БҰЙЫРАМЫН:
1. "Топологияларға айрықша құқық беруді, оларды пайдалануға құқықты табыстауды Интегралдық микросхемалар топологияларының мемлекеттік тізілімінде тіркеу қағидаларын бекіту туралы" Қазақстан Республикасы Әділет министрінің 2018 жылғы 29 тамыздағы № 1344 бұйрығына (нормативтік құқықтық актілердің мемлекеттік Тізілімінде № 17330 болып тіркелген) келесідей өзгерістер енгізілсін:
Көрсетілген бұйрықпен бекітілген Топологияларға айрықша құқық беруді, оларды пайдалануға құқықты табыстауды Интегралдық микросхемалар топологияларының мемлекеттік тізілімінде тіркеу қағидаларында:
6-тармақтың 3) тармақшасы мынадай редакцияда жазылсын:
"3) Топологияны пайдалануға құқықты беру туралы шарт (лицензиялық,кешенді кәсіпкерлік лицензия шарты немесе лицензиялық шарттың талаптарын қамтитын өзге шарт) немесе шарттың нотариалды куәландырылған көшірмесі қоса беріледі.";
10-тармақ мынадай редакцияда жазылсын:
"10. Құқықты беруді немесе пайдалану құқығын беруді тіркеу үшін өтініш беруші Заңның 4-1 бабының 2-тармағына сәйкес белгіленген сараптама жасау ұйымының қызметі үшін төлем жасайды.".
2. Қазақстан Республикасы Әділет министрлігінің Зияткерлік меншік құқығы департаменті Қазақстан Республикасының заңнамасында белгіленген тәртіппен:
1) осы бұйрықты мемлекеттік тіркеуді;
2) осы бұйрықты Қазақстан Республикасы Әділет министрлігінің ресми интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Әділет вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Әділет министрінің міндетін атқарушы |
Н. Пан |