Тауар таңбаларын және тауар шығарылған жерлердiң атауларын тауар таңбаларының мемлекеттік тізілімінде және тауар шығарылған жерлер атауларының мемлекеттік тізілімінде тіркеу және қорғау құжаттары мен олардың телнұсқаларын беру, тіркеудің қолданысын тоқтату және оны жарамсыз деп тану қағидаларын бекіту туралы

      "Тауар таңбалары, қызмет көрсету таңбалары және тауар шығарылған жерлердің атаулары туралы" 1999 жылғы 26 шілдедегі Қазақстан Республикасы Заңының 3-бабының 2-тармағының 2) тармақшасына сәйкес БҰЙЫРАМЫН:

      1. Қоса беріліп отырған Тауар таңбаларын және тауар шығарылған жерлердiң атауларын тауар таңбаларының мемлекеттік тізілімінде және тауар шығарылған жерлер атауларының мемлекеттік тізілімінде тіркеу және қорғау құжаттары мен олардың телнұсқаларын беру, тіркеудің қолданысын тоқтату және оны жарамсыз деп тану қағидаларын бекіту туралы қағидалары бекітілсін.

      2. Зияткерлік меншік құқығы департаменті заңнамада белгіленген тәртіппен:

      1) осы бұйрықты мемлекеттік тіркеуді;

      2) осы бұйрық мемлекеттік тіркелген күннен бастап күнтізбелік он күн ішінде оны ресми жариялануы үшін және Қазақстан Республикасының нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына қазақ және орыс тілдерінде жіберуді;

      3) осы бұйрықты ресми жарияланғаннан кейін Қазақстан Республикасы Әділет министрлігінің ресми интернет-ресурсында орналастыруды қамтамасыз етсін.

      3. Осы бұйрықтың орындалуын Қазақстан Республикасының Әділет вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Тауар таңбаларын және тауар шығарылған жерлердiң атауларын тауар таңбаларының мемлекеттік тізілімінде және тауар шығарылған жерлер атауларының мемлекеттік тізілімінде тіркеу және қорғау құжаттары мен олардың телнұсқаларын беру, тіркеудің қолданысын тоқтату және оны жарамсыз деп тану қағидалары

      Ескерту. Қағида жаңа редакцияда – ҚР Әділет министрінің м.а. 19.05.2020 № 41 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Тауар таңбаларын және тауар шығарылған жерлердiң атауларын тауар таңбаларының мемлекеттік тізілімінде және тауар шығарылған жерлер атауларының мемлекеттік тізілімінде тіркеу және қорғау құжаттары мен олардың телнұсқаларын беру, тіркеудің қолданысын тоқтату және оны жарамсыз деп тану қағидалары (бұдан әрі - қағидалар) "Тауар таңбалары, қызмет көрсету таңбалары және тауар шығарылған жерлердің атаулары туралы" 1999 жылғы 26 шілдедегі Қазақстан Республикасы Заңының (бұдан әрі - Заң) 3-бабының 2-тармағының 2) тармақшасына, "Мемлекеттік көрсетілетін қызметтер туралы" Қазақстан Республикасының 2013 жылғы 15 сәуірдегі Заңының (бұдан әрі - Мемқызметтер туралы заң) 10-бабының 1) тармақшасына сәйкес әзірленген және Тауар таңбаларын, тауар таңбаларын және тауар шығарылған жерлердiң атауларын тауар таңбаларының мемлекеттік тізілімінде және тауар шығарылған жерлер атауларының мемлекеттік тізілімінде тіркеуді және қорғау құжаттары мен олардың телнұсқаларын беруді, тіркеудің қолданысын тоқтатуды және оны жарамсыз деп тануды, сондай-ақ мемлекеттік қызмет көрсету тәртібін белгілейді.

      2. Осы қағидаларда мынадай ұғымдар мен қысқартулар пайдаланылады:

      1) бюллетень - тауар таңбалары мен тауар шығарылған жерлердің атауларын қорғау мәселелері жөніндегі ресми мерзімдік басылым;

      2) ДЗМҰ - Дүниежүзілік зияткерлік меншік ұйымы;

      3) жалпыға бiрдей белгiлi тауар белгісі - уәкілетті органның мүдделi тұлғалар дәлелдемелеріне негiзделген шешiмiмен жалпыға бірдей белгілі деп танылған, тауар белгісі ретiнде пайдаланылып жүрген белгiлеме немесе тауар белгісі;

      4) тауар таңбасы, қызмет көрсету таңбасы (бұдан әрi - тауар таңбасы) - осы Заңға сәйкес тiркелген немесе Қазақстан Республикасы қатысатын халықаралық шарттарға орай тiркеусiз қорғалатын, бiр заңды немесе жеке тұлғаның тауарларын (көрсететін қызметтерiн) басқа заңды немесе жеке тұлғаның бiртектес тауарларынан (көрсететін қызметтерiнен) ажырату үшiн қызмет ететiн белгi;

      5) патенттiк сенiм білдірілген өкiлдер - Қазақстан Республикасының заңнамасына сәйкес уәкiлеттi орган мен сараптама жасау ұйымы алдында жеке және заңды тұлғалардың өкiлi болу құқығы берiлген Қазақстан Республикасының азаматтары;

      6) тауар белгісінің иесі (құқық иеленуші) немесе тауар шығарылған жердің атауын пайдалану құқығының иесі - осы Заңға сәйкес тауар белгісіне айрықша құқыққа немесе тауар шығарылған жердің атауын пайдалануға айрықша құқыққа ие жеке немесе заңды тұлға;

      7) ТКҚХС - тауарлар мен көрсетілетін қызметтердің халықаралық сыныптамасы;

      8) тауар шығарылған жердiң атауы - елдің, өңірдің, елді мекеннің, жердің, не басқа географиялық көрсеткіштің атауын білдіретін не құрамында атауы бар белгілеме, сондай-ақ ерекше қасиеттері, сапасы, репутациясы немесе басқа сипаттары негізінен географиялық шыққан жерімен, оның ішінде өзіне тән табиғи жағдайлармен және (немесе) адам факторларымен байланысты тауарға қатысты пайдалану нәтижесінде белгілі болған және туындының осындай атаудан шығарылған сілтемесі;

      9) ИНИД - библиографиялық деректерді сәйкестендіру үшін халықаралық кодтар.

      10) Мемлекеттік тізілім - тауар таңбаларының мемлекеттік тізілімі, жалпыға бiрдей белгiлi тауар таңбаларының мемлекеттік тізілімі, тауар шығарылған жердің атауларының мемлекеттік тізілімі;

      11) "электрондық үкіметтің" веб-порталы www.egov.kz (бұдан әрі - портал) - нормативтік құқықтық базаны қоса алғанда, барлық шоғырландырылған үкіметтік ақпаратқа және мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесін білдіретін ақпараттық жүйе;

      12) "электрондық үкімет" төлем шлюзі (бұдан әрі - ЭҮТШ) - электрондық нысанда көрсетілетін ақылы қызметтер көрсету шеңберінде төлемдер жүргізу туралы ақпаратты беру процесін автоматтандыратын ақпараттық жүйе;

      13) электрондық цифрлық қолтаңба (бұдан әрі - ЭЦҚ) - электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар терімі.

2-тарау. Мемлекеттік тізілімінде тiркеу тәртібі

1-параграф. Тауар таңбаларын тіркеу

      3. Қазақстан Республикасы Әділет министрлігінің "Ұлттық зияткерлік меншік институты" шаруашылық жүргізу құқығындағы республикалық мемлекеттік кәсіпорнының (бұдан әрі - көрсетілетін қызметті беруші) тауар таңбасын тіркеу туралы шешімі негізінде және тауар таңбасына куәлік беру үшін төлем жасалғанын растайтын құжатты ұсынған жағдайда, тауар таңбасы бойынша реттік нөмерімен (бұдан әрі - реттік нөмірі) тіркелген күні туралы (бұдан әрі - тіркелген күні) мәліметтер тауар таңбаларының мемлекеттік тізіліміне енгізіледі.

      4. Тауар таңбасын тауар таңбаларының мемлекеттік тізілімінде тіркеу кезінде мынадай мәліметтер енгізіледі:

      1) тауар таңбасының тіркеу нөмірі мен берілген күні;

      2) тауар таңбасының бейнесі;

      3) ТКҚХС-ның сыныбы;

      4) атауы немесе тегі, аты, әкесінің аты (бар болған жағдайда) және оның тұрғылықты мекенжайы;

      5) өтінімнің көрсетілетін қызметті берушіге берілген күні және нөмірі;

      6) тауар таңбасына тіркелген тауарлар мен қызметтердің тізімі;

      7) егер конвенциялық басымдық белгіленген болса, бірінші өтінімнің елі, нөмірі және берілген күні;

      8) хат алмасу үшін мекенжайы;

      9) өкіл туралы мәліметтер (патенттік сенім білдірілген өкіл туралы);

      10) куәлікті беру туралы және ресми бюллетеньдегі нөмірі туралы мәліметтерді жариялау күні;

      11) тауар таңбасына құқыққа иелік ету туралы деректерді қоса алғанда, тауар таңбасын тіркеуге қатысты кейінгі өзгерістер.

      Көрсетілген мәліметтерді енгізу олардың алдында тиісті ИНИД кодын (ДЗМҰ стандарты бойынша) қою арқылы сүйемелденеді және жариялау кезінде пайдаланылады. Елдің коды ДЗМҰ-ның тиісті стандартына сәйкес қойылады.

2-параграф. Жалпыға бiрдей белгiлi тауар таңбаларын тіркеу

      5. Уәкілетті органның белгiлеменi немесе тауар таңбасын жалпыға бірдей белгілі деп тану негізінде мемлекеттік тізілімге жалпыға бірдей белгілі тауар таңбасына реттік нөмір беріле отырып және мәліметтерді енгізу күні көрсетіле отырып, тиісті мәліметтер енгізіледі.

      6. Жалпыға бiрдей белгiнi тіркеу кезінде тауар таңбаларының мемлекеттік тізіліміне келесі мәліметтер енгізіледі:

      1) жалпыға бірдей таңбаны тіркеу нөмірі және күні;

      2) жалпыға бірдей тауар таңбасының бейнесі;

      3) ТКҚХС-ның сыныбы;

      4) иесінің атауы немесе тегі, аты әкесінің аты (бар болған жағдайда) және оның тұрғылықты немесе тұрақты мекенжайы;

      5) өтінімнің көрсетілетін қызметті берушіге берілген күні және нөмірі;

      6) жалпыға бірдей тауар таңбасына қатысты тіркелген тауарлар мен қызметтердің тізімі;

      7) хат алмасу үшін мекенжайы;

      8) өкіл туралы мәліметтер (патенттік сенім білдірілген өкіл туралы);

      9) куәлiктi беру туралы және ресми бюллетень нөмiрi туралы мәлiметтер жарияланған күнi;

      10) жалпыға белгілі тауар таңбасын тіркеуге қатысты кейінгі өзгерістер.

      Көрсетілген мәліметтерді енгізу олардың алдында тиісті ИНИД кодын (ДЗМҰ стандарты бойынша) қою арқылы сүйемелденеді және жариялау кезінде пайдаланылады. Елдің коды ДЗМҰ-ның тиісті стандартына сәйкес қойылады.

3-параграф. Тауар шығарылған жердің атауларын тіркеу

      7. Тауар шығарылған жердiң атауын тiркеу және (немесе) тауар шығарылған жер атауын пайдалану құқығын беру жөнiндегi сараптама жасау ұйымының шешiмi немесе көрсетілетін қызметті берушінің тауар шығарылған жер атауын пайдалану құқығына куәлiк беру жөнiндегi қызметіне төлемді растаған жағдайда, тауар шығарылған жердің атауы мемлекеттік тізіліміне тауар шығарылған жердің атауы туралы мәліметтер енгізіледі.

      8. Тауарлардың шыққан жерлерінің атауларын мемлекеттік тізілімге тіркеген кезде мынадай ақпарат енгізіледі:

      1) тауар шығарылған жердің атауы;

      2) тіркеу нөмірі және күні;

      3) өнімнің ерекше қасиеттерінің сипаттамасы;

      4) меншiк иесiнiң аты-жөнi және оның тұрғылықты жерiнiң немесе орналасқан жерiнiң көрсетiлуi;

      5) өтінімнің берілген күні және нөмірі;

      6) хат алмасу мекенжайы;

      7) өкілі туралы ақпарат (патенттік сенім білдірілген өкіл туралы);

      8) тауар шығарылған жердiң атауларын пайдалану құқығын беру туралы және ресми бюллетень нөмiрi туралы мәлiметтер жарияланған күнi;

      9) тіркеуге қатысты кейінгі өзгерістер.

      Көрсетілген мәліметтерді енгізу олардың алдында тиісті ИНИД кодын (ДЗМҰ стандарты бойынша) қою арқылы сүйемелденеді және жариялау кезінде пайдаланылады. Елдің коды ДЗМҰ-ның тиісті стандартына сәйкес қойылады.

3-тарау. Тауар таңбасына және тауар шығарылған жердің атауларына куәлік, жалпыға бірдей таңбаны тауар таңбасына үзінді көшірме беру тәртібі

1-параграф. Тауар таңбасына куәлік беру

      9. "Тауар таңбасын тіркеу" мемлекеттік қызметі (бұдан әрі - мемлекеттік көрсетілетін қызмет) көрсетілетін қызметті берушімен көрсетіледі.

      10. Мемлекеттік қызметті алу үшін жеке және (немесе) заңды тұлға (бұдан әрі - көрсетілетін қызметті алушы) осы қағидалардың 1-қосымшасындағы "Тауар таңбасын тіркеу" мемлекеттік көрсетілетін қызмет стандартының (бұдан әрі - стандарт) 8-тармағында көрсетілген қосымша құжаттарымен осы қағидалардың 2-қосымшасына сәйкес ЭЦҚ-мен қол қойылған электрондық құжат түріндегі өтінішті көрсетілетін қызметті берушіге портал арқылы жолдайды.

      11. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі стандартта келтірілген.

      Төлем қолма-қол ақшасыз аударым тәсілімен көрсетілетін қызметті берушінің "newscab.kazpatent.kz" ақпараттық жүйесімен түйістірілген екінші деңгейлі банктің төлем шлюзі арқылы, осы қағидалардың 3-қосымшасында (бұдан әрі - 3-қосымша) көрсетілген банктік ревизиттер бойынша жүзеге асырылады.

      Көрсетілетін қызметті алушы өтінішті портал арқылы жіберген кезде, мемлекеттік қызмет көрсетуге сұранысты қабылдау күйі автоматты түрде "жеке кабинетте" көрсетіледі.

      12. Мемлекеттік қызметті көрсетуге арналған өтінішке көрсетілетін қызметті берушіге келіп түскен сәтте автоматты түрде тіркеу нөмірі енгізіледі.

      Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштер қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады.

      Көрсетілетін қызметті беруші құжаттарды тіркеген сәттен бастап 5 (бес) жұмыс күні ішінде ұсынылған құжаттардың толықтығын тексереді.

      Төлемді растайтын құжат туралы мәліметтерді көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйеден алады.

      Тиісті құжаттарды тексеру және төлем нәтижелері бойынша, сондай-ақ бас тартуға негіздер болмаған жағдайда, көрсетілетін қызметті беруші 5 (бес) жұмыс күні ішінде мемлекеттік қызмет көрсету туралы хабарлама дайындайды және осы қағидалардың 4-қосымшасына сәйкес электрондық нысанда көрсетілетін қызметті алушының "жеке кабинетіне" жолдайды.

      Көрсетілетін қызметті алушы құжаттар топтамасын толық ұсынбаған жағдайда немесе стандарттың 9-тармағында көрсетілген негіздер бойынша жауапты орындаушы көрсетілген мерзімде көрсетілетін қызметті берушінің уәкілетті тұлғасының ЭЦҚ-мен куәландырылған осы қағидалардың 5-қосымшасына сәйкес нысан бойынша өтінішті одан әрі қарау туралы дәлелді бас тартуды дайындайды және көрсетілетін қызметті алушыға жолдайды.

      13. Тіркелген жағдайда көрсетілетін қызметті беруші бюллетеньде тауар таңбасын тіркеу туралы мәліметтерді жариялайды.

      14. Мемлекеттік тізілімге енгізілген ақпарат негізінде тауар таңбасына куәлік осы қағидалардың 6-қосымшасына сәйкес қазақ, орыс және ағылшын тілдерінде беріледі.

      15. Көрсетілетін қызметті беруші Мемқызметтер туралы заңның 5-бабының 11) тармақшасына сәйкес мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.

2-параграф. Тауар шығарылған жердің атауларына куәлік беру

      16. "Тауар шығарылған жердiң атауын пайдалану құқығын тіркеу" мемлекеттік қызметі (бұдан әрі - мемлекеттік көрсетілетін қызмет) көрсетілетін қызметті берушімен көрсетіледі.

      17. Мемлекеттік қызметті алу үшін жеке және (немесе) заңды тұлға (бұдан әрі - көрсетілетін қызметті алушы) осы қағидалардың 7-қосымшасындағы "Тауар таңбасын тіркеу" мемлекеттік көрсетілетін қызмет стандартының (бұдан әрі - стандарт) 8-тармағында көрсетілген қосымша құжаттарымен осы қағидалардың 8-қосымшасына сәйкес ЭЦҚ-мен қол қойылған электрондық құжат түріндегі өтінішті көрсетілетін қызметті берушіге портал арқылы жолдайды.

      18. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі стандартта келтірілген.

      Төлем қолма-қол ақшасыз аударым тәсілімен көрсетілетін қызметті берушінің "newscab.kazpatent.kz" ақпараттық жүйесімен түйістірілген екінші деңгейлі банктің төлем шлюзі арқылы, осы қағидалардың 3-қосымшасында көрсетілген банктік ревизиттер бойынша жүзеге асырылады.

      Көрсетілетін қызметті алушы өтінішті портал арқылы жіберген кезде, мемлекеттік қызмет көрсетуге сұранысты қабылдау күйі автоматты түрде "жеке кабинетте" көрсетіледі.

      19. Мемлекеттік қызметті көрсетуге арналған өтінішке көрсетілетін қызметті берушіге келіп түскен сәтте автоматты түрде тіркеу нөмірі енгізіледі.

      Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштер қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады.

      Көрсетілетін қызметті беруші құжаттарды тіркеген сәттен бастап 5 (бес) жұмыс күні ішінде ұсынылған құжаттардың толықтығын тексереді.

      Төлемді растайтын құжат туралы мәліметтерді көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйеден алады.

      Тиісті құжаттарды тексеру және төлем нәтижелері бойынша, сондай-ақ бас тартуға негіздер болмаған жағдайда, көрсетілетін қызметті беруші 5 (бес) жұмыс күні ішінде мемлекеттік қызмет көрсету туралы хабарлама дайындайды және осы қағидалардың 9-қосымшасына сәйкес электрондық нысанда көрсетілетін қызметті алушының "жеке кабинетіне" жолдайды.

      Көрсетілетін қызметті алушы құжаттар топтамасын толық ұсынбаған жағдайда немесе стандарттың 9-тармағында көрсетілген негіздер бойынша жауапты орындаушы көрсетілген мерзімде көрсетілетін қызметті берушінің уәкілетті тұлғасының ЭЦҚ-мен куәландырылған осы қағидалардың 10-қосымшасына сәйкес нысан бойынша өтінішті одан әрі қарау туралы дәлелді бас тартуды дайындайды және көрсетілетін қызметті алушыға жолдайды.

      20. Тіркелген жағдайда көрсетілетін қызметті беруші бюллетеньде тауар шығарылған жердің атауын пайдалану құқығын тіркеу туралы мәліметтерді жариялайды.

      21. Мемлекеттік тізілімге енгізілген мәліметтердің негізінде осы қағидалардың 11-қосымшасына сәйкес нысан бойынша қазақ, орыс және ағылшын тілдерінде тауар шығарылған жердің атауын пайдалану құқығына куәлік беріледі.

      22. Көрсетілетін қызметті беруші Мемқызметтер туралы заңның 5-бабының 11) тармақшасына сәйкес мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.

3-параграф. Жалпыға бiрдей белгiлi тауар таңбасына үзінде көшірме беру

      23. Мемлекеттік тізілімге енгізілген мәліметтердің негізінде осы қағидалардың 12-қосымшасына сәйкес нысан бойынша қазақ, орыс және ағылшын тілдерінде жалпыға белгілі тауар таңбасына құқықты растайтын электрондық нысандағы Қазақстан Республикасы тауар белгілерінің мемлекеттік тізілімінен үзінді көшірме беріледі.

      24. Көрсетілетін қызметті беруші жалпыға белгілі тауар таңбасына үзіндіні құқық иеленушіге немесе сенімхат бойынша оның өкіліне (егер өтініш өкіл арқылы берілсе) немесе сенімхаттың көшірмесін (егер өтінішхат патенттік сенім білдірілген өкіл арқылы берілсе) көрсетілетін қызметті берушіге төлем құжаты келіп түскен күннен бастап он жұмыс күні ішінде жібереді (береді).

4-тарау. Куәліктің телнұсқаларын беру тәртібі

1-параграф. Тауар таңбасына куәліктің телнұсқасын берутәртібі

      25. Түпнұсқа жоғалған немесе қолдануға жарамсыз болған жағдайда тауар таңбасына куәліктің телнұсқасы беріледі.

      26. Тауар таңбасына куәліктің телнұсқасын беруді көрсетілетін қызметті беруші көрсетеді.

      27. Мемлекеттік көрсетілетін қызметті алу үшін жеке және (немесе) заңды тұлға (бұдан әрі - көрсетілетін қызметті алушы) портал арқылы осы қағидалардың 1-қосымшасына сәйкес стандарттың 8-тармағында көрсетілген құжаттарды қоса бере отырып, осы қағидалардың 13-қосымшасына сәйкес ЭЦҚ қойылған электрондық құжат нысанында өтінішхат жолдайды.

      28. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі стандартта келтірілген.

      Төлем қолма-қол ақшасыз аударым тәсілімен көрсетілетін қызметті берушінің "newscab.kazpatent.kz" ақпараттық жүйесімен түйістірілген екінші деңгейлі банктің төлем шлюзі арқылы, осы қағидалардың 3-қосымшасында көрсетілген банктік ревизиттер бойынша жүзеге асырылады.

      Көрсетілетін қызметті алушы өтінішті портал арқылы жіберген кезде, мемлекеттік қызмет көрсетуге сұранысты қабылдау күйі автоматты түрде "жеке кабинетте" көрсетіледі.

      29. Мемлекеттік қызметті көрсетуге арналған өтінішке көрсетілетін қызметті берушіге келіп түскен сәтте автоматты түрде тіркеу нөмірі енгізіледі.

      Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштер қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады.

      Көрсетілетін қызметті беруші құжаттарды тіркеген сәттен бастап 5 (бес) жұмыс күні ішінде ұсынылған құжаттардың толықтығын тексереді.

      Төлемді растайтын құжат туралы мәліметтерді көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйеден алады.

      Тиісті құжаттарды тексеру және төлем нәтижелері бойынша, сондай-ақ бас тартуға негіздер болмаған жағдайда, көрсетілетін қызметті беруші 5 (бес) жұмыс күні ішінде мемлекеттік қызмет көрсету туралы хабарлама дайындайды және осы қағидалардың 14-қосымшасына сәйкес электрондық нысанда көрсетілетін қызметті алушының "жеке кабинетіне" жолдайды.

      Көрсетілетін қызметті алушы құжаттар топтамасын толық ұсынбаған жағдайда немесе стандарттың 9-тармағында көрсетілген негіздер бойынша жауапты орындаушы көрсетілген мерзімде көрсетілетін қызметті берушінің уәкілетті тұлғасының ЭЦҚ-мен куәландырылған осы қағидалардың 15-қосымшасына сәйкес нысан бойынша өтінішті одан әрі қарау туралы дәлелді бас тартуды дайындайды және көрсетілетін қызметті алушыға жолдайды.

      30. Телнұсқа онда көрсетілген мәліметтердің құрамы бойынша берілген куәліктің түпнұсқасына сәйкес келеді, онымен бірдей заңды күші болады және қазақ, орыс тілдерінде "Телнұсқа" деген мөртабан қойылып, тиісті патент нысаны бойынша беріледі.

      Телнұсқа берілген жағдайда телнұсқа беру туралы мәліметтер бюллетенде жарияланған күннен бастап куәліктің түпнұсқасы заңды күші жоқ деп есептеледі.

      31. Көрсетілетін қызметті беруші Мемқызметтер туралы заңның 5-бабының 11) тармақшасына сәйкес мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.

2-Параграф. Тауар шығарылған жердің атауларына куәліктің телнұсқасын беру тәртібі

      32. Түпнұсқа жоғалған немесе жарамсыз болған жағдайда тауар шығарылған жердің атауына куәліктің телнұсқасы беріледі.

      Куәліктің телнұсқасы телнұсқаны беру туралы осы қағидалардың 16-қосымшасына сәйкес нысан бойынша өтінішхат келіп түскен күннен бастап он жұмыс күні ішінде және телнұсқаны беру үшін көрсетілетін қызметті берушінің қызметтеріне ақы төлену арқылы беріледі.

      Өтінішхатқа құқық иеленуші, сенімхат бойынша өкіл (егер өтінішті өкіл берсе) немесе сенімхаттың көшірмесі (егер өтінішті патенттік сенім білдірілген өкіл берсе) қол қояды.

      33. Құқықтық мирасқор өтініш берген жағдайда өтінішке құқықтық мирасқорлығын растайтын құжаттың нотариалды куәландырылған көшірмесі қоса беріледі.

      34. Телнұсқа тиісті мемлекеттік тізілімде тауар шығарылған жердің атауына куәлік беру туралы жазба болған кезде ғана беріледі.

      Телнұсқа онда көрсетілетін мәліметтердің құрамы бойынша берілген куәліктің түпнұсқасына сәйкес келеді, онымен бірдей заңды күші бар және қазақ, орыс тілдерінде "Телнұсқа" деген мөртабан қойылып, куәліктің тиісті нысаны бойынша беріледі.

      Телнұсқа берілген жағдайда телнұсқа беру туралы мәліметтер жарияланған күннен бастап куәліктің түпнұсқасы заңды күші жоқ деп есептеледі.

5-тарау. Мемлекеттік қызмет көрсету мәселелері бойынша көрсетілетін қызметті берушілердің және (немесе) олардың лауазымды тұлғаларының шешімдеріне, әрекеттеріне (әрекетсіздігіне) шағымдану тәртібі

      35. Көрсетілетін қызметті берушінің құрылымдық бөлімшелері қызметкерлерінің шешіміне, әрекеттеріне (әрекетсіздігіне) шағым көрсетілетін қызметті беруші басшысының атына және (немесе) Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Көрсетілетін қызметті берушінің мекенжайына келіп түскен көрсетілетін қызметті алушының шағымы Мемқызметтер туралы заңның 25-бабының 2-тармағына сәйкес тіркелген күнінен бастап бес жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап он бес жұмыс күні ішінде қаралуға жатады.

      36. Мемлекеттiк көрсетілген қызметтiң нәтижелерiмен келіспеген жағдайда, Қазақстан Республикасының заңнамасында белгіленген тәртіппен көрсетілетін қызметті алушы сотқа жүгінеді.

6-тарау. Өзгерістерді енгізу

1-параграф. Тауар таңбасы мемлекеттік тізіліміне өзгерістер енгізу

      37. Көрсетілетін қызметті беруші тауар таңбасы және жалпыға бірдей танымал тауар таңбасының құқықтық мәртебесіне қатысты өзгерістер мен толықтырулар енгізу жайлы мәліметті мемлекеттік тізілімге уәкiлеттi органның, апелляциялық органның, сот органдарының шешiмi және иелерiнiң (құқықиелері) (олардың мұрагерлерiнiң немесе өкiлдерiнiң) өтінішхаттары негiзiнде енгізеді:

      1) қорғалатын тауар таңбасына құқықты беру туралы тіркелген шарт туралы;

      2) тауар таңбасын пайдалану құқығын беру туралы тіркелген лицензиялық (сублицензиялық) шарт туралы;

      3) кепіл шарты туралы;

      4) кешенді кәсіпкерлік лицензия шарты туралы;

      5) тіркелген шарттарға қосымша келісімдер туралы;

      6) тіркеуді толық немесе ішінара жарамсыз деп тану туралы;

      7) тіркеудің қолданылу мерзімін тоқтату туралы;

      8) иесінің бастамасы бойынша тіркеу әрекетін тоқтату туралы;

      9) тауар таңбасын, жалпыға бірдей белгілі тауар таңбасын тіркеудің қолданылу мерзімін ұзарту туралы;

      10) иесінің (құқық иеленушінің) атауын оның қайта ұйымдастырылуына (құқықтық мирасқорлығына) байланысты өзгерту туралы және/немесе оның орналасқан жерінің мекенжайын өзгерту туралы;

      11) иесінің (құқық иеленушінің) тегін, атын және әкесінің атын (ол болған жағдайда) өзгерту туралы және/немесе тұрғылықты жерінің мекенжайын өзгерту туралы;

      12) оларға қатысты тіркеуді мәні бойынша өзгертпейтін тауар таңбасы тіркелген тауарлардың (қызметтердің) тізбесін қысқарту туралы;

      13) иесінің (құқық иеленушінің) өкілін өзгерту туралы);

      14) хат алмасу үшін мекенжайды өзгерту туралы;

      15) айқын және техникалық қателерді түзету туралы, сондай-ақ тіркеуге қатысты басқа да өзгерістер туралы.

      38. Өзгерістер тіркеу нөмірін, заңды тұлғаның ресми атауын, тегін, атын және әкесінің атын (бар болған жағдайда), заңды тұлғаның орналасқан жерінің мекенжайын, жеке тұлғаның тұрғылықты жерін, сондай-ақ өзгерістер енгізгені үшін тиісті төлемді көрсете отырып, тиісті өзгерістер енгізу туралы еркін нысанда өтінішхат беру жолымен енгізіледі.

      Өтінішхатқа иесі (құқық иеленуші) немесе патенттік сенім білдірілген өкіл немесе сенімхат негізінде әрекет ететін өзге де өкіл қол қояды.

      Өтінішхатта көрсетілген, бір құқық иеленушіге тиесілі бірнеше тауар белгілері болған кезде, осы өзгерістер бір типті болып есептеледі және мұндай жағдайда ақы төлеу әрбір кейінгі тауар таңбасы үшін бір үлгідегі өзгерістер енгізу ретінде жүргізіледі.

      39. Өтініш қазақ немесе орыс тілдерінде ұсынылады.

      Өтінішхатқа иеленуші (құқық иеленуші) немесе патенттік сенім білдірілген өкіл немесе сенімхат негізінде әрекет ететін өзге де өкіл қол қояды.

      Өтінішхатқа:

      1) тиісті өзгерісті растайтын құжаттардың көшірмелері;

      2) өзгерістер енгізгені үшін төлемді растайтын құжат;

      3) сенімхат (егер өтінішті өкіл берсе) немесе сенімхаттың көшірмесі (егер өтінішті патенттік сенім білдірілген өкіл берсе) қоса беріледі.

      Өтінішхат және қоса берілген құжаттар көрсетілетін қызметті берушіге келіп түскен күннен бастап он жұмыс күні ішінде қаралады.

      40. Осы қағидалардың 39-тармағына сәйкес құжаттар топтамасы толық ұсынылмаған жағдайда, өтініш беруші сұраухатты жіберген күннен бастап 20 жұмыс күнінен кешіктірмей қажетті құжаттарды ұсынуы қажет. Тиісті құжаттар ұсынылмаған жағдайда өзгерістер енгізілмейді, бұл туралы өтінішхат берген тұлғаның мекенжайына тиісті хабарлама жіберіледі.

      Өзгерістер енгізілген кезде тиісті жазбалар Қазақстан Республикасы тауар белгілерінің мемлекеттік тізіліміне енгізіледі, бюллетеньде жарияланады және өтінім берушінің атына осы қағиданың 17, 18, 19-қосымшаларына сәйкес нысандар бойынша тиісті өзгерістер енгізу туралы тиісті хабарлама жіберіледі.

      41. Заңды тұлғаны қайта ұйымдастыру және/немесе тарату салдарынан иеленушінің атауына өзгерістер енгізілген кезде өтінішке Тауар таңбалары туралы заңға сәйкес қол қойылады және беріледі. Бұл ретте мүдделі тарап өзгерістерді (қайта ұйымдастыру кезінде) растайтын және/немесе заңды тұлғаны тарату фактісін және тиісті құқықтарды берудің жоқтығын дәлелдейтін құжаттарды ұсынады.

      Тауар таңбасының иесі - жеке тұлға (құқық иесі) қайтыс болған жағдайда мүдделі тарап өзгерістер енгізу туралы өтінішхатпен бірге мұраға (өсиет) құқығын растайтын нотариалды куәландырылған құжаттарды ұсынады.

      Белгілі бір тауар таңбасының ішінде тауарларды және/немесе көрсетілетін қызметтерді ішінара басқаға берген жағдайда екі дербес меншік иесі құрылады.

      Ішінара беру нәтижесінде пайда болған тауар таңбасы латын литері (мысалы № 00000А) қосылып, сол нөмірмен мемлекеттік тізілімде тіркеледі.

      Тіркеу туралы мәліметтер мемлекеттік тізілімге енгізіледі және ресми бюллетеньде жарияланады және өтініш берушіге үш жұмыс күні ішінде куәлік жіберіледі.

      Өтінім мазмұнындағы немесе тауар таңбасының иесі ұсынған, мемлекеттік тізілімде көрсетілген құжаттағы және бюллетеньде жарияланған мәліметтердегі қателерді түзету тауар таңбасы иесінің өтініші бойынша жүргізіледі.

2-параграф. Тауар шығарылған жердің атауы мемлекеттік тізіліміне өзгерістер енгізу

      42. Көрсетілетін қызметті беруші Мемлекеттік тізілімге уәкілетті органның, апелляциялық кеңестің, сот органдарының шешімдері және иеленушілердің (құқық иеленушілердің) (олардың құқықтық мұрагерлерінің немесе өкілдерінің) өтініштері негізінде тауар шығарылған жердің атауын тіркеу бойынша кейінгі өзгерістер мен толықтырулар туралы мәліметтерді енгізеді):

      1) тауар шығарылған жер атауын тіркеуді жарамсыз деп тану туралы;

      2) тауар шығарылған жердің атауын тіркеудің қолданылу мерзімін тоқтату туралы;

      3) иесінің (құқық иеленушінің) бастамасы бойынша тауар шығарылған жердің атауын тіркеудің қолданылуын тоқтату туралы;

      4) тауар шығарылған жердің атауын тіркеудің қолданылу мерзімін ұзарту туралы;

      5) иесінің қайта ұйымдастырылуына (құқықтық мирасқорлығына) байланысты атауының өзгеруі туралы және/немесе оның орналасқан жерінің мекенжайының өзгеруі туралы;

      6) иесінің (құқық иеленушінің) тегін, атын және әкесінің атын (ол болған кезде) өзгерту туралы және / немесе тұрғылықты жерінің мекенжайын өзгерту туралы;

      7) тауар таңбасы иесінің (құқық иеленушінің) өкілін өзгерту туралы;

      8) хат алмасу үшін мекенжайды өзгерту туралы;

      9) айқын және техникалық қателерді түзету туралы, сондай-ақ тауар шығарылған жердің атауын тіркеуге қатысты басқа да өзгерістер туралы.

      43. Өзгерістер тіркеу нөмірін, заңды тұлғаның ресми атауын, тегін, атын және әкесінің атын (ол болған жағдайда), заңды тұлғаның орналасқан жерінің мекенжайын, жеке тұлғаның тұрғылықты жерін, сондай-ақ өзгерістер енгізгені үшін тиісті төлемді көрсете отырып, тиісті өзгерістер енгізу туралы еркін нысанда өтінішхат беру жолымен енгізіледі.

      Өтінішхатқа иеленуші (құқық иеленуші) немесе патенттік сенім білдірілген өкіл немесе сенімхат негізінде әрекет ететін өзге де өкіл қол қояды.

      Өтінішхатта көрсетілген, бір құқық иеленушіге тиесілі бірнеше тауар белгілері болған кезде, осы өзгерістер бір типті болып есептеледі және мұндай жағдайда ақы төлеу әрбір кейінгі тауар таңбасы үшін бір үлгідегі өзгерістер енгізу ретінде жүргізіледі.

      44. Өтінішхат қазақ немесе орыс тілдерінде ұсынылады.

      Өтінішхатқа иеселенуші (құқық иеленуші) немесе патенттік сенім білдірілген өкіл немесе сенімхат негізінде әрекет ететін өзге де өкіл қол қояды.

      Өтінішкхатқа:

      1) тиісті өзгерісті растайтын құжаттардың көшірмелері;

      2) өзгерістер енгізгені үшін төлемді растайтын құжат;

      3) сенімхат (егер өтінішті өкіл берсе) немесе сенімхаттың көшірмесі (егер өтінішті патенттік сенім білдірілген өкіл берсе) қоса беріледі

      Өтінішхатқа және қоса берілген құжаттар көрсетілетін қызметті берушіге келіп түскен күннен бастап он жұмыс күні ішінде қаралады.

      45. Осы қағидалардың 44-тармағына сәйкес құжаттар топтамасы толық ұсынылмаған жағдайда, өтініш беруші сұраухатты жіберген күннен бастап 20 жұмыс күнінен кешіктірмей қажетті құжаттарды ұсынуы қажет. Тиісті құжаттар ұсынылмаған жағдайда өзгерістер енгізілмейді, бұл туралы өтінішхат берген тұлғаның мекенжайына тиісті хабарлама жіберіледі.

      Өзгерістер енгізілген кезде тиісті жазбалар Қазақстан Республикасының Тауарлар шығарылған жер атауларының мемлекеттік тізіліміне енгізіледі, бюллетеньде жарияланады және өтініш берушінің атына осы қағидалардың 17, 18, 19-қосымшаларына сәйкес нысандар бойынша тиісті өзгерістер енгізу туралы тиісті хабарлама жіберіледі.

      Тіркеуге қатысты өзгерістер, хат-хабар алмасу мекенжайын және өкілді өзгертуден басқа, бюллетеньде жарияланады.

7-тарау. Ұлттық тіркеуді халықаралық тіркеуге ауыстыру

      46. Тауар таңбасын тіркеудің қолданылу мерзімі ішінде тауар таңбасын тіркеудің қолданылу мерзімі аяқталғанға дейін иеленушінің көрсетілетін қызметті берушіге берген өтінішхаты бойынша ұлттық тіркеу халықаралық тіркеумен ауыстырылуы мүмкін. Ұлттық тіркеу ауыстырылғаннан кейін жойылады.

8-тарау. Қолданылу мерзімін ұзарту тәртібі

1-параграф. Тауар таңбасын, жалпыға бірдеу белгілі тауар таңбасын тіркеудің қолданылу мерзімін ұзарту тәртібі

      47. Тауар таңбасын тіркеу өтінім берілген күннен бастап он жыл бойы қолданылады.

      48. Тауар таңбасына, жалпыға бірдей белгілі тауар таңбасына тіркеудің қолданылу мерзімі Заңның 15-бабының 2-тармағына және 18-1-бабының 5-тармағына сәйкес тауар таңбасын, жалпыға бірдей белгілі тауар таңбасын (бұдан әрі - өтінішхат) тіркеудің қолданылу мерзімін ұзарту құқық иеленушінің өтінішхаты бойынша келесі он жылға ұзартылады.

      49. Өтінішхат осы қағидалардың 20-қосымшасына сәйкес нысан бойынша тауар таңбасын, жалпыға бірдей белгілі тауар таңбасын тіркеудің қолданылу мерзімінің соңғы жылы ішінде көрсетілетін қызметті берушіге беріледі.

      50. Өтініш қазақ немесе орыс тілдерінде ұсынылады.

      51. Өтінішхатқа иеленушінің (құқық иеленуші) немесе сенімхат негізінде әрекет ететін өкіл қол қояды.

      Өтінішхатқа:

      1) тауар таңбасын, жалпыға бірдей белгілі тауар таңбасын тіркеудің қолданылу мерзімін ұзарту үшін төлемді растайтын құжат;

      2) сенімхат (егер өтінішті өкіл берсе) немесе сенімхаттың көшірмесі (егер өтінішті патенттік сенім білдірілген өкіл берсе) қоса беріледі.

      Тауар таңбасын жалпыға бірдей белгілі деп танудың қолданылу мерзімін ұзарту кезінде тауар таңбасының жалпыға бірдей белгілі екенін растайтын мәліметтерді ұсыну қажет.

      52. Өтінішхат және оған қоса берілетін құжаттар тікелей көрсетілетін қызметті берушіге ұсынылады, пошта арқылы немесе кәсіпорынның электрондық мекенжайына жіберіледі.

      53. Өтінішхат және қоса берілген құжаттар көрсетілетін қызметті берушіге келіп түскен күннен бастап он жұмыс күні ішінде қаралады.

      Осы қағидалардың 50, 51-тармақтарына сәйкес құжаттар топтамасы толық ұсынылмаған жағдайда, өтініш беруші сұраухат жіберген күннен бастап 20 жұмыс күнінен кешіктірмей қажетті құжаттарды ұсынуы қажет. Тиісті құжаттар ұсынылмаған кезде тауар таңбасын, жалпыға бірдей белгілі тауар таңбасын тіркеудің қолданылу мерзімі ұзартылмайды, бұл туралы өтінішхат берген тұлғаға хабардар етіледі.

      54. Заңның 15-бабының 3-тармағына сәйкес өтінішхат беру мерзімі тіркеудің қолданылу мерзімі өткеннен кейін алты ай ішінде берілген иеленушінің өтініші бойынша қалпына келтірілуі мүмкін. Бұл ретте өтініш берушінің өткізіп алған төлем мерзімін қалпына келтіргені үшін қызмет көрсетушінің қызметіне ақы төлеу қажет.

      55. Тауар таңбасын, жалпыға бірдей белгілі тауар таңбасын тіркеудің қолданылу мерзімі ұзартылған жағдайда тиісті жазбалар Қазақстан Республикасының Тауар таңбаларының мемлекеттік тізіліміне енгізіледі, бюллетеньде жарияланады және иесінің/өкілдің атына осы қағидалардың 21-қосымшасына сәйкес тауар таңбасының, осы қағидалардың 22-қосымшасына сәйкес жалпыға бірдей белгілі тауар таңбасының қолданылу мерзімінің ұзартылғаны туралы тиісті хабарлама жіберіледі.

2-параграф. Тауар шығарылған жер атауын пайдалану құқығының қолданылу мерзімін ұзарту тәртібі

      56. Тауар шығарылған жердің атауын пайдалану құқығы көрсетілетін қызметті берушіге өтінім берілген күннен бастап он жыл бойы қолданылады.

      57. Тауар шығарылған жердің атауын пайдалану құқығының қолданылу мерзімі Заңның 34-бабының 3-тармағына сәйкес тауар шығарылған жердің атауы тіркелген тауардың ерекше қасиеттері сақталған жағдайда, оның қолданылуының соңғы жылы ішінде берілген иеленушінің өтінішхаты (бұдан әрі - өтінішхат) бойынша әрбір рет он жылға ұзартылады.

      58. Өтінішхат осы қағидалардың 23-қосымшасына сәйкес тауар шығарылған жердің атауын пайдалану құқығының қолданылу мерзімінің соңғы жылы ішінде көрсетілетін қызметті берушіге беріледі.

      59. Өтінішхат қазақ немесе орыс тілдерінде ұсынылады.

      Тауар шығарылған жердің атауын пайдалану құқығының қолданылу мерзімін ұзарту туралы өтінішхат құзыретті органның қорытындысымен бір мезгілде ұсынылады.

      60. Өтінішхатқа құқық иеленуші немесе сенімхат негізінде әрекет ететін өкіл қол қояды

      Өтінішке:

      1) тауар шығарылған жердің атауын тіркеудің қолданылу мерзімін ұзарту және ұзарту туралы мәліметтерді бюллетеньде жариялау үшін ақы төленгенін растайтын құжат;

      2) Заңның 29-бабының 3-тармағына сәйкес жергілікті атқарушы органның қорытындысы;

      3) сенімхат (егер өтінішті өкіл берсе) немесе сенімхаттың көшірмесі (егер өтінішті патенттік сенім білдірілген өкіл берсе) қоса беріледі

      61. Өтінішхат және оған қоса берілетін құжаттар тікелей көрсетілетін қызметті берушіге ұсынылады, пошта арқылы немесе кәсіпорынның электрондық мекенжайына жіберіледі.

      62. Өтінішхат және қоса берілген құжаттар көрсетілетін қызметті берушіге келіп түскен күннен бастап он жұмыс күні ішінде қаралады.

      Осы қағидалардың 59, 60-тармақтарына сәйкес құжаттар топтамасы толық ұсынылмаған жағдайда, өтініш беруші сұраухатты жіберген күннен бастап 20 жұмыс күнінен кешіктірмей қажетті құжаттарды ұсынуы қажет. Тиісті құжаттар ұсынылмаған кезде тауар шығарылған жердің атауын пайдалану құқығының қолданылу мерзімі ұзартылмайды, бұл туралы өтінішхат берген тұлғаның мекенжайына тиісті хабарлама жіберіледі.

      63. Заңның 34-бабының 5-тармағына сәйкес өтінішхат беру мерзімі тіркеудің қолданылу мерзімі өткеннен кейін алты ай ішінде берілген иеленушінің өтініші бойынша қалпына келтірілуі мүмкін. Бұл ретте өтінішхат берушінің өткізіп алған төлем мерзімін қалпына келтіргені үшін көрсетілетін қызметті берушінің қызметіне ақы төлеу қажет.

      64. Тауар шығарылған жер атауын пайдалану құқығының қолданылу мерзімі ұзартылған жағдайда тиісті жазбалар Қазақстан Республикасының Тауарлар шығарылған жер атауларының мемлекеттік тізіліміне енгізіледі, бюллетеньде жарияланады және иесінің/өкілдің мекенжайына осы қағидалардың 24-қосымшасына сәйкес тауар шығарылған жер атауын пайдалану құқығының қолданылу мерзімін ұзарту туралы тиісті хабарлама жіберіледі.

9-тарау. Тауар таңбасын, жалпыға танымал тауар таңбасын және тауар шығарылған жердің атауын қайтарып алуды, қолдану мерзімін тоқтату және мерзімінен бұрын тоқтату, жарамсыз деп тану, жою тәртіптері

      65. Сот немесе апелляциялық кеңес шешімінің негізінде тауар таңбасын, жалпыға белгілі тауар таңбасын, тауар шығарылған жердің атауын және тауар шығарылған жердің атауын пайдалану құқығын тіркеу жарамсыз деп танылады, қызмет беруші күшін жою туралы мәліметтерді тиісті мемлекеттік тізілімге енгізеді, күшін жою туралы мәліметтерді бюллетеньде жариялайды, иеленушінің/өкілдің атына күшін жою туралы хабарлама жіберіледі. Сот шешімі шығарылған күн тоқтату күні болып есептеледі.

      66. Тауар таңбасы иесінің, тауар шығарылған жер атауын пайдалану құқығы иесінің немесе олардың өкілінің одан бас тарту туралы жазбаша өтініші негізінде, тауар таңбасын, тауар шығарылған жер атауын және тауар шығарылған жер атауын пайдалану құқығын тіркеудің қолданылу мерзімі тиісті мемлекеттік тізілімге күшін жою туралы мәліметтерді енгізеді, бюллетеньде күшін жою туралы мәліметтерді жариялайды, иеленушінің/өкілдің атына күшін жою туралы хабарлама жіберіледі. Осы қағидалардың 25-қосымшасына сәйкес иеленушіден немесе өкілден өтініш келіп түскен күн тоқтату күні болып есептеледі.

      67. Тауар таңбасын, жалпыға бірдей белгілі тауар таңбасын, тауар шығарылған жердің атауын тіркеудің қолданылу мерзімі өткен кезде тауар таңбасын, жалпыға бірдей белгілі тауар таңбасын, тауар шығарылған жердің атауын және тауар шығарылған жердің атауын пайдалану құқығын тіркеудің қолданылу мерзімі тоқтатылады. Көрсетілетін қызметті беруші тіркеудің қолданылу мерзімінің аяқталуы туралы мәліметтерді тиісті мемлекеттік тізілімге енгізеді.

      68. Жеке тұлғаның қайтыс болуына, тауар таңбасының иесі - заңды тұлғаның таратылуына (құқық иеленушісі) байланысты тауар таңбасын тіркеудің қолданылуы тоқтатылады және тоқтату туралы мәліметтер мемлекеттік тізілімге енгізіледі.

"Тауар таңбасын тіркеу" мемлекеттік көрсетілетін қызмет стандарты

"Тауар таңбасын тіркеу" мемлекеттік қызметін көрсетуге арналған ӨТІНІШ

      № _______ өтінім бойынша тауар таңбасын тіркеу туралы көрсетілетін қызметті берушінің шешімі негізінде тауар таңбасын мемлекеттік Тізілімге енгізуді, куәлік беруді және тіркеу туралы мәліметтерді ресми бюллетеньде жариялауды сұраймын.

      Қосымша:

      □ сенімхат (егер өтінішті өкіл берсе)

      Электрондық цифрлық қолтаңба

      Тегі, аты, әкесінің аты (бар болған жағдайда)

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға (пайдалануға) келісемін.

Мемлекеттік баж төлеу үшін көрсетілетін қызметті берушінің қажетті банк деректемелері

      Қабылдаушы: Қазақстан Республикасы Әділет министрлігінің "Ұлттық зияткерлік меншік институты" шарушылық жүргізу құқығындағы республикалық мемлекеттік кәсіпорны

      Мекенжайы: 010000, Қазақстан Республикасы, Нұр-Сұлтан қаласы, Есіл ауданы, Қоғалжын тас жолы, 3Б ғимараты

      БСН: 020940003199

      КБЕ: 16

      ТБК: 859

      Банк атауы, ЖСК, БСК:

      "Нұрбанк" акционерлік қоғамы KZ8584905KZ006015415NURSKZKX

      "Қазақстанның Халық Банкі" акционерлік қоғамы KZ386010111000288323 HSBKKZKX, KZ366017111000000792 HSBKKZKX

      "Сбербанк" акционерлік қоғамының еншілес банкі KZ14914012203KZ0047J SABRKZKA

      Нұр-Сұлтан қаласындағы "ForteBank" акционерлік қоғамының филиалы KZ1096503F0007611692IRTYKZKA

"Тауар таңбасын тіркеу" мемлекеттік қызметін көрсету туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Тауар таңбалары, қызмет көрсету таңбалары және тауар шығарылған жерлердің атаулары туралы" Қазақстан Республикасының 1999 жылғы 26 шілдедегі Заңының _ бабының _ тармағына сәйкес № _ тауар таңбасы Қазақстан Республикасы тауар белгілерінің мемлекеттік тізілімінде тіркелген.

      Қосымша:

      (Электрондық цифрлық қолтаңба)

"Тауар таңбасын тіркеу" мемлекеттік қызметін көрсетуден бас тарту туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Тауар таңбалары, қызмет көрсету таңбалары және тауар шығарылған жерлердің атаулары туралы" Қазақстан Республикасының 1999 жылғы 26 шілдедегі Заңының _ бабының _ тармағына сәйкес қорғау құжатын беруден бас тартылғанын хабарлайды.

      Қосымша:

      (Электрондық цифрлық қолтаңба)

"Тауар шығарылған жердің атауын пайдалану құқығын тіркеу" мемлекеттік көрсетілетін қызмет стандарты

Нысан "Тауар шығарылған жердің атауын пайдалану құқығын тіркеу" мемлекеттік қызметін көрсетуге арналған ӨТІНІШ

      № ______ өтінімі бойынша тауар шығарылған жердің атауын пайдалану құқығын тіркеу туралы көрсетілетін қызметті берушінің шешімінің негізінде тауар шығарылған жердің атауын пайдалану құқығын тіркеу туралы мәліметтерді мемлекеттік тізілімге енгізуді, үзінді беруді және тіркеу туралы мәліметтерді ресми бюллетеньде жариялауды сұраймын.

      Қосымша:

      □ сенімхат (егер өтінішті өкіл берсе)

      Электрондық цифрлық қолтаңба

      Тегі, аты, әкесінің аты (бар болған жағдайда)

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға (пайдалануға) келісемін.

"Тауар шығарылған жердің атауын пайдалану құқығын тіркеу" мемлекеттік қызметін көрсету туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Тауар таңбалары, қызмет көрсету таңбалары және тауар шығарылған жерлердің атаулары туралы" Қазақстан Республикасының 1999 жылғы 26 шілдедегі Заңының _ бабының _ тармағына сәйкес № _ тауар таңбасы Қазақстан Республикасы тауар белгілерінің мемлекеттік тізілімінде тіркелген.

      Қосымша:

      (Электрондық цифрлық қолтаңба)

"Тауар шығарылған жердің атауын пайдалану құқығын тіркеу" мемлекеттік қызметін көрсетуден бас тарту туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК Қазақстан Республикасының 1999 жылғы 26 шілдедегі "Тауар таңбалары, қызмет көрсету таңбалары және тауар шығарылған жерлердің атаулары туралы" Заңының _ бабының _ тармағына сәйкес қорғау құжатын беруден бас тартылғанын хабарлайды.

      Қосымша:

      (Электрондық цифрлық қолтаңба)

ҚАЗАҚСТАН РЕСПУБЛИКАСЫНЫҢ ТАУАР БЕЛГІЛЕРІ ЖАЛПЫҒА БІРДЕЙ БЕЛГІЛІ ТАУАР БЕЛГІСІНЕ МЕМЛЕКЕТТІК ТІЗІЛІМІНЕН ҮЗІНДІ КӨШІРМЕ ВЫПИСКА ИЗ ГОСУДАРСТВЕННОГО РЕЕСТРА ТОВАРНЫХ ЗНАКОВ РЕСПУБЛИКИ КАЗАХСТАН ОБЩЕИЗВЕСТНЫЙ ТОВАРНЫЙ ЗНАК EXTRACT FROM THE STATE REGISTRY OF TRADEMARKS OF THE REPUBLIC OF KAZAKHSTAN WELL-KNOWN TRADEMARK

      Электронндық цифрлық қолтаңба/Директор тегі, аты, әкесінің аты (болған жағдайда)

      Электронная цифровая подпись/Директор фамилия, имя, отчество (при его наличии)

      e-signature/Director surname, name, patronymic (if any)

Тауар таңбасына куәліктің телнұсқасын беру туралы ӨТІНІШХАТ

      Осымен қағаз жеткізгіштегі тауар таңбасына № ______ куәліктің телнұсқасын жіберуді сұраймыз

      Ескертпе:

      □ куәлікті беруге құжаттарды дайындау үшін төлем туралы құжат

      __________________________________________________________________________

      (құжаттың № және төлеу күні)

      □ сенімхат (егер өтінішті өкіл берсе) немесе сенімхаттың көшірмесі (егер өтінішті патенттік сенім білдірілген өкіл берсе).

      Құқық иеленуші

      __________________________________________________________________________

      (Электронная цифровая подпись) (тегі, аты, әкесінің аты (бар болған жағдайда)

      Патенттік сенім білдірілген өкіл немесе өзге өкіл

      __________________________________________________________________________

      (Электронная цифровая подпись) (тегі, аты, әкесінің аты (бар болған жағдайда)

Тауар таңбасына куәліктің телнұсқасын беру туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Тауар таңбалары, қызмет көрсету таңбалары және тауар шығарылған жерлердің атаулары туралы" Қазақстан Республикасының 1999 жылғы 26 шілдедегі Заңының _ бабының _ тармағына сәйкес № _ тауар таңбасы Қазақстан Республикасы тауар белгілерінің мемлекеттік тізілімінде тіркелген.

      Қосымша:

      (Электрондық цифрлық қолтаңба)

Тауар таңбасына куәліктің телнұсқасын беруден бас тарту туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК Қазақстан Республикасының 1999 жылғы 26 шілдедегі "Тауар таңбалары, қызмет көрсету таңбалары және тауар шығарылған жерлердің атаулары туралы" Заңының _ бабының _ тармағына сәйкес қорғау құжатын беруден бас тартылғанын хабарлайды.

      Қосымша:

      (Электрондық цифрлық қолтаңба)

Тауар шығарылған жердің атауын пайдалану құқығына куәлік беру туралы ӨТІНІШХАТ

      №______ тауарлар шығарылған жерлердің атаулары куәлігінің түпнұсқасының жоғалуына/жарамсыз болуына байланысты қорғау құжатының телнұсқасын беруіңізді сұраймын.

      Қосымша:

      □ сенімхат (егер өтінішхатты өкіл берсе)

      Электрондық цифрлық қолтаңба

      Тегі, аты, әкесінің аты (бар болған жағдайда)

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға (пайдалануға) келісемін.

Тауар таңбасынын, жалпыға белгілі тауар таңбасының қолданылу мерзімін ұзарту туралы ӨТІНІШХАТ

      Қазақстан Республикасы "Тауар таңбалары, қызмет көрсету таңбалары және тауар шығарылған жерлердің атаулары туралы" 1999 жылғы 26 шілдедегі Заңының 15-бабының 2-тармағына сәйкес тауар шығарылған жердің атауын пайдалану құқығының қолданылу мерзімін ұзартуды сұраймыз

      № ________________________________________________________________________

      (куәлік нөмірі)

      __________________________________________________________________________

      (аталуы)

      __________________________________________________________________________

      (сыныптар тізбесі)

      Қоса берілген құжаттар тізімі:

      1. Тауар таңбасын және жалпыға белгілі тауар таңбасын тіркеудің қолданылу мерзімін ұзарту үшін төлем туралы құжат;

      2. Сенімхат (егер өтініш өкіл арқылы берілсе) немесе сенімхат көшірмесі (егер өтініш патенттік сенім білдірілген өкіл арқылы берілсе).

      3. Басқада құжаттар (көрсетіңіз).

      Құқық иеленуші

      __________________________________________________________________________

      (Электрондық цифрлық қолтаңба) тегі, аты, әкесінің аты (бар болған жағдайда)

      Патенттік сенім білдірілген өкілі немесе басқа өкілі

      __________________________________________________________________________

      (Электрондық цифрлық қолтаңба) тегі, аты, әкесінің аты (бар болған жағдайда)

Тауар шығарылған жердің атауын пайдалану құқығының қолданылу мерзімін ұзарту туралы ӨТІНІШХАТ

      Қазақстан Республикасы "Тауар таңбалары, қызмет көрсету таңбалары және тауар шығарылған жерлердің атаулары туралы" 1999 жылғы 26 шілдедегі Заңының 36-бабының 3-тармағына сәйкес тауар шығарылған жердің атауын пайдалану құқығының қолданылу мерзімін ұзартуды сұраймыз

      № ________________________________________________________________________

      (куәлік нөмірі)

      __________________________________________________________________________

      (аталуы)

      __________________________________________________________________________

      (сыныптар тізбесі)

      Қоса берілген құжаттар тізімі:

      1. Тауар шығарылған жердің атауын пайдалану құқығының қолданылу мерзімін ұзартуға төлем жасалған құжат:

      2. Сенімхат (егер өтініш өкіл арқылы берілсе) немесе сенімхат көшірмесі (егер өтініш патенттік сенім білдірілген өкіл арқылы берілсе).

      3. Басқада құжаттар (көрсетіңіз).

      Құқық иеленуші

      __________________________________________________________________________

      (Электрондық цифрлық қолтаңба) тегі, аты, әкесінің аты (бар болған жағдайда)

      Патенттік сенім білдірілген өкілі немесе басқа өкілі

      __________________________________________________________________________

      (Электрондық цифрлық қолтаңба) тегі, аты, әкесінің аты (бар болған жағдайда)

Жою туралы ХАБАРЛАМА

      (111) куәлік тіркеу №

      (210) өтінім №

      (220) өтінім беру күні

      (730) иесі

      (511) Тауарлар мен көрсетілетін қызметтердің халықаралық сыныбы:

      № (өтінім № ___ жылғы), ___ Тауарлар мен көрсетілетін қызметтердің халықаралық сыныбы қызметке қатысты жойылды " _____ ",

      шешім негізінде ______ жылы, № ____.

      Тиісті мәліметтер _ жылғы № _ ресми "Өнеркәсіптік меншік" бюллетенінде жарияланатын болады.