Ескерту. Күші жойылды - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Қазақстан Республикасының Үкіметі ҚАУЛЫ ЕТЕДІ:
1. «Зоологиялық коллекциялар жинау және оларды мемлекеттiк есепке алу ережесін бекiту туралы» Қазақстан Республикасы Үкіметінің 2004 жылғы 29 желтоқсандағы № 1413 қаулысына (Қазақстан Республикасының ПҮАЖ-ы, 2004 ж., № 50, 658-құжат) мынадай өзгерістер енгізілсін:
көрсетілген қаулымен бекітілген Зоологиялық коллекциялар жинау және оларды мемлекеттiк есепке алу ережесінде:
1-тармақта «және бақылау» деген сөздер алынып тасталсын;
2-тармақ мынадай редакцияда жазылсын:
«2. Зоологиялық коллекцияларға жануарлар дүниесi объектiлерi тұлыптарының, жұмыртқаларының, криоконсервiленген жыныс клеткаларының, препараттары мен бөлiктерiнiң, оның iшiнде хайуанаттар парктері, зообақтар, цирктер, зоологиялық питомниктер, аквариумдер, океанариумдер жабайы жануарларының ғылыми, мәдени-ағартушылық, оқу-тәрбиелiк және эстетикалық құндылығы бар жинағы жатады.»;
3-тармақ алынып тасталсын;
9-тармақ мынадай редакцияда жазылсын:
«9. Зоологиялық коллекцияның иесi оны мемлекеттiк есепке қою мақсатында қызметтерді жүзеге асыру басталғанға дейін кемінде он жұмыс күні ішінде «Әкімшілік рәсімдер туралы» 2000 жылғы 27 қарашадағы Қазақстан Республикасының Заңына сәйкес тиiстi уәкiлеттi органды хабардар етеді.»;
10-тармақ мынадай редакцияда жазылсын:
«10. Тиiстi уәкiлеттi орган зоологиялық коллекция иесiнің хабарламасына сәйкес оны тізілімге енгізеді.»;
13-тармақ мынадай редакцияда жазылсын:
«13. Зоологиялық коллекцияларды Қазақстан Республикасынан тыс жерлерге әкету Кедендік одақтың нормативтік құқықтық актілеріне сәйкес жүзеге асырылады.»;
көрсетілген ережеге 1-қосымшадағы 9, 10 және 15-тармақтар алынып тасталсын;
көрсетілген ережеге 2 және 3-қосымшалар алынып тасталсын.
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі С. Ахметов
