Ескерту. Күші жойылды - Алматы облысы әкімдігінің 16.02.2026 № 17 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      РҚАО ескертпесі.
      Құжаттың мәтінінде түпнұсқаның пунктуациясы мен орфографиясы сақталған.

      Қазақстан Республикасының 2003 жылғы 9 шілдедегі Су Кодексінің 39-бабына және 116-бабының 2-тармағына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 27-бабына және Қазақстан Республикасы Үкіметінің 2004 жылғы 16 қантардағы "Су қорғау аймақтары және белдеулерін белгілеу Ережесін бекіту туралы" N 42 қаулысына сәйкес облыс әкімдігі ҚАУЛЫ ЕТЕДІ:

      1. Облыс әкімдігінің 2009 жылғы 12 мамырдағы "Алматы облысының әкімшілік шекарасындағы Балқаш, Алакөл көлінің, Қапшағай су қоймасының, Іле өзенінің, 2 - су электр станциясының, 3 - су электр станциясының, 4 - су электр станциясының құрылысын Қаратал өзенінің учаскелерінде су қорғау аймақтары мен белдеулерін белгілеу және оларды шаруашылыққа пайдалану тәртібі туралы" N 93 қаулысына (2009 жылдың 12 маусымдағы нормативтік құқықтық актілерді тіркеу Тізілімінде 2032 тіркелген және 2009 жылдың 30 маусымдағы N 74 "Жетісу", 2009 жылдың 30 маусымдағы N 73 "Огни Алатау" газеттерінде жарияланған) келесі толықтыру және өзгерістер енгізілсін:

      аталған қаулының 1-тармағы келесі тармақшамен толықтырылсын:

      6) Балқаш жылу-электростанциясы Үлкен ауылының аймағына Балқаш көлінің шекарасындағы жер учаскесін су қорғау аймақтары мен белдеулерін белгілеу жөніндегі жұмыс жобасы.

      Аталған қаулымен бекітілген 2 қосымшадағы кестенің:

      1-тармағының 3-бағанасындағы "1000" саны "50-1000" санына ауыстырылсын;

      1-тармағының 4-бағанасындағы "100" саны "50-100" санына ауыстырылсын.

      2. Алматы облысының жер қатынастары басқармасы (Ғ.Қ. Тоқпеисов) Қазақстан Республикасы Өңірлік даму министірлігі жер ресурстарын басқару комитетінің "Жер кадастры ғылыми - өндірістік орталығы" Республикалық мемлекеттік кәсіпорнының шаруашылық жүргізу құқығындағы Алматы облысының филиалымен (А.Н. Нұрқанов келісім бойынша) бірлесе отырып, бекітілген жұмыс жобаларға сәйкес су қорғау аймақтары мен белдеулерінің шекарасын картографиялық материалдарға түсірсін және жер-есепке алу құжаттарына өзгертулер енгізсін.

      3. Осы қаулының орындалуын бақылау облыс әкімінің орынбасары Т. Досымбековке жүктелсін.

      4. Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күннен кейін күнтізбелік он күн өткен соң қолданысқа енгізіледі.

      31 желтоқсан 2013 жыл