Мемлекеттік қызметтер көрсету сапасын мемлекеттік бақылау қағидаларын бекіту туралы

      Қазақстан Республикасының 2013 жылғы 15 сәуірдегі "Мемлекеттік көрсетілетін қызметтер туралы" Заңы 7-бабының 3)-тармақшасына, Қазақстан Республикасының 2010 жылғы 19 наурыздағы "Мемлекеттік статистика туралы" Заңы 16-бабының 3-тармағы 2)-тармақшасына сәйкес, БҰЙЫРАМЫН:

      1. Қоса беріліп отырған Мемлекеттік қызметтер көрсету сапасын мемлекеттік бақылау қағидалары бекітілсін.

      2. "Мемлекеттік қызметтер көрсету сапасын мемлекеттік бақылау қағидаларын бекіту туралы" Қазақстан Республикасы Мемлекеттік қызмет істері министрінің 2016 жылғы 16 ақпандағы № 35 бұйрығының (Нормативтік құқықтық актілерді мемлекеттік тіркеу тізілімінде № 13359 болып тіркелген, 2016 жылғы 11 наурызда "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Мемлекеттік қызмет істер және сыбайлас жемқорлыққа қарсы іс-қимыл агенттігінің Мемлекеттік қызметтер департаменті заңнамамен белгіленген тәртіпте:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрықтың Қазақстан Республикасының Әділет министрлігінде мемлекеттік тіркегеннен кейін күнтізбелік он күн ішінде мерзімді баспасөз басылымдарына ресми жариялауға жолдануын;

      3) осы бұйрықтың тіркегеннен кейін күнтізбелік он күн ішінде Қазақстан Республикасының Нормативтік құқықтық актілерінің эталондық бақылау банкінде орналастыру үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдануын;

      4) осы бұйрықтың Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің интернет-ресурсында орналастырылуын қамтамасыз етсін.

      4. Осы бұйрықтың орындалуын бақылау мемлекеттік қызметтерді көрсетудің сапасын бақылау және бағалау мәселелеріне жетекшілік ететін Қазақстан Республикасының Мемлекеттік қызмет істер және сыбайлас жемқорлыққа қарсы іс-қимыл агенттігі Төрағасының орынбасарына жүктелсін.

      5. Осы бұйрық алғаш ресми жарияланған күннен кейін күнтізбелік он күн өткен соң қолданысқа енгізіледі.

      "Келісілді"

      Қазақстан Республикасының

      Ақпарат және коммуникациялар министрі

      ______________________ Д. Абаев

      2016 жылғы "___"___________

      "Келісілді"

      Қазақстан Республикасының

      Ұлттық экономика министрлігі

      Статистика комитетінің төрағасы

      _________________ Н. Айдапкелов

      2016 жылғы "___"______________

Мемлекеттік қызметтер көрсету сапасын мемлекеттік бақылау қағидалары

1-тарау. Жалпы ережелер

      1. Осы Мемлекеттік қызметтер көрсету сапасын мемлекеттік бақылау қағидалары орталық мемлекеттік органдардың, олардың ведомстволарының, орталық мемлекеттік органдардың аумақтық бөлімшелерінің және олардың ведомстволарының, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарының, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдерінің, орталық мемлекеттік органдардың немесе жергілікті атқарушы органдардың ведомстволық бағынысты ұйымдарының, Қазақстан Республикасының заңнамасына сәйкес мемлекеттік қызметтерді көрсететін жеке және заңды тұлғалардың (бұдан әрі – Тексерілетін субъектілер) мемлекеттік қызметтер көрсетуі сапасына мемлекеттік бақылау жүргізу тәртібін айқындайды.

      2. Қазақстан Республикасының 2015 жылғы 29 қазандағы Кәсіпкерлік кодексінің (бұдан әрі – Кәсіпкерлік кодекс) 134-бабына сәйкес мемлекеттік бақылау сыртқы және iшкi болып бөлiнедi.

      3. Мемлекеттік бақылау мынадай қағидаттарға негізделеді:

      1) заңдылық;

      2) объективтілік;

      3) бейтараптық;

      4) ашықтық;

      5) жан-жақтылық;

      6) тәуелсіздік;

      7) анықтық.

2-тарау. Сыртқы мемлекеттік бақылау жүргізудің тәртібі

      4. Мемлекеттік қызметтер көрсету сапасын сыртқы мемлекеттік бақылауды Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі (бұдан әрі - Агенттік) және оның аумақтық органдары Тексерілетін субъектілердің Қазақстан Республикасының мемлекеттік көрсетілетін қызметтер саласындағы заңнамасын сақтауын профилактикалық бақылау, жоспардан тыс тексеру (бұдан әрі - тексеру) және мониторингтеу нысанында жүзеге асырады.

      5. Тексеру және Тексерілетін субъектіге бару арқылы профилактикалық бақылау жүргізу кезінде Агенттік және оның аумақтық органдары:

      1) тексерілетін субъектілерден және (немесе) лауазымды адамдардан тексеру және (немесе) Тексерілетін субъектіге бару арқылы профилактикалық бақылау жүргізудің нысанасына тиісті қағаз және (немесе) электрондық жеткiзгiштердегi құжаттарды (мәлiметтердi) не олардың көшiрмелерiн тексеру және (немесе) Тексерілетін субъектіге бару арқылы профилактикалық бақылау жүргізудің нәтижелерi туралы актіге қосу үшiн, сондай-ақ тексерудiң және (немесе) Тексерілетін субъектіге бару арқылы профилактикалық бақылау жүргізудің мiндеттерi мен нысанасына сәйкес автоматтандырылған деректер қорына (ақпараттық жүйелерге) қол жеткiзуді сұратады және алады;

      2) ауызша тыңдайды және тиісті лауазымдық тұлғалардан жазбаша түсініктемелерді талап етеді (қажет болған жағдайда нақты сұрақтар қою жолымен);

      3) ішкі бақылау нәтижелері туралы ақпаратты сұратады;

      4) мемлекеттік қызметтер көрсету сапасының қоғамдық мониторингінің нәтижелері бойынша жеке тұлғалар, коммерциялық емес ұйымдар ұсынған ақпаратты қолданады;

      5) Тексерілетін субъектілерге мемлекеттік қызметтер көрсету сапасын арттыру, оның ішінде анықталған бұзушылықтарды жою, сондай-ақ Қазақстан Республикасының мемлекеттік көрсетілетін қызметтер саласындағы заңнамасы талаптарының орындамағаны немесе тиісті түрде орындамағаны үшін кінәлі адамдарды жауапкершілікке тарту жөнінде ұсыныстар енгізеді.

§ 1-параграф. Қазақстан Республикасының мемлекеттік көрсетілетін қызметтер саласындағы заңнамасының сақталуына тексеру және Тексерілетін субъектіге бару арқылы профилактикалық бақылау жүргізудің тәртібі

      Ескерту. 1-параграфтың тақырыбы жаңа редакцияда – ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 29.08.2018 № 213 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      6. Профилактикалық бақылау:

      1) Тексерілетін субъектіге бару арқылы профилактикалық бақылауға;

      2) Тексерілетін субъектіге бармай профилактикалық бақылауға бөлінеді.

      6-1. Тексерілетін субъектіге бару арқылы жүзеге асырылатын, құқық бұзушылықтардың профилактикасына, жеке және заңды тұлғалардың, мемлекеттің заңды мүдделеріне олардан төнетін қатердің профилактикасы мен алдын алу мақсатында олардың жасалу себептері мен жағдайларын жою үшін ұсынымдар беруге бағытталған бақылау профилактикалық бақылау болып табылады.

      Тексерілетін субъектіге бару арқылы профилактикалық бақылау нәтижелері бойынша бұзушылықтарды жою туралы нұсқама жасалады.

      Агенттік және (немесе) оның аумақтық органы кәсіпкерлік субъектілерін қолдау және қорғау саласындағы бақылауды жүзеге асырған кезде әкімшілік құқық бұзушылық туралы істерді қозғайды.

      6-2. Тәуекел дәрежесін бағалау өлшемшарттарына сәйкес өрескел бұзушылықтар анықталған жағдайда, Тексерілетін субъектіге бару арқылы профилактикалық бақылау нәтижелері бойынша тәуекел дәрежесін бағалау өлшемшарттарына сәйкес Агенттік және (немесе) оның аумақтық органы тексеру тағайындайды.

      6-3. Тексерілетін субъектіге бармай профилактикалық бақылауды талдау нәтижелері Тексерілетін субъектіге бару арқылы профилактикалық бақылау жүргізу үшін бақылау субъектілерін іріктеуге негіз бола алады.

      7. Тексерілетін субъектіге бару арқылы профилактикалық бақылау тағайындау негіздемелері Тексерілетін субъектіге бару арқылы профилактикалық бақылау жүргізілетін жылдың алдындағы жылдың 10 желтоқсанына дейінгі және ағымдағы күнтізбелік жылдың 10 мамырына дейінгі мерзімде Агенттік Төрағасының немесе оның міндетін атқарушы тұлғаның бекіткен жартыжылдық тізімі болып табылады.

      7-1. Тексерілетін субъектіге бару арқылы профилактикалық бақылау тізімдері Кәсіпкерлік кодекстің 141-бабына сәйкес бекітілген тәуекел дәрежесін бағалау өлшемшарттары негізінде жасалады және есептілікті және бақылаудың өзге де нысандарының нәтижелерін талдау нәтижелері бойынша, сондай-ақ, нақты фактіге байланысты және ықтимал тәуекелдері бар бақылау субъектілері аясын айқындау мақсатында, оның ішінде "электрондық үкімет" веб-порталын пайдалана отырып және басқа мемлекеттік органдарға сұрау салу арқылы қалыптастырылады.

      7-2. Тексерілетін субъектіге бармай профилактикалық бақылау осы Кәсіпкерлік кодекстің 137-бабына және Қазақстан Республикасының өзге де заңдарына сәйкес жүзеге асырылады.

      8. Тексеруді жүргізуге:

      1) тексерудің және Тексерілетін субъектіге бару арқылы профилактикалық бақылаудың нәтижесінде тәуекелдер дәрежесін бағалау өлшемшарттарында айқындалған, анықталған өрескел бұзушылықтарды жою туралы нұсқамалардың орындалуын бақылау;

      2) Тексерілетін субъект анықталған бұзушылықтарды жою туралы ақпаратты бір реттен көп бермеген және (немесе) бұзушылықтарды жоймаған жағдайларда, тексерудің және Тексерілетін субъектіге бару арқылы профилактикалық бақылаудың нәтижесінде тәуекелдер дәрежесін бағалау өлшемшаттарында айқындалған, анықталған елеулі және елеусіз бұзушылықтарды жою туралы нұсқамалардың орындалуын бақылау;

      3) құқықтары бұзылған жеке және заңды тұлғалардың (тұтынушылардың) өтініштері;

      4) Қазақстан Республикасының мемлекеттік көрсетілетін қызметтер саласындағы заңнаманың бұзылуының нақты фактілері бойынша прокуратура органдарының тапсырмалары;

      5) Қазақстан Республикасының мемлекеттік көрсетілетін қызметтер саласындағы заңнаманың бұзылуының нақты фактілері бойынша мемлекеттік органдардың өтініштері;

      6) тексерудi жүзеге асыру үшiн қажеттi ақпаратты алу мақсатында бақылау және қадағалау субъектiсі азаматтық-құқықтық қатынастарда болған үшiншi тұлғаларға қатысты қарсы тексеру;

      7) бақылау және қадағалау субъектісінің бастапқы тексерумен келіспейтіні туралы жүгініміне байланысты қайта тексеру;

      8) қылмыстық қудалау органының Қазақстан Республикасының Қылмыстық-процестік кодексiнде көзделген негіздер бойынша тапсырмасы негіздер болып табылады.

      9. Тексеру және Тексерілетін субъектіге бару арқылы профилактикалық бақылау:

      орталық мемлекеттік органдардың, олардың ведомстволарының және оларға ведомстволық бағынысты ұйымдардың қызметтеріне Агенттіктің қызметкерлері жүргізеді;

      орталық мемлекеттік органдарының аумақтық бөлімшелерінің және олардың ведомстволарының, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарының, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдерінің және оларға ведомстволық бағынысты ұйымдардың қызметтеріне құзіреті шегінде Агенттіктің аумақтық органдарының қызметкерлері, сонымен қатар Агенттік басшылығының тапсырмасы бойынша Агенттіктің қызметкерлері жүргізеді.

      10. Осы Қағидалардың 9-тармағында көрсетілген Тексерілетін субъектілерді қоспағанда, жеке және заңды тұлғалардың (көрсетілетін қызметті берушілердің) Қазақстан Республикасының мемлекеттік көрсетілетін қызметтер саласындағы заңнамасын бұзғаны туралы шағым келіп түскен жағдайда, мұндай шағым Кәсіпкерлік кодексте көзделген бақылаудың тиісті шараларын қабылдау үшін осы мемлекеттік қызметтер көрсетілген салада бақылауды жүзеге асыратын уәкілетті органдарға жолданады.

      11. Кәсіпкерлік кодекстің 154-бабы 1-тармағы 3) тармақшасына сәйкес тексеру жүргізуге және Тексерілетін субъектіге бару арқылы профилактикалық бақылауға мемлекеттiк органдардың және ведомстволық бағынысты ұйымдардың мамандарын, консультанттарын және сарапшыларын тарта алады.

      12. Тексеру және (немесе) Тексерілетін субъектіге бару арқылы профилактикалық бақылау Кәсіпкерлік кодексінің 145-бабының 2 және 3-тармақтарына сәйкес мәліметтерімен қамтылған Агенттіктің басшылығы немесе оның аумақтық органының басшылары немесе олардың міндетін атқарушы тұлғалар шығарған тексеруді және (немесе) Тексерілетін субъектіге бару арқылы профилактикалық бақылауды тағайындау туралы акт негізінде жүргізіледі.

      13. Тексеру және Тексерілетін субъектіге бару арқылы профилактикалық бақылау жүргізудің мерзімдері алдағы жұмыстардың көлемі, сондай-ақ қойылған міндеттер ескеріле отырып келесідей белгіленеді:

      тексеру жүргізу кезінде - он жұмыс күнінен аспайтын және он жұмыс күніне дейін ұзартылатын мерзімнен;

      Тексерілетін субъектіге бару арқылы профилактикалық бақылауды жүргізу кезінде - он бес жұмыс күнінен аспайтын және он бес жұмыс күніне дейін ұзартылатын мерзімнен аспауға тиіс.

      14. Агенттіктің басшылығы немесе оның аумақтық органының басшылары немесе олардың міндетін атқарушы тұлғалар тексеру және Тексерілетін субъектіге бару арқылы профилактикалық бақылау жүргізудің мерзімдерін осы Қағидалардың 13-тармағында айқындалған мерзімдерге бір рет қана ұзарта алады.

      Тексеру және Тексерілетін субъектіге бару арқылы профилактикалық бақылау мерзiмдерi ұзартылған жағдайда Агенттік және (немесе) оның аумақтық органы мiндеттi түрде құқықтық статистика және арнайы есепке алу саласындағы уәкiлеттi органда тіркей отырып, тексеруді және Тексерілетін субъектіге бару арқылы профилактикалық бақылауды ұзарту туралы қосымша актіні ресiмдейдi, онда тексеруді немесе Тексерілетін субъектіге бару арқылы профилактикалық бақылауды тағайындау туралы алдыңғы актiнiң нөмiрi мен тіркелген күні және ұзарту себебі көрсетiледi.

      Тексеру және Тексерілетін субъектіге бару арқылы профилактикалық бақылау мерзімдері ұзартылған туралы хабарлама Тексерілетін субъектіге ұзартылғанға дейін бір жұмыс күн бұрын жолданады.

      15. Тексерілетін субъектінің қызметіне (дербес дерек бойынша дара немесе жалпы белгіленген кезеңде) мемлекеттік қызметтер көрсету сапасының мәселесі бойынша тексерудің алдында оның қызметін реттейтін және сипаттайтын нормативтік құқықтық актілер, материалдар зерделенеді.

      16. Осы Қағидалардың 8-тармағының 3) және 8) тармақшаларында көзделген жағдайларды қоспағанда, тексеруді және Тексерілетін субъектіге бару арқылы профилактикалық бақылауды жүргізу кезiнде Агенттіктің немесе оның аумақтық органының құзыретті қызметкері (бұдан әрі - Тексеруші адам) Тексерілетін субъектіге бару арқылы профилактикалық бақылауды жүргізу нысанасын көрсете отырып, тексеруді және Тексерілетін субъектіге бару арқылы профилактикалық бақылауды жүргізудің басталатыны туралы олар басталғанға дейін кемінде бір тәулік бұрын Тексерілетін субъектіге хабарлайды.

      17. Тексерілетін субъектіге немесе оның өкіліне тексеруді немесе Тексерілетін субъектіге бару арқылы профилактикалық бақылауды тағайындау туралы актіні табыс ету, сондай-ақ Тексерілетін субъектіні тексеруге және Тексерілетін субъектіге бару арқылы профилактикалық бақылауға жататын талаптардың тармақтары көрсетілген тексеру парағымен таныстыру күні тексеруді немесе Тексерілетін субъектіге бару арқылы профилактикалық бақылауды жүргізудің басталуы деп есептеледі.

      18. Тексерудi немесе Тексерілетін субъектіге бару арқылы профилактикалық бақылауды тағайындау туралы актiнi қабылдаудан, тексеру парағымен танысудан бас тартылған, сондай-ақ Тексерілетін субъектіні тексеруді немесе Тексерілетін субъектіге бару арқылы профилактикалық бақылауды жүзеге асыратын лауазымды тұлғаның тексеруді немесе Тексерілетін субъектіге бару арқылы профилактикалық бақылауды жүргiзу үшін қажетті материалдарға қол жеткiзуiне кедергі келтiрiлген жағдайларда хаттама жасалады. Хаттамаға Агенттік және (немесе) онын аумақтық органының лауазымды тұлғасы не оның уәкілетті адамы қол қояды.

      Тексерудi немесе Тексерілетін субъектіге бару арқылы профилактикалық бақылауды тағайындау туралы актiнi алудан бас тарту тексеруді немесе Тексерілетін субъектіге бару арқылы профилактикалық бақылауды жүргізбеуге негіз болып табылмайды.

      19. Тексеру жүргізу шеңберінде шет мемлекеттерден елеулi мәнi бар мәлiметтер мен құжаттарды алу, бір айдан көп мерзiмдерде арнайы зерттеулер, сынақтар, сараптамалар жүргiзу қажет болған жағдайларда, тексеру жүргiзу мерзiмi оларды алғанға не орындағанға дейiн тоқтатыла тұрады.

      20. Тексеру бір айдан аспайтын мерзімге бір рет тоқтатылады.

      21. Тексерiлетiн субъектiнi тексерудi тоқтата тұру не қайта бастау туралы хабардар ету Кәсіпкерлік кодекстің 146-бабына сәйкес жүргiзiледi.

      22. Тексерудің аяқталуы бойынша Тексеруші адам тексерудің нәтижелері туралы актіні үш данада жасайды.

      Агенттік және оның аумақтық органы тексеру нәтижелері туралы актінің бірінші данасын құқықтық статистика және арнайы есепке алу саласындағы уәкілетті органға және оның аумақтық органдарына электрондық нысанда тапсырады, екінші данасы танысу және анықталған бұзушылықтарды жою бойынша шаралар қабылдау және басқа да іс-қимылдар үшін Тексерiлетiн субъектiге немесе оның өкіліне қағаз жеткізгіште қолын қойғызып беріледі, үшінші данасы бақылау органында қалады.

      Тексерудің нәтижелері туралы актіде Кәсіпкерлік кодексінің 152-бабының 1-тармағына сәйкес мәліметтер көрсетіледі.

      22-1. Тексеру нәтижелері туралы актіге бұзушылықтар анықталған жағдайларда анықталған бұзушылықтарды жою туралы нұсқама қоса беріледі.

      Тексеру жүргізілу барысында тексеру парақтарының талаптарын бұзушылықтар анықталған тексеру нәтижелері туралы әрбір акт бойынша бір ғана нұсқама беріледі.

      Анықталған бұзушылықтарды жою туралы нұсқамада Кәсіпкерлік кодексінің 152-1-бабының 2-тармағына сәйкес мәліметтер көрсетіледі.

      23. Тексеруді тағайындау туралы актіде көрсетілген тексеруді аяқтау мерзімінен кешіктірмей, Тексерілетін субъектіге немесе оның өкіліне тексерудің нәтижелері туралы актінің тапсырылған күні тексеру мерзімінің аяқталғаны болып есептеледі.

      24. Тексерілетін субъект немесе оның өкілі тексерудің нәтижелері туралы актіге қол қоюдан бас тартқан жағдайда, Тексеруші адам (адамдар) еркін нысанда тиiстi хаттама жасап, ол актінің бiр данасымен қоса Тексерілетін субъектінің кеңсесiне беріп, актінің екiншi данасына ұсынылған материалдарды тiркеу туралы хат-хабарлардың кiрiс журналында немесе Мемлекеттік органдардың электрондық құжат айналымының бірыңғай жүйесінде белгi соқтырып алады.

      25. Тексеру нәтижесі бойынша ескертулер және (немесе) қарсылықтар болған жағдайда, оларды Тексерілетін субъектінің басшысы немесе олардың өкілдері еркін нысанда жазбаша түрде баяндайды және Агенттікке немесе оның тексеруді жүргізген аумақтық органына тексеру жүргiзудiң нәтижелерi туралы актiмен танысудан кейін үш жұмыс күні ішінде жібереді.

      Ескертулер және (немесе) қарсылықтар тексеру жүргiзудiң нәтижелерi туралы актiге қоса берiледi, актіге бұл туралы тиiстi белгi қойылады.

      26. Қарсылықтарды қарау үшін Агенттікте және оның аумақтық органдарында құрамына Агенттік және оның аумақтық органдарының Тексерілетін субъектті тексеруге қатыспаған қызметкерлері кіретін арнайы комиссиялар құрылады.

      Арнайы комиссиялардың саны мен құрамы Агенттік және оның аумақтық органдарымен дербес белгіленеді, және бес адамнан кем болмауы тиіс.

      27. Арнайы комиссиялар қарсылықтарды қарау және тексеру қорытындысы объективтілігін анықтау бойынша отырыс өткізеді, оған қарсылықтарды ұсынған Тексерілетін субъектінің өкілдері, сондай-ақ Тексеруші адам (адамдар) шақырылады.

      Арнайы комиссиялар отырыстарының нәтижелері бойынша отырыс хаттамалары пысықталады, арнайы комиссиялардың төрағалары қол қояды және Тексерілетін субъектінің назарына жеткізіледі.

      28. Тексеру және (немесе) Тексерілетін субъектіге бару арқылы профилактикалық бақылаудың нәтижесінде анықталған бұзушылықтар бойынша қосымша уақыт және (немесе) қаржы шығындары қажет болған жағдайда, Тексерілетін субъект үш жұмыс күнінен кешіктірмей бұзушылықтарды жою мерзімдерін ұзарту туралы өтінішпен Агенттік және (немесе) оның аумақтық органына жүгінеді.

      Өтініште Тексерілетін субъект бұзушылықтарды жою бойынша қабылданатын шараларды және бұзушылықтарды жою мерзімдерін ұзартудың объективті себептерін баяндайды.

      Агенттік және (немесе) оның аумақтық органы өтініште жазылған дәлелдерді ескере отырып, үш жұмыс күні ішінде, бұзушылықтарды жою мерзімдерін ұзарту немесе уәжді негіздемемен ұзартудан бас тарту туралы шешім қабылдайды.

      28-1. Анықталған бұзушылықтарды жою туралы нұсқамада белгіленген бұзушылықтарды жою мерзімі өткеннен кейін Тексерілетін субъект анықталған бұзушылықтарды жою туралы ақпаратты нұсқамада белгіленген мерзім ішінде Агенттікке және (немесе) оның аумақтық органына ұсынады.

      28-2. Тексерілетін субъект тексеру және (немесе) Тексерілетін субъектіге бару арқылы профилактикалық бақылаудың нәтижесінде анықталған, тәуекелдер дәрежесін бағалау өлшемшарттарында айқындалған елеулі және елеусіз бұзушылықтарды жою туралы нұсқаманың орындалуы туралы ақпаратты белгіленген мерзімде бермеген жағдайда, Агенттік және (немесе) оның аумақтық органы екі жұмыс күні ішінде Тексерілетін субъектіге нұсқаманың орындалуы туралы ақпаратты беру қажеттігі туралы сұрау салу жібереді.

      28-3. Ақпаратты беру қажеттігі туралы сұрау салуды алғаннан кейін Тексерілетін субъект үш жұмыс күні ішінде тиісті ақпаратты Агенттікке және (немесе) оның аумақтық органына ұсынады.

      Аталған ақпарат ұсынылмаған жағдайда Агенттік және (немесе) оның аумақтық органы осы Қағидалардың 8-тармағы 2) тармақшасына сәйкес тексеру тағайындайды.

      29. Тексерілетін субъектілердің лауазымды адамдарының әрекеттерінде қылмыстық құқық бұзушылық немесе қылмыс белгілері табылған жағдайда, Агенттіктің басшылығы немесе оның аумақтық органының басшылары немесе олардың міндетін атқарушы тұлғалар тексеру және (немесе) Тексерілетін субъектіге бару арқылы профилактикалық бақылаудың материалдарын тиісті құзыретті органдарға жолдау бойынша шараларды қабылдайды.

      30. Егер тексеру жүргiзу нәтижесiнде тексерiлетiн субъектiнiң Қазақстан Республикасының заңнамасында белгiленген талаптарды бұзу фактiсi анықталған болса, Тексерілетін субъект басшысының немесе оның өкілі атына анықталған бұзушылықтарды, оларға ықпал ететін себептер мен жағдайларды жою, мемлекеттік көрсетілетін қызметтердің стандарттары мен регламенттеріне, басқа да нормативтің құқықтық актілергі тиісті өзгерістер мен (немесе) толықтырулар енгізу, мемлекеттік қызметтер көрсету процестерін оңтайландыру, кінәлі адамдарды жауапкершілікке тарту, көрсетілетін қызметті алушының бұзылған құқықтарын, бостандықтары мен заңды мүдделерін қалпына келтіру бойынша шаралар қабылдау және тиiстi мерзiмге қараудың нәтижелерi туралы Агенттікке немесе оның аумақтық органына хабардар ету туралы шаралар қолдану бар хат (бұдан әрі - Шаралар қолдану бар хат) жолданады.

      31. Тексеруші адам (адамдар) Қазақстан Республикасының заңдарында көзделген жағдайларды қоспағанда, тексеру жүргізу нәтижесінде алынған, соның ішінде коммерциялық, салықтық немесе заңмен қорғалатын өзге де құпия болып табылатын ақпаратты жария етпеуді қамтамасыз етеді.

      32. Тексеру нәтижесінде анықталған бұзушылықтар бойынша Тексерілетін субъект Шаралар қолдану бар хатты алған күннен бастап бес жұмыс күнінен кешіктірмей, Агенттікке немесе оның тексеру жүргізген аумақтық органына анықталған бұзушылықтарды жою және ұсынымдарды орындау жөніндегі іс-шаралар жоспарын (бұдан әрі – Іс-шаралар жоспары) ұсынады.

      33. Іс-шаралар жоспары Тексерілетін субъектінің жауапты адамдарды, орындалу мерзімін және аяқталу нысанын көрсете отырып, анықталған бұзушылықтарды жою және ұсынымдарды орындау бойынша шараларының тізбесін қамтиды.

      34. Тексерілетін субъект Агенттікке немесе оның аумақтық органына тексеру жүргізген аумақтық органына Іс-шаралар жоспарын орындау бойынша ақпаратты және растайтын құжаттардың көшірмелерін ұсынады.

      35. Егер тексеру нәтижесінде анықталған бұзушылықтар бойынша Тексерілетін субъект оларды жою бойынша шаралар қабылдамаған жағдайда, Агенттік немесе оның тексеру жүргізген аумақтық органы Қазақстан Республикасының заңнамасында көзделген өкілеттіліктер шегінде жоғарыда тұрған мемлекеттік орган немесе лауазымды адамға тексеру нәтижелері туралы актіні, тиісті шараларды қабылдамаған адамдардың жауапкершілігін қарау туралы шаралар қабылдау бар хатты он жұмыс күн ішінде енгізеді және осындай фактілер туралы прокуратура органдарын және Қазақстан Республикасының өзге де мемлекеттiк органдарын хабардар етеді, сондай-ақ Қазақстан Республикасының соттарына талап қою арызымен жүгінуге құқылы.

§ 2-параграф. Қазақстан Республикасының мемлекеттік көрсетілетін қызметтер саласындағы заңнамасының сақталуына сыртқы мониторинг жүргізудің тәртібі

      36. Қазақстан Республикасының мемлекеттік көрсетілетін қызметтер саласындағы заңнамасының сақталуының сыртқы мониторингі Агенттік және оның аумақтық органдары:

      1) көрсетілетін қызметті берушілер және мемлекеттік көрсетілетін қызметтер бойынша, оның ішінде мемлекеттік қызметтер көрсету мерзімінің бұзылуы бойынша мемлекеттік қызметтер көрсету мониторингінің ақпараттық жүйесінде көрсетілген мәліметтерді;

      2) тоқсан сайын есептік кезеңнен кейінгі айдың 10-ыншы күніне дейін ішкі мемлекеттік бақылау шеңберінде тексерілетін субъектілер ұсынатын ақпаратты;

      3) "электрондық үкіметтің" веб-порталын, көрсетілетін қызметті берушілердің интернет-ресурстарын және бұқаралық ақпарат құралдарын;

      4) мемлекеттік қызметтерді көрсету сұрақтары бойынша жеке және заңды тұлғалардың өтініштерін талдау арқылы жүзеге асырады.

      37. Агенттік басшылығы немесе оның аумақтық органының басшылары немесе олардың міндетін атқарушы тұлғалар Қазақстан Республикасының мемлекеттік көрсетілетін қызметтер саласындағы заңнамасының сақталуының сыртқы мониторингі нәтижелерi бойынша мынадай:

      1) Тексерілетін субъект басшысы немесе оның өкілі атына Қазақстан Республикасының мемлекеттік көрсетілетін қызметтер саласындағы заңнамасының сақталуының сыртқы мониторингі қорытындылары бойынша анықталған бұзушылықтарды, оларға ықпал ететін себептер мен жағдайларды жою, кінәлі адамдарды жауапкершілікке тарту, көрсетілетін қызметті алушының бұзылған құқықтарын, бостандықтары мен заңды мүдделерін қалпына келтіру бойынша шаралар қабылдау туралы Шаралар қолдану бар хат жолдау және тиiстi мерзiмге қарау нәтижелерi туралы Агенттікті немесе оның аумақтық органын хабардар ету туралы;

      2) ішкі бақылау нәтижелеріндегі ақпаратты назарға алу туралы шешiм қабылдайды.

      Тексерілетін субъектілердің лауазымды адамдарының әрекеттерінде қылмыстық құқық бұзушылық немесе қылмыс белгілері табылған жағдайда, Агенттік басшылығы немесе оның аумақтық органының басшылары немесе олардың міндетін атқарушы тұлғалар тексеру материалдарын тиісті органдарға жолдайды.

3-тарау. Ішкі мемлекеттік бақылау жүргізудің тәртібі

      38. Мемлекеттік қызметтер көрсету сапасын ішкі мемлекеттік бақылауды (бұдан әрі – Ішкі мемлекеттік бақылау) орталық мемлекеттік органдардың және олардың ведомстволарының және жергілікті атқарушы органдардың мемлекеттік көрсетілетін қызметтер мәселелерін үйлестіретін тиісті құрылымдық бөлімшелері бақылау іс-шарасы және мемлекеттік қызметтер көрсету сапасының мониторингі нысанында жүзеге асырады.

      Орталық мемлекеттік органдардың аумақтық бөлімшелері және олардың ведомстволары мемлекеттік қызметтер көрсету сапасының мониторингін жүргізеді және осы Қағидалардың "Мемлекеттік көрсетілетін қызметтердің сапасын ішкі бақылау бойынша орталық мемлекеттік органның, оның ведомствосының, аумақтық органдарының, ведомствоға қарасты ұйымдардың жұмысы туралы есеп" 1-қосымшасына сәйкес "Мемлекеттік қызмет көрсету сапасы мониторингінің нәтижелері туралы ақпарат" бөлімі бойынша ақпаратты береді.

      39. Орталық мемлекеттік органның, оның ведомствосының мемлекеттік көрсетілетін қызметтер мәселелерін үйлестіретін құрылымдық бөлімшесі орталық мемлекеттік орган, оның ведомстволары, ведомстволық бағынысты ұйымдары, сондай-ақ қызметін үйлестіруді орталық мемлекеттік орган жүзеге асыратын жеке және заңды тұлғалар көрсететін мемлекеттік қызметтердің сапасына Ішкі мемлекеттік бақылау жүргізеді.

      40. Жергілікті атқарушы органның мемлекеттік көрсетілетін қызметтер мәселесін үйлестіретін құрылымдық бөлімшесі тиісті әкімшілік-аумақтық бірліктің жергілікті атқарушы органдары, ведомстволық бағынысты ұйымдары, сондай-ақ қызметін үйлестіруді жергілікті атқарушы орган жүзеге асыратын жеке және заңды тұлғалар көрсететін мемлекеттік қызметтердің сапасына Ішкі мемлекеттік бақылау жүргізеді.

§ 1-параграф. Бақылау іс-шарасын жүргізудің тәртібі

      41. Бақылау іс-шарасы бақылау объектілерінің бұзушылықтарын анықтау, жою және оларға жол бермеу мақсатында орталық мемлекеттік органдардың, олардың ведомстволарының және жергілікті атқарушы органдардың Қазақстан Республикасының мемлекеттік көрсетілетін қызметтер саласындағы заңнамасының және Қазақстан Республикасының өзге заңнамасының сақталу бойынша Ішкі мемлекеттік бақылау жүргізуге жауапты құрылымдық бөлімшесі жүзеге асыратын өзара байланысты бақылау іс-қимылдарының кешені болып табылады.

      42. Бақылау іс-шараларын жүргізуге негіз болып табылатын құжаттар:

      жоспарланатын кезеңнен (жылдан) алдыңғы жылдың 25 желтоқсанынан кешіктірмей, орталық мемлекеттік орган немесе оның ведомствосы және (немесе) жергілікті атқарушы орган басшылығының бұйрығымен бір жылға бекітілетін бақылау іс-шараларының жоспары;

      мемлекеттік қызметтер көрсету сапасының мониторингі нәтижелері бойынша орталық мемлекеттік орган, оның ведомствосы және (немесе) жергілікті атқарушы орган басшылығының бақылау іс-шарасын тағайындау туралы бұйрығы.

      43. Бақылау іс-шаралары жоспарында бақылауға жататын мәселелер мен объектілердің тізбесі, жүргізу мерзімдері, аяқтау нысандары және бақылау іс-шараларына жауапты орындаушылар көрсетіледі.

      44. Бақылау іс-шарасын жүргізудің мерзімі алдағы жұмыстардың көлемі, қойылған міндеттер мен объектілер саны ескеріле отырып белгіленеді және күнтізбелік отыз күннен аспауға тиіс.

      45. Объективті себептер болған жағдайда, бақылау іс-шарасының мерзімі Ішкі мемлекеттік бақылау жүргізуге жауапты құрылымдық бөлімшенің дәлелді ұсынысы бойынша орталық мемлекеттік орган, оның ведомствосы және (немесе) жергілікті атқарушы орган басшылығының бұйрығы негізінде отыз күнтізбелік күннен аспайтын мерзімге ұзартылады.

      46. Бақылау іс-шарасын жүргізуден бұрын ішкі бақылауды жүргізуге жауапты құрылымдық бөлімшенің қызметкері (бұдан әрі – Жауапты орындаушы) бақылау іс-шарасын жүргізу басталғанға дейін үш жұмыс күнінен кешіктірмей бақылау объектісін жазбаша түрде хабардар етеді.

      47. Бақылау іс-шарасының басталу мерзімі бақылау объектісіне бақылау іс-шарасын тағайындау туралы бұйрықты беру күні болып есептеледі.

      48. Бақылау іс-шарасын жүргізу кезінде Жауапты орындаушылар:

      1) олар белгілеген мерзімде бақылау объектілерінен бақылау іс-шарасын жүргізуге байланысты мәселелер бойынша қажетті құжаттарды, анықтамаларды, ауызша және жазбаша түсініктемелерді сұратады және алады;

      2) мемлекеттік құпия туралы заңнаманы және заңмен қорғалатын өзге де құпияларды сақтауды ескере отырып, бақылау объектісінің бақылау іс-шарасының мәселелеріне қатысты құжаттамасымен кедергісіз танысады;

      3) мемлекеттік қызметтер көрсету мониторингінің ақпараттық жүйесінде бейнеленген электрондық нұсқада көрсетілген мемлекеттік қызметтер туралы, көрсетілген мемлекеттік қызметтер көрсету мерзімдерінің бұзылуы туралы, мемлекеттік көрсетілетін қызметтер мәселесі бойынша келіп түскен шағымдар және оларды қарау нәтижелері туралы мәліметтерді пайдаланады;

      4) Ішкі мемлекеттік бақылау жүргізуге жауапты құрылымдық бөлімшенің құзыретіне кіретін өзге де әрекеттерді жүзеге асырады.

      49. Қажет болған жағдайда, бақылау іс-шарасын жүргізуге бақылау объектісімен азаматтық-құқықтық және еңбек қатынастарында тұрмайтын сарапшылар, сараптама ұйымдары және мамандар тартылады.

      50. Бақылау іс-шарасы аяқталған соң Жауапты орындаушылар бақылау іс-шарасының актісін екі данада жасайды және оған қол қояды.

      Бақылау іс-шарасы актісінің бір данасы бақылау іс-шарасын тағайындау туралы бұйрықта көрсетілген аяқталу мерзімінен кешіктірмей, бақылау объектісінің басшысына таныстыру үшін ұсынылады. Танысудан бас тартқан жағдайда, бақылау іс-шарасының актісінде бас тартқаны туралы белгі қойылады.

      Танысудан бас тарту бақылау іс-шарасының материалдарын одан әрі іске асыру үшін кедергі болып табылмайды.

      Бақылау іс-шарасы актісінің екінші данасы материалдармен бірге қалады.

      51. Бақылау іс-шарасы актіде:

      1) бақылау іс-шарасы актінің жасалған күні, уақыты және орны;

      2) бақылау іс-шарасы жүргізілген бақылау объектісінің атауы, бақылау объектісінің басшысыны, сондай-ақ бақылау іс-шарасын жүргізу кезінде болған адамдардың тегі, аты, әкесінің аты (ол болған жағдайда) және лауазымы;

      3) оның негізінде бақылау іс-шарасы жүргізілген, бақылау іс-шарасын тағайындау туралы бұйрықтың жасалған күні мен нөмірі;

      4) бақылау іс-шарасын жүргізген Жауапты орындаушылардың тегі, аты және әкесінің аты (ол болған жағдайда) және лауазымы;

      5) бақылау іс-шарасының жүргізілген күні, орны және кезеңі;

      6) бақылау объектісінің қызметін талдау;

      7) бақылау іс-шарасының нәтижелері туралы, анықталған бұзушылықтар фактілері болса, олар туралы мәліметтер;

      8) мемлекеттік қызметтерді сапасыз көрсетудің, Қазақстан Республикасының мемлекеттік көрсетілетін қызметтер саласындағы заңнамасы талаптарының орындалмауының себептерін талдау;

      9) тексеру парағының атауы және тексеріс жүргізілген талаптар тармақтары;

      10) орындау мерзімдерін көрсете отырып, анықталған бұзушылықтарды, оларға ықпал ететін себептер мен жағдайларды жою бойынша, сондай-ақ мемлекеттік қызметтер көрсету сапасын арттыру мақсатында ішкі ресімдерді жақсарту бойынша ұсынымдар;

      11) Қазақстан Республикасының мемлекеттік көрсетілетін қызметтер саласындағы заңнамасының бұзылу фактілері анықталған жағдайда бұзушылықты жасаған кінәлі адамдарды жауапкершілікке тарту бойынша ұсынымдар;

      12) бақылау объектісі басшысының актімен танысқаны немесе танысудан бас тартқаны, сондай-ақ бақылау іс-шарасын жүргізу кезінде болған адамдардың қолдары немесе қол қоюдан бас тартқаны туралы мәліметтер;

      13) бақылау іс-шарасын жүргізген жауапты адамдардың қолдары көрсетіледі.

      Қазақстан Республикасының мемлекеттік көрсетілетін қызметтер саласындағы заңнамасының бұзылу фактілері анықталған жағдайда, бақылау іс-шарасы материалдарына олардың құжаттары, анықтамалары, құжаттардың тиісті түрде расталған көшірмелері, сондай-ақ оларға қатысы бар лауазымды адамдардың функционалдық міндеттеріне байланысты олардың жазбаша түсініктемелері қоса тіркеледі.

      52. Бақылау объектісінің басшысы бақылау іс-шарасының актісі таныстырылуға ұсынылған күннен бастап үш жұмыс күні ішінде:

      бақылау іс-шарасының нәтижесімен келіскен жағдайда – бақылау іс-шарасы актісінің екі данасына да қол қояды;

      бақылау іс-шарасының нәтижесімен келіспеген жағдайда – Ішкі мемлекеттік бақылау жүргізуге жауапты құрылымдық бөлімшеге бақылау іс-шарасының актісіне еркін түрде қарсылықтарын жолдайды.

      Қарсылықтар бақылау іс-шарасының актісіне қоса тіркеледі, ол туралы тиісті белгі қойылады.

      53. Ішкі мемлекеттік бақылау жүргізуге жауапты құрылымдық бөлімше бақылау іс-шарасы аяқталғаннан кейін 7 жұмыс күні ішінде мемлекеттік органның басшысына бақылау іс-шарасының материалдары мен актісін ұсынады.

      54. Бақылау іс-шарасының материалдары мен актісін қарау нәтижесі бойынша келесі шешімдердің бірі:

      1) бақылау объектісі басшысының атына анықталған бұзушылықтарды, оларға ықпал ететін себептер мен жағдайларды жою, мемлекеттік қызметтер көрсетудің ішкі ресімдерін жақсарту, мемлекеттік көрсетілетін қызметтердің стандарттары мен регламенттеріне, басқа да нормативтік құқықтық актілерге тиісті өзгерістер және (немесе) толықтырулар енгізу, мемлекеттік қызметтерді көрсету процестерін оңтайландыру, Қазақстан Республикасының мемлекеттік көрсетілетін қызметтер саласындағы заңнамасының бұзылуына кінәлі адамдарды жауапкершілікке тарту туралы шаралар қолдану бар хат (бұдан әрі – Шаралар қолдану бар хат) жолдау туралы;

      2) ұсынымдар мен ескертулер болмаған жағдайда, бақылау іс-шарасының материалдары мен актісіндегі ақпаратты назарға алу туралы шешім қабылданады.

      55. Осы Қағидалар 52-тармағының 1) тармақшасында көзделген жағдайда, бақылау объектісі Шаралар қолдану бар хатты алғаннан кейін бес жұмыс күнінен кешіктірмей, Ішкі мемлекеттік бақылау жүргізуге жауапты құрылымдық бөлімшенің басшылығына анықталған бұзушылықтарды жою және ұсынымдарды орындау жөніндегі іс-шаралар жоспарын (бұдан әрі – Іс-шаралар жоспары) қарауға ұсынады.

      56. Іс-шаралар жоспары бақылау объектісінің жауапты орындаушыларды, орындалу мерзімдерін және аяқталу нысандарын көрсете отырып, анықталған бұзушылықтарды жою және ұсынымдарды орындау бойынша шаралар тізбесін қамтиды.

      57. Бақылау объектісі Шаралар қолдану бар хатта көрсетілген мерзімдерде Ішкі мемлекеттік бақылау жүргізуге жауапты құрылымдық бөлімшеге Іс-шаралар жоспарын орындау бойынша ақпаратты және Қазақстан Республикасының мемлекеттік көрсетілетін қызметтер саласындағы заңнамасының бұзылуына кінәлі адамдардың жауапкершілікке тартылғаны туралы құжаттардың расталған көшірмелерін ұсынады.

§ 2-параграф. Мемлекеттік қызметтер көрсету сапасының ішкі мониторингі

      58. Мемлекеттік қызметтер көрсету сапасының ішкі мониторингін орталық мемлекеттік органдардың, олардың ведомстволарының және жергілікті атқарушы органдардың ішкі мемлекеттік бақылау жүргізуге жауапты құрылымдық бөлімшелері тоқсан сайын жүргізеді және мыналарды:

      1) мемлекеттік көрсетілетін қызметтер стандарттарының және регламенттерінің жобаларын жария талқылау үшін орналастыруды, жария талқылаудың аяқталуы туралы есептерді, мемлекеттік қызметтерді "электрондық үкімет" веб-порталында, мемлекеттік органның ресми интернет-ресурсында көрсету мәселелері бойынша қызмет туралы есептерді талдауды;

      2) мемлекеттік көрсетілетін қызметтердің бекітілген стандарттарының және регламенттерінің болуы, оларды бекіту мерзімдерінің сақталуын, оларды "электрондық үкімет" веб-порталында, мемлекеттік органның ресми интернет-ресурсында орналасуын талдауды;

      3) мемлекеттік көрсетілетін қызметтер стандарттарының және регламенттерінің өзектендіру қажеттігін талдауды;

      4) мемлекеттік көрсетілетін қызметтерді табу және/немесе жою бойынша заңнаманы талдауды;

      5) мемлекеттік көрсетілетін қызметтер мәселелері бойынша бірыңғай байланыс-орталығында, мемлекеттік қызметтер көрсетілетін орындарда, "электрондық үкімет" веб-порталында, мемлекеттік органның ресми интернет-ресурсында мемлекеттік қызметтерді көрсетудің тәртібі туралы ақпараттың өзектілігін талдауды;

      6) мемлекеттік көрсетілетін қызметтердің бизнес-процесін оңтайландыру және атоматтандыру мәніне талдауды;

      7) Қазақстан Республикасының мемлекеттік көрсетілетін қызметтер саласындағы заңнамасы талаптарының сақталуын талдауды;

      8) Қазақстан Республикасы заңдарында, сондай-ақ бірінші және екінші санаттағы рұқсатты беру кезінде нормативтік құқықтық актілерде көзделмеген негіздер бойынша мемлекеттік қызметті көрсетуден бас тарту, көрсетілетін қызметті алушылардан ақпараттық жүйелерден алынуы мүмкін құжаттарды не мемлекеттік көрсетілетін қызмет стандартында реттелмеген құжаттарды талап ету фактілерін анықтауды;

      9) мүмкіндіктері шектеулі адамдардың мемлекеттік көрсетілетін қызметтерді алуы кезінде оларға қажетті жағдайдың болуын талдауды;

      10) жеке және заңды тұлғалардың өтініштерін талдауды;

      11) мемлекеттік қызметтер көрсету мониторингінің ақпараттық жүйесіне мемлекеттік қызметті көрсету кезеңі туралы деректерді енгізуді талдауды;

      12) мемлекеттік қызметтер көрсету сапасының қоғамдық мониторингінің қорытындыларын талдауды;

      13) мемлекеттік қызметтер көрсету сапасына қоғамдық мониторинг жүргізу үшін қажетті қосымша ақпарат алу үшін мемлекеттік органға өтінішті;

      59. Мемлекеттік қызметтер көрсету сапасының қоғамдық ішкі мониторингінің қорытындысы бойынша Ішкі мемлекеттік бақылауға жауапты құрылымдық бөлімше:

      1) мемлекеттік көрсетілетін қызметтердің бизнес-процестерін жетілдіру, оның ішінде оларды автоматтандыру, оңтайландыру және коммерциялық емес акционерлік қоғам "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) арқылы оларды көрсетуге көшіру;

      2) Мемлекеттік көрсетілетін қызметтер тізіліміне, мемлекеттік көрсетілетін қызметтердің стандарттары мен регламенттеріне өзгерістер және (немесе) толықтырулар енгізу;

      3) Қазақстан Республикасының мемлекеттік көрсетілетін қызметтер саласындағы заңнамасы сақталмауының анықталған фактілерін жою;

      4) Қазақстан Республикасының мемлекеттік көрсетілетін қызметтер саласындағы заңнамасының бұзылу фактілері бойынша бақылау іс-шараларын жүргізу;

      5) Мемлекеттік көрсетілетін қызметтер мәселелері бойынша бірыңғай байланыс-орталығында, мемлекеттік қызметтер көрсетілетін орындарда, "электрондық үкімет" веб-порталында, мемлекеттік органның ресми интернет-ресурсында мемлекеттік қызметтерді көрсетудің тәртібі туралы ақпараттың өзектілігі;

      6) көрсетілетін қызметті алушыларды мемлекеттік қызметтерді көрсетудің тәртібі туралы ақпараттандыру бойынша түсіндірме іс-шараларын жүргізу;

      7) қызметкерлердің мемлекеттік қызметтер көрсету бойынша біліктілігін арттыруды қамтамасыз ету бойынша ұсыныстарды әзірлейді.

      60. Мемлекеттік қызметтер көрсету сапасының қоғамдық ішкі мониторингінің қорытындысы бойынша ұсыныстар оларды орындау бойынша шараларды қабылдау туралы ақпараттандыру мерзімін көрсете отырып, көрсетілетін қызметті алушыларға жіберу үшін мемлекеттік органның басшылығына келісуге және мақұлдауға енгізіледі.

3-параграф. Агенттікке және оның аумақтық органдарына ішкі бақылау бойынша жұмыс туралы есептерді ұсынудың тәртібі

      61. Осы Қағидаларға 1-қосымшаға сәйкес нысан бойынша талдамалық анықтаманы қоса отырып, ішкі мемлекеттік бақылау бойынша жұмыс туралы есепті:

      орталық мемлекеттік органдар - Агенттікке;

      орталық мемлекеттік органдардың және олардың ведомстволарының аумақтық бөлімшелері - Агенттіктің аумақты органдарына Бірыңғай электрондық құжат айналымы жүйесі (БЭҚАЖ) және "Е-қызмет" персоналды басқарудың ықпалдасқан ақпараттық жүйесі арқылы ұсынады.

      Есеп орталық мемлекеттік орган, оның ведомстволары, ведомстволық бағынысты ұйымдары, сондай-ақ қызметін үйлестіруді мемлекекттік орган жүзеге асыратын жеке және заңды тұлғалар көрсететін мемлекеттік қызметтер сапасын ішкі мемлекеттік бақылаудың қорытындысын қамтиды.

      62. Жергілікті атқарушы органдар осы Қағидаларға 2-қосымшаға сәйкес нысан бойынша талдамалық анықтаманы қоса отырып, ішкі мемлекеттік бақылау бойынша жұмыс туралы есепті Агенттікке және оның аумақтық органдарына Бірыңғай электрондық құжат айналымы жүйесі (БЭҚАЖ) және "Е-қызмет" персоналды басқарудың ықпалдасқан ақпараттық жүйесі арқылы ұсынады.

      Есеп облыстардың, республикалық маңызы бар қалалардың, астананың, аудандардың, облыстық маңызы бар қалалардың, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің жергілікті атқарушы органдары, ведомстволық бағынысты ұйымдардың, сондай-ақ қызметін үйлестіруді жергілікті атқарушы органдар жүзеге асыратын жеке және заңды тұлғалар көрсететін мемлекеттік қызметтер сапасын ішкі мемлекеттік бақылаудың қорытындысын қамтиды.

      Аудандардың (облыстық маңызы бар қалалардың) жергілікті атқарушы органдары мемлекеттік қызметтерді көрсету сапасына ішкі мемлекеттік бақылау бойынша есепті бекітілген нысан бойынша облыстардың, республикалық маңызы бар қалалардың, астананың жергілікті атқарушы органдарына есептік кезеңнен кейінгі айдың 5-інші күнінен кешіктірмей береді.

      63. Осы Қағидаларға 3, 4-қосымшаларына сәйкес нысан бойынша тоқсан сайын есептік кезеңнен кейінгі айдың 25-нші күніне дейін талдамалық анықтаманы қоса отырып, ақпараттандыру саласындағы уәкiлеттi орган Агенттікке Мемлекеттік корпорациясы арқылы және электронды түрде көрсетілген мемлекеттік қызметтер бойынша ақпаратты ұсынады.

      Есеп Мемлекеттік корпорация және оның филиалдары арқылы және электронды түрде көрсетілген мемлекеттік қызметтер саны бойынша статистикалық деректерді қамтиды.

      64. Ішкі бақылау бойынша жұмыс туралы ұсынылған есеп мемлекеттік органдар түзету қажеттігі туралы растайтын материалдарды ұсынған жағдайда ғана есептік жылдың төртінші тоқсанының қорытындысы бойынша Агенттіктің және оның аумақтық органдарының түзетуіне жатады.

4-тарау. Қорытынды ережелер

      65. Мемлекеттік бақылау нәтижелері "мемлекеттік қызмет көрсету" бағыты бойынша мемлекеттік органдардың қызмет тиімділігінің жыл сайынғы қорытынды бағасын шығаруда пайдаланылады.

      66. Бақылау нәтижелерін Агенттік, оның аумақтық органдары, тексерілетін субъектілер бұқаралық ақпарат құралдарында жария етеді және олардың интернет-ресурстарында Қазақстан Республикасының заңнамасына сәйкес орналастырылады.

Мемлекеттік көрсетілетін қызметтердің сапасын ішкі бақылау бойынша орталық мемлекеттік органның, оның ведомствосының, аумақтық органдарының, ведомствоға қарасты ұйымдардың жұмысы туралы есеп

      Ескерту. 1-қосымша жаңа редакцияда – ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 29.08.2018 № 213 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Есептік кезең 20___ жылғы ___ тоқсан

      Индекс: 1-мқ

      Кезеңділігі: тоқсан сайын

      Ұсынатын тұлғалардың тобы: орталық мемлекеттік органдар, олардың ведомстволарын, ведомстволық бағынысты ұйымдарын, сондай-ақ қызметін үйлестіруді орталық мемлекеттік органдар жүзеге асыратын жеке және заңды тұлғаларды ескере отырып, сонымен бірге орталық мемлекеттік органдардың аумақтық бөлімшелері және олардың ведомстволары

      Нысан қайда ұсынылады: Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі және оның облыстар, Астана, Алматы және Шымкент қалалары бойынша аумақтық органдары

      Тапсыру мерзімі - тоқсанда бір рет, есептік кезеңнен кейінгі айдың 10-ыншы күнінен кешіктірмей

      Мемлекеттік органның атауы:                  Мекенжайы:

      ________________________________            ______________________________

      Басшы                              тегі, аты, жөні (болған жағдайда), қолы)

      ________________________________            ______________________________

      Орындаушының аты-жөні:                        Телефоны:

      ____________________________                  ______________________________

      20___ жылғы " " ______________                  М.О.

Мәліметтерді, деректерді жинау туралы есеп нысанын толтыру және мемлекеттік қызметтерді көрсету сапасын ішкі бақылау бойынша талдамалық анықтаманың мазмұны бойынша түсініктеме 1-тарау. Жалпы ережелер

      1. Орталық мемлекеттік орган, оның ведомстволары, ведомстволық бағынысты ұйымдары, сондай-ақ орталық мемлекеттік орган жетекшілік ететін салада жеке және заңды тұлғалар көрсететін мемлекеттік қызметтер сапасын ішкі бақылау бойынша есеп нысаны (бұдан әрі - Есеп нысаны) Қазақстан Республикасының 2013 жылғы 15 сәуірдегі "Мемлекеттік көрсетілетін қызметтер туралы" Заңы 7-бабының 4) тармақшасына сәйкес әзірленді.

      2. Есеп нысанын жүргізудің басты міндеті мемлекеттік қызметтер көрсету сапасын ішкі бақылау нәтижелерінің мониторингі болып табылады.

      3. Есеп нысаны толтырылады және талдамалық анықтамамен бірге тоқсан сайын есептік кезеңнен кейінгі айдың 10-ыншы күніне дейін:

      орталық мемлекеттік органды, оның ведомстволарын, аумақтық бөлімшелерін, ведомстволық бағынысты ұйымдарын, сондай-ақ орталық мемлекеттік орган жетекшілік ететін салада жеке және заңды тұлғаларды ескере отырып, орталық мемлекеттік органның орталық аппараты - Агенттікке;

      аумақтық бөлімшелерді, сондай-ақ жетекшілік ететін салада жеке және заңды тұлғаларды ескере отырып, орталық мемлекеттік органның және оның ведомстволарының аумақтық бөлімшелері - Агенттіктің облыстар, Астана, Алматы және Шымкент қалалары бойынша аумақтық органдарына ұсынады.

      4. Есеп нысанына мемлекеттік органның басшысы, егер ол болмаған жағдайда, оның міндетін атқарушы адам қол қояды.

2-тарау. Есеп нысанын толтыру бойынша түсініктеме § 1-параграф. Бақылау іс-шараларының нәтижелері туралы ақпарат

      5. Есеп нысанының 1-тармағында есептік кезеңде жүргізілген бақылау іс-шараларының жалпы саны туралы сандық деректер көрсетіледі (1.1 және 1.2-тармақтарының сомасы).

      6. Есеп нысанының 1.1-тармағында бақылау іс-шараларының бекітілген жылдық жоспарына сәйкес есептік кезеңде жүргізілген бақылау іс-шараларының саны туралы сандық деректер көрсетіледі.

      7. Есеп нысанының 1.2-тармағында мемлекеттік қызметтер көрсету сапасы мониторингінің нәтижелері бойынша есептік кезеңде жүргізілген бақылау іс-шараларының саны туралы сандық деректер көрсетіледі.

      8. Есеп нысанының 2, 2.1, 2.2, 2.3 және 2.4-тармақтарында бақылау іс-шаралары объектілерінің жалпы саны туралы, оның ішінде объектілердің түрлері бойынша сандық деректер көрсетіледі.

      9. Есеп нысанының 3, 3.1, 3.2, 3.3, 3.5, 3.6, 3.7, 3.8, 3.9 және 3.10-тармақтарында есептік кезеңде анықталған бұзушылықтардың жалпы саны туралы, оның ішінде бұзушылықтардың түрлері бойынша сандық деректер көрсетіледі.

      10. Есеп нысанының 4-тармағында қорытындысы бойынша көрсетілетін қызметті алушылардың бұзылған құқықтарын қалпына келтіру бойынша шаралар қабылданған бұзушылықтардың жалпы саны туралы сандық деректер көрсетіледі.

      11. Есеп нысанының 5-тармағында мемлекеттік қызметті алу кезінде бұзылған құқықтары қалпына келтірілген адамдардың жалпы саны туралы сандық деректер көрсетіледі.

      12. Есеп нысанының 6-тармағында бақылау іс-шаралары барысында есептік кезеңде шағымдарды қарау мерзімдерінің бұзылуының жалпы саны туралы сандық деректер көрсетіледі.

      13. Есеп нысанының 7, 7.1, 7.2, 7.3, 7.4, 7.5 және 7.6-тармақтарында есептік кезеңде бақылау іс-шараларының қорытындысы бойынша қабылданған тәртіптік жазалардың жалпы саны туралы, оның ішінде тәртіптік жазалардың түрлері бойынша сандық деректер көрсетіледі.

      14. Есеп нысанының 8, 8.1, 8.2, және 8.3-тармақтарында есептік кезеңде тәртіптік жауапкершілікке тартылған адамдардың жалпы саны туралы, оның ішінде осындай адамдар бойынша сандық деректер көрсетіледі.

      15. Есеп нысанының 9, 9.1 және 9.2-тармақтарында есептік кезеңде бақылау іс-шараларының қорытындысы бойынша әзірленген ұсыныстардың жалпы саны туралы, оның ішінде орындалған және орындалмаған ұсыныстар бойынша сандық деректер көрсетіледі.

§ 2-параграф. Мемлекеттік қызметті көрсету сапасы мониторингінің нәтижелері туралы ақпарат

      16. Есеп нысанының 10-тармағында Мемлекеттік көрсетілетін қызметтер тізіліміндегі мемлекеттік көрсетілетін қызметтер түрлерінің жалпы саны туралы сандық деректер көрсетіледі.

      17. Есеп нысанының 10.1-тармағында Мемлекеттік көрсетілетін қызметтер тізіліміне есептік кезеңде енгізілген мемлекеттік қызмет түрлерінің жалпы саны туралы, оның ішінде қызметтердің түрлері бойынша сандық деректер көрсетіледі.

      18. Есеп нысанының 11-тармағында мемлекеттік көрсетілетін қызметтердің бекітілген стандарттарының жалпы саны туралы сандық деректер көрсетіледі.

      19. Есеп нысанының 11.1-тармағында мемлекеттік көрсетілетін қызметтердің бекітілген регламенттерінің жалпы саны туралы сандық деректер көрсетіледі.

      20. Есеп нысанының 12, 12.1, 12.2 және 12.3-тармақтарында есептік кезеңде көрсетілген мемлекеттік қызметтердің жалпы саны туралы, оның ішінде жеке және заңды тұлғалар кесіндісінде, ұсыну нысаны мен қызмет түрлері бойынша ақпараттық жүйенің атауын ескере отырып, сандық деректер көрсетіледі.

      21. Есеп нысанының 13-тармағында есептік кезеңде мемлекеттік қызметті көрсетуден бас тартудың жалпы саны туралы сандық деректер көрсетіледі.

      22. Есеп нысанының 13.1 және 13.2-тармақтарында есептік кезеңде мемлекеттік қызметті көрсетуден негізсіз бас тартудың жалпы саны туралы, соның ішінде жеке және заңды тұлғалар кесіндісінде, ұсыну нысаны мен қызмет түрлері бойынша сандық деректер көрсетіледі.

      23. Есеп нысанының 14, 14.1, 14.2, 14.3 және 14.4-тармақтарында есептік кезеңде мерзімдері бұзылып көрсетілген мемлекеттік қызметтердің жалпы саны туралы, оның ішінде жеке және заңды тұлғалар кесіндісінде, ұсыну нысаны мен қызмет түрлері бойынша ақпараттық жүйенің атауын ескере отырып, сандық деректер көрсетіледі.

      24. Есеп нысанының 15, 15.1, 15.2, 15.3 және 15.4-тармақтарында есептік кезеңде мемлекеттік қызметті көрсетуден бас тартудың мерзімдері бұзылып көрсетілген мемлекеттік қызметтердің жалпы саны туралы, оның ішінде жеке және заңды тұлғалар кесіндісінде, ұсыну нысаны мен қызмет түрлері бойынша ақпараттық жүйенің атауын ескере отырып, сандық деректер көрсетіледі.

      25. Есеп нысанының 16, 16.1, 16.2 және 16.3-тармақтарында есептік кезеңде мемлекеттік көрсетілетін қызметтердің сапасына келіп түскен шағымдардың жалпы саны туралы, оның ішінде ұсыну нысаны мен қызмет түрлері бойынша сандық деректер көрсетіледі.

      26. Есеп нысанының 17, 17.1, 17.2, 17.3, 17.4, 17.5, 17.6 және 17.7-тармақтарында есептік кезеңде мемлекеттік көрсетілетін қызметтердің сапасына келіп түскен шағым көздерінің жалпы саны туралы және оның түрлері бойынша сандық деректер көрсетіледі.

      27. Есеп нысанының 18, 18.1, 18.2 және 18.3-тармақтарында есептік кезеңде мемлекеттік көрсетілетін қызметтердің сапасына келіп түскен шағымдарды қарау мерзімдері бұзылуының жалпы саны туралы, оның ішінде көрсетілетін қызметті берушілер, ұсыну нысаны, қызмет түрлері бойынша сандық деректер көрсетіледі.

      28. Есеп нысанының 19-тармағында қорытындысы бойынша көрсетілетін қызметті алушының бұзылған құқықтарын қалпына келтіру бойынша шаралар қабылданған бұзушылықтардың жалпы саны туралы сандық деректер көрсетіледі.

      29. Есеп нысанының 20-тармағында есептік кезеңде мемлекеттік қызметті алу кезінде бұзылған құқықтары қалпына келтірілген қызмет алушылардың жалпы саны туралы сандық деректер көрсетіледі.

      30. Есеп нысанының 21-тармағында есептік кезеңде мемлекеттік қызметтерді көрсету сапасын арттыру бойынша түсіндірме іс-шараларының жалпы саны туралы сандық деректер көрсетіледі.

      31. Есеп нысанының 22-тармағында мемлекеттік қызметтер көрсету сапасын арттыру бойынша түсіндірме іс-шараларымен халықты қамту (адамдардың саны) туралы сандық деректер көрсетіледі.

      32. Есеп нысанының 23-тармағында мемлекеттік көрсетілетін қызметтер бойынша біліктілікті арттыру курстарынан өткен адамдардың жалпы саны туралы сандық деректер көрсетіледі.

      33. Есеп нысаны міндетті түрде толық толтырылады, есеп нысанда қалдырып кеткен, толтырылмаған кесте ұяшығының болуына жол берілмейді. Мәліметтер болмаған жағдайда тиісті кесте ұяшығында "-" белгісі қойылады.

3-тарау. Талдамалық анықтаманың мазмұнына түсініктеме

      33. Талдамалық анықтама есеп нысанымен бірге ұсынылады және

      1) орталық мемлекеттік органның ішкі бақылауға жауапты құрылымдық бөлімшесі жүргізген бақылау іс-шараларының нәтижесі туралы ақпаратты, атап айтқанда:

      жүргізілген бақылау іс-шаралары, бақылау объектілері;

      бақылау іс-шарасы барысында себептері мен қабылданған шараларды көрсете отырып, анықталған мемлекеттік қызметтерді көрсету тәртібі мен мерзімдерінің, шағымдарды қарау мерзімдерінің бұзылуы;

      тәртіптік жауапкершілікке тартылған адамдар;

      бақылау іс-шарасының қорытындысы бойынша әзірленген ұсыныстар, олардың орындалғаны, орындалмағаны және орындалмау себептері туралы мәліметтерді;

      2) орталық мемлекеттік органның ішкі бақылауға жауапты құрылымдық бөлімшесі жүргізген мемлекеттік қызмет көрсету сапасы мониторингінің нәтижелері туралы ақпаратты, атап айтқанда:

      мемлекеттік қызмет көрсетудің бизнес-процесін жетілдіру бойынша, оның ішінде оларды автоматтандыру, оңтайландыру және Мемлекеттік корпорация арқылы оларды көрсетуге көшіру бойынша қабылданған шаралар;

      Мемлекеттік көрсетілетін қызметтер тізіліміне, мемлекеттік көрсетілетін қызметтер стандарттары мен регламенттеріне енгізілген өзгерістер және (немесе) толықтырулар (нормативтік құқықтық актінің атауын, нөмірін және күнін көрсете отырып);

      жаңа мемлекеттік көрсетілетін қызметтерді анықтау және Мемлекеттік көрсетілетін қызметтер тізілімін жүргізу жөніндегі уәкілетті органға ұсыныстар енгізу бойынша жүргізілген жұмыс;

      көрсетілетін қызметті алушыға мемлекеттік қызметті көрсетуден бас тарту, олардың саны, себептері және олар бойынша қабылданған шаралар;

      Қазақстан Республикасының мемлекеттік көрсетілетін қызметтер саласындағы заңнамасы бұзылуының анықталған фактілері, олардың саны, себептері және олар бойынша қабылданған шаралар;

      қарау мерзімдері бұзылған мемлекеттік қызметтерді көрсету сапасына шағымдар, олардың саны, себептері және олар бойынша қабылданған шаралар;

      қабылданған шараларды көрсете отырып, көрсетілетін қызметтерді алушылардың бұзылған құқықтарын қалпына келтіру;

      мемлекеттік қызметтерді көрсету сапасын арттыру бойынша жүргізілген түсіндірме іс-шаралары;

      мемлекеттік көрсетілетін қызметтер бойынша біліктілікті арттыру курстарынан өткен адамдар туралы мәліметтерді қамтиды.

      33. Есепке талдамалық анықтамаға ішкі бақылау бойынша жұмыс туралы есептік нысанда көрсетілген мәліметтерді растайтын тиісті материалдар (бұрықтардың, хаттамалардың, шешімдердің, хаттардың, анықтамалардың, қызметтік жазбалардың көшірмелері, фотоматериалдар) қоса беріледі.

Мемлекеттік көрсетілетін қызметтердің сапасын ішкі бақылау бойынша жергілікті атқарушы органның жұмысы туралы есеп

      Ескерту. 2-қосымша жаңа редакцияда – ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 29.08.2018 № 213 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Есептік кезең 20___ жылғы ___ тоқсан

      Индекс: 6-мқ

      Кезеңділігі: тоқсан сайын

      Ұсынатын тұлғалар тобы: облыстардың, республикалық маңызы бар қалалардың, астананың жергілікті атқарушы органдары, аудандардың, облыстық маңызы бар қалалардың, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің жергілікті атқарушы органдары, ведомстволық бағынысты ұйымдар, сондай-ақ қызметін үйлестіруді жергілікті атқарушы органдар жүзеге асыратын мемлекеттік көрсететін жеке және заңды тұлғалар

      Қайда ұсынылады: Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі және оның облыстар, Астана, Алматы және Шымкент қалалары бойынша аумақтық органдары

      Тапсыру мерзімі: тоқсанда бір рет, есептік кезеңнен кейінгі айдың 10-ыншы күнінен кешіктірмей

      Мемлекеттік органның атауы:                  Мекенжайы:

      ________________________________            ______________________________

      Басшы                              тегі, аты, жөні (болған жағдайда), қолы)

      ________________________________            ______________________________

      Орындаушының аты-жөні:                        Телефоны:

      ____________________________                  ______________________________

      20___ жылғы " " ______________                  М.О.

Мәліметтерді, деректерді жинау туралы есеп нысанын толтыру және мемлекеттік қызметтерді көрсету сапасын ішкі бақылау бойынша талдамалық анықтаманың мазмұны бойынша түсініктеме 1-тарау. Жалпы ережелер

      1. Облыстардың, республикалық маңызы бар қалалардың, астананың, аудандардың, облыстық маңызы бар қалалардың, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің жергілікті атқарушы органдары, ведомствоға бағынысты ұйымдар, сондай-ақ қызметін үйлестіруді жергілікті атқарушы органдары жүзеге асыратын жеке және заңды тұлғалар көрсететін мемлекеттік қызметтер сапасын ішкі бақылау бойынша есеп нысаны (бұдан әрі - Есеп нысаны) Қазақстан Республикасының 2013 жылғы 15 сәуірдегі "Мемлекеттік көрсетілетін қызметтер туралы" Заңы 7-бабының 4) тармақшасына сәйкес әзірленді.

      2. Есеп нысанын жүргізудің басты міндеті мемлекеттік қызметтер көрсету сапасын ішкі бақылау нәтижелерінің мониторингі болып табылады.

      3. Есеп нысанын облыстардың, республикалық маңызы бар қалалардың, астананың, аудандардың, облыстық маңызы бар қалалардың, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдіктері, ведомствоға бағынысты ұйымдар, сондай-ақ қызметін үйлестіруді жергілікті атқарушы органдары жүзеге асыратын жеке және заңды тұлғалар толтырады және талдамалық анықтамамен бірге тоқсан сайын есептік кезеңнен кейінгі айдың 10-ыншы күніне дейін Агенттікке және оның облыстар, Астана, Алматы және Шымкент қалалары бойынша аумақтық органдарына ұсынады.

      4. Есеп нысанына облыстардың, Астана, Алматы және Шымкент қалаларының жергілікті атқарушы органдарының басшылары, ал олар болмаған жағдайда олардың міндетін атқарушы адамдар қол қояды.

2-тарау. Есеп нысанын толтыру бойынша түсініктеме § 1-параграф. Бақылау іс-шараларының нәтижелері туралы ақпарат

      5. Есеп нысанының 1-тармағында есептік кезеңде жүргізілген бақылау іс-шараларының жалпы саны туралы сандық деректер көрсетіледі (1.1 және 1.2-тармақтарының сомасы).

      6. Есеп нысанының 1.1-тармағында бақылау іс-шараларының бекітілген жылдық жоспарына сәйкес есептік кезеңде жүргізілген бақылау іс-шараларының саны туралы сандық деректер көрсетіледі.

      7. Есеп нысанының 1.2-тармағында мемлекеттік қызметтер көрсету сапасы мониторингінің нәтижелері бойынша есептік кезеңде жүргізілген бақылау іс-шараларының саны туралы сандық деректер көрсетіледі.

      8. Есеп нысанының 2, 2.1, 2.2, 2.3 және 2.4-тармақтарында бақылау іс-шаралары объектілерінің жалпы саны туралы, оның ішінде объектілердің түрлері бойынша сандық деректер көрсетіледі.

      9. Есеп нысанының 3, 3.1, 3.2, 3.3, 3.5, 3.6, 3.7, 3.8, 3.9 және 3.10-тармақтарында есептік кезеңде анықталған бұзушылықтардың жалпы саны туралы, оның ішінде бұзушылықтардың түрлері бойынша сандық деректер көрсетіледі.

      10. Есеп нысанының 4-тармағында қорытындысы бойынша көрсетілетін қызметті алушылардың бұзылған құқықтарын қалпына келтіру бойынша шаралар қабылданған бұзушылықтардың жалпы саны туралы сандық деректер көрсетіледі.

      11. Есеп нысанының 5-тармағында мемлекеттік қызметті алу кезінде бұзылған құқықтары қалпына келтірілген адамдардың жалпы саны туралы сандық деректер көрсетіледі.

      12. Есеп нысанының 6-тармағында бақылау іс-шаралары барысында есептік кезеңде шағымдарды қарау мерзімдерінің бұзылуының жалпы саны туралы сандық деректер көрсетіледі.

      13. Есеп нысанының 7, 7.1, 7.2, 7.3, 7.4, 7.5 және 7.6-тармақтарында есептік кезеңде бақылау іс-шараларының қорытындысы бойынша қабылданған тәртіптік жазалардың жалпы саны туралы, оның ішінде тәртіптік жазалардың түрлері бойынша сандық деректер көрсетіледі.

      14. Есеп нысанының 8, 8.1, 8.2, және 8.3-тармақтарында есептік кезеңде тәртіптік жауапкершілікке тартылған адамдардың жалпы саны туралы, оның ішінде осындай адамдар бойынша сандық деректер көрсетіледі.

      15. Есеп нысанының 9, 9.1 және 9.2-тармақтарында есептік кезеңде бақылау іс-шараларының қорытындысы бойынша әзірленген ұсыныстардың жалпы саны туралы, оның ішінде орындалған және орындалмаған ұсыныстар бойынша сандық деректер көрсетіледі.

§ 2-параграф. Мемлекеттік қызметті көрсету сапасы мониторингінің нәтижелері туралы ақпарат

      16. Есеп нысанының 10-тармағында Мемлекеттік көрсетілетін қызметтер тізіліміндегі мемлекеттік көрсетілетін қызметтер түрлерінің жалпы саны туралы сандық деректер көрсетіледі.

      17. Есеп нысанының 10.1-тармағында Мемлекеттік көрсетілетін қызметтер тізіліміне есептік кезеңде енгізілген мемлекеттік қызмет түрлерінің жалпы саны туралы, оның ішінде қызметтердің түрлері бойынша сандық деректер көрсетіледі.

      18. Есеп нысанының 11-тармағында мемлекеттік көрсетілетін қызметтердің бекітілген регламенттерінің жалпы саны туралы сандық деректер көрсетіледі.

      19. Есеп нысанының 12, 12.1, 12.2 және 12.3-тармақтарында есептік кезеңде көрсетілген мемлекеттік қызметтердің жалпы саны туралы, оның ішінде жеке және заңды тұлғалар кесіндісінде, ұсыну нысаны мен қызмет түрлері бойынша ақпараттық жүйенің атауын ескере отырып, сандық деректер көрсетіледі.

      20. Есеп нысанының 13-тармағында есептік кезеңде мемлекеттік қызметті көрсетуден бас тартудың жалпы саны туралы сандық деректер көрсетіледі.

      21. Есеп нысанының 13.1 және 13.2-тармақтарында есептік кезеңде мемлекеттік қызметті көрсетуден негізсіз бас тартудың жалпы саны туралы, соның ішінде жеке және заңды тұлғалар кесіндісінде, ұсыну нысаны мен қызмет түрлері бойынша сандық деректер көрсетіледі.

      22. Есеп нысанының 14, 14.1, 14.2, 14.3 және 14.4-тармақтарында есептік кезеңде мерзімдері бұзылып көрсетілген мемлекеттік қызметтердің жалпы саны туралы, оның ішінде жеке және заңды тұлғалар кесіндісінде, ұсыну нысаны мен қызмет түрлері бойынша ақпараттық жүйенің атауын ескере отырып, сандық деректер көрсетіледі.

      23. Есеп нысанының 15, 15.1, 15.2, 15.3 және 15.4-тармақтарында есептік кезеңде мемлекеттік қызметті көрсетуден бас тартудың мерзімдері бұзылып көрсетілген мемлекеттік қызметтердің жалпы саны туралы, оның ішінде жеке және заңды тұлғалар кесіндісінде, ұсыну нысаны мен қызмет түрлері бойынша ақпараттық жүйенің атауын ескере отырып, сандық деректер көрсетіледі.

      24. Есеп нысанының 16, 16.1, 16.2 және 16.3-тармақтарында есептік кезеңде мемлекеттік көрсетілетін қызметтердің сапасына келіп түскен шағымдардың жалпы саны туралы, оның ішінде ұсыну нысаны мен қызмет түрлері бойынша сандық деректер көрсетіледі.

      25. Есеп нысанының 17, 17.1, 17.2, 17.3, 17.4, 17.5, 17.6 және 17.7-тармақтарында есептік кезеңде мемлекеттік көрсетілетін қызметтердің сапасына келіп түскен шағым көздерінің жалпы саны туралы және оның түрлері бойынша сандық деректер көрсетіледі.

      26. Есеп нысанының 18, 18.1, 18.2 және 18.3-тармақтарында есептік кезеңде мемлекеттік көрсетілетін қызметтердің сапасына келіп түскен шағымдарды қарау мерзімдері бұзылуының жалпы саны туралы, оның ішінде көрсетілетін қызметті берушілер, ұсыну нысаны, қызмет түрлері бойынша сандық деректер көрсетіледі.

      27. Есеп нысанының 19-тармағында қорытындысы бойынша көрсетілетін қызметті алушының бұзылған құқықтарын қалпына келтіру бойынша шаралар қабылданған бұзушылықтардың жалпы саны туралы сандық деректер көрсетіледі.

      28. Есеп нысанының 20-тармағында есептік кезеңде мемлекеттік қызметті алу кезінде бұзылған құқықтары қалпына келтірілген қызмет алушылардың жалпы саны туралы сандық деректер көрсетіледі.

      29. Есеп нысанының 21-тармағында есептік кезеңде мемлекеттік қызметтерді көрсету сапасын арттыру бойынша түсіндірме іс-шараларының жалпы саны туралы сандық деректер көрсетіледі.

      30. Есеп нысанының 22-тармағында мемлекеттік қызметтер көрсету сапасын арттыру бойынша түсіндірме іс-шараларымен халықты қамту (адамдардың саны) туралы сандық деректер көрсетіледі.

      31. Есеп нысанының 23-тармағында мемлекеттік көрсетілетін қызметтер бойынша біліктілікті арттыру курстарынан өткен адамдардың жалпы саны туралы сандық деректер көрсетіледі.

      32. Есеп нысаны міндетті түрде толық толтырылады, есеп нысанда қалдырып кеткен, толтырылмаған кесте ұяшығының болуына жол берілмейді. Мәліметтер болмаған жағдайда тиісті кесте ұяшығында "-" белгісі қойылады.

3-тарау. Талдамалық анықтаманың мазмұнына түсініктеме

      32. Талдамалық анықтама есеп нысанымен бірге ұсынылады және:

      1) орталық мемлекеттік органның ішкі бақылауға жауапты құрылымдық бөлімшесі жүргізген бақылау іс-шараларының нәтижесі туралы ақпаратты, атап айтқанда:

      жүргізілген бақылау іс-шаралары, бақылау объектілері;

      бақылау іс-шарасы барысында себептері мен қабылданған шараларды көрсете отырып анықталған мемлекеттік қызметтерді көрсету тәртібі мен мерзімдерінің, шағымдарды қарау мерзімдерінің бұзылуы;

      тәртіптік жауапкершілікке тартылған адамдар;

      бақылау іс-шарасының қорытындысы бойынша әзірленген ұсыныстар, олардың орындалғаны, орындалмағаны және орындалмау себептері туралы мәліметтерді;

      2) орталық мемлекеттік органның ішкі бақылауға жауапты құрылымдық бөлімшесі жүргізген мемлекеттік қызмет көрсету сапасы мониторингінің нәтижелері туралы ақпаратты, атап айтқанда:

      мемлекеттік қызмет көрсетудің бизнес-процесін жетілдіру бойынша, оның ішінде оларды автоматтандыру, оңтайландыру және Мемлекеттік корпорация арқылы оларды көрсетуге көшіру бойынша қабылданған шаралар;

      Мемлекеттік көрсетілетін қызметтер тізіліміне, мемлекеттік көрсетілетін қызметтер стандарттары мен регламенттеріне енгізілген өзгерістер және (немесе) толықтырулар (нормативтік құқықтық актінің атауын, нөмірін және күнін көрсете отырып);

      жаңа мемлекеттік көрсетілетін қызметтерді анықтау және Мемлекеттік көрсетілетін қызметтер тізілімін жүргізу жөніндегі уәкілетті органға ұсыныстар енгізу бойынша жүргізілген жұмыс;

      көрсетілетін қызметті алушыға мемлекеттік қызметті көрсетуден бас тарту, олардың саны, себептері және олар бойынша қабылданған шаралар;

      Қазақстан Республикасының мемлекеттік көрсетілетін қызметтер саласындағы заңнамасы бұзылуының анықталған фактілері, олардың саны, себептері және олар бойынша қабылданған шаралар;

      қарау мерзімдері бұзылған мемлекеттік қызметтерді көрсету сапасына шағымдар, олардың саны, себептері және олар бойынша қабылданған шаралар;

      қабылданған шараларды ескере отырып, көрсетілетін қызметтерді алушылардың бұзылған құқықтарын қалпына келтіру;

      мемлекеттік қызметтерді көрсету сапасын арттыру бойынша жүргізілген түсіндірме іс-шаралары;

      мемлекеттік көрсетілетін қызметтер бойынша біліктілікті арттыру курстарынан өткен адамдар туралы мәліметтерді қамтиды.

      33. Есепке талдамалық анықтамаға ішкі бақылау бойынша жұмыс туралы есептік нысанда көрсетілген мәліметтерді растайтын тиісті материалдар (бұрықтардың, хаттамалардың, шешімдердің, хаттардың, анықтамалардың, қызметтік жазбалардың көшірмелері, фотоматериалдар) қоса беріледі.

"Азаматтарға арналған үкімет" мемлекеттік корпорациясы" коммерциялық емес акционерлік қоғамы арқылы көрсетілген мемлекеттік қызметтер саны туралы есеп

      Ескерту. 3-қосымша жаңа редакцияда – ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 29.08.2018 № 213 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Есептік кезең 20___ жылғы ___ тоқсан

      Индекс: 4-мқ

      Кезеңділігі: тоқсан сайын

      Ұсынатын тұлғалардың тобы: ақпараттандыру саласындағы уәкiлеттi орган және оның аумақтық бөлімшелері

      Нысан қайда ұсынылады: Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі және оның облыстар, Астана, Алматы және Шымкент қалалары бойынша аумақтық органдары

      Тапсыру мерзімі - тоқсанда бір рет, есептік кезеңнен кейінгі айдың 25-інші күнінен кешіктірмей

Электрондық түрде ("электрондық үкімет" веб-порталы, ақпараттық жүйелер арқылы) көрсетілген мемлекеттік қызметтер саны туралы есеп

      Ескерту. 4-қосымша жаңа редакцияда – ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 29.08.2018 № 213 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Есептік кезең 20___ жылғы ___ тоқсан

      Индекс: 5-мқ

      Кезеңділігі: тоқсан сайын

      Ұсынатын тұлғалардың тобы: ақпараттандыру саласындағы уәкiлеттi орган және оның аумақтық бөлімшелері

      Нысан қайда ұсынылады: Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі және оның облыстар, Астана, Алматы және Шымкент қалалары бойынша аумақтық органдары

      Тапсыру мерзімі - тоқсанда бір рет, есептік кезеңнен кейінгі айдың 25-інші күнінен кешіктірмей

      Ақпараттандыру саласындағы уәкілетті орган:            Мекенжайы:

      _____________________________________ __________________________________________

      Басшы                        (тегі, аты, жөні (болған жағдайда), қолы)

      _____________________________________ __________________________________________

      Орындаушының аты-жөні:                  Телефоны:

      _______________________________      ____________________________________________

      20___ жылғы " " _____________________            М.О.