Ескерту. Қаулының күші жойылды - ҚР Үкіметінің 2007 жылғы 30 қарашадағы  N 1157  (алғаш рет ресми жарияланған күнінен бастап он күнтізбелік күн өткен соң қолданысқа енгізіледі) Қаулысымен.

      "Табиғи монополиялар туралы" Қазақстан Республикасының 1998 жылғы 9 шілдедегi Заңының  15-бабының  3-тармағына сәйкес Қазақстан Республикасының Үкiметi  ҚАУЛЫ ЕТЕДI:

      1. Қоса беріліп отырған Табиғи монополиялар субъектiлерiнiң қызметін оңайлатылған мемлекеттiк реттеу  ережесi  бекiтiлсiн.

      2. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгізіледі.

       Қазақстан Pecпубликасының
      Премьер-Министрі

Қазақстан Республикасы  
Үкiметінің        
2005 жылғы 21 қыркүйектегі
N 935 қаулысымен    
бекiтiлген        

  Табиғи монополиялар субъектілерiнiң қызметiн оңайлатылған
мемлекеттік реттеу ережесi

  1. Жалпы ережелер

      1. Taбиғи монополиялар субъектілерінің қызметiн оңайлатылған мемлекеттiк реттеу ережесi (бұдан әрi - Ереже) "Табиғи монополиялар туралы" Қазақстан Республикасының 1998 жылғы 9 шілдедегі  Заңына  сәйкес әзiрлендi.

      2. Ереже Табиғи монополиялар субъектiлерінің қызметiн мемлекеттік реттеудің оңайлатылған тәртібiн айқындайды.

      3. Ереже реттелiп көрсетiлетiн қызметтердi (тауарларды, жұмыстарды) ұсынудан түскен табысы жылына үш жүз елу мың айлық есептік көрсеткiштен немесе реттелiп көрсетiлетiн қызметтердiң (тауарлардың, жұмыстардың) әрбiр түрi бойынша жылына елу мың айлық есептiк көрсеткiштен аспайтын табиғи монополиялар субъектілерiне (қуаттылығы аз табиғи монополиялар субъектiлерiн қоса алғанда) қолданылады.
       Ескерту. 3-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

      4. Ереже жаңадан құрылған табиғи монополиялар субъектiлерiнiң реттелiп көрсетілетiн қызметтеріне (тауарларына, жұмыстарына) арналған тарифтердi (бағаларды, алымдар ставкаларын) және тарифтік сметаларды бекiту кезiнде туындайтын қатынастарға, реттеліп көрсетiлетiн қызметтердiң (тауарлардың, жұмыстардың) тiзбесiне жаңадан енгізiлген реттелiп көрсетілетiн қызметтердің (тауарлардың, жұмыстардың) түрлеріне, реттелiп көрсетілетiн қызметтердiң (тауарлардың, жұмыстардың) өзге түрлерi бойынша Табиғи монополиялар субъектілерiнiң Мемлекеттік тіркелiмiне енгiзiлген табиғи монополиялар субъектілерiнiң реттеліп көрсетiлетiн қызметтерінің (тауарлардың, жұмыстардың) жаңа түрлеріне, сондай-ақ, егер табиғи монополия субъектiсiнiң реттелiп көрсетілетiн қызметтерiне (тауарларына, жұмыстарына) арналған қолданыстағы тарифтер объектiлер және (немесе) учаскелер бойынша бөлек бекiтiлсе, жаңа объектiлерге және (немесе) учаскелерге қолданылмайды.
       Ескерту. 4-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

      5. Осы Ереженiң мақсатында мынадай негiзгi ұғымдар пайдаланылады:
      1) тарифтiң (бағаның, алым ставкасының) шығын бөлiгi - табиғи монополия субъектiсінің тарифтi (бағаны, алым ставкасын) бекіту кезiнде ескерілетін тауарларды өндiрумен және (немесе) реттелiп көрсетiлетін қызметтерді (жұмыстарды) көрсетумен байланысты шығындардың жиынтығы. Осы шығындар реттелiп көрсетілетiн қызметтiң (тауардың, жұмыстың) өзiндiк құнынан және кезең шығыстарынан (жалпы және әкiмшiлiк шығыстар, өткiзу бойынша шығыстар, сыйақылар төлеу бойынша шығыстар) тұрады;
      2) өтiнiм - табиғи монополия субъектiсiнiң реттелiп көрсетiлетiн қызметтерге (тауарларға, жұмыстарға) арналған тарифтердi (бағаларды, алымдар ставкаларын) бекiту туралы уәкілетті органға ұсынатын ресми өтiнiшi (арызы);
      3) құзыреттi орган - мемлекеттiк басқарудың тиiстi саласына (аясына) басшылықты жүзеге асыратын мемлекеттiк орган, ал су шаруашылығы (және) немесе кәрiз жүйелерiнiң реттелiп көрсетілетiн қызметтерiн (тауарларын, жұмыстарын) көрсететiн табиғи монополиялар субъектiлерi үшiн, сондай-ақ қуаттылығы аз табиғи монополия субъектiлерi үшiн - жергiлiктi атқарушы органдар;
      4) негізсiз табыс - табиғи монополия субъектiсiнiң уәкілеттi орган бекiткен тарифтік (бағаның, алым ставкасының) деңгейiнен немесе оның шектi деңгейiнен асатын құн бойынша төлем алу және (немесе) тарифтiк сметада көзделген амортизациялық аударымдар қаражатын мақсатқа сай пайдаланбау, тарифтiк сметаның шығын баптарын уәкілетті орган бекiткен мөлшерлерден бес пайыздан астамға орындамау нәтижесінде алынған қосымша табыс;
      5) тарифтің (бағаның, алым ставкасының) шығын бөлiгіне енгізілетiн шығындардың түрлерiн шектеу - тарифтi (бағаны, алым ставкасын) бекiту кезінде ескерiлмейтiн шығындардың тiзбесiн белгілеу;
      6) шығыстардың деңгейiн шектеу - белгіленген және (немесе) бекiтiлген нормалар, нормативтер, стандарттар және лимиттер негiзiнде тарифте (бағада, алым ставкасында) ескерілетін шығындар деңгейiнiң шегін белгілеу;
      7) табиғи монополия субъектiсi - табиғи монополия жағдайында тауарлар өндiрумен, жұмыстарды орындаумен және (немесе) тұтынушыларға реттелiп көрсетілетін қызметтердi көрсетумен айналысатын және олардың жылдық қаржылық есептiлiгінде табиғи монополиялар субъектілерi ретiнде реттелiп көрсетiлетiн қызметтердi (тауарларды, жұмыстарды) ұсынудан түскен табысы жылына үш жүз елу мың айлық есептiк көрсеткiштен немесе реттелiп көрсетілетiн қызметтердiң әрбiр түрi бойынша жылына елу мың айлық есептiк көрсеткiштен аспайтын соманы құраған жеке кәсiпкер немесе заңды тұлға;
      8) Лондон банкаралық рыногының ставкасы - жылдық пайыз ретінде көрсетiлетiн пайыздарды есептеу кезеңінің бiрiншi күнiне құны бойынша (немесе пайыздарды төлеу күнiне құны бойынша пайыздарды есептеудiң бастапқы кезеңi жағдайында не пайыздарды есептеудiң осындай кезеңi күнi, не пайыздық есептеудiң бiрiншi күнi алдындағы келесi күнi) алты айлық бiр валюталық депозиттер бойынша Лондон банкаралық рыногындағы ұсыныс ставкасы.
      Осы Ережеде пайдаланылатын өзге ұғымдар мен терминдер Қазақстан Республикасының заңнамасына сәйкес қолданылады.
       Ескерту. 5-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

  2. Табиғи монополиялар субъектілерiнiң қызметiн
оңайлатылған тәртiппен мемлекеттік peттeу

      6. Табиғи монополиялар субъектілерiнiң қызметiн оңайлатылған тәртiппен мемлекеттік реттеу:
      1) тарифтi (бағаны, алым ставкасын) бекiту;
      2) тарифтік сметаны бекiту;
      3) шығындарды қалыптастырудың ерекше тәртiбiн бекiту;
      4) реттеліп көрсетілетін қызметтердiң (тауарлардың, жұмыстардың) әрбiр түрi бойынша және тұтастай алғанда өзге қызмет бойынша табыстарды, шығындарды және қолданысқа енгiзген активтердi бөлектеп есепке алуды жүргiзу тәртiбiн бекiту;
      4) есептiк саясатты келiсу;
      5) уақытша өтемдiк тарифтi (бағаны, алым ставкасын) бекiту арқылы жүзеге асырылады.
      Осы тармақтың 4) тармақшасының ережесi қуаттылығы аз табиғи монополиялар субъектілерiне қатысты қолданылмайды.
       Ескерту. 6-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

  3. Реттелiп көрсетілетін қызметтерге (тауарларға,
жұмыстарға) арналған тарифтердi (бағаларды, алымдар
ставкаларын) бекiту тәртiбi

  Параграф 1. Табиғи монополия субъектісiнiң реттелiп көрсетілетiн қызметтерiне (тауарларға, жұмыстарға) арналған тарифтердiң (бағалардың, алымдар ставкаларының) жобаларын бекiтуге өтiнім беру және қабылдау

      7. Уәкiлетті орган табиғи монополия субъектiсiне тарифтердi (бағаларды, алымдар ставкаларын) бекітуді мынадай жағдайларда:
      1) табиғи монополия субъектiсiнің бастамасы бойынша;
      2) уәкiлетті органның бастамасы бойынша;
      3) төтенше реттеушi шара ретiнде жүргiзедi.

      8. Табиғи монополия субъектісінің реттелiп көрсетілетін қызметтерiне (тауарларына, жұмыстарына) арналған тарифтердi (бағаларды, алымдар ставкаларын) және тарифтiк сметаларды бекiту табиғи монополия субъектiсінің бастамасы бойынша белгiленген тәртiппен жүргiзiлетiн барлық тұтынушыларға оларды төмендетудi қоспағанда, он екi айда кемiнде бiр рет жүргiзiледi.
       Ескерту. 8-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

      9. Табиғи монополия субъектiсi өтініммен бiрге өзiнiң реттелiп көрсетілетін қызметтерiне арналған тарифтік сметаны және тарифтердiң (бағалардың, алымдар ставкаларының) жобаларын олар қолданысқа енгiзiлгенге дейiн алпыс күн бұрын ұсынуға тиiс. Уәкiлетті органның бастамасы бойынша тарифтер (бағалар, алымдар ставкалары) қайта қаралған жағдайда, табиғи монополия субъектісi бiр ай мерзiмде жаңа тарифтi (бағаны, алым ставкасын) бекiту үшiн берiлген өтінім көлемiндегi экономикалық негiзделген есептердi және өзге ақпаратты ұсынуға тиiс.

      10. Тарифтердi (бағаларды, алымдар ставкаларын) бекiтуге берiлген өтiнiмге:
      1) тарифтердi (бағаларды, алымдар ставкаларын) бекiту қажеттілігін ашатын және:
      жылдар бөлiнiсiнде тарифтердi (бағаларды, алымдар ставкаларын) соңғы бекіту сәтінен бастап өткен кезең iшіндегі табиғи монополия субъектісiнiң қызметтердiң (тауарлардың, жұмыстардың) реттелiп көрсетiлетiн түрлерi бойынша қызметіне қаржы-шаруашылық талдауды;
      соңғы аяқталған қаржы жылы үшін нақты шығындарды негiздейтiн материалдарды қоса берiп, осы Ереженiң  2-қосымшасына  сәйкес нысан бойынша тарифтiк сметаның орындалуы туралы eceпті;
      соңғы аяқталған қаржы жылы үшiн Қазақстан Республикасы Қаржы министрлігі бекiткен қаржылық есептілік нысанына сәйкес қаржылық есептіліктi қамтитын түсіндiрме жазба;
      2) тарифтiң (бағаның, алым ставкасының) жобасы;
      3) уәкiлеттi орган белгілеген тәртiппен бекiткен, ал қуаттылығы аз табиғи монополиялар субъектiлерi үшiн техникалық және технологиялық нормаларды, ережелер мен стандарттарды айқындайтын нормативтiк кесiмдерге сәйкес есептелген және (немесе) қалыптастырылған:
      жылдық нормативтiк техникалық ысыраптар;
      құзыреттi органмен келiсiм бойынша табиғи монополиялар субъектiлерiнiң шикiзаты, материалдары, отыны, энергиясы шығысының жылдық техникалық және технологиялық нормалары;
      еңбек жөнiндегi уәкілеттi органмен келiсiм бойынша табиғи монополия субъектiсiнiң персоналы санының нормативтерi;
      3-1) табиғи монополия субъектiсiнде елу және одан көп қызметкер болған жағдайда, статистика жөнiндегi уәкiлеттi орган бекiткен нысан бойынша еңбек жөнiндегi есеп;
      4) құзыретті орган бекiткен:
      негiзгi құралдар құнының өсуiне әкелмейтін ағымдағы және күрделi жөндеуге және басқа да жөндеу-қалпына келтiру жұмыстарына бағытталған, шығындардың жылдық сметасы;
      негiзгi құралдар құнының өсуiне әкелетін күрделi жөндеу жұмыстарын жүргізуге бағытталған шығындардың жылдық сметасы;
      5) уәкiлетті органмен келiсiлген есептiк саясат;
      6) материалдық, қаржы ресурстарын, жабдықтар мен қызметтердi сатып алу бағаларын растайтын құжаттарды (болған конкурстар (тендерлер) бойынша - материалдық, қаржы ресурстарын, жабдықтар мен қызметтердi сатып алу жөнiнде конкурстық (тендерлiк) комиссиялардың шешiмдерi, өтiнiмдi берген сәтке өткiзiлмеген конкурстар (тендерлер) бойынша - бағалар деңгейiн негiздейтiн өзге құжаттар);
      7) негізгі құралдарды соңғы қайта бағалау нәтижелерi туралы мәлiметтер;
      8) негiзгi құралдарды пайдалану мерзiмдерiн көрсете отырып, амортизациялық аударымдар есебi;
      9) peттеліп көрсетiлетін қызметтердiң (тауарлардың, жұмыстардың) жоспарлы көлемін растайтын құжаттар (ниет хаттамалары, шарттар, табиғи монополия субъектiсiнің жалпыға сапалы қызмет көрсету мiндетiне және мүмкiндігіне, монополиялық жоғары тарифтердi (бағаларды, алымдар ставкаларын) қолдау мақсатында көлемдердi төмендетуге жол бермеуге сүйене отырып, тауарларды өндiру көлемiнiң есептерi, тұтынушылар сұранымын маркетингтік зерттеу материалдары);
      10) табиғи монополия субъектiсi желілерiнің (жабдығының) жобалық қуаты және оны iс жүзiнде пайдалану туралы деректер;
      11) осы Ереженiң 4-бөлiмiнде баяндалған талаптарға сәйкес тарифтік сметаның жобасы қоса беріледi.
      Осы тармақтың 1) тармақшасының екiншi және үшiншi абзацтарының және 6) және 7) тармақшаларының ережелерi қуаттылығы аз табиғи монополиялар субъектiлерiне қолданылмайды.
      Қуаттылығы аз табиғи монополиялар субъектiлерi құжаттарды осы тармақтың 3) және 4) тармақшаларының талаптарына сәйкес бекiтусiз және (немесе) келiсусiз ұсынады.
       Ескерту. 10-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

      11. Өтiнімге қоса берiлетін есептер және негiздеушi материалдар мынадай талаптарға жауап беруге тиiс:
      1) негiздеушi материалдардың әрбiр парағына табиғи монополия субъектiсiнің басшысы, ал қаржы құжаттарына - басшы және бас бухгалтер немесе оларды алмастыратын адамдар қол қояды;
      2) негіздеушi материалдар ретiнде өтінiм берердiң алдындағы төрт тоқсандағы және өткен күнтізбелiк жылдағы шығындар туралы іс жүзiндегі деректер ұсынылуға тиiс;
      3) көлемдердiң маусымдық ауытқуларының тарифтерге (бағаларға, алымдар ставкаларына) әсер етуiн болдырмау мақсатында негіздемеге салық есебiнiң позициясынан осындай есеп мақсатсыз болатын жағдайларды қоспағанда, қаржы жылына арналған есептердегi деректер қабылданады;
      4) реттеліп көрсетілетін қызметтердің (тауарлардың, жұмыстардың) көлемдерi төмендеген жағдайда төмендеуiн растайтын материалдар ұсынылуға тиiс;
      5) табиғи монополия субъектiсi ұсынатын реттеліп көрсетілетін қызметтердiң (тауарлардың, жұмыстардың) әрбiр түрiне жеке дайындалуға тиiс.

      12. Тарифтердiң (бағалардың, алымдар ставкаларының) жобаларын есептеу кезiнде негiз үшін өтiнiм берердiң алдындағы төрт тоқсандағы немесе өткен күнтізбелік жылдағы реттелiп көрсетiлген қызметтердің (тауарлардың, жұмыстардың) іс жүзіндегі көлемдерi қабылданады.

      13. Табиғи монополия субъектiсi өтiнiмдi қарауға қабылдағаннан кейiн 15 күннің iшiнде уәкілетті органға өтiнім берердiң алдындағы 4 тоқсандағы шығындар туралы нақтыланған іс жүзiндегі деректердi ұсына алады.

      14. Уәкілеттi орган өтiнiмдi алған күннен бастап 5 жұмыс күнiнен кешіктірмей ұсынылған материалдардың толықтығын тексередi және табиғи монополия субъектiсiне өтінімдi қарауға қабылдағаны немесе бас тарту себептерiн көрсете отырып, өтінiмдi қарауға қабылдаудан бас тарту туралы жазбаша түрде хабарлайды.

      15. Табиғи монополия субъектiсiнiң өтiнімiн қарауға қабылдаудан бас тартуға мыналар:
      1) өтінімдi ұсыну мерзiмдерiн бұзу;
      2) осы Ереженің 10-тармағындағы талаптарға сәйкес келмеу;
      3) ұсынылған құжаттардың осы Ереженің 11-тармағына сәйкес келмеуі;
      4) сенiмсiз ақпарат ұсыну;
      5) қызметтердi (тауарларды, жұмыстарды) сатып алу рәсімдері бойынша белгіленген талаптарды бұзу себеп болып табылады.
      Осы тармақтың 5) тармақшасының талаптары қуаттылығы аз табиғи монополиялар субъектiлерiне қолданылмайды.
       Ескерту. 15-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

  Параграф 2. Өтінiмді қарау және тарифтерді (бағаларды,
алымдар ставкаларын) бекіту

      16. Табиғи монополиялар субъектілерiнiң реттелiп көрсетiлетiн қызметтерiне (тауарларына, жұмыстарына) арналған тарифтердiң (бағалардың, алымдар ставкаларының) жобаларын уәкiлетті орган 45 күннiң iшiнде, ал қуаттылығы аз табиғи монополиялар субъектiлерi үшiн 10 күннiң iшiнде қарайды. Тарифтердiң (бағалардың, алымдар ставкаларының) жобаларын қарау мерзiмi өтінім берiлген сәттен бастап есептеледi.
       Ескерту. 16-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

      17. Уәкiлетті орган табиғи монополия субъектiсi өтiнiммен бiрге ұсынған негiздеуші құжаттар мен есептердi талдау негiзiнде тарифтердiң (бағалардың, алымдар ставкаларының) жобаларына сараптама жүргiзедi. Уәкілетті орган сондай-ақ ұқсас қызмет түрiмен айналысатын табиғи монополия субъектiлерi қызметтерiнiң көрсеткiштерiне салыстырмалы талдау жүргізе алады.

      18. Уәкiлеттi орган қажет болған жағдайда тәуелсiз сарапшыларды, мемлекеттік органдарды, тұтынушыларды және олардың қоғамдық бiрлестiктерiн, жобаны ұсынған табиғи монополия субъектілерiн тартып тарифтердің (бағалардың, алымдар ставкаларының) жобаларына сараптамалық бағалау жүргізедi.

      19. Уәкiлетті орган құзыретті органдардан және табиғи монополия субъектiсiнiң өзiнен табиғи монополия субъектiсiнiң қызметi туралы ұсыну мерзiмiн көрсете отырып, қосымша ақпарат сұрата алады.

      20. Табиғи монополия субъектiсi талап етiлген ақпаратты уәкілеттi орган белгiлеген мерзiмде немесе оны толық көлемде ұсынбаған жағдайда, уәкiлетті орган тарифтердi (бағаларды, алымдар ставкаларын) қалыптастыру кезiнде мәлімделген шығындарды ескермеуі мүмкiн.

      21. Уәкiлеттi орган жүргiзген сараптаманың нәтижелерi бойынша жаңа тарифтердi (бағаларды, алымдар ставкаларын) бекiту немесе бекiтуден бас тарту туралы шешiм қабылдайды.

      22. Тарифтердiң (бағалардың, алым ставкаларының) жобаларын бекiту туралы өтiнiм берген және шешiм қабылдаған кезде уәкiлетті орган мен табиғи монополиялар субъектiлерi Ереженiң  4-бөлімiнің  қағидаларын, бухгалтерлік есептiң стандарттарын белгілейтін нормативтік құқықтық кесiмдердi қоса алғанда, өзге де нормативтік құқықтық кесiмдердi, салық заңнамасын, сондай-ақ табиғи монополиялар субъектілерінің тауарларға (жұмыстарға, қызметтерге) арналған тарифтерiн (бағаларын, алым ставкаларын) есептеудің салалық әдiстемелерiн басшылыққа алады.

      23. Уәкiлеттi органның табиғи монополия субъектiсiнiң реттелiп көрсетілетiн қызметтерiне (тауарларына, жұмыстарына) арналған жаңа тарифтердi (бағаларды, алымдар ставкаларын) бекiту немесе бекiтуден бас тарту туралы шешiмi уәкiлетті органның бұйрығымен ресiмделедi және оларды қолданысқа енгiзген сәтке дейiн 15 күннен кешiктiрмей табиғи монополия субъектiсiне жолданады.

      24. Уәкiлеттi орган төтенше реттеуші шаралар түрiнде тарифтердi (бағаларды, алымдар ставкаларын) бекiту туралы шешім қабылдай алады, бұл ретте осы Ереженің 8, 14, 20, 21, 23-тармақтарының талаптары қолданылмайды.

      25. Уәкілеттi органның өтiнімдi қарауға қабылдау немесе қарауға қабылдаудан бас тарту туралы, табиғи монополия субъектiсінің реттелiп көрсетілетін қызметтеріне (тауарларына, жұмыстарына) арналған тарифтерді (бағаларды, алымдар ставкаларын) бекiту немесе бекiтуден бас тарту туралы шешімiне табиғи монополия субъектiсi немесе реттеліп көрсетілетін қызметтерді (тауарларды, жұмыстарды) тұтынушы заңнамада белгiленген тәртіппен және мерзiмде шағымдануы мүмкiн.

  Параграф   3. Тарифтерді (бағаларды, алымдар ставкаларын) енгiзу

      26. Жаңа тарифтердi (бағаларды, алымдар ставкаларын) енгiзу тарифтер (бағалар, алымдар ставкалары) бекiтiлетiн айдан кейiнгi екiншi айдың бiрiншi күнінен бастап жүзеге асырылады.
      Қуаттылығы аз табиғи монополия субъектiлерiнiң реттелiп көрсетілетiн қызметтерiне (тауарларына, жұмыстарына) тарифтердi (бағаларды, алымдар ставкаларын) қолданысқа енгiзу тарифтер (бағалар, алымдар ставкалары) бекiтiлетiн айдан кейiнгi айдың бiрiншi күнiнен бастап жүзеге асырылады.
       Ескерту. 26-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.  

      27. Табиғи монополия субъектiсi тарифтердi (бағаларды, алымдар ставкаларын) өзгерту туралы ақпаратты оларды қолданысқа енгізгенге дейiн 10 күннен кешіктірмей, ал қуаттылығы аз табиғи монополиялар субъектiлерi үшiн - олар қолданысқа енгізiлгенге дейiн үш күннен кешiктiрмей тұтынушының назарына жеткiзуге тиіс.
       Ескерту. 27-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      28. Егер табиғи монополия субъектiсi тұтынушыларға жаңа тарифтердi (бағаларды, алымдар ставкаларын) енгiзу туралы Ережеде көрсетілген мерзiмде хабарлай алмаса, онда көрсетілген тарифтер (бағалар, алымдар ставкалары) уәкiлеттi органның шешімінде көрсетiлген күннен бастап енгізілмейді. Мұндай жағдайда бекiтiлген тарифтердi (бағаларды, алымдар ставкаларын) енгiзу келесi айдың бiрiншi күнiнен бастап жүзеге асырылады.
       Ескерту. 28-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

  4. Реттелiп көрсетiлетiн қызметтерге (тауарларға,
жұмыстарға) арналған сметаны бекiту тәртiбi

      29. Тарифтік сметаның көрсеткiштерi уәкілеттi орган белгілейтiн тарифтiң (бағаның, алым ставкасының) деңгейiн негіздейтiн және қалыптастыратын табиғи монополия субъектiсi табыстарының және шығыстарының баптары, реттеліп көрсетілетін қызметтердiң (тауарлардың, жұмыстардың) көлемi және табиғи монополия субъектiсi қызметiнiң басқа да экономикалық көрсеткіштерi туралы негiзгi жиынтық деректер болып табылады. Табиғи монополия субъектiсiне тарифтік сметаны уәкілеттi орган тарифпен бiрге бір мезгiлде бекiтедi. Тарифтiк смета осы Ереженiң  1-қосымшасына  сай, ал қуаттылығы аз табиғи монополиялар субъектiлерi үшiн 3-қосымшасына сай нысан бойынша жасалады.
       Ескерту. 29-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      30. Тарифтік сметаны қарау және бекiту кезiнде Ереженiң 10-тармағында көрсетілген материалдар мен ақпарат пайдаланылады.

      31. Табиғи монополия субъектісi ағымдағы жылдың соңына дейiн 60 күннен кешіктірмей уәкiлетті органға бекiтiлген тарифтік сметаны қайта қарау туралы ұсыныспен өтiнiш жасай алады.

      32. Уәкілетті орган бекiтiлген тарифтік сметаны қайта қарау туралы ұсынысты оны ұсынған күннен бастап 30 күннiң iшiнде қарайды.

      33. Табиғи монополия субъектісi ағымдағы жылдың 1 мамырына дейiн уәкілеттi органға осы Ереженiң  2-қосымшасына  сай нысан бойынша реттеліп көрсетілетiн қызметтердiң (тауарлардың, жұмыстардың) әрбiр түрi бөлiнiсiнде өткен күнтізбелiк жылға уәкiлетті орган бекiткен тарифтiк сметаны орындау туралы есеп ұсынады.

      34. Табиғи монополия субъектiсi тарифтік сметаның орындалуы туралы есепке өткен күнтізбелiк жылдың мынадай құжаттары мен ақпаратты:
      1) осы Ереженiң 2-қосымшасында көрсетілген кестенi қоса берiп және тарифтiк сметаның орындалмау себептерiн көрсете отырып, оның орындалуы туралы түсiндiрме жазбаны;
      2) бухгалтерлік теңгерiмдi;
      3) қаржы-шаруашылық қызметiнiң нәтижелерi туралы есептi;
      4) ағымдағы және күрделi жөндеуге, басқа жөндеу-қалпына келтiру жұмыстарына бағытталған шығындар сметасын iске асыру туралы мәлiметтердi;
      5) тауарларды (жұмыстарды, қызметтердi) сатып алу жөнiндегi конкурстық (тендерлiк) комиссиялар шешiмдерiнiң көшiрмелерiн бередi.
      Уәкiлеттi орган тарифтік сметаның орындалуы туралы есептi қарау кезінде табиғи монополия субъектiсiнен қосымша ақпарат сұрата алады.
       Ескерту. 34-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      35. Уәкiлеттi орган тарифтiк сметаның орындалуы туралы есептi қарау кезiнде жария тыңдаулар өткiзе алады.

      36. Уәкiлетті орган тұтынушылардың арыздары, шағымдары, бұқаралық ақпарат құралдарының материалдары, мемлекеттік органдардың өтiнiштерi бойынша және өз бастамасы бойынша бекiтiлген тарифтік сметаны орындамау, ал уәкiлеттi органға тарифтік сметаның орындалуы туралы есептi тең ұсынбау бөлiгiнде табиғи монополиялар туралы  заңнаманы  бұзушылықтарды анықтаған жағдайда:
      1) қолданыстағы тарифтiк сметаға өзгерiстер енгiзуге бастамашылық жасауы;
      2) табиғи монополия субъектiсiне табиғи монополиялар туралы заңнаманы бұзғанына ден қою шараларын қолдануы;
      3) уақытша өтемдік тариф (баға, алым ставкасын) белгiлеуi мүмкiн.

  5. Тарифтердi (бағаларды, алымдар ставкаларын) және
тарифтiк сметаларды қарау және бекiту кезiнде қолданылатын
шығындарды қалыптастырудың ерекше тәртiбі

  Параграф   1. Табиғи монополия субъектiсiнiң реттелiп көрсетiлетiн қызметтеріне (тауарларына, жұмыстарына) арналған тарифтерге (бағаларға, алым ставкасына) енгізілетiн шығындарды реттеу

      37. Табиғи монополия субъектiсiнiң реттеліп көрсетілетін қызметтерiне (тауарларына, жұмыстарына) арналған тарифке (бағаға, алым ставкасына) енгiзілетін шығындарды реттеу тарифтiң (бағаның, алым ставкасының) шығын бөлігiне енгізiлетін шығындардың түрлерiн шектеу және табиғи монополия субъектiсінiң шығыстар деңгейiн шектеу жолымен жүзеге асырылады.

      38. Тарифтiң (бағаның, алым ставкасының) шығын бөлігіне енгізілетiн материалдық шығыстар уәкілеттi орган құзыреттi органмен келiсiм бойынша бекiткен табиғи монополия субъектілерiнiң шикiзат, материалдар, отын, энергия шығысының техникалық және технологиялық нормаларына және Қазақстан Республикасының заңнамасында белгiленген тәртіппен тендерлiк (конкурстық) сатып алудың нәтижелерi бойынша анықталған материалдық ресурстардың бағаларына сүйене отырып, айқындалады.
       Ескерту. 38-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      39. Табиғи монополия субъектiсiне мемлекеттiк бюджет қаражатынан бөлінетін субсидия тарифтiң (бағаның, алым ставкасының) шығын бөлiгiн кемiтуге қарай ескеріледi, ал су шаруашылығы және (немесе) кәріз жүйелерi саласында қызметiн жүзеге асыратын табиғи монополия субъектiсiне оны ұсыну кезеңiне қолданыста болатын мемлекеттік субсидияны ескере отырып, жеке тариф (баға, алым ставкасы) белгiленедi.

      40. Аудиторлық, консалтингiлiк, маркетингтiк қызметтерге және мердiгерлік тәсiлмен жүргізілетiн жөндеу жұмыстарына, бөгде ұйымдар жүзеге асыратын, Қазақстан Республикасының заңнамасында белгiленген тәртіппен сатып алынатын өндiрiстік сипаттағы басқа қызметтерге жұмсалатын шығыстар тарифтiң (бағаның, алым ставкасының) шығын бөлiгiне енгiзіледi.

      41. Қуаттылығы аз табиғи монополия субъектiсiн қоспағанда, тарифке (бағаға, алым ставкасына) енгізiлетін материалдық ресурстарды (шикiзаттың және материалдардың негiзгi түрлерiн), жабдықтарды, құрылыс-монтаж және жөндеу жұмыстарын, бөгде ұйымдардың қызметтерін (жұмыстарын) табиғи монополия субъектiсiнiң бiр көзден сатып алуы қолданыстағы  заңнамада  белгiленген тәртiппен, экономикалық мақсаттылық негiзінде уәкілеттi органның келiсiмi бойынша жүргізiледi.
       Ескерту. 41-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      42. Нормативтік техникалық ысыраптарға байланысты шығыстар тарифтің (бағаның, алым ставкасының) шығын бөлігіне енгізiледi. Нормативтік техникалық ысыраптарды уәкiлеттi орган бекiтедi.
       Ескерту. 42-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      43. Табиғи монополия субъектiсiнiң негiзгi құралдар құнының өсуiне әкелмейтiн ағымдағы және күрделi жөндеулерге және басқа да жөндеу-қалпына келтiру жұмыстарына бағытталатын қаражаты өз құзыретi шегінде құзыреттi органның оларды жүргiзу қажеттілігін құжаттамалық техникалық растауы болған жағдайда тарифтiң (бағаның, алым ставкасының) шығын бөлігіне енгiзіледi.
       Ескерту. 43-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      44. Субъектінiң әкiмшiлiк персоналына жататын қызметкерлерге еңбекақы төлеу жүйесiн және олардың лауазымдарын құзыреттi орган айқындайды. Субъектiнiң әкiмшiлiк және өндiрiстiк персоналының нормативтiк санын уәкiлеттi орган өзi белгiлеген тәртiппен бекiтедi. Бұл ретте субъектiнiң әкiмшiлiк және өндiрiстiк персоналының нормативтiк саны, әкiмшiлiк персоналына жататын қызметкерлердiң лауазымдары, еңбекақы төлеу жүйесi еңбек жөнiндегi уәкілеттi мемлекеттік орган белгiлеген тәртiппен еңбек жөнiндегi уәкiлеттi мемлекеттiк органмен немесе оның аумақтық органдарымен келiсiледi.
      Шығындарға енгізiлетiн өндiрiстiк персоналдардың еңбекақыларына жұмсалатын шығыстар табиғи монополия субъектісi персоналының нормативтiк санынан аспайтын iс жүзiндегі санына және Қазақстан Республикасының әлеуметтік-экономикалық дамуының орташа мерзiмдi жоспарында көзделген тұтыну бағалары индексінiң болжамды өзгеруiн ескерiп, қолданыстағы тарифтерде (бағаларда, алымдар ставкаларында) қабылданған орташа айлық еңбекақыға сүйене отырып айқындалады.
      Шығындарға енгiзiлетiн әкiмшiлiк персоналдардың еңбекақыларына жұмсалатын шығыстар табиғи монополия субъектiсi персоналының нормативтік санынан аспайтын iс жүзіндегi санына сүйене отырып айқындалады.
      Мемлекеттiк кәсiпорындарды қоспағанда, табиғи монополия субъектiлерi басшыларының, олардың орынбасарларының, бас (аға) бухгалтерлерiнiң және әкiмшілік персоналдың басқа қызметкерлерiнiң лауазымдық жалақылары бойынша шығындарға енгiзiлетiн, табиғи монополия субъектілерiнiң әкiмшiлiк персоналдарының еңбекақыларына жұмсалатын шығыстар штаттық кестеге сай, 15 еседен аспайтын мөлшерде табиғи монополия субъектiсi қызметкерлерiнiң лауазымдық жалақыларының ең көп және ең аз деңгейiнiң ара қатынасына сүйене отырып, шектеледі.
      Еңбек  заңнамасына  сәйкес еңбекақы жүйесінде көзделген еңбек жағдайларына қосымша ақы және үстемеақы төлеумен байланысты шығыстар Ереженің 59-тармағында көрсетiлген шығыстарды қоспағанда, тарифтердi (бағаларды, алымдар ставкаларын) қалыптастыру кезiнде ескерiледi.
      Тарифтiң (бағаның, алым ставкасының) шығын бөлігіне енгiзiлмейтiн, еңбекақыға қоса сыйлықақы беру және сыйақылардың басқа да түрлерiне жұмсалатын шығыстарды табиғи монополия субъектiсi (мемлекеттiк кәсiпорындарды қоспағанда) таза табыстан (ic жүзiндегi пайдадан) жүзеге асыра алады.
      Уәкiлеттi орган осындай немесе ұқсас қызмет түрiмен айналысатын табиғи монополия субъектілерiнiң еңбекақыға жұмсайтын шығындарын салыстырмалы талдау негiзiнде, сондай-ақ табиғи монополия субъектiсiнiң реттелiп көрсетілетiн қызметтерiнiң (тауарларының, жұмыстарының) көлемдерi қысқартылған жағдайда тарифтерге (бағаларға, алымдар ставкаларына) енгізілетiн, әкiмшілік және (немесе) өндiрiстiк персоналдың еңбекақысына жұмсалатын шығыстарды төмендету немесе көтеруден бас тарту туралы шешiм қабылдай алады.
      Еңбекақыға жұмсалатын шығыстарды, табиғи монополия саласында реттелiп көрсетілетін қызметтер көрсететін мемлекеттік кәсiпорындар басшыларының, олардың орынбасарларының, бас (аға) бухгалтерлерiнiң лауазымдық жалақыларының мөлшерiн, сондай-ақ оларға сыйлықақы және өзге сыйақы беру жүйесiн Қазақстан Республикасының заңнамасында белгiленген тәртіппен мемлекеттiк басқару органдары айқындайды.
       Ескерту. 44-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      45. Тiк жүйелi (бiркелкi) есептеу әдiсi бойынша есептелген негiзгі құралдардың және материалдық емес активтердiң амортизациялық аударымдары тарифтiң (бағаның, алым ставкасының) шығын бөлiгiне енгiзiледi. Амортизацияны өзге әдiспен қолдану және есептеу уәкiлеттi органмен келiсiледi.

      46. Тарифтiң (бағаның, алым ставкасының) шығын бөлiгiне жүргiзiлген қайта бағалау нәтижелерi уәкiлеттi органның келiсiмi бойынша енгізiледi. Уәкiлеттi орган табиғи монополия субъектiсi негізгi құралдарға қайта бағалауды жүргiзгеннен кейiн тарифтiң (бағаның, алым ставкасының) шығын бөлiгiне амортизациялық аударымдардың көбеюiн кезең-кезеңмен енгізе алады.

      47. Амортизациялық аударымдар негiзгі құралдар құнының өсуiне әкелетін күрделi жөндеу жұмыстарын жүргiзуге және инвестициялық жобаларды iске асыруға бағытталады.

      48.  алынып тасталды
       Ескерту. 48-тармақ алынып тасталды - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      49. Табиғатты қорғауға жұмсалатын шығыстар, табиғат ресурстарын пайдаланғаны үшiн төлемдер Қазақстан Республикасының  заңнамасында  белгiленген төлем ставкаларына, тәртiбiне және талаптарына сәйкес айқындалады.

      50. Кезең шығыстарында табиғи монополия субъектiсiнiң заңнамада белгіленген тәртiппен келiсiлген және бекiтiлген инвестициялық жобасын iске асыру үшін қарыз қаражатына сыйақы төлеуге жұмсалатын шығыстар ескеріледi.
      Бұл ретте қарыз ресурстарын қаржыландыру және қайтару талаптары тендерлiк (конкурстық) негiзде не қарыз ресурстарын, оның iшiнде бағалы қағаздарды эмиссиялау, кредиттер тарту есебiнен неғұрлым экономикалық тиiмдi алған жағдайда - уәкілетті органның келiсiмi бойынша бiр көзден алынуы мүмкiн.
      Инвестициялық жобаны iске асыру кезеңiнде алынған қарыз қаражаты бойынша сыйақы (кредиттер үшін қарыздар, комиссиялық төлемдер) мөлшерiн өзгертуге уәкілеттi органмен келiсiм бойынша жол беріледi.
      Инвестициялық жобаны iске асыру үшін ұлттық валютада алынған қарыз қаражаты бойынша сыйақы төлеуге жұмсалатын шығыстар Қазақстан Республикасының Ұлттық Банкi белгiлеген қайта қаржыландырудың екi есе ресми ставкасын қолдана отырып есептелген соманың шегiнде тарифтi (бағаны, алым ставкасын) есептеген кезде ескерiледi.
      Инвестициялық жобаны iске асыру үшiн шетел валютасында алынған қарыз қаражаты бойынша сыйақы төлеуге жұмсалатын шығыстар Лондон банкаралық рыногының төрт есе ставкасын қолдана отырып есептелген соманың шегінде тарифтi (бағаны, алым ставкасын) есептеген кезде ескеріледi.
      Шетел валютасында алынған қарыз қаражаты үшін сыйақы Қазақстан Республикасының әлеуметтiк-экономикалық дамуының орташа мерзiмдi жоспарының негiзгi көрсеткiштерiнiң негізiнде шетел валютасына теңге бағамының болжамды өзгеруiн және Қазақстан Республикасы республикалық бюджетiнiң болжамды көрсеткiштерiн ескерiп, тарифтiң (бағаның, алым ставкасының) шығын бөлігіндегі кезең шығыстарында ескерiледi.
      Қазақстан Республикасы Ұлттық Банкiнiң қайта қаржыландыру ставкасы табиғи монополия субъектiсiнiң тарифтi (бағаны, алым ставкасын) бекiтуге өтiнiм берген күнiне қолданылады.
       Ескерту. 50-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      51. Кезең шығыстарында ескерiлетін сақтандырудың мiндеттi түрлерiне, салықтарға, алымдарға және төлемдерге жұмсалатын шығыстар Қазақстан Республикасының заңнамасында белгіленген төлем ставкаларына, тәртiбiне және талаптарына сәйкес айқындалады.

      52. Тариф (баға, алым ставкасы) уәкілетті органның бастамасы бойынша бекітілген жағдайда, уәкiлеттi орган жалпы шаруашылық және әкiмшілік мақсаттағы шығыстарды тарифтердi (бағаларды, алымдар ставкаларын) өзгерту алдындағы кезеңдегi тұтыну бағаларының индексiн ескере отырып, қолданыстағы тарифтерде (бағаларда, алымдар ставкаларында) қабылданған шығыстар шегiнде тарифтерге (бағаларға, алымдар ставкаларына) енгізуге құқығы бар.

      53. Уәкілеттi орган тарифке (бағаға, алым ставкасына) енгiзілетін салықтарды қоспағанда, табиғи монополия субъектiсiнiң әкiмшілік шығындарының iс жүзiндегi құрамына жүргізілген қаржылық сараптама нәтижелерi бойынша не реттелiп көрсетілетiн қызметтердi (тауарларды, жұмыстарды) iске асыру көлемдерi төмендеген және табиғи монополия субъектілерi қызметiнiң тиiмдiлігі төмендеген кезде (реттелiп көрсетілетiн қызметтiң (тауардың, жұмыстың) бiрлiгiнiң өзiндiк құнының ұлғаюы, реттелiп көрсетілетін қызметтердiң (тауарлардың, жұмыстардың) көлемдерiнiң азаюы, кредиторлық және дебиторлық берешектiң өcуi) жалпы шаруашылық және әкiмшілік мақсаттағы шығыстардың сомасын өзгерту туралы шешім қабылдай алады.
      Жалпы шаруашылық және әкiмшiлiк мақсаттағы шығыстарды тұтыну бағасының индексiнен жоғары көбейтуге, сондай-ақ оларға әкiмшiлiк басқару жүйелерiн және құралдарын құру мен жетілдiру жөніндегі шығыстарды енгiзуге көрсетiлген мақсаттарға қаражат салудың экономикалық тиiмдiлiгiнiң есебiн ұсынғаннан кейiн уәкілетті органның келiсiмiмен ғана жол беріледi.

      54. Әкiмшiлiк персоналдардың өкiлдiк, iссапар шығыстары, байланыстың қымбат түрлерiне, мерзiмдi баспасөзге, қызметтік автокөлiктi ұстауға, ақпараттық, консультациялық және маркетингтік қызметтерге жұмсалатын шығыстарды табиғи монополия субъектiсi уәкілеттi органның келiсiмi бойынша белгілеген лимиттер шегiнде тарифтерге (бағаларға, алымдар ставкаларына) енгiзедi.
      Өндiрiстік қажеттілікке байланысты әкiмшілiк персоналдың білiктілігін арттыруға арналған шығындардың деңгейi уәкілеттi органның алдын-ала келiсiмi бойынша тарифтiң (бағаның, алым ставкасының) есебiне енгізіледi.

      55. Табиғи монополия субъектiсi:
      өңiрлiк және (немесе) жергiлiктi деңгейдегi желілер арқылы электр энергиясын беру және (немесе) тарату бойынша;
      жылу энергиясын беру және (немесе) тарату бойынша;
      таратушы өткiзгiш құбырлары арқылы табиғи газды тасымалдау бойынша су шаруашылығы және (немесе) кәрiз жүйелерi бойынша реттелiп көрсетілетін қызметтердi (тауарларды, жұмыстарды) көрсеткен жағдайда тарифтiң (бағаның, алым ставкасының) шығын бөлiгінде нормативтен тыс ысыраптарды төмендетуге бағытталған, уәкiлеттi органмен келiсiлген инвестициялық бағдарлама (жоба) болған кезде тауарды (реттелiп көрсетiлетін қызметті) iске асыру көлемiнiң 0,8 пайызы мөлшерiнде нормативтен тыс ысыраптардың құны ескерiледi.

      56. Уәкілетті орган тарифте (бағада, алым ставкасында) ескерілетін шығындардың түрлерi бойынша шығыстар деңгейiне қаржылық және (немесе) техникалық сараптамалар жүргiзу үшін тәуелсiз сарапшылар тартуы және тәуелсiз сарапшылар ұсынған қорытындылар негiзiнде шығыстарға түзетулер енгiзуi мүмкiн.

  Параграф   2. Табиғи монополиялар субъектiлерiнiң инвестициялары

      57. Инвестицияларды табиғи монополия субъектілерi өз қаражаты және (немесе) қарыз қаражаты есебiнен жүзеге асыруы мүмкiн. Кәсiпорынның өз қаражатының көздерi пайда (таза табыс) және амортизациялық аударымдар болып табылады.
      Қарыз қаражатын қайтару пайда және (немесе) амортизациялық аударымдар есебiнен жүзеге асырылады.

      58. Акцияларды (үлестердi) сатып алу, сондай-ақ табиғи монополия субъектiсiнiң коммерциялық ұйымдарға қатысуының өзге нысандары уәкiлеттi органның келiсiмi бойынша табиғи монополия субъектiсiнiң таза табысының (ic жүзiндегі пайдасының) есебiнен жүзеге асырылады.

  Параграф   3. Табиғи монополиялар субъектiлерiнiң тарифтерiн
(бағаларын, алымдар ставкаларын) қалыптастыру кезiнде
ескерiлмейтiн шығыстардың тiзбесi

      59. Табиғи монополия субъектілерiнiң тарифтерiн (бағаларын, алымдар ставкаларын) қалыптастыру және бекiту кезiнде тарифтiң (бағаның, алым ставкасының) шығын бөлiгiнде мынадай шығыстар:
      осы Ереженiң 55-тармағында көзделген жағдайларды қоспағанда, нормативтен тыс техникалық және коммерциялық ысыраптарға, тауар-материалдық құндылықтардың жәнe қоймадағы қорлардың бұзылуына және жетіспеушілігіне, басқа өндiрiлмейтiн шығыстар мен ысыраптарға;
      реттелiп көрсетiлетiн қызметтердi (тауарларды, жұмыстарды) көрсеткен, ұсынған кезде пайдаланылмайтын негізгі құралдардың амортизациялық аударымдары;
      сенiмгерлiкпен басқаруға, мүлiктiк жалға, лизинг бойынша алынған негiзгi құралдарды (жалпы шаруашылық мақсаттағы негiзгi құралдардан басқа) пайдалану үшiн жалдау ақысын және/немесе сыйақылар төлеуге;
      ластайтын заттардың нормативтен тыс шығаруларына (тастандыларына) жұмсалатын төлемдер;
      сот шығындары;
      үмiтсiз берешектер;
      заңнамалық кесiмдермен белгiленген тәртіппен салынған айыппұлдар, өсiмпұлдар, тұрақсыздық айыбы және басқа да санкциялардың түрлерi;
      табысты жасырғаны (төмендеткенi) үшін айыппұлдар және өсiмпұлдар;
      ұрлықтан болған шығындар;
      сапасыз өнiмдi өндiруден (ақаудан) болған шығындар;
      қызмет көрсететiн өндiрiстер мен шаруашылықтарды ұстау жөнiндегі (үй-жайларды тегiн ұсыну, қоғамдық тамақтану ұйымдарына коммуналдық қызметтер құнын төлеу және т.б.);
      денсаулық сақтау объектілерiн, мектепке дейiнгі балалар мекемелерiн, оқу орындарын, технологиялық қажеттiлiктен басқа құзыреттi органмен келiсiлген кәсiптiк-техникалық училищелердi ұстауға;
      сауықтыру лагерлерiн, мәдениет және спорт объектілерiн, тұрғын үй қорын ұстауға;
      мәдени-ағарту, сауықтыру және спорттық iс-шараларды (демалыс кештерiн, спектакльдер, концерттер өткiзу) жүргізуге;
      кәсiпорындар қызметкерлерiне тұрғын үй жағдайларын жақсартуға, бақша үйлерiн сатып алуға және үй шаруашылығымен айналысуға берiлген несиелердi (пайызсыздарды қоса алғанда) өтеуге;
      бақша серiктестiктерiн аббаттандыру бойынша (оның iшiнде жол құрылысы, энергиямен және сумен жабдықтау, жалпы сипаттағы басқа да шығыстарды жүзеге асыру);
      дәрiстер, көрмелер, диспуттар, ғылым және өнер қайраткерлерiмен кездесулер, ғылыми-техникалық конференциялар өткізуге және ұйымдастыруға, қоғамдық ұйымдарға және қауымдастықтарға мүшелiк жарналарға;
      бұқаралық ақпарат құралдарындағы жарнамалар жөнiндегi, өндiрiстік мақсатта пайдаланылатын өнiмдердi қоспағанда, жарнамалық, плакаттық және типографиялық өнiмдер шығару жөнiндегi;
      табиғи монополия субъектiсiнiң персоналы үшiн пәтерлердi, тұрғын ғимараттарды және құрылыстарды, жатақханалардан және қонақ үйлерден орын сатып алуға, жалдауға және ұстауға;
      қаланы аббаттандыру, ауыл шаруашылығына көмек көрсету жөнiндегi жұмыстарды орындауға және жұмыстың осындай ұқсас түрлерiне;
      бiлiм беру ұйымдарында оқитын қызметкерлердiң демалыстарына ақы төлеуге;
      жұмыс нәтижелерi бойынша сыйлықақы және басқа да сыйақы нысандарын беруге;
      кәсiптiк ауруларды оңалтып емдеуге байланысты шығындардан басқа, табиғи монополия субъектiсiнiң қаражаты есебiнен қызметкерлердi және олардың балаларын емдеуге, демалуға, экскурсияға жолдамаларды төлеу жөнiндегі;
      өз қызметкерлерiне медициналық көмек беруге денсаулық сақтау органдарымен жасалған шарттар бойынша емханалардың қызметтерiне ақы төлеу жөнiндегi;
      Қазақстан Республикасының заңнамасында белгiленген міндеттi сақтандыру төлемдерiн қоспағанда, сақтандыру төлемдерi (кәсiпорындардың өз қызметкерлерiнiң пайдасына жасалған жеке және мүліктік сақтандыру шарттары бойынша кәсiпорындар төлейтiн жарналар);
      қызметкерлерге қосымша берiлген демалыстарға (заңнамада көзделгеннен тыс) ақы төлеу жөнiндегі, оның iшiнде бала тәрбиелеп жатқан әйелдерге, қызметкердiң отбасы мүшелерiне демалысты пайдаланатын жерге бару және қайту жолына ақы төлеуге;
      демеушілiк көмектiң барлық түрлерiн көрсетуге;
      заңнамада көзделгеннен басқа, табиғи монополия субъектісiнiң қызметкерлерiне жеңiлдiктер (қызметкерлерге тегiн немесе төмендетiлген баға бойынша тамақтар беру, денсаулық топтарындағы абонементтерге, секциялардағы, клубтардағы сабақтарға қатысқанына ақы төлеу, протездеу және т.б.);
      мерейтойлар күнiне арналған немесе қызметкерлерге көтермелеу түрiнде берілетін сыйлықтар алуға (автомашиналарды, пәтерлердi, ұзақ пайдаланатын заттарды және басқа тауарларды, сондай-ақ қызметкерлердiң жеке шоттарының пайыздық ставкасын көбейтудi қоса алғанда);
      мектепке дейiнгi мекемелердегi, санаторийлердегi және сауықтыру лагерлерiндегi балаларды тамақтандыру құнын өтеуге;
      ұжымдық шартпен айқындалған мақсаттарға кәсiподақтарға арналған аударымдарға;
      өндiрiстегi өнертапқыштыққа және рационализаторлыққа байланысты: тәжiрибелiк-эксперименттiк жұмыстарды жүргiзумен, өнертабыс және рационализаторлық ұсыныстары бойынша модельдер мен үлгілердi дайындаумен және сынаумен, өнертапқыштық және рационализаторлық бойынша көрмелер, байқаулар, конкурстар және басқа да iс-шаралар ұйымдастырумен, авторлық сыйлықақыларды төлеумен т.б. байланысты шығыстар;
      реттелiп көрсетілетiн қызметтердi (тауарларды, жұмыстарды) өндiруге және көрсетуге тiкелей қатысы жоқ және тарифтердiң (бағалардың, алымдар ставкаларының) өсуiне әкелмейтiн шығыстардың басқа да түрлері ескерiлмейдi.
       Ескерту. 59-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

  6. Табыстарды, шығындарды және қолданысқа енгізiлген активтердi бөлектеп есепке алуды жүргiзу тәртiбi

      60. Табиғи монополиялар субъектілерi табиғи монополиялар салаларындағы қызметті бақылау мен реттеудi жүзеге асыратын орталық мемлекеттiк орган әрбiр табиғи монополия саласы үшін белгілеген тәртiпке сәйкес реттелiп көрсетiлетiн қызметтердiң (тауарлардың, жұмыстардың) әрбiр түрлерi бойынша және тұтастай өзге қызмет бойынша табыстарды, шығындарды және қолданысқа енгiзілген активтердi бөлектеп eceпкe алуды жүзеге acыpады.

  7. Табиғи монополия субъектiсiнiң есептiк саясатын
келiсу тәртiбi

      61. Қазақстан Республикасы бухгалтерлiк есеп және қаржылық есептілік туралы  заңнамасының  талаптарына сәйкес табиғи монополия субъектiсi әзiрлеген және бекiткен есептiк саясат оны бекiткен сәттен бастап 30 күнтiзбелiк күннен кешiктiрмей уәкiлетті органға келiсуге ұсынылады.

      62. Уәкiлеттi орган табиғи монополия субъектiсінiң келiсуге ұсынылған есептік саясатын ол ұсынылғаннан кейiн 30 күнтiзбелiк күннен аспайтын мерзiмде қарайды және онымен келiсу немесе келісуден бас тарту туралы шешiм қабылдайды. Табиғи монополия субъектiсінің есептiк саясатын келісуден бас тарту туралы шешiм оның ережелерi Қазақстан Республикасының заңнамасына сәйкес келмеген жағдайда қабылданады және бас тартудың себептерiн қамтуға тиiс.

      63. Табиғи монополия субъектiсi келiсуден бас тарту туралы хабарламада көрсетілген ескертпелердi жояды және eceптiк саясатты уәкiлеттi органға келiсу үшін eceптiк саясатты келісуден бас тарту туралы уәкілеттi органның шешiмi келiп түскен күннен бастап 30 күнтiзбелiк күннен аспайтын мерзiмде уәкілетті органға қайта ұсынады.

  8. Табиғи монополия субъектісiне уақытша өтемдiк тарифті
(бағаны, алым ставкасын) есептеу және бекiту тәртiбi

  Параграф   1. Уақытша өтемдік тарифтi (бағаны, алым ставкасын)
бекiту үшiн негiздер

      64. Уақытша өтемдiк тарифтi (бағаны, алым ставкасын) бекiту үшiн табиғи монополия субъектiсiнiң реттелiп көрсетiлетiн қызметтердің (тауарларды, жұмыстарды) тұтынушыларына зиян келтiрген әрекеттер жасағаны негiз болып табылады.

      65. Табиғи монополия субъектiсiнің тұтынушыларға зиян келтiрген әрекеттерi мыналар:
      1) уәкілетті орган бекiткен тариф (баға, алым ставкасының) деңгейiнен асатын құны бойынша ұсынылған реттеліп көрсетілетін қызметтерi (тауарлары, жұмыстары) үшін ақыны өндiрiп алу;
      2) бекiтiлген тарифтiк сметада көзделген амортизациялық аударымдардың қаражатын мақсатсыз пайдалану;
      3) қаражатты жалпы игермеу, оның iшiнде уәкiлетті орган бекiткен тарифтiк сметада көзделген жалпы шығындардың 5 пайызынан асатын тарифтiк сметаның жұмыстарын iс жүзiнде орындамау болып танылады.

      66. Тарифтiк сметаның орындалмауына:
      1) бекiтiлген тарифтік сметада ескерiлген реттелiп көрсетiлетiн қызметтердi (тауарларды, жұмыстарды) толық көлемде және тиiсiнше сапалы:
      реттелiп көрсетілетін қызметтерді (тауарларды, жұмыстарды) ұсынудың аса тиiмдi әдiстерi мен технологияларын енгізу;
      конкурстық (тендерлiк) рәсiмдер жүргiзу нәтижесiнде ақшалай қаражатты оңтайлы пайдалану есебiнен орындаған жағдайда;
      2) реттелiп көрсетiлетiн қызметтердiң (тауарлардың, жұмыстардың) көлемдерi табиғи монополия субъектiсiнiң кiнәсiнен тыс қысқару есебiнен алынған үнемдеу жатпайды.
      Бұл peттe табиғи монополия субъектiсi уәкілеттi органға шығындардың баптары бойынша үнемдеудi және (немесе) реттелiп көрсетілетiн қызметтердiң (тауарлардың, жұмыстардың) көлемiнiң қысқарғанын растайтын материалдарды:
      өз құзыретi шегiнде құзыреттi органның табиғи монополия субъектiсiнiң реттеліп көрсетілетiн қызметтердi (тауарларды, жұмыстарды) ұсынудың жаңа әдiстерi мен технологияларын енгiзгенi туралы қорытындысын;
      конкурстық (тендерлiк) комиссиялардың хаттамаларын;
      реттелiп көрсетілген қызметтердiң (тауарлардың, жұмыстардың) көлемдерiн тұтынушылармен салыстыру актілерiн, төлеуге берілген шоттарды және басқа материалдарды ұсынуға тиiс.

  Параграф   2. Уақытша өтемдiк тарифтi (бағаны, алым ставкасын)
бекіту тәртiбi

      67. Уақытша өтемдiк тарифтi (бағаны, алым ставкасын) уәкілеттi орган:
      1) табиғи монополия субъектiсiнiң қызметiне жүргiзілген тексерiстер нәтижелерiнiң;
      2) Ереженiң 65-тармағында көрсетілген, тұтынушылардың өтiнiштерi, шағымдары, бұқаралық ақпарат құралдарының материалдары, мемлекеттiк органдардың үндеулерi бойынша фактілердiң анықталуы;
      3) табиғи монополия субъектiсiнiң уәкілеттi орган бекiткен тарифтiк сметаның орындалуын талдау нәтижелерiнiң негiзiнде бекiтедi.

      68. Ереженiң 65-тармағында көрсетілген фактілердi анықтау үшін уәкілеттi орган табиғи монополия субъектісiнен қажеттi ақпаратты оны ұсыну мерзiмдерiн көрсете отырып сұратады.

      69. Уақытша өтемдiк тарифтi (бағаны, алым ставкасын) енгiзу уақытша өтемдiк тарифтi (бағаны, алым ставкасын) бекiткен айдан кейiнгi айдың бiрi күнінен бастап жүзеге асырылады.

      70. Табиғи монополия субъектiсi уақытша өтемдiк тарифтi (бағаны, алым ставкасын) бекiту туралы ақпаратты оны қолданысқа енгiзгенге дейiн 10 күннен кешіктірмей тұтынушының назарына жеткiзедi.

      71. Уәкілеттi органның табиғи монополия субъектiсiнiң реттелiп көрсетілетін қызметтерiне (тауарларына, жұмыстарына) арналған уақытша өтемдiк тарифтi (бағаны, алым ставкасын) бекiту туралы шешiмi уәкілеттi органның бұйрығымен ресiмделедi.

      72. Уақытша өтемдiк тарифтi (бағаны, алым ставкасын) бекіту туралы уәкiлеттi органның шешімiне Қазақстан Республикасының заңнамасында белгiленген тәртiппен шағымдана алады.

      73. Уақытша өтемдiк тариф (баға, алым ставкалары) қолданысы кезеңiнде табиғи монополия субъектiсi уәкiлеттi органға тарифтердi (бағаларды, алымдар ставкаларын) бекiтуге арналған өтiнiммен Қазақстан Республикасының  заңнамасында  белгiленген тәртiппен жүгiне алады.
      Бұл ретте жаңа тариф (баға, алым ставкалары) деңгейiнiң негiздемесiне қабылдаған табыс шешiм қабылдаған күніне Қазақстан Республикасы Ұлттық Банкiнің қайта қаржыландыру ставкасын ескере отырып, табиғи монополия субъектiсiнiң реттеліп көрсетiлетiн қызметтерінің (тауарларының, жұмыстарының) тұтынушыларға өтегендерiн шегерiп тастаумен негiзсiз алынған табыстың сомасына кемидi.

  Параграф   3. Уақытша өтемдiк тарифтің (бағаның, алым ставкасының) мөлшерiн есептеу тәртiбi

      74. Ереженiң 65-тармағында көрсетілген бұзушылықтар анықталған жағдайда уәкілеттi орган реттелiп көрсетiлетін қызметтердің (тауарлардың, жұмыстардың) және табиғи монополия субъектiсi жол берген бұзушылықтар кезеңiнде iс жүзінде алынған табыстардың көлемiн анықтайды.

      75. Табиғи монополия субъектiсi жiберген бұзушылықтар кезеңi:
      1) Ереженің 65-тармағының 1) тармақшасында - табиғи монополия субъектiсi уәкiлеттi орган бекіткен тарифтiң (бағаның, алым ставкасының) деңгейiнен жоғары құн бойынша ақы өндiрiп алған кездегi кезең;
      2) Ереженiң 65-тармағының 2) және 3) тармақшаларында көзделген жағдайда уәкілеттi органның табиғи монополия субъектiсiнiң реттелiп көрсетiлетін қызметтерiне (тауарларына, жұмыстарына) арналған тарифтiк сметаны бекiткен жыл есептеледi.

      76. Ереженiң 66-тармағының 1) тармақшасында көзделген жағдайда, негізсiз алынған табыстың сомасы (НТ) мынадай формула бойынша айқындалады:

      HT = (Т1-Т) х V1, мұндағы

      T1 - табиғи монополия субъектiсiнiң реттелiп көрсетілетiн қызметтерiнiң (тауарларының, жұмыстарының) iс жүзiнде қолданылған құны, теңге;
      T - уәкiлетті орган бекiткен тариф (баға, алым ставкасы), теңге;
      V1 - табиғи монополия субъектiсінiң бұрмалаушылықтар жiберген кезеңдегi iс жүзінде реттеліп көрсетiлетiн қызметтерiнің (тауарлардың, жұмыстардың) табиғи монополияның тиiсті саласында заттай көрсеткiштердегі көлемi.

      77. Ереженiң 65-тармағының 2) тармақшасында көзделген жағдайда, негізсiз алынған табыстың сомасы (НТ) мынадай формула бойынша айқындалады:

      HT = А _{мақсатсыз,}  мұндағы:

      А _{мақсатсыз}  - бекiтiлген тарифте (бағада, алым ставкасында) және (немесе) тарифтік сметада амортизациялық аударымдар қаражатының есебiнен көзделген, табиғи монополия субъектiсi реттелiп көрсетiлетiн қызметтердi ұсынуда пайдаланылатын тiркелген активтегi күрделi салымдарға және тартылған кредиттiк ресурстар бойынша негізгі қарызды қайтаруға байланысты емес мақсатқа бағытталған қаражат, теңге.

      78. Ереженiң 65-тармағының 3) тармақшасында көзделген жағдайда, негізсiз алынған табыстың сомасы (НТ) мынадай формула бойынша айқындалады:

      HT = З, мұндағы:

      З - бекiтiлген тарифтiк сметада ескерiлген жалпы шығындармен салыстырғанда шығындарды жалпы игермеу, теңге.
       Ескерту. 78-тармаққа өзгерту енгізілді - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

      79. Табиғи монополия субъектiсiнiң уақытша өтемдiк тариф (баға, алым ставкасы) қолданысы кезеңiнде алатын табысы жылдық амортизация сомасының елу пайызын алып тастағанда реттелiп көрсетілетiн қызметтердi (тауарларды, жұмыстарды) ұсыну үшiн қажеттi шығындардың құнынан төмен болмауға тиiс.
      Табиғи монополия субъектісi уақытша өтемдiк тариф (бaғa, алым ставкасы) қолданысы кезеңiнде алатын табысты айқындау үшiн, тарифтiң (бағаның, алым ставкасының) ең төменгi ықтимал шектi деңгейi (Тшек) мынадай формула бойынша есептеледi:

               T x V - (П+ 0,5 х А)
      Тшек =  _______________________, мұндағы:
                        V

      Тшек. - тарифтiң (бағаның, алым ставкасының) ең төменгi ықтимал шектi деңгейi, теңге;
      T - уәкілеттi орган бекiткен тариф (баға, алым ставкасы), теңге;
      V - бекiтiлген тарифтiк сметада ескерiлген реттелiп көрсетілетiн қызметтердiң (тауарлардың, жұмыстардың) табиғи монополияның тиiсті саласында заттай көрсеткіштердегі жылдық көлемi;
      П - бекітiлген тарифтiк сметада ескерiлген пайда, теңге;
      А - бекітілген тарифтiк сметада ескерiлген жылдық амортизация, теңге.

      80. Уақытша өктемдiк тариф (баға, алым ставкасы) (Төтем) мынадай формула бойынша айқындалады:

                  T x V - НТ
      Төтем = ________________, мұндағы:
                      V

      Төтем. - уақытша өтемдік тариф (баға, алым ставкасы), теңге.
      T - уәкiлетті орган бекiткен тариф (баға, алым ставкасы), теңге;
       V - бекiтiлген тарифтiк сметада ескерiлген реттеліп көрсетiлетiн қызметтердiң (тауарлардың, жұмыстардың) табиғи монополияның тиiстi саласында заттай көрсеткiштердегi жылдық көлемi.

      81. Уәкiлеттi орган уақытша өтемдiк тарифтің (бағаның, алым ставкасының) қолданыс кезеңiн айқындайды (бұдан әрі - қолданыс кезеңi):
      1) егер Төтем < Тшек болған жағдайда қолданыс кезең мынадай формула бойынша айқындалады:

                 НТ
      n = _________________, мұндағы:
            (Т-Тшек.) х V

      n - уақытша өтемек тарифтiң (бағаның, алым ставкасының) қолданылу кезеңі;
      Төтем - уақытша өтемдік тариф (баға, алым стaвкaсы), теңге;
      Т - уәкiлетті орган бекiткен тариф (баға, алым ставкасы), теңге;
      Тшек - тарифтің (бағаның, алым ставкасының) ең төменгi ықтимал шекті деңгейi, теңге;
      V - бекiтiлген тарифтік сметада ескерілген реттеліп көрсетілетiн қызметтердiң (тауарлардың, жұмыстардың), табиғи монополияның тиiстi саласында заттай көрсеткiштердегі жылдық көлемi;
      Уақытша өтемдiк тариф (баға, алым ставкасы) тарифтің (бағаның, алым ставкасының) ең төменгi ықтимал шектi деңгейiнің шегінде бекiтiледi:

      Төтем = Тшек;

      2) егер Төтем > = Тшек болған жағдайда қолданылу кезеңi мынадай формула бойынша айқындалады:

                НТ
      n = _________________.
           (T-Төтем) х V

                                           Қазақстан Республикасы
                                                 Үкiметiнiң
                                          2005 жылғы 21 қыркүйектегі
                                              N 935 қаулысымен
                                                 бекітілген

                                 табиғи монополиялар субъектiлерiнiң
                                    қызметін мемлекеттiк реттеудiң
                                        оңайлатылған ережесiне
                                               1-қосымша

Субъектiнің атауы _____________________________________________
____ жылға арналған ________________________ peттеліп көрсетілетiн
                    қызметке тарифтік смета

N	Көрсеткіштердің атауы*	Өлшем бірлігі	Табиғи монополия субъектісінің жобасы
І	Тауарларды өндiруге және реттелiп көрсетілетін қызметтердi ұсынуға арналған шығындар, барлығы	мың теңге
	оның iшiнде:	-//-
1	Материалдық шығындар, барлығы	-//-
	оның iшiнде:
1.1	шикiзат және материалдар	-//-
1.2	отын	-//-
1.3	ЖЖМ	-//-
1.4	энергия	-//-
2	Еңбекке ақы төлеу шығындары, барлығы	-//-
	оның iшiнде:
2.1	жалақы	-//-
2.2	әлеуметтiк салық	-//-
3	Амортизация	-//-
4	Жөндеу, барлығы	-//-
	оның iшiнде:
4.1	негiзгі қорлар құнының өсуiне алып келмейтiн күрделi жөндеу	-//-
5	Бөгде ұйымдардың өндiрiстiк сипаттағы қызметтерi	-//-
6	Өзге шығындар (таратып жазу қажет)	-//-
ІІ	Кезең шығыстары, барлығы	-//-
7	Жалпы әкiмшілiк шығыстар, барлығы	-//-
	оның iшiнде:
7.1	әкiмшiлiк персоналдың жалақысы	-//-
7.2	әлеуметтік салық	-//-
7.3	амортизация	-//-
7.4	салық төлемдерi және алымдар	-//-
7.5	iccaпap	-//-
7.6	өкiлдiк	-//-
7.7	коммуналдық қызметтер	-//-
7.8	байланыс қызметтерi	-//-
7.9	консалтингілiк, аудиторлық, маркетингтік қызметтерге ақы төлеу	-//-
7.10	банк қызметтерi	-//-
7.11	басқа шығыстар (таратып жазу қажет)	-//-
8	Сыйақы төлеу шығыстары	-//-
9	Нормативтік ысыраптарды өтеуге арналған шығындар, оның iшiнде	мың теңге
9.1	нормативтiк ысыраптар	%
ІІІ	Барлық шығындар	мың теңге
IV	Пайда	мың теңге
V	Барлық табыстар	мың теңге
VІ	Көрсетілетiн қызметтердiң көлемi
VІІ	Тариф (баға, алым ставкасы) (КҚС-сыз)
	Анықтамалық:
10	Қызметкерлердiң орташа тiзiмдiк саны, барлығы	саны
	оның iшiнде:
10.1	өндiрiстiк персоналдың	-//-
10.2	әкiмшiлiк персоналдың	-//-
11	Орташа айлық жалақы, барлығы	теңге
	оның iшiнде:
11.1	өндiрiстік персоналдың	-//-
11.2	әкiмшiлiк персоналдың	-//-
12	Негiзгі қорлар құнының өсуiне алып келетiн күрделi жөндеу	мың теңге
13	Пайданың есебінен жүзеге асырылатын шығындар (таратып жазу қажет)	мың теңге
14	Шаруашылық тәсiлмен орындалатын  ағымдағы (жоспарлы-алдын алатын) жөндеу	мың теңге
	оның iшiнде:
14.1	материалдар	-//-
14.2	қызметкерлердiң жалақысы	-//-
14.3	әлеуметтiк салық	-//-
15	Коммерциялық (нормативтен тыс) ысыраптар	%

* шығындар қажет болған жағдайда ұлғаюы немесе толықтырылуы мүмкiн

Қолы _________________________________________
      Табиғи монополия субъектісiнiң басшысы

М.О. _______________

                                           Қазақстан Республикасы
                                                 Үкiметiнiң
                                          2005 жылғы 21 қыркүйектегі
                                              N 935 қаулысымен
                                                 бекітілген

                                 табиғи монополиялар субъектiлерiнiң
                                    қызметін мемлекеттiк реттеудiң
                                        оңайлатылған ережесiне
                                               2-қосымша

Субъектiнің атауы _____________________________________________
____ жылғы ____________________________________________________
  peттеліп көрсетілетiн қызметтерге арналған тарифтік сметаның 
                   атқарылуы туралы есеп

P/c  N	Тарифтiк смета көрсеткiштері- нiң атауы	Өлшем бір- лігі	Бекiтiл- ген тарифтік сметада көздел- ген	Тарифтiк сметаның іс жүзінде қалыптас- қан көрсет- кіштері	Ауыт- қулар, %-бен	Ауытқу себеп- терi

Қазақстан Республикасы Үкіметінің 
2005 жылғы 21 қыркүйектегі    
N 935 қаулысымен бекітілген   
Табиғи монополиялар субъектілерінің
қызметін оңайлатылған       
мемлекеттік реттеу ережесіне   
3-қосымша             

       Ескерту. 3-қосымшамен толықтырылды - ҚР Үкіметінің 2006.09.15. N  869  (алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.

                  

      Қуаттылығы аз табиғи монополия субъектісінің атауы
____________________________________________________________________
Реттеліп көрсетілетін қызметке (тауарға, жұмысқа) арналған тарифтік смета
____________________________________________________________________
____________________________________________________________________

Р/с N	Көрсеткіштердің атауы*	Өлшем бірлігі	Табиғи монополия субъектісінің  жобасы
1	2	3	4
I	Тауарларды өндіруге және реттеліп көрсетілетін қызметтерді көрсетуге жұмсалатын шығындар, барлығы	мың теңге
	оның ішінде:
1	Материалдық шығындар, барлығы	-//-
	оның ішінде:	-//-
1.1	шикізат және материалдар	-//-
1.2	отын	-//-
2	Еңбекақы төлеу шығындары, барлығы	-//-
	оның ішінде:
2.1	жалақы	-//-
2.2	әлеуметтік салық	-//-
3	Амортизация	-//-
4	Жөндеу, барлығы	-//-
5	Бөгде ұйымдардың өндірістік сипаттағы қызметтері	мың теңге
6	Өзге де шығындар (толық жазу қажет)	-//-
II	Кезең шығыстары,барлығы	-//-
7	Жалпы әкімшілік шығыстар, барлығы	-//-
	оның ішінде:
7.1	әкімшілік персоналдың жалақысы	-//-
7.2	әлеуметтік салық	-//-
8	Сыйақылар төлеуге арналған шығыстар	-//-
9	Нормативтік ысыраптарды өтеуге жұмсалатын шығындар, оның ішінде	мың теңге
9.1	нормативтік ысыраптар	%
III	Барлық шығын	мың теңге
IV	Пайда	мың теңге
V	Барлық кіріс	мың теңге
VI	Көрсетілетін қызметтердің көлемі
VII	Тариф (баға, алым ставкасы) (ҚҚС-сыз)

      * шығындар қажет болған кезде кеңейтілуі немесе толықтырылуы мүмкін.

      Қолы _______________________________________________________
                 табиғи монополия субъектісі басшысының Т.А.Ә.
      М.О.