Ескерту. Тақырыбы өзгерді - ҚР Үкіметінің 2000.10.26. N 1599 
қаулысымен .

      Қазақстан Республикасы Президентiнiң "Қазақстан Республикасында шағын кәсiпкерлiктi дамыту мен қолдаудың 1999-2000 жылдарға арналған мемлекеттiк бағдарламасы туралы" 1998 жылғы 31 желтоқсандағы N 4189  Жарлығына  сәйкес және Қазақстан Республикасы Президентiнiң "Азаматтар мен заңды тұлғалардың кәсiпкерлiк қызмет бостандығы құқығын қорғау жөнiндегi қосымша шаралар туралы" 1999 жылғы 28 мамырдағы N 49  өкiмiн  iске асыру мақсатында Қазақстан Республикасының Үкiметi қаулы етеді: 

      1. Шағын кәсiпкерлiктiң субъектiлерi үшiн 1999 жылдың 1 қазанынан бастап, ал қалғандары үшiн - 2000 жылдың 1 қазанынан бастап мұндай есептi қамтамасыз ете отырып мемлекеттік органдардың шаруашылық жүргiзушi субъектiлерiнің қызметтерін барлық тексерулерiнiң бiрыңғай статистикалық есебi енгiзiлсiн.<*> 
       ЕСКЕРТУ. 1-тармақ өзгерді - ҚР Үкіметінің 2000.10.26. N 1599 
қаулысымен .

      2. Қазақстан Республикасының Қаржы министрлiгi заңдарда белгiленген тәртiппен осы қаулыны iске асыру үшiн мемлекеттiк бюджеттен Қазақстан Республикасының Бас прокуратурасына 2000 жылы 10 (он) миллион теңге және 2001 жылы 38 (отыз сегiз) миллион теңге мөлшерiнде қаражат бөлудi көздесiн.

      3. Қоса берiлiп отырған Мемлекеттiк органдардың кәсiпкерлiк субъектiлерiне тексерулер тағайындау туралы актiлерiн тiркеудiң тәртiбi бекiтiлсiн. 

      4. Осы қаулы қол қойылған күнiнен бастап күшiне енедi және жариялануға жатады.

       Қазақстан Республикасының
      Премьер-Министрі

Қазақстан Республикасы    
Үкiметiнiң         
1999 жылғы 1 қыркүйектегі  
N 1286 қаулысымен      
бекiтiлген      

  Мемлекеттiк органдардың кәсiпкерлiк субъектiлерiнің қызметтеріне тексерулер тағайындау туралы актiлерiн тiркеудiң тәртібі<*>

       ЕСКЕРТУ. Тақырыбы өзгерді - ҚР Үкіметінің 2000.10.26. N 1599  қаулысымен .

      1. Осы Тәртiп Қазақстан Республикасы Президентiнiң "Қазақстан Республикасында шағын кәсiпкерлiктi дамыту мен қолдаудың 1999-2000 жылдарға арналған мемлекеттiк бағдарламасы туралы" 1998 жылғы 31 желтоқсандағы N 4189 Жарлығы мен Қазақстан Республикасы Президентiнiң "Азаматтар мен заңды тұлғалардың кәсiпкерлiк қызмет бостандығы құқығын қорғау жөнiндегi қосымша шаралар туралы" 1999 жылғы 28 мамырдағы N 49 өкiмiне сәйкес әзiрлендi.
      2. Кәсiпкерлiк субъектiлерiнің қызметтеріне тексерулер тағайындау туралы актiлердi тiркеудi Қазақстан Республикасы Бас прокуратурасының жанындағы Құқықтық статистика және ақпараттар орталығы мен оның аумақтық органдары (бұдан әрi - Тiркеушi орган) жүзеге асырады.<*>
      Тiркеушi органның бөлiмшелерi жоқ қалалар мен аудандардың аумақтарында актiлердi тiркеудi осы қалалар мен аудандардың прокуратура органдары жүзеге асырады.<*> 
       ЕСКЕРТУ. 2-тармақ өзгерді - ҚР Үкіметінің 2000.10.26. N 1599 қаулысымен.
      3. Қазақстан Республикасының заңдарымен кәсiпкерлiк субъектiлерiн тексерудi жүзеге асыруға уәкiлеттiк берiлген мемлекеттiк органдар, өздерi шығарған кәсiпкерлiк субъектiлерiнің қызметтеріне тексерулер тағайындау туралы актiлердi Тiркеушi органда тiркеуге мiндеттi.<*>
      Кәсiпкерлiк субъектiлерiне заңдарда белгіленген тәртiппен қозғалған қылмыстық iстердi тергеуге байланысты тексерулер тағайындау туралы актілер тiркеуге жатпайды, сондай-ақ Қазақстан Республикасының Ұлттық Банкі жүзеге асыратын екінші деңгейдегі банктерге және сақтандыру ұйымдарына тексерулер тағайындау туралы актілер тіркеуге жатпайды. Қазақстан Республикасы Ұлттық Банкінің өзге шаруашылық жүргізуші субъектілердің қызметтеріне тексерулер актілері міндетті тіркеуге жатады. <*> 
       ЕСКЕРТУ. 3-тармақ өзгерді - ҚР Үкіметінің 2000.10.26. N 1599  қаулысымен .
      ЕСКЕРТУ. 3-тармақ өзгерді - ҚР Үкіметінің 2001.12.10. N 1601  қаулысымен .
      4. Кәсiпкерлiк субъектiлерінің қызметтерін тексерудi тағайындау туралы актi шығарған мемлекеттiк орган, көрсетiлген актiнi тексерулер басталғанға дейін Тiркеушi органға тiркеу үшiн ұсынады.
      Ерекше жағдайларда, егер тексеру адамдардың өмiрi мен денсаулығына қауiп төндiретiн тәртiп бұзушылықты болдырмау жөнiнде кiдiрiссiз шаралар қолдану қажеттiгiнен туындаса, сондай-ақ тәртiп бұзушылық жасалған кезде тiкелей анықталса және ол бойынша анықталған тәртiп бұзушылықтың дәлелдеулерiн бекiту үшiн шұғыл iс-әрекет жүргiзу талап етiлсе, тексерудi тағайындау туралы акт Тiркеушi органға келесi жұмыс күнiнiң iшiнде ұсынылады.<*> 
      Тiркеушi орган, актi тiркеуге ұсынылған сәттен бастап үш сағаттан кешiктiрмей тiркеудi жүзеге асырады және тағайындалған тексеру жөнiндегi ақпараттың жарияланбауын қамтамасыз етуге міндеттi.<*>
       ЕСКЕРТУ. 4-тармақ өзгерді - ҚР Үкіметінің 2000.10.26. N 1599 қаулысымен.
      5. Тiркеу тексеру жүргiзу және белгіленген үлгiдегi есепке алу карточкасын толтыру туралы актiнi Тiркеушi органға ұсыну жолымен жүргiзiледi. Шаруашылық жүргізуші субъектінің қызметіне тексеру тағайындау туралы акті екі данада Тіркеуші органға ұсынылады, оның біреуі Тіркеуші органда қалдырылады. Тексеру аяқталғаннан кейiн оны тағайындау туралы актiнi шығарған мемлекеттiк орган Тiркеушi органға әрбiр тексерiлген субъектiнi есепке алу карточкасына қосымша талонды толтырады және ұсынады. <*>
      Тiркеушi органға мемлекеттiк органдардың шаруашылық жүргiзушi субъектілердiң қызметiне тексерудi тағайындау туралы олардың актiлерiн тiркеуден бас тартуға тыйым салынады.
      Тексерудi тағайындау туралы актiнi тiркеуден бас тартуға прокуратура органдарына немесе сотқа шағым жасалуы мүмкiн.<*> 
       ЕСКЕРТУ. 5-тармақ жаңа редакцияда - ҚР Үкіметінің 2000.10.26. N 1599 қаулысымен.
      ЕСКЕРТУ. 5-тармақ өзгерді - ҚР Үкіметінің 2001.12.10. N 1601 қаулысымен.
      6. Тексерулер тағайындау туралы актілерді тіркеу туралы құжаттардың нысандары мен үлгілерін Тіркеуші орган бекітеді.
      7. Тексерулердi тiркеудiң осы Ережемен бекiтілген тәртiбiнiң бұзылуына кiнәлi лауазымды адамдар заңнамада белгiленген тәртiппен жауап бередi.<*>
       ЕСКЕРТУ. 7-тармақпен толықтырылды - ҚР Үкіметінің 2000.10.26. N 1599  қаулысымен .
      8. Қазақстан Республикасының заңнамасымен кәсіпкерлік субъектілерге тексерулерді жүзеге асыруға уәкілеттік берілген мемлекеттік органдар шаруашылық жүргізуші субъектілердің қызметіне тексерулер тағайындау туралы тіркелген актілерді Тіркеуші органда кемінде тоқсанына бір рет салыстыра тексеруді жүргізуге міндетті.<*>
       ЕСКЕРТУ. 8-тармақпен толықтырылды - ҚР Үкіметінің 2001.12.10. N 1601  қаулысымен .