Өртке қарсы қызметтің жұмыс жарғысын бекіту туралы

      "Азаматтық қорғау туралы" 2014 жылғы 11 сәуірдегі Қазақстан Республикасы Заңының 12-бабы 1-тармағының 70-35) тармақшасына сәйкес БҰЙЫРАМЫН:

      1. Қоса беріліп отырған Өртке қарсы қызметтің жұмыс жарғысы бекітілсін.

      2. Қазақстан Республикасы Ішкі істер министрлігінің Төтенше жағдайлар комитеті Қазақстан Республикасының заңнамасында белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркелген күнінен бастап күнтізбелік он күн ішінде Қазақстан Республикасының Нормативтік құқықтық актілерінің эталондық бақылау банкіне орналастыру үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

      3) осы бұйрықты Қазақстан Республикасы Ішкі істер министрлігінің интернет-ресурсында орналастыруды;

      4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Ішкі істер министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасы Ішкі істер министрінің орынбасары Ю.В. Ильинге және Қазақстан Республикасы Ішкі істер министрлігі Төтенше жағдайлар комитетіне (В.Р. Беккер) жүктелсін.

      4. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Өртке қарсы қызметтің жұмыс жарғысы 1-тарау. Жалпы ережелер

      1. Осы Өртке қарсы қызметтің жұмыс жарғысы (бұдан әрі – Жарғы) өртке қарсы қызмет гарнизондарында қызметті ұйымдастыру және жүзеге асырудың негізгі ережелерін айқындайды.

      2. Осы Жарғы гарнизон қызметін ұйымдастыру бойынша талаптар бөлігінде мемлекеттік өртке қарсы қызмет органдарының (бұдан әрі – МӨҚҚО) жеке құрамына, сондай-ақ мемлекеттік емес өртке қарсы қызметтер мен ерікті өртке қарсы құралымдар жұмыскерлеріне қолданылады.

      3. МӨҚҚО әрбір қызметкері осы Жарғыға 1-қосымшаға сәйкес Мемлекеттік өртке қарсы қызмет органдарының қатардағы және басшы құрамының ант қабылдау бойынша талаптарына сәйкес ант қабылдайды.

      4. Бастықтарға қатардағы сондай-ақ құрметтер көрсету осы Жарғыға 2-қосымшаға сәйкес Бастықтарға қатардағы және басшы құрамдағы адамдарды таныстыру жүзеге асырылады.

      5. Осы Жарғыда мынадай негізгі ұғымдар қолданылады:

      1) күштер мен құралдардың әзірлігі – оларға осы Жарғымен жүктелген міндеттерді ойдағыдай орындалуын қамтамасыз ететін гарнизондардың, бөлімшелердің, қарауылдардың, өртке қарсы қызметтің кезекші ауысымдарының, өртке қарсы құралымдардың күштері мен құралдары;

      2) гарнизондық қызмет – өртке қарсы қызмет гарнизоны бөлімшелері жеке құрамының өртті сөндіруге және авариялық-құтқару жұмыстарын жүргізуге, бөлімшелердің шұғыл, авариялық және халықтың тіршілігін қамтамасыз ететін басқа да қызметтермен (бұдан әрі тіршілікті қамтамсыз ету қызметтері) өзара іс-қимылын ұйымдастыруға, өртке қарсы қызмет гарнизонының күштері мен құралдарын бірыңғай білікті басқаруға тұрақты әзірлігін қамтамасыз ету мақсатында ұйымдастырылатын қызмет;

      3) қарауыл қызметі – өрт сөндіруді және авариялық-құтқару жұмыстарын жүргізуді қамтамасыз ететін күштер мен құралдарды тұрақты әзірлікте ұстау үшін бөлімшелердің кезекші қарауылдарында және кезекші ауысымдарында ұйымдастырылатын қызмет;

      4) мемлекеттік өртке қарсы қызмет күштері мен құралдары – жарақтануындағы МӨҚҚО жеке құрамы, мемлекеттік емес өртке қарсы қызмет органдарының және ерікті өртке қарсы құралымдарының қызметкерлері, өрт сөндіру техникасы, басқару және байланыс құралдары, өрт сөндіргіш заттар мен басқа да техникалық құралдар;

      5) қарауыл – кезекшілік бойы сол бөлімшенің өрт сөндіру техникасын пайдаланып, қарауыл қызметін жүзеге асыратын өрт сөндіру бөлімшесінің жеке құрамы;

      6) кезекшілік ауысым – кезекшілік бойы сол бөлімшенің өрт сөндіру және басқа да арнайы техникасын пайдаланып, қарауыл қызметін жүзеге асыратын мамандандырылған өрт сөндіру бөлімшесінің жеке құрамы;

      7) кезекшілік – өртті сөндіруге және авариялық-құтқару жұмыстарын жүргізуге қатысуын, күнделікті қызметте белгіленген жұмыс тәуліктерінің ішінде үздіксіз кезекшілікті жүзеге асыруды қоса алғанда қарауыл (кезекші ауысым) қызметі жеке құрамының қызмет өткеру кезеңі;

      8) шығу кестесі – астанада, республикалық маңызы бар қалаларда, облыс орталықтарында және облыстық маңызы бар қалаларда өртті сөндіруге тартылатын күштер мен құралдардың құрамын айқындайтын құжат;

      9) күштер мен құралдарды тарту жоспары – аудан деңгейінде өртті сөндіруге тартылатын күштер мен құралдардың құрамын айқындайтын құжат;

      10) бөлімшелердің шығу ауданы – шығу кестесімен бөлімшелердің өртке шығуы бойынша бірінші кезектегі бағыты көзделген аумақ;

      11) өрттің нөмірі (рангі) – шығу кестесінде өртті сөндіруге тартылатын гарнизонның күштері мен құралдарының қажет құрамын айқындайтын өрт күрделігінің шартты белгісі;

      12) жедел ахуал – міндеттер мен оны орындау сипатына әсер ететін бөлімшенің шығу ауданындағы жағдайлардың және шарттардың жиынтығы.

      6. Қалалық және аудандық гарнизондар тиісті аумақтық өртке қарсы қызмет гарнизондарының құрамына кіреді.

      7. Гарнизондық және қарауылдық қызметтерін басқару дара басшылық негізінде жүзеге асырылады:

      аумақтық гарнизондарда – Қазақстан Республикасы Ішкі істер министрлігі Төтенше жағдайлар комитеті облыстардың, Алматы және Астана қалаларының Төтенше жағдайлар департаментінің (бұдан әрі – Департамет) бастығы;

      қалалық гарнизондарда – Департаменттің қалалық Төтенше жағдайлар басқармасының (Бөлімінің) бастықтары;

      аудандық гарнизондарда – Департаменттің аудандық Төтенше жағдайлар басқармасының (Бөлімінің) бастықтары.

      8. МӨҚҚО қызметкері:

      қызметкерлер арасында өзара қарым-қатынас бұзылған жағдайда бұл туралы тікелей бастығына егер оның әрекетсіздігі жағдайында – аға бастыққа баяндай отырып, тәртіпті орнатуға шаралар қабылдайды;

      жергілікті өкілдер мен атқарушы органдардың, лауазымды тұлғалар мен басқа да органдардың және қоғамдық бірлестіктердің заңсыз іс-әрекеттері кезінде мемлекеттік басқару, құқық қорғау органдары мен сотқа жүгінеді;

      қызметтік және жеке мәселелері бойынша тікелей өз бастығына және оның рұқсатымен жоғары тұрған бастыққа, оның әрекетсіздігі жағдайында – аға бастыққа жүгінеді;

      Қазақстан Республикасының Конституциясын, Қазақстан Республикасының заңнамаларын қатаң сақтайды, жарғылардың, тәлімдемелердің, бұйрықтардың және басқа да Қазақстан Республикасы Ішкі істер министрлігінің нормативтік құқықтық актілердің талаптарын орындайды;

      антқа адалдық сақтайды;

      өрт қауіпсіздігі саласындағы білімін, өзінің үйренгенін және кәсіби шеберлігін үнемі шыңдайды;

      өзіне сеніп тапсырылған өрт-техникалық жарақтары (бұдан әрі – ӨТЖ) мен өрт сөндіру техникаларын пайдалануға тұрақты әзірлікте ұстайды, мемлекеттік мүліктерді және басқа материалдық құндылықтарды қорғайды;

      жалпы қабылданған моральдық-әдептілік нормаларды сақтайды;

      басқа қызметкерлердің құқығын, еркіндігін, намысы мен ар-ожданын сыйлайды, бастықтар мен аға лауазымдық тұлғаларға тәртіпті сақтауға көмектеседі;

      мемлекеттік құпияларды қатаң сақтайды;

      арнайы киімдерді және жеке қорғау құралдарын мақсаты бойынша пайдаланады.

2-тарау. Гарнизондық қызмет 1-параграф. Гарнизондық қызметті ұйымдастыру және өткеру

      9. Гарнизондық қызметтің негізгі міндеттері:

      өрт сөндіруге гарнизонның күштері мен құралдарын тиімді пайдалану үшін қажетті жағдай жасау;

      гарнизонның күштері мен құралдарын басқарудың бірыңғай жүйесін құру;

      шұғыл және тіршілікті қамтамасыз ету қызметтерімен өзара іс-қимылды ұйымдастыру;

      жалпы гарнизондық іс-шараларды ұйымдастыру және оны жүргізу болып табылады.

      10. Негізгі міндеттерді орындау үшін гарнизондық қызмет мыналарды жүзеге асырады:

      гарнизондық күштері мен құралдарының жай-күйін есепке алуды және бақылауды;

      өрт сөндіру үшін гарнизонның күштері мен құралдарын қолдануды, оның ішінде күштер мен құралдарын тарту тәртібін жоспарлауды, шығу кестесі мен басқа да регламенттеу құжаттарын әзірлеуді;

      гарнизонның жеке құрамын, оның ішінде гарнизонның лауазымды адамдарының кәсіби, тактикалық-арнайы және басқа да дайындық түрлерін гарнизондық өрт-тактикалық оқу-жаттығулар, жарыстар, жиындар және өзге де гарнизондық іс-шаралар жүргізу арқылы қамтамасыз етуді;

      өрт сөндіру және авариялық-құтқару жұмыстарын жүргізу кезінде байланысты ұйымдастыруды, өртке қарсы қызметті басқарудың автоматтандырылған жүйелерін құруды;

      шақыруды қабылдау және тіркеу жүйелерінің жұмыс істеу жарамдылығын қамтамасыз етуді;

      гарнизон бөлімшелерінің қызмет өткеруден бос жеке құрамын ірі өрттерді сөндіруге және төтенше жағдайлардың (бұдан әрі - ТЖ) салдарын жоюға тарту жөніндегі іс-шараларды әзірлеуді және оны жүзеге асыруды.

      11. Өртке қарсы қызмет гарнизонына кіретін күштер мен құралдарды өрт сөндіру және авариялық-құтқару жұмыстарын жүргізу үшін пайдалану осы Жарғыға 3-қосымшаға сәйкес өртке қарсы қызмет гарнизоны бөлімшелерінің шығу кестесімен, ал ауылдық жерлердің аудандарында осы Жарғыға 4-қосымшаға сәйкес аудандағы өртті сөндіруге күштер мен құралдарды жұмылдыру жоспарымен (кестесімен) регламенттеледі, оларды гарнизон бастығы әзірлейді, жергілікті атқарушы орган бекітеді және тиісті аумақтық басқару органы бастығының бұйрығымен жарияланады.

      12. Шығу кестесіне білім беру орындары және облыстардың, Астана және Алматы қалаларының Төтенше жағдайлар департаменттерінің "Өрт сөндіру және авариялық-құтқару жұмыстары қызметі" мемлекеттік мекемелерінің оқу-жаттығу бөлімшелері де (бұдан әрі – өрт сөндіру мемлекеттік мекемелері) қосыла алады. Білім беру ұйымдарының жеке құрамы осы мақсат үшін оқу жоспарында көзделген уақыт шегінде гарнизон бөлімшелерінде қарауыл қызметін өткеруге тартылады. Оқу-жаттығу өрт сөндіру бөлімдері, білім беру ұйымдарының оқу-жаттығу өрт сөндіру бөлімдері гарнизондық қызмет өткереді. Оларда қарауыл қызметі ұйымдастырылады.

2-параграф. Ерекше өртке қарсы режим кезінде гарнизон қызметін ұйымдастыру

      13. Өрт қауіптілігінің күрделенуі жағдайында, сондай-ақ жедел өрт ахуалының немесе ТЖ туындауының өршуі кезінде өртке қарсы ерекше режим белгіленген кезде гарнизон бастығының өкімімен бөлімшелер қызмет өткерудің күшейтілген түріне көшеді.

      14. Қызмет өткерудің күшейтілген түріне көшкен кезде мына іс-шаралар жүзеге асырылады:

      әзірленген графикке сәйкес бөлімшелердің басшы және жеке құрамы тәуліктік кезекшілікті ұйымдастырылады;

      тәулік сайын қызмет өткеруді және объектілердің өрт қауіпсіздігі жай-күйін қосымша күндізгі және түнгі тексеруді жүзеге асырады;

      резервтік техникалар есебі жүргізіледі, жеке құраммен кезекші қарауылдар (кезекші ауысымдар) толық жасақталады, қызмет өткеруден бос жеке құрамды жинау (қажеттілігі кезінде) ұйымдастырылады;

      қызмет өткерудің күшейтілген түріне көшкен жеке құрам арасында түсіндіру жұмыстары жүргізіледі;

      қалыптасқан жағдайларды есепке ала отырып, гарнизон бөлімшелерінің күштері мен құралдарын қайта орналастыру жүргізіледі;

      тіршілікті қамтамасыз ету қызметтерімен өзара іс-қимыл тәртібі нақтыланады;

      жанар-жағармай материалдарының (бұдан әрі – ЖЖМ) және өрт сөндіру құралдарының қажетті қосымша резерві жасалады.

3-параграф. Гарнизонның лауазымды тұлғалары

      15. Гарнизонның лауазымды тұлғалары:

      гарнизон бастығы;

      гарнизон бастығының орынбасары;

      жедел кезекші;

      гарнизон аға диспетчері, диспетчер;

      газтүтіннен қорғау қызметінің бастығы;

      техника қызметінің бастығы;

      байланыс қызметінің бастығы болып табылады.

4-параграф. Гарнизон бастығы

      16. Гарнизон бастығы гарнизон және қарауыл қызметін ұйымдастыру мәселелері бойынша жалпы басшылықты жүзеге асырады.

      17. Гарнизон бастығы:

      гарнизон қызметін ұйымдастырады және бақылайды;

      өртке, аварияларға және дүлей зілзалаларға шығады;

      өрт сөндіруге басшылық етеді;

      өртке қарсы сумен жабдықтаудың, байланыстың, жедел бөлімшелерінің тіршілігін қамтамасыз ету жүйелеріндегі бұзушылықтарды жою жөнінде шаралар қабылдайды;

      қызметтік тәртіпті және жеке құрамның жоғары моральдық-психологиялық жай-күйін ұстайды;

      гарнизондық және қарауыл қызметтерін ұйымдастыру, оның ішінде гарнизон шекарасын белгілеу бойынша шешім қабылдайды, шығу кестесін жергілікті атқарушы органдарға бекітуге енгізеді;

      гарнизон қызметін міндеттерін орындауға қажет мәліметтер мен жедел ақпаратты сұрайды;

      гарнизон бөлімшелерінің әзірлігін тексереді;

      ірі өрт кезінде, күрделі жедел өрт жағдайларында немесе айрықша жағдай туындағанда өрт сөндіру мемлекеттік мекемелерінің бөлімшелерін қайта орналастыруды жүзеге асырады;

      айрықшаланған қызметкерлерді мемлекеттік наградалармен марапаттау және құрмет атақтарын беруге ұсыну туралы ұсыныс енгізеді.

5-параграф. Гарнизон бастығының орынбасары

      18. Гарнизон бастығының орынбасары:

      гарнизонда өрт-тактикалық дайындықты ұйымдастырады;

      гарнизонның өрт сөндіру мемлекеттік мекемесі бөлімшелерінің әзірлігін тексереді;

      өрт-тактикалық оқу-жаттығуларды, байқауларды, жарыстарды және басқа да жалпы гарнизондық іс-шаралардың өткізілуін жүзеге асырады;

      гарнизонда өрт сөндіру техникасын және өрт сөндіру депосының ғимаратын ұстау және пайдалану дұрыстығын бақылайды;

      өртке, аварияларға және дүлей зілзалаларға шығады;

      өртке гарнизон бастығы келгенге дейін өртке басшылық етеді;

      негізгі, арнайы және қосалқы техниканың, жеке құрамның көп санын талап ететін ықтимал авариялармен және жарылыстармен ұштасатын жұмыс объектілерінің ең маңызды және күрделі жедел тактикалық қатынастағы тізбесін (бұдан әрі – объектілер тізбесі) айқындайды;

      гарнизон қызметін міндеттерін орындауға қажет мәліметтер мен жедел ақпаратты сұрайды;

      ірі өрт кезінде, күрделі жедел өрт жағдайларында немесе айрықша жағдай туындағанда өрт сөндіру мемлекеттік мекемелерінің бөлімшелерін қайта орналастыру бойынша ұсыныс енгізеді;

      гарнизонда қолда бар резервтік өрт сөндіру техникасы есебінен бөлімшелердің есебіндегі өрт сөндіру техникалары құрамын түзетеді.

6-параграф. Жедел кезекші

      19. Жедел кезекші:

      гарнизондағы жедел жағдайларды біледі, қызмет өткеру кезінде анықталған кемшіліктерді жоюға, оның ішінде оқиға болған жерге шығумен шаралар қабылдайды;

      гарнизон және қарауыл қызметтерін өткеруге бақылауды қамтамасыз етеді;

      гарнизондық іс-шаралардың дайындығын қамтамасыз етуге және оларды өткізуге өзі қатысады;

      объектілер тізбесі туралы ақпаратты біледі;

      өрт-тактикалық оқу-жаттығулар мен сабақтарды ұйымдастырады және оларды өзі өткізеді, кәсіби, арнайы-тактикалық және өзге де даярлық түрі бойынша сабақтарды ұйымдастырады және өткізеді;

      тіршілікті қамтамасыз ету қызметтерімен өзара іс-қимылды жүзеге асырады;

      өрт сөндіру автомобильдері мен өзге де ұтқыр техникаларын өрт сөндіру есептобына уақтылы жеткізуді бақылайды;

      өртке, авариялар мен дүлей зілзала орындарына шығады, өрт сөндіруге және авариялық-құтқару жұмыстарын жүргізуге басшылық етуді қабылдайды;

      газтүтіннен қорғау қызметі (бұдан әрі – ГТҚҚ) бөлімшелері мен буындары жеке құрамының тыныс алуға жарамсыз ортада жұмыс істеуге дайындығын, тыныс алу органдарын жеке қорғау құралдарының (бұдан әрі - ТАОЖҚҚ) техникалық жай-күйін, газтүтіннен қорғаудың бақылау бекеттері мен базаларын ұстауды бақылайды;

      бөлімшелерде қарауыл қызметінің өткерілуін, кәсіби, тактикалық-арнайы даярлық бойынша сабақтардың жүргізілуін тексереді;

      гарнизондағы жедел ахуалдың жай-күйі туралы қажет ақпарат сұрайды;

      кезекшілік кезінде бөлімшелердің басшыларына (қарауыл бастықтарына) және гарнизонның лауазымды адамдарына өз құзыреті шегінде, гарнизон және қарауыл қызметінің мәселелері бойынша, оның ішінде мобильді өрт сөндіру техникаларының уақытша орын ауыстыруы туралы, кейіннен гарнизон бастығына баяндай отырып, өкім береді;

      жоғары тұрған басшылыққа бірден баяндай отырып, кейінге қалдыруды күттірмейтін жағдайларда қатардағы және басшы құрамды кезекшілікті өткеруден дереу шеттетеді.

7-параграф. Гарнизон аға диспетчері (диспетчер)

      20. Гарнизон диспетчері:

      гарнизондағы жедел өрт ахуалы, өрт сөндіру бөлімдерінің орналасу және шығу ауданы, өрт туралы бірінші хабарланған, бөлімшелер жоғары шақыру нөмірлері бойынша жіберілетін объектілер тізбесі, сусыз аудандар (учаскелер), қарауылдың техникалық жабдықтары мен техникалық мүмкіншіліктері, өртсөндіргіш заттардың негізгі қорының орналасқан жері, сондай-ақ өртке қарсы қызмет гарнизоны бөлімшелері (күштер мен құралдардың) мен ішкі істер органдарының орналасқан орны туралы ақпаратты біледі;

      гарнизондағы байланыс құралдарының, жазба және ақпарат аппаратурасының жұмысын және оларды пайдалану тәртібін бақылайды;

      "101" нөмірімен телефон желісі байланысы арқылы өрт сөндіру мемлекеттік мекемелері бөлімшелерін шақыру туралы хабарламаларды қабылдауды және өңдеуді жүзеге асырады;

      шығу кестесіне сәйкес шақырылған жерге гарнизонның күштері мен құралдарын, сондай-ақ өзара іс-қимыл жасау қызметтерін жібереді;

      өрт сөндіру және авариялық-құтқару жұмыстарын жүргізу кезінде лауазымды тұлғалардың барлық қабылдаған шешімдерін тіркеуді жүзеге асырады;

      гарнизон бөлімшесі қарауылдарының, бөлімшелерінің орын ауыстыруын қамтамасыз етеді;

      осы Жарғыға 5-қосымшаға сәйкес нысан бойынша бөлімшенің күштері мен құралдарының болуы туралы мәліметтерді жинақтайды және гарнизонның саптық жазбасын гарнизон бастығының орынбасарына бекітуге ұсынады;

      гарнизон бөлімшелерімен және тіршілікті қамтамасыз ету қызметтерімен тәулігіне 2 реттен кем емес байланыстың болуын тексереді;

      гарнизонның лауазымды адамдарына бөлімшенің шығуы және олардың жұмыс орнындағы жағдайы туралы хабар береді;

      жедел кезекшіге жедел ахуалдың өзгеруі туралы келіп түскен мәліметті баяндайды, сондай-ақ бұл туралы гарнизонның бөлімшесіне хабар береді;

      гарнизонның жедел кезекшісінің және басқа лауазымды адамдарының ақпараты мен өкімін гарнизон бөлімшелерінің назарына жеткізеді, сондай-ақ осы Жарғыға 6, 7-қосымшаларға сәйкес гарнизон қызметін ұйымдастыруды регламенттейтін құжаттар тізбесінде, сондай-ақ қызметті ұйымдастыру, дайындық және өрт сөндіру бойынша өртке қарсы қызмет бөлімшелерінің регламенттік құжаттарының тізбесінде көзделген қызметтік құжаттаманы жүргізеді;

      Қазақстан Республикасының Бас прокурорының 2014 жылғы 19 қыркүйектегі №89 бұйрығымен бекітілген (Нормативтік құқықтық актілерді мемлекеттік тіркеу тізілімінде №9744 болып тіркелген) Қылмыстық құқық бұзушылықтар туралы арыздар мен хабарларды қабылдау және тіркеу,
сондай-ақ Сотқа дейінгі тергеп-тексерулердің бірыңғай тізілімін жүргізу қағидаларының (бұдан әрі – Қағидалар) талаптарына сәйкес қылмыстық құқық бұзушылықтар туралы ақпаратты қабылдауды жүзеге асырады және оны Сотқа дейінгі тергеп-тексерулердің бірыңғай тізілімінің (бұдан әрі - СДТТБТ) "Ақпараттарды тіркеу кітабына" (бұдан әрі – АТК) енгізеді;

      СДТТБТ АТК-да тіркелген хабарламалар туралы ақпаратты Төтенше жағдайлар басқармасының (бөлімнің) бастығына, өрт қауіпсіздігі саласындағы кезекші мемлекеттік инспекторға хабарлайды;

      СДТТБТ АТК-да тікелей тіркеу мүмкіндігі болмаған жағдайда қылмыстық құқық бұзушылықтар туралы ақпараттарды тіркеуді жүзеге асырады;

      ІІО кезекшісінің нұсқауы бойынша өртке қарсы зерттеу сынау зертханасы маманын жібереді;

      Қағидаларға сәйкес белгіленген нысан бойынша ақпараттық жүйеге қолжетімділік болмаған кезде акті жасайды;

      гарнизон бөлімшелеріндегі күштер мен құралдардың бар-жоғы және олардың жай-күйі туралы ақпарат сұрайды;

      бөлімшелердің шығу аудандарында өртке қарсы қызмет күштері мен құралдарының, оның ішінде олардың өрт сөндіруге қатысуы жеткіліксіз болса, қарауылдардың сабаққа шығуын, өрт-техникалық міндеттерді шешуге жол бермейді (жедел кезекшінің келісуінен кейін);

      гарнизонның лауазымды тұлғаларынан гарнизондағы жедел ахуалды қиындататын анықталған бұзушылықтарды жоюды талап етеді және гарнизон бөлімшелері арасындағы радиоалмасудың дұрыс жүргізілуін бақылайды.

8-параграф. Газтүтіннен қорғау қызметінің бастығы

      21. ГТҚҚ бастығы:

      ГТҚҚ-қа басшылық жасайды, оның қызметін бақылайды және талдайды, олардағы іс-шараларды көрсете отырып, оны жетілдіру жөніндегі шолулар мен ақпараттар әзірлейді;

      өрт сөндіру мемлекеттік мекемелері бөлімшелері мен газтүтіннен қорғаушылардың ТОАЖҚҚ-да жұмыс істеуге даярлық деңгейі туралы ақпаратты біледі;

      ГТҚҚ күштері мен құралдарының есепке алуды жүзеге асырады;

      ГТҚҚ базалары мен бақылау бекеттерінің сенімді жұмысын, оқу-жаттығу кешендерінің (түтін камерасы, жылу түтін камерасы және басқалар) тұрақты әзірлігін, ТОАЖҚҚ дұрыс пайдалануды қамтамасыз етеді;

      бөлімшелерге ГТҚҚ қызметін ұйымдастыруға көмек көрсетеді;

      ТОАЖҚҚ пайдалану және қызмет көрсету кезінде қауіпсіздік талаптарын қамтамасыз етеді;

      газтүтіннен қорғаушылардың арнайы алғашқы оқуын, ГТҚҚ аға шеберлерін (шеберлерін) даярлауды жоспарлауға және қамтамасыз етеді;

      өрт сөндіру мемлекеттік мекемесі мен қалалар және объектілердің авариялық-құтқару қызметтері (газдан құтқару, таукен құтқару және т.б.) арасындағы келісімдермен айқындалатын өзара іс-қимылды пысықтау жөніндегі практикалық сабақтарды ұйымдастырады;

      ГТҚҚ жарақтандыру үшін қосымша техникалық ресурстардың қажеттілігін айқындайды;

      өрт сөндіру бөлімшелерінің мемлекеттік мекемелері оқу-жаттығу кешенін (түтін камера, жылу түтін камера және т.б.) пайдалану кестесін әзірлейді, олардың оқуға даярлығына, сондай-ақ сабақ беру жетекшілерінің оны өткізуге даярлығына тиісті бақылауды қамтамасыз етеді;

      бөлімшелерде ГТҚҚ бөлігінде қызмет өткеруді тексереді;

      басқару органдары мен өрт сөндіру мемлекеттік мекемелері бөлімшелеріндегі ГТҚҚ жай-күйі жөнінде қажетті ақпаратты сұратады;

      жұмыс ережесін бұзған газтүтіннен қорғаушыларды, сондай-ақ ТОАЖҚҚ жұмыс істеуге рұқсаты жоқ адамдарды ТОАЖҚҚ-дағы жұмыстан шеттетеді.

9-параграф. Техникалық қызмет бастығы

      22. ТҚ бастығы:

      бөлімшелердің жарақтануындағы өрт сөндіру техникасы мен оны пайдалану жөнінде нормативтік құжаттардың тактикалық-техникалық сипаттамалары туралы ақпаратты біледі;

      ТҚ жұмысына басшылық етеді, өрт сөндіру техникасының, ӨТЖ мен жабдықтарының, өрт сөндіру құралдарының өрт сөндіру және авариялық-құтқару жұмыстарын жүргізу бойынша іс-әрекетті жүргізуге дайындығы бөлігінде гарнизон және қарауыл қызметін өткеруін бақылауды қамтамасыз етеді;

      өрт сөндіру техникасының жұмысын талдайды, оның техникалық жағдайын жақсарту бойынша іс-шараларды әзірлейді және оларды жүзеге асырады, оның ішінде өрт сөндіру техникаларын, ӨТЖ және жабдықтарын, бөлімшелердегі өрт сөндіру құралдарын сынаудан өткізуді бақылайды;

      өрт сөндіру техникасының жол-көлік оқиғаларына шығады;

      бөлімше басшыларына ТҚ ұйымдастыруда, өрт сөндіру техникаларын, ӨТЖ және жабдықтарын, өрт сөндіру құралдарын жөндеуде және пайдалануда практикалық және әдістемелік көмек көрсетеді, анықталған кемшіліктерді жоюға шаралар қабылдайды;

      өз құзыреті шегінде ТҚ бөлімшелерінің, жеңқұбыр базаларының және өрт сөндіру техникасының диагностикалық бекеттерінің жұмыстарына бақылауды жүзеге асырады;

      лауазымды тұлғалардан ТҚ бөлігінде осы Жарғының және өзге нормативтік актілер талаптарының орындалуын талап етеді;

      өрт сөндіру мемлекеттік мекемелері бөлімшелерінде ТҚ жағдайы туралы қажетті ақпаратты сұратады;

      ТҚ бөлігінде материалдық-техникалық қамтамасыз етуге өтінімді келіседі.

10-параграф. Байланыс қызметінің бастығы

      23. БҚ бастығы:

      байланыс құралдарының әзірлігі мен оны пайдалану бөлігінде гарнизон және қарауыл қызметін өткеруін бақылауды қамтамасыз етеді және оның жұмысын талдайды;

      қазіргі заманғы байланыс құралдарын игеру бойынша сабақтар ұйымдастырады және өзі өткізеді, БҚ озық тәжірибелерін таратады;

      бөлімшелердің байланыс құралдарымен жарақтандырылуы туралы ақпаратты біледі, ТҚ, байланыс құралдарын жөндеуді және пайдалануды ұйымдастыруды бақылауды жүзеге асырады, сондай-ақ анықталған кемшіліктерді жоюға шаралар қабылдайды;

      гарнизонда радиоалмасудың орындалуын талап етеді;

      басқару органдары мен өрт сөндіру мемлекеттік мекемесі бөлімшелеріндегі байланыс қызметінің жай-күйі туралы қажетті ақпараттарды сұратады;

      өрт сөндіру мемлекеттік мекемесі бөлімшелерінің басшыларына байланыс жұмысын жақсарту мәселелері бойынша ұсыныс енгізеді;

      байланыс құралдарына және пайдалану-шығыс материалдарына өтінімдерді келіседі.

3-тарау. Қарауылдық қызмет 1-параграф. Қарауылдық қызметті ұйымдастыру және өткеру

      24. Қарауылдық қызмет өрт сөндіру мемлекеттік мекемелері бөлімшелерінің қарауыл (кезекші ауысым) жеке құрамымен кезекшілікті ауысымды өткеру арқылы тәулік бойғы режимде жүзеге асырылады.

      25. Бөлімшелердегі қызметтік құжаттаманы осы Жарғыға
7-қосымшаға сәйкес қызметті ұйымдастыру, дайындық және өрт сөндіру бойынша өртке қарсы қызмет бөлімшелерінің регламенттік құжаттарының тізбесіне сәйкес жүргізуді қамтамасыз етеді.

      26. Қарауылдық қызметтің негізгі міндеттері:

      кезекшілік кезінде қарауылдардың (кезекші ауысымдардың) өрт сөндіру және авариялық-құтқару жұмыстарын жүргізу бойынша іс-қимылдарды жүргізуге тұрақты әзірлігін қамтамасыз ету;

      өртке қарсы сумен жабдықтаудың, байланыс құралдарының, шығу ауданына өту жолдарының жарамды күйін бақылау;

      бөлімшенің шығу ауданында өртке қарсы сумен жабдықтаудың орналасқан жерлерін зерделеу, сондай-ақ жедел-тактикалық қатынастағы объектілерді зерделеу;

      өрт сөндіру мемлекеттік мекемелерінің бөлімшелері жеке құрамының тәртібін жоғары деңгейде ұстау;

      гарнизон бөлімшелерімен, қаланың (ауданның, объектінің) тіршілікті қамтамасыз ету қызметтерімен сенімді байланыс ұстау;

      бөлімшенің үй-жайлары мен аумағын күзетуді қамтамасыз ету, оларда қажет тәртіпті ұстау, әкімшілік-шаруашылық жұмыстарын жүргізу болып табылады.

      27. Қарауылдық қызметті өткеру жеке құрамнан осы Жарғының барлық талаптарын нақты сақтауды, қырағалықты, батылдықты және қисынды бастамашы болуды талап етеді.

      28. Қарауылдың жеке құрамы (кезекші ауысым) қарауылдық қызметін мемлекеттік өртке қарсы қызмет бөлімшелеріндегі күн тәртібіне сәйкес өткереді.

      Бұл ретте:

      арнайы-тактикалық дайындық, кәсіби қызметтік және дене даярлығы жоспарларына сәйкес қамтамасыз етіледі;

      шығу ауданын жедел-тактикалық жағдайын зерделеу ұйымдастырылады;

      тіршілікті қамтамасыз ету қызметтерімен байланыстың болуын, сондай-ақ бөлімшенің шығу ауданындағы су көздерінің жағдайына, көшелерге, өтетін жолдар мен ғимараттарға кіреберіс жолдарына бақылау жүзеге асырылады;

      жоғары шақыру нөмірі бойынша өрт сөндіруге және ТЖ салдарын жоюға бөлімшенің қарауылдық қызметтен бос жеке құрамын тарту іс-шаралары әзірленеді;

      бөлімшелерде шаруашылық жұмыстары орындалады;

      қарауылдық қызмет міндеттерін орындауға қажетті басқа да іс-шаралары жүзеге асырылады.

      29. Түнгі уақытта қарауыл (кезекші ауысым) жеке құрамының демалысы жүзеге асырылады.

      30. Қарауылдық қызметті өткеруге өртке қарсы қызмет бөлімшелерінде арнайы бастапқы даярлықтан өтпеген, еңбекті қорғау және еңбек қауіпсіздігі қағидаларынан сынақ тапсыра алмаған адамдар, арнайы дыбыстық және жарық сигналдарымен жабдықталған көлік құралдарын басқару құқығы бойынша оқытудан өтпеген жүргізушілер, сондай-ақ ауру және есірткі немесе алкогольді мас күйдегі адамдар жіберілмейді.

      31. Қарауыл жеке құрамының саны бөлімшенің штатымен анықталады, қажеттілігіне қарай, басқа бөлімше қарауылдарының жеке құрамымен, сондай-ақ өрт сөндіру мемлекеттік мекемесінің басқа бөлімшелері жеке құрамымен көбейтілуі мүмкін.

2-параграф. Қарауылдың лауазымды адамдары

      32. Қарауылдың лауазымды адамдары:

      қарауыл бастығы (кезекші ауысым басшысы), өрт сөндіру кемесі (корабльдің) командирінің (капитан) көмекшісі;

      бөлімше командирі;

      өрт сөндіру автомобилінің жүргізушісі;

      бөлімнің байланыс пунктінің диспетчері (радиотелефонист);

      аға өрт сөндіруші (өрт сөндіруші) болып табылады.

3-параграф. Қарауыл бастығы (кезекші ауысым басшысы)

      33. Қарауыл бастығы (кезекші ауысым басшысы) қарауылдың (кезекші ауысым) жеке құрамының тікелей бастығы болып табылады және бөлімше басшысына бағынады.

      34. Қарауыл бастығы (кезекші ауысым басшысы):

      жеке құрамның қарауылдық қызметін өткеруді бақылайды және ұйымдастырады, оның ішінде ішкі наряд адамдарының кезекшілікті өткеруін тексереді;

      кезекшілік кезінде қарауылдың жеке құрамының дайындық жоспарын орындауын қамтамасыз етеді және сабақты жеке өзі өткізеді;

      өрт сөндіру техникасының, ӨТЖ және жабдықтарды, өртсөндіргіш заттарды өрт сөндіру бойынша іс-қимылдарды жүргізуге әзірлікте ұстау жөніндегі іс-шараларды жүргізеді, сондай-ақ бөлімшенің шығу ауданындағы өрт сөндіру гидранттарының, су айдындарының, өтетін жолдардың, кіре беріс жолдардың жай-күйін бақылайды;

      жеке құрамның еңбекті қорғау, қауіпсіздік техникасы қағидаларын орындауды, сондай-ақ қарауылдың жеке құрамының тәртіпті сақтауын қамтамасыз етеді;

      ТАОЖҚҚ ТҚ көрсетуін (№2-тексеру) және ГТҚҚ құжаттарының дұрыс жүргізілуін бақылауды жүзеге асырады;

      күн тәртібінде көзделген іс-шаралардың орындалуын қамтамасыз етеді және түнгі мезгілде балалар және емдеу мекемелерінде, басқа объектілерде адамдардың болуы туралы деректер жинауды бақылайды;

      осы Жарғының 90-тармағында көрсетілген қызметтік үй-жайларға кіруге құқығы бар адамдардан басқа бөгде адамдардың кіруіне жол бермейді;

      қарауыл қызметін ұйымдастыруды регламенттейтін құжаттарды әзірлейді және түзетеді;

      өрттерге, авариялық-құтқару жұмыстарына шығады және кезекші қарауылдың әрекеттеріне басшылық етеді;

      өрт сөндіру бөлімінің шығу ауданын, аса маңызды объектілердің (цехтардың) және су көздерінің орналасуын, сондай-ақ бөлімшедегі қолда бар өрт сөндіру техникасы мен байланыс құралдарының сипаттамаларын біледі;

      шығу ауданындағы жедел ахуалдың жай-күйі туралы қажетті ақпаратты сұрайды, қарауылдық қызметті ұйымдастыру жөніндегі өкімдік және басқа құжаттармен танысады.

      35. Қарауыл бастығына (кезекші ауысым басшысына):

      осы Жарғыда көзделген жағдайлардан басқа бөлімшенің орналасқан жерінен кетуге;

      қарауылдық қызметті өткерумен байланысты жағдайлардан басқа қарауыл құрамынан біреуді ауыстыруға, жіберуге;

      осы Жарғыда көрсетілген жағдайлардан басқа өрт сөндіру автомобильдерін өрт сөндіру есептобынан шығаруға болмайды.

      36. Кемінде арнайы орта білімі көлемінде даярлығы, өрт сөндіру бойынша практикалық жұмыс тәжірибесі бар және ерекше жағдайларда бөлімшенің аса даярланған командиріне, қарауылды (кезекші ауысым) бастап өздігінше кезекшілік атқаруға жіберілген орта немесе жоғары басшы құрамның тұлғаларына ғана қарауыл бастығын (кезекші ауысым басшысын) ауыстыруға рұқсат етіледі.

      37. Қарауыл бастығы (кезекші ауысым басшысы) кенеттен ауырып қалған жағдайда, бөлімше басшысы (жедел кезекші), оны жақын маңдағы емдеу мекемесіне жіберу туралы шешім қабылдайды. Қарауыл бастығының (кезекші ауысым басшысының) міндеті, бөлімше басшыларының біріне немесе басқа даярланған лауазымды тұлғаға жүктеледі.

4-параграф. Бөлімше командирі

      38. Бөлімше командирі:

      қарауыл ауысқанда бекітілген өрт сөндіру техникасын, ӨТҚ мен жабдықтарды, үй-жайларды, мүкәммал мен мүліктерді қабылдауды қамтамасыз етеді;

      бөлімшенің жеке құрамына оқыту жүргізеді және қарауыл бастығына (кезекші ауысым басшысына) кезекшілік кезінде даярлық жоспарын орындауға көмектеседі;

      бөлімше жеке құрамының өрт сөндіру-саптық дайындық бойынша нормативтерді орындауды қамтамасыз етеді;

      бөлімшеге бекітілген өрт сөндіру автомобилінде ТАОЖҚҚ ұстау тәртібін бақылайды;

      бөлімнің шығу ауданын, су көздерінің және аса маңызды объектілердің (цехтардың) орналасқан жерлерін, сондай-ақ бөлімшедегі қолданыстағы өрт сөндіру автомобильдері мен басқа да өрт сөндіру техникаларының тактикалық-техникалық сипаттамаларын біледі;

      бекеттерге, шолғыншыларға, ішкі нарядта және өрт сөндіру есептобына тағайындалған өрт сөндірушілерді даярлайды, олардың қызметтік міндеттерін білуін, құрал-жабдықтар мен жауынгерлік киімдерін дайындауын тексереді;

      қарауыл бастығына (кезекші ауысым басшысына) қарамағындағылардың аурулары, шағымдары мен оларға бекітілген ӨТҚ мен жабдықтардың жоғалуы немесе ақаулығы жөнінде өтініштері туралы баяндайды.

5-параграф. Өрт сөндіру автомобилінің жүргізушісі

      39. Өрт сөндіру автомобилінің жүргізушісі:

      оған бекітілген өрт сөндіру автомобилінің тактикалық-техникалық сипаттамасын, мақсатын, құрылысын, жұмыс істеу қағидатын, сондай-ақ өрт сөндіру бөлімінің шығу ауданын, су көздерін, жолдар мен өту жолдарын біледі;

      жол қозғалысы ережелерінің талаптарын орындайды және бөлімнің жарақтануында бар барлық типті өрт сөндіру автомобильдерін әртүрлі жол және метеорологиялық жағдайларда басқара алады;

      барлық арнайы агрегаттар мен механизмдерде, сондай-ақ арнайы автомобильдерде орнатылған радиостанцияларда жұмыс істей біледі, өрттерде және авариялық-құтқару жұмыстарын жүргізу кезінде іс-қимыл жүргізу жағдайларында олардың техникалық және тактикалық мүмкіндіктерін толық көлемде пайдалана біледі;

      қызмет өткеру, өрт сөндіру автомобильтерін пайдалану, оларды жөндеу және ТҚ барысында қауіпсіздік техникасы және өндірістік санитария қағидаларын орындайды;

      ұйқыға жатқанға дейін қарауыл ішкі наряд адамдарының міндеттерін орындайды;

      бекітілген техникалардың барлық ақаулықтары туралы бөлімше командиріне баяндайды және оларды жою бойынша дереу шаралар қабылдайды.

      40. Өзімен бірге жүргізуші куәлігі мен оған бекітілген өрт сөндіру автомобильдерін жүргізу құқығына куәлігі жоқ жүргізуші кезекшілікке жіберілмейді.

      41. Жүргізушіге басқа адамдарға, өзі бағынатын адамдарды адамдарды қоса алғанда көлік құралдарын басқаруға беруге және өрт сөндіру автомобилінің оталдыру құлпында оталдыру кілтін қалдырып кетуге тыйым салынады.

6-параграф. Бөлімнің байланыс пунктінің диспетчері (радиотелефонист)

      42. ББП диспетчері (радиотелефонист):

      ББП барлық қолда бар техникалық байланыс құралдарына келіп түскен өрт, басқа ТЖ туралы хабарламаларды дәл қабылдауға, беруге және тіркеуге және ақпаратты өңдеуге, шақыру орнына қарауылдың (бөлімшелердің) кезекшілерін уақытында және дұрыс жіберуге;

      кезекші қарауылдың (бөлімшелердің) өртке, басқа ТЖ орнына жіберілгені туралы ӨБОП және бөлімше басшыларына уақтылы баяндауға;

      ББП техникалық құралдар мен жабдықтарды сақталуына және дұрыс пайдаланылуына жауап береді.

      43. ББП диспетчері (радиотелефонист):

      ББП жедел-қызметтік құжаттамасын, оны жүргізу ретін, ББП диспетчерінің (радиотелефонист) қызметін регламенттейтін, басшылыққа алатын құжаттарды;

      бөлімшенің шығу ауданы мен жедел ахуалды, көшелер мен өту жолдарын;

      бірінші хабарлама жоғары ранг бойынша бөлімшелер жіберілетін объектілерді;

      жедел жоспарлар мен өрт сөндіру карточкалары жасалған объектілердің тізбесін;

      маңызды, өрт және жарылыс қауіпті объектілердің орналасқан жерін, өртке қарсы сумен жабдықтауды, суы жоқ учаскелерді;

      бөлімшенің жарақтануындағы өрт сөндіру және авариялық-құтқару техникаларының, өрт сөндіру және авариялық-құтқару жарақтар мен жабдықтардың тактикалық-техникалық сипаттамасын;

      кезекші қарауылдардың өрт сөндіру машиналарындағы тактикалық мүмкіндіктерін;

      ББП орнатылған байланыс құралдары мен ақпаратты өңдеу, сондай-ақ басқа жабдықтардың техникалық сипаттамасын, жұмыс істеу қағидатын, басқару элементтерін;

      бөлімшелер мен басшы құрамның шақырту белгілерін біледі.

      44. ББП диспетчері (радиотелефонист):

      1) кезекшілікке түскен кезде:

      ББП құжаттаманы, мүлікті және техникалық құралдарды тізімдеме бойынша қабылдайды;

      ББП техникалық құралдардың, резервті қоректендіру көздерінің болуын, тазалығын, жай-күйін және жарамдылығын тексереді;

      ауысатын диспетчерден (радиотелефонистан) ағымдағы шығулар,
сондай-ақ бөлімше басшылығының өкімдері мен нұсқаулары туралы мәліметтерді алады;

      2) кезекшілік кезінде:

      қарауылдың бастығынан (кезекші ауысым басшысынан) күштер мен құралдар (жеке құрамның, өрт техникасының, өртсөндіргіш заттары мен ЖЖМ саны) туралы мәлімет алады;

      байланыс құралдары мен техникалық жабдықтардың ақаулықтары туралы мәліметті осы Жарғыға 8-қосымшаға сәйкес нысан бойынша байланыс құралдарын қабылдау-тапсыру журналына енгізеді;

      өзара іс-қимыл жасау қызметтерімен байланыс ұстайды және қажет болған жағдайда өрт, басқа да ТЖ аудандарына жібереді;

      осы Жарғыға 9-қосымшаға сәйкес нысан бойынша тәуліктің түнгі мезгілінде балалар, емдеу және басқа да мекемелерде болатын адамдарды есепке алу журналын жүргізеді;

      телефон арқылы барлық қоңырауларға дереу "Өртке қарсы қызметі" деп жауап беруге, ал ішкі телефонға өзінің лауазымы мен тегін атайды, мысалы: "диспетчер (радиотелефонист) Ахметова";

      өту жолдарының жабылуы, өртке қарсы сумен жабдықтаудың істен шығуы және жедел ахуалдың басқа да өзгерістері туралы ақпарат алған кезде дереу ӨБОП-дағы кезекші қарауылдың бастығына (кезекші ауысым басшысы), баяндайды және алынған ақпаратты тиісті журналдарға енгізеді;

      қарауылдық қызметті тексеруге құқығы бар лауазымды тұлғалар ББП үй-жайына барған кезде, "Майор мырза. Диспетчер (радиотелефонист) Ахметова" деген нысан бойынша баяндайды;

      3) шақыруларды өңдеген кезде:

      кезекші қарауылдарының шығу жолдамасында мынадай ақпаратты:

      шақыру объектісінің мекенжайы;

      объектінің атауы;

      объектінің орналасқан жері туралы басқа да мәліметтерді;

      не және қайда жанып жатқаны (немесе ТЖ туралы басқа мәлімет);

      нешінші қабатта (немесе жертөледе) жанып жатқаны;

      ғимараттың қабаттылығы (немесе биіктігі);

      адамдарға төнген қатердің болуы;

      ӨБОП диспетчерінің тегін;

      ТЖ туралы хабар алынған уақытын, күнін тіркейді және қолын қояды;

      ӨБОП аға диспетчердің (гарнизон диспетчері) басқа нұсқауы болмаса шығу кестесінде көзделген күштер мен құралдарды жіберу туралы шешім қабылдайды;

      шешім қабылданғаннан кейін бірден "Дабыл" сигналын береді;

      қарауылдың шығу жолдамасын, сондай-ақ өрт сөндіру жоспарын немесе (бар болған жағдайда) карточкасын кезекші қарауылдың бастығына (кезекші ауысым басшысына) береді;

      4) шығуларды сүйемелдеу кезінде:

      өрт немесе басқа ТЖ шыққан кезекші қарауылмен (бөлімшемен) радиобайланыс орнатады және ұстады;

      өрт немесе басқа ТЖ туралы қосымша (нақтыланған) ақпаратты қарауылдың бастығына (кезекші ауысым басшысына) шақыру орнына бару кезінде, ӨБОП аға диспетчеріне (гарнизон диспетчеріне) және бөлімше басшыларына дереу береді;            

      осы Жарғыға 10-қосымшаға сәйкес нысан бойынша бөлімшенің шығуын есепке алу журналына уақытты белгілеумен, өрт сөндіру және авариялық-құтқару жұмыстарын жүргізу кезінде лауазымды тұлғалардың барлық қабылдаған шешімдерін тіркеуді жүзеге асырады.

      45. ББП диспетчеріне (радиотелефонистке):

      қызмет өткеруден алаңдауға және қарауыл бастығының (кезекші ауысым басшысының) рұқсатынсыз және ББП жұмысы үшін дайындалған және рұқсат етілген тұлғаның ауыстыруынсыз ББП-дан кетуге;

      қарауылдың өртке немесе басқа ТЖ-ға шығуы кезінде демалуға, телефон бойынша негізгі қызметпен байланысты емес әңгімелерді жеке жүргізуге және оларға жол беруге, радиоалмасу тәртібін бұзуға;

      ББП үй-жайына гарнизонның лауазымды тұлғаларынан, бөлімше басшылығынан, қарауыл бастығынан (кезекші ауысым басшысынан), қарауыл бойынша кезекшіден және байланыс құралдарының ТҚ көрсетуі үшін жауапты тұлғалардан басқа бөгде тұлғалардың кіруіне тыйым салынады.

      46. ББП диспетчері (радиотелефонист) кез келген дайындалып жатқан немесе жасалған қылмыстар туралы өтініштер, шағым хабарламалар және өзге де ақпараттар түскен кезде олардың жасалу уақытына, тергеуде болуына, сондай-ақ хабарланатын мәліметтердің толықтығына қарамастан дереу қабылдайды және аталған мәліметтерді АТК-ге тіркейді. Өтініш беруші тікелей жүгінген кезде өтінішті қабылдаған тұлға, оны тіркеу және қарау уақыты көрсетіліп, өтінішті тіркеу туралы құжат (талон) береді.

      47. Гарнизонда ақпаратты қабылдау және өңдеудің автоматтандырылған жүйелерін енгізген кезде осы Жарғының 42-тармағында келтірілген ББП диспетчерінің (радиотелефонист) міндеттері осы Жарғы талаптарына қайшы келмейтін қосымша нормативтік актілермен регламенттелуі мүмкін.

7-параграф. Аға өрт сөндіруші (өрт сөндіруші)

      48. Аға өрт сөндіруші (өрт сөндіруші) кезекшілікке түскен кезде:

      бекітілген ӨТЖ қабылдайды, бекітілген ТАОЖҚҚ-ға тексеру жүргізеді;

      бекеттерде, шолғында және ішкі нарядта қарауыл қызметін өткеру кезінде қарауыл жеке құрамының міндеттерін орындайды;

      кезекшілік кезеңінде еңбекті қорғау және өрт қауіпсіздігінің талаптарын сақтайды;

      бөлімшенің үй-жай мүлкіне ұқыпты қарайды, ӨТЖ және жабдықты, жеке құрал-жабдықтарын тазалықта және ұдайы әзірлікте ұстайды;

      бөлімшенің шығу ауданындағы жедел ахуалмен танысады.

4-тарау. Өрт қауіпсіздігі саласындағы мемлекеттік бақылау қызметкерлері 1-параграф. Төтенше жағдайлар басқармасының (бөлімінің) бастығы (аудандық, облыстық маңызы бар қала)

      49. Төтенше жағдайлар басқармасының (бөлімінің) бастығы (аудандық, облыстық маңызы бар қала) өрт қауіпсіздігі саласындағы мемлекеттік бақылау функциясын жүзеге асырады.

      50. Төтенше жағдайлар басқармасының (бөлімінің) бастығы (аудандық, облыстық маңызы бар қала):

      аудан (облыстық маңызы бар қала) шегінде өрт қауіпсіздігі саласындағы мемлекеттік бақылау жұмысын ұйымдастырады;

      өрттің алдын алу және оның таралуын болдырмау, сондай-ақ өртті табу және сөндірудің автоматты құралдарын енгізу жөнінде іс-шараларды әзірлейді және олардың жүзеге асырылуына қол жеткізеді;

      мемлекеттік емес өртке қарсы қызметтерінің әзірлігін, сондай-ақ қолданыстағы заңнамаға сәйкес қалалардағы (аудандардағы) бақылаудағы объектілердің өртке қарсы жағдайын тексеруді және бақылауды жүзеге асырады;

      жергілікті атқарушы органдарымен үнемі байланыс ұстайды және оларға аудан (облыстық маңызы бар қала) объектілеріндегі өртке қарсы жай-күйі туралы хабар береді.

2-параграф. Бас маман, аға инженер, инженер

      51. Бас маман, аға инженер, инженер:

      Профилактикалық және нормативтік-техникалық жұмыстарды, өртке қарсы насихат пен оларға бекітілген объектілерде үгіт жүргізуге жауап береді;

      қызмет көрсететін объектілердің өртке қарсы жай-күйі мен өрт қауіптілігі, бекітілген учаскелердегі өртке қарсы сумен жабдықтау мен өту жолдарының жай-күйі ьтуралы ақпаратты біледі;

      өрттің алдын алу және оларды сөндіруді қамтамасыз ету бойынша уақтылы және сапалы түрде проиялактикалық жұмыстарды жүргізеді, ұсынылатын өртке қарсы іс-шаралардың орындалуына қол жеткізеді, объектілерде қатаң өртке қарсы режимді сақтайды, өртке қарсы қорғау жүйелері мен қондырғыларын енгізеді;

      профилактикалық қызметінің белгілі бір бағыты бойынша жұмысты қорытындылайды және оған талдау жүргізеді.

5-тарау. Өртке қарсы қызмет жасақтары мен өрт сөндіру бөлімдерінің басшылығы 1-параграф. Өртке қарсы қызмет жасағының бастығы

      52. Өртке қарсы қызмет жасағының бастығы өрт сөндіру мемлекеттік мекемесінің басшысына бағынады.

      53. Жасақтың бастығы жасақтың құрамына кіретін өртке қарсы қызмет жасағы мен бөлімшелердің барлық жеке құрамының тікелей бастығы болып табылады және:

      жасақтың әзірлігіне, кадрларды іріктеу мен орналастыруға, жеке құрамның Әдеп кодексінің нормалары мен тәртіпті сақтауына, заңдылықты, сондай-ақ арнайы-тактикалық даярлықты қатаң және мүлтіксіз сақтауына;

      қарауыл қызметін ұйымдастыруға, бөлімшелердің Азаматтық қорғаныс іс-шараларын орындауға және авариялық-құтқару жұмыстарын жүргізуге әзірлігіне;

      жасақтың шаруашылық және қаржы қызметіне, өрт сөндіру және арнайы техниканы, ӨТЖ, байланыс жабдықтары мен құралдарын ұстауға және оның дұрыс пайдаланылуына жауап береді.

      54. Өртке қарсы қызмет жасағының бастығы:

      өрттерге, авариялардың, дүлей зілзалалардың орындарына шығады және өрт сөндіруге немесе авариялар мен дүлей зілзалалардың салдарын жою бойынша жұмыстарға басшылық етеді;

      маңызды объектілердің ғимараттары мен құрылыстарының орналасуы, өрт қауіптілігі, конструктивті ерекшеліктері, өндірістің технологиялық процестерінің өрт қауіптілігі, сондай-ақ жедел өрт ахуалы туралы ақпаратты біледі және оның өзгерістеріне уақытында ден қояды;

      өрт сөндіру техникасының тактикалық-техникалық сипаттамасы, өртке қарсы сумен жабдықтаудың және байланыстың жай-күйі туралы біледі;

      өрт сөндіру бөлімдері басшылық құрамының іскерлік, адамгершілік-психологиялық қасиеттерін зерделейді және біледі;

      жасақтың жеке құрамына басшылық етеді және арнайы-тактикалық даярлық бойынша сабақты жеке өзі жүргізеді, жеке-тәрбиелік жұмысты ұйымдастырады;

      жасақтың материалдық-техникалық базасын жақсарту бойынша шараларды қабылдайды;

      қызмет көрсетілетін аудандағы өртке қарсы сумен жабдықтауды, өту жолдарын жақсарту бойынша іс-шараларды жергілікті атқарушы органның қарауына енгізеді.

2-параграф. Өрт сөндіру (мамандандырылған өрт сөндіру) бөлімінің бастығы

      55. Өрт сөндіру (мамандандырылған өрт сөндіру) бөлімінің бастығы тікелей өрт сөндіру (мамандандырылған өрт сөндіру) бөлімі жеке құрамының бастығы болып табылады және:

      жеке құрамның әзірлігіне, қарамағындағылардың заңдылықты қатаң және сөзсіз сақтауына, моральдық-психологиялық жай-күйіне, кадрларды іріктеуге және орналастыруға, тәрбиесі мен тәртібіне;

      арнайы-тактикалық даярлығына;

      қарауыл қызметін ұйымдастыруға, бөлімшелердің Азаматтық қорғаныс іс-шараларын орындауына және авариялық-құтқару жұмыстарын жүргізуге әзірлігіне;

      бөлімнің шаруашылық және қаржы қызметіне, бөлімнің өрт сөндіру техникасын, ӨТЖ, байланыс құралдарының, жабдықтардың, ғимараттардың, құрылыстардың және қызметтік-тұрмыстық үй-жайларын ұстауға және дұрыс пайдалануға жауап береді.

      56. Өрт сөндіру (мамандандырылған өрт сөндіру) бөлімінің бастығы:

      өрттерге, авариялардың, дүлей зілзалалардың орындарына шығады және өрт сөндіруге немесе өрт сөндіру бөлімінің жеке құрамының авариялар және дүлей зілзалалардың салдарын жою бойынша жұмыстарына басшылық етеді;

      маңызды объектілердің ғимараттары мен құрылыстарының орналасқан жері, өрт қауіптілігі мен конструктивті ерекшеліктері, өндірістің технологиялық процестерінің өрт қауіптілігі, сондай-ақ жедел өрт ахуалына уақытында ден қояды;

      өртке қарсы сумен жабдықталуының, шығу ауданындағы өту жолдарының жай-күйін, гарнизонда бар өрт сөндіру автомобильдерін қолдану қағидалары мен тактикалық-техникалық сипаттамаларын біледі;

      жеке құраммен тәрбие жұмысын ұйымдастыруға, өрт сөндіру (мамандандырылған өрт сөндіру) бөлімі іскерлік және моральдық-психологиялық қасиеттерін зерделейді және біледі;

      өрт сөндіру (мамандандырылған өрт сөндіру) бөлімі жеке құрамының, сондай-ақ ГТҚҚ буындарының тыныс алуға жарамсыз ортада жұмыс істеуге арнайы-тактикалық даярлығы бойынша сабақты басқарады және жеке өзі жүргізеді;

      жеке құраммен жеке-тәрбиелік жұмысты ұйымдастырады, жаңадан қабылданған қызметкерлердің бастапқы даярлығын ұйымдастыруды бақылайды;

      қалыптасқан жағдайға байланысты ауданның күзетілуін күшейту бойынша қосымша іс-шараларды әзірлейді және қызметтің ұйымдастырылуына түзетулер енгізеді;

      қауіпсіздік техникасы, еңбекті қорғау және өндірістік санитария бойынша іс-шаралардың орындалуын ұйымдастырады және қамтамасыз етеді, бөлімшелердегі ішкі тәртіпті ұстайды;

      ТАОЖҚҚ, байланыс құралдарының, газ түтіннен қорғаушылар жұмысының қауіпсіздігін қамтамасыз ететін жабдықтар мен құрал-жабдықтардың жай-күйін, дұрыс сақталуы мен пайдалануын бақылайды;

      қарауылдар құрамына кірмейтін өрт сөндіру бөлімі жеке құрамының жұмыс тәртібі мен режимін белгілейді;

      жергілікті ерекшеліктерді ескере отырып, осы Жарғыда көзделген бөлімше құжаттамасын әзірлейді;

      қарауылдардың ауысымы (кезекші ауысымы) кезінде жеке қатысады және қызметтік наряд парақтарын тексереді, басшы құрамның сабақты өткізуге дайындығын бақылайды;

      өртті, авариялар мен дүлей зілзалалардың салдарын жою кезінде ауданның (облыстық маңызы бар қала) тіршілікті қамтамасыз ету қызметтерімен өзара іс-қимылды ұйымдастырады;

      техниканы, ӨТЖ тұрақты әзірлікте ұстауды қамтамасыз етеді, олардың жай-күйі мен ЖЖМ жұмсалуының есебін жүргізуді дүркін-дүркін тексереді;

      өрт сөндіру жедел жоспарлары мен карточкаларын әзірлеуді, түзетуді және практикалық пысықтауды ұйымдастырады және жеке қатысады.

3-параграф. Жасақ (бөлім) бастығының тәрбие және әлеуметтік-құқықтық жұмыс жөніндегі орынбасары

      57. Жасақ бастығының (бөлімі) тәрбие және әлеуметтік-құқықтық жұмысы бойынша орынбасары:

      кадрларды іріктеу және орналастыру, сондай-ақ жасақта (бөлім) тәрбие және мәдени-бұқаралық жұмысты ұйымдастыруға және және оның жай-күйіне;

      жеке құрамның моральдық-психологиялық жай-күйі мен тәртібіне;

      жеке құрамның әлеуметтік-тұрмыстық мәселелерін шешу бойынша жұмыстарға жауап береді.

      58. Жасақ бастығының орынбасары (өрт сөндіру бөлімінің бастығы) жасақ бастығына (бөлім) бағынады және барлық жеке құрамның тікелей бастығы болып табылады.

      59. Жасақ бастығының (өрт сөндіру бөлімінің) тәрбие және әлеуметтік-құқықтық жұмысы бойынша орынбасары:

      қызметтік міндеттерді ойдағыдай шешуге бағыттай отырып, жеке құраммен тәрбие жұмысын жоспарлайды және оны өткізеді, тұрақты әзірлікте ұстайды, дара басшылық қағидатын нығайтады;

      даралық принципін күшейтеді үнемі дайындықты арналған жеке құраммен тәрбие жұмысын жоспарлайды және жүргізеді;

      қызметкерлерді тапсырылған іске адал болуға, саналы тәртіпке, сақтыққа, жоғары моральдық қасиеттерге, заңдардың, анттың, бастықтар бұйрықтарының нақты орындалуына, азаматтардың өтініштері мен арыздарына ілтипатпен және ықыласпен ден қоюға тәрбиелеу бойынша жеке жұмысты ұйымдастырады және өткізеді;

      жеке құрамның бастамашылығын және белсенділігін дамыту, озық тәжірибені қолдану және насихаттау бөлігіне жарыстар ұйымдастыруға және өткізуге тікелей қатысады;

      өрттерге, авариялардың, дүлей зілзалалардың орындарына шығады, өрт сөндіруге немесе жеке құрамның авариялардың және дүлей зілзалалардың салдарын жою жұмыстарын жүзеге асырады;

      жеке құрамның моральдық-психологиялық жай-күйі, өткізілген тәрбиелік іс-шаралар, қызметтік тәртіп пен әлеуметтік-құқықтық жұмыстардың жай-күйі туралы бөлімше бастығына баяндайды.

4-параграф. Жасақ (бөлім) бастығының қызмет жөніндегі орынбасары

      60. Жасақ (бөлім) бастығының қызмет жөніндегі орынбасары:

      арнайы-тактикалық, қызметтік және дене даярлығына;

      бөлімнің өрт сөндіру техникасын, ӨТЖ, байланыс құралдарын, жабдықтарды, ғимараттарды, құрылыстар мен қызметтік-тұрмыстық үй-жайларды ұстауға және дұрыс пайдалануға жауапты болады.

      61. Жасақ (бөлім) бастығының қызмет жөніндегі орынбасары:

      жедел өрт ахуалына уақытында ден қояды, жедел-тактикалық қатынаста маңызды объектілердің ғимараттары мен құрылыстарының өрт қауіптілігі мен құрылымдық ерекшеліктері, орналасқан жерлері, өртке қарсы сумен жабдықтау, шығу ауданындағы өту жолдарының жағдайын, бөлімшенің жарақтануындағы өрт сөндіру автомобильдерін қолдану қағидалары мен тактикалық-техникалық сипаттамаларын біледі;

      қарауылдық қызметін, бөлімнің жеке құрамының, сондай-ақ қарамағындағы өрт сөндіру бекеттерінің күнделікті жұмысын ұйымдастырады және бақылайды және оларға үнемі практикалық көмек көрсетеді;

      бөлімшелердің жеке құрамын және ГТҚҚ буындарын тыныс алуға жарамсыз ортада жұмыс істеуге дайындау бойынша жұмысты басқарады, ТАОЖҚҚ, байланыс құралдарының, газтүтіннен қорғаушылар жұмысының қауіпсіздігін қамтамасыз ететін жабдықтардың және құрал-жабдықтардың жағдайын, сақталуы мен қолдануының дұрыстығын бақылайды;

      еңбекті қорғау және қауіпсіздік техникасы бойынша іс-шараларды орындауды ұйымдастырады және қамтамасыз етеді;

      осы Жарғыда көзделген жергілікті ерекшеліктерді ескере отырып, қызмет құжаттамасын әзірлейді;

      өрттерге, авариялардың, дүлей зілзалалардың орындарына шығады және өрт сөндіруге немесе өрт сөндіру бөлімі жеке құрамының авариялар және дүлей зілзалалардың салдарын жою бойынша жұмыстарына басшылық етеді.

5-параграф. Өрт сөндіру кемесінің (корабльдің) командирі (капитаны)

      62. Өрт сөндіру кемесінің (корабльдің) командирі (капитаны) өрт сөндіру бөлімінің (жасағының) бастығына бағынады. Ол өрт сөндіру кемесінің барлық жеке құрамының тікелей бастығы болып табылады және жеке құрамның моральдық-психологиялық жағдайына, қызметіне, арнайы-тактикалық даярлығына, тәрбиесі мен тәртібіне, кезекші қарауылдардың өрт сөндіруге әзірлігіне, өрт сөндіру кемесі және кеме механизмдерінің техникалық жағдайына жауапты болады.

      63. Командир (капитан) өрт сөндіру кемесін (корабльді) басқаруды дара басшылық негізінде жүзеге асырады. Аға бастықтардың кеме экипажының қызметіне жататын нұсқаулықтары, олардың орындалуына жауапты командирге ғана беріледі.

      64. Өрт сөндіру кемесінің (корабльдің) командирі (капитаны):

      өрт сөндіру кемесінің жеке құрамын жан-жақты зерделейді, оның іскерлік және моральдық-психологиялық қасиеттерін біледі;

      жеке құрамның арнайы-тактикалық даярлығын ұйымдастырады және өткізеді, күзеттегі акватория ауданын біледі;

      кеменің жеке құрамымен ішкі кеме жолдары бойынша жүзу қағидаларын, сондай-ақ кеме инспекциясы мен өзен (теңіз) регистрі талаптарының орындалуын қамтамасыз етеді, кемемен болатын оқиғалардың алдын алу бойынша іс-шараларды өткізеді;

      өрт сөндіру кемесінің тактикалық-техникалық, пайдалану сипаттамалары мен материалдық бөлігін біледі және оны үнемі техникалық жарамды күйде ұсталуын қамтамасыз етеді;

      метеорологиялық жағдайлар мен өрт сөндіру басшысының нұсқауларын есепке ала отырып, жеке құрамның әрекеттерімен өрттерді сөндіру, авариялар мен дүлей зілзалалардың салдарын жою кезінде кемені басқаруды қамтамасыз етеді;

      ішкі тәртіпті ұстау, қызметтік үй-жайларда және кемеде тазалық пен тәртіп, өрт қауіпсіздігі талаптарын сақталуын қадағалайды;

      еңбекті қорғау, қауіпсіздік техникасын және өндірістік санитария бойынша жұмыстарды жүргізеді.

6-параграф. Өрт сөндіру бөлімінің аға жүргізушісі (аға технигі)

      65. Өрт сөндіру бөлімінің аға жүргізуші (аға технигі) өрт сөндіру бөлімінің бастығына және оның орынбасарларына бағынады. Ол бөлімнің барлық жүргізушілер құрамының тікелей бастығы болып табылады және өрт техникасының техникалық жарамдығына, оның дұрыс сақталуына, пайдалануына, уақтылы ТҚ көрсетілуіне және жөнделуіне, жүргізушілер құрамының даярлығына жауапты болады.

      66. Аға жүргізуші (аға техник):

      бөлімшенің автомототехника жұмысының болуы мен техникалық жағдайын, сақталу тәртібін, пайдалануын, ТҚ көрсетуін, жөндеуін және есепке алынуын, оның құрылысын, сондай-ақ шығу ауданын, су көздерін, жолдар мен өту жолдарын біледі;

      өрт сөндіру техникасының агрегаттарымен мен жабдықтарымен, байланыс құралдарымен жұмыс істейді;

      бөлім жарақтануындағы өрт техникасын пайдалануды, техникалық дұрыс сақталуын қамтамасыз етеді, оны үнемі әзірлікте ұстайды, оның ТҚ көрсетілуі және жөнделуі жөнінде жұмыстарға жеке басшылық етеді;

      жүргізушілерді өрт сөндіру автомобильдерінде жұмыс істеуге, жол қозғалысы ережесіне, қауіпсіздік техникасына оқытады, алған білімдерін тексереді;

      өрт техникасына арналған пайдалану-техникалық құжаттамасын жүргізеді, жүргізушілердің пайдалану карточкаларын дұрыс ресімделуін, ЖЖМ, қосалқы бөлшектердің және басқа мүліктердің үнемді жұмсалуын қадағалайды;

      бөлімнің өрт сөндіру автомобильдерінің техникалық жағдайларын тексереді, жол-көлік оқиғаларының алдын алу, өрт техникасының бұзылулары мен істен шығуы бойынша шаралар қабылдайды, олардың себептері және қабылданған шаралар туралы бөлім бастығына баяндайды;

      қажетті қосалқы бөлшектерге, құрал-сайманға, жабдықтарға және ЖЖМ өтінімдерді уақытында ұсынады, олардың дұрыс сақталуын және қолданылуын ұйымдастырады;

      техникалық мүлік пен ЖЖМ материалдарын сақтайтын гараждағы тазалықты, тәртіпті, өрт қауіпсіздігі ережелерінің сақталуын, өрт техникасын, және басқа жерлердегі бастапқы өрт сөндіру құралдарының болуын және оның жағдайын қадағалайды.

7-параграф. ГТҚҚ аға шебері (шебері)

      67. ГТҚҚ аға шебері (шебері) ГТҚҚ базасы құрылған өрт сөндіру мемлекеттік мекемесі бөлімшесінің бастығына (жасақтың, өрт сөндіру бөлімі), сондай-ақ гарнизондағы ГТҚҚ бастығына бағынады. Өртке шыққанда өрт сөндіру басшысына бағынып, оның нұсқауы бойынша әрекет етеді.

      68. ГТҚҚ аға шебері (шебері):

      ГТҚҚ базасының жұмысын ұйымдастырады, ТАОЖҚҚ №3 жылдық тексеру графигін құрады, уақтылы ТҚ көрсету, оларды жөндеу және дезинфекциялау, ауа баллондарын толтыру, бақылау-өлшеу аспаптарын техникалық куәландыру бойынша жұмыстардың сапасын қамтамасыз етеді;

      резервті жиынтық базасында ауа баллондары мен ТАОЖҚҚ тексеруге арналған аспаптарды құруды қамтамасыз етеді;

      өрт орнына ГТҚҚ жылжымалы базасының жұмысын ұйымдастырады және қамтамасыз етеді;

      күрделі өрттер мен аварияларда баллондардың техникалық жай-күйіне, уақтылы алмастырылуына бақылауды жүзеге асырады, қажет болған жағдайларда ГТҚҚ буынын (бөлімшесін) басқарады немесе (бақылау-өткізу пунктінің) қауіпсіздік бекетінде бекетшінің міндеттерін атқарады;

      техникалық және есептік құжаттаманы, бекітілген ТАОЖҚҚ және оларға арналған қосалқы бөлшектердің, ГТҚҚ базасының аспаптары мен жабдықтарының есепке алуды жүргізеді;

      тыныс алуға жарамсыз ортада ТАОЖҚҚ жаттығудан өтеді.

8-параграф. Ішкі тәртіп

      69. Гарнизон бастығы осы Жарғыға 11-қосымшаға сәйкес нысан бойынша өртке қарсы қызмет бөлімшелері қарауылының күн тәртібін белгілейді.

      70. Қарауылдың жеке құрамы маусым бойынша нысанды киімде қарауыл қызметін өткереді. Ішкі наряд тұлғаларының бас киімі және тиісті айырмашылық белгілері (тиісті жазбасы бар төсбелгі немесе жеңдегі таңғыш) болуы қажет.

      71. Сабақтар мен оқу-жаттығуларға нарядтағы тұлғаларды қоспағанда қарауылдың (кезекші ауысымның) барлық жеке құрамы қатысады.

      72. Қарауылдың жеке құрамы қарауыл қызметін өткеру кезінде бөлімшенің қарамағында болады. Қарауыл бастығы (кезекші ауысым басшысы) қарауыл қызметін өткеруге байланысты тапсырмаларды орындау үшін ғана жеке құрамның бөлімшеден шығуына рұқсат береді.

      73. Жеке құрамның өрттерге, сондай-ақ авариялық-құтқару жұмыстарын жүргізуге, өрт-тактикалық оқу-жаттығулар мен сабақтарға шығу жағдайларын қоспағанда бөлімшеде белгіленген күн тәртібін орындаудан бас тартуына жол берілмейді.

      74. Қарауылдың (кезекші ауысым) жеке құрамы орналасқан қызметтік үй-жайлар түнгі уақытта жарықтандырылады.

      75. Қарауылдың қызметтік үй-жайларында және бөлімшенің аумағында жинау, тазалық пен тәртіпті ұстау, сондай-ақ бөлімшенің тіршілік әрекетін қамтамасыз етуге бағытталған басқа да шаруашылық жұмыстарды орындау қарауылдың (кезекші ауысымның) жеке құрамына жүктеледі.

      76. Өрттен немесе өрт-тактикалық оқу-жаттығулардан, сабақтардан қайтып оралған кезде қарауыл бастығының (кезекші ауысым басшысының) бақылауы және тікелей қатысуы арқылы кезекші қарауылды және техниканы 10 минут ішінде әзірлікке келтіру жүзеге асырылады. Бұл ретте:

      жүргізушілер автомобильдерге ЖЖМ толық құяды (бөлімшеден тыс жанармай құйған кезде бөлімшенің бүкіл жеке құрамы шығады);

      қарауылдың өрт сөндіру есептоптарының жеке құрамы, қажет болған кезде, ӨТҚ және жабдықты, өрт сөндіру жеңқұбырлары мен жеке құрал-жабдықтарды ауыстырады, өрт сөндіру автомобильдерін өртсөндіргіш заттармен толықтырады;

      қарауыл бастығы (кезекші ауысым басшысы) техниканы өрт сөндіру есептобына қою және қарауылдың шығуға дайындығы туралы ӨБОП-ға баяндайды;

      жүргізушілер мен жеке құрам өрт сөндіру техникасына ТҚ өткізеді, жеке гигиена шараларын жүзеге асырады.

9-параграф. Қызметтік үй-жайларға кіруге рұқсат беру

      77. Бөлімше үй-жайларына:

      қарауылды тексеру үшін;

      өрт (авария, апат,дүлей зілзала) туралы хабарлау үшін;

      қызмет бабымен;

      гарнизон бастығымен (бөлімше бастығымен) келісіп, бөлімшеге келген делегация және экскурсия құрамында келген тұлғалардың кіруіне рұқсат етіледі.

      78. Бөлімшеге келген барлық тұлғалардан қарауыл бастығы (кезекші ауысым басшысы) келу мақсатын анықтайды және қажет болған кезде келушілерді бастыққа немесе оның орынбасарларына ертіп барады.

      79. Қарауылды тексеру үшін келген және осындай тексеруге құқығы бар тұлғалардан қарауылды тексеруге құқығына қосымша ұйғарымын көрсетуін талап етеді. Күндізгі және түнгі уақытта "Қарауыл, тік тұр!" командасын береді, осыдан кейін қарауыл кезекшілігі туралы баяндама жасайды және келген тұлғаларды ертіп жүреді. Баяндама нысаны – "Майор мырза, бірінші қарауыл кезекшілік етеді, жеке құрам .... айналысуда (немен айналысып жатқанын, оқиғалар болған кезде сол туралы баяндайды). Қарауыл бастығы азаматтық қорғау лейтенанты Сапаров" деп баяндама жасағаннан кейін келген тұлғаларды ертіп жүреді.

10-параграф. Қарауылдардың (кезекші ауысымдардың) ауысуы

      80. Қарауылдардың (кезекші ауысымдардың) ауысуы қарауылды үздікссіз дайындықта ұстау мақсатында жүзеге асырылады және оған ауысуға дайындық, қарауылдың (кезекші ауысымның) тарауы, кезекшілікті тапсыру кіреді.

      81. Кезекшіліктің тарауы және қарауылдың басқа ауысымына тапсырылуы 30 минуттан аспауы қажет.

      82. Таратуға түсіп жатқан және ауысып жатқан қарауылдың (кезекші ауысымның) барлық жеке құрамы шығарылады. Қарауылды таратуды бөлімшенің бастығы (басшысы) немесе оны алмастыратын тұлға жүргізеді.

      83. Өрт сөндіру мемлекеттік мекемесінің барлық бөлімшелеріндегі қарауылдың ауысуы гарнизон бастығының орынбасары белгілеген бір уақытта өткізіледі.

      84. Комитеттің оқу өрт сөндіру бөлімдерінде, оқу бөлімшелерінде (кәсіби даярлық мектептері) және білім ұйымдарында қарауылдың ауысу уақытын оның басшысы белгілейді.

      85. Ауысуға дайындық кезінде кезекшілікке түсіп жатқан қарауыл бастығы (кезекші ауысым басшысы) бөлімше бастығынан немесе оны алмастыратын тұлғадан – нұсқама, ал ауысып жатқан қарауыл бастығынан (кезекші ауысым басшысынан) – бөлімшенің шығу ауданындағы жедел жағдайдың өзгеруі туралы мәліметтер алады, содан кейін қызметке нарядты осы Жарғыға 12-қосымшаға сәйкес нысан бойынша өрт сөндіру бөлімінің қызмет кітабын жасайды.

      86. Күн тәртібіне сәйкес кезекшілікке түсіп жатқан қарауыл бастығы (кезекші ауысым басшысы) "Ауысымға!" командасын береді. Осы команда бойынша диспетчер үш қысқа сигнал береді. Кезекшілікке түсіп жатқан және ауысып жатқан қарауылдың (кезекші ауысымдардың) жеке құрамы жауынгерлік киімді және жарақтарды киеді (келіп түскен қарауыл қосымша ТАОЖҚҚ киеді) және бөлімше бастығы белгілеген орындарда сапқа тұрады.

      87. Қарауылға (кезекші ауысым) түскен жеке құрам №1 ТАОЖҚҚ тексеруді қарауыл (кезекші ауысым) ауысымына дайындық кезеңінде қарауыл бастығының (кезекші ауысым басшысы) басшылығымен жүргізеді. Тыныс алу аппараттарын топтап бекіту кезінде соңғылары тексеру жүргізу үшін автомобильдерден алынады және ол аяқталғаннан кейін орнына қойылады, ал газтүтіннен қорғаушылар өздерінде тек жеке маскаларын ғана қалдырады. Өртке шығу жағдайында қарауылдар ауысымы және тапсырылатын қарауылдың жұмысы кезінде ТАОЖҚҚ кезекке тұратын қарауылдың жеке құрамы резервті ТАОЖҚҚ алады.

      88. Ауысуға дайындық кезінде кезекшілікке түсетін қарауыл бастығы (кезекші ауысым басшысы):

      жеке құрамның бар-жоғын және қызмет өткеруге дайындығын, олардың сыртқы түрлерін және киім нысанын сақтауын, өрт сөндірушілердің жауынгерлік киімдері мен жарақтарының жағдайын тексереді, сондай-ақ анықталған кемшіліктерді жою шараларын қабылдайды;

      өрт сөндіру автомобильдеріне өрт сөндіру есептоптарының құрамын, ішкі наряд тұлғаларын жариялайды және қажет болған кезде жеке құрамды бекеттер мен шолуларға тағайындайды;

      жеке құрамның өз міндеттерін білуін тексереді;

      жүргізуші құрамның жүргізуші куәліктерінің барын және өрт сөндіру автомобилін басқару құқығына куәлігін тексереді;

      жеке құрамға бөлімшенің шығу ауданындағы жедел жағдайды жеткізеді;

      еңбекті қорғау және техника қауіпсіздігі бойынша нұсқама өткізеді.

      89. Ауысып жатқан қарауыл бастығы өткен тәуліктегі қызмет атқарудың қорытындысын жасайды, бағыныстылардың жұмысына баға береді, орын алған кемшіліктерді ескеріп, оларды жою жолдарын көрсетеді.

      90. Кезекшілікке түсіп жатқан қарауыл бастығы (кезекші ауысым басшысы) қарауылдың ауысуға дайын екендігі туралы ауысып жатқан қарауыл бастығына (кезекші ауысым басшысы) хабарлайды.

      91. Ауысып жатқан қарауыл бастығы (кезекші ауысым басшысы) жауынгерлік киімі мен жабдығы бар қарауылды кезекшілікке түсіп жатқан қарауыл (кезекші ауысым басшысы) сапының алдына тұрғызады, содан кейін өз қарауыл сапының оң жақ қапталына барып тұрады.

      Кезекшілікке түсіп жатқан қарауыл бастығы (кезекші ауысым басшысы) бөлімше бастығына және: "Майор мырза. Бірінші қарауыл кезекшілікке түсуге дайын. Қарауыл бастығы азаматтық қорғау лейтенанты Оспанов", - деп баяндап, содан кейін сапқа тұрады.

      Бөлімше бастығы сапқа жақындаған кезде ауысып жатқан қарауыл бастығы (кезекші ауысым басшысы) "ТІК ТҰР", "ОРТАҒА түзе" командасын береді және "Майор мырза, төртінші қарауыл кезекшілікті тапсыруға дайын. Қарауыл бастығы азаматтық қорғау лейтенанты Жамбылов" деп баяндайды.

      Бөлімше бастығы қарауылдар (кезекші ауысымдар) жеке құрамымен амандасады және "Еркін тұр!" деп команда береді, одан әрі кезекшілікке түсіп жатқан қарауылдың (кезекші ауысым) дайындығын тексереді, ауысып жатқан қарауылдың қызметіне (кезекші ауысым) баға береді, қарауыл қызметін атқару жөнінде тапсырма береді, содан кейін "Қарауылдар, сап түзе" "Тік тұрыңдар!", "Кезекшілікті қабылдауға және тапсыруға таралыңдар!" деп команда береді. Осы команда бойынша қарауылдардың (кезекші ауысым) жеке құрамы кезекшілікті тапсыруға және қабылдауға кіріседі.

      92. Кезекшілікке түсіп жатқан қарауыл бастығы (кезекші ауысым басшысы) жеке және бөлімше командирлері арқылы өрт сөндіру автомобильдерінің және ӨТЖ, байланыс құралдарының жарамдылығын, қызметтік үй-жайлардың және аумақтардың жағдайын тексереді, бөлімше қарауыл қызметінің қызметтік құжаттарын қабылдайды.

      Ауысып жатқан қарауыл бастығы (кезекші ауысым басшысы) қарауылдың қызметтік құжаттарын тапсырады және анықталған кемшіліктерді жоюға шара қабылдайды.

      93. Кезекшілікке түсіп жатқан қарауылдың (кезекші ауысым) ауысып жатқан қарауылдан (кезекші ауысымнан) өрт сөндіру есеп табельдері және тізімдемелер бойынша өрт сөндіру техникаларын, ӨТЖ, байланыс және сигнализация құралдарын, қызметтік құжаттаманы, жарақ заттарын қабылдайды, қызметтік үй-жайлардың, сондай-ақ ондағы жабдықтың, жиһаздың және мүліктің және бөлімше аумағының жағдайын тексереді.

      Резервті өрт сөндіру автомобильдерін кезекшілікке түсіп жатқан қарауыл (кезекші ауысым) бастығы тағайындаған бөлімше командирлері, жүргізушілер және өрт сөндірушілер қабылдайды.

      94. Өрт сөндірушілер мен жүргізушілер тапсыру және қабылдау қорытындысы туралы бөлімше командирлеріне, ал бөлімше командирі қарауыл бастығына (кезекші ауысым басшысы) баяндайды. Бекеттерден (шолғындардан) ауысқан өрт сөндірушілер, диспетчерлер (радиотелефонистер) және ішкі наряд тұлғалары өз қарауыл бастықтарына тікелей баяндайды. Мысалы: "Лейтенант мырза, техника, өрт-техникалық құралдары жарамды жағдайда және тізімдеме бойынша тапсырылды (қабылданды). Бөлімше командирі азаматтық қорғау прапорщигі Смағұлов".

      95. Қарауыл бастықтары (кезекші ауысым басшысы) баяндамаларды қабылдап, қызмет кітабына қажет жазуларды жүзеге асырады. Қарауыл бастықтары (кезекші ауысым басшылары) ауысқаны туралы бөлімше бастығына баяндайды. Мысалы: "Майор мырза, азаматтық қорғау капитаны Мұсаев кезекшілікті қабылдады (тапсырды)".

      96. Қарауыл бастықтарынан (кезекші ауысым басшыларынан) кезекшілікті тапсыру және қабылдау туралы баяндаманы қабылдап, бөлімше бастығы қызмет кітабындағы ауысып жатқан қарауылдың (кезекші ауысым) жазуын тексереді, кезекшілікке түсіп жатқан қарауылдың (кезекші ауысым) қызметтік наряд парағын бекітеді және "Жатыңдар" сигналын беру туралы бұйрық береді.

      "Жатыңдар" сигналын беру туралы бұйрықты алған кезде диспетчер (радиотелефонист) екі қысқа сигнал береді. Ауысып жатқан қарауылдың (кезекші ауысымның) ГТҚҚ буындарының жеке құрамы автомобильдерден бекітілген ТАОЖҚҚ алады, ал кезекшілікке түсетіндер - өрт сөндіру есепке өзінің ТАОЖҚҚ қояды. Осы сәттен бастап ауысып жатқан қарауылдың (кезекші ауысым) жеке құрамы қызмет өткеруден босатылады деп саналады.

      97. Қарауыл бастығы (кезекші ауысым басшысы) кезекшілікке түскеннен кейін ӨБОП гарнизон бастығы белгілеген нысан бойынша қарауылдың (кезекші ауысым) құрамы туралы мәлімет береді.

      98. Ауысу кезінде "Жатыңдар" сигналы берілгенге дейін "Дабыл" сигналы берілген жағдайда өртке ауысқан қарауыл (кезекші ауысым) шығады, ал түсетін қарауыл бөлімше бастығының өкімін алғашқы қарауыл (кезекші ауысым) бөлмесінде қалады.

      99. Егер ауысу кезінде ауысып жатқан қарауыл (кезекші ауысым) өрт сөндіруде болса, кезекшілікке түсіп жатқан қарауыл (кезекші ауысым) өрт болып жатқан жерге жеткізіледі және ондағы жұмыс істеп жатқан қарауылды (кезекші ауысым) ауыстырады.

      100. Кезекшілікті ауыстыру кезінде анықталған кемшіліктерді бөлімше бастығының (басшысының) басшылығымен ауысып жатқан қарауыл (кезекші ауысым) жояды.

11-параграф. Ішкі наряд

      101. Ішкі наряд тәртіпті сақтау, қызметтік үй-жайларды, техниканы, жабдықтарды және бөлімше аумағын күзету үшін қарауыл (кезекші ауысым) қатарынан тағайындалады.

      102. Қарауылдың (кезекші ауысым) ішкі наряд тұлғалары қарауыл бастығына, ал ол болмаған жағдайда бөлімше командиріне бағынады.

      103. Қарауылдың ішкі наряд құрамына кезекшілік кезеңіне:

      қарауыл бойынша кезекші;

      гараж бойынша тәуліктік кезекші;

      өрт сөндіру депосы ғимаратының қасбеті алдындағы бекетші тағайындалады.

      104. Қарауыл (кезекші ауысым) жеке құрамының жеткіліксіз саны кезінде байланысты ішкі наряд міндеттерін азайтуға немесе қоса орындауға рұқсат етіледі. Барлық ішкі наряд тұлғалары өз міндеттерін анық, нақты білуі және адал орындауы қажет.

      105. Ішкі наряд тұлғалары дабыл бойынша қарауыл құрамымен бірге шығады.

      106. Ішкі наряд тұлғаларының ауысу санын, дабыл бойынша қарауылдың (кезекші ауысым) шыққан уақытында бөлімшенің қызметтік үй-жайларын қорғау тәртібін бөлімше бастығы белгілейді. Ішкі наряд тұлғаларының ауысуын бақылауды қарауыл бастығы (кезекші ауысым басшысы) жүзеге асырады.

      107. Қарауыл бойынша кезекші болып бөлімше командирі тағайындалады, оған қарауылдың барлық ішкі наряды бағынады.

      108. Қарауыл бойынша кезекші:

      ішкі наряд тұлғаларының міндеттерін біледі;

      қарауылдардың ауысуы кезінде қызметтік-тұрмыстық үй-жайларды, жабдықтар мен құрал-саймандарды қабылдайды;

      ішкі нарядқа тағайындалған жеке құрамға нұсқау береді, олардың қызметті атқаруы кезінде міндеттерін білуін тексереді;

      ішкі наряд тұлғаларының қызмет атқаруын тексереді және қарауыл бастығына баяндайды;

      қарауылдың жеке құрамының күн тәртібін орындауын, жабдықтардың, керек-жарақтар мен мүліктің жарамдылығын, үй-жайлар мен іргелес аумақтардың тазалығын, тәртібін және қауіпсіздік техникасы қағидаларының сақталуын, сондай-ақ қызметтік үй-жайлардағы ауа температурасын және жарықтандыруды қадағалайды.

      109. Қарауыл бойынша кезекшінің демалысы кезінде оның міндеттерін қарауыл бастығы (кезекші ауысым басшысы) тағайындаған басқа лауазымды тұлға орындайды.

      110. Гараж бойынша тәуліктік кезекшілер болып жүргізушілер немесе өрт сөндірушілер тағайындалады. Гараж бойынша тәуліктік кезекші:

      қарауыл бастығының (кезекші ауысым басшысы) өкімімен жүргізушілерді және қарауылдың жеке құрамын бекітілген автомобильдерге қызметтік міндеттерін орындау үшін ғана жібереді;

      гаражда белгіленген өртке қарсы режимін, тазалықтың және тәртіптің сақталуын қамтамасыз етеді, ауа температурасын ұстауды қадағалайды, түнгі мезгілде кезекші жарық қосады;

      өрт сөндіру техникасында, жылу жүйесінде анықталған кемшіліктер және басқа да кемшіліктер туралы дереу қарауыл бастығына (кезекші ауысым басшысына) баяндайды.

      111. Өрт сөндіру депосы ғимаратының қасбеті алдындағы бекетші болып жүргізушілер мен өрт сөндірушілер тағайындалады. Өрт сөндіру депосы ғимаратының қасбеті алдындағы бекетші бөлімше ғимаратының қасбетінде немесе арнайы бөлінген үй-жайда (бекетте) болады.

      112. Өрт сөндіру депосының қасбеті алдындағы бекетші:

      қарауыл орналасқан жерде өртке қарсы қызметі жеке құрамын, азаматтарды және көлік құралдарын бөлімше аумағына кіруге рұқсат беру тәртібін біледі;

      азаматтардың өрт (авариялар) туралы арыздарын қабылдайды және ол туралы қарауыл бастығына (кезекші ауысым басшысына) хабарлайды, үнемі көзге көрінетін жердегі жағдайды бақылап, өрт анықталған кезде ол жөнінде қарауыл бастығына (кезекші ауысым басшысына) хабарлайды;

      өрт сөндіру депосының гараж қақпасы алдында барлық көлік түрлерінің, сондай-ақ бөлімшенің жеке құрамына қатысы жоқ адамдардың аялдауына және тоқтауына жол бермейді, өрт сөндіру депосы ғимаратының қасбеті алдында тәртіп пен және тазалықты қадағалайды;

      бөлімшеге келген барлық тұлғалардан ("Қасбеті алдындағы бекетші азаматтық қорғау кіші сержанты Алпысбаев" нысаны бойынша таныстырудан кейін"), олардың келу мақсатын сұрайды, содан кейін қарауыл (кезекші ауысым) лауазымды тұлғаларды шақырту сигналын қолдана отырып, қарауыл бастығын (кезекші ауысым басшысын), ал ол болмаған немесе демалыста болған кезінде – қарауыл бойынша (кезекші ауысым) кезекшіні шақыртады.

Мемлекеттік өртке қарсы қызмет органдарының қатардағы және басшы құрамының ант қабылдау бойынша талаптары

      1. Қатардағы және басшы құрамының тұлғасы болып табылатын мемлекеттік өртке қарсы қызмет органдарының (бұдан әрі – МӨҚҚО) әрбір қызметкері жеке тәртіпте ант қабылдайды және оған өз қолын қойып бекітеді.

      2. МӨҚҚО қызметкері Қазақстан Республикасының Мемлекеттік Туы мен Комитеттің аумақтық бөлімшесінің немесе білім ұйымының туы алдында ант қабылдайды.

      3. Антты:

      қатардағы және басшы құрамының тұлғалары – алғашқы дайындықтан өткеннен және олардың негізгі қызметтік міндеттерін, анттың мәнін және МӨҚҚО тәртібінің талаптарын меңгергеннен кейін, бірақ тұрақты қызмет орнына келу күнінен бастап 6 айдан кешіктірмей;

      оқу орындарының бұрын ант қабылдамаған тыңдаушылары – оқуға қабылданған күнінен бастап 3 айдан кешіктірмей;

      орта, аға және жоғары басшы құрамының тұлғалары МӨҚҚО кадрларына кірген күнінен бастап 6 айдан кешіктірмей қабылдайды.

      4. Ант салтанатты жағдайда Комитеттің аумақтық бөлімшесі немесе білім ұйымы бастықтарының басшылығымен қабылданады.

      Ант қабылдаудың салтанатты шеруіне жергілікті атқарушы органдардың, қоғамдық ұйымдардың өкілдері мен қызмет ардагерлерін шақыруға болады.

      5. Ант қабылдау уақыты мен орны Комитеттің аумақтық бөлімшелері, өрт сөндіру мемлекеттік мекемесі және оқу орындары бастықтарының бұйрығымен жарияланады. Оған дейін ант қабылдаушымен ант қабылдау мәні, МӨҚҚО тарихи дамуы мен міндеттері жөнінде түсіндіру жұмыстары жүргізіледі.

      6. Жеке құрам белгіленген уақытта нысанды киіммен сапқа тұрады. Ант қабылдаушылар алдыңғы сапта (қатарда) тұрады.

      7. Ту сапқа тұру орнына белгіленген тәртіппен шығарылады. Антты салтанатты қабылдау алдында Қазақстан Республикасының Мемлекеттік Туы көтеріледі, жеке құрам Қазақстан Республикасының Мемлекеттік Гимнін орындайды. Мемлекеттік Гимн орындалғаннан кейін, басшылық қысқаша сөзінде анттың және Қазақстан Республикасының халқы мен Президентіне адал болуыға ант қабылдаған МӨҚҚО қызметкерлеріне жүктелетін сол бір құрметті және жауапты міндеттерінің мәнін түсіндіреді.

      Ант қабылдаушылар саптан кезекпен шақырылады, олардың әрқайсысы саптың алдында ант мәтінін мемлекеттік не орыс тілдерінде дауыстап оқиды, одан кейін ант қабылдау мәтіні бар арнайы бланкіге қол қояды және сапқа өз орнына тұрады.

Бастықтарға қатардағы және басшы құрамдағы адамдарды таныстыру тәртібі

      1. Мемлекеттік өртке қарсы қызмет органдарының қатардағы және басшы құрамдағы адамдары өздерінің тікелей бастықтарына:

      лауазымға тағайындалған кезде;

      арнаулы атақ берген кезде;

      көтермелеу, оның ішінде мемлекеттік наградамен наградтаған кезде таныстырылады.

      2. Таныстырылған кезде лауазымы, атағы, тeгi, сондай-ақ таныстыру ceбeбi айтылады. Мысалы: "Полковник мырза. Бөлім бастығы азаматтық қорғау майоры Ысқақов, атақ берілуіне байланысты өзімді таныстырамын".

      3. Гарнизонның жаңадан тағайындалған бастығы жеке құрамға саптың алдында, сондай-ақ кеңесте немесе жиналыста таныстырылады.

      4. Бөлімшеге келген тікелей бастықты не болмаса жоғары тұрған лауазымды тұлғаны гарнизонның бастығы қарсы алады және былай баяндайды:

      "Tік тұр" ("Тұр. Тік тұр") Полковник мырза, бөлімше жеке құрамы кызметтік міндеттерді орындауда. Оқиғалар орын алған жоқ. Бастық азаматтық қорғау подполковнигі Аманбаев".

      Басқа лауазымды адамдар келген бастыққа тек олармен қарым-қатынас кезінде таныстырылады.

_____________________ қаласының өртке қарсы қызмет гарнизоны бөлімшелерінің шығу КЕСТЕСІ

      Ескертпе:

      1) шығу кестесін әзірлеуге:

      елді мекендерде және ұйымдарда өрт сөндіру және авариялық-құтқару жұмыстарын жүргізу бойынша іс-қимылдарды алдын-ала жоспарлау;

      өрт сөндіру және авариялық-құтқару жұмыстарын жүргізу үшін шақыртудың жоғарғы нөмірі (дәрежесі) бойынша бөлімшелердің күштері мен құралдарын тартуды қажет ететін ұйымдардың тізбесін анықтау;

      көршілес гарнизондардың аумағында өрт сөндіру және авариялық-құтқару жұмыстарын жүргізу үшін бөлінуі мүмкін бөлімшелердің қосымша күштері мен құралдары санын анықтау жатады;

      шығу кестесін түзету қажеттілігіне қарай, бірақ екі жылда бір реттен кем емес жүргізіледі.

      2) шығу кестесіне:

      аумақ шекараларының, гарнизон бөлімшелерінің шығу ауданының сипаттамасы, өрт сөндіру кемелеріне арналған акваторийлер;

      бірінші хабарлама алынған кезде өрттің жоғарғы нөмірі (дәрежесі) бойынша күштер мен құралдар жіберілетін кәсіпорындардың тізбесі;

      қосалқы жұмыстарды орындау үшін өрт орнына тартылатын инженерлік техника құрамы қоса беріледі.

________________ аудандағы өртті сөндіруге күштер мен құралдарды жұмылдыру жоспары (кестесі)

      __________ ауданының гарнизон бастығы_______________________________

      (атағы, аты-жөні, тегі, қолы)

      Ескертпе:

      1) шығу кестесіне:

      аумақ шекараларының, гарнизон бөлімшелерінің шығу ауданының сипаттамасы, өрт сөндіру кемелеріне арналған акваторийлер;

      бірінші хабарлама алынған кезде өрттің жоғарғы нөмірі (дәрежесі) бойынша күштер мен құралдар жіберілетін кәсіпорындардың тізбесі қоса беріледі.

      2) Күштер мен құралдарды жұмылдыру жоспарын әзірлеуге:

      әкімшілік аудан аумағында орналасқан елді мекендерде және объектілерде өртті сөндіру және авариялық-құтқару жұмыстарын жүргізу бойынша іс-қимылдарды алдын ала жоспарлау;

      әкімшілік аудан аумағында өртті сөндіру және авариялық-құтқару жұмыстарын жүргізу үшін қажетті көршілес әкімшілік аудандардағы бөлімшелердің қосымша күштері мен құралдарының санын айқындау;

      басқа әкімшілік аудандардың аумағында өртті сөндіру және авариялық-құтқару жұмыстарын жүргізу үшін өртке қарсы қызмет бөлімшелерінің күштері мен құралдарын қайта орналастыруды қамтамасыз ету бойынша іс-шараларды әзірлеу жатады.

      Күштер мен құралдарды жұмылдыру жоспарын түзетулер қажеттілігіне қарай екі жылда бір реттен кем емес жүргізіледі.

20__жылғы "___"________ саптық жазба

      Гарнизон бойынша жауапты ________________________

      ӨСКБ кезекші ауысымы:

      Шұғыл кезекші____________________________

      Аға көмекші_______________________________

      Көмекші______________________________________

      Аға диспетчер_______________________________

      Диспетчер______________________________________

      Диспетчер (радиотелефоншы)______________________

      Ескертпе: Позициялар саны гарнизон бастығының шешімімен ұлғаюы мүмкін

Гарнизон қызметін ұйымдастыруды регламенттейтін құжаттар тізбесі

      Ескертпе:

      Құжаттарды әзірлеу тәртібін және олардың орындалуына (жаңартылуына) жауаптыларды гарнизон бастығы белгілейді.

Қызметті ұйымдастыру, дайындық және өрт сөндіру бойынша өртке қарсы қызмет бөлімшелерінің регламенттік құжаттарының тізбесі

      Ескертпелер:

      1. Құжаттарды әзірлеу тәртібін және олардың орындалуына (жаңартуға) жауапты тұлғаларды гарнизон бастығының орынбасары белгілейді.

      2. АҚ жөніндегі құжаттар қарауыл бастығының кабинетіндегі сейфте (жанбайтын металл шкаф) сақталады, сейф кілті қарауыл бастығында болуы қажет. Кезекшілікті қабылдау-тапсыру кезінде қарауыл бастықтары айқындаған тәртіпте тексереді және қабылдайды.

      3. №1 папка қарауыл бастығының кабинетінде, №2 папка бөлімнің байланыс пунктінде, №3 папка бөлімнің байланыс пункті сейфінде сақталады.

      4. Бөлімше бастығы айына кемінде бір рет барлық құжаттардың сақталу, жүргізілу, қолдану тәртібін бақылайды және оларға уақытында түзетулер немесе нақтылауды енгізеді.

Байланыс құралдарын қабылдау-тапсыру журналы

Тәуліктің түнгі мезгілінде балалар, емдеу және басқа да мекемелерде болатын адамдарды есепке алу журналы

Бөлімшенің шығуын есепке алу ЖУРНАЛЫ

      Ескертпе:

      Бөлімшенің шығуын есепке алу журналы тігіліп, нөмірленіп және мөрмен бекітіледі.

Өртке қарсы қызмет бөлімшелері қарауылының күн тәртібі (үлгілік)

      Ескертпелер:

      1. Өрт сөндіру мемлекеттік мекемесі бөлімшесі қарауылының күн тәртібі өрт сөндіру мемлекеттік мекемесі басшысының бұйрығымен бекітіледі.

      2. Өрт сөндіру-тактикалық дайындық бойынша 4-оқу сағатын жоспарлаған кезде, сабақ ӨСҚ бойынша нормативтерді өңдеуге және тапсыруға күн тәртібімен бөлінген уақыт есебінде жүргізіледі.

      Қызмет кітабының 1-парағы

      (мұқаба парағы)

      ___________________________________

      ________________________ өрт сөндіру бөлімінің

      қызмет кітабы

      Басталды:_________________

      Аяқталды:_____________

      Қызмет кітабының жалғасы

      2-парағы. (сегіз парақ бөлінеді)

20__ жылғы "____"_________________ _____________________қарауылдың жеке құрамының ТІЗІМІ

      Қарауыл бастығы __________________________

                              (атағы, Т.А.Ә. қолы)

      Қызмет кітабының жалғасы

      10-парақ. (кезекшілік кезіне бір

      парақ бөлінеді)

      қалалар мен елді мекендерді қорғайтын

      өрт сөндіру бөлімдері, мамандандырылған

      өрт сөндіру бөлімдері үшін

      БЕКІТЕМІН

      Өрт сөндіру бөлімінің бастығы

____________________ қарауылдың қызмет наряды

      20_ жылғы "___"______ сағ.____ден 20_ жылғы"___"_________ сағ. ____дейін.

      Қарауыл бастығы ________, диспетчер (радиотелефонист)________

      _________________

      1. Қарауыл құрамы

      Тізім бойынша____, барлығы_____, есепте___, демалыста____, іссапарда___, ауруы бойынша жоқ____, басқа себептер____.

      Есеп

      Есепте: - сығымдалған ауадағы аппараттар _________________________________

      - бірге алып жүретін радиостанциялар_______________________________

      - дозиметрлік аспаптар ____________________________________________

      - қорғаныш костюмдері __________________________________________

      Резервте: - өрт сөндіру автомобильдері______________________________________

      - сығымдалған ауадағы аппараттар___________________________________

      Ішкі наряд

      Қызмет кітабының жалғасы

      11-парақ

      (кезекшілік кезіне арналады)

      Тексерген

      __________________ бастығы

      (қолы)

      1. Қарауыл қызметінің нәтижелері:

      өртке, аварияларға, сабаққа және т.б. шығулар

      Өртке қарсы сумен жабдықтаудың табылған жарамсыздықтары

      және шығу ауданындағы жабық өту жолдары

      ________________________________________________________________________________

      _______________________________________________________________________________

      ________________________________________________________________________________

      Істен шыққан немесе зақымдалған ӨТЖ, өрт сөндіру жеңқұбырлар, басқа да техникалық құралдар

      Қарауылдағы оқиғалар

      (тәртіпті, қауіпсіздік техникасы мен басқа да бұзушылықтар)

      __________________________________________________________________________________________________________________________________________________________________________________________________________________________________________

      Ішкі нарядтың қызметті өткеруін тексеру кезінде

      ашылған кемшіліктер

      __________________________________________________________________________________________________________________________________________________________________________________________________________________________________________

      Кезекшілікті қабылдау-тапсыру кезінде ашылған кемшіліктер
________________________________________________________________________________________________________________________________________________________________________________________________________________________________________________

      Кезекшілікті тапсырды____________________ Кезекшілікті қабылдады_____________

      Қызметтік кітапты бітіру

      10-парақ (он парақ бөлінеді)

Қарауыл қызметінің ұйымдастырылуын тексеру нәтижелерін есепке алу

      Ескертпелер:

      1. Қызмет кітабы 200 параққа (6 айға) есептелген және оны толтырғаннан кейін 3 жыл сақталады.

      2. Қарауыл қызметін ұйымдастыруды тексеруші тұлға өрт сөндіру және авариялық-құтқару жұмыстарын жүргізу бойынша іс-қимылдарға қарауылдың әзірлігіне әсер ететін анықталған кемшіліктерді жоюға кезек күттірмейтін шараларды қабылдап, қарауыл қызметін ұйымдастыруды тексеру нәтижелерін есепке алу бөлімінде тиісті жазба жүргізеді.

      3. Қызмет кітабының беттері нөмірленген, тігілген, мөрмен және бөлімше басшысының қолымен бекітілген болуы тиіс.