1. Қызылорда облысында тұратын азаматтарға емделу үшін елді мекен шегінен тысқары жерлерге бюджет қаражаты есебінен тегін немесе жеңілдікпен жол жүру ұсынылсын.
2. "Қызылорда облысының денсаулық сақтау басқармасы" мемлекеттік мекемесінің медициналық көрсеткіштері бойынша дәрігерлік-кеңес беру комиссиясының анықтамасы болған жағдайда науқастың және оны ертіп баратын тұлғаның емделуге бару-қайту жол ақысын:
1) әуе көлігімен немесе теміржол көлігінің (жұмсақ дивандары төменде орналасқан, оның қалпын реттеу құрылғысымен отыруға арналған жұмсақ креслолары бар екі орындық купе (ҰВ), сондай-ақ жүрдек поездардың "Турист" және "Бизнес" класты) вагондарымен жүрген кезде – теміржол көлігінің купелі вагонының бір билетінің нақты құны мөлшерінде;
2) темір жол көлігінің купелі вагоны, плацкарт вагоны мен қалааралық автомобиль көлігімен жүрген кезде – оның бір билетінің нақты құны мөлшерінде өтеу жүргізіледі.
3. "Қызылорда облысында тұратын азаматтардың елді мекен шегінен тыс жерлерге емделу үшін облыстық бюджет қаражаты есебінен тегін немесе жеңілдікпен жол жүруі туралы" Қызылорда облыстық мәслихатының 2010 жылғы 8 шілдедегі № 236 шешімі (нормативтік құқықтық актілерді мемлекеттік тіркеу Тізілімінде 4256 нөмірімен тіркелген, облыстық "Сыр бойы" газетінде 2010 жылғы 2 қыркүйекте және облыстық "Кызылординские вести" газетінде 2010 жылғы 4 қыркүйекте жарияланған) күші жойылды деп танылсын.
4. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қызылорда облыстық | Қызылорда облыстық |
| мәслихатының кезектен тыс | мәслихаты хатшысының |
| 44 сессиясының төрағасы | уақытша міндетін атқарушы |
| М. Кәрім | Қ. Бисенов |