І. Жалпы ережелер
1. Агенттік осындай қордың дауыс беру құқығы бар қор акциясының 25 % көбіне тікелей және жанама иелік ету, билік жасау және/немесе басқару құқығын (бұдан әрі - құқық) жүзеге асыруға рұқсатты заңды тұлғаға - өзінің үздіксіз қызметі кезінде үш жыл бойына тұрақты қаржылық жағдайын растайтын қордың құрылтайшы/акционеріне, Қазақстан Республикасының резидентіне беруі мүмкін.
2. Тұлға мынадай жағдайларда қор акцияларына тікелей иелік ететін, билік жасайтын және/немесе басқаратын болып саналады:
а) егер тұлға қор акцияларының меншік иесі болса;
б) егер тұлға қор акцияларына шарт негізінде иелік ететін, билік жасайтын және/немесе басқаратын болса.
3. Қор акцияларына тікелей иелік ететін, билік жасайтын және/немесе басқаратын тұлғалармен аффилиирленген заңды және жеке тұлғалар қор акцияларына жанама иелік етуші, билік жасаушы және/немесе басқарушы болып есептеледі.
4. Қордың акцияларына тікелей иелік ететін, билік жасайтын және/немесе басқаратын тұлғалардың қызметіне заңдық мәндегі әрекеттермен ықпал ете алатын кез келген жеке немесе заңды тұлға қор акцияларына тікелей иелік ететін, билік жасайтын және/немесе басқаратын тұлғаның аффилиирленген тұлғасы болып табылады.
5. Аффилиирленген тұлғаны айқындау кезіндегі заңдық мәндегі іс-әрекеттер деп нәтижесінде сол немесе өзге тұлғаның шешімін айқындау мүмкіндігі туындайтын нақты құқықтық қатынастарды тудыру, өзгерту және тоқтату үшін негіз болатын кез келген, сондай-ақ бір тұлға екінші тұлғаның жарғылық капиталында басым қатысуынан, не жасалған шартқа сәйкес немесе өзге әдіспен екіншісінің қабылдаған шешіміне ықпал ету мүмкіндігі нәтижесінде болатын іс-әрекеттер танылады.
6. Сондай-ақ қор акциясына иелік ететін, билік жасайтын және/немесе басқаратын жеке тұлғаның жақын туыстары қор акцияларына жанама иелік етуші, билік жасаушы және/немесе басқарушы болып табылады.
7. Егер жеке тұлға осы заңды тұлғаның он және одан да көп дауыс беретін акцияларына иелік ететін басшы қызметкер, өкіл немесе акционер болса, заңды және жеке тұлғалар қор акцияларын бірлесе басқарады деп саналады.
8. Егер олар қор акцияларының меншік иесі болып табылса және олардың кемінде біреуі басқасының ірі қатысушысы болса, екі немесе одан да көп заңды тұлғалар қор акцияларын бірлесіп басқарушы болып саналады.
9. Заңды тұлға, егер мұндай жағдайда заңды тұлға осындай заңды тұлғаны қордың акциясын сатып алу үшін қайтарымды немесе қайтарымсыз негізде қаржыландырса, кепілге өз активтерін берсе немесе осындай заңды тұлғаның қор акциясын сатып алуы үшін қаржыландыру алуына мүмкіндік туғызатын болса, басшы қызметкерге, ірі акционер/қатысушыға немесе осындай заңды тұлғаның ресми өкіліне тиісті қор акцияларының басқарушысы болып саналады.
10. Екі немесе одан да көп жеке тұлғалар, егер олар қор акцияларының иеленушісі болып табылса және:
1) сонымен бірге басқарушы қызметкерлер, ірі акционер/қатысушылар
немесе осы қор болып табылмайтын сол бір заңды тұлғаның сенімхаты
негізінде іс-әрекет ететін ресми өкілдері болып табылса;
2) осындай тұлғалардың бірі басқа тұлғаға қор акцияларын сатып алу
үшін қайтарымды немесе қайтарымсыз негізде қаржыландыру берсе немесе
қордың акциясын осы тұлғаның сатып алуына осындай қаржыландыру алуына
мүмкіндік туғызса;
3) олар жақын туыстар болса қор акцияларының бірлескен басқарушылары
болып саналады.
ІІ. Рұқсат беру туралы өтініш берудің тәртібі
11. Заңды тұлға Агенттікке құқықты алуға рұқсат беру туралы өтініш
беруге құқылы.
12. Өтініш ерікті нысанда жазылады және мынадай құжаттарды қоса
тапсырумен беріледі:
1) құқық алынатын қордың акционерлері жалпы жиналысының осындай алуға
олардың келісімдері туралы шешімінің көшірмесі;
2) өтініш беруші туралы мәліметтері бар құжаттар:
- құрылтай құжаттары;
- өтініш беруші ірі акционер/қатысушының құрылтай құжаттары;
- өтініш беруші акционерлер мен өтініш беруші ірі
акционер/қатысушылар тізілімінен көшірме;
- өтініш берушілердің басшылары мен өтініш беруші ірі акционер/ қатысушы басшыларының әрқайсысы туралы мәліметтер.
3) өтініш берушіге мемлекеттік басқару, сот органдарының өтініш беру сәтіне дейінгі үш жылда салынған санкциялар туралы мәліметтері бар құжаттар. Мұндай фактілер болған жағдайда өтінішке тиісті органдардың шешімдерінің көшірмелері қоса беріледі;
4) аудиторлық ұйым бекіткен қаржылық есеп:
- соңғы аяқталған екі қаржылық жыл үшін;
- бақылау құқығын алу туралы шешім қабылданар алдындағы соңғы тоқсанның аяғындағы;
5) мыналарды қоса, құқық алудың шарттары мен тәртібі туралы мәліметтер:
- қаржының пайда болу көздерін сипаттау және алу үшін пайдаланылатын қаражат сомасын, растайтын құжаттардың көшірмесін қоса, көрсету;
- өтініш иесінің мүддесін білдіру тапсырылатын өтініш иесінің өкілі туралы мәліметтер;
6) мыналарды қоса алғанда құқық алу нәтижесіндегі қаржылық болжаулар:
- құқықты алғаннан кейінгі қордың болжанатын есептік балансы;
- қордың активтерін сату, оны басқа мемлекеттік емес жинақтаушы зейнетақы қорымен біріктіру немесе оның қызметінің немесе басқару құрылымына (нақты бизнес-жоспарды және ұйымдық құрылымды қоса) елеулі өзгерістер енгізу жөнінде алушыда болуы мүмкін жоспарлар мен ұсыныстар.
13. Агенттік өтінішті қарау үшін қажетті кез-келген қосымша ақпараттарды сұратуға құқылы.
14. Өтініш беруші оны қараудың барлық уақытында кез-келген сәтте рұқсат беру туралы өзі берген өтінішті қайтып алуға құқылы.
ІІІ. Агенттіктің өтінішті қарау тәртібі
15. Өтінішті қарау мерзімі өтініш иесі өтінішті қанағаттандыруға немесе қайтару туралы шешім қабылдау үшін қажетті соңғы құжатты тапсырғаннан кейін 30 күннен тұрады.
16. Агенттік сұратқан қосымша құжаттар Агенттік сұрату жібергеннен кейін 10 күннің ішінде тапсырылуы тиіс. Аталған уақыт ішінде сұратылған ақпараттар тапсырылмаған жағдайда, барлық тапсырылған құжаттар оның өтініші бойынша шешім қабылданбастан өтініш берушіге қайтарылады.
17. Құқықты алуға Агенттік рұқсат берген жағдайда осындай құқық берілген тұлғалар салымшыларды олардың аталған құқықты алғаны туралы осындай рұқсатты алғаннан кейін екі апта ішінде олардың әрқайсысына жеке- жеке жазбаша хабарлау немесе кемінде екі республикалық газетте мемлекеттік және орыс тілдерінде тиісті хабарлама жариялау жолымен ақпараттандыруға міндетті.
18. Кез келген мүдделі жеке және заңды тұлға Агенттікке өтініштің қабыл алынбауы тиіс екендігіне өзі сенімді болатын негіздемелерді көрсете отырып, өтініш-хат жіберуге құқылы.
IV. Рұқсат беруден бас тарту негіздері
19. Мына негіздердің кемінде біреуі болған жағдайда Агенттік құқықты алуға рұқсат беруден бас тартуға құқылы:
1) өтініш берушінің қаржылық жағдайы тұрақты болмағанда;
2) өтініш берушінің немесе өтініш берушінің басшы қызметкерінің "Қазақстан Республикасында зейнетақымен қамсыздандыру туралы" Қазақстан Республикасы Заңының 40-тармағында белгіленген талаптарға сәйкес келмеуі;
3) құқық алу Агенттік бекіткен нормативтерді бұзуға әкеліп соқтыратын болса;
4) құқық алу монополияға қарсы заңдардың талаптарын бұзуға соқтыратын болса;
5) өтініш беруші жалған немесе осы Ережеде белгіленген талаптарға сәйкес келмейтін ақпараттар берсе немесе өтініш бойынша шешім қабылдау үшін Агенттік сұратқан ақпаратты беруден бас тартса;
6) өтініш беруші Агенттікке қандай да болмасын өтінішпен, өтініш-хатпен немесе басқа да өтінімдермен байланысты қандай да болмасын жасанды немесе шатастыратын ақпарат берсе.
20. Агенттік кез-келген өтініш берушінің қаржылық жағдайын мына факторлардың кемінде біреуінің негізінде тұрақсыз деп санауға құқылы:
1) өтініш беруші өтініш берген күннен бұрынғы кез келген үш жылда өзін дәрменсіз борышкер деп мойындаса;
2) өтініш беруші өтініш берген күннің тікелей алдындағы кез-келген үш жылда Қазақстан Республикасының заңдарына сәйкес оңалту рәсімдеріне жатқызылса;
3) өтініш берушінің ағымдағы міндеттемелері соңғы есептік күндегі жағдайы бойынша оның айналым активтерінен асып кетсе;
4) өтініш беруші өтініш берілген жылдың алдындағы соңғы жылдың қорытындысы бойынша өз қызметінен кіріс келтірмеген, не өтініш беруші өтініш берген күннің алдындағы соңғы үш жыл ішінде осы мерзімдегі кез-келген екі жұмыс жылының қорытындысы бойынша кіріс келтірмеген болса;
5) өзге негіздемелер бойынша, егер мұндайды Агенттік көздейтін болса, осындай құқық алудың нәтижесінде қорға зиян келтіретіндігін болжауға болатын негіздемелер бойынша.
21. Агенттік рұқсат беруден бас тартқан жағдайда Агенттік өтініш берушіні осындай шешім қабылданғаннан кейін 10 күн ішінде бас тартуы туралы жазбаша хабардар етуге міндетті. Хабарламада бас тарту себебі көрсетілуі тиіс.
22. Құқық алуға рұқсат беруден бас тартылған тұлға, сондай-ақ осы ереженің 1-тармағында көзделген негіздер бойынша аталған құқықты иелене алмайтын тұлға қордың жарғылық капиталының 25%-нен артық өз үлесін заңда белгіленген тәртіпте, акцияларды сатудан акциялар сатылған тұлғаларда құқық туындамайтын тұлғаларға сатуға міндетті.
V. Қордың дауыс беру құқығы бар акцияларының 25 процентінен көбіне
тікелей немесе жанама иелік ететін, билік жүргізетін және/немесе
басқаратын тұлғаларға қойылатын талаптар
23. Агенттіктен құқыққа рұқсат алған өтініш беруші жинақтаушы зейнетақы қорының өз капиталы көлемінің Агенттіктің нормативтік актілерінің талаптарымен белгіленген деңгейден төмен болмауын қолдауға міндетті.
24. Қор осы Ереженің 20-тармағында аталған тұлғамен кастодиандық шарт немесе зейнетақы активтерін басқаруға шарт жасауға құқылы емес.
25. Осы Ереженің 20-тармағында аталған тұлға өзі құқықты жүзеге
асыратын тұлға болып табылатын уақыт ішінде Агенттікке жыл сайын әрбір
қаржылық жылды жапқаннан кейінгі 45 күннің ішінде қаржылық есеп беруі тиіс.
VI. Рұқсатты қайтарып алу негіздері
26. Агенттік мынадай жағдайлар болған кезде құқыққа берілген рұқсатты
қайтарып алуға құқылы:
- қор немесе осы Ереженің 20-тармағында аталған тұлға осы Ереженің
талаптарын сақтамағанда;
- осындай рұқсат соның негізінде берілген мәліметтердің жалғандығы
анықталғанда.
27. Агенттік қорға бақылау жасауды алуға берілген рұқсатты қайтарып
алу жөніндегі өзінің шешімі туралы осындай шешім шығарылған күннен кейін
10 күн ішінде қорға бақылау жасайтын тұлғаға және тиісті қорға хабарлайды.
28. Қорға бақылау жасауға алған рұқсат қайтарып алынған тұлға
Агенттіктің рұқсатты қайтарып алу туралы хабарлауын алғаннан кейін бір
айдың ішінде қордың жарғылық капиталының 25 %-нен артық өзінің үлесін
заңда белгіленген тәртіпте, акцияларды сату оларға бақылау жасау құқығын
туындатпайтын тұлғаларға сатуға міндетті.
VII. Қорытынды
29. Қор осы Ереженің 22 және 26 тармақтарында көзделген талаптарды
қамтамасыз ету туралы Агенттік белгілеген тәртіптерді бұзған жағдайда
Агенттік заңда белгіленген тәртіпте лицензияның қолданылуын тоқтатуға
құқылы.
оқығандар:
Багарова Ж.А.
Икебаева А.Ж.