"Республикалық деңгейде мемлекеттік ақпарат саясатын жүргізу жөніндегі мемлекеттік тапсырысты орналастыру қағидаларын бекіту туралы" Қазақстан Республикасы Ақпарат және коммуникациялар министрінің 2017 жылғы 28 ақпандағы № 75 бұйрығына өзгерістер енгізу туралы

      БҰЙЫРАМЫН:

      1. "Республикалық деңгейде мемлекеттік ақпарат саясатын жүргізу жөніндегі мемлекеттік тапсырысты орналастыру қағидаларын бекіту туралы" Қазақстан Республикасы Ақпарат және коммуникациялар министрінің 2017 жылғы 28 ақпандағы № 75 бұйрығына (нормативтік құқықтық актілерді мемлекеттік тіркеу тізілімінде № 14886 болып тіркелген) мынадай өзгерістер енгізілсін:

      көрсетілген бұйрықтың тақырыбы мынадай редакцияда жазылсын:

      "Республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларын бекіту туралы";

      1-тармақ мынадай редакцияда жазылсын:

      "1. Қоса беріліп отырған республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидалары бекітілсін.";

      Көрсетілген бұйрықпен бекітілген республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидалары осы бұйрыққа қосымшаға сәйкес жаңа редакцияда жазылсын.

      2. Қазақстан Республикасы Ақпарат және қоғамдық даму министрлігінің Ақпарат комитеті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты Қазақстан Республикасы Ақпарат және қоғамдық даму министрлігінің интернет-ресурсында орналастыруды;

      3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Ақпарат және қоғамдық даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ақпарат және қоғамдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрлігі

Республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидалары

1-тарау. Жалпы ережелер

      1. Осы Республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидалары (бұдан әрі – Қағидалар) "Бұқаралық ақпарат құралдары туралы" Қазақстан Республикасының Заңы (бұдан әрі – Заң) 4-3-бабының 7-1) тармақшасына сәйкес әзірленді және республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру тәртібін айқындайды.

      2. Осы Қағидаларда мынадай ұғымдар пайдаланылады:

      1) республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты орналастыруды ұйымдастырушы (бұдан әрі – республикалық деңгейде ұйымдастырушы) – ақпарат саласындағы уәкілетті органның ведомствосы;

      2) бұқаралық ақпарат құралдары саласындағы уәкiлеттi орган (бұдан әрi – уәкiлеттi орган) – бұқаралық ақпарат құралдары саласында мемлекеттiк реттеудi жүзеге асыратын мемлекеттiк орган;

      3) мемлекеттік ақпараттық саясатты жүргізу жөніндегі мемлекеттік тапсырыс – мемлекеттік ақпараттық саясатты жүргізу үшін республикалық және жергілікті бюджеттердің қаражаты есебінен қызметтер көрсетуге арналған тапсырыс;

      4) облыстардың, республикалық маңызы бар қалалардың және астананың жергілікті атқарушы органы (бұдан әрі – жергілікті атқарушы орган) – облыстың, республикалық маңызы бар қаланың және астананың, ауданның (облыстық маңызы бар қаланың) әкімі басқаратын, өз құзыреті шегінде жергілікті мемлекеттік басқаруды жүзеге асыратын алқалы атқарушы орган;

      5) үміткер – кәсіпкерлік қызметті жүзеге асыратын жеке тұлға немесе мемлекеттік ақпараттық саясатты жүргізу жөніндегі мемлекеттік тапсырысты орындауға өтінім берген заңды тұлға;

      6) синопсис – жобаның өзіндік ойы мен идеялығын, сондай-ақ оның тақырыптық бағытқа (идеологиялық міндетке) және үміткердің аудиториялық көрсеткіштеріне сәйкестігін көрсететін мазмұнын баяндау (бір бет шегінде).

2-тарау. Республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты орналастыру тәртібі

      3. Республикалық деңгейде мемлекеттік ақпараттық саясатты жүргізу жөніндегі мемлекеттік тапсырыс (бұдан әрі – республикалық тапсырыс) мынадай субъектілер түрлеріне:

      1) мерзімді баспа басылымдарына;

      2) теле -, радиоарналарға;

      3) интернет-ресурстарға беріледі.

      4. Уәкілетті орган қызметі Заңның 4-6-бабының 3-тармағына сәйкес бекітілетін ережеге сәйкес жүзеге асырылатын Мемлекеттік ақпараттық саясат мәселелері жөніндегі республикалық комиссияны (бұдан әрі – республикалық комиссия) құрады.

      5. Республикалық комиссия жыл сайын, 10 желтоқсанға дейін республикалық деңгейде ұйымдастырушы ұсынған ұсыныстар негізінде Қазақстан Республикасының мемлекеттік ақпараттық саясатының басым бағыттарын ескере отырып, республикалық деңгейде мемлекеттік ақпараттық саясаттың тақырыптық бағыттарының алдағы күнтізбелік жылға арналған тізбесін бекітеді.

      6. Республикалық комиссия күнтізбелік жыл ішінде Қазақстан Республикасы мемлекеттік ақпараттық саясатының басым бағыттарын ескере отырып, республикалық деңгейде мемлекеттік ақпараттық саясаттың тақырыптық бағыттарының тізбесіне тиісті өзгерістер енгізеді.

      7. Республикалық деңгейде ұйымдастырушы республикалық тапсырыстың өткізілетін күніне дейін кемінде күнтізбелік он алты күн бұрын осы Қағидаларға 1-қосымшаға сәйкес нысан бойынша республикалық деңгейде мемлекеттік ақпараттық саясаттың тақырыптық бағыттарын және көлемін қоса бере отырып, уәкілетті органның интернет-ресурсында республикалық тапсырысты өткізу туралы ақпараттық хабарды орналастырады.

      8. Үміткер республикалық тапсырысқа қатысу үшін ақпараттық хабар орналастырылғаннан кейін келесі күннен бастап күнтізбелік он бес күн ішінде осы Қағидаларға 2-қосымшаға сәйкес нысан бойынша өтінімді (бұдан әрі – өтінім), сондай-ақ осы Қағидаларға 3-қосымшаға сәйкес құжаттар тізбесін ұсынады.

      9. Республикалық тапсырысқа қатысуға өтінімсіз жіберілген құжаттар қаралмайды.

      Белгіленген мерзім өткеннен кейін ұсынылған республикалық тапсырысқа қатысуға өтінімі бар конверт ашылмайды. Егер өтінімі бар конвертте оны берген адам туралы ақпарат, сондай-ақ пошталық мекенжайы көрсетілген жағдайда, республикалық деңгейдегі ұйымдастырушы аталған өтінімді үміткерге қайтарады.

      Үміткердің толық атауы мен пошталық мекенжайы көрсетілмей ұсынылған республикалық тапсырысқа қатысуға өтінімі бар конверт ашылмайды және күнтізбелік жыл ішінде сақталуы тиіс.

      10. Республикалық деңгейде ұйымдастырушы ақпараттық хабарда белгіленген мерзім ішінде өтінімдер бар конверттерді қабылдайды. Осы Қағидаларға 1-қосымшада белгіленген талаптарды бұза отырып ресімделген өтінімдер бар конверттер алған күнінен бастап бір жұмыс күнінен кешіктірілмей үміткерлерге қайтарылады.

      11. Республикалық деңгейде ұйымдастырушы:

      1) қатысуға өтінімдері бар конверттерде осы Қағидаларға 1-қосымшада көзделген мәліметтердің болуын тексереді;

      2) осы Қағидаларға 1-қосымшада белгіленген талаптарға сәйкес ресімделген қатысуға өтінімдері бар конверттерді қабылдайды;

      3) республикалық тапсырысқа қатысуға өтінімдерді ұсынудың соңғы мерзімі өткенге дейін оны кері қайтарып алған жағдайда, қатысуға өтінімді қайтаруды қамтамасыз етеді.

      12. Өтінімдерді қабылдау мерзімі өткенге дейін қабылданған өтінімдер жазбаша түрде кері қайтарылып алынуы мүмкін. Республикалық тапсырысқа қатысуға өтінімді кері қайтарып алу туралы хабарлама үміткер қол қойған және мөрмен (бар болған кезде) бекітілген республикалық деңгейде ұйымдастырушының атына еркін өтініш түрінде ресімделеді.

      13. Республикалық тапсырысқа қатысуға өтінімді ұсыну мерзімі өткеннен кейін оны кері қайтарып алуға жол берілмейді.

      14. Республикалық комиссия өтінімдер бар конверттерді тапсырысты орналастыруды өткізу туралы ақпараттық хабарда көрсетілген мерзімде және орында алған жағдайда оларды ашады және ашу хаттамасын ресімдейді.

      15. Қатысуға өтінімдері бар конверттерді ашу хаттамасына отырыста Республикалық комиссияның төрағасы мен қатысып отырған мүшелері қол қояды.

      16. Осы Қағидаларға 3-қосымшада көзделген тізбеге сәйкес құжаттардың топтамасын толық ұсынбау оларды Республикалық комиссияның қарауына жібермеуге негіз болып табылады.

      17. Республикалық комиссия отырыста конверт ашылған күнінен бастап он жұмыс күнінен кешіктірмей осы Қағидаларға 4-қосымшаға сәйкес республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты көрсетуге телеарналарды, радиоарналарды, мерзімді баспа басылымдарын, интернет-ресурстарды айқындауға арналған балдық бағалау бойынша республикалық тапсырысқа үміткерлерді бағалайды.

      18. Осы Қағидаларға 4-қосымшаға сәйкес республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты көрсетуге телеарналарды, радиоарналарды, мерзімді баспа басылымдарын, интернет-ресурстарды айқындауға арналған балдық бағалауға сәйкес республикалық тапсырыс үміткердің шығармашылық ұсынысы жеңімпазды айқындау үшін шешуші өлшемшарт болып табылады.

      Шығармашылық ұсыныстың болмауы не оның мәлімделген тақырыптық бағыттарға сәйкес келмеуі республикалық тапсырысқа қатысуға жібермеу үшін негіз болып табылады.

      19. Балдық бағалау нәтижелері бойынша Республикалық комиссия мерзімді баспа басылымдары мен интернет-ресурстар арасындағы республикалық тапсырыстың көлемін бір тақырыптық бағыт бойынша бір және/немесе бір мезгілде бірнеше үміткерге бөледі.

      Мерзімді баспа басылымдары мен интернет-ресурстар арасындағы республикалық тапсырыс бір тақырыптық бағыт жеңімпаздары арасында балдық бағалауға сәйкес әр жеңімпаздың жинаған балына пайыздық қатынаста бөлінеді.

      20. Өтінімдерді қарау нәтижелері бойынша өтінімдер ашылған күннен бастап он жұмыс күнінен аспайтын мерзімде қорытындылар хаттамасы ресімделеді.

      21. Қорытындылардың хаттамасына отырыста Республикалық комиссияның төрағасы мен отырысқа қатысып отырған мүшелері қол қояды.

      22. Республикалық комиссия шешімінің қорытындылары бойынша республикалық тапсырыстың жеңімпаздарымен қорытындылар хаттамасына қол қойылған күннен бастап он жұмыс күні ішінде республикалық тапсырысты өткізуге шарт жасалады.

      23. Республикалық тапсырыс мынадай негіздердің бірі бойынша :

      1) республикалық тапсырысқа қатысуға ұсынылған өтінімдер болмаған жағдайда;

      2) егер республикалық тапсырысқа қатысуға бірде бір үміткер жіберілмеген болса, орналастырылмады деп танылады.

      24. Республикалық тапсырыс орналастырылмады деп танылған жағдайда, республикалық деңгейдегі ұйымдастырушы осы Қағидалардың 7-20-тармақтарына сәйкес республикалық тапсырысты қайтадан орналастыруды жүзеге асырады.

3-тарау. Өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты орналастыру тәртібі

      25. Өңірлік деңгейде мемлекеттік ақпараттық саясатты жүргізу жөніндегі мемлекеттік тапсырыс (бұдан әрі – өңірлік тапсырыс) мынадай субъектілер түрлеріне:

      1) мерзімді баспа басылымдарына;

      2) теле -, радиоарналарға;

      3) интернет-ресурстарға беріледі.

      26. Жергілікті атқарушы орган қызметі Заңның 4-6-бабының 3-тармағына сәйкес уәкілетті орган бекітетін үлгілік ережеге сәйкес жүзеге асырылатын Мемлекеттік ақпараттық саясат мәселелері жөніндегі өңірлік комиссияны (бұдан әрі – Өңірлік комиссия) құрады.

      27. Өңірлік комиссия жыл сайын жергілікті атқарушы органның ұсыныстары негізінде 20 желтоқсанға дейін өңірлік деңгейдегі мемлекеттік ақпараттық саясаттың тақырыптық бағыттарының алдағы күнтізбелік жылға арналған тізбесін Республикалық комиссияның қарауына жібереді.

      28. Республикалық комиссия жыл сайын, 25 желтоқсанға дейін өңірлік деңгейде мемлекеттік ақпараттық саясаттың тақырыптық бағыттарының алдағы күнтізбелік жылға арналған тізбесін қарайды және өңірлік деңгейде мемлекеттік ақпараттық саясаттың басым бағыттарының тақырыптық бағыттары тізбесінің өзектілігі және оның республикалық деңгейде мемлекеттік ақпараттық саясаттың тақырыптық бағыттарының тізбесіне сәйкестігі жөнінде ұсыныстар әзірлейді.

      29. Өңірлік комиссия өңірлік деңгейде мемлекеттік ақпараттық саясаттың тақырыптық бағыттарының тізбесі жөнінде ұсыныстар алған кезде оған өзгерістер енгізеді және жыл сайын, 10 қаңтарға дейін өңірлік деңгейде мемлекеттік ақпараттық саясаттың тақырыптық бағыттарының алдағы күнтізбелік жылға арналған тізбесін бекітеді және бекітілген өңірлік деңгейде мемлекеттік ақпараттық саясаттың тақырыптық бағыттары тізбесінің көшірмесін уәкілетті органға жібереді.

      30. Өңірлік комиссия күнтізбелік жыл ішінде Қазақстан Республикасының мемлекеттік ақпараттық саясатының басым бағыттарын ескере отырып, өңірлік деңгейде мемлекеттік ақпараттық саясаттың тақырыптық бағыттарының тізбесіне өзгерістер енгізу жөніндегі ұсыныстарды республикалық комиссияның қарауына енгізеді.

      31. Республикалық комиссия ұсыныстарды алған күнінен бастап он жұмыс күні ішінде өңірлік деңгейдегі мемлекеттік ақпараттық саясаттың тақырыптық бағыттарының тізбесін қарайды және ұсыныстар әзірлейді.

      32. Өңірлік комиссия өңірлік деңгейде мемлекеттік ақпараттық саясаттың тақырыптық бағыттарының тізбесі жөнінде ұсыныстар алған кезде, оны алған күнінен бастап бес жұмыс күні ішінде өңірлік деңгейде мемлекеттік ақпараттық саясаттың тақырыптық бағыттарының тізбесіне өзгерістер енгізеді және өңірлік деңгейде мемлекеттік ақпараттық саясаттың бекітілген тақырыптық бағыттары тізбесінің көшірмесін уәкілетті органға жібереді.

      33. Жергілікті атқарушы орган оның өткізілетін күніне дейін кемінде күнтізбелік он алты күн бұрын осы Қағидаларға 1-қосымшаға сәйкес нысан бойынша өңірлік деңгейдегі мемлекеттік ақпараттық саясаттың тақырыптық бағыттарын және көлемдерін қоса бере отырып, өңірлік тапсырысты өткізу туралы ақпараттық хабарды өзінің интернет-ресурсында орналастырады.

      34. Өңірлік тапсырысқа қатысу үшін үміткер ақпараттық хабар орналастырылғаннан кейін келесі күннен бастап күнтізбелік он бес күн ішінде өтінімді, сондай-ақ осы Қағидаларға 5-қосымшаға сәйкес құжаттар тізбесін ұсынады.

      35. Өңірлік тапсырысқа қатысуға өтінімсіз жіберілген құжаттар қаралмайды.

      Белгіленген мерзім өткеннен кейін ұсынылған өңірлік тапсырысқа қатысуға өтінімі бар конверт ашылмайды. Егер өтінім бар конвертте оны берген адам туралы ақпарат, сондай-ақ пошталық мекенжайы көрсетілген жағдайда, жергілікті атқарушы орган осы өтінімді үміткерге қайтарады.

      Үміткердің толық атауы мен пошталық мекенжайы көрсетілмей ұсынылған өңірлік тапсырысқа қатысуға өтінімі бар конверт ашылмайды және күнтізбелік жыл ішінде сақталуға тиіс.

      36. Жергілікті атқарушы орган ақпараттық хабарда белгіленген мерзім ішінде қатысуға өтінімдері бар конверттерді қабылдайды. Осы Қағидаларға 1-қосымшада белгіленген талаптарды бұза отырып ресімделген қатысуға өтінімдері бар конверттер алынған күннен бастап бір жұмыс күнінен кешіктірілмей үміткерлерге қайтарылады.

      37. Жергілікті атқарушы орган:

      1) қатысуға өтінімдері бар конверттерде осы Қағидаларға 1-қосымшада көзделген мәліметтердің болуын тексереді;

      2) осы Қағидаларға 1-қосымшада белгіленген талаптарға сәйкес ресімделген қатысуға өтінімдері бар конверттерді қабылдайды;

      3) өңірлік тапсырысқа қатысуға өтінімдерді ұсынудың соңғы мерзімі өткенге дейін оны кері қайтарып алған жағдайда, қатысуға өтінімді қайтаруды қамтамасыз етеді.

      38. Өтінімдерді қабылдау мерзімі өткенге дейін қабылданған өтінімдер жазбаша түрде кері қайтарылып алынуы мүмкін. Өңірлік тапсырысқа қатысуға өтінімді кері қайтарып алу туралы хабарлама үміткер қол қойған және мөрмен (ол болған кезде) бекітілген жергілікті атқарушы органның атына ерікті өтініш түрінде ресімделеді.

      39. Өңірлік тапсырысқа қатысуға өтінімді ұсыну мерзімі өткеннен кейін оны кері қайтарып алуға жол берілмейді.

      40. Өңірлік комиссия өтінімдер бар конверттерді тапсырысты орналастыруды өткізу туралы ақпараттық хабарлада көрсетілген мерзімде және орында алған жағдайда оларды ашады және ашу хаттамасын ресімдейді.

      41. Қатысуға өтінімдері бар конверттерді ашу хаттамасына отырыста Өңірлік комиссияның төрағасы мен отырысқа қатысып отырған мүшелері қол қояды.

      42. Осы Қағидаларға 5-қосымшада көзделген тізбеге сәйкес құжаттардың топтамасын толық ұсынбау оларды Өңірлік комиссияның қарауына жібермеу үшін негіз болып табылады.

      43. Өңірлік комиссия отырыста конверт ашылған күнінен бастап он жұмыс күні ішінде:

      1) облыстар үшін – осы Қағидаларға 6-қосымшаға сәйкес;

      2) республикалық маңызы бар қалалар, астана үшін – осы Қағидаларға 7-қосымшаға сәйкес мемлекеттік ақпараттық саясатты жүргізу жөніндегі мемлекеттік тапсырысты көрсетуге телеарналарды, радиоарналарды, мерзімді баспа басылымдарын, интернет-ресурстарды айқындауға арналған балдық бағалау бойынша өңірлік тапсырысқа үміткерлерді бағалайды.

      44. Мыналарға:

      1) облыстар үшін – осы Қағидаларға 6-қосымшаға сәйкес;

      2) республикалық маңызы бар қалалар, астана үшін – осы Қағидаларға 7-қосымшаға сәйкес мемлекеттік ақпараттық саясатты жүргізу жөніндегі мемлекеттік тапсырысты көрсетуге телеарналарды, радиоарналарды, мерзімді баспа басылымдарын, интернет-ресурстарды айқындауға арналған балдық бағалау бойынша өңірлік тапсырыс үміткерлерінің шығармашылық ұсынысы жеңімпазды айқындау үшін шешуші өлшемшарт болып табылады.

      Шығармашылық ұсыныстың болмауы немесе оның мәлімделген тақырыптық бағыттарға сәйкес келмеуі өңірлік тапсырысқа қатысуға жібермеу үшін негіз болып табылады.

      45. Балдық бағалау нәтижелері бойынша Өңірлік комиссия мерзімді баспа басылымдары мен интернет-ресурстар арасындағы өңірлік тапсырыс көлемін бір тақырыптық бағыт бойынша бір және/немесе бір мезгілде бірнеше үміткерге бөледі.

      Өңірлік комиссияның балдық бағалау нәтижелері бойынша теле-, радиоарналар арасында өңірлік тапсырыстың көлемі бір тақырыптық бағыт бойынша бір үміткерге бөлінеді.

      Мерзімді баспа басылымдары мен интернет-ресурстар арасындағы өңірлік тапсырыс бір тақырыптық бағыт жеңімпаздары арасында балдық бағалауға сәйкес әр жеңімпаздың жинаған балына пайыздық қатынаста бөлінеді.

      46. Өңірлік комиссия балдық бағалау нәтижелері бойынша үміткерлерді бағалау аяқталған кезден бастап үш жұмыс күнінен кешіктірмей үміткерлердің шығармашылық ұсыныстарын қоса бере отырып, өтінімдерді Республикалық комиссияның қарауына жібереді.

      47. Республикалық комиссия ұсынылған құжаттарды қарайды және Заңның 4-7-бабы 2-тармағының 2) тармақшасына сәйкес оны алған күнінен бастап жеті жұмыс күнінен кешіктірмей өтінімдер мен шығармашылық ұсыныс бойынша тиісті ұсынымдар жібереді.

      48. Өтінімдерді қарау және Республикалық комиссияның ұсынымдарын алу нәтижелері бойынша бес жұмыс күнінен аспайтын мерзімде қорытындылар хаттамасы ресімделеді.

      49. Қорытындылар хаттамасына отырыста Өңірлік комиссияның төрағасы мен отырысқа қатысып отырған мүшелері қол қояды.

      50. Өңірлік комиссия шешімінің қорытындылары бойынша қорытындылар хаттамасына қол қойылған күннен бастап он жұмыс күні ішінде жергілікті атқарушы орган өңірлік тапсырыстың жеңімпаздарымен өңірлік тапсырысты өткізуге шарт жасасады.

      51. Өңірлік тапсырыс мынадай негіздердің бірі бойынша:

      1) өңірлік тапсырысқа қатысуға ұсынылған өтінімдер болмаған жағдайда;

      2) егер өңірлік тапсырысқа қатысуға бірде бір үміткер жіберілмеген болса, орналастырылмады деп танылады.

      52. Өңірлік тапсырыс орналастырылмады деп танылған жағдайда, жергілікті атқарушы орган осы Қағидалардың 33-48-тармақтарына сәйкес өңірлік тапсырысты орналастыруды қайта жүзеге асырады.

Тапсырысты орналастыру туралы ақпараттық хабар

      ________________ (ұйымдастырушының толық атауы) _________ (субъектінің атауы) арасында ___________(атауы) деңгейінде мемлекеттік ақпараттық саясатты жүргізу бойынша мемлекеттік тапсырысты орналастыру туралы хабарлайды.

      Тапсырысқа қатысуға өтінімдері бар конверттер _______ (ұйымдастырушының толық мекенжайы) мекенжайы бойынша жіберіледі, кеңсе ________ жылғы сағат ____ дейін қабылдайды.

      Тапсырысқа қатысуға өтінімдері бар конверттер мына __________ мекенжай бойынша (мекенжайын толық көрсету) ___________ (күні мен уақытын көрсету) ашылады.

      Үміткер құжаттар тізбесі бар өтінімді ұйымдастырушыға ________ деңгейде беттерін нөмірлеп, тігілген түрде және соңғы беті оның қолымен және мөрімен (бар болған кезде) расталған, ашылғанға дейін өтінімнің мазмұнын қарауға мүмкіндік бермейтін мөрмен (бар болған кезде) бекітілген, оның беткі жағында үміткердің толық атауы мен пошталық мекенжайы, ұйымдастырушының толық атауы мен пошталық мекенжайы, тапсырыстың атауы, сондай-ақ мынадай мазмұндағы: "(субъектінің атауын көрсету) АРАСЫНДА (тапсырыстың атауын көрсету) ТАПСЫРЫСҚА" және "(тапсырысқа қатысуға өтінімдерді ашу күні мен уақытын көрсету) ДЕЙІН АШПАҢЫЗ" деген мәтін көрсетілуі тиіс жабық конвертте ұсынады.

      Өтінімдер ақпараттық хабарда көрсетілген қабылдау мерзімі өткеннен кейін комиссияның қарауына қабылданбайды.

      Тапсырысқа қатысуға өтінімсіз жіберілген құжаттар қаралмайды.

      Қағидалардың 8 және 34-тармақтарына сәйкес қатысу үшін Республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларына 2-қосымшаға сәйкес өтінімді уақтылы беру қажет. Өтінімге Республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларына 3 және 5-қосымшаға сәйкес құжаттар тізбесін қоса беру қажет.

___________________ жөніндегі тапсырысқа қатысуға өтінім

      1. Толық атауы (заңды тұлғалар үшін) \тегі, аты, әкесінің аты (бар болған кезде) (жеке тұлғалар үшін): ______________________;

      2. Орналасқан жері: ________________________________________;

      3. Телефон (факс) нөмірі: ____________________________________;

      4. Бұқаралық ақпарат құралының атауы (мерзімді баспа басылымдары, теле-, радиоарналар, интернет-ресурстар): _____________________________________.

      5. Бұқаралық ақпарат құралдарын есепке қою туралы куәліктің көшірмесі (мерзімді баспа басылымдары, теле -, радиоарналар, интернет-ресурстар үшін): ___________________.

      6. Қосылған құн салығы бойынша тіркеу есебіне қою туралы куәліктің көшірмесі (егер қатысушы қосылған құн салығын төлеуші болып табылған жағдайда).

      7. Өтінім берілген тақырыптық бағыттың атауы _________________________________.

      ___________________________________            _________________

      тегі, аты, әкесінің аты (бар болған кезде)                  қолы

      мөрдің орны (бар болған кезде)

      20__ жылғы "__" ____________

Республикалық тапсырысқа қатысуға арналған құжаттар тізбесі

      1. Телеарналар үшін өтінімге мыналар қоса беріледі:

      1) Қазақстан Республикасының телерадио хабарларын тарату саласындағы ұлттық операторының Қазақстан Республикасының аумағында аналогтік эфирлік және/немесе цифрлық эфирлік телерадио хабарларын тарату арқылы телеарнаның хабар таратуын ұйымдастыратыны туралы растау хаты;

      2) телерадио хабарларын таратудың ұлттық операторы анықтама берген күннің алдындағы бір айдан астам уақытқа созылатын аналогтік эфирлік және/немесе цифрлық эфирлік телерадио хабарларын тарату желісі бойынша телеарнаны таратқаны үшін телерадио хабарларын таратудың ұлттық операторына мерзімі өткен берешегінің болмауы туралы анықтама;

      3) қағаз тасығышта таныстырылым түріндегі шығарылған аудиовизуалды өнім жөнінде портфолио;

      4) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      5) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын өз өндірісіндегі контенттің апта сайынғы (соңғы екі тоқсандағы) хабар тарату көлемі туралы (пайыздық қатынасы және өз өнімінің тізбесі бар) растау хаты;

      6) осы Қағидаларға 4-қосымшаға сәйкес балдық бағалауда көзделген жанрлар бойынша телеарнаның меншікті аудиовизуалды өнімінің рейтингі бойынша телеөлшеулер жүргізетін тәуелсіз компанияның растау хаты;

      7) жазылушыларын көрсете отырып және әлеуметтік желілердің скриншоттарын қоса бере отырып, әртүрлі әлеуметтік желілерде кемінде екі аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      8) тақырыптық бағыттар бойынша шығармашылық ұсыныстар тақырыптық бағыттарға сәйкес көрсетілетін қызметтерді орындау жобасы мен жоба туралы қысқаша ақпаратты және синопсисті қамтиды. Жоба туралы қысқаша ақпарат – тақырыпты, хабарды, жанрды, хронометражды, өндіріс тілін, тұтыну аудиториясын, сондай-ақ осындай жобаны өндіру тәжірибесінің болуын және оның болашақ жылжыту ауқымын қамтитын ақпарат, шығармашылық ұсыныстың ресімделуі мен мазмұнын үміткер дербес айқындайды.

      2. Радиоарналар үшін өтінімге мыналар қоса беріледі:

      1) Қазақстан Республикасының телерадио хабарларын тарату саласындағы ұлттық операторының Қазақстан Республикасының аумағында аналогты эфирлік телерадио хабарларын тарату арқылы радиоарнаның хабар таратуын ұйымдастыратыны туралы растау хаты;

      2) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландыратын интернет-ресурсының болуын не болмауын растайтын құжат;

      3) жазылушыларын көрсете отырып және әлеуметтік желілердің скриншоттарын қоса бере отырып, әртүрлі әлеуметтік желілерде кемінде екі аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      4) қағаз тасығышта таныстырылым түріндегі шығарылған аудио өнім жөнінде портфолио;

      5) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      6) тақырыптық бағыттар бойынша шығармашылық ұсыныстар тақырыптық бағыттарға сәйкес қызметтерді орындау жобасы мен жоба туралы қысқаша ақпаратты және синопсисті қамтиды. Жоба туралы қысқаша ақпарат – тақырыпты, хабарды, жанрды, хронометражды, өндіріс тілін, тұтыну аудиториясын, сондай-ақ осындай жобаны өндіру тәжірибесінің болуын және оның болашақ жылжыту ауқымын қамтитын ақпарат, шығармашылық ұсыныстың ресімделуі мен мазмұнын үміткер дербес айқындайды.

      3. Мерзімді баспа басылымдары үшін өтінімге мыналар қоса беріледі:

      1) әр нөмірдің таралымын көрсете отырып, соңғы айда шығарылған таралымның саны туралы баспаханадан анықтама;

      2) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын соңғы айдағы мерзімді баспа басылымын шығарудың мерзімділігі туралы анықтама;

      3) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын газеттің интернет-ресурсының болуын растайтын құжат;

      4) жазылушыларын көрсете отырып және әлеуметтік желілердің скриншоттарын қоса бере отырып, газеттің әртүрлі әлеуметтік желілерде кемінде екі аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      5) үміткердің бірінші басшысының немесе оны алмастыратын адамның қолымен және мөрімен (ол болған кезде) куәландырылатын журналдың интернет-ресурсының болуын не болмауын растайтын құжат;

      6) жазылушыларын көрсете отырып және әлеуметтік желілердің скриншоттарын қоса бере отырып, журналдың әртүрлі әлеуметтік желілерде аккаунттарының болуы немесе болмауы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      7) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдар көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      8) жариялау тәсілдерін, жанрының түрлілігін, оның ішінде ақпарат берудің өзекті нысандары мен тәсілдерін сипаттайтын тақырыптық бағыттарға сәйкес қызметтерді орындау жобасын қамтитын тақырыптық бағыттар бойынша шығармашылық ұсыныстар, шығармашылық ұсыныстың ресімделуі мен мазмұнын үміткер дербес айқындайды.

      4. Интернет-ресурстар үшін өтінімге мыналар қоса беріледі:

      1) арнайы веб-ресурстан соңғы айдағы бірегей пайдаланушылардың саны туралы растау құжаты, ол үміткердің бірінші басшысының немесе оны алмастыратын адамның қолымен және мөрімен (болған болған кезде) куәландырылады;

      2) арнайы веб-ресурстан интернет-ресурстың мобильді қосымшасының болуын немесе болмауын растау құжаты, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      3) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      4) шығарылған бейне өнімді ауыспалы тасығышта (флеш-карталар, CD, DVD және HDD дискілер) қоса бере отырып, оны өзінің интернет-ресурсында орналастырылғаны туралы сілтеме көрсетілген соңғы жыл ішінде шығарылған бейне өнімнің болуы немесе болмауы туралы анықтама сондай-ақ анықтама, ол үміткердің бірінші басшысының немесе оны алмастыратын адамның қолымен және мөрмен (ол болған кезде) куәландырылады;

      5) жазылушыларын көрсете отырып және әлеуметтік желілердің скриншоттарын қоса бере отырып, әртүрлі әлеуметтік желілерде кемінде екі аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      6) жариялау тәсілдерін, жанрының түрлілігін, оның ішінде ақпарат берудің өзекті нысандары мен тәсілдерін сипаттайтын тақырыптық бағыттарға сәйкес қызметтерді орындау жобасын қамтитын тақырыптық бағыттар бойынша шығармашылық ұсыныстар, шығармашылық ұсыныстың ресімделуі мен мазмұнын үміткер дербес айқындайды.

Республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты көрсетуге телеарналарды айқындауға арналған балдық бағалау

      Ескертпе:

      1-тармақта Қазақстан Республикасының аумағында аналогтік эфирлік және/немесе цифрлық эфирлік телерадио хабарларын тарату арқылы хабар тарату ауқымы әртүрлі болған жағдайда, есепке қайсысы көп сол алынады.

      3-тармақта өзі өндіретін контенттің апта сайынғы хабар тарату көлемі әртүрлі болған жағдайда, есепке соңғы екі тоқсандағы орташа арифметикалық мән алынады.

      4-тармақта телеарнаның өзінің аудиовизуалды туындыларының (жанр бойынша) рейтингіне әрбір бағалау өлшемшарты бойынша дербес балл беріледі, қандай да бір өлшемшарт бойынша телеарнаның өзінің аудиовизуалды өнімінің (жанр бойынша) рейтингі болмаған кезде нөл балл беріледі. 4-тармақ бойынша ортақ баға ішінде берілген балдарды ескере отырып, оларды қосу арқылы шығарылады.

      5-тармақта шығарылған аудиовизуалды өнімге бағалаудың әрбір өлшемшарты бойынша дербес балл беріледі, қандай да бір өлшемшарт бойынша шығарылған аудиовизуалды өнім болмаған кезде нөл балл беріледі. 5-тармақ бойынша жалпы баға берілген ішкі балдарды ескере отырып, оларды қосу арқылы шығарылады.

      6-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

Республикалық деңгейде мемлекеттік ақпараттық саясатты жүргізу бойынша мемлекеттік тапсырысты орындау үшін радиоарналарды айқындауға арналған балдық бағалау

      Ескертпе:

      3-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

      4-тармақта шығарылған аудио өнімге бағалаудың әрбір өлшемшарты бойынша дербес балл беріледі, қандай да бір өлшемшарт бойынша шығарылған аудио өнім болмаған кезде нөл балл беріледі. 4-тармақ бойынша жалпы баға берілген ішкі балдарды ескере отырып, оларды қосу арқылы шығарылады.

Республикалық деңгейде мемлекеттік ақпараттық саясатты жүргізу бойынша мемлекеттік тапсырысты орындау үшін мерзімді баспа басылымдарды айқындауға арналған балдық бағалау

      Ескертпе:

      * газеттер мен журналдарға қолданылады;

      1 және 4-тармақтарда мерзімді баспа басылымы таралымының саны әртүрлі болған жағдайда, есепке қайсысы аз сол алынады.

      2 және 6-тармақтарда әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

      8-тармақта мерзімді баспа басылымы қайта есепке алынған жағдайда, есепке бастапқы есепке қою күні алынады.

Республикалық деңгейде мемлекеттік ақпараттық саясатты жүргізу бойынша мемлекеттік тапсырысты орындау үшін интернет-ресурстарды айқындауға арналған балдық бағалау

      Ескертпе:

      5-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

Өңірлік тапсырысқа қатысуға арналған құжаттар тізбесі

      1. Телеарналар үшін өтінімге мыналар қоса беріледі:

      1) Қазақстан Республикасының телерадио хабарларын тарату саласындағы ұлттық операторының және/немесе телерадио хабарларын тарататын операторлардың облыстардың, республикалық маңызы бар қалалардың, астананың аумағында аналогтік эфирлік және/немесе цифрлық эфирлік телерадио хабарларын тарату арқылы телеарнаның хабар таратуын ұйымдастыратыны туралы растау хаты;

      2) қағаз тасығышта таныстырылым түріндегі шығарылған аудиовизуалды өнім жөнінде портфолио;

      3) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      4) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын өз өндірісіндегі контенттің апта сайынғы (соңғы екі тоқсандағы) хабар тарату көлемі туралы (пайыздық қатынасы және өз өнімінің тізбесі бар) растау хаты;

      5) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын интернет-ресурстың болуын не болмауын растайтын құжат;

      6) жазылушыларын көрсете отырып және әлеуметтік желілердің скриншоттарын қоса бере отырып, әртүрлі әлеуметтік желілерде кемінде екі аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      7) үміткердің бірінші басшысының немесе оны алмастыратын адамның қолымен және мөрімен (ол болған кезде) куәландырылатын күн сайынғы өңірлік контенттің (соңғы айдағы) көлемі туралы растайтын хат (пайыздық арақатынасы және өнім тізбесі бар), өңірлік контент өтінім берілген әкімшілік-аумақтық бірліктің қызметін жария ету болып табылады;

      8) тақырыптық бағыттар бойынша шығармашылық ұсыныстар тақырыптық бағыттарға сәйкес көрсетілетін қызметтерді орындау жобасы мен жоба туралы қысқаша ақпаратты және синопсисті қамтиды. Жоба туралы қысқаша ақпарат – тақырыпты, хабарды, жанрды, хронометражды, өндіріс тілін, тұтыну аудиториясын, сондай-ақ осындай жобаны өндіру тәжірибесінің болуын және оны болашақта ілгерілету ауқымының сипаттамасын қамтитын ақпарат, шығармашылық ұсыныстың ресімделуі мен мазмұнын қатысушы дербес айқындайды.

      2. Радиоарналар үшін өтінімге мыналар қоса беріледі:

      1) Қазақстан Республикасының телерадио хабарларын тарату саласындағы ұлттық операторының облыстардың, республикалық маңызы бар қалалардың, астананың аумағында аналогтік эфирлік телерадио хабарларын тарату арқылы радиоарнаның хабар таратуын ұйымдастыратыны туралы растау хаты;

      2) Қазақстан Республикасының телерадио хабарларын тарату саласындағы ұлттық операторымен шарт болмаған жағдайда, үміткердің берілген жиіліктерді пайдалану туралы растайтын құжаты үміткердің бірінші басшысының немесе оны алмастыратын адамның қолымен және мөрмен (ол болған кезде) куәландырылады;

      3) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын интернет-ресурстың болуын не болмауын растайтын құжат;

      4) жазылушыларын көрсете отырып және әлеуметтік желілердің скриншоттарын қоса бере отырып, әлеуметтік желілерде кемінде бір аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      5) қағаз тасығышта таныстырылым түріндегі шығарылған аудио өнім жөнінде портфолио;

      6) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      7) тақырыптық бағыттар бойынша шығармашылық ұсыныстар тақырыптық бағыттарға сәйкес қызметтерді орындау жобасы мен жоба туралы қысқаша ақпаратты және синопсисті қамтилы. Жоба туралы қысқаша ақпарат – тақырыпты, хабарды, жанрды, хронометражды, өндіріс тілін, тұтыну аудиториясын, сондай-ақ осындай жобаны өндіру тәжірибесінің болуын және оны болашақта ілгерілету ауқымының сипаттамасын қамтитын ақпарат, шығармашылық ұсыныстың ресімделуі мен мазмұнын қатысушы дербес айқындайды.

      3. Мерзімді баспа басылымдары үшін өтінімге мыналар қоса беріледі:

      1) әр нөмірдің таралымын көрсете отырып соңғы айда шығарылған таралымның саны туралы баспаханадан анықтама;

      2) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын соңғы айдағы мерзімді баспа басылымын шығарудың мерзімділігі туралы анықтама;

      3) жазылушыларды көрсете отырып және әлеуметтік желілердің скриншоттарын қоса бере отырып, үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын газеттің әлеуметтік желілерде кемінде бір аккаунтының болуы туралы анықтама;

      4) үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылатын мерзімді баспа басылымының интернет-ресурсының болуын растайтын құжат;

      5) жазылушыларды көрсете отырып және әлеуметтік желілердің скриншоттарын қоса бере отырып, журналдың әлеуметтік желілерде аккаунттарының болуы немесе болмауы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      6) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      7) үміткердің бірінші басшысының немесе оны алмастырушы адамның қолымен және мөрімен (ол болған кезде) куәландырылатын өңірлік контенттің шығарылатын газет өнімінің көлемі туралы растаушы хат (пайыздық арақатынаста алғанда және газет нөмірлерінің әрбір шығарылымының даналары бар), өтінім берілген әкімшілік-аумақтық бірліктің қызметін жария ету өңірлік контент болып табылады;

      8) тақырыптық бағыттарға сәйкес көрсетілетін қызметтерді орындау жобасын қамтитын, жарияланымдардың тәсілдерін, жанрларының әртүрлі болуын сипаттайтын тақырыптық бағыттар бойынша шығармашылық ұсыныстар, оның ішінде ақпаратты берудің, ресімдеудің өзекті нысандары мен тәсілдерін және шығармашылық ұсыныстың мазмұнын үміткер дербес айқындайды.

      4. Интернет-ресурстар үшін өтінімге мыналар қоса беріледі:

      1) арнайы веб-ресурстан соңғы айдағы бірегей пайдаланушылардың саны туралы растау құжаты, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      2) арнайы веб-ресурстан интернет-ресурстың мобильді қосымшасының болуын немесе болмауын растау құжаты, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      3) техникалық, шығармашылық және/немесе журналистік блоктар қызметкерлерінің сандық құрамын (жиынтығында) бөле отырып, лауазымдары көрсетілген қызметкерлердің штат кестесі, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      4) шығарылған бейне өнімді ауыспалы тасығышта (флеш-карталар, CD, DVD және HDD дискілер) қоса бере отырып, оны өзінің интернет-ресурсында орналастырылғаны туралы сілтеме көрсетілген соңғы жыл ішінде шығарылған бейне өнімнің болуы немесе болмауы туралы анықтама сондай-ақ анықтама, ол үміткердің бірінші басшысының немесе оны алмастыратын адамның қолымен және мөрмен (ол болған кезде) куәландырылады;

      5) жазылушыларын көрсете отырып және әлеуметтік желілердің скриншоттарын қоса бере отырып, әртүрлі әлеуметтік желілерде кемінде екі аккаунтының болуы туралы анықтама, ол үміткердің бірінші басшысының немесе оны алмастыратын адамның қолымен және мөрімен (бар болған кезде) куәландырылады;

      6) тақырыптық бағыттарға сәйкес көрсетілетін қызметтерді орындау жобасын қамтитын, жарияланымдардың тәсілдерін, жанрларының әртүрлі болуын сипаттайтын тақырыптық бағыттар бойынша шығармашылық ұсыныстар, оның ішінде ақпаратты берудің, ресімдеудің өзекті нысандары мен тәсілдерін және шығармашылық ұсыныстың мазмұнын үміткер дербес айқындайды.

Облыстар үшін мемлекеттік ақпараттық саясатты жүргізу жөніндегі мемлекеттік тапсырысты көрсетуге телеарналарды айқындауға арналған балдық бағалау

      Ескертпе:

      2-тармақта өзі өндіретін контенттің апта сайынғы хабар тарату көлемі әртүрлі болған жағдайда, соңғы екі тоқсандағы орташа арифметикалық мәні есепке алынады.

      3-тармақта шығарылған аудиовизуалды өнімге бағалаудың әрбір өлшемшарты бойынша дербес балл беріледі, қандай да бір өлшемшарт бойынша шығарылған аудиовизуалды өнім болмаса нөл балл беріледі.

      3-тармақ бойынша жалпы баға берілген ішкі балдарды ескере отырып, оларды қосу арқылы шығарылады.

      5-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады;

      6-тармақта өңірлік контенттің күн сайынғы көлемі әр түрлі болған жағдайда, есепке соңғы айдағы орташа арифметикалық мәні алынады.

Облыстар үшін мемлекеттік ақпараттық саясатты жүргізу бойынша мемлекеттік тапсырысты орындау үшін радиоарналарды айқындауға арналған балдық бағалау

      Ескертпе:

      3-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

      4-тармақта шығарылған аудио өнімге бағалаудың әрбір өлшемшарты бойынша дербес балл беріледі, қандай да бір өлшемшарт бойынша шығарылған аудио өнім болмаса нөл балл беріледі. 4-тармақ бойынша жалпы баға берілген ішкі балдарды ескере отырып, оларды қосу арқылы шығарылады.

Облыстар үшін мемлекеттік ақпараттық саясатты жүргізу бойынша мемлекеттік тапсырысты орындау үшін мерзімді баспа басылымдарды айқындауға арналған балдық бағалау

      Ескертпе:

      * газеттер мен журналдарға қолданылады;

      1 және 4-тармақтарда бір ай ішіндегі мерзімді баспа басылымының жиынтық апталық таралымының саны әртүрлі болған жағдайда, есепке қайсысы ең көп сол алынады;

      2 және 6-тармақтарда әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады;

      8-тармақта мерзімді баспа басылымы қайта есепке алынған жағдайда, есепке бастапқы есепке қою күні алынады;

      10-тармақта газетте шығарылатын өнімдегі өңірлік контенттің көлемі әр түрлі болған жағдайда, есепке соңғы айдағы орташа арифметикалық мәні алынады.

Облыстар үшін мемлекеттік ақпараттық саясатты жүргізу бойынша мемлекеттік тапсырысты орындау үшін интернет-ресурстарды айқындауға арналған балдық бағалау

      Ескертпе:

      5-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

Республикалық маңызы бар қалалар, астана үшін мемлекеттік ақпараттық саясатты жүргізу жөніндегі мемлекеттік тапсырыс көрсетуге телеарналарды айқындауға арналған балдық бағалау

      Ескертпе:

      2-тармақта өзі өндіретін контенттің апта сайынғы хабар тарату көлемі әртүрлі болған жағдайда, соңғы екі тоқсандағы орташа арифметикалық мәні есепке алынады. 3-тармақта шығарылған аудиовизуалды өнімге бағалаудың әрбір өлшемшарты бойынша дербес балл беріледі, қандай да бір өлшемшарт бойынша шығарылған аудио өнім болмаса нөл балл беріледі.

      3-тармақ бойынша жалпы баға берілген ішкі балдарды ескере отырып, оларды қосу арқылы шығарылады.

      5-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады;

      6-тармақта өңірлік контенттің күн сайынғы көлемі әртүрлі болған жағдайда, есепке соңғы айдағы орташа арифметикалық мән алынады.

Республикалық маңызы бар қалалар, астана үшін мемлекеттік ақпараттық саясатты жүргізу бойынша мемлекеттік тапсырысты орындау үшін радиоарналарды айқындауға арналған балдық бағалау

      Ескертпе:

      3-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады.

      4-тармақта шығарылған аудио өнімге бағалаудың әрбір өлшемшарты бойынша дербес балл беріледі, қандай да бір өлшемшарт бойынша шығарылған аудио өнім болмаса нөл балл беріледі. 4-тармақ бойынша жалпы баға берілген ішкі балдарды ескере отырып, оларды қосу арқылы шығарылады.

Республикалық маңызы бар қалалар, астана үшін мемлекеттік ақпараттық саясатты жүргізу жөніндегі мемлекеттік тапсырысты көрсетуге мерзімді баспа басылымдарын айқындауға арналған балдық бағалау

      Ескертпе:

      * газеттер мен журналдарға қолданылады;

      1 және 4-тармақтарда бір ай ішіндегі мерзімді баспа басылымының жиынтық апталық таралымының саны әртүрлі болған жағдайда, есепке қайсысы ең көп сол алынады;

      2 және 6-тармақтарда әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсысы көп сол алынады;

      8-тармақта мерзімді баспа басылымы қайта есепке алынған жағдайда, есепке бастапқы есепке қою күні алынады;

      10-тармақта газетте шығарылатын өнімдегі өңірлік контенттің көлемі әртүрлі болған жағдайда есепке соңғы айдағы орташа арифметикалық мәні алынады.

Республикалық маңызы бар қалалар, астана үшін мемлекеттік ақпараттық саясатты жүргізу бойынша мемлекеттік тапсырысты орындау үшін интернет-ресурстарды айқындауға арналған балдық бағалау

      Ескертпе:

      5-тармақта әртүрлі әлеуметтік желілердің аккаунттарында жазушылардың саны әртүрлі болған жағдайда, есепке қайсының саны көп сол алынады.