Мемлекет басшысының 2005 жылғы 18 ақпандағы "Қазақстан экономикалық, әлеуметтік, саяси жедел жаңару жолында" Қазақстан халқына  Жолдауын icкe асыру мақсатында Қазақстан Республикасының Үкіметі  ҚАУЛЫ ЕТЕДІ:

      1. Қоса беріліп отырған Мәдениет саласын дамытудың 2006-2008 жылдарға арналған бағдарламасы (бұдан әрі - Бағдарлама) бекітілсін.

      2. Орталық атқарушы органдар:
      1) Бағдарламаны іске асыру жөнінде шаралар қабылдасын;
      2) жыл сайын жарты жылдықтың қорытындылары бойынша 1 шілдеге және 1 желтоқсанға Қазақстан Республикасы Мәдениет және ақпарат министрлігіне Бағдарламаның іске асырылу барысы туралы ақпарат ұсынсын.
       Ескерту. 2-тармаққа өзгерту енгізілді - ҚР Үкіметінің 2006.12.23. N  1260 қаулысымен.

      3. Жергілікті атқарушы органдардың басшыларына бip ай мерзімде мәдениет саласын дамыту жөніндегі өңірлік бағдарламаларды бекіту және жергілікті бюджеттерде оларды іске асыру үшін қажетті қаражат көздеу ұсынылсын.

      4. Қазақстан Республикасы Мәдениет және ақпарат министрлігі Қазақстан Республикасының Үкіметіне жыл сайын жарты   жылдықтың қорытындылары бойынша 10 шілдеге және 10 желтоқсанға Бағдарламаның іске асырылу барысы туралы жиынтық ақпараттың ұсынылуын қамтамасыз етсін.
       Ескерту. 4-тармаққа өзгерту енгізілді - ҚР Үкіметінің 2006.12.23. N  1260 қаулысымен.

      5. Осы қаулының орындалу барысын бақылау Қазақстан Республикасы Премьер-Министрінің орынбасары Е.Т.Орынбаевқа жүктелсін.
       Ескерту. 5-тармаққа өзгерту енгізілді - ҚР Үкіметінің 2006.12.23. N  1260 , 2008.03.11.  N 234 Қаулыларымен.

      6. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі

                                          Қазақстан Республикасы
                                                Үкіметінің
                                         2005 жылғы 24 қарашадағы
                                             N 1161 қаулысымен
                                                бекітілген

                   Мәдениет саласын дамытудың
            2006-2008 жылдарға арналған бағдарламасы

                           Мазмұны:

1.   Мәдениет саласын дамытудың 2006-2008 жылдарға арналған  бағдарламасының паспорты
2.  Кіріспе
3.  Мәдениет пен өнердің қазіргі жай-күйін талдау
4.  Бағдарламаның мақсаты және міндеттері
5.  Негізгі бағыттары мен іске асыру тетігі
5.1. Нормативтік құқықтық базаны жетілдіру
5.2. Сала инфрақұрылымын дамыту және мәдениет объектілерін басқару нысандарын жетілдіру
5.3. Кадрлармен қамтамасыз ету және біліктілікті арттыру
5.4. Өнерді және дарынды тұлғалардың қызметтерін дамыту үшін жағдай жасау
5.5. Халықаралық ынтымақтастық және қазақстан өнеріндегі үздік жетістіктердің шет елдердегі тұcaукеcepi
5.6. Материалдық-техникалық қамтамасыз ету
5.7. Саланы ақпараттық қамтамасыз ету
6.  Қажетті ресурстар және қаржыландыру көздері
7.  Бағдарламаны іске асырудан күтілетін нәтиже
8.  Бағдарламаны iске асыру жөніндегі ic-шаралар жоспары

                  1. Бағдарламаның паспорты

Бағдарламаның атауы       Мәдениет саласын дамытудың 2006-2008
                          жылдарға арналған бағдарламасы

Әзірлеу үшін негіздеме    Қазақстан Республикасы Үкіметінің 2005
                          жылғы 5 наурыздағы N 210  қаулысымен
                          бекітілген Мемлекет басшысының "Қазақстан
                          экономикалық, әлеуметтік және саяси жедел
                          жаңару жолында" атты Қазақстан халқына
                          2005 жылғы 18 ақпандағы Жолдауын іске
                          асыру жөніндегі жалпыұлттық жоспардың
                          ic-шараларын орындаудың желілік
                          кестесінің 20.1-тармағы; Қазақстан
                          Республикасы Үкіметінің 2003 жылғы 5
                          қыркүйектегі N 903  Қаулысымен бекітілген
                          Қазақстан Республикасы Үкіметінің
                          2003-2006 жылдарға арналған бағдарламасын
                          іске асыру жөніндегі ic-шаралар
                          жоспарының 6.5.14-тармағы

Бағдарламаны әзірлеуші    Қазақстан Республикасы Мәдениет және                                 ақпарат министрлігі                

Бағдарламаның мақсаты     Қазіргі уақыттағы мәдениетті дамыту және
                          классикалық және халықтық өнердің озық
                          дәстүрлерін сақтау үшін жағдай жасау,
                          әлемдік мәдени кеңістікке ықпалдасу

Міндеттері                Нормативтік құқықтық базаны жетілдіру;
                          сала инфрақұрылымын дамыту және мәдениет
                          объектілерін басқару нысандарын жетілдіру;
                          кадрлармен қамтамасыз ету және
                          біліктілікті арттыру;
                          өнерді және дарынды тұлғалардың
                          қызметтерін дамыту үшін жағдай жасау;
                          халықаралық ынтымақтастық және қазақстан
                          өнерінің үздік жетістіктерінің шет
                          елдердегі тұсаукесері;
                          материалдық-техникалық қамтамасыз ету;
                          ақпараттық қамтамасыз ету

Іске асыру мерзімі        2006-2008 жылдар

Қажетті ресурстар         2006-2008 жылдарда Бағдарламаны іске
және қаржыландыру         асыруға республикалық бюджет қаражаты
көздері                   бағытталған. Республикалық бюджеттен
                          жалпы шығындар 6 954,5 млн.теңгені, оның
                          ішінде 2006 жылы - 1 503, 0 млн. теңгені,
                          2007 жылы - 2 831,8 млн.теңгені, 2008
                          жылы - 2 619,7 млн.теңгені құрайды.
                          2007-2008 жылдарға арналған шығыстар
                          көлемі тиісті қаржы жылына арналған
                          "Республикалық бюджет туралы" Қазақстан
                          Республикасының Заңына сәйкес анықталатын
                          (нақтыланатын) болады.

Бағдарламаны іске асыру-  Бағдарламаны іске асыру нәтижесінде:
дан күтілетін нәтиже      мәдениет саласында халықты қызметтермен
                          қамтамасыз ететін тұрақты жұмыс істейтін
                          және үнемі дамып отыратын жүйе
                          қалыптасады;
                          саланы басқару жөніндегі мемлекеттік
                          тетік қазіргі заманғы, бүгінгі күн
                          мәдениетінің серпінді процестерін
                          дамытуға қабілетті етіп өзгертіледі;
                          2006 - 2008 жылдары:
                          драма театрларында 110 жаңа қойылым және
                          концерттік ұйымдарда концерттік
                          бағдарламалар жүзеге асырылады
                          жүзеге асырылады;
                          ұлттық және әлемдік классиканың және
                          Қазақстан композиторлары туындыларының 6
                          операсы, 7 балеті қойылады;
                          республикалық концерттік ұйымдардың
                          Қазақстанның қалалары мен аудандарына 68
                          гастрольдық сапарлары өткізіледі;
                          мыналар өткізіледі:
                          3 халықаралық театр және 3 кинофестиваль,
                          халықаралық балет әртістері, вокалистер,
                          пианистер конкурстары;
                          патриоттық ән конкурстары;
                          республикалық дәстүрлі орындаушылар
                          конкурстары (2006, 2008 жылдар);
                          Бұдан басқа Қытайдың Ұлттық
                          кітапханасында Қазақстанның Мәдениет
                          орталығы ұйымдастырылады (2006 жыл);
                          Бағдарламаны іске асыру кезеңінде
                          нормативтік құқықтық кесімдер
                          әзірленеді, мәдениет объектілері
                          жөндеуден өткізіледі, 157 мұражайдың
                          200-ден астам экспонаттары қайта
                          жаңартылады, мемлекеттік мұражайлар өнер
                          туындыларының 700 бірлігін сатып алады
                          және республикалық мұражайлар қорлары
                          50%-ға қайта жарақтандырылады.
       Ескерту. 1-бөлімге өзгерту енгізілді - ҚР Үкіметінің 2006.12.23. N  1260 , 2008.03.11.  N 234 Қаулыларымен.

  2. Кіріспе

      Мәдениет саласын дамытудың 2006-2008 жылдарға арналған бағдарламасы (бұдан әpi - Бағдарлама) Қазақстан Республикасы Үкіметінің 2005 жылғы 5 наурыздағы N 210  қаулысымен бекітілген Мемлекет басшысының "Қазақстан экономикалық, әлеуметтік және саяси жедел жаңару жолында" атты Қазақстан халқына 2005 жылғы 18 ақпандағы  Жолдауын іске асыру жөніндегі жалпыұлттық жоспардың ic-шараларын орындаудың желілік кестесінің 20.1-тармағына және Қазақстан Республикасы Үкіметінің 2003 жылғы 5 қыркүйектегі N 903  қаулысымен бекітілген Қазақстан Республикасы Үкіметінің 2003-2006 жылдарға арналған бағдарламасын іске асыру жөніндегі ic-шаралар жоспарының 6.5.14-тармағына сәйкес әзірленді.
      Рухани және материалдық мәдениетті сақтау және қалпына келтіру жөніндегі жұмыс бағдарламалық құралдар мен әдістерді, пәрменді ұйымдастыру және қаржылық қолдауды талап етеді. Қоғам мен мемлекеттің күш-жігерін арнайы ұйымдастырылған және мақсатқа бағытталған процеске біріктіру мәдени күйзелістің қауіпті аймағын бейтараптандыруға, әлеуметтік-мәдени кеңістіктің тұтастығын қалпына келтіруге, мемлекеттік және қоғамдық құрылыстың шынайы өнімді түрлері мен нысандарын әзірлеуге мүмкіндік береді.
      Осы Бағдарлама мемлекет пен қоғам өміріндегі мәдениеттің түпкілікті маңыздылығынан туындап отыр. Бұл ретте мәдениет зайырлы демократиялық мемлекеттің тыныс-тіршілігі жағдайында халықтың адамгершілік бағдарларын сақтау міндетін мойнына алып, ол мемлекеттік және қоғамдық өмірдің барлық салаларына әсер ететін рухани құндылықтардың тұтас жүйесі ретінде қарастырылады.
      Бағдарламаны іске асыру халықтың барлық жіктерінің отандық және әлемдік мәдениет туындыларына қол жетімділігін қамтамасыз етуге жәрдем етеді, Қазақстан халықтарының тарихи-мәдени мұрасын сақтауға, шет елдерде Қазақстан мәдениетінің жоғары беделін қолдауға ықпал етеді.

  3. Мәдениет пен өнердің қазіргі жай-күйін талдау

      Қазақстандағы әлеуметтік-мәдени қайта құрулар кезеңінде мәдениет пен өнер саласындағы мемлекеттік саясаттың негізгі мақсаты қалыптасқан мәдени кеңістік құрылымын сақтау және жаңа экономикалық қарым-қатынастарға кешу жағдайында оны оңтайландыру болды.
      Қазақстан Республикасы Статистика агенттігінің деректері бойынша бүгінгі күні елде 48 театр, 62 концерттік ұйым, 3539 кітапхана, 154 мемлекеттік мұражай, 8 тарихи-мәдени қорық-мұражай, 2259 клуб түріндегі мекеме, 42 луна-парк пен демалыс саябақтары, 4 хайуанаттар паркі жұмыс істейді.
      1996-1998 жылдардағы саланың құлдырауынан кейін Қазақстанда Мәдениет жылы болып жарияланған 2000 жылдан бастап саладағы ахуал елеулі жақсарғанын айта кету керек. Соңғы 5 жылда мәдениет мекемелерінің жұмысында оң үрдістер байқалды.
      Театрлар саны 4 бірлікке өсті. Театрлардың жалпы санының 47-i (97,9%) мемлекеттік, 1-eуi жеке меншік нысанында. Театр өнері әр түрлі   бейіндерінде жұмыс істейтін ұжымдар болып табылады, олар: 2 опера және балет, 33 драма, 4 музыкалық комедия, 4 жасөспірімдер, 5 қуыршақ театрлары.
      Қазақстанда 73 тұрақты кинотеатр және 266 жылжымалы әpi стационарлық кино қондырғылары бар. 2003 жылмен салыстырғанда олардың санының өcуi тиісінше 49,3%-ды және 81,2%-ды құрады. Кино көрсетілімдерінің санын салыстыру 2001 жылдан бастап сеанстар орта есеппен 32,8%-ға өскендігін көрсетеді. Балалар сеанстарында кино көpceтiлiмдepi үздіксіз өсуде.
      Соңғы жылдары концерттік залдардың инфрақұрылымы айтарлықтай өзгерді, олардың сыйымдылығы артты, яғни 2005 жылдың басында 18477 орынды құрап отыр, ол 2003 жылмен салыстырғанда 21,9%-ға артық. Қазақстанның концерттік ұйымдары сондай-ақ мемлекеттік (79%) және жеке меншік (21%) нысанында. Жыл сайын орта есеппен филармония концерттерінің саны 56%-ға, олардағы тыңдаушылардың саны 10%-ға өсіп отыр.
      2001 жылдан бастап жұмыс icтеп тұрған мұражайлар саны жылына орта есеппен 17,3%-ға өсті. Елдегі мұражайлардың, жалпы санының көп бөлігі (89,8%) мемлекеттік, қалғаны - жеке меншік нысанда. Ауылдық жерде 67 (40,4%) мұражай жұмыс істейді. Соңғы 2 жылда мұражайлар қорлары құнды экспонаттардың үштен бip бөлігіне толықты.
      Халықтың білім деңгейінің артуымен біргe библиографиялық ақпаратқа деген сұраныс өciп отыр, бұл кітапхана пайдаланушылары санының (2002 жылдан бастап орта есеппен жыл сайын 2,3%-ға) үздіксіз өсуіне, сондай-ақ оларды техникалық қамтамасыз етуге
(46,4%-ы дербес компьютерлермен жарақталды) әкеліп отыр. Соңғы жыл ішінде кітапханалар саны 77 бірлікке өcтi. Кітапханалардың жалпы санының 2900-i (81,9%) - ауылдық жерлерде орналасқан. Елдің кітапхана қоры 115,4 млн. бірлікті құрайды.
      Жыл сайын клуб тектес мекемелердің желісі (орта есеппен 9,1%) кеңейе түсуде. 2002 жылмен салыстырғанда клуб тектес мекемелердің саны 20%-ға өсті және 2004 жылы 2259 бірлікке жетті, олардың неғұрлым көп бөлігі ауылдық жерлерде орналасқан. 2001 жылдан бастап клубтардың белсенділігі үздіксіз өсуде, 2003 жылмен салыстырғанда клуб ұжымдары өткізген ic-шаралар саны 5,3%-ға артты, ic-шаралардың жалпы санының үштен бipi балаларға арналған ic-шаралардың үлесіне келеді.
      2004 жылы Қазақстанда 9420 көркемөнерпаздар ұжымы жұмыс істеді, олардың 7053 (74,9%) - ауылдық жерлерде. Көркемөнерпаздар ұжымдары негізінен хор, вокал (26,6% )  және хореографиялық (23,5%) болып табылады. Ұжымдық көркемөнерпаздар шығармашылығының жұмысына 125,2 мың адам қатысты.
      2004-2006 жылдарға арналған "Мәдени мұра" мемлекеттік бағдарламасын іске асыру мақсатында мемлекеттің Ұлттық тарихы үшін ерекше маңызы бар тарихи-мәдени ескерткіштер қайта жаңартылуда. Қазіргі уақытта Қазақстан Республикасы Үкіметінің 2004 жылғы 12 ақпандағы N 171  қаулысымен бекітілген ic-шаралар жоспары іске асырылып жатыр. Облыс әкімдіктері тарихи-мәдени мұраны сақтаудың өңірлік бағдарламаларын іске асыруда. Қазақстан тарихының атаулы оқиғаларына арналған тарихи және этнографиялық бейіндегі мемлекеттік мұражайлардың, мемориалдардың тарамдалған желісі құрылды.
      Өткен уақыт аралығында жұмыс iстеп тұрған ғылыми-зерттеу және қалпына келтіру базаларын, тарихи-мәдени қорық-мұражайларын сақтау және мәдени мұра ескерткіштерін насихаттау, оларды туризм инфрақұрылымы жүйесіне енгізу жөнінде белгілі бip шаралар қабылданған.
      Ежелгі қолжазбаларды, кітаптар мен басқа да деректерді сақтауды қамтамасыз ету үшін Қазақстан Республикасының Ұлттық кітапханасы жанынан Ұлттық кітап раритеттерін анықтау және сатып алу, сондай-ақ кітаптар мен ежелгі қолжазбаларды қалпына келтіру жөніндегі орталық құрылды.
      Президенттің 2003 жылғы 20 тамыздағы N 838 Жарлығымен бекітілген Ауылдық аумақтарды дамытудың мемлекеттік бағдарламасын icкe асыру жөніндегі ic-шаралар жоспарының шеңберінде ауылдық елді мекендерді мәдениет объектілерімен қамтамасыз ету нормативтерін бекітетін нормативтік құқықтық кeciмнің жобасы әзірленді.
      Саланың нормативтік құқықтық базасын жетілдіру жөніндегі жұмыстар жүргізілуде. Қазақстан Республикасының " Мәдениет туралы ", " Тарихи-мәдени мұраны қорғау және пайдалану туралы ", " Ұлттық мұрағат қоры және мұрағаттар туралы " заңдары қолданылып жүр. Қазіргі уақытта мұражай құндылықтарын есепке алу және сақтау мәселелерін реттейтін нормативтік құқықтық кесімдер дайындалуда.
      Ұлттық кинематографияны дамытуға назар аударылып, қазақ халқының тарихына арналған ipi киножобалар жүзеге асырылуда. Фильмдерді жасауға AҚШ-тың, Қытайдың, Францияның, Ресейдің және басқа да елдердің кинематографистерi қатысады. Ш.Айманов атындағы "Қазақфильм" ұлттық компаниясының киностудиясында кино өндірісінің әлемдік стандарттарына сәйкес жаңа цехтар мен бөлімдер құрылды, жаңа кино жабдықтары сатып алынды. 420-дан астам жұмыс орындары ұйымдастырылды, жаңа кәсіптер игерілді.
      Астана қаласы мәдениетінің инфрақұрылымы кеңейтілуде. Бұрын ашылған екі театрға қосымша К.Бәйсейітова атындағы Ұлттық опера және балет театры жұмыс icтейді, Президенттің мәдениет орталығы, Қазақстан Республикасының Ұлттық академиялық кітапханасы салынды және іске қосылды. Қазіргі уақытта Мемлекеттік циркті ашу және Бейбітшілік және келісім сарайын салу жөніндегі жұмыстар жүргізіліп жатыр.
      Отандық авторларды көркемдігі жоғары туындылар жасауға тарту, сондай-ақ өнерді дамыту процесін қолдау мақсатында жыл сайын "Астана-Бәйтерек" ұлттық конкурсы өткізіледі.
      Халықаралық мәдени байланыстар дұрыс жолға қойылған және табысты жұмыс істеуде. 49 таяу және алыс шет елдермен және халықаралық ұйымдармен мәдениет саласындағы ынтымақтастық туралы келісімдерге қол қойылды.
      Екі ел халықтарының мәдениетін өзара байыту мен жақындастырудың қосымша көздері болып табылған Ресейдегі Қазақстан жылы, Қазақстандағы Ресей жылы өткізілді. 2004 жылы өткен TYPКIСОЙ Тұрақты Кеңесі XXI отырысы, Шанхай Ынтымақтастық Ұйымдарына мүше мемлекеттердің мәдениет министрлерінің II жұмыс бабындағы кездесуінің өткізілуі қазіргі заманғы Қазақстан өміріндегі маңызды оқиға болды.
      Тұтастай алғанда Қазақстан мәдениетінің жай-күйін тұрақты, он факторларды орнықтыруға, жаңа эстетикалық нысандарды меңгеруге деген үрдісі бар деп бағалауға болады.
      Алайда мәдениет саласындағы бүгінгі ахуал жаңа бағдарламалық, көзқарасты талап етеді. Қолданыстағы заңнама мәдениет ұйымдарының, соның ішінде мемлекеттік емес меншіктегілердің қызметін толық түрде реттеу мен регламенттеуге мүмкіндік бермейді. Мәдениет саласын реттейтін заңнамалық базаны одан әрі жетілдіру мақсатында«"Мәдениет туралы" Қазақстан Республикасының Заңы жобасының жаңа редакциясы әзірленді және Қазақстан Республикасы Парламентінің қарауына енгізілді.
      Сондай-ақ саланың одан әрі дамуын тежейтін басқа мәселелерге мыналар жатады:
      1) шығармашылық көшбасшылардың, жаңа тұрпаттағы басқару кадрлары мен арт-менеджерлердің тапшылығы;
      2) кадрларды даярлау және қайта даярлау;
      3) жабдықтардың қазіргі заман талаптарына жауап бермейтіндей тозуы;
      4) кәсіптердің, оның ішінде қоғамдық мәртебесінің мәдениет пен өнер қызметкерлерін әлеуметтік қорғаудың әлсіздігіне орай төмендеуі;
      5) мемлекеттік емес сектордың нашар дамуы.
      Қазақстанның театрлары қаржылық тұрғыдан жеткілікті қамтамасыз етілмегендіктен, репертуарларын жаңа пьесалармен және көркем аудармалармен толықтыру мүмкіндігінен айырылып отыр. Елімізде ұлттық фильмдерді кең көлемде және жүйелі түрде көрсету қолға алынбаған.
      Мәдениет мекемелерінің жеткіліксіз қаржыланғандығынан және материалдық-техникалық базасының әлсіздігінен халықтың мәдени қажеттілігі мен оларды қанағаттандыру мүмкіндіктері арасындағы алшақтық өсе түсуде. Бұл әcipece ауылда байқалады. Оңтайландыру жылдары көптеген мәдениет объектілері жекешелендірілді немесе жабылып қалды. Кітапханалардың бір бөлігі кітап қорын жоғалтқан, ал сақталып қалғандары мектептерге берілген. Қайта ашылған ауылдық кітапханалар қорларында 500-ден 1000 данаға дейін бар.
      Республикада жиырма жылдан астам уақыттан бepi мәдениет ұйымдары үшін үлгі ғимараттар салынған жоқ. Қазіргі уақытта көптеген өңірлерде олар лайықталған үй-жайлар - мектептерде, ауылдық әкімдіктерде және т.б. орналасқан. Клуб түріндегі мәдениет мекемелері eдәуip тозған. Клуб ғимараттарының жалпы санының 671-i күрделі жөндеуді қажет етеді, 101-i авариялық жағдайда. Кітапхана ғимараттарының жалпы санының 326-сы күрделі жөндеуді қажет етсе, 39-ы авариялық жағдайда. 100-ге жуық мұражайлардың ғимараттары күрделі жөндеуді және қайта құруды қажет етеді. Ауыл мәдениетінің мұқтажына көлік, жабдықтар мен техникалық құралдарды сатып алуды мақсатты түрде қаржыландыру ic жүзінде тоқтатылды.
      Саладағы біршама оң үрдістерге қарамастан, мәдениет пен өнерді мемлекет тарапынан серпінді қолдау, ынталандырулар мен көтермелеулердің жаға жүйесін құру, қазақстан мәдениетін репрезентациялау ісінде қоғамдық сектордың, үкіметтік емес ұйымдардың рөлін арттыру, әдебиет пен өнер, кино саласындағы жаңғыртуға, арт-менеджментті дайындауға арналған бағытты анықтау қажет. Шет елдер тәжірибесін зерделеу мемлекеттік тапсырысты енгізу, мәдениет патронажының анық және ұтымды құрылымын жасау, гранттар алуға конкурстар өткізу, мәдениет мекемелеріне келісім-шарт жүйесін, мәдени саясаттың жоспарлы мониторингін енгізу қажеттілігін меңзеп отыр. Сондай-ақ, мемлекет өнерді көптеген елдердің мәдени саясатын іске асыруда бүгінгі күні пайдаланылып жүрген өнер жөніндегі кеңестер - буферлік үкіметтік емес ұйымдар арқылы қаржыландыратын кездегі әлемдік практиканы пайдалануға болады. Бұл жағдайда мемлекет қаражат бөлуге араласпайды, саясаткерлер мен қызметкерлердің ақшалай қаражатты тікелей бөлуден алыста болуы үшін, шығармашылық тұлғалар саяси қысымнан немесе цензуралық араласудан қорғалуы үшін Кеңес жауап береді.
      Жергілікті ic-шараларды өткізуге мүмкіндік беретін өнердің кейбір дарынды өкілдеріне, оның ішінде жастарға қолдау көрсететін Қазақстанда туындап жатқан жеке және корпоративтік меценаттық және қайырымдылық мемлекет тарапынан назар аударуды талап етеді.
      Мәдениет саласындағы мемлекеттік саясаттың өзекті міндеттерін шешу кешенді тұрғыдан келуді, саланы жаңғырту мен мәдениетті дамытудың жалпы әлемдік процестеріне қосуға бағытталған шараларды қабылдауды, барлық жұмыстарды 2006-2008 жылдар кезеңіне есептелген Бағдарлама шеңберінде ic-шаралар жүйесін міндеттері, мерзімі, ресурстары және орындаушылары бойынша қазіргі заманға сай ұйымдастыруды талап етеді. Осыған байланысты саланы дамыту, мәдени ортаны қалыптастыру жөніндегі басты стратегиялық бағыттарды көрсететін және алға қойылған мақсаттарға қол жеткізу жөніндегі ic-шаралар кешенін қамтитын неғұрлым басымдық берілген міндеттерді шешуге бағытталған бірқатар өзара байланысты шараларды қабылдау аса өзекті мәселе болып табылады.

  4. Бағдарламаның мақсаты мен міндеттері

      Бағдарламаның мақсаты қазіргі уақыттағы мәдениетті дамыту әpi классикалық және халықтық өнердің озық дәстүрлерін сақтау үшін жағдай жасау, әлемдік мәдени кеңістікке ықпалдасу болып табылады.
      Бағдарламаның негізгі міндеттері мыналар болып табылады:
      нормативтік құқықтық базаны жетілдіру;
      саланың инфрақұрылымын дамыту және мәдениет объектілерін басқару нысандарын жетілдіру;
      кадрлармен қамтамасыз ету және біліктілікті арттыру;
      өнерді және дарынды тұлғалардың қызметтерін дамыту үшін жағдай жасау;
      халықаралық ынтымақтастық және қазақстан өнерінің үздік жетістіктерінің шет елдердегі тұcaукесері;
      материалдық-техникалық қамтамасыз ету;
      ақпараттық қамтамасыз ету.

  5. Heгізгі бағыттары мен іске асыру тетігi

      Мемлекет басшысының 2005 жылғы 18 ақпандағы "Қазақстан экономикалық, әлеуметтік және саяси жедел жаңару жолында" Қазақстан халқына Жолдауына сәйкес мәдениет мемлекет саясаты басымдықтарының біріне айналып отыр.
      Қойылған мақсаттарға қол жеткізу үшін мәдениет ұйымдарын жоспарлы түрде қаржыландыруға ерекше көңіл бөлінеді. Мәдениетті қайта құру жөніндегі барлық шаралар және басымдықтар секторлар мен сала қызметінің барлық аспектілерін күшейтуге, мәдениет ұйымдары көрсететін қызметтердің спектрін дамыту, сапасын көтеру үшін қажетті жағдайлар жасауға, шығармашылық одақтармен, мәдениет және өнер қайраткерлерінің басқа да қоғамдық бірлестіктерімен өзара ic-қимыл мен ынтымақтастықты нығайтуға бағытталған.

  5.1. Нормативтік құқықтық базаны жетілдіру

      Мәдениет саласын дамыту үшін нормативтік құқықтық базаны одан әpi жетілдіру ұйғарылып отыр.
      Жаңа өнер туындыларын жасағаны үшін төленетін авторлық қаламақы төлеудің ең төменгі нормалары, мәдениет ұйымдары үшін үлгі штаттық нормативтер бекітіледі.
       Ескерту. 5.1-кіші бөлімге өзгерту енгізілді - 2008.03.11.  N 234 Қаулысымен.

  5.2. Саланың инфрақұрылымын дамыту және басқару
нысандарын жетілдіру

      Жас ұрпақты тәрбиелеуде жаңа музыкалық-сахналық және драматургиялық шығармалар қойылымын, оның ішінде балаларға арналған спектакльдер, бүгінгі күннің тақырыбына спектакльдер жазуды қатты талап етеді. Қазақстанға және таяу шет елдерге театрлар мен концерттік ұжымдардың гастрольдік сапарлары жалғасады әрі олардың саны көбейтіледі.
      Республиканың көркемөнер мұражайларының коллекцияларын бейнелеу, сәндік-қолданбалы өнер туындыларымен жоспарлы, ғылыми түрде жасақтау мақсатында республиканың жетекші суретшілері мен мүсіншілерінен өнер туындыларын сатып алу жүргізіледі.
      Тарихи-мәдени мұра объектілерін қайта құру және пайдалану ісіндегі міндеттерді сәтті іске асыру үшін Алматы облысының Еңбекшіқазақ ауданында "Eciк", Шығыс Қазақстан облысының Қатонқарағай ауданында "Берел" мемлекеттік тарихи-мәдени мұражай-қорықтарын және Атырау облысында "Сарайшық" мемлекеттік археологиялық мұражай-қорығын құру туралы ұсыныс енгізілетін болады.
      Тарихи раритеттердің өмірін жалғастыруда мұражай тәжірибесінде тиімді және сынақтан өткен тәсілдердің бipi оларды консервациялау және қайта жаңарту болып табылады. Қазақстан Республикасының Орталық мемлекеттік мұражайындағы мұражай құндылықтарын зерделеуге, сақтауға және пайдалануға сараланған тұрғыда келу үшін Қазақстан Республикасының Үкіметіне тарих пен мәдениеттің жылжымалы ескерткіштерін қалпына келтіру мен консервациялау бойынша саланың барлық мамандарының күш-жігерін біріктіретін, сондай-ақ кадрларды даярлайтын орынға айналатын республикалық мұражай құндылықтарын консервациялау және жаңғырту орталығын ашу туралы ұсыныстар енгізілетін болады.
      Рельефті-нүктелік қаріптегі кітаптарды және "сөйлейтін" кітаптарды қалпына келтіруді орталықтандырып ұйымдастыру мақсатында Республикалық зағип және әлсіз көретін азаматтарға арналған кітапхана жанынан республиканың зағип және нашар көретін азаматтарына арналған құжаттарды қалпына келтіру және жаңадан шығару орталығын құруды ұсынамыз.
      Өңірлердегі мәдениет мекемелерін басқару және мәдениет инфрақұрылымын оңтайландыру әдістерін жетілдіру қажеттілігіне байланысты ведомстволық бағынысты мекемелерді жергілікті бюджетке кезең-кезеңмен беру, сондай-ақ мәдениет саласында жеке меншiк секторды дамыту ұйғарылып отыр.
       Ескерту. 5.2-кіші бөлімге өзгерту енгізілді - ҚР Үкіметінің 2006.12.23. N  1260 қаулысымен.

  5.3. Кадрмен қамтамасыз ету және біліктілікті арттыру

      Тәуелсіз Мемлекеттер Достастығы мен алыс шет елдердің озық театрлары мен киностудияларына, әлемнің озық мұражай орталықтары мен кітапханаларына тағылымдамадан өту үшін және оқуға жас дарындар мен жұмыс тәжірибесі бар кадрлар (актерлар, режиссерлар, дирижерлар, музыканттар, суретші-сценографтар, костюмдер cуpeтшici, жарық суретшілері, бутафорлар, мұражай және кітапхана қызметкерлері) жіберіледі.
      Шығармашылық алмасу мақсатында мастер-класс өткізу үшін Қазақстанға таяу және алыс шет елдерден озат режиссерлар, арт-менеджерлер, сценографтар, дирижерлар, балетмейстерлер шақырылады.
      Мұражай мамандарын, реставраторларды даярлау мәселелерін шешу, мұражайлардағы маркетинг және менеджерлік қызметті сауатты ұйымдастыру, мұражай мекемелерін қалыптастырудың халықаралық идеологиясы мен тәжірибесін зерделеу үшін таяу және алыс шет елдердің мұражайтану саласындағы жетекші мамандарын шақыру арқылы Қазақстан Республикасы Президентінің мәдениет орталығы жанынан мұражай қызметкерлерінің біліктілігін арттыру жөніндегі орталық құрылуын ұсынамыз.

  5.4. Өнерді және дарынды тұлғалардың қызметін дамытуға
жағдай жасау

      Республиканың көркем элитасына атаулы қолдау көрсету мақсатында жыл сайын конкурстық негізде қоғамдық-маңызды көркемөнер туындыларын (пьесалар, музыкалық, сахналық шығармалар, балалар мен жасөспірімдерге apналған музыка, өлең, бейнелеу өнepi мен сәулет туындыларын) жасауға гранттар нысанында мемлекеттік тапсырыс қалыптастырылатын болады.
      Шығармашылықты дамыту үшiн қолайлы жағдай жасау мақсатында шығармашылық қайраткерлердi, дарынды музыканттар мен орындаушыларды мемлекеттiк қолдау жүйесi жетiлдiрiлетiн болады.
      Ұлттық "Астана-Бәйтерек" конкурстары, Қазақстан композиторларының қазіргі заманғы музыкасының фестивальдері, республикалық дәстүрлі орындаушылар конкурстары, "Елім менің" патриоттық әндер конкурстары өтеді.
      Өнер қайраткерлерінің күш-жігерін шоғырландыру мақсатында 2006 жылдан бастап Шығармашылық одақтардың ассамблеясы өткізілетін болады.
       Ескерту. 5.4-кіші бөлімге өзгерту енгізілді - ҚР Үкіметінің 2006.12.23. N  1260 , 2008.03.11.  N 234 Қаулыларымен.

  5.5. Халықаралық ынтымақтастық және Қазақстан өнеріндегі
үздік жетістіктердің шет елдердегі тұсаукесері

      Республикаға шығармашылық тұрғыда қызығушылық туғызатын ұжымдар мен орындаушыларды тарту мақсатында Қазақстанда ipi халықаралық өнер конкурстарын, фестивальдарын ұйымдастыру мен енгізу жоспарланып отыр. Сонымен қатар, біздің елде әлемге белгілі көркемөнер ұжымдарымен орындаушылардың гастрольдерін, сондай-ақ, ipi шетел мұражайларының қорларынан көрмелер ұйымдастыру көзделеді. Бұлармен қатар шет елдердегі көрнекті фестивальдар мен конкурстарға қазақстан өнерінің озық өкілдерінің қатысуы жөніндегі жұмыстар ұйымдастырылады.
      Қазақстанда тәжірибе алмасу және көркемдік өсу үшін мүмкіндіктерді кеңейту мақсатында мынандай халықаралық фестивальдар мен конкурстарды өткізу жоспарланып отыр: Орталық Азия елдерінің Халықаралық театр фестивалі, Халықаралық "Еуразия" кинофестивалі, халықаралық пианистер, скрипкашылар, вокалистер конкурстары, Халықаралық "Ұлы дала музыкасы" дәстүрлі орындаушылар фестивалі.
      Қазақстандық жас орындаушылар әлемнің үздік залдарында өнер көрсетеді.
      Біздің кинематографистер халықаралық фестивальдар мен конкурстарға "А" сыныбындағы халықаралық кинофестивальдарға қатысады. Таяу және алыс шет елдерде Қазақстан киносының күндерін өткізу жоспарланып отыр.
      Әлемдік кеңістікке ықпалдасуды дамыту үшін таяу және алыс шетелдердің мұражай және кітапхана қорларының алмасу көрмелері, озық шығармашылық ұжымдары мен орындаушыларының гастрольдері ұйымдастырылатын болады.
      Ә.Қастеев атындағы мемлекеттік өнер мұражайы, Қазақстан Республикасы Президентінің мәдениет орталығы, Қазақстан Республикасы Орталық мемлекеттік мұражайы қорларынан, сондай-ақ таяу және алыс шет елдер мұражайларында республиканың озат суретшілерінің шетелдік көрмелері ұйымдастырылады.
      Қазақстан халықтарының мәдениетін, тарихын, дәстүрлері мен әдет-ғұрпын танымал ету және Қазақстан мен Қытайдың гуманитарлық және мәдени саладағы ынтымақтастығын кеңейту, Қазақстан халықтарының рухани құндылықтарын ашу мақсатында Қытай Ұлттық кітапханасында Қазақстанның мәдениет орталығы ашылады.
       Ескерту. 5.5-кіші бөлімге өзгерту енгізілді - ҚР Үкіметінің 2008.03.11.  N 234 Қаулысымен.

  5.6. Материалдық-техникалық қамтамасыз ету

      Мәдениет саласы материалдық-техникалық қамтамасыз етуде маңызды қайта құруларды қажет етеді. Театрлар мен концерттік залдар, мұражайлар мен кітапханалар үшін музыкалық аспаптарды және техникалық жабдықтарды сатып алу жоспарланып отыр.
      М.Әуезов атындағы Қазақ мемлекеттік академиялық драма театры, М.Лермонтов атындағы Мемлекеттік академиялық орыс драма театры, Қазақстан Республикасы Ұлттық Кітапханасы және т.б. ғимараттарына күрделі жөндеу жүргізілетін болады.
      Мұражай қорларын техникалық жабдықтармен және температуралық-ылғалдандыру peжимi аспаптарымен жарақтандыру материалдық мәдениет туындыларын сақтау режимін қалыпқа келтіруге, қорлардың сапалы жұмыс icтeуiн қамтамасыз етуге мүмкіндік береді.

  5.7. Саланы ақпараттық қамтамасыз ету

      Мұражай мамандарының күш-жігерлерін біріктіру үшін "Қазақстан мұражайлары" - "Музеи Казахстана" журналын жүйелі түрде шығару жолға қойылады.
      Зағиптар мен нашар көретін азаматтарға арналған республикалық кітапхананың қызметін, республиканың зағип қайраткерлерінің өмipi мен қызметін жария ету үшін рельефтік-нүктелік және жалпақ баспа қаріппен басылатын зағип және нашар көретін азаматтарға арналған "РБНСГ - Вести" газетін шығару қажет.
      Мұражай коллекцияларымен өзара алмасу, танысу және оларға epкін қол жеткізу, ақпараттық сауаттылықты арттыру, зерделеу және оларды ғылыми мақсатта пайдалану үшін Қазақстан Республикасы Президентінің мәдениет орталығы жанынан мұражай қорларының дерекқорын құру қажет.
       Ескерту. 5.7-кіші бөлімге өзгерту енгізілді - ҚР Үкіметінің 2008.03.11.  N 234 Қаулысымен.

  6. Қажетті ресурстар мен қаржыландыру көздері

      2006-2008 жылдарда Бағдарламаны icкe асыруға республикалық бюджет қаражаты жіберілетін болады.
      Республикалық бюджеттен жалпы шығындар 6 954,5 млн.теңгені, оның ішінде 2006 жылы - 1 503, 0 млн. теңгені, 2007 жылы - 2 831,8 млн.теңгені, 2008 жылы - 2 619,7 млн.теңгені құрайды.
      2007-2008 жылдарға арналған шығыстар көлемі тиісті қаржы жылына арналған "Республикалық бюджет туралы" Қазақстан Республикасының Заңына сәйкес анықталатын (нақтыланатын) болады.
       Ескерту. 6-бөлімге өзгерту енгізілді - ҚР Үкіметінің 2008.03.11.  N 234 Қаулысымен.

  7. Бағдарламаны icкe асырудан күтілетін нәтиже

      Бағдарламаны іске асыру нәтижесінде:
      мәдениет саласында халықты қызметтермен тұрақты жұмыс істейтін және үнемі дамып отыратын қамтамасыз ету жүйесі қалыптасады; саланы басқару жөніндегі мемлекеттік тетік қазіргі заманғы, бүгінгі күн мәдениетінің cepпінді процестерін дамытуға қабілетті етіп өзгертіледі;
      2006-2008 жылдары:
      драма театрларда 110 жаңа қойылым және концерттік ұйымдарда концерттік бағдарламалар жүзеге асырылады жүзеге асырылады;
      ұлттық және әлемдік классиканың және Қазақстанның қазіргі заманғы композиторлары туындыларының 6 операсы, 7 балеті қойылады;
      Қазақстанның қалалары мен аудандарына республикалық концерттік ұйымдардың 68 гастрольдік сапарлары өткізіледі;
      мыналар өткізіледі:
      3 халықаралық театр және 3 кинофестиваль, халықаралық балет әртістері, вокалистер, пианистер конкурстары;
      патриоттық әндер конкурстары;
      республикалық дәстүрлі орындаушылар конкурстары (2006, 2008 жылдар).
      Бұдан басқа, Қытайдың Ұлттық кітапханасында Қазақстанның Мәдениет орталығы ұйымдастырылады (2006 жыл);
      Бағдарламаны іске асыру кезеңінде нормативтік құқықтық кесімдер әзірленеді, мәдениет объектілері жөндеуден өткізіледі, 157 мұражайдың 200-ден астам экспонаттары қалпына келтіріледі, мемлекеттік мұражайлар өнер туындыларының 700 бірлігін сатып алады және республикалық мұражайлар қоры 50%-ға қайта жарақталады.
       Ескерту. 7-бөлімге өзгерту енгізілді - ҚР Үкіметінің 2008.03.11.  N 234 Қаулысымен.

     8. Бағдарламаны іске асыру жөніндегі іс-шаралар жоспары

       Ескерту. 8-бөлімге өзгерту енгізілді - ҚР Үкіметінің
2006.12.23. N  1260 , 2007.08.03.  N 654 , 2008.03.11.  N 234
Қаулыларымен.

         2007-2008 жылдарға арналған шығыстар көлемі тиісті қаржы
жылына сәйкес "Республикалық бюджет туралы" Қазақстан
Республикасының Заңымен анықталатын (нақтыланатын) болады.

Ескертпе: аббревиатуралардың толық жазылуы
МАМ - Мәдениет және ақпарат министрлігі
СІМ - Сыртқы істер министрлігі
АШМ - Ауыл шаруашылығы министрлігі
Еңбекмині - Еңбек және халықты әлеуметтік қорғау министрлігі
Әділетмині - Әділет министрлігі