Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы

      "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңының 6-бабы 1-тармағының 15) тармақшасына сәйкес БҰЙЫРАМЫН:

      1. Қоса беріліп отырған Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары бекітілсін.

      2. Мыналардың:

      1) "Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 7 тамыздағы № 9-3/726 бұйрығының (Нормативтік құқықтық актілерді мемлекеттік тіркеу тізілімінде № 12305 болып тіркелген, 2015 жылғы 30 қарашада "Әділет" ақпараттық-құқықтық жүйесінде жарияланған);

      2) "Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 7 тамыздағы № 9-3/726 бұйрығына өзгерістер енгізу туралы" Қазақстан Республикасы Ауыл шаруашылығы министрінің 2016 жылғы 9 маусымдағы № 254 бұйрығының (Нормативтік құқықтық актілерді мемлекеттік тіркеу тізілімінде № 14049 болып тіркелген, 2016 жылғы 16 тамызда "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Ауыл шаруашылығы министрлігінің Инвестициялық саясат және қаржы құралдары департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелген күннен бастап күнтізбелік он күн ішінде оның көшірмесінің мерзімді баспа басылымдарына ресми жариялауға, сондай-ақ Қазақстан Республикасының нормативтік құқықтық актілерінің эталондық бақылау банкіне ресми жариялау және қосу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      4. Осы бұйрық алғашқы ресми жарияланған күнінен кейін қолданысқа енгізіледі.

      КЕЛІСІЛДІ"

      Қазақстан Республикасының

      Ақпарат және коммуникациялар министрі

      ___________ Д. Абаев

      2017 жылғы "___" ___________

      "КЕЛІСІЛДІ"

      Қазақстан Республикасының

      Инвестициялар және даму министрі

      ___________ Ж. Қасымбек

      2017 жылғы 2 ақпан

      "КЕЛІСІЛДІ"

      Қазақстан Республикасының

      Қаржы министрі

      __________Б. Сұлтанов

      2017 жылғы "___" __________

      "КЕЛІСІЛДІ"

      Қазақстан Республикасының

      Ұлттық экономика министрі

      ___________ Т. Сүлейменов

      2017 жылғы "___" __________

Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары

1-тарау. Жалпы ережелер

      1. Осы Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасының Заңына сәйкес әзірленді және инвестициялық салымдар кезінде агроөнеркәсіптік кешен (бұдан әрі – АӨК) субъектісі шеккен шығыстардың бір бөлігін өтеу бойынша субсидиялау тәртібін айқындайды.

      2. Инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидиялаудың негізгі мақсаты капиталды көп қажет етуді төмендету және салынған инвестициялардың өзін-өзі ақтауын арттыру жолымен АӨК-нің басым бағыттарында (секторларында) инвестициялық жобаларды іске асыру шеңберінде тауарлардың, жұмыстардың және көрсетілетін қызметтердің қолжетімділігін арттыру болып табылады.

      3. Осы Қағидаларда мынадай терминдер мен айқындамалар пайдаланылады:

      1) АӨК-нің басым бағыттары (секторлары) – осы Қағидаларға 1-қосымшаға сәйкес басым бағыттар (секторлар) тізбесінде көрсетілген едәуір даму әлеуеті бар АӨК бағыттары (секторлары);

      2) АӨК-дегі инвестициялық жоба (бұдан әрі – инвестициялық жоба) – жаңа өндірістік қуаттылықтар құруға немесе жұмыс істеп тұрғандарын кеңейтуге инвестициялар салуды көздейтін іс-шаралар кешені;

      3) АӨК-дегі инвестициялық салымдар (бұдан әрі – инвестициялық салымдар) – жер учаскелерін сатып алуға арналған шығындарды қоспағанда, инвестициялық жоба шеңберінде жаңа өндірістік қуаттылықтар құруға немесе жұмыс істеп тұрғандарын кеңейтуге, оның ішінде техника мен жабдықтар сатып алуға бағытталған шығындар;

      4) АӨК-дегі инвестициялық субсидиялар (бұдан әрі – инвестициялық субсидиялар) – инвестициялық жобаларды іске асыру шеңберінде АӨК субъектісі шеккен шығыстардың бір бөлігін өтеу;

      5) АӨК-дегі инвестор (бұдан әрі – инвестор) – Қазақстан Республикасының заңнамасына сәйкес АӨК-нің басым бағыттарына (секторларына) инвестициялық салымдарды жүзеге асыратын АӨК субъектісі;

      6) арнайы шот – осы Қағидалардың 35, 36-тармақтарына сәйкес инвестициялық субсидиялау шартының талаптарын қамтамасыз ету үшін инвестициялық субсидиялардың сомалары аударылатын қаржы институтының екінші деңгейлі банктегі шоты;

      7) бюджеттік бағдарламаның әкімшісі (бұдан әрі – әкімші) – Қазақстан Республикасы Ауыл шаруашылығы министрлігі;

      8) жобаның паспорты – субсидиялауға жататын жабдықтар мен техникалар тізбесі, сондай-ақ инвестициялық субсидияларды есептеуге арналған орнын толтыру нормативі;

      9) жұмыс істеп тұрған өндірістік қуаттылықтарды кеңейту – жұмыс істеп тұрған өндірістік қуаттылықтарды жетіспеген немесе қажетті жабдықпен (техникамен) жарықтандыруды немесе өндірістік қуаттылықтарды ұлғайтуды және өндіріс көлемін ұлғайтуға және (немесе) өндірілетін өнімнің өзіндік құнын азайтуға және (немесе) өндірілетін өнімнің сапасын арттыруға, оның орамасын өзгертуге және (немесе) ассортиментті кеңейтуге бағытталған өзге де іс-қимылдарды көздейтін іс-шаралар, сондай-ақ, мақсаты нарықта жаңа тауарлық тауашаға орнығу, өткізу нарықтарын кеңейту және басқалар болып табылатын іс-шаралар;

      10) инвестициялық субсидиялау жөніндегі комиссия (бұдан әрі – комиссия) – инвесторлардың өтініштерін қарауға және инвестициялық субсидиялар беру/беруден бас тарту туралы шешімдер қабылдауға арналған тұрақты жұмыс істейтін алқалы орган;

      11) инвестициялық субсидиялау мәселелері жөніндегі комиссияның жұмыс органы (бұдан әрі – жұмыс органы) – облыстар, республикалық маңызы бар қалалар және астана әкімдіктерінің ауыл шаруашылығы басқармасы;

      12) инвестициялық субсидиялау шарты – жұмыс органы, инвестор және оператор арасында жасалатын, инвестициялық субсидиялар қаражатын аударудың тәртібі мен шарттарын, мониторинг барысын, тараптардың жауапкершілігін және өзге де шарттарды көздейтін жазбаша келісім;

      13) қаржы институттары – екінші деңгейдегі банктер, банктік операцияларды жүзеге асыру құқығына тиісті лицензиясы бар микроқаржылық ұйымдар, кредиттік ұйымдар, лизингтік компаниялар, кредиттік серіктестіктер;

      14) модулді конструкция – панелдер немесе дайын блок-контейнерлер бекітілетін, модулді, қаңқалы-рамалы конструкция негізіндегі тез құрастылатын құрылыс;

      15) оператор – инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау жөніндегі операторлық қызметтерді жүзеге асыратын ұйым;

      16) өндірістік кешен – ауыл шаруашылығы өнімдерін өндіруге, өңдеуге, сақтауға, буып-түюге бағытталған өзара байланысты өндірістік қуаттылықтар (ғимараттар, құрылыстар, монтаждалатын жабдық, инженерлік желілер және басқалары) жиынтығы;

      17) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қзметтер көрсету, "бір терезе" қағидаты бойынша мемлекеттік қызметтер көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру үшін, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға".

2-тарау. Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау тәртібі

1-параграф. Инвестициялық субсидиялаудың жалпы шарттары

      4. Инвестициялық субсидиялар инвесторларға осы Қағидалардың 2-қосымшасында көзделген, субсидиялауға жататын инвестициялық паспорттар тізбесінің (бұдан әрі – Жобалар паспорттарының тізбесі) 2 және 4-бөлімдерін қоспағанда, осы Қағидаларға 1-қосымшаға сәйкес басым бағыттар (секторлар) тізбесі (бұдан әрі – Басым бағыттар тізбесі) бойынша инвестициялық жоба шеңберінде модулді конструкцияларды салуға кеткен шығындар, сатып алынған немесе пайдалануға берілген жабдықтар мен техника бойынша төленеді.

      Субсидиялауға операторға өтініш берілген жылға дейін екі жылдан кеш емес пайдалануға берілген, жаңа өндірістік қуаттылықтар құруға немесе жұмыс істеп тұрғандарын кеңейтуге бағытталған (инвестициялық салымдар) инвестициялық жобалар жатады. Бұл ретте, субсидиялауға инвестор инвестициялық жоба пайдалануға берілетін күнге дейін 24 айдан ерте емес мерзімде шеккен инвестициялық жоба шеңберінде техника мен жабдықты сатып алуға кеткен шығыстар жатады.

      Бұл ретте, тиісті күнтізбелік жылдың 1 шілдесіне дейін Басым бағыттар тізбесінде көрсетілген бірінші топтың бағыттары (секторлары) бойынша инвестициялық субсидиялар беруге арналған өтінімдер қабылданады және қаралады. Бірінші топ ішінде Басым бағыттар тізбесінде көзделген кезектілік бойынша басымды тәртібімен инвесторлардың өтініштері қаралады.

      Тиісті күнтізбелік жылдың 1 шілдесінен кейін бірінші және екінші топтың бағыттары бойынша инвесторлардың өтініштері қабылданады және қаралады. Бұл ретте, басымдық тәртіппен бірінші топтағы инвесторлардың өтінімдері өтініш беру күніне қарамастан, Басым бағыттар тізбесінде көзделген кезектілік тәртібімен қаралады. Екінші топтың өтінімдері Басым бағыттар тізбесінде көзделген кезектілік бойынша қаралады.

      Күнтізбелік жыл бойында комиссия отырысында осы осы тармақтың үшінші және төртінші бөліктерінде көзделген кезектілік тәртібімен ауыл шаруашылығы кооперативтерінің өтініштері басым тәртіппен қаралады.

      5. Субсидиялау инвестициялық жобаны іске асыру орны бойынша жүзеге асырылады.

      6. Жобалар паспорттарының тізбесінде көрсетілген модульдік конструкцияларды салу, жабдықтар және/немесе техниканы сатып алу кезіндегі инвестициялық салымдардың бір бөлігі өтеуге жатады.

      7. Инвестициялық субсидияларды есептеу нақты салынған инвестициялар бойынша жүзеге асырылады. Шығындарды өтеу пайызы Жобалар паспорттарының тізбесінде көрсетілген өтеу нормативіне сәйкес белгіленеді. Өтеу пайызы өзгертуге жатпайды.

      Инвестициялық субсидия мөлшері Жобалар паспорттарының тізбесіне сәйкес инвестициялық салымдарды өтеудің белгіленген нормативтеріне сай, бірақ техника мен жабдықтың бір бірлігіне және/немесе әр инвестициялық жобаның алаңына бекітілген нормативтен артық емес айқындалады.

      8. "Етті бағыттағы ауыл шаруашылығы малдарын өсіруге арналған техника және жабдықтарды сатып алу", "50 бастан аналық мал басы бар шаруашылықта сүтті бағыттағы ірі қара мал өсіруге арналған жабдықтар мен техникаларды сатып алу", "5 гектардан бастап қарқынды алма бағын отырғызу", "5 гектардан бастап жеміс-жидек дақылдарын және жүзімді отырғызу", "Сұранысқа ие ауыл шыруашылығы техникасын сатып алу", "Ауыл шыруашылығы техникасын сатып алу" жобаларының паспорттары бойынша инвестициялық жобаның паспортында көрсетілген бір түрлі техника мен жабдықтың екінші және одан кейінгі бірлігін субсидиялауға жол беріледі.

      Бір түрлі техника мен жабдықтың екінші және одан кейінгі бірліктері техника мен жабдықтың бір бірлігіне арналған аналық мал басының ең төменгі нормативінен асқан жағдайда субсидияланады.

      Бір түрлі техника мен жабдықтың бір бірлігіне арналған аналық мал басының ең төменгі нормативі аналық мал басының 100 шартты басын құрайды.

      Субсидиялауға жататын бір түрлі техника мен жабдықтың екінші және одан кейінгі бірліктері мынадай формула бойынша айқындалады:

      Wк = Wж / Н, мұнда:

      Wк – субсидияланатын бір түрлі техника мен жабдықтың саны;

      Wж – осы Қағидаларға 3-қосымшада көрсетілген ауыл шаруашылығы жануарларының басын ірі қара малдың шартты басына ауыстыру коэффициенттеріне сәйкес ірі қара малдың шартты басына қайтадан есептегендегі, шаруашылықта тіркелген ауыл шаруашылығы жануарларының аналық басының саны;

      Н – жол берілген норматив.

      Бөлшек сан алынған жағдайда, нәтижесі математикалық жолмен бүтін мәнге дейін дөңгелектенеді.

      Ауыл шаруашылығы жануарларының аналық басының санын субсидиялауға өтінім берген сәтте ауыл шаруашылығы жануарларын бірдейлендіру жөніндегі дерекқор арқылы оператор айқындайды. Оператор куәландырған ауыл шаруашылығы жануарларын бірдейлендіру жөніндегі дерекқордан үзінді-көшірмені оператор инвестордың өтініміне қоса береді.

      Бір түрлі техниканың бір бірлігіне арналған қарқынды алма бағы, жеміс-жидек дақылдары мен жүзім алаңдарының ең төменгі нормативі 20 гектарды құрайды. Белгіленген нормативке сәйкес келетін қарқынды алма баққа, жеміс-жидек дақылдары мен жүзімге арналған жерлер алаңдарының болуы жер учаскесіне меншік құқығына арналған актімен және (немесе) уақытша (ұзақ мерзімді, қысқа мерзімді) жер пайдалану (жалға алу) құқығына арналған актімен расталады.

      "Сұранысқа ие ауыл шарушылығы техникаларын сатып алу" және "Ауыл шаруашылығы техникасын және жабдықты сатып алу" жобаларының паспорттары бойынша субсидиялау, техника және жабдықтың бір бірлігіне арналған алаңдардың (егістіктің) ең төменгі нормативіне сәйкес жүзеге асырылады.

      Субсидиялауға жататын бір түрлі техника мен жабдықтың екінші және одан кейінгі бірліктері мынадай формула бойынша айқындалады:

      Wк = Wг / Н, мұнда:

      Wк – субсидияланатын бір түрлі техника мен жабдықтың саны;

      Wг – жер алқаптарының (егістіктің) алаңы;

      Н – жол берілетін норматив.

      Бөлшек сан алынған жағдайда, нәтиже математикалық жолмен бүтін мәнге дейін дөңгелектенеді.

      Белгіленген нормативке сәйкес келетін егістікке арналған жер алқаптарының бар болуы инвестордың жер учаскесіне меншік құқығы немесе уақытша (ұзақ мерзімді, қысқа мерзімді) өтемді жер пайдалану құқығын куәландыратын құжатпен расталады.

      Ауыл шаруашылығы кооперативі өтінім берген жағдайда, ауыл шаруашылығы кооперативі мүшелерінде тіркелген жер алқаптарының (егістіктің) жиынтық аумағы және ауыл шаруашылығы жануарларының аналық бас саны ескеріледі.

      9. Инвестициялық субсидиялар инвестордың жаңа, шығарылған жылы инвестор өтінім берген жылдан алдыңғы күнтізбелік үш жылдан ерте емес, бұрын пайдаланылмаған техника мен жабдықтарды сатып алуға арналған инвестициялық салымдары бойынша төленеді.

      10. Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау тиісті қаржы жылына арналған мемлекеттік бюджетте көзделген қаражат есебінен және шегінде жүзеге асырылады.

      11. Инвестициялық субсидиялар осы тармақта, сондай-ақ осы Қағидалардың 35-тармағында көзделген жағдайларды қоспағанда, инвестициялық жобаның шеңберінде жаңа өндірістік қуаттылықтар пайдалануға берілгеннен немесе жұмыс істеп тұрғандары кеңейтілгеннен, техника мен жабдықтар сатып алынғаннан кейін толық көлемде төленеді.

      Басым бағыттар тізбесінің 10, 11, 16, 17, 18, 19, 20-тармақтарында көзделген өңдеу өнеркәсібін дамыту бағыттары бойынша жаңа өндірістік қуаттылықтар құруға арналған инвестициялық субсидиялар "Сүт тасуға арналған көлік құралын сатып алу", "Ауыл шаруашылығы өнімін тасуға арналған көлік құралдарын сатып алу", "Ет тасуға арналған көлік құралдарын сатып алу", "Ауыл шаруашылығы жануарларын тасуға арналған көлік құралын сатып алу" Жобаларының паспорттарын қоспағанда, екі траншпен төленеді:

      1) бірінші транш объектіні пайдалануға бергеннен кейін инвестициялық субсидиялардың жалпы сомасының 50 %-ы мөлшерінде;

      2) екінші транш бизнес-жоспарда көзделген мерзімдерде, өндірістік қуаттылықтар жүктемесі кемінде 30 %-ға жеткеннен кейін инвестициялық субсидиялардың жалпы сомасының 50 %-ы мөлшерінде төленеді.

      Егер инвестордың бір өтінімі бойынша субсидия мөлшері 500 (бес жүз) миллион теңгеден артық соманы құраған жағдайда, онда субсидиялар төлеу тиісті қаржы жылына бекітілген қаражат шеңберінде, кемінде 3 (үш) жыл ішінде кезең-кезеңмен жүзеге асырылады. Әр жыл бойыша субсидияларды төлеу мерзімі және мөлешері комиссиямен анықталады.

2-параграф. Инвестициялық субсидиялау мәселелері жөніндегі комиссияны және сараптамалық комиссияны құру

      12. Облыстар, республикалық маңызы бар қалалар және астана әкімдері өз шешімімен облыстар, республикалық маңызы бар қалалар және астана әкімінің ауыл шаруашылығы мәселелері жөніндегі орынбасарының төрағалығымен комиссия құрады және комиссия хатшысын айқындайды.

      Комиссия хатшысы оның құрамына кірмейді.

      Комиссия тұрақты негізде жұмыс істейді және төрағадан, оның орынбасарынан және жергілікті атқарушы органдардың, қоғамдық және үкіметтік емес ұйымдардың өкілдері болып табылатын басқа мүшелерден тұрады, бұл ретте олардың саны комиссияның жалпы құрамының кемінде жартысын (төрағасын есептемегенде) құрауы тиіс және өңірлік кәсіпкерлер палатасымен келісілген болуы тиіс. Комиссия құрамына қатысуға қоғамдық және үкіметтік емес ұйымдардың келісімі болмаған жағдайда, өңірлік кәсіпкерлер палатасымен келісе отырып, олардың өкілдерінің санын азайтуға жол беріледі.

      Комиссия мүшелерінің жалпы саны тақ болуы және 7 (жеті) адамнан кем болмауы тиіс.

      Комиссияның шешімі ашық дауыс берумен қабылданады және егер оған комиссия мүшелердің жалпы санының көпшілігі дауыс берсе, қабылданған болып саналады.

      Дауыстар тең болған жағдайда, комиссия төрағасының немесе ол жоқ болғанда, төраға орынбасарының дауыс берген шешімі қабылданған болып табылады.

      Егер отырысқа комиссия мүшелерінің жалпы санының кемінде үштен екісі қатысса, комиссия отырысы шешім қабылдауға құқылы.

      13. Әрбір қаржы жылының басында комиссия инвестордың объектісін, сатып алынған жабдықтарын қарап тексеру және өндірістік қуаттылықтардың жүктемелеріне жеткендігіне көз жеткізу үшін хаттамалық шешімімен жұмыс органынан және басқа да ұйымдардан мамандар тобын айқындайды. Қарап тексеру нәтижесі осы Қағидаларға 4-қосымшаға сәйкес нысан бойынша инвестордың объектісін қарап тексеру және өндірістік қуаттылықтардың жүктемелеріне жеткендігіне көз жеткізу актісімен (бұдан әрі - қарап тексеру актісі) ресімделеді.

      Бұл ретте, егер инвестициялық жобада техниканы сатып алу ғана көзделсе, онда жұмыс органының және басқа да ұйымдардың мамандар тобының инвестордың объектісін қарап тексеруі талап етілмейді.

3-параграф. Инвестициялық субсидиялауға қатысушылардың өзара іс-қимылы

      14. Жұмыс органы мен оператор арасындағы өзара қатынастарды реттеу үшін жыл сайын тиісті жылдың 25 ақпанына дейін оператордың көрсететін қызметтеріне төлемақы сомасын көрсете отырып, оператордың қызметтер көрсетуі тәртібін, шарттарын, сондай-ақ тараптардың жауапкершілігін және өзге де шарттарды көздейтін инвестициялық субсидиялау бойынша оператордың қызметтер көрсетуі жөніндегі шарт (бұдан әрі – қызметтер көрсету жөніндегі шарт) жасалады.

      Қызметтер көрсету жөніндегі шартты жасасқанға дейін, осы Қағидаларда көзделген оператордың функцияларын жұмыс органы жүзеге асырады.

      15. Оператордың көрсететін қызметтеріне жасалған қызметтер көрсету жөніндегі шартқа сәйкес тиісті қаржы жылына арналған инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидиялауға көзделген қаражат шеңберінде ақы төленеді.

      16. Оператор (оны тартпаған жағдайда – жұмыс органы) 25 қаңтардан кешіктірмей облыс/қала аумағында таралатын бұқаралық ақпарат құралдарында және облыстық/қалалық әкімдіктің интернет-ресурсында мемлекеттік және орыс тілдерінде Мемлекеттік корпорацияның инвестициялық субсидиялау үшін инвесторлардан өтінімдер қабылдауды бастағаны туралы хабарландыру орналастырады және ол туралы Мемлекеттік корпорацияны хабардар етеді.

      17. Пайдалануға берілмеген инвестициялық жобалар бойынша инвесторлардың өтінімін комиссия екі кезеңде қарайды.

      Бірінші кезеңде комиссия инвестордың осы Қағидалардың шарттарына сәйкестігі/сәйкес еместігі туралы шешім қабылдайды.

      Инвестор осы Қағидалардың 35-тармағында тізбеленген жобалар паспорттарында көрсетілген жабдық/техниканы кредитке/лизингке сатып алған жағдайда, комиссия инвестордың осы Қағидалардың шарттарына сәйкестігі/сәйкес еместігі туралы және инвестициялық субсидияны аванстық төлем мен қаржы институтының арнайы шотына аудару туралы шешім қабылдайды.

      Екінші кезеңде комиссия инвесторға инвестициялық субсидияны беру немесе беруден бас тарту туралы шешім қабылдайды.

      18. Инвесторлар мынадай құжаттарды қалыптастырады және Мемлекеттік корпорацияға тапсырады:

      1) инвестордың уәкілетті адамы немесе қол қою құқығына сенімхаты бар адам қол қойған және мөрмен бекітілген, осы Қағидаларға 5-қосымшаға сәйкес нысан бойынша инвестициялық субсидиялауға арналған өтінім (бұдан әрі - өтінім);

      2) заңды тұлға үшін – мемлекеттік тіркеу (қайта тіркеу) туралы куәліктің көшірмесі немесе анықтама немесе жеке тұлға үшін – жеке басын куәландыратын құжат.

      Ескертпе: "Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы" 2012 жылғы 24 желтоқсандағы Қазақстан Республикасының Заңы күшіне енгенге дейін берілген заңды тұлғаны (филиалды, өкілдікті), мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтағанға дейін жарамды болып табылады.

      3) бизнес-жоспарды, шарттар немесе коммерциялық ұсыныстарды қоса бере отырып, жаңа өндірістік қуаттылық құруға немесе жұмыс істеп тұрғандарын кеңейтуге арналған инвестициялық салымдар және оларды іске асыру мерзімдері туралы ақпарат;

      4) жобаны тартылған қаражат (кредит/лизинг) есебінен іске асырған жағдайда, инвестордың осы Қағидаларға сәйкес субсидия алу ниеті туралы қаржы институтына жіберген хабарламасының көшірмесі.

      Егер инвестициялық жоба пайдалануға берілген, сондай-ақ инвестициялық жоба шеңберінде техника мен жабдықтар сатып алу жүзеге асырылған болса, инвестор осы Қағидалардың 19-тармағында көзделген құжаттарды да ұсынады.

      19. Жаңа өндірістік қуаттылықтар құру немесе жұмыс істеп тұрғандарын кеңейту және инвестициялық жоба объектісін пайдалануға беру немесе техника мен жабдықтарды сатып алу бойынша барлық жұмыстар аяқталғаннан кейін инвестор Мемлекеттік корпорацияға комиссия екінші кезеңде қарауы үшін мынадай растайтын және құқық белгілейтін құжаттарды ұсынады:

      1) инвестициялық жобаның объектісін пайдалануға қабылдау туралы мемлекеттік қабылдау не қабылдау комиссиясы актісінің көшірмесі (жаңа өндірістік қуаттылықтар құру кезінде);

      2) сатып алушы мен жеткізуші арасындағы жабдықтарды пайдалануға беру актісінің көшірмесі (жабдықтарды сатып алу кезінде);

      3) жаңа өндірістік қуаттылықтар құруға не жұмыс істеп тұрғандарын кеңейтуге арналған инвестициялық салымдарды растайтын сатып алу-сату шарттарының, шот-фактуралардың, төлемді растайтын құжаттардың көшірмелері;

      4) ауыл шаруашылығы техникасын, арнайы техника мен технологиялық жабдықтарды қабылдап алу-беру актілерінің көшірмелері;

      5) ауыл шаруашылығы техникасын сатып алған кезде құқық белгілейтін құжаттардың (көлік құралын мемлекеттік тіркеу туралы куәлік, техникалық паспорт) көшірмелері ұсынылады;

      6) қаржы институттарында тартылған қаражат есебінен инвестициялық салымдар жүзеге асырылған жағдайда, қаржы институты куәландырған кредиттік/лизингтік шарттар көшірмелері;

      7) бизнес-жоспарда көзделген мерзімдерде, өндірістік қуаттылықтардың жүктемесі кемінде 30 %-ға жеткеннен кейін осы Қағидалардың 11-тармағының 2) тармақшасына сәйкес инвестор растайтын құжаттарды (бизнес-жоспар, өндірілген өнім түрлері бойынша өткізуді заттай және құндық мәнде растайтын құжаттар) ұсынады. Қуаттылықтардың жүктемесін растау үшін, осы тармақшада көрсетілген құжаттардың, сондай-ақ екінші кезеңде инвестордың өтінімді ұсынған сәтінің алдындағы 3 ай немесе тоқсан үшін инвестордың статистикалық есебі негізінде құрастырылған өндірістік дайындалатын жүктемесіне қол жеткізу туралы жұмыс органы мониторингінің актісі жасалады.

      Инвестор жоғарыда көрсетілген құжаттардың түпнұсқасын Мемлекеттік корпорацияға ұсынылған көшірмелерді түпнұсқасымен салыстырып тексеру үшін ұсынады.

      20. Мемлекеттік корпорация инвестордан келіп түскен өтінімдерді 2 (екі) жұмыс күнінен артық емес мерзімде жұмыс органына береді. Жұмыс органы 2 (екі) жұмыс күні ішінде өтінімдерді операторға жолдайды.

      Жұмыс органы мен оператор келіп түскен өтінімдерді өтінімдерді тіркеу журналында инвестициялық бағыттар топтары бойынша тіркейді. Журнал нөмірленеді, тігіледі және жұмыс органының мөрімен бекітіледі.

      21. Оператор (оны тартпаған жағдайда – жұмыс органы) инвесторлардан өтінімдер болған кезде, 10 (он) жұмыс күні ішінде инвесторлар ұсынған құжаттардың толықтығын тексереді, олардың осы Қағидаларға сәйкестігін қарайды, субсидиялар есептемелерін жүргізеді, инвестордың объектісін қарап тексеру үшін жұмыс органы, басқа да ұйымдар мамандарының шығуын (қажет болса) ұйымдастырады және осы Қағидаларға 6-қосымшаға сәйкес нысан бойынша комиссия отырысының материалдарына қоса берілетін жобаның инвестициялық субсидиялауға сәйкестігі/сәйкессіздігі туралы өзінің қорытындысын (бұдан әрі - қорытынды) дайындайды, комиссия отырысын шақыру туралы жазбаша хабарламаны оның мүшелеріне жібереді. Комиссияның отырысын өткізу орнын, уақытын және күнін оператор комиссияның төрағасымен келісім бойынша айқындайды.

      Осы Қағидалардың 18 және 19-тармақтарының талаптарына сәйкес келмейтін құжаттар ұсынылған жағдайда оператор өтінімді алған күннен бастап 2 (екі) жұмыс күні ішінде ол туралы инвесторды жазбаша түрде хабардар етеді. Инвестор 7 (жеті) жұмыс күні ішінде ескертулерді жоймаған жағдайда, оператор құжаттар топтамасының осы Қағидалардың шарттарына сәйкес еместігі туралы көрсете отырып, құжаттар топтамасын комиссия қарауына шығарады.

      22. Инвесторлардың инвестициялық судсидиялау сомасы 500 (бес жүз) миллион теңге және одан астам болатын өтінімдері бойынша оператор осы Қағидалардың талаптарына сәйкес инвестор ұсынған барлық құжаттардың көшірмелерін қоса бере отырып, келісім алу үшін әкімшіге сұраным жолдайды.

      Әкімші оператордың сұранымын алған күннен кейін 5 (бес) жұмыс күні ішінде инвестициялық жобаны іске асырудың салалық мақсатқа лайықтығы немесе мақсатқа лайықсыздығы туралы хат ұсынады.

      Субсидия беруден бас тарту "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңы 19-1-бабының 2-тармағында көзделген негіздер бойынша жүзеге асырылады.

      23. Комиссия отырысын шақыру туралы хабарламаға электрондық жеткізгіште мынадай материалдар қоса беріледі:

      1) осы Қағидалардың 18 және 19-тармақтарында көзделген құжаттар;

      2) оператордың есептемелері мен қорытындысы;

      3) объектіні қарап тексеру актісі;

      4) Әкімшінің инвестициялық жобаның салалық мақсатқа лайықтығы немесе мақсатқа лайықсыздығы туралы хаты (осы Қағидалардың 22-тармағында көзделген жағдайларда).

      24. Өтінімді мақұлдау/бас тарту туралы шешімді комиссия оның мүшелерінің көпшілік дауысымен қабылдайды және ол хаттама түрінде ресімделеді.

      Хаттаманы жұмыс органы тиісті хаттамаларды тіркеу журналында тіркейді. Журнал нөмірленеді, тігіледі және жұмыс органының мөрімен бекітіледі.

      25. Пайдалануға берілген инвестициялық жобалар бойынша, сондай-ақ сатып алынған техника мен жабдықтар бойынша өтінімдерді комиссия екі кезеңді рәсімдер қолданбастан, бір отырыста қарайды.

      26. Даулы мәселелер болған кезде, комиссия операторға ауыл шаруашылығы саласындағы тиісті мамандарды не тәуелсіз сарапшыларды тартуды тапсырады. Бұл шарт оператордың қызметтер көрсетуіне арналған шартта көзделген қаражат шеңберінде орындалады.

      Қажет болған жағдайда, өтінімде қамтылған мәліметтерді нақтылау мақсатында комиссия инвестордан қажетті ақпаратты жазбаша нысанда сұратады. Комиссия сұрататын ақпаратты инвестордың беру мерзімі комиссияның хаттамалық шешімінде көрсетіледі.

      27. Комиссияның хаттамалық шешімі:

      1) мақұлданған/бас тартылған инвесторлардың атаулы тізбесін, бас тарту себептерін (бас тартылған жағдайда);

      2) әрбір инвестор үшін инвестициялық жоба бойынша инвестициялық субсидиялар сомаларын және оларды төлеу тәртібін қамтуы тиіс.

      28. Комиссия хатшысы қол қойған және жұмыс органының мөрімен куәландырылған комиссия отырысы хаттамасынан үзінді-көшірме комиссия мүшелері хаттамаға қол қойғаннан кейін 3 (үш) жұмыс күні ішінде кейіннен инвесторларға беру мақсатымен одан әрі Мемлекеттік корпорацияға жіберу үшін операторға жолданады.

4-параграф. Инвесторға инвестициялық субсидиялар беру

      29. Инвестициялық субсидия беру жұмыс органы, оператор және инвестор арасындағы үш жақты инвестициялық субсидиялау шартына сәйкес жүзеге асырылады.

      30. Инвестициялық субсидиялау шарты комиссияның шешімі негізінде жасалады және инвесторға қаражатты аударудың тәртібі мен шарттарын, жұмыс органының объектіге және инвестор қызметіне мониторинг жүргізуі шарттарын, тараптардың жауапкершілігі мен өзге де шарттарды көздейді.

      31. Жұмыс органы, оператор және инвестор арасындағы инвестициялық субсидиялау шартынан басқа, сатып алынатын жабдықтарды, техниканы мақсатты пайдалану және субсидиялау сәтінен бастап 3 (үш) жыл ішінде иеліктен шығармау (оның ішінде сублизингке бермеу) туралы келісім (бұдан әрі – мақсатты пайдалану туралы келісім) жасалады. Жабдықтар мен техниканы маусымдық тоқтау кезінде басқа да қызмет түрлеріне пайдалануға жол беріледі.

      32. Инвестициялық субсидиялау шартына және мақсатты пайдалану туралы келісімге мынадай тәртіппен қол қойылады:

      1) оператор мен инвестор арасында – комиссия шешім қабылдаған күннен бастап 5 (бес) жұмыс күні ішінде;

      2) жұмыс органы – оператордан инвестициялық субсидиялау шартын алған сәттен бастап 3 (үш) жұмыс күні ішінде.

      33. Оператор инвестициялық субсидиялау шартына қол қойылғаннан кейін 3 (үш) жұмыс күні ішінде жұмыс органына әрбір инвестор бойынша ивестициялық субсидияларды аудару туралы ұсыныс енгізеді.

      34. Инвестор өз қаражатын пайдаланған жағдайда, инвестициялық субсидиялар сомасын жұмыс органы инвестордың оның есептік шотына аударады.

      Техниканы, жабдықтар мен басқа да объектілерді лизингке/кредитке сатып алған кезде инвестициялық субсидиялар инвестордың қаржы институты алдындағы негізгі борышын өтеген жағдайды қоспағанда, инвестордың негізгі борышын өтеу есебіне қаржы институтына аударылады.

      35. Инвестор жабдықтарды/техниканы кредитке/лизингке сатып алған жағдайда, инвестордың өтінімін (бірінші кезең) мақұлдау туралы комиссия шешімінің негізінде инвестициялық субсидияларды аванстық төлеммен қаржы институтының арнайы шотына мынадай инвестициялық жобаларды іске асыру шеңберінде аударуға жол беріледі:

      1) ауыл шаруашылығы кооперативтері үшін техника мен жабдықтар сатып алу;

      2) жайылымдарды суландыру инфрақұрылымдарын құру және мал өсіруші шаруашылықтарды сумен қамтамасыз ету (құдықтар, ұңғымалар);

      3) етті бағыттағы ауыл шаруашылығы жануарларын өсіруге арналған техника мен жабдықтарды сатып алу;

      4) сыйымдылығы тәулігіне 1 тонна сүттен басталатын сүт қабылдау пункттері үшін жабдықтарды сатып алу;

      5) сүт тасуға арналған көлік құралын сатып алу;

      6) ауыл шаруашылығы жануарларын тасуға арналған көлік құралдарын сатып алу;

      7) ауыл шаруашылығы өнімдерін тасуға арналған көлік құралдарын сатып алу;

      8) 5 гектардан бастап (бір инвесторға) алма бағын, жеміс-жидек дақылдары мен жүзімді отырғызу;

      9) жаңбырлатып және тамшылатып суарудың суландыру жүйелерін құру және кеңейту (бір инвесторға);

      10) сұранысқа ие ауыл шаруашылығы техникасын сатып алу;

      11) ауыл шаруашылығы техникасын сатып алу.

      Бұл ретте, қаржы институты комиссия екінші кезеңде инвестициялық субсидия төлеу туралы шешім қабылдағанға дейін, арнайы шоттағы қаражатты пайдалана алмайды.

      Аталған қаражат инвестициялық жобаны қаржыландыру/техниканы және (немесе) жабдықтарды лизингке беру туралы қаржы институтының тиісті органының шешімі болған кезде аударылады, оның куәландырылған көшірмесі жұмыс органына беріледі.

      36. Инвестициялық субсидияларды арнайы шотына алу үшін инвестор осы Қағидалардың 18-тармағында көрсетілген құжаттармен бірге қосымша қаржы институты куәландырған қаржы институтының кредиттік комитетінің оң шешімінің көшірмесін, қаржы институтымен жасалған кредит шартын/лизинг шартын ұсынады.

      Бірінші кезең бойынша комиссияның оң шешімі алынған күннен бастап 3 (үш) жұмыс күні ішінде жұмыс органы, қаржы институты және инвестор арасында үшжақты шарт және инвестициялық субсидияларды төлеу туралы комиссияның екінші кезеңдегі оң шешімін алғанға дейін қаржы институтының арнайы шоттағы ақшаны пайдаланбауы туралы келісім жасалады.

      37. Қаржы институты, егер инвестор мен қаржы институты арасындағы шартта өзгеше көзделмесе, арнайы шотқа қаражат алған күннен бастап 10 (он) жұмыс күні ішінде кредит шартында көзделген қаражатты инвестордың шотына аударады және жұмыс органына растайтын құжаттарды ұсынады. Техниканы және (немесе) жабдықтарды лизингке беру арқылы инвесторды қаржыландыру жағдайында, қаржы институты шарт талаптарына сәйкес лизинг нысаналарын сатушыға лизинг нысаналарына толық не ішінара ақы төлеуді растайтын құжаттарды ұсынады.

      Қаржы институты осы тармақтың бірінші бөлігінде көзделген шарттарды орындамаған жағдайда, қаржы институты 3 (үш) жұмыс күні ішінде жұмыс органы арнайы шотқа аударған қаражатты толық көлемде қалпына келтіреді. Бұл ретте, ағымдағы қаржы жылы жүргізілген төлемдерді қайтару орындалмаған міндеттемелердің сомасын ұлғайту және шығыстардың бюджеттік сыныптауышының тиісті кодтары бойынша кассалық шығыстарды азайту жолымен жұмыс органының кассалық шығыстарын қалпына келтірумен жүзеге асырылады. Өткен жылдардың төлемдерін қайтарған жағдайда қайтарылатын сома төлем жүргізілген тиісті бюджеттің кірісіне қайтарылады.

      Арнайы шотқа аударылған қаражатты қаржы институты инвесторға инвестициялық субсидия (екінші кезеңнің) беру туралы комиссияның оң хаттамалық шешімі негізінде, инвестициялық жоба шеңберінде жабдықтар мен техниканы сатып алуға пайдаланылған кредит/лизинг бойынша инвестордың негізгі борышын өтеу есебіне есептейді.

      38. Инвестициялық салымдар кезіндегі шығындарды өтеуді көздейтін шараларды қоспағанда, инвестициялық субсидиялау басқа мемлекеттік қолдау шараларымен қатар жүргізілуі мүмкін.

      39. Инвестициялық субсидиялар оларға қатысты тарату, оңалту немесе банкроттық рәсімдері басталған, сондай-ақ жеделдетілген оңалту рәсімдерін қоспағанда, Қазақстан Республикасының заңнамасына сәйкес қызметтері уақытша тоқтатылған инвесторларға берілмейді.

3-тарау. Қорытынды ереже

      40. Жаңадан пайдалануға берілген өндірістік кешен лизингке алынған кезде (дайын объекті лизингі) осы Қағидаларға сәйкес лизинг алушы инвестор бола алады. Өтінім беру күніне дейін 12 (он екі) айдан ерте емес пайдалануға енгізілген кешен жаңадан пайдалануға берілген өндірістік кешен болып табылады.

      41. Инвестор дайын объектілердің лизингі бойынша инвестициялық субсидиялар алу үшін:

      1) өтінім;

      2) заңды тұлға үшін – мемлекеттік тіркеу (қайта тіркеу) туралы куәліктің көшірмесі немесе анықтама немесе жеке тұлға үшін – жеке басын куәландыратын құжат.

      Ескертпе: *"Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы" 2012 жылғы 24 желтоқсандағы Қазақстан Республикасының Заңы күшіне енгенге дейін берілген заңды тұлғаны (филиалды, өкілдікті), мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтағанға дейін жарамды болып табылады;

      3) инвестор, лизинг беруші және объект сатушы арасындағы үшжақты келісімді;

      4) сатушы мен лизинг беруші арасында жасалған объектіні сатып алу-сату шартын;

      5) қаржы институты куәландырған объект лизингі шартын;

      6) "5 гектардан бастап қарқынды алма бағын отырғызу", "5 гектардан бастап жеміс-жидек дақылдары мен жүзімді отырғызу" жобаларының паспорттарын қоспағанда, инвестициялық объектіні пайдалануға қабылдау туралы мемлекеттік қабылдау не қабылдау комиссиясы актісінің нотариалды куәландырылған көшірмесін;

      7) жабдықты және/немесе инвестициялық объектіні пайдалануға беру туралы актінің көшірмесін;

      8) инвестициялық жобаны іске асыру кезіндегі сатушының инвестициялық салымдарын растайтын сатып алу-сату шарттарының, шот-фактуралардың көшірмелерін;

      9) жабдықты қабылдап алу-беру актілерінің көшірмелерін;

      10) жобаға бизнес-жоспарды береді.

      Осы тармаққа сәйкес техниканы сатып алу субсидиялауға жатпайды.

      42. Инвестициялық субсидиялау мониторингін жұмыс органы мынадай өлшемшарттар бойынша және мынадай мерзімдерде жүзеге асырады:

      1) субсидиялау сәтінен бастап 3 (үш) жыл ішінде инвестордың сатып алынған техникалар мен жабдықтарды иеліктен шығармауы және мақсатты пайдалануы;

      2) Басым бағыттар тізбесінің 10, 11, 16, 17, 18, 19, 20-тармақтарында көрсетілген басым бағыттар бойынша: "Сүт тасуға арналған көлік құралын сатып алу", "Ауыл шаруашылығы жануарларын тасуға арналған көлік құралдарын сатып алу", "Ауыл шаруашылығы өнімдерін тасуға арналған көлік құралдарын сатып алу", "Ет тасымалдауға арналған көлік құралын сатып алу" жобаларының паспорттарын қоспағанда, инвестициялық субсидиялау объектісінің пайдалануға берілген сәттен бастап күнтізбелік бір жыл ішінде әрекет етуі/әрекет етпеуі, инвестициялық субсидиялау объектісінің бизнес-жоспарда көзделген мерзімдерде, кемінде 30 % мөлшеріндегі жобалық қуатқа шығуға қол жеткізуі/қол жеткізбеуі тұрғысынан.

      43. Мониторинг функцияларын жүзеге асыру үшін жұмыс органы инвестордан барлық қажетті құжаттар мен ақпаратты сұратады.

      44. Жұмыс органы ай сайын келіп түскен ақпаратты талдайды.

      Инвестордың сатып алынған техникалар мен жабдықтарды иеліктен шығаруы және/немесе мақсатты пайдаланбауы жағдайында, сондай-ақ объект пайдалануға берілген сәттен бастап күнтізбелік бір жыл ішінде әрекет етпеген немесе объекті бизнес-жоспарда көзделген мерзімде кемінде 30 % мөлшеріндегі жобалық қуатқа шықпаған жағдайда жұмыс органы комиссияның қарауына инвестордың инвестициялық субсидиялау шеңберінде алған ақша қаражатын қайтаруына бастамашылық ету мәселесін шығарады.

      Жұмыс органы комиссияның инвестициялық субсидиялау шеңберінде алынған ақша қаражатын қайтару туралы шешімі қабылданған сәттен бастап, күнтізбелік 30 (отыз) күн ішінде сот талқылауына және ақша қаражатын қайтаруға бастамашылық жасайды.

      Оператор инвестициялық субсидиялауды тоқтату туралы комиссияның шешімі қабылданған сәттен бастап 5 (бес) жұмыс күні ішінде қабылданған шешімнің себебін көрсете отырып, инвесторды хатпен хабардар етеді.

      45. Жұмыс органы ай сайын, есепті айдан кейінгі айдың 5-күнінен кешіктірмей, әкімшіге осы Қағидаларға 7-қосымшаға сәйкес нысан бойынша инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидияны игеру туралы есепті ұсынады.

      Жұмыс органының инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидияны игеру туралы жыл сайынғы есебі әкімшіге есепті мерзімнен кейінгі айдың 10-күнінен кешіктірмей, осы Қағидаларға 8-қосымшаға сәйкес нысан бойынша ұсынылады.

      46. Оператор ай сайын, есепті айдан кейінгі айдың соңғы күнінен кешіктірмей, әкімшіге осы Қағидаларға 9-қосымшаға сәйкес нысан бойынша инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидияны алуға арналған өтінімдерді оператордың қарауы туралы есепті ұсынады.

      47. Осы Қағидалар шеңберінде талап етілетін немесе жасалатын хабарламалар, хабарлар, хаттар немесе сұрау салулар жазбаша нысанда ұсынылады.

      48. Инвестициялық субсидиялау мониторингі шеңберінде көзделген есептілік инвестордың құжаттардың түпнұсқаларын операторға кейіннен беруімен, электрондық почтаның жіберудің табысты аяқталғаны туралы растауы болуы шартымен жіберілген күні - қол қойылған материалдарды электрондық почта арқылы жіберу жолымен ұсынылады.

Басым бағыттар (секторлар) тізбесі

Субсидиялауға жататын инвестициялық паспорттардың тізбесі

Бірінші топ

1-бөлім. Ауыл шаруашылығы кооперативтеріне арналған техника мен жабдық сатып алу

      *бір АШК үшін тек бір сүт тасығыш субсидияланады

      *бір АШК үшін тек бір рефрижератор субсидияланады

2-бөлім. Сұранысқа ие ауыл шаруашылығы техникасын сатып алу

      * 1 тракторға – құрамалы әмбебап аспаның 1 бірлігінен көп емес.

3-бөлім. Жайылымдарды суландыру инфрақұрылымына арналған техника мен жабдық сатып алу

      * жиынтықпен сатып алған кезде субсидияланады;

      ** бір өтінім беру үшін бір бірлік құны ғана субсидияланады.

Екінші топ

4-бөлім. Ауыл шаруашылығы техникасын сатып алу

5-бөлім. Сүтті бағыттағы ірі қара мал өсіруге арналған техника мен жабдық сатып алу

      *- аналық бастың әрбір 250 шартты басына есептегенде бір бірлік техника субсидияланады.

      Келесі техника бірлігі көрсетілген коэффициент ескеріле отырып субсидияланады.

      ** - аналық бастың әрбір 250 шартты басына есептегендегі жабдық субсидияланады.

6-бөлім. Құс етін өндіруге арналған техника және жабдық сатып алу

      *- өтеу нормативтері жылына жалпы оң мың тонна өнім өндіру қуатына техника мен жабдық құнына сүйене отырып, есептелген. Қуаты асқан жағдайда, қайта есептеу коэффициенттері қолданылады.

7-бөлім. Ауыл шаруашылығы жануарларын өсіруге арналған техника және жабдықтарды сатып алу

      *- мынадай шаруашылықтарға арналған техника мен жабдық субсидияланады:

      етті мал шаруашылығында – 50 аналық бастан басталатын шаруашылықтар;

      қой шаруашылығында (ешкі шаруашылығында) - 300 аналық бастан басталатын шаруашылықтар;

      жылқы шаруашылығында (түйе шаруашылығында) – 100 аналық бастан басталатын шаруашылықтар.

      *- әрбір 1200 бас негізгі мегежінге есептегенде бір бірлік жабдық субсидияланады.

      **- әрбір 600 бас негізгі мегежінге есептегенде бір бірлік жабдық субсидияланады.

8-бөлім. Суару жүйелерін құру және кеңейту

      Ескертпе: бір барабанды типтегі жаңбырлатқыш машинаның қызмет көрсету алаңы машина тәулігіне 20 сағат үздіксіз жұмыс істейтін жағдайда тәулігіне тәулігіне 8 мм суару нормасының қамтамасыз ету жағдайына сүйене отырып анықталады.

9-бөлім. Азық өндіру жөніндегі объектілерге арналған техника мен жабдық сатып алу

10-бөлім. Сүт және сүт өнімдерін қайта өндеу, дайындау, тасымалдау жөніндегі объектілерді құру және кеңейту

11-бөлім. Ет және ет өнімдерін қайта өңдеу, дайындау, тасымалдау, тері мен жүнді бастапқы қайта өңдеу жөніндегі объектілерді құру және кеңейту

12-бөлім. Балық өсіру (тауарлы балық өсіру) шаруашылықтарына арналған техника мен жабдық сатып алу

13-бөлім. Астық және жеміс-көкөніс өнімін сақтау жөніндегі кәсіпорындарды құруға және кеңейтуге арналған техника мен жабдық сатып алу

      *- астық сақтау қоймасының қуатына байланысты жабдық пен машиналар бірлігінің саны субсидияланады

      *Ескертпе: модулді конструкциядағы картоп сақтау қоймасына арналған өтеу нормативі 14 000 теңге/шаршы м.

      *Ескертпе: жеміс сақтау қоймасының сыйымдылығына байланысты бір немесе одан көп тоңазытқыш жабдықтарын сатып алуға жол беріледі.

14-бөлім. Көкөніс және жеміс өсіруге арналған техника мен жабдық сатып алу

      *көшеттерді субсидиялау тұқым шаруашылығын дамыту бағдарламасы бойынша жүзеге асырылады;

      ** тамшылатып суару жүйесін орнату міндетті;

      *** ауыл шаруашылығы техникасы мен жабдығын сатып алу (қажет болған жағдайда).

      *көшеттерді субсидиялау тұқым шаруашылығы дамыту бағдарламасы бойынша жүзеге асырылады;

      **тамшылатып суару жүйесін орнату міндетті;

      *** ауыл шаруашылығы техникасы мен жабдығын сатып алу (қажет болған жағдайда).

15-бөлім. Құс шаруашылығы саласындағы техника мен жабдықты сатып алу

16-бөлім. Жемістерді, көкөністерді және картопты қайта өңдеуге арналған техника мен жабдық сатып алу

17-бөлім. Қант өндіруге арналған техника мен жабдықты сатып алу

18-бөлім. Май–тоң май өнімдерін өндіруге арналған жабдық және машиналар сатып алу

      *- кәсіпорынның қуатына байланысты жабдықтар мен машиналар бірлігінің саны субсидияланады

19-бөлім. Дәнді дақылдарды тереңдете қайта өңдеуге арналған жабдық сатып алу

20-бөлім: Кондитерлік өнімдерді өндіру жөніндегі объектілерді кеңейту

21-бөлім: Сауда-логистикалық объектілерді қайта құру мен кеңейту

Ауыл шаруашылығы жануарларының басын ірі қара малдың шартты басына ауыстыру коэффициенті

20__ жылғы "___" __________ № ___ инвестордың объектісін қарап-тексеру және өндірістік қуаттылықтардың жүктелгендігіне көз жеткізу актісі

      ________________________________________________

      Облыстың (республикалық маңызы бар қаланың, астананың) атауы

      Инвестордың атауы: ______________________________________________________________

      Жоба паспортының атауы: _________________________________________________________

      Объектінің орналасқан жері: _______________________________________________________

      Мынадай құрамдағы мамандар тобы:

      1.______________________________________________________________________________

      2.______________________________________________________________________________

      инвестициялық субсидиялау мәселелері жөніндегі комиссияның 20__ жылғы _______№ ____

      шешімі негізінде объектіні қарап-тексеру барысында мыналар анықталды:

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      Қарап-тексерудің қорытындылары:__________________________________________________

      ________________________________________________________________________________

      Қарап тексеруді жүзеге асырған адамдардың қолтаңбалары:_____________________________

      Инвестордың (инвестордың өкілінің) қолтаңбасы: _____________________________________

Инвестициялық субсидиялауға өтінім

      Кімге:__________________________________________________________________________

      (оператордың атауы)

      Кімнен: _________________________________________________________________________

      (инвестордың атауы)

Қатысушы туралы мәліметтер

      Инвестициялық жобаның қысқаша сипаттамасы және ол іске асырылатын/іске асырылған

      қаржы қаражатының көзі, инвестиция сомасы және субсидия сомасы

      ________________________________________________________________________________

      Мен/біз ұсынып отырған ақпараттың дұрыстығын растаймын. Дұрыс емес мәліметтер

      ұсынғаным үшін Қазақстан Республикасының заңнамасына сәйкес жауапкершілік туралы

      хабардармын.

      Маған/бізге қатысты жою, оңалту немесе банкроттық рәсімдерінің басталмағандығын,

      сонда-ақ менің/біздің қызметім(-із) Қазақстан Республикасы заңнамасына сәйкес уақытша

      тоқтатылмағандығын растаймыз.

      Тексеру кезінде ұсынылған мәліметтердің сәйкес келмеуі анықталған жағдайда, он

      жұмыс күні ішінде заңсыз түрде алынған ақша қаражатын қайтаруды жүргізуге

      міндеттенемін/міндеттенеміз.

      Ақпараттық жүйелерде қамтылған заңмен қорғалатын құпияны құрайтын мәліметтерді

      пайдалануға келісеміз.

      Т.А.Ә. (болған жағдайда) және инвестордың қолы

      ________________________________________________________________________________

      Мөр орны (болған жағдайда)

      Оператордың өтінімді қабылдаған күні 20__ жылғы "____"_____________

Жобаның инвестициялық субсидиялауға сәйкестігі/сәйкессіздігі туралы оператордың ұсынымы №___

      _________________                                          20__жылғы "___" __________

      (жасалған орны)

      Инвестициялық жоба және оның Инвестициялық салымдар кезінде агроөнеркәсіптік

      кешен субъектісі шеккен шығыстардың бір бөлігін өтеу бойынша субсидиялау қағидаларына

      (бұдан әрі – Субсидиялау қағидалары) сәйкестігі туралы мәліметтер:

      Оператордың қорытындылары:

      Жауапты тұлғаның Т.А.Ә. және қолтаңбасы

      _______________________________ ____________

Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеуге арналған субсидиялардың игерілуі туралы есеп

      20__ жылғы "___"________________________________________________________________

      Мемлекеттік органның атауы ______________________________________________________

      Субсидиялар атауы _______________________________________________________________

      Есеп кезеңі ______________________________________________________________________

      Жоғарыда тұрған бюджеттен алынған қаражат сомасы _________________________________

      ________________________________________________________________________________

      (бюджеттік бағдарламаның атауы)

      ________________________________________________________________________________

      (бюджеттік бағдарламаның (кіші бағдарламаның) коды)

      Әкім ________________________________ ____________

      (Т.А.Ә. (бар болған жағдайда))            (қолы)

      Бірінші басшы – төмен тұрған бюджеттің

      бюджеттік бағдарламалар әкімшісі ________________________________ ____________

      (Т.А.Ә. (бар болған жағдайда))            (қолы)

      Мөр орны (болған жағдайда)

Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеуге арналған субсидиялардың игерілуі туралы жылдық есеп

      20__ жылғы "___"________________________________________________________________

      Мемлекеттік органның атауы ______________________________________________________

      Субсидиялар атауы _______________________________________________________________

      Есеп кезеңі ______________________________________________________________________

      Жоғарыда тұрған бюджеттен алынған қаражат сомасы _________________________________

      ________________________________________________________________________________

      (бюджеттік бағдарламаның атауы)

      ________________________________________________________________________________

      (бюджеттік бағдарламаның (кіші бағдарламаның) коды)

Әкімшілік деректерді жинауға арналған нысан

Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидия алуға арналған өтінімдерді оператордың қарауы туралы есеп

      Есепті кезең 20___ жылғы _________

      Индексі: № 1-МС нысаны

      Кезеңділігі: ай сайын

      Ұсынатын тұлғалар тобы: оператор атауы

      Қайда ұсынылады: Қазақстан Республикасы Ауыл шаруашылығы министрлігі (бұдан әрі – әкімші)

      Тапсыру мерзімі: оператор ай сайын есепті айдан кейінгі айдың соңғы күнінен кешіктірмей, әкімшіге инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидия алуға арналған өтінімдерді оператордың қарауы туралы есепті ұсынады.

      Басшы ___________________ (Т.А.Ә. (бар жағдайда), қолы) ______________________

      Мөр орны (болған жағдайда)

"20__ жылғы _________ үшін инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидия алуға арналған өтінімдерді оператордың қарауы туралы есеп" нысанын толтыру жөніндегі түсіндірме

      1. "20__ жылғы _________ үшін инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидия алуға арналған өтінімдерді оператордың қарауы туралы есеп" нысаны Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларының (бұдан әрі Қағидалар) 47-тармағына сәйкес әзірленді.

      2. "20__ жылғы _________ үшін инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидия алуға арналған өтінімдерді оператордың қарауы туралы есеп" нысанын оператор әкімшіге ай сайын есепті айдан кейінгі айдың соңғы күнінен кешіктірмей ұсынады.

      3. Нысан былайша толтырылады:

      "№" деген 1-бағанда реттік саны көрсетіледі;

      "Инвестициялық паспорттың атауы" деген 2-бағанда Қағидаларға 2-қосымшаға сәйкес инвестициялық паспорттың атауы көрсетіледі;

      "Түскен өтінімдер" деген 3, 4-бағандарда операторға келіп түскен өтінімдердің саны мен мың теңгемен есептелетін жалпы инвестициялар сомасы көрсетіледі;

      "Комиссияның қарауына жіберілген өтінімдер" деген 5, 6, 7 және 8-бағандарда комиссияның қарауына жіберілген өтінімдер саны, оның ішінде инвестициялар сомасы мың теңгеде, өтеу үлесі пайызбен және субсидия сомасы мың теңгемен көрсетіледі;

      "Оператор жұмысындағы өтінімдер саны" деген 9, 10-бағандарда оператор жұмысындағы өтінімдер саны, атап айтқанда инвестициялар сомасы мың теңгемен көрсетіледі.