"Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы" Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығына өзгеріс енгізу туралы

      БҰЙЫРАМЫН:

      1. "Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы" Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығына (Нормативтік құқықтық актілерді мемлекеттік тіркеу тізілімінде № 17320 болып тіркелген, 2018 жылғы 6 қыркүйекте Қазақстан Республикасы Нормативтік құқықтық актілерінің эталондық бақылау банкінде жарияланған) мынадай өзгеріс енгізілсін:

      көрсетілген бұйрықпен бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары осы бұйрыққа қосымшаға сәйкес жаңа редакцияда жазылсын.

      2. Қазақстан Республикасы Ауыл шаруашылығы министрлігінің Инвестициялық саясат департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

      3) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары 1-тарау. Жалпы ережелер

      1. Осы Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңының (бұдан әрі – Заң) 6-бабы 1-тармағының 15) тармақшасына, сондай-ақ "Мемлекеттік статистика туралы" 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес әзірленді және инвестициялық салымдар кезінде агроөнеркәсіптік кешен (бұдан әрі – АӨК) субъектісі шеккен шығыстардың бір бөлігін өтеу бойынша субсидиялау тәртібін айқындайды.

      2. Инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидиялаудың негізгі мақсаты капиталды көп қажет етуді төмендету және салынған инвестициялардың өзін-өзі ақтауын арттыру жолымен АӨК-нің басым бағыттарында (секторларында) инвестициялық жобаларды іске асыру шеңберінде тауарлардың, жұмыстардың және көрсетілетін қызметтердің қолжетімділігін арттыру болып табылады.

      Осы Қағидаларда мынадай терминдер мен айқындамалар пайдаланылады:

      1) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға;

      2) ақпараттық жүйенің веб-порталы (бұдан әрі – веб-портал) – Интернет желісінде орналастырылған, субсидиялау жүйесіне қолжетімділік беретін интернет-ресурс;

      3) АӨК-дегі инвестициялық жоба (бұдан әрі – инвестициялық жоба) – жаңа өндірістік қуаттылықтар құруға немесе жұмыс істеп тұрғандарын кеңейтуге инвестициялар салуды көздейтін іс-шаралар кешені;

      4) АӨК-дегі инвестор (бұдан әрі – инвестор) – Қазақстан Республикасының заңнамасына сәйкес инвестициялық салымдарды жүзеге асыратын АӨК субъектісі;

      5) арнайы шот – осы Қағидалардың 6-тарауының шарттарына сәйкес инвестициялық субсидиялардың сомалары аударылатын қаржы институтының екінші деңгейдегі банктегі шоты;

      6) бос бюджет – тиісті жылға арналған облыстар, республикалық маңызы бар қалалардың және астананың жергілікті атқарушы органдарының бюджеттерінде көзделген, инвестор өтінім берген сәтке міндеттемелерден бос бюджеттік қаражаттар;

      7) бюджеттік бағдарламаның әкімшісі (бұдан әрі – әкімші) – Қазақстан Республикасы Ауыл шаруашылығы министрлігі;

      8) жеке шот – тізілімде қамтылған, субсидиялауға арналған өтінімдерді тіркеу және олар бойынша операцияларды есепке алу мақсатында тіркелген адамды сәйкестендіруге мүмкіндік беретін жазбалар жиынтығы;

      9) жобаның паспорты – осы Қағидаларға 1 және 2-қосымшаларда көрсетілген инвестициялық субсидиялауға жататын құрылыс-монтаждау жұмыстары, техника, жабдық және басқа негізгі құралдар, жұмыстар мен көрсетілетін қызметтер түріндегі инвестициялық салымдар тізбесі және оларды өтеу үлесі;

      10) жұмыс істеп тұрған өндірістік қуаттылықтарды кеңейту – жұмыс істеп тұрған өндірістік қуаттылықтарды жетіспейтін немесе қажетті жабдықпен (техникамен) жарақтандыруды немесе өндірістік қуаттылықтарды ұлғайтуды және өндіріс көлемін ұлғайтуға және (немесе) өндірілетін өнімнің өзіндік құнын төмендетуге және (немесе) өндірілетін өнімнің сапасын арттыруға, оның орамасын өзгертуге және (немесе) ассортиментін кеңейтуге бағытталған өзге де іс-қимылдарды көздейтін іс-шаралар, сондай-ақ, мақсаты нарықта жаңа тауарлық тауашаға орнығу, өткізу нарықтарын кеңейту және басқалар болып табылатын басқа да іс-шаралар;

      11) инвестициялық салымдар – жобалар паспорттарында көрсетілген жаңа өндірістік қуаттылықтар құруға және (немесе) жұмыс істеп тұрғандарын кеңейтуге, жаңа, бұрын пайдаланылмаған техника мен жабдықты сатып алуға бағытталған шығындар;

      12) инвестициялық субсидиялау – инвестициялық салымдар кезінде АӨК субъектісі шеккен шығыстардың бір бөлігін өтеу;

      13) инвестициялық субсидиялау мәселелері бойынша жұмыс органы (бұдан әрі – жұмыс органы) – инвесторлардың өтінімдерін қарастыруға және инвестициялық субсидияларды беруде төлеу/ бас тарту туралы шешім қабылдауға өкілетті облыстардың, республикалық маңызы бар қалалардың және астананың ауыл шаруашылығы саласындағы жергілікті атқарушы органы;

      14) инвестициялық субсидиялау шарты – жұмыс органы мен инвестор арасында жасалатын, инвестициялық субсидиялар қаражатын аударудың тәртібі мен шарттарын, мониторинг барысын, тараптардың жауапкершілігін және өзге де шарттарды көздейтін электрондық/қағаз түрінде келісім;

      15) көрсетілетін қызметтерді жеткізуші – субсидиялаудың ақпараттық жүйесіне қолжеткізуді және оны сүйемелдеуді қамтамасыз ететін, мемлекеттік сатып алу туралы заңнамаға сәйкес жұмыс органы айқындайтын адам;

      16) қаржы институттары – екінші деңгейдегі банктер, банктік операцияларды жүзеге асыру құқығына тиісті лицензиясы бар микроқаржылық ұйымдар, кредиттік ұйымдар, лизингтік компаниялар, кредиттік серіктестіктер;

      17) өндірістік кешен – ауыл шаруашылығы өнімдерін өндіруге, өңдеуге, сақтауға, буып-түюге бағытталған өзара байланысты өндірістік қуаттылықтар (ғимараттар, құрылысжайлар, монтаждалатын жабдық, инженерлік желілер және басқалары) жиынтығы;

      18) өтінім – осы Қағидаларға 3, 4, 5-қосымшаларға сәйкес нысан бойынша инвесторлардың инвестициялық салымдар кезінде инвестициялық субсидиялар алуға арналған электрондық/қағаз түрінде өтінім;

      19) субсидиялаудың ақпараттық жүйесі – субсидиялау процестерін орындау бойынша қызметтерді көрсетуге арналған, субсидиялар алуға арналған өтінімді тіркеуге, сондай-ақ өтінімді субсидиялау шарттарына сәйкестігіне автоматты тексеру арқылы оны өңдеуге мүмкіндік беретін ақпараттық-коммуникациялық технологиялардың, қызмет көрсетуші персонал мен техникалық құжаттаманың ұйымдастырылып, ретке келтірілген жиынтығы;

      20) субсидиялауға арналған өтінімдердің электрондық тізілімі (бұдан әрі – тізілім) – агроөнеркәсіптік кешенді субсидиялауға арналған өтінімдер туралы, сондай-ақ қарыз алушылар, қаржы институттары туралы мәліметтер жиынтығы және субсидиялаудың ақпараттық жүйесінде көрсетілген өзге де мәліметтер;

      21) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен құрылған және электрондық құжаттың дұрыстығын, оның тиістілігін және мазмұнының өзгермейтінін растайтын электрондық цифрлық символдар жинағы.

      3. Құрылыс-монтаждау жұмыстарына арналған шығындарды субсидиялау жобаның бизнес-жоспарына сәйкес өндіргіштігі және/немесе өнімділігі және/немесе өнімді өткізу көлемдері және (немесе) өндірістік қуаттылықтар жүктемесі бойынша көрсеткіштерге қол жеткізуді көздейтін инвестициялық жобалар бойынша жүзеге асырылады.

      4. Жұмыс органы жыл сайын тиісті жылғы 1 ақпанға дейін жұмыс органы мамандарынан және қоғамдық және үкіметтік емес салалық ұйымдардың өкілдері болып табылатын басқа ұйымдардың қатарынан мамандар тобын (бұдан әрі – мамандар тобы) құрады және субсидиялаудың ақпараттық жүйесінде тіркейді.

      Мамандар тобы № 1 жоба паспортын қоспағанда, барлық жобалардың паспорттары бойынша құжаттарды тексеруді, инвестордың объектісін, сатып алынған жабдықты жобалардың паспорттарында көзделген шарттарға сәйкестігіне қарап–тексеруді жүзеге асырады, сондай-ақ өндірістік қуаттылықтар жүктемесіне қол жеткізуді тексереді, осы Қағидалардың 17-тармағына сәйкес инвестициялық субсидиялар есептемесін жүргізеді.

      Әрбір объектіге жұмыс органы айқындайтын кемінде 2 (екі) маман жіберіледі.

      Қарап–тексеру инвестордың немесе оның сенім білдірген адамының қатысуымен жүзеге асырылады және оның нәтижесі осы Қағидаларға 6-қосымшаға сәйкес нысан бойынша инвестордың объектісін қарап – тексеру және өндірістік қуаттылықтардың жүктемелеріне жеткендігіне көз жеткізу актісімен (бұдан әрі – қарап–тексеру актісі) ресімделеді.

      Егер инвестициялық жоба техниканы сатып алу ғана көзделсе, онда мамандар тобының инвестордың объектісін қарап–тексеруі талап етілмейді.

      5. Инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидиялау тиісті қаржы жылына арналған мемлекеттік бюджетте көзделген қаражат есебінен және шегінде жүзеге асырылады.

      6. Инвестициялық субсидиялау Заңының 6-бабы 1-тармағының 3) тармақшасында көзделген ауыл шаруашылығы өнімінің нақты түрлерін өндіру үшін ауыл шаруашылығы алқаптарын оңтайлы пайдалану бойынша өңірлерді мамандандырудың ұсынылатын схемасына сәйкес жүзеге асырылады.

      7. Инвестициялық субсидиялар сомасы 500 (бес жүз) миллион және одан артық теңгені құрайтын өтінімдер әкімшімен келісіледі.

      8. Инвестициялық салымдар кезіндегі шығындарды өтеуді көздейтін шараларды қоспағанда, инвестициялық субсидиялау басқа мемлекеттік қолдау шараларымен қатар жүргізіледі.

      9. Инвестициялық субсидиялар оларға қатысты тарату, оңалту немесе банкроттық рәсімдері басталған, сондай-ақ жеделдетілген оңалту рәсімдерін қоспағанда, "Оңалту және банкроттық туралы" 2014 жылғы 7 наурыздағы Қазақстан Республикасының Заңына сәйкес қызметтері тоқтатылған инвесторларға берілмейді.

2-тарау. Инвестициялық субсидиялаудың негізгі шарттары

      10. Инвестициялық субсидиялау осы Қағидаларға 2-қосымшада көрсетілген жобалардың паспорттары бойынша жүзеге асырылады және инвестициялық жобаны іске асыру орны бойынша жүргізіледі.

      11. Инвестициялық субсидия электрондық/қағаз түрінде өтінім берілген жылға дейін екі жылдан ерте емес пайдалануға берілген инвестициялық жобалар бойынша ұсынылады. Субсидиялауға:

      1) инвестициялық жоба пайдалануға берілетін күнге дейін 24 (жиырма төрт) айдан ерте емес сатып алынған;

      2) инвестициялық жоба пайдалануға берілетін күнге дейін 36 (отыз алты) айдан ерте емес шығарылған техника және/немесе жабдық жатады.

      12. Егер жобалардың паспорттары бойынша тек жабдықты және/немесе техниканы сатып алу көзделсе, онда өтінім берілетін жылға дейін үш жылдан ерте емес шығарылған, екі жылдан ерте емес сатып алынған жабдық және (немесе) техника субсидиялауға жатады.

      13. № 5, № 6, № 9 жобалардың паспорттары үшін инвесторда ауыл шаруашылығы жануарларының аналық басының тиісті санының (ірі қара мал бойынша 15 (он бес) айдан жоғары, ұсақ мал бйынша12 (он екі) айдан жоғары) болуы субсидиялаудың ақпараттық жүйесі мен ауыл шаруашылығы жануарларын сәйкестендіру бойынша дерекқорлардың ақпараттық өзара іс-қимыл жасауы нәтижесінде расталады.

      Өтінім ауыл шаруашылығы кооперативінен берілген жағдайда ауыл шаруашылығы кооперативінің мүшелерінде тіркелген ауыл шаруашылығы жануарларының аналық басының жиынтық саны ескеріледі.

      Жобалар паспорттарында көрсетілген ауыл шаруашылығы жануарларының басын ірі қара малдың шартты басына ауыстыру коэффициенттері осы Қағидаларға 7-қосымшаға сәйкес жүзеге асырылады.

      14. Өтінім осы Қағидаларға 2-қосымшада көрсетілген жобалардың паспорттарына, сондай-ақ осы Қағидалардың талаптарына сәйкес болған жағдайда инвестициялық субсидиялау жүзеге асырылады.

      15. Сатып алынған тауарларды, жұмыстарды және көрсетілетін қызметтерді электрондық шот-фактуралармен растау электрондық шот-фактуралардың ақпараттық жүйесі арқылы жүзеге асырылады. 2020 жылғы 1 қаңтарға дейін жүзеге асырылған шығыстар қағаз түріндегі шот-фактуралармен расталады. Қазақстан Республикасынан тысқары жерлерде техниканы, жабдықтарды сатып алу кезінде шеккен шығыстар Қазақстан Республикасының мемлекеттік кірістер органы куәландырған кедендік жүк декларациясымен және инвойспен расталады.

      Ауыл шаруашылығы тауарын өндіруші (ауыл шаруашылығы кооперативі) электрондық шот-фактуралардың ақпараттық жүйесін пайдаланбайтын шетелдік өндірушіден тікелей техникаларды және/немесе жабдықтарды сатып алған кезде, сатып алуға жұмсалған шығындар тауарларға арналған кедендік декларациядан алынған мәліметтермен (Еуразиялық экономикалық одаққа кірмейтін елдерден) немесе Қазақстан Республикасының мемлекеттік кірістер органы берген, тауардың Еуразиялық экономикалық одақтан әкелінгенін растайтын құжаттың мәліметтерімен расталады.

      16. Инвестициялық субсидиялар осы Қағидалардың 39-тармағында көзделген жағдайларды қоспағанда, жаңа өндірістік қуаттылықтар пайдалануға берілгеннен және/немесе жұмыс істеп тұрғандарын кеңейткеннен және/немесе техника мен жабдықтарды сатып алынғаннан кейін төленеді. Инвестициялық жобаны кезегін немесе қосу кешенін пайдалануға беру жолымен іске асырған жағдайда кезегі немесе қосу кешені субсидияланады.

      17. Инвестициялық субсидияларды есептеу іс жүзінде салынған инвестициялар бойынша жүзеге асырылады. Шығындарды өтеу пайызы жобалар паспорттарында көзделген өтеу үлесіне сәйкес белгіленеді. Өтеу үлесі осы Қағидалардың 18-тармағында көзделген жағдайларды қоспағанда, өзгертуге жатпайды.

      № 11, № 12, № 25, № 32, № 33, № 34, № 35, № 36, № 37, № 38, № 39 жобалардың паспорттары бойынша инвестициялық субсидиялар жаңа өндірістік қуаттылықты құрған кезде екі траншпен:

      1) бірінші транш объектіні пайдалануға бергеннен кейін инвестициялық субсидиялардың жалпы сомасынан 50 % мөлшерінде;

      2) екінші транш бизнес-жоспарда көзделген мерзімдерде өнім өндіру көлемі кемінде 30 %-ға жеткеннен кейін инвестициялық субсидиялардың жалпы сомасынан 50 %-ы мөлшерінде төленеді.

      Өтінім берген кезде инвестициялық жобаның өнім өндіру көлемі 30 %-ға және одан да көп қол жеткізген жағдайда, инвестициялық субсидиялар бір траншпен төленеді.

      18. Жергілікті бюджеттен қосымша бөлінетін субсидиялар есебінен мынадай жобалардың паспорттары бойынша өтеу үлесін 35%-ға дейін арттыруға болады:

      № 1 "Ауыл шаруашылығы техникасын сатып алу" - негіздемелерін көрсете отырып, облыстардың аумақтарын дамыту бағдарламаларында көзделген техникалардың басым түрлері мен жабдықтар бойынша;

      № 7 "Ірі қара малды бордақылауға арналған объектілерді құру және кеңейту" – жаңа технологияларды және/немесе цифрландыру элементтерін қолданатын инвестициялық жобалар бойынша;

      № 10 "Сүтті бағыттағы ірі қара малды өсіруге арналған қуаттылығы 400 бас аналық мал басынан басталатын объектілерді құру және кеңейту" - жаңа технологияларды және/немесе цифрландыру элементтерін қолданатын инвестициялық жобалар бойынша.

      19. Инвестициялық субсидиялардың мөлшері мынадай формула бойынша айқындалады:

      А = Б х В, мұнда:

      А – инвестициялық субсидиялардың сомасы;

      Б – іс жүзінде салынған инвестициялар сомасы немесе жобалардың паспорттарында көрсетілген субсидияларды есептеуге арналған ең жоғары жол берілетін құн (егер іс жүзінде салынған инвестициялар субсидияларды есептеуге арналған ең жоғары жол берілетін құннан артық болса);

      В – жобалардың паспорттарында көрсетілген пайыздық мәндегі инвестициялық салымдарды өтеу үлесі.

      Өлшем бірлігіне субсидиялауды көздейтін жобалардың паспорттары бойынша субсидиялардың мөлшері мынадай формула бойынша айқындалады:

      А = (Б х В) х Г, мұнда:

      А – инвестициялық субсидиялардың сомасы;

      Б – іс жүзінде салынған инвестициялар сомасы немесе жобалардың паспорттарында көрсетілген субсидияларды есептеуге арналған ең жоғары жол берілетін құн (егер іс жүзінде салынған инвестициялар субсидияларды есептеуге арналған ең жоғары жол берілетін құннан артық болса);

      В – жобалардың паспорттарында көрсетілген пайыздық мәндегі инвестициялық салымдарды өтеу үлесі;

      Г – жобалардың паспорттарында көрсетілген өлшем бірлігі.

      20. Өтінімдерді қабылдау инвестициялық жобаны іске асыру орны бойынша тиісті жылдың 1 ақпанынан бастап 1 желтоқсанға дейін (қоса алғанда) тиісті жылы инвестициялық субсидиялауға арналған міндеттемелерден бос қаражаттың (бұдан әрі – Бос бюджет) болуына байланысты жүзеге асырылады.

      Тиісті жылдың 1 шілдесіне дейін Бос бюджеттің 60 (алпыс) %-ы № 1, № 2, № 3, № 4, № 5, №6, № 7, № 8, № 9, № 10, № 11, № 12, № 13, № 14, № 15, № 16, № 17, № 18, № 19, № 20, № 21, № 22 жобалардың паспорттарын субсидиялауға пайдаланылады.

      Егер тиісті жылдың 1 шілдесіне дейін резервке қойылған лимит игерілмесе, онда өтінімдерді қабылдау көрсетілген лимитті қолданбастан жалғасады.

      21. Пайдалануға берілмеген инвестициялық жобалар бойынша инвестор өз қалауымен өтінімді екі кезеңмен бере алады. Бірінші кезеңде жұмыс органы инвестордың осы Қағидалардың шарттарына сәйкестігі/сәйкес еместігі туралы шешім қабылдайды. Екінші кезеңде жұмыс органы инвестициялық субсидияларды төлеу/төлеуден бас тарту туралы шешім қабылдайды.

      22. Пайдалануға берілген инвестициялық жобалар бойынша, сондай-ақ нақты сатып алынған техника мен жабдықтар бойынша өтінімдер екі кезеңді рәсімдерді қолданбай қаралады.

      23. Инвестор өз қаражатын пайдаланған жағдайда инвестициялық субсидиялар сомасын жұмыс органы инвестордың есеп айырысу шотына аударады.

      Техниканы, жабдықтарды және басқа да объектілерді кредитке/лизингке сатып алу кезінде инвестордың келісімі бойынша инвестициялық субсидиялар қаржы институтына инвестордың негізгі борышын өтеу есебіне не инвестордың есеп айырысу шотына аударылады.

3-тарау. Инвестициялық субсидиялауға электрондық түрінде өтінім қабылдау және қарастыру тәртібі

      24. Инвестициялық субсидиялауға өтінім беру "электрондық үкіметтің" веб-порталы арқылы электрондық түрде жүзеге асырылады және субсидиялаудың ақпараттық жүйесінде тіркеледі.

      "Электрондық үкіметтің" веб-порталы мен субсидиялаудың ақпараттық жүйесінің ақпараттық өзара іс-қимылы Қазақстан Республикасының Ақпараттандыру саласындағы заңнамасына сәйкес жүзеге асырылады.

      Инвесторда субсидиялаудың ақпараттық жүйесінде жеке шоттың болуы субсидиялаудың ақпараттық жүйесінің "Заңды тұлғалар" немесе "Жеке тұлғалар" мемлекеттік дерекқорлармен ақпараттық өзара іс-қимыл нәтижесінде расталады.

      25. Бірінші кезең бойынша жұмыс органының шешімін алу үшін инвестор осы Қағидаларға 3-қосымшаға сәйкес нысан бойынша "электрондық үкіметтің" веб-порталы арқылы инвестициялық субсидиялауға бірінші кезеңнің электрондық өтінімін береді, оған инвестордың ЭЦҚ-сы қойылып, өтінімде көрсетілген қажетті құжаттар "PDF (Portable Document Format)" форматында (инвестор қол қойған және мөрімен (бар болса) растаған қағаз нұсқаның сканерленген көшірмесі) қоса беріледі.

      Бұл ретте, жұмыс органы өтінім тіркелген күннен бастап 2 (екі) жұмыс күні ішінде инвестициялық жобаның осы Қағидалардың шарттарына сәйкестігі/сәйкес еместігі туралы шешім қабылдайды.

      26. Екінші кезеңде (жұмыстар аяқталғаннан кейін) инвестор "PDF (Portable Document Format)" электрондық форматында (инвестор қол қойған және мөрімен (бар болса) растаған қағаз нұсқаның сканерлеген көшірмесі) мынадай растау, құқық белгілеу және/немесе тіркеу құжаттарын қоса бере отырып, осы Қағидаларға 4-қосымшаға сәйкес нысан бойынша инвестициялық субсидиялауға екінші кезеңге өтінім береді:

      1) "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасының Заңы 73-бабының 2-тармағына сәйкес "Объектіні пайдалануға қабылдау актісінің нысанын бекіту туралы" Қазақстан Республикасы Инвестициялар және даму министрінің 2017 жылғы 24 сәуірдегі № 234 бұйрығымен (Нормативтік құқықтық актілерді мемлекеттік тіркеу тізілімінде № 15141 болып тіркелген) бекітілген нысан (бұдан әрі – объектіні пайдалануға қабылдау актісінің нысаны) бойынша инвестициялық жоба объектісін пайдалануға қабылдау актісінің (жаңа өндірістік қуаттылықтар құру немесе жұмыс істеп тұрғандарын кеңейту кезінде) немесе инвестициялық жобаның қосу кешенін немесе кезегін пайдалануға беру актісінің (Қағидалардың 16-тармағында көрсетілген жағдайлар бойынша) көшірмелері;

      2) сатып алушы мен жеткізуші арасындағы жабдықтарды пайдалануға беру актісінің көшірмесі (жабдықтар сатып алу кезінде);

      3) жаңа өндірістік қуаттылықтар құруға не жұмыс істеп тұрғандарын кеңейтуге арналған инвестициялық салымдарды растайтын, сатып алынған тауарлар, жұмыстар, көрсетілетін қызметтер бойынша сатып алу-сату шарттарының, электрондық және/немесе қағаз түріндегі шот-фактуралардың, төленген төлемді растайтын құжаттардың көшірмелері;

      4) "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 60-бабына және 9-1-тарауына сәйкес жобалар сараптамасының оң қорытындысы бар жобалық-сметалық құжаттама көшірмелері (олар бойынша жобалық-сметалық құжаттамаға сәйкес субсидиялау көзделген жобалардың паспорттары бойынша);

      5) ауыл шаруашылығы техникасын, арнайы техника мен технологиялық жабдықтарды қабылдап алу-беру актілерінің көшірмелері;

      6) қаржы институттарында тартылған қаражат есебінен инвестициялық салымдар жүзеге асырылған жағдайда, қаржы институты растаған кредиттік/лизингтік шарттар көшірмелері;

      7) инвестор осы Қағидалардың 17-тармақтың 2) тармақшасына сәйкес екінші траншты алуға өтінім берген жағдайда "PDF (Portable Document Format)" электрондық форматында (қағаз нұсқасының сканерленген көшірмесі) растайтын құжаттарды (бизнес-жоспар, дайын өнімді өткізу бойынша электрондық шот-фактуралар) қоса тіркейді. Бизнес-жоспарда мәлімделген өндірілген өнім көлемін растау үшін мамандар тобы, дара кәсіпкерлерді қоспағанда, осы тармақшада көрсетілген құжаттардың, сондай-ақ екінші кезеңде инвестордың өтінім берген сәтінің алдындағы тоқсан үшін инвестордың "Өнеркәсіп және қоршаған орта статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы" Қазақстан Республикасы Ұлттық экономика министрлігі Статистика комитеті төрағасының 2018 жылғы 13 желтоқсандағы № 5 бұйрығымен (Нормативтік құқықтық актілерді мемлекеттік тіркеу тізілімінде № 17979 болып тіркелген) бекітілген "Кәсіпорынның өнім (тауар, қызмет) өндіру туралы есебі" (коды 151103128, индексі 1-П, кезеңділігі тоқсандық) жалпымемлекеттік статистикалық байқаудың статистикалық нысанының негізінде дайындалатын өндірілген өнім көлемі кемінде 30 %-ға жеткені туралы тексеру актісін жасайды;

      27. Тартылған қаражат есебінен инвестициялық салымдарды субсидиялау үшін қаржы институты инвестор ЭЦҚ-ны пайдалана отырып қол қою жолымен ақпараттық жүйесіне кредиттік/лизингтік шарттар көшірмелерін растайды.

      28. Инвестордың техниканы және/немесе автомобильдерді сатып алғанын субсидиялаудың ақпараттық жүйесінің ауыл шаруашылығы техникасының мемлекеттік тізілімімен және/немесе "Автомобиль" дерекқорымен ақпараттық өзара іс-қимыл жасауы арқылы растау жүзеге асырылады.

      29. Жұмыс органы инвестор өтінімін тіркеген сәттен бастап 1 (бір) жұмыс күні ішінде ЭЦҚ-ны пайдалана отырып тиісті хабарламаға қол қою арқылы оның қабылданғанын растайды. Аталған хабарлама инвестордың жеке кабинетінде қолжетімді болады.

      Өтінімге қоса берілген құжаттар не онда қамтылған қажетті мәліметтер толық емес болған жағдайда, жұмыс органы орган 1 (бір) жұмыс күні ішінде негіздемені егжей-тегжейлі сипаттай отырып, өтінімді тіркеуден бас тартады.

      30. Өтінім екінші кезеңде берілген және тіркелген кезде өтінім жұмыс органның немесе мамандар тобының жеке кабинеттеріне түседі.

      Жұмыс орган инвестордан өтінім түскенде 10 (он) жұмыс күні ішінде осы Қағидалардың 4-тармағына сәйкес жұмыстарды жүргізеді және жобаның осы Қағидалардың талаптарына сәйкестігі/сәйкес еместігі туралы өзінің электрондық қорытындысын (бұдан әрі – қорытынды) дайындайды және оған өз ЭЦҚ-сын қояды.

      31. Субсидия беруден бас тарту "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 19-1-бабында көзделген негіздер бойынша жүзеге асырылады.

      Инвестициялық субсидияларды беруден бас тарту туралы шешімді жұмыс органы субсидиялаудың ақпараттық жүйесінде мамандар тобының қарап-тексеру актысының негізінде немесе инвестициялық жобаның және/немесе ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі анықталған кезде қорытынды алған күннен бастап 1 (бір) жұмыс күні ішінде қабылдайды.

      32. Өтінімді қарастырудың нәтижелері туралы мәліметтер инвестордың жеке кабинетіне жолданады және веб-порталда көрсетіледі.

      Жұмыс органы оң шешім қабылдаған күннен бастап 1 (бір) жұмыс күні ішінде жұмыс органы мен инвестор арасында осы Қағидаларға 8, 9-қосымшаларға сәйкес нысандар бойынша ЭЦҚ қойылған, субсидиялаудың ақпараттық жүйесінде электрондық нысанда жасалған инвестициялық субсидиялау шартына және сатып алынатын жабдықты, техниканы мақсатты пайдалану және иеліктен шығармау туралы шартқа қол қойылады.

4-тарау. Инвестициялық субсидиялауға қағаз түрінде өтінім қабылдау және қарастыру тәртібі

      33. Өтінімді қағаз түрінде беру Мемлекеттік корпорация арқылы жүзеге асырылады.

      34. Бірінші кезең бойынша жұмыс органының шешімін алу үшін инвестор Мемлекеттік корпорацияға осы Қағидаларға 3-қосымшаға сәйкес нысаны бойынша инвестициялық субсидиялауға бірінші кезеңнің өтінімін береді.

      Бұл ретте, жұмыс органы инвестициялық жобаның осы Қағидалардың шарттарына сәйкестігі/сәйкес еместігі туралы шешімді өтінім келіп түскен күннен бастап 2 (екі) жұмыс күні ішінде қабылдайды.

      35. Екінші кезеңде (жұмыстар аяқталғаннан кейін) инвестор Мемлекеттік корпорацияға осы Қағидаларға 4-қосымшаға сәйкес нысан бойынша инвестициялық субсидиялауға екінші кезеңнің өтінімін береді:

      1) "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасының Заңы 73-бабының 2-тармағына сәйкес "Объектіні пайдалануға қабылдау актісінің нысанын бекіту туралы" Қазақстан Республикасы Инвестициялар және даму министрінің 2017 жылғы 24 сәуірдегі № 234 бұйрығымен (Нормативтік құқықтық актілерді мемлекеттік тіркеу тізілімінде № 15141 болып тіркелген) бекітілген нысан (бұдан әрі – объектіні пайдалануға қабылдау актісінің нысаны) бойынша инвестициялық жоба объектісін пайдалануға қабылдау актісінің (жаңа өндірістік қуаттылықтар құру немесе жұмыс істеп тұрғандарын кеңейту кезінде) немесе инвестициялық жобаның қосу кешенін немесе кезегін пайдалануға беру актісінің (Қағидалардың 16-тармағында көрсетілген жағдайлар бойынша) көшірмелері;

      2) сатып алушы мен жеткізуші арасындағы жабдықтарды пайдалануға беру актісінің көшірмесі (жабдықтар сатып алу кезінде);

      3) жаңа өндірістік қуаттылықтар құруға не жұмыс істеп тұрғандарын кеңейтуге арналған инвестициялық салымдарды растайтын, сатып алынған тауарлар, жұмыстар, көрсетілетін қызметтер бойынша сатып алу-сату шарттарының, қағаз шот-фактуралардың, төленген төлемді растайтын құжаттардың көшірмелері;

      4) "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 60-бабына және 9-1-тарауына сәйкес жобалар сараптамасының оң қорытындысы бар жобалық-сметалық құжаттама көшірмелері (олар бойынша жобалық-сметалық құжаттамаға сәйкес субсидиялау көзделген жобалардың паспорттары бойынша);

      5) ауыл шаруашылығы техникасын, арнайы техника мен технологиялық жабдықтарды қабылдап алу-беру актілерінің көшірмелері;

      6) қаржы институттарында тартылған қаражат есебінен инвестициялық салымдар жүзеге асырылған жағдайда, қаржы институты растаған кредиттік/лизингтік шарттар көшірмелері;

      7) инвестор осы Қағидалардың 17-тармағына сәйкес екінші траншты алуға өтінім берген жағдайда растайтын құжаттарды (бизнес-жоспар, дайын өнімді өткізу бойынша қағаз түріндегі шот-фактуралар) қоса береді. Бизнес-жоспарда мәлімделген өндірілген өнім көлемін растау үшін мамандар тобы, дара кәсіпкерлерді қоспағанда, осы тармақшада көрсетілген құжаттардың, сондай-ақ екінші кезеңде инвестордың өтінім берген сәтінің алдындағы тоқсан үшін инвестордың "Өнеркәсіп және қоршаған орта статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы" Қазақстан Республикасы Ұлттық экономика министрлігі Статистика комитеті төрағасының 2018 жылғы 13 желтоқсандағы № 5 бұйрығымен (Нормативтік құқықтық актілерді мемлекеттік тіркеу тізілімінде № 17979 болып тіркелген) бекітілген "Кәсіпорынның өнім (тауар, қызмет) өндіру туралы есебі" (коды 151103128, индексі 1-П, кезеңділігі тоқсандық) жалпымемлекеттік статистикалық байқаудың статистикалық нысанының негізінде дайындалатын өндірістік өндірілген өнім көлемі кемінде 30 %-ға жеткені туралы тексеру актісін жасайды;

      Инвестор жоғарыда аталған құжаттардың түп нұсқаларын Мемлекеттік корпорацияға ұсынылған көшірмелерді салыстыру үшін ұсынады.

      36. Мемлекеттік корпорация инвестордан келіп түскен өтінімдерді 1 (бір) жұмыс күнінен аспайтын мерзімде жұмыс органына береді. Жұмыс органы келіп түскен өтінімдерді 1 (бір) жұмыс күнінен аспайтын мерзімде инвестициялық бағыттар топтары бойынша өтінімдерді тіркеу журналына тіркейді. Журналдар нөмірленеді, тігіледі және жұмыс органының мөрімен бекемделеді.

      Жұмыс органы 10 (он) жұмыс күні ішінде инвесторлар ұсынған құжаттарды тексереді, олардың осы Қағидаларға сәйкестігін қарайды, субсидиялар есептемелерін жүргізеді, осы Қағидалардың 4-тармағында көзделген жағдайларда инвестордың объектісін қарап–тексеру үшін жұмыс органы, басқа да ұйымдар мамандарының шығуын ұйымдастырады және осы Қағидаларға 6-қосымшаға сәйкес нысан бойынша жобаның инвестициялық субсидиялауға сәйкестігі/сәйкес еместігі туралы өзінің шешімін (бұдан әрі – шешім) шығарады.

      Жұмыс органының мөрімен бекемделген шешім кейінен инвесторға беру үшін қол қойылғаннан кейін 1 (бір) жұмыс күн ішінде Мемлекеттік корпорацияға жолданады.

      Жұмыс органы инвестордың өтінімі бойынша шешім шығарылған сәттен бастап 2 (екі) жұмыс күні ішінде ақпараттық жүйеге жоба паспортына сәйкес шығындар тізбесін көрсете отырып, растайтын құжаттардың деректемелерін (құжаттың күні мен нөмірін) көрсете отырып, субсидиялау сомасы мен шарттарын көрсете отырып, "PDF (Portable Document Format)" электрондық форматында өз шешімінің сканерленген көшірмелерін, осы Қағидаларға 8, 9-қосымшаларға сәйкес нысандар бойынша қол қойылған инвестициялық субсидиялау шартын және сатып алынатын техниканы, жабдықты мақсатты пайдалану және иеліктен айыру туралы келісімді қоса бере отырып, инвестордың өтінімі туралы жұмыс органының қолы қойылған және мөрімен расталған деректі ақпараттық жүйеге енгізеді.

      37. Инвестор жұмыс органның оң шешімін алған күннен бастап 1 (бір) жұмыс күні ішінде жұмыс органы мен инвестор арасында осы Қағидаларға 8, 9-қосымшаларға сәйкес нысандар бойынша инвестициялық субсидиялау шартына және сатып алынатын жабдықты, техниканы мақсатты пайдалану және иеліктен шығармау туралы келісімге қол қойылады.

      38. Инвестициялық субсидиялау шарты инвесторға қаражат аудару тәртібі мен талаптарын, жұмыс органының инвестор қызметіне мониторинг жүргізу талаптарын және осы Қағидаларға 8-қосымшаға сәйкес инвестициялық субсидиялау шартында көзделген өзге де талаптарды көздейді.

5-тарау. Тартылған қаражат есебінен инвестициялық салымдар бойынша инвестициялық субсидиялаудың жекелеген шарттары

      39. Инвестор жабдықты/техниканы кредитке/лизингке сатып алуды жоспарлаған жағдайда инвестициялық субсидияларды қаржы институтының арнайы шотына аванстық төлеммен аудару жүзеге асырылады.

      Субсидияларды қаржы институтының арнайы шотына аванстық төлеммен аудару тетігін қолдануға арналған өтінімді жұмыс органы екі кезеңді рәсімді қолданбай қарайды.

      Бұл ретте, № 1, № 2, № 3, № 4, № 6, № 9, № 13, № 14, № 18, № 19 жобалардың паспорттары шеңберінде қаралатын өтінімдер бойынша инвестициялық субсидияларды қаржы институтының арнайы шотына аванстық төлеммен аудару тетігін қолдану орындылығын инвестор айқындайды, бұл инвестициялық субсидиялауға арналған өтінімде көрсетіледі.

      № 5, № 7, № 8, № 10, № 11, № 12, № 15, № 16, № 17, № 20, № 21, № 22, № 23, № 24, № 25, № 26, № 27, № 28, № 29, № 30, № 31, № 32, № 33, № 34, № 35, № 36, № 37, № 38, № 39 жобалардың паспорттары шеңберінде қаралатын өтінімдер бойынша инвестициялық субсидияларды қаржы институтының арнайы шотына аванстық төлеммен аудару тетігін қолдану орындылығын жұмыс органы айқындайды.

      40. Инвестициялық субсидияларды арнайы шотына алу үшін инвестор осы Қағидаларға 5-қосымшаға сәйкес нысан бойынша электрондық/қағаз түрінде өтінім береді және қаржы институтының кредиттік комитетінің оң шешімінің қаржы институты растаған көшірмесін қосымша береді.

      Жұмыс органы инвестордың өтінімін мақұлдаған күннен бастап 3 (үш) жұмыс күні ішінде жұмыс органы, қаржы институты және инвестор арасында осы Қағидаларға 10-қосымшаға сәйкес нысан бойынша үшжақты шарт және қаржы институтының арнайы шоттағы инвестициялық субсидияларды пайдаланбауы туралы келісім жасалады.

      Бұл ретте қаржы институты арнайы шотқа алынған инвестициялық субсидиялардың қаражатын осы Қағидалардың 35-тармағында немесе 36-тармақтың бірінші бөлігінде көрсетілген шарттар уақытылы орындалғанға дейін пайдаланбайды.

      41. Қаржы институты кредит беру жолымен инвесторды қаржыландырған жағдайда, арнайы шотқа инвестициялық субсидияларды алған күннен бастап 10 (он) жұмыс күні ішінде инвесторға кредит беруді жүзеге асырады және растайтын құжаттарды, кредит шартының көшірмесін жұмыс органына ұсынады.

      42. Қаржы институты техниканы және (немесе) жабдықты лизингке беру жолымен инвесторды қаржыландырған жағдайда, жұмыс органының оң шешімі мен арнайы шотқа қаражат алған күннен бастап 10 (он) жұмыс күні ішінде қаржылық лизинг шартында көзделген қаражатты, инвестор мен қаржы институты арасындағы шартында басқасы қарастырылмаған болса, инвестордың шотына аударады және растайтын құжаттарды, сондай-ақ кредит шартының көшірмесін жұмыс органына ұсынады.

      Қаржы институты үшжақты шартқа және қаржы институтының арнайы шоттағы ақшаны пайдаланбауы туралы келісімге қол қойылған күннен бастап күнтізбелік 180 (жүз сексен) күннен артық емес мерзімде жұмыс органына лизинг нысанасын қабылдап алу-беру актісін және лизинг нысанасының түпкілікті құнын айқындау жөніндегі лизинг шартына қосымша келісім туралы жазбаша хабарлама жолдайды.

      Бұл ретте, осы Қағидалардың осы тармағының 2-бөлігінде қарастырылған талаптарды орындағанға дейін қаржы институты арнайы шоттағы қаражатты пайдаланбайды.

      Инвесторлардың өтінімдері бойынша, егер лизинг нысанасының нақты құны оның субсидиялау шартындағы құнынан аз болса жұмыс органы субсидияларды қайта есептеуді жүзеге асырады, айырмашылық сомасын (арнайы шотқа аударылған артық қаражатты) анықтайды және 3 (үш) жұмыс күннен артық емес мерзімде қаржы институтына айырмашылық сомасын (арнайы шотқа аударылған артық қаражатты) жұмыс органының есеп шотына қайтару туралы хабарлама жолдайды.

      Қаржы институты жұмыс органынан хабарлама алған күннен бастап 3 (үш) жұмыс күнінен артық емес мерзімде жұмыс органының есеп шотына қаражатты хабарламада көрсетілген мөлшерде қалпына келтіреді.

      Лизинг нысанасының нақты құны субсидияларды есептеу үшін бастапқы құнынан асатын инвесторлардың өтінімдері бойынша субсидияларды қайта есептеу жүзеге асырылмайды.

      43. Қаржы институты 41-тармақта (кредит беру жолымен инвесторды қаржыландырған жағдайда) немесе 42-тармақта (техниканы және (немесе) жабдықты лизингке беру жолымен инвесторды қаржыландырған жағдайда) көзделген шарттарды орындамаған жағдайда, қаржы институты 3 (үш) жұмыс күні ішінде жұмыс органы арнайы шотқа аударған қаражатты толық көлемде қалпына келтіреді. Бұл ретте, ағымдағы қаржы жылы жүргізілген төлемдерді қайтару орындалмаған міндеттемелер сомасын ұлғайту және бюджеттік шығыстар сыныптауышының тиісті кодтары бойынша кассалық шығыстарды азайту жолымен жұмыс органының кассалық шығыстарын қалпына келтірумен жүзеге асырылады. Өткен жылдардағы төлемдер қайтарылған жағдайда қайтару сомасы төлемақы жүргізілген тиісті бюджеттің кірісіне есептеледі.

      44. Арнайы шотқа аударылған қаражатты қаржы институты инвесторға инвестициялық субсидия беру туралы жұмыс органының оң хаттамалық шешімінің негізінде, инвестициялық жоба шеңберінде жабдықтар мен техниканы сатып алуға пайдаланылған кредит/лизинг бойынша инвестордың негізгі борышын өтеу есебіне есептейді.

6-тарау. Қорытынды ережелер

      45. Инвестициялық субсидиялау мониторингін жұмыс органы субсидиялаудың ақпараттық жүйесінде мынадай өлшемшарттар бойынша және мынадай мерзімдерде жүзеге асырады:

      1) субсидиялау сәтінен бастап 3 (үш) жыл ішінде инвестордың сатып алынған техника мен жабдықтарды иеліктен шығармауы және мақсатты пайдалануы;

      2) Жобалар паспорттары тізбесінің № 11, № 12, № 25, № 32, № 33, № 34, № 35, № 36, № 37, № 38, № 39 жобаларының паспорттары бойынша инвестициялық субсидиялау объектісінің пайдалануға берілген сәттен бастап күнтізбелік бір жыл ішінде жұмыс істеуі/істемеуі, инвестициялық субсидиялау объектісінің бизнес-жоспарда көзделген мерзімдерде кемінде 30% мөлшеріндегі жобалық қуатқа шығуға қол жеткізуі/қол жеткізбеуі тұрғысынан;

      3) осы Қағидалардың 4-тармағының 4-бөлігіне сәйкес құрылыс-монтаждау жұмыстарын субсидиялау жүзеге асырылған инвестициялық жобалар бойынша бизнес-жоспарға сәйкес өндіргіштігі және/немесе өнімділігі және/немесе өнімді өткізу және/немесе өндірістік қуаттылықтар жүктемесі бойынша көрсеткіштерге қол жеткізуді орындау тұрғысынан;

      4) субсидияларды аванстық төлеммен арнайы шотқа аудару жөніндегі тетік шеңберінде субсидияланған объектілерді пайдалануға беру (бизнес-жоспарда көрсетілген мерзімдерде), иеліктен шығармауы және мақсатты пайдалануы тұрғысынан.

      46. Мониторинг функцияларын жүзеге асыру үшін жұмыс органы инвестордан мониторинг шарттарын орындау үшін қажетті, осы Қағидалардың 45-тармағында көрсетілген ақпаратты сұратады, оның ішінде осы Қағидаларға 11-қосымшаға сәйкес нысан бойынша есепті қалыптастыру үшін қажетті ақпаратты сұратады.

      Инвестор 10 (он) жұмыс күні ішінде жұмыс органына сұратылған ақпаратты ұсынады.

      47. Субсидиялаудың ақпараттық жүйесінде қалыптастырылған мониторинг деректері негізіндегі талдауды жұмыс органы тексереді және келіседі.

      Инвестор ол бойынша құрылыс-монтаждау жұмыстарын субсидиялау жүзеге асырылған инвестициялық жобаның бизнес жоспарына сәйкес өндіргіштік және/немесе өнімділік және/немесе өнімді өткізу және/немесе өндірістік қуаттылықтарды жүктеу бойынша көрсеткіштерге қол жеткізбеген жағдайда жұмыс органы фактіні анықтаған күннен бастап 2 (екі) жұмыс күні ішінде осы тармақта көзделген іс-қимылдарды қабылдайды. Бұл ретте, төленген субсидияларды қайтармау туралы шешім орын алған форс-мажорлық мән-жайлар (оларды инвестор болжай алмайтын және алдын ала алмайтын еңсерілмес күш мән-жайлары) салдарларының объективті факторларының негізінде қабылданады.

      Инвестор сатып алынған техниканы және/немесе жабдықтарды иеліктен шығарған және/немесе мақсатты пайдаланбаған, өндіріс объектісі пайдалануға берілген сәттен бастап күнтізбелік бір жыл ішінде жұмыс істемеген немесе объект бизнес-жоспарда көзделген мерзімдерде кемінде 30% мөлшеріндегі жобалық қуатқа шықпаған, сондай-ақ Қазақстан Республикасының заңнамасына сәйкес инвесторға қатысты тарату, оңалту немесе банкроттық, инвестордың қызметін тоқтата тұру рәсімінің фактісі белгіленген жағдайда, жұмыс органы инвестициялық субсидияларды қайтару туралы шешім қабылданған сәттен бастап күнтізбелік 30 (отыз) күн ішінде сот талқылауына және қаражаттың қайтарылуына бастамашылық жасайды.

      Жұмыс органы инвестициялық субсидиялауды тоқтату туралы шешім қабылданған сәттен бастап 5 (бес) жұмыс күні ішінде шешімнің себебін көрсете отырып, инвесторды жазбаша хабардар етеді.

      Бұл ретте, жұмыс органы ағымдағы қаржы жылында жүргізілген төлемдерді қайтаруды орындалмаған міндеттемелер сомасын ұлғайту және бюджеттік шығыстар сыныптаушының тиісті кодтары бойынша кассалық шығыстарды азайту жолымен жұмыс органының кассалық шығыстарын қалпына келтірумен жүзеге асырады. Өткен жылдардың төлемдерін қайтарған жағдайда, қайтарылған сома төлем жүргізілген тиісті бюджеттің кірісіне есептеледі.

      48. Жұмыс органы тоқсан сайын, есепті айдан кейінгі айдың 5-күнінен кешіктірмей, әкімшіге осы Қағидаларға 11-қосымшаға сәйкес нысан бойынша инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидияларды игеру туралы есепті ұсынады.

      Жұмыс органының инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидияларды игеру туралы жылдық есебі әкімшіге есепті кезеңнен кейінгі айдың 10-күнінен кешіктірмей, осы Қағидаларға 11-қосымшаға сәйкес нысан бойынша ұсынылады. Сондай-ақ жұмыс органы осы Қағидалардың 45-тармағында көзделген шарттар мониторингі туралы есеп ұсынады.

      49. Жұмыс органы тоқсан сайын, есепті айдан кейінгі айдың 5-күнінен кешіктірмей, өзінің ресми интернет-ресурсында жобалардың паспорттарын, алынған субсидиялар сомасын көрсете отырып, инвестициялық субсидия алған инвесторлардың тізбесін орналастырады, сондай-ақ жыл сайын мониторинг бойынша есепті орналастырады.

Жобалар паспорттарының тізбесі

Субсидиялауға жататын жобалар паспорттарының тізбесі

Инвестициялық субсидиялауға арналған бірінші кезең өтінімі

      Кімге:__________________________________________________________

      (облыстың, республикалық маңызы бар қаланың, астананың жергілікті

      атқарушы органының толық атауы)

      кімнен: ___________________________________________________________________

      (заңды тұлғаның толық атауы, жеке тұлғаның аты, әкесінің аты (бар болса), тегі)

      № ___ "_______________________________________________________"

      (жоба паспортының толық атауы)

      жобасының паспорты бойынша инвестициялық жобаны Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығымен (Нормативтік құқықтық актілерді мемлекеттік тіркеу тізілімінде № 17320 болып тіркелген) бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларына сәйкестігі/сәйкес еместігі тұрғысынан қарастыруды сұраймын.

      1. Инвестор туралы мәліметтер.

      Заңды тұлға/филиал, өкілдік үшін:

      атауы __________________________________________________________

      Бизнес-сәйкестендіру нөмірі (бұдан әрі - БСН)_______________________

      басшының аты, әкесінің аты (бар болса), тегі ________________________

      мекенжайы: ____________________________________________________

      телефон (факс) нөмірі: ___________________________________________

      Жеке тұлға үшін:

      аты, әкесінің аты (бар болса), тегі___________________________________

      Жеке сәйкестендіру нөмірі (бұдан әрі-ЖСН)_________________________

      жеке басын куәландыратын құжат:

      нөмірі _________________________________________________________

      кім берді _______________________________________________________

      берілген күні ___________________________________________________

      мекенжайы:_____________________________________________________

      телефон (факс) нөмірі:____________________________________________

      2. Дара кәсіпкер ретінде қызметін бастағаны туралы хабарлама:

      орналасқан жері _________________________________________________

      хабардар еткен күн ______________________________________________

      3. Ауыл шаруашылығы кооперативінің мүшелері (инвестор ауыл шаруашылығы кооперативі болған жағдайда) туралы мәліметтер:

      4. Жер учаскелері туралы мәліметтер (жобалардың паспорттарында ауыл шаруашылығы мақсатындағы жерлердің болуы туралы талаптар болған жағдайда):

      5. Ауыл шаруашылығы жануарларының бар-жоғы туралы мәліметтер (жобалардың паспорттарында ауыл шаруашылығы жануарларының болуы туралы талаптар болған жағдайда):

      6. Инвестициялық жоба туралы мәліметтер:

      сипаттамасы________________________________________________________

      инвестициялар сомасы_______________________________________________

      соның есебінен жоба іске асырылатын қаражат көзі ___________________

      субсидиялардың есептік сомасы_______________________________________

      инвестициялық жобаны іске асыру мекенжайы___________________________

      7. Тиесілі субсидияның алдын ала есептемесі _______________________

      8. Жаңа өндірістік қуаттылықтар құруға немесе жұмыс істеп тұрғандарын кеңейтуге арналған инвестициялық салымдар және оларды іске асыру мерзімдері, бизнес-жоспар (өңдеуші өнеркәсіпті дамыту бағыттары бойынша жобаларды іске асыру кезінде ғана талап етіледі), шарттар немесе коммерциялық ұсыныстар туралы ақпарат _____________________

      9. Инвестордың субсидиялар алу ниеті туралы қаржы институтының хабарламасы (жобаны тартылған қаражат (кредит/лизинг) есебінен іске асыру кезінде) ______________________________________________________.

      10. Жобаның толтырылған паспорты қоса беріледі.

      Ұсынылған ақпараттың дұрыстығын растаймын, дұрыс емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын және заңмен қорғалатын құпиядан тұратын мәліметтерді пайдалануға, сондай-ақ дербес деректерді және өзге ақпаратты жинауға, өңдеуге, сақтауға, шығарып алуға және пайдалануға келісім беремін.

      Маған/бізге қатысты жою, оңалту немесе банкроттық рәсімдердің басталмағандығын, сондай-ақ менің/біздің қызметім(-із) Қазақстан Республикасы заңнамасына сәйкес уақытша тоқтатылмағандығын растаймын/растаймын.

      Тексеру кезінде ұсынылған мәліметтердің сәйкес келмеуі анықталған жағдайда, он жұмыс күні ішінде заңсыз түрде алынған ақшаны қайтаруға міндеттенемін/міндеттенеміз.

      "Электрондық үкіметтің" веб-порталы арқылы өтінім берген кезде:

      Инвестор 20__ жылғы "__" ________ сағат ____-де қол қойып, жіберді:

      Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ қою күні мен уақыты

      Өтінімді қабылдау туралы хабарлама:

      Жұмыс органы 20__ жылғы "__" _____ сағат _____-де қабылдады:

      ЭЦҚ-дан алынған деректер

      ЭЦҚ қою күні мен уақыты

      Мемлекеттік корпорация арқылы өтінім берілген кезде:

      Инвестордың аты, әкесінің аты (бар болса), тегі және қолы ____________

      _______________________________________________________________

      Өтінімді қабылдаған Мемлекеттік корпорация жұмыскерінің

      аты, әкесінің аты (бар болса), тегі және телефон нөмірі __________________

      Өтінімді қабылдау күні

      20__ жылғы "____"_____________

Инвестициялық субсидиялауға арналған екінші кезең өтінімі

      Кімге:______________________________________________________________

      (облыстың, республикалық маңызы бар қаланың, астананың жергілікті

      атқарушы органының толық атауы)

      Кімнен: _____________________________________________________________

      (заңды тұлғаның толық атауы, жеке тұлғаның аты, әкесінің аты (бар болса), тегі)

      Маған Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығымен (Нормативтік құқықтық актілерді мемлекеттік тіркеу тізілімінде № 17320 болып тіркелген) бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларына сәйкес ___ "______________________________"

      жобасының (жоба паспортының толық атауы)

      паспорты бойынша

      ____________________________ теңге мөлшеріндегі инвестициялық субсидия

      (сома санмен және жазбаша)

      сомасын төлеуді сұраймын.

      1. Инвестор туралы мәліметтер.

      Заңды тұлға/филиал, өкілдік үшін:

      атауы __________________________________________________________

      Бизнес-сәйкестендіру нөмірі (бұдан әрі - БСН)_______________________

      басшының аты, әкесінің аты (бар болса), тегі ________________________

      мекенжайы: ____________________________________________________

      телефон (факс) нөмірі: ___________________________________________

      Жеке тұлға үшін:

      аты, әкесінің аты (бар болса), тегі___________________________________

      Жеке сәйкестендіру нөмірі (бұдан әрі-ЖСН)_________________________

      жеке басын куәландыратын құжат:

      нөмірі _________________________________________________________

      кім берді _______________________________________________________

      берілген күні ___________________________________________________

      мекенжайы:_____________________________________________________

      телефон (факс) нөмірі:____________________________________________

      2. Дара кәсіпкер ретінде қызметін бастағаны туралы хабарлама:

      орналасқан жері _________________________________________________

      хабардар еткен күні______________________________________________

      3. Ауыл шаруашылығы кооперативінің мүшелері (инвестор ауыл шаруашылығы кооперативі болған жағдайда) туралы мәліметтер:

      4. Жер учаскелері туралы мәліметтер (жобалардың паспорттарында ауыл шаруашылығы мақсатындағы жерлердің болуы туралы талаптар болған жағдайда):

      5. Ауыл шаруашылығы жануарларының бар-жоғы туралы мәліметтер (жобалардың паспорттарында ауыл шаруашылығы жануарларының болуы туралы талаптар болған жағдайда):

      6. Инвестициялық жоба туралы мәліметтер:

      сипаттамасы____________________________________________________

      инвестициялар сомасы___________________________________________

      соның есебінен жоба іске асырылатын қаражат көзі___________________

      субсидиялардың есептік сомасы___________________________________

      инвестициялық жобаны іске асыру мекенжайы______________________.

      7. Тиесілі субсидияның алдын ала есептемесі _______________________.

      8. Инвестициялық жобаның осы Қағидалардың шарттарына сәйкестігі туралы жұмыс органының шешімі (бұдан бұрын инвестор бірінші кезеңде өтінім берген жағдайда) __________________________________.

      9. Қазақстан Республикасының заңнамасына сәйкес инвестициялық жоба объектісін пайдалануға қабылдау актісі (жаңа өндірістік қуаттылықтар құру немесе жұмыс істеп тұрғандарын кеңейту кезінде) _______________________.

      10. Сатып алушы мен жеткізуші арасындағы жабдықтарды пайдалануға беру актісі (жабдықтар сатып алу кезінде)_______________________________.

      11. Жаңа өндірістік қуаттылықтар құруға не жұмыс істеп тұрғандарын кеңейтуге арналған инвестициялық салымдарды растайтын, сатып алынған тауарлар, жұмыстар, көрсетілетін қызметтер бойынша сатып алу-сату шарттары, шот-фактуралар _____________________________________ төлемді растайтын құжаттар.

      12. Қазақстан Республикасының заңнамасына сәйкес жобалар сараптамасының оң қорытындысы бар жобалық-сметалық құжаттама

      (жобалық-сметалық құжаттамаға сәйкес субсидиялау көзделген жобалардың паспорттары бойынша) __________________________________________.

      13. Ауыл шаруашылығы техникасын, арнайы техника мен технологиялық жабдықтарды қабылдап алу-беру актілері_____________________________

      14. Кредиттік/лизингтік шарттар (қаржы институттарында тартылған қаражат есебінен инвестициялық салымдар жүзеге асырылған жағдайда) _____________________________________

      15. Растаушы құжаттар: бизнес-жоспар, дайын өнімдерді өткізу туралы электрондық шот-фактуралар (екінші транш алуға өтінім берілген жағдайда)________________________________________________________

      16. Жобаның толтырылған паспорты қоса беріледі.

      Ұсынылған ақпараттың дұрыстығын растаймын және дұрыс емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын және заңмен қорғалатын құпиядан тұратын мәліметтерді пайдалануға, сондай-ақ дербес деректерді және өзге ақпаратты жинауға, өңдеуге, сақтауға, шығарып алуға және пайдалануға келісім беремін.

      Маған/бізге қатысты жою, оңалту немесе банкроттық рәсімдерінің басталмағандығын, сондай-ақ менің/біздің қызметім(-із) Қазақстан Республикасы заңнамасына сәйкес уақытша тоқтатылмағандығын растаймын/растаймыз.

      Тексеру кезінде ұсынылған мәліметтердің сәйкес келмеуі анықталған жағдайда, он жұмыс күні ішінде заңсыз түрде алынған ақшаны қайтаруды жүргізуге міндеттенемін/міндеттенеміз.

      "Электрондық үкіметтің" веб-порталы арқылы өтінім берген кезде:

      Инвестор 20__ жылғы "__" ________ сағат _____-де қол қойып, жіберді:

      Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ-дан алынған деректер

      ЭЦҚ қою күні мен уақыты

      Өтінімді қабылдау туралы хабарлама:

      Жұмыс органы 20__ жылғы "__" _____ сағат _______-де қабылдады:

      ЭЦҚ-дан алынған деректер

      ЭЦҚ қою күні мен уақыты

      Мемлекеттік корпорация арқылы өтінім берілген кезде:

      Инвестордың аты, әкесінің аты (бар болса), тегі және қолы ____________

      _______________________________________________________________

      Өтінімді қабылдаған Мемлекеттік корпорация жұмыскерінің

      аты, әкесінің аты (бар болса), тегі және телефон нөмірі ______________

      Өтінімді қабылдау күні

      20__ жылғы "____"_____________

Арнайы шотқа аванстық төлем тетігін қолдана отырып инвестициялық субсидиялауға арналған өтінім

      Кімге:__________________________________________________________

      (облыстың, республикалық маңызы бар қаланың, астананың жергілікті

      атқарушы органының толық атауы)

      кімнен: ________________________________________________________

      (заңды тұлғаның толық атауы, жеке тұлғаның аты, әкесінің аты

      (бар болса), тегі)

      № ___ "_______________________________________________________"

      (жоба паспортының толық атауы)

      жобасының паспорты бойынша инвестициялық жобаны Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығымен (Нормативтік құқықтық актілерді мемлекеттік тіркеу тізілімінде № 17320 болып тіркелген) бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларына сәйкестігі/сәйкес еместігі тұрғысынан қарастыруды сұраймын.

      1. Инвестор туралы мәліметтер.

      Заңды тұлға/филиал, өкілдік үшін:

      атауы __________________________________________________________

      Бизнес-сәйкестендіру нөмірі (бұдан әрі - БСН)_______________________

      басшының аты, әкесінің аты (бар болса), тегі ________________________

      мекенжайы: ____________________________________________________

      телефон (факс) нөмірі: ___________________________________________

      Жеке тұлға үшін:

      аты, әкесінің аты (бар болса), тегі___________________________________

      Жеке сәйкестендіру нөмірі (бұдан әрі-ЖСН)_________________________

      жеке басын куәландыратын құжат:

      нөмірі _________________________________________________________

      кім берді _______________________________________________________

      берілген күні ___________________________________________________

      мекенжайы:_____________________________________________________

      телефон (факс) нөмірі:____________________________________________

      2. Дара кәсіпкер ретінде қызметін бастағаны туралы хабарлама:

      орналасқан жері _________________________________________________ хабардар

      еткен күн ______________________________________________

      3. Ауыл шаруашылығы кооперативінің мүшелері (инвестор ауыл шаруашылығы кооперативі болған жағдайда) туралы мәліметтер:

      4. Жер учаскелері туралы мәліметтер (жобалардың паспорттарында ауыл шаруашылығы мақсатындағы жерлердің болуы туралы талаптар болған жағдайда):

      5. Ауыл шаруашылығы жануарларының бар-жоғы туралы мәліметтер (жобалардың паспорттарында ауыл шаруашылығы жануарларының болуы туралы талаптар болған жағдайда):

      6. Инвестициялық жоба туралы мәліметтер:

      сипаттамасы________________________________________________________

      инвестициялар сомасы_______________________________________________

      соның есебінен жоба іске асырылатын қаражат көзі ________________________

      субсидиялардың есептік сомасы_______________________________________

      инвестициялық жобаны іске асыру мекенжайы ___________________________.

      7. Тиесілі субсидияның алдын ала есептемесі _______________________.

      8. Жаңа өндірістік қуаттылықтар құруға немесе жұмыс істеп тұрғандарын кеңейтуге арналған инвестициялық салымдар және оларды іске асыру мерзімдері, бизнес-жоспар (өңдеуші өнеркәсіпті дамыту бағыттары бойынша жобаларды іске асыру кезінде ғана талап етіледі), шарттар немесе коммерциялық ұсыныстар туралы ақпарат____________________________________________.

      9. Инвестордың субсидиялар алу ниеті туралы қаржы институтынан хабарламасы (жобаны тартылған қаражат (кредит/лизинг) есебінен іске асыру кезінде) ______________________________________________________.

      10. Қаржы институтын кредиттік комитетінің оң шешімі ______________.

      11. Жобаның толтырылған паспорты қоса беріледі.

      Ұсынылған ақпараттың дұрыстығын растаймын және дұрыс емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын және заңмен қорғалатын құпиядан тұратын мәліметтерді пайдалануға, сондай-ақ дербес деректерді және өзге ақпаратты жинауға, өңдеуге, сақтауға, шығарып алуға және пайдалануға келісім беремін.

      Маған/бізге қатысты жою, оңалту немесе банкроттық рәсімдерінің басталмағандығын, сондай-ақ менің/біздің қызметім(-із) Қазақстан Республикасы заңнамасына сәйкес уақытша тоқтатылмағандығын растаймын/растаймыз.

      Тексеру кезінде ұсынылған мәліметтердің сәйкес келмеуі анықталған жағдайда, он жұмыс күні ішінде заңсыз түрде алынған ақшаны қайтаруды жүргізуге міндеттенемін/міндеттенеміз.

      "Электрондық үкіметтің" веб-порталы арқылы өтінім берілген кезде:

      Инвестор 20__ жылғы "__" ________ сағат ____-де қол қойып, жіберді:

      Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ қою күні мен уақыты

      Өтінімді қабылдау туралы хабарлама:

      Жұмыс органы 20__ жылғы "__" _____ сағат _____-де қабылдады:

      ЭЦҚ-дан алынған деректер

      ЭЦҚ қою күні мен уақыты

      Мемлекеттік корпорация арқылы өтінім берілген кезде:

      Инвестордың аты, әкесінің аты (бар болса), тегі және қолы ____________

      _______________________________________________________________

      Өтінімді қабылдаған Мемлекеттік корпорация жұмыскерінің

      аты, әкесінің аты (бар болса), тегі және телефон нөмірі ______________

      Өтінімді қабылдау күні

      20__ жылғы "____"_____________

20__ жылғы "___" __________ № ___ инвестордың объектісін қарап-тексеру және өндірістік қуаттылықтардың жүктелгендігіне көз жеткізу актісі

      ____________________________________________________________________

      Облыстың (республикалық маңызы бар қаланың, астананың) атауы

      Инвестордың атауы: __________________________________________

      Жоба паспортының атауы: ___________________________________

      Объектінің орналасқан жері: __________________________________________

      Мынадай құрамдағы:

      1._________________________________

      2._________________________________

      20__ жылғы _______ № ________ негізінде құрылған мамандар тобы объектіні қарап-тексеруі барысында мыналарды анықтады:

      ____________________________________________________________________

      ____________________________________________________________________

      ____________________________________________________________________

      ____________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      Қарап-тексерудің тұжырымдары:________________________________________

      ____________________________________________________________________

      Қарап-тексеруді жүзеге асырған адамдардың қолтаңбалары:

      1.________________________________ ________________

      (Аты, әкесінің аты (бар болса), тегі) (қолы)

      2.________________________________

      Инвестордың (инвестор өкілінің) қолтаңбасы: _________________________

      (________ № ___ сенімхат)

Ауыл шаруашылығы жануарларының басын ірі қара малдың шартты басына ауыстыру коэффициенті

№__ инвестициялық субсидиялау шарты

      Бұдан әрі "Жұмыс органы" деп аталатын "______________________" мемлекеттік мекемесінің атынан "_____________________________" мемлекеттік мекемесі туралы ереже негізінде әрекет ететін басқарма басшысы ________________ бір тараптан және бұдан әрі "Инвестор" деп аталатын, ______________ атынан _____________________ негізінде әрекет ететін _____________________, бірге Тараптар, ал жеке-жеке Тарап деп жоғарыда көрсетілгендей аталатындар төмендегілер туралы осы Инвестициялық субсидиялау шартын (бұдан әрі – Шарт) жасасты.

1-тарау. Жалпы ережелер

      Осы Шартты жасауға мыналар негіз болып табылады:

      1) Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығымен бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары (Нормативтік құқықтық актілерді мемлекеттік тіркеу тізілімінде № 17320 болып тіркелген) (бұдан әрі – Субсидиялау қағидалары);

      2) Жұмыс органының 20 __ жылғы ______________ №___ шешімі.

2-тарау. Терминдер мен айқындамалар

      1) арнайы шот – осы Қағидалардың 5-тарауының шарттарына сәйкес инвестициялық субсидиялар сомасы аударылатын қаржы институтының екінші деңгейлі банктегі шоты;

      2) АӨК-дегі инвестициялық жоба (бұдан әрі – инвестициялық жоба) – жаңа өндірістік қуаттылықтар құруға немесе жұмыс істеп тұрғандарын кеңейтуге инвестициялар салуды көздейтін іс-шаралар кешені;

      3) АӨК-дегі инвестициялық салымдар (бұдан әрі – инвестициялық салымдар) – жер учаскелерін сатып алуға арналған шығындарды қоспағанда, инвестициялық жоба шеңберінде жаңа өндірістік қуаттылықтар құруға немесе жұмыс істеп тұрғандарын кеңейтуге, оның ішінде техника мен жабдық сатып алуға бағытталған шығындар;

      4) АӨК-дегі инвестициялық субсидиялар (бұдан әрі – инвестициялық субсидиялар) – инвестициялық жобаларды іске асыру шеңберінде АӨК субъектісі шеккен шығыстардың бір бөлігін өтеу;

      5) жоба паспорты – осы Қағидаларға 1-2-қосымшаларда көрсетілген инвестициялық субсидиялауға жататын құрылыс-монтаждау жұмыстары, техника, жабдық және басқа да негізгі құралдар, жұмыстар және көрсетілетін қызметтер түріндегі инвестициялық салымдардың тізбесі және өтеу үлесі;

      6) қаржы институттары – банктік операцияларды жүзеге асыру құқығына тиісті лицензиясы бар екінші деңгейдегі банктер, микроқаржы ұйымдары, кредиттік ұйымдар, лизингтік компаниялар, кредиттік серіктестіктер.

3-тарау. Шарттың мәні

      3.1. Осы Шарттың талаптары бойынша Жұмыс органы Инвестор шығыстарының бір бөлігін инвестициялық субсидиялауды мынадай шарттармен жүзеге асырады:

      3.2. Инвестициялық субсидиялау тиісті қаржы жылына _______ облысының (республикалық маңызы бар қаланың, астананың) нысаналы ағымдағы бюджет трансферті ретіндегі мемлекеттік бюджетінде көзделген қаражат есебінен және шегінде жүргізіледі.

4-тарау. Инвесторға қаражат аудару тәртібі мен шарттары

      4.1. ________ (_______) теңге мөлшеріндегі инвестициялық субсидия сомасын Жұмыс органы Инвестордың есептік шотына аударады.

      4.2. Инвестициялық субсидиялау мерзімін санау осы Шарттың күшіне енген сәтінен бастап басталады.

      4.3. Тараптар осы Шарт шеңберінде, егер төлем күні жұмыс емес күнге немесе мереке күнге сәйкес келсе, төлем олардан кейінгі жұмыс күні жүргізіледі деп келісті.

      4.4. Инвестициялық субсидия Инвесторға Субсидиялау қағидаларында көрсетілген жобалар паспорттарына сәйкес төленеді.

      4.5. Инвестициялық субсидиялар жаңа, бұрын қолданылмаған техниканы сатып алуға арналған Инвестордың инвестициялық салымдары бойынша төленеді.

      4.6. Барлық операциялар ұлттық валюта – теңгемен жүргізіледі.

5-тарау. Тараптардың құқықтары мен міндеттері

      5.1. Инвестор:

      - жабдық пен техниканы Жұмыс органын алдын ала жазбаша хабардар ету шартымен маусымдық жұмыссыз тұру жағдайында қызметтердің басқа түрлері үшін пайдалануға құқылы.

      5.2. Инвестор:

      - Субсидиялау қағидаларының шарттарын уақтылы және толық көлемде орындауға;

      - Шарт бойынша өзінің міндеттемелерін уақтылы және толық көлемде орындауға;

      - осы Шартты орындауға байланысты құжаттар мен ақпаратты Жұмыс органының сұратуы бойынша уақтылы ұсынуға;

      - Жұмыс органына Инвестордың объектісін қарап-тексеру және өндірістік қуаттылықтардың жүктелгеніне көз жеткізу үшін рұқсат беруге;

      - өзіне қатысты жою, оңалту немесе банкроттық рәсім басталған жағдайда, сондай-ақ, егер Инвестордың қызметі Қазақстан Республикасының қолданыстағы заңнамасына сәйкес уақытша тоқтатылған жағдайда, Жұмыс органын жазбаша түрде дереу хабардар етуге;

      - осы Шарттың талаптары мен оны іске асыру жөніндегі ақпаратты үшінші тұлғаларға Тараптардың алдын ала жазбаша келісімінсіз бермеуге және ашпауға;

      - Жұмыс органын осы Шарттың талаптарын орындауға әсер ететін барлық мән-жайлар туралы уақтылы хабардар етуге міндетті.

      5.3. Жұмыс органы:

      - Инвестордан инвестициялық жоба мен осы Шартты іске асыру барысы туралы барлық қажетті құжаттар мен ақпаратты сұратуға құқылы.

      5.4. Жұмыс органы:

      - Шарттың 3.1-тармағында көрсетілген инвестициялық субсидиялау үшін көзделген қаражатты аударуға;

      - Инвестор сатып алған техника мен жабдықты субсидиялау сәтінен бастап 3 (үш) жыл ішінде иеліктен шығарылмауына және мақсатты пайдаланылуына мониторинг жүргізуге;

      - инвестициялық субсидиялау объектісінің пайдалануға берілген сәттен бастап күнтізбелік бір жыл ішінде жұмыс істегеніне/жұмыссыз тұрғанына мониторинг жүргізуге;

      - инвестициялық субсидиялау объектісінің бизнес-жоспарда көзделген мерзімдерде кемінде 30% мөлшеріндегі жобалық қуатқа жеткеніне/жетпегеніне мониторинг жүргізуге міндетті.

6-тарау. Тараптардың жауапкершілігі

      6.1. Осы Шарт бойынша Тараптар Шартқа, Субсидиялау қағидаларына және Қазақстан Республикасының заңнамасына сәйкес, Шарттан туындайтын міндеттемелерді орындамағаны және/немесе тиісінше орындамағаны үшін жауапкершілік артады.

7-тарау. Шарттың қолданылу мерзімі

      7.1. Осы Шарт қол қойылған сәтінен бастап күшіне енеді және Тараптар өз міндеттемелерін толық көлемде орындағанға дейін әрекет етеді.

8-тарау. Еңсерілмейтін күштің мән-жайлары

      8.1. Тараптар, егер орындай алмау еңсерілмейтін күштің мән-жайлары салдарынан болса, осы Шарт бойынша өз міндеттемелерін орындамағаны, не тиісінше орындамағаны үшін жауапкершіліктен босатылады.

      8.2 Еңсерілмейтін күштің мән-жайларының басталуынан Тараптар осы Шарт бойынша міндеттемелерін орындай алмаса, басталу сәтінен бастап 10 (он) жұмыс күні ішінде екінші Тарапты осындай мән-жайлар туралы уақтылы хабардар етуі тиіс. Бұл ретте еңсерілмейтін күштің мән-жайларының сипаты, әрекет ету кезеңі, басталу фактісі уәкілетті мемлекеттік органдардың тиісті құжаттарымен расталуы тиіс.

      8.3. Уақтылы хабарламаған жағдайда, Тараптар екінші Тарапқа хабарламау немесе уақтылы хабарламаудан келтірілген зиянды өтеуге міндетті.

      8.4. Еңсерілмейтін күштің мән-жайларының басталуы олардың әрекет ету кезеңіне осы Шарттың орындалу мерзімін ұлғайтуға алып келеді.

      8.5. Егер осындай жағдайлар қатарынан үш ай бойы жалғасатын болса, онда кез келген Тарап осы Шарт бойынша міндеттемелерін одан әрі орындаудан бас тартуға құқылы.

9-тарау. Дауларды шешу

      9.1. Тараптар тікелей келіссөздер процесінде Шарт бойынша немесе оған байланысты олардың арасында туындайтын барлық келіспеушіліктерді немесе дауларды шешу үшін барлық күш-жігерін жұмсаулары тиіс.

      9.2. Егер мұндай келіссөздерден кейін Тараптар Шарт бойынша дауды шеше алмаса, Тараптардың кез келгені бұл мәселенің Қазақстан Республикасының заңнамасында белгіленген сот тәртібімен шешілуін талап ете алады.

10-тарау. Хат-хабар алмасу

      10.1. Осы Шарт шеңберінде Тараптардың бір-біріне жіберетін кез келген хат-хабарлары жазбаша түрде беріледі және қарау үшін тапсыру туралы белгісі бар хат-хабар Тараптар алған сәттен бастап күнтізбелік 10 (он) күн ішінде қаралады.

      10.2. Хат-хабар тиісті түрде рәсімделген жағдайда (хат-хабар бланкіде ұсынылса немесе мөрмен (бар болса) куәландырылса, басшының қолы қойылса және тіркеу нөмірі, күні көрсетілсе тиісті түрде рәсімделген болып саналады), қолға табысталса, почта арқылы жеткізілсе (хабарламасы бар тапсырыс хатпен) немесе қатысушы Тараптың мекенжайына курьерлік байланыс арқылы жеткізілсе, тиісті түрде ұсынылған немесе жіберілген болып саналады.

11-тарау. Құпиялылық

      11.1. Осымен Тараптар осы Шарттың талаптарына қатысты ақпарат, банктік құпия, сондай-ақ қаржылық, коммерциялық және олар осы Шартты жасасу және орындау кезінде алған өзге де ақпарат құпия болып табылатынымен және осы Шартта, Субсидиялау қағидаларында және Қазақстан Республикасының қолданыстағы заңнамасында тікелей көзделген жағдайларды қоспағанда, үшінші тұлғаларға жария етуге жатпайтынымен келіседі.

      11.2. Тараптың құпия ақпаратты үшінші тұлғаларға беруі, жариялауы немесе оны өзге де жария етуі осы Шартпен және Қазақстан Республикасының заңнамасымен тікелей көзделген жағдайда ғана мүмкін болады.

      11.3. Тараптар осы Шарттың болуы мен талаптарының құпиялылығын сақтау үшін барлық қажетті шараларды, оның ішінде құқықтық сипаттағы шараларды қабылдайды. Тараптардың лауазымды адамдары мен қызметкерлері осы Шартты іске асыру барысында алынған мәліметтерді жария етпейді не үшінші тұлғаларға бермейді.

      11.4. Қандай да бір Тарап осы Шарттың талаптарын бұза отырып, құпия ақпаратты жария еткен не таратқан жағдайда, кінәлі Тарап осындай ақпаратты жария ету салдарынан екінші Тарапқа келтірілген зиянды өтей отырып, Қазақстан Республикасының заңнамасымен көзделгендей жауапкершілікте болады.

      11.5. Инвестор осы Шартқа қол қоюмен Жұмыс органының бұқаралық ақпарат құралдарында Инвестор туралы мәліметтерді орналастыруына, сондай-ақ, осы Шарт аясында Инвестор туралы алынған кез келген мәліметті (оның ішінде банктік құпияны) Инвестордың алдын ала жазбаша келісімінсіз үшінші тұлғаларға жария етуіне келісім береді.

12-тарау. Мәлімдеулер, кепілдіктер және келісім берулер

      12.1. Инвестор мыналарды мәлімдейді және кепілдік береді:

      - Инвестор осы Шартта көрсетілген мәлімдеулер мен кепілдіктер шынайы және шындыққа сәйкес келетінін растайды;

      - Жұмыс органы көрсетілген мәлімдеулер мен кепілдіктердің шынайылығын тексеруге міндетті емес.

      12.2. Инвестор:

      - Инвесторға оның бизнесіне, оның қаржылық жағдайына, активтері мен өзінің міндеттемелері бойынша жауап беру қабілетіне жағымсыз әсер етуі мүмкін қандай да болмасын мән-жайлардың мәлім емес екендігін мәлімдейді және оған кепілдік береді;

      - сондай-ақ Инвестор оның құзыреті осы Шартқа қол қоятын адамға осы Шартты жасасуға мүмкіндік беретінін растайды.

      12.3. Инвестор осы Шартты жасасу кезінде осы Шартты бұзуға себеп болатын, оны жарамсыз деп танитын негіздердің жоқтығын растайды.

      12.4. Инвестор барлық ақпарат, сондай-ақ берілген (ұсынылған) барлық құжаттама дәл және шындыққа сай екенін мәлімдейді және растайды.

13-тарау. Қорытынды ережелер

      13.1. Осы Шарттың ережелері өзгертілуі және/немесе толықтырылуы тиіс. Тараптар үшін тек Тараптардың келісімімен жазбаша түрде жасалған және Тараптардың уәкілетті өкілдері қол қойған өзгерістер мен толықтырулар ғана жарамды және міндетті болып танылады.

      13.2. Осы Шарт мемлекеттік және орыс тілдерінде Тараптардың әрқайсысы үшін бір-бір данадан 2 (екі) данада жасалды.

      13.3. Осы Шартта көзделмеген барлық өзге жағдайларда Тараптар Қазақстан Республикасының қолданыстағы заңнамасын басшылыққа алады.

14-тарау.Тараптардың заңды мекенжайлары, банктік деректемелері және қолтаңбалары

№___ Сатып алынатын жабдықты, техниканы мақсатты пайдалану және иеліктен шығармау туралы келісім

      Бұдан әрі "Жұмыс органы" деп аталатын Қазақстан Республикасы _______ облысының (республикалық маңызы бар қаланың, астананың) (атауы) _______________________ басқармасы атынан ___________ №______ _________________ негізінде әрекет ететін _______________ бір тараптан және бұдан әрі "Инвестор" деп аталатын ___________ атынан ______________________ негізінде әрекет ететін ________________ екінші тараптан, бірлесіп Тараптар, ал жеке-жеке Тарап деп не жоғарыда көрсетілгендей аталатындар, субсидияланған сәттен бастап 3 (үш) жыл ішінде төмендегілер туралы осы Сатып алынатын жабдықты, техниканы мақсатты пайдалану және иеліктен шығармау туралы келісімді (бұдан әрі – Келісім) жасасты:

1-тарау. Осы Келісімнің Нысанасы мен Мақсаты

      1.1. Осымен Инвестор өзіне жабдықты, техниканы қатаң түрде нысаналы мақсаты бойынша пайдалану және иеліктен шығармау, сондай-ақ субсидияланған сәттен бастап 3 (үш) жыл ішінде мақсатты пайдаланбағаны үшін жауапкершілікте болу міндеттемесін алады.

      1.2. Осы Келісім шеңберінде қандай да бір қайшылықтар болған жағдайда "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасының Заңы үлкен күшке ие болады.

2-тарау. Тараптардың құқықтары мен міндеттері

      2.1. Инвестор:

      - Келісім бойынша өз міндеттемелерін уақтылы және толық көлемде орындауға;

      - Жұмыс органының сұранымы бойынша осы Келісімді орындаумен байланысты құжаттар мен ақпаратты тез арада беруге;

      - Жұмыс органына Инвестордың объектісін қарап-тексеру үшін рұқсат беруге;

      - осы Келісімнің шарттары мен іске асырылуы туралы ақпаратты Тараптардың алдын ала жазбаша келісімінсіз үшінші тұлғаларға бермеуге және ашпауға;

      - Келісімнің 1.1-тармағында көрсетілген мерзім ішінде жабдықты, техниканы иеліктен шығармауға міндетті.

      2.2. Жұмыс органы:

      - Инвестордан инвестициялық жоба мен осы Келісімді жүзеге асыру барысы туралы барлық қажетті құжаттар мен ақпаратты сұратуға құқылы.

3-тарау. Келісімнің қолданылу мерзімі

      3.1. Осы Келісім Тараптардың қол қойған күнінен бастап күшіне енеді және үш жыл бойы, ал орындалмаған міндеттемелер бөлігінде олар толық орындалғанға дейін қолданыста болады.

4-тарау. Еңсерілмейтін күштің мән-жайлары

      4.1. Тараптар еңсерілмейтін күштің мән-жайлары салдарынан орындау мүмкін болмаған жағдайда, осы Шарт бойынша өз міндеттемелерін орындамағаны, не тиісінше орындамағаны үшін жауапкершіліктен босатылады.

      4.2. Еңсерілмейтін күштің мән-жайлары туындаған кезде осы Келісім бойынша өз міндеттемелерін орындау мүмкін болмаған Тарап олар туындаған сәттен бастап 10 (он) жұмыс күні ішінде екінші Тарапты мұндай мән-жайлар туралы уақтылы хабардар етуі тиіс. Бұл ретте еңсерілмейтін күштің мән-жайларының сипаты, қолданылу кезеңі, туындау фактісі уәкілетті мемлекеттік органдардың тиісті құжаттарымен расталуы тиіс.

      4.3. Уақтылы хабардар етпеген жағдайда, Тараптар екінші Тарапқа хабардар етпеуден немесе уақтылы хабардар етпеуден келтірілген зиянды өтеуге міндетті.

      4.4. Еңсерілмейтін күштің мән-жайларының туындауы осы Келісімнің орындалу мерзімінің олардың әрекет ету кезеңіне ұлғайтылуына алып келеді.

      4.5. Егер, мұндай мән-жайлар қатарынан үш айдан астам жалғасатын болса, онда Тараптардың кез келгені осы Келісім бойынша міндеттемелерін одан әрі орындаудан бас тартуға құқылы.

5-тарау. Қорытынды ережелер

      5.1. Хат-хабар бланкіде ұсынылса немесе мөрмен (бар болса) куәландырылса, қолма-қол табысталса, қатысушы Тараптың мекенжайына почтамен (хабарламасы бар тапсырыс хатпен) немесе курьерлік байланыс арқылы жеткізілсе, тиісті түрде ұсынылған немесе жіберілген болып саналады.

      5.2. Егер осы Келісімде өзгеше көзделмесе, осы Келісімнің шарттарын, оның ішінде осы Келісімнің қолданылу мерзімін кез келген өзгерту, тоқтату Тараптардың уәкілетті өкілдері қол қоятын қосымша келісімдермен ресімделеді.

      5.3. Осы Келісім бойынша Тараптар арасында туындайтын барлық келіспеушіліктер немесе даулар тікелей келіссөздер процесінде шешіледі. Егер осындай келіссөздерден кейін Тараптар осы Келісім бойынша дауды шеше алмаса, Тараптардың кез келгені бұл мәселені Қазақстан Республикасының заңнамасында белгіленген сот тәртібімен шешуді талап ете алады.

      5.4. Осы Келісіммен реттелмеген мәселелер 20___ жылғы ___________ №____ Инвестициялық субсидиялау шартымен, сондай-ақ Қазақстан Республикасының заңнамасымен реттеледі.

      5.5. Осы Келісім мемлекеттік және орыс тілдерінде Тараптардың әрқайсысы үшін бір-бір данадан 2 (екі) данада жасалды.

6-тарау. Тараптардың мекенжайлары, банктік деректемелері және қолтаңбалары

Қаржы институтының арнайы шоттағы инвестициялық субсидияны пайдаланбауы туралы №___ шарт пен келісім

      Бұдан әрі "Қаржы институты" деп аталатын _______________________ бір тараптан,

      бұдан әрі "Жұмыс органы" деп аталатын "_____________ облысының (республикалық маңызы бар қаланың, астананың)_______________________________________ басқармасы"

      (атауы)

      мемлекеттік мекемесі атынан мемлекеттік мекеме туралы ереже негізінде әрекет ететін

      басшысы _____________________ екінші тараптан, бұдан әрі "Инвестор" деп аталатын

      ______________ атынан Жарғы негізінде әрекет ететін _____________________ үшінші

      тараптан, бірлесіп Тараптар деп, ал жеке-жеке Тарап деп аталатындар төмендегілер туралы

      осы Қаржы институтының арнайы шоттағы ақшаны пайдаланбауы туралы осы Шарт пен

      келісімді (бұдан әрі – Шарт) жасасты.

1-тарау. Жалпы ережелер

      Осы Шартты жасасуға мыналар негіз болып табылады:

      1) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасының Заңы;

      2) Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 (Нормативтік құқықтық актілерді мемлекеттік тіркеу тізілімінде № 17320 болып тіркелген) бұйрығымен бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары (бұдан әрі – Субсидиялау қағидалары);

      3) инвестициялық субсидиялау мәселелері жөніндегі комиссияның шешімі (20___ жылғы ______________ № ___).

2-тарау. Терминдер мен айқындамалар

      1) АӨК-дегі инвестициялық жоба (бұдан әрі – инвестициялық жоба) – жаңа өндірістік қуаттылықтар құруға немесе жұмыс істеп тұрғандарын кеңейтуге инвестициялар салуды көздейтін іс-шаралар кешені;

      2) АӨК-дегі инвестициялық субсидиялар (бұдан әрі – инвестициялық субсидиялар) – инвестициялық жобаларды іске асыру шеңберінде АӨК субъектісі шеккен шығыстардың бір бөлігін өтеу;

      3) АӨК-дегі инвестор (бұдан әрі – инвестор) – Қазақстан Республикасының заңнамасына сәйкес АӨК-нің басым бағыттарына (секторларына) инвестициялық салымдарды жүзеге асыратын АӨК субъектісі;

      4) арнайы шот – қаржы институтының екінші деңгейлі банктегі инвестициялық субсидиялар сомалары аударылатын шоты;

      5) инвестициялық субсидиялау мәселелері жөніндегі комиссияның жұмыс органы (бұдан әрі – жұмыс органы) – облыстардың, республикалық маңызы бар қалалардың және астананың ауыл шаруашылығы саласындағы жергілікті атқарушы органдары;

      6) қаржы институттары – банктік операцияларды жүзеге асыру құқығына арналған тиісті лицензиясы бар екінші деңгейдегі банктер, микроқаржы ұйымдары, кредиттік ұйымдар, лизингтік компаниялар, кредиттік серіктестіктер.

3-тарау. Шарттың нысанасы

      3.1. Қаржы институты арнайы шоттағы қаражатты Жұмыс органы Субсидиялау қағидаларында көрсетілген шарттарға сәйкес инвестициялық субсидиялар төлеу (екінші кезең) туралы шешім қабылдағанға дейін пайдаланбайды.

      3.2. Арнайы шотқа инвестициялық субсидиялар алу үшін инвестор Субсидиялау қағидаларында көрсетілген құжаттармен бірге, қаржы институты кредиттік комитетінің оң шешімінің қаржы институты куәландырған көшірмесін, қаржы институтымен жасалынған кредиттік шартты/лизинг шартын қосымша береді.

4-тарау. Инвестициялық субсидияларды аудару тәртібі мен шарттары

      4.1. _________ (_____________) теңге мөлшеріндегі инвестициялық субсидиялар

      сомасын Жұмыс органы аванстық төлеммен қаржы институтының арнайы шотына аударады.

      Қаржы институтының арнайы шотының деректемелері:

      ____________________________________________________________________

      4.2. Барлық операциялар ұлттық валюта – теңгемен жасалады.

5-тарау. Тараптардың құқықтары мен міндеттері

      5.1. Қаржы институты қаражаттың арнайы шотқа түскен күнінен бастап 10 (он) жұмыс күні ішінде кредиттік шартта (Қаржы институты мен Инвестор арасында жасалған) көзделген қаражатты, егер, инвестор мен қаржы институты арасындағы шартта өзгеше көзделмесе, жабдық сатушының шотына аударады және Жұмыс органына растайтын құжаттарды береді.

      5.2. Қаржы институты Субсидиялау қағидаларында көзделген шарттарды орындамаған жағдайда, қаржы институты 3 (үш) жұмыс күні ішінде жұмыс органы арнайы шотқа аванстық төлеммен аударған қаражаттың орнын толық көлемде толтырады.

      5.3. Бұл ретте, ағымдағы қаржы жылында жасалған төлемдерді қайтару орындалмаған міндеттемелер сомасын ұлғайту және шығыстардың бюджеттік сыныптамасының тиісті кодтары бойынша кассалық шығыстарды азайту жолымен Жұмыс органының кассалық шығыстарын қалпына келтіріп жүзеге асырылады. Өткен жылдардың төлемдерін қайтарған жағдайда, қайтару сомасы төлемдер жасалған тиісті бюджеттің кірісіне есептеледі.

      5.4. Арнайы шотқа аударылған қаражатты қаржы институты Жұмыс органының инвесторға инвестициялық субсидиялар беру туралы оң шешімінің негізінде инвестициялық жоба шеңберінде жабдық пен техника сатып алуға пайдаланылған инвестордың кредит/лизинг бойынша негізгі борышын өтеу шотына аударады (екінші кезең).

6-тарау. Тараптардың жауапкершілігі

      6.1. Тараптар Шартқа және Қазақстан Республикасының заңнамасына сәйкес Шарттан туындайтын міндеттемелерді орындамағаны және/немесе тиісінше орындамағаны үшін осы Шарт бойынша жауапкершілікте болады.

7-тарау. Шарттың қолданылу мерзімі

      7.1. Осы Шарт қол қойылған сәтінен бастап күшіне енеді және Тараптар Субсидиялау қағидаларына сәйкес өз міндеттемелерін толық көлемде орындағанға дейін қолданыста болады.

8-тарау. Еңсерілмейтін күштің мән-жайлары

      8.1. Тараптар еңсерілмейтін күштің мән-жайлары салдарынан орындау мүмкін болмаған жағдайда, осы Шарт бойынша өз міндеттемелерін орындамағаны, не тиісінше орындамағаны үшін жауапкершіліктен босатылады.

      8.2. Еңсерілмейтін күштің мән-жайлары туындаған кезде осы Шарт бойынша өз міндеттемелерін орындау мүмкін болмаған Тарап олар туындаған сәттен бастап 10 (он) жұмыс күні ішінде екінші Тарапты мұндай мән-жайлар туралы уақтылы хабардар етуі тиіс. Бұл ретте еңсерілмейтін күштің мән-жайларының сипаты, қолданылу кезеңі, туындау фактісі уәкілетті мемлекеттік органдардың тиісті құжаттарымен расталуы тиіс.

      8.3. Уақтылы хабардар етпеген жағдайда, Тараптар екінші Тарапқа хабардар етпеуден немесе уақтылы хабардар етпеуден келтірілген зиянды өтеуге міндетті.

      8.4. Еңсерілмейтін күштің мән-жайларының туындауы олардың әрекет ету кезеңіне осы Шарттың орындалу мерзімінің ұлғайтылуына алып келеді.

      8.5. Егер, мұндай мән-жайлар қатарынан үш айдан астам жалғасатын болса, онда Тараптардың кез келгені осы Шарт бойынша міндеттемелерін одан әрі орындаудан бас тартуға құқылы.

9-тарау. Дауларды шешу

      9.1. Тараптар тікелей келіссөздер процесінде Шарт бойынша немесе оған байланысты олардың арасында туындайтын барлық келіспеушіліктерді немесе дауларды шешу үшін барлық күш-жігерін жұмсаулары тиіс.

      9.2. Егер мұндай келіссөздерден кейін Тараптар Шарт бойынша дауды шеше алмаса, Тараптардың кез келгені бұл мәселенің Қазақстан Республикасының заңнамасында белгіленген сот тәртібімен шешілуін талап ете алады.

10-тарау. Хат-хабар алмасу

      10.1. Осы Шарт шеңберінде Тараптар бір-біріне жөнелтетін кез келген хат-хабар жазбаша нысанда ұсынылады және Тараптар тапсырылғаны туралы белгісі бар хат-хабарды алған сәттен бастап 10 (он) күнтізбелік күн ішінде қаралады.

      10.2. Хат-хабар тиісті түрде рәсімделген жағдайда (хат-хабар бланкіде ұсынылса немесе мөрмен (бар болса) куәландырылса, басшының қолы қойылса және тіркеу нөмірі, күні көрсетілсе тиісті түрде рәсімделген болып саналады), қолға табысталса, почта арқылы жеткізілсе (хабарламасы бар тапсырыс хатпен) немесе қатысушы Тараптың мекенжайына курьерлік байланыс арқылы жеткізілсе, тиісті түрде ұсынылған немесе жіберілген болып саналады.

11-тарау. Құпиялылық

      11.1. Осымен Тараптар осы Шарттың талаптарына қатысты ақпарат, банктік құпия, сондай-ақ қаржылық, коммерциялық және осы Шартты жасасу және орындау кезінде олар алған өзге де ақпарат құпия болып табылатынымен және осы Шартта, Субсидиялау қағидаларында және Қазақстан Республикасының қолданыстағы заңнамасында тікелей көзделген жағдайларды қоспағанда, үшінші тұлғаларға жария етуге жатпайтынымен келіседі.

      11.2. Тараптың құпия ақпаратты үшінші тұлғаларға беруі, жариялауы немесе оны өзге де жария етуі осы Шартта және Қазақстан Республикасының заңнамасында көзделген жағдайларда ғана мүмкін болады.

      11.3. Тараптар осы Шарттың талаптар мен құпиялылығын сақтау үшін құқықтық сипаттағы шараларды қоса барлық қажетті шараларды қабылдайды. Тараптардың лауазымды адамдары мен қызметкерлеріне осы Шартты іске асыру барысында алынған мәліметтерді жария етуге не үшінші тұлғаларға беруге тыйым салынады.

      11.4. Қандай да бір Тарап осы Шарттың талаптарын бұза отырып, құпия ақпаратты жария еткен не таратқан жағдайда, кінәлі Тарап осындай ақпаратты жария ету салдарынан екінші Тарапқа келтірілген зиянды өтей отырып, Қазақстан Республикасының заңнамасында көзделгендей жауапкершілікте болады.

      11.5. Инвестор осы Шартқа қол қоюмен абұқаралық ақпарат құралдарында Инвестор туралы мәліметтерді орналастыруына, сондай-ақ, осы Шарт аясында Инвестор туралы алынған кез келген мәліметті (оның ішінде банктік құпияны) Инвестордың алдын ала жазбаша келісімінсіз үшінші тұлғаларға жария етуіне келісім береді.

12-тарау. Қорытынды ережелер

      12.1. Осы Шарттың ережелері өзгертілуі және/немесе толықтырылуы тиіс. Тараптар үшін тек Тараптардың келісімімен жазбаша түрде жасалған және Тараптардың уәкілетті өкілдері қол қойған өзгерістер мен толықтырулар ғана жарамды және міндетті болып танылады.

      12.2. Осы Шарт мемлекеттік және орыс тілдерінде Тараптардың әрқайсысы үшін бір-бір данадан 3 (үш) данада жасалды.

      13. Тараптардың заңды мекенжайлар, банктік деректемелері және қолдары

Әкімшілік деректерді жинауға арналған нысан Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеуге арналған субсидиялардың игерілуі туралы есеп Есептік кезең: 20___ жылғы ___________ (тоқсан/жыл)

      Индекс: № 1-ИС нысаны

      Нысанды бекіткен бұйрықтың (қаулының) күні мен нөмірі: "Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы" Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығы (Нормативтік құқықтық актілерді мемлекеттік тіркеу тізілімінде 17320 болып тіркелген).

      Кезеңділігі: тоқсан сайын, жыл сайын

      Ұсынатын тұлғалар шеңбері: облыстардың, республикалық маңызы бар қалалардың және астананың ауыл шаруашылығы саласындағы жергілікті атқарушы органы

      Қайда ұсынады: Қазақстан Республикасы Ауыл шаруашылығы министрлігі

      Ұсыну мерзімі: тоқсан сайын - есепті кезеңнен кейінгі айдың 5-інен кешіктірмей;

      жылдық есеп - есепті кезеңнен кейінгі айдың 10-күнінен кешіктірмей.

      20__ жылғы "___"_________________

      Мемлекеттік органның атауы ______________________________________

      Субсидиялар атауы ____________________________________________

      Есеп кезеңі _____________________________________________________

      Жоғары тұрған бюджеттен алынған қаражат сомасы ________________

      _______________________________________________________________

      (бюджеттік бағдарламаның атауы)

      _______________________________________________________________

      (бюджеттік бағдарламаның (кіші бағдарламаның) коды)

      кестенің жалғасы

      Әкім ___________________________________________ ________________

      (аты, әкесінің аты (бар болса), тегі) (қолы)

      Бірінші басшы – төмен тұрған бюджеттің бюджеттік бағдарламаларының әкімшісі ___________________________________________________ _________________

      (аты, әкесінің аты (бар болса), тегі) (қолы)

      Мөр (бар болса) орны

"Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеуге арналған субсидиялардың игерілуі туралы есеп" әкімшілік деректерді жинақтауға арналған нысанды толтыру бойынша түсіндірме

      1. Осы түсіндірме инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеуге арналған субсидиялардың игерілуі туралы есеп нысанының толтырылуын нақтылайды.

      2. Есептің 1-бағанында реттік нөмірі көрсетіледі.

      3. 4-бағандағы деректер Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларына 1, 2-қосымшаларға сәйкес толтырылады.

      4. 2-бағанда инвестордың атауы көрсетіледі.

      5. 3-бағанда инвестордың ЖСН/БСН көрсетіледі;

      6. 5, 6, 7, 8-бағандарда инвестордың статистикалық есептілігі және заттай және құндық мәнде өндірілген өнімдерді түрлері бойынша өткізуді растайтын бастапқы құжаттар негізіндегі кәсіпорынның өндірістік қуаты көрсетіледі.

      7. 9-бағанда тұрақты жұмыс орындарының саны көрсетіледі;

      8. 10, 11-бағандарда жобаның жалпы құны, оның ішінде субсидиялауға жататыны көрсетіледі.

      9. 12-бағанда инвестициялық жобаның паспортына сәйкес өтеу үлесі көрсетіледі.

      10. 13-бағанда төленген субсидиялар сомасы көрсетіледі.

      11. 14-бағанда инвестициялық жобаны пайдалануға енгізу күні көрсетіледі.

      12. 15-бағанда Жұмыс органы шешімінің күні мен нөмірі көрсетіледі.

      Ескертпе: аббревиатуралардың толық жазылуы:

      ЖСН – жеке сәйкестендіру нөмірі

      БСН – бизнес-сәйкестендіру нөмірі