Республикалық маңызы бар автомобиль жолының Нұр-Сұлтан – Павлодар учаскесін ақылы негізде пайдалану туралы

      "Автомобиль жолдары туралы" Қазақстан Республикасы Заңының 12-бабы 2-тармағының 29) тармақшасына сәйкес БҰЙЫРАМЫН:

      1. Мыналар:

      1) І-а санатты Нұр-Сұлтан – Ерейментау – Шідерті республикалық маңызы бар жалпыға ортақ пайдаланылатын, І-а санатты Қызылорда – Павлодар – Успенка – Ресей Федерациясының шекарасы республикалық маңызы бар жалпыға ортақ пайдаланылатын Нұр-Сұлтан – Павлодар 16+000 километр (бұдан әрі – км) – 1367+000 км учаскесі ақылы негізде (бұдан әрі – ақылы жол (учаске)) пайдаланылатыны;

      2) жүріп өту мынадай баламалы жол арқылы жүзеге асырылуы мүмкін: республикалық маңызы бар Нұр-Сұлтан – Қабанбай батыр – Киевка – Теміртау автомобиль жолы, республикалық маңызы бар Бастау – Ақтау – Теміртау автомобиль жолының Теміртау – Ақтау учаскесі, республикалық маңызы бар Қарағанды – Аягөз – Бұғаз автомобиль жолының Ақтау – Ульяновск учаскесі, республикалық маңызы бар Қалқаман – Баянауыл – Үміткер – Ульяновск автомобиль жолы, облыстық маңызы бар Беловка – Қалқама автомобиль жолы, республикалық маңызы бар Ленинский – Ақсу – Көктөбе – Үлкен Ақжар – Курчатов автомобиль жолының Беловка-Ленинский учаскесі, Ертіс өзені арқылы өтетін көпір өткелі республикалық маңызы бар автомобиль жолы;

      3) ақылы жолдың (учаскенің) бастапқы пункті – 16+000 км, ақылы жолдың (учаскенің) соңғы пункті – 1367+000 км;

      4) ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі осы бұйрыққа 1-қосымшаға сәйкес;

      5) ақылы жолдың (учаскенің) техникалық сыныптамасы – І-а санаты, ақылы жолдың (учаскенің) негізгі параметрлері:

      автомобиль жолымен жүріп өту белдеуінің ені – кемінде 3,75 метр;

      автомобиль жолындағы қозғалыс белдеулерінің саны – екі бағытта 4 белдеу;

      6) ақылы жолдың (учаскенің) ұзақтығы – 375 км;

      7) ақылы автомобиль жолы арқылы жүріп өту үшін төлем мөлшерлемелері осы бұйрыққа 2-қосымшаға сәйкес айқындалатыны;

      8) басқа автомобиль жолымен баламалы түрде жүре алмайтын, іргелес елді мекендердің тізбесі осы бұйрыққа 3-қосымшаға сәйкес;

      9) ақылы жолды (учаскені) ақылы негізде пайдалану мерзімі – 20 жыл деп белгіленсін.

      2. Қазақстан Республикасы Индустрия және инфрақұрылымдық даму министрлігінің Автомобиль жолдары комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі

Ақылы автомобиль жолы (учаскесі) бойынша жүріп өту үшін төлем мөлшерлемелері

      І-а санатты Нұр-Сұлтан – Ерейментау – Шідерті республикалық маңызы бар жалпыға ортақ пайдаланылатын, І-а санатты Қызылорда – Павлодар – Успенка – Ресей Федерациясының шекарасы республикалық маңызы бар жалпыға ортақ пайдаланылатын Нұр-Сұлтан - Павлодар 16+000 км – 1367+000 км учаскесі:

      теңге

      Ескертпе:

      1) аймақ – өзінің ұзақтығы бар және көлік құралының жүк көтергіштігі мен түріне байланысты жүріп өткені үшін белгілі бір ақы мөлшерлемесі бар ақылы автомобиль жолындағы (учаскедегі) жол бөлігі;

      2) жергілікті көлік – бір аудан шегінен тыс қозғалу кезінде жалпыға ортақ пайдалынылатын республикалық маңызы бар ақылы автомобиль жолына (учаскесіне) іргелес әкімшілік-аумақтық бірлікте (облыстың ауданы) белгіленген тәртіппен тіркелген автокөлік;

      3) жергілікті жеңіл көліктер үшін екі бағыттағы барлық маршрут бойынша күнтізбелік 365 күнге 1000 теңге көлемінде жүріп өткені үшін абоненттік төлем төленуі мүмкін;

      4) жол жүру ақысының мөлшерлемелері 593 км-ден 632 км-ге дейін қайта жаңарту жөніндегі жұмыстарды жүргізуде ескере отырып көрсетілген.

Басқа автомобиль жолымен баламалы түрде жүре алмайтын, іргелес елді мекендердің тізбесі