Республикалық маңызы бар автомобиль жолының Қапшағай – Талдықорған учаскесін ақылы негізде пайдалану туралы

      "Автомобиль жолдары туралы" Қазақстан Республикасы Заңының 12-бабы 2-тармағының 29) тармақшасына сәйкес БҰЙЫРАМЫН:

      1. Мыналар:

      1) I-б санатты Алматы – Өскемен – Шемонайха – Ресей Федерациясының шекарасы (Сарқанд, Аягөз айналма жолдарымен және Мұқры шатқалына кіреберісімен) республикалық маңызы бар жалпыға ортақ пайдаланылатын автомобиль жолының Қапшағай – Талдықорған 67+000 километр (бұдан әрі – км) – 253+000 км учаскесі ақылы негізде (бұдан әрі – ақылы жол (учаске)) пайдаланылатыны;

      2) жүріп өту мынадай баламалы жол арқылы жүзеге асырылуы мүмкін: Өзбекстан Республикасының шекарасы (Ташкентке) – Көкпек, Көктал, Қайнар арқылы Шымкент – Тараз – Алматы – Қорғас республикалық маңызы бар автомобиль жолының Алматы – Көкпек – Көктал учаскесі, Сарыөзек – Көктал республикалық маңызы бар автомобиль жолының "Көктал – Байғазы" учаскесі, Қоғалы – Көксу – Қарабұлақ облыстық маңызы бар автомобиль жолының Байғазы – Қоғалы – Қарабұлақ – Талдықорған учаскесі;

      3) ақылы жолдың бастапқы пункті – 67+000 км, ақылы жолдың (учаскенің) соңғы пункті – 253+000 км;

      4) ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі осы бұйрыққа 1-қосымшаға сәйкес;

      5) ақылы жолдың (учаскенің) техникалық сыныптамасы – І-б санатты, ақылы жолдың (учаскенің) негізгі параметрлері:

      автомобиль жолымен жүріп өту белдеуінің ені – кемінде 3,75 метр;

      автомобиль жолындағы қозғалыс белдеулерінің саны – екі бағытта 2 белдеу;

      6) ақылы жолдың (учаскенің) ұзақтығы – 186 км;

      7) ақылы автомобиль жолы арқылы жүріп өту үшін төлем мөлшерлемелері осы бұйрыққа 2-қосымшаға сәйкес айқындалады;

      8) басқа автомобиль жолымен баламалы түрде жүре алмайтын, іргелес елді мекендердің тізбесі осы бұйрыққа 3-қосымшаға сәйкес;

      9) ақылы жолды (учаскені) ақылы негізде пайдалану мерзімі – 20 жыл деп белгіленсін.

      2. Қазақстан Республикасы Индустрия және инфрақұрылымдық даму министрлігінің Автомобиль жолдары комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі

Ақылы автомобиль жолы (учаскесі) бойынша жүріп өту үшін төлем мөлшерлемелері

      I-б санатты Алматы – Өскемен – Шемонайха – Ресей Федерациясының шекарасы (Сарқанд, Аягөз айналма жолдарымен және Мұқры шатқалына кіреберісімен) республикалық маңызы бар жалпыға ортақ пайдаланылатын автомобиль жолының Қапшағай – Талдықорған 67+000 км – 253+000 км учаскесі:

      Ескертпе:

      1) аймақ – өзінің ұзақтығы бар және көлік құралының жүк көтергіштігіне және түріне байланысты жүріп өткені үшін белгілі бір ақы мөлшерлемесі бар ақылы автомобиль жолындағы (учаскедегі) жол кесіндісі;

      2) жергілікті көлік – бір аудан шегінен тыс қозғалу кезінде республикалық маңызы бар жалпыға ортақ пайдаланылатын ақылы автомобиль жолына (учаскесіне) іргелес әкімшілік-аумақтық бірлікте (облыстың ауданы) белгіленген тәртіппен тіркелген автокөлік;

      3) жергілікті жеңіл көлік үшін күнтізбелік 365 күнге екі бағытқа да барлық маршрут үшін 1 000 теңге мөлшерінде жол жүру үшін абоненттік төлемақы төлеу көзделген.

Басқа автомобиль жолымен баламалы түрде жүре алмайтын, іргелес елді мекендердің тізбесі