1994 жылғы 27 желтоқсандағы Қазақстан Республикасы Азаматтық кодексінің (Жалпы бөлім) 193-1-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:

      1. "Қазатомөнеркәсіп" ұлттық атом компаниясы" акционерлік қоғамына "Орталық" өндіруші кәсіпорны" жауапкершілігі шектеулі серіктестігінің жарғылық капиталындағы қатысу үлесінің 49 % CGNM UK Limited компаниясының пайдасына иеліктен шығаруға рұқсат етілсін.

      2. "Ұлттық холдингтердің және (немесе) ұлттық компаниялардың не олардың аффилиирленген тұлғаларының, сондай-ақ мемлекет қатысатын өзге де заңды тұлғалардың жарғылық капиталдарына берілген және (немесе) олардың меншігінде тұрған стратегиялық объектілердің және мемлекетпен аффилиирленбеген заңды тұлғалардың, сондай-ақ жеке тұлғалардың меншігінде тұрған стратегиялық объектілердің тізбелерін бекіту туралы" Қазақстан Республикасы Үкіметінің 2008 жылғы 30 маусымдағы № 651 қаулысына мынадай толықтырулар енгізілсін:

      1) көрсетілген қаулымен бекітілген ұлттық холдингтердің және (немесе) ұлттық компаниялардың не олардың аффилиирленген тұлғаларының, сондай-ақ мемлекет қатысатын өзге де заңды тұлғалардың жарғылық капиталдарына берілген және (немесе) олардың меншігінде тұрған стратегиялық объектілердің тізбесінде:

      "Меншігінде стратегиялық объектілер бар заңды тұлғалар акцияларының пакеттері (қатысу үлестері, пайлары)" деген бөлімде:

      мынадай мазмұндағы реттік нөмірі 83-жолмен толықтырылсын:

      " 83. "Орталық" өндіруші кәсіпорны" ЖШС қатысу үлесінің 51% ";

      2) көрсетілген қаулымен бекітілген мемлекетпен аффилиирленбеген заңды тұлғалардың, сондай-ақ жеке тұлғалардың меншігінде тұрған стратегиялық объектілердің тізбесінде:

      "Меншігінде стратегиялық объектілер бар заңды тұлғалар акцияларының пакеттері (қатысу үлестері, пайлары)" деген бөлімде:

      мынадай мазмұндағы реттік нөмірі 37-жолмен толықтырылсын:

      " 37. "Орталық" өндіруші кәсіпорны" ЖШС қатысу үлесінің 49% ".

      3. Осы қаулы қол қойылған күнінен бастап қолданысқа енгізіледі.