Күші жойылды - Қазақстан Республикасы Көлік және коммуникация министрінің м.а. 2011 жылғы 28 маусымдағы № 403 (3-тармақты қараңыз) бұйрығымен.

      Қазақстан Республикасы Үкіметінің 2003 жылғы 17 қаңтардағы N 49 қаулысымен бекітілген Кемелер мен оларға құқықтарды мемлекеттік тіркеу  ережесіне сәйкес  БҰЙЫРАМЫН:
      1. Қоса беріліп отырған Жасалынып жатқан кемелер тізілімін жүргізу ережесі бекітілсін.
      2. Қазақстан Республикасы Көлік және коммуникация министрлігінің Көліктік бақылау комитеті Су көлігінде бақылау басқармасының бастығы (Р.Қ.Адамова) осы бұйрықты Қазақстан Республикасының Әділет министрлігіне мемлекеттік тіркеу үшін ұсынуды қамтамасыз етсін.
      3. Осы бұйрықтың орындалуын бақылау Қазақстан Республикасы Көлік және коммуникация министрлігінің Көліктік бақылау комитеті төрағасының орынбасары Қ.Б.Есжановқа жүктелсін.
      4. Осы бұйрық оның ресми жарияланған күнінен бастап қолданысқа енеді.

      Комитет төрағасы

Қазақстан Республикасы     
Көлік және коммуникация    
министрлігінің        
Көліктік бақылау       
комитеті төрағасының     
2005 жылғы 1 қыркүйектегі   
N 62-ө бұйрығымен       
бекітілген           

  Жасалынып жатқан кемелер тізілімін жүргізу ережесі

  1. Жалпы ережелер

      1. Осы Жасалынып жатқан кемелер тізілімін жүргізу ережесі (бұдан әрі - Ереже) Қазақстан Республикасы Үкіметінің 2003 жылғы 17 қаңтардағы N 49 қаулысымен бекітілген Кемелер мен оларға құқықтарды мемлекеттік тіркеу  ережесіне (бұдан әрі - Тіркеу ережесі) сәйкес әзірленді.

      2. Жасалынып жатқан кемелер тізілімін жүргізу ережесі.

      3. Осы Ережеде мынадай негізгі ұғымдар пайдаланады:
 

      кеменің меншік иесі - Тіркеу ережесіне сәйкес жасалынып жатқан кеменің меншік иесі ретінде тіркелген тұлға;
 

      жасалынып жатқан кеме ипотекасы - жасалынып жатқан кеме тізілімінде тіркелген шарт негізінде шыққан жасалынып жатқан кеменің мемлекеттік тіркеуіне жататын ипотека;
 

      кемелер мен оларға құқықтарды мемлекеттік тіркеу жөніндегі уәкілетті орган (бұдан әрі - уәкілетті орган) - Қазақстан Республикасының Көлік және коммуникация министрлігі Көліктік бақылау комитеті.

      4. Жасалынып жатқан кемелер тізілімін (1-қосымша) мемлекеттік және орыс тілінде қағаз және электронды тасымалдаушыларда порттың теңіз әкімшілігі (бұдан әрі - ПТӘ) жүргізеді.

      5. Жасалынып жатқан кемелер тізіліміне шетел алушылары үшін жасалынып жатқан кеме тіркелмейді.

      6. Жасалынып жатқан кемелер тізілімін жүргізуге бақылауды уәкілетті орган жүзеге асырады.

  2. Жасалынып жатқан кемелер тізілімін
жүргізу тәртібі

      7. Кіріс құжаттарын есепке алу кітабы (бұдан әрі - Есепке алу кітабы) (2-қосымша) және кеме істері жасалынып жатқан кемелер тізілімінің ажырамас бөлігі болып табылады.
 

      Кеме ісі әр жасалынып жатқан кемеге рәсімделеді және кеменің тіркеу нөмірімен сәйкестендіріледі. Жасалынып жатқан кемеге құқықтарды мемлекеттік тіркеу үшін келіп түсетін құжаттардың көшірмелері, сондай-ақ кемеге (жасалынып жатқан кемеге) құқықты мемлекеттік тіркеу туралы куәліктің, Жасалынып жатқан кемелер тізілімінен берілген анықтама мен үзіндінің көшірмелері кеме ісіне енгізіледі.

      8. Есепке алу кітабында және Жасалынып жатқан кемелер тізілімінде әр кемеге бөлек парақ беріледі.

      9. Жасалынып жатқан кемелер тізілімі және Есепке алу кітабы жеке журналдарда жүргізіледі, беттері нөмірленген, тігілген болуы тиіс, соңғы бетінде нөмірленген, тігілген беттердің саны жазылады және ПТӘ басқаратын теңіз портының капитаны растайды.

      10. Жасалынып жатқан кемелер тізілімінің "Өзгерістер туралы белгілер" бағанында кеме туралы немесе барлық жазбаны жаңартуды талап етпейтін өзгерістер, сондай-ақ оған құқықтардың тоқтауы немесе ауысуы туралы қосымша ақпарат жазылады.
 

      Мұндай мәліметтерге мыналар жатады:
      1) жеке тұлғаның тегінің, атының, әкесінің атының, тұрғылықты жерінің өзгеруі, егер меншік иесі жеке тұлға болып табылса;
 

      2) заңды тұлғаның атауының, орналасқан жерінің немесе почталық мекен-жайының өзгеруі, егер меншік иесі заңды тұлға болып табылса.

                                         Жасалынып жатқан кемелер
                                        тізілімін жүргізу ережесіне
                                                 1-қосымша

                Жасалынып жатқан кемелер тізілімі

   (кестенің жалғасы)

                                            Жасалынып жатқан кемелер
                                        тізілімін жүргізу ережесіне
                                                 2-қосымша

                Кіріс құжаттарын есепке алу кітабы