2016 жылғы 1 қаңтардан бастап қолданысқа енгізіледі.

      "Қазақстан Республикасының сот жүйесі мен судьяларының мәртебесі туралы" 2000 жылғы 25 желтоқсандағы Қазақстан Республикасының Конституциялық заңы 35-бабының 2-1-тармағына сәйкес Қазақстан Республикасының Үкіметі ҚАУЛЫ ЕТЕДІ:

      1. Қоса беріліп отырған Отставкадағы судьяға өмір бойғы ай сайынғы қамтылым төлеу қағидалары бекітілсін.

      2. Осы қаулы 2016 жылғы 1 қаңтардан бастап қолданысқа енгізіледі және ресми жариялануға тиіс.

Отставкадағы судьяға өмір бойғы ай сайынғы қамтылым төлеу қағидалары
1. Жалпы ережелер

      1. Осы Отставкадағы судьяға өмір бойғы ай сайынғы қамтылым төлеу қағидалары (бұдан әрі – Қағидалар) "Қазақстан Республикасының сот жүйесі мен судьяларының мәртебесі туралы" 2000 жылғы 25 желтоқсандағы Қазақстан Республикасының Конституциялық заңы 35-бабының 2-1-тармағына сәйкес әзірленген және отставкадағы судьяға ай сайынғы өмір бойғы қамтылым төлеу тәртібін белгілейді.

      2. Осы Қағидаларда мынадай ұғымдар пайдаланылады:

      1) өмір бойғы ай сайынғы қамтылым – "Қазақстан Республикасының сот жүйесі мен судьяларының мәртебесі туралы" Қазақстан Республикасы Конституциялық заңының (бұдан әрі – Конституциялық заң) 35-бабының 2-1-тармағында көзделген тәртіппен отставкадағы судьяға төленетін ай сайынғы төлем;

      2) ай сайынғы өмір бойғы қамтылымды алушы – Конституциялық заңның 35-бабының 1, 1-1 және 2-1-тармақтарына сәйкес "Қазақстан Республикасында зейнетақымен қамсыздандыру туралы" Қазақстан Республикасының Заңында белгіленген зейнеткерлік жасқа жеткен және Қазақстан Республикасы Жоғарғы Сотының, жергілікті және басқа соттардың қызметін ұйымдық және материалдық-техникалық қамтамасыз ету жөніндегі уәкілетті органға өтініш берген отставкадағы, оның ішінде 2016 жылғы 1 қаңтарға дейін отставкаға шыққан судья;

      3) Қазақстан Республикасы Жоғарғы Сотының, жергілікті және басқа соттардың қызметін ұйымдық және материалдық-техникалық қамтамасыз етуді жүзеге асыратын уәкілетті орган (бұдан әрі – уәкілетті орган) – Қазақстан Республикасы Жоғарғы Сотының жанындағы Соттардың қызметін қамтамасыз ету департаменті (Қазақстан Республикасы Жоғарғы Сотының аппараты) және оның облыстардағы, Нұр-Сұлтан, Алматы және Шымкент қалаларындағы аумақтық бөлімшелері;

      4) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға.

2. Ай сайынғы өмір бойғы қамтылымды тағайындау

      3. Отставкадағы судья (бұдан әрі – өтініш беруші) соңғы лауазымында істеген жұмыс орны бойынша уәкілетті органға осы Қағидалардың 5-тармағында көрсетілген құжаттарды қоса бере отырып, осы Қағидаларға 1-қосымшаға сәйкес нысан бойынша ай сайынғы өмір бойғы қамтылымды тағайындау (қалпына келтіру) туралы өтініш (бұдан әрі – өтініш) береді.

      4. Өтінішті Конституциялық заңда көзделген ай сайынғы өмір бойғы қамтылым алуға құқық туындаған кезде өтініш беруші уәкілетті органға береді.

      Өтініш беру қандай да бір мерзіммен шектелмейді.

      5. Өтінішке мынадай құжаттар қоса беріледі:

      1) түпнұсқасымен салыстыра отырып, уәкілетті органның мөртаңбасымен расталған, өтініш берушінің жеке басын куәландыратын құжатының көшірмесі;

      2) зейнетақы төлемдерін алушы болып табылатын тұлға үшін зейнетақы төлемдерін алушының мәртебесін растайтын куәліктің түпнұсқасымен салыстыра отырып, уәкілетті органның мөртаңбасымен расталған көшірмесі;

      3) банк шотының нөмірі туралы мәліметтер;

      4) Қазақстан Республикасы Еңбек кодексінің 35-бабында белгіленген, түпнұсқасымен салыстыру кезінде уәкілетті органның мөртаңбасымен расталған, судьяның еңбек қызметін растайтын құжаттың көшірмесі.

      6. Ай сайынғы өмір бойғы қамтылымды тағайындау (қалпына келтіру) туралы өтінішті уәкілетті орган осы Қағидалардың 2-қосымшасына сәйкес нысан бойынша судьяның отставкаға шығуы, судьяның отставкасын тоқтату, тоқтата тұру және қалпына келтіру туралы мәліметтерді тіркеу және есепке алу журналында қағаз және электрондық тасығыштарда тіркейді.

      7. Уәкілетті орган ай сайынғы өмір бойғы қамтылым тағайындауға (қалпына келтіруге) үміткер әрбір өтініш берушіге мынадай құжаттардан іс қалыптастырады:

      1) ай сайынғы өмір бойғы қамтылымды тағайындау туралы өтініш;

      2) өтініш беруші ұсынатын, уәкілетті органның мөртаңбасымен расталған өтініш берушінің жеке басын куәландыратын құжаттың көшірмесі;

      3) зейнетақы төлемдерін алушы болып табылатын тұлға үшін зейнетақы төлемдерін алушының мәртебесін растайтын куәліктің түпнұсқасымен салыстыра отырып, уәкілетті органның мөртаңбасымен расталған көшірмесі;

      4) банк шотының нөмірі туралы мәліметтер;

      5) уәкілетті органның кадр қызметі ұсынатын судьяның отставкаға шыққанын растайтын құжат;

      6) уәкілетті органның кадр қызметі ұсынатын судьяның қажетті жұмыс өтілінің болуын растайтын құжат;

      7) уәкілетті органның қаржы қызметі ұсынатын соңғы атқарған қызметі бойынша лауазымдық еңбекақы мөлшері туралы құжат;

      8) уәкілетті органның қаржы қызметі ұсынатын судьяның есептелетін өмір бойғы қамтылымының есебі;

      9) уәкілетті органның кадр қызметі ұсынатын, судьяның отставкасын тоқтата тұру немесе оны қалпына келтіру туралы Қазақстан Республикасы Жоғары Соты Төрағасының өкімдерінен үзінділер.

      8. Уәкілетті орган өтініш берушінің өтініші келіп түскен күнінен бастап он жұмыс күні ішінде осы Қағидалардың 3-қосымшасына сәйкес нысан бойынша ай сайынғы өмір бойғы қамтылымның өтініш берілген күнгі мөлшерін көрсете отырып, ай сайынғы өмір бойғы қамтылым тағайындау (тоқтата тұру, қалпына келтіру) не тағайындаудан бас тарту туралы қорытынды шығарады.

      Өтініш берушіге ай сайынғы өмір бойғы қамтылымды тағайындаудан (қалпына келтіруден) бас тарту туралы қорытынды Конституциялық заңның 35-бабының 3-тармағында көзделген негіздер бойынша шығарылады.

      9. Қорытынды ай сайынғы өмір бойғы қамтылымды тағайындау не оны тағайындаудан бас тарту туралы бұйрық дайындау үшін жазбаша нысанда үш жұмыс күні ішінде уәкілетті органның басшысына беріледі.

      Ай сайынғы өмір бойғы қамтылымды тағайындаудан бас тартылған жағдайда уәкілетті орган бұйрыққа қол қойылған күннен бастап үш жұмыс күнi iшiнде жазбаша нысанда бұл туралы өтініш берушіге хабарлайды.

      10. Уәкілетті орган отставкадағы судьяға өмір бойғы ай сайынғы қамтылымды тағайындау туралы бұйрыққа қол қойылған күннен бастап үш жұмыс күні ішінде осы Қағидаларға 4-қосымшаға сәйкес нысан бойынша отставкадағы судьяға өмір бойғы ай сайынғы қамтылымды тағайындау туралы хабарламаны (бұдан әрі – хабарлама) мемлекеттік базалық зейнетақы төлемдерін және (немесе) жасына байланысты зейнетақы төлемдерін және (немесе) еңбек сіңірген жылдарына зейнетақы төлемдерін тоқтату үшін Мемлекеттік корпорацияға жібереді.

      11. Тегі, аты немесе әкесінің аты, банк шотының нөмірі, тұрғылықты жері өзгерген жағдайда, ай сайынғы өмір бойғы қамтылымды алушы көрсетілген өзгерістер болған күннен бастап он жұмыс күні ішінде растайтын құжаттар бар өтінішті уәкілетті органға іс материалдарына қоса тіркеу үшін тапсырады.

      12. Отставкадағы судья өмір бойғы ай сайынғы қамтылымды мемлекеттік базалық зейнетақы төлемін және (немесе) жасына байланысты зейнетақы төлемдерін және (немесе) еңбек сіңірген жылдары үшін зейнетақы төлемдерін бір мезгілде ала алмайды.

      13. Отставкадағы судьяның жеке зейнетақы шотында жинақталған жеке зейнетақы қорының есебінен оған төленетін зейнетақы төлемдерін алу Қазақстан Республикасының зейнетақымен қамтамасыз ету туралы заңнамасында айқындалған тәртіппен жүзеге асырылады.

3. Еңбек өтілін анықтау және өмір бойғы ай сайынғы
қамтылымның мөлшерін есептеу

      14. Отставкадағы судьяға өмір бойғы ай сайынғы қамтылымның мөлшері көрсетілген қамтылымды төлеуге өтініш берілген күні қолданыстағы судьялар үшін еңбекке ақы төлеу жүйесіне сәйкес соңғы атқарған лауазымына төленетін еңбекақы бойынша есептеледі.

      15. Отставкадағы судьяның өмір бойғы ай сайынғы қамтылымының мөлшерін есептеу Конституциялық заңның 35-бабының 2-1-тармағына сәйкес жүзеге асырылады.

      16. Отставкадағы судьяның өмір бойғы ай сайынғы қамтылымын тағайындау үшін еңбек өтіліне судьяның Қазақстан Республикасының заңнамасына сәйкес тағайындалған күнінен бастап және өкілеттігін нақты тоқтатқан күніне дейінгі оның жұмыс кезеңі есептеледі.

      17. Судьялық жұмыс өтілі үзілген жағдайда жалпы судьялық өтіл судья лауазымындағы жұмыстың барлық кезеңі үшін болған үзіліске қарамастан жиынтықта есептеледі.

      18. Қазақстан Республикасының заңнамалық актілерінде белгіленген тәртіппен судьяларға еңбекақы ақы төлеу мөлшері ұлғайған кезде уәкілетті орган отставкадағы судьяға төленетін ай сайынғы өмір бойғы қамтылымды қайта есептеуді жүргізеді.

4. Өмір бойғы ай сайынғы қамтылымды төлеуді жүзеге асыру

      19. 2016 жылғы 1 қаңтардан кейін отставкадағы судьяға өмір бойғы ай сайынғы қамтылымды төлеу ол уәкілетті органға ай сайынғы өмір бойғы қамтылымды тағайындау туралы өтініш берген күннен бастап жүзеге асырылады.

      Зейнетақы төлемдерін алушы тұлғалар үшін ай сайынғы өмір бойғы қамтылымды төлеуді мемлекеттік базалық зейнетақы төлемі және (немесе) жасына байланысты зейнетақы төлемдері және (немесе) еңбек сіңірген жылдары үшін зейнетақы төлемдері тоқтатылған айдан кейінгі айдың бірінші күнінен бастап уәкілетті орган жүзеге асырады.

      Мемлекеттік базалық зейнетақы төлемін және (немесе) жасына байланысты зейнетақы төлемдерін және (немесе) еңбек сіңірген жылдары үшін зейнетақы төлемдерін тоқтату туралы ақпаратты Мемлекеттік корпорация хабарлама келіп түскен күннен бастап бес жұмыс күні ішінде ұсынады.

      20. Ай сайынғы өмір бойғы қамтылым мөлшері тағайындалған және өзгерген кезде тиынмен есептелген барлық сома тиын сомасына қарамастан бір теңгеге дейін дөңгелектеуге жатады.

      21. Ай сайынғы өмір бойғы қамтылымды төлеуді уәкілетті орган ай сайынғы өмір бойғы қамтылым тағайындау туралы бұйрық негізінде өтініш берушінің банк шотына жүзеге асырады.

5. Өмір бойғы ай сайынғы қамтылым төлеуді тоқтата тұру,
тоқтату және қалпына келтіру

      22. Ай сайынғы өмір бойғы қамтылымды төлеу:

      1) Конституциялық заңның 35-бабының 3-тармағында көзделген негіздер бойынша Қазақстан Республикасының Жоғарғы Соты Төрағасының өкімімен судьяның отставкасы тоқтатыла тұрған жағдайда тоқтатыла тұрады және судьяның отставкасы қалпына келтірілген жағдайда қалпына келтіріледі;

      2) отставкадағы судья Қазақстан Республикасының заңнамасында белгіленген тәртіппен республикалық немесе жергілікті бюджеттен не Қазақстан Республикасының Ұлттық Банкі қаражатынан ақы төленетін лауазымды атқарған жағдайда тоқтатыла тұрады.

      Республикалық немесе жергілікті бюджеттен не Қазақстан Республикасының Ұлттық Банкі қаражатынан ақы төленетін лауазымды атқаруы тоқтатылған жағдайда, судьяға өмір бойғы ай сайынғы қамтылымды төлеу қайта басталады.

      Осы тармақтың 2) тармақшасында көзделген жағдайларда өмір бойғы ай сайынғы қамтылымды төлеуді тоқтату, қалпына келтіру өмір бойғы ай сайынғы қамтылымды төлеуді тоқтата тұру (қалпына келтіру) туралы бұйрықтың негізінде жүзеге асырылады.

      23. Ай сайынғы өмір бойғы қамтылымды төлеу Конституциялық заңның 35-бабының 3-тармағында көзделген негіздер бойынша судьяның отставкасы тоқтатылған жағдайда тоқтатылады.

      Отставкадағы судья қайтыс болған немесе оны қайтыс болды деп жариялау туралы сот шешімі заңды күшіне енген жағдайда ай сайынғы өмір бойғы қамтылымды төлеу қайтыс болған ай қоса есептеліп жүзеге асырылады.

      24. Ай сайынғы өмір бойғы қамтылымды төлеуді тоқтату, тоқтата тұру және қалпына келтіру бойынша шешімді уәкілетті орган осы Қағидалардың 3-9-тармақтарында көзделген тәртіппен қабылдайды.

      25. Ай сайынғы өмір бойғы қамтылымды төлеу тоқтатылған немесе қалпына келтірілген жағдайда уәкілетті орган үш жұмыс күні ішінде Мемлекеттік корпорацияға осы Қағидаларға 4-қосымшаға сәйкес нысан бойынша ай сайынғы өмір бойғы қамтылымды төлеудің тоқтатылғаны немесе қалпына келтірілгені туралы хабарлама жібереді.

6. Отставкадағы судьяларға өмір бойғы ай сайынғы қамтылым
төлеу туралы мәліметтердің есебін жүргізу

      26. Уәкілетті орган судьялардың отставкасы, судьялардың отставканы тоқтатуы, судьяның отставканы тоқтата тұруы және қалпына келтіруі туралы, сондай-ақ уәкілетті орган қабылдаған шешімдер туралы мәліметтердің есебін қағаз және электрондық тасығыштарда есепке алу журналында жүргізеді.

      Отставкадағы судьяға өмір

      бойғы ай сайынғы

      қамтылым төлеу жөніндегі

      уәкілетті органға

      кімнен _________________

      Т.А.Ә. (егер бар болса)

      ________________________

      ________________________

      мекенжайы:

      ________________________

ӨТІНІШ

      Ескерту. 1-қосымша жаңа редакцияда - ҚР Үкiметiнiң 21.04.2016 № 239 қаулысымен.

      Отставкадағы судья ретінде маған өмір бойғы ай сайынғы қамтылым тағайындауды (қалпына келтіруді) сұраймын.

      Судья ретінде жұмыс өтілімім_______________________ құрайды.

      ___________________________________________________________сотының

      судьясы (төрағасы, алқа төрағасы) лауазымындағы соңғы жұмыс орным

      __________________________________________________________________.

      Көрсетілген лауазымнан:

      Қазақстан Республикасы Парламентi Сенатының "___" _________ № _________________ қаулысының;

      Қазақстан Республикасы Президентінің ______ жылғы "___"__________№ __________________ Жарлығының негізінде босатылдым.

      (керектісін толтырыңыз)

      Өтінішке қоса беремін:

      1. _________________________________________________________________

      2. _________________________________________________________________

      3. _________________________________________________________________

      4. _________________________________________________________________

      _________________________________________________________________

      Өзім ұсынған құжаттардың дұрыстығы үшін құқықтық жауапкершілік аламын.

      Барлық өзгерістер туралы, сондай-ақ тұрғылықты жерімнің (оның ішінде Қазақстан Республикасының аумағынан тыс жерлерге шығу), анкеталық деректердің, банктік деректемелердің өзгергені туралы он жұмыс күні ішінде уәкілетті органға хабарлауға міндеттенемін.

      Бұрын басқа ведомстводан зейнетақы төлемдері тағайындалғанын/тағайындалмағанын хабарлаймын.

      (керектісінің астын сызыңыз)

      Менің жеке деректерімді өңдеуге келісім беремін.

      Өтініш берушінің қолы ___________ 20 ___ ж. _______ "__" _______

Судьяның отставкаға шығуы, судьяның отставкасын тоқтату,
судьяның отставкасын тоқтата тұру және қалпына келтіру туралы
мәліметтерді тіркеу және есепке алу журналы

      ____жылғы "___" ___ аяқталды ____жылғы "___"________басталды

      Журналда _______________________ парақ нөмірленді және тігілді.

      (санмен және жазбаша)

      М.О. Басшы ________________ ___________________

      Т.А.Ә.

Ай сайынғы өмір бойғы қамтылымды тағайындау (тоқтата тұру,
қалпына келтіру) не тағайындаудан бас тарту туралы
қорытынды

      20____ жылғы "__" ____________ №_____________

      "Қазақстан Республикасының сот жүйесі мен судьяларының мәртебесі туралы" 2000 жылғы 25 желтоқсандағы Қазақстан Республикасының Конституциялық заңының 35-бабының 2-1-тармағына сәйкес

      _____________________________________________________________________

      (тегі, аты, әкесінің аты)

      1. ____________________________________________________________ __________________________________ 20 ____ жылғы "____" _____________ бастап _______________________ теңге мөлшерінде отставкадағы судья ретінде өмір бойғы ай сайынғы қамтылым тағайындалсын.

      2. Отставкадағы судьяға ай сайынғы өмір бойғы қамтылымды тағайындаудан _______________________________________ бас тартылысын.

      (бас тартудың негізі)

      3. 20 _______ жылғы "____" ___________ бастап _________________ теңге мөлшерінде отставкадағы судьяға ай сайынғы өмір бойғы қамтылым төлеу _____________________________________________ тоқтатыла тұрсын.

      (тоқтата тұрудың негізі)

      4. 20 ______ жылғы "____" ___________ бастап __________________ теңге мөлшерінде отставкадағы судьяға ай сайынғы өмір бойғы қамтылымды төлеу _______________________________ қалпына келтірілсін.

      (қалпына келтірудің негізі)

      Кадр қызметінің басшысы (Т.А.Ә., қолы)

      Қаржы қызметінің басшысы (Т.А.Ә., қолы)

Отставкадағы судьяға өмір бойғы ай сайынғы қамтылым тағайындау
(тоқтата тұру немесе қалпына келтіру) туралы хабарлама

      Тегі ________________________________________________________________

      Аты _________________________________________________________________

      Әкесінің аты ________________________________________________________

      Тұрғылықты (нақты) мекенжайы

      _____________________________________________________________________

      Жеке басын куәландыратын құжат:

      №_______________________ "____"_____________________ берген.

      ЖСН _________________________________________________________________

      Уәкілетті органның 20___________ ж. "____" ________ № ______ бұйрығы

      20______ жылғы "___"_____________бастап отставкадағы судья ретінде ай сайынғы өмір бойығы қамтылым тағайындалды (тоқтатыла тұрады немесе қалпына келтірілді).

      _____________________________________________________________________

      Банк деректемелері және алушының банктік шот нөмірі ХҚЕ _____________________________________________________________________

      _____________________________________________________________________

      Банк БСН ____________________________________________________________

      Мемлекеттік негізгі зейнетақы төлемдерін және (немесе) жасына байланысты зейнетақы төлемдерін және (немесе) жұмыс атқарған жылдарына зейнетақы төлемдерін тоқтату үшін немесе тағайындау үшін негіз болып табылады.