Ескерту. Күші жойылды - ҚР Премьер-Министрінің орынбасары - ҚР Индустрия және жаңа технологиялар министрінің 06.05.2014 № 157 бұйрығымен.

      «Әкімшілік рәсімдер туралы» Қазақстан Республикасы Заңының 9-1-бабының 4-тармағын іске асыру мақсатында БҰЙЫРАМЫН:
      1. Қоса беріліп отырған «Электр энергетикасы объектілерін және (немесе) оның жекелеген бөліктерін меншік нысанына қарамастан сатып алу-сату, жалға немесе сенімді басқаруға беруге келісу» мемлекеттік қызмет көрсету регламенті бекітілсін.
      2. Қазақстан Республикасы Индустрия және жаңа технологиялар министрлігінің Электр энергетикасы және көмір өнеркәсібі департаменті (Ж.Қ. Бөкенбаев):
      1)осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін;
      2) осы бұйрықтың мемлекеттік тіркелгеннен кейін оның ресми жариялануын қамтамасыз етсін.
      3. Осы бұйрықтың орындалуын бақылау Индустрия және жаңа технологиялар вице-министрі Б.М. Жақсалиевке жүктелсін.
      4. Осы бұйрық оның алғашқы ресми жарияланған күнінен бастап  қолданысқа енгізіледі.

      Министрдің
      міндетін аткарушы                           A. Paу

Қазақстан Республикасы 
Индустрия және жаңа  
технологиялар министрінің
міндетін атқарушысының 
2012 жылғы 5 қазандағы 
№ 363 бұйрығымен    
бекітілген      

«Электр энергетикасы объектілерін және (немесе) оның жекелеген
бөліктерін меншік нысанына қарамастан сатып алу-сату, жалға
немесе сенімді басқаруға беруге келісу» мемлекеттік қызмет
көрсету регламенті

1. Жалпы ережелер

      1. Осы «Электр энергетикасының объектілерін және (немесе) оның жекелеген бөліктерін меншік нысанына қарамастан сатып алу-сату, жалға немесе сенімді басқаруға беруге келісу» мемлекеттік қызмет көрсету регламенті (бұдан әрі - регламент) «Әкімшілік рәсімдер туралы» Қазақстан Республикасының Заңы 9-1-бабының 4-тармағына сәйкес әзірленді.
      2. «Электр энергетикасы объектілерін және (немесе) оның жекелеген бөліктерін меншік нысанына қарамастан сатып алу-сату, жалға немесе сенімді басқаруға беруге келісу» мемлекеттік қызметін (бұдан әрі - мемлекеттік қызмет) Қазақстан Республикасы Индустрия және жаңа технологиялар министрлігі (бұдан әрі - Министрлік) көрсетеді.
      3. Көрсетілетін мемлекеттік қызметтің нысаны: автоматтандырылмаған.
      4. Мемлекеттік қызмет:
      «Электр энергетикасы туралы» Қазақстан Республикасының Заңының 22-бабының 4-тармағы;
      Қазақстан Республикасы Үкіметінің 2012 жылғы 31 тамыздағы № 1133 қаулысымен бекітілген «Электр энергетикасы объектілерін және (немесе) оның жекелеген бөліктерін меншік нысанына қарамастан сатып алу-сату, жалға немесе сенімді басқаруға беруге келісу» мемлекеттік қызмет стандарты (бұдан әрі - Мемлекеттік қызмет стандарты) негізінде көрсетіледі.
      5. Көрсетілетін мемлекеттік қызметтің нәтижесі:
      келісу хатты жіберу (беру);
      құжаттардың толық емес пакетін ұсынғаны туралы хабарлама (бұдан әрі - хабарлама) болып табылады.
      6. Мемлекеттік қызметті көрсету үдерісінде басқа мемлекеттік органдардың қатысуы көзделмеген.

2. Мемлекеттік қызметті көрсету тәртібіне қойылатын талаптар

      7. Мемлекеттік қызмет Астана қаласы, Есіл ауданы, Қабанбай батыр даңғылы, 47, «Транспорт Тауэр» ғимараты мекенжайы бойынша демалыс күндер мен мереке күндерінен басқа, жұмыс күндері сағат 9.00-ден бастап 18.30-ға дейін, түскі үзіліс сағат 13.00-ден 14.30-ға дейін көрсетіледі.
      8. Құжаттарды қабылдау кезек күту тәртібімен, алдын ала жазылусыз және жеделдетілген қызмет көрсетусіз жүзеге асырылады.
      9. Мемлекеттік қызмет көрсету тәртібі туралы ақпарат Қазақстан Республикасы Индустрия және жаңа технологиялар министрлігінің интернет-ресурсында: www.mint.gov.kz орналасады.
      10. Мемлекеттік қызмет көрсету мерзімдері Мемлекеттік қызмет стандартының 7-тармағында белгіленген.
      11. Мемлекеттік қызмет тегін көрсетіледі.
      12. Мемлекеттік қызметті алу үшін мемлекеттік қызметті алушы (немесе сенімхаты бар өкіл) Мемлекеттік қызмет стандартының 11-тармағында белгіленген құжаттардың тізбесін Министрлікке ұсынады.

3. Мемлекеттік қызмет көрсету үдерісіндегі іс-әрекеттер (өзара
іс-қимыл) тәртібінің сипаттамасы

      13. Құжаттарды қабылдау Министрлікте осы регламенттің 6-тармағында көрсетілген мекенжай бойынша кеңсе арқылы № 2117 каб. жүргізіледі, байланыс тел. 8 (7172) 24-04-75, 24-04-76.
      14. Мемлекеттік қызмет көрсету кезеңдері:
      1) қабылданған құжаттарды Министрлік кеңсесінің маманы тіркеуден өткізеді;
      2) тіркелген құжаттар Министрліктің жауапты құрылымдық бөлімшесін анықтаумен бұрыштама қол қою үшін вице-министрге жіберіледі;
      3) вице-министрдің бұрыштамасы бар құжаттар Министрліктің жауапты құрылымдық бөлімшесіне жіберіледі;
      4) Министрліктің жауапты құрылымдық бөлімшесінің (бұдан әрі - Департамент) директоры қабылданған құжаттарды қарастыру үшін орындаушыны анықтайды;
      5) орындаушы:
      ұсынылған құжаттарды қарастырады;
      келісу хатты немесе хабарламаны ресімдейді;
      6) ресімделген келісу-хаттың немесе хабарламаның көшірмесіне Департамент директор бұрыштама қол қояды;
      7) фирмалық бланкідегі келісу-хатқа немесе хабарламаға Министрліктің вице-министрі қол қояды;
      8) келісу хат немесе хабарлама құжаттар пакетімен мемлекеттік қызметті алушыға қолына немесе почта байланысы арқылы беру (жіберу) үшін кеңсеге жіберіледі.
      15. Мемлекеттік қызметті көрсету үдерісінде келесі құрылымдық-функционалдық бірліктер (бұдан әрі - ҚФБ) іске қосылған:
      1) Министрліктің вице-министрі
      2) Департамент директоры
      3) Департаменттің орындаушысы
      4) Министрлік кеңсесінің қызметкері.
      16. Әр әкімшілік іс-қимылдың (рәсімдердің) орындалу мерзімі көрсетілген әр ҚФБ-нің әкімшілік іс-қимылдардың (рәсімдердің) бірізділігі мен өзара іс-әрекетінің мәтіндік сипаттамасы осы регламенттың 1-қосымшасында келтірілген.
      17. Функционалдық өзара іс-қимыл диаграммасы осы регламенттің 2-қосымшасында келтірілген.

«Электр энергетикасы объектілерін   
және (немесе) оның жекелеген бөліктерін
меншік нысанына қарамастан сатып    
алу-сату, жалға немесе сенімді    
басқаруға беруге келісу» мемлекеттік 
қызмет регламентіне         
1-қосымша             

1-кесте. ҚФБ іс-кимылының сипаттамасы

ҚФБ кезектілігінің сипаттамасы және әкімшілік іс-қимыллардың
(рәсімдердің) өзара әрекеттесуі

      кестенің жалғасы

2-кесте. Пайдалану нұсқалары

Негізгі процесс — мемлекеттік қызметті көрсету туралы шешімді
бекіткен жағдайда

3-кесте. Пайдалану нұсқалары

Балама процесс - ұсынылған құжаттарды қайтарған жағдайда

«Электр энергетикасы объектілерін   
және (немесе) оның жекелеген бөліктерін
меншік нысанына қарамастан сатып    
алу-сату, жалға немесе сенімді    
басқаруға беруге келісу» мемлекеттік 
қызмет регламентіне         
2-қосымша             

Функционалдық өзара іс-қимыл диаграммасы