"Өсiмдiктердi қорғау мақсатында ауыл шаруашылығы дақылдарын өңдеуге арналған гербицидтердiң, биоагенттердiң (энтомофагтардың) және биопрепараттардың құнын субсидиялау қағидаларын бекіту туралы" Қазақстан Республикасы Ауыл шаруашылығы министрінің 2016 жылғы 5 мамырдағы № 204 бұйрығына өзгеріс енгізу туралы

      БҰЙЫРАМЫН:

      1. "Өсiмдiктердi қорғау мақсатында ауыл шаруашылығы дақылдарын өңдеуге арналған гербицидтердiң, биоагенттердiң (энтомофагтардың) және биопрепараттардың құнын субсидиялау қағидаларын бекіту туралы" Қазақстан Республикасы Ауыл шаруашылығы министрінің 2016 жылғы 5 мамырдағы № 204 бұйрығына (Нормативтік-құқықтық актілерді мемлекеттік тіркеу тізілімінде № 13717 болып тіркелген, "Әділет" ақпараттық-құқықтық жүйесінде 2016 жылғы 23 мамырда жарияланған) мынадай өзгеріс енгізілсін:

      көрсетілген бұйрықпен бекітілген Өсiмдiктердi қорғау мақсатында ауыл шаруашылығы дақылдарын өңдеуге арналған гербицидтердiң, биоагенттердiң (энтомофагтардың) және биопрепараттардың құнын субсидиялау қағидалары осы бұйрыққа қосымшаға сәйкес жаңа редакцияда жазылсын.

      2. Қазақстан Республикасы Ауыл шаруашылығы министрлігінің Тамақ қауіпсіздігі департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі баспа және электрондық түрдегі көшірмесінің ресми жариялау және Қазақстан Республикасы нормативтік құқықтық актілерінің эталондық бақылау банкіне қосу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

      4) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ақпарат және коммуникациялар

      министрі

      ____________ Д. Абаев

      2017 жылғы 17 ақпан

      "КЕЛІСІЛДІ"

      Қазақстан Республикасының

      Инвестициялар және даму министрі

      _____________ Ж. Қасымбек

      2017 жылғы 22 ақпан

      "КЕЛІСІЛДІ"

      Қазақстан Республикасының

      Қаржы министрі

      _____________ Б. Сұлтанов

      2017 жылғы 23 ақпан

      "КЕЛІСІЛДІ"

      Қазақстан Республикасының

      Ұлттық экономика министрі

      ___________ Т. Сүлейменов

      2017 жылғы 15 ақпан

Өсімдіктерді қорғау мақсатында ауыл шаруашылығы дақылдарын өңдеуге арналған гербицидтердің, биоагенттердің (энтомофагтардың) және биопрепараттардың құнын субсидиялау қағидалары

1-тарау. Жалпы ережелер

      1. Осы Өсімдіктерді қорғау мақсатында ауыл шаруашылығы дақылдарын өңдеуге арналған гербицидтердің, биоагенттердің (энтомофагтардың) және биопрепараттардың құнын субсидиялау қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңының 6-бабы 1-тармағының 41) тармақшасына сәйкес әзірленді және өсімдіктерді қорғау мақсатында ауыл шаруашылығы дақылдарын өңдеу үшін пайдаланылған гербицидтердің, биоагенттердің (энтомофагтардың) және биопрепараттардың құнын субсидиялау тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) биоагенттерді (энтомофагтарды) және биопрепараттарды жеткізуші – биоагенттерді (энтомофагтарды) және биопрепараттарды өндіруді және (немесе) биоагенттерді (энтомофагтарды) және Қазақстан Республикасының заңнамасына сәйкес тіркелген биопрепараттарды өткізуді жүзеге асыратын жеке немесе заңды тұлға;

      2) биопрепараттың, биоагенттің (энтомофагтың) ең төменгі құны (баға ұсынысы) – тиісті жылға арналған субсидиялау нормасын белгілеу үшін баға ұсыныстарын талдау арқылы облыстың, республикалық маңызы бар қаланың, астананың жергілікті атқарушы органы айқындайтын, биопрепараттың, биоагенттің (энтомофагтың) Қазақстан Республикасы аумағында қалыптасқан ең төменгі нарықтық бағасы;

      3) гербицидтерді жеткізуші – Қазақстан Республикасының заңнамасына сәйкес тіркелген гербицидтерді өндіруді (формуляциялауды) және (немесе) өткізуді жүзеге асыратын жеке немесе заңды тұлға;

      4) гербицидтің немесе сол тектестің ең төменгі құны (баға ұсынысы) – тиісті жылға арналған субсидия нормасын белгілеу үшін баға ұсыныстарын талдау арқылы облыстың, республикалық маңызы бар қаланың, астананың жергілікті атқарушы органы айқындайтын, гербицидтің немесе құрамы мен әрекет етуші затының (заттарының) концентрациясы бойынша оған тектестің (тектестердің) Қазақстан Республикасы аумағында қалыптасқан ең төменгі нарықтық бағасы;

      5) отандық өсімдіктерді қорғау құралдарын өндіруші (бұдан әрі – ӨҚҚ өндіруші) – Қазақстан Республикасы аумағында гербицидтерді, биоагенттерді (энтомофагтарды) және биопрепараттарды өндіруді жүзеге асыратын және арнайы жарақтандырылған өндірістік жайлары, биозертханалары, биофабрикалары бар, биоагенттерді (энтомофагтарды) және (немесе) Қазақстан Республикасының заңнамасына сәйкес тіркелген гербицидтер мен биопрепараттарды өткізуді жүзеге асыратын жеке немесе заңды тұлға;

      6) өсімдіктерді қорғау құралдары (бұдан әрі – ӨҚҚ) – өсімдіктерді қорғау мақсатында ауыл шаруашылығы дақылдарын өңдеуге арналған гербицидтер, биоагенттер (энтомофагтар) және биопрепараттар;

      7) субсидия – өсімдіктерді қорғау мақсатында ағымдағы жылы ауыл шаруашылығы дақылдарын, жер учаскесін (учаскелерін) өңдеуге пайдаланылған ӨҚҚ құнын өтеу.

      3. ӨҚҚ сатып алу жөніндегі шығындарды өтеуге арналған субсидияларды төлеу жергілікті бюджетте тиісті қаржы жылына көзделген қаражат есебінен және шегінде жүзеге асырылады.

      4. Гербицидтердің 1 литріне (килограмына) арналған субсидиялар нормасы олардың құрамы мен әрекет етуші затының (заттарының) концентрациясына қарай абсолютті мәнде (теңге) белгіленеді. Құрамы мен әрекет етуші затының (заттарының) концентрациясы бойынша тектесі (тектестері) бар гербицидтің 1 литріне (килограмына) арналған субсидия нормасы гербицидтің немесе оған тектестің ең төменгі құнының (баға ұсынысының) жартысынан аспайтын соманы құрайды. Құрамы мен әрекет етуші затының (заттарының) концентрациясы бойынша тектесі (тектестері) жоқ гербицидтің 1 литріне (килограмына) арналған субсидия нормасы тиісті гербицидтің ең төменгі құнының (баға ұсынысының) жартысынан аспайтын соманы құрайды.

      Олар бойынша субсидиялар нормасы белгіленетін гербицидтер тізбесі, сондай-ақ олардың құрамы мен әрекет етуші затының (заттарының) концентрациясы "Өсімдіктерді қорғау туралы" 2002 жылғы 3 шілдедегі Қазақстан Республикасы Заңының 6-бабы 1-тармағының 9) тармақшасында көзделген тәртіппен бекітілетін Қазақстан Республикасында қолдануға рұқсат етілген пестицидтердің (улы химикаттардың) тізіміне (бұдан әрі – Пестицидтердің (улы химикаттардың) тізімі) сәйкес айқындалады.

      Сатып алынған биопрепараттардың, биоагенттердің (энтомофагтардың) 1 грамына (данасына) арналған субсидиялар нормасы абсолютті мәнде (теңге) тиісті биопрепараттың, биоагенттің (энтомофагтың) ең төменгі құнының (баға ұсынысының) 40 %-нан (қоса алғанда) асырылмай белгіленеді.

      5. Субсидияланатын ӨҚҚ түрлерінің тізбесі және белгіленетін субсидиялар нормасын негіздейтін құжаттарды (субсидиялауға жататын ӨҚҚ түрлерінің көлемдері бойынша есептеулерді және өтінім берілген ӨҚҚ тиісті түрлеріне қалыптасқан нарықтық бағаларды растайтын жеткізушілердің баға ұсыныстарын) қоса бере отырып, 1 бірлікке (литрге, килограмға, грамға, данаға) арналған субсидиялар нормалары екі данада облыс, республикалық маңызы бар қала, астана әкімінің орынбасары қол қойған ілеспе хатпен Қазақстан Республикасы Ауыл шаруашылығы министрлігіне (бұдан әрі – Министрлік) мақұлдауға ұсынылады.

      Министрліктің субсидияланатын ӨҚҚ түрлерінің тізбесін және субсидиялар нормаларын қарау мерзімі хат келіп түскен күннен бастап он жұмыс күнін құрайды.

      Оң шешім қабылданған жағдайда Министрлік субсидияланатын ӨҚҚ тізбесінің және 1 бірлікке (литрге, килограмға, грамға, данаға) арналған субсидиялар нормаларының бір данасын тиісті ілеспе хатпен кері қайтарады.

      Теріс шешім қабылданған жағдайда Министрлік субсидияланатын ӨҚҚ тізбесінің және 1 бірлікке (литрге, килограмға, грамға, данаға) арналған субсидиялар нормаларының екі данасын да мақұлдаудан дәлелді бас тартуы бар хатпен кері қайтарады. Бұл ретте пысықталған субсидияланатын ӨҚҚ түрлерінің тізбесі және субсидиялар нормалары бес жұмыс күні ішінде Министрлікке қайта қарауға жіберіледі.

      Субсидияланатын ӨҚҚ түрлерінің тізбесі және 1 бірлікке (литрге, килограмға, грамға, данаға) арналған субсидиялардың нормалары Министрлікпен мақұлданғаннан кейін облыстың, республикалық маңызы бар қаланың, астананың жергілікті атқарушы органының қаулысымен (бұдан әрі – қаулы) бекітіледі.

      Облыстың, республикалық маңызы бар қаланың, астананың жергілікті атқарушы органы қаулыны мемлекеттік тіркеуді жүргізгеннен және тиісті интернет-ресурста орналастырғаннан кейін екі жұмыс күні ішінде Министрлікті оның орналастырылғаны туралы хабардар етеді.

      Субсидияланатын ӨҚҚ түрлерінің тізбесіне және 1 бірлікке (литрге, килограмға, грамға, данаға) арналған субсидиялар нормаларына өзгерістер және (немесе) толықтырулар енгізу Қағидалардың осы тармағының бірінші – алтыншы бөліктерінде көзделген тәртіппен жүзеге асырылады.

      Министрлік қаулыны оның бұрын мақұлданған субсидияланатын ӨҚҚ түрлерінің тізбесіне және 1 бірлікке (литрге, килограмға, грамға, данаға) субсидиялардың нормаларына сәйкестігі тұрғысынан салыстырып тексереді.

      6. Облыстың (бұдан әрі – облыс басқармасы), республикалық маңызы бар қаланың, астананың (бұдан әрі – қала басқармасы) жергілікті атқарушы органының ауыл шаруашылығы басқармасы оны бекіткеннен кейін үш жұмыс күні ішінде ӨҚҚ құнын субсидиялау жөніндегі жеке ай сайынғы қаржыландыру жоспарын тиісті интернет-ресурста орналастырады.

2-тарау. Субсидияларды алушылар

      7. Субсидиялар:

      1) гербицидтерді ағымдағы жылы және өткен жылдың 4 (төртінші) тоқсанында сатып алуға кеткен шығындарын өтеу үшін ауыл шаруашылығы өнімін өндіруді жүзеге асыратын және осы Қағидалардың 8-тармағының 2) тармақшасының талаптарына сай келетін ауыл шаруашылығы кооперативтерін қоса алғанда, ауыл шаруашылығы тауарын өндірушілерге;

      2) биоагенттерді (энтомофагтарды) және биопрепараттарды ағымдағы жылы сатып алуға кеткен шығындарын өтеу үшін ауыл шаруашылығы тауарын өндірушілерге;

      3) ауыл шаруашылығы тауарын өндірушілерге оларды арзандатылған құны бойынша өткізу шартымен ӨҚҚ өндірушілерге төленеді.

3-тарау. Субсидияларды алу шарттары

      8. Субсидиялар мынадай шарттар сақталған кезде төленеді:

      1) ауыл шаруашылығы тауарын өндірушінің "Азаматтарға арналған үкімет" мемлекеттік корпорациясы" коммерциялық емес акционерлік қоғамына (бұдан әрі – Мемлекеттік корпорация):

      осы Қағидаларға 1-қосымшаға сәйкес нысан бойынша сатып алынған гербицидтерге субсидиялар алуға өтінім;

      осы Қағидаларға 2-қосымшаға сәйкес нысан бойынша толық құны бойынша сатып алынған биоагенттерге (энтомофагтарға) және биопрепараттарға субсидиялар алуға өтінім беруі.

      ӨҚҚ-ны арзандатылған құны бойынша ӨҚҚ өндірушіден шарт негізінде сатып алған кезде, ауыл шаруашылығы тауарын өндіруші осы Қағидаларға 3-қосымшаға сәйкес нысан бойынша гербицидтерді, биоагенттерді (энтомофагтарды) және биопрепараттарды арзандатылған құны бойынша ӨҚҚ өндірушіден сатып алған кезде тиесілі субсидияларды ӨҚҚ өндіруші пайдасына төлеу туралы өтінім (бұдан әрі – тиесілі субсидияларды төлеу туралы өтінім) береді. Мұндай жағдайда, субсидия ӨҚҚ өндірушіге төленеді.

      Ауыл шаруашылығы тауарын өндіруші өтінімді немесе тиесілі субсидияларды төлеу туралы өтінімді алғашқы рет берген, ауыл шаруашылығы тауарын өндіруші және (немесе) ӨҚҚ өндіруші банк деректемелерін, жеке деректерін немесе заңды тұлғаның деректерін өзгерткен жағдайда, өтінімге немесе тиесілі субсидияларды төлеу туралы өтінімге Қазақстан Республикасы Қаржы министрінің 2014 жылғы 4 желтоқсандағы № 540 бұйрығымен (Нормативтік құқықтық актілерді мемлекеттік тіркеу тізілімінде № 9934 болып тіркелген) бекітілген Бюджеттің атқарылуы және оған кассалық қызмет көрсету ережесінің 189-тармағының 1) және 2) тармақшаларында көзделген құжаттар қоса беріледі.

      Өтінімді және (немесе) тиесілі субсидияларды төлеу туралы өтінімді қабылдау кезінде ауыл шаруашылығы тауарын өндірушіге тиісті құжаттарды қабылдау туралы қолхат беріледі;

      2) ауыл шаруашылығы тауарын өндірушіде жер пайдалану және (немесе) жеке меншік құқығында ауыл шаруашылығы мақсатындағы жер учаскесінің (учаскелерінің) болуы.

4-тарау. Субсидияларды есептеу тәртібі

      9. Субсидиялар ауыл шаруашылығы тауарын өндіруші өтінім берген ӨҚҚ түрлері мен көлемдерін негізге ала отырып, мынадай формула бойынша есептеледі:

      С = Np х S х Nc, мұнда

      С – тиесілі субсидиялар сомасы, теңге;

      Np – гербицидтің, биопрепараттың 1 гектарға (литр/гектар, килограмм/гектар) шығыс нормасы (Пестицидтердің (улы химикаттардың) тізімінде көрсетілген қолдану нормаларын ескере отырып) немесе биоагенттің (энтомофагтың) 1 гектарға (грамм/гектар, дана/гектар) шығыс нормасы (Министрліктің ресми интернет-ресурсында орналастырылған ғылыми негізделген қолдану нормаларын ескере отырып);

      S – ӨҚҚ қолдану алаңы (гектар);

      Nc – ӨҚҚ субсидиясының нормасы (осы Қағидалардың 4 және 5-тармағына сәйкес айқындалады).

      Ауыл шаруашылығы тауарын өндіруші субсидия нормасы есептелген ӨҚҚ құнынан төмен ӨҚҚ-ға өтінім берген жағдайда субсидиялар нормасы сатып алынған ӨҚҚ-ның нақты құнынан есептеледі.

      Ауыл шаруашылығы тауарын өндіруші субсидия нормасы есептелген ӨҚҚ құнынан жоғары ӨҚҚ-ға өтінім берген жағдайда, субсидиялар бекітілген субсидия нормасы есептелген ӨҚҚ құны бойынша төленеді.

5-тарау. Субсидияларды төлеу тәртібі

      10. Өтінімдерді және тиесілі субсидияларды төлеу туралы өтінімдерді қабылдау тиісті жылдың 1 наурызында басталады және 10 желтоқсанында аяқталады.

      11. Ауданның (облыстық маңызы бар қаланың) ауыл шаруашылығы бөлімі (бұдан әрі – бөлім), қала басқармасы ауыл шаруашылығы тауарын өндіруші өтінім және (немесе) тиесілі субсидияларды төлеу туралы өтінім келіп түскен күннен бастап екі жұмыс күні ішінде:

      1) осы Қағидалардың 7 және 8-тармақтарында көрсетілген шарттарға сәйкестігі тұрғысынан өтінімді;

      2) осы Қағидалардың 7 және 8-тармақтарында көрсетілген шарттарға сәйкестігі тұрғысынан тиесілі субсидияларды төлеу туралы өтінімді тексереді, сондай-ақ Осы Қағидалардың 14-тармағына сәйкес ӨҚҚ өндіруші ұсынатын ӨҚҚ нақты өткізу көлемдері жөніндегі тізілімде (бұдан әрі – Тізілім) ауыл шаруашылығы тауарын өндірушінің бар-жоғын анықтайды.

      12. Бөлім өтінімді немесе тиесілі субсидияларды төлеу туралы өтінімді тексеруді аяқтағаннан кейін бір жұмыс күні ішінде:

      1) облыс басқармасына осы Қағидаларға 4-қосымшаға сәйкес нысан бойынша аудан (облыстық маңызы бар қала) әкімінің қолы қойылған мақұлданған өтінімдердің тізімін және осы Қағидаларға 5-қосымшаға сәйкес нысан бойынша тиесілі субсидияларды төлеу туралы мақұлданған өтінімдердің тізімін жолдайды;

      2) ӨҚҚ өндірушіге осы Қағидаларға 5-қосымшаға сәйкес нысан бойынша тиесілі субсидияларды төлеу туралы мақұлданған өтінімдердің тізімін жолдайды;

      3) өтінімнің және (немесе) тиесілі субсидияларды төлеу туралы өтінімнің мақұлданғаны туралы не субсидияларды ұсынбау себептерін көрсете отырып, өтінімді және (немесе) тиесілі субсидияларды төлеу туралы өтінімді қайтару туралы ауыл шаруашылығы тауар өндірушіні жазбаша хабардар етеді.

      Бұл ретте бөлім, осы Қағидаларға 6-қосымшаға сәйкес нысан бойынша субсидияны ұсынудан бас тарту себептерін көрсете отырып, ӨҚҚ-ға субсидиялар ұсынуда теріс шешім қабылданған ауыл шаруашылығы тауарын өндірушілердің тізбесін жасайды және оны ай сайын есепті айдан кейінгі айдың 5-күніне дейін облыс басқармасына ұсынады.

      Субсидияларды ұсынуда теріс шешім қабылдау "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының (бұдан әрі – Заң) 19-1- бабы 2-тармағында белгіленген негіздер бойынша жүргізіледі.

      13. Облыс басқармасы осы Қағидаларға 4-қосымшаға сәйкес нысан бойынша мақұлданған өтінімдер тізімі және осы Қағидаларға 5-қосымшаға сәйкес нысан бойынша мақұлданған тиесілі субсидияларды төлеу туралы өтінімдер тізімі келіп түскеннен кейін екі жұмыс күні ішінде аумақтық қазынашылық бөлімшесіне ауыл шаруашылығы тауарын өндірушілердің немесе ӨҚҚ өндірушілердің шоттарына субсидияларды аудару үшін төлеуге төлем құжаттарын ұсынады.

      Сонымен бір мезгілде облыс басқармасы осы Қағидаларға 4-қосымшаға сәйкес нысан бойынша мақұлданған өтінімдердің тізімін, осы Қағидаларға 5-қосымшаға сәйкес нысан бойынша тиесілі субсидияларды төлеу туралы мақұлданған өтінімдердің тізімін және осы Қағидаларға 6-қосымшаға сәйкес нысан бойынша ӨҚҚ-ға субсидияларды ұсынуда теріс шешім қабылданған ауыл шаруашылығы тауарын өндірушілердің тізбесін жасайды және оны тиісті интернет-ресурста орналастырады.

      14. ӨҚҚ өндіруші тиесілі субсидияларды төлеу туралы мақұлданған өтінімдердің тізімі келіп түскеннен кейін ай сайын, есепті айдан кейінгі айдың 5-күніне дейінгі мерзімде бөлімге, қала басқармасына, облыс басқармасына осы Қағидаларға 7-қосымшаға сәйкес нысан бойынша Өсімдіктерді қорғау құралдарын нақты өткізу көлемдері бойынша тізілімді ұсынады.

      15. Қала басқармасы өтінім мен тиесілі субсидияларды төлеу туралы өтінімді тексеруді аяқтағаннан кейін:

      1) ӨҚҚ өндірушіге бір жұмыс күні ішінде осы Қағидаларға 5-қосымшаға сәйкес нысан бойынша тиесілі субсидияларды төлеу туралы мақұлданған өтінімдердің тізімін жолдайды;

      2) бір жұмыс күні ішінде ауыл шаруашылығы тауарын өндірушіні өтінімді және (немесе) тиесілі субсидияларды төлеу туралы өтінімді мақұлдағаны туралы, не субсидияларды ұсынбау себептерін көрсете отырып, өтінімді және (немесе) тиесілі субсидияларды төлеу туралы өтінімді қайтару туралы жазбаша хабардар етеді;

      3) екі жұмыс күні ішінде аумақтық қазынашылық бөлімшесіне ауыл шаруашылығы тауарын өндірушілердің немесе ӨҚҚ өндірушілердің шоттарына субсидияларды аудару үшін төлеуге төлем құжаттарын жолдайды.

      Сонымен бір мезгілде қала басқармасы осы Қағидаларға 4-қосымшаға сәйкес нысан бойынша мақұлданған өтінімдердің тізімін, осы Қағидаларға 5-қосымшаға сәйкес нысан бойынша тиесілі субсидияларды төлеу туралы мақұлданған өтінімдердің тізімін және осы Қағидаларға 6-қосымшаға сәйкес нысан бойынша ӨҚҚ-ға субсидияларды ұсынуда теріс шешім қабылданған ауыл шаруашылығы тауарын өндірушілердің тізбесін жасайды және оны тиісті интернет-ресурста орналастырады. Бір жұмыс күні ішінде ӨҚҚ өндірушіге осы Қағидаларға 4-қосымшаға сәйкес нысан бойынша тиесілі субсидияларды төлеу туралы мақұлданған өтінімдер тізімін жолдайды.

      Субсидияларды ұсынуда теріс шешім қабылдау Заңның 19-1-бабы 2-тармағында белгіленген негіздер бойынша жүргізіледі.

      Осы Қағидалардың 11-тармағына сәйкес тексеру нәтижелері бойынша мақұлданған өтінімдер және (немесе) тиесілі субсидияларды төлеу туралы өтінімдер бойынша субсидияларды төлеу үшін қаражат жетіспеген жағдайда, мұндай өтінімдер бойынша субсидияларды төлеу келесі қаржы жылында берілген өтінімдерді және (немесе) тиесілі субсидияларды төлеу туралы өтінімдерді қарау басталғанға дейін, олардың келіп түсу күніне сәйкес кезектілік бойынша келесі қаржы жылы басым тәртіппен жүзеге асырылады.

6-тарау. Субсидиялау жөніндегі есептілік

      16. Облыс басқармасы (қала басқармасы) ағымдағы жылғы 25 желтоқсанға дейінгі мерзімде Министрлікке:

      1) осы Қағидаларға 8-қосымшаға сәйкес нысан бойынша гербицидтерге арналған субсидияларды пайдалану туралы жиынтық ақпаратты;

      2) осы Қағидаларға 9-қосымшаға сәйкес нысан бойынша биоагенттерге (энтомофагтарға) және биопрепараттарға арналған субсидияларды пайдалану туралы жиынтық ақпаратты;

      3) субсидиялар ұсынбау себептерін көрсете отырып, ӨҚҚ-ға субсидиялар ұсынуда теріс шешім қабылданған ауыл шаруашылығы тауарын өндірушілер туралы ақпаратты ұсынады.

      ӨҚҚ-ға субсидияларды пайдалану туралы жиынтық ақпарат облыстар, республикалық маңызы бар қала және астана әкімдіктерінің интернет-ресурстарында ағымдағы жылғы 31 желтоқсаннан кешіктірілмей орналастырылады.

      ______________________________________________________________________________,

      (облыстың, облыстық маңызы бар қаланың, ауданның, астананың,

      ______________________________________________________________________________

      республикалық маңызы бар қаланың жергілікті атқарушы органының толық атауы)

      ______________________________________________________________________________

      (заңды тұлғаның толық атауы, жеке тұлғаның тегі, аты, әкесінің аты (бар болған жағдайда))

Сатып алынған гербицидтерге субсидиялар алуға өтінім

      Маған ____________________________________ литр (килограмм) көлемінде, 

                   (гербицидтердің түрі)

      __________________________________________ литр (килограмм) көлемінде,

                   (гербицидтердің түрі)

      __________________________________________ литр (килограмм) көлемінде,

                   (гербицидтердің түрі)

      өсімдіктерді қорғау үшін ағымдағы жылы қолданған, гербицидтерді жеткізушіден толық

      құны бойынша сатып алған гербицидтер үшін субсидия төлеуді сұраймын.

      Ескертпе:

      *өтінім берушіден көрсетілген құжаттардың түпнұсқасын және көшірмесін талап етуге жол берілмейді;

      **жоғарыда баяндалған кестенің 3-жолында көрсетілген мәліметтер субсидия тиесілі ауыл шаруашылығы кооперативінің әр мүшесіне толтырылады;

      ***көрсетілген құжаттардағы мәліметтер гербицидтің әрбір түріне толтырылады;

      ****жоғарыда баяндалған кестенің 13-жолында көрсетілген мәліметтер гербицидтерді сүрі танапта қолданылған кезде толтырылмайды.

Гербицидтерге тиесілі субсидияларды есептеу

      Кестенің жалғасы

      Ұсынылған ақпараттың дұрыстығын растаймын, дұрыс емес мәліметтер ұсынғаным

      үшін Қазақстан Республикасының заңнамасына сәйкес жауапкершілік туралы хабардармын

      және заңмен қорғалатын құпияны құрайтын мәліметтерді пайдалануға келісім беремін.

      Басшы _________ ________________________________________________________________

             (қолы)             (тегі, аты, әкесінің аты (жеке басын куәландыратын

                                          құжатта бар болған жағдайда))

      Бас бухгалтер (бар болған жағдайда)___________ _____________________________________

                                     (қолы)             (тегі, аты, әкесінің аты (жеке басын

                                           куәландыратын құжатта бар болған жағдайда))

      20__жылғы "___"______________

      Өтінім 20__жылғы "__"_______ сағат__ минутта қарастыруға қабылданды

      _____________________________________________________________________ __________

       (өтінімді қабылдаған жауапты адамның тегі, аты, әкесінің аты                   (қолы)

                   (бар болған жағдайда),

      ______________________________________________________________________________,

                   (облыстың, облыстық маңызы бар қаланың, ауданның,

      ______________________________________________________________________________

             астананың, республикалық маңызы бар қаланың жергілікті атқарушы

                               органының толық атауы)

      ______________________________________________________________________________

                   (заңды тұлғаның толық атауы, жеке тұлғаның тегі, аты, әкесінің

                               аты (бар болған жағдайда)

Өсімдіктерді қорғау үшін толық құны бойынша сатып алынған биоагенттерге (энтомофагтарға) және биопрепараттарға субсидияларды алуға өтінім

      Маған __________________________ (дана, грамм, килограмм, литр) көлемінде,

       (биоагенттердің (энтомофагтардың) және биопрепараттардың түрлері)

      ________________________________ (дана, грамм, килограмм, литр) көлемінде,

       биоагенттердің (энтомофагтардың) және биопрепараттардың түрлері)

      ________________________________ (дана, грамм, килограмм, литр) көлемінде

      (биоагенттердің (энтомофагтардың) және биопрепараттардың түрлері)

      өсімдіктерді қорғау үшін ағымдағы жылы биоагенттерді (энтомофагтарды) және

      биопрепараттарды жеткізушіден толық құны бойынша сатып алған биоагенттер

      (энтомофагтар) және биопрепараттар үшін субсидия төлеуді сұраймын.

      Ескертпе:

      *өтінім берушіден көрсетілген құжаттардың түпнұсқасын және көшірмесін талап етуге жол берілмейді;

      **жоғарыда баяндалған кестенің 3-жолында көрсетілген мәліметтер субсидия тиесілі ауыл шаруашылығы кооперативінің әр мүшесіне толтырылады;

      ***көрсетілген құжаттардағы мәліметтер биоагенттің (энтомофагтың) және биопрепараттың әрбір түріне толтырылады;

      ****жоғарыда баяндалған кестенің 13-жолында көрсетілген мәліметтер биопрепаратты сүрі танапқа енгізген кезде толтырылмайды.

Биоагенттерге (энтомофагтарға) тиесілі субсидияларды есептеу

      Кестенің жалғасы

Биопрепараттарға тиесілі субсидияларды есептеу

      Кестенің жалғасы

      Ұсынылған ақпараттың дұрыстығын растаймын, дұрыс емес мәліметтер ұсынғаным

      үшін Қазақстан Республикасының заңнамасына сәйкес жауапкершілік туралы хабардармын

      және заңмен қорғалатын құпияны құрайтын мәліметтерді пайдалануға келісім беремін.

      Басшы _________ _______________________________________________________________

             (қолы)       (тегі, аты, әкесінің аты (жеке басын куәландыратын құжатта бар

                                           болған жағдайда)

      Бас бухгалтер (бар болған жағдайда) __________ _____________________________________

                                     (қолы)        (тегі, аты, әкесінің аты (жеке басын

                                           куәландыратын құжатта бар болған жағдайда)

      20__жылғы "___"______________

      Өтінім 20__жылғы "__"_______ сағат__ минутта қарастыруға қабылданды

      __________________________________________________________________ _____________

       (өтінімді қабылдаған жауапты адамның тегі, аты, әкесінің аты                  (қолы)

                         (бар болған жағдайда),

      ______________________________________________________________________________

                   (облыстың, облыстық маңызы бар қаланың, ауданның,

      ______________________________________________________________________________

             астананың, республикалық маңызы бар қаланың жергілікті атқарушы

                               органының толық атауы)

      ______________________________________________________________________________

                   (заңды тұлғаның толық атауы, жеке тұлғаның тегі, аты, әкесінің

      ______________________________________________________________________________

                               аты (бар болған жағдайда)

Гербицидтерді, биоагенттерді (энтомофагтарды) және биопрепараттарды өсімдіктерді қорғау құралдарын өндірушіден арзандатылған құны бойынша сатып алған кезде тиесілі субсидияларды өсімдіктерді қорғау құралдарын өндірушінің пайдасына төлеу туралы өтінім

      Осымен ____________________ (дана, грамм, килограмм, литр) көлемінде,

       (гербицидтердің, биоагенттердің (энтомофагтардың) және биопрепараттардың түрлері)

      ________________________________ (дана, грамм, килограмм, литр) көлемінде,

      (гербицидтердің, биоагенттердің (энтомофагтардың) және биопрепараттардың түрлері)

      ________________________________ (дана, грамм, килограмм, литр) көлемінде,

      (гербицидтердің, биоагенттердің (энтомофагтардың) және биопрепараттардың түрлері)

      биоагенттерді (энтомофагтарды) және биопрепараттарды отандық өндірушіден (бұдан әрі –

      ӨҚҚ өндіруші) гербицидтерді, биоагенттерді (энтомофагтарды) және биопрепараттарды

      арзандатылған құны бойынша сатып алғанымды және оларды өсімдіктерді қорғау үшін

      ағымдағы жылы қолданғанымды мәлімдеймін және маған тиесілі субсидияларды

      ______________________________________________________________________________

                   (отандық өсімдіктерді қорғау құралдарын өндірушінің атауы)

      ӨҚҚ өндірушіге аударуды сұраймын.

      Ескертпе:

      * өтінім берушіден көрсетілген құжаттардың түпнұсқасын және көшірмесін талап етуге жол берілмейді;

      ** көрсетілген құжаттардағы мәліметтер биоагенттің (энтомофагтың) және биопрепараттың әрбір түріне толтырылады;

      *** жоғарыда баяндалған кестенің 9-жолында көрсетілген мәліметтер гербицидтерді, биопрепараттарды сүрі танапта қолданған кезде толтырылмайды.

Гербицидтерге тиесілі субсидияларды есептеу

      Кестенің жалғасы

Биоагенттерге (энтомофагтарға) тиесілі субсидияларды есептеу

      Кестенің жалғасы

Биопрепараттарға тиесілі субсидияларды есептеу

      Кестенің жалғасы

      Ұсынылған ақпараттың дұрыстығын растаймын, дұрыс емес мәліметтер ұсынғаным

      үшін Қазақстан Республикасының заңнамасына сәйкес жауапкершілік туралы хабардармын

      және заңмен қорғалатын құпияны құрайтын мәліметтерді пайдалануға келісім беремін.

      Басшы _________ ________________________________________________________________

              (қолы)             (тегі, аты, әкесінің аты (жеке басын куәландыратын

      құжатта бар болған жағдайда)

      Бас бухгалтер (бар болған жағдайда)___________ _____________________________________

                                          (қолы) (тегі, аты, әкесінің аты (жеке басын

       куәландыратын құжатта бар болған

                  жағдайда)

      20__жылғы "___"______________

      Өтінім 20__жылғы "__"_______ сағат____ минутта қарастыруға қабылданды

      _____________________________________________________________________ __________

       (өтінімді қабылдаған жауапты адамның тегі, аты, әкесінің аты                   (қолы)

                        (бар болған жағдайда),

Мақұлданған өтінімдердің тізімі

      Аудан, республикалық маңызы бар қала,

      астана әкімі ______________ ______________________________________________________

                   (қолы)                   (тегі, аты, әкесінің аты (бар болған жағдайда)

      Мөр орны (бар болған жағдайда)

      20__жылғы "____" ____________

Тиесілі субсидияларды төлеу туралы мақұлданған өтінімдердің тізімі

      Аудан, республикалық маңызы бар қала,

      астана әкімі ______________ ______________________________________________________

                   (қолы)                   (тегі, аты, әкесінің аты (бар болған жағдайда)

      Мөр орны (болған жағдайда)

      20__жылғы "____" ____________

Өсімдіктерді қорғау құралдарына субсидиялар ұсынуда теріс шешім қабылданған ауыл шаруашылығы тауарын өндірушілердің тізбесі

      Аудан, республикалық маңызы бар қала,

      астана әкімі ______________ ______________________________________________________

                   (қолы)                   (тегі, аты, әкесінің аты (бар болған жағдайда)

      Мөр орны (болған жағдайда)

      20__жылғы "____" ____________

Өсімдіктерді қорғау құралдарын нақты өткізу көлемдері бойынша тізілім

      ________________________________________________________________________________

                                    (жеткізушінің атауы)

      Ескертпе: көрсетілген тізілімге сапасыз тауарды жеткізу себебі бойынша не басқа себептер бойынша сатып алу-сату шартын орындаудан бас тартқан және сатып алынған гербицидтер, биоагенттер (энтомофагтар) және биопрепараттар үшін ақшалай қаражатты қайтаруды талап еткен ауыл шаруашылығы тауарын өндірушілер қосылмайды.

Өсімдіктерді қорғау құралдарын өндірушінің деректемелері

      Өсімдіктерді қорғау құралдарын өндіруші (бірінші басшы)

      ________________________________________________________________________________

             (қолы)             (тегі, аты, әкесінің аты (жеке басын куәландыратын

                                          құжатта бар болған жағдайда)

      Өсімдіктерді қорғау құралдарын өндірушінің бас бухгалтері

      ________________________________________________________________________________

             (қолы)            (тегі, аты, әкесінің аты (жеке басын куәландыратын

                                          құжатта бар болған жағдайда)

      Мөр орны (болған жағдайда)

      20__ жылғы "___" ____________

_________облысы, республикалық маңызы бар қала, астана бойынша ______ жылы гербицидтерге субсидияларды пайдалану туралы жиынтық ақпарат

      ____________________________________________ қолданылатын гербицидтер

       (ауыл шаруашылығы дақылдарының атауы)

      Кестенің жалғасы

      ______________ облысының, республикалық маңызы бар қаланың, астананың жергілікті

      атқарушы органының ауыл шаруашылығы басқарма басшысы

      _______________________________________________________________________________

                              (тегі, аты, әкесінің аты (бар болған жағдайда)

      Мөр орны (болған жағдайда)

      20__ жылғы "____" ____________

______________ облысы, республикалық маңызы бар қала, астана бойынша______ жылы биоагенттерге (энтомофагтарға) және биопрепараттарға арналған субсидияларды пайдалану туралы жиынтық ақпарат

      Оларға қарсы биоагенттер (энтомофагтар) және биопрепараттар қолданылатын зиянды

      организм атауы_________________________________________________________________

      ______________________________________________________________________________

      Кестенің жалғасы

      ______________ облысының, республикалық маңызы бар қаланың, астананың жергілікті

      атқарушы органының ауыл шаруашылығы басқарма басшысы

      _______________________________________________________________________________

                              (тегі, аты, әкесінің аты (бар болған жағдайда)

      Мөр орны (болған жағдайда)

      20__ жылғы "____" ____________