"Жолаушыларды, багажды, жүктерді, жүк-багажды және почта жөнелтілімдерін тасымалдау қағидаларын бекіту туралы" Қазақстан Республикасы Инвестициялар және даму министрінің 2015 жылғы 30 сәуірдегі № 545 бұйрығына өзгерістер енгізу туралы

      БҰЙЫРАМЫН:

      1. "Жолаушыларды, багажды, жүктерді, жүк-багажды және почта жөнелтілімдерін тасымалдау қағидаларын бекіту туралы" Қазақстан Республикасы Инвестициялар және даму министрінің 2015 жылғы 30 сәуірдегі № 545 бұйрығына (Нормативтік құқықтық актілерді мемлекеттік тіркеу тізілімінде № 13714 болып тіркелген, "Әділет" ақпараттық-құқықтық жүйесінде 2016 жылғы 23 тамызда жарияланған) мынадай өзгерістер енгізілсін:

      көрсетілген бұйрықпен бекітілген Теміржол көлігімен жүктерді тасымалдау қағидаларында

      4-тармақтың 2) тармақшасы мынадай редакцияда жазылсын:

      "2) вагондарды беру-алып кету – маневрлік локомотивпен вагондардың:

      станциялық жолдардан – тиеу, түсіру (жүктен босату) орындарына, кірме жолдарға;

      кірме жолдарда – контрагенттің қабылдау-тапсыру (беру-шығару) жолдары мен тиеу, түсіру (жүктен босату) орындары арасында орнын ауыстыру;";

      85-тармақтың бесінші бөлігі мынадай редакцияда жазылсын:

      "Жүк тиеуді және тасымалдау құжаттарын ресімдеуді аяқтағаннан кейін, жүк жөнелтуші вагондарды беру-алып кету шартымен белгіленген қабылдау-тапсыру жолдарында қабылдаушы-тапсырушының осы Қағидаларға 10-қосымшаға сәйкес ГУ-45 нысанды жаднамасына және (немесе) осы Қағидаларға 11-қосымшаға сәйкес ГУ-46 нысанды вагонды беру-алып кету тізімдемесіне қол қою арқылы қабылдау-тапсыру операцияларын жүргізу жолымен вагонды немесе контейнерді тасымалдаушыға береді.";

      96-тармақтың бесінші бөлігі мынадай редакцияда жазылсын:

      "Жүк түсіру және тиеу орындарында және кірме жолдарда тасымалдаушы өкілінің қатысуынсыз жүк алушының немесе ол уәкілеттік берген тұлғаның құралдарымен жүктерді түсіру кезінде, жүк алушының немесе ол уәкілеттік берген тұлғаның қабылдап-тапсырушының жаднамасындағы немесе вагондарды беру-алып кету тізімдемесіндегі "Вагонды қабылдадым" бағанындағы қолы жүкті нақты берудің растамасы болып табылады.";

      253-тармақтың бірінші бөлігі мынадай редакцияда жазылсын:

      "253. Ұлттық темір жол компаниясы филиалдарының кәсіпорындарымен және өкілдіктерімен вагондарды беруге-алып кетуге шарттар жасалмайды. Вагондарды беру-алып кету тәртібі, олардың кірме жолда болуының технологиялық мерзімі және басқа барлық шарттар Инфрақұрылымның ұлттық операторының бұйрығымен белгіленеді. Бұйрық бес жыл мерзімге шығарылады.";

      254-тармақ мынадай редакцияда жазылсын:

      "254. Жүк тиеу және түсіруді орындауға арналған станция жолдарына вагондарды беру-алып кету тәртібі, вагондардың бұл жолдарда технологиялық болу уақыты және басқа барлық шарттар Инфрақұрылымның ұлттық операторының бұйрығымен белгіленеді.";

      267-тармақтың 3) тармақшасы мынадай редакцияда жазылсын:

      "3) вагондарды кірме жолға беру-алып кету тәртібі;";

      268-тармақ мынадай редакцияда жазылсын:

      "268. Вагондарды кірме жолда ғы тиеу және түсіру пункттеріне немесе кірме жолдың аумағындағы қабылдау-тапсыру жолдарына (шығарып қоятын) тасымалдаушының локомотивімен бергені және вагондарды әкеткені үшін вагондарды бергені-алып кеткені үшін алымдар алынады.

      Вагондарды бергені-алып кеткені үшін алымдар алынатын қашықтық вагондарды беру-алып кету шартында көрсетіледі.

      Вагондарды беру-алып кету қашықтығы темір жол вокзалының осінен кірме жолдың схемасы немесе паспорттық деректері, станцияның техникалық-басқару актісі (ТБА) немесе станцияның схемасы бойынша, ал олар болмағанда нақты өлшеу арқылы анықталады.

      Кірме жолға тасымалдаушының, Ұлттық инфрақұрылым операторының локомотивімен қызмет көрсеткен кезде вагондарды беру-алып кету қашықтығы темір жол вокзалының осінен бастап кірме жолдардағы екі жақ шеттегі жүктерді тиеу, түсіру (босату) пункттеріне дейін анықталады.

      Кірме жолда вагондарды беру-алып кетудің бірнеше пункттері болған жағдайда, вагондарды беру-алып кету қашықтығы әрбір пункт бойынша қашықтыққа және вагондар санына байланысты орташа өлшенген қашықтық ретінде анықталады.

      Кірме жолға тармақ иесінің локомотивімен қызмет көрсеткен жағдайда, осы жолдардың ұзындығын қоса алғанда, вагондарды қабылдау-тапсыру (шығарып қоятын) жолдарға беру-алып кету қашықтығы жолаушылар ғимаратының (теміржол вокзалының) осінен екі шетке дейін арқылы анықталады.

      Жолаушылар ғимараты (теміржол вокзалы) болмаған жағдайда, вагондарды беру-алып кету қашықтығы станция бойынша кезекші ғимаратының осінен бастап анықталады.";

      270-тармақтың бірінші бөлігі мынадай редакцияда жазылсын:

      "270. Вагондарды кірме жолдарға беру-алып кету хабарламалар бойынша, кесте бойынша, кірме жолда тұру уақыты интервалдары кезінде есептеледі:

      1) хабарламалар бойынша – хабарламада көрсетілген мерзімнен ерте емес;

      2) кесте бойынша – кестеде көзделген мерзімнен ерте емес;

      3) интервалдар бойынша – алдыңғы беруден кейінгі уақыт өткеннен ерте емес.;

      271-тармақтың бірінші бөлігі мынадай редакцияда жазылсын:

      271. Кірме жолы жоқ жүк жөнелтушіге (жүк алушыға) вагондарды тармақ иесінің кірме жолына беру оның келісімімен жүргізіледі. Мұндай келісім тармақ иесінің жүк жөнелтушімен (жүк алушымен) жазабаша келісімімен ресімделуі тиіс. Келісімде жүк операциялары үшін қолданылатын нормалар және кірме жолда вагондардың бос тұрғаны үшін кім - тармақ иесі немесе жүк жөнелтуші (жүк алушы) жауапты болатыны көрсетіледі және вагондарды бергені және әкеткені үшін алымды төлейді. Тасымалдаушы келісімнің шарттарымен келіскен жағдайда оған қол қояды және вагондарды кірме жолға беруге рұқсат береді. Келісім станция істерінде қалады. Жүк жөнелтушіге (жүк алушыға) ресімделген вагондарды беру-алып кету тізімдемелерінде келісімге сілтеме жасалады.";

      285-тармақтың бірінші бөлігі мынадай редакцияда жазылсын:

      "285. Вагондарды қосарланған операцияларға беру, шарт бойынша вагондарды беру-алып кету қосарланған операциялар үшін (түсіру және тиеу) жеке мерзім, яғни уақыты өткеннен кейін жүгі түсірілетін вагондар жүк тиеуге алынатын уақыт белгіленген кезде, осы Қағидаларға 11-қосымшаға сәйкес ГУ-46 нысанындағы вагондарды беру-алып кету тізімдемесінде "Ескерту" бағанында жүгі түсірілген және жүк тиелген вагондардың қарсысына "Қосарланған операция" белгісі қойылады. Егер қосарланған операцияға мерзім белгіленбесе, онда екі дербес операция кезіндегідей жазу жазылады. Бұл ретте "Ескерту" бағанында тиісінше "Жүк тиеуге қалдырылды" немесе "Жүгі түсіріліп болған" белгілері қойылады.";

      376-тармақтың екінші бөлігінің 2) тармақшасы мынадай редакцияда жазылсын:

      "2) кірме жолды пайдалануға немесе жүк алушының, жүк жөнелтушінің жауапкершілігі есепке алынып, кірме жолды пайдалануға немесе вагондарды беру-алып кету арналған шартта белгіленген тағайындалу станциялары бойынша вагондарды топтап (бір жүк алушының адресіне жіберілетін топтағы вагондардың барынша мол саны оның түсіру (босату) пунктінің түсіру қабілеттілігіне сәйкес келеді) іріктеу арқылы бір тиеу (босату) учаскесінің станцияларына арналған маршруттарға;";

      521-тармақтын он тоғызыншы абзацы мынадай редакцияда жазылсын:

      "жүк жөнелтушінің, жүк алушының, өзге ұйымдардың вагонның бұзылғаны туралы актіге, контейнердің зақымданғаны туралы актіге, қабылдап тапсырушының жаднамасына, вагондарды беру-алып кету тізімдемесіне, тасымалдау өтінімінің (жоспарының) орындалуын есепке алу карточкасына және теміржол көлігінің жұмыс технологиясында көзделген басқа құжаттарға қол қоюдан бас тарту немесе жалтаруы. Бұл жағдайларда қол қою көзделген орында нөмірі және жасалу күні көрсетіле отырып, жалпы нысандағы актінің жасалғаны туралы белгі қойылады, оған станциядағы тасымалдаушының өкілі қол қояды және станцияның жолдық мөртабанымен расталады.";

      523-тармақтың екінші бөлігі мынадай редакцияда жазылсын:

      "Жүк жөнелтушінің, жүк алушының, өзге ұйымдардың вагонның бұзылғаны туралы актіге, контейнердің зақымданғаны туралы актіге, қабылдап тапсырушының жаднамасына, вагондарды беру-алып кету ведомосына, тасымалдау жоспарының орындалуын есепке алу карточкасына қол қоюдан бас тартқан немесе жалтарған жағдайда, жалпы нысандағы акт қол қойылмаған, көрсетілген, екі жақты құжаттардың екінші данасымен бірге жүк жөнелтушінің, жүк алушының, басқа да ұйымның мекенжайына тапсырыстық хатпен жіберіледі.".

      Теміржол көлігімен жүктерді тасымалдау қағидаларына 10, 11, 23, 25-қосымшалар осы бұйрыққа 1, 2, 3, 4-қосымшаларына сәйкес мынадай редакция жазылсын.

      2. Қазақстан Республикасы Инвестициялар және даму министрлігінің Көлік комитеті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;

      4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Ұлттық экономика министрі

      _______________ Т. Сүлейменов

      2017 жылғы 28 шілде

      ГУ-45 нысаны
      Станция ______________
      №________ вагондарды беру-алып кетуге арналған
қабылдап-тапсырушының жаднамасы
      Клиент _________________________________________________ (атауы, БДШ)
      Төлеуші ________________________________________________ (атауы, БДШ)
      Беру орны ___________________________________________________________
      Екі жаққа беру қашықтығы ____________ км
      Беру ______________ локомотивімен жүргізілді
      Поезд индексі ________________

      ГУ-46 нысаны
      Станция _____________
      №________ вагондарды беру-алып кету тізімдемесі
      №__________________________ вагондарды беру-алып кетуге арналған шарт
      Кірме жолдың атауы __________________________________________________
      Жүк алушы/жүк жөнелтуші
      _____________________________________________________________________
      (атауы, БДШ)
      Төлеуші _____________________________________________________________
      (атауы, БДШ)
      БИН/ЖСН _____________________________________________________________
      Есеп айырысу шоты ___________________________________________________
      Беру _______________________________________ локомотивімен жүргізілді
      Екі жаққа беру қашықтығы _________________________________________ км
      Қабылдап-тапсырушының №___________ вагонды беруге арналған жаднамасы

      Келісім
      Негізгі Тармақ иеленуші _______________________________________
      (атауы)
      _________________________________________________________________және
      (атауы)
      _______________ кәсіпорыны арасындағы вагондарды беруге-алып кетуге
      арналған.
      _____________________________________________________________________
      (атауы)
      _____________________________ кәсіпорны _____________________________
      __________________________________________________________ тұлғасында
      бір жағынан және ____________________________________________________
      ___________________________________________________________ кәсіпорны
      (кәсіпорынның толық атауы)
      __________________________________________________________ тұлғасында
      (лауазымы, Т.А.Ә.)
      Осы Келісімді төмендегілер туралы жасасты:
      1. Жүктерді тасымалдау қағидасына сәйкес және теміржол кірме
      жолына вагондарды беру- алып кетуге, кірме жолды пайдалануға арналған
      ____________ №_______ Шарттың осы Келісімінің ережелері бойынша
      _______________________________________________________________ атына
      (кәсіпорын атауы)
      _____________________________________ кірме жолына келетін вагондарды
      (тармақ иеленушінің атауы)
      беруге- алып кетуге рұқсат етіледі.
      2. Вагондарды беру-алып кету Жолдың немесе негізгі Тармақ
      иеленушінің локомотивімен, шептер бойынша орналастырып (керек емесін
      сызып тастау) жүгізіледі. Вагондарды беру-алып кету үшін төлемді
      өндіріп алу үшін арақашықтық Тармақ иеленуші мен Жолдың арасындағы
      Шартқа сәйкес екі жаққа қарай _____________ км болып қабылданады.
      3. Кірме жолда Жүктерді тасымалдау қағидасының 1 және 2
      бөлігіне сәйкес тиеу және түсіру мерзімдері белгіленеді.
      _____________________________________________________________________
      _____________________________________________________________________
      _____________________________________________________________________
      4. Кірме жолда бірдей жүктерді тиеу және түсіру бойынша бір
      уақыттық шеп келесі мөлшерлерде белгіленеді:

      Кірме жолды тексеру актісі
      _______жол бөлімшесінің __________станциясы _____ жылы ________
      айы _____ күні.
      Комиссия мына құрамда:
      _____________________________________________________________________
      _____________________________________________________________________
      Кірме жолдар жөніндегі маман (инженер)_______________ _________
      Комиссия төрағасы
      Станция бастығы________________________________________________
      Тармақ иеленушінің немесе Контрагенттің өкілі
      _____________________________________________________________________
      темір жол кірме жолына тексеруді жүргізді
      _____________________________________________________________________
      (толық атауы)
      вагондарды беру-алып кетуге шарт жасасу үшін, БТС әзірлеу, РНО
      жүргізу немесе маневрлік операцияларға уақытты есептеу үшін (қажетін
      белгілеңіз).
      Комиссия мынаны белгіледі: