2008 жылғы 4 желтоқсандағы Қазақстан Республикасы Бюджет кодексінің 70-бабына сәйкес БҰЙЫРАМЫН:
      1. Қоса беріліп отырған Ветеринария саласындағы мемлекеттік мекемелердің тауарларды (жұмыстарды, көрсетілетін қызметтерді) өткізу бойынша ақылы қызмет түрлерін көрсету және олардың тауарларды (жұмыстарды, көрсетілетін қызметтерді) өткізуден түскен ақшаны жұмсау қағидалары бекітілсін.
      2. Қазақстан Республикасы Ауыл шаруашылығы министрлігінің Ветеринария және тамақ қауіпсіздігі департаменті заңнамада белгіленген тәртіппен:
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберілуін;
      3) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
      Ауыл шаруашылығы министрі                  А. Мамытбеков

      «КЕЛІСІЛГЕН»
      Қазақстан Республикасының
      Қаржы министрі
      ______________ Б.Сұлтанов
      2015 жылғы 21 сәуір

Қазақстан Республикасы  
Ауыл шаруашылығы министрінің
2015 жылғы 20 сәуірдегі  
№ 7-1/351 бұйрығымен    
бекітілген        

Ветеринария саласындағы мемлекеттік мекемелердің тауарларды
(жұмыстарды, көрсетілетін қызметтерді) өткізу бойынша ақылы
қызмет түрлерін көрсету және олардың (жұмыстарды, көрсетілетін
қызметтерді) өткізуден түскен ақшаны жұмсау қағидалары

1. Жалпы ережелер

      1. Осы Ветеринария саласындағы мемлекеттік мекемелердің тауарларды (жұмыстарды, көрсетілетін қызметтерді) өткізу бойынша ақылы қызмет түрлерін көрсету және олардың (жұмыстарды, көрсетілетін қызметтерді) өткізуден түскен ақшаны жұмсау қағидалары (бұдан әрі - Қағидалар) 2008 жылғы 4 желтоқсандағы Қазақстан Республикасы Бюджет кодексінің 70-бабына сәйкес әзірленді және ветеринария саласындағы мемлекеттік мекемелердің тауарларды (жұмыстарды, көрсетілетін қызметтерді) өткізу бойынша ақылы қызмет түрлерін көрсету және олардың (жұмыстарды, көрсетілетін қызметтерді) өткізуден түскен ақшаны жұмсау тәртібін айқындайды.
      2. Осы Қағидалардың қолданысы «Ветеринария туралы» 2002 жылғы 10 шілдедегі Қазақстан Республикасы Заңының (бұдан әрі - Заң) 11-бабы 1-тармағының 1) тармақшасына сәйкес құрылған ветеринария саласындағы мемлекеттік мекемелерге таралады.

2. Ветеринария саласындағы мемлекеттік мекемелердің тауарларды
(жұмыстарды, көрсетілетін қызметтерді) өткізу бойынша ақылы
қызмет түрлерін көрсету және олардың (жұмыстарды, көрсетілетін
қызметтерді) өткізуден түскен ақшаны жұмсау тәртібі

      3. Ветеринария саласындағы мемлекеттік мекемелердің тауарларды (жұмыстарды, көрсетілетін қызметтерді) өткізу бойынша ақылы қызмет түрлері Заңның 35–бабы 2–тармағының 4) және 5) тармақшасына сәйкес жүзеге асырылады.
      4. Ветеринария саласындағы мемлекеттік мекемелер мекеменің аумағында (үй-жайында) арнайы бөлінген жерде мынадай ақпаратты орналастырады, сондай-ақ бұқаралық ақпарат құралдарында және интернет-ресурста жариялайды:
      1) ветеринария саласындағы мемлекеттік мекемелер көрсететін тауарларды (жұмыстарды, көрсетілетін қызметтерді) олардың ұсыну мерзімін көрсете отырып, өткізу бойынша ақылы қызмет түрлерінің тізбесі;
      2) қажетті құжаттардың тізімі (шарттар, түбіртектер, шот-фактуралар, жүкқұжаттар, көрсетілген қызметтердің/орындалған жұмыстардың актілері, фискальдық чектер), ұсынылатын тауарларға (жұмыстарға, көрсетілетін қызметтерге) арналған баға прейскуранты.
      5. Ветеринария саласындағы мемлекеттік мекемелер осы Қағидаларға 1-қосымшаға сәйкес нысан бойынша жеке және заңды тұлғалардың өтініші негізінде өз қызметіне сәйкес келетін тауарларды (жұмыстарды, көрсетілетін көрсетілетін қызметтерді) өткізу бойынша ақылы қызмет түрлерін көрсетеді.
      6. Өтінішті және осы Қағидалардың 4–тармағының 2) тармақшасында көрсетілген қажетті құжаттарды қабылдауды мемлекеттік мекеменің жауапты адамы жүзеге асырады.
      7. Өтінішті осы Қағидаларға 2-қосымшаға сәйкес нысан бойынша өтініш берушіге қабылдау туралы талон бере отырып, мемлекеттік мекеме тіркейді.
      8. Тауарларды (жұмыстарды, көрсетілетін қызметтерді) өткізу бойынша ақылы қызмет түрлері мемлекеттік мекемеде белгіленген күн тәртібіне сәйкес демалыс және мереке күндерін қоспағанда, күн сайын ұсынылады.
      9. Тауарларды (жұмыстарды, көрсетілетін қызметтерді) өткізу бойынша ақылы қызмет түрлерін ұсыну үшін оларды толтыру үлгілері бар стенділермен жабдықталған құжаттарды толтыруға арналған орындар жасалады.
      10. Қолма-қол ақша арқылы жүзеге асырылатын жеке және заңды тұлғалармен есеп айырысу мемлекеттік мекемелердің кассалары арқылы міндетті түрде фискалдық жадысы бар кассалық-бақылау машинасын қолданып және клинентке бақылау чегін бере отырып жүргізіледі, ақшасыз есеп айырысу мемлекеттік мекемелердің ағымдағы «Ақылы қызметтерден түсетін қаражат» шотына аудару арқылы жүзеге асырылады.
      11. Ақылы түрде тауарларды (жұмыстарды, көрсетілетін қызметтерді) алған жеке және заңды тұлғаларға мемлекеттік мекеме шот-фактура ұсынады.
      12. Тауарларды (жұмыстарды, көрсетілетін қызметтерді) өткізуден түсетін қаражатқа салық салу тәртібі және салықтар мен алымдар бойынша жеңілдіктер беру Қазақстан Республикасының салық заңнамасымен реттеледі.
      13. Ветеринария саласындағы мемлекеттік мекемелер тауарларды (жұмыстарды, көрсетілетін қызметтерді) өткізу бойынша ақылы қызмет түрлерін көрсетуден алған қаражат:
      1) ветеринариялық іс-шараларды жүзеге асыру және ақылы қызмет түрлерін көрсету үшін мемлекеттік мекеменің және оның филиалдарының материалдық-техникалық базасын нығайтуға, жарақтандыруға және ұстауға, негізгі құралдарды сатып алуға және жөндеуге;
      2) ветеринариялық іс-шараларды жүзеге асыру және ақылы қызмет түрлерін көрсету үшін мемлекеттік мекеменің филиалдарының қызметкерлеріне арналған арнайы киімдер мен арнайы қорғаныс құралдарын сатып алуға;
      3) ветеринариялық іс-шараларды жүзеге асыру және ақылы қызмет түрлерін көрсету үшін дегельминтизация, дезинфекцияға, дезинсекцияға және дератизацияға арналған ветеринариялық препараттарды арнайы ветеринариялық құралдарды, материалдарды сатып алуға;
      4) ветеринария саласындағы мемлекеттік мекемелердің және олардың филиалдарының қызметкерлерін еңбек көрсеткіштері үшін көтермелеуге жұмсалады.

Ветеринария саласындағы   
мемлекеттік мекемелердің  
тауарларды (жұмыстарды,  
көрсетілетін қызметтерді) 
өткізу бойынша ақылы қызмет
түрлерін көрсету және олардың
(жұмыстарды, көрсетілетін 
қызметтерді) өткізуден түскен
ақшаны жұмсау қағидаларына
1-қосымша         

Нысан

_____________________________________
(ветеринария саласындағы мемлекеттік
_____________________________________
мекеменің атауы)         
_____________________________________
_____________________________________
(тегi, аты, әкесiнiң аты (бар болса)
ЖСН/заңды тұлғаның атауы, БСН)  
Мекенжайы:___________________________

Өтініш

      Тауарларды (жұмыстарды, көрсетілетін қызметтерді) өткізу
бойынша мынадай ақылы қызмет түрлерін көрсетуді сұраймын ____________
_____________________________________________________________________
_____________________________________________________________________
_____________________________________________________________________

Мынадай құжаттарды қоса берiп отырмын: ______________________________
_____________________________________________________________________

Байланыс телефоны __________________ е-mail _________________________
20 ___ жылғы ________________________________________________________
          (өтініш берушінің тегi, аты, әкесiнiң аты (бар болса) қолы)

Қосымша: ______ парақта 1 данада ____________________________________

Ветеринария саласындағы   
мемлекеттік мекемелердің  
тауарларды (жұмыстарды,  
көрсетілетін қызметтерді) 
өткізу бойынша ақылы қызмет
түрлерін көрсету және олардың
(жұмыстарды, көрсетілетін 
қызметтерді) өткізуден түскен
ақшаны жұмсау қағидаларына
2-қосымша        

Нысан

Өтінішті қабылдау туралы талон

_____________________________________________________________________
         (ветеринария саласындағы мемлекеттік мекеменің атауы)
_____________________________________________________________________
   (заңды тұлғаның атауы/жеке тұлғаның тегі, аты, әкесінің аты (бар
                                  болса))
Өтініштің тіркелген нөмірі және қабылдау күні _______________________
Ақылы негізде көрсетілетін тауарларды (жұмыстарды, көрсетілетін
қызметтерді) өткізу бойынша қызметтің түрі __________________________
_____________________________________________________________________

Қоса берілген құжаттардың саны және атаулары ________________________
Қосымша: ______ парақта 1 данада_____________________________________
Құжаттар 20 __ жылғы ________________________________ қабылданды
Кіріс нөмірі ___________
Қорытынды алынған күн _______________________________________________
_______ _____________________________________________________________
(қолы)  (өтінішті қабылдаған лауазымды адамның тегi, аты, әкесiнiң
                              аты (бар болса)