БҰЙЫРАМЫН:
1. "Отандық өңделген тауарларды ілгерілету бойынша индустриялық-инновациялық қызмет субъектілері шығындарының бір бөлігін өтеу қағидаларын, оларды ілгерілету бойынша шығындары ішінара өтелетін отандық өңделген тауарлардың тізбесін бекіту туралы" Қазақстан Республикасы Инвестициялар және даму министрінің 2015 жылғы 30 қарашадағы № 1128 бұйрығына (Нормативтік құқықтық актілерді мемлекеттік тіркеу тізілімінде № 12730 болып тіркелген, 2016 жылғы 25 қаңтарда "Әділет" ақпараттық-құқықтық жүйесінде жарияланған) мынадай өзгерістер енгізілсін:
көрсетілген бұйрықпен бекітілген Отандық өңделген тауарларды ілгерілету бойынша индустриялық-инновациялық қызмет субъектілері шығындарының бір бөлігін өтеу қағидаларында:
6-тармақ мынадай редакцияда жазылсын:
"6. Осы Қағидалардың 4-тармағының 1) - 7) тармақшаларында көрсетілген түрлері бойынша шығынның бір бөлігін өтеу Қазақстан Республикасының жанама салығын (қосымша құн салығы және акциздер) есептеусіз жүзеге асырылады.
Осы Қағидалардың 4-тармағының 1) - 6) тармақшаларында көрсетілген түрлері бойынша шығынның бір бөлігін өтеудің шекті мөлшері ағымдағы қаржы жылында бір индустриялық-инновациялық қызмет субъектісіне он үш мың айлық есептік көрсеткіштерден аспауы тиіс.
Осы Қағидалардың 1-тармағында көрсетілген мақсаттарға тиісті қаржыжылы ішінде бір индустриялық-инновациялық қызмет субъектісіне берілетін, осы Қағидалардың 4-тармағының 7) тармақшасында көрсетілген түрі бойынша шығынның бір бөлігін өтеудің шекті мөлшері түрі бойынша ағымдағы қаржы жылына бөлінген қаржы қаражатының көлемінен 1/50 аспауы тиіс.
Шығынның бір бөлігін өтеу лимиті тауарларды жүк автомобилімен жеткізу кезінде жүрістің 1 (бір) шақырымына 300 (үш жүз) теңгеден аспауы тиіс.";
12-тармақ мынадай редакцияда жазылсын:
"Осы Қағидалардың 4-тармағының 1) - 7) тармақшаларында көрсетілген индустриялық-инновациялық қызмет субъектілері шығындарының бір бөлігін өтеуді алуға өтінім мынадай құжаттарды қоса бере отырып, осы Қағидаларға 2-қосымшаға сәйкес нысан бойынша жасалады:
1) сараптама актілерімен және/немесе индустриялық сертификатпен бірге "СТ-KZ", сондай-ақ "СТ-1" және/немесе "СТ-2" және/немесе "А" және/немесе "түпнұсқа" нысанындағы тауардың шығу тегін растайтын құжаттардың көшірмелері;
2) төлем шығындары оларды өтеу үшін өтінімге енгізілген шартқа қосымшаларымен бірге жұмыстарды/көрсетілетін қызметтерді орындауға арналған шарттың (шарттардың) көшірмесі;
Шетелдік көрмелерге, жәрмеңкелерге, фестивальдарға тікелей қатысуға арналған жұмыстарды/көрсетілетін қызметтерді орындауға арналған шарт болмаған жағдайда – шетелдік көрмелерге, жәрмеңкелерге, фестивальдарға тікелей қатысуға арналған өтінімдердің көшірмелері;
3) төлем шоттарының (егер төлем құжаттарында көзделсе), шот-фактуралардың (инвойстың) көшірмелері және/немесе орындалған жұмыстар/көрсетілетін қызметтер актілері, сондай-ақ индустриялық-инновациялық қызмет субъектісінің жұмыстарды/көрсетілетін қызметтерді төлеу фактісін растайтын төлем құжаттары.";
13-тармақтың 7) тармақшасы мынадай редакцияда жазылсын:
"тауарларды жеткізуге байланысты шығындар бойынша:
жол парақтарының көшірмелері;
тауарды жеткізуге арналған шарттың көшірмесі;
индустриялық-инновациялық қызмет субъектісінің бірінші басшысы және бас бухгалтері (бар болса) растаған тауарларды жеткізу бойынша индустриялық-инновациялық қызмет субъектісінің іс жүзінде шеккен шығындарын растайтын мынадай құжаттардың көшірмелері:
тауарларды жеткізу шығындары бойынша жұмыстарды/көрсетілетін қызметтерді орындауға жасасылған шарт;
тауарларды жеткізуді жүзеге асыруға байланысты жұмыстарды/көрсетілетін қызметтерді орындауға арналған шот-фактура;
тауарларды жеткізуді жүзеге асыруға байланысты жұмыстарға/көрсетілетін қызметтерге ақы төлеуге арналған шот;
орындалған жұмыстардың/көрсетілетін қызметтердің актілері немесе тауарларды жеткізуді жүзеге асыруды растайтын өзге де құжаттар;
тауар-көлік жүкқұжатының, автомобиль және теміржол көлігінде жүкті қабылдау туралы түбіртектердің көшірмелері;
тауарларды автомобиль көлігімен жеткізген жағдайда - автомобиль жолдарын басқару жөніндегі Ұлттық оператордан алынған, жөнелту пунктінен Қазақстан Республикасының халықаралық автомобиль өткізу пункттеріне дейін халықаралық және Республикалық маңызы бар автомобиль жолының ұзақтығы туралы мәліметтер.";
19-тармақ мынадай редакцияда жазылсын:
"Индустриялық-инновациялық қызмет субъектілері шығындарының бір бөлігін өтеу туралы өтінімді Комиссия қарайды, оның құрамын және ережесін Уәкілетті орган бекітеді.
Комиссияға Уәкілетті органның, мүдделі мемлекеттік органдар мен ұйымдардың, Экспортты дамыту және ілгерілету саласындағы ұлттық даму институтының, сондай-ақ Қазақстан Республикасының "Атамекен" Ұлттық кәсіпкерлер палатасының өкілдері кіреді.
Комиссияның отырысы тоқсанына кемінде бір рет өткізіледі.";
20-тармақ мынадай редакцияда жазылсын:
"20. Комиссия Оператордан өтінімді және өтінім түйіндемесін алған күннен бастап 7 (жеті) жұмыс күні ішінде шығындардың бір бөлігін өтеу мүмкіндігі немесе мүмкін еместігі туралы тиісті шешім шығарады.
Уәкілетті орган Комиссия отырыстарының аудио немесе бейнежазбасын қамтамасыз етеді.";
22-тармақ мынадай редакцияда жазылсын:
"22. Комиссия:
1) индустриялық-инновациялық қызмет субъектісі ұсынған, өтінімде көрсетілген тиісті шығындарды растайтын құжаттардың толықтығын және/немесе дұрыстығын растаған;
2) өтінімнің осы Қағидаларға сәйкес келген;
3) ағымдағы қаржы жылы ішінде өтінімде көрсетілген шығындарға қатысты жүргізілген өтемнің өтінімін қарау фактілері болмаған;
4) Қазақстан Республикасының заңнамасына сәйкес орындау мерзімі келген, индустриялық-инновациялық қызмет субъектілері шығындарының бір бөлігін өтеу туралы үлгі келісім жасасу жоспарланатын айдың алдындағы айдың 1-күнгі жағдай бойынша Қазақстан Республикасының қолданыстағы заңнамасына сәйкес салықтарды, алымдарды және басқа да міндетті төлемдерді төлеу бойынша берешегі болмаған;
5) Қазақстан Республикасының аумағында кәсіпкерлік субъектісі ретінде тіркелген.
Комиссия шығындардың бір бөлігін өтеуден бас тарту туралы шешім қабылдаған жағдайда, Оператор 3 (үш) жұмыс күні ішінде индустриялық-инновациялық қызмет субъектісіне бас тарту себептерін көрсете отырып, осы Қағидалардың 4-қосымшасына сәйкес нысан бойынша тиісті хабарлама жібереді.".
2. Қазақстан Республикасы Индустрия және инфрақұрылымдық даму министрлігінің Экспортты дамыту және ілгерілету департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық мемлекеттік тіркелген күнінен бастап күнтізбелік он күн ішінде Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
3) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін қолданысқа енгізіледі.
|
Қазақстан Республикасының Индустрия және инфрақұрылымдық даму министрі |
Р. Скляр |
КЕЛІСІЛДІ"
Қазақстан Республикасының
Ауыл шаруашылығы министрлігі
20__ жылғы "___" ____________
"КЕЛІСІЛДІ"
Қазақстан Республикасының
Қаржы министрлігі
20__ жылғы "___" ____________
"КЕЛІСІЛДІ"
Қазақстан Республикасының
Ұлттық экономика министрлігі
20__ жылғы "___" ____________
"КЕЛІСІЛДІ"
Қазақстан Республикасының
Цифрлық даму, қорғаныс және
аэроғарыш өнеркәсібі министрлігі
20__ жылғы "___" ____________
"КЕЛІСІЛДІ"
Қазақстан Республикасының
Энергетика министрлігі
20__ жылғы "___" ____________