1-бап. Қазақстан Республикасы Президентiнiң "Мемлекеттiк кәсiпорын туралы" 1995 жылғы 19 маусымдағы N 2335 заң күшi бар Жарлығына (Қазақстан Республикасы Жоғарғы Кеңесiнің Жаршысы, 1995 ж., N 9-10, 66-құжат; N 24, 164-құжат; Қазақстан Республикасы Парламентiнің Жаршысы, 1997 ж., N 12, 183-құжат; N 13-14, 205-құжат; 1998 ж., N 23, 429-құжат; 1999 ж., N 22, 789-құжат; N 23, 916-құжат; 2001 ж., N 10, 126-құжат; 2002 ж., N 10, 102-құжат; 2003 ж., N 11, 71-құжат) мынадай өзгерістер мен толықтырулар енгізілсiн:
1) актiнің нысаны мен тақырыбы мынадай редакцияда жазылсын:
"Мемлекеттік кәсіпорын туралы" Қазақстан Республикасының Заңы";
2) бүкiл мәтiн бойынша "Жарлықпен", "Жарлығымен", "Жарлықтың", "Жарлық", "Жарлықта" деген сөздер "Заңмен", "Заңымен", "Заңның", "Заң", "Заңда" деген сөздермен ауыстырылсын;
3) 1-баптың 4-тармағы алып тасталсын;
4) 9-бапта:
1-тармақтың 2) тармақшасындағы "шаруашылық қызметiнің ағымдағы және перспективалық жоспарларын" деген сөздер "қаржы-шаруашылық қызметiнiң жоспарын" деген сөздермен ауыстырылсын;
3-тармақтың екiншi бөлiгiндегi "есептiлiгi" деген сөз "қызметi" деген сөзбен ауыстырылсын;
4-тармақ мынадай редакцияда жазылсын:
"4. Кәсiпорын басшысы меншiк иесiнiң (уәкiлеттi органның) және мемлекеттiк басқару органының алдында кәсiпорындағы iстiң жай- күйі үшін тiкелей жауапты болады.";
5) 18-бапта:
бiрiншi бөлікте:
6) тармақша мынадай редакцияда жазылсын:
"6) Қазақстан Республикасы Ұлттық Банкiнiң өзiне жүктелген мiндеттерiн жүзеге асыруына жәрдемдесетiн және (немесе) қаржы рыногы инфрақұрылымының бiр бөлігі болып табылатын;";
9) тармақшадағы "мәдениет" деген сөзден кейiн ", туризм" деген сөзбен толықтырылсын;
12) тармақша "кадастрларын" деген сөзден кейiн ", Қазақстан Pecпубликасының нормативтік құқықтық актiлерiнiң мемлекеттiк тiзiлiмiн" деген сөздермен толықтырылсын;
мынадай мазмұндағы 13) тармақшамен толықтырылсын:
"13) Қазақстан Республикасының мемлекеттiк материалдық резервiн қалыптастыру және сақтау саласында шаруашылық қызметтi жүзеге асыру.";
екiншi бөлік мынадай редакцияда жазылсын:
"Мемлекеттiк органдардың қызметтiк ғимараттарын пайдалануды, оларға көлiк қызметiн көрсетудi және оларды жабдықтау функцияларын орындауды жүзеге асыру мақсатында шаруашылық жүргiзу құқығындағы мемлекеттiк кәсiпорындар құруға тыйым салынады.";
6) 21-баптың 2-тармағының бiрiншi бөлiгіндегі "құрамында қалған пайданың" деген сөздер "өз билігінде қалған таза кiрiстің" деген сөздермен ауыстырылсын;
7) 32-баптың 6) тармақшасы мынадай редакцияда жазылсын:
"6) мемлекеттік органдардың қызметтiк ғимараттарын пайдалануды, оларға көлік қызметiн көрсетудi және оларды жабдықтау функцияларын орындауды жүзеге асыру;";
8) 35-баптың 3-тармағы алып тасталсын;
9) 38-баптың бiрiншi бөлiгiндегi "мемлекеттiк басқару органының" деген сөздер "уәкiлеттi органның" деген сөздермен ауыстырылсын.