Ескерту. Күші жойылды - Павлодар облысы Май аудандық әкімдігінің 2012.06.21 N 185/6 қаулысымен.

      Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 быбның 1 тармағының 18) тармақшасына, 2002 жылғы 10 шілдедегі "Ветеринария туралы" Заңының 10 бабының 2 тармағының 9) тармақшасына сәйкес, Май ауданының бас малдәрігері инспекторының 2009 жылғы 30 тамыздағы N 705 ұсынысы негізінде және Қазан селолық округінің аумағында ірі қара малдан бруцеллез ауруының тіркелуіне байланысты аудан әкімдігі ҚАУЛЫ ЕТЕДІ:
      1. Қазан селолық округінде бруцеллез ауруына шектеу қойылсын.
      2. Қазан селолық округінің әкімі М.Қ.Күлетовке, селолық округтің малдәрігерлік инспекторы М.Мусинге (келісім бойынша) бруцеллез ауруын жою бойынша іс-шараларды орындау жүктелсін.
      3. Осы қаулы алғаш ресми жарияланған күннен кейін 10 күнтізбелік күн өткеннен соң қолданысқа енгізіледі.
      4. Осы қаулының орындалуын бақылауды өзіме қалдырамын.

      Аудан әкімінің
      міндетін атқарушы                          Т. Сарин

      "Келісілді"
      ҚР АШМ АӨК МИК Май аудандық аумақтық
      инспекциясының бастығы
      2009 ж. 7 қыркүйектегі                     Н. Жұмабаев