"Қазақстан Республикасындағы сайлау туралы" U952464_ Қазақстан Республикасы Президентiнiң конституциялық заң күшi бар Жарлығының 12-бабына сәйкес Қазақстан Республикасының Орталық сайлау комиссиясы қаулы етедi:
Қазақстан Республикасы мәслихаттары депутаттарын сайлау жөнiндегi құжаттарды сақтаудың мынадай тәртiбi бекiтiлсiн:
1. Тиiстi аумақтық сайлау комиссиялары мәжiлiстерiнiң хаттамалары округтiк сайлау комиссияларының мәслихат депутаттығына кандидаттарды тiркеу туралы хаттамалары, кандидаттардың есеп карточкасы; әрбiр округ бойынша мәслихат депутатын сайлау нәтижелерi туралы округтiк сайлау комиссияларының хаттамалары тиiстi аумақтық сайлау комиссиясында 5 жыл бойы сақталады, сосын бекiтiлген тәртiпте тиiстi әкiмшiлiк-аумақтық бiрлiктiң мемлекеттiк архивiне тапсырылады.
2. Округтiк сайлау комиссиялары мәжiлiсiнiң хаттамалары: мәслихат депутаттығына кандидаттарды тiркеу туралы хаттамалардың көшiрмелерiн қоса; Қазақстан Республикасының Әдiлет министрлiгiнде немесе облыстық (қалалық) әдiлет басқармасында осы қоғамдық бiрлестiктiң тiркелгенi туралы құжаттар қоса тiркелген кандидаттарды ұсыну жөнiндегi республикалық немесе жергiлiктi қоғамдық бiрлестiктер жоғары органдарының хаттамалары; мәслихат депутаттығына кандидат болып дауысқа түсуге келiсетiндiгi немесе ниеттенетiнi туралы өтiнiшi; кандидаттың өмiрбаяны; дауыс беру нәтижелерi туралы учаскелiк сайлау комиссиялары хаттамалары қоса тiркелген, сайлау округтерi бойынша мәслихаттар депутаттарын сайлау нәтижелерi туралы округтiк сайлау комиссиялары хаттамаларының көшiрмелерi сайлау комиссиялары құрған органдарда 5 жыл бойы сақталады, содан кейiн тиiстi әкiмшiлiк-аумақтық бiрлiктiң мемлекеттiк архивiне тапсырылады.
3. Учаскелiк сайлау комиссиялары отырысының хаттамалары және басқа құжаттар, сайлау округi бойынша дауыс беру нәтижелерi туралы хаттамалардың көшiрмелерiн қоса, сайлау комиссиялары құрған органдарда 4 жыл бойы сақталады, содан кейiн бекiтiлген тәртiпте жойылады.
Әскери бөлiмшелерде құрылған учаскелiк сайлау комиссияларының аталған
құжаттары, әскери бөлiмшелерде 4 жыл бойы сақталады, содан кейiн
бекiтiлген тәртiпте жойылады.
4. Сайлаушылар тiзiмiн учаскелiк сайлау комиссиялары, осы комиссиялар
құрған, органдарға бередi, онда олар жаңа сайлау өткiзiлгенге дейiн
сақталады, содан кейiн жойылады.
5. Дауыстар саналғаннан кейiн сайлау бюллетеньдерiн учаскелiк сайлау
комиссиялары (мөрi алынған күйде, олардың iшiнде жеке жойылған
бюллетеньдердi) тиiстi аумақтық сайлау комиссияларына жiбередi, онда олар
сайлау күнiнен бастап 1 жыл бойы сақталады, сосын жойылады.
Комиссия төрағасы
Комиссия хатшысы
1996 ж. "19" наурыз
N 51