Қазақстан Республикасының Қаржы министрлiгi жанындағы шаруашылық есептегi аудиторлық орталықты қайта құру туралы

Қазақстан Республикасы Министрлер Кабинетiнiң қаулысы 30 қазан 1992 ж. N 928

      Қазақстан Республикасының Министрлер Кабинетi қаулы етедi:
      1. Қазақ КСР Министрлер Кеңесiнiң 1990 жылғы 15 ақпандағы N 60 қаулысымен құрылған Қазақстан Республикасының Қаржы министрлiгi жанындағы шаруашылық есептегi аудиторлық орталықты "Қазақстанаудит" акционерлiк аудиторлық компаниясына қосу туралы Қазақстан Республикасы Қаржы министрлiгiнiң ұсынысы мақұлдансын.
      2. Қазақстан Республикасының Мүлiк жөнiндегi мемлекеттiк комитетiне Қазақстан Республикасы Қаржы министрлiгiнiң жанындағы шаруашылық есептегi аудиторлық орталықтың мүлкiн оның хұқықты мұрагерi - "Қазақстанаудит" акционерлiк аудиторлық компаниясына белгiленген тәртiппен бекiтiп беру туралы мәселенi қарап, шешу ұсынылсын.
      Қазақстан Республикасының Қаржы министрлiгi жанындағы қайта құрылатын шаруашылық есептегi аудиторлық орталықтың хұқықтары мен мiндеттерi хұқықты мұрагерiне көшетiн болып белгiленсiн.
     Қазақстан Республикасының
     Премьер-министрi