖӘНЕ ӨНДІРУГЕ АРНАЛҒАН МОДЕЛЬДІК КЕЛІСІМШАРТ

      Бұдан әрі бірлесіп Тараптар деп аталатын, Қазақстан

      Республикасының атынан құзыретті орган ретінде әрекет ететін

      ____________________________________________________________________

      (мемлекеттік органның атауы)

      және _______________________________________________________________

      (азаматтың аты-жөні немесе заңды тұлғаның атауы, бұдан әрі-жер

      қойнауын пайдаланушы)

      арасындағы

      ____________________________________________________________________

      (әкімшілік-аумақтық бірлікте орналасқан жері көрсетілсін)

      ____________________________________________________________________

      (учаске немесе блок)

      ____________________________________________________________________

      (пайдалы қазбаның түрі көрсетілсін)

      бірлесіп барлауға және өндіруге арналған келісімшарт.

      Қазақстан Республикасының __________________________________________

      (әкімшілік-аумақтық бірлікте орналасқан жері көрсетілсін)

      ____________________________________________________________________

      (жер қойнауы учаскесі)

      ____________________________________________________________________

      (пайдалы қазбаның түрі көрсетілсін)

      бірлесіп барлауға және өндіруге арналған осы келісімшартына Тараптар

      ____________________________________________________________________

      (келісімшарт жасасуға негіз болатын конкурстық комиссия хаттамасына

      немесе ұлттық компаниямен тікелей келіссөздер хаттамасына)

      сәйкес 20 __ жылғы"___"____________ қол қойды.

Мазмұны

      Кіріспе

      1. Келісімшарттың мақсаты

      2. Келісімшарттың қолданылу мерзімі

      3. Келісімшарттық аумақ

      4. Жұмыс бағдарламасы

      5. Мүлік пен ақпаратқа арналған меншік құқығы

      6. Қазақстан Республикасының пайдалы қазбаларды сатып

      алу және реквизициялау құқығы

      7. Бірлесіп барлау және өндіру жүргізу кезінде персоналды жалдау,

      тауарларды, жұмыстарды және көрсетілетін қызметтерді сатып алу

      8. Өңірді әлеуметтік-экономикалық дамытуға және ғылыми зерттеулерді

      қаржыландыруға қатысу

      9. Салық салу

      10. Коммерциялық табу

      11. Консервациялау, тарату және тарату қоры

      12. Есепке алу және есептілік

      13. Жер қойнауын пайдалану бойынша операциялар жүргізудің

      жалпы шарттары

      14. Жер қойнауын пайдаланушының келісімшарт талаптарын

      бұзғаны үшін жауапкершілігі

      15. Құқықтар мен міндеттерді беру

      16. Еңсерілмейтін күш

      17. Құпиялылық

      18. Қолданылатын құқық

      19. Дауларды шешу тәртібі

      20. Жер қойнауын пайдаланушының құқықтарының кепілдіктері

      21. Келісімшарттың қолданылуын тоқтату шарттары

      22. Келісімшарт тілі

      23. Қосымша ережелер

      Бірлесіп барлауға және өндіруге арналған келісімшартқа қосымшалар:

      1-қосымша – Жұмыс бағдарламасы

      2-қосымша – Геологиялық (тау- кендік) бөлу

Кіріспе

      1) Қазақстан Республикасының Конституциясына сәйкес жер қойнауы

      мен ондағы пайдалы қазбалар мемлекет меншігінде болып табылатынын,

      Қазақстан Республикасы жер қойнауын ұтымды, кешенді және қауіпсіз

      пайдалануды қамтамасыз ету шарттарымен ______________________________

      (пайдалы қазбаның түрі көрсетілсін) бірлесіп барлауды және

      өндіруді жүзеге асыруға ниет білдіретінін;

      2) жер қойнауын пайдаланушының келісімшартқа сәйкес

      ___________________________________ бірлесіп барлауды және өндіруді

      (пайдалы қазбаның түрін көрсету)

      ұтымды әрі тиімді жүргізуге ниеті және қаржылық, техникалық

      мүмкіндігі бар екенін;

      3) Қазақстан Республикасының Үкіметі құзыретті органға

      келісімшарт жасасуға және орындауға құқық бергенін;

      4) Құзыретті орган мен жер қойнауын пайдаланушы келісімшарт

      _________________________________________ бірлесіп барлау және өндіру

      (пайдалы қазбаның түрі көрсетілсін)

      жұмыстарын жүргізуде олардың өзара құқықтары мен міндеттерін реттейді

      деп уағдаласқанын назарға ала отырып, құзыретті орган мен жер

      қойнауын пайдаланушы төмендегілер туралы уағдаласты:

1. Келісімшарттың мақсаты

      1. Келісімшарт мақсаты Қазақстан Республикасының заңнамасына сәйкес келісімшарттық аумақта (пайдалы қазбаны көрсетіңіз) бірлесіп барлау және өндіру бойынша операцияларды жүргізу үшін жер қойнауын пайдалану құқығын беру шарттарын айқындау болып табылады.

      2. "Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасының Заңына (бұдан әрі – Заң) және келісімшарт шарттарына сәйкес жер қойнауын пайдаланушы геологиялық (тау- кендік) бөлу шегінде барлауды және өндіруды жүргізуге, оның ішінде:

      өз қалауы бойынша өз қызметінің нәтижелерін, оның ішінде егер келісімшартта немесе Заңда өзгеше көзделмесе, өндірілген минералдық шикізатты пайдалануға;

      келісімшарттық аумақта, ал қажет болған жағдайда жер қойнауын пайдаланушыға белгіленген тәртіппен берілген өзге де жер учаскелерінде жұмыстарды жүзеге асыру үшін қажетті өндірістік және әлеуметтік сала объектілерін салуға, сондай-ақ шарттар негізінде келісімшарттық аумақта да, одан тысқары жерлерде де жалпыға ортақ объектілер мен коммуникацияларды пайдалануға;

      Заңда белгіленген талаптарды сақтай отырып, құқықтарды немесе олардың бір бөлігін басқа тұлғаларға беруге;

      Заңда немесе келісімшартта айкындалған жағдайларда жер койнауын пайдалану жөніндегі операцияларды тоқтатуға құқығы бар.

      Осы келісімшарт жер қойнауын пайдаланушыға кен орны анықталған және оны бағалаған жағдайда (пайдалы қазбаны көрсетіңіз), сондай-ақ көрсетілген пайдалы қазбаны (қазбаларды) өндіру кезінде минералдық шикізат құрамындағы ілеспе пайдалы қазбаларды өндіруді жүзеге асыру құқығын береді.

2. Келісімшарттың қолданылу мерзімі

      3. Бірлесіп барлау мен өндіруге келісімшарт (барлау кезеңін көрсетіңіз) тең барлау кезеңін және өндіру кезеңін (Заңның 69-бабының 2-тармағына сәйкес өндіру мерзімін көрсетіңіз) қамтитын мерзімге жасалды.

      4. Келісімшарт құзыретті органда мемлекеттік тіркелген күннен бастап күшіне енеді.

      5. Жер қойнауын пайдаланушы келісімшарт күшіне енген күннен бастап (не өзге мерзімді көрсетіңіз) барлауға кірісуге тиіс.

      6. Егер жер қойнауын пайдаланушы келісімшарттың қолданылу мерзімінің аяқталуына дейін алты айдан кешіктірмей, құзыретті органға келісімшарттың қолданылу мерзімін ұзарту туралы өтінішпен мұндай ұзартудың себебін негіздей отырып жүгінсе, құзыретті орган теңізде мұнай операцияларын жүргізу кезінде барлауға арналған келісімшарттың қолданылу мерзімін екі жылға дейін ұзартуы мүмкін.

      7. Кен орнын табу жағдайында жер қойнауын пайдаланушының барлауға арналған келісімшарттың қолданылу мерзімін оны бағалау үшін қажетті кезеңге Заңның 65 және 69-баптарына сәйкес ұзартуға құқығы бар.

      8. Табуды бағалау үшін келісімшарттың қолданылу мерзімін ұзарту туралы өтініш құзыретті органға немесе облыстың, республикалық маңызы бар қаланың, астананың жергілікті атқарушы органына келіп түскен күнінен бастап бір айдан кешіктірілмей қаралуға тиіс.

      9. Келiсiмшарттың қолданылу мерзiмiн ұзарту туралы өтiнiш құзыреттi органға келiп түскен күнiнен бастап екi айдан кешiктiрiлмей қаралуға тиiс.

      10. Келісімшарттың қолданылу мерзімі өзгерген кезде келісімшартқа тараптардың қосымша келісімімен ресімделетін тиісті өзгерістер және (немесе) толықтырулар енгізіледі.

      Егер тараптар өзге мерзімді келіспесе, ұзарту мерзімі тиісті толықтыру тіркелген күннен бастап есептеледі.

3. Келісімшарттық аумақ

      11. Жер қойнауын пайдаланушы барлауды және (немесе) өндіруді келісімшарттың ажырамас бөлігі болып табылатын геологиялық бөлуде және (немесе) тау-кендік бөлуде көрсетілген келісімшарттық аумақ шегінде жүргізеді.

      12. Егер пайдалы қазбаларды барлауды немесе өндiрудi жүргiзу кезiнде табудың немесе кен орнының географиялық шекараларының (құрлықта немесе теңiзде орналасуына қарамастан) геологиялық немесе тау-кендiк бөлуде көрсетiлген келiсiмшарттық аумақ шегiнен шығатыны анықталса, онда оны кеңейту туралы мәселенi құзыреттi орган егер бұл аумақ жер қойнауын пайдаланудан бос болған жағдайда, келiсiмшарт жобасын келiсу және оны жасасу үшiн осы Заңда белгiленген тәртiппен және мерзiмдерде конкурс өткiзбей-ақ, көлемі бойынша келісімшарттық аумақтың елу пайызынан аспайтын жаңа геологиялық немесе тау-кендік бөлуді беру, сондай-ақ келiсiмшарт пен жұмыс бағдарламасының шарттарын өзгерту арқылы шешуге тиiс.

      13. Жер қойнауын пайдаланушы келісімшарттық аумақты тек қана келісімшартта көзделген мақсаттарда пайдалануға міндеттенеді.

      14. Келісімшарттық аумақты қайтару, бағалау және / немесе коммерциялық табу жүргізілген аумақты қоспағанда, мынадай кесте бойынша жүзеге асырылады:

      келісімшарт қолданылуының екінші жылының соңына %

      келісімшарт қолданылуының үшінші жылының соңына %

      келісімшарт қолданылуының төртінші жылының соңына %

      келісімшарт қолданылуының бесінші жылының соңына %

      келісімшарт қолданылуының алтыншы жылының соңына %:

      Келісімшарттық аумақтың бөлігін қайтару қайтарылатын келісімшарттық аумақ бөлігін тиісті геологиялық бөлуден алып тастаумен геологиялық бөлуді қайта ресімдеу жолымен жүзеге асырылады.

      15. Осы бөлімнің 14-тармағының қосымшаларына нұқсан келтірместен жер қойнауын пайдаланушы келісімшарт қолданысының бірінші жылы аяқталған соң, бұл туралы 1 ай бұрын алдын ала құзыретті органды хабардар ете отырып келісімшарт аумағының барлық немесе бір бөлігін қайтаруға құқылы.

      16. Қайтарылатын учаскелер Қазақстан Республикасының учаскелерді қайтаруға қойылатын заңнамасы талаптарына сәйкес келуге тиіс. Жер қойнауын пайдаланушы барлау салдарынан бүлінген қайтарылатын аумақтарды және өзге де табиғи объектілерді одан әрі тікелей мақсатына пайдалануға жарамды қалыпқа дейін өз қаражаты есебінен қалпына келтіреді.

      17. Келісімшарттық аумақты қайтару белгіленген тәртіппен және оның бөлімдеріне сәйкес жүзеге асырылады.

      18. Қорлардың өсiмi болған және олар жер қойнауына мемлекеттiк сараптамамен расталған жағдайда келiсiмшартқа тараптардың жазбаша келiсiмімен Заңда белгiленген тәртiппен тиiстi өзгерiстер енгiзiлуге иiс.

4. Жұмыс бағдарламасы

      19. Барлау және өндіру жұмыс бағдарламасы осы модельдік келісімшарттың қосымшасына сәйкес міндетті бөлігі болып табылады және инвестициялық жобалық көрсеткіштеріне қол жеткізу үшін қажетті жер қойнауын пайдаланушының міндеттемелерін қамтиды.

      Жұмыс бағдарламасы негізгі жобалау көрсеткіштеріне қол жеткізу үшін қажетті іс-шараларды да жылдар бойынша бөліп және қажетті шығындарды көрсете отырып қамтуға тиіс.

      20. Жұмыс бағдарламасына енгізілген инвестициялық жобалау көрсеткіштерін қозғайтын жобалау құжаттары көрсеткіштерін өзгерткен кезде жұмыс бағдарламасына тиісті өзгерістер енгізілуге тиіс.

      21. Егер бекітілген жобаларда айқындалған өндіру көлемдері бекітілген жобалау көрсеткіштерінен нақты мәнде жиырма пайыздан аз өзгеретін жағдайда, қатты пайдалы қазбалар бойынша бекiтiлген жобаларға өзгерiстер және (немесе) толықтырулар жобалары жасалмайды.

5. Мүлік пен ақпаратқа арналған меншік құқығы

      22. Бірлесіп барлау және өндіру бойынша операцияларды жүргізу үшін жер қойнауын пайдаланушы алған мүлік жер қойнауын пайдаланушының меншігі болып табылады.

      23. Жабдыққа және өзге де мүлікке меншік құқығының Қазақстан Республикасына ауысуына қарамастан, келісімшарттың қолданылу мерзімі ішінде, сондай-ақ мұндай жабдықты және өзге де мүлікті құзыретті органның жазбаша хабарламасына сәйкес басқа тұлғаға беру жағдайларын қоспағанда, келісімшарттың қолданылу мерзімі өткен сәттен бастап бір жыл ішінде не келісімшартта өзгеше белгіленген жағдайда, жер қойнауын пайдаланушыда мұндай жабдық пен өзге де мүлікті өз есебінен бөлшектеу не келісімшарттық аумақтан әкету міндеті сақталады.

      Жабдықтың және өзге де мүліктің тиесілігіне қарамастан, мұндай жабдық пен өзге де мүлікті бөлшектеуді және келісімшарттық аумақтан әкетуді жер қойнауын пайдаланушы адам өміріне, денсаулығына және қоршаған ортаға қауіпсіз тәсілмен, Қазақстан Республикасының заңнамасына сәйкес жүзеге асыруға тиіс.

      24. Құзыретті орган келісімшарттың қолданысын мерзімінен бұрын тоқтатқан кезде ұлттық компания келісімшарттық аумақты сенімгерлікпен басқаруға қабылдайды. Технологиялық процестің үздіксіз болуын және өнеркәсіптік қауіпсіздікті қамтамасыз ететін құрылыстар мен жабдықтарды бұрынғы жер қойнауын пайдаланушы жаңа жер қойнауын пайдаланушыға мүлік берілгенге дейінгі мерзімге ұлттық компанияның уақытша иеленуі мен пайдалануына беруге тиіс. Бұрынғы жер қойнауын пайдаланушы болмаған не ол мүлікті ұлттық компанияға беруден бас тартқан жағдайда құзыретті орган осындай мүлікке қатысты оның сенім білдірген адамы ретінде іс-қимыл жасайды.

      25. Геологиялық ақпарат, егер ол жер қойнауын пайдаланушының жеке қаражаты есебінен алынса, жер қойнауын пайдаланушының меншігінде болады.

      26. Мемлекеттік меншігінде болатын Келісімшарт аумағы бойынша жер қойнауы туралы ақпарат, Заңнамада белгіленген тәртіпте жер қойнауын зерттеу және пайдалану жөніндегі уәкілетті органынан алынады.

      27. Мемлекет меншігінде болатын геологиялық ақпараттың құны тарихи шығындар сомасының бір бөлігі ретінде айқындалады. Геологиялық ақпараттың құны Қазақстан Республикасының бюджетіне төленеді.

      28. Жер қойнауын пайдалану жөніндегі операцияларды қаржыландыру көзiне қарамастан, жер қойнауы туралы геологиялық және өзге де ақпарат мемлекет меншігіне міндетті түрде өтеусіз берілуге жатады және кез-келген уақытта жер қойнауын зерттеу мен пайдалану жөніндегі уәкілетті органға оның сауалы бойынша зерттеу үшін беріледі. Геологиялық ақпаратты есепке алуды, сақтауды, жүйелеуді және жинақтап қорытуды жер қойнауын зерттеу мен пайдалану жөнiндегi уәкiлеттi орган өзі бекiткен тәртiпке сәйкес жүзеге асырады.

      29. Жер қойнауын пайдалану операциялары бойынша есептер Қазақстан Республикасы Инвестициялар және даму министрінің 2015 жылғы 31 наурыздағы № 396 бұйрығымен (Нормативтік құқықтық актілерді мемлекеттік тіркеу тізілімінде № 11028 тіркелген) бекітілген Жер қойнауын пайдаланушылардың жер қойнауын пайдалану жөніндегі операцияларды жүргізу туралы есептер беру қағидаларына сәйкес жер қойнауын пайдалану мен зерттеуге уәкілетті органға тапсырылады.

      30. Келісімшарт қолданысы тоқтатылғаннан кейін барлық геологиялық ақпарат Қазақстан Республикасының меншігіне беріледі. Жер қойнауын пайдаланушы жер қойнауын зерттеу мен пайдалану жөніндегі уәкілетті органға барлық құжаттарды және геологиялық ақпараттың өзге де материалдық жеткізгіштерін өтеусіз беруге міндетті.

6. Қазақстан Республикасының пайдалы қазбаларды
сатып алу және реквизициялау құқығы

      31. Қазақстан Республикасының көліктік шығыстар мен өткізу шығындары шегеріле отырып, жер қойнауын пайдаланушы тиісті пайдалы қазбаларға қатысты мәмілелер жасасу кезінде қолданатын, мәмілені жасасу күніне қалыптасқан бағадан аспайтын бағалар бойынша жер қойнауын пайдаланушының пайдалы қазбаларын сатып алуға басқа тұлғалар алдында артықшылықты құқығы бар.

      32. Жер қойнауын пайдаланушы мәмiлелер жасау кезiнде қолданатын пайдалы қазбалардың бағалары туралы ақпарат болмаған жағдайда, Қазақстан Республикасының пайдалы қазбаларды сатып алуы жөнiнде мәмiле жасалған күнi әлемдiк нарықтарда қалыптасқан бағалардан аспайтын бағалар, көлік шығыстары және өткізуге арналған шығындар шегеріле отырып қолданылады.

      Сатып алынатын пайдалы қазбалардың шекті көлемі тиісті жылы нақты өндірілген өнімнің жалпы көлемінен __ % аспауға тиіс.

      33. Төтенше немесе соғыс жағдайы енгізілген жағдайда, Үкіметтің жер қойнауын пайдаланушыға тиесілі пайдалы қазбалардың бір бөлігін немесе барлығын реквизициялауға құқығы бар. Реквизициялау Қазақстан Республикасының мұқтажына қажет мөлшерде төтенше немесе соғыс жағдайының барлық қолданылу мерзімі ішінде жүргізілуі мүмкін.

      34. Қазақстан Республикасы реквизицияланған пайдалы қазбалар үшін заттай нысанда немесе шетелдік жер қойнауын пайдаланушыға, олардың құнына еркін айналымдағы валютамен, ал ұлттық жер қойнауын пайдаланушыға жер қойнауын пайдаланушы тиісті пайдалы қазбаларға қатысты мәмілелер жасасу кезінде реквизициялау күніне қолданатын, көліктік шығыстар мен өткізу шығындары шегерімінен қалған бағадан аспайтын бағалар бойынша ұлттық валютамен өтемақы төлеуге кепілдік береді.

7. Бірлесіп барлау және өндіру жүргізу кезінде персоналды
жалдау, тауарларды, жұмыстарды және көрсетілетін
қызметтерді сатып алу

      35. Жер қойнауын пайдаланушы бірлесіп барлау және өндіру бойынша операцияларды жүргізу кезінде қазақстандық кадрларға басымдық беруге міндеттенеді. Бұл ретте қазақстандық кадрларды тарту, жұмысқа тартылған кадрлардың жалпы санына пайыздық қатынаста мердігерлік жұмыстарға тартылған қызметкерлерді қоса алғанда жетекші құрам бойынша__%, жоғары және орта кәсіптік білімді мамандар бойынша__%, білікті жұмысшылар бойынша__%, соның ішінде жылдар бойынша:

      36. Жер қойнауын пайдаланушы мердiгерлiк жұмыстармен айналысатын персоналды қоса алғанда, жұмысқа тартылған шетелдiк персоналға қатысты алғанда қазақстандық персонал үшiн еңбекке ақы төлеудiң тең жағдайларын қамтамасыз етуге міндетті.

      37. Жер қойнауын пайдаланушы бірлесіп барлау және өндіру жүргізу кезеңінде Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқыту, олардың біліктілігін арттыру және оларды қайта даярлау бойынша жыл сайын ____________ (тікелей келіссөздер хаттамасында немесе конкурстық ұсыныста немесе тендер, аукцион өткізілу туралы хабарламада белгіленген соманы көрсетумен) қаржыландыруды жүзеге асыруға міндеттенеді.

      Осы тармақта көзделген талап етілген қаржыландыру көлемі артқан кезде қандай да бір жылдың қорытындылары бойынша көрсетілген асып түсу сомалары алдағы кезеңдердегі Қазақстан Республикасының азаматтары болып табылатын, қызметкерлерді оқытуын, олардың біліктілігін арттыруын және оларды қайта даярлауын қаржыландыру бойынша міндеттемелерінің есебіне жатқызылады және міндеттемелер есебіне есептелген кезеңнің шығыстары ретінде есепке алынады.

      Осы тармақта көрсетілген міндетті орындау жер қойнауын пайдаланушының Қазақстан Республикасының азаматтарын даярлауды және қайта даярлауды қаржыландыру бойынша, оның ішінде облыстың, республикалық маңызы бар қаланың, астананың жергілікті атқарушы органы ұсынған және құзыретті органмен келісілген тізбе бойынша тиісті облыстың, республикалық маңызы бар қаланың, астананың аумағында жер қойнауын пайдалану саласымен тікелей байланысты мамандықтар бойынша кадрлар даярлауды жүзеге асыратын білім беру ұйымдарының материалдық-техникалық базасын жақсарту үшін қажет тауарлар, жұмыстар мен көрсетілетін қызметтер сатып алуға нақты жұмсаған шығыстары, сондай-ақ жер қойнауын пайдаланушы болып табылатын заңды тұлға жанындағы өзінің оқу (оқыту) орталықтарында кадрларды кәсіптік даярлауды және қайта даярлауды қаржыландыру жөніндегі шығыстар болып табылады.

      38. Бірлесіп барлау және өндіру кезінде тауарларды, жұмыстарды және көрсетілетін қызметтерді сатып алу Заң талаптарына сәйкес жүзеге асырылуы қажет. Жер қойнауын пайдаланушы тауарларды, жұмыстар мен көрсетілетін қызметтерді сатып алу кезінде: Қазақстан Республикасында өндірілген жабдықтарды, материалдарды және дайын өнімді, олар конкурстың және Қазақстан Республикасының техникалық реттеу туралы заңнамасының талаптарына сәйкес келген жағдайда, пайдалануға; егер осы көрсетілетін қызметтер Қазақстан Республикасының резидент еместері орындайтын біртектес жұмыстар мен көрсетілетін қызметтердің стандарттарына, бағалық және сапалық сипаттамаларына сәйкес келсе, әуе, темір жол, су және басқа да көлік түрлерін пайдалануды қоса алғанда, жер қойнауын пайдалану бойынша операцияларды жүргізу кезінде жұмыстарды, көрсетілетін қызметтерді қазақстандық өндірушілерді міндетті түрде тартуға міндеттенеді.

      Бұл ретте бірлесіп барлау және өндіру бойынша операцияларды жүргізу кезінде келісімшарт бойынша жергілікті қамту көлемі тауарларға қатынасы бойынша ______ пайызды, жұмыстарға қатынасы бойынша ______ пайызды, көрсетілетін қызметтерге қатынасы бойынша ______ пайызды құруға, оның ішінде жылдар бойынша:

8. Өңірді әлеуметтік-экономикалық дамытуға және ғылыми
зерттеулерді қаржыландыруға қатысу

      39. Келісімшарт қолданылу мерзімі ішінде жер қойнауын пайдаланушы өңірді әлеуметтік-экономикалық дамытуға және оның инфрақұрылымын дамытуға _____________мөлшерінде (тендерге қатысу үшін ұсынылған конкурстық ұсыныста немесе тiкелей келiссөздер хаттамасында көрсетiлген, не аукцион өткізу туралы хабарландыруда көрсетілген мөлшерден төмен болмайтын соманы көрсету) Қазақстан Республикасы Қаржы министрінің 2014 жылғы 18 қыркүйектегі № 403 бұйрығымен (Нормативтік құқықтық актілерді мемлекеттік тіркеу тізілімінде № 9756 тіркелген) бекітілген Бірыңғай бюджеттік сыныптамасына сәйкес "Жер қойнауын пайдаланушы өңірді әлеуметтік-экономикалық дамытуға және оның инфрақұрылымын дамытуға аударымдар" 206114 бюджетті сыныптама кодына облыстың, республикалық маңызы бар қаланың және астананың жергілікті атқарушы органның бюджетіне жыл сайынғы аударымдарды жүргізеді.

      40. Жер қойнауын пайдаланушы Заңның 76- бабы 1- тармағының 12-1)- тармақшасына сәйкес тауарларды, жұмыстар мен көрсетілетін қызметтерді қазақстандық өндірушілер көрсететін ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыруды өткен жылдың қорытындылары бойынша келісімшарттық қызмет бойынша жылдық жиынтық табыстың кемінде бір пайызы мөлшерінде жыл сайын жүзеге асыруға міндеттенеді.

      Ағымдағы жылдың қорытындылары бойынша ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелердің көлемі асыра орындалған жағдайда, жер қойнауын пайдаланушы асыра орындалған міндеттемелердің көлемдерін келесі есепті кезеңдерге түзетуді (есепке жатқызуды) жүзеге асырады.

      Ғылыми-зерттеу, ғылыми-техникалық және (немесе) тәжірибелік-конструкторлық жұмыстардың қазақстандық өндірушілері болмаған жағдайда, шетелдік өндірушілер көрсететін осы жұмыстарды қаржыландыру құзыретті органның рұқсаты бойынша жүзеге асырылады.

      Жер қойнауын пайдаланушының жер қойнауын пайдалануға арналған келісімшарт шеңберіндегі қызметпен байланысты, сондай-ақ жер қойнауын пайдалануға арналған келісімшарт шеңберіндегі қызметпен байланысты емес, қосылған құны жоғары өнімді (қайта жасалуы жоғары) алуға бағытталған жұмыстарға, экология, еңбекті қорғау, жұмысты қауіпсіз жүргізуді қамтамасыз ету, өндірістік қызмет шеңберінде (технологиялық цикл) энергия үнемдеуге жұмсаған нақты шығыстары және (немесе) "Ғылым туралы" Қазақстан Республикасының Заңына сәйкес ғылыми және (немесе) ғылыми-техникалық қызмет субъектілері жүзеге асыратын ғылыми зерттеулерді, сондай-ақ "Индустриялық-инновациялық қызметті мемлекеттік қолдау туралы" Қазақстан Республикасының Заңына сәйкес индустриялық-инновациялық инфрақұрылым элементтерін қаржыландыруға арналған шығыстары оның ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемені орындауы болып табылады.

9. Салық салу

      41. Келiсiмшарт шеңберінде жүзеге асырылатын қызмет бойынша салық және бюджетке төленетін басқа да мiндеттi төлемдер бойынша салық мiндеттемелерiн есептеу оларды төлеу жөнiндегi міндеттемелер туындаған кезде қолданыстағы Қазақстан Республикасының салық заңнамасына сәйкес жүргiзiледi. Келісімшарт шеңберінде жүзеге асырылатын қызмет бойынша салық міндеттемелерін орындау жер қойнауын пайдаланушыны салық міндеттемелері туындаған күні Қазақстан Республикасының қолданыстағы салық заңнамасына сәйкес жер қойнауын пайдалануға арналған келісімшарт шеңберінен тыс қызметті жүзеге асыру бойынша салық міндеттемелерін орындаудан босатпайды.

      42. Қол қойылатын бонустың түпклікті мөлшері ________ (сомасы көрсетілсін).

      43. Келiсiмшартты жасасу кезiнде жер қойнауын пайдаланушы қол қойылатын бонустың белгiленген сомасының елу пайызын 20 жылғы "___" №___ төлем тапсырмасы бойынша төледi.

      44. Қол қойылатын бонустың мөлшердегi қалған ______ (сомасы көрсетiлсiн) елу пайызын жер қойнауын пайдаланушы Қазақстан Республикасының салық заңнамасында белгіленген тәртіппен және мерзімде төлейдi.

10. Коммерциялық табу

      45. Жер қойнауын пайдаланушы кен орынды тапқан жағдайда отыз жұмыс күніннің ішінде құзыретті органға хабарлауы тиіс.

      46. Құзырлы орган хабарламаны алған кезден бастап бір ай ішінде бағалау кезеңіне өтуге рұқсат береді. Бағалау кезеңіне өткен кезде міндетті түрде келісімшарттың жұмыс бағдарламасына өзгеріс енгізіледі.

      47. Табуды растау мен оны бағалау мерзімін жер қойнауын зерттеу мен пайдалану бойынша құзыретті органның қорытындысы бойынша құзыретті орган белгілейді. Коммерциялық табу жер қойнауын пайдаланушымен хабарланады.

      48. Жер қойнауын пайдаланушы бағалау жұмыстары кезеңіне өту кезінде Заңға сәйкес бағалау жұмыстарының жобасын әзірлейді. Бағалау жұмыстары сынамалы пайдалану/тәжірибелік-өнеркәсіптік өндіру жобасын қамту мүмкін.

      49. Жер қойнауын пайдаланушының Коммерциялық табу және белгіленген тәртіппен тиісті жобалық құжаттарды бекіткен жағдайында, Коммерциялық табуға байланысты өндіруге айрықша құқық негізінде, келісімшартқа өндіруге байланысты өзгертулер енгізіліп, Заңда көзделген өндіруге арналған келісімшарттарға ережелер қолданылады.

11. Консервациялау, жою және тарату қоры

      50. Бірлесіп барлау және өндіру бойынша операциялар тоқтатылғанда жер қойнауын пайдаланушы одан әрі жер қойнауын пайдалану жөніндегі операцияларды жүргізу кезінде қолданылатын жер қойнауын пайдалану объектісінің технологиялық бірліктерін (блоктарды, панельдерді, қазбаларды) қоспағанда, өндіру жөніндегі жұмыстар жүргізілген жер қойнауын пайдалану объектілерді жоюды немесе консервациялауды жобалау құжаттарына және жұмыс бағдарламасына сәйкес жүзеге асырады.

      51. Жер қойнауын пайдалану объектілері Заңда белгіленген тәртіппен таратылады немесе консервацияланады.

      Жер қойнауын пайдаланушы келісімшарт бойынша өз операциялары салдарын жою үшін тарату қорын құрады.

      Бірлесіп барлау және өндіру кезеңінде тарату қорына жұмыс бағдарламасында қарастырылған барлауға және/немесе өндіруге арналған жыл сайынғы шығындарынан бір пайыздан кем емес мөлшерінде Қазақстан Республикасының аумағындағы кез келген банктегі депозиттік шотына аударымдар жер қойнауын пайдаланушымен жыл сайын жүргізіледі.

      52. Егер жоюға нақты шығындар тарату қорының мөлшерінен асып кетсе, онда жер қойнауын пайдаланушы жоюды қосымша қаржыландыруды жүзеге асырады.

      53. Егер жоюға нақты шығындар тарату қорының мөлшерінен төмен болса, онда қалған ақша жер қойнауын пайдаланушыға беріледі және салық салынатын табысқа енгізіледі.

      54. Жер қойнауын пайдалану құқығын беру жағдайында тарату қоры жаңа жер қойнауын пайдаланушыға беріледі.

      55. Құзыретті орган келісімшартты біржақты тәртіппен тоқтатқан жағдайда тарату қоры Заңның 72-бабының 10-тармағына сәйкес анықталатын сенімгерлік басқарушыға беріледі.

12. Есепке алу және есептілік

      56. Жер қойнауын пайдаланушы барлау және өндіру жүргізу кезінде жер қойнауын пайдалану бойынша жүргізілетін операциялардың есебін жүргізуге және құзыретті органға Қазақстан Республикасының заңнамасымен белгіленген тәртіпте және мерзімде келісімшартта және жұмыс бағдарламасында қарастырылған міндеттемелердің орындалғаны туралы есептілікті ұсынуға тиіс.

      57. Жер қойнауын пайдаланушы Заңда белгіленген мерзімде мұнай және газ саласындағы уәкілетті органымен бекітілетін тізімдеме бойынша өзінің өндірістік объектілерін есепке алудың бақылау аспаптарымен жарақтандыруға және мұнай және газ саласындағы уәкілетті органы белгілеген тәртіпте есепке алудың бақылау аспаптарының жұмыс істеуін қамтамасыз етуге міндетті.

      58. Жер қойнауын пайдаланушы Қазақстан Республикасының бақылаушы органдары лауазымды адамдарының қызметтік міндеттерін атқаруы кезінде оларға қажетті құжаттарды, ақпаратты беруге және жұмыс орындарына оларды кедергісіз өткізуге және олар анықтаған бұзушылықтарды уақтылы жоюға міндеттенеді.

      59. Келісімшарт аумағындағы қызмет нәтижелері бойынша жер қойнауын пайдаланушы жер қойнауын зерттеу және пайдалану жөніндегі уәкілетті органға геологиялық есептілікті беруге міндетті.

13. Жер қойнауын пайдалану бойынша операциялар жүргізудің
жалпы шарттары

      60. Жер қойнауын пайдаланушы келісімшартқа және Заңға сәйкес жер қойнауын пайдалану бойынша операцияларды жүргізуге, жер қойнауын пайдалану бойынша операцияларға Қазақстан Республикасының заңнамасында белгіленген талаптарды сақтауға, оның ішінде экологиялық, санитарлық-эпидемиологиялық, жер қойнауын қорғау саласындағы талаптарды, жер қойнауын ұтымды және кешенді пайдалану талаптарын сақтауға тиіс.

      61. Жер қойнауын пайдаланушы жер қойнауын пайдалану бойынша операцияларды жүргізу кезінде егер бұл қауіпсіздіктің ерекше жағдайларымен байланысты болмаса және мұндай қызмет жер қойнауын пайдалану жөніндегі операцияларды жүргізуге кедергі келтірмесе, келісімшарттық аумақ шегінде басқа адамдардың еркін жүруіне, жалпыға ортақ объектілер мен коммуникацияларды пайдалануына кедергі жасамауға міндеттенеді.

      62. Барлауды және өндіруді жүзеге асыру кезінде жер қойнауын пайдаланушы жер қойнауын пайдаланудың оң тәжірибесіне негізделген жер қойнауын пайдалану жөніндегі операцияларды жүргізудің неғұрлым тиімді әдістері мен технологияларын таңдауға тиіс.

      63. Барлауды жүзеге асыру кезінде жер қойнауын пайдаланушы өндірілген шикі мұнай көлемін Қазақстан Республикасының аумағында өңдеуге жеткізіп береді.

      Өндіруді жүзеге асыру кезінде жер қойнауын пайдаланушы қажеттілік болған жағдайда, ішкі нарықтың жанар-жағармай материалдарына қажеттіліктерін жабуға қажетті Қазақстан Республикасының аумағында және оның шегінен тысқары жерлерде өңдеуге арналған шикі мұнайды мұнай және газ саласындағы уәкіліетті органымен бекітілетін кестелермен айқындалатын көлемде, бірақ өндірілген көлемінен кем дегенде 35% жеткізіп береді.

      64. Көмірсутегі шикізатының сынамалы пайдалануын іске асыратын жер қойнауын пайдаланушылар мұнай және газ саласындағы уәкілетті органның бекітуіне және жер қойнауын зерттеу мен пайдалану жөніндегі, қоршаған ортаны қорғау саласындағы уәкілетті органдармен келісуге жататын ілеспе газды өңдеуді дамыту бағдарламаларын көздеуге міндетті, олар ілеспе газды жағу немесе қатқа кері айдау (кәдеге жарату) көлемдерін қысқарту жолымен қоршаған ортаға зиянды әсерін төмендету мақсатында әр үш жыл сайын жаңартылып отыруға тиіс.

      65. Жер қойнауын пайдаланушы Қазақстан Республикасындағы Өндiрушi салалардың қызметi ашықтығының бастамасын iске асыруға қатысты өзара түсiнiстiк туралы меморандум шарттарын сақтауға міндеттенеді.

      66. Жер қойнауын пайдаланушы өзiне жобалау құжаттарына және жұмыс бағдарламасына сәйкес келiсiмшарт бойынша өз қызметiн қаржыландыру бойынша мiндеттеме алады.

14. Жер қойнауын пайдаланушының келісімшарт талаптарын
бұзғаны үшін жауапкершілігі

      67. Жер қойнауын пайдаланушы өзіне қабылдаған мiндеттемелердi орындамағаны, тиiсiнше орындамағаны үшiн тұрақсыздық айыбы түрінде келесі жауапкершіліктерге тартылады:

      1) тауарлар, жұмыстар мен көрсетiлетiн қызметтердегі жергілікті қамту бойынша міндеттемелерді орындамағаны үшін есептік кезеңде орындалмаған міндеттемелер сомасының 1 % мөлшерінде;

      2) кадрлардағы жергілікті қамту бойынша міндеттемелерді орындамағаны үшін республикалық бюджет туралы заңға сәйкес және тиісті жылдың 1 қаңтарында қолданыста болатын 2000 айлық есептік көрсеткіш (АЕК) мөлшерінде;

      3) осы келісімшарттың 7 және 8-тармақтарда көрсетілген міндеттемелерді орындамағаны үшін есептік кезеңде орындалмаған міндеттеме сомасының 1 % мөлшерінде;

      Сонымен қатар, егер жер қойнауын пайдаланушының нақты шығыстары нарықта қолданылатын бағалардың өзгеруі салдарынан, сондай-ақ жер қойнауын пайдаланушының еркіне тәуелді емес басқа да мән-жайларға байланысты келісімшарт жасасу, жұмыс бағдарламасы мен жобалау құжаттарын бекіту кезінде ескерілгендерден кем болып шықса, бірақ бұл ретте жер қойнауын пайдаланушы міндеттемелерінің келісімшартта, жұмыс бағдарламасында және жобалау құжаттарында көзделген нақты көлемі толық көлемде орындалса, жер қойнауын пайдаланушының нақты шығыстарының мұндай азаюы келісімшарт талаптарын бұзу және тұрақсыздық айыбын салуға негіз болып табылмайды.

      68. Қазақстан Республикасының аумағынан тысқары жерде өткізілген конкурс нәтижелері бойынша жер қойнауын пайдалану жөніндегі операцияларды жүргізу кезінде пайдаланылатын немесе жер қойнауын пайдалану жөніндегі операцияларды жүргізу кезінде тауарларды, жұмыстарды және көрсетілетін қызметтерді сатып алудың тәртібі бұзыла отырып сатып алынған тауарларды, жұмыстар мен көрсетілетін қызметтерді сатып алу жөніндегі шығыстар құзыретті орган жер қойнауын пайдаланушының келісімшарттық міндеттемелерді орындауы ретінде есепке алатын шығыстардан алып тасталады.

      69. Осы бөлімнің 67-тармағының 1)- тармақшасының мақсаттары үшін жергілікті қамту үлесі келісімшарттың 7-бөлімінің 38-тармағының талаптарына сәйкес келмейтін тауарларды, жұмыстарды және көрсетілетін қызметтерді сатып алу тәртібіне осы келісімшартта және Заңда белгіленген талаптарды бұза отырып жер қойнауын пайдаланушы сатып алуды жүзеге асырған тауарлардың, жұмыстардың және көрсетілетін қызметтердің құны ескеріледі. Сонымен бірге көрсетілген көлемнен тауарлардың, жұмыстардың және көрсетілетін қызметтердің нақты құны азайтылады.

15. Құқықтар мен міндеттерді беру

      70. Жер қойнауын пайдаланушы Заңда белгіленген талаптарды сақтай отырып, құқықтарды немесе олардың бір бөлігін басқа тұлғаларға беруге құқылы.

      71. Жер қойнауын пайдалану құқығын беру келiсiмшартқа тиiстi өзгерiстер және (немесе) толықтырулар енгiзу қажеттiгiне әкеп соғады және осындай өзгерiстер және (немесе) толықтырулар тiркелген кезден бастап жасалды деп есептеледi.

16. Еңсерілмейтін күш

      72. Міндеттемелерді орындаудың мүмкін болмауы еңсерілмейтін күш мән-жайларының себептері тікелей әсер еткен жағдайда, Тараптар клісімшарт бойынша міндеттемелерін орындамағаны немесе тиісті орындамағаны үшін жауапкершілікке тартылмайды.

      73. Еңсерілмейтін күштің мән-жайларына тәуелді емес себептер тікелей әсер еткен төтенше және еңсерілмейтін мән-жайлар жатады (мысалы: әскери жанжалдар, табиғат апаттары, табиғи зілзалалар (өрт және т.с.). Келтірілген тізбе толық болып табылмайды.

      74. Еңсерілмейтін күш мән-жайлары туындаған жағдайда, осындай мән-жайлардан зардап шеккен Тарап бұл туралы екінші тарапқа еңсірілмейтін күш мән-жайлары басталған күнін және сипаттамасын анықтайтын жазбаша хабарламаны тапсыру немесе поштамен жіберу жолымен дереу хабарлайды.

      75. Еңсерілмейтін күш мән-жайлары туындаған кезде Тараптар қалыптасқан жағдайдан шығудың шешімін іздеу үшін шұғыл түрде кеңес өткізеді және мұндай мән-жайлардың салдарларын жою үшін барлық тәсілдерді пайдаланады.

      76. Еңсерілмейтін күш мән-жайларынан туындаған келісімшарт бойынша жұмыстар толық немесе ішінара тоқтатылған кезде тараптар келісімшарт мерзімі еңсерілмейтін күш мән-жайларының қолданысы кезеңіне ұзартады.

17. Құпиялылық

      77. Келісімшартты орындау барысында тараптар алған немесе сатып алған ақпарат құпия болып табылады және Қазақстан Республикасының азаматтық заңнамасына сәйкес қорғалуға жатады. Тараптар Қазақстан Республикасының заңнамасында көзделген қажетті есеп берулер құрастыру үшін құпия ақпаратты пайдалана алады.

      78. Геологиялық ақпарат жер қойнауын пайдаланушыға 20__ жылғы "__" ______ № ___ құпиялылық туралы келісіммен рәсімделетін Заңның 11-бабына сәйкес белгіленген тәртіпте беріледі.

      79. Тараптар екінші тараптың келісімінсіз құпия ақпаратты үшінші тұлғаларға:

      егер бұл ақпарат сотта іс қарауды жүргізу барысында пайдаланылса;

      ақпарат жер қойнауын пайдаланушыға қызмет көрсететін үшінші тұлғаға мұндай үшінші тарап мұндай ақпаратты құпия қарап және оны тараптар белгілеген мақсаттарға және белгіленген мерзімдерде ғана пайдалануға міндеттеме алу шартымен берілген;

      ақпарат жер қойнауын пайдаланушы қаржылық қаражат алатын банкке немесе басқа қаржылық ұйымға, мұндай банк немесе басқа қаржылық ұйым бұл ақпаратты құпия деп қарап және оны тек көрсетілген мақсаттарға ғана пайдалануға міндеттеме алу шартымен берілген;

      ақпарат Қазақстан Республикасының бақылаушы органдарының лауазымды тұлғаларына олардың қызметтік міндеттерін орындауы барысында берілген; жағдайларды және Қазақстан Республикасының заңнамасында көзделген өзге де жағдайларды қоспағанда беруге құқығы жоқ.

      80. Тараптар, Қазақстан Республикасының заңнамасына сәйкес, келісімшарттық аумақта барлау жүргізуге байланысты және геологиялық ақпараттарды қамтитын барлық құжаттардың, ақпараттардың және есептердің құпиялығын сақтау мерзімін айқындайды.

      81. Келісімшарттық міндеттемелерді жергілікті қамту бөлігінде орындауға қатысты, жер қойнауын пайдаланушының тауарлар, жұмыстар мен көрсетілетін қызметтер сатып алуды жоспарлауы және жүргізуі, сондай-ақ қазақстандық мамандарды оқытуға арналған шығындар мен өңірдің әлеуметтік-экономикалық дамуына және оның инфрақұрылымын дамытуға арналған шығыстар туралы ақпарат құпия болып табылмайды.

18. Қолданылатын құқық

      82. Қазақстан Республикасының құқығы осы келісімшартқа қолданылатын құқық болып табылады.

      83. Жер қойнауын пайдалану құқығын беру жөніндегі мәмілелерге Қазақстан Республикасының құқығы қолданылады.

      84. Жер қойнауын пайдаланушы Қазақстан Республикасы алған келісімшарт аумағында қоршаған ортаны қорғау саласындағы халықаралық міндеттемелерді сақтау міндеттілігін алады.

19. Дауларды шешу тәртібі

      85. Келісімшартты орындауға, өзгертуге немесе тоқтатуға байланысты даулар келіссөздер жүргізу жолымен шешіледі.

      86. Егер келісімшартты орындауға, өзгертуге немесе тоқтатуға байланысты даулар келіссөздер арқылы алты ай мерзімде шешілмейтін болса, онда тараптар дауларды Қазақстан Республикасының заңдарына және Қазақстан Республикасы ратификациялаған халықаралық шарттарға сәйкес шешуге құқылы.

20. Жер қойнауын пайдаланушының құқықтарының кепілдіктері

      87. Жер қойнауын пайдаланушыға Қазақстан Республикасының заңнамасына сәйкес құқықтарының қорғалуына кепілдік беріледі.

      88. Келісімшарт талаптарын өзгертуге және толықтыруға тараптардың келісімі бойынша жол беріледі. Тараптардың бірінің талабы бойынша келісімшарт талаптарын өзгертуге және толықтыруға Заңда және осы келісімшартта тікелей көзделген жағдайларда жол беріледі.

21. Келісімшарттың қолданылуын тоқтату шарттары

      89. Егер тараптар Заңның 69-бабына сәйкес келісімшарттың қолданылу мерзімін ұзарту туралы келісім жасаспаса, оның қолданылу мерзімі өткеннен кейін тоқтатылады.

      90. Келісімшарт қолданысын мерзімінен бұрын тоқтатуға тараптардың келісімі бойынша жол беріледі. Сонымен қатар, келісімшарттың 3-бөліміне сәйкес барлық келісімшарт аумағы қайтарылған жағдайда Келісімшарт өз қолданысын мерзімінен бұрын тоқтатады.

      91. Құзыретті орган келесі жағдайларда:

      1) жер қойнауын пайдаланушы жер қойнауын пайдалануға арналған келiсiмшартта белгiленген мiндеттемелердi екi реттен көп бұзуды құзыреттi органның хабарламасында көрсетiлген мерзiмде жоймаған кезде;

      2) Заңның 36-бабының 5-тармағына сәйкес мұндай рұқсат ету талап етілмейтін жағдайларды қоспағанда, құзыретті органның рұқсатынсыз Заңның 36-бабының 1 және 3-тармақтарында көзделген жағдайларда, жер қойнауын пайдаланушы жер қойнауын пайдалану құқығын және (немесе) жер қойнауын пайдалану құқығымен байланысты объектілерді берген кезде;

      3) жер қойнауын пайдалануға арналған келісімшартта белгіленген қаржылық міндеттемелер қатарынан екі жыл бойы отыз пайыздан кем орындалған жағдайда;

      4) Заңның 76-бабының 1 тармағының 13)-тармақшасымен көзделген мәліметтерді беруден бас тартқан немесе дәйексіз мәлімет берген жағдайда келісімшарттың қолданылуын біржақты тәртіппен мерзімінен бұрын тоқтатуға құқылы.

      Жер қойнауын пайдаланушы құзыретті органның хабарламасында белгіленген мерзімде толық жойған келісімшарт талаптарының бұзылуы келісімшарттың қолданысын біржақты тәртіппен мерзімінен бұрын тоқтатуға негіз болып табылмайды.

      92. Заңның 71-бабының 3-тармағында көзделген жағдайда құзыретті орган бір жақты тәртіппен келісімшарттың қолданысын мерзімінен бұрын тоқтатуға құқылы, егер:

      1) құзыретті органнан келісімшарт талаптарын өзгерту және (немесе) толықтыру туралы хабарлама алған күннен бастап екі айға дейінгі мерзімде жер қойнауын пайдаланушы келісімшарт талаптарын өзгерту және (немесе) толықтыру жөнінде келіссөздер жүргізуге өз келісімін жазбаша түрде растамаса не оларды жүргізуден бас тартса;

      2) жер қойнауын пайдаланушының келісімшарт талаптарын өзгерту және (немесе) толықтыру жөнінде келіссөздер жүргізуге келісімі алынған күннен бастап төрт айға дейінгі мерзімде тараптар келісімшарт талаптарын өзгерту және (немесе) толықтыру жөніндегі келісімге келмесе;

      3) Қазақстан Республикасының экономикалық мүдделерін қалпына келтіру жөніндегі келісілген шешімге қол жеткізілген күннен бастап алты айға дейінгі мерзімде тараптар келісімшарттың талаптарына өзгерістерге және (немесе) толықтыруларға қол қоймаса, бір жақты тәртіппен келісімшарттың қолданысын мерзімінен бұрын тоқтатуға құқылы.

      93. Егер стратегиялық маңызы бар жер қойнауы учаскелеріне, кен орындарына қатысты жер қойнауын пайдалану жөніндегі операцияларды жүргізу кезінде жер қойнауын пайдаланушының іс-әрекеті ұлттық қауіпсіздікке қатер төндіретін, Қазақстан Республикасының экономикалық мүдделерін өзгертуге әкеп соғатын болса, Үкіметтің шешімі бойынша құзыретті орган келісімшарттың, оның ішінде бұрын жасалған келісімшарттың қолданысын бір жақты тәртіппен тоқтатуға құқылы.

      Келісімшарттың қолданылуы аталған негіз бойынша біржақты тәртіппен тоқтатылған жағдайда құзыретті орган ол жөнінде жер қойнауын пайдаланушыны кемінде екі ай бұрын ескертуге тиіс.

22. Келісімшарт тілі

      94. Келісімшарттың мәтіні тараптардың әрқайсысы үшін бір данадан қазақ және орыс тілдерінде жасалады және барлық даналары бірдей болады.

      Келісімшарт тараптарының келісімі бойынша келісімшарттың мәтіні өзге тілге аударылуы да мүмкін.

      95. Мәтіннің нұсқалары арасында келісімшарттың мағынасы мен талдануын анықтау барысындағы келіспеушіліктер мен даулар туындаған жағдайда қазақ немесе орыс тілдеріндегі нұсқалары басым күшке ие болады.

      96. Тараптар қазақ және (немесе) орыс тілдерін қатынас тілдері ретінде қолданылатындығына уағдаласады.

      97. Келісімшарт күшіне енген күннен бастап ___________(пайдалы қазба түрі көрсетілсін) барлау мен өндіруді жүргізуге қатысты техникалық құжаттамалар және ақпараттар қазақ және (немесе) орыс тілдерінде жасалатын болады.

23. Қосымша ережелер

      98. Осы келісімшартты іске асыруға байланысты талап етілетін барлық хабарламалар мен құжаттар оларды алу фактісі бойынша осы келісімшарт бойынша тараптардың әрқайсысына тиісті түрде ұсынылған және жеткізілген деп есептеледі.

      99. Хабарламалар мен құжаттар тікелей тараптардың қолына тапсырылады немесе пошта, тапсырыс авиапоштасы, факс бойынша жіберіледі.

      100. Осы келісімшарт бойынша пошталық мекенжай өзгерген кезде тараптардың әрқайсысы екінші тарапқа 7 күннің ішінде жазбаша хабарлама ұсынуға міндетті.

      101. Келісімшартқа барлық қосымшалар оның құрамдас бөліктері ретінде қарастырылады. Қосымшалардың және келісімшарттың өзінің ережелерінің арасында қандай да бір айырмашылық болған кезде, келісімшарттың ережелері басым күшке ие болады.

      102. Келісімшартқа өзгерістер мен толықтырулар тараптардың жазбаша келісімімен ресімделеді. Мұндай келісім келісімшарттың құрамдас бөлігі болып табылады. Келісімшартқа өзгерістер мен толықтырулар құзыретті органында міндетті тіркеуге жатады. Келісімшартқа өзгерістер мен толықтырулар олардың тіркелген сәтінен бастап күшіне енген деп танылады.

      103. Осы келісімшартта пайдаланылатын анықтамалар мен терминдер олар үшін Заңда айқындалған мағынаға ие.

      104. Осы келісімшартты қ. ж. (күн) (ай) (Қазақстан Республикасы) Тараптардың уәкілетті өкілдері жасасты.

      105. Тараптардың заңды мекенжайлары мен қолдары:

________________ (пайдалы қазбаның түрі көрсетіледі) барлау
мен өндіруге арналған келісімшартқа
жұмыс бағдарламасы

      Барлауға арналған келісімшарттың қолданылу мерзімі кезеңінде

      жер қойнауын пайдаланушы көрсетілген мерзімдерде келісімшарт

      аумағында келесі жұмыс түрлерін орындауға міндеттенеді

Жұмыс бағдарламасы бекітілген күнге АҚШ долларының бағамы