Қазақстан Республикасында стационарлық жағдайларда медициналық көмек көрсету стандартын бекіту туралы

      "Халық денсаулығы және денсаулық сақтау жүйесі туралы" Қазақстан Республикасының Кодексі 32-бабының 7-тармағына сәйкес БҰЙЫРАМЫН:

      1. Осы бұйрыққа 1-қосымшаға сәйкес қоса беріліп отырған Қазақстан Республикасында стационарлық жағдайларда медициналық көмек көрсету cтандарты бекітілсін.

      2. Осы бұйрыққа 2-қосымшаға сәйкес Қазақстан Республикасы Денсаулық сақтау министрлігінің кейбір бұйрықтарының күші жойылды деп танылсын.

      3. Қазақстан Республикасы Денсаулық сақтау министрлігінің Медициналық көмекті ұйымдастыру департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен cоң қолданысқа енгізіледі.

Қазақстан Республикасында стационарлық жағдайларда медициналық көмек көрсету стандарты

1-тарау. Жалпы ережелер

      1. Осы Қазақстан Республикасында стационарлық жағдайларда медициналық көмек көрсету стандарты (бұдан әрі – Стандарт) "Халық денсаулығы және денсаулық сақтау жүйесі туралы" Қазақстан Республикасының Кодексі 32-бабының 7-тармағына, "Мемлекеттік көрсетілетін қызметтер туралы" Қазақстан Республикасының Заңы 10-бабының 1) тармағына сәйкес әзірленді және халыққа стационарлық жағдайда медициналық көмек көрсетуде "Пациенттерге стационарға емделуге жатқызуға жолдама беру", "Стационарлық науқастың медициналық картасынан үзінді көшірме беру", "Санаторийлік-курорттық емделуге қажеттілігі туралы қорытынды беру" мемлекеттік көрсетілетін қызметтерді көрсету тәртібін белгілейді.

      2. Осы Стандартта мынадай ұғымдар мен терминдер пайдаланылады:

      1) денсаулық сақтау ұйымы - денсаулық сақтау саласындағы қызметті жүзеге асыратын заңды тұлға;

      2) денсаулық сақтау саласындағы уәкілетті орган (бұдан әрі – уәкілетті орган) - Қазақстан Республикасы азаматтарының денсаулығын сақтау, медицина және фармацевтика ғылымы, медициналық және фармацевтикалық білім беру, халықтың санитариялық-эпидемиологиялық саламаттылығы, дәрілік заттар мен медициналық бұйымдардың айналысы, медициналық қызметтер (көмек) көрсетудің сапасы саласында басшылықты және салааралық үйлестіруді жүзеге асыратын орталық атқарушы орган;

      3) емдеуге жатқызу бюросы порталы (бұдан әрі – Портал) – тегін медициналық көмектің кепілді көлемі (бұдан әрі – ТМККК) және міндетті әлеуметтік медициналық сақтандыру (бұдан әрі – МӘМС) шеңберінде пациенттерді стационарға жоспарлы емдеуге жатқызу жолдамаларын электрондық тіркеудің, есепке алудың, өңдеудің және сақтаудың бірыңғай жүйесі;

      4) жоғары технологиялық медициналық көмек (бұдан әрі – ЖТМК) бейінді мамандар тиімділігі мен қауіпсіздігі ғылыми дәлелденген диагностика мен емдеудің инновациялық және (немесе) бірегей әдістерін және медицина ғылымының және ғылым мен техниканың сабақтас салаларының жетістіктері негізінде әзірленген технологияларды қолдануды қажет ететін аурулар кезінде көрсететін мамандандырылған медициналық көмектің бір бөлігі;

      5) консилиум - кемінде үш дәрігердің қатысуымен диагноз қою, емдеу тактикасын айқындау және ауруды болжау мақсатында адамды зерттеу;

      6) көрсетілетін қызметті алушы – орталық мемлекеттік органдарды, Қазақстан Республикасының шетелдегі мекемелерін, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарын, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдерін қоспағанда, жеке және заңды тұлғалар;

      7) көрсетілетін қызметті беруші – Қазақстан Республикасының заңнамасына сәйкес мемлекеттік қызметтер көрсететін орталық мемлекеттік органдар, Қазақстан Республикасының шетелдегі мекемелері, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдері, сондай-ақ жеке және заңды тұлғалар;

      8) мамандандырылған медициналық көмек (бұдан әрі – ММК) – диагностиканың, емдеудің және медициналық оңалтудың арнайы әдістерін талап ететін аурулар кезінде, оның ішінде телемедицина құралдарын пайдалана отырып бейінді мамандар көрсететін медициналық көмек;

      9) мемлекеттік көрсетілетін қызмет – көрсетілетін қызметті алушылардың өтініш жасауы бойынша немесе өтініш жасауынсыз жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі;

      10) стационарлық жағдайларда медициналық көмек – тәулік бойы медициналық байқау, емдеу, күтім, сондай-ақ тамақпен бірге төсек-орын беру көзделетін стационарлық жағдайларда, оның ішінде емдеу басталғаннан кейін алғашқы тәуліктер ішінде тәулік бойы байқау көзделетін "бір күннің" терапиясы және хирургиясы жағдайларында ұсыну;

      11) хабардар етілген келісім - адамның медициналық көмек алуға және (немесе) оның шешім қабылдауы үшін маңызы бар медициналық көмектің және (немесе) зерттеудің барлық аспектісі туралы ақпаратты алғаннан кейін нақты зерттеуге қатысуға өз келісімін жазбаша ерікті түрде растау рәсімі. Хабардар етілген жазбаша келісім уәкілетті орган бекіткен нысан бойынша ресімделеді;

      12) цифрлық денсаулық сақтау субъектісі - цифрлық денсаулық сақтау саласында қызметті жүзеге асыратын немесе қоғамдық қатынастарға түсетін жеке және заңды тұлғалар, мемлекеттік органдар;

      13) цифрлық құжаттар сервисі – бұл операторға бекітілген және мемлекеттік функцияларды іске асыру және олардан туындайтын мемлекеттік көрсетілетін қызметтерді іске асыру мақсатында, сондай-ақ жеке және заңды тұлғалармен өзара іс-қимыл жасау, электрондық нысанда қызметтер алу және көрсету кезінде электрондық құжаттарды жасауға, сақтауға және пайдалануға арналған "электрондық үкіметтің" ақпараттық-коммуникациялық инфрақұрылымының объектісі;

2-тарау. Стационарлық жағдайларда медициналық көмек көрсету кезінде мемлекеттік қызмет көрсету тәртібі

1 – параграф "Пациенттерге стационарға емделуге жатқызуға жолдама беру" мемлекеттік көрсетілетін қызметтерді көрсету тәртібі

      3. Емдеуге жатқызу үшін көрсетілім – денсаулық сақтау ұйымдарында пациенттерді тәулік бойы медициналық бақылай отырып, дәрігерге дейінгі, мамандандырылған медициналық көмек, оның ішінде жоғары технологиялық медициналық қызметтерді қолдана отырып көрсету.

      4. Пациентті денсаулық сақтау ұйымына емдеуге жатқызу тегін медициналық көмектің кепілдік берілген көлемі (бұдан әрі – ТМККК) шеңберінде және міндетті әлеуметтік медициналық сақтандыру (бұдан әрі – МӘМС) жүйесінде жүзеге асырылады:

      1) жоспарлы тәртіппен - медициналық – санитариялық алғашқы көмек (бұдан әрі - МСАК) мамандарының немесе басқа денсаулық сақтау ұйымының жолдамасы бойынша "Стационарлық мамандандырылған медициналық көмек жоспарлы нысанда көрсетілетін аурулардың тізбегін бекіту туралы" Қазақстан Республикасы Денсаулық сақтау министрінің 2020 жылғы 11 желтоқсандағы № ҚР ДСМ-258/2020 бұйрығына сәйкес (Нормативтік құқықтық актілерді мемлекеттік тіркеу тізілімінде № 21784 болып тіркелген) жүзеге асырылады;

      2) шұғыл көрсетілімдер бойынша (демалыс және мереке күндерін қоса алғанда) - жолдаманың бар-жоғына қарамастан жүзеге асырылады.

      5. Жолдаманы Порталда тіркей отырып, жоспарлы емдеуге жатқызу пациенттің денсаулық сақтау ұйымын еркін таңдау құқығын ескере отырып, емдеуге жатқызудың жоспарланған күнін айқындау жолымен жүзеге асырылады:

      1) МСАК маманының немесе меншік нысанына қарамастан басқа денсаулық сақтау ұйымының жолдамасы бойынша стационар маманы;

      2) МСАК маманының немесе басқа денсаулық сақтау ұйымының жолдамасы бойынша автоматты түрде айқындау арқылы;

      3) пациенттер өз бетінше жүгінген және басшының пациентті осы денсаулық сақтау ұйымына емдеуге жатқызу туралы шешімі болған кезде денсаулық сақтау ұйымының қабылдау бөлімшесінің маманы ұсынады.

      6. Ақылы негізде жоспарлы емдеуге жатқызу "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ – 175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) (бұдан әрі - № ҚР ДСМ – 175/2020 бұйрық) бекітілген стационарлық пациенттің медициналық картасын міндетті түрде толтырумен және порталда электрондық форматта іске асырылған медициналық көмекті ақылы негізде көрсететін денсаулық сақтау ұйымдары үшін жүзеге асырылады.

      7. "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидаларын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 24 желтоқсандағы № ҚР ДСМ-321/2020 бұйрығына (Нормативтік құқықтық актілерді мемлекеттік тіркеу тізілімінде № 21904 болып тіркелген) сәйкес ТМККК шеңберінде медициналық көмек көрсетуге шарт жасасқан денсаулық сақтау ұйымдарының порталға қолжетімділігі бар.

      "Әлеуметтік медициналық сақтандыру қоры" коммерциялық емес акционерлік қоғамы (бұдан әрі- ӘлМСҚ) меншік нысанына қарамастан ТМККК шеңберінде медициналық көмек көрсетуге жаңа медициналық көрсетілетін қызметтерді берушімен шарт жасасқан жағдайда, порталда жұмыс істеу үшін логин мен пароль беру Өнім беруші өтінім берген сәттен бастап 2 жұмыс күні ішінде жүзеге асырылады.

      8. Емделуге жатқызуды ұйымдастыру процесінің қатысушылары:

      1) денсаулық сақтау ұйымдары;

      2) ӘлМСҚ және оның филиалдары;

      3) цифрлық денсаулық сақтау субъектісі;

      4) облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары болып табылады.

      9. Жоспарлы емдеуге жатқызуға көрсетілімдер болған кезде МСАК немесе басқа денсаулық сақтау ұйымының маманы пациентке клиникалық-диагностикалық (зертханалық, аспаптық және функционалдық) зерттеулер (бұдан әрі - зерттеулер), бейінді мамандардың консультацияларын, диагностика мен емдеудің клиникалық хаттамаларын басшылыққа ала отырып, жіберілетін диагнозға сәйкес жүргізеді.

      Емдеуге жатқызу күнін автоматты түрде анықтаған кезде пациентті емдеуге жатқызуға дейінгі зерттеп-қараудың ең аз көлемі емдеуге жатқызудың белгіленген күніне дейін күнтізбелік 10 (он) күн бұрын жүргізіледі. Емдеуге жатқызуға дейінгі бақылауды жіберген медициналық ұйым жүзеге асырады.

      МСАК ұйымына немесе басқа денсаулық сақтау ұйымына емдеуге жатқызу алдында жүргізілген зерттеулерді тәулік бойы бақыланатын стационарда қосымша және қайта жүргізу диагностика мен емдеудің клиникалық хаттамаларына сәйкес науқастың жай-күйін динамикалық бағалау үшін медициналық картада негіздей отырып, медициналық көрсетілімдер бойынша жүргізіледі.

      10. Пациент денсаулық сақтау ұйымын таңдаған кезде денсаулық сақтау ұйымының ішкі бұйрықпен бекітілген жауапты маманы (бұдан әрі - жауапты маман) оған емдеуге жатқызуды күтудің ең аз мерзімімен тиісті бейін бойынша денсаулық сақтау ұйымын баламалы таңдау мүмкіндігі туралы ақпарат береді.

      Жауапты маман пациентті таңдалған стационарға емдеуге жатқызу күні және жоспарлы емдеуге жатқызудың белгіленген күнінде міндетті түрде келу қажеттілігі туралы электрондық үкімет порталының жеке кабинетінде ауызша немесе электрондық хабарлау (push немесе sms-хабарлама) арқылы хабардар етеді.

      Стационарға келмеген жағдайда жоспарлы емдеуге жатқызудың белгіленген күні пациент МСАК ұйымына немесе емдеуге жатқызуға жіберген денсаулық сақтау ұйымына хабарлайды. Стационар емделуге жатқызуды күнтізбелік 3 (үш) күннен аспайтын мерзімге ауыстырады.

      11. Облыстық және республикалық маңызы бар қалаларда және астанада құрылатын республикалық және ғылыми ұйымдарға ЖТМК көрсетуге жоспарлы емдеуге жатқызу үшін көрсетілімдер болған кезде пациент "Мамандандырылған, оның ішінде жоғары технологиялық медициналық көмек көрсету қағидаларын бекіту туралы" Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-238/2020 бұйрығына (Нормативтік құқықтық актілерді мемлекеттік тіркеу тізілімінде № 21746 болып тіркелген) (бұдан әрі – № ҚР ДСМ-238/2020 бұйрық) сәйкес ЖТМК комиссиясының шешімімен емдеуге жатқызылады.

      12. Жоспарлы емдеуге жатқызу күнін айқындау кезінде:

      1) денсаулық сақтау ұйымының жауапты маманы осы Стандартқа 1-қосымшаға сәйкес нысан бойынша Порталда орналасқан күту парағында жоспарлы емдеуге жатқызуға арналған жолдаманы тіркейді және пациентке осы Стандартқа 2-қосымшаға сәйкес нысан бойынша жоспарлы емдеуге жатқызу талонын береді;

      2) күн сайын денсаулық сақтау ұйымының жауапты маманы осы денсаулық сақтау ұйымына емдеуге жатқызуға жіберілген пациенттердің тізімін қарайды, бейіндер бойынша бос төсектер туралы мәліметтерді қалыптастырады және оларды осы Стандартқа 3-қосымшаға сәйкес нысан бойынша Порталда орналастырылған бос төсектерді есепке алу парағына 9 сағат 30 минутқа дейін енгізеді. Жоспарлы емдеуге жатқызудың жоспарланған күні порталда жоспарлы емдеуге жатқызуға жолдаманы тіркеген күннен бастап 2 (екі) жұмыс күні ішінде анықталады;

      3) күн сайын денсаулық сақтау ұйымының жауапты маманы күту парағына мониторингті жүзеге асырады және денсаулық сақтау ұйымы жоспарлы емдеуге жатқызудың жоспарланған күнін қойғаннан кейін пациентке осы Стандартқа 4-қосымшаға сәйкес нысан бойынша денсаулық сақтау ұйымына емдеуге жатқызуға жолдама береді;

      4) пациент жоспарлы емдеуге жатқызудың белгіленген күніне сәйкес емдеуге жатқызылады;

      5) жүкті және босанатын әйелдерді босандыруға жіберу жүктіліктің 37 аптасынан бастап перинаталдық көмекті өңірлендіру деңгейін ескере отырып, емдеуге жатқызу бюросы порталының күту парағында тіркеледі.

      Емдеуге жатқызудың соңғы күні тәулік бойы бақылайтын стационарға келіп түскен күні медициналық картасын міндетті түрде толтырумен айқындалады.

      13. Құқық қорғау органдарының зейнеткерлерін, әскери қызметте болудың шекті жасына толғаннан кейін, денсаулық жағдайы бойынша әскери қызметтен шығарылған, әскери қызмет міндеттерін орындауға байланысты ауырған, сондай-ақ жиырма және одан да көп еңбек сіңірген жылдары бар адамдарды, арнаулы мемлекеттік органдардағы қызметтен денсаулық жағдайы бойынша (қызметтік міндеттерін атқару кезінде алынған аурулар, мертігулер, мүгедектік), сондай-ақ қызметте болудың шекті жасына толуы немесе штаттарды қысқартылуына байланысты шығырылған және күнтізбелік және жиырма және одан да көп еңбек сіңірген жылдары бар қызметкерлерін әскери-медициналық (медициналық) бөлімшелерге жатқызу медициналық көрсетілімдер болған кезде МСАК маманының жолдамасынсыз жүзеге асырылады.

      14. Стационарға жоспарлы емдеуге жатқызудың жоспарланған күнін "Денсаулық сақтау ұйымдары желісінің мемлекеттік нормативін бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 15 қазандағы № ҚР ДСМ - 133/2020 (Нормативтік құқықтық актілерді мемлекеттік тіркеу тізілімінде № 21452 болып тіркелген) бұйрығына сәйкес жауапты маман айқындайды:

      1) аудандық деңгейде медициналық көмекті стационарлық жағдайда көрсететін денсаулық сақтау ұйымдары және (немесе) олардың құрылымдық бөлімшелері:

      аудан орталығында, ауданда құрылатын нөмірлік аудандық аурухана;

      көп бейінді ауданаралық аурухана;

      аудандық немесе ауданаралық ауруханада оңалту, паллиативтік көмек, мейіргерлік күтім;

      2) қалалық деңгейде стационарлық жағдайларда медициналық көмек көрсететін денсаулық сақтау ұйымдары және (немесе) олардың құрылымдық бөлімшелері:

      қалалық аурухана;

      көп бейінді қалалық аурухана;

      көп бейінді қалалық балалар ауруханасы;

      психикалық денсаулық орталығы;

      фтизиопульмонология орталығы;

      көп бейінді ауруханалардың құрылымдық бөлімшесі ретінде перинаталдық (босандыру бөлімшесі), онкологиялық, инфекциялық, тері-венерологиялық, травматогиялық, инсульттік, ревматологиялық, офтальмалогиялық, кардиологиялық және кардиохирургиялық орталықтар құрылады;

      қалпына келтіру емі және медициналық оңалту ұйымдары – көп бейінді аурухана жанынан ұйымдастырылатын санаторий, мамандандырылған санаторий, профилакторий, оңалту орталығы немесе оңалту бөлімшесі (төсектері);

      паллиативтік көмек және мейіргерлік күтім көрсететін ұйымдар - көп бейінді аурухана, туберкулезге қарсы диспансер жанынан ұйымдастырылатын хоспис, мейіргерлік күтім ауруханасы немесе бөлімше, төсектер;

      республикалық және облыстық маңызы бар қалада құрылатын ғылыми ұйымдар;

      Қазақстан Республикасының заңнамасына сәйкес республикалық деңгейде астанада құрылатын денсаулық сақтау саласындағы ұлттық холдинг;

      3) облыстық деңгейде стационарлық жағдайларда медициналық көмек көрсететін денсаулық сақтау ұйымдары және (немесе) олардың құрылымдық бөлімшелері:

      көп бейінді облыстық аурухана;

      көп бейінді облыстық балалар ауруханасы;

      облыс орталығындағы психикалық денсаулық орталығы;

      облыс орталығындағы облыстық фтизиопульмонология орталығы;

      көп бейінді ауруханалардың құрылымдары перинаталдық (босандыру бөлімшесі), онкологиялық, инфекциялық, тері-венерологиялық, травматогиялық, инсульттік, ревматологиялық, офтальмалогиялық, кардиологиялық және кардиохирургиялық орталықтар;

      көп бейінді аурухананың ұйымдастырылатын қалпына келтіру емі және медициналық оңалту ұйымдары - санаторий, мамандандырылған санаторий, профилакторий, оңалту орталығы немесе оңалту бөлімшесі (төсектері);

      көп бейінді аурухананың, фтизиопульмонология орталығының жанынан ұйымдастырылатын паллиативтік көмек және мейіргерлік күтім көрсететін ұйымдар - хоспис, мейіргерлік күтім ауруханасы немесе бөлімшесі, төсектері.

      15. Пациентті басқа денсаулық сақтау ұйымына ауыстыру үшін стационар маманы медициналық көрсетілімдер болған кезде емдеуші дәрігер сәйкес медициналық ұйымның басшыларының келісім рәсімі аяқталғаннан кейін жолдаманы Порталда тіркеуді жүзеге асырады.

      16. Жауапты маманның жолдамасы бойынша емдеуге жатқызу күнін автоматты түрде анықтаған кезде:

      1) жауапты маман жоспарлы емдеуге жатқызуға жолдаманы тіркейді, порталда автоматты түрде белгіленген емдеуге жатқызудың жоспарланған күні туралы ақпаратты ұсынады және жолдаманы береді (қағаз немесе электрондық тасымалдағышта);

      2) егер пациент порталда автоматты түрде белгіленген емдеуге жатқызудың жоспарланған күнінен бас тартса, МСАК-тың немесе басқа денсаулық сақтау ұйымының емдеуші дәрігері оған емдеуге жатқызудың неғұрлым кеш күнін немесе неғұрлым ертерек емдеуге жатқызу мүмкіндігі көзделетін басқа денсаулық сақтау ұйымын таңдауды ұсынады;

      3) пациентті басқа денсаулық сақтау ұйымына ауыстыруға медициналық көрсетілімдер болған кезде МСАК ұйымының жауапты маманы сәйкес медициналық ұйымның басшыларының келісім рәсімі аяқталғаннан кейін жолдаманы Порталда тіркеуді жүзеге асырады;

      4) пациент жолдамада көрсетілген денсаулық сақтау ұйымына Порталмен автоматты түрде айқындалған мерзімде емдеуге жатқызылады;

      5) пациент мерзімінде келмеген жағдайда, медициналық ұйым шұғыл пациенттерді емдеуге жатқызу үшін осы төсекті пайдаланады;

      6) емдеуге жатқызудың жоспарланған күнін автоматты түрде айқындау Порталда есептеуден әзірленген өлшемшарттарға сәйкес денсаулық сақтау ұйымына емдеуге жатқызуға арналған жолдаманы тіркеу кезінде жүзеге асырылады:

      қаржыландырудың жалпы жоспарланған көлемін;

      өткен жылғы деректердің негізінде нозологиялар бөлінісінде жағдайларды ескере отырып, жоспарлы және шұғыл емдеуге жатқызу үшін болжамды қаржыландыру сомасының үлес салмағының орташа жылдық мәні;

      өткен жылғы деректердің негізінде емдеуге жатқызу процесіне қатыспайтын бейіндер бойынша нозологиялар бөлінісінде жоспарлы емдеуге жатқызу жағдайлары үшін болжамды қаржыландыру сомасының үлес салмағының орташа жылдық мәні;

      есепті айға арналған жалпы қаржыландыру жоспарына сәйкес есепті кезеңде жазып беру жоспарланатын барлық жағдайлардың (жоспарлы және шұғыл) болжамды құны;

      нозология бөлінісінде науқастың төсекте болуының орташа ұзақтығының мерзімдері;

      бір жұмыс күні ішінде жоспарлы тәртіппен емдеуге жатқызылуы мүмкін пациенттердің саны туралы мәліметтер;

      демалыс, мереке күндері (ауыстырумен), операциялық, ургенттік күндер, санитариялық өңдеуге арналған күндер туралы мәліметтер (медициналық ұйымдардың деректері бойынша);

      қызметі жоспарлы емдеуге жатқызу процесіне әсер ететін еңбек демалыстарының кестесі туралы мәліметтер;

      пациенттерді дербес жоспарлы емдеуге жатқызуға үлесі туралы мәліметтер;

      7) алдағы жылға арналған өлшемшарттарды қалыптастыру үшін стационарлық жағдайларда медициналық көмек көрсететін денсаулық сақтау ұйымдары цифрлық денсаулық сақтау субъектісіне келесі қаржы жылы басталғанға дейін екі ай бұрын мынадай мәліметтерді ұсынуы қажет:

      бейіндер бөлінісінде бір жұмыс күні жоспарлы емдеуге жатқызу үшін жоспарланған пациенттер саны;

      бейіндер бойынша жоспарлы емдеуге жатқызу күндері;

      операциялық кесте;

      санитариялық өңдеуге арналған күндер кестесі;

      қызметі жоспарлы емдеуге жатқызу процесіне әсер ететін мамандардың біліктілігін арттыру, еңбек демалыстарының кестесі;

      пациенттерді өзбетінше жоспарлы емдеуге жатқызуға жоспарлы үлесі;

      8) өлшемдерді қалыптастыру үшін мәліметтер өзгерген жағдайда, жоспарланған өзгерістер басталғанға дейін он жұмыс күнінен кешіктірілмейтін мерзімде деректерді цифрлық денсаулық сақтау субъектісіне ұсыну қажет;

      9) төсек қорын оңтайландырған жағдайда денсаулық сақтау ұйымдары жоспарланған өзгерістер басталғанға дейін күнтізбенің бір ай көрсеткішінен кешіктірілмейтін мерзімде облыстардың, республикалық маңызы бар қалалардың және астананың денсаулық сақтау саласындағы мемелекеттік жергілікті органдарды тиісті ақпараттық жүйелерінде төсек қоры құрылымының өзгерістеріне уақтылы өзектендіру жүргізу үшін денсаулық сақтау басқармаларын және цифрлық денсаулық сақтау субъектісін хабардар етеді;

      10) жоспарлы емдеуге жатқызудың жоспарланған күнін порталда жауапты маманмен жіберген кезде автоматты түрде анықталады:

      ғылыми ұйымдар пациенттің денсаулық сақтау ұйымын еркін таңдау құқығын ескере отырып, ЖМЖ және ЖТМҚ қызметтерін ұсынады;

      қалалық және облыстық деңгейдегі көп бейінді ауруханаларда, төмендегі келтірілген мынадай төсек қорын қоспағанда:

      гематологиялық, онкогематологиялық, инфекциялық, психиатриялық, психоневрологиялық, туберкулезге қарсы, наркологиялық, тері-венерологиялық, онкологиялық, паллиативтік көмек және мейіргер күтімі, балалар, перинаталдық (босандыру бөлімшесі).

      Күту парағынан алу мынадай жағдайларда көзделеді:

      МСАК ұйымдарында немесе басқа денсаулық сақтау ұйымдарында:

      жолдаманы Порталда тіркегеннен кейін пациенттің емдеуге жатқызудан жазбаша бас тартуының негізінде;

      емдеуге жатқызуға дейінгі кезеңде пациенттің қайтыс болу жағдайын тіркеу;

      медициналық ұйымға емдеуге жатқызу сәтінде медициналық қарсы көрсетілімдердің болуы;

      шұғыл емдеуге жатқызу;

      денсаулық сақтау ұйымдарының қабылдау бөлімшесінде:

      емдеуге жатқызуға медициналық көрсетілімдердің болмауы;

      емдеуге жатқызу сәтінде медициналық қарсы көрсетілімдердің болуы;

      пациенттің емдеуге жатқызуға келмеуі;

      бейінсіз ауруханаға жатқызу;

      Жоспарлы түрде емдеуге жатқызу күнін айқындау кезінде денсаулық сақтау ұйымының қабылдау бөлімшесінің маманы, пациенттер өз бетінше жүгінген жағдайда емдеуге жатқызу туралы шешімді денсаулық сақтау ұйымының жауапты адамымен келіседі.

      17. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Стандартқа 5-қосымшаға сәйкес "Пациенттерге стационарға емделуге жатқызуға жолдама беру" мемлекеттік көрсетілетін қызмет стандартында көзделген.

      "Пациенттерге стационарға емдеуге жатқызуға жолдама беру" мемлекеттік көрсетілетін қызметті (бұдан әрі – мемлекеттік көрсетілетін қызмет) алу үшін көрсетілетін қызметті алушы денсаулық сақтау субъектілеріне (бұдан әрі – көрсетілетін қызметті беруші) немесе "электрондық үкімет" порталы (бұдан әрі - портал) арқылы жүгінеді.

      Көрсетілетін қызметті алушы барлық қажетті құжаттарды тапсырған кезде портал арқылы "жеке кабинетке" көрсетілетін қызметті берушінің уәкілетті тұлғаның электрондық цифрлық қолтаңбасы (бұдан әрі – ЭЦҚ) қойылған мемлекеттік қызмет көрсету нәтижесін алу күні туралы хабарлама жіберіледі.

      Көрсетілетін қызметті алушы жұмыс уақыты аяқталғаннан кейін, еңбек заңнамасына сәйкес демалыс және мереке күндері жүгінген кезде өтініштерді қабылдау және мемлекеттік қызметті көрсету нәтижелерін беру келесі жұмыс күні жүзеге асырылады.

      Көрсетілетін қызметті алушы көрсетілетін қызметті берушіге құжаттарды ұсынған кезде немесе оларды портал арқылы жіберген кезде МСАК денсаулық сақтау ұйымдарының дәрігері мемлекеттік қызмет көрсету стандартының 8-тармағына сәйкес олардың толықтығын тексеруді жүзеге асырады.

      Көрсетілетін қызметті берушіге мемлекеттік қызмет көрсету стандартының 8-тармағында көзделген тізбеге сәйкес құжаттар топтамасы толық ұсынылмаған және (немесе) қолданылу мерзімі өтіп кеткен құжаттар ұсынылған жағдайда, көрсетілетін қызметті беруші өтінішті қабылдаудан бас тартады.

      Көрсетілетін қызметті алушы мемлекеттік қызмет көрсету стандартының 8-тармағында көзделген тізбеге сәйкес құжаттардың толық топтамасын ұсынбаған кезде көрсетілетін қызметті беруші портал арқылы көрсетілетін қызметті берушінің уәкілетті тұлғаның ЭЦҚ қойылған электрондық құжат нысанындағы өтінішті одан әрі қараудан бас тартуды көрсетілетін қызметті алушының порталдағы жеке кабинетіне жібереді.

      Мемлекеттік қызметті одан әрі қараудан бас тарту көрсетілетін қызметті беруші басшысының немесе оның міндетін атқарушы тұлғаның қолы қойылған, өтінішті одан әрі қараудан бас тарту негіздері көрсетіле отырып, жеке хатпен ресімделеді.

      Жеке басты куәландыратын құжат туралы мәліметтерді көрсетілетін қызметті беруші порталда тіркелген пайдаланушының ұялы байланысының абоненттік нөмірі арқылы ұсынылған құжат иесінің келісімі болған жағдайда портал хабарламасына жауап ретінде бір реттік пароль беру арқылы немесе қысқа мәтіндік хабарлама жіберу арқылы іске асырылған интеграция арқылы цифрлық құжаттар сервисінен (сәйкестендіру үшін) алады.

      Құжаттардың толық топтамасы ұсынылған және осы Стандарттың талаптарына сәйкес келген жағдайда МСАК денсаулық сақтау ұйымдарының дәрігері пациенттерге стационарға емдеуге жатқызуға жолдаманы ресімдейді, оған бөлімше меңгерушісі қол қояды және денсаулық сақтау ұйымының жауапты маманына береді.

      Денсаулық сақтау ұйымының жауапты маманы жоспарлы емдеуге жатқызуға жолдаманы тіркейді, көрсетілетін қызметті берушінің мөрін қояды және көрсетілетін қызметті алушыға пациенттерге стационарға емдеуге жатқызуға жолдаманы береді.

      Мемлекеттік көрсетілетін қызмет стандартының 9-тармағында көзделген мемлекеттік қызметті көрсетуден бас тарту үшін негіздер болған кезде МСАК денсаулық сақтау ұйымдарының дәрігері мемлекеттік қызметті көрсетуден бас тартуды қалыптастырады.

      Көрсетілетін мемлекеттік қызметтің нәтижесі: № ҚР ДСМ – 175/2020 бұйрығымен бекітілген 001-3/е нысаны бойынша берілген стационарға емдеуге жатқызуға жолдама немесе мемлекеттік қызмет көрсетуден дәлелді бас тарту болып табылады.

      Көрсетілетін қызметті алушы портал арқылы жүгінген кезде мемлекеттік қызметті көрсету нәтижесін көрсетілетін қызметті беруші көрсетілетін қызметті алушының порталдағы жеке кабинетіне көрсетілетін қызметті берушінің ЭЦҚ-сы қойылған электрондық құжат нысанында жібереді.

      Мемлекеттік қызмет 1 (бір) жұмыс күні ішінде көрсетіледі.

      18. Көрсетілетін қызметті беруші Заңның 5-бабы 2-тармағының 11) тармақшасына сәйкес тәртіппен мемлекеттік қызметтер көрсетуді мониторингтеу мақсатында мониторингтің ақпараттық жүйесіне "Пациенттерге стационарға емдеуге жатқызуға жолдама беру" мемлекеттік қызмет көрсету туралы деректерді енгізуді қамтамасыз етеді.

      19. Денсаулық сақтау ұйымының басшылығы, науқастардың құқықтарын қорғау мақсатында, халықтың әлеуметтік қорғалмаған топтары: он сегіз жасқа дейінгі балалар, жүкті әйелдер, Ұлы Отан соғысының қатысушылары, мүгедектер, көп балалы аналар, зейнеткерлер, әлеуметтік мәні бар аурулармен ауыратын науқастар үшін ғылыми ұйымдар үшін жоспарлы емдеуге жатқызу көлемінің 15 %-ы шегінде, меншік нысанына қарамастан аудандық, қалалық, облыстық деңгейдегі денсаулық сақтау ұйымдары үшін 10 %-ы кезінде пациентті жоспарлы емдеуге жатқызу туралы шешімді дербес қабылдайды.

      Коронавирус инфекциясынан болған пандемия кезеңінде осы тармақтың бірінші бөлігінде көрсетілген адамдар үшін № ҚР ДСМ-238/2020 бұйрықтың 19-тармағына сәйкес жоспарлы емдеуге жатқызу жүргізіледі.

      20. Денсаулық сақтау ұйымының қабылдау бөлімшесінің дәрігері, медициналық көрсеткішері бар өз бетінше жүгінген науқастарды денсаулық сақтау ұйымарына (немесе) құрылымдық бөлімшелерге жүгінген күні жоспарлы емдеуге жатқызуды жүзеге асырады:

      инфекциялық, психиатриялық, психоневрологиялық, туберкулезге қарсы, наркологиялық, тері-венерологиялық, онкологиялық, Ұлы Отан соғысының мүгедектеріне және оларға теңестірілген адамдарға арналған госпитальдер, хоспистер мен мейіргерлік күтім ауруханалары, перинаталдық көмекті өңірлендіруді ескере отырып, перинаталдық орталық (босандыру бөлімшесі);

      меншік деңгейі мен нысанына қарамастан көп бейінді ауруханалар емдеудің кезекті кезеңіне (консервативтік, оперативті) және мүгедекті оңалтудың жеке бағдарламасының медициналық бөлігіне сәйкес қалпына келтіру емі және медициналық оңалту жөніндегі іс-шараларды жүргізу жүзеге асырады.

      21. Жоспарлы емдеуге жатқызуды ұйымдастыру кезінде, емдеуге жатқызу үдерісінің кезеңдері, рұқсат етілген шектерден асып кеткен жағдайда, штаттан тыс мәселелер туындайды:

      1) болмай қалған жоспарлы емдеуге жатқызу:

      жоспарлы емдеуге жатқызуға медициналық көрсетілімдердің болмауы;

      емдеуге жатқызу кезінде медициналық қарсы көрсетілімдердің болуы;

      2) жоспарлы емдеуге жатқызу деңгейіне теріс әсер ететін жағдайлар: жолдаманы Порталда тіркегеннен кейін пациенттің емдеуге жатқызудан жазбаша бас тартуы;

      пациенттің емдеуге жатқызуға келмеуі;

      емдеуге жатқызуға дейінгі кезеңде пациенттің өлімін тіркеу;

      шұғыл емдеуге жатқызу;

      емдеуге жатқызу рәсімінен тәуелсіз.

      22. Штаттан тыс жағдайлар туындаған және тоқтатылған жағдайда денсаулық сақтау ұйымы 1 (бір) жұмыс күні ішінде облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарына, ӘлМСҚ және цифрлық денсаулық сақтау субъектісіне штаттан тыс жағдайлар туралы жазбаша хабарлама жібереді.

      Денсаулық сақтау ұйымының қызметі уақытша тоқтатылған жағдайда, ақпараттандыру субъектісі 1 (бір) жұмыс күні ішінде МСАК ұйымдарын және басқа да денсаулық сақтау ұйымдарын хабардар етеді.

      Жауапты маман пациенттің назарына форс-мажорлық жағдайлардың туындағаны туралы жеткізеді және басқа денсаулық сақтау ұйымын таңдауды немесе оның қызметі қайта басталғаннан кейін бұрын таңдалған денсаулық сақтау ұйымына жатқызуды ұсынады.

      Емдеуге жатқызуға жолдама электрондық тіркеу порталында үш сағаттан артық іске асырылмаған жағдайда денсаулық сақтау ұйымы жоспарлы емдеуге жатқызуға жіберу процесінің үздіксіздігін мынадай ретпен қамтамасыз етеді:

      1) МСАК ұйымы немесе басқа денсаулық сақтау ұйымы, келісілген күні емдеуге жатқызуға арналған жолдаманы қағаз жүзінде рәсімдейді;

      2) денсаулық сақтау ұйымы пациентті емдеуге жатқызу күні қағаз жеткізгініне сәйкес жүзеге асады;

      3) МСАК ұйымы немесе басқа денсаулық сақтау ұйымы медициналық ақпараттық жүйенің жұмысы тікелей қайта басталғаннан кейін қағаз жеткізгіштегі деректері негізінде медициналық ақпараттық жүйені ажырату кезеңінде емдеуге жатқызылған немесе емдеуге жатқызуға жоспарланған пациенттердің жолдамаларын порталда тіркеуді қамтамасыз етеді;

      4) цифрлық денсаулық сақтау субъектісі:

      үш сағаттан астам мерзімге емдеуге жатқызуға жолдаманың электрондық тіркеу порталында жұмыс істемеу фактісі туралы хаттаманы рәсімдейді;

      МСАК ұйымынан немесе медициналық ұйымнан қағаз жеткізгіштерде жоспарлы емдеуге жатқызуға жіберу фактілері бойынша ақпаратты сұратады;

      қағаз жеткізгіштегі деректерге сәйкес жолдамаларды порталға тіркеу процесін үйлестіреді.

      23. Жолдамаларды порталдағы емдеуге жатқызуға дейінгі кезеңде пациенттің қайтыс болуы себебі бойынша "күту парағынан" алу кезінде ақпараттандыру субъектісіне мәліметтер (алу тіркелген күннен бастап үш жұмыс күні ішінде): сот-медициналық сараптамаға жататын жағдайларды қоспағанда, № ҚР ЖЖМ-175/2020 бұйрықпен бекітілген № 045/е нысаны бойынша амбулаториялық картадан үзінді көшірме, қайтыс болу туралы дәрігерлік куәліктің көшірмесі ұсынылады.

      24. Облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары:

      1) басқару шараларын қабылдай отырып, денсаулық сақтау ұйымдарының мынадай көрсеткіштеріне тұрақты мониторингті жүзеге асырады:

      өңірде стационарлық көмекті тұтыну деңгейі;

      төсек қорының жұмысы және оны ұтымды ету;

      төсектерді олардың сұранысына сәйкес қайта бейіндеу;

      тәуліктік және күндізгі стационарларда емделген жағдайлардың құрылымы;

      негізсіз емдеуге жатқызу;

      штаттан тыс жағдайлар.

2-параграф. "Стационарлық науқастың медициналық картасынан үзінді көшірме беру" мемлекеттік көрсетілетін қызметтерді көрсету тәртібі

      25. Пациентті ТМККК шеңберінде және МӘМС жүйесінде денсаулық сақтау ұйымына емдеуге жатқызу:

      осы Стандартқа 10-қосымшаға сәйкес тәулік бойы бақыланатын стационарға емделуге жататын аурулардың халықаралық жіктемесінің (бұдан әрі- АХЖ) 10 қарауының кодтары бойынша диагноздардың тізбесіне сәйкес;

      осы Стандартқа 11-қосымшаға сәйкес тәулік бойы бақыланатын стационарға басым емдеу үшін АХЖ– 9 кодтары бойынша операциялар мен манипуляциялар тізбесіне сәйкес;

      26. АХЖ–10 коды бойынша аурулардың тізбесіне кірмеген ауруы бар адамдар стационарлық жағдайларда емдеу үшін осы Стандартқа 12-қосымшаға сәйкес жүзеге асырылады.

      27. Жоспарлы емдеуге жатқызуды алуға денсаулық сақтау ұйымының қабылдау бөлімшесінде пациенттерді қабылдау және тіркеу ұйымның бекітілген жұмыс кестесіне сәйкес жұмыс уақытында, жүгінген сәттен бастап 60 минуттың ішінде жүзеге асырылады. Шұғыл медициналық көмек тәулік бойы көрсетіледі. Қабылдау бөлімшесінде консилиум ұйымдастырылады (көрсеткіші бойынша).

      Толық зерттеп–қарау және қарсы көрсетілімдер болмаған кезде бейінді бөлімшеге емдеуге жатқызу жүзеге асырылады.

      28. Науқастарды денсаулық сақтау ұйымына емдеуге жатқызу жағдайында № ҚР ДСМ – 175/2020 бұйрықпен бекітілген нысандар тағайындау парағымен № 001/е нысаны бойынша "Стационарлық пациенттің медициналық картасы", оның ішінде медициналық ақпараттық жүйелер арқылы ресімделеді.

      29. Стационарға жоспарлы емдеуге жатқызу кезінде № ҚР ДСМ–175/2020 бұйрықпен бекітілген № 098/е "Зертханалық/диагностикалық зерттеу қызметтері/консультациялық қызметтерге № нәтиже" нысанына сәйкес, оның ішінде бес жасқа дейінгі балаларды, сондай-ақ емдеуші дәрігердің қорытындысы бойынша балаға күтім жасауды тікелей жүзеге асыратын басқа адамға анасының (әкесінің) немесе басқа адамның қосымша күтімін қажет ететін ауыр жағдайдағы үлкен жастағы балаларды тәулік бойы бақылайтын стационарда емдеу кезінде алып жүретін адамға немесе балаға қосымша күтім жасайтын адамға коронавирус инфекциясына (бұдан әрі - КВИ) полимераздық тізбектік реакция әдісімен тестілеу (бұдан әрі-ПТР-тестілеу) нәтижелерін немесе КВИ-ге қарсы вакцинацияның толық курсын алғанын дәлелдейтін құжатты қосымша ұсыну қажет.

      Пациент шұғыл тәртіппен тәулік бойы бақыланатын стационарға келіп түскен жағдайда міндетті түрде коронавирус инфекциясын жедел тестілеу үшін талдау алынады, оң нәтиже кезінде КВИ-ға ПТР-тестілеу жүргізіледі, оның ішінде бес жасқа дейінгі балалар және дәрігердің қорытындысы бойынша анасының (әкесінің) немесе басқа адамның қосымша күтімін қажет ететін ауыр жағдайдағы жоғары жастағы балаларды тәулік бойы бақылайтын стационарда емдеу кезінде балаға қосымша күтім жасайтын адамға ұсынылады.

      30. Медициналық авиацияның мобилдік бригадасы жеткізген пациент денсаулық сақтау ұйымы басшылығының алдын ала хабарламасы бойынша бейінді бөлімшеге жатқызылады.

      31. Шұғыл емдеуге жатқызу кезінде пациенттерді Порталда тіркеуді денсаулық сақтау ұйымының қабылдау бөлімшесінің мамандары жүзеге асырады.

      32. Порталда денсаулық сақтау ұйымының қабылдау бөлімшесіне жүгінген пациенттер туралы деректерді тіркеу пациенттерді емдеуге жатқызуға және емдеуге жатқызудан бас тартуды есепке алу үшін электрондық форматта жүзеге асырылады.

      33. Денсаулық сақтау ұйымдары апта сайын осы Стандартқа 6-қосымшаға сәйкес нысан бойынша МСАК ұйымына немесе басқа денсаулық сақтау ұйымына пациенттің шұғыл емдеуге жатқызудан бас тартуы туралы ақпаратты электрондық жеткізгіштерде жібереді.

      Пациентті шұғыл емдеуге жатқызудан бас тарту толтырылғаннан кейін құжат талап ету бойынша пациенттің немесе заңды уәкілінің қолына беріледі.

      34. Шұғыл жағдайларда пациент денсаулық сақтау ұйымының қабылдау бөлімшесіне жедел медициналық жәрдем станциясының (бөлімшесінің) бригадасымен, МСАК жанындағы ЖМК бөлімшесінің бригадасымен, санитариялық авиацияның ұтқыр бригадасымен, басқа денсаулық сақтау ұйымдарынан жеткізіледі немесе өз бетінше жүгінеді. Жекелеген жағдайларда пациенттерді денсаулық сақтау ұйымына азаматтар немесе құқық қорғау органдарының қызметкерлері жеткізеді.

      35. Пациентте ЖТМҚ көрсету үшін медициналық көрсетілімдер болған кезде емдеуге жатқызу ҚР ДСМ-238/2020 бұйрыққа сәйкес жүзеге асырылады.

      36. Пациентті тасымалдау кезінде жедел медициналық жәрдем станциясының немесе МСАК жанындағы ЖМК бөлімшесінің диспетчері денсаулық сақтау ұйымының қабылдау бөлімшесіне пациенттің жеткізілгені туралы хабарлайды.

      37. Шұғыл стационарлық медициналық көмекті қызмет түріне сәйкес және меншік нысанына қарамастан ТМККК және (немесе) МӘМС шеңберінде тәулік бойы бақыланатын стационарда медициналық көмек көрсететін денсаулық сақтау субъектісі көрсетеді.

      38. Қабылдау бөлімшесінде қайтыс болған жағдайда пациенттің қайтыс болу фактісі осы медициналық ұйымға тіркеледі.

      39. Пациентті емдеуге жатқызу кезінде қабылдау бөлімшесінің дәрігері және (немесе) мейіргері "Жедел медициналық жәрдем, оның ішінде медициналық авиацияны тарта отырып көрсету қағидаларын бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-225/2020 бұйрыққа (Нормативтік құқықтық актілерді мемлекеттік тіркеу тізілімінде № 21713 болып тіркелген) сәйкес триаж жүйесі бойынша бөледі.

      40. Пациенттің жай-күйін дәрігердің бағалауы аяқталғаннан кейін мейіргер түрлі-түсті (қызыл, сары, жасыл) таңбалауды жүргізеді.

      41. Пациентті бірінші топқа (қызыл аймақ) айқындау кезінде шұғыл медициналық көмек қарқынды терапия палатасы немесе операция жасау бөлмесі жағдайларында көрсетіледі.

      Жағдайы тұрақталған кезде пациент анестезиология, реаниматология және қарқынды терапия бөлімшесіне немесе денсаулық сақтау ұйымының бейінді бөлімшесіне ауыстырылады.

      42. Екінші топтағы пациент (сары аймақ) медицина қызметкерінің алып жүруімен диагностикалық палатаға жатқызылады. Динамикалық бақылау қажет болған жағдайда пациент диагностикалық палатада 24 сағатқа дейін болады. Осы кезеңде шұғыл емдеу-диагностикалық іс-шаралардың толық көлемі жүргізіледі.

      43. Үшінші топтағы (жасыл аймақ) пациент қабылдау бөлімшесінің қарау кабинетіне жіберіледі. Қарау кабинетінде емдеу тәсілін одан әрі айқындай отырып, диагноз қойылғанға дейін емдеу-диагностикалық іс-шаралардың қажетті көлемі жүргізіледі.

      Стационарға жатқызу үшін көрсетілімдер болмаған кезде қабылдау бөлімшесінің дәрігері пациентке № ҚР ДСМ-175/2020 бұйрықпен бекітілген емдеуге жатқызудан бас тартудың жазбаша негіздемесімен № 027/е нысаны бойынша анықтама береді.

      Қабылдау бөлімшесінің мейіргері активті пациенттің бекітілген жері (болған жағдайда) бойынша МСАК ұйымына жібереді.

      44. Емдеуге жатқызылмаған пациенттерге медициналық қызметтер көрсетілген және дәрілік заттар пайдаланылған жағдайда, деректер медициналық қызметтер және пайдаланылған дәрілік заттар тізіліміне осы Стандартқа 7-қосымшаға сәйкес нысан бойынша енгізіледі.

      45. Денсаулық сақтау ұйымына медициналық көмекке жүгінген кезде пациенттің психоактивті заттарды қолдану белгілері анықталған кезде медицина қызметкері бұл туралы медициналық картаға жазып, кейіннен медициналық картаға нәтижелерін енгізе отырып, психобелсенді заттың құрамын анықтау үшін биологиялық материалды алады.

      46. Пациент тәулік бойы бақыланатын стационарға келіп түскен кезде емдеуші дәрігер оны медициналық картаға белгі қоя отырып, денсаулық сақтау ұйымының ішкі тәртібінің қағидалары туралы хабардар етеді.

      Стационарлық жағдайларда медициналық көмек алатын пациенттің келу тәртібі денсаулық сақтау ұйымының ішкі тәртібінің қағидаларында белгіленеді.

      47. Медициналық көмек пациенттің не оның заңды өкілінің емдеу-диагностикалық іс-шараларды жүргізуге хабардар етілген жазбаша ерікті келісімін алғаннан кейін ұсынылады.

      Пациенттің хабардар етілген келісімі стационарлық пациенттің медициналық картасына 3-қосымша параққа сәйкес ресімделеді.

      48. Өз еркін білдіруге мүмкіндік бермейтін есеңгіреген, есеңгіреген күйдегі; айналасындағыларға қауіп төндіретін аурулардан зардап шегуші; психикасының ауыр бұзылуынан (ауруынан) зардап шегуші; психикасының бұзылуынан (ауруынан) зардап шегуші және қоғамға қауіпті іс-әрекет жасаған адамдарға қатысты медициналық көмек келісімінсіз көрсетуге жол беріледі.

      Пациенттердің келісімінсіз медициналық көмек көрсету жоғарыда көрсетілген жағдайлар жойылғанға дейін жалғасады.

      49. Туыстарының және отбасының өзге де мүшелерінің немесе заңды өкілдерінің шектеу іс-шаралары енгізілген жағдайлардан басқа медициналық ұйымда, оның ішінде қарқынды терапия және реанимация бөлімшесі (палатасы) жағдайында емделіп жатқан пациентке баруына жол беріледі.

      50. Кәмелетке толмағандарға және сот әрекетке қабілетсіз деп таныған адамдарға қатысты медициналық көмек алуға пациенттің ақпараттандырылған келісімін олардың заңды өкілдері береді.

      Заңды өкілдері болмаған кезде медициналық көмек көрсету туралы шешімді консилиум, ал консилиум жинау мүмкін болмаған кезде денсаулық сақтау ұйымының лауазымды адамдарын кейіннен хабардар ете отырып, тікелей медицина қызметкері қабылдайды.

      51. Медициналық көмек алу кезінде пациент өз денсаулығының жай-күйі туралы, оның ішінде емдеудің ықтимал қаупі мен артықшылықтары, ұсынылатын және баламалы әдістері туралы деректер, емделуден бас тартудың ықтимал салдарлары туралы мәліметтер, емделуші үшін қолжетімді нысандағы диагноз, емдік іс-шаралардың болжамы мен жоспары туралы ақпарат, сондай-ақ үйге шығу немесе басқа денсаулық сақтау ұйымына ауыстыру себептері туралы толық ақпарат алады.

      52. Жоғары медициналық білімі бар медицина қызметкері (бұдан әрі – дәрігер) пациентті стационарға келіп түскен күні қарайды, оған қажетті емдеуді тіркейді және тағайындалған емдеу-диагностикалық іс-шаралар туралы хабардар етеді.

      53. Емдеу-диагностикалық іс-шараларды жүргізу, дәрі-дәрмекпен қамтамасыз ету, емдік тамақтануды ұйымдастыру және пациенттің тиісті күтімі денсаулық сақтау ұйымына келіп түскен сәттен бастап жүзеге асырылады.

      54. Пациенттерді санитариялық өңдеу "Денсаулық сақтау объектілеріне қойылатын санитариялық-эпидемиологиялық талаптар" Санитариялық қағидаларын бекіту туралы" Қазақстан Республикасы Денсаулық сақтау министрінің 2020 жылғы 11 тамыздағы № ҚР ДСМ - 96/2020 бұйрығына (Нормативтік құқықтық актілерді мемлекеттік тіркеу тізілімінде № 21080 болып тіркелген) сәйкес жүргізіледі.

      55. "Тегін медициналық көмектің кепілдік берілген көлемі шеңберінде емдеу кезінде стационарлық жағдайда мамандырылған медициналық көмек көрсетілетін инфекциялық, паразиттік аурулар және айналадағыларға қауіп төндіретін аурулардың тізбесін бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 28 қазандағы № ҚР ДСМ-162/2020 бұйрығына (Нормативтік құқықтық актілерді мемлекеттік тіркеу тізілімінде № 21537 болып тіркелген) сәйкес тәулік бойы бақыланатын стационарда қауіп төндіретін аурулары бар пациенттерді бөлек орналастыруға арналған палаталар немесе бокстар көзделеді.

      56. Тәулік бойы бақыланатын стационардағы пациенттерді емдеуші дәрігер күн сайын тексеріп отыруға тиіс.

      Кешкі, түнгі уақытта, демалыс және мереке күндері еңбек заңнамасына сәйкес - консультацияны немесе консилиумды денсаулық сақтау ұйымының жауапты кезекші дәрігері ұйымдастырады.

      Кезекші дәрігер қосымша диагностикалық және емдік манипуляцияларды қарау және тағайындау кезінде медициналық картада тиісті жазбалар жүргізеді.

      Пациенттің жағдайы нашарлаған кезде кезекші дәрігер бөлімше меңгерушісін және (немесе) емдеуші дәрігерді хабардар етеді, диагностика және емдеу процесіне өзгерістер енгізуді келіседі және медициналық картаға (қағаз және (немесе) электрондық) жазба жасайды.

      Медициналық картаның электрондық нұсқасына пациенттің жағдайы өзгерген сәттен бастап бір тәуліктен кем емес уақытта енгізіледі.

      Аурудың ауыр және өте ауыр ағымында жазбалардың көптігі жағдайдың ауырлық динамикасына байланысты. Дәрігердің жазбалары пациенттің жай-күйіндегі нақты өзгерістерді және тағайындауларды түзету қажеттілігін, тағайындалған тексеру мен емдеудің негіздемесін, алынған нәтижелерді және жүргізілген емнің тиімділігін бағалауды және түсіндіруді көрсетуі тиіс. Кезек күттірмейтін жағдайларда сағат және минут бойынша шұғыл көмек көрсету уақытын көрсете отырып, қарап-тексеру еселігі кемінде әрбір үш сағат сайын.

      57. Клиникалық диагноз бөлімше меңгерушісімен бірлесіп, пациентті денсаулық сақтау ұйымына емдеуге жатқызған күннен бастап күнтізбелік үш күннен кешіктірмей (пациентті психикалық, мінез-құлық бұзушылықтармен (аурулармен) адамдарды денсаулық саласында медициналық-әлеуметтік көмек көрсететін ұйымға емдеуге жатқызған күннен бастап күнтізбелік он күннен кешіктірмей белгіленеді.

      Клиникалық диагноз белгіленген күні медициналық картада тиісті жазба жасалады.

      58. Бөлімше меңгерушісі ауыр науқастарды емдеуге жатқызу күні, кейіннен – күн сайын қарайды. Орташа ауыр жағдайдағы пациенттер аптасына кемінде бір рет қаралады.

      Пациентті қарап-тексеру нәтижелері медициналық картаға жазып отырған медицина қызметкерін міндетті түрде сәйкестендіре отырып, пациентті одан әрі жүргізу тактикасы жөніндегі ұсынымдарды көрсете отырып тіркеледі.

      59. Бес жасқа дейінгі балаларды, сондай-ақ емдеуші дәрігердің қорытындысы бойынша балаға күтім жасауды тікелей жүзеге асыратын басқа адамға қосымша анасының (әкесінің) немесе басқа адамның күтімін қажет ететін ауыр жағдайдағы үлкен жастағы балаларды тәулік бойы бақылайтын стационарда емдеу кезінде алып жүретін адамға немесе балаға қосымша күтім жасайтын адамға "Еңбекке уақытша жарамсыздыққа сараптама жүргізу, сондай-ақ еңбекке уақытша жарамсыздық парағын немесе анықтамасын беру қағидаларын бекіту туралы" Қазақстан Республикасы Денсаулық сақтау министрінің 2020 жылғы 18 қарашадағы № ҚР ДСМ-198/2020 бұйрыққа (Нормативтік құқықтық актілерді мемлекеттік тіркеу тізілімінде № 21660 болып тіркелген) сәйкес еңбекке уақытша жарамсыздық туралы парақ беріліп, онымен медициналық ұйымда, сондай-ақ еңбекке уақытша жарамсыздық парағын немесе анықтамасын беру" мемлекеттік көрсетілетін қызмет стандартына сәйкес жүзеге асырылады.

      Бір жасқа дейінгі баланы емізетін ана бала күтімі бойынша денсаулық сақтау ұйымында болған барлық кезеңге тегін тамақпен қамтамасыз етіледі.

      60. Мектеп жасындағы балаларға стационарлық емдеу кезеңінде көп бейінді балалар тәулік бойы бақыланатын стационарда үздіксіз білім алу үшін жағдайлар жасалады.

      61. Көпбейінді балалар ауруханаларының пациенттеріне ойын ойнауға, демалуға және тәрбие жұмыстарын жүргізуге жағдай жасалады.

      62. Стационарда медициналық көмек көрсету кезінде диагнозды сәйкестендіруде қиындықтар, жүргізіліп жатқан емнің тиімсіздігі кезінде, бөлімше меңгерушісі және (немесе) басшының медициналық бөлім бойынша орынбасары консультацияны (біліктілігі анағұрлым жоғары немесе басқа бейіндегі маманның пациентті қарап-тексеруі) немесе консилиумды, денсаулық сақтау саласындағы ғылыми ұйымдардың бейінді маманын қоса алғанда (көрсеткіштері бойынша) ұйымдастырады.

      63. Медициналық көрсетілімдер бойынша өмірлік маңызды функциялардың тұрақты мониторингін қажет ететін ауыр пациентті қажетті интрументальды және зертханалық сүйемелдеу болмаған жағдайда, консилиумның шешімі және денсаулық сақтау ұйымдарының басшыларын хабардар ету бойынша осы пациент жай-күйі тұрақтанғаннан кейін одан әрі тексеру және емдеу үшін ауру бейіні бойынша басқа медициналық ұйымға ауыстырылады.

      64. Стационардан шығару өлшем шарттары мыналар болып табылады:

      1) емдеудің жалпы қабылданған нәтижелері (сауығу, жақсару, өзгеріссіз, өлім, басқа медициналық ұйымға ауыстырылған);

      2) пациенттің өміріне немесе айналасындағыларға тікелей қауіп болмаған кезде пациенттің немесе оның заңды өкілінің жазбаша өтініші;

      3) денсаулық сақтау ұйымы белгілеген ішкі тәртіп қағидаларын бұзу жағдайлары, сондай-ақ емдеу-диагностикалық процесс үшін кедергілер жасау, басқа пациенттердің тиісті медициналық көмек алуға (оның өміріне тікелей қауіп болмаған кезде) құқықтарына қысым жасау болып табылады, бұл туралы медициналық картаға жазылады.

      65. Стационарлық қарауларда емдеу аяқталғаннан кейін пациентке жүргізілген зерттеп-қараулар мен емдеудің нәтижелері және пациентті емдеудің одан арғы тәсілі жөніндегі ұсынымдары бар медициналық картасынан үзінді көшірме беріледі.

      Үзінді көшірме бойынша деректер медициналық ақпараттық жүйелерге көшірменің нақты уақытын көрсете отырып, тәулік бойы енгізіледі.

      66. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Стандартқа 8-қосымшаға сәйкес "Стационарлық науқастың медициналық картасынан үзінді көшірме беру" мемлекеттік көрсетілетін қызмет стандартында келтірілген.

      "Стационарлық науқастың медициналық картасынан үзінді көшірме беру" мемлекеттік көрсетілетін қызметті (бұдан әрі – мемлекеттік көрсетілетін қызмет) алу үшін көрсетілетін қызметті алушы стационарлық көмек көрсететін медициналық ұйымдарға (бұдан әрі – көрсетілетін қызметті беруші) немесе "электрондық үкімет" порталы (бұдан әрі - портал) арқылы жүгінеді.

      Көрсетілетін қызметті алушы барлық қажетті құжаттарды тапсырған кезде портал арқылы "жеке кабинетіне" көрсетілетін қызметті берушінің уәкілетті тұлғаның ЭЦҚ-мен қол қойылған мемлекеттік қызмет көрсету нәтижесі туралы мемлекеттік қызмет көрсету нәтижесін алу күні туралы хабарлама жіберіледі.

      Көрсетілетін қызметті алушы жұмыс уақыты аяқталғаннан кейін, еңбек заңнамасына сәйкес демалыс және мереке күндері жүгінген кезде өтініштерді қабылдау және мемлекеттік қызметті көрсету нәтижелерін беру келесі жұмыс күні жүзеге асырылады.

      Көрсетілетін қызметті алушы көрсетілетін қызметті берушіге құжаттарды ұсынған кезде немесе оларды портал арқылы жіберген кезде стационарлық көмек көрсететін денсаулық сақтау ұйымдарының дәрігері мемлекеттік қызмет көрсету стандартының 8-тармағына сәйкес олардың толықтығын тексеруді жүзеге асырады.

      Көрсетілетін қызметті берушіге мемлекеттік қызмет көрсету стандартының 8-тармағында көзделген тізбеге сәйкес құжаттар топтамасы толық ұсынылмаған және (немесе) қолданылу мерзімі өтіп кеткен құжаттар ұсынылған жағдайда, көрсетілетін қызметті беруші өтінішті қабылдаудан бас тартады.

      Көрсетілетін қызметті алушы мемлекеттік қызмет көрсету стандартының 8-тармағында көзделген тізбеге сәйкес құжаттардың толық топтамасын ұсынбаған кезде көрсетілетін қызметті беруші портал арқылы көрсетілетін қызметті берушінің уәкілетті тұлғаның ЭЦҚ қойылған электрондық құжат нысанындағы өтінішті одан әрі қараудан бас тартуды көрсетілетін қызметті алушының "электрондық үкімет" порталындағы жеке кабинетіне жібереді.

      Мемлекеттік көрсетілетін қызметті одан әрі қараудан бас тарту көрсетілетін қызметті беруші басшысының немесе оның міндетін атқарушы тұлғаның қолы қойылған, өтінішті одан әрі қараудан бас тарту негіздері көрсетіле отырып, жеке хатпен ресімделеді.

      Жеке басты куәландыратын құжат туралы мәліметтерді көрсетілетін қызметті беруші порталда тіркелген пайдаланушының ұялы байланысының абоненттік нөмірі арқылы ұсынылған құжат иесінің келісімі болған жағдайда портал хабарламасына жауап ретінде бір реттік пароль беру арқылы немесе қысқа мәтіндік хабарлама жіберу арқылы іске асырылған интеграция арқылы цифрлық құжаттар сервисінен (сәйкестендіру үшін) алады.

      Құжаттардың толық топтамасы ұсынылған және осы Стандарттың талаптарына сәйкес келген жағдайда, стационарлық көмек көрсететін денсаулық сақтау ұйымдарының дәрігері стационарлық науқастың медициналық картасынан үзінді көшірмені ресімдейді, оған бөлімше меңгерушісі қол қояды және денсаулық сақтау ұйымының жауапты маманына береді.

      Денсаулық сақтау ұйымының жауапты маманы стационарлық науқастың медициналық картасынан үзіндіні тіркейді, көрсетілетін қызметті берушінің мөрін қояды және стационарлық науқастың медициналық картасынан үзіндіні көрсетілетін қызметті алушыға береді.

      Мемлекеттік қызмет стандартының 9-тармағында көзделген мемлекеттік қызмет көрсетуден бас тарту үшін негіздер болған жағдайда стационарлық көмек көрсететін денсаулық сақтау ұйымдарының дәрігері мемлекеттік қызмет көрсетуден бас тартуды қалыптастырады.

      Мемлекеттік қызметті көрсету нәтижесі - қағаз түрінде стационарлық науқастың медициналық картасынан үзінді көшірме немесе мемлекеттік қызметті көрсетуден дәлелді бас тарту болып табылады.

      Көрсетілетін қызметті алушы портал арқылы жүгінген кезде мемлекеттік қызметті көрсету нәтижесін көрсетілетін қызметті беруші көрсетілетін қызметті алушының порталдағы жеке кабинетіне көрсетілетін қызметті берушінің ЭЦҚ-сы қойылған электрондық құжат нысанында жібереді.

      67. Көрсетілетін қызметті беруші Заңның 5-бабы 2-тармағының 11) тармақшасына сәйкес тәртіппен мемлекеттік қызметтер көрсетуді мониторингтеу мақсатында мониторингтің ақпараттық жүйесіне "Стационарлық науқастың медициналық картасынан үзінді көшірме беру" мемлекеттік қызметті көрсету туралы деректерді енгізуді қамтамасыз етеді.

3-параграф. "Санаторийлік-курорттық емделуге қажеттілігі туралы қорытынды беру" мемлекеттік көрсетілетін қызметтерді көрсету тәртібі

      68. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Стандартқа 9-қосымшаға сәйкес "Санаторийлік-курорттық емделуге қажеттілігі туралы қорытынды беру" (бұдан әрі – мемлекеттік көрсетілетін қызмет) мемлекеттік көрсетілетін қызмет стандартында келтірілген.

      69. "Санаторийлік-курорттық емделуге қажеттілігі туралы қорытынды беру" мемлекеттік көрсетілетін қызметті (бұдан әрі – мемлекеттік көрсетілетін қызмет) алу үшін көрсетілетін қызметті алушы медициналық-санитариялық алғашқы көмек көрсететін медициналық ұйымдарға (бұдан әрі – көрсетілетін қызметті беруші) немесе "электрондық үкімет" порталы (бұдан әрі-портал) арқылы жүгінеді.

      Көрсетілетін қызметті алушы барлық қажетті құжаттарды тапсырған кезде портал арқылы "жеке кабинетке" көрсетілетін қызметті берушінің уәкілетті тұлғаның ЭЦҚ-мен қол қойылған мемлекеттік қызмет көрсету нәтижесін алу күні туралы хабарлама жіберіледі.

      Көрсетілетін қызметті алушы жұмыс уақыты аяқталғаннан кейін еңбек заңнамасына сәйкес демалыс және мереке күндері жүгінген кезде өтініштерді қабылдау және мемлекеттік қызметті көрсету нәтижелерін беру келесі жұмыс күні жүзеге асырылады.

      Көрсетілетін қызметті алушы көрсетілетін қызметті берушіге құжаттарды ұсынған кезде немесе оларды портал арқылы жіберген кезде стационарлық көмек көрсететін денсаулық сақтау ұйымдарының дәрігері мемлекеттік қызмет көрсету стандартының 8-тармағына сәйкес олардың толықтығын тексеруді жүзеге асырады.

      Көрсетілетін қызметті берушіге мемлекеттік қызмет көрсету стандартының 8-тармағында көзделген тізбеге сәйкес құжаттар топтамасы толық ұсынылмаған және (немесе) қолданылу мерзімі өтіп кеткен құжаттар ұсынылған жағдайда көрсетілетін қызметті беруші өтінішті қабылдаудан бас тартады.

      Көрсетілетін қызметті алушы мемлекеттік қызмет көрсету стандартының 8-тармағында көзделген тізбеге сәйкес құжаттардың толық топтамасын ұсынбаған кезде көрсетілетін қызметті беруші портал арқылы көрсетілетін қызметті берушінің уәкілетті тұлғаның ЭЦҚ қойылған электрондық құжат нысанындағы өтінішін одан әрі қараудан бас тартуды көрсетілетін қызметті алушының порталдағы жеке кабинетіне жібереді.

      Мемлекеттік қызметті одан әрі қараудан бас тарту көрсетілетін қызметті беруші басшысының немесе оның міндетін атқарушы тұлғаның қолы қойылған, өтінішті одан әрі қараудан бас тарту негіздері көрсетіле отырып, жеке хатпен ресімделеді.

      Жеке басты куәландыратын құжат туралы мәліметтерді көрсетілетін қызметті беруші порталда тіркелген пайдаланушының ұялы байланысының абоненттік нөмірі арқылы ұсынылған құжат иесінің келісімі болған жағдайда портал хабарламасына жауап ретінде бір реттік пароль беру арқылы немесе қысқа мәтіндік хабарлама жіберу арқылы іске асырылған интеграция арқылы цифрлық құжаттар сервисінен (сәйкестендіру үшін) алады.

      Құжаттардың толық топтамасы ұсынылған және осы Стандарттың талаптарына сәйкес келген жағдайда, стационарлық көмек көрсететін денсаулық сақтау ұйымдарының дәрігері стационарлық науқастың медициналық картасынан үзінді көшірмені ресімдейді, оған бөлімше меңгерушісі қол қояды және денсаулық сақтау ұйымының жауапты маманына береді.

      Денсаулық сақтау ұйымының жауапты маманы санаторийлік-курорттық картаны тіркейді, көрсетілетін қызметті берушінің мөрін қояды және көрсетілетін қызметті алушыға береді.

      Мемлекеттік қызмет стандартының 9-тармағында көзделген мемлекеттік қызмет көрсетуден бас тарту үшін негіздер болған жағдайда стационарлық көмек көрсететін денсаулық сақтау ұйымдарының дәрігері мемлекеттік қызмет көрсетуден бас тартуды қалыптастырады.

      Мемлекеттік қызметті көрсету нәтижесі: 069/е нысаны бойынша қағаз түрінде берілген санаторийлік-курорттық карта немесе мемлекеттік қызметті көрсетуден дәлелді бас тарту болып табылады.

      Көрсетілетін қызметті алушы портал арқылы жүгінген кезде мемлекеттік қызметті көрсету нәтижесін көрсетілетін қызметті беруші көрсетілетін қызметті алушының порталдағы жеке кабинетіне көрсетілетін қызметті берушінің ЭЦҚ-сы қойылған электрондық құжат нысанында жібереді.

      70. Көрсетілетін қызметті беруші Заңның 5-бабы 2-тармағының 11) тармақшасына сәйкес тәртіппен мемлекеттік қызметтер көрсетуді мониторингтеу мақсатында мониторингтің ақпараттық жүйесіне "Санаторийлік-курорттық емделуге қажеттілігі туралы қорытынды беру" мемлекеттік қызмет көрсету туралы деректерді енгізуді қамтамасыз етеді.

3-тарау. Көрсетілетін қызметті берушінің және (немесе) оның лауазымды адамдарының мемлекеттік қызметтерді көрсету мәселелері бойынша шешімдеріне, әрекетіне (әрекетсіздігіне) шағымдану тәртібі

      71. Көрсетілетін қызметті берушінің және (немесе) олардың қызметкерлерінің мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағым көрсетілетін қызметті беруші басшысының атына беріледі.

      "Мемлекеттік көрсетілетін қызметтер туралы" Заңның 25-бабының 2-тармағына сәйкес мемлекеттік қызметті тікелей көрсететін көрсетілетін қызметті берушінің атына келіп түскен көрсетілетін қызметті алушының шағымы тіркелген күнінен бастап бес жұмыс күні ішінде қаралуға жатады.

      72. Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      Портал арқылы жүгінген кезде шағымдану тәртібі туралы ақпаратты мемлекеттік қызметтер көрсету мәселелері жөніндегі бірыңғай байланыс орталығының телефоны бойынша алуға болады.

      73. Шағымды мемлекеттік қызметтер көрсету мәселелері бойынша сотқа дейінгі тәртіппен қарауды жоғары тұрған әкімшілік орган, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым шешіміне, әрекетіне (әрекетсіздігіне) шағым жасалып отырған көрсетілетін қызметті берушіге беріледі.

      74. Шешіміне, әрекетіне (әрекетсіздігіне) шағым жасалған көрсетілетін қызметті беруші шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте шешіміне, әрекетіне (әрекетсіздігіне) шағым жасалып отырған көрсетілетін қызметті беруші, егер ол үш жұмыс күні ішінде шешімді не шағымда көрсетілген талаптарды толық қанағаттандыратын өзге де әкімшілік әрекетті қабылдаса, шағымды қарайтын органға шағым жібермеуге құқылы.

      75. Егер заңда өзгеше көзделмесе, сотқа жүгінуге сотқа дейінгі тәртіппен шағым жасалады.

      Форма
Нысан

Күту парағы

Лист ожидания _____________________________________

      Облыс/Қала Күні Область/Город ______________ Дата ______________

      (Продолжение таблицы) (Кестенің жалғасы)

      Форма
Нысан

ЖОСПАРЛЫ ЕМДЕУГЕ ЖАТҚЫЗУ ТАЛОНЫ
ТАЛОН ПЛАНОВОЙ ГОСПИТАЛИЗАЦИИ

      Коды/Код ________________________________________

      Құжатты қалыптастыру күні _________ Құжатты қалыптастыру уақыты _____________

      (Дата формирования документа) (Время формирования документа)

      Азамат (ша) (Гражданин (ка))

      ____________________________________________________________________
(тегi, аты, әкесiнiң аты (болған жағдайда) /фамилия, имя, отчество (при его наличии)

      Туған күні (Дата рождения) _________________ Пол (Жынысы) ___________

      Диагнозы (Диагноз)

      ____________________________________________________________________

      ____________________________________________________________________

      Жіберілді (Направляется)

      ____________________________________________________________________

      кім (кем)

      Жіберілді (Направляется в)

      _____________________________________________________________________

      қайда (куда)

      Емханамен белгіленген жоспарлы емдеуге жатқызу күні

      _____________________________

      Дата планируемой госпитализации, определенная поликлиникой

      Емдеуге жатқызу коды бойынша Қазақстан Республика стационарларындағы бос төсектер жөніндегі ақпаратты және Сізді емдеуге жатқызу жоспарланған стационарыңыздағы кезегіңізді www.bg.eicz.kz сайтынан қарай аласыз.

      По коду госпитализации Вы можете просмотреть на сайте www.bg.eisz.kz информацию о свободных койках в стационарах Республики Казахстан и свою очередность в стационар, куда планируется Ваша госпитализация

      Форма

      Нысан

Бос төсектерді тіркеу парағы Лист учета свободных коек

      Облыс/Қала Күні Область/Город _______________ Дата _____________

      Форма

      Нысан

Стационарға емдеуге жатқызу жолдамасы Направление на госпитализацию в стационар

      Коды/Код __________________________________

      _____________________________________________________________________

      Бағыттаушы медициналық ұйымның атауы (наименование направляющей медицинской организации*)

      Жіберілді (Направляется в)

      _____________________________________________________________________

      Медициналық ұйым, бөлiмшенiң атауы (наименование медицинской организации, отделение)

      Азамат (ша) (Гражданин (ка))

      _____________________________________________________________________

      (тегi, аты, әкесiнiң аты (болған жағдайда) /фамилия, имя, отчество (при его наличии)

      Туған күнi (Дата рождения) __________________________________________

      Амбулаториялық науқастың медициналық картасының № ___________________

      (№ медицинской карты амбулаторного пациента)

      Мекенжайы (Домашний адрес)

      _____________________________________________________________________

      Жұмыс немесе оқу орны (Место работы или учебы)

      _____________________________________________________________________

      Диагноз/диагноз______________________________________________________

      _____________________________________________________________________

      Халықаралық аурулар жиынтығының коды (код по Международной классификации болезней)

      _____________________________________________________________________

      Өңірлік комиссияға кім жіберді

      Кем направлен на региональную комиссию

      _____________________________________________________________________

      Хаттаманың № __________________________ Хаттаманың күні

      ______________________

      № протокола

      Дата протокола

      Тіркеу күні _________________________________________________________

      (Дата регистрации) __________________________________________________

      Жоспарлы емдеуге жатқызу күні________________________________________

      (Дата планируемой госпитализации) ___________________________________

      Тегі, аты, әкесінің аты (болған жағдайда), дәрiгердiң коды /(Фамилия, Имя, Отчество

      (при его наличии), код врача)

      Дәрiгер (Врач) __________________________
қолы (подпись)

      Объективті себептер бойынша белгіленген емдеуге жатқызу күнінде келу мүмкіндігі
болмаған және растау құжаттары болған жағдайда Сізге бұл туралы медицина-санитариялық
алғашқы көмек ұйымын, медициналық ұйымды немесе стационарды хабардар ету қажет.
Хабардар етпеген жағдайда, стационар емдеуге жатқызудан бас тартады.

      В случае невозможности по объективным причинам явиться в установленную дату
плановой госпитализации и наличии подтверждающих документов Вам необходимо известить
организацию первичной медико-санитарной помощи, медицинскую организацию или
стационар. При не оповещении, стационаром будет отказано в госпитализации.

      Стационарды және емдеуге жатқызу күнін таңдауға келісемін

      С выбором стационара и датой госпитализации согласен(а)

      Пациенттің қолы _________ Подпись пациента_________

      Нысан

      Нысан

Науқасты шұғыл емдеуге жатқызудан бас тарту

      Тегі ____________________ Аты ____________________________________
Әкесінің аты _____________________________________________________
(бар болған кезде)

      Жынысы:

      ер,

      әйел,

      айқындалмаған

      Туған күні _______ күні ___________ айы_______ жылы

      Үй мекенжайы

      _____________________________________________________________________

      Тұрғын:

      қала,

      Ауыл

      Жұмыс/оқу орыны __________________________________________________________

      Телефондары: _____________________________________________________________

      Жеңілдік санаты___________________________________________________________

      Тіркелген __________________________________________________________

      (МҰ атауын көрсету)

      "Науқасты тіркеу туралы деректер ТХТ-да жоқ"

      Кім жіберді:

      өз бетінше жүгіну

      МСАК ұйымы

      консультациялық-диагностикалық көмек ұйымы

      жедел көмек

      басқа стационар

      перзентхана

      әскери комиссариат

      өзгелері

      Жүгіну түрлері: жоспарлы, шұғыл (қажеттісінің астын сызу)

      Емдеуге жатқызудан бас тартқан медициналық ұйым:___________________________

      Бас тарту себебі: ___________________________________________________________

      Орындалған қызметтер:

      Орындалған операциялар/манипуляциялар:

       Пайдаланылған дәрі-дәрмектер:

      Ұсынымдар:

      -амбулаториялық ем;

      -ұсынылған дәрілік заттар (препараттың атауын, дозасын, қабылдау қысқалығын көрсету)

      ____________________________________________________________________

      _____________________________________________________________________

      -бейінді маманның консультациясы (бейінді көрсету)

      _____________________________________________________________________

      Басқа ұсынымдар: ________________________________________________

      ____________________________________________________________________

      Бас тартуды тіркеу күні:_______күні ________айы_______ жыл

      Науқас _____________________________________________________________

      (Науқастың тегі, аты, әкесінің аты (бар болған кезде)

      Науқастың қолы_____________________________________________________

      Дәрігер: _______________________________________________________________

      (Науқастың тегі, аты, әкесінің аты (бар болған кезде)

      Бас тартқан дәрігердің қолы____________________________________________

      Нысан

Емдеуге жатқызылмаған пациенттерге медициналық қызметтер көрсетілген және дәрілік заттар пайдаланылған тізбесі

      (20__ жылғы __ ___ бастап – 20__ жылғы __ __ аралығында)

      Медициналық ұйым: ____________________________________________

      Қалыптастыру күні: _________________________

      Нысан

Тәулік бойы бақыланатын стационарға емделуге жататын АХЖ – 10 кодтары бойынша диагноздардың тізбесі