Ескерту. Күші жойылды - ҚР Ұлттық Банкі Басқармасының 30.05.2016 № 126 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      «Қазақстан Республикасының Ұлттық Банкі туралы» 1995 жылғы 30 наурыздағы Қазақстан Республикасының Заңына сәйкес және Қазақстан Республикасы Ұлттық қорының активтерін сыртқы басқарушыларды таңдау тәртібін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
      1. Қазақстан Республикасының Ұлттық Банкі Басқармасының «Қазақстан Республикасы Ұлттық қорының активтерін сыртқы басқарушыларды таңдау ережесін бекіту туралы» 2006 жылғы 25 шілдедегі№ 66 қаулысына (Нормативтік құқықтық актілерді мемлекеттік тіркеу тізілімінде № 4360 тіркелген) мынадай өзгерістер мен толықтырулар енгізілсін:
      көрсетілген қаулымен бекітілген Қазақстан Республикасы Ұлттық қорының активтерін сыртқы басқарушыларды таңдау ережесінде:
      мынадай мазмұндағы 4-1-тармақпен толықтырылсын:
      «4-1. Бас ұйым - еншілес ұйымдар акцияларының бақылау пакетіне ие компания.»;
      15-тармақ мынадай редакцияда жазылсын:
      «15. Активтерді сыртқы немесе сыртқы транзиттік басқаруға беру қажеттілігі туралы шешімді уәкілетті бөлімшенің ұсынысы бойынша не Төрағаның немесе Төрағаның уәкілетті бөлімшеге жетекшілік жасайтын Орынбасарының тапсырмасына сәйкес Өкілетті өкіл немесе Төраға немесе Төрағаның уәкілетті бөлімшеге жетекшілік ететін Орынбасары қабылдайды.»;
      16-тармақтың бірінші абзацы мынадай редакцияда жазылсын:
      «16. Уәкілетті бөлімше Ұлттық Банктің халықаралық Интернет желісіндегі интернет-ресурсында сыртқы басқарушыны таңдау бойынша алда болатын тендер туралы ақпарат жариялайды, әлеуетті сыртқы басқарушылардың тізімін жасайды, осы ақпаратты әлеуетті сыртқы басқарушыларға жібереді. Алда болатын тендер туралы ақпаратта мыналар болады:»;
      18-тармақ мынадай редакцияда жазылсын:
      «18. Әлеуетті сыртқы басқарушылар осы Ережеге 1-қосымшаға сәйкес сұратылатын ақпаратқа жауаптарды электрондық түрде және/немесе қағазға басып ұсынады.»;
      19-1-тармақтың бірінші абзацы мынадай редакцияда жазылсын:
      «19-1. Бір сыртқы басқарушыға берілетін активтердің көлемі 300 (үш жүз) миллион АҚШ доллары баламасынан асатын мандаттар үшін міндетті критерийлер:»;
      19-2-тармақта:
      бірінші абзац мынадай редакцияда жазылсын:
      «19-2. Бір сыртқы басқарушыға берілетін активтердің көлемі 300 (үш жүз) миллион АҚШ доллары баламасынан аспайтын мамандандырылған мандаттар үшін міндетті критерийлер:»;
      2) тармақша мынадай редакцияда жазылсын:
      «2) басқарудағы активтердің мөлшері: клиенттердің басқарудағы жиынтық активтерінің мөлшері кемінде 1 (бір) миллиард АҚШ доллары болуы тиіс балама құралдар мандаттары бойынша сыртқы басқарушыларды қоспағанда, сыртқы басқарушының басқаруында клиенттердің кемінде 3 (үш) миллиард АҚШ долларына балама жиынтық активтері болуы тиіс;»;
      22-тармақ мынадай редакцияда жазылсын:
      «22. Уәкілетті бөлімше дайындаған, сыртқы басқару жөніндегі ұсыныстарды салыстырмалы талдаудан және сыртқы басқарушыны таңдау жөніндегі ұсынымдардан тұратын қорытынды қарау нәтижесі бойынша сыртқы басқарушылардың неғұрлым тиімді ұсыныстарын (қысқа тізім - short list) бекітетін Өкілетті өкілдің қарауына беріледі. Уәкілетті бөлімше қысқа тізімдегі әлеуетті сыртқы басқарушылармен ұсыныстардың талаптарын жақсарту мақсатында келіссөздер жүргізеді.»;
      мынадай мазмұндағы 23-1-тармақпен толықтырылсын:
      «23-1. Әрбір сыртқы басқарушы Ұлттық Банк Басқармасының шешімімен не Өкілетті өкілдің Ұлттық Банк пен тиісті сыртқы басқарушы арасында активтерді сыртқы басқаруға беру туралы келісім жасауды көздейтін шешімімен бекітіледі.»;
      24-тармақ мынадай редакцияда жазылсын:
      «24. Ұлттық Банк Басқармасы не Өкілетті өкіл сыртқы басқарушыны бекіткеннен кейін уәкілетті бөлімше тендердің әрбір қатысушысына тендердің қорытындысы туралы хабарлама ұсынады.»;
      мынадай мазмұндағы 24-1-тармақпен толықтырылсын:
      «24-1. Сыртқы транзиттік басқарушыны таңдау тендер өткізілместен жүзеге асырылады. Сыртқы транзиттік басқарушыны Өкілетті өкіл бекітеді.»;
      26-тармақта:
      бірінші бөлікте:
      8) тармақша мынадай редакцияда жазылсын:
      «8) сыртқы басқарушы тарапынан болған ұқыпсыз қарау, міндеттемелерді қасақана орындамау немесе алаяқтық салдарынан Қорға келтірілуі мүмкін шығындар үшін жауапкершілік туралы;»;
      11) тармақшаның оныншы абзацы мынадай редакцияда жазылсын:
      «мандаттың активтік түрі үшін әртүрлі факторлардың портфельдің кірістілігіне (performance attribution report) әрбір тоқсанның және жылдың соңына кезеңділікпен салымы;»;
      14) және 15) тармақшалар алып тасталсын;
      екінші бөлік мынадай редакцияда жазылсын:
      «Сыртқы басқарушының ұсынысын қараудың міндетті талабы оның осы тармақтың талаптарын сыртқы басқару бойынша келісімге қосу жөніндегі растауы болып табылады.»;
      29-тармақ мынадай редакцияда жазылсын:
      «29. Активтерді сыртқы басқаруға беру кезінде активтерді бір түрден басқасына аудару бойынша өтпелі кезең (transition period) ескерілуі мүмкін. Өтпелі кезеңнің ұзақтығы 15 (он бес) жұмыс күнінен аспауы тиіс.»;
      мынадай мазмұндағы 37-тармақпен толықтырылсын:
      «37. Сыртқы басқарушымен келісім:
      1) сыртқы басқарушы сыртқы басқарудағы портфельді басқару бойынша эталондық портфельмен салыстырғанда үстеме кірістілікке қол жеткізбеген жағдайда;
      2) келісім талаптары бұзылған жағдайда;
      3) Қордың инвестициялау стратегиясы өзгерген жағдайда;
      4) Өкілетті өкілдің, Ұлттық Банк Басқармасының, Төрағасының немесе Төрағаның уәкілетті бөлімшеге жетекшілік ететін Орынбасарының шешімі бойынша бұзылады.»;
      1-қосымшада:
      5-тармақ мынадай редакцияда жазылсын:
      «5. Инвестициялық үдерістің, портфельді басқару әдістерінің, нарықты зерттеудің толық сипаты, қаржылық ақпараттың пайдаланылатын көздері немесе қаржы құралдарын бағалаудың модельдері.»;
      7-тармақ мынадай редакцияда жазылсын:
      «7. Тәуекелдерді бақылау және басқару бойынша мамандандырылған бағдарламалық қамтамасыз етудің болуы.»;
      9-тармақ алып тасталсын;
      10-тармақ мынадай редакцияда жазылсын:
      «10. Бухгалтерлік және талдау есептіліктерінде қолданылатын кірістілікті, тәуекелді есептеу үшін пайдаланылатын бағдарламалық қамтамасыз етудің сипаты.»;
      15-тармақ мынадай редакцияда жазылсын:
      «15. Клиенттер үшін ұсынылатын тренингтің талаптары.»;
      16-тармақ мынадай редакцияда жазылсын:
      «16. Басқару үшін комиссияның болжамды деңгейі туралы ақпарат.»;
      18-тармақ алып тасталсын;
      2-қосымша осы қаулының 1-қосымшасына сәйкес редакцияда жазылсын;
      3-қосымшада:
      3-тармақ алып тасталсын;
      4-тармақ мынадай редакцияда жазылсын:
      «4. Бас ұйымның және/немесе сыртқы басқарушының кредиттік рейтингісін бағалау кезінде мынадай көрсеткіштер жүйесі пайдаланылады:

                                           »;
      5-тармақ алып тасталсын;
      4-қосымша осы қаулының 2-қосымшасына сәйкес редакцияда жазылсын.
      2. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күнтізбелік күн өткен соң қолданысқа енгізіледі.

      Ұлттық Банк
      Төрағасы                                          Г. Марченко

      "Келісілді"
      Қазақстан Республикасы
      Қаржы министрлігі
      Министр ____ Б.Жәмішев
      2011 жылғы 23 мамыр

Қазақстан Республикасының 
Ұлттық Банкі Басқармасының
2011 жылғы 29 сәуірдегі  
№ 46 қаулысына     
1-қосымша        

«Қазақстан Республикасы  
Ұлттық қорының активтерін 
сыртқы басқарушыларды таңдау
ережесіне        
2-қосымша        

Сыртқы басқарушылардың ұсыныстарын салыстырмалы талдау үшін бағалау критерийлері

Қазақстан Республикасының 
Ұлттық Банкі Басқармасының
2011 жылғы 29 сәуірдегі 
№ 46 қаулысына     
2-қосымша       

«Қазақстан Республикасы  
Ұлттық қорының активтерін 
сыртқы басқарушыларды таңдау
ережесіне         
4-қосымша         

Сыртқы басқарушының жұмыс тиімділігін бағалау көрсеткіштері

      Сыртқы басқарушының жұмысын бағалау кезінде субъективтілікті болдырмау үшін сыртқы басқарушыларға сандық және сапалық көрсеткіштерге сәйкес бағалау және балл қою негізгі мақсат болып табылады.
      Сандық көрсеткіштер:
      Ақпараттық коэффициент (Information ration).    

      Сапалық көрсеткіштер
      1) Қызметкерлерді жылжыту (Staff turnover);

      2) Операциялық тәуекел (Operational risk).
      Операциялық қате салдарынан инвестициялық шектеулерді бұзудың әрбір фактісі үшін бағадан 0,2 балл алынады;
      3) Іскерлік этиканы сақтау (compliance with a Code of Business Ethics). Сыртқы басқарушының іскерлік этиканы бұзуының әрбір фактісі үшін бағадан 0,5 балл алынады.».