Ескерту. Бұйрықтың тақырыбы жаңа редакцияда – ҚР Білім және ғылым министрінің 29.05.2020 № 227 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Неке (ерлі-зайыптылық) және отбасы туралы" Қазақстан Республикасының 2011 жылғы 26 желтоқсандағы Кодексінің 111-бабының 4-тармағына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес Бала асырап алу жөніндегі агенттіктерді аккредиттеу қағидалары;

      2) осы бұйрыққа 2-қосымшаға сәйкес Жетім балаларды, ата-аналарының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйымдарды аккредиттеу қағидалары бекітілсін.

      2. Қазақстан Республикасы Білім және ғылым министрлігі Балалардың құқықтарын қорғау комитеті (З.Ж. Оразалиева) заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) Қазақстан Республикасы Әділет министрлігінде мемлекеттік тіркеуден өткеннен кейін осы бұйрықты мерзімді баспа басылымдарында және "Әділет" ақпараттық-құқықтық жүйесінде ресми жариялауды;

      3) осы бұйрықты Қазақстан Республикасы Білім және ғылым министрлігінің ресми интернет-ресурсында орналастыруды қамтамасыз етсін.

      3. Осы бұйрықтың орындалуын бақылау Қазақстан Республикасы Білім және ғылым вице-министрі Е.Н. Иманғалиевке жүктелсін.

      4. Осы бұйрық алғаш рет ресми жарияланғаннан кейін күнтізбелік он күн өткен соң қолданысқа енгізіледі.

      КЕЛІСІЛДІ

      Қазақстан Республикасы

      Ішкі істер министрі

      2015 жылғы "____" ________

      _____________ Қ.Н. Қасымов

      КЕЛІСІЛДІ

      Қазақстан Республикасы

      Денсаулық сақтау және

      әлеуметтік даму министрі

      2015 жылғы "____" _________

      ____________ Т.Б. Дүйсенова

      КЕЛІСІЛДІ

      Қазақстан Республикасы

      Сыртқы істер министрі

      2015 жылғы "____" ________

      ____________ Е.Ә. Ыдырысов

      КЕЛІСІЛДІ

      Қазақстан Республикасы

      Әділет министрі

      2015 жылғы "____" ________

      ______________ Б.М. Имашев

Бала асырап алу жөніндегі агенттіктерді аккредиттеу қағидалары

      Ескерту. Қағида жаңа редакцияда – ҚР Білім және ғылым министрінің 29.05.2020 № 227 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Бала асырап алу жөніндегі агенттіктерді аккредиттеу қағидалары (бұдан әрі – Қағидалар) "Неке (ерлі-зайыптылық) және отбасы туралы" Қазақстан Республикасының 2011 жылғы 26 желтоқсандағы Кодексінің (бұдан әрі – Кодекс) 111-бабының 4-тармағына, "Мемлекеттік көрсетілетін қызметтер туралы" Қазақстан Республикасының 2013 жылғы 15 сәуірдегі Заңының (бұдан әрі – Заң) 10-бабының 1) тармақшасына сәйкес әзірленген және Қазақстан Республикасының аумағында бала асырап алу жөніндегі қызметті филиалдар және (немесе) өкілдіктер құру жолымен жүзеге асыратын агенттіктерді аккредиттеу тәртібін айқындайды.

      2. Осы Қағидаларда мынадай ұғымдар пайдаланылады:

      1) аккредиттеу – Қазақстан Республикасының балалардың құқықтарын қорғау саласындағы уәкілетті органының бала асырап алу жөніндегі агенттіктердің және жетім балаларды, ата-аналарының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйымдардың өз қызметін жүзеге асыру құқығын ресми тануы;

      2) бала асырап алу жөніндегі агенттіктер (бұдан әрі – агенттіктер) – өз мемлекетінің аумағында балаларды асырап алу жөніндегі қызметті жүзеге асыратын және Кодексте белгіленген тәртіппен Қазақстан Республикасының аумағында осындай қызметті жүзеге асыру үшін аккредиттелген коммерциялық емес шетелдік ұйымдар;

      4) "электрондық үкіметтің" веб-порталы – нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесі болатын ақпараттық жүйе;

      5) электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың анықтығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы (бұдан әрі – ЭЦҚ).

      3. Кодекстің 111-бабының 1-тармағына сәйкес агенттіктер аккредиттеуге жатады.

      Құжаттарды қараудың және агенттіктерді аккредиттеудің мерзімі күнтізбелік 30 (отыз) күнді құрайды.

2-тарау. Агенттіктерді аккредиттеу тәртібі

      4. Агенттікті аккредиттеу туралы, оның ішінде аккредиттеуден бас тарту туралы, сондай-ақ аккредиттеу мерзімін ұзарту туралы, оның ішінде бас тарту туралы мәселені Қазақстан Республикасы Білім және ғылым министрлігінің Балалардың құқықтарын қорғау комитеті (бұдан әрі – көрсетілетін қызметті беруші) қарайды.

      5. Қызметті аккредиттеу үшін агенттіктің сенім білдірілген тұлғасы (бұдан әрі – көрсетілетін қызметті алушы) көрсетілетін қызметті берушінің кеңсесі немесе портал арқылы осы Қағидаларға 2-қосымшаға сәйкес "Бала асырап алу жөніндегі агенттікті аккредиттеу немесе аккредиттеу мерзімін ұзарту" мемлекеттік қызмет көрсетуге қойылатын негізгі талаптардың тізбесінде (бұдан әрі – Мемлекеттік қызмет көрсетуге қойылатын талаптар) көзделген құжаттарды қоса бере отырып, осы Қағидаларға 1-қосымшаға сәйкес нысан бойынша өтініш береді.

      6. Барлық ұсынылған құжаттар "Құжаттарды заңдастыру қағидаларын бекіту туралы" Қазақстан Республикасы Сыртқы істер министрінің міндетін атқарушының 2017 жылғы 6 желтоқсандағы № 11-1-2/576 бұйрығына (Нормативтік құқықтық актілерді мемлекеттік тіркеу тізілімде № 16116 болып тіркелген) және "Балаларды қорғау және баланы шетелдік асырап алуға қатысты ынтымақтастық туралы конвенцияны ратификациялау туралы" Қазақстан Республикасының 2010 жылғы 12 наурыздағы Заңына сәйкес заңдастырылады.

      Қазақстан Республикасынан тыс жерде берілген құжаттар тиісті шет мемлекеттің мемлекеттік тілінде ұсынылады, сондай-ақ қазақ және орыс тілдеріне аударылуға жатады.

      7. Портал арқылы жүгінген жағдайда, көрсетілетін қызметті алушының "жеке кабинетіне" мемлекеттік көрсетілетін қызметке сұрау салудың қабылданғаны туралы мәртебе, сондай-ақ мемлекеттік көрсетілетін қызмет нәтижесін алу күні мен уақыты көрсетілген хабарлама жіберіледі.

      8. Көрсетілетін қызметті беруші құжаттарды алған сәттен бастап 1 (бір) жұмыс күні ішінде ұсынылған құжаттардың толықтығын тексереді.

      9. Көрсетілетін қызметті алушының жеке басын куәландыратын, заңды тұлғаны мемлекеттік тіркеу (қайта тіркеу) туралы, жеке кәсіпкер ретінде мемлекеттік тіркеу туралы құжаттардың мәліметтерін көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.

      Егер Қазақстан Республикасының заңдарында өзгеше көзделмесе, көрсетілетін қызметті алушы мемлекеттік қызметті көрсету кезінде ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға көрсетілетін қызметті берушіге келісім береді.

      Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өткен құжаттарды ұсынған кезде, көрсетілетін қызметті беруші көрсетілетін қызметті алушыдан өтінішті қабылдаудан бас тартады.

      10. Агенттікті аккредиттеу туралы шешімді көрсетілетін қызметті беруші өз құзыреті шегінде аккредиттеу мүмкіндігі туралы тиісті қорытындылар беретін Әділет, Денсаулық сақтау, Еңбек және халықты әлеуметтік қорғау, Ішкі істер және Сыртқы істер министрліктерімен (бұдан әрі – мемлекеттік органдар) келісім бойынша қабылдайды.

      11. Көрсетілетін қызметті беруші екі күнтізбелік күн ішінде мемлекеттік органдарға келісу үшін Мемлекеттік қызмет көрсетуге қойылатын талаптардың 8-тармағында көзделген құжаттарды жолдайды, олар құжаттар келіп түскен және көрсетілетін қызметті берушіден сұрау түскен сәттен бастап он жұмыс күні ішінде Қазақстан Республикасының аумағында агенттіктің қызметін жүзеге асыру мүмкіндігі туралы қорытынды береді.

      12. Көрсетілетін қызметті беруші күнтізбелік 14 (он төрт) күн ішінде көрсетілетін қызметті алушы ұсынған құжаттардың Кодекстің шарттары мен талаптарына сәйкестігін тексереді және Қазақстан Республикасының аумағында агенттіктің қызметін жүзеге асыру мүмкіндігі туралы қорытындының негізінде бала асырап алу жөніндегі агенттікті аккредиттеу туралы не Мемлекеттік қызмет көрсетуге қойылатын талаптардың 9-тармағында көзделген негіздер бойынша аккредиттеуден бас тарту туралы шешім шығарады.

      13. Агенттікті аккредиттеу туралы шешімді немесе аккредиттеуден бас тартуды көрсетілетін қызметті беруші оны қабылдаған күннен бастап күнтізбелік 10 (он) күн ішінде береді.

      Осы Қағидалардың Мемлекеттік қызмет көрсетуге қойылатын талаптарының 9-тармағында көрсетілген негіздер бойынша мемлекеттік қызметті көрсетуден бас тарту үшін негіз анықталған кезде, көрсетілетін қызметті беруші Қазақстан Республикасы Әкімшілік рәсімдік–процестік кодексінің (бұдан әрі – ҚР ӘРПК) 73-бабына сәйкес мемлекеттік қызметті көрсету мерзімі аяқталғанға дейін 3 (үш) жұмыс күнінен кешіктірмей, көрсетілетін қызметті алушыға мемлекеттік қызметті көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша ұстанымнын білдіруге мүмкіндік беру үшін тыңдауды өткізу уақыты мен орны туралы хабарламаны жолдайды.

      Тыңдау рәсімі ҚР ӘРПК-нің 74-бабына сәйкес жүргізіледі.

      14. Агенттікті аккредиттеу туралы шешім жоғалған кезде, көрсетілетін қызметті алушы тиісті өтініш берілген күннен бастап он жұмыс күні ішінде көрсетілетін қызметті берушіден оның телнұсқасын алады.

      Бұл ретте агенттікті аккредиттеу туралы шешім түпнұсқасының күші жойылды деп танылады

      15. Агенттіктер бір жыл мерзімге аккредиттеледі. Агенттікті аккредиттеу туралы шешім иеліктен шығарылмайды және басқа адамдарға беруге жатпайды.

      16. Аккредиттеуден бас тартылған агенттіктер алты ай өткеннен кейін көрсетілетін қызметті берушіге қайта жүгінеді.

      17. Көрсетілетін қызметті беруші Заңның 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызметті көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      Ақпараттық жүйе істен шыққан кезде көрсетілетін қызметті беруші анықталған сәттен бастап дереу көрсетілетін қызметті берушінің ақпараттық-коммуникациялық инфрақұрылымға жауапты құрылымдық бөлімшесінің қызметкерін хабардар етеді.

      Бұл жағдайда ақпараттық-коммуникациялық инфрақұрылымға жауапты қызметкер Қағидалардың осы тармағының екінші бөлігінде көрсетілген мерзім ішінде техникалық проблема туралы хаттама жасайды және оған көрсетілетін қызметті беруші қол қояды.

      Қазақстан Республикасының балалардың құқықтарын қорғау саласындағы уәкілетті органы көрсетілетін қызметті берушілерді, оның ішінде Бірыңғай байланыс орталығын мемлекеттік қызмет көрсетуге қойылатын талаптарға енгізілген өзгерістер мен толықтырулар туралы хабардар етеді.

3-тарау. Ұзарту, тоқтата тұру және (немесе) мерзімінен бұрын агенттіктерді аккредиттеуді тоқтату

      19. Аккредиттеу мерзімін ұзарту үшін көрсетілетін қызметті алушы аккредиттеу мерзімі аяқталғанға дейін күнтізбелік отыз күннен кешіктірмей көрсетілетін қызметті берушінің кеңсесі немесе портал арқылы осы Қағидаларға 2-қосымшаға сәйкес "Бала асырап алу жөніндегі агенттікті аккредиттеу немесе аккредиттеу мерзімін ұзарту" мемлекеттік қызмет көрсетуге қойылатын негізгі талаптардың тізбесінде (бұдан әрі – Мемлекеттік қызмет көрсетуге қойылатын талаптар) көзделген құжаттарды қоса бере отырып, осы Қағидаларға 1-қосымшаға сәйкес нысан бойынша өтініш береді.

      20. Барлық ұсынылған құжаттар "Құжаттарды заңдастыру қағидаларын бекіту туралы" Қазақстан Республикасы Сыртқы істер министрінің міндетін атқарушының 2017 жылғы 6 желтоқсандағы № 11-1-2/576 бұйрығына (Нормативтік құқықтық актілерді мемлекеттік тіркеу тізілімде № 16116 болып тіркелген) және "Балаларды қорғау және баланы шетелдік асырап алуға қатысты ынтымақтастық туралы конвенцияны ратификациялау туралы" Қазақстан Республикасының 2010 жылғы 12 наурыздағы Заңына сәйкес заңдастырылады.

      Қазақстан Республикасынан тыс жерде берілген құжаттар тиісті шет мемлекеттің мемлекеттік тілінде ұсынылады, сондай-ақ қазақ және орыс тілдеріне аударылуға жатады.

      21. Портал арқылы жүгінген жағдайда, көрсетілетін қызметті алушының "жеке кабинетіне" мемлекеттік көрсетілетін қызметке сұрау салудың қабылданғаны туралы мәртебе, сондай-ақ мемлекеттік көрсетілетін қызмет нәтижесін алу күні мен уақыты көрсетілген хабарлама жіберіледі.

      22. Көрсетілетін қызметті беруші құжаттарды алған сәттен бастап 1 (бір) жұмыс күні ішінде ұсынылған құжаттардың толықтығын тексереді.

      23. Көрсетілетін қызметті алушының жеке басын куәландыратын, заңды тұлғаны мемлекеттік тіркеу (қайта тіркеу) туралы, жеке кәсіпкер ретінде мемлекеттік тіркеу туралы құжаттардың мәліметтерін көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.

      Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өткен құжаттарды ұсынған жағдайда, көрсетілетін қызметті беруші көрсетілетін қызметті алушыдан өтінішті қабылдаудан бас тартады.

      24. Көрсетілетін қызметті беруші құжаттарды алған күннен бастап 9 (тоғыз) жұмыс күні ішінде көрсетілетін қызметті алушының ұсынған құжаттарының бала асырап алу жөніндегі агенттікті аккредиттеу мерзімін ұзарту және агенттікті аккредиттеу мерзімін ұзарту туралы не Мемлекеттік қызмет көрсетуге қойылатын талаптардың 9-тармағында көзделген негіздер бойынша агенттікті аккредиттеу мерзімін ұзартудан бас тарту туралы дәлелді шешім қабылдау үшін талаптар мен негіздерге сәйкестігін тексереді.

      Осы Қағидалардың Мемлекеттік қызмет көрсетуге қойылатын талаптарының 9-тармағында көрсетілген негіздер бойынша мемлекеттік қызметті көрсетуден бас тарту үшін негіз анықталған кезде, көрсетілетін қызметті беруші ҚР ӘРПК 73-бабына сәйкес мемлекеттік қызметті көрсету мерзімі аяқталғанға дейін 3 (үш) жұмыс күнінен кешіктірмей, көрсетілетін қызметті алушыға мемлекеттік қызметті көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша ұстанымнын білдіруге мүмкіндік беру үшін тыңдауды өткізу уақыты мен орны туралы хабарламаны жолдайды.

      Тыңдау рәсімі ҚР ӘРПК-нің 74-бабына сәйкес жүргізіледі.

      25. Агенттікті аккредиттеу мерзімін ұзарту туралы дәлелді шешімді немесе агенттікті аккредиттеу мерзімін ұзартудан бас тартуды көрсетілетін қызметті беруші ол қабылданған күннен бастап 5 (бес) жұмыс күні ішінде жібереді.

      26. Агенттікті аккредиттеу мерзімін ұзартуға не аккредиттеу мерзімін ұзартудан бас тартуға арналған құжаттарды қараудың жалпы мерзімі 15 (он бес) жұмыс күнін құрайды.

      27. Көрсетілетін қызметті беруші Заңның 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызмет көрсету сатысы туралы мемлекеттік қызметтер көрсету мониторингінің ақпараттық жүйесіне деректерді енгізуді қамтамасыз етеді.

      Ақпараттық жүйе істен шыққан кезде көрсетілетін қызметті беруші анықталған сәттен бастап дереу көрсетілетін қызметті берушінің ақпараттық-коммуникациялық инфрақұрылымға жауапты құрылымдық бөлімшесінің қызметкерін хабардар етеді.

      Бұл жағдайда ақпараттық-коммуникациялық инфрақұрылымға жауапты қызметкер Қағидалардың осы тармағының екінші бөлігінде көрсетілген мерзім ішінде техникалық проблема туралы хаттама жасайды және оған көрсетілетін қызметті беруші қол қояды.

      Қазақстан Республикасының балалардың құқықтарын қорғау саласындағы уәкілетті органы көрсетілетін қызметті берушілерді, оның ішінде Бірыңғай байланыс орталығын Мемлекеттік қызмет көрсетуге қойылатын талаптарға енгізілген өзгерістер мен толықтырулар туралы хабардар етеді.

      29. Агенттікті аккредиттеу мерзімі, егер ол Қазақстан Республикасының заңнамасында белгіленген барлық талаптарды сақтаған жағдайда, осы Қағидалардың 16-тармағында көзделген мерзім өткеннен кейін агенттікті алғашқы аккредиттеуден кейін бір жыл ішінде автоматты түрде ұзартылады.

      30. Агенттікті аккредиттеуді тоқтата тұруға әкеп соққан бұзушылықтар жойылған кезде бір ай ішінде оның қолданылуын көрсетілетін қызметті беруші жаңартады.

      Егер агенттік қызметін тоқтата тұруға әкеп соққан бұзушылықтар (мән-жайлар) белгіленген мерзімде жойылмаса, көрсетілетін қызметті беруші агенттік қызметін тоқтату туралы шешім қабылдайды.

      31. Филиалдың және (немесе) өкілдіктің қызметін мерзімінен бұрын тоқтату, оның қызметін ұзарту туралы шешімді көрсетілетін қызметті беруші негізделіп қабылданған күннен бастап он жұмыс күні ішінде қабылдайды.

      32. Филиалдың және (немесе) өкілдіктің қызметі мынадай жағдайларда тоқтатылады:

      1) балаларды асырап алу жөніндегі қызметін агенттіктің құрылтай құжаттарына сәйкес жүзеге асырмаса;

      2) агенттікті аккредиттеу туралы шешімнің қолданылуын тоқтата тұруға әкеп соққан бұзушылықтарды бір ай ішінде жоймаса;

      3) филиал және (немесе) өкілдік қызметін тоқтату туралы өтініш берсе;

      4) агенттікті аккредиттеу туралы шешімнің қолданылу мерзімі өтсе және аккредиттеу мерзімін жаңа мерзімге ұзарту мүмкін болмаса.

      33. Агенттік филиалының және (немесе) өкілдігінің қызметін тоқтату мәселелерін көрсетілетін қызметті беруші осы Қағидалардың 34-тармағында көрсетілген мән-жайлар анықталған (туындаған) күннен бастап он жұмыс күні ішінде қарайды.

      34. Филиалды және (немесе) өкілдікті қызметті тоқтата тұру немесе тоқтату туралы дәлелді шешім қабылданғаннан кейін бес жұмыс күні ішінде көрсетілетін қызметті беруші хабардар етеді.

      35. Аккредиттеу, агенттік филиалының және (немесе) өкілдігінің қызметін тоқтата тұру және тоқтату туралы шешімді көрсетілетін қызметті беруші шешімді көрсетілетін қызметті берушінің ресми интернет-ресурсында орналастыру арқылы таратады.

      36. Агенттік басшысының тегі, аты, әкесінің аты және (немесе) заңды тұлғаның атауы, ұйымдық-құқықтық нысаны өзгерген жағдайда, аккредиттелген агенттіктер көрсетілген мәліметтерді растайтын құжаттарды және осы Қағидалардың 5-тармағында көрсетілген құжаттарды қоса бере отырып, аккредиттеу туралы шешімді қайта ресімдеу туралы өтінішті көрсетілетін қызметті берушінің кеңсесіне береді.

      Әрбір бес жыл сайын агенттік көрсетілетін қызметті берушіге агенттік орналасқан мемлекеттің құзыретті органы берген, агенттік осы өкілеттіктерді жүзеге асыратын мерзімін көрсете отырып, өз мемлекетінің аумағында бала асырап алу саласындағы агенттіктің қызметін растайтын жаңартылған құжаттарды ұсынады.

      37. Көрсетілетін қызметті беруші тиісті жазбаша өтініш келіп түскен күннен бастап бес жұмыс күні ішінде агенттікті аккредиттеу туралы шешімді қайта ресімдейді.

      Бұл ретте агенттікті аккредиттеу туралы бұрын берілген шешімнің күші жойылды деп танылады және көрсетілетін қызметті берушіге қайтарылады.

4-тарау. Көрсетілетін қызметті берушінің және (немесе) оның лауазымды адамдарының мемлекеттік қызмет көрсету процесіндегі шешімдеріне, әрекетіне (әрекетсіздігіне) шағымдану тәртібі

      38. Көрсетілетін қызметті берушінің мемлекеттік қызметтер көрсету мәселелері жөніндегі шешіміне, әрекеттеріне (әрекетсіздігіне) шағым Қазақстан Республикасының заңнамасына сәйкес көрсетілетін қызметті беруші басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға (бұдан әрі – шағымды қарайтын орган) беріледі.

      Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, шағымды қарайтын орган жүргізеді.

      Шағым көрсетілетін қызметті берушіге және (немесе) шешіміне, әрекетіне (әрекетсіздігіне) шағым жасалып отырған лауазымды тұлғаға беріледі.

      Шешіміне, әрекетіне (әрекетсіздігіне) шағым жасалып отырған көрсетілетін қызметті беруші лауазымды адам шағым келіп түскен күннен бастап 3 (үш) жұмыс күнінен кешіктірмей оны шағымды қарайтын органға жібереді.

      Бұл ретте көрсетілетін қызметті беруші, лауазымды адам, шешімге, әрекетке (әрекетсіздікке) шағым жасайды, егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешім не әкімшілік әрекет қабылдаса, шағымды қарайтын органға шағым жібермейді.

      Көрсетілетін қызметті берушінің атына келіп түскен көрсетілетін қызметті алушының шағымы Заңның 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.

      Шағымды қарайтын органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      Егер заңда өзгеше көзделмесе, сотқа жүгінуге сотқа дейінгі тәртіппен шағым жасалғаннан кейін жол беріледі.

      39. Мемлекеттік қызмет көрсету нәтижелерімен келіспеген жағдайда көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінеді.

      Ескерту. 1-қосымша жаңа редакцияда - ҚР Оқу-ағарту министрінің 03.10.2022 № 414 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      нысан

Өтініш

      Сізден Қазақстан Республикасының аумағында бала асырап алу жөніндегі қызметті жүзеге асыру үшін

      __________________________________________________________________________

      (агенттіктің және ол орналасқан мемлекеттің атауы)

      бала асырап алу жөніндегі агенттікті аккредиттеу немесе бала асырап алу жөніндегі агенттікті аккредиттеу мерзімін ұзарту үшін ұсынған құжаттарын (керегін таңдау) қарастыруды сұраймын.

      Ақпараттық жүйелердегі заңмен қорғалатын құпияны қамтитын мәліметтерді пайдалануға келісім беремін.

"Бала асырап алу агенттігін аккредиттеу немесе аккредиттеу мерзімін ұзарту" мемлекеттік қызмет көрсетуге қойылатын негізгі талаптардың тізбесі "Бала асырап алу жөніндегі агенттікті аккредиттеу" мемлекеттік көрсетілетін қызметтің кіші түрі "Бала асырап алу жөніндегі агенттікті аккредиттеу мерзімін ұзарту" мемлекеттік көрсетілетін қызметтің кіші түрі

      Ескерту. 2-қосымша жаңа редакцияда - ҚР Оқу-ағарту министрінің 03.10.2022 № 414 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жетім балаларды, ата-аналарының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйымдарды аккредиттеу қағидалары

      Ескерту. Қағидамен толықтырылды – ҚР Білім және ғылым министрінің 29.05.2020 № 227 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Жетім балаларды, ата-аналарының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйымдарды аккредиттеу қағидалары (бұдан әрі – Қағидалар) "Неке (ерлі-зайыптылық) және отбасы туралы" Қазақстан Республикасының 2011 жылғы 26 желтоқсандағы Кодексінің (бұдан әрі – Кодекс) 111-бабының 4-тармағына сәйкес әзірленген және жетім балаларды, ата-аналарының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйымдарды аккредиттеу тәртібін айқындайды.

      2. Осы Қағидаларда мынадай ұғымдар пайдаланылады:

      1) аккредиттеу – Қазақстан Республикасының балалардың құқықтарын қорғау саласындағы уәкілетті органының бала асырап алу жөніндегі агенттіктердің және жетім балаларды, ата-анасының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйымдардың өз қызметін жүзеге асыру құқығын ресми тануы.

      2) жетім балаларды, ата-аналарының қамқорлығынсыз қалған балаларды Қазақстан Республикасы азаматтарының отбасыларына орналастыруға жәрдем көрсету жөніндегі ұйым (бұдан әрі – ұйым) – Кодексте белгіленген құзыретіне сәйкес Қазақстан Республикасының аумағында жетім балаларды, ата-аналарының қамқорлығынсыз қалған балаларды отбасыларға тәрбиелеуге орналастыруға, Қазақстан Республикасының аумағында тұрақты тұратын, балаларды тәрбиелеуге қабылдауға тілек білдірген және қабылдаған Қазақстан Республикасының азаматтарына жәрдемдесуді өтеусіз негізде жүзеге асыратын және осындай қызметті жүзеге асыру үшін осы Кодексте белгіленген тәртіппен аккредиттелген коммерциялық емес ұйым.

      3. Аккредиттеу туралы өтініш берілген сәтте кемінде бес жыл жетім балалардың, ата-анасының қамқорлығынсыз қалған балалардың құқықтары мен мүдделерін қорғау жөніндегі қызметті жүзеге асыратын Қазақстан Республикасының азаматтары құрылтайшылары болып табылатын коммерциялық емес ұйымдар аккредиттеуге жатады.

2-тарау. Ұйымдарды аккредиттеу тәртібі

      4. Ұйымды аккредиттеу, оның ішінде аккредиттеуден бас тарту туралы мәселені Қазақстан Республикасының Білім және ғылым министрлігі Балалардың құқықтарын қорғау комитеті (бұдан әрі – Комитет) қарайды.

      5. Жұмысты жүзеге асыру үшін ұйым Комитетке мынадай құжаттарды тапсырады:

      1) құрылтай құжаттарының нотариалды куәландырылған көшірмелерін;

      2) жетім балалар мен ата-аналарының қамқорлығынсыз қалған балалардың құқықтары мен заңды мүдделерін қорғау саласында ұйымдар бірлесіп немесе олардың тапсырысы бойынша іс-шараларды іске асырған мемлекеттік органдардан кемінде үш ұсыныс хат;

      3) ұйымның Қазақстан Республикасының азаматтарына өтеусіз негізде ұсынатын кешенді қызметтерінің тізбесі;

      4) баланың қайтыс болу, оған қатыгездік көрсету, оның ішінде балаға физикалық немесе психикалық зорлық-зомбылық жасау, сондай-ақ баланың жыныстық тиіспеушілігіне қастық жасау фактісі анықталған кезден бастап жиырма төрт сағат ішінде Қазақстан Республикасының баланың құқықтарын қорғау саласындағы уәкілетті органына және Қазақстан Республикасының құқық қорғау органдарына хабар беру туралы міндеттемесін;

      5) жетім балалар, ата-анасының қамқорлығынсыз қалған балалар және балаларды өз отбасыларына тәрбиелеуге қабылдауға тілек білдірген адамдар туралы дербес деректерді жария етпеу туралы міндеттеме;

      6) ұйымның құрылтай құжаттарындағы өзгерістер туралы Қазақстан Республикасының баланың құқықтарын қорғау саласындағы уәкілетті органын хабардар ету туралы міндеттеме;

      7) жетім баланы және (немесе) ата-анасының қамқорлығынсыз қалған баланы отбасына тәрбиелеуге қабылдауға тілек білдірген адамдарды даярлау бағдарламалары;

      8) салық берешегінің жоқтығы туралы анықтама.

      6. Аккредиттеу туралы өтінішін Комитет осы Қағидалардың 5-тармағында көрсетілген құжаттар ұсынылған сәттен бастап күнтізбелік отыз күн ішінде қарайды.

      7. Ұйымды аккредиттеу туралы шешімді немесе аккредиттеуден бас тартуды Комитет бас тартқан жағдайда негіздей отырып, аккредиттеуден бас тарту туралы шешім қабылданған күннен бастап он жұмыс күні ішінде береді.

      8. Ұйым аккредиттеу туралы шешім жоғалған кезде тиісті өтініш берілген күннен бастап он жұмыс күні ішінде Комитеттен оның телнұсқасын алады.

      Бұл ретте ұйымды аккредиттеу туралы шешім түпнұсқасының күші жойылды деп танылады.

      9. Ұйым ұзарту құқығымен бір жыл мерзімге аккредиттеледі. Ұйымды аккредиттеу туралы шешім иеліктен шығарылмайды және басқа адамдарға беруге жатпайды.

      10. Кодекстің 112-1-бабына сәйкес ұйымды аккредиттеуден, оның қызмет мерзімін ұзартудан және (немесе) оның қызметін мерзімінен бұрын тоқтатудан бас тарту негіздері:

      1) ұсынылған құжаттардың осы Қағидаларда белгіленген талаптарға сәйкес келмеуі;

      2) ұйымның өз қызметі туралы дәйексіз мәліметтер беруі;

      3) жетім балалардың, ата-анасының қамқорлығынсыз қалған балалардың құқықтары мен заңды мүдделерін бұзуы;

      4) аккредиттеу туралы шешімнің қолданылуын тоқтата тұруға әкеп соққан бұзушылықтарды бір айдың ішінде жоймау;

      5) ұйым қызметінің тоқтатылуы.

      11. Аккредиттеуден бас тарту туралы шешім алған ұйым алты ай өткеннен кейін Комитетке қайта жүгінеді.

      12. Ұйымды аккредиттеу мерзімін ұзарту үшін аккредиттеу мерзімі өткенге дейін күнтізбелік отыз күннен кешіктірмей Комитетке мерзімді ұзарту туралы өтініш береді.

      Ұйымды аккредиттеу мерзімін ұзарту туралы өтінішті Комитет өтінішті қабылдаған күннен бастап он жұмыс күні ішінде қарайды. Ұйымды аккредиттеу мерзімін ұзарту не ұзартудан бас тарту туралы дәлелді шешімді Комитет қабылдап, шешім қабылданған күннен бастап бес жұмыс күні ішінде ұйымға жібереді.

      13. Егер ұйым алғашқы аккредиттеуден кейін бір жыл ішінде Қазақстан Республикасының заңнамасында белгіленген барлық талаптарды сақтаған болса, осы Қағидалардың 10-тармағында көзделген мерзім өткен соң ұйымды аккредиттеу мерзімі өздігінен ұзартылады.

      14. Комитет аккредиттеудің қолданылуын тоқтата тұру мәселесін қарайды.

      15. Ұйымды аккредиттеуді тоқтата тұруға әкеп соққан бұзушылықтар бір ай ішінде жойылған кезде Комитет оның қолданысын жаңартады.

      Егер ұйым қызметін тоқтата тұруға әкеп соққан бұзушылықтар (мән-жайлар) белгіленген мерзімде жойылмаса, Комитет ұйымның қызметін тоқтату туралы шешім қабылдайды.

      16. Ұйымның қызметін мерзімінен бұрын тоқтату, оның қызметін ұзарту туралы шешімді Комитет негізделіп қабылданған күннен бастап он жұмыс күні ішінде қабылдайды.

      17. Ұйымның қызметі мынадай жағдайларда тоқтатылады:

      1) жетім балаларды, ата-анасының қамқорлығынсыз қалған балаларды ұйымның құрылтай құжаттарына сәйкес отбасыларға тәрбиелеуге орналастыруға жәрдемдесу жөніндегі қызметті жүзеге асырмау;

      2) ұйымды аккредиттеу туралы шешімнің қолданылуын тоқтата тұруға әкеп соққан бұзушылықтарды бір ай ішінде жоймаса;

      3) ұйым қызметін тоқтату туралы өтініш берсе;

      4) ұйымды аккредиттеу туралы шешімнің қолданылу мерзімі өтсе және аккредиттеу мерзімін жаңа мерзімге ұзарту мүмкін болмаса.

      18. Ұйымның қызметін тоқтату мәселелерін Комитет осы Қағидалардың 16-тармағында көрсетілген мән-жайлар анықталған (туындаған) күннен бастап он жұмыс күні ішінде қарайды.

      19. Қызметін тоқтата тұру немесе тоқтату туралы дәлелді шешім қабылданғаннан кейін Комитет ұйымды бес жұмыс күні ішінде хабардар етеді.

      20. Ұйымның қызметін аккредиттеу, тоқтата тұру және тоқтату туралы шешімді Комитеттің ресми интернет-ресурсына орналастыру арқылы Қазақстан Республикасының балалардың құқықтарын қорғау саласындағы уәкілетті органы таратады.

      21. Ұйымның басшысының тегі, аты, әкесінің аты және (немесе) заңды тұлғаның атауы, ұйымдық-құқықтық нысаны өзгерген жағдайда аккредиттелген агенттіктер аккредиттеу туралы шешімді қайта ресімдеу туралы Комитетке көрсетілген мәліметтерді растайтын құжаттарды және осы Қағидалардың 5-тармағында көрсетілген құжаттарды қоса отырып өтініш береді.

      22. Комитет тиісті жазбаша өтініш түскен күннен бастап бес жұмыс күні ішінде ұйымды аккредиттеу туралы шешімді қайта ресімдейді.

      Бұл ретте, ұйымды аккредиттеу туралы бұрын берілген шешімнің күші жойылды деп танылады және Комитетке қайтарылады.

Өтініш

      Сізден жетім балаларды, ата-анасының қамқорлығынсыз қалған

      балаларды Қазақстан Республикасы азаматтарының отбасына тәрбиелеуге

      орналастыруға жәрдем көрсету жөніндегі қызметті жүзеге асыру үшін

      ________________________________________________________________

                              (ұйымның атауын көрсету)

      жетім балаларды, ата-аналарының қамқорлығынсыз қалған балаларды

      Қазақстан Республикасы азаматтарының отбасыларына орналастыруға

      жәрдем көрсету жөніндегі ұйымдарды аккредиттеу үшін ұсынған құжаттарын

      қарастыруды сұраймын.

      "___" _______ 20__ жыл _____________________________

                                    сенім білдірген адамның қолы