"Қазақстан Республикасы Инвестициялар және даму министрлігінің ұшуға пайдалану саласында мемлекеттік қызметтер көрсетуі мәселелері туралы" Қазақстан Республикасы Инвестициялар және даму министрінің 2015 жылғы 30 сәуірдегі № 561 бұйрығына өзгерістер енгізу туралы

      ЗҚАИ-ның ескертпесі!
      Осы бұйрықтың қолданысқа енгізілу тәртібін 4 т. қараңыз

      БҰЙЫРАМЫН:

      1. "Қазақстан Республикасы Инвестициялар және даму министрлігінің ұшуға пайдалану саласында мемлекеттік қызметтер көрсетуі мәселелері туралы" Қазақстан Республикасы Инвестициялар және даму министрінің 2015 жылғы 30 сәуірдегі № 561 бұйрығына (Нормативтік құқықтық актілерді мемлекеттік тіркеу тізілімінде № 11742 болып тіркелген, 2015 жылғы 5 тамызда "Әділет" ақпараттық-құқықтық жүйесінде жарияланған) мынадай өзгерістер енгізілсін:

      1-тармақтың 2) тармақшасы мынадай редакцияда жазылсын:

      "2) "Авиациялық жұмыстарды орындау құқығына куәлік беру" мемлекеттік көрсетілетін қызмет стандарты осы бұйрыққа 2-қосымшаға сәйкес;";

      көрсетілген бұйрықпен бекітілген "Пайдаланушы сертификатын беру", мемлекеттік көрсетілетін қызмет стандартына:

      2-тармақ мынадай редакцияда жазылсын:

      "2. Мемлекеттік көрсетілетін қызмет стандартын (бұдан әрі - стандарт) Қазақстан Республикасы Индустрия және инфрақұрылымдық даму министрлігі (бұдан әрі - Министрлік) әзірледі."

      13-тармақтың 1) тармақшасы мынадай редакцияда жазылсын:

      "1) Министрліктің – www.miid.gov.kzwww.mid.gоv.kz, "Мемлекеттік көрсетілетін қызметтер" деген бөлімінде;";

      көрсетілген бұйрықпен бекітілген "Авиациялық жұмыстарды орындау құқығына куәлік беру" мемлекеттік көрсетілетін қызмет стандартына:

      2-тармақ мынадай редакцияда жазылсын:

      "2. Мемлекеттік көрсетілетін қызмет стандартын (бұдан әрі - стандарт) Қазақстан Республикасы Индустрия және инфрақұрылымдық даму министрлігі (бұдан әрі - Министрлік) әзірледі.";

      4-тармақтың 1) тармақшасы мынадай редакцияда жазылсын:

      "1) құжаттар топтамасы бар өтінімді көрсетілетін қызметті берушіге тапсырған сәттен бастап, сондай-ақ порталға жүгінген кезде:

      авиациялық жұмыстарды орындау құқығына куәлік (бұдан әрі - куәлік) беру – 40 (қырық) жұмыс күні;

      авиациялық жұмыстарды орындау құқығына куәліктің телнұсқасын (бұдан әрі - куәліктің телнұсқасы) беру – 2 (екі) жұмыс күні;";

      13-тармақтың 1) тармақшасы мынадай редакцияда жазылсын:

      "1) Министрліктің – www.miid.gov.kzwww.mid.gоv.kz, "Мемлекеттік көрсетілетін қызметтер" деген бөлімінде;";

      "Авиациялық жұмыстарды орындау құқығына куәлік беру" мемлекеттік көрсетілетін қызмет стандартына қосымша осы бұйрыққа қосымшаға сәйкес редакцияда жазылсын;

      көрсетілген бұйрықпен бекітілген "Ұшуды орындау құқығына куәлік беру (жалпы мақсаттағы авиацияны пайдаланушы)" мемлекеттік көрсетілетін қызмет стандартына:

      2-тармақ мынадай редакцияда жазылсын:

      "2. Мемлекеттік көрсетілетін қызмет стандартын (бұдан әрі - стандарт) Қазақстан Республикасы Индустрия және инфрақұрылымдық даму министрлігі (бұдан әрі - Министрлік) әзірледі.";

      13-тармақтың 1) тармақшасы мынадай редакцияда жазылсын:

      "1) Министрліктің – www.miid.gov.kzwww.mid.gоv.kz, "Мемлекеттік көрсетілетін қызметтер" деген бөлімінде;".

      2. Қазақстан Республикасы Индустрия және инфрақұрылымдық даму министрлігінің Азаматтық авиация комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде қазақ және орыс тілдерінде Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Цифрлық даму, инновациялар және

      аэроғарыш өнеркәсібі министрлігі

      2019 жылғы ___________________

Пайдаланушының авиациялық жұмыстарды орындау құқығына арналған рұқсат алуға өтінім бастапқы рұқсат беру/кезекті рұқсат (қажеттінің астын сызу)

      1.__________________________________________________________________

      (өтініш берушінің толық атауы) ________________________ әуе кемелерінің

      негізгі орны әуеайлақтарында (алаңында) авиациялық жұмыстарды орындау

      құқығына рұқсат беруді сұраймын.

      2. Мәлімделген авиациялық жұмыс түрлері: __________________________________

      3. Қазақстан Республикасының шегінде немесе одан тыс жерлерде ұшу

      өңірлері: __________________________________________________________

      4. Жоспарланған ұшуды бастау күні: _________________________________

      5. Басқарушы персонал

      6. Командалық-ұшу, нұсқаушы және ұшқыштар құрамы

      7. Инженерлік-техникалық персонал

      8. Әуе кемелері

      9. Өтініш беруші: сертификаттау рәсімдерін орындауға; сертификаттық талаптарға жауап беруге; азаматтық авиация саласындағы уәкілетті органға ұшудың ұйымдастырылуын, қамтамасыз етілуін және орындалуын бақылауды жүзеге асыруына мүмкіндік беруге міндеттенеді. ____________________________________________________________________

      Өтініш беруші (Т.А.Ә., қолы)