БҰЙЫРАМЫН:

      1. "Тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттармен және медициналық бұйымдармен қамтамасыз ету қағидаларын, сондай-ақ Тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарға қажеттілікті қалыптастыру қағидалары мен әдістемесін бекіту туралы" Қазақстан Республикасы Денсаулық сақтау министрінің 2021 жылғы 20 тамыздағы № ҚР ДСМ-89 бұйрығына (Нормативтік құқықтық актілерді мемлекеттік тіркеу тізілімінде № 24069 болып тіркелген) мынадай өзгерістер мен толықтырулар енгізілсін:

      көрсетілген бұйрыққа 1-қосымшамен бекітілген тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттармен және медициналық бұйымдармен қамтамасыз ету қағидаларында:

      2-тармақта:

      1) тармақша мынадай редакцияда жазылсын:

      "1) амбулаториялық дәрілік қамтамасыз етуді есепке алу ақпараттық жүйесі (бұдан әрі – ДҚАЖ) –– тегін медициналық көмектің кепілдік берілген көлемі және (немесе) міндетті әлеуметтік медициналық сақтандыру жүйесінде рецепттер жазып беруді, фармацевтикалық көрсетілетін қызметтің өнім берушісінің тауарды босатуын немесе дәрілік заттар мен медициналық бұйымдарды есепке алу және өткізу жөніндегі көрсетілетін қызметті есепке алуды автоматтандыруға арналған денсаулық сақтау саласындағы уәкілетті орган айқындайтын ақпараттық жүйе;";

      мынадай мазмұндағы 1-1) тармақшамен толықтырылсын:

      "1-1) әлеуметтік медициналық сақтандыру қоры (бұдан әрі - Қор) – аударымдар мен жарналарды шоғырландыруды жүргізетін, сондай-ақ медициналық көмек көрсететін денсаулық сақтау субъектілерінің көрсетілетін қызметтерін медициналық көрсетілетін қызметтерді сатып алу шартында көзделген көлемдерде және талаптарда сатып алуды және оларға ақы төлеуді және Қазақстан Республикасының заңдарында айқындалған өзге де функцияларды жүзеге асыратын коммерциялық емес ұйым;";

      16-тармақ мынадай редакцияда жазылсын:

      "16. Иммунологиялық (иммундық-биологиялық) дәрілік препараттарды инфузиялық дәрілік нысандағы дәрілік заттармен қоса алғанда қамтамасыз ету медицина қызметкерінің бақылауымен амбулаториялық немесе стационарды алмастыратын жағдайларда мамандандырылған медициналық көмек көрсететін медициналық ұйымдардың емшара кабинеттері немесе амбулаториялық химиотерапия кабинеттері арқылы жүзеге асырылады.";

      20 және 21-тармақтар мынадай редакцияда жазылсын:

      "20. Динамикалық байқауға жататын Қазақстан Республикасының азаматтары, қандастар, босқындар, Қазақстан Республикасының аумағында тұрақты тұратын шетелдіктер мен азаматтығы жоқ адамдар және қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдар медициналық ұйымдарға бекітілу арқылы ТМККК шеңберінде және (немесе) МӘМС жүйесінде амбулаториялық жағдайларда дәрілік заттармен және медициналық бұйымдармен қамтамасыз етіледі.

      21. Амбулаториялық жағдайларда медициналық–санитариялық алғашқы көмек және мамандандырылған медициналық көмек көрсететін медициналық ұйымдар пациенттер үшін мемлекеттік және орыс тілдерінде Тізбені, сондай-ақ олар арқылы амбулаториялық дәрі-дәрмекпен қамтамасыз ету жүзеге асырылатын медициналық ұйымдардың және дәрілік заттар мен медициналық бұйымдардың айналысы саласындағы субъектілердің мекенжайларын көрнекі ақпарат орындарында және медициналық ұйымның интернет-ресурсында орналастырады.";

      23-тармақ мынадай редакцияда жазылсын:

      "23. Амбулаториялық дәрі-дәрмекпен қамтамасыз ету кезінде:

      1) бірыңғай дистрибьютор дәрілік заттар мен медициналық бұйымдардың алдыңғы жылғы нақты тұтыну және қалдығын ескере отырып, дәрілік заттар мен медициналық бұйымдардың жөнелтуді қамтамасыз етеді;

      2) медициналық-санитариялық алғашқы көмекті және мамандандырылған медициналық көмекті көрсететін медициналық ұйымдар "электрондық үкімет" мобильді қосымшасында "Әлеуметтік амиян" сервисі арқылы ұсынылған электрондық рецептті (QR-код арқылы) сканерлеумен рецепт жазып беруді және дәрілік заттар мен медициналық бұйымдарды беруді қамтамасыз етеді;

      3) ДҚАЖ-ды пайдалана отырып, облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары, бірыңғай дистрибьютор, Қор дәрілік заттармен қамтамасыз ету мониторингін жүзеге асырады.";

      мынадай мазмұндағы 23-1-тармақпен толықтырылсын:

      "23-1. Бірлесіп төлеуді пайдалана отырып, пациенттерді дәрілік заттармен және медициналық бұйымдармен қамтамасыз ету тәртібі "Бірлесіп төлеуді жүзеге асыру қағидаларын бекіту туралы" Қазақстан Республикасының Денсаулық сақтау министрінің 2021 жылғы 16 шілдедегі № ҚР ДСМ-61 бұйрығына сәйкес жүзеге асырылады (Нормативтік құқықтық актілерді мемлекеттік тіркеу тізілімінде № 23589 болып тіркелген).".

      көрсетілген бұйрыққа 2-қосымшамен бекітілген тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарға қажеттілікті қалыптастыру қағидалары мен әдістемесінде:

      2-тармақта:

      1) тармақша мынадай редакцияда жазылсын:

      "1) амбулаториялық дәрілік қамтамасыз етуді есепке алу ақпараттық жүйесі (бұдан әрі – ДҚАЖ) –– тегін медициналық көмектің кепілдік берілген көлемі және (немесе) міндетті әлеуметтік медициналық сақтандыру жүйесінде рецепттер жазып беруді, фармацевтикалық көрсетілетін қызметтің өнім берушісінің тауарды босатуын немесе дәрілік заттар мен медициналық бұйымдарды есепке алу және өткізу жөніндегі көрсетілетін қызметті есепке алуды автоматтандыруға арналған денсаулық сақтау саласындағы уәкілетті орган айқындайтын ақпараттық жүйе;";

      мынадай мазмұндағы 1-1) тармақшамен толықтырылсын:

      "1-1) әлеуметтік медициналық сақтандыру қоры (бұдан әрі - Қор) – аударымдар мен жарналарды шоғырландыруды жүргізетін, сондай-ақ медициналық көмек көрсететін денсаулық сақтау субъектілерінің көрсетілетін қызметтерін медициналық көрсетілетін қызметтерді сатып алу шартында көзделген көлемдерде және талаптарда сатып алуды және оларға ақы төлеуді және Қазақстан Республикасының заңдарында айқындалған өзге де функцияларды жүзеге асыратын коммерциялық емес ұйым;";

      11-тармақ мынадай редакцияда жазылсын:

      "11. Осы Қағидалардың 8-тармағының 1) тармақшасында көрсетілген дәрілік заттар мен медициналық бұйымдарға қажеттілікті жинауды нозологияларын, атауларын, дәрілік заттардың әрбір дәрілік нысаны бойынша дозалары мен көлемдерін және медициналық бұйымдардың сипаттамасын, бір реттік дозасын, бір тәулікте қабылдау еселігін (бір айда қабылдау күнінің саны), бір курстың ұзақтығын (бір жыл ішіндегі курс санын), пациентке жылдық қажеттілікті, алдыңғы жылға жазып берілген және қамтамасыз етілген көлемді (бұдан әрі – Дербес қажеттілік) көрсете отырып, Қор ДҚАЖ-да дербес жүзеге асырады.";

      мынадай мазмұндағы 11-1-тармақпен толықтырылсын:

      "11-1. Ағымдағы қаржы жылының 25 наурызына дейінгі мерзімде автоматты түрде ДҚАЖ-да қалыптастырылған Дербес қажеттілікке медициналық ұйымның уәкілетті лауазымды адамының не оны алмастыратын адамның электрондық цифрлық қолтаңбасымен қол қойылады.";

      12-тармақ мынадай редакцияда жазылсын:

      "12. Ағымдағы қаржы жылының 1 сәуіріне дейінгі мерзімде өңірдің қалыптастырған Дербес қажеттілігін облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары келіседі.";

      18-тармақ мынадай редакцияда жазылсын:

      "18. Қор Қазақстан Республикасының Дербес қажеттілігі негізінде нозологияларды, дәрілік заттардың атауларын және медициналық бұйымдардың сипаттамаларын, пациенттердің санын көрсете отырып, өңірлер бөлінісінде үш жылдық кезеңге арналған бюджеттік өтінімнің жобасын қалыптастырады және уәкілетті органға, бірыңғай дистрибьюторға ағымдағы қаржы жылының 15 сәуірінен кешіктірмей жібереді.".

      мынадай мазмұндағы 20-1-тармақпен толықтырылсын:

      "20-1. Қор уәкілетті органға белгіленген лимит пен медициналық ұйымдар бөлінісінде мынадай формула бойынша есептелген Дербес қажеттіліктің арасындағы алшақтықтардың талдауын жібереді:

      Медициналық ұйымдар бойынша келесі қаржы жылына белгіленген лимит =медициналық ұйымдардың ағымдағы қаржы жылындағы нақты тұтыну үлесі*келесі қаржы жылына арналған республиканың белгіленген лимиті.

      Ағымдағы қаржы жылындағы медициналық ұйымдардың нақты тұтыну үлесі=ағымдағы қаржы жылындағы медициналық ұйымдардың нақты тұтыну сомасы/ағымдағы қаржы жылындағы республиканың нақты тұтынуының жалпы сомасы.

      Бұл ретте, медициналық ұйымдар бойынша келесі қаржы жылына белгіленген лимитті бөлу сомасы келесі қаржы жылына арналған Дербес қажеттілік сомасынан аспауға тиіс.".

      2. Қазақстан Республикасы Денсаулық сақтау министрлігінің Дәрі-дәрмек саясаты департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.