Мемлекеттік аудит және қаржылық бақылау органдарымен өзара іс-қимыл қағидаларын бекіту туралы

      "Мемлекеттік аудит және қаржылық бақылау туралы" Қазақстан Республикасының 2015 жылғы 12 қарашадағы Заңының 46-бабының 3-тармағына сәйкес, Республикалық бюджеттің атқарылуын бақылау жөніндегі есеп комитеті (бұдан әрі – Есеп комитеті) ҚАУЛЫ ЕТЕДІ және Қазақстан Республикасының Қаржы министрі БҰЙЫРАДЫ:

      1. Қоса беріліп отырған Мемлекеттік аудит және қаржылық бақылау органдарымен өзара іс-қимыл қағидалары бекітілсін.

      2. Есеп комитетінің Заң бөлімі заңнамада белгіленген тәртіппен:

      1) осы бірлескен нормативтік қаулының және бұйрықтың Қазақстан Республикасының Әділет министрлігінде мемлекеттік тіркелуін;

      2) осы бірлескен нормативтік қаулы және бұйрық Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде оның мерзімді баспасөз басылымдарында және "Әділет" ақпараттық-құқықтық жүйесінде ресми жариялануға жіберілуін;

      3) осы бірлескен нормативтік қаулының және бұйрықтың Есеп комитетінің интернет-ресурсына орналастырылуын қамтамасыз етсін.

      3. Бірлескен нормативтік қаулының және бұйрықтың орындалуын бақылау Есеп комитетінің аппарат басшысына және Қазақстан Республикасы Қаржы министрлігі Қаржылық бақылау комитетінің Төрағасына жүктелсін.

      4. Осы бірлескен нормативтік қаулы және бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Мемлекеттік аудит және қаржылық бақылау органдарымен өзара іс-қимыл қағидалары

1-тарау. Жалпы ережелер

      Ескерту. 1-тараудың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

      1. Мемлекеттік аудит және қаржылық бақылау органдарымен өзара іс-қимыл қағидалары (бұдан әрі – Қағидалар) "Мемлекеттік аудит және қаржылық бақылау туралы" Қазақстан Республикасының 2015 жылғы 12 қарашадағы Заңының (бұдан әрі – Заң) 46-бабының 3-тармағына сәйкес әзірленді.

      2. Қағидалар Республикалық бюджеттің атқарылуын бақылау жөніндегі есеп комитетінің (бұдан әрі – Есеп комитеті), ішкі мемлекеттік аудит жөніндегі уәкілетті органның (бұдан әрі – Уәкілетті орган) және оның аумақтық бөлімшелерінің, облыстардың, республикалық маңызы бар қаланың, астананың тексеру комиссияларының (бұдан әрі – тексеру комиссиялары) мемлекеттік аудит объектілерінің тиісті жылға арналған тізбесін қалыптастыру, мемлекеттік аудитті және қаржылық бақылауды жүргізу (бұдан әрі – аудиторлық іс-шаралар), қатар және бірлескен тексерудің нәтижелерін ресімдеу мен материалдарын іске асыру, сондай-ақ мемлекеттік аудит және қаржылық бақылау органдары жұмыстарының көрсеткіштері туралы ақпаратты дайындау мәселелері бойынша өзара іс-қимылы кезінде қолданылады.

      3. Есеп комитетінің, Уәкілетті орган мен оның аумақтық бөлімшелерінің, тексеру комиссияларының (бұдан әрі – мемлекеттік аудит органдары) арасындағы ақпарат алмасу осы Қағидаларға және өзге де нормативтік құқықтық актілерге сәйкес жүзеге асырылады.

2-тарау. Мемлекеттік аудит органдарының мемлекеттік аудит объектілерінің тізбесін қалыптастыру кезіндегі өзара іс-қимылы

      Ескерту. 2-тараудың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

1-параграф. Есеп комитетінің, Уәкілетті органның және тексеру комиссияларының мемлекеттік аудит объектілерінің тізбесін қалыптастыру кезіндегі өзара іс-қимыл тәртібі

      4. Есеп комитеті және Уәкілетті орган жоспарланатын жылдың алдындағы жылдың 25 қазанына дейін осы Қағидаларға 1-қосымшаға сәйкес нысан бойынша мемлекеттік аудит объектілері тізбелерінің (бұдан әрі – тізбе) жобаларымен және мемлекеттік аудит объектілерінің нақтыланған тізбелерімен (бұдан әрі – нақтыланған тізбе) алмасады.

      Тізбе мемлекеттік аудит және қаржылық бақылау объектілерінің атауын (бұдан әрі – мемлекеттік аудит объектілері), аудиттің типі мен тексерудің түрін, аудиторлық іс-шараның атауын, мемлекеттік аудитті жүзеге асырудың мерзімдерін және қажет болған жағдайда жылдар бойынша бөле отырып, мемлекеттік аудитпен қамтылатын бюджет қаражаты мен мемлекет активтерінің жоспарлаған сомалар бойынша болжамын және мемлекеттік аудит органдарының функционалдық ерекшеліктерін ескере отырып, аудиторлық іс-шараның басқа да параметрлерін қамтиды. Аудиторлық іс-шараның қысқаша атауын көрсетуге жол беріледі.

      5. Уәкілетті орган тізбесінің жобасында Қазақстан Республикасы Президентінің, ол уәкілеттік берген Қазақстан Республикасы Президенті Әкімшілігі адамдарының, Қазақстан Республикасы Үкіметінің тапсырмалары, депутаттық сауалдар, прокуратура мен қылмыстық қудалау органдарының сұрау салулары негізінде тиісті тапсырмалар мен сұрау салулардың көшірмелері қоса беріле отырып, мемлекеттік аудитпен қамтылуы көзделген мемлекеттік аудит объектілері бөліп көрсетіледі.

      Уәкілетті орган тізбесінің жобасынан Қазақстан Республикасы Президентінің, Қазақстан Республикасы Үкіметінің тапсырмалары, депутаттық сауалдар, прокуратура мен қылмыстық қудалау органдарының сұрау салулары негізінде Уәкілетті орган жүргізетін аудиторлық іс-шара көзделген мемлекеттік аудит объектілерін қоспағанда, Есеп комитеті тізбесінің жобасындағы мемлекеттік аудит объектілері алынып тасталады, не болмаса қатар тексеру жүргізу туралы мәселе қарастырылады.

      6. Есеп комитеті және Уәкілетті орган жоспарланатын жылдың алдындағы жылдың 10 қарашасына дейін Есеп комитеті мен Уәкілетті орган тізбелері мен нақтыланған тізбелерінің жобаларын мемлекеттік аудит объектілерінің және бюджеттік бағдарламалардың қайталануын алып тастау және (немесе) оларды алмастыру бөлігінде талқылау өткізеді.

      Есеп комитетінде өткізілетін талқылаудың қорытындысы бойынша хаттама жасалады.

      7. Есеп комитетінің және Уәкілетті органның бекітілген тізбелермен және нақтыланған тізбелермен алмасуы жоспарланатын жылдың алдындағы жылдың 20 желтоқсанынан кешіктірілмей жүзеге асырылады.

      8. Есеп комитетінің тізбесі мен нақтыланған тізбесіне өзгерістер және (немесе) толықтырулар Заңның 18-бабына сәйкес және осы Қағидалардың 13-тармағында көзделген шарттар сақтала отырып енгізіледі.

      9. Уәкілетті орган және оның аумақтық бөлімшелері Заңның 18-бабында көзделген негіздер бойынша жоспардан тыс мемлекеттік аудит жүргізген жағдайда жоспардан тыс аудит жүргізу басталған күннен бастап бес жұмыс күні ішінде мемлекеттік аудит объектілерін және (немесе) бюджеттік бағдарламаларды қайталауды болдырмау, сондай-ақ мемлекеттік аудит объектілеріне әкімшілік жүктемені төмендету бойынша шаралар қабылдау мақсатында осы Қағидалардың 1-1-қосымшасына сәйкес нысан бойынша жоспардан тыс мемлекеттік аудит жүргізуге негіз болған құжаттарды тіркей отырып, Есеп комитетіне жоспардан тыс аудит жүргізу туралы хабарлама жібереді.

      Есеп комитетінің және тексеру комиссияларының тізбесі мен нақтыланған тізбесінде бекітілген мемлекеттік аудит объектілері және бюджеттік бағдарламалар бойынша Уәкілетті органның жоспардан тыс аудит жүргізуі тек Заңның 18-бабында көзделген жағдайларда ғана жүзеге асырылады.

      10. Жергілікті атқарушы органдардың республикалық бюджеттік бағдарламаларды пайдалануы мәніне оларға талдау жүргізу үшін, Есеп комитеті және Уәкілетті орган тізбелерінің және нақтыланған тізбелерінің түпкілікті жобаларын Есеп комитеті жоспарланатын жылдың алдындағы жылдың 10 қарашасынан кешіктірмей тексеру комиссияларына жібереді.

      11. Тексеру комиссиялары Есеп комитетінің және Уәкілетті органның тізбелері жобаларының негізінде пысықталған тексеру комиссиялары тізбелерінің жобаларын осы Қағидалардың 19-тармағында белгіленген мерзімде Уәкілетті органның аумақтық бөлімшелерімен пысықтайды.

      Тексеру комиссияларының Уәкілетті органның аумақтық бөлімшелерімен пысықталған тізбелер мен нақтыланған тізбелер жобалары жоспарланатын жылдың алдындағы жылдың 15 желтоқсанынан кешіктірілмей, келісу үшін Есеп комитетіне жіберіледі.

      12. Есеп комитеті тексеру комиссияларының тізбелері мен нақтыланған тізбелерінің жобаларын келісуді жоспарланатын жылдың алдындағы жылдың 20 желтоқсанына дейін тиісті келісу хатын жіберу жолымен жүзеге асырады.

      13. Мемлекеттік аудит объектілерінің және (немесе) бюджеттік бағдарламалардың қайталануын болдырмау мақсатында, Есеп комитеті және Уәкілетті орган тиісті ақпарат келіп түскен кезден бастап үш жұмыс күні ішінде тізбелер мен нақтыланған тізбелерге өзгерістер және (немесе) толықтыруларды өзара келіседі.

      14. Тексеру комиссияларының тізбесі мен нақтыланған тізбесі Есеп комитетіне тиісті ақпарат келіп түскен кезден бастап, үш жұмыс күні ішінде тек Есеп комитетімен келісілгеннен кейін ғана жүзеге асырылатын, қаржыландыру көздерінің бірі республикалық бюджет қаражаты болып табылатын мемлекеттік аудит объектілерімен және бюджеттік бағдарламалармен толықтырылады.

      15. Өзгерістер және (немесе) толықтыруларды ескере отырып, бекітілген тізбелермен және нақтыланған тізбелермен алмасу оларды бекіткеннен кейін бес жұмыс күні ішінде жүзеге асырылады.

      Есеп комитетінің тізбесі мен нақтыланған тізбесі өзгерістерімен және (немесе) толықтыруларымен бірге оларға өзгерістер және (немесе) толықтырулар енгізілген күннен бастап бес жұмыс күні ішінде тексеру комиссияларына жіберіледі.

      Есеп комитеті Уәкілетті органның тізбесі мен нақтыланған тізбесін енгізілген өзгерістерімен және (немесе) толықтыруларымен бірге Уәкілетті орган оларды ұсынған күннен бастап үш жұмыс күні ішінде тексеру комиссияларына жібереді.

2-параграф. Тексеру комиссияларының және Уәкілетті органның
аумақтық бөлімшелерінің өзара іс-қимыл тәртібі

      16. Бір әкімшілік-аумақтық бірліктің тексеру комиссиялары және Уәкілетті органның аумақтық бөлімшелері жоспарланатын жылдың алдындағы жылдың 5 желтоқсанына дейінгі мерзімде, тізбелердің және нақтыланған тізбелердің жобаларымен алмасады.

      17. Тексеру комиссиялары тізбесінің жобасын Есеп комитеті және Уәкілетті орган тізбелерінің жобаларында көзделген мемлекеттік аудит объектілерін алып тастауды ескере отырып қалыптастырады.

      18. Уәкілетті органның аумақтық бөлімшелері тізбе жобасын Қазақстан Республикасы Президентінің, ол уәкілеттік берген Қазақстан Республикасы Президенті Әкімшілігі адамдарының, Қазақстан Республикасы Үкіметінің тапсырмалары, депутаттық сауалдар, прокуратура мен қылмыстық қудалау органдарының сұрау салулары бойынша, Уәкілетті органның бекітілген тізбесінде көзделген аудиторлық іс-шаралары шеңберінде жүргізетін аудиторлық іс-шараларын қоспағанда, тексеру комиссиялары тізбесінің жобасында көзделген мемлекеттік аудит объектілерінің алынып тасталуын ескере отырып қалыптастырады не болмаса қатар тексерулер жүргізу туралы мәселе қарастырылады.

      19. Тексеру комиссиялары және Уәкілетті органның аумақтық бөлімшелері жоспарланатын жылдың алдындағы жылдың 10 желтоқсанына дейін тізбелер мен нақтыланған тізбелердің жобаларын кейінгісінен мемлекеттік аудит объектілерінің және бюджеттік бағдарламалардың қайталануын алып тастау не оларды алмастыру бөлігінде талқылау жүргізеді. Тексеру комиссиясында өткізілетін талқылаудың қорытындысы бойынша келісу хаттамасы жасалады.

      20. Тексеру комиссияларының және Уәкілетті органның аумақтық бөлімшелерінің бекітілген тізбелерімен және нақтыланған тізбелерімен алмасу жоспарланатын жылдың алдындағы жылдың 27 желтоқсанынан кешіктірілмей жүзеге асырылады.

      21. Тексеру комиссиялары Заңның 18-бабына сәйкес тізбеге және нақтыланған тізбеге өзгерістер және (немесе) толықтыруларды осы Қағидалардың 24-тармағында көзделген шарттарды сақтай отырып, тиісті өзгерістер және (немесе) толықтыруларды енгізген кезден бастап бес жұмыс күні ішінде Уәкілетті органның аумақтық бөлімшелерін хабардар ету арқылы енгізеді.

      22. Уәкілетті органның аумақтық бөлімшесі Заңның 18-бабында көзделген негіздер бойынша жоспардан тыс мемлекеттік аудит жүргізген жағдайда жоспардан тыс аудит жүргізу басталған күннен бастап бес жұмыс күні ішінде мемлекеттік аудит объектілерін және (немесе) бюджеттік бағдарламаларды қайталауды болдырмау, сондай-ақ мемлекеттік аудит объектілеріне әкімшілік жүктемені төмендету бойынша шаралар қабылдау мақсатында осы Қағидалардың 1-1-қосымшасына сәйкес нысан бойынша жоспардан тыс мемлекеттік аудит жүргізуге негіз болған тиісті құжаттарды тіркей отырып, тиісті тексеру комиссиясына жоспардан тыс аудит жүргізу туралы хабарлама жібереді.

      23. Есеп комитетінің және тексеру комиссияларының тізбесі мен нақтыланған тізбесінде бекітілген мемлекеттік аудит объектілері және бюджеттік бағдарламалар бойынша Уәкілетті органның аумақтық бөлімшелерінің жоспардан тыс аудит жүргізуі тек Заңның 18-бабында көзделген жағдайларда ғана жүзеге асырылады.

      24. Мемлекеттік аудит объектілерінің және (немесе) бюджеттік бағдарламаларың қайталануын болдырмау мақсатында, тексеру комиссиялары мен Уәкілетті органның аумақтық бөлімшелері тиісті ақпарат келіп түскен кезден бастап үш жұмыс күні ішінде тізбелер мен нақтыланған тізбелерге өзгерістер және (немесе) толықтыруларды өзара келіседі.

3-тарау. Мемлекеттік аудит органдары жүргізетін қатар тексерулер

      Ескерту. 3-тараудың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

1-параграф. Қатар тексерулерді жоспарлау

      25. Қатар тексерудің іс-шаралары мемлекеттік аудит органдары тізбелер жобаларын осы Қағидалардың 2-тарауында белгіленген мерзімдерде қалыптастыру кезеңінде қаралады.

      26. Қатар тексеру жүргізуді мемлекеттік аудит органдары мемлекеттік аудит объектілерінің бекітілген тізбелері негізінде бір мезгілде не келісілген мерзімдерде жүзеге асырады.

2-параграф. Қатар тексерудің жоспарлары мен бағдарламаларын,
аудиторлық тапсырмаларды әзірлеу және бекіту

      27. Мемлекеттік аудит органдары қатар тексерудің жоспарлары мен бағдарламаларын, аудиторлық тапсырмаларды (мемлекеттік аудит объектілерінің, бюджеттік бағдарламалардың атауларын, мемлекеттік аудит органы қамтитын тексеру мәселелерін, қатар тексеруге қатысушыларды көрсете отырып) дербес әзірлейді және бекітеді.

      28. Бастамасы бойынша қатар тексеру жүргізілетін мемлекеттік аудит органы (бұдан әрі – қатар тексерудің бастамашысы) қатар тексеру жүргізуге қатысатын мемлекеттік аудит органдарына тексерілетін мәселелердің және мемлекеттік аудит объектілерінің тізбесін және тексеру басталғанға дейін кемінде жеті жұмыс күні ішінде оларды мемлекеттік аудит органдары бойынша бөлу жөніндегі ұсыныстарын жібереді.

      29. Қатар тексеруді жүргізуге қатысатын мемлекеттік аудит органдары қатар тексерудің бастамашысынан алынған мемлекеттік аудит мәселелерінің, объектілерінің тізбесі туралы ақпараттың негізінде қатар тексеру жүргізудің жоспарлары мен бағдарламаларының жобаларын әзірлейді, бұл ретте тексерудің қосымша мәселелерін қоса отырып, негізгі тексерілетін мәселелердің тізбесін кеңейтуге жол беріледі. Аудит жоспарлары мен бағдарламаларының жобалары бойынша сапа бақылауы жүргізіледі. Тексерудің жоспарлары мен бағдарламаларының жобалары аудиторлық іс-шара басталғанға дейін кемінде жеті жұмыс күні ішінде жүргізілген сапа бақылауы ескеріле отырып (сыртқы мемлекеттік аудит органдарымен), бастамасы бойынша қатар тексеру жүргізілетін мемлекеттік аудит органына келісу үшін жіберіледі.

      30. Мемлекеттік аудит органдарының қатар тексерудің жоспарлары мен бағдарламаларының жобаларын келісуі оларды алған күннен бастап үш жұмыс күні ішінде жүргізіледі. Қажет болған жағдайда, бастамасы бойынша қатар тексеру жүргізілетін мемлекеттік аудит органы өзінің тексеру жоспарының, бағдарламасының жобаларына және аудиторлық тапсырмаларға түзетулер енгізеді және оларды қатар тексеру басталғанға дейін екі жұмыс күнінен кешіктірмей бекітеді.

      31. Әрбір тарап қатар тексеруді жүргізу кезінде аудиторлық есептер Заңда көзделген мемлекеттік аудит органдарының талаптарына сәйкес дербес ресімделеді.

3-параграф. Есеп комитеті және Уәкілетті орган жүргізетін
қатар тексерулердің ерекшеліктері

      32. Есеп комитетінің қатар тексерудің нәтижелері бойынша аудиторлық қорытындыны дайындауы қатар тексеру аяқталғаннан кейін немесе мемлекеттік аудит объектісінің қарсылықтарына (егер олар болған жағдайда) уәжді жауап жіберген кезден бастап, екі апталық мерзімде жүзеге асырылады. Аудиторлық қорытындыға Есеп комитетінің қалауы бойынша Уәкілетті орган жүргізген қатар тексерудің нәтижелері қосылады.

      33. Уәкілетті орган аудиторлық есепке қол қойылғаннан кейін он жұмыс күні ішінде мемлекеттік аудит объектісіне Нұсқама жібереді. Мемлекеттік аудит объектісі аудиторлық есепке қарсылықтар жіберген жағдайда, Уәкілетті органның Нұсқамасы мемлекеттік аудит объектісіне қарсылықтар қаралғаннан кейін жіберіледі.

      34. Уәкілетті орган анықталған бұзушылықтардың жалпы сомасын мемлекеттік аудит объектілерінің бөлінісінде көрсете отырып, жүргізілген қатар тексерудің нәтижелері, тексеру жүргізу барысында аудит объектілерінің қабылдаған шаралары туралы жинақталған ақпаратты, сондай-ақ Нұсқамалардың көшірмелерін Есеп комитетіне оларға қол қойылғаннан кейін екі жұмыс күні ішінде ұсынады.

      35. Есеп комитетінің отырыстарында жүргізілген қатар тексерудің материалдары талқыланады, қатар тексерудің қорытындылары туралы Қаулы қаралады және қабылданады.

      36. Есеп комитетінің қатар тексерудің қорытындыларын қарау жөніндегі отырысына Уәкілетті органның басшылығы, тексеруге жауапты адамдар, сондай-ақ мемлекеттік аудит объектілерінің лауазымды адамдары шақырылады.

      37. Есеп комитеті қатар тексерудің қорытындылары туралы қабылданған Қаулының көшірмесін Уәкілетті органға оған қол қойылғаннан кейін екі жұмыс күні ішінде жібереді.

4-параграф. Есеп комитеті және Тексеру комиссиялары
жүргізетін қатар тексерулердің ерекшеліктері

      38. Жүргізілген қатар тексерудің нәтижелері бойынша Есеп комитеті мен тексеру комиссияларының қатар тексеруді ұйымдастыруға және жүзеге асыруға жауапты мүшелері жеке-жеке аудиторлық қорытындылар жасайды. Қажеттілігіне қарай, Есеп комитетінің аудиторлық қорытындысына талдау үшін тексеру комиссиялары жүргізген қатар тексерудің нәтижелері енгізілуі мүмкін.

      39. Тексеру комиссиялары Есеп комитетіне жүргізілген қатар тексерудің нәтижелері туралы талдау ақпаратын ол аяқталған кезден бастап, он жұмыс күні ішінде ұсынады.

      40. Қатар тексерудің нәтижелері бойынша аудиторлық қорытындыларды дайындау сапа бақылауының сараптамалық қорытындысын, аудиторлық есептерді және жергілікті жерге барып аудиторлық іс-шараны қайта тексеру (ол жүргізілген жағдайда) нәтижелерін алғаннан кейін он жұмыс күні ішінде, 15 және одан көп мемлекеттік аудит объектілері қамтылған жағдайда, тексеру аяқталғаннан кейін немесе мемлекеттік аудит объектісінің қарсылықтарына (егер олар болған жағдайда) уәжді жауап жіберілген кезден бастап он бес жұмыс күні ішінде жүзеге асырылады.

      41. Есеп комитетінің және тексеру комиссияларының отырыстарында жүргізілген Қатар тексерудің қорытындылары туралы қаулы қаралады және жеке қабылданады.

      42. Есеп комитеті және тексеру комиссиялары қабылданған Қатар тексерудің қорытындылары туралы қаулыларға қол қойылғаннан кейін екі жұмыс күні ішінде олармен алмасады.

5-параграф. Тексеру комиссиялары және Уәкілетті органның аумақтық бөлімшелері
жүргізетін қатар тексерулердің ерекшеліктері

      43. Тексеру комиссияларының қатар тексерудің нәтижелері бойынша аудиторлық қорытынды дайындауы мемлекеттік аудит объектісінің қарсылықтарына (егер олар болған жағдайда) уәжді жауап ескеріле отырып, ішкі келісуден өткеннен кейін он жұмыс күні ішінде жүзеге асырылады.

      Қажеттілігіне қарай, аудиторлық қорытындыда Уәкілетті органның аумақтық бөлімшелері жүргізген қатар тексерудің нәтижелері қосымша көрсетіледі.

      44. Уәкілетті органның аумақтық бөлімшелері аудиторлық есепке қол қойылғаннан кейін он жұмыс күні ішінде мемлекеттік аудит объектісіне нұсқама жібереді. Мемлекеттік аудит объектісі аудиторлық есепке қарсылықтар жіберген жағдайда, нұсқама қарсылықтар қаралғаннан кейін мемлекеттік аудит объектісіне жіберіледі.

      45. Уәкілетті органның аумақтық бөлімшелері тиісті әкімшілік-аумақтық бірліктің тексеру комиссияларына бұзушылықтардың анықталған жалпы сомасын мемлекеттік аудит объектілері бөлінісінде көрсете отырып, жүргізілген қатар тексерудің нәтижелері, тексеру жүргізу барысында аудит объектілерінің бұзушылықтарды жою бойынша қабылдаған шаралары туралы жинақталған ақпарат пен нұсқамалардың көшірмелерін оларға қол қойылғаннан кейін екі жұмыс күні ішінде ұсынады.

      46. Тексеру комиссияларының отырыстарында қатар тексерудің материалдары талқыланады, қатар тексерудің қорытындылары туралы қаулы қаралады және қабылданады.

      47. Тексеру комиссияларының қатар тексерудің қорытындыларын қарау бойынша отырыстарына Уәкілетті органның аумақтық бөлімшесінің басшылығы, тексеруге жауапты адамдар, сондай-ақ мемлекеттік аудит объектілерінің лауазымды адамдары шақырылады.

      48. Тексеру комиссиялары қатар тексерудің қорытындылары туралы қабылданған қаулының көшірмесін оған қол қойылғаннан кейін екі жұмыс күні ішінде уәкілетті органның бөлімшесіне жібереді.

6-параграф. Қатар тексеру материалдарының орындалуын бақылау

      49. Қатар тексерудің қорытындылары бойынша қаулылардың, нұсқамалардың орындалуын бақылау Заң талаптарына сәйкес жүргізіледі.

      50. Мемлекеттік аудит органдары қатар тексерудің қорытындылары бойынша Қаулылар (Нұсқамалар) тармақтарының іске асырылу барысы туралы тоқсанның соңғы айының 25-күнінен кешіктірмей, тоқсан сайын бір-біріне хабарлайды.

7-параграф. Мемлекеттік аудит органдарының қатар тексерудің қорытындылары бойынша есептілігі

      51. Есеп комитеті Уәкілетті органмен, тексеру комиссияларымен бірге жүргізілген қатар тексерудің қорытындылары бойынша Қазақстан Республикасының Президентіне және Қазақстан Республикасының Парламентіне ұсынылатын тоқсан сайынғы ақпаратқа және Қазақстан Республикасының Парламентіне ұсынылатын жылдық есепке енгізу үшін талдау ақпарат дайындайды.

      52. Уәкілетті орган Есеп комитетімен бірге жүргізілген қатар тексерудің қорытындылары бойынша Қазақстан Республикасының Үкіметіне ұсынылатын есепке енгізу үшін тоқсан сайын және жылдың қорытындысы бойынша ақпарат дайындайды.

      53. Тексеру комиссиялары Есеп комитетімен, Уәкілетті органның құрылымдық бөлімшелерімен бірге жүргізілген қатар тексерудің қорытындылары бойынша, Есеп комитетіне ұсынылатын тоқсан сайынғы есепке, мәслихаттарға ұсынылатын тиісті бюджеттің атқарылуы туралы жылдық есепке енгізу үшін талдамалық ақпарат дайындайды.

      54. Уәкілетті органның аумақтық бөлімшелері тексеру комиссияларымен бірге жүргізілген қатар тексерудің қорытындылары бойынша Уәкілетті органға ұсынылатын есепке енгізу үшін тоқсан сайын және жылдың қорытындысы бойынша ақпарат дайындайды.

4-тарау. Сыртқы мемлекеттік аудит және қаржылық бақылау органдарының бірлескен тексерулері

      Ескерту. 4-тараудың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

1-параграф. Бірлескен тексерулерді жоспарлау

      55. Есеп комитеті және тексеру комиссиялары жүргізетін бірлескен тексеру кезекті жылға арналған тізбелер жобаларын қалыптастыру кезеңінде көзделеді.

      56. Сыртқы мемлекеттік аудит және қаржылық бақылау органдарының (бұдан әрі – сыртқы мемлекеттік аудит органдары) бірлескен тексеруі бекітілген тізбелердің негізінде жүргізіледі.

      57. Есеп комитеті және Уәкілетті орган Қазақстан Республикасы Президентінің тапсырмаларын бірлесіп орындаған жағдайда, қатар тексеру жүргізеді.

      58. Басқа мемлекеттік органдармен бірлескен тексеру жүргізу өзге де нормативтік құқықтық актілермен айқындалады.

2-параграф. Бірлескен тексерудің жоспарлары мен бағдарламаларын, аудиторлық
тапсырмаларды әзірлеу және бекіту

      59. Сыртқы мемлекеттік аудит органдарының бірлескен тексеруі жалпы жоспар және тексеру бағдарламасы бойынша жүргізіледі.

      60. Есеп комитеті және тексеру комиссиялары жүргізетін бірлескен тексерудің жоспары мен бағдарламасының жобаларын Есеп комитеті бірлескен тексеруді жүргізу басталғанға дейін кемінде он жұмыс күні бұрын әзірлейді және келісу үшін тексеру комиссияларына жібереді.

      61. Тексеру комиссиялары бірлескен тексерудің жоспары мен бағдарламасының жобаларын келісуді бірлескен тексеру басталғанға дейін кемінде бес жұмыс күні бұрын жүзеге асырады.

      62. Бірлескен тексеру бағдарламасында оны жүргізудің негізі, мемлекеттік аудит объектілерінің атауы, аудит мақсаты, аудит типі мен тексеру түрі, тексерумен қамтылатын қаражат көлемі, тексерудің кезеңі мен мерзімдері, бірлескен тексеруді жүргізу үшін қажетті ресурстар көрсетіледі.

      Бірлескен тексеру бағдарламасында бірлескен тексеру жоспарына сілтеме, бірлескен тексеру тобының құрамы мен оның басшысы, мемлекеттік аудит объектілерінің атауы, тексерудің мәні, аудит типі мен тексеру түрі, тексерумен қамтылатын кезең, тексеру жүргізу мерзімдері, тексерумен қамтылатын қаражат көлемі, тексеру мәселелері және оларды қараудың бірізділігі, тексерудің ақпараттық және әдіснамалық қамтамасыз етілуі көрсетіледі.

      Бірлескен тексерудің аудит жоспарлары мен бағдарламаларының жобасы бойынша сапа бақылауы жүргізіледі.

      63. Бірлескен тексерудің жоспарына Есеп комитетінің және тексеру комиссияларының бірлескен тексеруді ұйымдастыруға және жүзеге асыруға жауапты мүшелері қол қояды, әрі оны Есеп комитетінің және Тексеру комиссияларының төрағалары бекітеді, бірлескен тексерудің бағдарламасына Есеп комитетінің және Тексеру комиссияларының бірлескен тексеру жүргізуге жауапты аудит тобының басшылары (келісудің ішкі рәсімдерінен өткеннен кейін) қол қояды, оны Есеп комитетінің және Тексеру комиссияларының бірлескен тексеруді ұйымдастыруға және жүзеге асыруға жауапты мүшелері бірлескен тексеру басталғанға дейін кемінде екі жұмыс күні бұрын бекітеді.

      64. Бірлескен тексеру жүргізу үшін Есеп комитетінің және тексеру комиссияларының өкілдерінен ортақ бірлескен тексеру тобы немесе әрбір тараптан жеке-жеке тексеру тобы құрылады, оның қатысушыларын аудит объектілері және бюджет деңгейлері бойынша бөлуді тексеру комиссияларының тексеруді ұйымдастыруға және жүзеге асыруға жауапты мүшелерінің келісімі бойынша Есеп комитетінің бірлескен тексеруді ұйымдастыруға және жүзеге асыруға жауапты мүшесінің басшылығы жүзеге асырады.

      65. Бірлескен тексеру тобының қатысушыларына аудиторлық тапсырмаларды әрбір сыртқы мемлекеттік аудит органы дербес жасайды және бекітеді.

3-параграф. Бірлескен тексеру жүргізу

      66. Бірлескен тексеру жүргізуге тапсырмаларды сыртқы мемлекеттік аудит органдары дербес ресімдейді.

      67. Қызметкерлерді іссапарға жіберу бойынша шығыстарды әрбір мемлекеттік аудит органы дербес жүзеге асырады.

      68. Бірлескен тексеруді сапалы жүргізу мақсатында тексеруге жауапты лауазымды адамдар, бірлескен тексеру тобының қатысушылары:

      1) бірлескен тексеруді жүзеге асыру барысында туындайтын мәселелерді талқылай отырып, жұмыс кеңестерін өткізу;

      2) консультациялар беру;

      3) әдістемелік және талдау құжаттарын, ақпарат алмасу арқылы өзара іс-қимыл жасайды.

4-параграф. Бірлескен тексерудің нәтижелерін ресімдеу және шешімдер қабылдау

      69. Мемлекеттік аудит объектілерінде бірлескен тексеруді жүзеге асыратын Есеп комитетінің және тексеру комиссияларының қызметкерлері бірлескен тексеру жүргізудің қорытындылары бойынша аудиторлық есеп жасайды және оған қол қояды.

      70. Мемлекеттік аудит объектісінде бірлескен тексеруді бірыңғай топ жүргізген кезде аудиторлық есеп Есеп комитетінің бланкісінде үш данада ресімделіп, оның бірінші данасы – Есеп комитетіне, екінші данасы – тексеру комиссияларына, үшінші данасы – мемлекеттік аудит объектісіне беріледі. Бірлескен тексеруді жеке топтар жүргізген кезде кейіннен нәтижелерімен алмаса отырып, аудиторлық есептерді тараптардың әрқайсысы дербес ресімдейді. Аудиторлық есепке тексеру жүргізген сыртқы мемлекеттік аудит органдарының қызметкерлері қол қойған бірлескен тексерудің нәтижелері бойынша анықталған бұзушылықтар тізілімі қоса беріледі. Анықталған бұзушылықтар тізіліміндегі сомалар, соның ішінде республикалық бюджеттің бұзушылықтарына және жергілікті бюджеттің бұзушылықтарына бөліне отырып көрсетіледі.

      71. Аудиторлық есепке жазбаша қарсылықтарды Есеп комитетінің және тексеру комиссияларының бірлескен тексеруді ұйымдастыруға және жүзеге асыруға жауапты мүшелері тексеруді жүзеге асырған қызметкерлермен бірлесіп қарайды. Мемлекеттік аудит объектісіне жауапты өз мекенжайына жазбаша қарсылықтар келіп түскен сыртқы мемлекеттік аудит органы он жұмыс күні ішінде жібереді.

      72. Есеп комитеті және тексеру комиссиялары бірлескен тексеру барысында жасалған аудиторлық есептердің негізінде жалпы аудиторлық қорытынды жасайды.

      73. Бірлескен тексерудің нәтижелері бойынша аудиторлық қорытындының жобасын дайындау мемлекеттік аудит объектісінің қарсылықтарына (егер олар болған жағдайда) берілген уәжді жауап ескеріліп, ішкі келісуден өткеннен кейін тексеру тобының қатысушылары тартыла отырып, бірлескен тексеруді ұйымдастыруға және жүзеге асыруға жауапты Есеп комитеті мүшесінің басшылығымен және тексеру комиссиялары мүшелерінің қатысуымен он жұмыс күні ішінде жүзеге асырылады.

      74. Аудиторлық қорытындыға Есеп комитетінің және тексеру комиссияларының бірлескен тексеруді ұйымдастыруға және жүзеге асыруға жауапты мүшелері қол қойып, Есеп комитетінің және тексеру комиссияларының бірлескен отырысының қарауына шығарылады. Аудиторлық қорытындыға Есеп комитетінің және тексеру комиссиясының бірлескен тексеруді ұйымдастыруға және жүзеге асыруға жауапты мүшелері қол қойғаннан кейін тексеру тобының қатысушыларымен бірлесіп, анықталған бұзушылықтардың жиынтық тізілімі, сондай-ақ бірлескен тексерудің қорытындылары туралы қаулы жобасы жасалады.

      75. Жүргізілген бірлескен тексерудің материалдары бірлескен отырыста талқыланады, бірлескен тексерудің қорытындылары туралы қаулы қаралады және қабылданады.

      Бірлескен тексерудің қорытындылары туралы қаулы Есеп комитеті қаулысының бланкісінде ресімделіп, оған Есеп комитетінің және Тексеру комиссиясының төрағалары қол қояды.

      76. Бірлескен тексерудің нәтижелерін қарау кезіндегі бірлескен отырыс, егер оған Есеп комитеті және тексеру комиссиялары мүшелерінің кемінде үштен екісі жеке өзі не бейнеконференция арқылы қатысса, құқылы деп есептеледі.

      77. Бірлескен отырыс тексеру комиссиясының төрағасы қатыса отырып, Есеп комитеті Төрағасының төрағалығымен өткізіледі.

      78. Бірлескен отырысқа мемлекеттік аудит объектісінің лауазымды адамдары шақырылады.

      79. Бірлескен отырыста мәселелерді қараудың нәтижелері бойынша шешім ашық дауыс беру жолымен қабылданады. Отырысқа қатысушылардың немесе бейнеконференция байланысы арқылы қатысушылардың ішінен Есеп комитеті мүшелерінің және тексеру комиссиясы өкілдерінің (тексеру комиссиясының төрағасы және мүшелері) жартысынан көбі шешімге дауыс берсе, онда ол қабылданған болып есептеледі. Дауыстар тең болған жағдайда, төрағалық етушінің даусы шешуші болып табылады.

      80. Есеп комитеті және тексеру комиссиялары жүргізген бірлескен тексерудің қорытындылары туралы қаулы Тексеру комиссияларының өкілдері шақырыла отырып, не бейнеконференция өткізу жолымен талқылау арқылы Есеп комитетінің отырысында талқыланғаннан кейін қабылданады. Тексеру комиссиясының аумағында Есеп комитетінің көшпелі отырысын өткізуге рұқсат етіледі.

5-параграф. Бірлескен тексеру материалдарының орындалуын бақылау

      81. Есеп комитеті және тексеру комиссиялары жүргізген бірлескен тексерудің қорытындылары бойынша қаулы мен нұсқаманың орындалуын бақылауды Есеп комитетінің және тексеру комиссиясының бірлескен тексеруді ұйымдастыруға және жүргізуге жауапты мүшелері өз құзыреттеріне сәйкес жүзеге асырады.

      82. Есеп комитеті және тексеру комиссиясы жүргізген бірлескен тексерудің қорытындылары бойынша қаулы мен нұсқама тармақтарының іске асырылуы туралы ақпарат алмасу тиісті қаулыларда белгіленген орындау мерзімі өткен соң жеті жұмыс күні ішінде жүзеге асырылады.

      Аудиторлық қорытындыда (соның ішінде бірлескен) қамтылған ұсынымдардың және Есеп комитетінің нұсқамалары (қаулылары) тармақтарының орындалуына жүргізілген сапа бақылауының қорытындылары бойынша тексеру комиссиясы ұсынған ақпараттың сапасына Есеп комитетінің ескертулері болған жағдайда, Есеп комитеті сапа бақылауын жүргізуді аяқтаған күннен бастап бес жұмыс күні ішінде оны тексеру комиссиясына пысықтауға жібереді.

      Есеп комитетінің ескертулері болмаған жағдайда, тексеру комиссиясының ақпараты назарға алынады және бірлескен тексерудің қаулысы мен нұсқамасының тиісті тармақтары орындалған болып есептеледі.

6-параграф. Бірлескен тексерудің қорытындылары бойынша сыртқы
мемлекеттік аудит органдарының есептілігі

      83. Есеп комитеті тексеру комиссияларымен бірге жүргізген бірлескен тексерудің қорытындылары бойынша Қазақстан Республикасының Президентіне және Қазақстан Республикасының Парламентіне ұсынылатын тоқсан сайынғы есепке және Қазақстан Республикасының Парламентіне ұсынылатын жылдық есепке енгізу үшін талдамалық ақпарат дайындайды.

      84. Тексеру комиссиялары Есеп комитетімен бірге жүргізген бірлескен тексерудің қорытындылары бойынша Есеп комитетіне ұсынылатын тоқсан сайынғы есепке, мәслихаттарға ұсынылатын бюджеттің атқарылуы туралы жылдық есепке енгізу үшін талдамалық ақпарат және Президент Әкімшілігіне ұсынылатын сараптамалық-талдау іс-шаралары жөнінде ақпарат дайындайды.

5-тарау. Мемлекеттік аудит органдарының жүргізілген аудиторлық іс-шаралардың нәтижелері бойынша өзара іс-қимылы

      Ескерту. 5-тараудың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

      85. Мемлекеттік аудит органдары тоқсан сайын осы Қағидаларға 1-қосымшаға сәйкес нысан бойынша аудиторлық іс-шаралармен қамтылған мемлекеттік аудит объектілерінің және бюджеттік бағдарламалардың тізілімімен (бұдан әрі – Тізілім) алмасады.

      Тізілім үстеме және жоспардан тыс тексерулер ескеріле отырып, аяқталған аудиторлық іс-шаралар бойынша өспелі қорытындымен қалыптастырылады.

      86. Есеп комитеті және Уәкілетті орган тексеру комиссияларының және тиісінше Уәкілетті органның аумақтық бөлімшелерінің тізілімдерін қоса бере отырып, есепті тоқсаннан кейінгі айдың 20-күнінен кешіктірмей, Тізілімдермен алмасады.

      87. Есеп комитеті және Уәкілетті орган тиісінше Тізілімдерді тексеру комиссияларына және Уәкілетті органның аумақтық бөлімшелеріне есепті тоқсаннан кейінгі айдың 25-күнінен кешіктірмей жібереді.

      88. Бір әкімшілік-аумақтық бірліктің тексеру комиссиялары және Уәкілетті органының аумақтық бөлімшелері есепті тоқсаннан кейінгі айдың 20-күнінен кешіктірмей, Тізілімдермен алмасады.

      89. Тексеру комиссиялары есепті тоқсаннан кейінгі айдың 15-күнінен кешіктірмей, Тізілімдерді Есеп комитетіне жібереді.

      90. Уәкілетті органның аумақтық бөлімшелері есепті тоқсаннан кейінгі айдың 15-күнінен кешіктірмей, Тізілімдерді Уәкілетті органға жібереді.

6-тарау. Мемлекеттік аудит органдарының жұмыс көрсеткіштері туралы ақпаратты қалыптастыру кезіндегі мемлекеттік аудит органдарының өзара іс-қимылы

      Ескерту. 6-тараудың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

      91. Уәкілетті орган өздерінің аумақтық бөлімшелері, орталық мемлекеттік органдардың ішкі аудит қызметтері, облыстардың, республикалық маңызы бар қалалардың, астананың жергілікті атқарушы органдары, орталық мемлекеттік органдардың ведомстволары жұмысының көрсеткіштерін қоса алғанда, өз жұмысының көрсеткіштері туралы ақпаратты (бұдан әрі – Уәкілетті орган және ішкі аудит қызметтері жұмысының көрсеткіштері туралы ақпарат) одан әрі Қазақстан Республикасының Президентіне ұсыну үшін Есеп комитетіне есепті жылдан кейінгі жылдың 20 қаңтарына дейінгі мерзімде ұсынады.

      92. Уәкілетті орган және ішкі аудит қызметтері жұмысының көрсеткіштері туралы ақпарат:

      осы Қағидаларға 3-қосымшаға сәйкес ұсынылатын, Уәкілетті орган (оның аумақтық бөлімшелері ескеріле отырып) және ішкі аудит қызметтері есепті кезеңде жүргізген мемлекеттік аудит нәтижелері туралы талдамалық ақпаратты;

      осы Қағидаларға 4-қосымшаға сәйкес ұсынылатын, Уәкілетті органның аумақтық бөлімшелері ескеріле отырып, оның қызметінің негізгі көрсеткіштерін;

      осы Қағидаларға 5-қосымшаға сәйкес ұсынылатын, орталық мемлекеттік органдардың, жергілікті атқарушы органдардың және орталық мемлекеттік органдардың ведомстволарының ішкі аудит қызметі жұмысының негізгі көрсеткіштерін;

      осы Қағидаларға 6-қосымшаға сәйкес ұсынылатын, Уәкілетті органның аумақтық бөлімшелері ескеріле отырып, оның республикалық бюджеттің атқарылуына жүргізген мемлекеттік аудит нәтижелерінің серпінін;

      осы Қағидаларға 7-қосымшаға сәйкес ұсынылатын, орталық мемлекеттік органдардың, жергілікті атқарушы органдардың және орталық мемлекеттік органдардың ведомстволарының ішкі аудит қызметінің республикалық бюджеттің атқарылуына жүргізген мемлекеттік аудит нәтижелерінің серпінін қамтиды.

      93. Уәкілетті органға ішкі аудит қызметтерінің жұмыс көрсеткіштері туралы ақпаратты ұсыну тәртібін, құрылымын және мазмұнын Уәкілетті орган айқындайды.

Мемлекеттік аудит объектілерінің ___ жылға арналған нақтыланған тізбесі

      Ескерту. 1-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

      кестенің жалғасы

      Ескертпе:

      * аудиторлық іс-шараның қысқаша атауын көрсетуге жол беріледі.

Жоспардан тыс аудит жүргізу туралы хабарлама

      Ескерту. Қағида 1-1-қосымшамен толықтырылды - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

Аудиторлық іс-шаралармен қамтылған мемлекеттік аудит объектілерінің және бюджеттік бағдарламалардың ______ жылға арналған тізілімі

      Ескерту. 2-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 09.04.2018 № 11-НҚ және ҚР Қаржы министрінің 09.04.2018 № 448 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы және бұйрығымен.

      кестенің жалғасы

      Ескертпе:

      * аудиторлық іс-шараның қысқаша атауын көрсетуге жол беріледі.

Уәкілетті органның (аумақтық бөлімшелері ескеріле отырып) және
орталық мемлекеттік органдардың ішкі аудит қызметтерінің есепті
кезең үшін жүргізген мемлекеттік аудит нәтижелері туралы
талдамалық ақпараты

      1. Аумақтық бөлімшелерін қоса алғанда, Уәкілетті органның, орталық мемлекеттік органдардың және олардың ведомстволарының, жергілікті атқарушы органдардың ішкі аудит қызметінің есепті кезең үшін аудиторлық қызметінің негізгі нәтижелері.

      2. Анықталған жүйелі бұзушылықтар мен кемшіліктер.

Аумақтық бөлімшелері ескеріле отырып,
Уәкілетті орган қызметінің негізгі көрсеткіштері

Орталық мемлекеттік органдардың, жергілікті атқарушы
органдардың, орталық мемлекеттік органдар ведомстволарының
ішкі аудит қызметтері қызметінің негізгі көрсеткіштері

Уәкілетті органның аумақтық бөлімшелері мен ішкі аудит қызметі
ескерілген, республикалық бюджеттің атқарылуына жүргізілген
мемлекеттік аудиттің нәтижелерінің серпіні

Орталық мемлекеттік органдардың, жергілікті атқарушы
органдардың, орталық мемлекеттік органдардың ведомстволарының
ішкі аудит қызметтерінің республикалық бюджеттің атқарылуына
мемлекеттік аудит нәтижелерінің серіпі