"Қазақстан Республикасы Үкіметінің 2013 жылғы 31 желтоқсандағы № 1500 қаулысымен бекітілген Әскери қызметшілерге, арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне, сондай-ақ арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдарға зейнетақы төлемдерін тағайындау және жүзеге асыру қағидаларының 6-тармағына сәйкес БҰЙЫРАМЫН:

      1. Қоса беріліп отырған Әскери қызметшілерге зейнетақы төлемдерін тағайындау және оларды жүзеге асыру жөніндегі нұсқаулық бекітілсін.

      2. Қазақстан Республикасы Қорғаныс министрлігі Зейнетақымен қамсыздандыру орталығының бастығы:

      1) заңнамада белгіленген тәртіппен осы бұйрықты мемлекеттік тіркеу үшін Қазақстан Республикасының Әділет министрлігіне жолдасын;

      2) мемлекеттік тіркелгеннен кейін күнтізбелік он күн ішінде осы бұйрықтың көшірмесін ресми жариялау үшін бұқаралық ақпарат құралдарына және "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнының "Әділет" ақпараттық-құқықтық жүйесіне жолдасын;

      3) ресми жарияланғаннан кейін бұйрықты Қазақстан Республикасы Қорғаныс министрлігінің интернет-ресурсына орналастырсын.

      3. Бұйрықтың орындалуын бақылау Қазақстан Республикасы Қорғаныс министрінің орынбасары генерал-майор Т.С. Мұхтаровқа жүктелсін.

      4. Бұйрық лауазымды адамдарға, оларға қатысты бөлігінде жеткізілсін.

      5. Бұйрық алғаш ресми жарияланған күнінен бастап күнтізбелік он күн өткеннен кейін қолданысқа енгізіледі.

Әскери қызметшілерге еңбек сіңірген жылдары үшін зейнетақы төлемдерін тағайындау және оларды жүзеге асыру жөніндегі нұсқаулық

      Ескерту. Тақырыбы жаңа редакцияда - ҚР Қорғаныс министрінің 09.12.2021 № 863 (алғашқы ресми жарияланған күнінен кейін күнтізбелік он күн өткен соң қолданысқа енгізіледі.) бұйрығымен.
      Ескерту. Нұсқаулық жаңа редакцияда – ҚР Қорғаныс министрінің 26.07. 2017 № 390 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

1-тарау. Жалпы ережелер

      1. Осы Әскери қызметшілерге еңбек сіңірген жылдары үшін зейнетақы төлемдерін тағайындау және оларды жүзеге асыру жөніндегі нұсқаулық (бұдан әрі - Нұсқаулық):

      1) әскери қызметшілерге еңбек сіңірген жылдары үшін зейнетақы төлемдерін (бұдан әрі – зейнетақы төлемі) тағайындауды және оларды жүзеге асыруды;

      2) зейнетақы төлемдерін қайта есептеуді, тоқтатуды, уақытша тоқтатуды және қайта төлеуді айқындайды.

      2. Әскери қызметшілерді зейнетақымен қамсыздандыру жөніндегі жұмысты ұйымдастыруды:

      1) Қазақстан Республикасы Қорғаныс министрлігінің Зейнетақымен қамсыздандыру орталығы (бұдан әрі – Орталық);

      2) әскери бөлімдер мен мемлекеттік мекемелердің кадр бөлімшелері, жасақтау бөлімшелері, персоналмен жұмыс жөніндегі бөлімшелері;

      3) жергілікті әскери басқару органдары жүзеге асырады.

2-тарау. Еңбек сіңірген жылдары үшін зейнетақы төлемдерін тағайындау және жүзеге асыру

      8. Зейнетақы төлемдерін тағайындау үшін қызметтен шығарылған әскери қызметшілер тұрғылықты жері бойынша әскери бөлімдер мен мемлекеттік мекемелердің кадр бөлімшелеріне, жасақтау бөлімшелеріне, персоналмен жұмыс жөніндегі бөлімшелеріне Қазақстан Республикасы Үкіметінің 2013 жылғы 31 желтоқсандағы № 1500 қаулысымен бекітілген Әскери қызметшілерге, арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне, сондай-ақ арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдарға зейнетақы төлемдерін тағайындау және жүзеге асыру қағидаларына (бұдан әрі – Қағидалар) 1-қосымшаға сәйкес нысан бойынша Қағидалардың 7-тармағында көзделген құжаттарды қоса берумен зейнетақы төлемдерін тағайындау туралы өтініш береді.

      1998 жылғы 1 қаңтардағы жағдай бойынша 10 және одан көп еңбек сіңірген жылдары бар адамдар зейнетақы жинағының болуы немесе болмауы туралы мәліметтерді қосымша ұсынады.

      9. Есепке алу құжаттарын жүргізу жөніндегі жұмыс жүктелген әскери бөлімдер мен мемлекеттік мекемелердің лауазымды адамдары (бұдан әрі – лауазымды адам) одан әрі Орталыққа жолдау үшін осы Нұсқаулықтың 6-тармағында көрсетілген құжаттарды қоса берумен әскери қызметтен шығарылған әскери қызметшілердің зейнетақы істерін жинақтайды, сондай-ақ мынадай құжаттармен толықтырады:

      1) Қазақстан Республикасы Қорғаныс министрінің 2019 жылғы 17 қаңтардағы № 27 бұйрығымен (Нормативтік құқықтық актілерді мемлекеттік тіркеу тізілімінде № 18216 болып тіркелген) бекітілген Қазақстан Республикасы Қарулы Күштерінің әскери қызметшілеріне еңбек сіңірген жылдарын есептеуді ұйымдастыру жөніндегі нұсқаулыққа 1 – 4-қосымшаларға сәйкес нысан бойынша Орталық жасаған зейнетақыға еңбек сіңірген жылдарын есептеу түпнұсқасы;

      2) әскери қызметтен шығару туралы бұйрықтан үзінді;

      3) әскери бөлім командирінің (мемлекеттік мекеме басшысының) қызметтен шығарылуына байланысты жеке құрам тізімдерінен шығару туралы бұйрығынан үзінді;

      4) "Қазақстан Республикасының Қарулы Күштерінде әскери-дәрігерлік сараптама жүргізу қағидаларын және әскери-дәрігерлік сараптама комиссиялары туралы ережені бекіту туралы" Қазақстан Республикасы Қорғаныс министрінің 2020 жылғы 21 желтоқсандағы № 716 бұйрығына (Нормативтік құқықтық актілерді мемлекеттік тіркеу тізілімінде № 21869 болып тіркелген) сәйкес нысан бойынша әскери-дәрігерлік комиссия қорытындысының түпнұсқасы (әскери қызметші денсаулық жағдайы бойынша қызметтен шығарылған жағдайда);

      5) әскери қызметші ақшалай ризықта тұрған әскери бөлімнің қаржы бөлімшесі берген ақшалай аттестат (төлем санатын көрсетумен).

      Ақшалай аттестатта толық бір ай үшін ақшалай қамтылым айлықақысының мөлшері және әскери қызметші қай күнге дейін ақшалай ризықтың барлық түрлерімен қамтамасыз етілгені, сондай-ақ жүргізілген зейнетақы төлемдерінің болуы немесе болмауы туралы жазба көрсетіледі.

      10. Лауазымды адам қызметтен шығарылған әскери қызметшіні оның жасалған зейнетақы ісімен таныстырады және әскери қызметшіні бөлім жеке құрамының тізімдерінен шығарғаннан кейін бес жұмыс күні ішінде оны Орталыққа жолдайды.

      12. Жергілікті әскери басқару органдары осы Нұсқаулыққа 2-қосымшаға сәйкес нысан бойынша қызметтен шығарылған әскери қызметшілерді есепке алу кестесіне және осы Нұсқаулыққа 3-қосымшаға сәйкес нысан бойынша есепке алу карточкасына сәйкес зейнеткерлерді есепке алуды жүргізеді.

      13. Орталық осы Нұсқаулықтың 8-тармағында көрсетілген құжаттарды алғаннан кейін бес жұмыс күні ішінде зейнетақы ісін құрайды және зейнетақы төлемдерін тағайындауды жүргізеді.

      14. Қызметтен шығарылған әскери қызметшілерге зейнетақы төлемдерін Орталық мынадай тәртіппен тағайындайды:

      1) зейнетақы істері осы Нұсқаулыққа 4-қосымшаға сәйкес нысан бойынша зейнетақы істерінің тізілімінде тіркеледі, ол бойынша зейнетақы ісіне нөмір беріледі;

      2) зейнетақы төлемдерін тағайындау осы Нұсқаулыққа 5-қосымшаға сәйкес нысан бойынша зейнетақы төлемдерін есептеу бойынша жүргізіледі;

      3) жүргізілген тағайындау деректері Қағидаларға 4-қосымшаға сәйкес жеке іске тіркеу үшін бір данада 1-ҚК нысанынан үзіндіні жазып қалыптастырумен "Зейнетақы есебі" автоматтандырылған кіші жүйесіне енгізіледі;

      4) осы Нұсқаулыққа 6-қосымшаға сәйкес нысан бойынша зейнетақы куәлігі ресімделеді.

      "Әскери қызмет және әскери қызметшілердің мәртебесі туралы" Қазақстан Республикасының Заңы 23-бабының 1-тармағына сәйкес әскери қызметшіні әскери қызметтен шығару туралы лауазымды адамның бұйрығында көрсетілген әскери киім нысанын киіп жүру құқығы болған жағдайда зейнетақы куәлігінде тиісті белгі жасалады;

      5) осы Нұсқаулыққа 7-қосымшаға сәйкес нысан бойынша зейнетақы куәліктерін есепке алу және беру журналы бойынша осы Нұсқаулыққа 8-қосымшаға сәйкес нысан бойынша зейнетақы куәліктерін беру ведомосы ресімделеді.

      15. Зейнетақы куәлігі және оларды беруге ведомость ілеспе хатпен жергіәскери басқару органдарына жолданады.

      16. 1-ҚК нысанындағы үзінді "Зейнетақы есебі" автоматтандырылған кіші жүйесі арқылы "Азаматтарға арналған үкімет" мемлекеттік корпорациясына (бұдан әрі – Мемлекеттік корпорация) жолданады, ал үзінді қағаз түрінде жолданған жағдайда Қағидаларға 6-қосымшаға сәйкес 1-ВЛ нысанының хабарламасы ресімделеді.

      17. Орталық осы Нұсқаулықтың 8-тармағында көрсетілген толық емес, нақты емес немесе қайшы келетін мәліметтерді қамтитын құжаттар келіп түскен жағдайда, сондай-ақ өтініш иесінде оған құқықтың болмауына байланысты зейнетақы төлемін тағайындаудан бас тартылған жағдайда Орталыққа келіп түскен сәттен бастап үш жұмыс күні ішінде қайтару себебін жазбаша түсіндірумен зейнетақы істері тізілімінде белгі жасай отырып, құжаттарды әскери бөлімдер мен мемлекеттік мекемелердің кадр бөлімшелеріне, жасақтау бөлімшелеріне, персоналмен жұмыс жөніндегі бөлімшелеріне, жергілікті әскери басқару органдарына қайтарады.

      18. Зейнетақы тағайындау рәсімі аяқталғаннан кейін "Еңбек сіңірген жылдары үшін зейнетақы төлемдері тағайындалды" мөртаңбасы қойылған тігілген зейнеткерлік іс зейнеткерлік істерінің тізілімі бойынша Орталықтың архивіне одан әрі есепке алу және сақтау үшін беріледі.

3-тарау. Зейнетақы төлемдерін қайта есептеу, тоқтату, уақытша тоқтату және қайта төлеу

      19. Алушы зейнетақы төлемінің мөлшерін қайта есептету үшін Орталықтың мекенжайына бұдан бұрын әскери қызметшінің зейнетақы ісіне тіркелмеген оның еңбек қызметін немесе қызмет өткеруін, оның ішінде жеңілдік шарттарында қызмет өткеруін растайтын құжаттардың көшірмелерін, архивтік анықтамаларды ұсынған жағдайда зейнетақы төлемдерінің мөлшерін қайта есептеу және қосымша ақы төлеу Орталыққа растайтын құжаттар келіп түскен күннен бастап өтініш жасаған күннен бастап он жұмыс күні ішінде жүргізіледі.

      20. Еңбек сіңірген жылдары үшін зейнетақы төлем және (немесе) мемлекеттік базалық зейнетақы төлем (2016 жылғы 1 қаңтарға дейін тағайындалға) алушының дәрігерлік-әлеуметтік мекемеге (ұйымға) түсуі немесе шығуы туралы ақпарат алған жағдайда, Орталық мемлекеттік базалық зейнетақы төлемін тоқтата тұру (жаңғырту) және еңбек сіңірген жылдары үшін зейнетақы төлемінің мөлшерін белгілеу туралы шешім қабылдайды.

      Мемлекеттік корпорация хабардар ете отырып, зейнетақы төлемдері мынадай мәліметтер, оның ішінде мемлекеттік органдарының ақпараттық жүйелерден мәліметтер келіп түскен айдан кейінгі айдың бірінен бастап тоқтатылады:

      1) қайтыс болуы туралы;

      2) алушылардың тұрақты мекендеуге Қазақстан Республикасынан тысқары жерлерге шығу фактісінің анықталуы;

      3) алушыны хабарсыз кетті деп жариялау туралы;

      4) сыныптық шен, әскери (арнайы) атақ беріп, алушыны лауазымға тағайындаған күннен бастап мемлекеттік қызметке қабылдау туралы;

      5) жеке басын куәландыратын құжатының жарамдылық мерзімінің өтуі туралы (азаматтығы жоқ адамның куәлігі, шетелдіктің тұруға ықтиярхаты).

      Сондай-ақ зейнетақы төлемдері алушының осы Нұсқаулыққа 9-қосымшасына сәйкес нысан бойынша толтырылған еңбек сіңірген жылдары үшін зейнетақы төлемдерін тоқтату туралы өтінішімен тоқтатылады.

      21. Алушылардың Қазақстан Республикасынан тысқары жерлерге тұрақты тұрғылықты жерге кетуіне байланысты зейнетақыларды уақытша тоқтату үшін кету орны бойынша жергілікті басқару органдарына мынадай құжаттар ұсынылады:

      1) осы Нұсқаулыққа 9-қосымшаға сәйкес нысан бойынша зейнетақыларды уақытша тоқтату туралы өтініш;

      2) басқа елдердің уәкілетті органдарының зейнеткерлік ісін жіберу туралы сұрау салуы;

      3) мекенжайлық кету парағының (ішкі істер органдарында тіркеуден алу туралы) көшірмесі;

      4) зейнеткерінің зейнетақы куәлігі.

      Жергілікті басқару органдары осы Нұсқаулықтың осы тармағымен көзделген құжаттарды алғаннан кейін олар келіп түскен күннен бастап екі жұмыс күні ішінде оларды Орталыққа жолдайды.

      Орталық мынадай іс-шараларды жүзеге асырады:

      1) Мемлекеттік корпорацияға еңбек сіңірген жылдары үшін зейнетақы төлемдерін алушының тұрғылықты жері бойынша зейнетақы және әлеуметтік төлемдерді тоқтату туралы хабарламаны (1-Б/ҚК нысаны) және басқа елдердің уәкілетті органдарына зейнеткерлік (жеке) істі жіберуге ресми сұрау салуды ұсыну туралы сұрау салуды жолдайды;

      2) мемлекеттік құпияларды қорғау жөніндегі заңнаманың талаптарын ескере отырып, Қазақстан Республикасының тысқары жіберу мүмкіндігі туралы шешім қабылдау үшін тиесілігі бойынша офицерлер құрамының істерін Қазақстан Республикасы Қорғаныс министрлігінің Кадрлар департаментіне, қатардағы жауынгерлер және сержанттар құрамының істерін Қазақстан Республикасы Қарулы Күштері Бас штабының Ұйымдастыру-жұмылдыру жұмыстары департаментіне жолдайды.

      22. Төлемді тоқтатуға негіз болған мән-жайлар өзгерген кезде зейнетақы төлемдерін қайта төлеу үшін Қағидаларға 1-қосымшаға сәйкес нысан бойынша зейнетақы алушының өтініші негізінде Орталық тоқтатылған күннен бастап не қайта төлеу құқығы басталған сәттен бастап зейнетақы төлемін қайта бастайды.

      Төлемді тоқтатуға негіз болған мән-жайлар өзгерген кезде зейнетақы төлемдерін қайта төлеу үшін жаңа тұрғылықты жері бойынша жергілікті әскери басқару органдарына мынадай құжаттар ұсынылады:

      1) Қағидаларға 1-қосымшаға сәйкес нысан бойынша зейнетақы төлемдерін қайта бастау туралы өтініш;

      2) жеке басын куәландыратын құжаттардың көшірмелері (жеке куәлік, азаматтығы жоқ адамның куәлігі, шетелдіктің тұруға ықтиярхаты);

      3) банктік шоттың нөмірі туралы мәліметтер.

      23. Қазақстан Республикасы халықаралық келісімдер жасаған басқа елдерден Қазақстан Республикасына тұрақты тұруға келген алушылардың қоныс аударуына байланысты зейнетақы төлемдерін қайта төлеу үшін жаңа тұрғылықты жері бойынша жергілікті әскери басқару органдарына мынадай құжаттар ұсынылады:

      1) Қағидаларға 1-қосымшаға сәйкес нысан бойынша зейнетақы төлемдерін қайта бастау туралы өтініш;

      2) жеке басын куәландыратын құжаттардың көшірмелері (жеке куәлік, азаматтығы жоқ адамның куәлігі, шетелдіктің тұруға ықтиярхаты);

      3) банктік шоттың нөмірі туралы мәліметтер;

      4) көлемі 3х4 см фотосурет (2 дана);

      5) еңбек сіңірген жылдары үшін зейнетақы төлемдері тоқтатылған күнін көрсетумен зейнетақы төлеу жөніндегі уәкілетті органнан анықтама.

      23-1. 1998 жылғы 1 қаңтарға дейін еңбек сіңірген жылдары үшін зейнетақы төлемдеріне құқығын тіркеген адамдар зейнетақы төлемдерін қайта бастау үшін тұрғылықты жері бойынша жергілікті әскери басқару органдарына мынадай құжаттарды ұсынады:

      1) Қағидаларға 1-қосымшаға сәйкес нысан бойынша зейнетақы төлемдерін қайта бастау туралы өтінішті;

      2) жеке басын куәландыратын құжаттардың көшірмелерін (жеке куәлік, азаматтығы жоқ адамның куәлігі, шетелдіктің тұруға ықтиярхаты);

      3) еңбек сіңірген жылдары үшін зейнетақыға құқықты тіркеу туралы өтінішті;

      4) еңбек сіңірген жылдары үшін зейнетақыға құқықты тіркеу және оны тағайындау туралы анықтаманы, еңбек сіңірген жылдары үшін зейнетақыға есепті, зейнетақыға еңбек сіңірген жылдарының есебін;

      5) еңбек сіңірген жылдары үшін зейнетақыға құқығы тіркелген сәтте ақшалай қамтылым туралы анықтаманы;

      6) банктік шоттың нөмірі туралы мәліметтерді;

      7) көлемі 3х4 см фотосуретті (2 дана).

      Осы санаттағы адамдарға еңбек сіңірген жылдары үшін зейнетақы төлемдерін төлеуді қайта бастау Қағидаларға 1-қосымшаға сәйкес зейнетақыны қайта төлеуге өтініш берілген күннен бастап жүзеге асырылады.

      24. Қазақстан Республикасы халықаралық келісімдер жасасқан басқа елдерден Қазақстан Республикасына тұрақты тұруға келген зейнетақы төлемдерін алушылардың зейнеткерлік істерін басқа елдердің әскери комиссариаттары тұрақты тұрғылықты жерін тіркеу бойынша жергілікті әскери басқару органдарына жолдайды.

      25. Жергілікті әскери басқару органдары осы Нұсқаулықтың 23 және 23-1-тармақтарында көрсетілген құжаттарды және зейнетақы ісін алғаннан кейін олар келіп түскен күннен бастап екі жұмыс күні ішінде оларды Орталыққа жолдайды.

      26. Орталық зейнетақы төлемдерін қайта төлеуге немесе тоқтата тұруға құжаттарды алғаннан кейін мынадай құжаттарды ресімдейді және Мемлекеттік корпорацияға жолдайды:

      1) Қағидаларға 3-қосымшаға сәйкес 1-ҚК нысаны бойынша үзіндіні;

      2) Қағидаларға 2-қосымшаға сәйкес 1-ИУ нысаны бойынша үзіндіні;

      3) Қағидаларға 5-қосымшаға сәйкес 1-ҚК/1-арттыру нысаны бойынша үзіндіні;

      4) Қағидаларға 9-қосымшаға сәйкес 1-Б/ҚК нысаны бойынша хабарламаны;

      5) Қағидаларға 10-қосымшаға сәйкес 1-Б/ҚК/2 нысаны бойынша хабарламаны.

      27. Алушылар қайтыс болған немесе басқа да себептер бойынша зейнетақы төлемдері тоқтатылған жағдайда "Зейнетақы есебі" автоматтандырылған кіші жүйесіне тиісті өзгерістер енгізіледі. Зейнетақы ісінде "Қайтыс болды", "Оқу аяқталды", "Мемлекеттік корпорацияға ауысты", "Анықтағанға дейін" деген белгілер қойылады және ол есепке алу және сақтау үшін Орталықтың архивіне беріледі.

      28. Зейнетақы куәлігін және қосымша парақты жоғалтуға немесе жарамсыз болуына байланысты оны қайта алу немесе ауыстыру үшін алушылар тұрғылықты жері бойынша жергілікті әскери басқару органдарына мынадай құжаттарды ұсынады:

      1) өтінішті (еркін нысанда);

      2) жарамсыз болған құжатты, ол бар болған жағдайда;

      3) бұқаралық ақпарат құралдарына құжатты жоғалту және оны жарамсыз деп тану туралы хабарландыру беру туралы анықтаманы;

      4) көлемі 3х4 см фотосуретті (2 дана).

      ҚАЗАҚСТАН РЕСПУБЛИКАСЫ                  ҚОРҒАНЫС МИНИСТРЛІГІ

Зейнетақыға еңбек сіңірген жылдарын ЕСЕПТЕУ

      Ескерту. 1-қосымша алып тасталды – ҚР Қорғаныс министрінің 17.01.2019 № 27 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Қазақстан Республикасы Қорғаныс министрлігінің зейнеткерлерін есепке алу кестесі

Зейнеткердің есеп карточкасы

      20 __ ж. дейін сақталсын                                          _______________

      № ______ тармақ

      Мүк. № ________

Қазақстан Республикасы Қорғаныс министрлігі Зейнетақымен қамсыздандыру орталығы

      Зейнетақы істерінің тізілімі

      (№ _________ бастап № _________ дейін, _____ том)

      20 __ ж. "___" ___ басталды

      20 __ ж. "___" ___ аяқталды

      _____ парақта

      № АС - ___________ зейнеткерлік ісі

Зейнетақы төлемдеріне арналған есеп

      1. Тегі, аты, әкесінің аты (бар болса)_________________________________________________

      2. Лауазым санаты және жалақысы ____________________ , ________________________ теңге

      3. Әскери атағы және жалақысы ________________________ , ______________________ теңге

      4. Еңбек сіңірген жылдары _______ (күнтізбелік есептеуде ____ жыл, еңбек өтілі _____ жыл)

      5. Зейнетақы мөлшері _________________________ % _____________________________ теңге

      6. Зейнетақы 20 ___ ж. " _____ " ______ бастап тағайындалды

      7. Зейнетақы тағайындау үшін негіздеме: "Қазақстан Республикасында зейнетақымен

      қамсыздандыру туралы" Қазақстан Республикасы Заңының 64, 65-баптары.

      8. Зейнетақы мөлшерін айқындау: жаңа тағайындау ____________________________________

      ________________________________________________________________________________

      9. Өткен кезең үшін толық төлеу есебі: _______________________________________________

      ________________________________________________________________________________

      ________________________________________________________________________________

      ________________________________________________________________________________

      Жиыны: ______________ теңге.

      Базалық зейнетақы төлемі:

      ________________________________________________________________________________

      Жиыны ______________ теңге.

      ҚР ҚМ Зейнетақымен қамсыздандыру

      орталығының бастығы _______________

      М.О.                                          Қызмет бастығы ________________

      Қызмет маманы ________________

      20 ___ ж. "___"___________

      № ___________ зейнетақы куәлігі мен қосымша парақ жазып берілді.

      Ескерту. 6-қосымша жаңа редакцияда - ҚР Қорғаныс министрінің 09.12.2021 № 863 (алғашқы ресми жарияланған күнінен кейін күнтізбелік он күн өткен соң қолданысқа енгізіледі.) бұйрығымен.

      20 __ ж. дейін сақталсын ______________

      № ______ тармақ

      Мүк. № ________

Қазақстан Республикасы Қорғаныс министрлігінің Зейнетақымен қамсыздандыру орталығы

      Қосымша парағымен зейнеткер куәліктерін есепке алу және беру журналы

      20 __ ж. "___" ___ басталды

      20 __ ж. "___" ___ аяқталды

      _____ парақта

Қазақстан Республикасы Қорғаныс министрлігі зейнеткерінің куәлігін беру ведомосы

      Кімге: ___________________________________________

      ___________________________________________

      (өтініш иесінің Т.А.Ә.)

      ___________________________________________

      ___________________________________________

      тұратын ____________________________________

      тел: _______________________________________

      Еңбек сіңірген жылдары үшін зейнетақы төлемдерін тоқтату (уақытша тоқтатуға)

Өтініш

      Сізден__________________________________________________________________________

      ________________________________________________________________________________

      ________________________________________________________________________________

      (оқиғаның мән-жайы көрсетіледі)

      байланысты зейнетақыны және/немесе өтемақыны қайта жандандыруды (уақытша тоқтатуды)

      сұраймын.

      Өтінішке мынадай құжаттарды қоса беремін:

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      20___ ж. "______" ______                        Өтініш иесі __________ __________________

      (жылы)      (күні)      (айы)                                    қолы      (Т.А.Ә.(бар болса)