Қазақстан Республикасының Yкіметi қаулы етеді:

      1. Қазақстан Республикасының Женева қаласындағы (Швейцария Конфедерациясы) Бiрiккен Ұлттар Ұйымының бөлiмшесi мен басқа да халықаралық ұйымдар жанындағы Тұрақты Өкiлi резиденциясының ғимаратын (бұдан әрi - Ғимарат) Женева қаласы, (12) Chemin du Prunier 1218 GRAND-SACONNEX мекен-жайы бойынша жобалау және салу туралы Қазақстан Республикасы Сыртқы iстер министрлiгінiң ұсынысы қабылдансын.

      2. Ғимаратты жобалау мен салуды қаржыландыру:
      1) 2003 жылға арналған республикалық бюджетте "Қазақстан Республикасының дипломатиялық өкiлдiктерiн орналастыру үшiн шетелде жылжымайтын мүлік сатып алу" бағдарламасы бойынша көзделген қаражат есебiнен Қазақстан Республикасының Ұлттық Банкi төленетін күнге белгіленген бағам бойынша 2150399 (eкi миллион бiр жүз елу мың үш жүз тоқсан тоғыз) АҚШ долларына баламалы;
      2) 2004 жылға арналған республикалық бюджетте "Қазақстан Республикасының дипломатиялық өкiлдiктерiн орналастыру үшiн шетелде жылжымайтын мүлiк объектілерiн сатып алу және салу" бағдарламасы бойынша көзделген қаражат есебiнен Қазақстан Республикасының Ұлттық Банкi төлейтiн күнге белгілеген бағам бойынша 549601 (бeс жүз қырық тоғыз мың алты жүз бip) АҚШ долларына баламалы сомада кезең-кезеңмен;
      3) 2005 жылға арналған республикалық бюджетте 009 "Қазақстан Республикасының дипломатиялық өкiлдiктерiн орналастыру үшiн шетелде жылжымайтын мүлiк объектiлерiн сатып алу және салу" бағдарламасы бойынша көзделген қаражат есебiнен валюта айырбастаудың берiлетiн күнгi нарықтық бағамы бойынша 870000 (сегiз жүз жетпiс мың) АҚШ долларына баламалы жүзеге асырылатын болады деп белгiленсiн.
       Ескерту. 2-тармаққа өзгерту енгізілді - ҚР Үкіметінің 2005.11.14. N  1124 қаулысымен.

      3. "Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының  21-бабы 1-тармағының 5) тармақшасына сәйкес Ғимаратты жобалау және салу бойынша сатып алудың маңызды стратегиялық мәнi бар тауарларды, жұмыстар мен көрсетiлетін қызметтердi берушi болып "Mabco Constructions s.a" компаниясы (Швейцария Конфедерациясы) белгіленсiн.

      4. Қазақстан Республикасының Сыртқы iстер министрлiгі:
      Ғимаратты жобалау мен сатуды қаржыландыру үшiн бөлiнген қаражатты оңтайлы әрi тиiмді жұмсау қағидатының сақталуын, сондай-ақ "Мемлекеттік сатып алу туралы" Қазақстан Республикасының 2002 жылғы 16 мамырдағы Заңының 21-бабы 3 және 4-тармақтарының орындалуын қамтамасыз етсiн;
      Қазақстан Республикасының Индустрия және сауда министрлiгiмен бiрлесiп, осы қаулыдан туындайтын өзге де шараларды қабылдасын.

      5. Қазақстан Республикасының Қаржы министрлiгi заңнамада белгiленген тәртiппен бөлiнген қаражаттың мақсатты пайдаланылуын бақылауды жүзеге асырсын.

      6. Осы қаулы қол қойылған күнінен бастап күшіне енедi.

       Қазақстан Республикасының
      Премьер-Министрі