Қазақстан Республикасы Қарулы Күштері әскери полиция органдарының гауптвахтасында әскери қызметшiлердiң әкiмшiлiк қамауды өтеу қағидаларын бекiту туралы

      "Әскери полиция органдары туралы" Қазақстан Республикасы Заңының 9-бабы 1-тармағының 4) тармақшасына сәйкес БҰЙЫРАМЫН:

      1. Осы бұйрыққа 1-қосымшаға сәйкес Қазақстан Республикасы Қарулы Күштерi әскери полиция органдарының гауптвахтасында әскери қызметшiлердiң әкiмшiлiк қамауды өтеу қағидалары бекiтілсiн.

      2. Осы бұйрыққа 2-қосымшаға сәйкес тізбе бойынша Қазақстан Республикасы Қорғаныс министрінің кейбір бұйрықтарының күші жойылды деп танылсын.

      3. Қазақстан Республикасы Қарулы Күштерінің Әскери полициясы бас басқармасы Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды;

      3) алғашқы ресми жарияланған күнінен бастап күнтізбелік он күн ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.

      4. Осы бұйрықтың орындалуын бақылау Қазақстан Республикасы Қарулы Күштері Әскери полициясы бас басқармасының бастығына жүктелсін.

      5. Осы бұйрық лауазымды адамдарға, оларға қатысты бөлігінде жеткізілсін.

      6. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Қарулы Күштерi әскери полицияоргандарының гауптвахтасында әскери қызметшiлердiңәкiмшiлiк қамауды өтеу қағидалары

1-тарау. Жалпы ережелер

      1. Осы Қазақстан Республикасы Қарулы Күштерi әскери полиция органдарының гауптвахтасында әскери қызметшілердің әкiмшiлiк қамауды өтеу қағидалары (бұдан әрі – Қағидалар) Қазақстан Республикасы Қарулы Күштерi әскери полиция органдарының гауптвахтасында әскери қызметшілердің әкiмшiлiк қамауды (бұдан әрі – қамауға алынғандар) өтеу тәртібін айқындайды.

      2. Қамауға алынған адамды ұстау режимін қамтамасыз ету мақсатында әскери полиция органының бастығы осы Қағидаларға 1-қосымшаға сәйкес нысан бойынша гауптвахтадағы ішкі тәртіптемені бекітеді.

      Ішкі тәртіптеме әрбір камерада мемлекеттік және орыс тілдерінде ілінеді.

      3. Жұмыс істеу және серуендеу уақытынан басқа, тәулік бойы қамауға алынған адам құлыпқа жабылған камерада болады.

      4. Қамауға алынған адам Қазақстан Республикасы Қорғаныс министрінің 2015 жылғы 18 маусымдағы № 353 бұйрығымен бекітілген Қазақстан Республикасының Қарулы Күштерiн азық-түлiкпен, азықпен, жабдықпен, асханалық-асүйлік ыдыспен және азық-түлік қызметінің техникасымен жабдықтау нормаларына (Нормативтік құқықтық актілерді мемлекеттік тіркеу тізілімінде № 11844 болып тіркелген) сәйкес тамақтанумен қамтамасыз етіледі, оларды тамақтануға қабылдау азық-түлік аттестаты бойынша жүргізіледі.

      Қамауға алынған адам камерада немесе гауптвахта жанындағы асханада тамақ ішеді. Жеке камерада ұсталатын қамауға алынған адам тамақ ішуді камерада жүзеге асырады.

      5. Қамауға алынған адам және әскери полиция органдарының әскери қызметшілері арасындағы өзара қарым-қатынас Қазақстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларымен (бұдан әрі – Жалпыәскери жарғылар) айқындалады.

      6. Әскери полиция органдарының әскери қызметшілері Жалпыәскери жарғыларға және "Әскери полиция органдары туралы" Қазақстан Республикасы Заңының (бұдан әрі – Заң) 10 – 12-баптарына сәйкес күш, арнайы құрал, оның ішінде қызметтік итті және қаруды қолданады.

2-тарау. Гауптвахтаға қамауға алынған адамды қабылдау және оны камера бойынша орналастыру тәртібі

      7. Гауптвахтаға қамауға алынған адамды қабылдауды гауптвахта бастығы тәулік бойы, ал ол болмаған жағдайда қарауыл (кезекшi ауысым) бастығы жүргізеді, ол:

      1) осы Қағидалардың 8-тармағында көрсетілген құжаттардың барын тексереді;

      2) қамауға алынға адамға сұрақ қояды және оның жеке басын куәландыратын құжаттарда көрсетілген мәліметпен салыстырады;

      3) әскери полиция органының медицина жұмыскерінің (фельдшерінің) қатысуымен медициналық қарап-тексеруді жынысы бір адам жүргізеді.

      8. Гауптвахтаға қамауға алынған адамды жеткізген адам гауптвахта бастығына, ал ол болмаған жағдайда қарауыл (кезекшi ауысым) бастығына мынадай құжаттар:

      1) өзі қол қойған (электрондың цифрлық қолтаңбасы) және соттың мөрiмен бекiтiлген әкімшілік қамауға алу туралы судьяның қаулысын;

      2) жазаны өтеу кезеңіне қамауға алынған адамды барлық жабдықталым түрінен алу туралы әскери бөлім командирі бұйрығының көшірмесін немесе одан үзіндіні;

      3) қамауға алынған адамның жеке басын куәландыратын құжатты;

      4) әскери бөлімнің(мекеменің) лауазымды адамы мен қамауға алынған адам қол қойған жеке заттар тізбесін (екі данада) ұсынады.

      9. Қамауға алынған адамды гауптвахтаға қабылдаған кезде осы Қағидалардың 8-тармағында көрсетілген құжаттардың бар болуы және олардың дұрыс ресімделуі тексеріледі, сондай-ақ бір жынысты адам жеке басын толық қарап-тексеруді жүргізеді, осы Қағидаларға 2-қосымшаға сәйкес Тыйым салынған бұйымдар мен заттардың тізбесі (бұдан әрі – тыйым салынған заттар) бойынша тыйым салынған бұйым мен зат алынады және жеке іс жүргізіледі.

      Қамауға алынған адамнан сақтауға қабылданған оған тиесілі ақша, құндылық, жеке зат, зат, бұйым және тамақтану заты (бұдан әрі – құндылықтар) гауптвахта бастығына (қамауға алынған адамның заттарын сақтау бөлмесіне) сақтауға тапсырылады, қамауға алынған адамға әкімшілік қамауды өтегеннен кейін қолхатпен құндылық беріледі.

      10. Қамауға алынған адам туралы, сондай-ақ алып қойған және сақтауға қабылданған құндылық туралы қабылдайтын адам осы Қағидаларға 3-қосымшаға сәйкес нысан бойынша Гауптвахтада ұсталатын адамды есепке алу журналына (бұдан әрі – Есепке алу журналы) енгізеді.

      11. Гауптвахтаға қамауға алынған адамды қабылдау, сондай-ақ сақтауға қабылданған құндылық туралы әскери полиция органының құпия емес іс жүргізуінде тіркелетін осы Қағидаларға 4-қосымшаға сәйкес нысан бойынша қамауға алынған адамды қабылдау қолхаты үш данада жасалады.

      Қолхаттың бiрiншi данасы әскери бөлiмде (мекемеде) тіркеу және есепке алу үшiн әскери қызметшiнi жеткiзген адамға, екiншiсі – қамауға алынған адамға берiледi, үшiншiсі – қамауға алынған адамның жеке ісіне тігіледі.

      Гауптвахта бастығы болмаған кезде қабылданған қамауға алынған адам туралы қарауыл бастығы (кезекші ауысым) ол келісімен баянатпен баяндайды.

      12. Гауптвахтаға қамауға алынған адамды қабылдау кезінде медицина жұмыскері (фельдшер) оның дене жарақатын анықтау мақсатында қарап-тексеруді жүргізеді, ол туралы Есепке алу журналында тиісті жазба жасалады.

      Гауптвахтаға жаңадан келген қамауға алынған адамды қарап-тексеру оны камера бойынша орналастырғанға дейін жүргізіледі.

      Қарап-тексеру кезінде терінің сыртқы көрінісінің, венерологиялық, инфекциялық және басқа да аурудың, педикулезбен зақымданудың болуына ерекше назар аударылады.

      Анықталған дене жарақаты туралы қолтаңба қойғыза отырып, қамауға алынған адамды жеткізген лауазымды адамға хабарланады.

      Дене жарақаты анықталған жағдайда тиісті медициналық көмек көрсетіледі. Бір тәулік мерзімде медицина жұмыскерін (фельдшерді) тарта отырып, медициналық куәландыру жүргізіледі, оның нәтижесі қамауға алынған адамның медициналық кітапшасында тіркеледі.

      Қамауға алынған адамның жарақат алу (дене зақымдану) жағдайын анықтау мақсатында гауптвахта әскери қызметшілері медицина жұмыскерінің (фельдшердің) қатысуымен күнделікті оның денесін қарап-тексеруді жүргізеді.

      13. Гауптвахтаға қамауға алынған адам келгеннен кейін әкімшілік оның құқығы мен міндеті туралы, жазаны өтеу тәртібі мен шарты туралы, ішкі күн тәртібінің қағидасы туралы ақпаратқа қол қойғыза отырып, жазбаша түрде танысу үшін қамауға алынған адамға ұсынады, сондай-ақ жазаны өтеу тәртібін бұзғаны үшін жауаптылық туралы ескертеді.

      Қамауға алынған адам Гауптвахтаға қамалған әскери қызметшілердің мінез-құлық қағидасын осы Қағидаларға 5-қосымшаға сәйкес сақтайды.

      Әрбір гауптвахтаның жанындағы стендіде гауптвахтаға қамалған әскери қызметшілердің негізгі құқығы мен міндеті, мінез-құлық қағидасы туралы ақпарат мемлекеттік және орыс тілдерінде ілінеді.

      14. Қамауға алынған адам гауптвахтаға қамалған кезде гауптвахтада ұсталатын басқа әскери қызметшілерден бөлек, мынадай талаптарды сақтай отырып орналастырылады:

      1) офицерлер – сержанттар мен қатардағы жауынгерлер құрамдарының лауазымдарында келiсiмшарт бойынша әскери қызмет өткеретiн әскери қызметшiлерден бөлек;

      2) мерзiмдi қызметтегі әскери қызметшiлер – осы тармақтың 1-тармақшасында көрсетiлген әскери қызметшiлерден бөлек;

      3) әскери қызметшi-әйелдер – ер адамнан бөлек;

      4) әртүрлі инфекциялық аурумен науқастанған қамауға алынған адам жеке және дені сау әскери қызметшілерден бөлек ұсталады.

      Қамауға алынған адамды камерада орналастыруды гауптвахта бастығы мен қарауыл (кезекшi ауысым) бастығы жүргізеді.

      Оқшаулау тәртібі қамауға алынған адамның барлық қозғалысы кезінде қамтамасыз етіледі. Қамауға алынған адамның қозғалысы айдауылмен бірге жүреді.

      15. Статистикалық есепке алуды жүзеге асыру үшін қамауға алынған адам туралы мәлімет осы Қағидаларға 6-қосымшаға сәйкес Қамауға алынған адамды есепке алу журналына енгізіледі.

3-тарау. Қамауға алынған адамға жеке тiнту жүргізу және заттарды толық тексеру тәртібі

      16. Қамауға алынғанадамды қарауыл (кезекшi ауысым) бастығы жеке тексереді, одан кейін қол қойғыза отырып, гауптвахтадағы ішкі күн тәртібімен таныстырады.

      17. Қамауға алынған адамды жеке тексеру осы Қағидаларға 7-қосымшаға сәйкес нысан бойынша қамауға алынған адамның жанында болған затты жеке тінту және қарап-тексеру хаттамасын ( бұдан әрі – хаттама) ресімдеумен мынадай тәртіппен жүзеге асырылады:

      1) қамауға алынған адамды жеке тінтуді гауптвахта әскери қызметшісі және қамауға алынған адаммен бір жынысты адам жүргізеді;

      2) заттарды толық тексеру қамауға алған адамның қатысуымен олардың құрылымдық тұтастығын бұзбай жүзеге асырылады.

      Қамауға алынған адам хаттамаға қол қоюдан бас тартқан жағдайда, оған тиісті жазба жасалады.

      18. Барлық қамауға алу мерзімін өтемеген қамауға алынған адамды емдеу мекемесіне шұғыл жатқызу қажеттілігі туралы медициналық қызметкердің (фельдшердің) қарап-тексеру нәтижесі мен қорытындысы бойынша әскери полиция органының бастығымен дереу түрде хабарлама әкімшілік қамауға алу туралы шешім шығарған судьяға және әскери бөлімнің қолбасшылығына жолданады.

      19. Қамауға алынған адамның бар болуын таңертеңгi қарап-тексеруді және кешкi тексерудi қарауыл (кезекшi ауысым) бастығы немесе камера бойынша атаулы тiзiм бойынша оның көмекшiсi жүргiзедi.

4-тарау. Қамауға алынған адамды материалдық-тұрмыстық қамтамасыз ету тәртібі

      20. Қамауға алынған адам гауптвахтада болған кезеңінде мыналармен қамтамасыз етіледі:

      1) ұйықтайтын орынмен;

      2) төсек-орын жабдығымен, (матрацпен, жастықпен, көрпемен, екi төсек жаймасымен және жастыққаппен, сүлгімен);

      3) тамақ iшкен уақытта асхана ыдысымен және асхана аспабымен (кесемен, тостақпен, қасықпен);

      4) Жалпыәскери жарғымен, кітаппен, журналмен және мерзімді басылыммен қамтамасыз етiледi.

      21. Жалпы камерада қайырмалы сәкi, үстел мен отырғыш, еденге бекітілген түкіргіш жабдықталады, қайнаған ауызсуға арналған ыдыс орнатылады және кружка беріледі.

      Ұйқыдан тұрғаннан кейiн қайырмалы сәкi көтерiледi және құлыппен бекiтiледi.

      Офицерлер мен әскери қызметші-әйелдерді орналастыруға арналған камера ағаш кереуетімен, үстелмен, табуретпен, жеке зат пен жуыну керек-жарағына арналған тумбамен жабдықталады, қайнаған ауызсуға арналған ыдыс, кружка, ілгіш пен түкіргіш орнатылады.

      Күн сайын камераға қайнаған су беріледі.

      Камерада Цельсий бойынша плюс он сегіз градустан төмен емес температура сақталады.

      Әрбір камерада қорғалған жарық беру плафоны орналатылады.

      Қараңғы түскеннен кейiн және ұйықтау уақытында гауптвахтаның камерасында, дәлiзі мен дәретханасына жарық берiлуге тиіс.

      22. Камера санитариялық-эпидемиологиялық талаптарға (үй-жай ауданы, көзге қауіпсіз жарық, күндізгі жарықпен кітап оқу, үй-жайды желдету мүмкіндігі) жауап беруге тиіс.

      Тұрғын алаңының нормасы камерадағы бір қамауға алынған адамға кемінде екі жарым шаршы метр, әйелдерді ұстауға арналған камерада – кемінде үш шаршы метр есебінен белгіленеді.

      Гауптвахта үй-жайын, камера мен дәретхананы дезинфекциялау аптасына екі реттен сиретпей жүргізіледі.

      Камерадағы терезе күндізгі уақытта табиғи жарық түсуіне және камераға таза ауаның кіруіне кедергі келтірмейтін жеткілікті көлемде болуға тиіс.

      Оқшаулауды қамтамасыз ету үшін камераның терезесі табиғи жарық түсуіне және камераға таза ауаның кіруіне кедергі келтірмейтін тормен жабдықталады.

      23. Күн сайын қамауға алынған адамға ұзақтығы кемiнде екi сағат серуендеу берiледi. Серуендеу гауптвахтаның арнайы жабдықталған аумағында тәулiктiң күндiзгi уақытында камера бойынша жүргiзiледi. Қамауға алынған адам осы Қағидаларды бұзған жағдайда серуендеу мерзiмiнен бұрын тоқтатылады.

      24. Осы Қағидаларға 8-қосымшада көрсетiлген қамауға алынған адам заттарды сақтау бөлмесiнде сақтай алатын және өзiмен бiрге болатын заттар тізбесіне сәйкес пайдалану үшiн өз төсек-орын керек-жарағы мен заттарын қабылдауға болады.

      25. Қамауға алынған адамға аптасына екi реттен сиретпей ұзақтығы 15 минуттан аспайтын душ қабылдау мүмкiндiгі берiледi.

      Моншада жуыну аптасына бір рет гауптвахта бастығы белгілеген күні және сағатта жүргізіледі. Моншада жуыну күні қамауға алынған адамның іш киімі мен төсек-орын жабдығын ауыстыру жүзеге асырылады, оларды медициналық қарап-тексеру жүргізіледі.

      26. Жуыну керек-жарағы қамауға алынған адамға дәретханаға шығу уақытында беріледі, одан кейін қарауыл (кезекші ауысым) бастығының қарап тұруымен камерадан тыс орналасқан қамауға алынған адамның жуыну керек-жарағын сақтауға арналған құлыпқа жабылатын шкафқа қайта салынады.

      27. Қамауға алынған адам таңертеңгі және кешкі жуыну үшін санитариялық тораппен жабдықталған камерада ұсталатын қамауға алынған адамды қоспағанда, шығарушылардың бірге жүруімен камерадан мынадай тәртіппен:

      Жалпы камерада ұсталатындар – камера бойынша;

      жеке камерада ұсталатындар – бір-бірден кезектілік ретімен шығарылады.

      Әскери қызметші әйелдерге жеке гигиена қағидасын сақтау үшін қосымша уақыт беріледі.

5-тарау. Қамауға алынған адамға сәлемдеме мен жөнелтiлiмді қабылдау, хат алу тәртібі

      28. Қамауға алынға адамға сәлемдеме мен жөнелтiлiм алуға рұқсат етiледi.

      29. Жөнелтiлiмдi қабылдау осы Қағидаларға 9-қосымшаға сәйкес нысан бойынша екi данада жасалған өтiнiш негiзiнде жүргiзiледi.

      30. Сәлемдеме мен жөнелтiлiмдi қабылдауды гауптвахта әскери қызметшілеріжүзеге асырады. Сәлемдеме мен жөнелтiлiм келушiлер кезектiлiгі тәртiбiнде қабылданады.

      Сәлемдеме мен жөнелтілімнің ішіне салынғанды тексеру оны жеткізген адамның қатысуымен жүзеге асырылады.

      31. Гауптвахта әскери қызметшісісәлемдеме мен жөнелтілімді қабылдап, келушіге қабылдағаны туралы қолхатпен қоса өтініштің бірінші данасын қайтарады, ал екінші данасы ол сәлемдеме мен жөнелтілімді алғаны туралы қол қойғаннан кейін қамауға алынған адамның жеке ісіне тігеді.

      32. Сәлемдеме мен жөнелтілімді ашуды және ішіне салынғанды тексеруді құрамында кемінде екі гауптвахта әскери қызметшісі бар комиссия жүзеге асырады, ол туралы осы Қағидаларға 10-қосымшаға сәйкес нысан бойынша сәлемдеме мен жөнелтілімді ашу актісі жасалады.

      33. Сәлемдеме мен жөнелтiлiм:

      1) қамауға алынған адам гауптвахтадан босатылған;

      2) жөнелтілімнің нақты ішіне салынған өтініште көрсетілген мәліметке сәйкес келмеген;

      3) тыйым салынған зат бар болған жағдайда қабылданбайды және керi қайтарылады.

      34. Қамауға алынған адамға сәлемдеме мен жөнелтiлiм оны қабылдағаннан кейiн бiр тәулiктен кешiктiрiлмей берiледi.

      35. Гауптвахта бастығы медицина жұмыскерiнiң (фельдшердің) қорытындысы бойынша қамауға алынған адам үшiн дәрi-дәрмектi тек оларды қамтамасыз етуге мүмкiндік болмаған жағдайда қабылдайды.

      Қамауға алынған адам медициналық қорытындыға сәйкес қабылдайтын дәрілік заттар мен медициналық мақсаттағы бұйымдар сәлемдеме мен жөнелтiлiм қатарына кірмейді.

      36. Қамауға алынған адамның хат алуына болады. Қамауға алынған адамның атына келіп түскен хатты беруді гауптвахта әкімшілігі олар келіп түскен күні жүргізеді.

      37. Қамауға алынған адамға жақын туысының қайтыс болғаны немесе ауыр сырқаттанғаны туралы мәлімет оларды алғаннан кейін бір тәулік ішінде хабарланады.

      38. Қамауға алынған адамның атына ол гауптвахтадан босатылғаннан кейін келіп түскен хат үш жұмыс күнінен кешіктірілмей оның қызмет орнына жолданады.

6-тарау. Қамауға алынған адамнан сақтауға және пайдалануға тыйым салынғанбұйымдар мен заттарды алып қою тәртібі

      39. Қамауға алынған адамның өзімен бірге құқыққа қарсы мақсатта пайдаланылуы немесе мемлекеттік немесе өзге де заңмен қорғалатын құпияны құрайтын мәліметті қамтуы мүмкін құжат пен жазбаны қоспағанда, әкімшілік іске қатысты не өз құқығы мен заңды мүддесін іске асыру мәселесіне қатысты құжат пен жазбаны сақтауға рұқсат етіледі.

      40. Қамауға алынған адамнан тыйым салынған затты алып қою немесе сақтауға қабылдау нәтижесі бойынша осы Қағидаларға 11-қосымшаға сәйкес нысан бойынша алып қою хаттамасы үш данада жасалады.

      Бiрiншi дана қамауға алынған адамға беріледі, екiншi – әскери бөлім (мекеме) өкіліне берiледi, үшiншi – қамауға алынған адамның жеке ісінде сақталады. Қамауға алынған адамнан зат пен мүлік алынғаны және ол сақтауға қабылданғаны туралы Есепке алу журналында жазба жасалады.

      41. Қамауға алынған адамның заты мен азық-түлік өнімін сақтауға қабылдауды қарауыл (кезекшi ауысым) бастығы жүргізеді.

      42. Гауптвахтада ұстау кезеңінде қамауға алынған адамда тыйым салынған бұйым мен затты алып қою немесе анықтаудың әрбір фактiсі бойынша олардың келіп түсу көзін және нақты иесiн анықтау мәніне қызметтік тексеру жүргiзiледi.

      43. Қамауға алынған адамның жазбаша өтініші бойынша қамауға алынған адамның заттарын сақтау бөлмесінде сақтауда тұрған ақша, құндылық қамауға алынған адамның жұбайына (зайыбына) немесе жақын туыстарына қол қойғызумен берiледi.

      44. Қамауға алынған адам қайтыс болған жағдайда оған тиесiлi сақтауда болған құндылық оның жақын туыстарына қол қойғызумен берiледi.

      45. Тыйым салынған заттар сақтау үшін осы Қағидаларға 12-қосымшаға сәйкес нысан бойынша актімен гауптвахта бастығына, ал ол болмаған жағдайда қарауыл (кезекшi ауысым) бастығына тапсырылады, оның көшірмесі қамауға алынған адамның жеке ісіне тіркеледі.

      46. Толық тексеру кезінде қару, жарылғыш, улы, уландырғыш, есірткі заттары, психотроптық заттар және прекурсорлар алынғаны туралы қарауыл (кезекші ауысым) бастығы шешім қабылдау үшін белгіленген тәртіппен дереу әскери полиция органы бастығының атына баянатпен баяндайды.

      47. Жарамдылық мерзімі өткен немесе бүліну белгісі бар азық-түлік өнімдерін құрамында кемінде гауптвахтаның екі әскери қызметшісі бар комиссия жояды, ол туралы осы Қағидаларға 13-қосымшаға сәйкес нысан бойынша жою актісі жасалады.

7-тарау. Қамауға алынған адамға көтермелеу мен жазалау қолдану тәртібі

      48. Көтермелеу және жазалау шаралары барлық қамауға алын адамға Қазақстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштерінің, басқа да әскерлері мен әскери құралымдарының тәртіптік жарғысында (бұдан әрі – Тәртіптік жарғы) белгіленген тәртiппен қолданылады. Әрбір қамауға алынған адамға әскери полиция органдарында Тәртіптік жарғыға 2-қосымшаға сәйкес нысан бойынша қызметтік карточка арналады және әскери полиция органында тіркеледі, қамауға алынған адам босатылған кезде ол қамауға алынған адамның жеке ісімен бұрынғы қызмет орнына жолданады.

      Көтермелеу шарасы ретінде бұрын қолданылған жазаны мерзімінен бұрын алып тастау және алғыс жариялау қолданылуы мүмкін.

      49. Гауптвахтада ұстау тәртібін бұзғаны, қамауға алынған адамға белгіленген міндеттерді орындамағаны үшін мынадай жазалау шаралары қолданылады:

      1) ескерту;

      2) сөгіс;

      3) қатаң сөгіс;

      4) он бес тәулікке дейінгі мерзімге жеке камераға қамау.

      50. Жеке камераға қамау түрiндегі жазалауды гауптвахта бастығы қолданады.

      Жеке камераға қамау туралы қарауыл (кезекші аусым) бастығы баянатпен гауптвахта бастығына баяндайды, соңғы ол туралы жоғары тұрған бастыққа баяндайды.

      51. Көтермелеу және жазалау туралы қамауға алынған адамға қолхатпен жеткізіледі, ол жеке ісіне тіркеледі.

      Ауызша жарияланғаннан басқа, барлық жазалау мен көтермелеуді гауптвахта бастығы жариялайды және осы Қағидаларға 14-қосымшаға сәйкес нысан бойынша Қамауға алынған адамды жазалауды және көтермелеуді есепке алу кітабында есепке алынады, әскери қызметшінің қызметтік карточкасына жазылады.

8-тарау. Қамауға алынған адам тамақтанудан бас тартқан кезде қабылданатын шаралар

      52. Қамауға алынған адамның тамақтанудан бас тарту фактісі анықталған кезде қарауыл (кезекші ауысым) бастығы гауптвахта бастығына баяндайды. Гауптвахта бастығы себептерді анықтайды және әскери полиция органының бастығына баяндайды.

      53. Тамақтанудан бас тартқан қамауға алынған адам басқа қамауға алынған адамнан бөлек ұсталады және медицина қызметкерiнiң (фельшердің) қадағалануында болады.

      54. Егер оның өмiрiне қауiп төнсе, тамақтанудан бас тартқан қамауға алынған адамның денсаулығын сақтауға бағытталған, оның iшiнде мәжбүрлеу сипатындағы шаралар оны қадағалайтын медицина қызметкерiнiң (фельдшердің) жазбаша қорытындысы негiзiнде медициналық көрсеткiш бойынша жүзеге асырылады.

9-тарау. Қамауға алынған адамды босату тәртібі

      55. Қамауға алынған адам судьяның қаулысымен белгіленген әкімшілік қамауға алу мерзімін өтегеннен кейін гаупвахтадан босатылады.

      56. Мерзімді қызмет әскери қызметшісінің қамауға алу мерзімі аяқталу қарсаңында гауптвахта бастығы оны алып кетуге өкілді жіберу үшін әскери бөлімнің командиріне босату уақыты туралы хабарлайды және қарауыл (кезекші ауысым) бастығына бекет ведомосымен бірге тапсырылатын осы Қағидаларға 15-қосымшаға сәйкес нысан бойынша қамауға алынған адамды (ұсталғанды) босату туралы жазбахат береді.

      Гауптвахта бастығының хабарламасы бойынша әскери бөлім (мекеме) командирі көрсетілген уақытта қызмет орнына гауптвахтаға мерзімді қызмет әскери қызметшінің бірге жүруі үшін әскери бөлім (мекеме) өкілін гауптвахтаға жібереді, сондай-ақ оны тамақтандырумен және маусым бойынша киіммен қамтамасыз ету жөнінде шаралар қабылдайды.

      57. Қамауға алынған адамды босату кезінде гауптвахта бастығы Қамауға алынған адамды есепке алу журналында және атаулы тізімде босату күні мен уақытын көрсетіп, жазба жасайды, сақталуы заңсыз болып табылатын заттардан басқа, қамауға алынғанға қолхатпен сақтауға алынған құжаттарды, ақшаны және заттарды қол қойғыза отырып береді.

      58. Әкімшілік қамауға алуды өтеген адам босатылған кезде осы Қағидаларға 16-қосымшаға сәйкес нысан бойынша әскери полиция органы бастығының қолы қойылған гауптвахтадан босату туралы анықтама беріледі.

      59. Қамауға алынған адам қайтыс болған жағдайда қарауыл (кезекші ауысым) бастығы ол туралы дереу әскери полиция органының кезекші бөліміне және гауптвахта бастығына баяндайды.

      Қамауға алынған адамның қайтыс болуы туралы әскери полиция органының басшылығы дереу жазбаша түрде әскери бөлімнің қолбасшылығына, қамауға алынғанның жеке ісінде көрсетілген жақын туысқандарына хабарлайды.

      60. Паталогоанатомиялық зерттеуден, сондай-ақ тергеу әрекеттері жүргізілгеннен кейін қайтыс болған адамның мәйіті әскери бөлімнің (мекеменің) қолбасшылығына немесе оны талап еткен адамдарға беріледі.

      Нысаны

ГАУПТВАХТАДАҒЫ IШКI ТӘРТIПТЕМЕ (үлгiлiк)

      1. Қамауға алынған адам осы Қағидалардың талаптарын сақтайды және гауптвахта әскери қызметшілерiнiң нұсқауларын орындайды.

      2. Әскери полиция гауптвахтасында ұсталатын қамауға алынған адам үшiн мынадай күн тәртiбi белгiленедi:

      Гауптвахта бастығы__________________________________________

      (ә/атағы, қолы, тегi, аты, әкесiнiң аты (ол бар болған кезде))

      20 ___ ж. "___"_________

Тыйым салынған бұйымдар мен заттардың тізбесі

      1) Қару, жарылғыш, улы, уландырғыш және өртке қауіпті заттар, есірткі заттары, психотроптық заттар, прескурорлар, ішімдік заттары, бұрыш, тұз, оттықтар;

      2) шарфтар, белбеу, белдіктер, иық баулар, баулар, галстуктер мен ұзындығы 50 сантиметрден аспайтын орамалдар;

      3) шыны ыдыс, өткір, кесетін және тілетін заттар;

      4) браслеттер, темекі сауыты, ойын карталары, түймелер, жүзік, сырға, қол сағат, ордендер, медальдар, металл заттары мен құндылықтар;

      5) иіс су, одеколон және спирттік негізіндегі өзге де бұйымдар;

      6) фото-, бейне- және аудио- жаба аппаратуралары, байланыс құралдары, флэш-жинақтағыштар (алынбалы-салынбалы ақпарат тасығыштары);

      7) ақша, құңды қағаздар, ювелир заттары.

      Нысаны

Гауптвахтада ұсталатын адамдарды есепке алу журналы

      20___жылғы "____" ________ басталды.

      20___жылғы "____" ________ аяқталды.

      Ескертпе: Журнал нөмірленген, тігілген, тиісті қолтаңбамен куәландырылған және мөрмен мөрленген болуға тиіс. Журнал гауптвахтаның қарауыл (кезекші ауысым) бастығында сақталады.

      Нысаны

Қамауға алынған адамды қабылдау қолхаты (қолхаттың бет жағы) ________________________________________________________________________________ ________________________________________________________________________________ (әскери атағы, тегі, аты, әкесінің аты)

      Қамауға алынған адамда мынадай заттар бар:____________________________

      ____________________________________________________________________

      ____________________________________________________________________

      ____________________________________________________________________

      ____________________________________________________________________

      Қамауға алынған адамның қолы _______________________________________

      Ескертпе: Қолхат үш данада ресімделеді. Бірінші данасы қамауға алынған адамды гауптвахтаға жеткізген адамға, екіншісі – қамауға алынған адамға беріледі, үшінші данасы – қамауға алынған адамның жеке ісіне тігіледі.

Қамауға алынған адамға қойылатын талаптар

      1. Қамауға алынған адамға қойылатын талаптар:

      1) Қазақстан Республикасы Қарулы Күштерi әскери полиция органдарының гауптвахтасында әскери қызметшілердің әкімшілік қамауды өтеу қағидаларында белгіленген ұстау тәртібін сақтайды;

      2) әскери полиция органы гауптвахта әкімшілігінің және қолбасшылығының заңды талаптарын орындайды;

      3) гигиена мен санитария талаптарын сақтайды;

      4) күнделікті серуендеуге шығады (серуендеуден босатуды медицина жұмыскерінің қортындысы бойынша гауптвахта бастығы жүзеге асырады);

      5) Өрт қауіпсіздігінің қағидаларын сақтайды;

      6) гауптвахта мүлікіне ұқыпты қарайды;

      7) камерада және басқа да үй-жайда кезектілік тәртібінде тазалық жасайды;

      8) гауптвахта әскери қызметшілерінің, қамауға алынған адамның, сондай-ақ басқа да адамдардын ар-намысын қорлайтын іс-қимылдар жасамайды;

      9) күзетпен ұстау тәртібін қамтамасыз ететін гауптвахта әскери қызметшілеріне, сондай-ақ басқа да адамдарға олардың қызметтік міндеттерін орындауға кедергі жасамайды;

      10) белгіленген күн тәртібін сақтайды;

      11) гауптвахта әскери қызметшілеріне "Сіз"деп және оларға "мырза" деп және одан әрі әскери шені бойынша немесе лауазымы бойынша сөйлейді;

      12) гауптвахта әскери қызметшілерінің камерасына кірген кезде олардың командасы бойынша тұрады және көрсетілген жерде сапқа тұрады;

      13) сыртқы таза бейнесін ұстайды;

      14) айдауылмен немесе гауптвахта әскери қызметшілерінің бірге жүруімен жүрген кезде қолын артында ұстайды;

      15) гауптвахта әскери қызметшілерінің және басқа да лауазымды тұлғалардын талаптары бойынша өз тегін, аты-жөнін (ол бар болғанда) хабарлайды;

      16) тыныштықты сақтайды;

      17) кезектілік тәртібінде камера бойынша кезекшілікті атқарады.

      2. Мынаған жол берілмейді:

      1) гауптвахтаның басқа камерасында немесе өзге де үй-жайында отырған әскери қызметшілермен сөйлесуге, қандай-да бір заттарды беруге, тарсылдатуға немесе олармен хат алмасуға;

      2) сөйлесудің, қандай-да бір заттарды берудің және бостандықта жүргендермен хат алмасудың белгіленген тәртібін бұзуға;

      3) әкімшіліктің рұқсатынсыз гауптвахта камерасынан және басқа да үй-жайынан шығуға;

      4) гауптвахта объектілерінің күзету желісін бұзуға;

      5) алкоголь ішімдігін, есірткі және психотроптық заттарды дайындауға және қолдануға;

      6) материалдық және басқа да табыс көру мақсатында үстел ойынын ойнауға;

      7) өзіне және басқа да адамдарға дене суретін салуға;

      8) әкімшіліктің рұқсатынсыз ұйықтау орынына перде ілуге немесе ауыстыруға;

      9) қолдан жасалған электр аспаптарын қолдануға;

      10) әкімшіліктің рұқсатынсыз электрлік аспаптарын пайдалануға;

      11) камерада ашық от жағуға;

      12) жануар ұстауға;

      13) әкімшіліктің рұқсатынсыз санитариялық-техникалық, жарық беру және басқа да аспаптарға жөндеу жүргізуге;

      14) камерадағы санитариялық жүйенің ластануына;

      15) гауптвахтаға қамауға алынған адам әскери қызметшілердің құқығы мен міндеті туралы ақпаратты камераның қабырғасынан алуға;

      16) камералық мүкәммалдың қабырғасына қағаз, фото, сурет, газет пен журнал қимасын жапсыруға, оған жазба мен сурет салуға;

      17) тыныштықты бұзуға;

      18) саптан шығуға, шылым шегуге, сөйлесуге, камерадағы есіктің көзіне қарауға, қандайда-бір заттарды көтеруге, гауптвахта аумағы бойынша жүрген кезде дабыл дабылдамасының түймесін басуға;

      19) терезеден бірдеңе лақтыруға, терезе алдына шығуға, форточкадан шығаруға, есіктің "көзіне" тығыз жақындауға, "көзді" жабуға;

      20) жеке пайдаланудағы заттарды сатуға, сыйлауға немесе өзге де тәсілмен иелігінен шығаруға.

      Нысаны

Қамауға алынған адам туралы мәліметтерді есепке алу журналы

      Ескертпе: Журнал нөмірленген, тігілген, тиісті қолтаңбамен куәландырылған және мөрмен мөрленген болуға тиіс. Журнал гауптвахтаның қарауыл (кезекші ауысым) бастығында сақталады.

      Нысаны

Жеке толық тексеру және қамауға алынған адамның жанында болған заттарды толық тексеру ХАТТАМАСЫ

      20 ___ж. "___"______сағат ___мин. Жасау орны ________

      Мен, __________________________________________________________

      (хаттаманы толтырған адамның лауазымы,

      атағы, тегi, аты, әкесiнiң аты (ол бар болған кезде))

      осы хаттаманы әскери қызметшi ________________________________________

      ____________________________________________________________________

      (әскери атағы, тегi, аты, әкесiнiң аты (ол бар болған кезде),

      ұлты, туған жылы мен жерi, тұрғылықты жерi)

      ____________________________________________________________________

      қызмет орны, лауазымы _______________________________________________

      отбасылық жағдайы _____________________, асырауында _________________

      жеке басын куәландыратын құжат ______________________________________

      (сериясы, нөмiрi, кiммен берiлген) толтырдым.

      Әскери қызметшi _______________________________________________

      ____________________________________________________________________

      (толық тексерiлген адамның тегi, аты, әкесiнiң аты (ол бар болған кезде))

      жеке толық тексеру және заттарына толық тексеру жүргiзiлдi.

      Толық тексерiлетiн адам үстiне мынаны киген: _______________________

      ____________________________________________________________________

      Денесін қарап-тексеру кезiнде мынадай дене жарақаты анықталды:

      ____________________________________________________________________

      (анықталған жоқ, егер болса, дене жарақатының сипаттамасын көрсету

      ____________________________________________________________________

      және медициналық көмек көрсетiлдi ме)

      Толық тексеру барысында мыналар анықталды және алынды: __________

      ____________________________________________________________________

      ____________________________________________________________________

      Толық тексеру кезiнде келiп түскен өтiнiш ________________________

      Толық тексеру барысында мыналар қолданылды: _____________________

      ____________________________________________________________________

      (фото-кинотүсiрiлiм, бейне жазу, өзге де тiркеу тәсiлдерi)

      Гауптвахтаға келiп түскен кезде денсаулық жағдайына шағымдарым мен өтiнiштерiм жоқ (бар)

      ____________________________________________________________________

      ____________________________________________________________________

      (керегiн жазу)

      Әскери полиция гауптвахтасындағы iшкi тәртiптемемен таныстым: _____

      ___________________________________ (қолы)

      Қолдары: _______________________ (толық тексерудi жүргiзген лауазымды адамның)

      ____________________________________ (жеке толық тексерiлген адамның)

      Хаттаманың көшiрмесiн алдым ___________________________________

      (жеке толық тексерiлген адамның тегi, аты, әкесiнiң аты (ол бар болған кезде), қолы)

Қамауға алын адам заттарды сақтау бөлмесiнде сақтай алатын жәнеөзiмен бiрге болатын заттар тiзбесi

      1) белдiк белбеуінсiз, аспа баусыз далалық киiм нысанының қосалқы жиынтығы, сондай-ақ маусым бойынша бас киiм, аяқ киiм (тақасыз, металл нәлсiз және баусыз);

      2) iшкi киiм, шұлық, қолғап (биялай), қол орамал, бөлмеде киетiн тапочка;

      3) жуыну керек-жарақтары: иiс, кiр сабын, сусабын, тiс пастасы, тiс щеткасы, сабын мен тiс щеткасына арналған пластмасса қап, майлар, металл емес тарақ, жөке, жұмсақ ысқыш, дәретхана қағазы, электр немесе механикалық ұстара, бiр рет пайдаланылатын қауiпсiз ұстара (гауптвахтаның камерасынан тыс орналасқан қамауға алынған адамның мүлкiн сақтауға арналған құлыпқа жабылатын арнайы шкафта сақталады);

      4) іш киім, шашқа арналған резеңке, гигиеналық керек-жарақ (әйелдер үшін);

      5) көзiлдiрiк және көзiлдiрiкке арналған пластмасса қап;

      6) жалпыәскери жарғылар, көркем әдебиет, мерзiмдi басылым шығарылымы;

      7) үстел ойындары (дойбы, шахмат, домино, нарды);

      8) iшкi киiмге немесе қалтаға салуға арналған дiни табыну заттары;

      9) екiден артық емес фотосурет;

      10) дәрiгердiң тағайындауы бойынша дәрiлiк заттар.

      Қамауға алын адамға өзiмен бiрге олардың құқықтары мен заңды мүддемiн iске асыру мәселесiне қатысты құжаттар мен жазбалар, сондай-ақ пошталық жөнелтiлiм бланкiлерi, түбiртек, заттарды сақтау бөлмесiне тапсырылған заттарды, құжаттарды, бұйымдарды және өзге де материалдық құндылықты беру актiсiнiң көшiрмелерi болуға және сақтауға рұқсат етiледi.

      Нысаны

ӨТIНIШ

      _______________________________________________________________

      (әкiмшiлiк қамауға алынған адамға қандай қатысы бар)

      ___________________________________________________________________

      тұратын(тұрғылықты мекенжайы)азамат (-ша)

      _______________________________________________________________

      (тегi, аты, әкесiнiң аты (ол бар болған кезде))

      __________________________________________ үшiн жөнелтiлiмдi қабылдауыңызды

      (қамауға алынғанның ә/атағы, тегi, аты, әкесiнiң аты

      (ол бар болған кезде)) сұраймын.

      Өтiнiш иесiнiң қолы ________________________________________________

      20_ жылғы "__"____________

      Жөнелтiлiмге рұқсат бердi ___________________________________________

      (гауптвахта бастығы)

      Жөнелтiлiмдi қабылдады ____________________________________________

      (жөнелтiлiмдi қабылдаған қызметкердiң тегi, аты, әкесiнiң аты (ол бар болған кезде))

      Жөнелтiлiмдi алдым ________________________________________________

      (жөнелтiлiмдi алған адамның қолы)

      20 __ жылғы "____" __________

      Нысан

Сәлемдеменi және жөнелтілімді ашу АКТIСI

      20 __ ж. "____" _________ Жасау орны _____________________________

      Комиссия мынадай құрамда:

      __________________________________________________________________

      __________________________________________________________________

      (комиссия мүшелерiнiң тегi, аты, әкесiнiң аты (ол бар болған кезде))

      осы сәлемдеменi (жөнелтілімді) ашу актiсiн жасады ___________________

      _________________________________________________________________

      (заттардың, азық-түлiктiң атауы, олардың сыртқы белгiсi,

      _________________________________________________________________

      саны (жазбаша) көрсетiледi)

      _________________________________________________________________

      _________________________________________________________________,

      гауптвахтада ұсталатын әскери қызметшіге iшiне салынғаннан мыналар берiлдi:

      _________________________________________________________________

      (заттардың, азық-түлiк өнiмдерiнiң атауы көрсетiледi)

      _________________________________________________________________

      _________________________________________________________________.

      Гауптвахтада ұсталатын қамауға алынған адамның заттарын сақтау бөлмесiне

      _________________________________________________________________

      _________________________________________________________________

      ______________________________________________________тапсырылды.

      Комиссия мүшелерiнiң қолдары:

      _________________________________________________________________

      Алдым ________________________________________________________

      (әкiмшiлiк қамауға ұшыраған адамның тегi,

      аты, әкесiнiң аты (ол бар болған кезде), қолы)

      Актiнi жасаған әскери қызметшінің қолы:__________________________

      (лауазымы, атағы, қолы, тегі, аты, әкесінің аты

      (ол бар болған кезде))

      Нысан

Алу хаттамасы

      Біз, төменде қол қойған, мынадай құрамдағы комиссия _______________

      __________________________________________________________________

      __________________________________________________________________

      __________________________________________________________________

      (лауазымы, әскери атағы, тегі аты және әкесінің аты (ол бар болған кезде))

      ұсталған, күдікті, айыпталушы, әкімшілік тәртіппен қамауға алынған және қамауға

      алуға сотталған ___________________________________________________________

      (әскери атағы,тегі аты және әкесінің аты (ол бар болған кезде))

      тізім бойынша сомасы (___________) ақшаны, құнды қағаздар мен құнды заттарды

      _________________________________________________________________,

      (сомасы жазумен көрсетіледі)

      мынадай заттар мен азық-түлікті ________________________________________

      ____________________________________________________________________

      __________________________________ алдық (сақтауға қабылдадық).

      Барлығы берілгені: ________ құнды қағаздардың, құнды заттардың атауы,

      (саны)_______ ақша, ____________ азық-түлік, заттар атауы.

      (саны)             (саны)

      Тапсырды: _____________________________________________________

      (тегі, аты, әкесінің аты (ол бар болған кезде), қолы)

      Қабылдады: ____________________________________________________

      (тегі, аты, әкесінің аты (ол бар болған кезде), қолы)

      Қатысқан: ______________________________________________________

      (тегі, аты, әкесінің аты (ол бар болған кезде), қолы)

      20__жылғы "___"_______

АКТ

      " ____" ________ 20____ж. _________________________ қаласы (кенті)

      Мен, __________________________________________________________

      (лауазымы, әскери атағы, тегі, аты, әкесінің аты(ол бар болған кезде))

      ____________________________________________________________________

      (қамауға алу туралы шешім шығарған соттың атауы)

      20__ж. "__" ____________ шешімі бойынша әскери полицияның гауптвахтасына қамалған

      ____________________________________________________________________

      ____________________________________________________________________ тиесілі

      (қамауға алынған адамның әскери атағы, тегі, аты, әкесінің аты (ол бар болған кезде))

      ____________________________________________________________________

      (заттардың, бұйымдардың, құжаттардың және өзге де материалдық құндылықтардың,

      ____________________________________________________

      (ақша қаражатының атауы жазбаша көрсетілсін)

      ____________________________________________________________________

      ____________________________________________________________________

      гауптвахтаға ұсталатын қамауға алынған адамның заттарын сақтау бөлмесіне беру

      туралы осы актіні жасадым.

      Осы акті екі данада (бірінші данасы іске тігіледі, екінші данасы иесіне беріледі) жасалды.

      Актінің көшірмесін алдым ________________________________________

      қамауға алынған адамның әскери атағы, қолы, тегі, аты, әкесінің аты(ол бар болған кезде))

      Актіні жасаған әскери қызметшінің қолы____________________________

      (әскери атағы, қолы, тегі, аты, әкесінің аты(ол бар болған кезде))

      Нысан

Жою АКТIСI

      20 __ ж. "____" _________ Жасау орны _____________________________

      Комиссия мынадай құрамда: ______________________________________

      ____________________________________________________________________

      ____________________________________________________________________

      (комиссия мүшелерiнiң тегі, аты, әкесінің аты(ол бар болған кезде)) мынадай

      азық-түлiк өнiмін (жарамдылық мерзiмi өткен немесе бүлiну белгiсi бар) жою

      туралы осы актiнi жасады ____________________________________

      ____________________________________________________________________

      ____________________________________________________________________

      (атауы, саны (жазбаша), орамның бар болуы көрсетiледi)

      олар___________________________________________________________

      ____________________________________________________________________

      ____________________________________________________________________

      ___________________________________________________ жойылды.

      (жою орны мен тәсiлi) Комиссия мүшелерiнiң қолдары:

      1.__________________

      2. _________________

      Нысан

Қамауға алынған адамды көтермелеу мен жазалауды есепке алу кітабы

      Басталды: ____ жылғы "___"______________ .

      Аяқталды: ____ жылғы "___"______________ .

I бөлім

Жазалауға ұшыраған адамдарды есепке алу

II Бөлім

Гауптвахта әкімшілігі көтермелеген адамдарды есепке алу

      Ескертпе: Кітап нөмірленген, тігілген, тиісті қолтаңбамен куәландырылған және мөрмен мөрленген болуға тиіс. Гауптвахтаның қарауыл (кезекші ауысым) бастығында сақталады.

      Нысан

Қамауға алынған адамды босату туралы жазба

      Негіздеме: _________________________________________________________

      Нысан

Гауптвахтадан босату туралы АНЫҚТАМА

      Әскери қызметші _____________________________________________

      (әскери атағы, тегі, аты, әкесінің аты (ол бар болған кезде))

      20__ж. "____"________________ – 20__ж. "____" ____________________

      кезеңінде ________________________________ сәйкес ____________________

      (судья қаулысы)

      әскери полиция гауптвахтасында әкімшілік қамауды өтегенін растау үшін берілді.

      ___________________________________________ әскери олиция органының бастығы

      (ә/атағы, қолы, тегі, аты, әкесінің аты(ол бар болған кезде))

      20 ___ ж. "____" ___________

      Мөр орны

Қазақстан РеспубликасыҚорғаныс министрінің күші жойылған кейбір бұйрықтарының тізбесі

      1) "Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларын бекiту туралы" 2017 жылғы 29тамыздағы № 368 (Нормативтік құқықтық актілерді мемлекеттік тіркеу тізілімінде № 15591 болып тіркелген);

      2) "Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларын бекiту туралы" Қазақстан Республикасы Қорғаныс министрінің 2017 жылғы 20 шілдедегі № 368 бұйрығына өзгерістер енгізу туралы Қазақстан Республикасы Қорғаныс министрінің 2018 жылғы 25 тамыздағы № 568 бұйрығы (Нормативтік құқықтық актілерді мемлекеттік тіркеу тізілімінде № 15525 болып тіркелген)

      3) "Қазақстан Республикасы Қарулы Күштері әскери полиция органдарының гауптвахтасында әскери қызметшiлердiң әкiмшiлiк қамауды өтеу қағидаларын бекіту туралы" Қазақстан Республикасы Қорғаныс министрінің 2017 жылғы 20 шілдедегі № 368 бұйрығына өзгерістер енгізу туралы" Қазақстан Республикасы Қорғаныс министрінің 2021 жылғы 30 наурыздағы № 175 (Нормативтік құқықтық актілерді мемлекеттік тіркеу тізілімінде № 22465 болып тіркелген).