Ескерту. Күші жойылды – ҚР Ұлттық Банкі Басқармасының 29.01.2018 № 9 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      "Бағалы қағаздар рыногы туралы" 2003 жылғы 2 шілдедегі Қазақстан Республикасының Заңына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Мемлекеттік бағалы қағаздарға ұлттық сәйкестендіру нөмірлерін беру қағидалары бекітілсін.

      2. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Мемлекеттік бағалы қағаздарға ұлттық сәйкестендіру нөмірлерін беру ережесін бекіту туралы" 2008 жылғы 29 қазандағы № 158 қаулысының (Нормативтік құқықтық актілерін мемлекеттік тіркеу тізілімінде № 5393 тіркелген) күші жойылды деп танылсын.

      3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Мемлекеттік бағалы қағаздарға ұлттық сәйкестендіру
нөмірлерін беру қағидалары

      1. Осы Мемлекеттік бағалы қағаздарға ұлттық сәйкестендіру нөмірлерін беру қағидалары (бұдан әрі - Қағидалар) қаржы нарығын және қаржы ұйымдарын реттеу, бақылау мен қадағалау жөніндегі уәкілетті органның (бұдан әрі - уәкілетті орган) Қазақстан Республикасының Қаржы министрлігі, Қазақстан Республикасының Ұлттық Банкі және облыстардың, республикалық маңызы бар қалалардың, астананың жергілікті атқарушы органдары шығаратын мемлекеттік бағалы қағаздарға ұлттық сәйкестендіру нөмірлерін беру және мемлекеттік бағалы қағаздарға берілген ұлттық сәйкестендіру нөмірлерін есепке алу тәртібін айқындайды.

      2. Қағидаларда мынадай ұғымдар пайдаланылады:

      1) жауапты қызметкер - уәкiлеттi органның ұлттық сәйкестендіру нөмiрiн (ұлттық сәйкестендіру нөмiрлерiн) беруге жауапты қызметкерi;

      2) ұлттық сәйкестендіру нөмiрi (бұдан әрі - ҰСН) – уәкілетті орган эмиссиялық бағалы қағаздарға оларды сәйкестендіру және есепке алуды жүйелеу мақсатында беретін әріпті-цифрлық код;

      3) эмитент - Қазақстан Республикасының Қаржы министрлігі, Қазақстан Республикасының Ұлттық Банкі және облыстың, республикалық маңызы бар қаланың, астананың жергілікті атқарушы органы.

      3. Уәкілетті орган эмитент Қазақстан Республикасының азаматтық заңнамасына сәйкес шығарған мемлекеттік бағалы қағаздарға ҰСН береді.

      4. Қазақстан Республикасының Қаржы министрлiгi және Қазақстан Республикасының Ұлттық Банкі шығарған мемлекеттік бағалы қағаздарға ҰСН беруді уәкілетті орган шығарылым туралы мынадай мәліметтер бар ҰСН беру туралы электрондық сұраныс негiзiнде жүргізеді:

      1) мемлекеттiк бағалы қағаздардың түрi - олардың толық атауы (қысқаша атауы, аббревиатурасы);

      2) шығарылым валютасы;

      3) айналыс мерзiмi;

      4) эмитент пайдаланатын нөмiрлеуге сәйкес мемлекеттік бағалы қағаздар шығарылымының реттiк нөмiрi;

      5) болжанған орналастыру күні;

      6) орналастыру көлемі;

      7) өтеу күні.

      5. Жергілікті атқарушы органдар шығарған мемлекеттік бағалы қағаздарға ҰСН беруді уәкілетті орган эмитенттің еркiн нысанда жасалған және осы шығарылым туралы Қағидалардың 4-тармағының 1), 2), 3), 4), 5), 6), 7) тармақшаларында көрсетілген мәліметтер бар жазбаша сұранысы негiзiнде жүргізеді.

      6. Эмитент болжап отырған бiреуден астам шығарылымға, оның iшiнде белгiлi бiр уақыт кезеңінен бұрын Қағидалардың 4 және 5-тармақтарына сәйкес мемлекеттік бағалы қағаздарға ҰСН беруге бір сұраныс жасауға рұқсат беріледі.

      7. Жауапты қызметкер эмитенттің сұранысын алғаннан кейiн оның мына бөлiктерде жасалуының дұрыстығын тексередi:

      1) Қағидалардың 4-тармағына сәйкес сұраныста көрсетiлуге тиiстi мәлiметтердiң толықтығын;

      2) мемлекеттік бағалы қағаздардың тиісті шағарылымын көздейтін Қазақстан Республикасы Үкiметiнiң немесе Қазақстан Республикасы Ұлттық Банкiнiң нормативтік құқықтық актілеріне сәйкес мемлекеттiк бағалы қағаздар түрiне белгілеу көрсетудің дұрыстығын;

      3) мемлекеттiк бағалы қағаздардың болжанған шығарылымының реттiк нөмiрiнiң мемлекеттiк бағалы қағаздардың осы түрiнiң алдыңғы шығарылымдары туралы уәкілетті органда бар ақпаратқа сәйкес келуiн.

      8. Эмитенттің сұранысында көрсетілген мәліметтер Қағидалардың 4, 7-тармақтарының талаптарына сәйкес келген кезде уәкілетті орган ҰСН береді және сұранысқа электрондық не жазбаша жауап жібереді, онда мыналар болады:

      эмитент пайдаланатын нөмірлеуге сәйкес мемлекеттік бағалы қағаздар шығарылымының реттік нөмірі;

      ҰСН (егер ол берілсе);

      бас тарту себебі (егер ҰСН беруден бас тартылса).

      9. Уәкілетті орган эмитенттің ҰСН беруге сұранысын оны алған күннен бастап екі жұмыс күні ішінде қарайды (осы тармақтың екінші бөлігінде белгіленген жағдайды қоспағанда).

      Егер эмитент мемлекеттік бағалы қағаздарға алты және одан астам болжанған шығарылымдарына ҰСН беруге сұраныс жасалса, уәкілетті орган эмитенттің сұранысын алған күннен бастап үш жұмыс күні ішінде ҰСН береді.

      Уәкілетті орган мемлекеттік бағалы қағаздарға ҰСН беруді Қағидалардың 1-қосымшасында көзделген мемлекеттік бағалы қағаздарға ҰСН беру үлгісінде жүзеге асырады.

      Мемлекеттік бағалы қағаздардың ҰСН құру Қағидалардың 2-қосымшасына сәйкес жүзеге асырылады.

      Мемлекеттік бағалы қағаздардың ҰСН төртінші позициясын толған кезде мемлекеттік бағалы қағаздардың жекелеген түрлерінің кодтары пайдаланылады.

      Қазақстан Республикасының заңнамасына сәйкес Қазақстан Республикасының Қаржы министрлігі шығарған мемлекеттік бағалы қағаздардың кодтары Қағидалардың 3-қосымшасындағы 1-кестеде берілген.

      Қазақстан Республикасының заңнамасына сәйкес Қазақстан Республикасының Ұлттық Банкі шығарған мемлекеттік бағалы қағаздардың кодтары Қағидалардың 3-қосымшасындағы 2-кестеде берілген.

      Қазақстан Республикасының заңнамасына сәйкес Қазақстан Республикасының жергілікті атқарушы органдары шығарған мемлекеттік бағалы қағаздардың кодтары Қағидалардың 3-қосымшасындағы 3-кестеде берілген.

      ҰСН құру кезінде әріптік символдарды санмен ауыстыру Қағидалардың 4-қосымшасындағы кестеге сәйкес жүзеге асырылады.

      10. Мемлекеттік бағалы қағаздарға берілген ҰСН-нің есебін жүргізу мыналарды:

      1) эмитенттердің мемлекеттік бағалы қағаздарына берілген ҰСН тіркеудің электрондық деректер базасы түріндегі электрондық журналын (бұдан әрі - электрондық журнал);

      2) облыстардың, республикалық маңызы бар қалалардың, астананың жергілікті атқарушы органдарының мемлекеттік бағалы қағаздарына ҰСН беру мәселелері бойынша хат-хабар алмасу файлдарын (бұдан әрі - хат-хабар алмасу файлдары) жүргізу жолымен жүзеге асырылады.

      11. Электрондық журналға мынадай мәліметтер енгізіледі:

      1) ҰСН беру туралы өтінімді тіркеу күні;

      2) ҰСН берілген мемлекеттік бағалы қағаздар эмитентінің атауы;

      3) ҰСН беруге сұрату нөмірі;

      4) ҰСН беруге сұрату күні;

      5) ҰСН берілген мемлекеттік бағалы қағаздар шығарылымының реттік нөмірін эмитент қолданатын нөмірлеуге сәйкес сандық белгілеуі;

      6) ҰСН берілген мемлекеттік бағалы қағаздардың түрі;

      7) берілген ҰСН;

      8) жауапты қызметкердің тегі, аты, бар болса әкесінің аты.

      12. ҰСН иелену күні электрондық журналға енгізілетін берілген мемлекеттік бағалы қағаздардың ҰСН туралы ақпарат.

      13. Жергілікті атқарушы органдардың мемлекеттік бағалы қағаздарына ҰСН беру бойынша құжаттар хат-хабар алмасу файлдарына хронологиялық тәртiппен тiгiледi. Хат-хабар алмасу файлдарына енгізілген құжаттардың барлық парақтары төменгі оң жақ бұрышында нөмірленеді. Хат-хабар алмасу файлдары аяқталғаннан кейін онда бар құжаттардың тізімдемесі енгізіледі.

Мемлекеттік бағалы қағаздарға
ұлттық сәйкестендіру нөмірін
беру үлгісі

      Берілді (үлгінің шарттары):

      Қазақстан Республикасының Қаржы министрлігі алты ай айналыс мерзімімен мемлекеттік қысқа мерзімді қазыналық міндеттемелерін (бұдан әрі - МЕККАМ) айналысқа шығарады; шығарылымның реттік нөмірі – 123.

      1-қадам:

      Нәтижесінде осы эмиссияның МЕККАМ ұлттық сәйкестендіру нөмірі (ҰСН он екінші позициясындағы бақылаусыз цифрлар) былайша көрініс табады:

      2-қадам:

      Қағидалардың 4-қосымшасындағы кестеге сәйкес әріптік символдарды күндермен ауыстыру:

      3-қадам:

      Алынған күндік қатар цифрларын (оның оң жағынан бастап) коэффициентке көбейту: "2" - ҰСН реттік емес позициясында тұрған цифрлар үшін, немесе "1" - ҰСН реттік позициясында тұрған цифрлар үшін:

      Күндік қатар (3-қадамның орындалу нәтижесі):

      көбейту коэффициенттері:

      көбейту нәтижесі:

      4-қадам:

      3-қадамды орындау нәтижесінде алынған қатардың цифрларын қосу:

      5-қадам:

      4-қадамды орындау нәтижесінде алынған сома "0"-ге аяқталмайтындықтан, осы сомадан асып отырған және он есенің барынша төменгісі болып табылатын күн анықталады. 62 сомасы үшін осындай күн 70 болып табылады. Тиісінше, бақылау цифры 8-ге тең (70 - 62).

      Осы эмиссияның мемлекеттік бағалы қағаздарының толық ұлттық сәйкестендіру нөмірі мынаған тең:

Мемлекеттік бағалы қағаздардың ұлттық
сәйкестендіру нөмірін құру

      Ескерту. 2-қосымша жаңа редакцияда - ҚР Ұлттық Банкі Басқармасының 30.05.2016 № 128 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) қаулысымен.

      1. Мемлекеттік бағалы қағаздардың ҰСН құру үшін араб цифрлары және латын әліпбиінің жазба (бас) әріптері ("I" және "О" әріптерінен басқа) пайдаланылады.

      2. ҰСН-ға тыныс белгісімен бөлінбеген, қатарынан он екі символ (солдан оңға санаумен) кіреді және мына үш бөліктен тұрады:

      1) ҰСН-ның бірінші және екінші позицияларында орналасқан символдар эмитент елінің екі әріпті кодын білдіреді (Қазақстан Республикасы үшін "КZ" коды пайдаланылады);

      2) ҰСН-ның үшінші, төртінші, бесінші, алтыншы, жетінші, сегізінші тоғызыншы, оныншы және он бірінші позицияларында орналасқан символдар осы қосымшаның 3, 4, 5, 6, 7, 8 және 9-тармақтарына сәйкес жасалған негізгі нөмірлер болып табылады;

      3) ҰСН-ның он екінші позицияда орналасқан символ осы қосымшаның 10-тармағына сәйкес есептелетін бақылау цифры болып табылады.

      3. ҰСН-ның үшінші позициясында орналасқан символ мемлекеттік бағалы қағаздардың кодын білдіреді:

      1) "К" - Қазақстан Республикасы Қаржы министрлігі;

      2) "W" - Қазақстан Республикасының Ұлттық Банкі;

      3) "А" - Алматы қаласының жергілікті атқарушы органы;

      4) "Z" - Астана қаласының жергілікті атқарушы органы;

      5) "М" - облыстардың жергілікті атқарушы органдары.

      4. ҰСН-ның төртінші позициясында орналасқан символ мемлекеттік бағалы қағаздардың кодын білдіреді:

      1) "1" символы - шығарылым талаптарында олардың номиналды құнын және олар бойынша төленетін сыйақыны индекстеу көзделмейтін құжатсыздандырылған дисконттық және дисконттық-купондық бағалы қағаздар;

      2) "2" символы - шығарылым талаптарында олардың номиналды құнын және олар бойынша төленетін сыйақыны индекстеу көзделмейтін құжатсыздандырылған дисконттық және дисконттық-купондық бағалы қағаздар;

      3) "3" символы - шығарылым талаптарында олардың номиналды құнын және олар бойынша көрсеткішке төленетін сыйақыны ішінара немесе толық индекстеу көзделетін құжатсыздандырылған дисконттық және дисконттық-купондық бағалы қағаздар;

      4) "4" символы - шығарылым талаптарында олардың номиналды құнын және олар бойынша көрсеткішке төленетін сыйақыны ішінара немесе толық индекстеу көзделетін құжатсыздандырылған купондық бағалы қағаздар;

      5) "5" символы - шығарылым талаптарында олардың номиналды құнын және олар бойынша төленетін сыйақыны индекстеу көзделмейтін құжаттандырылған дисконттық және дисконттық-купондық бағалы қағаздар;

      6) "6" символы - шығарылым талаптарында олардың номиналды құнын және олар бойынша төленетін сыйақыны индекстеу көзделмейтін құжаттандырылған купондық бағалы қағаздар;

      7) "7" символы - шығарылым талаптарында олардың номиналды құнын және олар бойынша көрсеткішке төленетін сыйақыны ішінара немесе толық индекстеу көзделетін құжаттандырылған дисконттық және дисконттық-купондық бағалы қағаздар;

      8) "8" символы - шығарылым талаптарында олардың номиналды құнын және олар бойынша көрсеткішке төленетін сыйақыны ішінара немесе толық индекстеу көзделетін құжаттандырылған купондық бағалы қағаздар;

      9) "9" символы - Қазақстан Республикасы азаматтарының салымдарына өтемақы төлеу мақсатында шығарылған құжатсыздандырылған купондық бағалы қағаздар;

      10) "А" символы - орналастырылуы мен өтелуі номиналды құны бойынша жүзеге асырылатын құжатсыздандырылған купондық бағалы қағаздар, бұл ретте айналыс мерзімі ішінде индекстелген купон деп аталатын сыйақы төленеді;

      11) "В" символы - орналастырылуы мен өтелуі номиналды құны бойынша жүзеге асырылатын құжатсыздандырылған купондық бағалы қағаздар, бұл ретте айналыс мерзімі ішінде индекстелген купон деп аталатын сыйақы төленеді;

      12) "С" символы - орналастырылуы мен өтелуі номиналды құны бойынша жүзеге асырылатын құжатсыздандырылған купондық бағалы қағаздар, бұл ретте айналыс мерзімі ішінде индекстелген купон деп аталатын сыйақы төленеді;

      13) "D" символы - орналастырылуы мен өтелуі номиналды құны бойынша жүзеге асырылатын құжатсыздандырылған купондық бағалы қағаздар, бұл ретте айналыс мерзімі ішінде орналастыру кезінде айқындалатын, купон деп аталатын сыйақы төленеді;

      14) "Е" символы - республикалық маңызы бар қалалардың, астананың жергілікті атқарушы органдарының орта мерзімді бағалы қағаздары;

      15) "F" символы - республикалық маңызы бар қалалардың, астананың жергілікті атқарушы органдарының ұзақ мерзімді бағалы қағаздары;

      16) "G" символы - республикалық маңызы бар қалалардың, астананың жергілікті атқарушы органдарының орта мерзімді индекстелген бағалы қағаздары;

      17) "Н" символы - республикалық маңызы бар қалалардың, астананың жергілікті атқарушы органдарының ұзақ мерзімді индекстелген бағалы қағаздары;

      18) "J" символы - облыстардың, республикалық маңызы бар қалалардың, астананың жергілікті атқарушы органдарының мемлекеттік және үкіметтік бағдарламаларды іске асыру шеңберінде тұрғын үй құрылысын қаржыландыру үшін ішкі нарықта айналысқа жіберу үшін шығаратын мемлекеттік бағалы қағаздары.

      5. ҰСН төртінші позициясын толтыру кезінде пайдаланылатын мемлекеттік бағалы қағаздардың жекелеген түрлерінің кодтары Қағидалардың 3-қосымшасындағы 1, 2 және 3-кестелерде берілген.

      Мемлекеттік бағалы қағаздардың жаңа түрі шығарылған жағдайда жауапты қызметкер мемлекеттік бағалы қағаздар түрлерінің анықтамалығына тиісті өзгерістерді енгізеді. Бұл ретте ҰСН төртінші позициясының коды болып символ - алдыңғылардан кейінгі латын әліпбиінің жазба (бас) әріптері ("I" және "О" әріптерінен басқа) пайдаланылады.

      6. ҰСН-ның бесінші позициясында орналасқан символ шығарылымның валютасын білдіреді:

      1) "К" - қазақстандық теңге;

      2) "U" - АҚШ доллары;

      3) "Е" - еуро.

      7. ҰСН-ның алтыншы позициясында орналасқан символ мемлекеттік бағалы қағаздардың айналыс мерзімінің өлшем бірлігін білдіреді:

      1) "Ү" - жылдар;

      2) "М" - айлар;

      3) "W" - апталар;

      4) "D" - күндер.

      8. ҰСН-ның жетінші және сегізінші позицияларында орналасқан символдар мемлекеттік бағалы қағаздардың тиісті өлшем бірлігіндегі айналыс мерзімін білдіреді.

      Егер айналыс мерзімі оннан төмен тиісті өлшем бірлігін құраса, онда ҰСН-ның жетінші позициясында "0" (нөл) символы көрсетіледі.

      9. ҰСН-ның тоғызыншы, оныншы және он бірінші позицияларында орналасқан символдар мемлекеттік бағалы қағаздар шығарылымының уәкілетті орган пайдаланатын нөмірлеуге сәйкес реттік нөмірін білдіреді.

      Егер шығарылымның реттік нөмірі жүзден кем болса, он да ҰСН-ның тоғызыншы позициясында "0" (нөл) символы көрсетіледі.

      Егер шығарылымның реттік нөмірі оннан кем болса, онда оныншы позицияда (ҰСН-ның тоғызыншы позициясындағы "0" символына қосымша) "0" (нөл) символы көрсетіледі.

      Егер шығарылымның реттік нөмірі тоғыз жүз тоқсан тоғыздан асып кетсе, онда оның бірінші цифры көрсетілмейді.

      10. Бақылау цифры мынадай түрде есептеледі:

      1-қадам: осы қосымшаның 2-тармағының 1) тармақшасына, 3, 4, 5, 6, 7, 8 және 9-тармақтарына сәйкес ҰСН-ның алғашқы он бір позициялары толтырылады;

      2-қадам: ҰСН-ның позицияларында орналасқан әріптік символдар Қағидалардың 4-қосымшасына сәйкес сандармен ауыстырылады;

      3-қадам: алынған сандық қатардағы (оның оң жақ шетінен бастап) әрбір цифр мына коэффициентке көбейтіледі: "2" - ҰСН-ның тақ позицияларында орналасқан цифрлар үшін немесе "1" - ҰСН-ның жұп позицияларында орналасқан цифрлар үшін;

      4-қадам: 3-қадамды орындау нәтижесінде алынған цифрлар қатары қосылады;

      5-қадам: егер 4-қадамды орындау нәтижесінде алынған сома "0" болып аяқталса, онда бақылау цифры "0" болып табылады. Керісінше жағдайда, 4-қадамды орындау нәтижесінде алынған соманы осы сомадан асатын және он еселінің ең төменгісі болып табылатын саннан шегеру нәтижесі бақылау цифры болып табылады.

      1-кесте

Қазақстан Республикасының заңнамасына сәйкес
Қазақстан Республикасының Қаржы министрлігі шығарған
мемлекеттік бағалы қағаздар кодтары

      Ескерту. 3-қосымша жаңа редакцияда - ҚР Ұлттық Банкі Басқармасының 30.05.2016 № 128 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) қаулысымен.

      2-кесте

Қазақстан Республикасының заңнамасына сәйкес Қазақстан
Республикасының Ұлттық Банкі шығарған мемлекеттік бағалы
қағаздар кодтары

      3-кесте

Қазақстан Республикасының заңнамасына сәйкес
Қазақстан Республикасының жергілікті атқарушы органдары
шығарған мемлекеттік бағалы қағаздар кодтары

      кесте

Әріптік символдарды сандармен ауыстыру