Ескерту. Күші жойылды - ҚР Үкіметінің 2012.02.07 № 210 Қаулысымен.
"Дiни сенiм бостандығы және дiни бiрлестiктер туралы" Қазақстан Республикасының Заңын күшiне енгiзу туралы" Қазақстан Республикасы Жоғарғы Кеңесiнiң қаулысын орындау үшiн Қазақстан Республикасының Министрлер Кабинетi қаулы етедi:
1. Ғибадат үйлерiн, ғимараттарды және өзге де мүлiктi дiни бiрлестiктерге беру тәртiбi туралы осыған қосылған ереже бекiтiлсiн.
2. Облыстардың, Алматы және Ленинск қалаларының әкiмдерi дiнибiрлестiктерге берiлген ғибадат үйлерiне, ғимараттарға және өзге де мүлiкке олардың меншiк иесi болып қалыптасуына көмек көрсетсiн.
3. Қазақстан Республикасының Мәдениет министрлiгi дiнибiрлестiктердiң тарих және мәдениет ескерткiштерiн пайдалану тәртiбi мен шарттарын анықтайтын қорғау құжаттарының (қорғау шарты, қорғау және жалдау шарты, қорғау мiндеттемесi) нысандарын әзiрлейтiн болсын.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1993 жылғы 14 желтоқсандағы
N 1247 қаулысымен
Бекiтiлген
Ғибадат үйлерiн, ғимараттарын және
өзге де мүлiктi дiни бiрлестiктерге
беру тәртiбi туралы
Ереже
Қазақстан Республикасының Азаматтық кодексi (жалпы бөлiм) 109-бабының 9-тармағына және "Дiни сенiм бостандығы және дiни бiрлестiктер туралы" Қазақстан Республикасы Заңының 16-бабына сәйкес дiни бiрлестiктер иелiк еткен немесе олар өздерiнiң қаражаты, азаматтардың, ұйымдардың қайырымдылығы есебiнен түзген яки мемлекет берген және Заң актiлерiне қайшы келмейтiн басқа да негiздер бойынша алған мүлiктi меншiктеушi құқын иеленедi.
Ескерту. 1-абзац жаңа редакцияда - ҚРҮ-нiң 1996.01.19.
N 71 қаулысымен.
Дiни бiрлестiктердiң азаматтардың, ұйымдардың қайырмалдығынан құралған өз қаржысы есебiнен сатып алған немесе жасаған мүлiктi, немесе мемлекет берген және заңдарға қайшы келмейтiн басқа да негiзде сатып алған мүлiктi меншiктену құқығы бар.
Дiни бiрлестiктердiң Қазақстан Республикасының "Дiни сенiм бостандығы және дiни бiрлестiктер туралы" Заңның 17-бабында көзделгенiндей ғибадат үйлерi айналасындағы аумағымен қоса меншiгiне берiлуiне немесе өтемсiз пайдалануына артықшылық құқығы бар. Жергiлiктi атқарушы және өкiлдi органдар мемлекет меншiгiндегi өзге де ғибадат мақсатындағы мүлiктi дiни бiрлестiктерге беруге құқылы.
1. Дiни бiрлестiктерге ғибадат үйлерiн, ғимараттарын және өзге де мүлiктi беру тәртiбi жергiлiктi атқарушы және өкiлдi органдардың балансындағы, дiни бiрлестiктер иелену мен пайдалану құқығын жүзеге асыратын жылжымайтын және жылжитын барлық мүлiк түрлерiне, сондай-ақ кезiнде мемлекет ұлт меншiгiне айналдырған дiни бiрлестiктердiң мүлкiне және тарих пен мәдениет ескерткiштерi - ғибадат үйлерi мен ғимараттарына қолданылады.
2. Ғибадат үйлерi, ғимараттарының және өзге де мүлiктiң берiлуiне мүдделi дiни бiрлестiктер бұл жөнiнде жергiлiктi әкiмнiң атына өтiнiш жасайды. Өтiнiш бiр ай мерзiм iшiнде қаралады.
3. Жергiлiктi әкiмнiң өтiнiшi алдын ала барлық мүдделi органдармен келiсiлгеннен кейiн түпкiлiктi шешiм қабылдау үшiн мемлекеттiк мүлiк жөнiндегi аумақтық комитетке жiберiледi.
4. Дiни бiрлестiктердiң бұрын өз қаражаты есебiнен сатып алған, кейiн мемлекет ұлт иелiгiне айналдырған ғибадаттық мақсаттағы жылжымалы және өзге де мүлiгi олардың өтiнiшi бойынша осындай тәртiп бойынша қайтарылады.
5. Белгiленген тәртiппен тарихи және мәдениет ескерткiшi деп танылған ғибадат үйлерi, ғимараттары мен ғибадаттық мақсаттағы өзге де мүлiк тек Қазақстан Республикасының меншiгi болып табылады, олар дiни бiрлестiктердiң тек пайдалануына ғана берiледi. Оларды беру Қазақстан Республикасының "Тарих-мәдениет мұраларын қорғау және пайдалану туралы" Заңымен және осы Ережемен реттеледi.
6. Дiни бiрлестiктердiң тарих және мәдениет ескерткiштерiн пайдалану тәртiбiн, сипаты мен шарттарын мемлекеттiк тарих-мәдениет мұраларын қорғау және пайдалану органдары белгiлейдi, ал әрбiр ескерткiшке тиiстi қорғау құжатымен анықталады.
7. Халықаралық және республикалық маңызы бар тарих және мәдениет ескерткiштерi болып табылатын ғибадат үйлерiн, ғимараттарын және өзге де мүлiктi дiни бiрлестiктердiң пайдалануына берудi Қазақстан Республикасының Министрлер Кабинетi, Мәдениет министрлiгi, мемлекеттiк мүлiк жөнiндегi мемлекеттiк комитетi, ал жергiлiктi маңызы бар тарих және мәдениет ескерткiштерiн - жергiлiктi тарих және мәдениет мұраларын қорғау мен пайдалану органдарының (мәдениет бөлiмдерiнiң, басқармаларының) келiсуi бойынша жергiлiктi әкiм жүзеге асырады.
8. Қорғау құжаттарының (қорғау шарты, қорғау және жалдау шарты, қорғау мiндеттемесi) нысандарын Қазақстан Республикасының Мәдениет министрлiгi белгiлейдi.
9. Қорғау шарттары жылжымайтын тарих және мәдениет ескерткiштерi пайдалануына берiлетiн дiни бiрлестiктер мен осы ескерткiштер балансында тұратын жергiлiктi тарих-мәдениет мұраларын қорғау және пайдалану органдарының арасында жасалады.
10. Дiни бiрлестiктер жылжымайтын ескерткiштердi, олардың жеке үй-жайларын, сондай-ақ оларға байланысты аумақтар мен ғимараттарды шаруашылық мақсатқа пайдаланатын жағдайда қорғау және жалдау шарттары жалпы негiзде жасалады.
11. Дiни бiрлестiктер қорғау мiндеттемелерiн жергiлiктi тарих-мәдениет мұраларын қорғау мен пайдалану органдарына егер:
жылжымайтын ескерткiштер дiни бiрлестiктердiң меншiгiнде болған;
жер аумағы онда орналасқан жылжымайтын ескерткiштермен қоса дiни бiрлестiктердiң пайдалануына берiлген, қорғау және жалдау шарттары негiзiнде пайдаланатын ескерткiштерден басқасы;
жылжымалы тарих және мәдениет ескерткiштерi дiни бiрлестiктердiң пайдалануында немесе меншiгiнде болған жағдайда бередi.
12. Ғибадат үйлерi мен ғимараттарын меншiктену құқығы ауысқан кезде сол объектiлермен бiрге Қазақстан Республикасының Жер кодексiнде белгiленген тәртiп пен шарттар негiзiнде жер учаскесiн пайдалану құқығы да ауысады.
