"Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 4 желтоқсандағы № 1164 бұйрығына өзгеріс енгізу туралы

      БҰЙЫРАМЫН:

      1. "Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 4 желтоқсандағы № 1164 бұйрығына (Нормативтік құқықтық актілерін мемлекеттік тіркеу тізілімінде № 12652 болып тіркелген) мынадай өзгеріс енгізілсін:

      көрсетілген бұйрықпен бекітілген Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидалары осы бұйрыққа қосымшаға сәйкес редакцияда жазылсын.

      2. Қазақстан Республикасы Индустрия және инфрақұрылымдық даму министрлігінің Индустриялық даму комитеті заңнамада белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркеуді;

      2) осы бұйрықтың Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.

Индустриялық-инновациялық қызмет субъектілерінің отандық өңделген тауарларды, жұмыстар мен көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидалары 1-тарау. Жалпы ережелер

      1. Осы Индустриялық-инновациялық қызмет субъектілерінің отандық өңделген тауарларды, жұмыстар мен көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидалары (бұдан әрі - Қағидалар) Қазақстан Республикасы Кәсіпкерлік кодексінің 268 бабы 3 тармағының екінші бөлігіне сәйкес әзірленді және индустриялық-инновациялық қызмет субъектілері шығындарының бір бөлігін ішкі нарықта ілгерілету бойынша өтеу (бұдан әрі-мемлекеттік қолдау шарасы) тәртібін айқындайды.

      2. Акцияларының (жарғылық капиталға қатысу үлестерінің) елу және одан да көп пайызы мемлекетке, ұлттық басқарушы холдингке, ұлттық холдингке, ұлттық компанияға тікелей немесе жанама тиесілі индустриялық-инновациялық қызмет субъектілері (әлеуметтік-кәсіпкерлік корпорацияны, әскери және аэроғарыш мақсатындағы тауарларды (өнімдерді), қос мақсаттағы (қолданылатын) тауарларды (өнімдерді) отандық өндірушілерді, сондай-ақ мемлекеттік-жекешелік әріптестік туралы шарт шеңберінде құрылған кәсіпкерлерді қоспағанда) мемлекеттік қолдау шараларын пайдалана алмайды;

      3. Осы қағидаларда пайдаланылатын негізгі ұғымдар:

      1) қарсы міндеттемелер - мемлекеттік қолдау шараларын алатын индустриялық-инновациялық қызмет субъектілері қабылдайтын міндеттемелер;

      2) өтініш беруші – осы қағидалар шеңберінде шығындарды өтеуге өтініш берген индустриялық-инновациялық қызмет субъектісі;

      3) ақпараттық жүйе – ақпараттық өзара іс-қимыл арқылы белгілі бір технологиялық әрекеттерді іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырушылық-ретке келтірілген жиынтығы;

      4) зертханалық сынақтар-зерттелетін сынамаларға (үлгілерге) қатысты зертханаларда (орталықтарда) жүзеге асырылатын сынақтар, өлшемдер, талдаулар, тесттер, сараптамалар жүргізуді қамтитын операциялар кешені;

      5) таңбалау - тауарға шартты белгілерді, әріптерді, сандарды, графикалық белгілерді немесе жазбаларды оны одан әрі сәйкестендіру, белгіленген талаптарды және олар туралы дұрыс мәліметтерді қадағалай отырып, оның қасиеттері мен сипаттамаларын көрсету мақсатында (оның ішінде оларға түсірілген сәйкестендіру құралдары және (немесе) сәйкестендіру құралдары бар материалдық тасығыштар туралы мәліметтер) тауарларды таңбалаудың ақпараттық жүйесінің ұлттық компонентінде болады;

      6) материалдық тасығыш - қолдан жасаудан қорғау элементтерін (құралдарын) қамтитын немесе қамтымайтын және сәйкестендіру құралдарын салуға, сақтауға және беруге арналған кез келген материалдардан жасалған бақылау (сәйкестендіру) белгісі немесе объект;

      7) оператор - Жергілікті қамтуды дамыту саласындағы ұлттық даму институты;

      8) өнім үлгісі - сынау, бақылау немесе бағалау кезінде осы өнімнің өкілі ретінде пайдаланылатын нақты өнім бірлігі;

      9) тәжірибелік үлгі - өндіріске қою және/немесе мақсаты бойынша пайдалану мүмкіндігі туралы шешім қабылдау мақсатында оның берілген техникалық талаптарға сәйкестігін сынау арқылы тексеру үшін жаңадан әзірленген жұмыс құжаттамасы бойынша дайындалған өнім үлгісі;

      10) көлік құралының түрін мақұлдау - айналымға шығарылатын, бір түрге жатқызылған көлік құралдарының Еуразиялық экономикалық комиссияның 2011 жылғы 9 желтоқсандағы № 877 "Доңғалақты көлік құралдарының қауіпсіздігі туралы" Кеден одағының техникалық регламентін қабылдау туралы" шешімімен бекітілген "Доңғалақты көлік құралдарының қауіпсіздігі туралы" 018/2011 Кеден одағының техникалық регламентінің талаптарына сәйкестігін куәландыратын құжат;

      11) шасси түрін мақұлдау - айналымға шығарылатын, бір түрге жатқызылған шассидің Еуразиялық экономикалық комиссияның 2011 жылғы 9 желтоқсандағы № 877 "Доңғалақты көлік құралдарының қауіпсіздігі туралы" Кеден одағының техникалық регламентін қабылдау туралы" шешімімен бекітілген "Доңғалақты көлік құралдарының қауіпсіздігі туралы" 018/2011 Кеден одағының техникалық регламентінің талаптарына сәйкестігін куәландыратын құжат;

      12) сәйкестікті растау - нәтижесі объектінің техникалық регламенттерде, стандарттарда немесе шарттардың талаптарында белгіленген талаптарға сәйкестігін құжаттамалық куәландыру (сәйкестік туралы декларация, сәйкестік сертификаты, көлік құралының түрін мақұлдау, шасси түрін мақұлдау түрінде) болып табылатын рәсім;

      13) сәйкестендіру құралы - штрих код түрінде ұсынылған немесе радиожиілік белгісіне жазылған немесе автоматты сәйкестендірудің өзге құралын (технологиясын) пайдалана отырып ұсынылған машинамен оқылатын нысандағы символдардың бірегей бірізділігі;

      14) сертификаттық сынақтар - өнім сипаттамаларының ұлттық қасиеттеріне және (немесе) халықаралық нормативтік-техникалық құжаттарға сәйкестігін анықтау мақсатында жүргізілетін бақылау сынақтары;

      15) индустриялық-инновациялық қызмет субъектілері – экономиканың артықшылықты секторларында индустриялық-инновациялық жобаларды іске асыратын немесе отандық өңделген тауарларды, жұмыстарды, көрсетілетін қызметтерді ішкі және (немесе) сыртқы нарықтарға ілгерілету жөніндегі қызметті жүзеге асыратын жеке және (немесе) затар менңды тұлғалар;

      16) индустриялық қызметті мемлекеттік қолдау саласындағы уәкілетті орган (бұдан әрі – уәкілетті орган) – индустриялық даму саласындағы басшылықты, сондай-ақ Қазақстан Республикасының заңнамасында көзделген шекте салааралық үйлестіруді және индустриялық қызметті мемлекеттік қолдауды іске асыруға қатысатын орталық атқарушы орган.

      4. Уәкілетті орган тиісті қаржы жылына арналған төлемдер бойынша жеке қаржыландыру жоспарына сәйкес бюджеттік бағдарламаның әкімшісі бекітетін, төлемдер кестесіне сәйкес осы Қағидалардың шеңберінде индустриялық-инновациялық қызмет субъектілері шығындарының бір бөлігін өтеу үшін мемлекеттік қолдау шараларын ұсынуға көзделген қаражатты оператордың ағымдағы шотына аударады.

      5. Оператор индустриялық – инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу түрінде мемлекеттік қолдау шараларын ұсынуға бөлінген қаражатты басқару үшін бюджеттік бағдарлама әкімшісі мен оператор арасында жасалатын шарт негізінде Қазақстан Республикасының резиденті-екінші деңгейлі банкте ағымдағы шот ашады.

      Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу тиісті қаржы жылына арналған республикалық бюджетте осы мақсаттарға көзделген қаражат шегінде жүзеге асырылады.

      6. Қаржы жылының соңына есептелетін ағымдағы шоттағы қаражат қалдықтары уәкілетті органға және тиісінше мемлекеттік бюджетке қайтарылуға жатпайды, ал индустриялық-инновациялық қызмет субъектілерінің отандық өңделген тауарларды, жұмыстар мен көрсетілетін қызметтерді ішкі нарықта ілгерілету жөніндегі шығындарын өтеуге келесі қаржы жылында жұмсалады.

      7. Индустриялық-инновациялық қызмет субъектілерінің отандық өңделген тауарларды, жұмыстар мен көрсетілетін қызметтерді ішкі нарықта ілгерілету бойынша шығындарының бір бөлігін өтеу шығындардың мынадай түрлері бойынша жүргізіледі:

      1) "Техникалық реттеу туралы" Қазақстан Республикасының Заңына сәйкес Қазақстан Республикасының аумағында жол берілетін стандарттарда белгіленген талаптарға отандық өңделген тауарлардың, жұмыстар мен көрсетілетін қызметтердің және сапа менеджменті жүйелерінің сәйкестігін растау кезінде көтерген шығындар, оның ішінде:

      отандық өңделген тауарлардың, жұмыстар мен көрсетілетін қызметтердің сәйкестігін растауға байланысты бағалау жүргізуге;

      сынақ нәтижелерін сараптауды қоса алғанда, шығарылатын өнімге сертификаттық және зертханалық сынақтар жүргізуге;

      инспекциялық аудит және бақылау жүргізуге;

      сертификаттарды тіркеуге;

      сертификаттарды қайта ресімдеуге және ұзартуға;

      2) аяқ киім өнімін таңбалауға үшін бағдарламалық қамтамасыз етуді қоса алғанда, сәйкестендіру құралдарын түсіруге арналған жабдықты сатып алуға байланысты жеңіл өнеркәсіп субъектілерінің шығындары:

      сәйкестендіру құралдарын сатып алуға (алуға);

      өнімді шығару сатысында сәйкестендіру құралдарын түсіру бойынша баспаханалық қызметтерді сатып алуға (алуға);

      сәйкестендіру құралдарын немесе инженерлік бағдарламалық қамтамасыз етуді қоса алғанда, материалдық тасығыштарды түсіруге арналған жабдықты сатып алу арқылы өндірісті қайта жарақтандыруға.

      8. Индустриялық-инновациялық қызмет субъектісіне өтеуге ұсынылатын соманың 50%-ы, бірақ индустриялық-инновациялық қызметтің бір субъектісіне мың айлық есептік көрсеткіштен аспайтын мөлшерде негізделген және құжаттамалық расталған шығындары өтеледі.

      Көрсетілген түрлер бойынша шығындардың бір бөлігін өтеудің шекті мөлшері:

      1) осы қағидалардың 7 тармағы 1) тармақшасына сәйкес көтерілген шығындар бойынша индустриялық-инновациялық қызметтің бір субъектісіне өтінім беру күніне дейін соңғы 24 (жиырма төрт) ай ішінде 3000 (мың айлық есептік көрсеткіштен) (бұдан әрі - АЕК) аспайды;

      2) осы қағидалардың 7 тармағының 2) тармақшасына сәйкес өтінім берілген күнге дейін соңғы 24 (жиырма төрт) ай ішінде индустриялық-инновациялық қызметтің бір субъектісіне 10 000 (он мың) АЕК-тен аспайтын шығындар бойынша.

      9. Индустриялық-инновациялық қызмет субъектілерінің өтінімдері қарауға жіберіледі:

      1) тауарларды, жұмыстар мен көрсетілетін қызметтерді отандық өндірушілер болып табылады;

      2) өтінім берілген күні салықтар, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешегі жоқ (төлеу мерзімі "Салық және бюджетке төленетін басқа да міндетті төлемдер туралы" Қазақстан Республикасының кодексіне сәйкес кейінге қалдырылған жағдайларды қоспағанда);

      3) индустриялық-инновациялық қызмет субъектісі әділет органдарында тіркелген және/немесе хабарланған күннен бастап операторға өтінім келіп түскен күнге дейін кемінде күнтізбелік 1 (бір) жыл өтсе;

      4) осы қағидалардың 2 тармағында көрсетілген индустриялық-инновациялық қызмет субъектілеріне жатпайды.

      5) осы қағидалардың 7-тармағының 1) тармақшасы шеңберінде осы қағидаларға 1 қосымшаға сәйкес ішкі нарықта мемлекеттік қолдау көрсету үшін экономиканың басым секторларының тізбесіне сәйкес экономиканың басым секторларындағы қызметті жүзеге асырады.

      10. Қазақстан Республикасының салық заңнамасына сәйкес айқындалған салықтар және бюджетке төленетін басқа да міндетті төлемдер өтініш берушілерге өтеуге жатпайды.

      11. Шығындарды өтеу ұлттық валютада жүргізіледі. Шетел валюталарында келтірілген шығындарды қайта есептеу өтініш беруші орындаушыға көрсетілген қызметтер (орындалған жұмыстар) үшін төлем жасаған күні қолданыста болған Қазақстан Республикасы Ұлттық банкінің валюта бағамдары бойынша жүзеге асырылады.

      12. Отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша индустриялық-инновациялық қызмет субъектілеріне шығындарды өтеуді оператор осы Қағидаларға 2-қосымшаға сәйкес шығындарды өтеу туралы келісім жасалған күннен кейін 2 (екі) жұмыс күні ішінде береді (бұдан әрі - Шығындарды өтеу туралы келісім) шығындарды өтеу шарттары мен мөлшеріне сәйкес өтініш берушінің банктік шоттарына не Қазақстан Республикасы Ұлттық почта операторында ашылған өтініш берушінің шоттарына шығындардың бір бөлігін өтеу сомасын аудару арқылы жүзеге асырылады, бұл ретте операторға өтініш берушіге ақша қаражатын аударғаны үшін сыйақы көзделмеген.

      13. Операторға өтініш беруші қол қойған шығындарды өтеу туралы келісім келіп түскен күн шығындарды өтеу туралы келісім жасалған күн болып есептеледі.

      14. Өтініш беруші шығындарды өтеу туралы келісімге қол қоюдан бас тартқан жағдайда, өтініш беруші оператордың атына себептерін көрсете отырып, тиісті жазбаша хабарлама жібереді.

      15. Ағымдағы шотта мемлекеттік қолдау шараларын ұсыну үшін қажетті ақша қаражаты жеткіліксіз болған жағдайда, Оператор ағымдағы шотқа қаражат түскенге дейін өтініш берушіге ақша қаражатын аударуды тоқтата тұрады.

      16. Индустриялық-инновациялық қызмет субъектілері шығындарының осы Қағидаларда көзделген бір бөлігін өтеу жөніндегі шаралардың тиімділігін айқындау мақсатында Оператор индустриялық-инновациялық қызмет субъектісі шығындардың бір бөлігін өтеуді алғаннан кейін 2 (екі) жыл ішінде шығындарды өтеу туралы Келісімге 2-қосымшаға сәйкес нысан бойынша тоқсан сайынғы негізде өтініш берушілер ұсынған ақпарат негізінде олардың іске асырылуына мониторинг жүргізеді.

      17. Өтініш беруші өзіне қарсы міндеттемелерді қабылдайды:

      1) Қазақстан Республикасының заңнамасына сәйкес КТС төлеуден босатылған кәсіпкерлік субъектілерін қоспағанда, КТС төлеу басталған кезеңге пайыздық қатынаста салық аударымдарын кемінде 3%-ға (КТС бойынша) ұлғайту;

      2) кәсіпорынның өнімді өткізуден және жұмыстар мен қызметтер көрсетуден түсетін кірісін кемінде 3%-ға ұлғайту.

      18. Мемлекеттік қолдау шараларын іске асыру шеңберінде алынған ақшалай қаражат қайтарылған жағдайда, қайтарылатын қаражат сомасы қарсы міндеттемелерді орындаудың қол жеткізілген деңгейін ескере отырып, берілген мемлекеттік қаржыландыру көлеміне мөлшерлес болады.

      19. Мониторинг қорытындылары бойынша Оператор тоқсан сайын, есепті кезеңнен кейінгі айдың 25-күнінен кешіктірмей уәкілетті органға осы қағидаларға 5-қосымшаға сәйкес нысан бойынша оператордың мемлекеттік қолдау шараларын іске асыру туралы есебін ұсынады.

2-тарау. "Отандық өңделген тауарларды, жұмыстар мен көрсетілетін қызметтерді ішкі нарықта ілгерілету бойынша индустриялық-инновациялық қызмет субъектілері шығындарының бір бөлігін өтеу" мемлекеттік қызметін көрсету тәртібі

      20. "Отандық өңделген тауарларды, жұмыстар мен көрсетілетін қызметтерді ішкі нарықта жылжыту бойынша индустриялық-инновациялық қызмет субъектілері шығындарының бір бөлігін өтеу" мемлекеттік көрсетілетін қызметті (бұдан әрі – Мемлекеттік көрсетілетін қызмет) "QazІndustry", қазақстандық индустрия және экспорт орталығы АҚ (бұдан әрі - көрсетілетін қызметті беруші) көрсетеді.

      21. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы қағидаларға 4-қосымшаға сәйкес мемлекеттік көрсетілетін қызмет стандартында (бұдан әрі - мемлекеттік көрсетілетін қызмет стандарты) жазылған.

      22. Мемлекеттік қызметті көрсетілетін қызметті беруші көрсетілетін қызметті алушының көрсетілетін қызметті берушінің кеңсесіне жүгінуі арқылы немесе "электрондық үкімет" веб-порталы арқылы көрсетеді. www.egov.kz және көрсетілетін қызметті берушінің веб-порталы www.qazindustry.gov.kz (бұдан әрі-портал) арқылы жүзеге асырылады.

      23. "Мемлекеттік көрсетілетін қызметтер туралы" Қазақстан Республикасының заңының (бұдан әрі - Заң) 5-бабының 2-тармағының 11) тармақшасына сәйкес көрсетілетін қызметті берушілер мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.

      24. Көрсетілетін қызметті алушы мемлекеттік көрсетілетін қызметті көрсетілетін қызметті берушінің кеңсесі арқылы алу үшін кеңсе қызметкеріне мемлекеттік көрсетілетін қызмет стандартында көрсетілген өтінім мен құжаттарды ұсынады.

      Көрсетілетін қызметті берушінің кеңсе қызметкері көрсетілетін қызметті алушы ұсынған құжаттардың толықтығын тексереді және ұсынылған құжаттардың толық емес және (немесе) қолданылу мерзімі өткен құжаттар фактісі анықталған жағдайда өтінімді тіркеуден бас тартады.

      Көрсетілетін қызметті алушы құжаттардың толық топтамасын ұсынған жағдайда, көрсетілетін қызметті берушінің кеңсе қызметкері өтінімді және мемлекеттік көрсетілетін қызмет стандартында көрсетілген құжаттарды олар келіп түскен күні (сағат 17.30-дан кейін келіп түскен жағдайда, өтінім келесі жұмыс күні тіркеледі) тіркеуді жүзеге асырады және көрсетілетін қызметті берушінің жауапты орындаушы тағайындалатын басшысына жолдайды.

      Қағаз тасығыштағы өтінімнің қабылданғанын растау оның көшірмесінде құжаттар топтамасының қабылданған күні мен уақыты көрсетіле отырып, көрсетілетін қызметті берушінің кеңсесінде тіркелгені туралы белгі болып табылады.

      Мемлекеттік көрсетілетін қызмет нәтижесін беруді көрсетілетін қызметті берушінің кеңсесі қолма-қол немесе пошта арқылы жүзеге асырады.

      25. Мемлекеттік көрсетілетін қызметті портал арқылы алу үшін көрсетілетін қызметті алушы көрсетілетін қызметті берушіге осы Қағидаларға 5-қосымшаға сәйкес нысан бойынша өтінімді және мемлекеттік көрсетілетін қызмет стандартында көрсетілген құжаттарды береді.

      Мемлекеттік қызметті көрсету үшін мәліметтерді қабылдау туралы мәртебе көрсетілетін қызметті алушының "жеке кабинетінде" мемлекеттік көрсетілетін қызмет нәтижесін алу күнін көрсете отырып көрсетіледі.

      26. Көрсетілетін қызметті беруші тарапынан қол қойылған шығындарды өтеу туралы келісімді қоса бере отырып, осы Қағидаларға 6-қосымшаға сәйкес нысан бойынша шығындарды өтеу мүмкіндігі туралы хабарлама (бұдан әрі-шығындарды өтеу мүмкіндігі туралы хабарлама) не осы Қағидаларға 7-қосымшаға сәйкес нысан бойынша мемлекеттік қызметті көрсетуден дәлелді бас тарту (бұдан әрі-бас тарту) мемлекеттік қызметті көрсету нәтижесі болып табылады - мемлекеттік көрсетілетін қызмет стандартының 9-тармағында көзделген жағдайларда және негіздер бойынша көрсетілетін қызметті алушының "жеке кабинетінде" электрондық құжат нысанында жіберілетін және сақталатын дәлелді бас тарту.

      27. Мемлекеттік көрсетілетін қызмет стандартында көрсетілген өтінімдер мен құжаттарды қараудың және мемлекеттік қызмет көрсету нәтижесін берудің жалпы мерзімі көрсетілетін қызметті беруші оларды тіркеген сәттен бастап 8 (сегіз) жұмыс күнін құрайды.

      28. Жауапты орындаушы 2 (екі) жұмыс күні ішінде ұсынылған құжаттардың толықтығын тексереді және ұсынылған құжаттардың толық болмау немесе мемлекеттік қызметті көрсету үшін қажетті мәліметтердің болмау фактісі анықталған жағдайда көрсетілетін қызметті алушыға ұсынылған құжаттардың қандай талаптарға сәйкес келмейтінін және мемлекеттік қызметті көрсету тоқтатыла тұрған кезеңге сәйкес келтіру мерзімін көрсете отырып, хабарлама жібереді.

      Хабарламада көрсетілген құжаттарды сәйкес келтіру мерзімі 2 (екі) жұмыс күнін құрайды.

      Егер хабарламаны алған күннен бастап 2 (екі) жұмыс күні ішінде көрсетілетін қызметті алушы құжаттарды талаптарға сәйкес келтірмеген жағдайда, көрсетілетін қызметті беруші көрсетілетін қызметті беруші басшысының не оны алмастыратын адамның электрондық цифрлық қолтаңбасы (бұдан әрі - ЭЦҚ) қойылған электрондық құжат нысанындағы портал арқылы дәлелді бас тартуды көрсетілетін қызметті алушының жеке кабинетіне жібереді.

      29. Мемлекеттік қызметті көрсетуден бас тарту үшін негіздер анықталған кезде көрсетілетін қызметті беруші көрсетілетін қызметті алушыға мемлекеттік қызметті көрсетуден бас тарту туралы алдын ала шешім туралы, сондай-ақ тыңдауды өткізу уақыты мен орны (тәсілі) туралы алдын ала шешім бойынша көрсетілетін қызметті алушыға позициясын білдіру мүмкіндігі үшін хабарлайды.

      Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі.

      30. Тыңдау нәтижелері бойынша көрсетілетін қызметті беруші көрсетілетін қызметті алушыға көрсетілетін қызметті беруші тарапынан қол қойылған екі данада шығындарды өтеу туралы келісімді қоса бере отырып, шығындарды өтеу мүмкіндігі туралы хабарлама не дәлелді бас тарту жібереді.

3-тарау. Мемлекеттік қызмет көрсету мәселелері бойынша көрсетілетін қызметті берушінің шешімдеріне, әрекетіне (әрекетсіздігіне) шағымдану тәртібі

      31. Көрсетілетін қызметті берушінің мемлекеттік қызметтер көрсету мәселелері жөніндегі шешіміне, әрекеттеріне (әрекетсіздігіне) шағымды жоғары тұрған әкімшілік орган, лауазымды адам Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға (бұдан әрі - шағымды қарайтын орган) жүргізеді.Шағымдар көрсетілетін қызметті берушіге және (немесе) шешіміне, әрекетіне (әрекетсіздігіне) шағым жасаған лауазымды тұлғаға беріледі.

      Көрсетілетін қызметті беруші шешіміне, әрекетіне (әрекетсіздігіне) шағым жасалып отырған лауазымды тұлға шағым келіп түскен күннен бастап 3 (үш) жұмыс күнінен кешіктірмей оны шағымды қарайтын органға жібереді.

      Бұл ретте көрсетілетін қызметті беруші, лауазымды тұлға, шешімге, әрекетке (әрекетсіздікке) шағым жасайды, егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешімді немесе әкімшілік әрекетті қабылдаса, шағымды қарайтын органға шағым жібермейді.

      32. Егер заңда өзгеше көзделмесе, сотқа жүгінуге сотқа дейінгі тәртіппен шағым жасалғаннан кейін жол беріледі.

Ішкі нарықта мемлекеттік қолдау көрсету үшін экономиканың басым секторларының тізбесі

Шығындарды өтеу туралы келісім

      Бұдан әрі "Оператор" деп аталатын, ___________________ оператордың атауы______________ атынан, _________________________________________ негізінде әрекет ететін ____________________, бір тараптан, және ___________________________________________________________________________________________, (Өтініш берушінің толық атауы) бұдан әрі "Өтініш беруші" деп аталатын _________________________________, (негізінде әрекет ететін басшының лауазымы, тегі, аты, әкесінің аты (егер ол жеке басын куәландыратын құжатта көрсетілсе)____________________, екінші тараптан, бірлесіп "Тараптар", ал әрқайсысы жеке-жеке "Тарап" деп аталатын индустриялық - инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеуге бағытталған мемлекеттік қолдау көрсету қағидалары (бұдан әрі - Қағидалар) негізінде төмендегі жайлы осы шығындарды өтеу туралы келісімді (бұдан әрі - Келісім) жасасты:

1. Келісімнің мәні

      1. Оператор Қағидалар шеңберінде өтінімге сәйкес толық көлемде (немесе ішінара) ___________ (сомасы жазумен) теңге сомасына ________________________________________________________ (шығындар түрі) шығынды өтеу түрінде мемлекеттік қолдау шарасын ұсынуға, ал Өтінім беруші келісімге 1 қосымшаға сәйкес мемлекеттік қолдау шараларының қарсы міндеттемелерін орындауға міндетті.

      2. Өтініш беруші шығындарды өтеу шеңберінде шетел валютасындағы шығыстарды растайтын құжаттарды ұсынған жағдайда, шығындарды өтеу сомасы өтініш берушімен көрсетілген қызметтер (орындалған жұмыстар) үшін орындаушыға ақы төлеген күнгі Қазақстан Республикасы Ұлттық Банкі валютасының бағамы негізге алына отырып есептеледі.

      3. Ағымдағы шотта мемлекеттік қолдау шараларын ұсыну үшін қажетті ақша қаражаты жеткіліксіз болған жағдайда, Оператор шығындарды өтеуді бюджеттік бағдарлама әкімшісінен қаражат түскенге дейін тоқтата тұрады.

2. Тараптардың міндеттемелері

      4. Оператор міндеттенеді:

      1) Келісімді орындауға елеулі әсер етуі мүмкін қағидаларды іске асыруға байланысты барлық өзгерістер туралы өтінім берушіні хабардар ету;

      2) Осы Келісімге қол қойылған күннен кейін екі жыл ішінде мемлекеттік қолдау шараларының іске асырылуына мониторинг жүргізуге міндеттенеді.

      5. Өтінім беруші міндеттенеді:

      1) Операторға мемлекеттік статистика саласындағы уәкілетті органға одан әрі жіберу үшін алғашқы статистикалық деректерді Индустриялық даму саласындағы уәкілетті органға және операторға мемлекеттік қолдау шараларының іске асырылуына мониторинг жүргізу мақсатында осы келісімді тараптар жасасқан күнге дейін 2 (екі) жыл және жасасқан күннен кейін 2 (екі) жыл ішіндегі деректерді қоса алғанда, таратуға келісім беруге міндетті. Операторға өтініш беруші қол қойған шығындарды өтеу туралы келісім келіп түскен күн шығындарды өтеу туралы келісім жасалған күн болып есептеледі. Алғашқы статистикалық деректерді таратуға келісім нысаны осы келісімге 2-қосымшада келтірілген;

      2) мемлекеттік статистика саласындағы уәкілетті органның алғашқы статистикалық деректері негізінде мемлекеттік қолдау шараларын алу және/немесе іске асыру мониторингін жүргізу мүмкін болмаған жағдайда, оператордың жазбаша сұрау салуын алған күннен бастап күнтізбелік отыз күн ішінде мониторинг жүргізу үшін қажетті деректерді ұсынуға міндетті;

      3) Келісімге 1 қосымшаға сәйкес мемлекеттік қолдау шараларын алу шеңберінде қарсы міндеттемелерді орындау;

      4) оператордың жазбаша сұрау салуына сәйкес оператордан оны алған күннен бастап күнтізбелік отыз күн ішінде мемлекеттік қолдау шарасы бойынша қарсы міндеттемелер орындалмаған жағдайда мемлекеттік қолдау шарасының іске асырылу барысы туралы ақпарат беруге;

      5) келісім шарттары бұзылған жағдайда, оператор шығындарды өтеу түрінде мемлекеттік қолдауға берген ақшалай қаражатты оператордан тиісті хабарлама алған күннен бастап күнтізбелік 30 (отыз) күн ішінде қайтаруды қамтамасыз етуге міндетті, бұл ретте қайтарылатын қаражат сомасы келісімге 1 қосымшада көзделген қарсы міндеттемелерді орындаудың қол жеткізілген деңгейін ескере отырып, берілген мемлекеттік қаржыландыру көлеміне мөлшерлес болады.

      6) мемлекеттік қолдау шараларын іске асыру шеңберінде ұсынылған ақпараттың, бастапқы деректердің, есептердің, негіздемелердің толықтығын, уақтылығын және дұрыстығын қамтамасыз етуге міндетті.

      7) қаржылық, әкімшілік немесе шарттық сипаттағы проблемалық мәселелер туындаған кезде және/немесе осы келісім бойынша іс-шараларды орындау кезінде проблемалық мәселелер/іс-шаралар туындаған сәттен бастап 5 (бес) жұмыс күні ішінде операторды жазбаша хабардар етуге;

      8) көшпелі мониторинг жүргізу мақсатында оператор өкілдерінің (оператор хатының негізінде) өтініш берушінің аумағына кедергісіз кіруін қамтамасыз етуге;

      9) келісімге байланысты барлық есептерді осы келісімнің қолданылу мерзімі өткен сәттен бастап кемінде 2 (екі) жыл сақтауға міндетті.

3. Тараптардың құқықтары

      6. Оператор мынаған құқылы:

      1) мемлекеттік қолдау шарасы бойынша қарсы міндеттемелер орындалмаған жағдайда, сондай-ақ мемлекеттік статистика саласындағы уәкілетті органның алғашқы статистикалық деректері негізінде мониторинг алу және/немесе жүргізу мүмкін болмаған жағдайда мемлекеттік қолдау шарасының іске асырылуына мониторинг жүргізу үшін өтініш берушіден мемлекеттік қолдау шарасының іске асырылу барысы туралы ақпаратты сұратуға;

      2) Осы келісімді біржақты тәртіппен бұзуға және осы келісімнің шарттары бұзылған жағдайда мемлекеттік қолдау түрінде берілген ақшалай қаражатты қайтаруды талап ету;

      3) көшпелі мониторинг жүргізу мақсатында оператор өкілдерінің (оператор хатының негізінде) өтініш берушінің аумағына кедергісіз кіруін жүзеге асыруға міндетті.

      7. Өтініш беруші осы келісімнің шарттарына сәйкес индустриялық-инновациялық қызмет субъектілерінің отандық өңделген тауарларды, жұмыстар мен көрсетілетін қызметтерді ішкі нарықта ілгерілету бойынша шығындарының бір бөлігін өтеуді алуға құқылы.

4. Тараптардың жауапкершілігі

      8. Оператор қағидалар шеңберінде мемлекеттік қолдау көрсетуге арналған қолда бар ақша қаражаты шегінде мемлекеттік қолдау шараларын толық және уақтылы ұсынуға жауапты болады.

      9. Өтініш беруші төмендегі үшін жауапкершілік көтереді:

      1) мемлекеттік қолдау шараларын іске асыру шеңберінде ұсынылған ақпараттың, бастапқы деректердің, есептердің, негіздемелердің толықтығы, уақтылылығы және дұрыстығы;

      2) Келісімге 1 қосымшада көрсетілген мемлекеттік қолдау шаралары бойынша қарсы міндеттемелерді орындау;

      3) Осы келісімнің шарттары бұзылған жағдайда шығындарды өтеу түрінде мемлекеттік қолдау шарасы бойынша берілген ақшалай қаражаттың уақтылы қайтарылуы.

5. Құпиялылық

      10. Осы келісімнің шарттарына қатысты ақпарат, банктік құпия, сондай-ақ осы Келісімді жасасу және орындау барысында тараптар алған қаржылық, коммерциялық және өзге де ақпарат құпия болып табылады және Қазақстан Республикасының қолданыстағы заңнамасында көзделген жағдайларды қоспағанда, үшінші тұлғаларға жариялануға жатпайды.

      Жүргізілген өтеу сомасына, өтініш берушінің атауына және мемлекеттік қолдау шараларына қатысты ақпарат құпия ақпаратқа жатпайды.

      11. Тараптар осы келісімнің құпиялылығын сақтау үшін барлық қажетті, оның ішінде құқықтық сипаттағы шараларды қабылдайды. Тараптардың лауазымды тұлғалары мен қызметкерлерінің осы келісімді іске асыру барысында алынған мәліметтерді жария етуіне немесе үшінші тұлғаларға беруіне жол берілмейді.

      12. Тараптардың кез келгені осы келісімнің талаптарын бұза отырып құпия ақпаратты жария еткен немесе таратқан жағдайда, кінәлі тарап осындай ақпаратты жария ету салдарынан екінші тарап көтерген ықтимал шығындарды өтей отырып, Қазақстан Республикасының заңнамасында көзделген жауапкершілікті көтереді.

6. Форс-мажор

      13. Тараптар форс-мажорлық жағдайлардың туындауына байланысты міндеттемелерді орындаудан толық немесе ішінара босатылады. Форс-мажорлық жайттар ретінде тараптар табиғи және техногендік сипаттағы табиғат апаттарын, әскери іс-қимылдарды, ереуілдерді, тыйым салу немесе шектеу сипатындағы жоғары мемлекеттік органдардың шешімдерін түсінеді.

      14. Форс-мажорлық жағдайлар туындаған жағдайда тарап бір күнтізбелік күн ішінде екінші тарапқа міндеттемелерді орындаудың мүмкін еместігі туралы хабардар етуге міндетті. Осы шарттың қадағаланбауы тарапты жауапкершіліктен босататын негіз ретінде форс-мажорлық жағдайларға сілтеме жасау мүмкіндігінен айырады.

      15. Егер форс-мажорлық жайттар осы келісімде көзделген мерзімде міндеттемені орындауға тікелей әсер етсе, онда тараптар өзгеше уағдаласпаса, бұл мерзім тиісінше осындай жайттардың әрекет ету уақытына кейінге қалдырылады.

7. Даулы мәселелерді шешу

      16. Оператор мен өтініш беруші тікелей келіссөздер барысында олардың арасында келісім бойынша немесе оған байланысты туындайтын барлық келіспеушіліктерді немесе дауларды шешуге бар күшін салуы тиіс.

      17. Егер келіссөздер нәтижесінде оператор мен өтініш беруші дауды шеше алмаса, тараптардың кез келгені дауды Қазақстан Республикасының заңнамасына сәйкес Қазақстан Республикасы сотының қарауына береді.

8. Қорытынды ережелер

      18. Осы келісім тараптар қол қойған күннен бастап күшіне енеді және оған қол қойылған күннен бастап немесе тараптар міндеттемелерін толық орындағанға дейін 2 (екі) жыл бойы қолданылады.

      19. Осы келісімге енгізілетін барлық өзгерістер мен толықтырулар оларды жазбаша түрде ресімдеген және кейіннен осы келісімнің ажырамас бөлігі болып табылатын барлық тараптардың уәкілетті тұлғалары қол қойған жағдайда жарамды болады.

      20. Тараптар деректемелер (заңды мекен-жайлар, шоттардың нөмірлері) өзгерген жағдайда бір-бірін дереу хабардар етеді.

      21. Осы келісім әрбір тарап үшін бір-бірден бірдей заңды күші бар екі данада жасалды.

9. Тараптардың заңды мекенжайлары мен деректемелері

      Ескертпе:

      БСН - бизнес сәйкестендіру нөмірі;

      ЖСН - жеке сәйкестендіру нөмірі;

      ЖСК- жеке сәйкестендіру коды;

      БСК - банктік сәйкестендіру коды.

Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу туралы келісімге қарсы міндеттемелерді орындау туралы келісім (өтініш берушінің бланкісінде толтырылады)

      _____(өтініш берушінің толық атауы) (БСН___________)__ келісімге қол қойылған күннен кейін екі жыл ішінде отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша индустриялық-инновациялық қызмет субъектілерін мемлекеттік қолдау шараларын алу шеңберінде жасалған шығындарды өтеу туралы келісімнің негізінде осы қосымшада көрсетілген міндеттемелерді орындауға келісім береді және міндеттенеді:

      - Қазақстан Республикасының заңнамасына сәйкес КТС төлеуден босатылған кәсіпкерлік субъектілерін қоспағанда, КТС төлеу басталған кезеңге пайыздық қатынаста салық аударымдарын кемінде 3%-ға (КТС бойынша) ұлғайту;

      - кәсіпорынның өнімді өткізуден және жұмыстар мен қызметтер көрсетуден түсетін кірісін кемінде 3%-ға ұлғайту.

      Мемлекеттік қолдау шараларын іске асыру шеңберінде алынған ақшалай қаражат қайтарылған жағдайда, қайтарылатын қаражат сомасы қарсы міндеттемелерді орындаудың қол жеткізілген деңгейін ескере отырып, берілген мемлекеттік қаржыландыру көлеміне мөлшерлес болады.

      _______________ ___________________________________________________________________ (басшының қолы) (тегі, аты, әкесінің аты (жеке басты куәландыратын құжатта көрсетілген болса))

      Мөр орны (бар болса)

Алғашқы статистикалық деректерді тарату туралы келісім (өтініш берушінің бланкісінде толтырылады)

      _______(өтініш берушінің толық атауы) ____________ алғашқы статистикалық деректерді Индустриялық даму саласындағы уәкілетті органға (Қазақстан Республикасы Индустрия және инфрақұрылымдық даму министрлігіне) және операторға ("QazIndustry" қазақстандық индустрия және экспорт орталығы" Акционерлік қоғамы) мынадай нысандар бойынша ашуға келісім береді:

      1- ПФ (статистикалық нысанның коды 0051102) - Кәсіпорынның қаржы-шаруашылық қызметі туралы есеп;

      1-Т (статистикалық нысанның коды 1211101) - Еңбек бойынша есеп;

      2 – МП (статистикалық нысанның коды 0031102) – (шағын кәсіпкерлік субъектілері үшін) - Шағын кәсіпорынның қызметі туралы есеп;

      кезең: 20__ жылғы ___ тоқсаннан 20__ жылғы ___ тоқсанға дейін қоса алғанда;

      көрсеткіштер бойынша:

      1-ПФ нысандары:

      1-бөлім бойынша "Негізгі және қайталама қызмет түрлері бөлінісінде өндірілген өнім мен көрсетілген қызмет көлемі туралы ақпаратты көрсетіңіз, мың теңге"

      2-бөлім бойынша "Негізгі және қосалқы қызмет түрлері бөлінісінде кәсіпорынның шығыстары туралы ақпаратты көрсетіңіз, мың теңге"

      3-бөлім бойынша "Негізгі және қосалқы қызмет түрлері бөлінісінде кәсіпорынның қаржы-шаруашылық қызметінің нәтижесін көрсетіңіз, мың теңге"

      1-Т нысандары:

      2-бөлім бойынша "Қызметкерлер саны мен жалақы қоры туралы деректерді көрсетіңіз"

      2-МП нысандары:

      1-бөлім бойынша "Қызметкерлер санын көрсетіңіз, адам"

      2 бөлім бойынша "Өндірілген өнімнің, орындалған жұмыстардың және көрсетілген қызметтердің көлемі, өнімді өткізуден және қызметтерді көрсетуден түскен кіріс туралы ақпаратты көрсетіңіз, мың теңге"

      3-бөлім бойынша "Кәсіпорынның қаржы-шаруашылық қызметінің нәтижесін көрсетіңіз, мың теңге"

      4-бөлім бойынша "Кәсіпорынның шығындары туралы ақпаратты көрсетіңіз, мың теңге"

      Өтініш берушінің басшысы __________ _______________________________________________ (қолы) (тегі, аты, әкесінің аты (жеке басын куәландыратын құжатта көрсетілген болса))

      Мөр орны

Отандық өңделген тауарлар, жұмыстар мен қызметтерді ішкі нарықта ілгерілетуге бағытталған мемлекеттік қолдау шараларын іске асыру туралы оператордың есебі 20___ жылғы ________ тоқсандағы есеп

      Индексі:

      Кезеңділігі: тоқсан сайын

      Есеп ұсынатын тұлғалар тобы: "QazIndustry" қазақстандық индустрия және экспорт орталығы" Акционерлік қоғамы

      Қайда ұсынылады: Қазақстан Республикасы Индустрия және инфрақұрылымдық даму министрлігі

      Ұсыну мерзімі: тоқсан сайын, есепті кезеңнен кейінгі айдың 25-күнінен кешіктірмей.

      мың теңге

      Оператор басшысы: _________________ /

      Тегі, аты, әкесінің аты (егер жеке басын куәландыратын құжатта көрсетілсе) / (қолы)

      Мөр орны (бар болса)

      Ескертпе: Толтыру бойынша түсіндірме әкімшілік деректерді жинауға арналған осы "Оператордың мемлекеттік қолдау шараларын іске асыру туралы есебі" нысанына қосымшада келтірілген.

Индустриялық-инновациялық қызмет субъектісінің отандық өңделген тауарларды, жұмыстар мен қызметтерді ішкі нарықта ілгерілету бойынша индустриялық-инновациялық қызмет субъектілері шығындарының бір бөлігін өтеуге арналған өтінімі (өтініш беруші бланкіде толтырады (бар болса))

      1. Өтініш берушінің (толық) атауы.

      2. Заңды мекенжайы немесе орналасқан жері (индексі, облысы, қаласы/ауданы, елді мекені, көшесі, телефоны) (бар болса).

      3. Бірінші басшының немесе жеке кәсіпкердің деректері (тегі, аты, әкесінің аты (жеке басты куәландыратын құжатта көрсетілген болса), лауазымы, жұмыс немесе ұялы телефонының нөмірі, электрондық мекенжайы)

      4. БСН (бизнес сәйкестендіру нөмірі) / ЖСН (жеке сәйкестендіру нөмірі).

      5. Өтініш берушінің мемлекеттік тіркеу (қайта тіркеу) нөмірі (бар болса) және күні.

      6. Қызметкерлер саны ______ адам, оның ішінде Қазақстан Республикасының азаматтары ______ адам.

      7. Кадрлардағы жергілікті қамту үлесі___%.

      8. Қызметтің негізгі түрі (экономикалық қызметтің жалпы жіктеуішінің кодын көрсете отырып)

      9. Шығарылатын өнімнің атауы.

      10. Өтініш беруші мемлекеттік және/немесе салалық бағдарламалардың қатысушысы болып табыла ма (егер иә болса, онда мемлекеттік қолдау шараларын алған жылын, қандай бағдарламалар шеңберінде және мемлекеттік қолдаудың қандай шараларын алғанын көрсетіңіз).

      11. Қазақстан Республикасы Инвестициялар және даму министрінің міндетін атқарушының 2015 жылғы 4 желтоқсандағы № 1164 бұйрығымен бекітілген, отандық өңделген тауарларды, жұмыстарды, қызметтерді ілгерілету бойынша индустриялық-инновациялық қызмет субъектілері шығындарының бір бөлігін өтеу қағидалары (бұдан әрі - Қағидалар) шеңберінде шығындардың қандай түрлерін пайдалану жоспарланып отыр (қажеттісін белгілеңіз)

      1) тауарларды, жұмыстарды, көрсетілетін қызметтерді сертификаттауға байланысты шығындар:

      2) аяқ киім өнімін таңбалауға үшін бағдарламалық қамтамасыз етуді қоса алғанда, сәйкестендіру құралдарын түсіруге арналған жабдықты сатып алуға байланысты жеңіл өнеркәсіп субъектілерінің шығындары:

      12. Индустриялық-инновациялық қызмет субъектісі көтерген шығындар*:

      * Кестелерді толтыру кезінде шот-фактураға сәйкес көтерген шығындардың әрбір сомасын көрсету.

      Шығындардың бір бөлігін өтеуге мәлімделетін жалпы сома: _________________________________________________________________________________ теңге. (сомасы санмен және жазумен)

      13. Өтініш берушінің банктік деректемелері:

      Алушының банкі: ________________________________________

      Шот нөмірі: ______________________________________________

      БСК (банктік сәйкестендіру коды) ___________________________

      Кбе (бенефициар коды) _____________________________________

      14. Шығындарды өтеу ұлттық валютада жүргізіледі. Шетелдік валюталарда жұмсалған шығындарды қайта есептеу отандық өңделген тауарларды, жұмыстар мен көрсетілетін қызметтерді ішкі нарықта ілгерілету бойынша орындалған жұмыстар/көрсетілетін қызметтер үшін төлемді аудару күніне қолданыста болған Қазақстан Республикасы Ұлттық банкінің валюта бағамдары бойынша жүзеге асырылады.

      15. Өтінім беруші аталған өтінішпен ұсынылған ақпараттың дұрыстығына кепілдік береді және ұсынылған құжаттардың, бастапқы деректердің, есептеулердің, негіздемелердің толықтығы мен түпнұсқалығы үшін жауапкершілікті өзіне алады.

      Өтініш беруші сұратылып отырған мемлекеттік қолдау шаралары шеңберінде көтерген іс-шаралар бойынша шығындар Қазақстан Республикасының заңнамасында көзделген өзге де мемлекеттік қолдау шаралары шеңберінде республикалық және /немесе жергілікті бюджеттердің қаражаты есебінен қаржыландырылмағанын растайды.

      16. Мемлекеттік қолдау шараларын алуға берілетін өтінімді толтырған байланысу тұлғасы (тегі, аты, әкесінің аты (жеке басты куәландыратын құжатта көрсетілген болса)), лауазымы, жұмыс/ұялы телефонының нөмірі, электрондық мекенжайы): _________________.

      Осы өтінімге мынадай құжаттар мен құжаттардың көшірмелерін қоса беріледі:

      1) ____________________;

      2) ____________________;

      3) ____________________;

      4) ____________________;

      5) ____________________.

      Өтінімді толтыру күні _______________

      Өтінім берушінің бірінші басшысы (міндетін атқарушы тұлға (бірінші басшының міндетін атқару туралы растау құжаты бар болатын кезде), жеке кәсіпкер немесе олардың уәкілетті тұлғасы (сенімхаты болған кезде) немесе жеке тұлға

      ____________________ ____________________________________________________________ (лауазымы) (қолы) (тегі, аты, әкесінің аты (егер жеке басын куәландыратын құжатта көрсетілген болса)

      Мөр орны (бар болса)

Хабарлама __________________________________________________________________ (Оператордың атауы)

      Қазақстан Республикасы Инвестициялар және даму министрінің міндетін атқарушының 2015 жылғы 04 желтоқсандағы № 1164 бұйрығымен бекітілген индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидалары (бұдан әрі - қағидалар) шеңберінде индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеуге ұсынылған ____ жылғы (өтінім күні) № ___ өтінімді __(индустриялық-инновациялық қызмет субъектісінің атауы) қағидалардың талаптарына сәйкес келу мәніне қарап, өтінім беруші мен қызметтерді, жұмыстарды орындаушы (жұмыстарды/қызметтерді жеткізушінің атауы) арасында жасалған шартқа сәйкес жұмсалған өтінім беруші шығынының бір бөлігін өтеу мүмкін еместігі/мүмкіндігі туралы шешім қабылдады.

      Ұсынылған құжаттар пакеті төмендегіге сәйкес келмеген жағдайда:

      Қоса беріліп отырған өтінімге тексеру жүргізу қорытындылары бойынша өтінім Қағидалардың белгіленген талаптарына сәйкес келмейтіні анықталды, мынадай негіздер бойынша себептер сипаттамасы: __________________________________________________________.

      Жоғарыда баяндалғанның негізінде, _________________ шарт шеңберінде жұмсалған шығындарды өтеу қағидалардың _____ тармағының ________ тармақшасының талаптарына сәйкес келмегендіктен ұсынылмайды.

      Ұсынылған құжаттар пакеті төмендегіге сәйкес келген жағдайда:

      Қоса беріліп отырған өтінімге тексеру жүргізу қорытындылары бойынша өтінімнің Қағидалардың белгіленген талаптарына сәйкес келетіні анықталды.

      Қағидалардың ____ тармағына сәйкес индустриялық-инновациялық қызмет субъектісіне өтінім берілген күнге дейін _________ айдан ерте емес жұмсалған, негізделген және құжатпен расталған, жұмсалған шығын сомасынан ____% көлемінде өтеледі, бұл ретте өтеу сомасы күнтізбелік жылы _______________ аспауы тиіс.

      Қағидалардың ____ тармағының ____ тармақшасына сәйкес Оператор өтеуге қабылдайтын өтініш беруші шығындарының сомасы төлем құжаттарының және операторға келіп түскен күнге дейін кемінде _______________ ай бұрын қол қойылған, көрсетілген қызметтердің (орындалған жұмыстардың) жалпы сомасына актінің (актілердің) негізінде айқындалады.

      ____________ теңге (сомасы жазумен) көлемінде негізделген шығыннан ________% есебінен өтеу сомасы ___________ теңгені (сомасы жазумен) құрайды, бұл ретте өтеу сомасы өтініш беруші жүргізген және төменде келтірілген кестеге сәйкес өтеуге жататын күнтізбелік жылдағы _________________ теңгеден аспауы тиіс:

      Осыған байланысты, белгіленген талаптарға сәйкес _____ Оператор Өтінім беруші қол қою үшін ___Оператор____ қол қойған Шығындарды өтеу туралы келісімнің 2 (екі) данасын жібереді.

      ___Оператордың_____ қызметкерлердің бұрыштамаларымен Келісімнің бір данасын қайтаруды сұраймыз.

      Қосымша: Шығындарды өтеу туралы келісімнің 2 (екі) данасы _____парақта.

      ____________________________ ____________________________________________________ (уәкілетті тұлғаның лауазымы) (қолы) (тегі, аты, әкесінің аты (жеке басты куәландыратын құжатта көрсетілген болса )

Хабарлама __________________________________________________________________ (Оператордың атауы) Дәлелді бас тарту __________________________________________________________________________________________ (оператордың атауы)

      Сіздің өтінішіңізді қарап (күні) жылдың № (кіріс құжаттың нөмірі), келесіні хабарлайды.

      (Бас тарту негіздемесі)

      _________________________________ ______________________________________________________ (уәкілетті тұлғаның лауазымы) (қолы) (тегі, аты, әкесінің аты (жеке басты куәландыратын құжатта көрсетілген болса)