Тауар биржалары қызметімен айналысу құқығына лицензия беру" мемлекеттік қызмет көрсету қағидаларын бекіту туралы

      "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

      1. Қоса беріліп отырған "Тауар биржалары қызметімен айналысу құқығына лицензия беру" мемлекеттік қызмет көрсету қағидалары бекітілсін.

      2. Қазақстан Республикасы Бәсекелестікті қорғау және дамыту агенттігінің Биржалық бақылау департаменті заңнамада белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық ресми жарияланғаннан кейін оны Қазақстан Республикасы Бәсекелестікті қорғау және дамыту агенттігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Бәсекелестікті қорғау және дамыту агенттігі төрағасының орынбасарына жүктелсін.

      4. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.

"Тауар биржалары қызметімен айналысу құқығына лицензия беру" мемлекеттік қызметін көрсету қағидалары

1-тарау. Жалпы ережелер

      1. Осы "Тауар биржалары қызметімен айналысу құқығына лицензия беру" мемлекеттік қызметін көрсету жөніндегі қағидаларын (бұдан әрі – Қағидалар) Қазақстан Республикасының Бәсекелестікті қорғау және дамыту агенттігі "Тауар биржалары туралы" 2009 жылғы 4 мамырдағы Қазақстан Республикасы Заңының 4-3-бабының 6) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының (бұдан әрі – Заң) 10-бабының 1) тармақшасына, сондай-ақ "Рұқсаттар және хабарламалар туралы" 2014 жылғы 16 мамырдағы Қазақстан Республикасы Заңының 13-бабының 5) тармақшасына сәйкес әзірледі және тауар биржалары қызметімен айналысу құқығына лицензия беру тәртібін (бұдан әрі – Мемлекеттік көрсетілетін қызмет) айқындайды.

      2. Осы Қағидаларда мынадай негізгі ұғымдар пайдаланылады:

      1) Бірыңғай байланыс орталығы – Қазақстан Республикасының Үкіметі айқындаған, көрсетілетін қызметті алушыларға мемлекеттік және өзге де қызметтер көрсету мәселелері бойынша ақпарат беру жөніндегі ақпараттық-анықтамалық қызметтің, сондай-ақ мемлекеттік органдарға-ақпараттық-коммуникациялық қызметтер көрсету мәселелері жөніндегі ақпараттың функцияларын орындайтын заңды тұлға;

      2) мемлекеттік көрсетілетін қызмет стандарты – мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі;

      3) "электрондық үкіметтің" веб-порталы www.egov.kz (бұдан әрі – Портал) – нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесі болатын ақпараттық жүйе;

      4) "электрондық үкіметтің" төлем шлюзі (бұдан әрі – ЭҮТШ) – электрондық нысанда көрсетілетін өтеулі қызметтер көрсету шеңберінде төлемдер жүргізу туралы ақпаратты беру процестерін автоматтандыратын ақпараттық жүйе;

      5) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың анықтығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы;

      6) лицензия – жеке немесе заңды тұлғаға қауіптіліктің жоғары деңгейіне байланысты лицензияланатын қызмет түрін не лицензияланатын қызметтің кіші түрін жүзеге асыруға лицензиар беретін бірінші санаттағы рұқсат.

2-тарау. Мемлекеттік қызметті көрсету тәртібі

      3. Мемлекеттік көрсетілетін қызметті Қазақстан Республикасының Бәсекелестікті қорғау және дамыту агенттігі (бұдан әрі – Көрсетілетін қызметті беруші) Портал арқылы көрсетеді.

      Көрсетілетін қызметті алушыларға мемлекеттік көрсетілетін қызмет ақылы негізде көрсетіледі.

      Мемлекеттік қызметті көрсеткені үшін алым 2017 жылғы 25 желтоқсандағы "Салық және бюджетке төленетін басқа да міндетті төлемдер туралы (Салық кодексі)" Қазақстан Республикасының кодексінде белгіленген мөлшерлемелер бойынша және тәртіппен жүзеге асырылады.

      Алым сомасын төлеу екінші деңгейдегі банктер және банк операцияларының жекелеген түрлерін жүзеге асыратын ұйымдар арқылы немесе ЭҮТШ арқылы қолма-қол немесе қолма-қол емес нысанда жүзеге асырылады.

      Мемлекеттік қызметті көрсету нысаны - электрондық (толық автоматтандырылған).

      4. Мемлекеттік қызметті алу үшін жеке және заңды тұлға (бұдан әрі – көрсетілетін қызметті алушы) Көрсетілетін қызметті берушіге жібереді:

      Лицензия алу үшін:

      1) Қағидаларға 1-қосымшаға сәйкес нысан бойынша Көрсетілетін қызметті алушының ЭЦҚ-мен куәландырылған электрондық құжат нысанындағы тауар биржалары қызметімен айналысу құқығына лицензия алу үшін өтініш;

      2) лицензиялық алымның төленгені туралы мәліметтер;

      3) Қазақстан Республикасы Сауда және интеграция министрінің 2019 жылғы 3 қыркүйектегі № 31 бұйрығымен (Нормативтік құқықтық актілерді мемлекеттік тіркеу тізілімінде № 19342 болып тіркелген) бекітілген Тауар биржалары қызметіне қойылатын біліктілік талаптарына (бұдан әрі – Біліктілік талаптары) сәйкестігі туралы мәліметтердің электрондық нысаны.

      Лицензияны қайта ресімдеу үшін:

      1) Қағидаларға 2-қосымшаға сәйкес нысан бойынша Көрсетілетін қызметті алушының ЭЦҚ-мен куәландырылған электрондық құжат нысанындағы тауар биржалары қызметімен айналысу құқығына лицензияны және (немесе) лицензияға қосымшаны қайта ресімдеу үшін өтініш;

      2) лицензиялық алымның төленгені туралы мәліметтер;

      3) ақпараты мемлекеттік ақпараттық жүйелерде қамтылған құжаттарды қоспағанда, лицензияны және (немесе) лицензияға қосымшаны қайта ресімдеу үшін негіз болған өзгерістер туралы ақпаратты қамтитын құжаттардың электрондық көшірмелерін ұсынады.

      Заңды тұлғаны мемлекеттік тіркеу (қайта тіркеу) құжаттары туралы мәліметтер көрсетілетін қызметті берушіге тиісті мемлекеттік ақпараттық жүйелерден "электрондық үкімет" шлюзі арқылы ұсынылады.

      Көрсетілетін қызметті алушылардан ақпараттық жүйелерде қолжетімді құжаттарды талап етуге жол берілмейді.

      Көрсетілетін қызмет процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын негізгі құжаттар мен мемлекеттік қызмет көрсетуге қойылатын талаптардың тізбесі Қағидаларға 3-қосымшаға сәйкес "Тауар биржалары қызметімен айналысу құқығына лицензия беру" мемлекеттік көрсетілетін қызмет стандартында жазылған.

      Көрсетілетін қызметті алушының "жеке кабинетінде" мемлекеттік қызметті көрсету үшін сұрау салудың қабылданғаны туралы мәртебе көрсетіледі.

      5. Мемлекеттік қызметті көрсету нәтижесі көрсетілетін қызметті алушының порталдағы "жеке кабинетіне" Қағидаларға 5-қосымшаға сәйкес нысан бойынша көрсетілетін қызметті беруші басшысының ЭЦҚ-мен куәландырылған электрондық құжат нысанында немесе Қағидаларға 4-қосымшаға сәйкес нысан бойынша дәлелді бас тарту жолданады.

      6. Ақпараттық жүйенің істен шығуы кезінде Көрсетілетін қызметті беруші техникалық іркілістердің туындауын анықтаған сәттен бастап электрондық пошта арқылы sd@nitec.kz бірыңғай қолдау қызметіне сұрау салу жіберу арқылы мемлекеттік қызметтің атауы, өтініштің әкімшілік құжатының нөмірі мен коды немесе өтініштің бірегей сәйкестендіру нөмірі, әкімшілік құжаттың нөмірі мен коды немесе рұқсат беру құжатының бірегей сәйкестендіру нөмірі бойынша ақпарат міндетті түрде ұсыныла отырып, Көрсетілетін қызметті алушының жеке сәйкестендіру нөмірін/бизнес сәйкестендіру нөмірін қоса бере отырып, авторландыру сәтінен бастап қатенің нақты уақытын көрсете отырып, қате туындаған сәтке дейінгі қадамдық скриншоттарды қоса беріп "электрондық үкіметтің" ақпараттық-коммуникациялық инфрақұрылымының операторын дереу хабардар етеді.

      7. Мемлекеттік қызметті беруден бас тарту үшін негіздер:

      1) лицензиялық алым енгізілмеген;

      2) Көрсетілетін қызметті алушы біліктілік талаптарына сәйкес келмейді.

3-тарау. Орталық мемлекеттік органдардың, сондай-ақ көрсетілетін қызметті берушілердің және (немесе) олардың лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

      8. Көрсетілетін қызметті берушінің құрылымдық бөлімшелері қызметкерлерінің шешіміне, әрекетіне (әрекетсіздігіне) шағым Көрсетілетін қызметті беруші басшысының атына және (немесе) Заңға сәйкес мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Көрсетілетін қызметті берушінің атына келіп түскен Көрсетілетін қызметті алушының шағымы "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 25-бабы 2-тармағына сәйкес тіркелген күнінен бастап бес жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен Көрсетілетін қызметті алушының шағымы тіркелген күнінен бастап он бес жұмыс күні ішінде қаралуға жатады.

      9. Көрсетілетін қызметті беруші шешімінің нәтижелерімен келіспеген жағдайларда, өтініш беруші нәтижелерге сот тәртібімен шағым жасайды.

Тауар биржалары қызметімен айналысу құқығына лицензия алу үшін өтініш

      Кімге__________________________________________________________________

                        (лицензиардың толық атауы)

      кімнен____________________________________________________________________

      __________________________________________________________________________

      ________________

      (заңды тұлғаның толық атауы, орналасқан жері, бизнес-сәйкестендіру нөмірі)

      жүзеге асыруға лицензия және (немесе) лицензияға қосымша беруіңізді сұраймын

      __________________________________________________________________________

      (Қызмет түрінің және(немесе) қызметтің кіші түрінің (түрлерінің) толық атауын көрсету) қағаз жеткізгіште __ (егер лицензияны қағаз жеткізгіште алу қажет болған жағдайда Х белгісін қою) заңды тұлғаның мекенжайы

      _________________________________________________________________________

      _________________________________________________________________________

      (пошталық индексі, елі (шетелдік заңды тұлға үшін), облысы, қаласы, ауданы, елді

      мекені, көше атауы, үйдің/ғимараттың (стационарлық үй-жайдың) нөмірі)

      Электрондық пошта _____________________________________________________

      Телефондары ___________________________________________________________

      Факс ___________________________________________________________________

      Банктік шот _____________________________________________________________

      __________________________________________________________________________

                  (шот нөмірі, банктің атауы және орналасқан жері)

      Қызметті немесе әрекеттерді (операцияларды) жүзеге асыру объектісінің мекенжайы)

      __________________________________________________________________________

      _________________________________________________________________________

      (пошталық индексі, облыс, қала, аудан, елді мекен, көше атауы, үйдің/ғимараттың

      (стационарлық үй-жайдың) нөмірі))

      Қоса беріліп отыр _ парақ.

      Басшы

      _________________________________________________________________________

                  (қолы)       (тегі, аты, әкесінің аты       (болған жағдайда)

      Толтырылған күні: "___" _________ 20__ жыл

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін. _______ "___" ________ 20 __ жыл

Тауар биржалары қызметімен айналысу құқығына лицензияны және (немесе) лицензияға қосымшаны қайта ресімдеу үшін өтініш

      Кімге___________________________________________________________________

      (лицензиардың толық атауы) кімнен__________________________________________

      __________________________________________________________________________

      (заңды тұлғаның толық атауы, орналасқан жері, бизнес-сәйкестендіру нөмірі)

      Лицензияны және (немесе) лицензияға қосымшаны (керегінің астын сызу)

      қайта ресімдеуді сұраймын) №____________ бастап "___" _________ 20___ берілген

      жылдың) __________________________________________________________________

      __________________________________________________________________________

      лицензияның және (немесе) лицензияға қосымшаның (қосымшалардың) нөмірі,

      берілген күні, лицензияны және(немесе) лицензияға қосымшаны (ларды) берген

      лицензиардың атауы)

      жүзеге асыруға _____________________________________________________________

      (қызмет түрінің және(немесе) қызметтің кіші түрінің(түрлерінің) толық атауы)

      мынадай негіз(дер) бойынша (тиісті ұяшықта Х түрінде көрсетіңіз)):

      1) "Рұқсаттар және хабарламалар туралы" Қазақстан Республикасы Заңының 34-бабында айқындалған тәртіпке сәйкес заңды тұлға-лицензиатты қайта ұйымдастыру жолымен (тиісті ұяшықта Х түрінде көрсетіңіз)):

      біріктіру _______ қайта құру _____ қосылу _____ бөліп шығару _____ бөлу _____

      2) заңды тұлға-лицензиат атауының өзгеруі _______

      3) заңды тұлға-лицензиаттың орналасқан жерінің өзгеруі _______

      4) Егер лицензияның иеліктен шығарылатындығы "Рұқсаттар және хабарламалар туралы" Қазақстан Республикасының Заңына 1-қосымшада көзделген жағдайларда, лицензиаттың "объектілерге берілетін рұқсаттар" сыныбы бойынша берілген лицензияны объектімен бірге үшінші тұлғалардың пайдасына иеліктен шығаруы" _______

      5) "объектілерге берілетін рұқсаттар" сыныбы бойынша берілген лицензия үшін немесе лицензияға қосымшалар үшін объектілерді көрсете отырып, объект нақты көшірілмей оның орналасқан жерінің мекенжайын өзгерту _______

      6) Қазақстан Республикасының заңдарында қайта ресімдеу туралы талаптың болуы ____

      7) Қызмет түрі атауының өзгеруі _______

      8) қызметтің кіші түрі атауының өзгеруі _______ қағаз _______ (Х белгісін қою керек егер қажет лицензияны қағаз тасығышта)

      Заңды тұлғаның мекен-жайы _________________________________________________

      __________________________________________________________________________

      (ел – шетелдік заңды тұлға үшін, пошталық индексі, облысы, қаласы, ауданы, елді

      мекені, көше атауы, үйдің/ғимараттың (стационарлық үй-жайдың) нөмірі)

      Электрондық пошта _______________________________________________________

      телефондар _______________________________________________________________

      Факс _____________________________________________________________________

      Банктік шот _______________________________________________________________

                        (шот нөмірі, банктің атауы және орналасқан жері)

      Қызметті немесе әрекеттерді (операцияларды) жүзеге асыру объектісінің мекенжайы)

      _________________________________________________________________________

      ________________________________________________________________________

      (пошталық индексі, облыс, қала, аудан, елді мекен, көше атауы, үйдің/ғимараттың

      (стационарлық үй-жайдың) нөмірі))

      Қоса беріліп отыр _ _ _ _ _ парақ.

      Басшы ______             ________________________________

      (қолы)                  (тегі, аты, әкесінің аты (болған жағдайда)

      Толтырылған күні: "___" __________ 20__ жыл

"Тауар биржалары қызметімен айналысу құқығына лицензия беру" мемлекеттік көрсетілетін қызмет стандарты