Ескерту. Күші жойылды - ҚР Үкіметінің 28.06.2014 № 728 (01.01.2015 бастап қолданысқа енгізіледі) қаулысымен.

      Қазақстан Республикасының Үкіметі ҚАУЛЫ ЕТЕДІ:
      1. «Қазақстан Республикасының тұрғын үй-коммуналдық шаруашылығын  жаңғыртудың 2011 – 2020 жылдарға арналған бағдарламасын бекiту туралы» Қазақстан Республикасы Үкiметiнiң 2011 жылғы 30 сәуiрдегi № 473 қаулысына мынадай өзгерістер мен толықтырулар енгізілсін:
      көрсетілген қаулымен бекітілген Қазақстан Республикасының тұрғын үй-коммуналдық шаруашылығын жаңғыртудың 2011 – 2020 жылдарға арналған бағдарламасында:
      «Ағымдағы ахуалды талдау» деген 3-бөлімде:
      «Тұрғын үй қоры және тұрғын үй қатынастары» деген 1-кіші бөлімде:
      екінші бөлік мынадай редакцияда жазылсын:
      «Жергілікті атқарушы органдардың (бұдан әрі – ЖАО) деректері  бойынша 2010 жылы КПТҮ-ге жататын тұрғын үй қорының 50,1 млн. шаршы метрі немесе 32 % жөндеудің жекелеген түрлерін жүргізуді талап етеді, ал 3,8 млн. шаршы метрі (2 %) бұзылуға жататын, одан әрі пайдалануға жарамсыз авариялық тұрғын үйлер.»;
      жетінші бөлік мынадай мазмұндағы абзацтармен толықтырылсын:
      «инвестициялық тартымдылығының төмен болуы;
      қолданыстағы қуаттардың және техникалық-технологиялық шешімдердің теңгерімсіздігі.»;
      «ТКШ-дегі ағымдағы жағдайдың күшті және әлсіз жақтарын талдау» деген 4-кіші бөлімде:
      «коммуналдық желілер мен объектілер жүйесін дамыту» деген жолдың «Мүмкіндіктер» деген бағаны мынадай редакцияда жазылсын:
      «инженерлік желілер мен объектілерге жаңғырту және қайта жаңғырту жүргізу, оның ішінде мемлекеттік-жеке меншік әріптестік қағидаттарында жобаларды іске асыру арқылы өткізу»;
      «Бағдарламаның мақсаты, міндеттері, нысаналы индикаторлары және оны іске асыру нәтижелерінің көрсеткіштері» деген 4-бөлімде:
      мына:

      «

                                                                    »

      деген жолдар мынадай редакцияда жазылсын:

      «

                                                                   »;

      мына:

      «

                                                                    »

      деген жол алынып тасталсын;
      «Бағдарламаны іске асыру кезеңдері» деген 5-бөлімде:
      «Тұрғын үй қорын күтіп-ұстауды қамтамасыз ету» деген 1-кіші бөлімде:
      2-тетікте:
      мынадай мазмұндағы бесінші бөлікпен толықтырылсын:
      «Жергілікті атқарушы орган мамандандырылған уәкілетті ұйымның кондоминиум объектілерінде жұмыстарды ұйымдастыру және жөндеу жүргізу бойынша шығыстарын өтеуді қамтамасыз етеді.»;
      он жетінші бөліктің үшінші, төртінші, бесінші және алтыншы абзацтары мынадай редакцияда жазылсын:
      «Кіреберіс» деген екінші түр кіреберісте энергия үнемдейтін терезелер мен есіктер орнатуды, кіреберісті жөндеуді, домофон, почта жәшіктерін және өзге де кіреберіс жабдықтарын орнатуды қамтиды.
      «Шатыр» деген үшінші түр шатырды жөндеуді және энергия үнемдейтін материалдармен жылылауды қамтиды, бұл ретте шатырдың конструкциясын тегіс түрден сырғымалы түрге өзгертуге болады.
      «Қасбет» деген төртінші түр қасбетін жөндеу мен жылылауды, тұрғын үйдің сыртқы келбетін өзгертуді қамтиды.
      Энергия тиімділігін арттыру мақсатында жөндеу жұмыстарының бірінші, екінші, үшінші және төртінші түрлерін жүргізген кезде үйге ортақ жылу энергиясын есепке алу аспабы, сондай-ақ үй-жай (пәтер) иелерінің жалпы жиналысының шешімі бойынша жылуды тұтынуды реттеудiң автоматтандырылған жүйесi орнатылады.»;
      мынадай мазмұндағы он сегізінші бөлікпен толықтырылсын:
      «Үй-жай (пәтер) иелері жалпы жиналыста жөндеу жұмыстарының түрлері мен көлемдерін бекіткен кезде олардың жекелеген үлгі түрлерін, сондай-ақ әртүрлі аралас түрлерін пайдалана алады.»;
      жиырма тоғызыншы бөлік мынадай редакцияда жазылсын:
      «Күнкөрісі төмен отбасылар (азаматтар) үшін үй-жайдың (пәтердің) пайдалы алаңының 1 шаршы метрі үшін орындалған жұмыс төлемінің мөлшері ай сайын АЕК-тің 5 %-ынан артық болмауға тиіс.»;
      қырық екінші бөлік алынып тасталсын;
      «Коммуналдық инфрақұрылымды жаңғырту» деген 2-кіші бөлімде:
      отызыншы бөлік мынадай редакцияда жазылсын:
      «Тұрғын үй-коммуналдық шаруашылығын одан әрі дамыту мақсатында «Тұрғын үй-коммуналдық шаруашылығын дамыту қоры» АҚ құрылды.».
      мынадай мазмұндағы отыз бірінші бөлікпен толықтырылсын:
      «Тұрғын үй-коммуналдық шаруашылығын дамыту қоры» АҚ-ның  қызметі Қазақстан Республикасының қолданыстағы заңнамасы шеңберінде  жүзеге асырылатын болады.»;
      «Қазақстан Республикасының тұрғын үй-коммуналдық шаруашылығын жаңғыртудың 2011 – 2020 жылдарға арналған бағдарламасын іске асыру жөніндегі іс-шаралар жоспары» деген 7-бөлімде:
      реттік нөмірлері 2, 3, 6, 8, 9, 17, 19, 21 және 23-жолдардағы «ҚТШІА» деген аббревиатура «ӨДМ» деген аббревиатурамен ауыстырылсын;
      реттік нөмірі 8-жолда:
      «2013» деген бағандағы «543» деген сандар алынып тасталсын;
      «2014» деген бағандағы «456» деген сандар алынып тасталсын;
      «2015» деген бағандағы «500» деген сандар алынып тасталсын;
      «Барлығы» деген бағандағы «2062» деген сандар «563» деген сандармен ауыстырылсын;
      1-кезеңнің «Коммуналдық инфрақұрылымды жаңғырту» деген 2-кіші бөлімі мынадай редакцияда жазылсын:

      «

                                                                   »;

      2-кезеңнің «Тұрғын үй қорын күтіп-ұстауды қамтамасыз ету» деген 1-кіші бөліміндегі реттік нөмірі 20-жол алынып тасталсын;
      Ескертпе: аббревиатуралардың толық жазылуында «ҚТКШІА – Қазақстан Республикасы Құрылыс және тұрғын үй-коммуналдық шаруашылық істері агенттігі» деген жолдан кейін мынадай мазмұндағы жолмен толықтырылсын:
      «ӨДМ – Қазақстан Республикасы Өңірлік даму министрлігі».
      2. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі                                     С. Ахметов