1994 жылғы 27 желтоқсандағы Қазақстан Республикасы Азаматтық кодексінің 45-бабына, "Мемлекеттік мүлік туралы" 2011 жылғы 1 наурыздағы Қазақстан Республикасының Заңы 11-бабының 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

      1. "Азаматтық қорғау республикалық оқу-әдістемелік орталығы" жауапкершілігі шектеулі серіктестігі қайта құру жолымен жарғылық капиталына мемлекет жүз процент қатысатын "Республикалық оқу-әдістемелік азаматтық қорғау орталығы" акционерлік қоғамы (бұдан әрі – қоғам) болып қайта ұйымдастырылсын.

      2. Қоғам қызметінің негізгі түрі азаматтық қорғау саласында қысқа мерзімді біліктілікті арттыру, басшы құрам мен мамандарды даярлау және қайта даярлау курстарын ұйымдастыру болып айқындалсын.

      3. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының заңнамасында белгіленген тәртіппен:

      1) қайта ұйымдастырылатын серіктестік мүлкінің құны есебінен қоғамның жарғылық капиталын қалыптастыруды;

      2) қоғамның жарғысын бекітуді және оның Қазақстан Республикасының әділет органдарында мемлекеттік тіркелуін;

      3) қоғам акцияларының мемлекеттік пакетіне иелік ету мен пайдалану құқықтарын Қазақстан Республикасы Ішкі істер министрлігінің Төтенше жағдайлар комитетіне беруді қамтамасыз етсін.

      4. Осы қаулының 1-3-тармақтарында көрсетілген іс-шаралар аяқталғаннан кейін Қазақстан Республикасының Ішкі істер министрлігі Төтенше жағдайлар комитетінің "Өрт қауіпсіздігі және азаматтық қорғаныс ғылыми-зерттеу институты" акционерлік қоғамы және "Республикалық оқу-әдістемелік азаматтық қорғау орталығы" акционерлік қоғамы заңнамада белгіленген тәртіппен біріктіру жолымен Қазақстан Республикасының Ішкі істер министрлігі Төтенше жағдайлар комитетінің "Азаматтық қорғау саласындағы ұлттық ғылыми зерттеулер, даярлау және оқыту орталығы" акционерлік қоғамы (бұдан әрі – орталық) болып қайта ұйымдастырылсын.

      5. Орталық қызметінің негізгі түрлері байқау және зертханалық бақылау желісіне кіретін объектілік зертханалардың мамандарын ерекше кезеңдегі іс-қимылдарға даярлау, меншік нысанына қарамастан объектілердің жұмысшылары мен қызметшілерін өрт, радиациялық және химиялық қауіпсіздік шараларына оқыту, азаматтық қорғаныстың химик-барлаушылары мен химик-дозиметршілерін даярлау, азаматтық қорғау саласында қысқа мерзімді біліктілікті арттыру, басшы құрам мен мамандарды даярлау және қайта даярлау курстарын ұйымдастыру, азаматтық қорғаныстың арнайы мүлкін сақтау орындары мен қоймаларының мамандарын оқыту, азаматтық қорғаныстың арнайы мүлкін кәдеге жарату мәселелері бойынша ғылыми-зерттеу және жобалау-конструкторлық жұмыстарды жүргізу және өрт қауіпсіздігі мен азаматтық қорғаныс саласында ғылыми-зерттеу және тәжірибелік-конструкторлық жұмыстарды жүзеге асыру болып айқындалсын.

      6. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасы Ішкі істер министрлігінің Төтенше жағдайлар комитетімен бірлесіп, заңнамада белгіленген тәртіппен осы қаулыдан туындайтын шараларды қабылдасын.

      7. Қазақстан Республикасы Қаржы министрлігінің Мемлекеттік мүлік және жекешелендіру комитеті орталықтың акцияларының мемлекеттік пакетіне иелік ету мен пайдалану құқықтарын Қазақстан Республикасы Ішкі істер министрлігінің Төтенше жағдайлар комитетіне беруді қамтамасыз етсін.

      8. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер бекітілсін.

      9. Осы қаулы қол қойылған күнінен бастап қолданысқа енгізіледі.

Қазақстан Республикасы Үкіметінің кейбір шешімдеріне енгізілетін өзгерістер

      1. "Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы" Қазақстан Республикасы Үкіметінің 1999 жылғы 12 сәуірдегі № 405 қаулысында (Қазақстан Республикасының ПYАЖ-ы, 1999 ж., № 13, 124-құжат):

      көрсетілген қаулымен бекітілген акцияларының мемлекеттік пакеттері мен қатысудың мемлекеттік үлестері республикалық меншікте акционерлік қоғамдар мен шаруашылық серіктестіктердің тізбесінде:

      "Алматы қаласы" деген бөлімде:

      реттік нөмірі 123-133-жол мынадай редакцияда жазылсын:

      "Азаматтық қорғау саласындағы ұлттық ғылыми зерттеулер, даярлау және оқыту орталығы" АҚ";

      реттік нөмірі 123-134-жол алып тасталсын.

      2. "Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы" 1999 жылғы 27 мамырдағы Қазақстан Республикасы Үкіметінің № 659 қаулысында:

      көрсетілген қаулымен бекітілген иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:

      "Қазақстан Республикасы Ішкі істер министрлігі Төтенше жағдайлар комитеті" деген бөлімде:

      реттік нөмірі 266-9-жол мынадай редакцияда жазылсын:

      "Азаматтық қорғау саласындағы ұлттық ғылыми зерттеулер, даярлау және оқыту орталығы" АҚ";

      реттік нөмірі 266-10-жол алып тасталсын.

      3. "Қазақстан Республикасы Ішкі істер министрлігінің мәселелері" 2005 жылғы 22 маусымындағы № 607 Қазақстан Республикасы Үкіметінің қаулысында (Қазақстан Республикасының ПYАЖ-ы, 2005 ж., № 25, 311-құжат):

      көрсетілген қаулымен бекітілген Қазақстан Республикасы Iшкi iстер министрлiгi туралы ережеде:

      Министрліктің қарамағындағы ұйымдардың тізбесiнде:

      "3. Төтенше жағдайлар комитеті" деген бөлімде:

      "Акционерлік қоғамдар" деген кіші бөлімде:

      реттік нөмірі 4-жол мынадай редакцияда жазылсын:

      "Азаматтық қорғау саласындағы ұлттық ғылыми зерттеулер, даярлау және оқыту орталығы" акционерлік қоғамы.";

      "Жауапкершілігі шектеулі серіктестіктер" деген кіші бөлімде:

      "1. Азаматтық қорғау республикалық оқу-әдістемелік орталығы" жауапкершілігі шектеулі серіктестігі" деген жол алып тасталсын.