"Мұнай және мұнай өнімдеріне арналған резервуарларды пайдалану және жөндеу кезіндегі өнеркәсіптік қауіпсіздікті қамтамасыз ету қағидаларын бекіту туралы" Қазақстан Республикасы Төтенше жағдайлар министрінің 2021 жылғы 15 маусымдағы № 286 бұйрығына өзгерістер енгізу туралы

      БҰЙЫРАМЫН:

      1. "Мұнай және мұнай өнімдеріне арналған резервуарларды пайдалану және жөндеу кезіндегі өнеркәсіптік қауіпсіздікті қамтамасыз ету қағидаларын бекіту туралы" Қазақстан Республикасы Төтенше жағдайлар министрінің 2021 жылғы 15 маусымдағы № 286 бұйрығына (нормативтік құқықтық актілерді мемлекеттік тіркеу тізілімінде № 23068 болып тіркелген) мынадай өзгерістер енгізілсін:

      Көрсетілген бұйрықпен бекітілген Мұнай және мұнай өнімдеріне арналған резервуарларды пайдалану және жөндеу кезіндегі өнеркәсіптік қауіпсіздікті қамтамасыз ету қағидаларында:

      25-тармақ мынадай редакцияда жазылсын:

      "25. Резервуар негізінің қиябеті жанбайтын материалмен жабылады.";

      145-тармақ мынадай редакцияда жазылсын:

      "145. Жерүсті резервуарлардың бір тобының аясында ішкі топырақ үйінділері немесе қоршау қабырғалары барларын бір-бірінен ажыратылады:

      көлемі 20000м³ немесе одан көп немесе жалпы сыйымдылығы 20000м³ болатын бірнеше кішігірім резервуарлар;

      басқа мұнай өнімдері бар резервуарларды май мен мазуты бар резервуарларды ажырату.

      Ішкі топырақ үйіндісінің немесе қабырғаның биіктігі:

      көлемі 10000м³ және одан да көп резервуарлар үшін -1,3 м;

      басқа резервуарлар үшін - 0,8 м.";

      154-тармақ алып тасталсын;

      277-тармақ мынадай редакцияда жазылсын:

      "277. Күкіртті мұнай өнімдері бар резервуарларға және уытты қасиеттері бар өнімдерге (бензол, толуол, ксилол және өзге өнімдер) қызмет көрсететін барлық қызметкерлер осы мұнай өнімдерімен жұмыс істеу кезінде туындауы мүмкін қауіп-қатермен таныстырылады.";

      279-тармақ мынадай редакцияда жазылсын:

      "279. Қолмен сынама алу және деңгейін өлшеу, лай мен суды ағызу бойынша күкіртті мұнай өнімдерімен байланысты операцияларды жұмысшылар белгіленген маркасы, фильтрі бар газтұтқыш тағып және бақылаушының қатысуымен орындайды.";

      281 және 282-тармақтар алып тасталсын;

      599-тармақ мынадай редакцияда жазылсын:

      "599. Металды бензо-, керосино- және оттегімен кесу кезінде:

      1) ақаулы аппараттарды, құбыршектерді және жанарғыларды пайдалануға;

      2) ластанған немесе су қоспасы бар жанармайды бензин кескіштер үшін қолдануға;

      3) кескішке жанармай беру үшін оттегі құбыршектерін қолдануға;

      4) кескіштің буландырғышын қызыл-қошқыл түске дейін қыздыруға және кескішті жұмыс кезінде тігінен, басын жоғары қаратып іліп қоюға;

      5) жалынды бағыттап, жанарғыны жанғыш заттарға қоюға;

      6) бөшкедегі қысым кезінде кескіштегі оттегінің жұмыс қысымынан асатын жанармаймен кесуге;

      7) кескішке оттегі мен жанармай беретін құбыршектерді қысуға, бұрауға немесе июге;

      8) жұмыс алаңында жанармай қорын сақтауға тыйым салынады.".

      2. Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықты ресми жарияланғаннан кейін Қазақстан Республикасы Төтенше жағдайлар министрлігінің интернет-ресурсына орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Төтенше жағдайлар вице-министріне жүктелсін.

      4. Осы бұйрық алғашқы ресми жарияланған күнінен кейiн күнтізбелік он күн өткен соң қолданысқа енгiзiледi.

      "КЕЛІСІЛДІ"

      Қазақстан Республикасы

      Энергетика министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі