1.1. Жою - кеден баждарын, қосымша құнға салықты, алуы кеден органдарына жүктелген басқа да салықтарды алусыз, сондай-ақ экономикалық саясат шараларын (квоталау, лицензиялау т.т.б.) қабылданбай-ақ оларды пайдалануға қолайсыз күйге келтiрудi қосқанда шетелдiк тауарлар мен көлiк құралдары жойылатын кеден режимi.
1.2. Кедендiк жою режимiне тауарлар мен көлiк құралдарын орналастыруға кеден органының рұқсатымен жол берiледi.
1.3. Тауарлар мен көлiк құралдарын жоюды мүдделi адам өз есебiнен жүргiзедi және мемлекетке ешқандай шығынын тигiзбейдi.
1.4. Жоюдың кедендiк режимi туралы мәлiмдеудiң заңдылығы үшiн, сондай-ақ осы режимнiң шарттарының сақталуы үшiн тауарларды өткiзетiн адам немесе көлiк құралдарына қатысты тасымалдаушы кеден органдары алдында жауап бередi.
2. Жоюдың кедендiк режимiн пайдаланудың
шарттары
2.1. Жоюдың кедендiк режимiмен:
а) Қазақстан Республикасы кеден шекарасын iс жүзiнде кесiп өткен, әкелiнетiн шетелдiк тауарлар мен көлiк құралдары
б) Қазақстан Республикасы кеден аумағына әкелiнген және транзит, кеден қоймасы, бажсыз сауда дүкенi, кеден бақылауымен ұқсату, уақытша әкелу, еркiн кеден аймағы, еркiн қойма, реэкспорттың кеден режимдерiмен орналастырылған шетелдiк тауарлар мен көлiк құралдары, сондай-ақ шартты түрде шығарылған тауарлар орналастырылады.
2.2. Жоюдың кедендiк режимiмен:
- Қазақстан Республикасына әкелуге тиым салынған тауарлар мен көлiк құралдарын;
- Қазақстан Республикасы мен шетелдердiң халықтарының көркемдiк, тарихи және археологиялық игiлiктерi болып табылатын заттарды;
- жойылу қаупiнде тұрған жануарлар мен өсiмдiктердiң, бөлiмдерi мен туындыларының түрлерiн орналастыруға болмайды.
2.3. Кеден органы тауарлар мен көлiк құралдарын жоюдың кедендiк режимiмен орналастыруға:
а) тауарлар мен көлiк құралдарын жою қоршаған ортаға айтарлықтай зиян келтiретiн болса;
б) тауарлар мен көлiк құралдарын жою мемлекеттiң шығындануына әкелiп соғатын болса немесе мүмкiн болса;
в) кеден органының тауарлар мен көлiк құралдарының iс жүзiндегi жойылуына бақылау жасауға мүмкiндiгi болмаса;
г) кеден органының бұған жеткiлiктi негiздемелерi бар өзге де жағдайларда рұқсат бермейдi.
2.4. Тауарлар мен көлiк құралдарын жоюдың кедендiк режимiмен орналастыруға жоюдың нәтижесiнде тауарлар мен көлiк құралдары өздерiнiң бастапқы тұтыну қасиеттерiн немесе коммерциялық құнын толық жойып алатын жағдайда жол берiледi.
2.5. Жою: а) нәтижесiнде тауарлар мен көлiк құралдары толық жойылатын термикалық, химиялық, механикалық не өзгеше ықпал ету (күйдiру, бүлдiру, көмiп тастау т.б.) жолымен;
б) тесiк салу, жырту, өзге әдiстермен зақым келтiрудi қосқанда осындай зақым келтiру тауарлар мен көлiк құралдарының одан әрi қалпына келтiрiлуiн және оларды бастапқы күйiнде пайдалануға мүмкiндiк бермейтiн бөлшектеу, ажырату, механикалық зақым келтiру жолымен жүргiзiледi.
2.6. Тауарлар мен көлiк құралдарын жою Қазақстан Республикасының қоршаған табиғи орта туралы заңдарының талаптары орындала отырып, жүргiзiлуi тиiс.
2.7. Тауарларды жою салдарынан пайда болған қалдықтар кеден бақылауындағы шетелдiк тауарлар ретiнде тиiстi кеден режимiне орналастырылуы тиiс.
2.8. Кеден органдары жоюдың кедендiк режимiн пайдаланумен байланысты қандай да бiр шығыстарды өтемейдi.
3. Жоюдың кедендiк режимiмен орналастырылатын
тауарлар мен көлiк құралдарын кедендiк ресiмдеу
3.1. Жоюдың кедендiк режимiмен орналастырылатын тауарлар мен көлiк құралдарын кедендiк ресiмдеу:
- транзиттiң кеден режимiн, сондай-ақ шартты түрде шығарылған тауарларды қоспағанда Қазақстан Республикасы кеден аумағына әкелiнген және осы Ереженiң 2.1. тармағының "б" тармақшасында көрсетiлген кеден режимiмен орналастырылатын тауарларға қатысты таңдалынған кеден режимiне сәйкес осындай тауарларды адамның қарамағына берген кеден органы;
- көлiк құралдарына, сондай-ақ Қазақстан Республикасы кеден аумағына әкелiнетiн тауарларға және кеден бақылауымен жеткiзу ережелерiне сәйкес транзиттiң кеден режимiне орналастырылған немесе өткiзiлетiн тауарларға қатысты қызметiнiң аймағында осындай көлiк құралдары немесе тауарлар бар кеден органы жүргiзедi.
3.2. Жоюдың кедендiк режимiмен орналастырылатын тауарлар N 1 Қосымшамен белгiленген тәртiппен кеден жүк декларациясын және тауарларды өткiзетiн адамның мәлiмдемесiн кеден органына көрсету жолымен жария етiледi. Мұндай мәлiмдеме N 2 Қосымшада келтiрiлген нысан бойынша жасалынады.
3.3. Кеден органына кеден декларациясымен бiрге бiр мезетте тауарлар мен көлiк құралдарына жүк және тауарды алып жүру құжаттары (үстеме жол құжаттары, коносаменттер, шот-фактуралар т.б.), сондай-ақ кеден ресiмдеу мен кеден бақылауын жүргiзуге қажеттi өзге де құжаттарды көрсетедi.
3.4. Тауарлар мен көлiк құралдарын жою қоршаған табиғи ортаға айтарлықтай зиян келтiруi мүмкiн деген негiздеме бар жағдайда кеден органы Қазақстан Республикасының қоршаған табиғи ортаны қорғау туралы заңдарына сәйкес арнайы уәкiлдiгi бар экологиялық бақылау органдарының қорытындысын көрсетудi мiндеттеуге құқылы.
3.5. Тауарлар мен көлiк құралдарын жою зиянды, барынша қауiптi, ерекше улы немесе радиоактивтiк қалдықтарды шығару, тастау, орналастыру, жайғастыруға байланысты қиындыққа әкелiп соғатын жағдайда мұндай жою Қазақстан Республикасының қоршаған табиғи орта саласында бұған арнайы уәкiлдiгi бар мемлекеттiк органдарының және санитарлық-эпидемиологиялық бақылау мекемесiнiң рұқсатымен ғана жол берiледi.
3.6. Тауарлар мен көлiк құралдарын кедендiк жою режимiмен орналастыруға рұқсат беру туралы шешiмдi Қазақстан Республикасының арнайы нормативтi актiлерiмен басқаша белгiленбесе, кеден органының бастығы немесе оны ауыстыратын адам қабылдайды. Мұндай рұқсат N 2 Қосымшада келтiрiлген мәлiмдемеде "Жою рұқсат берiледi" деген жазу жасау жолымен ресiмделедi және аталған адамның қолымен куәлендiрiледi.
3.7. Кедендiк жою режимiмен орналастырылатын тауарлар мен көлiк құралдарын кедендiк ресiмдеу үшiн Қазақстан Республикасының валютасымен тауарлардың кедендiк құнының 0,2 процентi мөлшерiнде кеден алымдары алынады.
Кедендiк жою режимiмен орналастырылатын көлiк құралдарын кедендiк ресiмдеу үшiн Қазақстан Республикасының валютасымен көлiк құралының әр бiрлiгiне 15 АҚШ долларына тең сомада, бiрақ олардың кедендiк құнының 0,1 процентiнен аспайтын мөлшерде кеден алымдары алынады.
4. Қорытынды ереже
4.1. Тауарлар мен көлiк құралдарын жою кедендiк бақылаумен жүргiзiледi.
4.2. Тауарлар мен көлiк құралдарының iс жүзiнде жойылуы туралы акт N 3 Қосымшада келтiрiлген нысан бойынша жасалынады. Кеден органының келiсiмiмен осындай актiде туралы акт N 3 Қосымшада келтiрiлген нысанда көрсетiлген барлық мәлiметтер қамтылатын болса, белгiленген актiнiң нысанынан ауытқуға жол берiледi. Аталған актiге тауарларды өткiзетiн адамның уәкiлдiгi бар өкiлi не тасымалдаушы, тауарлар мен көлiк құралдарының iс жүзiнде жойылуы кезiнде қатысып отырған өзгеде адамдар қол қояды.
4.3. Тауарларды өткiзетiн адам немесе тасымалдаушы көлiк құралдарына қатысты осы Ереженiң 4.2. тармағында көрсетiлген актiнi кеден органына осы кеден органы белгiленген мерзiмде ұсынуға мiндеттi.
4.4. Кеден органы тауарлар мен көлiк құралдарын жою тек қана кеден органының лауазымды адамының қатысуымен жүргiзiлуi мүмкiн екендiгiн анықтауға құқылы.
4.5. Жоюдың салдарынан пайда болған барлық қалдықтар кеден бақылауындағы шетелдiк тауарлар ретiнде кедендiк ресiмдеуге жатады.
4.6. Тауарларды жоюға рұқсат берген кеден органы қалдықтарды кедендiк ресiмдеудiң орнын анықтайды.
Кеден органы қалдықтардың уақытша сақтау қоймасына орналастыруға жататынын анықтауға құқылы.
4.7. Қалдықтар болып табылатын тауарларды шығару не таңдалынған
кедендiк режимге сәйкес адамның қарамағына оларды беру кеден заңдарына
сәйкес жүзеге асырылады.
4.8. Қалдықтар:
- кедендiк құны 20 АҚШ долларынан аспаса;
- оларды одан әрi пайдалану осындай қалдықтар көмiлгендiктен не
көмуге жататындықтан мүмкiн болмаса;
еркiн айналым үшiн шығарудың кедендiк режимiне қатысты кедендiк
ресiмдеуге жатады. Бұл ретте кедендiк ресiмдеу үшiн кеден баждары,
салықтар және кеден алымдары алынбайды, ал мәлiмдеу мәлiмдемедегi (N 2
Қосымша) және актiдегi (N 3 Қосымша) қалдықтар туралы мәлiметтердi көрсету
жолымен жүргiзiледi.
Жоюдың кедендiк режимi
туралы Ережеге
N 2 Қосымша
___________________________________
(кеден органының атауы)
___________________________________
(адамның аты-жөнi, мекен-жайы)
___________________________________
Өтiнiш
_________________________________________________________________
(тауарлардың немесе көлiк құралдарының атауы, саны,
_________________________________________________________________
орналасқан жерi)
_________________________________________________________________
_______________________жоюға рұқсат беруiңiздi сұранамын.
Жоюдың тәсiлi____________________________________________________
Жоюдың орны _____________________________________________________
Жоюдың күнi _____________________________________________________
Жоюдың салдарынан пайда болған қалдықтар ________________________
_________________________________________________________________
(атауы мен саны (сандық анықтау мүмкiн боларлық жағдайда)
_________________________________________________________________
Жою туралы актiнi 199 ж "___"_______________дейiн беруге
мiндеттенемiн.
___________________________
(жетекшiнiң не уәкiлдiгi
бар өзге адамның қолы, жеке
тұлғаның қолы)
М.О.
199__ж "___"_________________
Жоюдың кедендiк режимi
туралы Ережеге
N 2 Қосымша
_________________________________________
(кеден органының атауы)
Жою туралы
АКТ
Төменде аталынған адамдардың қатысуымен тауарлар мен көлiк
құралдарын жою жүргiзiлгендiгi туралы осы акт 199__ж
"__" __________________________________________________________
(атауы, жекелей белгiлерi, саны (өлшемi, салмағы т.б.),
_____________________________________________________жасалынды.
жоюдың тәсiлi мен орны)
Жоюдың салдарынан: _____________________________________________
(қалдықтардың атауы, жекелей белгiлерi,
________________________________________________________________
саны (өлшемi, салмағы т.б.),
пайда болған қалдықтар.
Жою кезiнде:
______________________________________________ ___________
(жою кезiнде қатысқан адамдардың лауазымы) қолы
______________________________________________ ___________
қолы
______________________________________________ ___________
(Жоюдың кедендiк режимiмен тауарлар мен қолы
көлiк құралдарын орналастырған уәкiлдiгi
бар өкiлдiң лауазымы, аты-жөнi)
______________________________________________ ___________
(кеден органы лауазымды адамның лауазымы, қолы
аты-жөнi)
М.О.
Жоюдың кедендiк режимi
туралы Ережеге
N 1 Қосымша
Тауарларды кедендiк режимiмен
орналастыру кезiнде кедендiк
жүк декларациясын толтырудың
Ережелерi
Тауарларды кедендiк режимiмен орналастыру кезiнде кедендiк жүк
декларациясының:
1, 3, 4, 5, 6, 9, 12, 14, 15, 15а, 16, 22, 23, 28, 31, 32, 33, 34,
35, 37, 38, 40, 41, 44, 45, 47, 54, А, Б бағандары толтырылады.
Кеден органының лауазымды адамы 7, С және Д бағандарын толтырады.
3, 4, 5, 6, 7, 12, 14, 15, 15а, 16, 23, 31, 32, 33, 34, 35, 37, 38, 40, 41, 47, 54, А, Б, С, Д бағандары Қазақстан Республикасы Қаржы министрлiгi Бас кеден басқармасының 93.9.07 бұйрығымен бекiтiлген кедендiк жүк декларациясын толтырудың тәртiбi туралы Нұсқауға (бұдан әрi - КЖД толтыру бойынша Нұсқау) сәйкес толтырады.
1, 9, 22, 28, 44, 45 бағандарын толтырудың төмендегiдей ерекшелiктерi бар:
1 баған. "Декларацияның сыныбы"
Бағанның бiрiншi бөлiмшесiнде "ИМ" деп жазылып көрсетiледi.
Екiншi бөлiмшеде КЖД толтыру бойынша Нұсқауға N 8 Қосымшада келтiрiлген кеден режимдерiнiң Жiктемесiне сәйкес кеден режимiнiң екi таңбалы коды көрсетiледi.
9 баған. "Қаржыны реттеуге жауапты адам"
Бағанда тауарларды өткiзетiн адамның аты-жөнi және мекен-жайы
көрсетiледi. Жеке тұлғаларға қатысты бағанда сол адамның аты-жөнi,
мекен-жайы және жеке басын куәлендiретiн құжат туралы мәлiметтер
көрсетiледi.
Бағанның төменгi бөлiгiнде "N" деген таңбадан кейiн КЖД толтыру
бойынша Нұсқауға N 13 Қосымшада келтiрiлген фирмалардың кодтары мен
атауларының Жiктемесiне сәйкес код нөмiрi көрсетiледi.
22 баған "Валюта және тауардың жалпы
фактуралық құны"
Бағанның сол жақтағы бөлiмшесiнде КЖД толтыру бойынша Нұсқауға N 5
Қосымшадағы "Валюталардың жалпы Жiктемесiне" сәйкес шот валютасының коды
көрсетiледi.
28 баған "Қаржы және банкiлiк мәлiметтер"
Бағанда (деректемелердiң әрқайсысы жаңа жолдан басталады және
әрқайсысының алдына реттiк нөмiрi қойылып):
1 - экспортердiң есеп айыру және валюталық шоттарының, БАА нөмiрi,
банк коды;
2 - банктiң толық атауы, орналасқан жерi көрсетiледi.
44 баған. "Қосымша ақпарат берiлетiн
құжаттар"
Жоюдың кедендiк режимi туралы Ереженiң 3.5. тармағында көзделген жағдайларда бағанада 6 цифрымен экологиялық бақылау саласында арнайы уәкiлдiгi бар органның атауы көрсетiлiп, осындай органның берген рұқсатының нөмiрi мен күнi көрсетiледi.
45 баған. "Кедендiк құн"
Бағанда 31 бағанда мәлiмделiнетiн тауарлардың кедендiк құны АҚШ долларымен көрсетiледi.
Егер кедендiк құнның бөлшек бiрлiктерi бар болса, онда құн дөңгелектеу ережелерi бойынша бүтiнге дейiн дөңгелектелiнедi.