Медициналық және фармацевтикалық мамандықтар бойынша мемлекеттік жалпыға бірдей міндетті стандарттар мен үлгілік кәсіптік оқу бағдарламаларын бекіту туралы

      "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес медициналық мамандықтар бойынша докторантураның мемлекеттік жалпыға бірдей міндетті стандарты;

      2) осы бұйрыққа 2-қосымшаға сәйкес фармацевтикалық мамандықтар бойынша докторантураның мемлекеттік жалпыға бірдей міндетті стандарты;

      3) осы бұйрыққа 3-қосымшаға сәйкес медициналық мамандықтар бойынша магистратураның мемлекеттік жалпыға бірдей міндетті стандарты;

      4) осы бұйрыққа 4-қосымшаға сәйкес фармацевтикалық мамандықтар бойынша магистратураның мемлекеттік жалпыға бірдей міндетті стандарты;

      5) осы бұйрыққа 5-қосымшаға сәйкес медициналық мамандықтар бойынша резидентураның мемлекеттік жалпыға бірдей міндетті стандарты;

      5-1) осы бұйрыққа 5-1 қосымшаға сәйкес фармацевтикалық мамандықтар бойынша бакалавриаттың мемлекеттік жалпыға бірдей міндетті стандарты;

      5-2) осы бұйрыққа 5-2 қосымшаға сәйкес медициналық мамандықтар бойынша техникалық және кәсіптік білім берудің мемлекеттік жалпыға бірдей міндетті стандарты;

      5-3) осы бұйрыққа 5-3 қосымшаға сәйкес фармацевтикалық мамандықтар бойынша техникалық және кәсіптік білім берудің мемлекеттік жалпыға бірдей міндетті стандарты;

      5-4) осы бұйрыққа 5-4 қосымшаға сәйкес "Мейіргер ісі" мамандығы бойынша қолданбалы бакалавриаттың орта білімнен кейін білім берудің мемлекеттік жалпыға бірдей міндетті стандарты;

      5-5) осы бұйрыққа 5-5 қосымшаға сәйкес 5В110100 – "Мейіргер ісі" мамандығы бойынша бакалавриаттың мемлекеттік жалпыға бірдей міндетті стандарты;

      5-6) осы бұйрыққа 5-6 қосымшаға сәйкес 5В110200 – "Қоғамдық денсаулық сақтау" мамандығы бойынша білім берудің мемлекеттік жалпыға бірдей міндетті стандарты;

      5-7) осы бұйрыққа 5-7 қосымшаға сәйкес жоғары арнайы білім берудің мемлекеттік жалпыға бірдей міндетті стандарты;

      6) осы бұйрыққа 6-қосымшаға сәйкес медициналық және фармацевтикалық мамандықтар бойынша докторантураның үлгілік кәсіптік оқу бағдарламасы;

      7) осы бұйрыққа 7-қосымшаға сәйкес медициналық және фармацевтикалық мамандықтар бойынша магистратураның үлгілік кәсіптік оқу бағдарламасы;

      8) осы бұйрыққа 8-қосымшаға сәйкес медициналық мамандықтар бойынша резидентураның үлгілік кәсіптік оқу бағдарламасы;

      8-1) осы бұйрыққа 8-1 қосымшаға сәйкес фармацевтикалық мамандық бойынша бакалавриаттың үлгілік кәсіптік оқу бағдарламасы;

      8-2) осы бұйрыққа 8-2 қосымшаға сәйкес медициналық және фармацевтикалық мамандықтар бойынша техникалық және кәсіптік білім берудің үлгілік кәсіптік оқу бағдарламасы";

      8-3) осы бұйрыққа 8-3 қосымшаға сәйкес "Мейіргер ісі" мамандығы бойынша қолданбалы бакалавриаттың орта білімнен кейін білім берудің үлгілік кәсіптік оқу бағдарламасы";

      8-4) осы бұйрыққа 8-4 қосымшаға сәйкес 5В110100 – "Мейіргер ісі" мамандығы бойынша үлгілік кәсіптік оқу бағдарламасы";

      8-5) осы бұйрыққа 8-5 қосымшаға сәйкес 5В110200 – "Қоғамдық денсаулық сақтау" мамандығы бойынша үлгілік кәсіптік оқу бағдарламасы";

      8-6) осы бұйрыққа 8-6 қосымшаға сәйкес жоғары арнайы білім берудің үлгілік кәсіптік оқу бағдарламасы бекітілсін".

      2. Қазақстан Республикасы Денсаулық сақтау және әлеуметтік даму министрлігінің Ғылым және адами ресурстар департаменті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркегеннен кейін күнтізбелік он күн ішінде мерзімді баспасөз басылымдарында және Қазақстан Республикасының нормативтік құқықтық актілерінің "Әділет" ақпараттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсына орналастыруды;

      4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күн ішінде Қазақстан Республикасы Денсаулық сақтау және әлеуметтік даму министрлігі Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметті ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі С.З. Қайырбековаға жүктелсін.

      4. Осы бұйрық алғашқы ресми жариялаған күнінен кейін қолданысқа енгізіледі.

      Келісілді

      Қазақстан Республикасы

      Білім және ғылым Министрінің

      міндетін атқарушы

      ________________ Т. Балықбаев

      2015 жылғы 31 шілде

Медициналық мамандықтар бойынша докторантураның мемлекеттік
жалпыға міндетті білім беру стандарты
1. Жалпы ережелер

      1. Осы медициналық мамандықтар бойынша докторантураның мемлекеттік жалпыға міндетті білім беру стандарты (бұдан әрі - Стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес әзірленді және PhD докторантураның білім беру бағдарламаларының мазмұнына, докторанттардың білім траекториясына, білім беру құрылымы мен мазмұнына, докторанттардың даярлық деңгейін және 6D11 "Денсаулық сақтау және әлеуметтік қамсыздандыру (медицина)" мамандықтары бойынша академиялық дәрежелерін бағалауға қойылатын талаптарды белгілейді.

      Осы стандартта мынадай терминдер мен анықтамалар қолданылады:

      1) дескрипторлар (descriptors) - студенттердің жоғары және жоғары оқу орнынан кейінгі білімнің тиісті деңгейінің (сатысының) білім беру бағдарламаларын аяқтаған соң ие болатын білім, білік, дағды және құзыретінің деңгейлері мен көлемінің сипаттамасы, дескрипторлар оқыту нәтижелеріне, қалыптасқан құзыреттерге, сондай-ақ кредиттерінің жалпы санына (сынақ бірліктеріне) негізделеді;

      2) докторантура - философия докторы (PhD), бейіні бойынша доктор ғылыми дәрежесі беріле отырып, ғылыми және педагог кадрларды даярлауға бағытталған жоғары оқу орнынан кейінгі білім берудің кәсіптік білім беретін оқу бағдарламасы;

      3) докторант - докторантурада білім алушы адам;

      4) докторлық диссертация - теориялық қағидалар жиынтығын жаңа ғылыми жетістік деп тануға болатын немесе маңызды әлеуметтік-мәдени немесе экономикалық мәні бар ғылыми мәселе шешілген не оны енгізу елдің экономикасының дамуына айтарлықтай үлес қосатын ғылыми дәлелденген техникалық, экономикалық немесе технологиялық шешімдері берілген, дербес зерттеу болып табылатын ғылыми жұмыс;

      5) кредит (Credit, Credit-hour) - білім алушының/оқытушының оқу жұмысы көлемін өлшейтін сәйкестендірілген бірлігі;

      6) құзыреттер - студенттердің оқыту процесі кезінде алған білім, шеберлік және дағдысын кәсіптік қызметте практикалық тұрғыдан қолдана білу қабілеті;

      7) постреквизиттер - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

      8) пререквизиттер - оқылатын пәнді игеру үшін қажетті білім, икемділіктер мен дағдыларды қамтитын пәндер.

      2. 6D11-"Денсаулық сақтау және әлеуметтік қамсыздандыру (медицина)" топтың медициналық мамандықтары бойынша докторантураның білім беру бағдарламаларын ведомостволық бағыныстылығы мен меншік нысанына қарамастан, докторантураның тиісті мамандықтары бойынша білім беру қызметін жүргізуге құқық беретін лицензияның және аккредиттелген ғылыми әріптес ұйымдармен сәйкес келетін бірлескен ғылыми және білім беру бағдарламаларын орындау және зерттеу базаларын ұсыну жөніндегі ынтымақтастық туралы шарттың негізінде жоғары оқу орындары (бұдан әрі - ЖОО) іске асырады.

      3. Қазақстан Республикасының ЖОО-лары:

      1) осы Стандартқа және докторантура мамандықтарының үлгілік оқу жоспарларына;

      2) академиялық күнтізбеге;

      3) докторанттардың жеке оқу жоспарларына;

      4) оқу жұмыс жоспарларына;

      5) пәндер бойынша оқу бағдарламаларына;

      6) докторанттың жеке жұмыс жоспарына сәйкес философия докторларын (PhD) және бейіні бойынша докторларды даярлауды жүзеге асырады.

      4. Ғылыми және педагогикалық кадрларды даярлау докторантурада кемінде үш жыл оқу мерзімімен жүзеге асырылады. Докторантураның білім беру бағдарламасын меңгерген және докторлық диссертациясын қорғаған адам "Ғылыми дәрежелер беру ережесін бекіту туралы" Қазақстан Республикасы Білім және ғылым министрінің 2011 жылғы 31 наурыздағы № 127 бұйрығымен бекітілген (бұдан әрі - Ереже), Нормативтік құқықтық актілерді мемлекеттік тіркеу тізілімінде № 6951 тіркелген Ғылыми дәрежелер беру ережесіне сәйкес PhD доктор немесе бейін бойынша доктор ғылыми дәрежелері беріледі.

      5. Докторантурада білім алу мемлекеттік білім беру тапсырысы негізінде күндізгі оқу нысаны бойынша ғана жүзеге асырылады.

      6. Докторантураның білім беру бағдарламаларын іске асыратын ЖОО докторантураның аккредиттелген білім беру бағдарламаларын іске асыратын шет елдік ЖОО-лармен және ғылыми орталықтарымен білім беру және ғылым саласындағы ынтымақтастық туралы келісімі бар.

      7. 6D11 "Денсаулық сақтау және әлеуметтік қамсыздандыру (медицина)" топтың медициналық мамандықтары бойынша докторантураның білім беру бағдарламаларын меңгеруге ниет білдіруші тұлғалардың алдыңғы білім деңгейіне қойылатын талаптар осы Стандартқа 1-қосымшада келтірілген.

      8. Докторантура мамандықтары шеңберінде ЖОО-лар 2007 жылғы 15 мамырдағы Қазақстан Республикасының Еңбек кодексінің 138-5-бабының 3-тармағына сәйкес кәсіби стандарттарына сәйкес әртүрлі білім беру бағдарламаларын өз бетінше әзірлейді.

      Білім беру бағдарламалары оқыту нәтижесіне бағдарланған.

2. Білім алушылардың дайындық деңгейiне қойылатын талаптар

      9. Оқыту нәтижелері дескрипторлардың үшінші деңгейі (докторантура) негізінде айқындалады және құзыреттер арқылы көрсетіледі. Оқыту нәтижелері бағдарламаның барлық деңгейінде де, жеке пәннің, модульдің деңгейінде де қалыптасады.

      Үшінші деңгейлі дескрипторлар:

      1) зерттеу саласындағы жүйелі түсініктерді, осы салада пайдаланылатын зерттеу іскерлігі мен әдістері бөлігіндегі шеберлігін демонстрациялау;

      2) ғылыми зерттеулердің кешенді процесін жоспарлау, әзірлеу, іске асыру және түзету;

      3) ұлттық немесе халықаралық деңгейде жариялауға тұратын өзінің бірегей зерттеулерімен ғылыми саланың шеңберін кеңейтуде үлес қосу;

      4) жаңа және күрделі идеяларды сыни тұрғыдан талдау, бағалау және синтездеу;

      5) өзінің білімін және жетістіктерін әріптестеріне, ғылыми қоғамдастыққа және кең жұртшылыққа хабардар ету.

      10. 6D11 "Денсаулық сақтау және әлеуметтік қамсыздандыру (медицина)" топтың медициналық мамандықтары бойынша доктордың жалпы құзыреті:

      1) мыналардан:

      ғылым эволюциясындағы парадигмалардың ауысуы мен дамуының негізгі кезеңдері туралы;

      денсаулық сақтау және медициналық ғылым саласының пән ретінде, дүниетанымдық және әдіснамалық ерекшеліктері туралы;

      денсаулық сақтаудағы медицинаның ғылыми мектептері, олардың теориялық және практикалық әзірлемері туралы;

      әлемдік және қазақстандық медицина ғылымның ғылыми тұжырымдамалары туралы;

      ғылыми әзірлемелерді практикадағы қызметке енгізу тетіктері туралы;

      өзінің кәсіби қызметінің аясында деректерді статистикалық талдаудың заманауи әдістері және негізгі процестерді монитроингілеу және бағалауға арналған олардың мәні туралы;

      ғылыми қауымдастықтағы өзара іс-қимыл нормалары туралы;

      ғалым зерттеушінің педагогикалық және ғылыми этикасы туралы түсінігі бар;

      2) мыналарды:

      жаһандану мен интернационализация шарттарындағы отандық медициналық ғылымның заманауи үрдістері, даму бағыттары мен заңдылықтарын;

      ғылыми таным әдіснамасын;

      тиісті саладағы әлемдік және қазақстандық медициналық ғылымның жетістіктерін;

      жоспарлау, ұйымдастыру және медицинадағы зерттеулер әдістемесінің қағидалары мен қағидаттарын;

      дәлелді медицинаның теориялық және практикалық негіздерін;

      медициналық және биомедициналық зерттеулердегі сандық және сапалық талдау әдістерін;

      заманауи клиникалық эпидемиология және биоэтика теориясы мен практика негіздері;

      ғылым мен білімнің әлеуметтік жауапкершілігін (сезінуі және қабылдауы);

      ғылыми коммуникацияны және халықаралық ынтымақтастықты жүзеге асыру үшін шет тiлiн кәсiптік деңгейде біледі және түсінеді;

      3) мыналарды:

      ғылыми зерттеулер процесін ұйымдастыра, жоспарлай және іске асыра алады;

      зерттеу саласындағы әртүрлі теориялық тұжырымдамаларды талдай, бағалай, салыстырй және тұжырым жасай алады;

      әртүрлі көздерден алынған ақпараттарды талдай және өңдей алады;

      заманауи теориялар мен талдау әдістері негізінде академиялық тұтастықпен сипатталатын ғылыми зерттеулерді өз бетінше орындай алады;

      өзінің жаңа ғылыми ойларын айта алады, ғылыми таным шеңберін кеңейте отырып, өзінің білімін және ойын ғылыми қоғамдастыққа хабарлай алады;

      зерттеудің заманауи әдіснамасын таңдай алады және оны тиімді қолдана алады;

      өзінің одан арғы кәсіби дамуын жоспарлай және болжай алады;

      4) мынадай:

      әртүрлі ғылыми теориялар мен ойларын сыни тұрғыда талдау, бағалау және салыстыру;

      ғылыми қызметте талдау және эксперимент жүргізу;

      зерттеу нәтижелерін жоспарлау және болжау;

      халықаралық ғылыми форумдарда, конференциялар мен семинарларда шешендік өнер және көпшілік алдында сөйлеу;

      ғылыми хат пен ғылыми коммуникация;

      ғылыми зерттеулер процестерін жоспарлау, үйлестіру және іске асыру;

      зерделеу саласын жүйелі түсіну пен таңдап алынған ғылыми әдістердің сапасы мен нәтижесін демонстрациялау;

      ғылыми іс-шараларға, іргелі ғылыми отандық және халықаралық жобаларға қатысу;

      жетекшілік және ұжымды басқару;

      ғылыми және ғылыми-педагогикалық қызметке жауапкершілікпен және шығармашылықпен қарау;

      заманауи ақпараттық және инновациялық технологияларды қолдана отырып, патенттік ізденіс жүргізу мен ғылыми ақпаратты беру тәжірибесінің;

      ғылыми жаңалықтар мен әзірлемелерге зияткерлік меншік құқығын қорғау;

      шет тілінде еркін қарым қатынас жасай білу дағдылары бар;

      5) мыналарда:

      ақпараттар ағымының жедел жаңару және өсу жағдайларында ғылыми және ғылыми-педагогикалық қызмет саласында;

      теориялық және эксперименттік ғылыми зерттеулер жүргізуде;

      ғылыми зерттеуде теориялық және қолданбалы міндеттерді қою мен оларды шешуде;

      тиісті саладағы проблемаларды кәсіби және жан-жақты талдау жүргізуде;

      жеке адама арасындағы қарым-қатынас және адами ресурстарды басқару мәселелерінде;

      мамандарды ЖОО-ларда даярлау мәселелерінде;

      ғылыми жобалар мен зерттеулерге сараптама жүргізуде;

      тұрақты кәсіби өсуді қамтамасыз етуде құзыретті.

      11. Арнайы құзыреттер докторантураның әрбір мамандығы үшін жұмыс берушілердің талаптары мен жұртшылықтың әлеуметтік сұранысы ескеріле отырып әзірленеді.

      12. Міндетті ең төмен мен ЖОО ұсынатын оқу жүктемесінің көлемі шеңберінде алынған білім деңгейі докторанттардың оқу жетістіктерін бақылау және оқу пәндері мен модульдері бойынша олардың білімін бағалау жолымен қамтамасыз етіледі.

      13. Докторанттың білімін, іскерлігін, дағдысын және құзыретін бақылау оларды қорытынды аттестаттау жүргізу кезінде жүзеге асырылады.

      14. Докторантты қорытынды аттестаттау:

      1) Қазақстан Республикасы Білім және ғылым министрінің 2008 жылғы 18 наурыздағы № 125 бұйрығымен бекітілген, Нормативтік құқықтық актілерді мемлекеттік тіркеу тізілімінде № 5191 тіркелген Білім алушылардың үлгерімін ағымдағы бақылау, аралық және қорытынды аттестаттау жүргізудің үлгі ережесіне;

      2) Қазақстан Республикасы Білім және ғылым министрінің 2011 жылғы 31 наурыздағы № 126 бұйрығымен бекітілген, Нормативтік құқықтық актілерді мемлекеттік тіркеу тізілімінде № 6929 тіркелген Диссертациялық кеңес туралы үлгілік ережесіне;

      3) Қағидаларға сәйкес академиялық күнтізбеде және мамандықтардың жұмыс оқу жоспарында көзделген мерзімде кешенді емтихан тапсыру мен докторлық диссертацияны қорғау нысанында жүргізіледі.

      15. Қазақстан Республикасы Білім және ғылым министрлігінің Білім және ғылым саласындағы бақылау комитеті жүргізген сараптама қорытындысы бойынша оң шешім берілген кезде докторантураның білім беру бағдарламасын толық орындаған және докторлық диссертацияны сәтті қорғаған адамдарға философия докторы (PhD) немесе бейіні бойынша доктор ғылыми дәрежелері және мемлекеттік үлгідегі диплом оған қосымшасымен беріледі.

3. Үлгілік бағдарлама мазмұнына қойылатын талаптар

      16. Докторантураның білім беру бағдарламасының құрылымы екі бірдей мәні бар компоненттерден тұрады: білім беру мазмұнын айқындайтын білім беру және ғылым компоненттері және олардың арақатынасын, өлшемі мен есепке алынуын айқындайды.

      17. Докторантураның білім беру бағдарламасы:

      1) базалық және бейінді пәндер циклдерін үйретуден тұратын теориялық оқытудан;

      2) докторанттардың практикалық даярлығы: кәсіби практика, ғылыми тағылымдамалардың әртүрлерінен;

      3) докторлық диссертацияның орындалуын қоса алғанда ғылыми-зерттеу (эксперименталды-зерттеу) жұмысынан;

      4) аралық және қорытынды аттестаттаудан тұрады.

      18. Білім беру бағдарламаларын іске асыру мамандық пен пәндердің оқу-әдістемелік кешендерінің негізінде жүзеге асырылады. Мамандық пен пәндердің оқу-әдістемелік кешендерінің нысанын, құрылымын және әзірлеу тәртібін білім беру ұйымы өз бетінше айқындайды.

      19. Жұмыстың барлық түрлерінің еңбек көлемін есепке алу меңгерілген материалдың көлемі бойынша жүзеге асырылады және оқудың нақты нәтижелеріне қол жеткізу үшін қажетті докторанттар мен оқытушылардың еңбек шығынының өлшем бірлігі болып табылатын кредиттермен өлшенеді. Бұл ретте алдыңғы білім беру деңгейінде меңгерген кредиттерді ескерілетін жинақтаушы кредиттік жүйе әрекет етеді.

      Докторанттың докторантураға түсер алдында докторантураның тиісті кәсіби оқу бағдарламасын меңгеруге қажетті барлық пререквизиттері болады. Қажетті пререквизиттер тізбесін ЖОО өз бетінше айқындайды.

      20. Оқу процесін кредиттік оқыту технологиясы бойынша ұйымдастыру кезінде оқу пәнінің көлемі кредиттердің бүтін санын құрауы тиіс. Бұл ретте әр пән, әдетте, кемінде 2 немесе 3 кредит өлшемімен бағаланады.

      21. Докторантураның оқу жоспарларының барлық нысандарында оқыту пәндерді кодтаудың бірыңғай жүйесі пайдаланылады.

      Әрбiр пән қайталанбайтын бір атауы бар. Ол бiр академиялық кезеңде меңгеріледі, оны бітіруіне қарай докторанттардың олар бойынша сараланған сынақ тапсыратын кәсіби практиканың барлық түрлерін, курстық жұмыстар (жобалар), докторанттардың ғылыми-зерттеу (эксперименталды-зерттеу) жұмыстарын қоспағанда докторанттар емтихан нысанындағы қорытынды бақылауды тапсырады.

      22. Докторантураның білім беру бағдарламалары пәнді оқудың модульді жүйесі негізінде жобаланады.

      23. Базалық пәндер циклі (бұдан әрі - БП) міндетті компонент пен таңдауы бойынша компонент пәндерінен тұрады.

      24. БП циклінің көлемі үлгілік оқу жоспарының жалпы көлемінің 50%-ын немесе 18 кредитті құрайды, оның ішінде 33%-ы міндетті компонент пәндеріне, ал 67%-ы таңдау компоненті пәндеріне бөлінеді.

      25. Бейіндеуші пәндер циклінің көлемі үлгілік оқу жоспарының жалпы көлемінің 50%-ын немесе 18 кредитті құрайды.

      Бейіндеуші пәндер циклінің пәндері Таңдау компонентіке жатады және оларды ЖОО өз бетінше айқындайды.

      26. Міндетті компонент пәндерінің тізбесі осы бұйрыққа 6-қосымша медициналық және фармацевтикалық мамандықтар бойынша докторантураның үлгілік кәсіптік оқу бағдарламасының 3 және 4-қосымшаларда келтірілген үлгілік оқу жоспарымен айқындалады. Міндетті компонент пәндерінің көлемін қысқартуға жол берілмейді.

      27. Таңдауы бойынша компонент пәндерінің тізбесін жұмыс берушілердің сұранымдары және еңбек нарығының қажеттілігіне сәйкес ЖОО өз бетінше айқындайды.

      28. Докторантураның білім беру бағдарламасының мазмұны осы Стандартқа 2-қосымшаға сәйкес белгіленеді.

      29. Докторанттың ғылыми зерттеулерінің нәтижелері Ережеге сәйкес ғылыми, ғылыми-талдамалық және ғылыми-практикалық басылымдарда жарияланады.

      30. Білім беру қызметін ұйымдастыру оқу процесін және білім беру мазмұнын жоспарлау, оқу сабақтарын жүргізу тәсілдерін, докторанттың өздік жұмысын, олардың оқу жетістіктерін қорытынды бақылау түрлерін таңдау арқылы жүзеге асырылады.

      31. Білім беру мазмұнының құрылымы осы белгіленген стандарт пен үлгілік оқу бағдарламарына, білім берудің есептеу-өлшеу құралдарына: оқу жоспары мен бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне, оқу материалының көлеміне және т.б. қойылатын талаптарға сәйкес айқындалады.

      32. Докторды даярлаудың білім беру бағдарламасы оқу жоспарын, пәндердің оқу-әдістемелік кешендерін, практика (педагогикалық, зерттеу немесе өндірістік) бағдарламаларын және ғылыми-зерттеу жұмысының жоспарын қамтиды.

      33. Білім беру мазмұнын жоспарлауды, оқу процесін ұйымдастыру мен жүргізу тәсілін кредиттік оқыту технологиясы негізінде ЖОО өз бетінше жүзеге асырады.

      34. Білім беру қызметін жоспарлау мен ұйымдастыру оқу жоспарлары негізінде жүзеге асырылады. Оқу жоспарлары үлгілік (бұдан әрі - ҮОЖ), жеке (бұдан әрі - ЖОЖ) және жұмыс жоспарлары (бұдан әрі - ОЖЖ) болып бөлінеді.

      35. ҮОЖ-да міндетті компоненттің әрбір оқу пәнінің еңбек сыйымдылығы және әрбір оқу қызметінің түрі (практика, ДҒЗЖ (ДЭЗЖ), кешендi емтихан, докторлық диссертацияны ресімдеу және қорғау) кредитпен анықталады, ал оқу пәндерінің әр циклі бойынша таңдау компоненті кредиттердің жалпы санымен көрсетіледі.

      36. ҮОЖ-ға қосымша жыл сайын ЖОО-лары таңдау компоненті бойынша барлық пәндердің жүйеленген, аннотацияланған тізбесі болып табылатын элективті пәндер каталогын (бұдан әрі - ЭПК) әзірлейді.

      ЭПК-да әрбір оқу пәні бойынша пререквизиттер мен постреквизиттер айқындалады. ЭПК докторанттарға элективті оқу пәндерін баламалы таңдау мүмкіндігін қамтамасыз етеді.

      37. Мамандық бойынша ҮОЖ мен ЭПК негізінде докторант эдвайзердің көмегімен ЖОЖ құрады. ЖОЖ әрбір докторанттың жеке бiлiм траекториясын айқындайды.

      ЖОЖ-ға міндетті компонент пәндері мен ҮОЖ-дан алынған оқу әрекеттерінің түрлері (практикалар, докторанттың ғылыми-зерттеу жұмысы (бұдан әрі - ДҒЗЖ), докторанттың эксперименталды-зерттеу жұмысы (бұдан әрі - ДЭЗЖ), кешенді емтихан, докторлық диссертацияларды ресімдеу және қорғау) және ЭПК ішінен таңдауы бойынша пәндер компоненті қосылады.

      38. ОЖЖ оқу жылына мамандықтардың ҮОЖ-ы мен докторанттың ЖОЖ-ы негізінде әзірленеді және оны Ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен санағандағы еңбек сыйымдылығы, оқытылу реті, оқу сабақтарының түрлері мен бақылау нысандары, сондай-ақ оқу қызметінің басқа да түрлері (практикалар, ДҒЗЖ (ДЭЗЖ), кешенді емтихан, докторлық диссертацияларды ресімдеу және қорғау) айқындалады.

      ОЖЖ оқу сабақтарының кестесін құруға және оқытушының оқу жұмысының еңбек сыйымдылығын есептеуге негіз болады.

      ЖОЖ және ОЖЖ-ның нысанын, құрылымын жобалау, бекіту тәртібін ЖОО-лар өз бетінше айқындайды.

      39. Барлық оқу пәндерінің мазмұны оқу бағдарламаларымен айқындалады. Оқу бағдарламалары үлгілік, жұмыс және силлабус болып бөлінеді.

      Үлгілік кәсіптік оқу бағдарламалары (бұдан әрі - ҮКОБ) міндетті компонент пәндері бойынша әзірленеді және оларды "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес денсаулық сақтау саласындағы уәкілетті орган бекітеді.

      Оқу жұмыс бағдарламалары мен силлабустар (докторанттарға арналған пән бағдарламалары) оқу жоспарының барлық пәндері бойынша әзірленеді және оларды ЖОО бекітеді. Бұл ретте, оларды міндетті компонент пәндері бойынша әзірлеу үлгілік оқу бағдарламалары негізінде жүзеге асырылады, ал таңдауы бойынша компонент пәндері бойынша - ЖОО-лар өз бетінше әзірлейді. Жұмыс оқу бағдарламалары мен силлабустардың нысанын, құрылымын, әзірлеу және бекіту тәртібін ЖОО-лар өз бетінше белгілейді.

      40. Докторант ғылыми консультанттардың жетекшілігімен жасалатын жеке жұмыс жоспары негізінде оқытылады.

      41. Докторанттың жеке жұмыс жоспары оқу кезеңіне жасалады және мынадай бөлімдерді:

      1) ЖОЖ (қажет болған жағдайда жыл сайын нақтыланады);

      2) ғылыми-зерттеу/эксперименталды-зерттеу жұмысы (тақырыбы, зерттеу бағыты, мерзімі және есеп беру нысаны);

      3) практика (бағдарламасы, базасы, мерзімі және есеп беру нысаны);

      4) негіздемесі мен құрылымы көрсетілген докторлық диссертацияның тақырыбы;

      5) докторлық диссертацияны орындау жоспары;

      6) ғылыми жарияланымдар және тағылымдама, оның ішінде шетелдік тағылымдама жоспары.

      42. Докторантурадағы оқу сабақтары инновациялық технологиялар мен оқытудың интерактивті әдістерін қолдана отырып жүргізілуі тиіс.

      43. Оқу процесін жоспарлау кезінде ЖОО осы Стандартқа 3-қосымшаға сәйкес PhD докторантураның білім беру бағдарламасының компоненттерін бөлу нормаларын басшылыққа алады.

4. Оқу жүктемесінің ең жоғары көлеміне қойылатын талаптар

      44. Докторанттардың оқу жүктемесінің көлемі олар оқу жылы ішінде әрбір оқу пәні немесе оқу жұмысының түрі бойынша меңгерілетін кредиттерде өлшенеді.

      45. ПОҚ оқу жүктемесін жоспарлау кредитпен немесе аудиториялық оқу сабақтарын кесте бойынша немесе оқу жұмысының басқа түрлері үшін жеке бекітілген кесте бойынша оқытушының білім алушылармен байланыс жұмысының уақытын білдіретін академиялық сағаттармен жүзеге асырылады.

      46. Білім алушылардың оқу жүктемесі академиялық сағаттардың ұзақтығымен және оқу жұмыстарының әртүрлері үшін академиялық сағатпен жүретін оқу сағаттарының көлемдерімен (оқыту сағатының ұзақтығы 50 минутты құрайды) айқындалады.

      Білім алушының аудиториялық жұмысының академиялық сағаты бір кредитке аптасына докторанттың жиынтық оқу жүктемесі, семестр түріндегі академиялық кезең уақытына 3 сағатқа тең докторанттың өздік жұмысының (бұдан әрі - ДӨЖ) сағатының тиісінше санымен толықтырылады.

      Практиканың әрбір академиялық сағаты білім алушының қосымша сағатының тиісті санымен ілесе жүреді: педагогикалық практика үшін - 1 сағат, өндірістік практика үшін - 4 сағат және зерттеу практикасы үшін - 7 сағат.

      Докторлық диссертацияның орындалуын қоса алғанда, ДҒЗЖ (ДЭЗЖ)-ның әрбір академиялық сағаты ДӨЖ 7 сағатымен ілесе жүреді.

      Қорытынды аттестаттаудың әрбір академиялық сағаты докторлық диссертацияны жазу және қорғау немесе кешенді емтиханға дайындық және оны тапсыру бойынша докторанттың оқытушымен жұмысы бойынша докторанттың оқытушымен байланыстағы жұмысының оқу сағаты болып табылады. Білім алушының қорытынды аттестаттауының әрбір академиялық сағаты ДӨЖ 6 сағатымен ілесе жүреді.

      47. Аудиториялық жұмыстың бір академиялық сағаты 50 минутқа тең. Студиялық және зертханалық сабақтардан өзге аудиториялық жұмыстың бір академиялық сағаты 50 минутқа тең. Студиялық және зертханалық сабақтар ерекше жағдайларды құрайды, мұнда студиялық сабақтар үшін - академиялық сағат 75 минутқа немесе зертханалық сабақтар үшін академиялық сағат 100 минутқа тең.

      Докторанттардың практикасының барлық түрлерінің, ғылыми-зерттеу (эксперименталды-зерттеу) жұмысының және қорытынды аттестаттаудың бір академиялық сағаты 50 минутқа тең.

      48. Оқу жұмысының көлемін жоспарлау кезінде бір кредит:

      1) семестр түріндегі академиялық кезең бойына докторанттың аудиториялық жұмысының;

      2) кәсiби практика кезеңіне докторанттың жұмысының;

      3) ДҒЗЖ (ДЭЗЖ) кезеңіне ғылыми консультанттармен докторант жұмысының;

      4) докторанттың докторлық диссертацияны жазу мен қорғау бойынша жұмысының;

      5) докторанттың кешенді емтиханға дайындық және оны тапсыру бойынша жұмысының 15 академиялық сағатына тең екенін ескеру қажет.

      49. Кредиттік оқыту технологиясы кезінде докторанттардың орындайтын өздік жұмыстарының көлемі ұлғаяды, ол екі түрге бөлінеді: оқытушының жетекшілігімен жүргізілетін докторанттың өздік жұмысы (бұдан әрі - ОДӨЖ) және докторанттың өз бетінше орындайтын бөлігі (бұдан әрі - ДӨЖ).

      50. ОДӨЖ докторанттың оқытушымен байланыста орындалатын докторанттың аудиториядан тыс жұмысының түрі болып табылады. ОДӨЖ оқу сабақтарының жалпы кестесіне кірмейтін жеке кесте бойынша орындалады.

      51. ДӨЖ мен ОДӨЖ-нің арасындағы өздік жұмысының жалпы көлеміндегі арақатынасын ЖОО өз бетінше айқындайды.

      52. Дәріс және практикалық (семинар) сабақтар кезеңіндегі докторанттың оқытушымен жұмысының байланыс сағаттары жиынтықта әрбір байланыс сағатына ДӨЖ 2 сағатымен ілесе жүреді.

      Студиялық және зертханалық сабақтар, докторанттың ғылыми-зерттеу (эксперименталды-зерттеу) жұмысы, қорытынды аттестаттау сияқты оқу жұмыстарының осындай түрлері үшін ОДӨЖ жоспарлау қажеттілігін және оның көлемін ЖОО өз бетінше белгілейді.

      53. Докторантурадағы оқу жылы академиялық кезеңдерден, аралық аттестаттау кезеңінен, практикалардан, демалыстардан, докторанттың ғылыми-зерттеу (эксперименталды-зерттеу) жұмыстарынан және соңғы курста қорытынды аттестаттаудан тұрады.

      54. Академиялық кезең ұзақтығы 15 апта болатын семестрден тұрады.

      55. Әрбір академиялық кезеңнен кейінгі аралық аттестаттаудың/қорытынды бақылаудың ұзақтығы кемінде 1 аптаны құрайды.

      Пән бойынша қорытынды бағада ағымдағы үлгерім бағасының үлесі кемінде 60 %-ды, ал қорытынды бақылау бағасының үлесі кемінде 30 %-ды құрайды.

      56. Оқу жылы ішіндегі демалыс ұзақтығы соңғы курсты қоспағанда кемінде 5 аптаны құрайды.

      57. Докторанттардың кәсіби практикасы бекітілген академиялық күнтізбе мен докторанттың жеке жұмыс жоспарына сәйкес осы Стандартта және мамандық бойынша ҮОЖ-да белгіленген көлемде жүргізіледі.

      58. Практикалардың ұзақтығы аптамен айқындалады, білім алушының практикадағы жұмысының нормативтік уақытына негізделген апта бойы (5 күндік жұмыс аптасы кезінде күніне 6 сағат) 30 сағатқа тең. Кредитте апта санын есептеп шығару үшін кредитте практика көлемі байланыс сағаттарында практиканың сәйкес түрі еңбек сыйымдылығына көбейтіледі және білім алушының бір аптадағы практика жұмысының ұзақтығына, яғни 30 сағатқа бөлінеді.

      Практиканың 1 кредитінің еңбек сыйымдылығы педагогикалық практика үшін 30 сағатты (1 сағат 50 минутқа тең), өндірістік практика үшін 75 сағатты (1 сағат 50 минутқа тең), зерттеу практикасы үшін 120 сағатты (1 сағат 50 минутқа тең) құрайды. Апталар бойынша 1 кредитке практиканың ұзақтығы: педагогикалық практика үшін - 1 аптаны, өндірістік практика үшін - 2,5 аптаны, зерттеу практикасы үшін - 4 аптаны құрайды.

      59. Білім алушылардың қорытынды аттестаттауын және ДҒЗЖ (ДЭЗЖ) аптамен жоспарлау аптамен айқындалады, докторанттың жұмысының нормативтік уақытына негізделген, апта бойы (ДӨЖ қоса алғанда күніне 9 сағатты, 6 күндік жұмыс аптасы кезінде) 54 сағатқа тең.

      60. ДҒЗЖ бір кредитіне докторант жұмысының 120 (15х8) сағаты немесе 2,2 апта сәйкес келеді.

      Қорытынды аттестаттаудың бір кредитіне 105 (15х7) сағат немесе 2 апта сәйкес келеді. Оның ішінде докторанттың оқытушымен жұмысының 15 байланыс сағаты және ДӨЖ 90 сағаты.

      Кешенді емтиханға дайындалуға және тапсыруға 1 кредит немесе 2 апта беріледі.

      Докторлық диссертацияны ресімдеуге және қорғауға 4 кредит немесе 8 апта беріледі.

      61. Докторлық диссертацияны орындау докторанттың ДҒЗЖ (ДЭЗЖ) кезеңінде жүзеге асырылады.

      62. Қосымша оқу қажеттіліктерін қанағаттандыру, академиялық қарызды немесе оқу жоспарларындағы академиялық айырмашылықты жою үшін, өз ЖОО-да оларды міндетті түрде сынақта қайта тапсырумен басқа ЖОО-да оқу кредиттерді меңгеру, үлгерімнің орташа балын (GPA) жоғарылату үшін ұзақтығы кемінде 6 апта бітіретін курсты қоспағанда жазғы семестрді ензгізуге рұқсат етіледі.

      63. Білім беру бағдарламасының ғылыми компоненті докторанттың ғылыми-зерттеу (эксперименталды-зерттеу) жұмысынан, ғылыми жарияланымдардан және докторлық диссертациядан тұрады.

      64. Философия докторын (PhD) немесе бейін бойынша доктор даярлау бойынша білім білім беру процесінің аяқталуының негізгі критерийлері докторанттың кемінде 75 кредитті, оның ішінде теориялық оқу бойынша кемінде 36 кредитті, сондай-ақ практиканың кемінде 6 кредитін, ДҒЗЖ (ДЭЗЖ) кемінде 28 кредитін меңгеру болып табылады.

      Докторантураның білім беру бағдарламасын мерзімінен бұрын меңгерген және диссертацияны сәтті қорғаған жағдайда докторантқа оқу мерзіміне қарамастан PhD докторы немесе бейін бойынша доктор ғылыми дәрежелері беріледі.

      65. Бейінді докторантураның түлегі педагогикалық бейін пәндерінің циклын меңгерген және педагогикалық практикадан өткен жағдайда ғана ғылыми және педагогикалық қызметпен айналысуға құқығы бар. Аталған цикл қосымша академиялық кезең ішінде меңгеріледі (егер оқу жоспарында көзделмеген болса), аяқтаған соң оған негізгі дипломға қоса сәйкесінше сертификат беріледі.

      66. Докторантураның білім беру бағдарламасының теориялық курсын толық меңгерген, бірақ ғылыми-зерттеу компонентін орындамаған докторантқа ақылы негізде ғылыми-зерттеу компонентінің кредиттерін қайта меңгеруге және диссертацияны келесі оқу жылында қорғауға мүмкіндік беріледі.

      67. Докторантураның білім беру бағдарламасының теориялық курсын толық меңгерген, бірақ белгіленген мерзімде докторлық диссертацияны қорғамаған докторанттың докторантурада оқу мерзімі ақылы негізде ұзартылады.

      68. PhD докторларын және бейіні бойынша докторларын даярлау бағдарламаларын іске асыратын ЖОО-лар қажетті оқу-әдістемелік құжаттарды (жұмыс оқу жоспарын, оқу пәндері мен практикаларының бағдарламаларын, ғылыми-зерттеу/эксперименталдық-зерттеу жұмыстарын және т.б.) әзірлейді және бекітеді.

      Оқу пәндерінің бағдарламаларын осы Стандарттың және докторантура мамандықтары бойынша ҮОЖ-лары негізінде докторантура білім беру бағдарламаларын іске асыратын ЖОО-лар әзірлейді.

      Кәсіби даярлық бөлігінде PhD докторларын және бейіні бойынша докторларын даярлаудың аккредиттелген бағдарламаларын іске асыратын жоғары рейтингті шетелдік ЖОО-лар мен ғылыми орталықтардың тәжірибелерін зерделеу негізінде әзірленеді.

      69. Оқу процесін оқу-әдістемелік және ақпараттық қамтамасыз ету докторанттардың докторантураның білім беру бағдарламасын сапалы меңгеру мүмкіндігіне кепілдік береді.

      Білім беру бағдарламасын іске асыру халықаралық ақпараттық желілерге, электрондық дерекқорларға, кітапхана қорына, компьютерлік технологияларға, оқу-әдістемелік және ғылыми әдебиеттерге еркін қол жеткізу мүмкіндігімен қамтамасыз етіледі. Ақпараттық және оқу-әдістемелік қамтамасыз ету докторанттың өздік жұмысын біртіндеп күшейту акцентімен жүзеге асырылады.

      70. Практика ғылыми, кәсіби қызметтерінің практикалық дағдыларын қалыптастыру мақсатында жүргізіледі.

      Докторантураның білім беру бағдарламасы:

      1) философия докторы (PhD) бағдарламасы бойынша білім алушылар үшін педагогикалық және зерттеу практикалары (көлемінде кемінде 3+3 кредит);

      2) бейінді докторантура бағдарламасы бойынша білім алушылар үшін өндірістік практика (көлемі кемінде 6 кредит).

      Педагогикалық практика оқу процесінен қол үзбей теориялық оқу кезеңінде өткізіледі. Осы ретте докторанттар бакалавриатта және магистратурада сабақ жүргізуге тартылады.

      Докторанттың зерттеу практикасы отандық және шетелдік ғылымның жаңа теориялық, әдіснамалық және технологиялық жетістіктерін зерделеу, сондай-ақ ғылыми зерттеулердің заманауи әдістерін практикада қолдану, диссертациялық зерттеудегі эксперименттік деректерді өңдеу мен түсіндіру дағдыларын бекіту мақсатында жүргізіледі.

      Докторанттың өндірістік практикасы оқу процесінде алынған теориялық білімді бекіту және кәсіби деңгейін арттыру мақсатында жүргізіледі.

      Зерттеу және өндірістік практикалардың мазмұны докторлық диссертацияның тақырыбымен белгіленеді.

      71. Докторанттың ғылыми-зерттеу жұмысы:

      1) докторлық диссертация қорғалатын мамандықтың негізгі проблемасына сәйкес келеді;

      2) өзекті болып табылады, ғылыми жаңалықтан және практикалық маңызы бар;

      3) заманауи теориялық, әдістемелік және ғылымы мен практиканың технологиялық жетістіктеріне негізделеді;

      4) компьютерлік технологияларды қолданумен деректерді өңдеу мен түсіндірудің заманауи әдістеріне негізделеді;

      5) ғылыми зерттеулердің заманауи әдістері пайдалана отырылып орындалады;

      6) негізгі қорғалатын ережелер бойынша ғылыми-зерттеу (әдістемелік, практикалық) бөлімдерден тұрады.

      72. Докторанттың эксперименталды-зерттеу жұмысы:

      1) докторлық диссертация қорғалатын мамандықтың негізгі проблематикасына сәйкес келеді;

      2) өзекті болып табылады, ғылыми жаңалықтан және практикалық маңызы бар;

      3) ғылым, техника мен өндірістің заманауи жетістіктеріне негізделеді және нақты практикалық ұсыныстардан, кешенді, функционаларалық сипаттағы басқару міндеттерін өз бетінше шешуден тұрады;

      4) алдыңғы қатарлы ақпараттық технологиялар қолданыла отырып орындалады;

      5) ғылыми зерттеулердің заманауи әдістері пайдалана отырылып орындалады;

      73. Ғылыми-зерттеу (эксперименталды-зерттеу) жұмысының нәтижелерін докторант оларды өткізудің әрбір кезеңнің соңында қысқаша есеп түрінде ресімдейді.

      ДҒЗЖ (ДЭЗЖ) шеңберінде докторанттың жеке жұмыс жоспарында міндетті түрде шетелдік ғылыми тағылымдамадан өтуі көзделеді.

      74. Докторанттың ғылыми-зерттеу (эксперименталды-зерттеу) жұмысының соңғы қорытындысы докторлық диссертация болып табылады.

      Докторлық диссертацияның тақырыбы оның өзектілігін есепке ала отырып докторантураға қабылданғаннан кейін екі айдан кешіктірілмей айқындалады. Диссертациялық зерттеудің бағыты, әдетте, ұлттық басымдықтармен не мемлекеттік бағдарламалармен не іргелі немесе қолданбалы зерттеу бағдарламаларымен байланысты.

      75. Докторанттың ғылыми зерттеулерінің нәтижелері Ереженің 7-тармағына сәйкес ғылыми, ғылыми-талдамалық және ғылыми-практикалық басылымдарда жарияланады.

      76. Докторлық диссертацияның мазмұны мен ресімделуіне, оларды дайындау мен қорғауға қойылатын талаптар Ережеде айқындалады.

      77. Докторлық диссертация Ереженің 22-тармағының 8-тармақшасына сәйкес Ұлттық ғылыми-техникалық ақпарат орталығы жүзеге асыратын авторға және ақпарат көзіне сілтемесіз мәліметті пайдалану мәніне (диссертацияда плагиаттың бар-жоғына) тексеруден өтеді.

      78. ЖОО оқытушысы оқу жоспарлары мен оқу бағдарламаларының талаптарын сақтау жағдайында оқу сабақтарын ұйымдастыру мен өткізу, оқыту әдістерінің тәсілдері мен нысандарын еркін таңдауы бар.

      79. Ғылыми мектептер ел аумағында немесе халықаралық деңгейде танылуы тиіс.

      Танылу индикаторлары жоғары импакт-факторы (дәйексөз алу индексі) бар ғылыми басылымдарда шетелдік әріптестермен бірлесіп орындалатын халықаралық және отандық ғылыми жобалардың жариялымдары болып табылады.

      80. Оқытушы кадрлар оларды оқу процесінде пайдаланатын оқытудың заманауи интерактивті әдістері мен технологияларын меңгерген.

      81. Докторантқа оқуға қабылданғаннан кейінгі үш айдың ішінде докторлық диссертацияға ғылыми жетекші тағайындалады.

      Докторанттың ғылыми жетешісі мен зерттеу тақырыбы ғылыми кеңестің шешімі негізінде ЖОО ректорының бұйрығымен бекітіледі.

      82. Докторанттарға ғылыми жетекшілікті ғылым докторлары мен кандидаттарының, философия (PhD) докторларының ішінен тағайындалған, құрамы кемінде 2 адамнан тұратын және олардың біреуі шетелдік ЖОО-дан ғалым болып табылатын консультациялық комиссия жүзеге асырады.

      Ғылыми консультанттар ғылымның осы саласында ғылыми зерттеулермен (мамандық бейіні бойынша) белсенді айналысатын және ғылыми жетекшілік ету тәжірибесі бар адамдар болып табылады.

6М11 – "Денсаулық сақтау және әлеуметтік қамсыздандыру (медицина)" топтарының
мамандықтары бойынша магистратураның білім беру бағдарламаларын меңгеруге
ынталы тұлғалардың алдыңғы білім деңгейіне қойылатын талаптар

      Ескерту. 1-қосымша жаңа редакцияда – ҚР Денсаулық сақтау министрінің 29.06.2017 № 471 (алғашқы ресми жарияланған күнінен кейін қолданысқа енгізіледі) бұйрығымен

Докторантураның білім беру бағдарламасының мазмұны

PhD докторантураның білім беру бағдарламасының компоненттерін бөлу нормалары

Фармацевтикалық мамандықтар бойынша докторантураның
мемлекеттік жалпыға міндетті білім беру стандарты
1. Жалпы ережелер

      1. Осы фармацевтикалық мамандықтар бойынша докторантураның мемлекеттік жалпыға міндетті білім беру стандарты (бұдан әрі - Стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес әзірленді және PhD докторантураның білім беру бағдарламаларының мазмұнына, докторанттардың білім траекториясына, білім беру құрылымы мен мазмұнына, докторанттардың даярлық деңгейін және 6D11 "Денсаулық сақтау және әлеуметтік қамсыздандыру (медицина)" мамандықтары бойынша академиялық дәрежелерін бағалауға қойылатын талаптарды белгілейді.

      Осы стандартта мынадай терминдер мен анықтамалар қолданылады:

      9) дескрипторлар (descriptors) - студенттердің жоғары және жоғары оқу орнынан кейінгі білімнің тиісті деңгейінің (сатысының) білім беру бағдарламаларын аяқтаған соң ие болатын білім, білік, дағды және құзыретінің деңгейлері мен көлемінің сипаттамасы, дескрипторлар оқыту нәтижелеріне, қалыптасқан құзыреттерге, сондай-ақ кредиттерінің жалпы санына (сынақ бірліктеріне) негізделеді;

      10) докторантура - философия докторы (PhD), бейіні бойынша доктор ғылыми дәрежесі беріле отырып, ғылыми және педагог кадрларды даярлауға бағытталған жоғары оқу орнынан кейінгі білім берудің кәсіптік білім беретін оқу бағдарламасы;

      11) докторант - докторантурада білім алушы адам;

      12) докторлық диссертация - теориялық қағидалар жиынтығын жаңа ғылыми жетістік деп тануға болатын немесе маңызды әлеуметтік-мәдени немесе экономикалық мәні бар ғылыми мәселе шешілген не оны енгізу елдің экономикасының дамуына айтарлықтай үлес қосатын ғылыми дәлелденген техникалық, экономикалық немесе технологиялық шешімдері берілген, дербес зерттеу болып табылатын ғылыми жұмыс;

      13) кредит (Credit, Credit-hour) - білім алушының/оқытушының оқу жұмысы көлемін өлшейтін сәйкестендірілген бірлігі;

      14) құзыреттер - студенттердің оқыту процесі кезінде алған білім, шеберлік және дағдысын кәсіптік қызметте практикалық тұрғыдан қолдана білу қабілеті;

      15) постреквизиттер - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

      16) пререквизиттер - оқылатын пәнді игеру үшін қажетті білім, икемділіктер мен дағдыларды қамтитын пәндер.

      2. 6D11-"Денсаулық сақтау және әлеуметтік қамсыздандыру (медицина)" топтың фармацевтикалық мамандықтары бойынша докторантураның білім беру бағдарламаларын ведомостволық бағыныстылығы мен меншік нысанына қарамастан, докторантураның тиісті мамандықтары бойынша білім беру қызметін жүргізуге құқық беретін лицензияның және аккредиттелген ғылыми әріптес ұйымдармен сәйкес келетін бірлескен ғылыми және білім беру бағдарламаларын орындау және зерттеу базаларын ұсыну жөніндегі ынтымақтастық туралы шарттың негізінде жоғары оқу орындары (бұдан әрі - ЖОО) іске асырады.

      3. Қазақстан Республикасының ЖОО-лары:

      1) осы Стандартқа және докторантура мамандықтарының үлгілік оқу жоспарларына;

      2) академиялық күнтізбеге;

      3) докторанттардың жеке оқу жоспарларына;

      4) оқу жұмыс жоспарларына;

      5) пәндер бойынша оқу бағдарламаларына;

      6) докторанттың жеке жұмыс жоспарына сәйкес философия докторларын (PhD) және бейіні бойынша докторларды даярлауды жүзеге асырады.

      4. Ғылыми және педагогикалық кадрларды даярлау докторантурада кемінде үш жыл оқу мерзімімен жүзеге асырылады. Докторантураның білім беру бағдарламасын меңгерген және докторлық диссертациясын қорғаған адам "Ғылыми дәрежелер беру ережесін бекіту туралы" Қазақстан Республикасы Білім және ғылым министрінің 2011 жылғы 31 наурыздағы № 127 бұйрығымен бекітілген (бұдан әрі - Ереже), Нормативтік құқықтық актілерді мемлекеттік тіркеу тізілімінде № 6951 тіркелген Ғылыми дәрежелер беру ережесіне сәйкес PhD доктор немесе бейін бойынша доктор ғылыми дәрежелері беріледі.

      5. Докторантурада білім алу мемлекеттік білім беру тапсырысы негізінде күндізгі оқу нысаны бойынша ғана жүзеге асырылады.

      6. Докторантураның білім беру бағдарламаларын іске асыратын ЖОО докторантураның аккредиттелген білім беру бағдарламаларын іске асыратын шет елдік ЖОО-лармен және ғылыми орталықтарымен білім беру және ғылым саласындағы ынтымақтастық туралы келісімі бар.

      7. 6D11 "Денсаулық сақтау және әлеуметтік қамсыздандыру (медицина)" топтың фармацевтикалық мамандықтары бойынша докторантураның білім беру бағдарламаларын меңгеруге ниет білдіруші тұлғалардың алдыңғы білім деңгейіне қойылатын талаптар осы Стандартқа 1-қосымшада келтірілген.

      8. Докторантура мамандықтары шеңберінде ЖОО-лар 2007 жылғы 15 мамырдағы Қазақстан Республикасының Еңбек кодексінің 138-5-бабының 3-тармағына сәйкес кәсіби стандарттарына сәйкес әртүрлі білім беру бағдарламаларын өз бетінше әзірлейді.

      Білім беру бағдарламалары оқыту нәтижесіне бағдарланған.

2. Білім алушылардың дайындық деңгейiне қойылатын талаптар

      9. Оқыту нәтижелері дескрипторлардың үшінші деңгейі (докторантура) негізінде айқындалады және құзыреттер арқылы көрсетіледі. Оқыту нәтижелері бағдарламаның барлық деңгейінде де, жеке пәннің, модульдің деңгейінде де қалыптасады.

      Үшінші деңгейлі дескрипторлар:

      1) зерттеу саласындағы жүйелі түсініктерді, осы салада пайдаланылатын зерттеу іскерлігі мен әдістері бөлігіндегі шеберлігін демонстрациялау;

      2) ғылыми зерттеулердің кешенді процесін жоспарлау, әзірлеу, іске асыру және түзету;

      3) ұлттық немесе халықаралық деңгейде жариялауға тұратын өзінің бірегей зерттеулерімен ғылыми саланың шеңберін кеңейтуде үлес қосу;

      4) жаңа және күрделі идеяларды сыни тұрғыдан талдау, бағалау және синтездеу;

      5) өзінің білімін және жетістіктерін әріптестеріне, ғылыми қоғамдастыққа және кең жұртшылыққа хабардар ету.

      10. 6D11 "Денсаулық сақтау және әлеуметтік қамсыздандыру (медицина)" топтың фармацевтикалық мамандықтары бойынша доктордың жалпы құзыреті:

      1) мыналардан:

      ғылым эволюциясындағы парадигмалардың ауысуы мен дамуының негізгі кезеңдері туралы;

      денсаулық сақтау және медициналық ғылым саласының пән ретінде, дүниетанымдық және әдіснамалық ерекшеліктері туралы;

      денсаулық сақтаудағы медицинаның ғылыми мектептері, олардың теориялық және практикалық әзірлемері туралы;

      әлемдік және қазақстандық медицина ғылымның ғылыми тұжырымдамалары туралы;

      ғылыми әзірлемелерді практикадағы қызметке енгізу тетіктері туралы;

      өзінің кәсіби қызметінің аясында деректерді статистикалық талдаудың заманауи әдістері және негізгі процестерді монитроингілеу және бағалауға арналған олардың мәні туралы;

      ғылыми қауымдастықтағы өзара іс-қимыл нормалары туралы;

      ғалым зерттеушінің педагогикалық және ғылыми этикасы туралы түсінігі бар;

      2) мыналарды:

      жаһандану мен интернационализация шарттарындағы отандық медициналық ғылымның заманауи үрдістері, даму бағыттары мен заңдылықтарын;

      ғылыми таным әдіснамасын;

      тиісті саладағы әлемдік және қазақстандық медициналық ғылымның жетістіктерін;

      жоспарлау, ұйымдастыру және медицинадағы зерттеулер әдістемесінің қағидалары мен қағидаттарын;

      дәлелді медицинаның теориялық және практикалық негіздерін;

      медициналық және биомедициналық зерттеулердегі сандық және сапалық талдау әдістерін;

      заманауи клиникалық эпидемиология және биоэтика теориясы мен практика негіздері;

      ғылым мен білімнің әлеуметтік жауапкершілігін (сезінуі және қабылдауы);

      ғылыми коммуникацияны және халықаралық ынтымақтастықты жүзеге асыру үшін шет тiлiн кәсiптік деңгейде біледі және түсінеді;

      3) мыналарды:

      ғылыми зерттеулер процесін ұйымдастыра, жоспарлай және іске асыра алады;

      зерттеу саласындағы әртүрлі теориялық тұжырымдамаларды талдай, бағалай, салыстырй және тұжырым жасай алады;

      әртүрлі көздерден алынған ақпараттарды талдай және өңдей алады;

      заманауи теориялар мен талдау әдістері негізінде академиялық тұтастықпен сипатталатын ғылыми зерттеулерді өз бетінше орындай алады;

      өзінің жаңа ғылыми ойларын айта алады, ғылыми таным шеңберін кеңейте отырып, өзінің білімін және ойын ғылыми қоғамдастыққа хабарлай алады;

      зерттеудің заманауи әдіснамасын таңдай алады және оны тиімді қолдана алады;

      өзінің одан арғы кәсіби дамуын жоспарлай және болжай алады;

      4) мынадай:

      әртүрлі ғылыми теориялар мен ойларын сыни тұрғыда талдау, бағалау және салыстыру;

      ғылыми қызметте талдау және эксперимент жүргізу;

      зерттеу нәтижелерін жоспарлау және болжау;

      халықаралық ғылыми форумдарда, конференциялар мен семинарларда шешендік өнер және көпшілік алдында сөйлеу;

      ғылыми хат пен ғылыми коммуникация;

      ғылыми зерттеулер процестерін жоспарлау, үйлестіру және іске асыру;

      зерделеу саласын жүйелі түсіну пен таңдап алынған ғылыми әдістердің сапасы мен нәтижесін демонстрациялау;

      ғылыми іс-шараларға, іргелі ғылыми отандық және халықаралық жобаларға қатысу;

      жетекшілік және ұжымды басқару;

      ғылыми және ғылыми-педагогикалық қызметке жауапкершілікпен және шығармашылықпен қарау;

      заманауи ақпараттық және инновациялық технологияларды қолдана отырып, патенттік ізденіс жүргізу мен ғылыми ақпаратты беру тәжірибесінің;

      ғылыми жаңалықтар мен әзірлемелерге зияткерлік меншік құқығын қорғау;

      шет тілінде еркін қарым қатынас жасай білу дағдылары бар;

      5) мыналарда:

      ақпараттар ағымының жедел жаңару және өсу жағдайларында ғылыми және ғылыми-педагогикалық қызмет саласында;

      теориялық және эксперименттік ғылыми зерттеулер жүргізуде;

      ғылыми зерттеуде теориялық және қолданбалы міндеттерді қою мен оларды шешуде;

      тиісті саладағы проблемаларды кәсіби және жан-жақты талдау жүргізуде;

      жеке адама арасындағы қарым-қатынас және адами ресурстарды басқару мәселелерінде;

      мамандарды ЖОО-ларда даярлау мәселелерінде;

      ғылыми жобалар мен зерттеулерге сараптама жүргізуде;

      тұрақты кәсіби өсуді қамтамасыз етуде құзыретті.

      11. Арнайы құзыреттер докторантураның әрбір мамандығы үшін жұмыс берушілердің талаптары мен жұртшылықтың әлеуметтік сұранысы ескеріле отырып әзірленеді.

      12. Міндетті ең төмен мен ЖОО ұсынатын оқу жүктемесінің көлемі шеңберінде алынған білім деңгейі докторанттардың оқу жетістіктерін бақылау және оқу пәндері мен модульдері бойынша олардың білімін бағалау жолымен қамтамасыз етіледі.

      13. Докторанттың білімін, іскерлігін, дағдысын және құзыретін бақылау оларды қорытынды аттестаттау жүргізу кезінде жүзеге асырылады.

      14. Докторантты қорытынды аттестаттау:

      1) Қазақстан Республикасы Білім және ғылым министрінің 2008 жылғы 18 наурыздағы № 125 бұйрығымен бекітілген, Нормативтік құқықтық актілерді мемлекеттік тіркеу тізілімінде № 5191 тіркелген Білім алушылардың үлгерімін ағымдағы бақылау, аралық және қорытынды аттестаттау жүргізудің үлгі ережесіне;

      2) Қазақстан Республикасы Білім және ғылым министрінің 2011 жылғы 31 наурыздағы № 126 бұйрығымен бекітілген, Нормативтік құқықтық актілерді мемлекеттік тіркеу тізілімінде № 6929 тіркелген Диссертациялық кеңес туралы үлгілік ережесіне;

      3) Қағидаларға сәйкес академиялық күнтізбеде және мамандықтардың жұмыс оқу жоспарында көзделген мерзімде кешенді емтихан тапсыру мен докторлық диссертацияны қорғау нысанында жүргізіледі.

      15. Қазақстан Республикасы Білім және ғылым министрлігінің Білім және ғылым саласындағы бақылау комитеті жүргізген сараптама қорытындысы бойынша оң шешім берілген кезде докторантураның білім беру бағдарламасын толық орындаған және докторлық диссертацияны сәтті қорғаған адамдарға философия докторы (PhD) немесе бейіні бойынша доктор ғылыми дәрежелері және мемлекеттік үлгідегі диплом оған қосымшасымен беріледі.

3. Үлгілік бағдарлама мазмұнына қойылатын талаптар

      16. Докторантураның білім беру бағдарламасының құрылымы екі бірдей мәні бар компоненттерден тұрады: білім беру мазмұнын айқындайтын білім беру және ғылым компоненттері және олардың арақатынасын, өлшемі мен есепке алынуын айқындайды.

      17. Докторантураның білім беру бағдарламасы:

      1) базалық және бейінді пәндер циклдерін үйретуден тұратын теориялық оқытудан;

      2) докторанттардың практикалық даярлығы: кәсіби практика, ғылыми тағылымдамалардың әртүрлерінен;

      3) докторлық диссертацияның орындалуын қоса алғанда ғылыми-зерттеу (эксперименталды-зерттеу) жұмысынан;

      4) аралық және қорытынды аттестаттаудан тұрады.

      18. Білім беру бағдарламаларын іске асыру мамандық пен пәндердің оқу-әдістемелік кешендерінің негізінде жүзеге асырылады. Мамандық пен пәндердің оқу-әдістемелік кешендерінің нысанын, құрылымын және әзірлеу тәртібін білім беру ұйымы өз бетінше айқындайды.

      19. Жұмыстың барлық түрлерінің еңбек көлемін есепке алу меңгерілген материалдың көлемі бойынша жүзеге асырылады және оқудың нақты нәтижелеріне қол жеткізу үшін қажетті докторанттар мен оқытушылардың еңбек шығынының өлшем бірлігі болып табылатын кредиттермен өлшенеді. Бұл ретте алдыңғы білім беру деңгейінде меңгерген кредиттерді ескерілетін жинақтаушы кредиттік жүйе әрекет етеді.

      Докторанттың докторантураға түсер алдында докторантураның тиісті кәсіби оқу бағдарламасын меңгеруге қажетті барлық пререквизиттері болады. Қажетті пререквизиттер тізбесін ЖОО өз бетінше айқындайды.

      20. Оқу процесін кредиттік оқыту технологиясы бойынша ұйымдастыру кезінде оқу пәнінің көлемі кредиттердің бүтін санын құрауы тиіс. Бұл ретте әр пән, әдетте, кемінде 2 немесе 3 кредит өлшемімен бағаланады.

      21. Докторантураның оқу жоспарларының барлық нысандарында оқыту пәндерді кодтаудың бірыңғай жүйесі пайдаланылады.

      Әрбiр пән қайталанбайтын бір атауы бар. Ол бiр академиялық кезеңде меңгеріледі, оны бітіруіне қарай докторанттардың олар бойынша сараланған сынақ тапсыратын кәсіби практиканың барлық түрлерін, курстық жұмыстар (жобалар), докторанттардың ғылыми-зерттеу (эксперименталды-зерттеу) жұмыстарын қоспағанда докторанттар емтихан нысанындағы қорытынды бақылауды тапсырады.

      22. Докторантураның білім беру бағдарламалары пәнді оқудың модульді жүйесі негізінде жобаланады.

      23. Базалық пәндер циклі (бұдан әрі - БП) міндетті компонент пен таңдауы бойынша компонент пәндерінен тұрады.

      24. БП циклінің көлемі үлгілік оқу жоспарының жалпы көлемінің 50%-ын немесе 18 кредитті құрайды, оның ішінде 33%-ы міндетті компонент пәндеріне, ал 67%-ы таңдау компоненті пәндеріне бөлінеді.

      25. Бейіндеуші пәндер циклінің көлемі үлгілік оқу жоспарының жалпы көлемінің 50%-ын немесе 18 кредитті құрайды.

      Бейіндеуші пәндер циклінің пәндері Таңдау компонентіке жатады және оларды ЖОО өз бетінше айқындайды.

      26. Міндетті компонент пәндерінің тізбесі осы бұйрыққа 6-қосымша медициналық және фармацевтикалық мамандықтар бойынша докторантураның үлгілік кәсіптік оқу бағдарламасының 5-қосымшада келтірілген үлгілік оқу жоспарымен айқындалады. Міндетті компонент пәндерінің көлемін қысқартуға жол берілмейді.

      27. Таңдауы бойынша компонент пәндерінің тізбесін жұмыс берушілердің сұранымдары және еңбек нарығының қажеттілігіне сәйкес ЖОО өз бетінше айқындайды.

      28. Докторантураның білім беру бағдарламасының мазмұны осы Стандартқа 2-қосымшаға сәйкес белгіленеді.

      29. Докторанттың ғылыми зерттеулерінің нәтижелері Ережеге сәйкес ғылыми, ғылыми-талдамалық және ғылыми-практикалық басылымдарда жарияланады.

      30. Білім беру қызметін ұйымдастыру оқу процесін және білім беру мазмұнын жоспарлау, оқу сабақтарын жүргізу тәсілдерін, докторанттың өздік жұмысын, олардың оқу жетістіктерін қорытынды бақылау түрлерін таңдау арқылы жүзеге асырылады.

      31. Білім беру мазмұнының құрылымы осы белгіленген стандарт пен үлгілік оқу бағдарламарына, білім берудің есептеу-өлшеу құралдарына: оқу жоспары мен бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне, оқу материалының көлеміне және т.б. қойылатын талаптарға сәйкес айқындалады.

      32. Докторды даярлаудың білім беру бағдарламасы оқу жоспарын, пәндердің оқу-әдістемелік кешендерін, практика (педагогикалық, зерттеу немесе өндірістік) бағдарламаларын және ғылыми-зерттеу жұмысының жоспарын қамтиды.

      33. Білім беру мазмұнын жоспарлауды, оқу процесін ұйымдастыру мен жүргізу тәсілін кредиттік оқыту технологиясы негізінде ЖОО өз бетінше жүзеге асырады.

      34. Білім беру қызметін жоспарлау мен ұйымдастыру оқу жоспарлары негізінде жүзеге асырылады. Оқу жоспарлары үлгілік (бұдан әрі - ҮОЖ), жеке (бұдан әрі - ЖОЖ) және жұмыс жоспарлары (бұдан әрі - ОЖЖ) болып бөлінеді.

      35. ҮОЖ-да міндетті компоненттің әрбір оқу пәнінің еңбек сыйымдылығы және әрбір оқу қызметінің түрі (практика, ДҒЗЖ (ДЭЗЖ), кешендi емтихан, докторлық диссертацияны ресімдеу және қорғау) кредитпен анықталады, ал оқу пәндерінің әр циклі бойынша таңдау компоненті кредиттердің жалпы санымен көрсетіледі.

      36. ҮОЖ-ға қосымша жыл сайын ЖОО-лары таңдау компоненті бойынша барлық пәндердің жүйеленген, аннотацияланған тізбесі болып табылатын элективті пәндер каталогын (бұдан әрі - ЭПК) әзірлейді.

      ЭПК-да әрбір оқу пәні бойынша пререквизиттер мен постреквизиттер айқындалады. ЭПК докторанттарға элективті оқу пәндерін баламалы таңдау мүмкіндігін қамтамасыз етеді.

      37. Мамандық бойынша ҮОЖ мен ЭПК негізінде докторант эдвайзердің көмегімен ЖОЖ құрады. ЖОЖ әрбір докторанттың жеке бiлiм траекториясын айқындайды.

      ЖОЖ-ға міндетті компонент пәндері мен ҮОЖ-дан алынған оқу әрекеттерінің түрлері (практикалар, докторанттың ғылыми-зерттеу жұмысы (бұдан әрі - ДҒЗЖ), докторанттың эксперименталды-зерттеу жұмысы (бұдан әрі - ДЭЗЖ), кешенді емтихан, докторлық диссертацияларды ресімдеу және қорғау) және ЭПК ішінен таңдауы бойынша пәндер компоненті қосылады.

      38. ОЖЖ оқу жылына мамандықтардың ҮОЖ-ы мен докторанттың ЖОЖ-ы негізінде әзірленеді және оны Ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен санағандағы еңбек сыйымдылығы, оқытылу реті, оқу сабақтарының түрлері мен бақылау нысандары, сондай-ақ оқу қызметінің басқа да түрлері (практикалар, ДҒЗЖ (ДЭЗЖ), кешенді емтихан, докторлық диссертацияларды ресімдеу және қорғау) айқындалады.

      ОЖЖ оқу сабақтарының кестесін құруға және оқытушының оқу жұмысының еңбек сыйымдылығын есептеуге негіз болады.

      ЖОЖ және ОЖЖ-ның нысанын, құрылымын жобалау, бекіту тәртібін ЖОО-лар өз бетінше айқындайды.

      39. Барлық оқу пәндерінің мазмұны оқу бағдарламаларымен айқындалады. Оқу бағдарламалары үлгілік, жұмыс және силлабус болып бөлінеді.

      Үлгілік кәсіптік оқу бағдарламалары (бұдан әрі - ҮКОБ) міндетті компонент пәндері бойынша әзірленеді және оларды "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес денсаулық сақтау саласындағы уәкілетті орган бекітеді.

      Оқу жұмыс бағдарламалары мен силлабустар (докторанттарға арналған пән бағдарламалары) оқу жоспарының барлық пәндері бойынша әзірленеді және оларды ЖОО бекітеді. Бұл ретте, оларды міндетті компонент пәндері бойынша әзірлеу үлгілік оқу бағдарламалары негізінде жүзеге асырылады, ал таңдауы бойынша компонент пәндері бойынша - ЖОО-лар өз бетінше әзірлейді. Жұмыс оқу бағдарламалары мен силлабустардың нысанын, құрылымын, әзірлеу және бекіту тәртібін ЖОО-лар өз бетінше белгілейді.

      40. Докторант ғылыми консультанттардың жетекшілігімен жасалатын жеке жұмыс жоспары негізінде оқытылады.

      41. Докторанттың жеке жұмыс жоспары оқу кезеңіне жасалады және мынадай бөлімдерді:

      1) ЖОЖ (қажет болған жағдайда жыл сайын нақтыланады);

      2) ғылыми-зерттеу/эксперименталды-зерттеу жұмысы (тақырыбы, зерттеу бағыты, мерзімі және есеп беру нысаны);

      3) практика (бағдарламасы, базасы, мерзімі және есеп беру нысаны);

      4) негіздемесі мен құрылымы көрсетілген докторлық диссертацияның тақырыбы;

      5) докторлық диссертацияны орындау жоспары;

      6) ғылыми жарияланымдар және тағылымдама, оның ішінде шетелдік тағылымдама жоспары.

      42. Докторантурадағы оқу сабақтары инновациялық технологиялар мен оқытудың интерактивті әдістерін қолдана отырып жүргізілуі тиіс.

      43. Оқу процесін жоспарлау кезінде ЖОО осы Стандартқа 3-қосымшаға сәйкес PhD докторантураның білім беру бағдарламасының компоненттерін бөлу нормаларын басшылыққа алады.

4. Оқу жүктемесінің ең жоғары көлеміне қойылатын талаптар

      44. Докторанттардың оқу жүктемесінің көлемі олар оқу жылы ішінде әрбір оқу пәні немесе оқу жұмысының түрі бойынша меңгерілетін кредиттерде өлшенеді.

      45. ПОҚ оқу жүктемесін жоспарлау кредитпен немесе аудиториялық оқу сабақтарын кесте бойынша немесе оқу жұмысының басқа түрлері үшін жеке бекітілген кесте бойынша оқытушының білім алушылармен байланыс жұмысының уақытын білдіретін академиялық сағаттармен жүзеге асырылады.

      46. Білім алушылардың оқу жүктемесі академиялық сағаттардың ұзақтығымен және оқу жұмыстарының әртүрлері үшін академиялық сағатпен жүретін оқу сағаттарының көлемдерімен (оқыту сағатының ұзақтығы 50 минутты құрайды) айқындалады.

      Білім алушының аудиториялық жұмысының академиялық сағаты бір кредитке аптасына докторанттың жиынтық оқу жүктемесі, семестр түріндегі академиялық кезең уақытына 3 сағатқа тең докторанттың өздік жұмысының (бұдан әрі - ДӨЖ) сағатының тиісінше санымен толықтырылады.

      Практиканың әрбір академиялық сағаты білім алушының қосымша сағатының тиісті санымен ілесе жүреді: педагогикалық практика үшін - 1 сағат, өндірістік практика үшін - 4 сағат және зерттеу практикасы үшін - 7 сағат.

      Докторлық диссертацияның орындалуын қоса алғанда, ДҒЗЖ (ДЭЗЖ)-ның әрбір академиялық сағаты ДӨЖ 7 сағатымен ілесе жүреді.

      Қорытынды аттестаттаудың әрбір академиялық сағаты докторлық диссертацияны жазу және қорғау немесе кешенді емтиханға дайындық және оны тапсыру бойынша докторанттың оқытушымен жұмысы бойынша докторанттың оқытушымен байланыстағы жұмысының оқу сағаты болып табылады. Білім алушының қорытынды аттестаттауының әрбір академиялық сағаты ДӨЖ 6 сағатымен ілесе жүреді.

      47. Аудиториялық жұмыстың бір академиялық сағаты 50 минутқа тең. Студиялық және зертханалық сабақтардан өзге аудиториялық жұмыстың бір академиялық сағаты 50 минутқа тең. Студиялық және зертханалық сабақтар ерекше жағдайларды құрайды, мұнда студиялық сабақтар үшін - академиялық сағат 75 минутқа немесе зертханалық сабақтар үшін академиялық сағат 100 минутқа тең.

      Докторанттардың практикасының барлық түрлерінің, ғылыми-зерттеу (эксперименталды-зерттеу) жұмысының және қорытынды аттестаттаудың бір академиялық сағаты 50 минутқа тең.

      48. Оқу жұмысының көлемін жоспарлау кезінде бір кредит:

      1) семестр түріндегі академиялық кезең бойына докторанттың аудиториялық жұмысының;

      2) кәсiби практика кезеңіне докторанттың жұмысының;

      3) ДҒЗЖ (ДЭЗЖ) кезеңіне ғылыми консультанттармен докторант жұмысының;

      4) докторанттың докторлық диссертацияны жазу мен қорғау бойынша жұмысының;

      5) докторанттың кешенді емтиханға дайындық және оны тапсыру бойынша жұмысының 15 академиялық сағатына тең екенін ескеру қажет.

      49. Кредиттік оқыту технологиясы кезінде докторанттардың орындайтын өздік жұмыстарының көлемі ұлғаяды, ол екі түрге бөлінеді: оқытушының жетекшілігімен жүргізілетін докторанттың өздік жұмысы (бұдан әрі - ОДӨЖ) және докторанттың өз бетінше орындайтын бөлігі (бұдан әрі - ДӨЖ).

      50. ОДӨЖ докторанттың оқытушымен байланыста орындалатын докторанттың аудиториядан тыс жұмысының түрі болып табылады. ОДӨЖ оқу сабақтарының жалпы кестесіне кірмейтін жеке кесте бойынша орындалады.

      51. ДӨЖ мен ОДӨЖ-нің арасындағы өздік жұмысының жалпы көлеміндегі арақатынасын ЖОО өз бетінше айқындайды.

      52. Дәріс және практикалық (семинар) сабақтар кезеңіндегі докторанттың оқытушымен жұмысының байланыс сағаттары жиынтықта әрбір байланыс сағатына ДӨЖ 2 сағатымен ілесе жүреді.

      Студиялық және зертханалық сабақтар, докторанттың ғылыми-зерттеу (эксперименталды-зерттеу) жұмысы, қорытынды аттестаттау сияқты оқу жұмыстарының осындай түрлері үшін ОДӨЖ жоспарлау қажеттілігін және оның көлемін ЖОО өз бетінше белгілейді.

      53. Докторантурадағы оқу жылы академиялық кезеңдерден, аралық аттестаттау кезеңінен, практикалардан, демалыстардан, докторанттың ғылыми-зерттеу (эксперименталды-зерттеу) жұмыстарынан және соңғы курста қорытынды аттестаттаудан тұрады.

      54. Академиялық кезең ұзақтығы 15 апта болатын семестрден тұрады.

      55. Әрбір академиялық кезеңнен кейінгі аралық аттестаттаудың/қорытынды бақылаудың ұзақтығы кемінде 1 аптаны құрайды.

      Пән бойынша қорытынды бағада ағымдағы үлгерім бағасының үлесі кемінде 60 %-ды, ал қорытынды бақылау бағасының үлесі кемінде 30 %-ды құрайды.

      56. Оқу жылы ішіндегі демалыс ұзақтығы соңғы курсты қоспағанда кемінде 5 аптаны құрайды.

      57. Докторанттардың кәсіби практикасы бекітілген академиялық күнтізбе мен докторанттың жеке жұмыс жоспарына сәйкес осы Стандартта және мамандық бойынша ҮОЖ-да белгіленген көлемде жүргізіледі.

      58. Практикалардың ұзақтығы аптамен айқындалады, білім алушының практикадағы жұмысының нормативтік уақытына негізделген апта бойы (5 күндік жұмыс аптасы кезінде күніне 6 сағат) 30 сағатқа тең. Кредитте апта санын есептеп шығару үшін кредитте практика көлемі байланыс сағаттарында практиканың сәйкес түрі еңбек сыйымдылығына көбейтіледі және білім алушының бір аптадағы практика жұмысының ұзақтығына, яғни 30 сағатқа бөлінеді.

      Практиканың 1 кредитінің еңбек сыйымдылығы педагогикалық практика үшін 30 сағатты (1 сағат 50 минутқа тең), өндірістік практика үшін 75 сағатты (1 сағат 50 минутқа тең), зерттеу практикасы үшін 120 сағатты (1 сағат 50 минутқа тең) құрайды. Апталар бойынша 1 кредитке практиканың ұзақтығы: педагогикалық практика үшін - 1 аптаны, өндірістік практика үшін - 2,5 аптаны, зерттеу практикасы үшін - 4 аптаны құрайды.

      59. Білім алушылардың қорытынды аттестаттауын және ДҒЗЖ (ДЭЗЖ) аптамен жоспарлау аптамен айқындалады, докторанттың жұмысының нормативтік уақытына негізделген, апта бойы (ДӨЖ қоса алғанда күніне 9 сағатты, 6 күндік жұмыс аптасы кезінде) 54 сағатқа тең.

      60. ДҒЗЖ бір кредитіне докторант жұмысының 120 (15х8) сағаты немесе 2,2 апта сәйкес келеді.

      Қорытынды аттестаттаудың бір кредитіне 105 (15х7) сағат немесе 2 апта сәйкес келеді. Оның ішінде докторанттың оқытушымен жұмысының 15 байланыс сағаты және ДӨЖ 90 сағаты.

      Кешенді емтиханға дайындалуға және тапсыруға 1 кредит немесе 2 апта беріледі.

      Докторлық диссертацияны ресімдеуге және қорғауға 4 кредит немесе 8 апта беріледі.

      61. Докторлық диссертацияны орындау докторанттың ДҒЗЖ (ДЭЗЖ) кезеңінде жүзеге асырылады.

      62. Қосымша оқу қажеттіліктерін қанағаттандыру, академиялық қарызды немесе оқу жоспарларындағы академиялық айырмашылықты жою үшін, өз ЖОО-да оларды міндетті түрде сынақта қайта тапсырумен басқа ЖОО-да оқу кредиттерді меңгеру, үлгерімнің орташа балын (GPA) жоғарылату үшін ұзақтығы кемінде 6 апта бітіретін курсты қоспағанда жазғы семестрді ензгізуге рұқсат етіледі.

      63. Білім беру бағдарламасының ғылыми компоненті докторанттың ғылыми-зерттеу (эксперименталды-зерттеу) жұмысынан, ғылыми жарияланымдардан және докторлық диссертациядан тұрады.

      64. Философия докторын (PhD) немесе бейін бойынша доктор даярлау бойынша білім білім беру процесінің аяқталуының негізгі критерийлері докторанттың кемінде 75 кредитті, оның ішінде теориялық оқу бойынша кемінде 36 кредитті, сондай-ақ практиканың кемінде 6 кредитін, ДҒЗЖ (ДЭЗЖ) кемінде 28 кредитін меңгеру болып табылады.

      Докторантураның білім беру бағдарламасын мерзімінен бұрын меңгерген және диссертацияны сәтті қорғаған жағдайда докторантқа оқу мерзіміне қарамастан PhD докторы немесе бейін бойынша доктор ғылыми дәрежелері беріледі.

      65. Бейінді докторантураның түлегі педагогикалық бейін пәндерінің циклын меңгерген және педагогикалық практикадан өткен жағдайда ғана ғылыми және педагогикалық қызметпен айналысуға құқығы бар. Аталған цикл қосымша академиялық кезең ішінде меңгеріледі (егер оқу жоспарында көзделмеген болса), аяқтаған соң оған негізгі дипломға қоса сәйкесінше сертификат беріледі.

      66. Докторантураның білім беру бағдарламасының теориялық курсын толық меңгерген, бірақ ғылыми-зерттеу компонентін орындамаған докторантқа ақылы негізде ғылыми-зерттеу компонентінің кредиттерін қайта меңгеруге және диссертацияны келесі оқу жылында қорғауға мүмкіндік беріледі.

      67. Докторантураның білім беру бағдарламасының теориялық курсын толық меңгерген, бірақ белгіленген мерзімде докторлық диссертацияны қорғамаған докторанттың докторантурада оқу мерзімі ақылы негізде ұзартылады.

      68. PhD докторларын және бейіні бойынша докторларын даярлау бағдарламаларын іске асыратын ЖОО-лар қажетті оқу-әдістемелік құжаттарды (жұмыс оқу жоспарын, оқу пәндері мен практикаларының бағдарламаларын, ғылыми-зерттеу/эксперименталдық-зерттеу жұмыстарын және т.б.) әзірлейді және бекітеді.

      Оқу пәндерінің бағдарламаларын осы Стандарттың және докторантура мамандықтары бойынша ҮОЖ-лары негізінде докторантура білім беру бағдарламаларын іске асыратын ЖОО-лар әзірлейді.

      Кәсіби даярлық бөлігінде PhD докторларын және бейіні бойынша докторларын даярлаудың аккредиттелген бағдарламаларын іске асыратын жоғары рейтингті шетелдік ЖОО-лар мен ғылыми орталықтардың тәжірибелерін зерделеу негізінде әзірленеді.

      69. Оқу процесін оқу-әдістемелік және ақпараттық қамтамасыз ету докторанттардың докторантураның білім беру бағдарламасын сапалы меңгеру мүмкіндігіне кепілдік береді.

      Білім беру бағдарламасын іске асыру халықаралық ақпараттық желілерге, электрондық дерекқорларға, кітапхана қорына, компьютерлік технологияларға, оқу-әдістемелік және ғылыми әдебиеттерге еркін қол жеткізу мүмкіндігімен қамтамасыз етіледі. Ақпараттық және оқу-әдістемелік қамтамасыз ету докторанттың өздік жұмысын біртіндеп күшейту акцентімен жүзеге асырылады.

      70. Практика ғылыми, кәсіби қызметтерінің практикалық дағдыларын қалыптастыру мақсатында жүргізіледі.

      Докторантураның білім беру бағдарламасы:

      1) философия докторы (PhD) бағдарламасы бойынша білім алушылар үшін педагогикалық және зерттеу практикалары (көлемінде кемінде 3+3 кредит);

      2) бейінді докторантура бағдарламасы бойынша білім алушылар үшін өндірістік практика (көлемі кемінде 6 кредит).

      Педагогикалық практика оқу процесінен қол үзбей теориялық оқу кезеңінде өткізіледі. Осы ретте докторанттар бакалавриатта және магистратурада сабақ жүргізуге тартылады.

      Докторанттың зерттеу практикасы отандық және шетелдік ғылымның жаңа теориялық, әдіснамалық және технологиялық жетістіктерін зерделеу, сондай-ақ ғылыми зерттеулердің заманауи әдістерін практикада қолдану, диссертациялық зерттеудегі эксперименттік деректерді өңдеу мен түсіндіру дағдыларын бекіту мақсатында жүргізіледі.

      Докторанттың өндірістік практикасы оқу процесінде алынған теориялық білімді бекіту және кәсіби деңгейін арттыру мақсатында жүргізіледі.

      Зерттеу және өндірістік практикалардың мазмұны докторлық диссертацияның тақырыбымен белгіленеді.

      71. Докторанттың ғылыми-зерттеу жұмысы:

      1) докторлық диссертация қорғалатын мамандықтың негізгі проблемасына сәйкес келеді;

      2) өзекті болып табылады, ғылыми жаңалықтан және практикалық маңызы бар;

      3) заманауи теориялық, әдістемелік және ғылымы мен практиканың технологиялық жетістіктеріне негізделеді;

      4) компьютерлік технологияларды қолданумен деректерді өңдеу мен түсіндірудің заманауи әдістеріне негізделеді;

      5) ғылыми зерттеулердің заманауи әдістері пайдалана отырылып орындалады;

      6) негізгі қорғалатын ережелер бойынша ғылыми-зерттеу (әдістемелік, практикалық) бөлімдерден тұрады.

      72. Докторанттың эксперименталды-зерттеу жұмысы:

      1) докторлық диссертация қорғалатын мамандықтың негізгі проблематикасына сәйкес келеді;

      2) өзекті болып табылады, ғылыми жаңалықтан және практикалық маңызы бар;

      3) ғылым, техника мен өндірістің заманауи жетістіктеріне негізделеді және нақты практикалық ұсыныстардан, кешенді, функционаларалық сипаттағы басқару міндеттерін өз бетінше шешуден тұрады;

      4) алдыңғы қатарлы ақпараттық технологиялар қолданыла отырып орындалады;

      5) ғылыми зерттеулердің заманауи әдістері пайдалана отырылып орындалады;

      73. Ғылыми-зерттеу (эксперименталды-зерттеу) жұмысының нәтижелерін докторант оларды өткізудің әрбір кезеңнің соңында қысқаша есеп түрінде ресімдейді.

      ДҒЗЖ (ДЭЗЖ) шеңберінде докторанттың жеке жұмыс жоспарында міндетті түрде шетелдік ғылыми тағылымдамадан өтуі көзделеді.

      74. Докторанттың ғылыми-зерттеу (эксперименталды-зерттеу) жұмысының соңғы қорытындысы докторлық диссертация болып табылады.

      Докторлық диссертацияның тақырыбы оның өзектілігін есепке ала отырып докторантураға қабылданғаннан кейін екі айдан кешіктірілмей айқындалады. Диссертациялық зерттеудің бағыты, әдетте, ұлттық басымдықтармен не мемлекеттік бағдарламалармен не іргелі немесе қолданбалы зерттеу бағдарламаларымен байланысты.

      75. Докторанттың ғылыми зерттеулерінің нәтижелері Ереженің 7-тармағына сәйкес ғылыми, ғылыми-талдамалық және ғылыми-практикалық басылымдарда жарияланады.

      76. Докторлық диссертацияның мазмұны мен ресімделуіне, оларды дайындау мен қорғауға қойылатын талаптар Ережеде айқындалады.

      77. Докторлық диссертация Ереженің 22-тармағының 8-тармақшасына сәйкес Ұлттық ғылыми-техникалық ақпарат орталығы жүзеге асыратын авторға және ақпарат көзіне сілтемесіз мәліметті пайдалану мәніне (диссертацияда плагиаттың бар-жоғына) тексеруден өтеді.

      78. ЖОО оқытушысы оқу жоспарлары мен оқу бағдарламаларының талаптарын сақтау жағдайында оқу сабақтарын ұйымдастыру мен өткізу, оқыту әдістерінің тәсілдері мен нысандарын еркін таңдауы бар.

      79. Ғылыми мектептер ел аумағында немесе халықаралық деңгейде танылуы тиіс.

      Танылу индикаторлары жоғары импакт-факторы (дәйексөз алу индексі) бар ғылыми басылымдарда шетелдік әріптестермен бірлесіп орындалатын халықаралық және отандық ғылыми жобалардың жариялымдары болып табылады.

      80. Оқытушы кадрлар оларды оқу процесінде пайдаланатын оқытудың заманауи интерактивті әдістері мен технологияларын меңгерген.

      81. Докторантқа оқуға қабылданғаннан кейінгі үш айдың ішінде докторлық диссертацияға ғылыми жетекші тағайындалады.

      Докторанттың ғылыми жетешісі мен зерттеу тақырыбы ғылыми кеңестің шешімі негізінде ЖОО ректорының бұйрығымен бекітіледі.

      82. Докторанттарға ғылыми жетекшілікті ғылым докторлары мен кандидаттарының, философия (PhD) докторларының ішінен тағайындалған, құрамы кемінде 2 адамнан тұратын және олардың біреуі шетелдік ЖОО-дан ғалым болып табылатын консультациялық комиссия жүзеге асырады.

      Ғылыми консультанттар ғылымның осы саласында ғылыми зерттеулермен (мамандық бейіні бойынша) белсенді айналысатын және ғылыми жетекшілік ету тәжірибесі бар адамдар болып табылады.

6D11 "Денсаулық сақтау және әлеуметтік қамсыздандыру (медицина)" топтарының
фармацевтикалық мамандықтар бойынша докторантураның білім беру
бағдарламаларын меңгеруге ынталы тұлғалардың алдыңғы білім деңгейіне
қойылатын талаптар

      Ескерту. 1-қосымша жаңа редакцияда – ҚР Денсаулық сақтау және әлеуметтік даму министрінің 29.07.2016 № 661 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Міндетті компонент пәндері циклінің мазмұны

      Ескерту. 2-қосымша жаңа редакцияда – ҚР Денсаулық сақтау министрінің 29.06.2017 № 471 (алғашқы ресми жарияланған күнінен кейін қолданысқа енгізіледі) бұйрығымен

PhD докторантурасының білім беру бағдарламасының компоненттерін
бөлу нормасы

Медициналық мамандықтар бойынша магистратураның мемлекеттік
жалпыға міндетті білім беру стандарты
1. Жалпы ережелер

      1. Осы медициналық мамандықтар бойынша магистратураның мемлекеттік жалпыға міндетті білім беру стандарты (бұдан әрі - Стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектің Кодексінің 175-бабының 3-тармағына сәйкес әзірленді және магистратураның білім беру бағдарламаларының мазмұнына, магистранттардың білім траекториясына, білім беру құрылымы мен мазмұнына, магистранттардың даярлық деңгейін және 6M11 "Денсаулық сақтау және әлеуметтік қамсыздандыру (медицина)" мамандықтары бойынша академиялық дәрежелерін бағалауға қойылатын талаптарды белгілейді.

      Осы стандартта мынадай терминдер мен анықтамалар қолданылады:

      1) дескрипторлар (descriptors) - студенттердің жоғары және жоғары оқу орнынан кейінгі білімнің тиісті деңгейінің (сатысының) білім беру бағдарламаларын аяқтаған соң ие болатын білім, білік, дағды және құзыретінің деңгейлері мен көлемінің сипаттамасы, дескрипторлар оқыту нәтижелеріне, қалыптасқан құзыреттерге, сондай-ақ кредиттерінің жалпы санына (сынақ бірліктеріне) негізделеді;

      2) кредит (Credit, Credit-hour) - білім алушының/оқытушының оқу жұмысы көлемін өлшейтін сәйкестендірілген бірлігі;

      3) құзыреттер - студенттердің оқыту процесі кезінде алған білім, шеберлік және дағдысын кәсіптік қызметте практикалық тұрғыдан қолдана білу қабілеті;

      4) магистратура - тиісті мамандығы бойынша "магистр" академиялық дәрежесі беріле отырып, ғылыми және педагог кадрлар даярлауға бағытталған, жоғары оқу орнынан кейінгі білім берудің кәсіптік білім беретін оқу бағдарламасы;

      5) магистрант - магистратурада білім алаушы адам;

      6) магистрлік диссертация - магистранттың ғылымның тиісті саласында нақты мамандықтың өзекті проблемаларының бірін өзіндік ғылыми зертеудің нәтижелер тұжырымынан тұратын шығарылым жұмысы;

      7) постреквизиттер - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

      8) пререквизиттер - оқылатын пәнді игеру үшін қажетті білім, икемділіктер мен дағдыларды қамтитын пәндер;

      9) эдвайзер - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы.

      2. 6M11 "Денсаулық сақтау және әлеуметтік қамсыздандыру (медицина)" топтың медициналық мамандықтары бойынша магистратураның білім беру бағдарламаларын ведомостволық бағыныстылығы мен меншік нысанына қарамастан, магистратураның тиісті мамандықтары бойынша білім беру қызметін жүргізуге құқық беретін лицензиясы бар жоғары оқу орындары (бұдан әрі - ЖОО) іске асырады.

      3. Қазақстан Республикасының ЖОО-лары:

      1) осы Стандартқа және магистратураның мамандықтарының үлгілік оқу жоспарларына;

      2) оқу жұмыс жоспарларына;

      3) академиялық күнтізбеге;

      4) магистранттардың жеке оқу жоспарларына;

      5) пәндер бойынша оқу бағдарламаларына;

      6) магистранттың жеке жұмыс жоспарына сәйкес магистрлерді даярлауды жүзеге асырады.

      4. Магистратурада ғылыми және педагогикалық және басқарушылық кадрларды даярлау екі бағыт бойынша жүзеге асырылады:

      1) 2 жыл оқу мерзіммен ғылыми және педагогикалық;

      2) оқу мерзімі кемінде 1 жыл бейінді.

      Магистратурада оқу мерзімін алдыңғы даярлық деңгейінің білім беру бағдарламасы бейінінің сәйкестігіне және пререквизиттерінің болуына қарай ЖОО-лар өз бетінше түзетеді.

      5. Магистратурада білім алу тек күндізгі оқу нысанында жүзеге асырылады.

      6. Магистратураның білім беру бағдарламасын меңгерген және магистрлік диссертациясын көпшілік алдында қорғаған тұлғаға "денсаулық сақтау магистрі" академиялық дәрежесі беріледі.

      Магистратураның білім беру бағдарламасын меңгерген және магистрлік диссертациясын көпшілік алдында қорғаған тұлғаға "Медицина ғылымының магистрі" академиялық дәрежесі беріледі.

      7. 6M11 "Денсаулық сақтау және әлеуметтік қамсыздандыру (медицина)" топтың медициналық мамандықтары бойынша магистратураның білім беру бағдарламаларын меңгеруге ниет білдіруші тұлғалардың алдыңғы білім деңгейіне қойылатын талаптар осы Стандартқа 1-қосымшада келтірілген.

      8. Магистратура мамандықтары шеңберінде ЖОО-лар 2007 жылдың 15 мамырындағы Қазақстан Республикасының Еңбек кодексінің 138-5-бабының 3-тармағына сәйкес кәсіби стандарттарына сәйкес әртүрлі білім беру бағдарламаларын өз бетінше әзірлейді.

      Білім беру бағдарламалары оқыту нәтижесіне бағдарланған.

2. Білім алушылардың дайындық деңгейiне қойылатын талаптар

      9. Оқыту нәтижелері дескрипторлардың үшінші деңгейі (магистратура) негізінде айқындалады және құзыреттер арқылы көрсетіледі. Оқыту нәтижелері бағдарламаның барлық деңгейінде де, жеке пәннің, модульдің деңгейінде де қалыптасады.

      Екінші деңгейдегі дескрипторлар:

      1) жоғары бiлiм деңгейінде меңгерген, ғылыми зерттеулер контексiнде идеяларды қолдану немесе өзіндік дамыту үшiн негiз немесе мүмкiндiк болып табылатын, дамытылып отыратын бiлiмі мен түсiнігін көрсете білу;

      2) зерттеп отырған саламен байланысты контекстер мен одан да кеңірек (немесе пәнаралық) салаларда жаңа немесе белгісіз жағдайлардағы проблемаларды шешуде бiлiмін, түсінігін және қабілетін қолдана алу;

      3) бiлiмдi интеграциялау, қиындықтарды жеңе білу және толық емес немесе шектеулі ақпарат негізінде тұжырымдамалар жасау, осы тұжырымдамалар мен білімін этикалық және әлеуметтік жауапкершілікті ескере отырып қолдана білу;

      4) білім алуды өздігінен жалғастыру қабілеттерінің болуын көздейді.

      10. Бейінді магистратураны бiтiрушiлердің негізгі құзыреттіліктері:

      1) мынадай:

      ғылыми танымның дамуындағы қазiргi үрдістер туралы;

      денсаулық сақтаудың әдіснамалық және философиялық өзекті проблемалары және оларды шешудің заманауи әдістері туралы;

      жаһандану процестерінің қарама-қайшылықтары мен әлеуметтiк-экономикалық салдары туралы;

      әлемдік бизнес серіктестiктің экономикалық, саяси, құқықтық, мәдени және технологиялық ортасының қазiргi жай-күйі туралы;

      кәсiпорынды стратегиялық басқаруды ұйымдастыру, инновациялық менеджмент, көшбасшылық теориялары туралы;

      денсаулық сақтау ұйымының жұмыс істеуінің негiзгi қаржылық-шаруашылық проблемалары туралы;

      Деректерді статистикалық талдаудың заманауи әдістері туралы түсінігі болуы тиіс.

      2) мыналарды:

      ғылыми танымның әдiснамасын;

      денсаулық сақтауды өзгертетін негiзгi қозғаушы күштерді;

      денсаулық сақтауды дамыту үрдістері мен әлемдегі және Қазақстан Респбликасында медициналық ғылымның заманауи жағдайын;

      инвестициялық ынтымақтастықтың ерекшелiктері мен ережелерiн;

      денсаулық сақтау саласында зерттеу қызметінің негізгі қағидаттары;

      ғылыми зерттеулер мен практикалық қызметті жүзеге асыруға мүмкiндiк беретін кемінде бір шет тiлiн кәсiптік деңгейде білуі қажет;

      3) мыналарды:

      кәсiптік қызметте танымның ғылыми әдiстерiн қолдана білуі;

      процестер мен құбылыстарды зерттеудiң қолданыстағы тұжырымдамаларын, теориясы мен әдістерін сын-көзбен талдай білуі;

      әртүрлi пәндер бойынша меңгерген бiлiмді интеграциялауы, оларды жаңа белгісіз жағдайларда аналитикалық және басқарушылық мәселелерді шешуде қолдана білуі;

      кәсiпорынның шаруашылық жұмысына микроэкономикалық талдау жүргiзе алуы және оның нәтижелерiн денсаулық сақтау ұйымын басқаруда қолдана білуі;

      маркетинг пен менеджменттi ұйымдастырудың жаңа әдістерін практикада қолдана алуы;

      денсаулық сақтау ұйымының шаруашылық жұмысын ұйымдастыру мен басқарудағы қиын және қалыптан тыс жағдайларда шешiм қабылдай білуі;

      денсаулық сақтау саласындағы экономикалық қатынастарды реттеудегi Қазақстан Республикасының заңнамалық нормаларын практикада қолдана білуі;

      жаңа проблемалар мен жағдайларды шешуде креативтi ойлауы және шығармашылықпен қарауы;

      ақпараттық-аналитикалық және ақпараттық-библиографиялық жұмысты қазiргi ақпараттық технологияларды қолданып жүргізуі;

      кәсіптік қызмет саласында кешенді кешенді пәнаралық, сектораралық проблемаларды шешу;

      диссертация, мақала, есеп, аналитикалық жазбалар және т.б. түрінде эксперименталды-зерттеу және аналитикалық жұмыс нәтижелерін жалпылай білуі тиіс;

      10) мынадай:

      қалыпты ғылыми және кәсiптік міндеттерді шешу;

      ұйымдар мен денсаулық сақтау ұйымдарында экономикалық қызметiн ұйымдастыруда және басқаруда ғылыми талдау және практикалық мәселелерді шешу;

      менеджмент және маркетинг саласында проблемаларды зерттеу және алынған нәтижелерді денсаулық сақтау ұйымдарын басқару әдiстерiн жетiлдiру үшiн қолдану;

      кәсiптік қарым-қатынас және мәдениетаралық байланыс;

      шешендік өнер, өз ойын ауызша және жазбаша түрде дұрыс және логикалық ресiмдеу;

      күнделiктi кәсiптік қызметте және докторантурада білімін жалғастыру үшін қажет бiлiмін кеңейту және тереңдету;

      кәсiптік қызмет саласында ақпараттық және компьютерлік технологияларды пайдалану дағдысының болуы тиіс;

      5) мынадай:

      мамандық бойынша зерттеу әдіснамасы саласында;

      жаһандық және ұлттық денсаулық сақтаудың заманауи проблемалары саласында;

      денсаулық сақтау ұйымының қызметiн ұйымдастыру мен басқаруда;

      әртүрлi ұйымдармен, оның ішінде мемлекеттiк қызмет органдарымен өндiрiстiк байланыстарды жүзеге асыруда;

      бiлiмнің үнемі жаңаруын қамтамасыз ету, кәсiптік дағдыны және біліктілікті тереңдету тәсілдерінде құзыретті болуы қажет.

      11. Ғылыми және педагогикалық магистратура бiтiрушiлерінің негізгі құзыреттіліктеріне қойылатын талаптар:

      1) мынадай:

      денсаулық сақтау саласын дамытуда ғылым және бiлiмнiң рөлі туралы;

      ғылыми танымның дамуындағы қазiргi үрдістер туралы;

      денсаулық сақтау және медициналық ғылымның әдіснамалық және философиялық өзекті проблемалары туралы;

      медициналық ЖОО-ларда пәндерді оқытудың кәсiби құзыреттілігі туралы;

      жоғары мектеп оқытушысының кәсіби құзыреттілігі туралы;

      жаһандану процестерінің қарама-қайшылықтары мен әлеуметтiк-экономикалық салдары туралы түсінігі болуы керек;

      2) мыналарды:

      ғылыми танымның әдiснамасын;

      ғылыми қызметті ұйымдастырудың қағидаттары мен құрылымын;

      оқыту процесінде студенттердің танымдық қызметінің психологиясын:

      азаматтардың денсаулығын сақтау туралы заңнаманы және медицина қызметкерлерінің қызметінің құқықтық негіздерін;

      медициналық және биологиялық зерттеулерде сандық және сапалық талдау әдістерін;

      оқыту тиімділігі мен сапасын арттырудың психологиялық әдістері мен құралдарын білуі тиіс;

      3) мыналарды:

      алған білімін ғылыми зерттеулер контекстiнде идеяларды қолдану немесе өзіндік дамыту үшiн қолдана білуі;

      процестер мен құбылыстарды зерттеудiң қолданыстағы тұжырымдамаларын, теориясы мен әдістерін сын-көзбен талдай алуы;

      әртүрлі пәндер аясында алған білімін жаңа таныс емес жағдайларда зерттеу мәселелерін шешуде интеграциялауы;

      бiлiмді интеграциялау жолымен, толық емес немесе шектеулі ақпараттар негiзiнде тұжырымдама жасап, шешiм қабылдай алуы;

      жоғары мектеп педагогикасы мен психологиясынан алған бiлiмін өз педагогикалық қызметiнде қолдана білуі;

      оқытудың интерактивті әдiстерін қолдана білуі;

      ақпараттық-аналитикалық және ақпараттық-библиографиялық жұмысты қазiргi ақпараттық технологияларды қолданып жүргізуі;

      жаңа проблемалар мен жағдайларды шешуде креативтi ойлауы және шығармашылықпен қарауы;

      ғылыми зерттеулер жүргізуге және ЖОО-да арнайы пәндер бойынша сабақ жүргізуді жүзеге асыруға мүмкіндік беретіндей кәсіптік деңгейде шет тілін еркін меңгеруі;

      диссертация, ғылыми мақала, есеп, аналитикалық жазбалар және т.б. түрінде ғылыми-зерттеу және аналитикалық жұмыс нәтижелерін жалпылай білуі тиіс;

      4) мынадай:

      ғылыми-зерттеу әрекеттері, қалыпты ғылыми мәселерді шешу;

      кредиттік оқыту технологиясы бойынша білім беру және педагогикалық қызметті жүзеге асыру;

      кәсiптік пәндердi оқыту әдiстемесі;

      білім беру процесінде қазiргi ақпараттық технологияларды қолдану;

      кәсiптік қарым-қатынас және мәдениетаралық байланыс;

      шешендік өнер, өз ойын ауызша және жазбаша түрде дұрыс және логикалық тұрғыдан ресiмдеу;

      күнделiктi кәсiптік қызметте және докторантурада білімін жалғастыру үшін бiлiмін кеңейту және тереңдету дағдысының болуы қажет;

      5) мына:

      денсаулық сақтау аясында ғылыми зерттеулердің әдіснамасы саласында;

      ЖОО-дағы ғылыми және ғылыми-педагогикалық қызмет саласында;

      қазiргi бiлiм беру технологияларына қатысты мәселелерде;

      кәсiптік салада ғылыми жобалар мен зерттеулерді орындауда;

      бiлiмдi үнемі жаңартуды, кәсiптік дағды мен білікті кеңейтуді қамтамасыз ету әдістерінде құзыретті болуы тиіс.

      12. Магистратураның әр мамандығы бойынша арнайы құзыреттер жұмыс берушілер талаптары мен қоғамның әлеуметтік сұраныстарын ескере отырып анықталады.

      13. Міндетті ең төмен мен ЖОО ұсынатын оқу жүктемесінің көлемі аясында алынған білім деңгейі әртүрлі бақылау түрлері арқылы қамтамасыз етіледі.

      14. Магистранттардың білімін, іскерлігін, дағдысын және құзыреттерін бақылау оларды қорытынды аттестаттау кезінде жүргізіледі.

      15. Магистранттарды қорытынды аттестаттау академиялық күнтізбеде және мамандықтардың оқу жоспарында қарастырылған мерзімде кешендi емтихан тапсыру және магистрлiк диссертацияны қорғау нысанында өткізіледі.

      16. Кешенді емтихан диссертация қорғауға дейін 1 ай қалғаннан кешіктірмей өткізіледі. Мамандық бойынша кешенді емтиханға магистратураның білім беру бағдарламасындағы бейіндеуші пәндер циклдерінің пәндері кіреді.

      17. Магистрлік диссертацияны қорғау рәсімін ЖОО-дағы білім алушылардың үлгерімін ағымдағы бақылау, аралық және қорытынды аттестаттау жүргізудің үлгі ережесіне сәйкес ЖОО-ның өзі анықтайды.

      18. Магистратураның оқу бағдарламасы бойынша оқуды аяқтаған тұлғаларға "магистр" академиялық дәрежесі және қосымшасы (транскрипт) бар мемлекеттік үлгідегі диплом тапсырылады.

      ЖОО бітірушіге дипломға жалпыеуропалық қосымша (Diploma Supplement) бере алады.

3. Білім беру мазмұнына қойылатын талаптар

      19. Магистратураның білім беру бағдарламасының құрылымы білім мазмұнын анықтайтын оқу және ғылыми жұмыстардың түрлерінен тұрады және олардың ара қатынасын, өлшемін және есебін көрсетеді.

      20. Магистратураның білім беру бағдарламасы:

      1) базалық және бейіндеуші пәндер циклдерін меңгеруді қамтитын теориялық оқыту;

      2) магистранттардың практикалық даярлығы: практика, кәсіптік тағылымдама түрлері;

      3) ғылыми және педагогикалық магистратура үшін магистрлік диссертацияның орындалуын қамтитын ғылыми-зерттеу жұмысы;

      4) бейіндік магистратура үшін магистрлік диссертацияның орындалуын қамтитын эксперименталды-зерттеу жұмысы;

      5) аралық және қорытынды аттестаттауды қамтиды.

      21. Білім беру бағдарламалары мамандық пен пәндердің оқу-әдістемелік кешендерінің негізінде жүзеге асырылады. Мамандық пен пәндердің оқу-әдістемелік кешендерінің нысаны, құрылымы және әзірлеу тәртібін білім беру ұйымы өзі анықтайды.

      22. Барлық жұмыс түрлерінің еңбек сыйымдылығын есептеу меңгерілген материалдың көлемі бойынша жүзеге асады және оқудың нақты нәтижесіне жетуге қажетті магистранттар мен оқытушылардың еңбек шығындарының өлшем бірлігі болып табылатын кредиттермен өлшенеді.

      Бұл ретте алдыңғы білім деңгейлерінде игерілген кредиттерді ескеретін жинақтаушы кредиттік жүйе қолданылады.

      23. Магистранттың магистратураға түсер алдында магистратураның тиісті кәсіптік оқу бағдарламасын меңгеруге қажетті барлық пререквизиттері болуы тиіс. Қажетті пререквизиттер тізбесін ЖОО өзі анықтайды.

      24. Оқу процесін кредиттік оқыту технологиясы бойынша ұйымдастыру кезінде әр оқу пәнінің көлемі кредиттің бүтін санын құрауы тиіс. Бұл ретте пән, әдетте, кемінде 2 немесе 3 кредит көлемімен бағаланады.

      25. Магистратураның оқу жоспарларының барлық нысандарында оқу пәндерін кодтаудың бірыңғай жүйесі қолданылады.

      26. Әрбiр оқу пәнінің қайталанбайтын бір атауы болуы тиіс. Ол бiр академиялық кезеңде меңгеріліп, аяқталған соң магистрант емтихан нысанындағы қорытынды бақылауды тапсырады, ал кәсіптік практиканың барлық түрлері, курстық жұмыстар (жобалар), магистранттардың ғылыми-зерттеу (эксперименталдық-зерттеу) жұмыстары бойынша дифференциалды сынақ тапсырады.

      27. Магистратураның білім беру бағдарламалары пәндерді оқудың модульді жүйесі негізінде жобаланады.

      28. Базалық пәндер циклі (бұдан әрі - БП) міндетті компонент пен таңдау компоненті пәндерінен тұрады.

      29. Ғылыми және педагогикалық бағыттағы магистратурада БП циклінің көлемі үлгілік оқу жоспарының жалпы көлемінің 48%-ын құрайды, оның ішінде 60% міндетті компонент пәндеріне, ал 40% таңдау компоненті пәндеріне тиесілі.

      Бейіндік бағыттағы магистратурада БП циклінің көлемі үлгілік оқу жоспарының жалпы көлемінің 44%-ын (оқу мерзімі 1 жыл) және 28%-ын (оқу мерзімі 1,5 жыл) құрайды, оның ішінде 75% және 80% міндетті компонент пәндеріне, ал 25% және 20% таңдау компоненті пәндеріне тиесілі.

      30. Ғылыми және педагогикалық бағыттағы магистратурада бейіндеуші пәндер циклінің көлемі үлгілік оқу жоспарының жалпы көлемінің 52%-ын құрайды, оның ішінде 36%-ы міндетті компонент пәндеріне және 64%-ы таңдау компоненті пәндеріне тиесілі.

      Бейіндік бағыттағы магистратурада бейіндеуші пәндер циклінің көлемі үлгілік оқу жоспарының жалпы көлемінің 56%-ын (оқу мерзімі 1 жыл) және 72%-ын (оқу мерзімі 1,5 жыл) құрайды, оның ішінде 20% және 18% міндетті компонент пәндеріне, ал 80% және 82% тиісінше таңдау компоненті пәндеріне тиесілі.

      31. Міндетті компонент пәндерінің тізбесі осы бұйрыққа 7-қосымша медициналық және фармацевтикалық мамандықтар бойынша магистратураның үлгілік кәсіптік оқу бағдарламасының 4- 7-қосымшаларда келтірілген үлгілік оқу жоспарымен айқындалады. Міндетті компонент пәндерінің көлемін қысқартуға жол берілмейді.

      32. Таңдау компоненті пәндерінің тізбесін ЖОО өзі анықтайды. Бұл ретте жұмыс берушілердің талаптары мен еңбек нарығының сұранысы ескеріледі.

      33. 6М11 - "Денсаулық сақтау және әлеуметтік қамтамасыз ету (медицина)" топтың медициналық мамандықтар бойынша бейіндік және ғылыми және педагогикалық бағыттағы магистратураның білім беру бағдарламасының мазмұны осы Стандартқа 2-қосымшаға сәйкес белгіленеді.

      34. Бейіндік магистратураны бітірген магистрант педагогикалық қызметке кәсіптік педагогикалық бейіндегі бағдарламаларды қосымша меңгеріп, негізгі дипломға қосымша тиісті куәлік берілгеннен кейін ғана жіберіледі.

      35. Бейінді магистратураны бітірген және педагогикалық қызметке рұқсат алуға ниет білдірген тұлғалар үшін педагогикалық бейіндегі білім беру бағдарламасының мазмұны осы Стандартқа 3-қосымшаға сәйкес белгіленеді.

      36. Магистратурада оқыту мемлекеттік, орыс және ағылшын тілдерінде жүргізіледі. Оқу тілін магистранттың өзі таңдайды.

      37. Білім беру қызметін ұйымдастыру оқу процесін, білім беру мазмұнын жоспарлау, оқу сабақтарын жүргізу тәсілдерін, магистранттың өзіндік жұмысын, олардың оқу жетістіктерін қорытынды бақылау нысандарын таңдау арқылы жүзеге асады.

      38. Білім беру мазмұнының құрылымы білім берудің есептеу-өлшегіш құралдары: оқу жоспары мен бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне, оқу материалының көлеміне қойылатын талаптарға сәйкес анықталады.

      39. Білім беру қызметін жоспарлау мен ұйымдастыру оқу жоспарының негізінде жүзеге асырылады.

      Оқу жоспарлары үлгілік (бұдан әрі - ҮОЖ), жеке (бұдан әрі - ЖОЖ) және жұмыстық (бұдан әрі - ОЖЖ) болып бөлінеді.

      40. ҮОЖ-да міндетті компоненттің әрбір оқу пәнінің еңбек сыйымдылығы және әрбір оқу қызметінің түрі (практика, магистрлік диссертацияның орындалуын қамтитын магистранттың ғылыми-зерттеу жұмысы бұдан әрі - (МҒЗЖ) (магистрлік диссертацияның орындалуын қамтитын магистранттың экспериментті- зерттеу жұмысы (бұдан әрі - МЭЗЖ)), кешендi емтихан, магистрлік диссертацияны жазу және қорғау) кредитпен анықталады, ал оқу пәндерінің әр циклі бойынша таңдау компоненті кредиттердің жалпы санымен көрсетіледі.

      41. ҮОЖ-ға қосымша жыл сайын ЖОО таңдау компонентіндегі барлық пәндердің жүйеленген, аннотацияланған тізімі болып табылатын элективті пәндер каталогын (бұдан әрі - ЭПК) жасайды.

      ЭПК-де әр оқу пәнінің пререквизиттері мен постреквизиттері көрсетіледі. ЭПК магистранттарға элективті оқу пәндерін баламалы таңдау мүмкіндігін қамтамасыз етуі тиіс.

      42. Мамандық бойынша ҮОЖ мен ЭПК негізінде магистрант эдвайзердің көмегімен ЖОЖ құрады. ЖОЖ әрбір магистранттың жеке білім алу траекториясын анықтайды.

      ЖОЖ-ға ҮОЖ-дан міндетті компонент пәндері мен оқу әрекетінің түрлері (практикалар, МҒЗЖ (МЭЗЖ), кешенді емтихан, магистрлік диссертацияны ресімдеу және қорғау) және ЭПК-дан таңдау компоненті пәндері кіреді.

      43. ОЖЖ оқу жылына мамандықтардың ҮОЖ-ы мен магистранттардың ЖОЖ-ы негізінде жасалады және оны Ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен санағандағы еңбек сыйымдылығы, оқытылу реті, оқу сабақтарының түрлері, бақылау нысандары, сондай-ақ оқу қызметінің басқа да түрлері (практикалар, МҒЗЖ (МЭЗЖ), кешенді емтихан, магистрлік диссертацияны ресімдеу және қорғау) айқындалады.

      ОЖЖ оқу сабақтарының кестесін құруға және оқытушының оқу жұмысының еңбек сыйымдылығын есептеуге негіз болады.

      44. ЭПК, ЖОЖ және ОЖЖ-ның нысанын, құрылымын, әзірлеу және бекіту ретін ЖОО өзі анықтайды.

      45. Барлық оқу пәндерінің мазмұны оқу бағдарламаларымен анықталады. Оқу бағдарламалары үлгілік, жұмыс және силлабус болып бөлінеді.

      46. Үлгілік кәсіптік оқу бағдарламалары (бұдан әрі - ҮКОБ) міндетті компонент пәндері бойынша әзірленеді және оларды "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес денсаулық сақтау саласындағы уәкілетті орган бекітеді.

      47. Жұмыс оқу бағдарламалары мен силлабустар (магистранттарға арналған пән бағдарламалары) оқу жоспарының барлық пәндері бойынша әзірленеді және оларды ЖОО бекітеді. Бұл ретте, оларды әзірлеу міндетті компонент пәндері бойынша үлгілік оқу бағдарламалары негізінде жүзеге асырылады, ал таңдау компонентінің пәндері бойынша ЖОО өзі әзірлейді. Жұмыс оқу бағдарламалары мен силлабустардың формасын, құрылымын, әзірлеу және бекіту тәртібін ЖОО-ның өзі анықтайды.

      48. Магистрант ғылыми жетекшісінің көмегімен жасалатын жеке жұмыс жоспары негізінде оқиды.

      49. Магистранттың жеке жұмыс жоспары оқудың толық кезеңіне жасалады және мынадай бөлімдерден тұрады:

      1) ЖОЖ (қажет болған жағдайда жыл сайын нақтыланады);

      2) ғылыми-зерттеу (эксперименталды-зерттеу) жұмысы (тақырыбы, зерттеу бағыты, мерзімі және есеп беру нысаны);

      3) практика (бағдарламасы, базасы, мерзімі және есеп беру нысаны);

      4) негіздемесі мен құрылымы көрсетілген магистрлік диссертация тақырыбы;

      5) магистрлік диссертацияны орындау жоспары;

      6) ғылыми жарияланымдар мен тағылымдамалардан өту жоспары.

      50. Магистратурадағы оқу сабақтары инновациялық технологиялар мен оқытудың интерактивті әдістерін қолдана отырып жүргізілуі тиіс.

      51. Оқу процесін жоспарлау кезінде ЖОО білім беру бағдарламасы компоненттерін бөлу нормаларын осы стандартқа 4-қосымшаға (ғылыми және педагогикалық бағыттар үшін), 5-қосымшаларға (бейіндік магистратура үшін, оқу мерзімі 1 жыл) және 6-қосымшаларға (бейіндік магистратура үшін, оқу мерзімі 1,5 жыл) сәйкес басшылыққа алады.

4. Білім алушылардың оқу жүктемесінің ең жоғары көлеміне
қойылатын талаптар

      52. Магистранттың оқу жүктемесінің көлемі оның оқу жылы ішінде әр пән немесе оқу жұмысының түрі бойынша игеретін кредит санымен өлшенеді.

      53. ПОҚ оқу жүктемесін жоспарлау кредитпен немесе аудиториялық оқу сабақтарын кесте бойынша немесе оқу жұмысының басқа түрлері үшін жеке бекітілген график бойынша оқытушының магистранттармен байланыс жұмысының уақытын білдіретін академиялық сағаттармен жүзеге асырылады.

      54. Магистранттардың оқу жүктемесі академиялық сағаттардың ұзақтығымен және оқу жұмыстарының түрлері үшін академиялық сағатпен ілесе жүретін оқу сағаттарының көлемдерімен (50 минуттық байланыс сағаттары) анықталады.

      Магистранттардың аудиториялық жұмысының академиялық сағаттары тиісті МӨЖ сағаттарымен толығады, осылайша бір кредитке магистранттың семестр түріндегі академиялық кезеңінің бір аптасындағы жиынтық оқу жүктемесі 3 сағатқа тең болады.

      Практиканың әр академиялық сағаты магистранттың қосымша жұмысының тиісті оқу сағаттарымен (50 минуттан) толықтырылады: педагогикалық практика үшін - 1 сағат, өндірістік практика үшін - 4 сағат және зерттеу практикасы үшін - 7 сағат.

      Магистранттың ғылыми-зерттеу (эксперименталды-зерттеу) жұмысының, магистранттың магистрлiк диссертацияны орындауын қоса алғанда, әрбiр академиялық сағаты 7 сағаттық МӨЖ-бен толықтырылады.

      Магистрантты қорытынды аттестаттаудың әр академиялық сағаты магистрлік диссертацияны жазу және қорғау немесе кешенді емтиханға дайындық және оны тапсыру бойынша магистранттың оқытушымен байланыс жұмысының бір сағаты (50 минут) болып табылады. Магистрантты қорытынды аттестаттаудың әр академиялық сағаты 6 сағаттық МӨЖ-бен қамтамасыз етіледі.

      55. Студиялық және зертханалық сабақтардан өзге аудиториялық жұмыстың бір академиялық сағаты 50 минутқа тең. Студиялық сабақтар үшін бір академиялық сағат 75 минутқа және зертханалық сабақтар үшін 100 минутқа тең.

      Магистрант практикасының барлық түрлерінің, ғылыми-зерттеу (эксперименталды-зерттеу) жұмысының және қорытынды аттестаттаудың бір академиялық сағаты 50 минутқа тең.

      56. Оқу жұмысының көлемін жоспарлау кезінде бір кредит:

      1) семестр түріндегі академиялық кезең бойындағы магистранттың аудиториялық жұмысының;

      2) кәсiби практика кезеңіндегі магистранттың оқытушымен жұмысының;

      3) ғылыми-зерттеу (эксперименталды-зерттеу) жұмысы кезеңіндегі магистранттың оқытушымен жұмысының;

      4) магистранттың магистрлiк диссертацияны жазу және қорғау бойынша жұмысының;

      5) магистранттың кешенді емтиханға дайындық және оны тапсыру кезіндегі жұмысының 15 академиялық сағатына тең екенін ескеру қажет.

      57. Кредиттік оқыту технологиясында магистранттардың өздігінен орындайтын жұмысының көлемі артады, ол екі түрге бөлінеді: оқытушының жетекшілігімен жүргізілетін магистранттың өзіндік жұмысы (ОМӨЖ) және магистранттың өзі орындайтын жұмысы (МӨЖ).

      58. Оқытушының жетекшілігімен жүргізілетін магистранттың өзіндік жұмысы жеке график бойынша оқытушымен байланыста орындалатын магистранттың аудиториядан тыс жұмыс түрі болып табылады және жалпы оқу кестесіне енбейді. ОМӨЖ барысында оқу бағдарламасындағы анағұрлым қиын сұрақтар, үй тапсырмалары, курстық жобалар (жұмыстар) бойынша консультациялар өткізіледі, МӨЖ тапсырмаларының орындалуына бақылау жүргізіледі.

      59. ОМӨЖ бен МӨЖ-дің өзіндік жұмыстың жалпы көлеміндегі арақатынасын ЖОО өзі анықтайды.

      60. Дәріс пен практикалық (семинар) сабақтар кезіндегі магистранттың оқытушымен жұмысының байланыс сағаттары жиынтығында әр байланыс сағаты 2 сағат МӨЖ-бен қамтамасыз етіледі.

      Студиялық және зертханалық сабақтар, магистранттың ғылыми-зерттеу (эксперименталды-зерттеу) жұмыстары, қорытынды аттестаттау сияқты оқу жұмысының түрлері үшін МОӨЖ сағаттарын жоспарлау қажеттілігін және оның көлемін ЖОО өзі белгілейді (мысалы, магистрлік диссертацияны орындау барысын бақылау үшін).

      61. Оқу жылы академиялық кезеңдерден, аралық аттестаттау кезеңінен, практикалардан, демалыстардан, магистранттың ғылыми-зерттеу (эксперименталды-зерттеу) жұмысынан және соңғы курста қорытынды аттестаттаудан тұрады.

      62. Академиялық кезең ұзақтығы 15 апта болатын семестрден тұрады.

      63. Әр академиялық кезеңнен кейінгі аралық аттестаттаудың ұзақтығы кемінде 2 аптаны құрайды.

      64. Аралық аттестаттау кезеңінде барлық оқытылған пәндер бойынша қорытынды бақылау жүргізіледі және ағымдағы үлгерім бағаларын (ағымдағы және межелік бақылаулар бойынша бағалардың арифметикалық ортасы) ескере отырып, пәндердің қорытынды бағалары шығарылады.

      Пән бойынша қорытынды бағада ағымдағы үлгерім бағасының үлесі 60 %-дан, ал қорытынды бақылау бағасының үлесі 30 %-дан кем болмауы тиіс.

      65. Оқу жылы ішіндегі демалыс ұзақтығы соңғы курсты қоспағанда, курстарда 7 аптадан кем болмауы тиіс.

      66. Магистранттардың кәсіби практикасы бекітілген академиялық күнтізбе мен магистранттың жеке жұмыс жоспарына сәйкес осы стандартпен және мамандық бойынша ҮОЖ-бен белгіленген көлемде жүргізіледі.

      67. Практикалардың ұзақтығы магистранттың практика кезіндегі 30 сағатқа тең апта бойғы (5 күндік жұмыс аптасы кезінде күніне 6 сағат) нормативті жұмыс уақытын есепке ала отырып, аптамен анықталады. Апта санын шығару үшін практиканың кредитпен есептелген көлемін тиісті практика түрінің байланыс сағатымен есептелген еңбек сыйымдылығына көбейту керек және оны магистранттың апта бойғы жұмысының ұзақтығына, яғни 30 сағатқа бөлу керек.

      Практиканың 1 кредитінің еңбек сыйымдылығы педагогикалық практика үшін 30 сағатты (50 минуттан), өндірістік практика үшін 75 сағатты (50 минуттан), зерттеу практикасы үшін 120 сағатты (50 минуттан) құрайды. 1 кредитке сәйкес келетін практиканың ұзақтығы аптамен есептегенде педагогикалық практика үшін 1 аптаны, өндірістік практика үшін 2,5 аптаны, зерттеу практикасы үшін 4 аптаны құрайды.

      68. Магистранттарды қорытынды аттестаттау және МҒЗЖ (МЭЗЖ) аптамен жоспарлау 54 сағатқа тең магистранттардың апта бойғы жұмысының нормативті уақытына (6 күндік жұмыс аптасы кезінде МӨЖ-ді қоса есептегенде күніне 9 сағат) сүйене отырып анықталады.

      МҒЗЖ, МЭЗЖ бір кредитіне магистрант жұмысының 120 (15х8) сағаты, яғни 2,2 апта сәйкес келеді.

      Қорытынды аттестаттаудың бір кредитіне 105 (15х7) сағат, яғни 2 апта сәйкес келеді. Оның ішінде 15 байланыс сағаты магистранттың оқытушымен жұмысына, 90 сағаты МӨЖ-ге бөлінеді.

      Кешенді емтиханға дайындалуға және тапсыруға 1 кредит, яғни 2 апта бөлінеді.

      Магистрлік диссертацияны ресімдеуге және қорғауға 3 кредит, яғни тиісінше 6 апта беріледі. Магистрлік диссертацияны орындау процесінің өзі алдын ала магистранттың ғылыми-зерттеу (эксперименталды-зерттеу) жұмысы барысында жүргізіледі.

      69. Магистранттардың қосымша оқу қажеттіліктерін қанағаттандыру үшін, оқу жоспарларындағы академиялық айырмашылықты немесе академиялық қарызды жою үшін, игерген кредиттері өз ЖОО-да міндетті түрде қайта есепке алынатын жағдайда басқа ЖОО-да оқу пәндерін оқып-үйрену үшін, үлгерімнің орташа балын (GPA) көтеру үшін ұзақтығы кемінде 6 апта жазғы семестр (бітіруші курстан өзге курстарда) енгізілуі мүмкін.

      70. Магистрлер даярлау бойынша білім беру процесінің аяқталуының негізгі өлшемі:

      1) ғылыми және педагогикалық дайындық бойынша - 59-дан кем емес кредитті, оның ішінде теориялық оқытудың 42-ден кем емес кредитін, практиканың 6-дан кем емес кредитін, ғылыми-зерттеу жұмысының 7-ден кем емес кредитін игеруі;

      2) бейіндік дайындық бойынша - кемінде 28 кредитті (оқу мерзімі - 1 жыл) және кемінде 48 кредитті (оқу мерзімі - 1,5 жыл), оның ішінде теориялық оқытудың тиісінше кемінде 18 және 36 кредитін, практиканың тиісінше кемінде 2 және 4 кредитін, эксперименталды-зерттеу жұмысының тиісінше кемінде 4 және 4 кредитін игеруі болып табылады.

      Магистратураның білім беру бағдарламасын мерзімінен бұрын меңгеріп, оған қойылатын талаптарды орындаған жағдайда магистрантқа оқу мерзіміне қарамастан "магистр" академиялық дәрежесі беріледі.

      71. Бейіндік магистратураны бітірген магистрант педагогикалық бейіндегі пәндер циклін меңгеріп, педагогикалық практикадан өткен жағдайда ғана ғылыми және педагогикалық қызмет атқара алады. Осы пәндер циклі және педагогикалық практика қосымша академиялық кезең ішінде меңгеріледі, оны аяқтаған соң негізгі дипломға белгіленген үлгідегі тиісті куәлік қоса беріледі.

      72. Магистратураның білім беру бағдарламасы теориялық оқудың толық курсын меңгерген, бірақ ғылыми-зерттеу компонентін орындамаған магистрантқа келесі оқу жылында ақылы негізде ғылыми-зерттеу компонентінің кредиттерін қайта игеруге және диссертацияны қорғауға мүмкіндік беріледі.

      73. Магистратураның білім беру бағдарламасы теориялық оқытуының толық курсын меңгерген, бірақ белгіленген мерзімде магистрлік диссертациясын қорғамаған магистрантқа магистратурада оқу мерзімі ақылы негізде ұзартылады.

      74. Оқу процесін оқу-әдістемелік және ақпараттық қамтамасыз ету магистранттардың магистратураның білім беру бағдарламасын сапалы меңгеруіне кепілдік беруі тиіс.

      Білім беру бағдарламасын іске асыру халықаралық ақпараттық желілерге, электронды деректер қорларына, кітапхана қорларына, компьютерлік технологияларға, оқу-әдістемелік және ғылыми әдебиеттерге еркін қол жеткізу мүмкіндігімен қамтамасыз етілуі тиіс.

      Кітапхана қоры мен электронды және магнитті тасымалдаушылардағы оқу әдебиеттерімен қамтамасыздандыру білім беру қызметін лицензиялау кезінде қойылатын біліктілік талаптарына сәйкес келуі тиіс.

      75. Ғылыми және педагогикалық магистратурадағы білім беру бағдарламасына практиканың екі түрі кіреді:

      1) білім беру ұйымдарында өткізілетін педагогикалық практика;

      2) диссертацияны орындау орны бойынша өткізілетін зерттеу практикасы.

      Педагогикалық практика оқытудың практикалық дағдылары мен әдістемесін қалыптастыру мақсатында өткізіледі.

      Педагогикалық практика теориялық оқыту кезеңінде оқу процесінен қол үзбей өткізіледі. Осы ретте магистранттар бакалавриатта сабақ жүргізуге тартылуы мүмкін.

      Магистранттың зерттеу практикасы отандық және шетелдік ғылымның жаңа теориялық, әдіснамалық және технологиялық жетістіктерімен, ғылыми зерттеудің, эксперименталды деректерді өңдеу мен интерпретациялаудың қазіргі әдістерімен таныстыру мақсатында жүргізіледі.

      Бейінді магистратураның білім беру бағдарламасы өндірістік практиканы қамтуы тиіс.

      Магистранттың өндірістік практикасы оқу процесінде алған теориялық білімін бекіту, оқып жатқан мамандығы бойынша кәсіптік қызмет дағдыларын, құзыреттері мен тәжірибесін жинақтау, сондай-ақ озық тәжірибені игеру мақсатында өткізіледі.

      Зерттеу (өндірістік) практиканың мазмұны диссертациялық зерттеу тақырыбымен анықталады.

      76. Ғылыми және педагогикалық магистратурадағы ғылыми-зерттеу жұмысы:

      1) магистрлік диссертация қорғалатын мамандықтың негізгі проблемасына сәйкес келуі;

      2) өзектілігі, ғылыми жаңалығы және практикалық маңыздылығының болуы;

      3) ғылым мен практиканың қазіргі теориялық, әдістемелік, технологиялық жетістіктеріне сүйенуі;

      4) ғылыми зерттеудің қазіргі әдістерін қолдану арқылы орындалуы;

      5) негізгі қорғалатын ережелер бойынша ғылыми-зерттеу (әдістемелік, практикалық) бөлімдерінің болуы;

      6) тиісті білім беру саласындағы алдыңғы қатарлы халықаралық тәжірибеге негізделуі тиіс.

      77. Бейіндік магистратурадағы эксперименталдық-зерттеу жұмысы:

      1) магистрлік диссертация қорғалатын мамандықтың негізгі проблемасына сәйкес келуі;

      2) ғылым мен техниканың, өндірістің қазіргі жетістіктеріне негізделуі және нақты практикалық ұсынымдарды, басқарушылық міндеттердің өзіндік шешімдерін қамтуы;

      3) алдыңғы қатарлы ақпараттық технологияларды қолдана отырып орындалуы;

      4) негізгі қорғалатын ережелер бойынша эксперименталды-зерттеу (әдістемелік, практикалық) бөлімдерінің болуы тиіс.

      78. Ғылыми-зерттеу немесе эксперименталды-зерттеу жұмыстарының нәтижесі өтілуіне қарай әрбір академиялық кезеңнің соңында магистранттың есебі түрінде ресімделеді.

      МҒЗЖ (МЭЗЖ) шеңберінде магистранттың жеке жұмыс жоспарында міндетті түрде шетелдік ғылыми тағылымдамадан өтуі қарастырылады.

      79. Магистранттың МҒЗЖ (МЭЗЖ) ең соңғы қорытындысы магистрлік диссертация болып табылады.

      80. Магистрлік диссертацияның негізгі нәтижелері ең кемі бір жарияланымда немесе ғылыми-практикалық конференцияға қатысуында көрінуі тиіс.

      81. Магистрлік диссертацияның мазмұны мен ресімделуіне, оның дайындалуы мен қорғалуына қойылатын талаптарды ЖОО өзі анықтайды.

      82. Магистрлік диссертация міндетті түрде плагиатқа тексерілуден өтуі тиіс, мұндай тексерісті жүргізу қағидалары мен тәртібін ЖОО-ның өзі анықтайды.

      83. ЖОО-ның кадрлық құрамына қойылатын талаптар лицензиялау кезінде білім беру қызметіне қойылатын біліктілік талаптарымен айқындалған.

      ЖОО оқытушысы оқу жоспарлары мен оқу бағдарламаларының талаптарын ұстанған жағдайда оқу сабақтарын ұйымдастыру мен өткізудің әдіс-тәсілдері мен нысандарын, оқытудың әдістерін еркін таңдауға құқылы.

      84. Магистратураға оқуға қабылданғаннан кейінгі екі айдың ішінде магистрлік диссертацияға жетекшілік жасау үшін ғылыми жетекші тағайындалады.

      Ғылыми жетекші және магистранттың зерттеу тақырыбы ғылыми кеңес шешімінің негізінде ЖОО ректорының бұйрығымен бекітіледі.

      Магистранттың ғылыми жетекшісінің ғылыми дәрежесінің болуы және ғылымның осы саласында (магистранттың оқу мамандығы бойынша) ғылыми зерттеулермен белсенді түрде шұғылдануы тиіс. Қажет болған жағдайда ұқсас ғылым саласы бойынша ғылыми консультанттар тағайындалады.

      85. ЖОО магистранттың зерттеу нәтижелерін жариялауға көмек көрсетеді.

6М11 - "Денсаулық сақтау және әлеуметтік қамсыздандыру (медицина)" топтарының мамандықтары бойынша магистратураның білім беру бағдарламаларын меңгеруге ынталы тұлғалардың алдыңғы білім деңгейіне қойылатын талаптар

      Ескерту. 1-қосымша жаңа редакцияда – ҚР Денсаулық сақтау министрінің 11.10.2018 № ҚР ДСМ-26 (алғашқы ресми жарияланған күнінен кейін қолданысқа енгізіледі) бұйрығымен.

6М11 - "Денсаулық сақтау және әлеуметтік қамтамасыз ету (медицина)" топтың медициналық мамандықтар бойынша бейіндік және ғылыми және педагогикалық бағыттағы магистратураның білім беру бағдарламасының мазмұны

      Ескерту. 2-қосымша жаңа редакцияда – ҚР Денсаулық сақтау министрінің 11.10.2018 № ҚР ДСМ-26 (алғашқы ресми жарияланған күнінен кейін қолданысқа енгізіледі) бұйрығымен.

Бейінді магистратураны бітірген және педагогикалық қызметке
рұқсат алуға ниет білдірген тұлғалар үшін педагогикалық
бейіндегі білім беру бағдарламасының мазмұны

Ғылыми және педагогикалық магистратураның білім беру
бағдарламасының компоненттерін бөлу нормасы

Оқу мерзімі 1 жыл болатын бейінді магистратураның білім
беру бағдарламасының компоненттерін бөлу нормасы

Оқу мерзімі 1,5 жыл бейіндік магистратураның білім беру
бағдарламасының компоненттерін бөлу нормасы

Фармацевтикалық мамандықтар бойынша магистратураның
мемлекеттік жалпыға міндетті білім беру стандарты
1. Жалпы ережелер

      1. Осы фармацевтикалық мамандықтар бойынша магистратураның мемлекеттік жалпыға міндетті білім беру стандарты (бұдан әрі - Стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектің Кодексінің 175-бабының 3-тармағына сәйкес әзірленді және магистратураның білім беру бағдарламаларының мазмұнына, магистранттардың білім траекториясына, білім беру құрылымы мен мазмұнына, магистранттардың даярлық деңгейін және 6M11 "Денсаулық сақтау және әлеуметтік қамсыздандыру (медицина)" мамандықтары бойынша академиялық дәрежелерін бағалауға қойылатын талаптарды белгілейді.

      Осы стандартта мынадай терминдер мен анықтамалар қолданылады:

      11) дескрипторлар (descriptors) - студенттердің жоғары және жоғары оқу орнынан кейінгі білімнің тиісті деңгейінің (сатысының) білім беру бағдарламаларын аяқтаған соң ие болатын білім, білік, дағды және құзыретінің деңгейлері мен көлемінің сипаттамасы, дескрипторлар оқыту нәтижелеріне, қалыптасқан құзыреттерге, сондай-ақ кредиттерінің жалпы санына (сынақ бірліктеріне) негізделеді;

      12) кредит (Credit, Credit-hour) - білім алушының/оқытушының оқу жұмысы көлемін өлшейтін сәйкестендірілген бірлігі;

      13) құзыреттер - студенттердің оқыту процесі кезінде алған білім, шеберлік және дағдысын кәсіптік қызметте практикалық тұрғыдан қолдана білу қабілеті;

      14) магистратура - тиісті мамандығы бойынша "магистр" академиялық дәрежесі беріле отырып, ғылыми және педагог кадрлар даярлауға бағытталған, жоғары оқу орнынан кейінгі білім берудің кәсіптік білім беретін оқу бағдарламасы;

      15) магистрант - магистратурада білім алаушы адам;

      16) магистрлік диссертация - магистранттың ғылымның тиісті саласында нақты мамандықтың өзекті проблемаларының бірін өзіндік ғылыми зертеудің нәтижелер тұжырымынан тұратын шығарылым жұмысы;

      17) постреквизиттер - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

      18) пререквизиттер - оқылатын пәнді игеру үшін қажетті білім, икемділіктер мен дағдыларды қамтитын пәндер;

      19) эдвайзер - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы.

      2. 6M11 "Денсаулық сақтау және әлеуметтік қамсыздандыру (медицина)" топтың фармацевтикалық мамандықтары бойынша магистратураның білім беру бағдарламаларын ведомостволық бағыныстылығы мен меншік нысанына қарамастан, магистратураның тиісті мамандықтары бойынша білім беру қызметін жүргізуге құқық беретін лицензиясы бар жоғары оқу орындары (бұдан әрі - ЖОО) іске асырады.

      3. Қазақстан Республикасының ЖОО-лары:

      1) осы Стандартқа және магистратураның мамандықтарының үлгілік оқу жоспарларына;

      2) оқу жұмыс жоспарларына;

      3) академиялық күнтізбеге;

      4) магистранттардың жеке оқу жоспарларына;

      5) пәндер бойынша оқу бағдарламаларына;

      6) магистранттың жеке жұмыс жоспарына сәйкес магистрлерді даярлауды жүзеге асырады.

      4. Магистратурада ғылыми және педагогикалық және басқарушылық кадрларды даярлау екі бағыт бойынша жүзеге асырылады:

      1) 2 жыл оқу мерзіммен ғылыми және педагогикалық;

      2) оқу мерзімі кемінде 1 жыл бейінді.

      Магистратурада оқу мерзімін алдыңғы даярлық деңгейінің білім беру бағдарламасы бейінінің сәйкестігіне және пререквизиттерінің болуына қарай ЖОО-лар өз бетінше түзетеді.

      5. Магистратурада білім алу тек күндізгі оқу нысанында жүзеге асырылады.

      6. Магистратураның білім беру бағдарламасын меңгерген және магистрлік диссертациясын көпшілік алдында қорғаған тұлғаға "денсаулық сақтау магистрі" академиялық дәрежесі беріледі.

      Магистратураның білім беру бағдарламасын меңгерген және магистрлік диссертациясын көпшілік алдында қорғаған тұлғаға "Медицина ғылымының магистрі" академиялық дәрежесі беріледі.

      7. 6M11 "Денсаулық сақтау және әлеуметтік қамсыздандыру (медицина)" топтың фармацевтикалық мамандықтары бойынша магистратураның білім беру бағдарламаларын меңгеруге ниет білдіруші тұлғалардың алдыңғы білім деңгейіне қойылатын талаптар осы Стандартқа 1-қосымшада келтірілген.

      8. Магистратура мамандықтары шеңберінде ЖОО-лар 2007 жылдың 15 мамырындағы Қазақстан Республикасының Еңбек кодексінің 138-5-бабының 3-тармағына сәйкес кәсіби стандарттарына сәйкес әртүрлі білім беру бағдарламаларын өз бетінше әзірлейді.

      Білім беру бағдарламалары оқыту нәтижесіне бағдарланған.

2. Білім алушылардың дайындық деңгейiне қойылатын талаптар

      9. Оқыту нәтижелері дескрипторлардың үшінші деңгейі (магистратура) негізінде айқындалады және құзыреттер арқылы көрсетіледі. Оқыту нәтижелері бағдарламаның барлық деңгейінде де, жеке пәннің, модульдің деңгейінде де қалыптасады.

      Екінші деңгейдегі дескрипторлар:

      1) жоғары бiлiм деңгейінде меңгерген, ғылыми зерттеулер контексiнде идеяларды қолдану немесе өзіндік дамыту үшiн негiз немесе мүмкiндiк болып табылатын, дамытылып отыратын бiлiмі мен түсiнігін көрсете білу;

      2) зерттеп отырған саламен байланысты контекстер мен одан да кеңірек (немесе пәнаралық) салаларда жаңа немесе белгісіз жағдайлардағы проблемаларды шешуде бiлiмін, түсінігін және қабілетін қолдана алу;

      3) бiлiмдi интеграциялау, қиындықтарды жеңе білу және толық емес немесе шектеулі ақпарат негізінде тұжырымдамалар жасау, осы тұжырымдамалар мен білімін этикалық және әлеуметтік жауапкершілікті ескере отырып қолдана білу;

      4) білім алуды өздігінен жалғастыру қабілеттерінің болуын көздейді.

      10. Бейінді магистратураны бiтiрушiлердің негізгі құзыреттіліктері:

      1) мынадай:

      ғылыми танымның дамуындағы қазiргi үрдістер туралы;

      денсаулық сақтаудың әдіснамалық және философиялық өзекті проблемалары және оларды шешудің заманауи әдістері туралы;

      жаһандану процестерінің қарама-қайшылықтары мен әлеуметтiк-экономикалық салдары туралы;

      әлемдік бизнес серіктестiктің экономикалық, саяси, құқықтық, мәдени және технологиялық ортасының қазiргi жай-күйі туралы;

      кәсiпорынды стратегиялық басқаруды ұйымдастыру, инновациялық менеджмент, көшбасшылық теориялары туралы;

      денсаулық сақтау ұйымының жұмыс істеуінің негiзгi қаржылық-шаруашылық проблемалары туралы;

      Деректерді статистикалық талдаудың заманауи әдістері туралы түсінігі болуы тиіс.

      2) мыналарды:

      ғылыми танымның әдiснамасын;

      денсаулық сақтауды өзгертетін негiзгi қозғаушы күштерді;

      денсаулық сақтауды дамыту үрдістері мен әлемдегі және Қазақстан Респбликасында медициналық ғылымның заманауи жағдайын;

      инвестициялық ынтымақтастықтың ерекшелiктері мен ережелерiн;

      денсаулық сақтау саласында зерттеу қызметінің негізгі қағидаттары;

      ғылыми зерттеулер мен практикалық қызметті жүзеге асыруға мүмкiндiк беретін кемінде бір шет тiлiн кәсiптік деңгейде білуі қажет;

      3) мыналарды:

      кәсiптік қызметте танымның ғылыми әдiстерiн қолдана білуі;

      процестер мен құбылыстарды зерттеудiң қолданыстағы тұжырымдамаларын, теориясы мен әдістерін сын-көзбен талдай білуі;

      әртүрлi пәндер бойынша меңгерген бiлiмді интеграциялауы, оларды жаңа белгісіз жағдайларда аналитикалық және басқарушылық мәселелерді шешуде қолдана білуі;

      кәсiпорынның шаруашылық жұмысына микроэкономикалық талдау жүргiзе алуы және оның нәтижелерiн денсаулық сақтау ұйымын басқаруда қолдана білуі;

      маркетинг пен менеджменттi ұйымдастырудың жаңа әдістерін практикада қолдана алуы;

      денсаулық сақтау ұйымының шаруашылық жұмысын ұйымдастыру мен басқарудағы қиын және қалыптан тыс жағдайларда шешiм қабылдай білуі;

      денсаулық сақтау саласындағы экономикалық қатынастарды реттеудегi Қазақстан Республикасының заңнамалық нормаларын практикада қолдана білуі;

      жаңа проблемалар мен жағдайларды шешуде креативтi ойлауы және шығармашылықпен қарауы;

      ақпараттық-аналитикалық және ақпараттық-библиографиялық жұмысты қазiргi ақпараттық технологияларды қолданып жүргізуі;

      кәсіптік қызмет саласында кешенді кешенді пәнаралық, сектораралық проблемаларды шешу;

      диссертация, мақала, есеп, аналитикалық жазбалар және т.б. түрінде эксперименталды-зерттеу және аналитикалық жұмыс нәтижелерін жалпылай білуі тиіс;

      20) мынадай:

      қалыпты ғылыми және кәсiптік міндеттерді шешу;

      ұйымдар мен денсаулық сақтау ұйымдарында экономикалық қызметiн ұйымдастыруда және басқаруда ғылыми талдау және практикалық мәселелерді шешу;

      менеджмент және маркетинг саласында проблемаларды зерттеу және алынған нәтижелерді денсаулық сақтау ұйымдарын басқару әдiстерiн жетiлдiру үшiн қолдану;

      кәсiптік қарым-қатынас және мәдениетаралық байланыс;

      шешендік өнер, өз ойын ауызша және жазбаша түрде дұрыс және логикалық ресiмдеу;

      күнделiктi кәсiптік қызметте және докторантурада білімін жалғастыру үшін қажет бiлiмін кеңейту және тереңдету;

      кәсiптік қызмет саласында ақпараттық және компьютерлік технологияларды пайдалану дағдысының болуы тиіс;

      5) мынадай:

      мамандық бойынша зерттеу әдіснамасы саласында;

      жаһандық және ұлттық денсаулық сақтаудың заманауи проблемалары саласында;

      денсаулық сақтау ұйымының қызметiн ұйымдастыру мен басқаруда;

      әртүрлi ұйымдармен, оның ішінде мемлекеттiк қызмет органдарымен өндiрiстiк байланыстарды жүзеге асыруда;

      бiлiмнің үнемі жаңаруын қамтамасыз ету, кәсiптік дағдыны және біліктілікті тереңдету тәсілдерінде құзыретті болуы қажет.

      11. Ғылыми және педагогикалық магистратура бiтiрушiлерінің негізгі құзыреттіліктеріне қойылатын талаптар:

      1) мынадай:

      денсаулық сақтау саласын дамытуда ғылым және бiлiмнiң рөлі туралы;

      ғылыми танымның дамуындағы қазiргi үрдістер туралы;

      денсаулық сақтау және медициналық ғылымның әдіснамалық және философиялық өзекті проблемалары туралы;

      медициналық ЖОО-ларда пәндерді оқытудың кәсiби құзыреттілігі туралы;

      жоғары мектеп оқытушысының кәсіби құзыреттілігі туралы;

      жаһандану процестерінің қарама-қайшылықтары мен әлеуметтiк-экономикалық салдары туралы түсінігі болуы керек;

      2) мыналарды:

      ғылыми танымның әдiснамасын;

      ғылыми қызметті ұйымдастырудың қағидаттары мен құрылымын;

      оқыту процесінде студенттердің танымдық қызметінің психологиясын:

      азаматтардың денсаулығын сақтау туралы заңнаманы және медицина қызметкерлерінің қызметінің құқықтық негіздерін;

      медициналық және биологиялық зерттеулерде сандық және сапалық талдау әдістерін;

      оқыту тиімділігі мен сапасын арттырудың психологиялық әдістері мен құралдарын білуі тиіс;

      3) мыналарды:

      алған білімін ғылыми зерттеулер контекстiнде идеяларды қолдану немесе өзіндік дамыту үшiн қолдана білуі;

      процестер мен құбылыстарды зерттеудiң қолданыстағы тұжырымдамаларын, теориясы мен әдістерін сын-көзбен талдай алуы;

      әртүрлі пәндер аясында алған білімін жаңа таныс емес жағдайларда зерттеу мәселелерін шешуде интеграциялауы;

      бiлiмді интеграциялау жолымен, толық емес немесе шектеулі ақпараттар негiзiнде тұжырымдама жасап, шешiм қабылдай алуы;

      жоғары мектеп педагогикасы мен психологиясынан алған бiлiмін өз педагогикалық қызметiнде қолдана білуі;

      оқытудың интерактивті әдiстерін қолдана білуі;

      ақпараттық-аналитикалық және ақпараттық-библиографиялық жұмысты қазiргi ақпараттық технологияларды қолданып жүргізуі;

      жаңа проблемалар мен жағдайларды шешуде креативтi ойлауы және шығармашылықпен қарауы;

      ғылыми зерттеулер жүргізуге және ЖОО-да арнайы пәндер бойынша сабақ жүргізуді жүзеге асыруға мүмкіндік беретіндей кәсіптік деңгейде шет тілін еркін меңгеруі;

      диссертация, ғылыми мақала, есеп, аналитикалық жазбалар және т.б. түрінде ғылыми-зерттеу және аналитикалық жұмыс нәтижелерін жалпылай білуі тиіс;

      4) мынадай:

      ғылыми-зерттеу әрекеттері, қалыпты ғылыми мәселерді шешу;

      кредиттік оқыту технологиясы бойынша білім беру және педагогикалық қызметті жүзеге асыру;

      кәсiптік пәндердi оқыту әдiстемесі;

      білім беру процесінде қазiргi ақпараттық технологияларды қолдану;

      кәсiптік қарым-қатынас және мәдениетаралық байланыс;

      шешендік өнер, өз ойын ауызша және жазбаша түрде дұрыс және логикалық тұрғыдан ресiмдеу;

      күнделiктi кәсiптік қызметте және докторантурада білімін жалғастыру үшін бiлiмін кеңейту және тереңдету дағдысының болуы қажет;

      5) мына:

      денсаулық сақтау аясында ғылыми зерттеулердің әдіснамасы саласында;

      ЖОО-дағы ғылыми және ғылыми-педагогикалық қызмет саласында;

      қазiргi бiлiм беру технологияларына қатысты мәселелерде;

      кәсiптік салада ғылыми жобалар мен зерттеулерді орындауда;

      бiлiмдi үнемі жаңартуды, кәсiптік дағды мен білікті кеңейтуді қамтамасыз ету әдістерінде құзыретті болуы тиіс.

      12. Магистратураның әр мамандығы бойынша арнайы құзыреттер жұмыс берушілер талаптары мен қоғамның әлеуметтік сұраныстарын ескере отырып анықталады.

      13. Міндетті ең төмен мен ЖОО ұсынатын оқу жүктемесінің көлемі аясында алынған білім деңгейі әртүрлі бақылау түрлері арқылы қамтамасыз етіледі.

      14. Магистранттардың білімін, іскерлігін, дағдысын және құзыреттерін бақылау оларды қорытынды аттестаттау кезінде жүргізіледі.

      15. Магистранттарды қорытынды аттестаттау академиялық күнтізбеде және мамандықтардың оқу жоспарында қарастырылған мерзімде кешендi емтихан тапсыру және магистрлiк диссертацияны қорғау нысанында өткізіледі.

      16. Кешенді емтихан диссертация қорғауға дейін 1 ай қалғаннан кешіктірмей өткізіледі. Мамандық бойынша кешенді емтиханға магистратураның білім беру бағдарламасындағы бейіндеуші пәндер циклдерінің пәндері кіреді.

      17. Магистрлік диссертацияны қорғау рәсімін ЖОО-дағы білім алушылардың үлгерімін ағымдағы бақылау, аралық және қорытынды аттестаттау жүргізудің үлгі ережесіне сәйкес ЖОО-ның өзі анықтайды.

      18. Магистратураның оқу бағдарламасы бойынша оқуды аяқтаған тұлғаларға "магистр" академиялық дәрежесі және қосымшасы (транскрипт) бар мемлекеттік үлгідегі диплом тапсырылады.

      ЖОО бітірушіге дипломға жалпыеуропалық қосымша (Diploma Supplement) бере алады.

3. Білім беру мазмұнына қойылатын талаптар

      19. Магистратураның білім беру бағдарламасының құрылымы білім мазмұнын анықтайтын оқу және ғылыми жұмыстардың түрлерінен тұрады және олардың ара қатынасын, өлшемін және есебін көрсетеді.

      20. Магистратураның білім беру бағдарламасы:

      1) базалық және бейіндеуші пәндер циклдерін меңгеруді қамтитын теориялық оқыту;

      2) магистранттардың практикалық даярлығы: практика, кәсіптік тағылымдама түрлері;

      3) ғылыми және педагогикалық магистратура үшін магистрлік диссертацияның орындалуын қамтитын ғылыми-зерттеу жұмысы;

      4) бейіндік магистратура үшін магистрлік диссертацияның орындалуын қамтитын эксперименталды-зерттеу жұмысы;

      5) аралық және қорытынды аттестаттауды қамтиды.

      21. Білім беру бағдарламалары мамандық пен пәндердің оқу-әдістемелік кешендерінің негізінде жүзеге асырылады. Мамандық пен пәндердің оқу-әдістемелік кешендерінің нысаны, құрылымы және әзірлеу тәртібін білім беру ұйымы өзі анықтайды.

      22. Барлық жұмыс түрлерінің еңбек сыйымдылығын есептеу меңгерілген материалдың көлемі бойынша жүзеге асады және оқудың нақты нәтижесіне жетуге қажетті магистранттар мен оқытушылардың еңбек шығындарының өлшем бірлігі болып табылатын кредиттермен өлшенеді.

      Бұл ретте алдыңғы білім деңгейлерінде игерілген кредиттерді ескеретін жинақтаушы кредиттік жүйе қолданылады.

      23. Магистранттың магистратураға түсер алдында магистратураның тиісті кәсіптік оқу бағдарламасын меңгеруге қажетті барлық пререквизиттері болуы тиіс. Қажетті пререквизиттер тізбесін ЖОО өзі анықтайды.

      24. Оқу процесін кредиттік оқыту технологиясы бойынша ұйымдастыру кезінде әр оқу пәнінің көлемі кредиттің бүтін санын құрауы тиіс. Бұл ретте пән, әдетте, кемінде 2 немесе 3 кредит көлемімен бағаланады.

      25. Магистратураның оқу жоспарларының барлық нысандарында оқу пәндерін кодтаудың бірыңғай жүйесі қолданылады.

      26. Әрбiр оқу пәнінің қайталанбайтын бір атауы болуы тиіс. Ол бiр академиялық кезеңде меңгеріліп, аяқталған соң магистрант емтихан нысанындағы қорытынды бақылауды тапсырады, ал кәсіптік практиканың барлық түрлері, курстық жұмыстар (жобалар), магистранттардың ғылыми-зерттеу (эксперименталдық-зерттеу) жұмыстары бойынша дифференциалды сынақ тапсырады.

      27. Магистратураның білім беру бағдарламалары пәндерді оқудың модульді жүйесі негізінде жобаланады.

      28. Базалық пәндер циклі (бұдан әрі - БП) міндетті компонент пен таңдау компоненті пәндерінен тұрады.

      29. Ғылыми және педагогикалық бағыттағы магистратурада БП циклінің көлемі үлгілік оқу жоспарының жалпы көлемінің 48%-ын құрайды, оның ішінде 60% міндетті компонент пәндеріне, ал 40% таңдау компоненті пәндеріне тиесілі.

      Бейіндік бағыттағы магистратурада БП циклінің көлемі үлгілік оқу жоспарының жалпы көлемінің 44%-ын (оқу мерзімі 1 жыл) және 28%-ын (оқу мерзімі 1,5 жыл) құрайды, оның ішінде 75% және 80% міндетті компонент пәндеріне, ал 25% және 20% таңдау компоненті пәндеріне тиесілі.

      30. Ғылыми және педагогикалық бағыттағы магистратурада бейіндеуші пәндер циклінің көлемі үлгілік оқу жоспарының жалпы көлемінің 52%-ын құрайды, оның ішінде 36%-ы міндетті компонент пәндеріне және 64%-ы таңдау компоненті пәндеріне тиесілі.

      Бейіндік бағыттағы магистратурада бейіндеуші пәндер циклінің көлемі үлгілік оқу жоспарының жалпы көлемінің 56%-ын (оқу мерзімі 1 жыл) және 72%-ын (оқу мерзімі 1,5 жыл) құрайды, оның ішінде 20% және 18% міндетті компонент пәндеріне, ал 80% және 82% тиісінше таңдау компоненті пәндеріне тиесілі.

      31. Міндетті компонент пәндерінің тізбесі осы бұйрыққа 7-қосымша медициналық және фармацевтикалық мамандықтар бойынша магистратураның үлгілік кәсіптік оқу бағдарламасының 8-қосымшада келтірілген үлгілік оқу жоспарымен айқындалады. Міндетті компонент пәндерінің көлемін қысқартуға жол берілмейді.

      32. Таңдау компоненті пәндерінің тізбесін ЖОО өзі анықтайды. Бұл ретте жұмыс берушілердің талаптары мен еңбек нарығының сұранысы ескеріледі.

      33. 6М11 - "Денсаулық сақтау және әлеуметтік қамтамасыз ету (медицина)" топтың фармацевтикалық мамандықтар бойынша бейіндік және ғылыми және педагогикалық бағыттағы магистратураның білім беру бағдарламасының мазмұны осы Стандартқа 2-қосымшаға сәйкес белгіленеді.

      34. Бейіндік магистратураны бітірген магистрант педагогикалық қызметке кәсіптік педагогикалық бейіндегі бағдарламаларды қосымша меңгеріп, негізгі дипломға қосымша тиісті куәлік берілгеннен кейін ғана жіберіледі.

      35. Бейінді магистратураны бітірген және педагогикалық қызметке рұқсат алуға ниет білдірген тұлғалар үшін педагогикалық бейіндегі білім беру бағдарламасының мазмұны осы Стандартқа 3-қосымшаға сәйкес белгіленеді.

      36. Магистратурада оқыту мемлекеттік, орыс және ағылшын тілдерінде жүргізіледі. Оқу тілін магистранттың өзі таңдайды.

      37. Білім беру қызметін ұйымдастыру оқу процесін, білім беру мазмұнын жоспарлау, оқу сабақтарын жүргізу тәсілдерін, магистранттың өзіндік жұмысын, олардың оқу жетістіктерін қорытынды бақылау нысандарын таңдау арқылы жүзеге асады.

      38. Білім беру мазмұнының құрылымы білім берудің есептеу-өлшегіш құралдары: оқу жоспары мен бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне, оқу материалының көлеміне қойылатын талаптарға сәйкес анықталады.

      39. Білім беру қызметін жоспарлау мен ұйымдастыру оқу жоспарының негізінде жүзеге асырылады.

      Оқу жоспарлары үлгілік (бұдан әрі - ҮОЖ), жеке (бұдан әрі - ЖОЖ) және жұмыстық (бұдан әрі - ОЖЖ) болып бөлінеді.

      40. ҮОЖ-да міндетті компоненттің әрбір оқу пәнінің еңбек сыйымдылығы және әрбір оқу қызметінің түрі (практика, магистрлік диссертацияның орындалуын қамтитын магистранттың ғылыми-зерттеу жұмысы бұдан әрі - (МҒЗЖ) (магистрлік диссертацияның орындалуын қамтитын магистранттың экспериментті- зерттеу жұмысы (бұдан әрі - МЭЗЖ)), кешендi емтихан, магистрлік диссертацияны жазу және қорғау) кредитпен анықталады, ал оқу пәндерінің әр циклі бойынша таңдау компоненті кредиттердің жалпы санымен көрсетіледі.

      41. ҮОЖ-ға қосымша жыл сайын ЖОО таңдау компонентіндегі барлық пәндердің жүйеленген, аннотацияланған тізімі болып табылатын элективті пәндер каталогын (бұдан әрі - ЭПК) жасайды.

      ЭПК-де әр оқу пәнінің пререквизиттері мен постреквизиттері көрсетіледі. ЭПК магистранттарға элективті оқу пәндерін баламалы таңдау мүмкіндігін қамтамасыз етуі тиіс.

      42. Мамандық бойынша ҮОЖ мен ЭПК негізінде магистрант эдвайзердің көмегімен ЖОЖ құрады. ЖОЖ әрбір магистранттың жеке білім алу траекториясын анықтайды.

      ЖОЖ-ға ҮОЖ-дан міндетті компонент пәндері мен оқу әрекетінің түрлері (практикалар, МҒЗЖ (МЭЗЖ), кешенді емтихан, магистрлік диссертацияны ресімдеу және қорғау) және ЭПК-дан таңдау компоненті пәндері кіреді.

      43. ОЖЖ оқу жылына мамандықтардың ҮОЖ-ы мен магистранттардың ЖОЖ-ы негізінде жасалады және оны Ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен санағандағы еңбек сыйымдылығы, оқытылу реті, оқу сабақтарының түрлері, бақылау нысандары, сондай-ақ оқу қызметінің басқа да түрлері (практикалар, МҒЗЖ (МЭЗЖ), кешенді емтихан, магистрлік диссертацияны ресімдеу және қорғау) айқындалады.

      ОЖЖ оқу сабақтарының кестесін құруға және оқытушының оқу жұмысының еңбек сыйымдылығын есептеуге негіз болады.

      44. ЭПК, ЖОЖ және ОЖЖ-ның нысанын, құрылымын, әзірлеу және бекіту ретін ЖОО өзі анықтайды.

      45. Барлық оқу пәндерінің мазмұны оқу бағдарламаларымен анықталады. Оқу бағдарламалары үлгілік, жұмыс және силлабус болып бөлінеді.

      46. Үлгілік кәсіптік оқу бағдарламалары (бұдан әрі - ҮКОБ) міндетті компонент пәндері бойынша әзірленеді және оларды "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес денсаулық сақтау саласындағы уәкілетті орган бекітеді.

      47. Жұмыс оқу бағдарламалары мен силлабустар (магистранттарға арналған пән бағдарламалары) оқу жоспарының барлық пәндері бойынша әзірленеді және оларды ЖОО бекітеді. Бұл ретте, оларды әзірлеу міндетті компонент пәндері бойынша үлгілік оқу бағдарламалары негізінде жүзеге асырылады, ал таңдау компонентінің пәндері бойынша ЖОО өзі әзірлейді. Жұмыс оқу бағдарламалары мен силлабустардың формасын, құрылымын, әзірлеу және бекіту тәртібін ЖОО-ның өзі анықтайды.

      48. Магистрант ғылыми жетекшісінің көмегімен жасалатын жеке жұмыс жоспары негізінде оқиды.

      49. Магистранттың жеке жұмыс жоспары оқудың толық кезеңіне жасалады және мынадай бөлімдерден тұрады:

      1) ЖОЖ (қажет болған жағдайда жыл сайын нақтыланады);

      2) ғылыми-зерттеу (эксперименталды-зерттеу) жұмысы (тақырыбы, зерттеу бағыты, мерзімі және есеп беру нысаны);

      3) практика (бағдарламасы, базасы, мерзімі және есеп беру нысаны);

      4) негіздемесі мен құрылымы көрсетілген магистрлік диссертация тақырыбы;

      5) магистрлік диссертацияны орындау жоспары;

      6) ғылыми жарияланымдар мен тағылымдамалардан өту жоспары.

      50. Магистратурадағы оқу сабақтары инновациялық технологиялар мен оқытудың интерактивті әдістерін қолдана отырып жүргізілуі тиіс.

      51. Оқу процесін жоспарлау кезінде ЖОО білім беру бағдарламасы компоненттерін бөлу нормаларын осы стандартқа 4-қосымшаға (ғылыми және педагогикалық бағыттар үшін), 5-қосымшаларға (бейіндік магистратура үшін, оқу мерзімі 1 жыл) және 6-қосымшаларға (бейіндік магистратура үшін, оқу мерзімі 1,5 жыл) сәйкес басшылыққа алады.

4. Білім алушылардың оқу жүктемесінің ең жоғары көлеміне
қойылатын талаптар

      52. Магистранттың оқу жүктемесінің көлемі оның оқу жылы ішінде әр пән немесе оқу жұмысының түрі бойынша игеретін кредит санымен өлшенеді.

      53. ПОҚ оқу жүктемесін жоспарлау кредитпен немесе аудиториялық оқу сабақтарын кесте бойынша немесе оқу жұмысының басқа түрлері үшін жеке бекітілген график бойынша оқытушының магистранттармен байланыс жұмысының уақытын білдіретін академиялық сағаттармен жүзеге асырылады.

      54. Магистранттардың оқу жүктемесі академиялық сағаттардың ұзақтығымен және оқу жұмыстарының түрлері үшін академиялық сағатпен ілесе жүретін оқу сағаттарының көлемдерімен (50 минуттық байланыс сағаттары) анықталады.

      Магистранттардың аудиториялық жұмысының академиялық сағаттары тиісті МӨЖ сағаттарымен толығады, осылайша бір кредитке магистранттың семестр түріндегі академиялық кезеңінің бір аптасындағы жиынтық оқу жүктемесі 3 сағатқа тең болады.

      Практиканың әр академиялық сағаты магистранттың қосымша жұмысының тиісті оқу сағаттарымен (50 минуттан) толықтырылады: педагогикалық практика үшін - 1 сағат, өндірістік практика үшін - 4 сағат және зерттеу практикасы үшін - 7 сағат.

      Магистранттың ғылыми-зерттеу (эксперименталды-зерттеу) жұмысының, магистранттың магистрлiк диссертацияны орындауын қоса алғанда, әрбiр академиялық сағаты 7 сағаттық МӨЖ-бен толықтырылады.

      Магистрантты қорытынды аттестаттаудың әр академиялық сағаты магистрлік диссертацияны жазу және қорғау немесе кешенді емтиханға дайындық және оны тапсыру бойынша магистранттың оқытушымен байланыс жұмысының бір сағаты (50 минут) болып табылады. Магистрантты қорытынды аттестаттаудың әр академиялық сағаты 6 сағаттық МӨЖ-бен қамтамасыз етіледі.

      55. Студиялық және зертханалық сабақтардан өзге аудиториялық жұмыстың бір академиялық сағаты 50 минутқа тең. Студиялық сабақтар үшін бір академиялық сағат 75 минутқа және зертханалық сабақтар үшін 100 минутқа тең.

      Магистрант практикасының барлық түрлерінің, ғылыми-зерттеу (эксперименталды-зерттеу) жұмысының және қорытынды аттестаттаудың бір академиялық сағаты 50 минутқа тең.

      56. Оқу жұмысының көлемін жоспарлау кезінде бір кредит:

      1) семестр түріндегі академиялық кезең бойындағы магистранттың аудиториялық жұмысының;

      2) кәсiби практика кезеңіндегі магистранттың оқытушымен жұмысының;

      3) ғылыми-зерттеу (эксперименталды-зерттеу) жұмысы кезеңіндегі магистранттың оқытушымен жұмысының;

      4) магистранттың магистрлiк диссертацияны жазу және қорғау бойынша жұмысының;

      5) магистранттың кешенді емтиханға дайындық және оны тапсыру кезіндегі жұмысының 15 академиялық сағатына тең екенін ескеру қажет.

      57. Кредиттік оқыту технологиясында магистранттардың өздігінен орындайтын жұмысының көлемі артады, ол екі түрге бөлінеді: оқытушының жетекшілігімен жүргізілетін магистранттың өзіндік жұмысы (ОМӨЖ) және магистранттың өзі орындайтын жұмысы (МӨЖ).

      58. Оқытушының жетекшілігімен жүргізілетін магистранттың өзіндік жұмысы жеке график бойынша оқытушымен байланыста орындалатын магистранттың аудиториядан тыс жұмыс түрі болып табылады және жалпы оқу кестесіне енбейді. ОМӨЖ барысында оқу бағдарламасындағы анағұрлым қиын сұрақтар, үй тапсырмалары, курстық жобалар (жұмыстар) бойынша консультациялар өткізіледі, МӨЖ тапсырмаларының орындалуына бақылау жүргізіледі.

      59. ОМӨЖ бен МӨЖ-дің өзіндік жұмыстың жалпы көлеміндегі арақатынасын ЖОО өзі анықтайды.

      60. Дәріс пен практикалық (семинар) сабақтар кезіндегі магистранттың оқытушымен жұмысының байланыс сағаттары жиынтығында әр байланыс сағаты 2 сағат МӨЖ-бен қамтамасыз етіледі.

      Студиялық және зертханалық сабақтар, магистранттың ғылыми-зерттеу (эксперименталды-зерттеу) жұмыстары, қорытынды аттестаттау сияқты оқу жұмысының түрлері үшін МОӨЖ сағаттарын жоспарлау қажеттілігін және оның көлемін ЖОО өзі белгілейді (мысалы, магистрлік диссертацияны орындау барысын бақылау үшін).

      61. Оқу жылы академиялық кезеңдерден, аралық аттестаттау кезеңінен, практикалардан, демалыстардан, магистранттың ғылыми-зерттеу (эксперименталды-зерттеу) жұмысынан және соңғы курста қорытынды аттестаттаудан тұрады.

      62. Академиялық кезең ұзақтығы 15 апта болатын семестрден тұрады.

      63. Әр академиялық кезеңнен кейінгі аралық аттестаттаудың ұзақтығы кемінде 2 аптаны құрайды.

      64. Аралық аттестаттау кезеңінде барлық оқытылған пәндер бойынша қорытынды бақылау жүргізіледі және ағымдағы үлгерім бағаларын (ағымдағы және межелік бақылаулар бойынша бағалардың арифметикалық ортасы) ескере отырып, пәндердің қорытынды бағалары шығарылады.

      Пән бойынша қорытынды бағада ағымдағы үлгерім бағасының үлесі 60 %-дан, ал қорытынды бақылау бағасының үлесі 30 %-дан кем болмауы тиіс.

      65. Оқу жылы ішіндегі демалыс ұзақтығы соңғы курсты қоспағанда, курстарда 7 аптадан кем болмауы тиіс.

      66. Магистранттардың кәсіби практикасы бекітілген академиялық күнтізбе мен магистранттың жеке жұмыс жоспарына сәйкес осы стандартпен және мамандық бойынша ҮОЖ-бен белгіленген көлемде жүргізіледі.

      67. Практикалардың ұзақтығы магистранттың практика кезіндегі 30 сағатқа тең апта бойғы (5 күндік жұмыс аптасы кезінде күніне 6 сағат) нормативті жұмыс уақытын есепке ала отырып, аптамен анықталады. Апта санын шығару үшін практиканың кредитпен есептелген көлемін тиісті практика түрінің байланыс сағатымен есептелген еңбек сыйымдылығына көбейту керек және оны магистранттың апта бойғы жұмысының ұзақтығына, яғни 30 сағатқа бөлу керек.

      Практиканың 1 кредитінің еңбек сыйымдылығы педагогикалық практика үшін 30 сағатты (50 минуттан), өндірістік практика үшін 75 сағатты (50 минуттан), зерттеу практикасы үшін 120 сағатты (50 минуттан) құрайды. 1 кредитке сәйкес келетін практиканың ұзақтығы аптамен есептегенде педагогикалық практика үшін 1 аптаны, өндірістік практика үшін 2,5 аптаны, зерттеу практикасы үшін 4 аптаны құрайды.

      68. Магистранттарды қорытынды аттестаттау және МҒЗЖ (МЭЗЖ) аптамен жоспарлау 54 сағатқа тең магистранттардың апта бойғы жұмысының нормативті уақытына (6 күндік жұмыс аптасы кезінде МӨЖ-ді қоса есептегенде күніне 9 сағат) сүйене отырып анықталады.

      МҒЗЖ, МЭЗЖ бір кредитіне магистрант жұмысының 120 (15х8) сағаты, яғни 2,2 апта сәйкес келеді.

      Қорытынды аттестаттаудың бір кредитіне 105 (15х7) сағат, яғни 2 апта сәйкес келеді. Оның ішінде 15 байланыс сағаты магистранттың оқытушымен жұмысына, 90 сағаты МӨЖ-ге бөлінеді.

      Кешенді емтиханға дайындалуға және тапсыруға 1 кредит, яғни 2 апта бөлінеді.

      Магистрлік диссертацияны ресімдеуге және қорғауға 3 кредит, яғни тиісінше 6 апта беріледі. Магистрлік диссертацияны орындау процесінің өзі алдын ала магистранттың ғылыми-зерттеу (эксперименталды-зерттеу) жұмысы барысында жүргізіледі.

      69. Магистранттардың қосымша оқу қажеттіліктерін қанағаттандыру үшін, оқу жоспарларындағы академиялық айырмашылықты немесе академиялық қарызды жою үшін, игерген кредиттері өз ЖОО-да міндетті түрде қайта есепке алынатын жағдайда басқа ЖОО-да оқу пәндерін оқып-үйрену үшін, үлгерімнің орташа балын (GPA) көтеру үшін ұзақтығы кемінде 6 апта жазғы семестр (бітіруші курстан өзге курстарда) енгізілуі мүмкін.

      70. Магистрлер даярлау бойынша білім беру процесінің аяқталуының негізгі өлшемі:

      1) ғылыми және педагогикалық дайындық бойынша - 59-дан кем емес кредитті, оның ішінде теориялық оқытудың 42-ден кем емес кредитін, практиканың 6-дан кем емес кредитін, ғылыми-зерттеу жұмысының 7-ден кем емес кредитін игеруі;

      2) бейіндік дайындық бойынша - кемінде 28 кредитті (оқу мерзімі - 1 жыл) және кемінде 48 кредитті (оқу мерзімі - 1,5 жыл), оның ішінде теориялық оқытудың тиісінше кемінде 18 және 36 кредитін, практиканың тиісінше кемінде 2 және 4 кредитін, эксперименталды-зерттеу жұмысының тиісінше кемінде 4 және 4 кредитін игеруі болып табылады.

      Магистратураның білім беру бағдарламасын мерзімінен бұрын меңгеріп, оған қойылатын талаптарды орындаған жағдайда магистрантқа оқу мерзіміне қарамастан "магистр" академиялық дәрежесі беріледі.

      71. Бейіндік магистратураны бітірген магистрант педагогикалық бейіндегі пәндер циклін меңгеріп, педагогикалық практикадан өткен жағдайда ғана ғылыми және педагогикалық қызмет атқара алады. Осы пәндер циклі және педагогикалық практика қосымша академиялық кезең ішінде меңгеріледі, оны аяқтаған соң негізгі дипломға белгіленген үлгідегі тиісті куәлік қоса беріледі.

      72. Магистратураның білім беру бағдарламасы теориялық оқудың толық курсын меңгерген, бірақ ғылыми-зерттеу компонентін орындамаған магистрантқа келесі оқу жылында ақылы негізде ғылыми-зерттеу компонентінің кредиттерін қайта игеруге және диссертацияны қорғауға мүмкіндік беріледі.

      73. Магистратураның білім беру бағдарламасы теориялық оқытуының толық курсын меңгерген, бірақ белгіленген мерзімде магистрлік диссертациясын қорғамаған магистрантқа магистратурада оқу мерзімі ақылы негізде ұзартылады.

      74. Оқу процесін оқу-әдістемелік және ақпараттық қамтамасыз ету магистранттардың магистратураның білім беру бағдарламасын сапалы меңгеруіне кепілдік беруі тиіс.

      Білім беру бағдарламасын іске асыру халықаралық ақпараттық желілерге, электронды деректер қорларына, кітапхана қорларына, компьютерлік технологияларға, оқу-әдістемелік және ғылыми әдебиеттерге еркін қол жеткізу мүмкіндігімен қамтамасыз етілуі тиіс.

      Кітапхана қоры мен электронды және магнитті тасымалдаушылардағы оқу әдебиеттерімен қамтамасыздандыру білім беру қызметін лицензиялау кезінде қойылатын біліктілік талаптарына сәйкес келуі тиіс.

      75. Ғылыми және педагогикалық магистратурадағы білім беру бағдарламасына практиканың екі түрі кіреді:

      1) білім беру ұйымдарында өткізілетін педагогикалық практика;

      2) диссертацияны орындау орны бойынша өткізілетін зерттеу практикасы.

      Педагогикалық практика оқытудың практикалық дағдылары мен әдістемесін қалыптастыру мақсатында өткізіледі.

      Педагогикалық практика теориялық оқыту кезеңінде оқу процесінен қол үзбей өткізіледі. Осы ретте магистранттар бакалавриатта сабақ жүргізуге тартылуы мүмкін.

      Магистранттың зерттеу практикасы отандық және шетелдік ғылымның жаңа теориялық, әдіснамалық және технологиялық жетістіктерімен, ғылыми зерттеудің, эксперименталды деректерді өңдеу мен интерпретациялаудың қазіргі әдістерімен таныстыру мақсатында жүргізіледі.

      Бейінді магистратураның білім беру бағдарламасы өндірістік практиканы қамтуы тиіс.

      Магистранттың өндірістік практикасы оқу процесінде алған теориялық білімін бекіту, оқып жатқан мамандығы бойынша кәсіптік қызмет дағдыларын, құзыреттері мен тәжірибесін жинақтау, сондай-ақ озық тәжірибені игеру мақсатында өткізіледі.

      Зерттеу (өндірістік) практиканың мазмұны диссертациялық зерттеу тақырыбымен анықталады.

      76. Ғылыми және педагогикалық магистратурадағы ғылыми-зерттеу жұмысы:

      1) магистрлік диссертация қорғалатын мамандықтың негізгі проблемасына сәйкес келуі;

      2) өзектілігі, ғылыми жаңалығы және практикалық маңыздылығының болуы;

      3) ғылым мен практиканың қазіргі теориялық, әдістемелік, технологиялық жетістіктеріне сүйенуі;

      4) ғылыми зерттеудің қазіргі әдістерін қолдану арқылы орындалуы;

      5) негізгі қорғалатын ережелер бойынша ғылыми-зерттеу (әдістемелік, практикалық) бөлімдерінің болуы;

      6) тиісті білім беру саласындағы алдыңғы қатарлы халықаралық тәжірибеге негізделуі тиіс.

      77. Бейіндік магистратурадағы эксперименталдық-зерттеу жұмысы:

      1) магистрлік диссертация қорғалатын мамандықтың негізгі проблемасына сәйкес келуі;

      2) ғылым мен техниканың, өндірістің қазіргі жетістіктеріне негізделуі және нақты практикалық ұсынымдарды, басқарушылық міндеттердің өзіндік шешімдерін қамтуы;

      3) алдыңғы қатарлы ақпараттық технологияларды қолдана отырып орындалуы;

      4) негізгі қорғалатын ережелер бойынша эксперименталды-зерттеу (әдістемелік, практикалық) бөлімдерінің болуы тиіс.

      78. Ғылыми-зерттеу немесе эксперименталды-зерттеу жұмыстарының нәтижесі өтілуіне қарай әрбір академиялық кезеңнің соңында магистранттың есебі түрінде ресімделеді.

      МҒЗЖ (МЭЗЖ) шеңберінде магистранттың жеке жұмыс жоспарында міндетті түрде шетелдік ғылыми тағылымдамадан өтуі қарастырылады.

      79. Магистранттың МҒЗЖ (МЭЗЖ) ең соңғы қорытындысы магистрлік диссертация болып табылады.

      80. Магистрлік диссертацияның негізгі нәтижелері ең кемі бір жарияланымда немесе ғылыми-практикалық конференцияға қатысуында көрінуі тиіс.

      81. Магистрлік диссертацияның мазмұны мен ресімделуіне, оның дайындалуы мен қорғалуына қойылатын талаптарды ЖОО өзі анықтайды.

      82. Магистрлік диссертация міндетті түрде плагиатқа тексерілуден өтуі тиіс, мұндай тексерісті жүргізу қағидалары мен тәртібін ЖОО-ның өзі анықтайды.

      83. ЖОО-ның кадрлық құрамына қойылатын талаптар лицензиялау кезінде білім беру қызметіне қойылатын біліктілік талаптарымен айқындалған.

      ЖОО оқытушысы оқу жоспарлары мен оқу бағдарламаларының талаптарын ұстанған жағдайда оқу сабақтарын ұйымдастыру мен өткізудің әдіс-тәсілдері мен нысандарын, оқытудың әдістерін еркін таңдауға құқылы.

      84. Магистратураға оқуға қабылданғаннан кейінгі екі айдың ішінде магистрлік диссертацияға жетекшілік жасау үшін ғылыми жетекші тағайындалады.

      Ғылыми жетекші және магистранттың зерттеу тақырыбы ғылыми кеңес шешімінің негізінде ЖОО ректорының бұйрығымен бекітіледі.

      Магистранттың ғылыми жетекшісінің ғылыми дәрежесінің болуы және ғылымның осы саласында (магистранттың оқу мамандығы бойынша) ғылыми зерттеулермен белсенді түрде шұғылдануы тиіс. Қажет болған жағдайда ұқсас ғылым саласы бойынша ғылыми консультанттар тағайындалады.

      85. ЖОО магистранттың зерттеу нәтижелерін жариялауға көмек көрсетеді.

6М11 – "Денсаулық сақтау және әлеуметтік қамсыздандыру (медицина)" топтарының
мамандықтары бойынша магистратураның білім беру бағдарламаларын меңгеруге
ынталы тұлғалардың алдыңғы білім деңгейіне қойылатын талаптар

      Ескерту. 1-қосымша жаңа редакцияда – ҚР Денсаулық сақтау және әлеуметтік даму министрінің 29.07.2016 № 661 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

6М11 - "Денсаулық сақтау және әлеуметтік қамтамасыз ету
(медицина)" топтың фармацевтикалық мамандықтар бойынша бейіндік
және ғылыми және педагогикалық бағыттағы магистратураның білім
беру бағдарламасының мазмұны

Бейінді магистратураны бітірген және педагогикалық қызметке
рұқсат алуға ниет білдірген тұлғалар үшін педагогикалық
бейіндегі білім беру бағдарламасының мазмұны

Ғылыми және педагогикалық магистратураның білім беру
бағдарламасының компоненттерін бөлу нормасы

Оқу мерзімі 1 жыл болатын бейінді магистратураның білім беру
бағдарламасының компоненттерін бөлу нормасы

Оқу мерзімі 1,5 жыл бейіндік магистратураның білім беру
бағдарламасының компоненттерін бөлу нормасы

Медициналық мамандықтар бойынша резидентураның мемлекеттік
жалпыға міндетті білім беру стандарты
1. Жалпы ережелер

      1. Осы медициналық мамандықтар бойынша резидентураның мемлекеттік жалпыға міндетті білім беру стандарты (бұдан әрі - Стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес әзірленді және резидентура тыңдаушыларының білім беру бағдарламаларының мазмұнына, білім траекториясына, білім беру құрылымы мен мазмұнына, олардың даярлық деңгейін белгілейді.

      Осы стандартта терминдер мен анықтамалар қолданылады:

      1) біліктілік - білім туралы құжатта көрсетілген кәсіптік қызметті орындау немесе білім алуды жалғастыруға резидентура түлегінің кәсіби даярлығының дәрежесі мен түрі;

      2) жетекші - резидентура тыңдаушыларына бекітілген, академиялық тәлімгердің қызметтерін атқаратын, жеке оқу жоспарын жүзеге асыруға және қалыптастыруға қатысатын, білім алушылардың ғылыми қызметтері мен білім беруші жетекшілігін жүзеге асыратын, жұмысқа орналасуға жәрдемдесетін тұлға. Жетекші кафедраның (бөлімнің) профессорлық-оқытушылық құрамынан немесе бірінші және жоғары санаттағы білікті практикалық денсаулық сақтау қызметкерлерінен тағайындалады;

      3) клиникалық тәлімгер - резидентура тыңдаушыларына қажетті практикалық дағдыларды меңгертуге бекітілген кафедраның (бөлімнің) профессорлық - оқытушылық құрамынан немесе бірінші және жоғары санаттағы білікті практикалық денсаулық сақтау қызметкерлерінен тағайындалатын тұлға;

      4) кредит (Credit, Credit-hour) - білім алушының/оқытушының оқу жұмысы көлемін өлшейтін сәйкестендірілген бірлігі;

      5) құзыреттер - студенттердің оқыту процесі кезінде алған білім, шеберлік және дағдысын кәсіптік қызметте практикалық тұрғыдан қолдана білу қабілеті;

      6) мамандық - білім туралы тиісті құжатпен расталған белгілі бір қызмет түрін анықтау үшін қажетті мақсатты бағыталған даярлығы және жұмыс тәжірибесі, білімі, іскерлігі мен дағды жолымен алынған кешен;

      7) оқытушы - резидентура тыңдаушыларына қажетті практикалық дағдыларды меңгертуге бекітілген, кафедраның (бөлімнің) профессорлық-оқытушылық құрамнан тағайындалатын және резидентурада даярлықты жүзега асыратын тұлға;

      8) постреквизиттер - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

      9) пререквизиттер - оқылатын пәнді игеру үшін қажетті білім, икемділіктер мен дағдыларды қамтитын пәндер;

      10) резидентура - клиникалық мамандықтар бойынша жоғары оқу орнынан кейінгі тереңдетілген медициналық білім алу нысаны;

      11) резидентура тыңдаушысы - резидентураның білім беру бағдарламасын меңгерген маман.

      2. Резидентураның білім беру бағдарламаларын ведомостволық бағыныстылығы мен меншік нысанына қарамастан, резидентураның тиісті мамандықтары бойынша білім беру қызметін жүргізуге құқық беретін лицензиясы бар медициналық білім беру және ғылыми ұйымдары іске асырады.

      3. Қазақстан Республикасының Білім және ғылыми медициналық ұйымдары (бұдан әрі - ұйымдар):

      1) салалық біліктілік шеңбері;

      2) осы Стандартқа, үлгілік кәсіби оқу бағдарламасына және үлгілік оқу жоспарына;

      3) жұмыс оқу жоспарына;

      4) академиялық күнтізбеге;

      5) резидентура тыңдаушыларының жеке оқу жоспарына сәйкес резидентура тыңдаушыларын даярлауды жүзеге асырады.

      4. Резидентурада оқыту ұзақтығы таңдаған мамандығына байланысты 2 жылдан бастап 4 жылға дейінгі уақытты құрайды.

      5. Резидентурада білім алу тек күндізгі оқу нысанында жүзеге асырылады.

      6. Осы Стандартты қолдану мынадай мақсаттарға қол жеткізуді көздейді:

      1) резидентура тыңдаушыларының даярлық деңгейіне және білім және ғылыми медициналық ұйымдардың білім беру қызметтеріне қойылатын міндетті талаптары есебінен білім беру сапасының кепілдігін қамтасыз ету;

      2) білім беру қызметі субъектілерінің құқықтарын реттеу;

      3) резидентура тыңдаушылары даярлығының объективтілігі мен бағалау хабардарлығын және білім беру бағдарламасының сапасын арттыру;

      4) резидентура тыңдаушыларының академиялық ұтқырлығы үшін жағдай жасау;

      5) Қазақстанның бірыңғай білім беру кеңістігін қалыптастыруды қамтамасыз ету.

      7. Резидентура мамандықтарының үлгілік оқу жоспарлары осы Стандарт ережелеріне сәйкес резидентураның білім беру бағдарламаларының құрылымына, көлеміне және мазмұнына, оқытудың нормативтік мерзімдеріне және резидентура тыңдаушыларының даярлық қойылатын талаптар жиынтығын белгілейді.

      8. Резидентура мамандықтары шеңберінде білім және ғылыми медициналық ұйымдар 2007 жылғы 15 мамырдағы Қазақстан Республикасының Еңбек кодексінің 138-5-бабының 3-тармағына сәйкес кәсіби стандарттарына сәйкес әртүрлі білім беру бағдарламаларын өз бетінше әзірлейді.

      Білім беру бағдарламалары оқыту нәтижесіне бағдарланған.

2. Білім алушылардың даярлық деңгейіне қойылатын талаптар

      9. Білім алу нәтижелері барлық білім беру бағдарламалар деңгейінде, модуль деңгейінде, жеке пән ретінде қалыптастырылады және мынадай қабілеттілікті болжайды:

      1) практикалық қызмет және ғылыми зерттеулер контекстінде бірегей даму немесе пікірді қолдану үшін негіз және мүмкіндік болып табылатын базалық және жоғары медициналық білім беру деңгейінде алынған дамушы білімі мен түсінігін демонстрациялау;

      2) зерделенетін саламен байланысты анағұрлым кең сала контекстінде және шеңберінде білімді қолдану, түсіну және қабілеті;

      3) білімді интеграциялау, қиындықты еңсере білу және осы пайымдау мен білімін қолдануға этикалық және әлеуметтік жауапкершілікті ескере отырып қиындықтарды еңсереді және пайымдаулар жасауға;

      4) өз бетінше оқытуды жалғастыру.

      10. Резидентура түлектерінің негізгі құзыреттілігіне қойылатын талаптар үлгілік кәсіби оқу бағдарламаларымен айқындалады.

      11. Міндетті ең төмен шеңберінде меңгерілген құзыреттілік деңгейі мен денсаулық сақтау саласындағы білім және ғылыми ұйымдары ұсынған оқу жүктемесінің көлемі бақылаудың әртүрлерімен (емтихан, аралық аттестаттау, қорытынды аттестаттау) қаматамасыз етіледі.

      12. Резидентура тыңдаушыларының оқу жетістіктерін бақылау және олардың оқу пәндері немесе модуль бойынша білімдерін бағалау оқытудың қорытынды нәтижелеріне және меңгерген құзыретіне бағдарланған. Білім алушылардың оқу жетістіктерін бақылау нысандарын ұйым өзі айқындайды.

      13. Резидентураның білім беру бағдарламасы бойынша оқуын бітірген тұлғалар сәйкестендірілген мамандық бойынша дәрігер біліктілігі тағайындалады және оларға мемлекеттік үлгідегі құжат беріледі.

3. Үлгілік бағдарлама мазмұнына қойылатын талаптар

      14. Резидентураның білім беру бағдарламасының құрылымы білім беру мазмұнын айқындайтын және оның арақатынасын, өлшемдері мен есепке алуды айқындайтын оқу және клиникалық жұмыстарының әртүрінен қалыптасады.

      15. Білім беру бағдарламаларын іске асыру мамандықтар мен пәндердің оқу-әдістемелік кешені негізінде жүзеге асырылады. Мамандықтар мен пәндердің оқу-әдістемелік кешенін әзірлеу нысаны, құрылымы мен тәртібі ұйымы өзі айқындайды.

      16. Барлық жұмыс түрлерінің еңбек сыйымдылығын есепке алу меңгерілген материалдар көлемі бойынша жүзеге асырылады, академиялық сағаттарда немесе кредиттерде өлшенеді. Бір кредит оқудың нақты нәтижелеріне қол жеткізуге қажетті резидентура тыңдаушылары мен оқытушыларының еңбек сыйымдылығының өлшем бірліктері болып табылатын 45 академиялық сағатқа тең.

      17. Резидентураның тиісті білім беру бағдарламасын меңгертуге қажетті пререквизиттер тізбесін ұйым өзі белгілейді.

      18. Резидентураның оқу жоспарларының барлық түрлерінде оқу пәндерін бірыңғай кодтау жүйесі пайдаланылады.

      19. Әрбiр оқу пәнінің қайталанбайтын бір атауы болуы тиіс. Пән аяқталған соң резидентура тыңдаушылары ұйым өзі айқындайтын нысанындағы қорытынды бақылауды тапсырады.

      20. Резидентураның білім беру бағдарламалары пәндерді оқудың модульді жүйесі негізінде жобаланады.

      21. Міндетті компонент пәндерінің тізбесі осы бұйрыққа 8-қосымша медициналық мамандықтар бойынша резидентураның үлгілік кәсіптік оқу бағдарламасының 2- 51-қосымшаларда келтірілген үлгілік оқу жоспарымен айқындалады. Міндетті компонент пәндерінің көлемін қысқартуға жол берілмейді.

      22. Таңдау компоненті пәндерінің тізбесін ұйым өз бетінше айқындайды. Бұл ретте еңбек нарығының сұранысы және жұмыс берушілердің қажеттілігі ескерліеді.

      23. Резидентура білім беру бағдарламасының мазмұны осы Стандартқа қосымшаға сәйкес белгіленеді.

      24. Резидентурада оқу мемлекеттік және орыс тілінде жүзеге асырылады. Резидентура тыңдаушысы резидентураға құжат тапсыру кезінде оқу тілін өзі таңдайды.

      25. Білім беру қызметтерін ұйымдастыру, оқу үрдісін жоспарлау, білім мазмұны, оқу пәндерін жүргізу тәсілдерін таңдау, резидентура тыңдаушыларының өздік жұмысы, олардың оқу жетістіктерін қорытынды бақылау арқылы жүзеге асырылады.

      26. Білім беру мазмұнының құрылымы осы белгіленген стандарт пен үлгілік оқу бағдарламарына, білім берудің есептеу-өлшеу құралдарына: оқу жоспары мен бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне, оқу материалының көлеміне және т.б. қойылатын талаптарға сәйкес айқындалады.

      27. Білім беру қызметтерін жоспарлау және ұйымдастыру оқу жоспарлары негізінде жүзеге асырылады.

      Оқу жоспарлары үлгілік (бұдан әрі - ҮОЖ), жеке (бұдан әрі - Жеке ОЖ) және жұмыс (бұдан әрі - ЖОЖ) болып бөлінеді.

      28. ҮОЖ-да әрбір міндетті оқу пәндері компонентінің еңбек сыйымдылығы және академиялық сағаттарда/сынақтық бірліктерде әртүрлі оқу қызметтері, емтихандар анықталады, ал жалпы академиялық сағаттар/сынақтық бірліктер таңдау компоненті бойынша әрбір оқу пәндерінің циклы бойынша көрсетіледі.

      29. ҮОЖ-ге қосымша жыл сайын ұйым таңдау компоненттері бойынша барлық пәндердің жүйелі аннотацияланған тізбесі болып табылатын элективті пәндер каталогы (бұдан әрі - ЭПК) дайындалады.

      ЭПК-де әрбір оқу пәндерінің пререквизиттері және постреквизиттері көрсетіледі. ЭПК резидентура тыңдаушыларының элективті оқу пәндерін баламалы таңдау мүмкіндігін қамтамасыз етеді.

      30. ҮОЖ мен ЭПК негізінде резидентура тыңдаушысы жетекшінің көмегімен ЖОБ жасайды. ЖОБ резидентураның әрбір тыңдаушысының жеке білім траекториясын айқындайды.

      ЖОБ-на міндетті компонент пәндері, оқу қызметінің түрлері және ЭПК-ден таңдау компонеттерінің пәндері қосылады.

      31. ЖОЖ мамандықтардың ҮОЖ және резидентура тыңдаушыларының ЖОЖ-ның негізінде әзірленеді және алқалық орган шешімінің негізінде ұйым басшысы бекітеді.

      ҮОЖ-да оқу жылына пәндер тізбесі, олардың академиялық сағаттарда (кредиттердегі) еңбек сыйымдылығы, зерделеу тәртібі, оқу сабақтарының түрлері мен бақылау нысандары, сондай-ақ оқу қызметінің басқа да түрлері айқындалады.

      Сабақ кестелерін және профессорлық-оқытушы құрамның (бұдан әрі - ПОҚ) еңбек сыйымдылығын есептеу үшін ҮОЖ негіз болып табылады.

      32. ЭПК, Жеке ОЖ және ЖОЖ әзірлеу нысанын, құрылымын, тәртібін және оны бекітуді ұйым өзі айқындайды.

      33. Резидентура мамандықтарының барлық оқу пәндерінің мазмұны силлабустарда белгіленеді.

      34. Силлабустар (резидентура тыңдаушылары үшін пән бағдарламалары) оқу жоспарының барлық пәндері бойынша әзірленеді және білім беру ұйымы бекітеді. Силлабустарды әзірлеу нысанын, құрылымы мен тәртібін және оны бекітуді ұйым өзі айқындайды.

      35. Резидентура тыңдаушысы жетекшінің жетекшілігімен құрылатын жеке жұмыс жоспары негізінде оқиды.

      36. Резидентура тыңдаушысының жеке жұмыс жоспары барлық оқу кезеңіне құрылады.

4. Білім алушылардың оқу жүктемесіне қойылатын талаптар

      37. Резидентура тыңдаушысының оқу жүктемесінің көлемі әрбір пән бойынша оқу жылы ішінде оны меңгерген академиялық сағаттармен (бірліктермен) өлшенеді.

      38. ПОҚ оқу жүктемесін жоспарлау сабақ кестесі бойынша оқу сабақтарында оқытушының резидентура тыңдаушысымен ұсынатын байланыс жұмысы кезінде акадеимялық сағаттарда жүзеге асырылады.

      39. Резидентура тыңдаушысы орындайтын өздік жұмыс көлемі оқытушының (клиникалық тәлімгердің) жетекшілігімен резидентура тыңдаушысының өздік жұмысына және (бұдан әрі - РОӨЖ) резидентура тыңдаушысының толық өз бетінше орындайтын жұмысы (бұдан әрі - РӨЖ) екі түрге бөлінеді.

      РОӨЖ резидентура тыңдаушысы оқытушымен/тәлімгермен байланыста орындалайтын аудиториядан тыс жұмыс түрі болып табылады.

      РОӨЖ мен РӨЖ арасындағы арақатынас өздік жұмыстың жалпы көлемінде ұйым өзі айқындайды.

      40. Резидентурада оқу жылы академиялық кезеңнен, аралық аттестаттау кезеңінен, демалыс және соңғы курста - қорытынды аттестаттаудан тұрады.

      41. Академиялық кезең ұзақтығын ұйым өзі айқындайды.

      42. Әрбір академиялық кезеңнен кейін аралық аттестаттау ұзақтығы 1 аптадан аспайтын уақытты құрайды.

      43. Оқу жылы ішіндегі демалыс ұзақтығы бітіруші курстарды қоспағанда кемінде 7 аптаны құрайды.

      44. Бітіруші курсты қоспағанда, қосымша оқыту қажеттілігін қанағаттандыру, академиялық қарызды немесе оқу жоспарындағы айырмашылықтарды жою, оқу пәндерін меңгеру және басқа білім және ғылыми ұйымдарда резидентура тыңдаушысының кредитті меңгеру үшін міндетті түрде өзінің ұйымында міндетті қайта сынақ тапсырумен кемінде 6 апта ұзақтығымен жазғы семестр енгізуге жол беріледі.

      45. Ұйым алынған лицензияға сәйкес резидентурада оқу процесін ұйымдастырады және білім беру қызметтерін лицензиялау кезінде қойылатын біліктілік талаптары сақталуы тиіс.

      46. Денсаулық сақтау саласындағы медициналық білім және ғылыми медициналық ұйымының оқытушысы оқу жоспарларының және оқу бағдарламаларының талаптарының сақталуы жағдайында оқыту сабақтарын, оқыту әдістерін ұйымдастыру және өткізу тәсілдері мен нысандарын еркін таңдай алады.

Резидентурада білім беру бағдарламасының мазмұны

      Ескертпе: * Аралық және қорытынды аттестаттауға бөлінген академиялық сағаттар (апталардың) саны жалпы еңбек сыйымдылығына кірмейді.

Фармацевтикалық мамандық бойынша бакалавриаттың
мемлекеттік жалпыға бірдей міндетті стандарты

      Ескерту. Бұйрық 5-1-қосымшамен толықтырылды – ҚР Денсаулық сақтау және әлеуметтік даму министрінің 29.07.2016 № 661 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1-бөлім. Жалпы ережелер

      1. Осы 5В110300 – "Фармация" мамандығы бойынша бакалавриаттың мемлекеттік жалпыға бірдей міндетті стандарты (бұдан әрі – МЖМБС) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес әзірленді және меншік нысаны мен түріне қарамастан жоғары оқу орнында (бұдан әрі – ЖОО) білім алушылардың даярлық деңгейіне, білім беру мазмұнына, білім алушылардың оқу жүктемесінің барынша көлеміне қойылатын талаптарды белгілейді.

      Осы МЖМБС-та мынадай терминдер мен анықтамалар қолданылады:

      1) біліктілік сипаттамасы – денсаулық сақтау және әлеуметтік даму саласында кәсіби қызметті тиімді жүзеге асыру үшін қажетті білім, шеберлік және дағдылар;

      2) біліктілік талаптары – денсаулық сақтау және әлеуметтік даму саласында кәсіби қызметті тиімді жүзеге асыру үшін қажетті білім, шеберлік және дағдылар;

      3) дипломдық жұмыс (жоба) – студенттің тиісті саланың өзекті проблемаларының өз бетінше зерделеу нәтижелерін жинақтауы болып табылатын қорытынды жұмысы;

      4) жеке оқу жоспары (бұдан әрі – ЖОЖ) – үлгілік оқу жоспары мен элективті пәндер каталогы негізінде эдвайзердің көмегімен студенттің әр оқу жылына арнап өзі құрастыратын оқу жоспары;

      5) жоғарғы фармацевтикалық білім – тиісті мамандық бойынша біліктілік бере отырып, мамандар даярлауға бағытталған жоғары білім берудің кәсіптік оқу бағдарламасы;

      6) кәсіптік құзыреттер – денсаулық сақтау жүйесіндегі кәсіби қызметті тиімді жүзеге асыру үшін қажетті білім, шеберлік және дағдылар;

      7) міндетті компонент (бұдан әрі – МК) – үлгілік оқу жоспарында белгіленген және білім беру бағдарламасы бойынша студенттер міндетті түрде оқитын оқу пәндерінің және тиісті кредиттердің ең аз көлемінің тізбесі;

      8) оқу жұмыс жоспары (бұдан әрі – ОЖЖ) – білім беру ұйымының өз бетінше үлгілік оқу бағдарламасы негізінде құрастыратын оқу құжаты;

      9) тіркеу бөлімі – білім алушылардың оқудағы жетістіктерінің барлық тарихын тіркеумен айналысатын және білімін бақылаудың барлық түрлерін және оның академиялық рейтингісіне есеп жасауды ұйымдастыруды қамтамасыз ететін академиялық қызмет;

      10) таңдау бойынша компонент – жоғары оқу орны ұсынатын, пререквизиттері мен постреквизиттерін есепке ала отырып кез келген академиялық кезеңде студенттердің өздері таңдай алатын оқу пәндерінің және тиісті кредиттердің (немесе академиялық сағаттардың) ең аз көлемінің тізбесі;

      11) транскрипт (Тrаnsсrірt) - білімді бағалаудың сандық және әріптік жүйесі бойынша кредиттері мен бағалары көрсетілген тиісті кезеңде өтілген пәндердің тізбесі бар құжат;

      12) үлгілік оқу бағдарламасы (бұдан әрі – ҮОБ) – оқу мазмұнын, көлемін, ұсынылатын әдебиетті анықтайтын және денсаулық саласындағы уәкілетті орган бекітетін мамандықтың үлгілік оқу жоспарының міндетті компонентіндегі пәннің оқу құжаты;

      13) үлгілік оқу жоспары (бұдан әрі – ҮОЖ) – Қазақстан Республикасының жоғары және жоғары оқу орнынан кейінгі білім мамандықтарының жіктеуіші мен МЖМБС негізінде әзірленетін, міндетті компонент пәндерінің тізбесі мен кредиттердің ең аз көлемін және практиканың, қорытынды аттестаттаудың барлық түрлерін көрсете отырып, пәндер циклі бойынша білім беру бағдарламасының құрылымы мен көлемін регламенттейтін, білім беру саласындағы уәкілетті орган бекітетін оқу құжаты;

      14) элективті пәндер каталогы (бұдан әрі – ЭПК) – зерттеу мақсатын, қысқаша мазмұнын (негізгі бөлімдер) және зерттеуден күтілетін нәтижелерді (студенттердің алатын білімін, іскерлігін, дағдысы мен құзыреттерін) көрсете отырып, пәннің қысқаша сипаттамасын қамтитын таңдау компоненттері бойынша барлық пәндердің жүйеленген аннотацияланған тізбесі;

      15) эдвайзер (Аdvisor) - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы;

      2. Фармацевтикалық мамандық бойынша бакалавриат оқу бағдарламасын меңгеруге ниет білдіргендердің алдыңғы білім деңгейіне қойылатын талаптар осы МЖМБС-ға 1-қосымшада ұсынылған.

      3. Жоғары оқу орындары жоғарғы білімі бар мамандарды (дипломды мамандар) даярлауды:

      1) 5В110300 – "Фармация" мамандығы бойынша МЖМБС және ҮОЖ;

      2) академиялық күнтізбеге;

      3) студенттердің ЖОЖ-на;

      4) мамандық бойынша ОЖЖ-ға;

      5) пәндер бойынша оқу бағдарламаларына сәйкес жүзеге асырады.

      4. МЖМБС:

      1) МЖМБС 2-қосымшаға сәйкес міндетті компонент пәндері циклінің мазмұнын анықтайды;

      2) оқу жүктемесінің ең жоғарғы көлеміне және білім алушыларды даярлау деңгейіне қойылатын талаптарды айқындайды.

      5. Осы МЖМБС қойылатын талаптар:

      1) мамандық бойынша ҮОЖ;

      2) білім беру бағдарламаларын;

      3) мамандық бойынша ОЖЖ

      4) студенттердің ЖОЖ;

      5) пәндер бойынша оқу бағдарламаларын құрастыру кезінде ескеріледі.

2-бөлім. Білім алушылардың дайындық деңгейіне қойылатын талаптар

      7. ЖОО-нда жоғарғы білім беру 5В110300 – "Фармация" мамандығы бойынша біліктілігін берумен кадрларды даярлауға бағытталған.

      8. Жалпы білім беретін пәндер (бұдан әрі – ЖБП) циклі, базалық пәндер (бұдан әрі – БП) және бейіндеуші пәндер (бұдан әрі –БП) циклдері міндетті компонент және таңдау бойынша компонент пәндерін қамтиды. Таңдау компонентіне жоғары оқу орны компоненті кіреді.

      9. МК пәндерінің тізбесі мен көлемі 5В110300 – "Фармация" мамандығы бойынша осы МЖМБС 3-қосымшаға сәйкес үлгілік оқу жоспарымен айқындалады. Жоғары білім және медициналық және фармацевтикалық мамандықтар бойынша техникалық және кәсіптік білімнен кейінгі білім базасында жеделдетілген оқыту мерзімінде қысқартылған білім беру бағдарламалары ескеріледі.

      10. Таңдау бойынша компонент нақты өңірдің әлеуметтік-экономикалық даму ерекшелігі мен еңбек нарығының сұранысын, нақты жоғары оқу орнында қалыптасқан ғылыми мектепті, сондай-ақ білім алушының жеке қызығушылығын ескереді.

      11. ЖБП циклінің көлемі үлгілік оқу жоспарындағы пәндердің жалпы көлемінен кемінде 20 %-дан аспайды немесе 28 кредитті құрайды. Олардың 21 кредиті міндетті компонент пәндеріне тиесілі: Қазақстанның қазіргі заман тарихы, философия, қазақ (орыс) тілі, шетел тілі, ақпараттық-коммуникациялық технологиялар.

      Таңдау компоненті ЖМК циклындағы пәндердің жалпы көлемінен кемінде 7 кредитті құрайды. Мамандықтарға байланысты жоғары оқу орындары өз бетінше мына пәндерді қосады: экология және тұрақты даму, саясаттану, әлеуметтану, экономика негіздері, құқық негіздері, тіршілік қауіпсіздігі негіздері.

      12. ЖОО-да БП циклі пәндерінің көлемі ҮОЖ-дағы пәндердің жалпы көлемінің 55%-ын құрайды немесе 70 кредитті құрайды, олардың ішінде 20 кредит МК пәндеріне және 50 кредит ТК пәндеріне тиесілі.

      13. БП цикліндегі міндетті компонентке әрбіреуі кемінде 2 кредит көлемінде "Кәсіби қазақ (орыс) тілі" және "Кәсіби бағытталған шет тілі" пәндері енгізіледі. Көрсетілген пәндер бірлесіп тілдік және тиісті мамандық бойынша бейінді кафедраларға жүктеледі.

      14. Жоғарғы оқу орындарында бейіндеуші пәндер цикліндегі пәндер көлемі үлгілік оқу жоспарындағы пәндердің жалпы көлемінің 25%-ын немесе 32 кредитті құрайды, оның ішінде 5 кредит міндетті компонент пәндеріне және 27 кредит таңдау компоненті пәндеріне беріледі.

      15. Оқытудың қосымша түрлері МК және ТК-нен тұрады. МК-тің жалпы көлемі кемінде 14 кредитті құрайды және көлемі 8 кредит "Дене шынықтыру" пәнінен және кемінде 6 кредит кәсіби практикадан тұрады.

      16. Оқытудың қосымша түрлерінің МК-ін меңгеру мемлекеттік білім беру тапсырысы шегінде қамтамасыз етіледі.

      17. "Денсаулық сақтау және әлеуметтік қамсыздандыру (медицина)" топтары бойынша жекелеген мамандықтардың ерекшеліктерін ескере отырып, білім беру процесінің аяқталғандығының негізгі өлшемшарты білім алушылардың теориялық оқудың 129-дан астам кредитін меңгеруі болуы мүмкін.

      18. Білім беру қызметін ұйымдастыру оқу процесін, білім беру мазмұнын жоспарлау, оқу сабақтарын жүргізу тәсілдерін, студенттің өзіндік жұмысын, олардың оқу жетістіктерін қорытынды бақылау нысандарын таңдау арқылы жүзеге асырылады.

      19. Үш тілде білім беру бағдарламасын енгізген жоғары оқу орындары білім беру қызметін жоспарлау мен ұйымдастыруды үш тілде: қазақ тілінде, орыс тілінде және ағылшын тілінде жүзеге асырады. Екі тілде білім беру бағдарламасын енгізген ЖОО-лар оқытуды екі тілде жүзеге асырады: қазақ және орыс. Бұл ретте оқу пәндерінің оқыту тілінің пайыздық қатынасын жоғарғы оқу орны өзі шешуге құзіретті.

      20. Дуальді оқыту элементтерін енгізген жоғары оқу орындары білім беру қызметін жоспарлау мен ұйымдастыруды теориялық оқыту мен өндірістегі практикалық дайындықты үйлестіру негізінде жүзеге асырады.

      Бұл ретте пәннің оқу материалының 40 %-ына дейіні тікелей өндірісте (технологиялық процесс) меңгерілуі тиіс екені көзделген.

3-бөлім. Білім беру мазмұнына қойылатын талаптар

      21. Жоғары білімнің мақсаты 5B110300 – "Фармация" мамандығы бойынша жұмыс жасау үшін білікті, бәсекеге қабілетті кадрлар даярлауды қамтамасыз ету болып табылады

      22. 5B110300 – "Фармация" мамандығы шеңберінде Қазақстан Республикасының 2015 жылғы 23 қарашадағы Еңбек кодексінің 117-бабының 2-тармағына сәйкес бекітілген Ұлттық біліктілік шеңберіне, кәсіби стандарттарға сәйкес жоғарғы оқу орындары білім беру бағдарламаларын өз бетімен әзірлейді.

      23. Оқу қызметін ұйымдастыру академиялық күнтізбе, оқу сабақтарының кестесі негізінде жүзеге асырылады. Оқу қызметінің құрылымы "Тиісті үлгідегі білім беру ұйымдары қызметінің үлгілік қағидаларын, оның ішінде балаларға арналған қосымша білім беру бағдарламаларын іске асыратын білім беру ұйымдары қызметінің үлгілік қағидаларын бекіту туралы" Қазақстан Республикасы Үкіметінің 2013 жылғы 17 мамырдағы № 499 қаулысымен бекітілген (бұдан әрі – Үлгілік қағидалар) жоғары білім беру ұйымдары қызметінің үлгілік қағидаларының 43-тармағына сәйкес оқу жоспарларының (үлгілік, жеке, жұмысы) және кәсіптік оқу бағдарламаларының, оқу жүктемесі көлемінің, академиялық кезеңдер ұзақтығының, академиялық сабақ түрлерінің, оқу материалы көлемінің негізінде қалыптасады.

      24. Білім беру қызметін жоспарлау мен ұйымдастыру оқу жоспарларының негізінде жүзеге асырылады.

      Оқу жоспарлары Үлгілік қағидалардың 43-тармағына сәйкес ҮОБ, ЖОЖ және басқа да ОЖЖ-ға бөлінеді.

      25. ҮОЖ осы МЖМБС негізінде 5B110300 – "Фармация" мамандығы бойынша әзірленеді.

      ҮОЖ-да міндетті компоненттің әрбір оқу пәнінің еңбекті қажетсінуін және әрбір оқу қызметінің түрі (практика, мемлекеттік емтихандар, дипломдық жұмысты жазу және қорғау) кредитпен айқындалады, ал оқу пәндерінің әр циклі бойынша таңдау компоненті кредиттердің жалпы санымен көрсетіледі.

      26. Жоғарғы оқу орны ҮОЖ-ға қосымша жыл сайын жоғары оқу орны таңдау компонентіндегі барлық пәндердің жүйеленген, аннотацияланған тізбесі болып табылатын элективті пәндер каталогын (ЭПК) әзірлейді. ЭПК-де әр оқу пәнінің пререквизиттері мен постреквизиттері көрсетіледі. ЭПК студенттерге элективті оқу пәндерін баламалы таңдау мүмкіндігін қамтамасыз етуі тиіс.

      27. 5B110300 – "Фармация" мамандығы бойынша ҮОЖ мен ЭПК негізінде студент эдвайзердің көмегімен ЖОЖ құрады. ЖОЖ әрбір студенттің жеке білім алу траекториясын айқындайды.

      ЖОЖ-ға ҮОЖ-дан міндетті компонент пәндері және оқу қызметінің түрлері (практикалар, мемлекеттік емтихан, дипломдық жұмысты (жобаны) жазу және қорғау) және ЭПК-дан таңдау компоненті пәндері кіреді.

      28. 5B110300 – "Фармация" мамандығы бойынша ОЖЖ оқу жылына мамандықтардың ҮОЖ-ы мен студенттердің ЖОЖ-ы негізінде әзірленеді және оны ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен еңбекті қажетсінуі, оқытылу реті, оқу сабақтарының түрлері мен бақылау нысандары, практика түрлері, мемлекеттік емтихандар, дипломдық жұмысты (жобаны) жазу және қорғау айқындалады.

      29. Қазақстан Республикасы Білім және ғылым министрлігінің 2011 жылғы 20 сәуірдегі № 152 бұйрығымен (бұдан әрі – Ереже) бекітілген (Қазақстан Республикасының нормативтік құқықтық актілерін мемлекеттік тіркеу тізілімінде № 6976 болып тіркелген) оқытудың кредиттік технологиясы бойынша оқу үрдісін ұйымдастыру ережелерінің 15,16 және 19-тармақтарына сәйкес ЭПК, ЖОЖ және ОЖЖ-ның нысанын, құрылымын, әзірлеу және бекіту тәртібін жоғары оқу орны өзі айқындайды.

      30. Ереженің 10-тармағына сәйкес үлгілік оқу бағдарламалары (ҮОБ) міндетті компонент пәндері бойынша әзірленеді және оларды білім беру саласындағы уәкілетті орган бекітеді.

      31. Барлық оқу пәндерінің мазмұны ҮОЖ және ЖОБ айқындалады.

      32. Міндетті минимум мен жоғары оқу орны ұсынатын оқу жүктемесінің көлемі шеңберінде алынған білім деңгейі бақылаудың әртүрлі түрлері арқылы қамтамасыз етіледі.

      33. Ереженің 64-тармағына сәйкес студенттердің оқу жетістіктерін бақылауды және олардың оқу пәндері немесе модульдер бойынша білімін бағалауды оқу процесінің межелік кезеңдерінде (әр академиялық кезең мен оқу жылы аяқталған кезде) Тіркеу (бөлім, сектор) кеңсесі ұйымдастырады және бақылау мен бағалау оқытудың қорытынды нәтижесіне бағытталуы тиіс.

      34. Тіркеу кеңсесі білім алушылардың оқу жетістіктерінің тарихын есепке алады, ол Ереженің 2-қосымшасына сәйкес студенттердің белгіленген үлгідегі транскриптінде көрсетіледі.

      Транскрипт білім алушыға білім алудың кез келген кезеңінде оның жазбаша өтініші негізінде беріледі.

      35. Бітірушілердің білімін, іскерлігін, дағдысын және құзыреттерін бақылау оларды қорытынды аттестаттау кезінде жүзеге асырылады.

      36. Жоғары оқу орны бітірушілерін қорытынды аттестаттау академиялық күнтізбеде және мамандықтардың оқу жоспарларында көзделген мерзімде өткізіледі.

      37. Үлгілік қағидаларының 84-тармағына сәйкес қорытынды аттестаттаудың мақсаты бітірушінің теориялық деңгейін, қалыптасқан кәсіби құзыреттерін, кәсіптік мәселелерді шешуге дайындығын және оның дайындығының білім беру бағдарламасына сәйкестігін бағалау болып табылады.

      38. Қорытынды аттестаттау мамандық бойынша мемлекеттік емтихан тапсыру және дипломдық жұмысты (жобаны) қорғау түрінде немесе мамандық бойынша және қосымша екі бейіндеуші пән бойынша мемлекеттік емтихан тапсыру түрінде жүзеге асырылады.

      Дипломдық жұмысты (жобаны) қорғау дипломдық жұмысты (жобаны) жазудан және қорғау рәсімінен тұрады. Бұл ретте дипломдық жұмыстың (жобаның) мақсаты – бітірушінің талдау және зерттеу қабілеттіліктерін анықтау және бағалау.

      39. Жоғары оқу орны білім алушылардың теориялық дайындығының, оқу жетістіктерінің деңгейін, оқу нәтижелерін және зерттеу-талдау қабілеттерін ескере отырып, олардың қорытынды аттестаттау нысанын дербес айқындайды: мамандық бойынша мемлекеттік емтихан тапсыру және дипломдық жұмысты (жобаны) қорғау немесе мамандық бойынша және қосымша екі бейіндеуші пән бойынша мемлекеттік емтихан тапсыру.

      40. Білім беру мазмұнын жоспарлауды, оқу процесін ұйымдастыру және жүргізу тәсілін жоғары оқу орны кредиттік оқыту технологиясы негізінде өз бетінше жүзеге асырады.

      41. Оқу процесін жоспарлау кезінде жоғары оқу орны осы МЖМББС-ға 4-қосымшаға сәйкес "Фармация" мамандығы бойынша бакалавриаттың білім беру бағдарламасының компоненттерін бөлу нормаларын басшылыққа алады.

      42. Білім беру бағдарламаларының құрылымы білім беру мазмұнын айқындайтын оқу жұмыстарының түрлерінен қалыптастырылады.

      43. Білім беру бағдарламасы:

      1) жалпы білім беретін, базалық және бейіндеуші пәндер циклдерін меңгеруден тұратын теориялық оқытуды;

      2) оқытудың қосымша түрлері – кәсіптік практиканың түрлерін, дене шынықтыруды, әскери дайындықты;

      3) аралық және қорытынды аттестаттауды қамтиды.

      Бұл ретте білім беру бағдарламалары модульді оқыту қағидаты бойынша құрылады.

      44. Оқу жұмысының еңбекті қажетсінуін есепке алу оқытылатын материалдың көлемі бойынша жүзеге асырылады және оқытудың нақты нәтижелеріне қол жеткізуге қажетті студенттер мен оқытушылардың еңбек шығынының өлшем бірлігі болып табылатын кредиттермен өлшенеді.

      Кредиттер білім беру бағдарламасының жекелеген пәндерінің және (немесе) модульдерінің (элементтерінің) шартты "бағасын" көрсетеді. Жалпы еңбекті қажетсіну ұғымына лекциялық, практикалық (семинарлық), зертханалық, студиялық сабақтар, студенттердің өзіндік жұмысы, курстық, есептік-графикалық жұмыстар (жобалар), кәсіптік практиканың, тағылымдамалардың барлық түрлері, қорытынды аттестаттауға дайындық және одан өту кіреді.

      45. Теориялық оқытудың жалпы еңбекті қажетсінуі оқытылатын оқу пәндерінің тізбесімен анықталады.

      46. Оқу процесін кредиттік оқыту технологиясы бойынша ұйымдастыру кезінде әр оқу пәнінің көлемі кредиттің бүтін санын құрауы тиіс. Бұл ретте пән, әдетте, кемінде үш кредит көлемімен бағаланады.Ерекше жағдайда пәнді екі кредитпен бағалауға жол беріледі.

      47. Әрбір оқу пәні қайталанбайтын бір атауға ие болуы тиіс.

      48. Білім алушылар әрбір оқу пәнін бір академиялық кезеңде меңгеріп, оны аяқтаған соң емтихан нысанындағы қорытынды бақылауды тапсырады. Кәсіби практиканың барлық түрлері, курстық жұмыстар (жобалар) бойынша қорытынды бақылау білім алушылардың оқу жұмысының аталған түрлерін қорғау түрінде өткізіліп, белгіленген бағалар шкаласы бойынша бағаланады.

      49. Жоғары оқу орындарының білім беру бағдарламалары мен оқу жоспарларына қолданыстағы заңнаманың нормаларын іске асыратын пәндерді енгізу ұсынылады.

      50. "Білім берудің тиісті деңгейлерінің мемлекеттік жалпыға міндетті білім беру стандарттарын бекіту туралы" Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген жоғары білім берудің мемлекеттік жалпыға міндетті стандартының (әрі қарай – № 1080 қаулы) 64-тармағына сәйкес "Фармация" мамандығы бойынша бакалавриатта жоғары арнаулы білім беру – 5 жылды құрайды.

      51. Ереженің 2-қосымшасына сәйкес жоғары білімнің білім беру бағдарламасы бойынша оқуды бітірген адамдарға "Фармацевт" дәрежесі және/немесе біліктілік және қосымшасы (транскрипт) бар мемлекеттік үлгідегі диплом беріледі.

4-бөлім. Білім алушылардың оқу жүктемесінің ең жоғары көлеміне
қойылатын талаптар

      52. Студенттің оқу жүктемесінің көлемі оның оқу жылы ішінде әрбір оқу пәні бойынша меңгеретін кредит санымен өлшенеді.

      53. Профессорлық-оқытушылар құрамының оқу жүктемесін жоспарлау оқытушының студентпен байланыс жұмыс уақытын көрсететін студенттің оқытушының жетекшілігімен жүргізілетін өзіндік жұмыстарының аудиториялық оқу сабақтарының кестесі бойынша немесе оқу жұмысының басқа түрлері үшін жеке бекітілген график бойынша кредитпен немесе академиялық сағаттармен жүзеге асырылады.

      54. Аудиториялық жұмыстың бір академиялық сағаты 50 минутқа тең. Зертханалық, сондай-ақ дене шынықтыру сабақтары бұдан өзгеше, онда бір академиялық сағат зертханалық сабақтар мен дене тәрбиесі сабақтары үшін 100 минутқа тең.

      Практиканың, студенттерді қорытынды аттестаттаудың барлық түрлері үшін бір академиялық сағат 50 минутқа тең.

      55. Оқу жұмысының көлемін жоспарлау кезінде бір кредит:

      1) семестр түріндегі академиялық кезең бойында студенттің аудиториялық жұмысының;

      2) кәсіптік практика кезеңіндегі студенттің оқытушымен жұмысының;

      3) студенттің дипломдық жұмысты (жобаны) жазу және қорғау бойынша жұмысының;

      4) студенттің 5B110300 – "Фармация" мамандығы бойынша мемлекеттік емтиханға дайындық пен оны тапсыру бойынша жұмысының 15 академиялық сағатына тең екенін ескеру қажет.

      56. Студенттің оқу жүктемесі академиялық сағаттардың ұзақтығымен және оқу жұмыстарының түрлері үшін академиялық сағатпен ілесе жүретін оқу сағаттарының көлемдерімен (50 минуттық байланыс сағаттары) анықталады.

      Студенттің аудиториялық жұмысының академиялық сағаттары тиісті СӨЖ сағаттарының санымен толығады, осылайша бір кредитке студенттің семестр түріндегі академиялық кезеңінің бір аптасындағы жиынтық оқу жүктемесі 3 сағатқа тең болады.

      Дәрістермен практикалық (семинар) сабақтар кезіндегі студенттің оқытушымен жұмысының байланыс сағаттары жиынтығында әр байланыс сағаты 2 сағат СӨЖ-бен қамтамасыз етіледі.

      Дене шынықтыру сабақтары қосымша СӨЖ сағаттарымен қамтылмайды. Дене шынықтыру бойынша қорытынды аттестациялау мен сабақтардың жалпы көлемі (сағат бойынша) студенттің орташа апталық жүктемесіне кірмейді.

      Практиканың әрбір академиялық сағаты (оқу практикасынан басқа) студенттіңқосымша жұмысының тиісті оқу сағаттарымен толықтырылады.

      Қорытынды аттестаттаудыңәр академиялық сағаты дипломдық жұмысты (жобаны) жазу және қорғау бойынша студенттің оқытушымен байланыс жұмысының немесе мемлекеттік емтиханға дайындық және оны тапсыру бойынша студенттің оқытушымен жұмысының бір сағаты (50 минут) болып табылады. Студентті қорытынды аттестаттаудыңәрбір академиялық сағаты 6 сағаттық СӨЖ-бен қамтамасыз етіледі.

      57. Оқу жылы академиялық кезеңдерден, аралық аттестаттау кезеңінен, практикалардан, тағылымдамалармен каникулдан тұрады. Соңғы курста оқу жылына қорытынды аттестаттау кезеңі қосылады.

      58. Оқу жылының жалпы ұзақтығы 36 аптадан кем болмауы тиіс.

      59. Академиялық кезеңұзақтығы 15 апта болатын семестрден, немесе ұзақтығы 10 апта болатын триместрден, немесе ұзақтығы 7-8 апта болатын тоқсаннан тұрады.

      Жоғары оқу орны академиялық кезеңнің нысанын және оған қоса оны ұйымдастырудың біріктірілген нысанын да дербес анықтайды.

      60. Әрбір академиялық кезең ұзақтығы 1 аптадан кем болмайтын студенттерді аралық аттестаттау кезеңімен аяқталады.

      61. Аралық аттестаттау кезеңінде барлық оқытылған пәндер бойынша қорытынды бақылау жүргізіліп, ағымдағы үлгерім бағалары (ағымдағы және межелік бақылаулар нәтижелері бойынша орташа арифметикалық бағалар) ескеріле отырып, пәндер бойынша қорытынды бағалар шығарылады.

      № 1080 қаулының 75 – тармағына сәйкес пән бойынша қорытынды бағада ағымдағы үлгерім бағасының үлесі 60 %-дан, ал қорытынды бақылау бағасының үлесі 30 %-дан кем болмауы тиіс.

      62. Бітіруші курсты қоспағанда, студенттерге оқу жылы ішінде кемінде екі рет жалпы ұзақтығы кемінде жеті аптаны құрайтын каникул беріледі.

      63. Кәсіптік практика жоғары білім берудің кәсіптік оқу бағдарламасының міндетті компоненті болып табылады. Ол оқу, педагогикалық, өндірістік, дипломалды болып бөлінеді. Практикаға бөлінетін кредиттер саны 6-кредиттен кем болмауы тиіс. Бұл ретте, жоғары арнаулы білімнің барлық мамандықтары бойынша оқу практикасы 2 кредит көлемінде, ал өндірістік практика 4 кредиттен кем жоспарланбайды, егер мамандық бойынша ТОЖ-да дипломалды практика көрсетілмесе, қажет жағдайда ЖОО өз бетінше жоспарлай алады.

      Практикалардың ұзақтығы студенттің практика кезіндегі 30 сағатқа тең апта бойғы (5 күндік жұмыс аптасы кезінде күніне 6 сағат) нормативті жұмысын есепке ала отырып, аптамен анықталады. Апта санын шығару үшін практиканың кредитпен есептелген көлемі тиісті практика түрінің оқу сағатымен есептелген еңбек қажетсінуіне көбейтіледі және студенттің апта бойғы жұмысының ұзақтығына, яғни 30 сағатқа бөлінеді.

      Практиканың 1 кредитінің еңбекті қажетсінуі оқу практикасы үшін 15 сағатты (50 минуттан), өндірістік практика үшін 75 сағатты (50 минуттан) құрайды. 1 кредитке келетін практиканың ұзақтығы аптамен есептегенде оқу практикасы үшін 0,5 аптаны, өндірістік практика, тағылымдамалар үшін 2,5 аптаны құрайды.

      64. Студенттерді қорытынды аттестаттауды аптамен жоспарлау 54 сағатқа тең студенттің апта бойғы жұмысының нормативті уақытына (6 күндік жұмыс аптасы кезінде СӨЖ-ді қоса есептегенде күніне 9 сағат) қарай анықталады.

      Қорытынды аттестаттаудың 1 кредиті 105 (15х7) сағатқа тең, яғни 2 апта. Олардың ішінде 15 сағаты студент пен оқытушының байланыстағы жұмысына, ал 90 сағаты СӨЖ-ге арналады.

      5B110300 – "Фармация" мамандығы бойынша мемлекеттік емтиханға дайындалуға және оны тапсыруға 1 кредит, яғни 2 апта бөлінеді.

      Дипломдық жұмысты (жобаны) жазуға және қорғауға 2 кредит, яғни тиісінше 4 апта бөлінеді. Бұл ретте 2 кредитке дипломдық жұмысты (жобаны) ресімдеу мен қорғау кіреді. Дипломдық жұмысты (жобаны) орындау процесінің өзі алдын ала кәсіптік практика барысында және теориялық оқытудың соңғы кезеңінде жүзеге асырылады.

      65. № 152 бұйрықтың 35-4 тармағына сәйкес білім алушылардың (бітіруші курсты қоспағанда) қосымша оқу қажеттіліктерін қанағаттандыру үшін, оқу жоспарларындағы академиялық қарызды немесе айырмашылықты жою үшін, игерген кредиттерін өз жоғары оқу орнында міндетті түрде қайта тапсыра отырып басқа жоғары оқу орнында оқу пәндерін оқып-үйрену, үлгерімнің орташа балын (GPA) көтеру үшін, 5B110300 – "Фармация" мамандығын меңгеру үшін ұзақтығы кемінде 6 апта жазғы семестр енгізілуі мүмкін.

      Бұл ретте академиялық қарызды немесе оқу жоспарларындағы айырмашылықты жою және қосымша оқу ақылы негізде жүзеге асырылады.

      Жазғы семестр, оқытудың қосымша түрлері (әскери даярлық) каникул есебінен немесе жеке академиялық календар бойынша жоспарланады.

      66. Техникалық және кәсіптік немесе орта білімнен кейінгі немесе жоғары білім базасында жылдамдатылған оқу мерзіміндегі қысқартылған білім беру бағдарламалары бойынша оқуға түскен білім алушылар үшін кредиттер саны мен білім беру бағдарламасының қажетті көлемін жоғары оқу орны білім туралы құжат иегерінің алдыңғы білім деңгейінің бейінін, негізгі және кәсіби құзыреттерін ескере отырып дербес анықтайды.

      67. Техникалық және кәсіптік немесе орта білімнен кейінгі немесе жоғары білім базасында жылдамдатылған оқу мерзіміндегі қысқартылған білім беру бағдарламалары бойынша білім алушы:

      1) жоғары оқу орны есептеп, транскриптіне міндетті түрде енгізетін алдыңғы білімде меңгерген пререквизиттеріне қарай өзінің жеке оқу жоспарын құрастырады;

      2) 5B110300 – "Фармация" мамандығы бойынша, бірақ алдыңғы білім деңгейін ескере отырып, қолданыстағы білім беру бағдарламасы негізінде жоғары оқу орны дербес анықтайтын жеке оқу мерзіміне және білім беру бағдарламасының көлеміне ие болады.

      68. Жоғары оқу орны әрбір студентті 5В110300 – "Фармация" мамандығының бейініне сәйкес кәсіптік практика базаларымен қамтамасыз етеді.

      69. Жоғары оқу орнын кадрлық қамтамасыз етуге қойылатын талаптар Қазақстан Республикасы Білім және ғылым министрінің 2015 жылғы 17 маусымдағы № 391 бұйрығына сәйкес (Нормативтік құқықтық актілерді мемлекеттік тіркеу тізілімінде № 11716 болып тіркелген) білім беру қызметіне қойылатын біліктілік талаптарынде, жәнеоларға сәйкестікті растайтын құжаттардың тізбесінде айқындалған.

      70. Студенттердің зерттеу жұмыстары оқу процесінің жалғасы және тереңдетілуі болып табылады және тікелей кафедраларда, зертханаларда, ғылыми, конструкторлық және жоғары оқу орындарының жобалық бөлімшелерінде, студенттердің ғылыми-техникалық бірлестіктерінде (конструкторлық және өзге де бюролар, орталықтар, ғылыми-зерттеу институттары) ұйымдастырылады.

Бакалавриаттың "фармация" мамандығы бойынша білім беру бағдарламасын
меңгеруге ынталы тұлғалардың алдыңғы білімінің деңгейіне қойылатын талаптар

Міндетті компонент пәндері циклінің мазмұны

5В110300-"Фармация" мамандығы бойынша даярлаудың үлгілік оқу жоспары

      Оқу мерзімі: 5 жыл

      Біліктілігі: "Фармацевт"

      Қолданылған қысқартулар:

      БП – базалық пәндер

      БМП – базалық міндетті пәндер

      БП – бейінді пәндер

      БМП – бейінді міндетті пәндер

      ЖБП – жалпы білім беру пәндері

      ЖБМП – жалпы білім беру міндетті пәндері

      ОҚТ– оқытудың қосымша түрлері

"Фармация" мамандығы бойынша бакалавриаттың білім беру
бағдарламасының компоненттерін бөлу нормасы
(оқу мерзімі 5 жыл)

Медициналық мамандықтар бойынша техникалық және кәсіптік білім берудің
мемлекеттік жалпыға бірдей міндетті стандарты

      Ескерту. Бұйрық 5-2-қосымшамен толықтырылды – ҚР Денсаулық сақтау және әлеуметтік даму министрінің 29.07.2016 № 661 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-бөлім. Жалпы ережелер

      1. Осы медициналық мамандықтар бойынша техникалық және кәсіптік білім берудің мемлекеттік жалпыға бірдей міндетті стандарты (бұдан әрі – МЖМБС) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес әзірленді және медициналық мамандықтар бойынша білім алушылардың техникалық және кәсіптік білім берудің (бұдан әрі – ТжКБ) оқыту бағдарламаларының мазмұнына, білім беру құрылымы мен мазмұнына, дайындық деңгейін бағалауға қойылатын талаптарды белгілейді.

      МЖМБС-нда мынадай терминдер мен анықтамалар пайдаланылады:

      1) базалық құзырет (бұдан әрі – БҚ) – өзін-өзі және жеке қызметін басқару қабілеттілігі, өзін-өзі ынталандыруға және өзін-өзі ұйымдастыруға бейімділігі;

      2) біліктілік – алынған мамандық бойынша қызметтің белгілі бір түрін құзыретті орындауға даярлық деңгейі;

      3) білім беру бағдарламасы – пәндер тізімі арқылы білім беру жүйесінің белгілі бір кезеңін білім беру мазмұнын анықтайтын құжат және оларды зерделеу мақсатын, оқу мерзімінің көлемін қамтиды;

      4) денсаулық сақтау саласындағы білім беру ұйымдары (бұдан әрі – білім беру ұйымдары) - денсаулық сақтау жүйесі үшін кәсіптік ғылыми-педагогикалық, медициналық және фармацевтикалық кадрлар даярлауды, біліктілігін арттыру мен қайта даярлауды іске асыратын білім беру ұйымы;

      5) кәсіптік құзырет (бұдан әрі – КҚ) – білім, іскерлік пен дағдылар, сондай-ақ кәсіптік қызметті тиімді жүзеге асыруға мүмкіндік беретін жеке қасиеттер негізінде маманның кәсіптік міндеттер жиынтығын шешу қабілеттілігі;

      6) кәсіби практика – кәсіптік білім беру және білікті техникалық және қызмет көрсету саласының қызметкерлерін жұмыс істеуге оқытудың тиімді нысанының білім беру процесінің ажырамас бөлігі;

      7) кәсіби үлгілік оқу бағдарламасы (бұдан әрі – ҮОБ) – үлгілік оқу жоспарының нақты пәні бойынша меңгерілуге тиіс білім, іскерлік және дағдының мазмұны мен көлемін айқындайтын құжат;

      8) құзыреттілік – кәсіби әрекет және білім, дағды және кәсіби тәжірибе бірлігі негізінде маманның кәсіби міндеттердің нақты жиынтығын шеше білу қабілеттілігі;

      9) нормативтік оқу мерзімі – нақты оқу нысаны бойынша кәсіптік оқу бағдарламасын меңгеру мерзімі;

      10) оқу жұмыс жоспары (бұдан әрі – ОЖЖ) – білім беру ұйымының басшысы бекітетін оқу пәндерінің тізбесі мен көлемін, бірізділігін, қарқындылығын және оқытуды ұйымдастырудың негізгі нысандарын, білім алушының білімі мен іскерлігін бақылауды және кәсіптік даярлығын бағалауды регламенттейтін үлгілік оқу жоспарының негізінде техникалық және кәсіптік білім беру ұйымы әзірлейтін құжат;

      11) оқу жұмыс бағдарламасы (бұдан әрі – ОЖБ) – білім беру ұйымының басшысы бекітетін үлгілік оқу бағдарламасы негізінде нақты оқу жұмыс жоспарына арналған техникалық және кәсіптік білім беру ұйымдары әзірлейтін құжат;

      12) оқу жоспарының моделі – техникалық және кәсіптік білім беру мазмұнының инварианттық негізгі құрылымдық құрамын бейнелейтін оқу жоспарын сипаттайтын нысан;

      13) орталықтанған науқас – кәсіби қызметтің пациенттің өмірі мен оны қоршағандарға бағытталуы;

      14) үлгілік оқу жоспары (бұдан әрі – ҮОЖ) – техникалық және кәсіптік білім беру ұйымдарында мамандықтар мен біліктіліктерге, оқыту мерзіміне қатысты оқу пәндерінің тізбесі мен көлемін белгілейтін, оқу жоспарының моделі негізінде әзірленетін құжат;

      15) цикл – білім берудің бір бағытындағы оқу пәндерінің жиынтығы.

      2. "Білім туралы" Қазақстан Республикасының Заңының 2007 жылғы 27 шілдедегі 14-бабының 9-тармағына сәйкес ТжКБ медициналық мамандықтар бойынша білім беру бағдарламаларын меншік нысанына және ведомстволық бағыныстылығына қарамастан, тиісті мамандықтар бойынша білім беру қызметін жүргізуге лицензиясы бар білім беру ұйымдары жүзеге асырады.

      3. Қазақстан Республикасының білім беру ұйымдары медициналық мамандықтар бойынша техникалық және кәсіптік, орта білімнен кейінгі білімді мамандарды даярлауды:

      1) осы МЖМБС, ҮОБ және ҮОЖ бойынша;

      2) ОЖБ;

      3) академиялық күнтізбеге сәйкес жүзеге асырады.

      4. ТжКБ беру медициналық мамандықтар бойынша таңдаған мамандығы мен базалық біліміне байланысты оқу мерзімі 10 айдан 3 жыл 10 айға дейінгі уақытты құрайды.

      5. ТжКБ беру медициналық мамандықтар бойынша оқу күндізгі және кешкі нысан бойынша жүзеге асырылады.

      6. Білім беру бағдарламасын игергісі келетіндерге арналған талап базалық білімінің деңгейі - негізгі орта немесе жалпы орта білім.

      7. МЖМБС қолдану мынадай мақсаттарға қол жеткізу үшін бағытталған:

      1) білім беру ұйымдарының білім алушыларды даярлау деңгейі мен оқыту үшін міндетті талаптар ұсыну есебінен білім беру сапасын қамтамасыз ету;

      2) білім беру қызметі субъектілерінің құқықтарын реттеу;

      3) білім алушыларды дайындауда бағалаудың объективтілігі мен ақпараттылығын және білім беру бағдарламаларының сапасын арттыру;

      4) Қазақстан Республикасының бірыңғай білім беру кеңістігінің жұмыс істеуін қамтамасыз ету;

      8. ТжКБ беруде медициналық мамандықтар бойынша ҮОЖ-лары білім беру бағдарламаларының құрылымын, көлемін және мазмұнын, оқытудың нормативті мерзімі мен білім алушылардың дайындық деңгейіне қойылатын талаптардың жиынтығын анықтайды.

2-бөлім. Білім алушылардың даярлық деңгейіне қойылатын талаптар

      9. МЖМБС модульдік оқыту шеңберінде жүзеге асырылатын құзыреттілік тәсілін қолдануды көздейді.

      10. Білім беру бағдарламаларын меңгеру деңгейі әртүрлі бақылау түрлерімен қамтамасыз етіледі: аралық аттестация (сынақ, сараланған сынақ, емтихан), қорытынды аттестаттау.

      11. Білім беру бағдарламасы бойынша оқуды аяқтаған тұлғаларға Қазақстан Республикасы Білім және ғылым министрінің 2015 жылғы 28 қаңтардағы № 39 бұйрығымен бекітілген (Мемлекеттік нормативтік құқықтық актілер тізілімінде № 10348 болып тіркелген) тиісті мамандық бойынша біліктілік және Мемлекеттік үлгідегі білім беру туралы құжаттардың түрлері мен нысандарын және оларды беру қағидаларына сәйкес мемлекеттік үлгідегі құжат беріледі.

3-бөлім. Үлгілік кәсіптік оқу бағдарламасының мазмұнына қойылатын талаптар

      12. Мазмұнының білім беру құрылымы Қазақстан Республикасы Үкіметінің 2013 жылғы 17 мамырдағы №499 қаулысымен бекітілген техникалық және кәсіптік білім беру ұйымдары қызметінің үлгілік қағидаларына сәйкес есептеу-өлшегіш құралдарына қойылатын талаптармен: оқу жоспары және бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне байланысты анықталады (бұдан әрі – Үлгілік қағидалар).

      13. Білім беру қызметін жоспарлау және ұйымдастыру оқу жоспарының негізінде жүзеге асырылады. Оқу жоспарлары ҮОЖ және ОЖЖ болып бөлінеді. ОЖЖ жұмыс берушілердің талаптарын ескере отырып ҮОЖ негізінде әзірленеді.

      14. ТжКБ беру медициналық мамандықтар бойынша ОҮБ – ның мазмұнында: жалпы гуманитарлық, экономикалық, жалпы кәсіптік, осы МЖМБС-ке 1-14-қосымшаларына сәйкес арнайы пәндер қарастырылған.

      15. Оқу жоспарларының барлық нысандарында оқыту пәндерін кодтаудың бірыңғай жүйесі қолданылады:

      1) жалпы гуманитарлық пәндер;

      2) әлеуметтік-экономикалық пәндер;

      3) жалпы кәсіптік пәндер;

      4) арнайы пәндер;

      5) өндірістік оқыту;

      6) кәсіптік практика.

      16. Міндетті компонент пәндерінің тізбесі және көлемі ТжКБ медициналық және фармацевтикалық мамандықтар бойынша үлгілік кәсіптік оқу бағдарламасына 15-28 қосымшаларына сәйкес ҮОЖ айқындайды

      17. Білім беретін оқу бағдарламасы міндетті пәндерді, білім беру ұйымы айқындайтын пәндерді, факультативтік сабақтар мен консультацияларды қамтиды. Консультациялар мен факультативтік сабақтар жеке білім алушылардың қабілеттері мен сұраныстарын қамтамасыз етуге бағытталған.

      18. ҮОЖ-да әрбір оқу пәнінің міндетті компонентінің күрделілігі, академиялық сағаттардағы әрбір оқу қызметінің түрі және қорытынды бақылау нысандары анықталады.

      19. ООЖ мамандықтың ҮОЖ негізінде әзірленеді және Үлгілік қағидаларға сәйкес педагогикалық кеңестің шешімінің негізінде білім беру ұйымының басшысы бекітеді.

      20. Білім беру бағдарламаларын іске асыру мамандық және пәндердің оқыту-әдістемелік кешендерінің негізінде жүзеге асырылады. Мамандықтар мен пәндердің оқу-әдістемелік кешендерін әзірлеу нысанын, құрылымы мен тәртібін Үлгілік қағидаларға сәйкес білім беру ұйымдары анықтайды.

      21. Білім беру бағдарламаларын әзірлеу мен іске асыру кезінде білім беру ұйымдары:

      1) Кәсіптік оқу бағдарламасын меңгеруге бөлінетін оқу уақытының жиынтық көлемін сақтай отырып, пәндер мен циклдер үшін оқыту уақытының көлемін 30 %-ға дейін өзгертеді;

      2) оқытудың әртүрлі технологияларын, оқу процесін ұйымдастыру мен бақылау нысандарын, әдістерін таңдайды.

      22. Медициналық мамандықтар бойынша ТжКБ беру мемлекеттік және орыс тілдерінде жүзеге асырылады. Үштілдік білім беру бағдарламасын енгізу кезінде оқу үш тілде жүргізіледі: мемлекеттік, орыс және ағылшын.

      23. ТжКБ берудің медициналық мамандықтар бойынша оқу бағдарламасын іске асыру ғылыми-педагогикалық, базалық жоғары (оның ішінде жоғары мейіргер ісі бойынша білімі бар болған жағдайда), сондай-ақ орта медициналық білімі бар (жоғары педагогикалық білімі бар болған жағдайда), оқытылатын пән бейініне сәйкес және жүйелі түрде педагогикалық, ғылыми-әдістемелік немесе денсаулық сақтау саласында тәжірибемен айналысатын кадрлармен қамтамасыз етіледі.

      24. Бейінді пәндерді оқытуға жоғары және бірінші біліктілік санаттары бар практикалық денсаулық сақтаудың жоғары білікті мамандары тартылады.

      25. Кәсіби даярлықты ұйымдастыру төмендегілерді қамтиды:

      1) жалпы кәсіптік және арнайы пәндер бойынша зертханалық-практикалық сабақтар;

      2) өндірістік оқыту;

      3) кәсіби практика.

      26. Практикалық сабақтардың, өндірістік оқыту және кәсіби практиканың оқу бағдарламаларының мазмұны мен мерзімдері ҮОБ, ОЖЖ бойынша және біліктілік талаптарына сәйкес анықталады.

      27. Кәсіптік практика медициналық ұйымдарда жұмыс берушілермен шарт негізінде, оның ішінде дуалді оқыту тұжырымдамасы шеңберінде, білікті мамандардың басшылық етуімен жүргізіледі және оқыту процесінде алынған білімін игеру және бекітуге, Үлгілік қағидаларға сәйкес практикалық дағдыларды игеру және кәсіби құзіреттіліктерді меңгеру бағытталған. "Мемлекеттік жалпыға міндетті білім беру стандарттарының тиісті білім беру деңгейін бекіту туралы" Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген (бұдан әрі - № 1080 қаулы) техникалық және кәсіптік білім берудің мемлекеттік жалпыға міндетті стандартына сәйкес арнайы пәндер бойынша практикалық сабақтардың көлемін, өндірістік оқыту және кәсіптік практиканы қамтитын кәсіптік даярлау міндетті оқытудың жалпы оқу уақыты көлемінің кемінде 40%-ын құрауы тиіс.

      28. Білім беру бағдарламасын іске асыру аудиториялық қор, арнайы кабинеттер және зертханалар, манекендерді, тренажерларды, симуляциялық жабдықтар, кітапхана қорын, оқу әдебиеттерін және оқу-әдістемелік құралдар, соның ішінде: электрондық оқу құралдары, аудио және бейне материалдар, әдістемелік көрнекі құралдар және пәндер бойынша ұсынымдар, кәсіптік практикалар, инновациялық және ақпараттық компьютерлік технологияларды қолданумен жобалық жұмыстардың болуымен қамтамасыз етіледі.

      29. Оқытудың кешкі нысаны үшін міндетті оқу сабақтарын оқу уақытының көлемі № 1080 қаулыға сәйкес күндізгі оқу нысаны үшін қарастырылған оқу уақытының тиісті көлемінің 70%-ын құрайды.

4 Бөлім. Білім алушылардың оқу жүктемесінің көлеміне қойылатын талаптар

      30. Білім алушының оқу жүктемесінің көлемі әр пән бойынша оқу жылы ішінде игеретін академиялық сағатпен өлшенеді.

      31. Профессор-оқытушылар құрамының оқу жүктемесін жоспарлау академиялық сағаттармен жүзеге асырылады.

      32. Білім алушылардың оқу жүктемесінің жоғары көлемі аудиториялық және аудиториядан тыс оқу жұмысының барлық түрлерін қоса алғанда, аптасына 54 сағаттан аспауы тиіс.

      33. Күндізгі оқыту нысанында оқу жүктемесінің жалпы көлемі міндетті оқу жүктемесі есебінен кемінде аптасына 36 сағат (бұл ретте көрсетілген көлемге факультативтік пәндер бойынша сабақтар мен консультациялар кірмейді).

      34. Білім беру ұйымы білім алушылардың оқу жүктемесінің көлемін анықтау кезінде:

      1) мамандығы бойынша оқу бағдарламаларына дербес пәндерді, қосымша тақырыптар мен бөлімдерді енгізу жолымен теориялық және практикалық дайындықты кеңейтеді, тереңдетеді, кәсіби практиканың оқу уақытының көлемін ұлғайтады;

      2) жұмыс берушілердің кәсіби саладағы талаптарын қанағаттандыруға бағытталған қажетті пәнді енгізеді (білім беру ұйымымен анықталатын пәндер 10%-ға дейін).

      35. Оқу жылы 1 қыркүйектен басталады және оқу үрдісін ұйымдастыруға тәуелді мамандықтың ерекшелігіне байланысты аяқталады. Демалыс уақыты жылына 11 аптаны, оның ішінде қысқы мерзімде – кемінде 2 аптаны құрайды.

      Факультативтік пәндер 1 оқу тобына аптасына 4 сағаттан артық емес көлемде қарастырылады.

      Оқытудың күндізгі нысанында білім алушылар үшін консультациялар әрбір оқу жылындағы оқу тобына 100 сағаттан аспайтын көлемде қарастырылады. Консультациялар емтихан түрінде аралық және қорытынды аттестация қарастырылған пәндер бойынша, сондай-ақ кәсіби даярлық деңгейін бағалауды жүргізу мен біліктілік тағайындау жоспарланады.

      36. Емтихандар саны жалпы гуманитарлық, әлеуметтік-экономикалық, жалпы кәсіптік және арнайы пәндер бойынша білім алушы меңгерген білім, білік және құзырлық деңгейіне қойылатын талаптарға сәйкес айқындалады.

      37. Бір оқу жылының ішінде емтихандық сессияның жалпы ұзақтығы 4 аптадан аспайды.

      38. Сынақтар мен дифференциалдық сынақтар, осы пәнді оқытуға бөлінген оқу уақыты есебінен жүргізіліп 5 балдық жүйемен бағаланады.

      Емтихандар аралық аттестаттауға бөлінген мерзімде өткізіледі.

      Кәсіби білім беру бағдарламасын меңгергеннен кейін білім алушының даярлық деңгейін бағалау үшін қорытынды аттестаттау өткізіледі.

      39. Білім алушыларды қорытынды аттестаттау :

      1) білім беру ұйымдарындағы білім алушыларды аттестаттауды;

      2) кәсіби даярлық деңгейін бағалау мен біліктілікті беруді қамтиды.

      40. Білім беру ұйымдарындағы білім алушыларды қорытынды аттестаттау оқытудың толық курсының қорытындысы бойынша білім алушылардың білім беру бағдарламаларын меңгеру деңгейін айқындау мақсатында өткізіледі.

      Білім беру бағдарламасының оқытуды аяқтау қорытындысы бойынша аттестаттау түрі – мамандық бойынша екі кезеңнен тұратын кешенді емтихан тапсыру:

      1) теориялық кезең (арнайы пәндер бойынша тестілеу);

      2) практикалық кезең (біліктілік деңгейі бойынша практикалық тапсырмаларды орындау).

      41. Білім беру ұйымдарындағы білім алушыларды қорытынды аттестаттау екі аптадан аспайды.

      42. Даярлық деңгейін бағалауды ұйымдастыру және жүргізуге арналған оқу уақытының көлемі және біліктілік беру ҮОЖ көрсетілген.

      43. Мамандықтар бойынша практикалық емтихандар Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы № 423 бұйрығымен бекітілген (Нормативтік құқықтық актілерді мемлекеттік тіркеу тізілімінде №11644 болып тіркелген) медициналық колледждердің клиникаға дейінгі симуляциялық кабинеттерін жарақтандыру нормативіне сәйкес білім беру ұйымдарының симуляциялық кабинеттерінде, оқу-жаттықтыру орталықтарында, қажетті құралдармен жабдықталған медициналық ұйымдардың базасында жүргізіледі.

      44. Кәсіптік практиканы өткізуге берілетін уақыт 10 аптадан аспайды.

      45. Оқу пәндерін зерделеудің бірізділігін белгілеу, оқу уақытын бөлу олардың әрқайсысы бойынша курстар мен семестрлер бойынша пәнаралық байланыстарды ескере отырып жүргізіледі.

      46. "Дене тәрбиесі" бойынша сабақтар міндетті болып табылады және аптасына 4 сағаттан аспайтындай (мамандыққа байланысты) жоспарланады, олардың екі сағаты екінші курстан бастап спорт секцияларында сабақ өткізуге бөлінеді.

      47. Базалық, кәсіби құзыреттілік және практикалық дағдыларды жетілдіру және бекіту мақсатында: арнайы пәндер бойынша практикалық сабақтар, клиникалық базаларда өндірістік оқыту және кәсіптік практика сағаттары енгізілген. Арнайы пәндер бойынша практикалық сабақтарды өткізу кезінде білім алушылардың саны 8-12 адамнан тұратын, жалпы кәсіптік пәндер бойынша – 13 адамнан артық емес кіші топтарға бөлінеді.

Фармацевтикалық мамандықтар бойынша техникалық және кәсіптік білім берудің
мемлекеттік жалпыға бірдей міндетті стандарты

      Ескерту. Бұйрық 5-3-қосымшамен толықтырылды – ҚР Денсаулық сақтау және әлеуметтік даму министрінің 29.07.2016 № 661 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1 .Бөлім. Жалпы ережелер

      1. Осы фармацевтикалық мамандықтар бойынша техникалық және кәсіптік білім берудің мемлекеттік жалпыға бірдей міндетті стандарты (бұдан әрі – МЖМБС) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес әзірленді және фармацевтикалық мамандықтар бойынша білім алушылардың техникалық және кәсіптік білім берудің (бұдан әрі – ТжКБ) оқыту бағдарламаларының мазмұнына, білім беру құрылымы мен мазмұнына, дайындық деңгейін бағалауға қойылатын талаптарды белгілейді.

      МЖМБС-нда мынадай терминдер мен анықтамалар пайдаланылады:

      1) базалық құзырет (бұдан әрі – БҚ) – өзін-өзі және жеке қызметін басқару қабілеттілігі, өзін-өзі ынталандыруға және өзін-өзі ұйымдастыруға бейімділігі;

      2) біліктілік – алынған мамандық бойынша қызметтің белгілі бір түрін құзыретті орындауға даярлық деңгейі;

      3) білім беру бағдарламасы – пәндер тізімі арқылы білім беру жүйесінің белгілі бір кезеңін білім беру мазмұнын анықтайтын құжат және оларды зерделеу мақсатын, оқу мерзімінің көлемін қамтиды;

      4) кәсіби үлгілік оқу бағдарламасы (бұдан әрі – ҮОБ) – үлгілік оқу жоспарының нақты пәні бойынша меңгерілуге тиіс білім, іскерлік және дағдының мазмұны мен көлемін айқындайтын құжат;

      5) кәсіби практика – кәсіптік білім беру және білікті техникалық және қызмет көрсету саласының қызметкерлерін жұмыс істеуге оқытудың тиімді нысанының білім беру процесінің ажырамас бөлігі;

      6) кәсіптік құзырет (бұдан әрі – КҚ) – білім, іскерлік пен дағдылар, сондай-ақ кәсіптік қызметті тиімді жүзеге асыруға мүмкіндік беретін жеке қасиеттер негізінде маманның кәсіптік міндеттер жиынтығын шешу қабілеттілігі;

      7) құзыреттілік – кәсіби әрекет және білім, дағды және кәсіби тәжірибе бірлігі негізінде маманның кәсіби міндеттердің нақты жиынтығын шеше білу қабілеттілігі;

      8) нормативтік оқу мерзімі – нақты оқу нысаны (күндізгі) бойынша кәсіптік оқу бағдарламасын меңгеру мерзімі;

      9) оқу жоспарының моделі – техникалық және кәсіптік білім беру мазмұнының инварианттық негізгі құрылымдық құрамын бейнелейтін оқу жоспарын сипаттайтын нысан;

      10) оқу жұмыс бағдарламасы (бұдан әрі – ОЖБ) – білім беру ұйымының басшысы бекітетін үлгілік оқу бағдарламасы негізінде нақты оқу жұмыс жоспарына арналған техникалық және кәсіптік білім беру ұйымдары әзірлейтін құжат;

      11) оқу жұмыс жоспары (бұдан әрі – ОЖЖ) – білім беру ұйымының басшысы бекітетін оқу пәндерінің тізбесі мен көлемін, бірізділігін, қарқындылығын және оқытуды ұйымдастырудың негізгі нысандарын, білім алушының білімі мен іскерлігін бақылауды және кәсіптік даярлығын бағалауды регламенттейтін үлгілік оқу жоспарының негізінде техникалық және кәсіптік білім беру ұйымы әзірлейтін құжат;

      12) үлгілік оқу жоспары (бұдан әрі – ҮОЖ) – техникалық және кәсіптік білім беру ұйымдарында мамандықтар мен біліктіліктерге, оқыту мерзіміне қатысты оқу пәндерінің тізбесі мен көлемін белгілейтін, оқу жоспарының моделі негізінде әзірленетін құжат;

      13) цикл – білім берудің бір бағытындағы оқу пәндерінің жиынтығы.

      2. Фармацевтикалық мамандықтар бойынша білім беру бағдарламаларын "Білім туралы" Қазақстан Республикасының 2007 жылғы 27 шілдедегі Заңының 14-бабының 9-тармағына сәйкес меншік нысанына және ведомстволық бағыныстылығына қарамастан тиісті мамандық бойынша білім беру қызметін жүргізуге лицензиясы бар білім беру ұйымдары жүзеге асырады.

      3. Қазақстан Республикасының білім беру ұйымдары 0306000 – "Фармация" мамандығы бойынша техникалық және кәсіптік білімі бар мамандарды даярлауды:

      1) МЖМБС, ҮОБ және мамандықтардың ҮОЖ;

      2) ОЖЖ;

      3) академиялық күнтізбеге сәйкес жүзеге асырады.

      4. 0306000 – "Фармация" мамандығы бойынша оқу мерзімі 2 жыл 10 айға дейінгі уақытты құрайды.

      5. 0306000 – "Фармация" мамандығы бойынша оқу нысаны тек күндізгі бойынша жүзеге асырылады.

      6. Білім беру бағдарламасын игергісі келетіндерге арналған талап етілетін қажетті алдыңғы білімінің деңгейі - жалпы орта білім.

      7. МЖМБС қолдану мынадай мақсаттарға қол жеткізуді көздейді:

      1) білім беру сапасының кепілдігін қамтамасыз ету білім алушылардың дайындық деңгейіне және білім беру ұйымдарының білім беру қызметіне қойылатын міндетті талаптар арқылы жүзеге асады;

      2) білім беру қызметі субъектілерінің құқықтарын реттеу;

      3) білім алушылардың дайындық және білім беру бағдарламаларының сапасын бағалаудың объективтілігі мен ақпараттылығын арттыру;

      4) Қазақстанда білім беру кеңістігінің бірыңғай жұмыс істеуін қамтамасыз ету.

      8. 0306000 – "Фармация" мамандығы бойынша ҮОЖ-лары МЖМБС сәйкес білім беру бағдарламаларының құрылымын, көлемін және мазмұнын, оқытудың нормативті мерзімі мен білім алушылардың дайындық деңгейіне қойылатын талаптардың жиынтығын анықтайды.

2. Бөлім. Білім алушылардың даярлық деңгейіне қойылатын талаптар

      9. МЖМБС-ын модульдік оқыту шеңберінде жүзеге асырылатын құзыреттілік тәсілін қолдануды көздейді.

      10. Білім беру бағдарламаларын меңгеру деңгейі әртүрлі бақылау түрлерімен қамтамасыз етіледі: аралық аттестация (сынақ, сараланған сынақ, емтихан), қорытынды аттестаттау.

      11. Білім беру бағдарламасы бойынша оқуды аяқтаған тұлғаларға Қазақстан Республикасы Білім және ғылым министрінің 2015 жылғы 28 қаңтардағы № 39 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10348 болып тіркелген) Мемлекеттік үлгідегі білім беру туралы құжаттардың түрлері мен нысандарын және оларды беру қағидаларына сәйкес тиісті мамандық бойынша біліктілік және мемлекеттік үлгідегі құжат беріледі.

3. Бөлім. Үлгілік кәсіптік оқу бағдарламасының мазмұнына қойылатын талаптар

      12. Қазақстан Республикасы Үкіметінің 2013 жылғы 17 мамырдағы №499 қаулысымен бекітілген техникалық және кәсіптік білім беру ұйымдары қызметінің үлгілік қағидалары білім берудің құрылымының мазмұны есептеу-өлшегіш құралдарымен белгіленген талаптарға сәйкес: оқу жоспары мен бағдарламаларына, оқу жүктемесінің көлеміне, академиялық кезеңдер ұзақтығына, академиялық сабақ түрлеріне, оқу материалының көлеміне байланысты анықталады (бұдан әрі – Үлгілік қағидалар).

      13. Жоспарлау және білім беру қызметін ұйымдастыру оқу жоспарының негізінде жүзеге асырылады. Оқу жоспарлары үлгілік (бұдан әрі – ҮОЖ) және жұмыс (бұдан әрі – ОЖЖ) болып бөлінеді. ОЖЖ жұмыс берушілердің талаптарын ескере отырып ҮОЖ негізінде әзірленеді.

      14. 0306000 – "Фармация" мамандығы бойынша ОҮБ-ның мазмұнында: жалпы гуманитарлық, экономикалық, жалпы кәсіптік, осы МЖМБС-ке 10-қосымшаға сәйкес арнайы пәндер қарастырылған.

      15. Оқу жоспарларының барлық нысандарында пәндерді кодтаудың бірыңғай жүйесі қолданылады:

      1) жалпы гуманитарлық пәндер;

      2) әлеуметтік-экономикалық пәндер;

      3) жалпы кәсіптік пәндер;

      4) арнайы пәндер;

      5) өндірістік оқыту;

      6) кәсіби практика.

      16. Білім беретін оқу бағдарламасы міндетті пәндерді, білім беру ұйымы айқындайтын пәндерді, факультативтік сабақтар мен консультацияларды қамтиды. Консультациялар мен факультативтік сабақтар жеке білім алушылардың қабілеттері мен сұраныстарын қамтамасыз етуге бағытталған.

      17. ҮОЖ-да әрбір оқу пәнінің міндетті компонентінің күрделілігі, академиялық сағаттардағы әрбір оқу қызметінің түрі және қорытынды бақылау түрлері анықталады.

      18. Үлгілік қағидаларға сәйкес ОЖЖ мамандық бойынша ҮОЖ негізінде әзірленеді және педагогикалық кеңестің шешімімен білім беру ұйымының басшысы бекітеді.

      19. Білім беру бағдарламалары мамандық және пәндер бойынша әдістемелік кешендерді іске асыру негізінде жүзеге асырылады. Мамандық және пәндер бойынша әдістемелік кешендердің нысанын, құрылымын және әзірлеу тәртібін Үлгілік қағидаларға сәйкес дербес түрде білім беру ұйымдары анықтайды.

      20. Білім беру бағдарламаларын әзірлеу мен іске асыру кезінде білім беру ұйымдары:

      1) пәндер мен циклдер бойынша кәсіптік оқу бағдарламасын меңгеруге бөлінетін оқу уақытының көлемін, оқытуға жалпы сағат санын сақтай отырып 30 %-ға дейін өзгерте алады;

      2) оқытудың әртүрлі технологияларын, оқу процесін ұйымдастыру мен бақылау нысандарын, әдістерін таңдай алады.

      21. 0306000 – "Фармация" мамандығы бойынша оқыту мемлекеттік және орыс тілдерінде жүзеге асырылады. Үштілдік білім беру бағдарламасын енгізу кезінде оқу үш: мемлекеттік, орыс және ағылшын тілдерінде жүргізіледі.

      22. 0306000 – "Фармация" мамандығы бойынша оқу бағдарламасын іске асыру ғылыми-педагогикалық, базалық жоғары, сондай-ақ орта фармацевтикалық білімі бар (жоғары педагогикалық білімі бар болған жағдайда), оқытылатын пән бейініне сәйкес және жүйелі түрде педагогикалық, ғылыми-әдістемелік немесе фармация саласында тәжірибемен айналысатын кадрлармен қамтамасыз етіледі.

      23. Бейінді пәндерді оқытуға, фармация саласында жоғары білікті және сондай-ақ жоғары және бірінші біліктілік санаттары бар мамандары тартылады.

      24. Кәсіби даярлықты ұйымдастыру төмендегілерді қамтиды:

      1) жалпы кәсіптік және арнайы пәндер бойынша зертханалық-практикалық сабақтар;

      2) өндірістік оқыту;

      3) кәсіби практика.

      25. Практикалық сабақтардың, өндірістік оқыту және кәсіби практиканың оқу бағдарламаларының мазмұны мен мерзімдері біліктілік талаптарына сәйкес ОЖБ, ОЖЖ бойынша анықталады.

      26. Кәсіптік практика фармацевтикалық ұйымдарда жұмыс берушілермен шарт негізінде, оның ішінде дуалді оқыту тұжырымдамасы шеңберінде, білікті мамандардың басшылық етуімен жүргізіледі және оқыту процесінде алынған білімін игеру және бекітуге, Үлгілік қағидаларға сәйкес практикалық дағдыларды игеру және кәсіби құзіреттіліктерді меңгеру бағытталған. "Мемлекеттік жалпыға міндетті білім беру стандарттарының тиісті білім беру деңгейін бекіту туралы" Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген (бұдан әрі - № 1080 қаулы) техникалық және кәсіптік білім берудің мемлекеттік жалпыға міндетті стандартына сәйкес арнайы пәндер бойынша практикалық сабақтардың көлемін, өндірістік оқыту және кәсіптік практиканы қамтитын кәсіптік даярлау міндетті оқытудың жалпы оқу уақыты көлемінің кемінде 40%-ын құрауы тиіс.

      27. Білім беру бағдарламасын іске асыру аудиториялық қор, арнайы кабинеттер және зертханалар, манекендерді, тренажерларды, симуляциялық жабдықтар, кітапхана қорын, оқу әдебиеттерін және оқу-әдістемелік құралдар, соның ішінде: электрондық оқу құралдары, аудио және бейне материалдар, әдістемелік көрнекі құралдар және ұсынымдар бойынша пәндер, кәсіптік практикалар, жобалық жұмыстарға пайдалана отырып, инновациялық және ақпараттық-компьютерлік технологиялар болуымен қамтамасыз етіледі.

4 Бөлім. Білім алушылардың оқу жүктемесінің көлеміне қойылатын талаптар

      28. Білім алушының оқу жүктемесінің көлемі әр пән бойынша оқу жылы ішінде игеретін академиялық сағатпен өлшенеді.

      29. Профессор-оқытушылар құрамының оқу жүктемесін жоспарлау академиялық сағаттармен жүзеге асырылады.

      30. Білім алушылардың оқу жүктемесінің жоғары көлемі аудиториялық және аудиториядан тыс оқу жұмысының барлық түрлерін қоса алғанда, аптасына 54 сағаттан аспауы тиіс.

      31. Білім алушылардың оқу жүктемесінің ең жоғары көлемі күндізгі оқыту нысанында міндетті оқу жүктемесі есебінен кемінде аптасына 36 сағат (бұл ретте көрсетілген көлемге факультативтік пәндер бойынша сабақтар мен консультациялар кірмейді).

      32. Білім беру ұйымы білім алушылардың оқу жүктемесінің көлемін анықтау кезінде:

      1) мамандығы бойынша оқу бағдарламаларына дербес пәндерді, қосымша тақырыптар мен бөлімдерді енгізу жолымен теориялық және практикалық дайындықты кеңейтеді, тереңдетеді, кәсіби практиканың оқу уақытының көлемін ұлғайтады;

      2) жұмыс берушілердің саласындағы кәсіби мүдделерін қанағаттандыруға бағытталған қажетті пәнді енгізеді (білім беру ұйымымен анықталатын пәндер 10%-ға дейін).

      33. Оқу жылы 1-қыркүйектен басталады және мамандықтың ерекшелігіне байланысты оқу үрдісінің ұйымдастырылуына қарай аяқталады. Демалыс уақыты жылына 11 аптаны, оның ішінде қысқы мерзімде – кемінде 2 аптаны құрайды. Факультативтік пәндер 1 оқу тобына аптасына 4 сағаттан артық емес көлемде қарастырылады.

      Оқытудың күндізгі нысанында білім алушылар үшін консультациялар әрбір оқу жылындағы оқу тобына 100 сағаттан аспайтын көлемде көзделеді. Консультациялар емтихандар мен курстық және дипломдық жұмыстарды орындау түрінде аралық және қорытынды аттестаттау көзделген пәндер бойынша, сондай-ақ кәсіптік даярлық деңгейін бағалау мен біліктілік беруді ұйымдастыру және өткізу рәсімдеріне арналып жоспарланады.

      34. Жалпы гуманитарлық, әлеуметтік-экономикалық, жалпы кәсіптік және арнайы пәндер бойынша емтихандар саны білім алушы меңгеруі тиіс білім, іскерлік және құзырет деңгейіне қойылатын талаптарға сәйкес айқындалады.

      35. Бір оқу жылының ішінде емтихандық сессияның жалпы ұзақтығы 4 аптадан аспайды.

      36. Сынақтар мен дифференциалдық сынақтар, осы пәнді оқытуға бөлінген оқу уақыты есебінен жүргізіліп 5 балдық жүйемен бағаланады.

      Емтихандар аралық аттестаттауға бөлінген мерзімде өткізіледі.

      Кәсіби білім беру бағдарламасын меңгергеннен кейін білім алушының даярлық деңгейін бағалау үшін қорытынды аттестаттау өткізіледі.

      37. Білім алушыларды қорытынды аттестаттау:

      1) білім беру ұйымдарындағы білім алушыларды аттестаттау;

      2) кәсіптік даярлық деңгейін бағалау мен біліктілікті беруді қамтиды.

      38. Білім беру ұйымдарындағы білім алушыларды қорытынды аттестаттау оқытудың толық курсының қорытындысы бойынша білім алушылардың білім беру бағдарламаларын меңгеру деңгейін айқындау мақсатында өткізіледі.

      Білім беру бағдарламасының оқытуды аяқтау қорытындысы бойынша аттестаттау түрі – мамандық бойынша екі кезеңнен тұратын кешенді емтихан тапсыру:

      1) теориялық кезең (арнайы пәндер бойынша тестілеу);

      2)практикалық кезең (біліктілік деңгейі бойынша практикалық тапсырмаларды орындау).

      39. Білім беру ұйымдарындағы білім алушыларды қорытынды аттестаттау екі аптадан аспайды.

      40. Даярлық деңгейін бағалау және біліктілікті беруді ұйымдастыру және өткізуге оқу уақытының көлемі ҮОЖ көрсетілген.

      41. Мамандықтар бойынша практикалық емтихандар Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы № 423 бұйрығымен бекітілген (Нормативтік құқықтық актілерді мемлекеттік тіркеу тізілімінде №11644 болып тіркелген) медициналық колледждердің клиникаға дейінгі симуляциялық кабинеттерін жарақтандыру нормативіне сәйкес білім беру ұйымдарының симуляциялық кабинеттерінде, оқу-жаттықтыру орталықтарында, қажетті құралдармен жабдықталған медициналық ұйымдардың базасында жүргізіледі.

      42. Кәсіптік практиканы өткізуге берілетін уақыт 10 аптадан аспайды.

      43. Оқу пәндерін зерделеудің бірізділігін белгілеу, оқу уақытын бөлу олардың әрқайсысы бойынша курстар мен семестрлер бойынша пәнаралық байланыстарды ескере отырып жүргізіледі.

      44. "Дене тәрбиесі" пәні бойынша сабақтар міндетті болып табылады және аптасына 4 сағаттан асырылмай жоспарланады, олардың екі сағаты екінші курстан бастап спорт секцияларында сабақ өткізуге бөлінуі мүмкін.

      45. Базалық, кәсіби құзыреттілік және практикалық дағдыларды жетілдіру және бекіту мақсатында: арнайы пәндер бойынша практикалық сабақтар, клиникалық базаларда өндірістік оқыту және кәсіптік практика сағаттары бойынша енгізілген. Арнайы пәндер бойынша практикалық сабақтарды өткізу кезінде білім алушылардың саны 8-12 адамнан тұратын, жалпы кәсіптік пәндер бойынша – 13 адамнан артық емес кіші топтарға бөлінеді.

"Мейіргер ісі" мамандығы бойынша орта білімнен кейінгі қолданбалы
бакалавриаттың мемлекеттік жалпыға бірдей міндетті білім беру стандарты

      Ескерту. Бұйрық 5-4-қосымшамен толықтырылды – ҚР Денсаулық сақтау министрінің 29.06.2017 № 471 (алғашқы ресми жарияланған күнінен кейін қолданысқа енгізіледі) бұйрығымен

1-тарау. Жалпы ережелер

      1. Осы "Мейіргер ісі" мамандығы бойынша орта білімнен кейінгі мемлекеттік жалпыға бірдей міндетті білім беру стандарты (бұдан әрі - МЖМБС) Қазақстан Республикасының 2007 жылғы 27 шілдедегі "Білім туралы" Заңына, 2009 жылғы 18 қыркүйектегі "Халық денсаулығы және денсаулық сақтау жүйесі туралы" Қазақстан Республикасының кодексінің 175-бабының 3-тармағына сәйкес әзірленді және орта білімнен кейінгі білім мазмұнына, білім беру бағдарламаларының құрылымы мен мазмұнына, "Мейіргер ісі" мамандығы бойынша орта білімнен кейінгі қолданбалы бакалавриаттың білім алушыларының ең жоғарғы оқу жүктемесі мен дайындық деңгейіне талаптарды белгілейді.

      2. Осы МЖМБС орта білімнен кейінгі білім беру бағдарламаларын жүзеге асыратын білім беру ұйымдарында қолданылады.

      3. Осы МЖМБС-та келесі терминдер мен анықтамалар қолданылады:

      1) базалық құзыреттілік (бұдан әрі – БҚ) – өзін және өз қызметін басқару қабілеті, өзін-өзі ынталандыруға және өзін-өзі ұйымдастыруға бейімділік;

      2) біліктілік – алған мамандығы бойынша белгілі қызмет түрін құзыретті орындауға дайындық деңгейі;

      3) білім беру бағдарламасы – оқытудың мақсатын, нәтижелері мен мазмұнын, білім беру үрдісін, оларды жүзеге асыру әдістері мен тәсілдерін, оқыту нәтижелерінің бағалау өлшемдерін қамтитын білім берудің негізгі сипаттамаларының бірыңғай кешені;

      4) дипломдық жұмыс – таңдаған мамандығы саласында өзекті мәселелердің бірінде студенттің өзіндік зерттеулерінің нәтижесін таратуды ұсынатын шығыс жұмысы;

      5) дуалдық оқыту – білім беру ұйымында белгілі оқыту және кәсіпорындағы тәжірибе мерзімдерімен, жұмыс орнын ұсынумен және білім алушыларға оқу орны мен білім алушының, кәсіпорынның тең жауапкершілігімен орнына келтіруді төлеуді ұштастыратын мамандар даярлау түрі;

      6) жоғары колледж – техникалық және кәсіби, орта білімнен кейінгі білім берудің ықпалдастырылған модульдік білім беру бағдарламаларын жүзеге асыратын оқу орны;

      7) жеке оқу жоспары (бұдан әрі – ЖОЖ)– типтік оқу жоспары мен элективтік пәндер тізбесінің негізінде эдвайзердің көмегімен білім алушының өзіндік әрбір оқу жылына қалыптасатын оқу жоспары;

      8) кәсіби құзыреттілік (бұдан әрі – КҚ) – маманның кәсіби міндеттерінің жиынтығын білім, білік және дағдылары, сондай-ақ жеке басының қасиеттері негізінде кәсіби қызметін тиімді жүзеге асыруға мүмкіндік беретін қабілеті;

      9) кәсіби тәжірибе – теориялық білім, білік, дағдыларын бекітуге, белгілі жұмыс түрлерін орындау үрдісінде тәжірибелік дағдылар мен құзыреттіліктер игеруге және дамытуға бағытталған, болашақ кәсіби қызметімен байланысты оқу қызметінің түрі;

      10) кредиттік оқыту технологиясы – кредитті қолданып, білім алушы бірыңғайланған өлшем бірлігі ретінде білім алушы мен оқытушының оқу жұмысының көлемін білім алушының пәндерді оқып үйрену кезегін өзіндік таңдау және жоспарлау негізінде оқыту;

      11) қолданбалы бакалавриат – білім бағдарламалары "қолданбалы бакалавриат" біліктілігін тағайындаумен мамандар даярлауға бағытталған орта білімнен кейінгі білім;

      12) қолданбалы бакалавр – орта білімнен кейінгі білім бағдарламаларын меңгерген тұлғаларға тағайындалатын біліктілік;

      13) құзыреттілік – студенттің кәсіби қызметінде оқыту барысында алған білім, білік, дағдыларын тәжірибе жүзінде қолдану қабілеті;

      14) модуль – білім бағдарламасының тәуелсіз, өзіндік жеткілікті және толық бөлімі немесе оқу мерзімі;

      15) модульдік оқыту – модульдік білім бағдарламаларын меңгеру негізінде оқу үрдісін ұйымдастыру тәсілі;

      16) міндетті компонент (бұдан әрі – МК) – оқыту бағдарламасы бойынша типтік оқу жоспары белгілеген және міндетті түрде студенттер меңгеретін ең аз оқу бағдарламаларының тізімдемесі және оған сәйкес ең аз кредиттер көлемі;

      17) оқытудың нормативтік мерзімі – белгілі оқыту түрі бойынша (күндізгі, кешкі) білім беру бағдарламасын меңгеру мерзімі;

      18) оқу жоспарының үлгісі – орта білімнен кейінгі білімнің негізгі өзгермейтін құрылымдық компоненттерін көрсететін оқу жоспарын ұсынудың түрі;

      19) оқу жұмыс жоспары (ОЖЖс) – үлгілік оқу жоспарының негізінде орта білімнен кейінгі білім беру ұйымы әзірлейтін, оқу пәндерінің (модульдердің) тізімдемесі мен көлемін, тізбектілігін, қарқындылығын және оқытудың негізгі түрлерін, білімді бақылау мен білім алушылардың дағдыларын, білім беру ұйымының басшысы бекіткен кәсіби дайындықтың деңгейін бағалауды реттейтін құжат;

      20) студент –техникалық және кәсіби, орта білімнен кейінгі және жоғары оқу бағдарламаларын жүзеге асыратын білім беру ұйымында оқитын тұлға;

      21) тәлімгер – клиникалық және кәсіби /дипломалды тәжірибелерден өту кезеңінде клиникалық базада студенттің теориялық білімі мен тәжірибелік дағдыларын бекітуге ықпал ететін білікті мейіргер;

      22) транскрипт (Transcript) – кредиттер мен бағалар әріптік және сандық өрнекпен көрсетілген тиісті оқыту кезеңінде өтілген пәндердің тізімдемесін қамтитын белгіленген үлгідегі құжат.

      23) үлгілік кәсіби оқу бағдарламасы (бұдан әрі – ҮКОБ) – үлгілік оқу жоспарының нақты пәні (модуль) бойынша меңгеруге жататын, білім, білік, дағдылардың мазмұны мен көлемін анықтайтын құжат;

      24) үлгілік оқу жоспары (бұдан әрі – ҮОЖс) – оқу жоспарының үлгісі негізінде әзірленген, мамандықтар мен біліктіліктерге қатысты оқу пәндерінің (модульдер) тізімдемесі мен көлемін, орта білімнен кейінгі білім беру ұйымдарында оқытудың мерзімдерін белгілейтін құжат;

      4. Қолданбалы бакалавриаттың білім беру бағдарламалары "Мейіргер ісі" мамандығы бойынша орта білімнен кейінгі білім беру қызметімен айналысуға лицензиясы бар меншік иелігіне және ведомстволық бағынуына қарамастан, Қазақстан Республикасының 2007 жылғы 27 шілдедегі "Білім туралы" Заңының 14-бабының 9-тармағына сәйкес білім беру ұйымдарымен жүзеге асырылады.

      5. Қазақстан Республикасындағы білім беру ұйымдары "Мейіргер ісі" мамандығы бойынша орта білімнен кейінгі білімібар кадрларды даярлауды келесі құжаттарға сәйкес жүзеге асырады:

      1) осы МЖМБС;

      2) білім беру бағдарламасы;

      3) мамандықтың ҮКОБ және ҮОЖс;

      4) ОЖЖс;

      5) ЖОЖ;

      6) академиялық күнтізбе.

      6. "Қолданбалы бакалавр" біліктілігімен орта білімнен кейінгі білім "Мейіргер ісі" мамандығы бойынша оқыту күндізгі оқыту түрінде жүзеге асырылады.

2-тарау. Білім алушылардың дайындық деңгейіне қойылатын талаптар

      7. "Мейіргер ісі" мамандығы бойынша орта білімнен кейінгі білім беру бағдарламасы орта білімі (жалпы орта білім немесе техникалық және кәсіби білім) бар азаматтар ішінен қолданбалы бакалаврларды даярлауға бағытталған.

      8."Мейіргер ісі" мамандығы бойынша орта білімнен кейінгі білім беру бағдарламасын меңгергісі келетін тұлғалардың алдыңғы білім деңгейіне қойылатын талаптар осы МЖМБС-тың 1-қосымшасында ұсынылған.

      9. Осы МЖМБС модульдік оқыту шеңберінде жүзеге асырылатын құзыреттілік әдісті қолдануды қарастырады.

      10. Базалық құзыреттілікке қойылатын талаптар қазіргі заманғы қоғамдағы кәсіби жинақылықты, бәсекеге қабілеттілікті және әлеуметтік қорғауды қамтамасыз ететін әмбебап білім, білік, дағдылар ретінде мазмұндалады.

      11. Кәсіби құзыреттілікке қойылатын талаптар маманның кәсіби қызметін өз бетінше орындауға, өз еңбегінің нәтижелерін бағалауға, қызметінің негізгі міндеттерін шешуге, сондай-ақ белгілі білім мен дағдыларының дайындығы ретінде мазмұндалады.

      12. "Мейіргер ісі" мамандығы бойынша орта білімнен кейінгі қолданбалы бакалавриаттың білім беру бағдарламасы бойынша оқуды аяқтаған тұлғаларға "Қолданбалы бакалавр" біліктілігі тағайындалады және қосымшасымен (транскрипт) бірге Қазақстан Республикасы Білім және ғылым министрінің 2015 жылғы 28 қаңтардағы № 39 бұйрығымен бекітілген (№ 10348 нормативтік құқықтық мемлекеттік актілер тіркеу тіркелімінде тіркелген), білім туралы құжаттардың түрлері және және оларды берудің мемлекеттік үлгідегі Ережелеріне сәйкес мемлекеттік үлгідегі құжат беріледі.

3-тарау. Білім берудің мазмұнына қойылатын талаптар

      13. Осы МЖМБС қолдану келесі мақсаттарға жетуді қарастырады:

      1) нақты біліктілікті қалыптастыруға қажетті құзыреттілікті қалыптастыру және біліктілік деңгейін арттыру;

      2) біліктілік деңгейлерін төменгі деңгейден жоғарыға дамытудың үздіксіздігі мен сабақтастығы;

      3) толыққанды оқу-тәрбие үрдісінде қалыптасатын маманның біліктілік деңгейіне сәйкес білім алушылардың базалық құзыреттіліктерді меңгеруі;

      4) білім алушылардың негізгі кәсіби қызметінің түрлеріне сәйкес кәсіби құзыреттіліктерді меңгеруі;

      5) білім алушылардың дайындық деңгейі мен білім беру ұйымының білім беру қызметіне міндетті талаптар қою есебінен білім сапасына кепілдікті қамтамасыз ету;

      6) білім алушылардың дайындығын бағалаудың әділдігі мен білім бағдарламаларының сапасын және ақпараттандырылуын арттыру;

      7) білім алушылардың академиялық жинақылығына жағдай жасау;

      8) Қазақстанның бірыңғай білім кеңістігінің қызметін қамтамасыз ету;

      9) Орта білімнен кейінгі білім бағдарламаларын кәсіби біліктіліктерді тану туралы Еуропалық директиваларға (Директива 2013/55/EU) сәйкес келтіру.

      14. Орта білімнен кейінгі білімнің құндылықтары:

      1) кәсіби қызметінде шығармашылыққа қабілеттіліқ, басқаруға құлшыныс білдіру, кәсіби білімінің дамуына және кәсіби қызметінің нәтижесіне жауапкершілік таныту;

      2) кәсіби жинақылықты бәсекеге қабілеттілік және заманауи қоғамда әлеуметтік қорғалуды қамтамасыз ететін білім, білік, дағдылар, қасиеттер мен қабілеттер;

      3) маманның өз бетінше кәсіби қызметін орындауға, өз еңбегінің нәтижелерін бағалауға, қызметінің негізгі міндеттерін шешуге дайындығы, сондай-ақ белгілі білім, білік, дағдылары.

      15. Оқытудың мазмұнын ұйымдастыру тәсілі мемлекеттік жалпыға міндетті білім беру стандарттарының негізінде әзірленетін білім беру бағдарламаларымен анықталады.

      16. "Қолданбалы бакалавр" біліктілігімен "Мейіргер ісі" мамандығы бойынша орта білімнен кейінгі білім бағдарламасын меңгерудің мөлшерленген мерзімі күндізгі оқыту түрінде:

      жалпы орта білім негізінде – 3 жыл 6 ай;

      жеделдетілген бағдарлама бойынша оқыту техникалық және кәсіби білімнен кейін - 1 жыл 6 айды құрайды.

      17. Орта білімнен кейінгі білім бағдарламасының мазмұны:

      1) жалпыгуманитарных (бұдан әрі – ЖГП), әлеуметтік-экономикалық (бұдан әрі – ӘЭП), жалпыкәсіби (бұдан әрі – ЖКП), арнайы пәндер (бұдан әрі – АП), кәсіби дағдыларды меңгеру және бекіту үшін клиникалық және кәсіби/дипломалды тәжірибеден өтуді;

      2) орта білімнен кейінгі кіріктірілген модульдік бағдарламаларды оқытуды қарастырады.

      18. Орта білімнен кейін "Мейіргер ісі" мамандығы бойынша оқу үрдісін ұйымдастыру кредиттік оқыту технологиясы бойынша жүзеге асырылады.

      19. Білім бағдарламасын жүзеге асыру пәннің оқу-әдістемелік кешендері негізінде жүзеге асырылады. Оқу-әдістемелік кешендерді әзірлеудің түрі, құрылымы және тәртібі Қазақстан Республикасы Білім және ғылым министрлігінің 2001 жылғы 20 сәуірдегі № 152 бұйрығымен бекітілген Кредиттік оқыту технологиясы бойынша оқу үрдісін ұйымдастыру қағидаларына (бұдан әрі – Оқу үрдісін ұйымдастыру қағидалары) (нормативтік құқықтық актілерді мемлекеттік тіркеу тізілімінде № 6976 болып тіркелген) сәйкес білім беру ұйымымен анықталады;

      20. Білім беру қызметін жоспарлау және ұйымдастыру оқу жоспарларының негізінде жүзеге асырылады. Оқу жоспарлары ҮОЖс және ОЖЖ болып бөлінеді.

      21. "Мейіргер ісі" мамандығы бойынша орта білімнен кейінгі қолданбалы бакалавриат бағдарламасының ҮОЖс осы МЖМБС нұсқаулықтарына сәйкес мамандықтардың білім бағдарламаларының құрылымына, көлеміне және мазмұнына қойылатын талаптар жиынтығын, оқытудың мөлшерленген мерзімін және білім алушылардың дайындық деңгейін анықтайды.

      22. ҮОЖс орта білімнен кейінгі "Мейіргер ісі" мамандығы бойынша МЖМБС негізінде әзірленеді. ЖК пәндер тізімдемесі мен көлемі ҮОЖс-мен анықталады. Пәндердің көлемі қысқартылмайды.

      23. ОЖЖс "Мейіргер ісі" мамандығы бойынша оқу жылына ҮОЖс негізінде әзірленеді және педагогикалық кеңес шешімінің негізінде білім беру ұйымының басшысымен бекітіледі.

      24. Білім беру оқу бағдарламасы міндетті пәндермен бірге элективтік пәндерді де қамтиды. Элективтік пәндер білім алушылардың жеке бас қабілеттерін және жұмыс берушілердің сұраныстарын қамтамасыз етуге бағытталған.

      25. "Мейіргер ісі" мамандығы бойынша қолданбалы бакалавриаттың ҮОЖс негізінде студент ЖОЖ құрастырады. ЖОЖ әрбір студенттің жеке білім алу траекториясын анықтайды.

      ЖОЖ-ына ЖКП және оқу қызметінің түрлері (практика, ҮОЖс алынған диплом жұмысын орындау және қорғау және элективтік пәндер) енгізіледі.

      26. Орта білімнен кейінгі білім бағдарламасын жүзеге асыру барысында білім беру ұйымы:

      1) оқыту технологиясын, оқу үрдісін ұйымдастыру әдістерін, түрлерін;

      2) білім алушылардың ағымдық үлгерімін бақылауды өткізудің түрлерін, тәртібі мен мерзімділігін таңдайды.

      27. Орта білімнен кейінгі "Мейіргер ісі" мамандығы бойынша білім бағдарламасын жүзеге асыру жоғары (оның ішінде жоғары мейіргер білімі) білімі бар, жүргізетін пәннің бейініне сәйкес және педагогикалық, ғылыми-әдістемелік қызметпен жүйелі айналысатын, сондай-ақ тәжірибелік денсаулық сақтау саласының білікті мамандарымен, немесе орта білімнен кейінгі "Қолданбалы бакалавр" біліктілігімен "Мейіргер ісі" мамандығы бойынша сәйкес педагогикалық дайындығымен жоғары білімі (оның ішінде жоғары мейіргер білімі) бар ғылыми-педагогикалық мамандармен қамтамасыз етіледі.

      28. Симуляция арнайы пәндер кабинеттерінде және арнайы пәндер оқытушысының басшылығымен симуляциялық орталықтарда жүзеге асырылады.

      29. Практикалық даярлық:

      1) өгдірістік (клиникалық) практиканы;

      2) кәсіби (дипломалды) практиканы қамтиды.

      Өндірістік практиканы өтуде міндетті орындар тізімдемесі кәсіби біліктіліктерді танып білу туралы Еуропалық директиваларға (Директива 2013/55/EU) сәйкес: жалпы және мамандандырылған медицина; жалпы және мамандандырылған хирургия; балаларға күтім жасау және педиатрия; акушерлік іс; психологиялық денсаулық және психиатрия; қарт адамдарға және қартайған жастағыларға күтім жасау мен гериатрия; үйде күтім жасау.

      30. Өндірістік және кәсіби (дипломалды) практикалардың мерзімдері мен мазмұны ТОЖс және ТОБ-мен анықталады.

      31. Кәсіби (дипломалды) тәжірибелер медициналық ұйымдарда жұмыс берушілермен келісім шарт негізінде, оның ішінде дуалдық оқыту қағидаттары шеңберінде тәлімгерлердің (менторлар) басшылығымен жүргізіледі және оқыту үрдісінде алған білімін меңгеруге, тәжірибелік дағдыларды меңгеруге және кәсіби құзыреттіліктерін игеруді бекітуге бағытталған.

      32. Білім бағдарламасын жүзеге асыру аудиториялық қор, мамандандырылған кабинеттер және зертханалар, симуляциялық жабдықтар, оқу және оқу әдістемелік әдебиеттің кітапхана қорының болуымен, оның ішінде: аудио және бейне материалдар, әдістемелік көрнекі құралдар мен пәндер, клиникалық тәжірибе, инновациялық және компьютерлік ақпараттық технологиялар қолданылған электрондық оқу құралдары, дипломдық жоба бойынша кеңестермен қамтамасыз етілумен жүзеге асырылады.

      33. Оқу үрдісін материалдық-техникалық қамтамасыз ету Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы № 423 бұйрығымен бекітілген медициналық колледждердің клиникаға дейінгі симуляциялық кабинеттерін жарақтандыру нормативтеріне сәйкес келеді (№ 11644 нормативтік құқықтық мемлекеттік актілер тіркеу тіркелімінде тіркелген).

      34. Білім беру оқыту бағдарламасының тәрбие компоненттері студенттерді ұлттық құндылықтарға баулуға, патриотизм мен азаматтылықты қалыптастыруға, студенттердің жан-жақты қызығушылықтары мен қабілеттерін дамытуға, салауатты өмір салтын қалыптастыруға бағытталған қызметті жүзеге асыруға бағытталған.

4-тарау. Білім алушылардың оқу жүктемесінің ең жоғарғы көлеміне қойылатын
талаптар

      35. Білім алушының оқу жүктемесінің көлемі әрбір оқу модулі бойынша оқу жылы бойында ол меңгеретін академиялық сағатпен / кредитпен өлшенеді.

      Оқу үрдісін ұйымдастыру қағидаларына сәйкес бакалавриатта білім алушының аудиториялық сабақтар мен өзіндік жұмысын ескере отырып, теориялық оқытудың бір қазақстандық кредиттің (KZ) еңбек сыйымдылығы 45 сағат құрайды.

      Аудиториялық жұмыстың бір академиялық сағаты 50 минутқа тең. Тәжірибенің барлық түрлерінің, қорытынды аттестацияның бір академиялық сағаты 50 минутқа тең.

      36. Профессорлық-оқытушылық құрамның оқу жүктемесін жоспарлау кредитпен жүзеге асырылады немесе академиялық сағатпен немесе оқу жұмысының әртүрлі түріне арналған (кәсіби практика, жетекшілік және дипломдық жұмысты рецензиялау) уақыттан тұратын оқытушының студентпен байланысы кесте бойынша аудиториялық оқу сабақтарында немесе жеке бекітілген кесте бойынша жүзеге асырылады.

      37. Білім алушының оқу жүктемесінің ең жоғарғы көлемі барлық аудиториялық және аудиториядан тыс оқу жұмысын қоса, Қазақстан Республикасы Үкіметінің "Білім берудің тиісті деңгейлерінің мемлекеттік жалпыға міндетті білім беру стандарттарын бекіту туралы" (бұдан әрі – 1080 қаулы) 2012 жылғы 23 тамыздағы №1080 қаулысымен орта білімнен кейінгі мемлекеттік жалпыға міндетті білім беру стандартына сәйкес бекітілген аптасына 54 сағаттан аспайтын уақытты құрайды.

      38. Міндетті оқу жүктемесінің жалпы көлемі күндізгі оқу түрінде теориялық оқыту кезеңінде аптасына 36 сағаттан аспайтын уақытты (мұнда көрсетілген көлемге элективтік пәндер бойынша сабақтар мен студенттердің өзіндік жұмыстары (бұдан әрі – СӨЖ) кірмейді) құрайды.

      39. "Мейіргер ісі" мамандығы бойынша қолданбалы бакалавриат білім беру бағдарламасын меңгеру деңгейі келесі бақылау түрлерімен қамтамасыз етіледі: аралық аттестация, қорытынды аттестация ТОЖс-да көрсетіледі. Білім алушылардың оқу жетістіктерінің тарихын есепке алу Оқу үрдісін ұйымдастыру қағидаларының 2–қосымшасындағы үлгіге сай олардың транскриптінде көрсетіледі.

      40. Барлық пәндер бойынша негізгі түрі емтихан болып табылатын аралық аттестация өткізу қарастырылады.

      Емтихандар сол пәнді оқытуға жіберілген оқу уақытының есебінен жүргізіледі.

      Клиникалық және дипломалды тәжірибе негізгі түрі әңгімелесу арқылы бағалау негізгі түрі болып табылатын аралық аттестациямен (сынақ) аяқталады.

      41. Күндізгі оқу бөліміндегі білім алушыларға арналған кеңестер оқу тобына аралық және қорытынды аттестацияға пәндер бойынша емтихан және дипломдық жұмысты орындау түрінде қарастырылған сағат ішінен қарастырылады.

      42. Қазақстан Республикасы Үкіметінің 2013 жылғы 17 мамырдағы № 499 қаулысымен бекітілген орта білімнен кейінгі білім беру ұйымдарының қызметінің Типтік Ережелеріне сәйкес оқу жылы 1 қыркүйекте басталады және оқу үрдісінің кестесіне сай аяқталады. Демалыс уақыты жылына 11 аптаны құрайды, оның ішінде қыс кезінде үлгілік қағидаларға сәйкес – 2 аптадан кем емес уақытты құрайды.

      43. Оқу жылын аяқтауға жіберілген уақыт (дипломдық жұмыс пен қорытынды атттестация) 8 аптадан аспайды.

      44. "Мейіргер ісі" мамандығы бойынша орта білімнен кейінгі білім беру ұйымдарында студенттерді қорытынды аттестациялау түрі: диплом жұмысын орындау және қорғау немесе арнайы пәндердің бірі бойынша қорытынды аттестацияны емтихан тапсырумен диплом жұмысын орындау және қорғау.

      45. Орта білімнен кейінгі білім беру ұйымдарында білім алушыларды қорытынды аттестациялау білім алушы оқытудың толық курсы бойынша білім бағдарламаларын меңгеру деңгейін анықтау мақсатымен жүргізіледі.

      46. Орта білімнен кейінгі білім беру ұйымдарында білім алушыларды қорытынды аттестациядан өткізуге бөлінген оқу уақытының көлемі екі аптадан аспайтын уақытты құрайды.

      47. Оқу пәндерін оқытудың кезектілігін белгілеу, олардың әрқайсысы бойынша оқу уақытын бөлу курстар мен семестрлер бойынша пәнаралық байланыс есепке алынып жүргізіледі.

      48. "Дене тәрбиесі" бойынша сабақтар міндетті болып табылады және аптасына 4 сағаттан аспай жоспарланады.

      49. Орта білімнен кейінгі білім бағдарламасы бойынша оқуды аяқтаған және қорытынды аттестацияны табысты өткен тұлғаларға "Қолданбалы бакалавр" біліктілігі тағайындалады және мемлекеттік үлгідегі диплом қосымшасымен (транскрипт) беріледі.

"Мейіргер ісі" мамандығы бойынша қолданбалы бакалавриаттың білім беру
бағдарламасын меңгергісі келетін тұлғалардың алдыңғы білім деңгейіне қойылатын
талаптар

5В110100 –"Мейіргер ісі" мамандығы бойыншабакалавриаттың мемлекеттік жалпыға бірдей міндетті білім беру стандарты

      Ескерту. Бұйрық 5-5-қосымшамен толықтырылды – ҚР Денсаулық сақтау министрінің 29.06.2017 № 471 (алғашқы ресми жарияланған күнінен кейін қолданысқа енгізіледі) бұйрығымен

1-тарау. Жалпы ережелер

      1. Осы 5В110100–"Мейіргер ісі" мамандығы бойынша жоғары білім берудің мемлекеттік жалпыға бірдей міндетті стандарты (бұдан әрі – МЖМБС) 2009 жылғы 18 қыркүйектегі "Халық денсаулығы және денсаулық сақтау жүйесі туралы" Қазақстан Республикасы Кодексінің 175-бабының 3-тармағына сәйкес әзірленді және білім алушылардың даярлық деңгейіне, білім беру мазмұнына, олардың типтеріне, түрлеріне және меншік нысандарына, сондай-ақ оқыту тіліне қарамастан, жоғары оқу орындарында білім алушылардың оқу жүктемелерінің ең көп көлеміне қойылатын талаптарды айқындайды.

      2. Осы МЖМБС мынадай терминдер мен олардың анықтамалары қолданылады:

      1) бакалавриат – білім беру бағдарламалары тиісті мамандық бойынша "бакалавр" дәрежесін бере отырып, кадрлар даярлауға бағытталған жоғары білім;

      2) біліктілік талаптары – денсаулық сақтау жүйесінде кәсіби қызметті тиімді жүзеге асыру үшін қажетті білімдер, шеберліктер мен дағдылар.

      3) дипломдық жұмыс (жоба) – студенттің тиісті саладағы өзекті проблеманы өз бетінше зерделеу нәтижелерінің жинақталуы болып табылатын бітіру жұмысы;

      4) дуальді оқыту – кәсіпорынның, оқу орнының және білім алушының жауапкершіліктері тең болған кезде білім беру ұйымындағы оқытуды кәсіпорында білім алушыларға жұмыс орындарын ұсына отырып және өтемақы төлемін төлей отырып оқыту мен практиканың міндетті кезеңдерімен ұштастыратын кадрлар даярлау нысаны;

      5) жеке оқу жоспары (бұдан әрі – ЖОЖ) – үлгілік оқу жоспары мен элективті пәндер каталогы негізінде эдвайзердің көмегімен студенттің әр оқу жылына арнап өзі құрастыратын оқу жоспары;

      6) кәсіби практика – болашақ кәсіптік қызметпен байланысты белгілі бір жұмыстың түрлерін орындау процесінде теориялық білімдерді, дағдыларды бекітуге, практикалық дағдылар мен құзыреттерді игеруге және дамытуға бағытталған оқу қызметінің түрі;

      7) клиникалық база – қазіргі заманғы әдістері негізінде ұйымдастыру-әдістемелік, оқу материалдық-техникалық базасының жоғары деңгейі бар, дәрігерлерді, ғылыми кадрларды даярлау мен қайта даярлауды жүзеге асыратын, емдеу-диагностикалық және ғылыми-зерттеу жұмысының және медициналық көмектің барлық түрлерін көрсететін жергілікті ұйымдардың базасында қызмет жасайтын жоғары оқу орнының немесе денсаулық сақтау ұйымының клиникасы;

      8) кредиттік оқыту технологиясы – кредитті білім алушы мен оқытушының оқу жұмысының көлемін сәйкестендірілген өлшеу бірлігі ретінде пайдалана отырып, білім алушылардың пәндерді (модульдерді) таңдауы және өз бетінше жоспарлауы негізіндегі оқыту;

      9) модульдік оқыту – модульдік білім беру бағдарламаларын меңгеру негізінде оқу процесін ұйымдастыру тәсілі;

      10) міндетті компонент (бұдан әрі – МК) – үлгілік оқу жоспарында белгіленген және білім беру бағдарламасы бойынша студенттер міндетті түрде оқитын оқу пәндерінің және тиісті кредиттердің ең аз көлемінің тізбесі;

      11) оқу жұмыс жоспары (бұдан әрі – ОЖЖ) – мамандық бойынша үлгілік оқу жоспары мен студенттердің жеке оқу жоспарлары негізінде білім беру ұйымы дербес әзірлейтін оқу құжаты;

      12) таңдау компоненті – жоғары оқу орны (бұдан әрі – ЖОО) ұсынатын, пререквизиттері мен постреквизиттерін есепке ала отырып кез келген академиялық кезеңде студенттердің өздері таңдай алатын оқу пәндерінің және тиісті кредиттердің (немесе академиялық сағаттардың) ең аз көлемінің тізбесі;

      13) тіркеуші кеңсесі – (бөлім, сектор) білім алушының оқу жетістігінің барлық тарихын тіркеумен айналысатын және білімін бақылаудың барлық түрін ұйымдастыруды және академиялық рейтингін есептеуді қамтамасыз ететін қызмет;

      14) транскрипт – оқу кезеңіне сәйкес кредиті көрсетілген пәндер тізімінен тұратын және әріппен, санмен бейнеленген үлгерім бағасы берілген арнайы үлгідегі құжат;

      15) үлгілік кәсіби оқу бағдарламасы (бұдан әрі – ҮКОБ) – оқу мазмұнын, көлемін, ұсынылатын әдебиетті анықтайтын және денсаулық сақтау саласындағы уәкілетті орган бекітетін мамандықтың үлгілік оқу жоспарының міндетті компонентіндегі пәннің оқу құжаты;

      16) үлгілік оқу жоспары (бұдан әрі – ҮОЖ) – Қазақстан Республикасының жоғары және ЖОО-нан кейінгі білім мамандықтарының жіктеуіші мен осы стандарт негізінде әзірленетін, міндетті компонент пәндерінің тізбесі мен кредиттердің ең аз көлемін және практиканың, қорытынды аттестаттаудың барлық түрлерін көрсете отырып, пәндер циклі бойынша білім беру бағдарламасының құрылымы мен көлемін регламенттейтін, білім беру саласындағы уәкілетті орган бекітетін оқу құжаты;

      17) элективті пәндер каталогы (бұдан әрі – ЭПК) – зерттеу мақсатын, қысқаша мазмұнын (негізгі бөлімдер) және зерттеуден күтілетін нәтижелерді (студенттердің алатын білімін, іскерлігін, дағдысы мен құзыреттерін) көрсете отырып, пәннің қысқаша сипаттамасын қамтитын таңдау компоненттері бойынша барлық пәндердің жүйеленген аннотацияланған тізбесі;

      18) эдвайзер – мамандығына сәйкес білім алушыларға академиялық ұстаз қызметін атқаратын, оқыту барысында білім беру бағдарламасын таңдау және меңгеруде білім алушыларға пәндерден жеке оқу жоспарын құруға көмектесетін кафедра оқытушысы.

      3. Бакалавриаттың 5В110100 – "Мейіргер ісі"мамандығы бойынша бакалариаттың білім беру бағдарламасын игеруге қызығушылық танытқан тұлғаларға алдыңғы білім деңгейіне қойылатын талаптар осы МЖМБС 1-қосымшасына сәйкес көрсетілген.

      4. Жоғары оқу орны (бұдан әрі – ЖОО) жоғары білімі бар мамандарды (дипломды мамандар)даярлауды:

      1) Мамандық бойынша МЖМБС және ҮОЖ;

      2) академиялық күнтізбеге;

      3) ЖОЖ;

      4) мамандықтардың ОЖЖс;

      5) пәндер бойынша оқу бағдарламаларына сәйкес жүзеге асырады.

      5. МЖМБС:

      1) міндетті компонентінің мазмұнын айқындайды;

      2) білім алушылардың оқу жүктемесінің ең жоғары көлеміне және даярлау деңгейіне қойылатын талаптарды белгілейді;

      3) талаптарды айқындайды:

      - мамандықтардың ҮОЖ;

      - білім беру бағдарламаларын;

      - мамандықтардың ОЖЖс;

      - студенттердің ЖОЖ;

      - пәндер бойынша оқу бағдарламаларын әзірлеу кезінде.

2-тарау. Білім алушыларды даярлау деңгейіне қойылатын талаптар

      6. Жоғары оқу орындарында жоғары білім 5В110100 – "Мейіргер ісі"мамандығы бойынша "бакалавр" академиялық дәрежесін беруді, олардың кәсіби даярлық деңгейін жүйелі арттыруға бағытталған жәнежалпы білім беретін пәндер,базалық пәндер және бейіндеуші пәндер циклдерін зерделеуді, сондай-ақ кәсіби практикадан өтуді қамтиды.

      7. Жалпы білім беретін пәндер (бұдан әрі – ЖБП) циклі, базалық пәндер (бұдан әрі – БП) және бейіндеуші пәндер циклдері міндетті компонент және таңдау бойынша компоненттерден тұрады.

      8. Міндетті компонент пәндерінің тізбесі және көлемі осы бұйрықтың 6-қосымшасына сәйкес 5В110100 - "Мейіргер ісі" мамандығы бойынша бакалавриаттың үлгілік кәсіптік оқу бағдарламасының 2-қосымшасында келтірілген 5В110100 - "Мейіргер ісі" мамандығының үлгілік оқу жоспарымен айқындалады.

      9. Жылдамдатылған оқу мерзіміндегі қысқартылған білім беру бағдарламалары бойынша міндетті компонент пәндерінің тізбесі және көлемі осы бұйрықтың 6-қосымшасына сәйкес 5В110100 - "Мейіргер ісі" мамандығы бойынша бакалавриаттың үлгілік кәсіптік оқу бағдарламасының 3-қосымшасында келтірілген 5В110100 - "Мейіргер ісі" мамандығының үлгілік оқу жоспарымен айқындалады.

      10. Таңдау компоненті нақты өңірдің әлеуметтік-экономикалық даму ерекшелігі мен еңбек нарығының сұранысын, нақты ЖОО-ғы ғылыми мектептің қалыптасуын, сондай-ақ білім алушының жеке қызығушылығын ескереді.

      11. ЖБП циклінің көлемі үлгілік оқу жоспарындағы пәндердің жалпы көлемінің 20%-ын немесе 28 кредитті құрайды. Оның ішінде 21 кредит "Білім берудің тиісті деңгейлерінің мемлекеттік жалпыға міндетті білім беру стандарттарын бекіту туралы" Қазақстан Республикасы Үкіметінің 2016 жылғы 13 мамырдағы № 1080 қаулысымен бекітілген (бұдан әрі – № 1080 қаулы) Жоғары білім берудің мемлекеттік жалпыға міндетті стандартының 16-тармағына сәйкес міндетті компонент пәндеріне бөлінеді: Қазақстанның қазіргі заман тарихы, философия, қазақ (орыс) тілі, шет тілі, ақпараттық-коммуникациялық технологиялар.

      Таңдау компоненті ЖБП цикл пәндерінің жалпы көлемінен кемінде 7 кредитті құрайды.

      12. БП цикліндегі пәндер көлемі үлгілік оқу жоспарындағы пәндердің жалпы көлемінің 55%-ын немесе 69 кредитті құрайды.

      13. БП цикліндегі міндетті компонентке әрқайсысы кемінде 2 кредит көлемінде "Кәсіби қазақ (орыс) тілі" және "Кәсіби бағытталған шет тілі" пәндері енгізіледі.

      Көрсетілген пәндер тілдік және бейіндеуші кафедраларға бекітіледі.

      14. Бейіндеуші пәндер цикліндегі пәндер көлемі үлгілік оқу жоспарындағы пәндердің жалпы көлемінің 25%-ын немесе 32 кредитті құрайды

      15. Оқытудың қосымша түрлері "Дене шынықтыру" пәнінен және кәсіби практикадан тұрады.

      16. Оқытудың қосымша түрлерінің міндетті компонентін меңгеру мемлекеттік білім беру тапсырысы шегінде қамтамасыз етіледі.

      17. "Мейіргер ісі" мамандығының ерекшеліктерін ескере отырып білім беру процесінің аяқталғандығының негізгі өлшемшарты білім алушылардың теориялық оқудың 129-дан астам кредитін меңгеруі болып табылады.

      18. Білім беру қызметін ұйымдастыру оқу процесін, білім беру мазмұнын жоспарлау, оқу сабақтарын жүргізу тәсілдерін, студенттің өзіндік жұмысын, олардың оқу жетістіктерін қорытынды бақылау формаларын таңдау арқылы жүзеге асырылады.

      19. Үш тілде білім беру бағдарламасын енгізген ЖОО білім беру қызметін ұйымдастыруды және жоспарлауды үш тілде жүзеге асырады: қазақ, орыс және ағылшын тілдері.

      Екі тілде білім беру бағдарламасын енгізген ЖОО білім беру қызметін ұйымдастыруды және жоспарлауды екі тілде жүзеге асырады: қазақ және орыс тілдері.

      Бұл ретте әртүрлі тілдерде оқытылатын пәндердің пайыздық арақатынасын ЖОО айқындайды.

      20. Дуальді оқыту элементтерін енгізген ЖОО білім беру қызметін жоспарлау мен ұйымдастыруды клиникалық базада практикалық даярлықпен теориялық оқытуды үйлестіру негізінде жүзеге асырады.

      Бұл ретте пәннің оқу материалының 50 %-ына дейіні тікелей клиникалық базада меңгерілуі тиіс екені көзделген.

3-тарау. Білім беру мазмұнына қойылатын талаптар

      21. Осы МЖМБС-ны қолдану төмендегі мақсаттарға қол жеткізуді қарастырады:

      1) білім беру қызметіне және студенттердің дайындық деңгейіне қойылатын талаптар негізінде жоғары білімнің сапасын арттыру;

      2) студенттерді оқыту деңгейін және жоғары оқу орындарындағы білім беру бағдарламаларының сапасын бағалаудың объективтілігі және ақпараттылығы;

      3) 5В110100 – "Мейіргер ісі" мамандығы бойынша жұмыс үшін бәсекеге қабілетті, білікті кадрлар дайындығын қамтамасыз ету.

      22. 5В110100 - "Мейіргер ісі"мамандығы шеңберінде ЖОО 2015 жылғы 23 қарашадағы Қазақстан Республикасының Еңбек кодексінің 117-бабының 2-тармағына сәйкес бекітілген Ұлттық біліктілік шеңберіне, кәсіптік стандарттарға сәйкес білім беру бағдарламаларын өз бетінше әзірлейді.

      23. Білім беру қызметін ұйымдастыру академиялық күнтізбенің, оқу сабақтарының кестесінің негізінде жүзеге асырылады. Білім беру мазмұнының құрылымы білім берудің есептеу-өлшем құралдары "Тиісті үлгідегі білім беру ұйымдары қызметінің үлгілік қағидаларын, оның ішінде балаларға арналған қосымша білім беру бағдарламаларын іске асыратын білім беру ұйымдары қызметінің үлгілік қағидаларын бекіту туралы" (бұдан әрі – Үлгілік қағидалар) Қазақстан Республикасы Үкіметінің 2013 жылғы 17 мамырдағы № 499 қаулысымен бекітілген Тиісті үлгідегі білім беру ұйымдары қызметінің үлгілік қағидаларын 43-тармағына сәйкес оқу жоспарлары (типтік, жеке, жұмыс) мен бағдарламаларына, оқу жүктемесінің көлеміне, академиялық кезеңдердің ұзақтығына, академиялық сабақ түрлеріне, оқу материалының көлеміне қойылатын талаптарға сәйкес айқындалады.

      24. Білім беру қызметін жоспарлау мен ұйымдастыру оқу жоспарларының негізінде жүзеге асырылады.

      Оқу жоспарлары Үлгілік қағидалардың 43-тармағына сәйкес ҮОЖ, ЖОЖ, және ОЖЖ бөлінеді

      25. Үлгілік оқу жоспары (ҮОЖ) осы МЖМБС негізінде 5В110100 – "Мейіргер ісі" мамандығы бойынша әзірленеді.

      ҮОЖ-да міндетті компоненттің әрбір оқу пәнінің еңбексыйымдылығы және әрбір оқу қызметінің түрі (практика, мемлекеттік емтихандар, дипломдық жұмысты жазу және қорғау) кредитпен айқындалады, ал оқу пәндерінің әр циклі бойынша таңдау компоненті кредиттердің жалпы санымен көрсетіледі.

      26. ҮОЖ-ға қосымша жыл сайын ЖОО таңдау компонентіндегі барлық

      пәндердің жүйеленген, аннотацияланған тізбесі болып табылатын элективті пәндер каталогын (ЭПК) әзірлейді.ЭПК-де әр оқу пәнінің пререквизиттері мен постреквизиттері көрсетіледі. ЭПК студенттерге элективті оқу пәндерін баламалы таңдау мүмкіндігін қамтамасыз етуі тиіс.

      27. 5В110100 – "Мейіргер ісі" мамандығы бойынша ҮОЖ мен ЭПК негізінде студент эдвайзердің көмегімен жеке жұмыс жоспарын (ЖОЖ) құрады. ЖОЖ әрбір студенттің жеке білім алу траекториясын айқындайды.

      ЖОЖ-ға ҮОЖ-дан міндетті компонент пәндері және оқу қызметінің түрлері (практикалар, мемлекеттік емтихан, дипломдық жұмысты (жобаны) жазу және қорғау) және ЭПК-дан таңдау компоненті пәндері кіреді.

      28. ОЖЖ оқу жылына 5В110100 – "Мейіргер ісі"мамандығының ҮОЖ-ы мен студенттердің ЖОЖ-ы негізінде әзірленеді және оны ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен санағандағы еңбекті қажетсінуі, оқытылу реті, оқу сабақтарының түрлері мен бақылау нысандары, сондай-ақ оқу қызметінің басқа да түрлері (практикалар, мемлекеттік емтихандар, дипломдық жұмысты (жобаны) жазу және қорғау) айқындалады.

      29. ЭПК, ЖОЖ және ОЖЖ-ның нысанын, құрылымын әзірлеу және бекіту тәртібін ЖООҚазақстан Республикасы Білім және ғылым министрінің 2011 жылғы 20 сәуірдегі № 152 бұйрығымен бекітілген (Нормативтiк құқықтық актiлерді мемлекеттік тіркеу тізімінде № 6976 болыптіркелген). Кредиттік оқыту технологиясы бойынша оқу үдерісін ұйымдастырудың қағидаларының (бұдан әрі- Оқу үдерісін ұйымдастырудың қағидалары) 13, 14, 15, 16-тармақтарына сәйкес өз бетінше айқындайды.

      30. Үлгілік кәсіби оқу бағдарламалары (ҮКОБ) міндетті компонент пәндері бойынша әзірленеді.

      31. Барлық оқу пәндерінің мазмұны үлгілік және оқу жұмыс бағдарламаларымен айқындалады.

      Міндетті минимум мен ЖОО ұсынатын оқу жүктемесінің көлемі шеңберінде алынған білім деңгейі бақылаудың әртүрлі түрлері арқылы қамтамасыз етіледі.

      32. Студенттердің оқу жетістіктерін бақылауды және олардың оқу пәндері немесе модульдер бойынша білімін бағалауды оқу процесінің межелік кезеңдерінде (әр академиялық кезең мен оқу жылы аяқталған кезде), Қағидалардың 64-тармағына сәйкес, Тіркеу (бөлім, сектор) кеңсесі ұйымдастырады және бақылау мен бағалау оқытудың қорытынды нәтижесіне бағытталуы тиіс.

      33. Тіркеу кеңсесі білім алушылардың оқу жетістіктерінің тарихын есепке алады, ол Оқу үрдісін ұйымдастыру қағидаларының 2-қосымшасына сәйкес нысан бойынша транскриптінде көрсетіледі.

      Транскрипт білім алушыға білім алудың кез келген кезеңінде оның жазбаша өтініші негізінде беріледі.

      34. Бітірушілердің білімін, іскерлігін, дағдысын және құзыреттерін бақылау оларды қорытынды аттестаттау кезінде жүзеге асырылады.

      35. ЖОО бітірушілерін қорытынды аттестаттау академиялық күнтізбеде және мамандықтардың оқу жоспарларында көзделген мерзімде өткізіледі.

      36. Қорытынды аттестаттау мамандық бойынша мемлекеттік емтихан тапсыру және дипломдық жұмысты (жобаны) қорғау түрінде жүзеге асырылады.

      Дипломдық жұмысты (жобаны) қорғау дипломдық жұмысты (жобаны) жазудан және қорғау рәсімінен тұрады. Бұл ретте дипломдық жұмыс (жоба) бітірушінің талдау және зерттеу қабілеттерін анықтау және бағалау мақсатын көздейді.

      37.Білім беру мазмұнын жоспарлауды, оқу процесін ұйымдастыру және жүргізу тәсілін ЖОО кредиттік оқыту технологиясы негізінде өз бетінше жүзеге асырады.

      38. Оқу процесін жоспарлау кезінде ЖОО осы МЖМБС 2-қосымшасына сәйкес 5В110100 - "Мейіргер ісі" мамандығы бакалавриатының білім беру бағдарламасының компоненттерін бөлу нормаларын басшылыққа алады.

      39. Білім беру бағдарламаларының құрылымы білім беру мазмұнын айқындайтын оқу жұмыстарының түрлерінен қалыптастырылады.

      40. Бакалавриаттың білім беру бағдарламасы:

      1) жалпы білім беретін, базалық және бейіндеуші пәндер циклдерін меңгеруден тұратын теориялық оқытуды;

      2) оқытудың қосымша түрлері – кәсіптік практиканың түрлерін, дене шынықтыруды, әскери дайындықты және т.б.;

      3) аралық және қорытынды аттестаттауды қамтиды.

      Бұл ретте бакалавриаттың білім беру бағдарламалары модульді оқыту қағидаты бойынша құрылады.

      41. Оқу жұмысының қиындық келтіретінін есепке алу оқытылатын материалдың көлемі бойынша жүзеге асырылады және оқытудың нақты нәтижелеріне қол жеткізуге қажетті студенттер мен оқытушылардың еңбек шығынының өлшем бірлігі болып табылатын кредиттермен өлшенеді.

      Кредиттер білім беру бағдарламасының жекелеген пәндерінің және/немесе модульдерінің (элементтерінің) шартты "бағасын" көрсетеді. Жалпы көп еңбек ұғымына лекциялық, практикалық (семинарлық), зертханалық, студиялық сабақтар, студенттердің өзіндік жұмысы, курстық, есептік-графикалық жұмыстар (жобалар), кәсіптік практиканың, тағылымдамалардың барлық түрлері, қорытынды аттестаттауға дайындық және одан өту кіреді.

      42. Теориялық оқытудың жалпы еңбекті қажетсінуі оқытылатын оқу пәндерінің тізбесімен анықталады.

      43. Оқу процесін кредиттік оқыту технологиясы бойынша ұйымдастыру кезінде әр оқу пәнінің көлемі кредиттің бүтін санын құрауы тиіс. Бұл ретте пән, әдетте, кемінде 3 кредит көлемімен бағаланады.

      Ерекше жағдайда пәнді 2 кредитпен бағалауға жол беріледі.

      44.Әр бір пәннің қайталанбайтын атауы болу керек.

      45. Білім алушылар әрбір оқу пәнін бір академиялық кезеңде меңгеріп, оны аяқтаған соң емтихан нысанындағы қорытынды бақылауды тапсырады. Кәсіби практиканың барлық түрлері, курстық жұмыстар (жобалар) бойынша қорытынды бақылау білім алушылардың оқу жұмысының аталған түрлерін қорғау түрінде өткізіліп, белгіленген бағалар шкаласы бойынша бағаланады.

      46. ЖОО-ның білім беру бағдарламалары мен оқу жоспарларына қолданыстағы заңнаманың нормаларын іске асыратын пәндер міндетті түрде кіреді.

      47. № 1080 қаулының 64-тармағына сәйкес 5В110100-"Мейіргер ісі" мамандығы бойынша білім алушыларды даярлау 4 жылды құрайды.

      48. Жоғары білімнің білім беру бағдарламасын меңгерген және қорытынды аттестаттаудан табысты өткен тұлғаларға тиісті мамандық бойынша "бакалавр" дәрежесі немесе біліктілік және қосымшасы (транскрипт) бар мемлекеттік үлгідегі диплом беріледі.

4-тарау. Оқу жүктемесінің ең жоғары көлеміне қойылатын талаптар

      49. Студенттің оқу жүктемесінің көлемі оның оқу жылы ішінде әр пән немесе оқу жұмысының түрі бойынша игеретін кредит санымен өлшенеді. Білім алушылардың оқу жүктемесінің максималды көлемі – кемінде 129 кредит болып табылады.

      50. Профессорлар-оқытушылар құрамының оқу жүктемесін жоспарлау кредитпен немесе аудиториялық оқу сабақтарын кесте бойынша немесе оқу жұмысының басқа түрлері үшін жеке бекітілген график бойынша оқытушының студенттермен байланыс жұмысының уақытын білдіретін академиялық сағаттармен жүзеге асырылады.

      51. Аудиториялық жұмыстың бір академиялық сағаты 50 минутқа тең. Зертханалық сабақтар,сондай-ақ дене тәрбиесі сабақтары үшін академиялық сағат 100 минутқа тең.

      Практиканың, студенттерді қорытынды аттестаттаудың барлық түрлері үшін бір академиялық сағат 50 минутқа тең.

      52. Студенттің оқу жүктемесі академиялық сағаттардың ұзақтығымен және оқу жұмыстарының түрлері үшін академиялық сағатпен ілесе жүретін оқу сағаттарының көлемдерімен (50 минуттық байланыс сағаттары) анықталады.

      Студенттің аудиториялық жұмысының академиялық сағаттары тиісті студенттің өзіндік жұмысымен (бұдан әрі – СӨЖ) сағаттарының санымен толығады. Бір кредитке студенттің семестр түріндегі академиялық кезеңінің бір аптасындағы жиынтық оқу жүктемесі 3 сағатқа тең болады.

      Дене шынықтыру сабақтары қосымша СӨЖ сағаттарымен қамтылмайды.

      Қорытынды аттестаттаудың әр академиялық сағаты дипломдық жұмысты (жобаны) жазу және қорғау бойынша студенттің оқытушымен байланыс жұмысының немесе мемлекеттік емтиханға дайындық және оны тапсыру бойынша студенттің оқытушымен жұмысының бір сағаты (50 минут) болып табылады. Студентті қорытынды аттестаттаудың әрбір академиялық сағаты 6 сағаттық СӨЖ-бен қамтамасыз етіледі.

      53. Оқу жылы академиялық кезеңдерден, аралық аттестаттау кезеңінен, практикалардан, тағылымдамалармен каникулдан тұрады. Соңғы курста оқу жылына қорытынды аттестаттау кезеңі қосылады.

      54. Оқу жылының жалпы ұзақтығы 36 аптадан кем болмауы тиіс.

      55. Әрбір академиялық кезең ұзақтығы 1 аптадан кем болмайтын студенттерді аралық аттестаттау кезеңімен аяқталады.

      ЖОО академиялық кезеңнің нысанын және оған қоса оны ұйымдастырудың біріктірілген нысанын да дербес анықтайды.

      56. Аралық аттестаттау кезеңінде барлық оқытылған пәндер бойынша қорытынды бақылау жүргізіліп, ағымдағы үлгерім бағалары (ағымдағы және межелік бақылаулар нәтижелері бойынша орташа арифметикалық бағалар) ескеріле отырып, пәндер бойынша қорытынды бағалар шығарылады.

      Пән бойынша қорытынды бағада № 1080 қаулының 75-тармағына сәйкес ағымдағы үлгерім бағасының үлесі 60 %-дан, ал қорытынды бақылау бағасының үлесі 30 %-дан кем болмауы тиіс.

      57. Бітіруші курсты қоспағанда, студенттерге оқу жылы ішінде кемінде екі рет жалпы ұзақтығы кемінде 7 аптаны құрайтын каникул беріледі.

      58. Кәсіптік практика жоғары білім берудің кәсіптік оқу бағдарламасының міндетті компоненті болып табылады. Ол оқу және өндірістік болып бөлінеді.

      Практикалардың ұзақтығы студенттің практика кезіндегі 30 сағатқа тең апта бойғы (5 күндік жұмыс аптасы кезінде күніне 6 сағат) нормативті жұмысын есепке ала отырып, аптамен анықталады. Апта санын шығару үшін практиканың кредитпен есептелген көлемі тиісті практика түрінің оқу сағатымен есептелген еңбек қажетсінуіне көбейтіледі және студенттің апта бойғы жұмысының ұзақтығына, яғни 30 сағатқа бөлінеді.

      Практиканың 1 кредитінің еңбекті қажетсінуі оқу практикасы үшін 15 сағатты (50 минуттан), педагогикалық практика үшін 30 сағатты (50 минуттан), өндірістік практика үшін 75 сағатты (50 минуттан) құрайды. 1 кредитке келетін практиканың ұзақтығы аптамен есептегенде оқу практикасы үшін 0,5 аптаны, педагогикалық практика үшін 1 аптаны, өндірістік практика, тағылымдамалар үшін 2,5 аптаны құрайды.

      59. Студенттерді қорытынды аттестаттауды аптамен жоспарлау 54 сағатқа тең студенттің апта бойғы жұмысының нормативті уақытына (6 күндік жұмыс аптасы кезінде СӨЖ-ді қоса есептегенде күніне 9 сағат) қарай анықталады.

      Қорытынды аттестаттаудың 1 кредиті 105 (15х7) сағатқа тең, яғни 2 апта. Олардың ішінде 15 сағаты студент пен оқытушының байланыстағы жұмысына, ал 90 сағаты СӨЖ-ге арналады.

      5В110100 – "Мейіргер ісі" мамандығы бойынша мемлекеттік емтиханға дайындалуға және оны тапсыруға 1 кредит, яғни 2 апта бөлінеді.

      Дипломдық жұмысты (жобаны) жазуға және қорғауға 2 кредит, яғни тиісінше 4 апта бөлінеді. Бұл ретте 2 кредитке дипломдық жұмысты (жобаны) ресімдеу мен қорғау кіреді.

      60. Білім алушылардың (бітіруші курсты қоспағанда) қосымша оқу қажеттіліктерін қанағаттандыру үшін,оқу жоспарларындағы академиялық қарызды немесе айырмашылықты жою үшін, игерген кредиттерін өз ЖОО-да міндетті түрде қайта тапсыра отырып басқа ЖОО-да оқу пәндерін оқып-үйрену, үлгерімнің орташа балын (Grade Point Average (GPA)) (Грейд Поинт Авераж) көтеру үшін, екі дипломды білім беру шеңберінде аралас мамандықты меңгеру үшін ұзақтығы кемінде 6 апта жазғы семестр енгізілуі мүмкін.

      Сонымен қатар академиялық қарыздарын немесе оқу жоспарындағы айырмашылықтарды жою және қосымша оқу ақылы негізде жүзеге асырылады.

      Жазғы семестр, ОҚТ (әскери дайындық) демалыс есебінен немесе академиялық күнтізбе бойынша бөлек жоспарлануы мүмкін.

      61. Кәсіптік немесе орта білімнен кейінгі немесе жоғары білім базасында жылдамдатылған оқу мерзіміндегі қысқартылған білім беру бағдарламалары бойынша білім алушы:

      1) ЖОО есептеп, транскриптіне міндетті түрде енгізетін алдыңғы білімде меңгерген пререквизиттеріне қарай өзінің жеке оқу жоспарын құрастырады;

      2) "Мейіргер ісі" мамандығы бойынша, бірақ алдыңғы білім деңгейін ескере отырып, қолданыстағы білім беру бағдарламасы негізінде ЖОО дербес анықтайтын жеке оқу мерзіміне және білім беру бағдарламасының көлеміне ие болады.

      62. ЖОО-ның кадрлық құрамына қойылатын талаптар білім беру қызметін лицензиялау кезінде қойылатын біліктілік талаптарымен және сол талаптарға сәйкестігін растайтын Қазақстан Республикасының Білім және ғылым министрлігінің 2015 жылғы 17 маусымдағы № 391 бұйрығымен бекітілген құжаттар тізімімен айқындалған. (Нормативтiк құқықтық актiлерді мемлекеттік тіркеу тіркелімінде № 11716 болып тіркелген).

5В110100 –"Мейіргер ісі" мамандығы бойынша бакалариаттың білім беру
бағдарламасын игеруге қызығушылық танытқан тұлғаларға алдыңғы білім деңгейіне
қойылатын талаптар

5В110100 – " Мейіргер ісі "мамандығы бойынша бакалавриат білім бағдарламасының

компоненттерін бөлу нормасы (оқу мерзімі 4 жыл)

      Ескерту:

      * Біліктілікті алу үшін студент теориялық оқытудың кемінде 129 кредитін және кәсіби тәжірибенің кемінде 6 кредитін меңгеруі тиіс (ТОЖ жоспарланған кредиттерге қарамастан).

      ** Дене шынықтыру бойынша қорытынды аттестация (сағатта) мен сабақтың жалпы көлемі студенттің орташа апталық жүктемесіне кірмейді.

      ** Мамандық бойынша бір мемлекеттік емтиханға 1 кредит жоспарланады.

      **** Тәжірибеге бөлінген кредиттер саны 6 кем болмауы тиіс. Сонымен бірге, бакалавриаттың барлық мамадықтарына оқу тәжірибесі 2 кредит және өндірістік практика 4 кредит көлемінде жоспарланады.

5В110200 – "Қоғамдық денсаулық сақтау" мамандығы бойынша бакалавриаттың
мемлекеттік жалпыға бірдей міндетті стандарты

      Ескерту. Бұйрық 5-6-қосымшамен толықтырылды – ҚР Денсаулық сақтау министрінің 17.07.2017 № 530 (алғашқы ресми жарияланған күнінен кейін қолданысқа енгізіледі) бұйрығымен

1. Жалпы ережелер

      1. Осы 5В110200– "Қоғамдық денсаулық сақтау" мамандығы бойынша бакалавриаттың мемлекеттік жалпыға бірдей міндетті стандарты (бұдан әрі – МЖМБС) 2009 жылғы 18 қыркүйектегі "Халық денсаулығы және денсаулық сақтау жүйесі туралы" Қазақстан Республикасы Кодексінің 175-бабының 3-тармағына сәйкес әзірленді және меншік нысаны мен түріне қарамастан жоғары оқу орнында білім алушылардың даярлық деңгейіне, білім беру мазмұнына, білім алушылардың оқу жүктемесінің барынша көлеміне қойылатын талаптарды белгілейді.

      2. МЖМБС-та мынадай терминдер мен анықтамалар қолданылады:

      1) бакалавриат - білім беру бағдарламалары тиісті мамандық бойынша "бакалавр" дәрежесін берумен кадрларды даярлауға бағытталған жоғарғы білім;

      2) біліктілік талаптары – денсуалық сақтау саласында кәсіби қызметті тиімді жүзеге асыру үшін қажетті білім, шеберлік және дағдылар.

      3) дипломдық жұмыс (жоба) – студенттің тиісті саласының өзекті проблемаларының өз бетінше зерделеу нәтижелерін жинақтауы болып табылатын қорытынды жұмысы;

      4) дуальді оқыту – кәсіпорынның, оқу орнынының және білім алушының жауапкершіліктері тең болған кезде білім беру ұйымындағы оқытуды кәсіпорында білім алушыларға жұмыс орындарын бере отырып және өтемақы төлемін оқыту мен практиканың міндетті кезеңдерімен ұштастыратын кадрлар даярлау нысаны;

      5) жеке оқу жоспары (бұдан әрі – ЖОЖ) – үлгілік оқу жоспары мен элективті пәндер каталогы негізінде эдвайзердің көмегімен студенттің әр оқу жылына арнап өзі құрастыратын оқу жоспары;

      6) кәсіптік практика – болашақ кәсіптік қызметпен байланысты белгілі бір жұмыс түрлерін орындау процесінде теориялық білімдерді дағдыларды бекітуге практикалық машықтармен құзыреттерді иемденуге және дамытуға бағытталған оқу қызметінің түрі;

      7) клиникалық база – жергілікті денсаулық ұйымдары базасында жұмыс істейтін, материалдық-техникалық базаның жоғары деңгейі бар және ұйымдастыру – әдістемелік, оқу, емдеу –диагностикалық және ғылыми зерттеу жұмысының қазіргі заманғы әдістері негізінде дәрігерлерді ғылыми кадрларды даярлау мен қайта даярлауды жүзеге асыратын және медициналық көмектің барлық түрлерін көрсететін жоғары білім беру ұйымның немесе денсаулық сақтау ұйымының клиникасы;

      8) кредиттік оқыту технологиясы - білім алушы мен оқытушының оқу жұмысы көлемінің біріздендірілген өлшем бірлігі ретінде кредитті қолдану арқылы білім алушының пәндерді таңдауы және реттілікпен оқуын өз бетінше жоспарлауы;

      9) модульдік оқыту – модульдік білім беру бағдарламалар меңгерудің негізінде оқу процесін ұйымдастыру;

      10) міндетті компонент (бұдан әрі – МК) –үлгілік оқу жоспарында белгіленген және білім беру бағдарламасы бойынша студенттер міндетті түрде оқитын оқу пәндерінің және тиісті кредиттердің ең аз көлемінің тізбесі;

      11) оқу жұмыс жоспары (бұдан әрі – ОЖЖ) – білім беру ұйымының өз бетінше үлгілік оқу бағдарламасы негізінде құрастыратын оқу құжаты;

      12) офис регистратор – білім алушылардың оқудағы жетістіктерінің барлық тарихын тіркеумен айналысатын және білімін бақылаудың барлық түрлерін және оның академиялық рейтингісіне есеп жасауды ұйымдастыруды қамтамасыз ететін қызмет;

      13) таңдау бойынша компонент – жоғары оқу орны ұсынатын, пререквизиттері мен постреквизиттерін есепке ала отырып кез келген академиялық кезеңде студенттердің өздері таңдай алатын оқу пәндерінің және тиісті кредиттердің (немесе академиялық сағаттардың) ең аз көлемінің тізбесі;

      14) транскрипт (Тrаnsсrірt) - білімді бағалаудың сандық және әріптік жүйесі бойынша кредиттері мен бағалары көрсетілген тиісті кезеңде өтілген пәндердің тізбесі бар құжат;

      15) үлгілік кәсіби оқу бағдарламасы (бұдан әрі – ҮКОБ) – оқу мазмұнын, көлемін, ұсынылатын әдебиетті анықтайтын және денсаулық саласындағы уәкілетті орган бекітетін мамандықтың үлгілік оқу жоспарының міндетті компонентіндегі пәннің оқу құжаты;

      16) үлгілік оқу жоспары (бұдан әрі – ҮОЖс) – Қазақстан Республикасының жоғары және жоғары оқу орнынан кейінгі білім мамандықтарының жіктеуіші мен МЖМБС негізінде әзірленетін, міндетті компонент пәндерінің тізбесі мен кредиттердің ең аз көлемін және практиканың, қорытынды аттестаттаудың барлық түрлерін көрсете отырып, пәндер циклі бойынша білім беру бағдарламасының құрылымы мен көлемін регламенттейтін, білім беру саласындағы уәкілетті орган бекітетін оқу құжаты;

      17) элективті пәндер каталогы (бұдан әрі – ЭПК) – зерттеу мақсатын, қысқаша мазмұнын (негізгі бөлімдер) және зерттеуден күтілетін нәтижелерді (студенттердің алатын білімін, іскерлігін, дағдысы мен құзыреттерін) көрсете отырып, пәннің қысқаша сипаттамасын қамтитын таңдау компоненттері бойынша барлық пәндердің жүйеленген аннотацияланған тізбесі;

      18) эдвайзер - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы;

      3. 5В110200 – "Қоғамдық денсаулық сақтау" мамандығы бойынша бакалавриаттың білім беру бағдарламасын меңгеруге ынталы тұлғалардың алдыңғы білімінің деңгейіне қойылатын талаптар осы МЖМБС-ға 1-қосымшада ұсынылған.

      4. Жоғары оқу орындары жоғарғы білімі бар мамандарды (дипломды мамандар) даярлауды:

      1) мамандығы бойынша МЖМБС және ҮОЖс;

      2) академиялық күнтізбе;

      3) жеке оқу жоспары;

      4) мамандық бойынша ОЖЖ-ға;

      5) пәндер бойынша оқу бағдарламаларына сәйкес жүзеге асырады.

      5. МЖМБС:

      1) міндетті компоненттің мазмұнын анықтайды;

      2) оқу жүктемесінің ең жоғарғы көлеміне және білім алушыларды даярлау деңгейіне қойылатын талаптарды айқындайды.

      3) талаптарды айқындайды:

      мамандықтардың ҮОЖс;

      білім беру бағдарламаларын;

      мамандықтардың ОЖЖс;

      студенттердің ЖОЖ;

      пәндер бойынша оқу бағдарламаларын әзірлеу кезінде.

2-тарау. Білім алушылардың дайындық деңгейіне қойылатын талаптар

      6. ЖОО-да жоғары арнайы білім 5В110200 – "Қоғымдық денсаулық сақтау" мамандығы бойынша кадрларды даярлауға бағытталған.

      7. Жалпы білім беретін пәндер (бұдан әрі – ЖБП) циклі, базалық пәндер (бұдан әрі – БП) және бейіндеуші пәндер (бұдан әрі – БП) циклдері міндетті компонент және таңдау бойынша компонент пәндерін қамтиды. Таңдау компонентіне жоғары оқу орны компоненті кіреді.

      8. МК пәндерінің тізбесі мен көлемі осы бұйрықтың 3-қосымшасына сәйкес "Қоғамдық денсаулық сақтау" мамандығы бойынша бакалавриаттың үлгілік кәсіптік оқу бағдарламасына 2-қосымшасында келтірілген "Қоғамдық денсаулық сақтау" мамандығы бойынша бакалавриаттың үлгілік оқу жоспарымен айқындалады.

      9. Таңдау бойынша компонент нақты өңірдің әлеуметтік-экономикалық даму ерекшелігі мен еңбек нарығының сұранысын, нақты жоғары оқу орнында қалыптасқан ғылыми мектепті, сондай-ақ білім алушының жеке қызығушылығын ескереді.

      10. ЖБП циклінің көлемі үлгілік оқу жоспарындағы пәндердің жалпы көлемінен кемінде 20%-дан аспайды немесе 28 кредитті құрайды. "Білім берудің тиісті деңгейлерінің мемлекеттік жалпыға міндетті білім беру стандарттарын бекіту туралы" Қазақстан Республикасы Үкіметінің 2012 жылғы 23 тамыздағы № 1080 қаулысы (бұдан әрі – № 1080 қаулы) жоғарғы білім берудің Мемлекеттік жалпыға міндетті стандартының 16-тармағына сәйкес олардың 21 кредиті міндетті компонент пәндеріне тиесілі: Қазақстанның қазіргі заман тарихы, философия, қазақ (орыс) тілі, шетел тілі, ақпараттық-коммуникациялық технологиялар.

      Таңдау компоненті ЖМК циклындағы пәндердің жалпы көлемінен кемінде 7 кредитті құрайды. Мамандықтарға байланысты жоғары оқу орындары ЖМЖ циклін таңдау бойынша компонент пәндерін өз бетінше қосады.

      11. БП циклі пәндерінің көлемі ҮОЖ-дағы пәндердің жалпы көлемінің 55%-ын құрайды немесе 69 кредитті құрайды, олардың ішінде 20 кредит МК пәндеріне және 49 кредит ТК пәндеріне тиесілі

      12. БП цикліндегі міндетті компонентке әрбіреуі кемінде 2 кредит көлемінде "Кәсіби қазақ (орыс) тілі" және "Кәсіби бағытталған шет тілі" пәндері енгізіледі.

      Көрсетілген пәндер бірлесіп тілдік және тиісті мамандық бойынша бейінді кафедраларға жүктеледі.

      13. Бейіндеуші пәндер цикліндегі пәндер көлемі үлгілік оқу жоспарындағы пәндердің жалпы көлемінің 25 %-ын немесе 32 кредитті құрайды, оның ішінде 5 кредит міндетті компонент пәндеріне және 27 кредит таңдау компоненті пәндеріне беріледі

      14. Оқытудың қосымша түрлері МК және ТК-нен тұрады. МК-тің жалпы көлемі кемінде 14 кредитті құрайды және көлемі 8 кредит "Дене шынықтыру" пәнінен және кемінде 6 кредит кәсіби практикадан тұрады

      15. Оқытудың қосымша түрлерінің МК-ін меңгеру мемлекеттік білім беру тапсырысы шегінде қамтамасыз етіледі.

      16. Денсаулық сақтау және әлеуметтік қамтамасыздандыру" (медицина) топтары бойынша жекеленген мамандықтардың өзгешеліктерін ескере отырып 5В110200 – "Қоғамдық денсаулық сақтау" мамандығы бойынша білім беру процесінің аяқталғандығының негізі өлшем шарты білім алушылардың теориялық оқудың кемінде 129 кредитін меңгеруі керек.

      17. Білім беру қызметін ұйымдастыру оқу процесін, білім беру мазмұнын жоспарлау, оқу сабақтарын жүргізу тәсілдерін, студенттің өзіндік жұмысын, олардың оқу жетістіктерін қорытынды бақылау нысандарын таңдау арқылы жүзеге асырылады.

      18. Үш тілде білім беру бағдарламасын енгізген жоғары оқу орындары білім беру қызметін жоспарлау мен ұйымдастыруды үш тілде: қазақ тілінде, орыс тілінде және ағылшын тілінде жүзеге асырады.

      Екі тілде білім беру бағдарламасын енгізген ЖОО-лар оқытуды екі тілде жүзеге асырады: қазақша және орысша.

      19. Дуальді оқыту элементтерін енгізген жоғары оқу орындары білім беру қызметін жоспарлау мен ұйымдастыруды теориялық оқыту мен клиникалық базадағы практикалық дайындықты үйлестіру негізінде жүзеге асырады. Бұл ретте пәннің оқу материалының 40%-ына дейіні тікелей клиникалық базада меңгерілуі тиіс екені көзделген.

3 -тарау. Білім алушылардың білім беру мазмұнына қойылатын талаптары

      20. Осы МЖМБС қолдану келесі мақсаттарға жетуді көздейді:

      1) студенттерді даярлау деңгейіне және білім беру қызметіне қойылатын міндетті талаптардың негізінде жоғары білім берудің сапасын арттыру;

      2) жоғары оқу орындарындағы білім беру бағдарламаларының сапасы мен студенттердің білім деңгейін бағалаудың ақпараттылығы мен әділдігі;

      3) 5В110200 – "Қоғамдық денсаулық сақтау" мамандығы бойынша жұмыс жасау үшін білікті, бәсекеге қабілетті кадрлар даярлауды қамтамасыз ету.

      21. Жоғарғы арнайы білім беру шеңберінде Қазақстан Республикасының 2015 жылғы 23 қарашадағы Еңбек кодексінің 117-бабының 2-тармағына сәйкес бекітілетін Біліктіліктің ұлттық шеңберінде, кәсіби стандарттарға сәйкес жоғары оқу орындары өз бетімен білім беру бағдарламаларын әзірлейді.

      22. Оқу қызметін ұйымдастыру академиялық күнтізбе, оқу сабақтарының кестесі негізінде жүзеге асырылады. Оқу қызметінің құрылымы Қазақстан Республикасы Үкіметінің 2013 жылғы 17 мамырдағы № 499 қаулысымен бекітілген (бұдан әрі – Үлгілік қағидалар) жоғары білім беру ұйымдары қызметінің үлгілік қағидаларының 43-тармағына сәйкес оқу жоспарларының (үлгілік, жеке, жұмысы) және кәсіптік оқу бағдарламаларының, оқу жүктемесі көлемінің, академиялық кезеңдер ұзақтығының, академиялық сабақ түрлерінің, оқу материалы көлемінің негізінде қалыптасады.

      23. Білім беру қызметін жоспарлау мен ұйымдастыру оқу жоспарларының негізінде жүзеге асырылады.

      Оқу жоспарлары Үлгілік қағидалардың 43-тармағына сәйкес ҮОБ, ЖОЖ және басқа да ОЖЖ-ға бөлінеді.

      24. ҮОЖ МЖМБС негізінде жазылады. ҮОЖ-да міндетті компоненттің әрбір оқу пәнінің еңбекті қажетсінуін және әрбір оқу қызметінің түрі (практика, мемлекеттік емтихандар) кредитпен айқындалады, ал оқу пәндерінің әр циклі бойынша таңдау компоненті кредиттердің жалпы санымен/сағатпен көрсетіледі.

      25. ҮОЖ-ға қосымша жыл сайын жоғары оқу орны таңдау компонентіндегі барлық пәндердің жүйеленген, аннотацияланған тізбесі болып табылатын элективті пәндер каталогын (ЭПК) әзірлейді. ЭПК-да әрбір пән бойынша пререквизиттер мен постреквизиттер айқындалады. ЭПК студенттерге элективті оқу пәндерін баламалы таңдау мүмкіндігін қамтамасыз етеді.

      26. ҮОЖс мен ЭПК негізінде студент эдвайзердің көмегімен ЖОЖ құрады. ЖОЖ әрбір студенттің жеке білім алу траекториясын айқындайды.

      ЖОЖ-ға ҮОЖс-дан міндетті компонент пәндері және оқу қызметінің түрлері (практикалар, мемлекеттік емтихан) және ЭПК-дан таңдау компоненті пәндері кіреді.

      27. ОЖЖ оқу жылына ҮОЖ-ы негізінде әзірленеді және оны ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен еңбекті қажетсінуі, оқытылу реті, оқу сабақтарының түрлері мен бақылау нысандары, практика түрлері, мемлекеттік емтихандар, дипломдық жұмысты (жобаны) жазу және қорғау айқындалады.

      28. ЭПК, ЖОЖ және ОЖЖ-ның нысанын, құрылымын, әзірлеу және бекіту тәртібін жоғары оқу орны өзі айқындайды.

      29. Үлгілік кәсіби оқу бағдарламалары міндетті компонент пәндері бойынша әзірленеді.

      30. Барлық оқу пәндерінің мазмұны ҮОЖ және ЖОБ айқындалады.

      31. Міндетті минимум мен жоғары оқу орны ұсынатын оқу жүктемесінің көлемі шеңберінде алынған білім деңгейі бақылаудың әртүрлі түрлері арқылы қамтамасыз етіледі.

      32. Студенттердің оқу жетістіктерін бақылауды және олардың оқу пәндері немесе модульдер бойынша білімін бағалауды оқу процесінің межелік кезеңдерінде (әр академиялық кезең мен оқу жылы аяқталған кезде) тіркеу (бөлім, сектор) кеңсесі ұйымдастырады және бақылау мен бағалау оқытудың қорытынды нәтижесіне бағытталуы тиіс.

      33. Тіркеу кеңсесі білім алушылардың оқу жетістіктерінің тарихын есепке алады, транскриптінде көрсетіледі.

      Транскрипт білім алушыларға білім алудың кез келген кезеңінде оның жазбаша өтініші негізінде беріледі.

      34. Бітірушілердің білімін, іскерлігін, дағдысын және құзыреттерін бақылау оларды қорытынды аттестаттау кезінде жүзеге асырылады.

      35. Жоғары оқу орны бітірушілерін қорытынды аттестаттау академиялық күнтізбеде және мамандықтардың оқу жоспарларында көзделген мерзімде өткізіледі.

      36. Қорытынды аттестаттаудың мақсаты бітірушінің теориялық деңгейін, қалыптасқан кәсіби құзыреттерін, кәсіптік мәселелерді шешуге дайындығын және оның дайындығының білім беру бағдарламасына сәйкестігін бағалау болып табылады.

      Қорытынды аттестаттау мамандық бойынша мемлекеттік емтихан тапсыру немесе дипломдық жұмысты (жоба) қорғау нысанында жүргізіледі. Дипломдық жұмысты (жобаны) қорғау дипломдық жұмысты (жобаны) жазудан және қорғау рәсімінен тұрады. Бұл ретте дипломдық жұмыс (жоба) бітірушінің талдау және зерттеу қабілеттерін анықтау және бағалау мақсатын көздейді.

      37. Білім беру мазмұнын жоспарлау, оқу процесін ұйымдастыру және жүргізу тәсілін жоғары оқу орны кредиттік оқыту технологиясы негізінде өз бетінше жүзеге асырады.

      38. Оқу процесін жоспарлау кезінде ЖОО осы МЖМББС-ғы 2-қосымшаға сәйкес 5В110200 – "Қоғамдық денсаулық сақтау" мамандығы бойынша бакалавриатың білім беру бағдарламасының компоненттерін бөлу нормасын (оқу мерзімі 4 жыл) басшылыққа алады.

      39. Білім беру бағдарламаларының құрылымы білім беру мазмұнын айқындайтын оқу жұмыстарының түрлерінен қалыптастырылады.

      40. Білім беру бағдарламасы:

      1) жалпы білім беретін, базалық және бейіндеуші пәндер циклдерін меңгеруден тұратын теориялық оқытуды;

      2) оқытудың қосымша түрлерірін – кәсіптік практика, дене шынықтыру, әскери дайындық;

      3) аралық және қорытынды аттестаттауды қамтиды.

      41. Оқу жұмысының еңбекті қажетсінуін есепке алу оқытылатын материалдың көлемі бойынша жүзеге асырылады және оқытудың нақты нәтижелеріне қол жеткізуге қажетті студенттер мен оқытушылардың еңбек шығынының өлшем бірлігі болып табылатын кредиттермен/сағатпен өлшенеді.

      Кредиттер білім беру бағдарламасының жекелеген пәндерінің және (немесе) модульдерінің (элементтерінің) шартты "бағасын" көрсетеді. Жалпы еңбекті қажетсіну ұғымына лекциялық, практикалық (семинарлық), зертханалық, студиялық сабақтар, студенттердің өзіндік жұмысы, курстық, есептік-графикалық жұмыстар (жобалар), кәсіптік практиканың, тағылымдамалардың барлық түрлері, қорытынды аттестаттауға дайындық және одан өту кіреді.

      42. Теориялық оқытудың жалпы еңбекті қажетсінуі оқытылатын оқу пәндерінің тізбесімен анықталады.

      43. Оқу процесін кредиттік оқыту технологиясы бойынша ұйымдастыру кезінде әр оқу пәнінің көлемі кредиттің бүтін санын құрауы тиіс. Бұл ретте пән, әдетте, кемінде 3 кредит көлемімен бағаланады. Ерекше жағдайда пәнді 2 кредитпен бағалауға жол беріледі.

      44. Әрбір оқу пәні қайталанбайтын бір атауға ие болуы тиіс.

      45. Білім алушылар әрбір оқу пәнін бір академиялық кезеңде меңгеріп, оны аяқтаған соң емтихан нысанындағы қорытынды бақылауды тапсырады.

      Кәсіби практиканың барлық түрлері, курстық жұмыстар (жобалар) бойынша қорытынды бақылау білім алушылардың оқу жұмысының аталған түрлерін қорғау түрінде өткізіліп, белгіленген бағалар шкаласы бойынша бағаланады.

      46. Жоғары оқу орындарының білім беру бағдарламалары мен оқу жоспарларына қолданыстағы заңнаманың нормаларын іске асыратын пәндерді енгізу ұсынылады.

      47. № 1080 қаулының 64-тармағына сәйкес 5В110200 – "Қоғамдық денсаулық сақтау" мамандығы бойынша жоғары арнаулы білім беру 4 жылды құрайды.

      48. Жоғары арнайы білімнің білім беру бағдарламасы бойынша оқуды бітірген және қорытынды аттестацияны тапсырған адамдарға "денсаулық сақтау бакалавры" (4 жыл) академиялық дәрежесі және қосымшасымен (транскрипт) мемлекеттік үлгідегі диплом беріледі.

      Жоғарғы оқу орны бітірушіге ортақ европалық дипломға қосымша беруге қабілетті (Diploma Supplement)(Диплома Сапплемент).

4-тарау. Оқу жүктемесінің ең жоғары көлеміне қойылатын талаптар

      49. Студенттің оқу жүктемесінің көлемі оның оқу жылы ішінде әрбір оқу пәні бойынша меңгеретін кредиттерде өлшенеді.

      50. Профессорлық-оқытушылар құрамының оқу жүктемесін жоспарлау оқытушының студентпен байланыс жұмыс уақытын көрсететін студенттің оқытушының жетекшілігімен жүргізілетін өзіндік жұмыстарының аудиториялық оқу сабақтарының кестесі бойынша немесе оқу жұмысының әртүрлі түрлері үшін (кәсіби практика) жеке бекітілген кесте бойынша кредитпен немесе академиялық сағаттармен жүзеге асырылады.

      51. Аудиториялық жұмыстың бір академиялық сағаты 50 минутқа тең. Зертханалық, сондай-ақ дене шынықтыру сабақтары бұдан өзгеше, онда бір академиялық сағат зертханалық сабақтар мен дене тәрбиесі сабақтары үшін 100 минутқа тең.

      Тәжірибелік іс-дағдының барлық түрінің бір академиялық сағаты, оқушылардың қорытынды аттестациясы 50 минутқа тең.

      52. Оқу жұмысының көлемін жоспарлау кезінде бір кредит 15 академялық сағатқа тең:

      1) семестр түріндегі академиялық кезең бойында студенттің аудиториялық жұмысының;

      2) кәсіптік практика кезеңіндегі студенттің оқытушымен жұмысының;

      3) студенттің дипломдық жұмысты (жобаны) жазу және қорғау бойынша жұмысының;

      4) студенттің мамандық бойынша мемлекеттік емтиханға даындығымен тапсыру жұмысының.

      53. Студенттің оқу жүктемесі академиялық сағаттардың ұзақтығымен және оқу жұмыстарының түрлері үшін академиялық сағатпен ілесе жүретін оқу сағаттарының көлемдерімен (50 минуттық байланыс сағаттары) анықталады.

      Студенттің аудиториялық жұмысының академиялық сағаттары тиісті СӨЖ сағаттарының санымен толығады, осылайша бір кредитке студенттің семестр түріндегі академиялық кезеңінің бір аптасындағы жиынтық оқу жүктемесі семестр түрінде кредиттік технологияда 15 сағатқа тең болады.

      Дене шынықтыру сабақтары қосымша СӨЖ сағаттарымен қамтылмайды. Дене шынықтыру бойынша қорытынды аттестациялау мен сабақтардың жалпы көлемі (сағат бойынша) студенттің орташа апталық жүктемесіне кірмейді.

      Тәжірибенің әр академиялық сағаты (оқу тәжірибесінен өзге) студенттің қосымша жұмыс оқу сағаттың көлеміне байланыс сағатпен бірге жүреді.

      Қорытынды аттестаттаудың әр академиялық сағаты студенттің оқытушымен байланыс жұмысының немесе мемлекеттік емтиханға дайындық және оны тапсыру бойынша студенттің оқытушымен жұмысының бір сағаты (50 минут) болып табылады. Студентті қорытынды аттестаттаудың әрбір академиялық сағаты 6 сағаттық СӨЖ-бен қамтамасыз етіледі.

      54. Оқу жылы академиялық кезеңдерден, аралық аттестаттау кезеңінен, практикалардан, тағылымдамалармен каникулдан тұрады. Соңғы курста оқу жылына қорытынды мемлекеттік аттестаттау кезеңі қосылады.

      55. Оқу жылының жалпы ұзақтығы 36 аптадан кем болмауы тиіс.

      56. Академиялық кезең ұзақтығы 15 апта болатын семестрден, немесе ұзақтығы 10 апта болатын триместрден, немесе ұзақтығы 7-8 апта болатын тоқсаннан тұрады.

      Жоғары оқу орны академиялық кезеңнің нысанын және оған қоса оны ұйымдастырудың біріктірілген нысанын да дербес анықтайды.

      57. Әрбір академиялық кезең ұзақтығы 1 аптадан кем болмайтын студенттерді аралық аттестаттау кезеңімен аяқталады.

      58. Аралық аттестаттау кезеңінде барлық оқытылған пәндер бойынша қорытынды бақылау жүргізіліп, ағымдағы үлгерім бағалары (ағымдағы және межелік бақылаулар нәтижелері бойынша орташа арифметикалық бағалар) ескеріле отырып, пәндер бойынша қорытынды бағалар шығарылады.

      Пән бойынша қорытынды бағада ағымдағы үлгерім бағасының үлесі 60 %-дан, ал қорытынды бақылау бағасының үлесі 30 %-дан кем болмауы тиіс.

      59. Бітіруші курсты қоспағанда, студенттерге оқу жылы ішінде кемінде екі рет жалпы ұзақтығы кемінде жеті аптаны құрайтын демалыс беріледі.

      60. Кәсіптік практика жоғары білім берудің кәсіптік оқу бағдарламасының міндетті компоненті болып табылады. Ол оқу, клиникалық болып бөлінеді. Практикаға бөлінетін кредиттер саны 6-кредиттен кем болмауы тиіс. Бұл ретте оқу практикасы 2 кредит көлемінде, ал өндірістік практика 4 кредиттен кем жоспарланбайды. Егер мамандық бойынша ТОЖ-да дипломалды практика көрсетілмесе, қажет жағдайда ЖОО өз бетінше жоспарлай алады.

      Практикалардың ұзақтығы студенттің практика кезіндегі 30 сағатқа тең апта бойғы (5 күндік жұмыс аптасы кезінде күніне 6 сағат) нормативті жұмысын есепке ала отырып, аптамен анықталады. Апта санын шығару үшін практиканың кредитпен есептелген көлемі тиісті практика түрінің оқу сағатымен есептелген еңбек қажетсінуіне көбейтіледі және студенттің апта бойғы жұмысының ұзақтығына, яғни 30 сағатқа бөлінеді.

      Практиканың 1 кредитінің еңбекті қажетсінуі оқу практикасы үшін 15 сағатты (50 минуттан), өндірістік практика үшін 75 сағатты (50 минуттан) құрайды. 1 кредитке келетін практиканың ұзақтығы аптамен есептегенде оқу практикасы үшін 0,5 аптаны, өндірістік практика, тағылымдамалар үшін 2,5 аптаны құрайды

      61. Студенттерді қорытынды аттестаттауды аптамен жоспарлау 54 сағатқа тең студенттің апта бойғы жұмысының нормативті уақытына (6 күндік жұмыс аптасы кезінде СӨЖ-ді қоса есептегенде күніне 9 сағат) қарай анықталады.

      Қорытынды аттестаттаудың 1 кредиті 105 (15х7) сағатқа тең, яғни 2 апта. Олардың ішінде 15 сағаты студент пен оқытушының байланыстағы жұмысына, ал 90 сағаты СӨЖ-ге арналады.

      Мемлекеттік емтиханға дайындалуға және тасыруға 1 кредит беріледі. Дипломдық жұмысты (жоба) жазу мен қорғау үшін 2 кредит, яғни 4 апта уақыт беріледі. Сонымен бірге 2 кредит дипломдық жұмысты (жоба) рәсімдеу мен қорғау үшін берілген. Дипломдық жұмыстың барысы алдын ала кәсіби іс-тәжірибе кезінде және теориялық курстың аяқталу мерзімінде жүргізіледі.

      62. Білім алушылардың (бітіруші курсты қоспағанда) қосымша оқу қажеттіліктерін қанағаттандыру үшін, оқу жоспарларындағы академиялық қарызды немесе айырмашылықты жою үшін, игерген кредиттерін өз жоғары оқу орнында міндетті түрде қайта тапсыра отырып басқа жоғары оқу орнында оқу пәндерін оқып-үйрену, үлгерімнің орташа балын (Grade Point Average (GPA) (Грейд Поинт Авераж) көтеру үшін жазғы семестр жүргізіледі.

      Бұл ретте академиялық қарызды немесе оқу жоспарларындағы айырмашылықты жою және қосымша оқу ақылы негізде жүзеге асырылады.

      Жазғы семестр, оқытудың қосымша түрлері (әскери даярлық) демалыс есебінен немесе жеке академиялық күнтізбе бойынша жоспарланады.

      63. Жоғары оқу орны әрбір студентті жоғары арнайы білімнің мамандықтары бойынша бейінге сәйкес кәсіптік тәжірибе базаларымен қамтамасыз етеді.

      64. Жоғары оқу орнын кадрлық қамтамасыз етуге қойылатын талаптар Қазақстан Республикасы Білім және ғылым министрінің 2015 жылғы 17 маусымдағы № 391 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11716 болып тіркелген) білім беру қызметіне қойылатын біліктілік талаптарында, және оларға сәйкестікті растайтын құжаттардың тізбесінде айқындалған.

5В110200 – "Қоғамдық денсаулық сақтау" мамандығы бойынша бакалавриаттың
білім беру бағдарламасын меңгеруге ынталы тұлғалардың алдыңғы білімінің деңгейіне
қойылатын талаптар

5В110200 – "Қоғамдық денсаулық сақтау" мамандығы бойынша бакалавриатың білім
беру бағдарламасының компоненттерін бөлу нормасы (оқу мерзімі 4 жыл)

      Ескерту:

      *. Біліктілікті алу үшін студент теориялық оқытудың кемінде 129 кредитін және кәсіби практиканың кемінде 6 кредитін меңгеруі тиіс (ТОЖ жоспарланған кредиттерге қарамастан).

      ** Дене шынықтыру бойынша қорытынды аттестация (сағатта) мен сабақтың жалпы көлемі студенттің орташа апталық жүктемесіне кірмейді.

      *** Мамандық бойынша бір мемлекеттік емтиханға 1 кредит жоспарланады.

      Практикаға бөлінген кредиттер саны кемінде 6 кредит болуы тиіс. Бұл ретте, бакалавриаттың барлық мамандықтарына оқу практикасы 2 кредит, сондай ақ жалпы көлемі кемінде 4 кредит болатын педагогикалық және/немесе өнідірістік практика жоспарланған.

      ****

Жоғарғы арнайы білім беру мемлекеттік жалпыға бірдей міндетті стандарты

      Ескерту. Бұйрық 5-7-қосымшамен толықтырылды – ҚР Денсаулық сақтау министрінің 17.07.2017 № 530 (алғашқы ресми жарияланған күнінен кейін қолданысқа енгізіледі) бұйрығымен

1. Жалпы ережелер

      1. Осы 5В130100 "Жалпы медицина", 5В130300 "Педиатрия", 5В130200 "Стоматология", мамандықтары бойынша бакалавриаттың мемлекеттік жалпыға бірдей міндетті стандарты (бұдан әрі – МЖМБС) 2009 жылғы 18 қыркүйектегі "Халық денсаулығы және денсаулық сақтау жүйесі туралы" Қазақстан Республикасы Кодексінің 175-бабының 3-тармағына сәйкес әзірленді және меншік нысаны мен түріне қарамастан жоғары оқу орнында білім алушылардың даярлық деңгейіне, білім беру мазмұнына, білім алушылардың оқу жүктемесінің барынша көлеміне қойылатын талаптарды белгілейді.

      2. МЖМБС-та мынадай терминдер мен анықтамалар қолданылады:

      1) бакалавриат - білім беру бағдарламалары тиісті мамандық бойынша "бакалавр" дәрежесін берумен кадрларды даярлауға бағытталған жоғарғы білім;

      2) біліктілік талаптары – денсуалық сақтау саласында кәсіби қызметті тиімді жүзеге асыру үшін қажетті білім, шеберлік және дағдылар;

      3) дипломдық жұмыс (жоба) – студенттің тиісті саласының өзекті проблемаларының өз бетінше зерделеу нәтижелерін жинақтауы болып табылатын қорытынды жұмысы;

      4) дуальді оқыту – кәсіпорынның, оқу орнынының және білім алушының жауапкершіліктері тең болған кезде білім беру ұйымындағы оқытуды кәсіпорында білім алушыларға жұмыс орындарын бере отырып және өтемақы төлемін төлей отырып оқыту мен практиканың міндетті кезеңдерімен ұштастыратын кадрлар даярлау нысаны;

      5) жеке оқу жоспары (бұдан әрі – ЖОЖ) – үлгілік оқу жоспары мен элективті пәндер каталогы негізінде эдвайзердің көмегімен студенттің әр оқу жылына арнап өзі құрастыратын оқу жоспары;

      6) кәсіптік практика – болашақ кәсіптік қызметпен байланысты белгілі бір жұмыс түрлерін орындау процесінде теориялық білімдерді дағдыларды бекітуге практикалық машықтармен құзыреттерді иемденуге және дамытуға бағытталған оқу қызметінің түрі;

      7) клиникалық база – жергілікті денсаулық ұйымдары базасында жұмыс істейтін, материалдық-техникалық базаның жоғары деңгейі бар және ұйымдастыру –әдістемелік оқу емдеу –диагностикалық және ғылыми даярлау мен зерттеу жұмысының қазіргі заманғы әдістері негізінде дәрігерлерді ғылыми кадрларды даярлау мен қайта даярлауды жүзеге асыратын және медициналық көмектің барлық түрлерін көрсететін жоғары ұйымның немесе денсаулық сақтау ұйымының клиникасы;

      8) кредиттік оқыту технологиясы білім алушы мен оқытушының оқу жұмысы көлемінің біріздендірілген өлшем бірлігі ретінде кредитті қолдану арқылы, білім алушының пәндерді таңдауы және реттілікпен оқуын өз бетінше жоспарлауы негізінде оқыту;

      9) модульдік оқыту – модульдік білім беру бағдарламасын меңгерудің негізінде оқу процесін ұйымдастыру;

      10) міндетті компонент (бұдан әрі – МК) - оқу бағдарламасы бойынша студенттердің міндетті түрде оқитын және белгіленген үлгілік оқу жоспарының, кредиттердің ең аз көлемінің және оқу пәндерінің тізбесі;

      11) оқу жұмыс жоспары (бұдан әрі – ОЖЖ) – білім беру ұйымының өз бетінше үлгілік оқу бағдарламасы негізінде құрастыратын оқу құжаты;

      12) офис регистратор – білім алушылардың оқудағы жетістіктерінің барлық тарихын тіркеумен айналысатын және білімін бақылаудың барлық түрлерін және оның академиялық рейтингісіне есеп жасауды ұйымдастыруды қамтамасыз ететін қызмет;

      13) таңдау бойынша компонент – жоғары оқу орны ұсынатын, пререквизиттері мен постреквизиттерін есепке ала отырып кез келген академиялық кезеңде студенттердің өздері таңдай алатын оқу пәндерінің және тиісті кредиттердің (немесе академиялық сағаттардың) ең аз көлемінің тізбесі;

      14) транскрипт (Тrаnsсrірt) - білімді бағалаудың сандық және әріптік жүйесі бойынша кредиттері мен бағалары көрсетілген тиісті кезеңде өтілген пәндердің тізбесі бар құжат;

      15) үлгілік кәсіби оқу бағдарламасы (бұдан әрі – ҮКОБ) – оқу мазмұнын, көлемін, ұсынылатын әдебиетті анықтайтын және денсаулық саласындағы уәкілетті орган бекітетін мамандықтың үлгілік оқу жоспарының міндетті компонентіндегі пәннің оқу құжаты;

      16) үлгілік оқу жоспары (бұдан әрі – ҮОЖс) – Қазақстан Республикасының жоғары және жоғары оқу орнынан кейінгі білім мамандықтарының жіктеуіші мен МЖМБС негізінде әзірленетін, міндетті компонент пәндерінің тізбесі мен кредиттердің ең аз көлемін және практиканың, қорытынды аттестаттаудың барлық түрлерін көрсете отырып, пәндер циклі бойынша білім беру бағдарламасының құрылымы мен көлемін регламенттейтін, білім беру саласындағы уәкілетті орган бекітетін оқу құжаты;

      17) элективті пәндер каталогы (бұдан әрі – ЭПК) – зерттеу мақсатын, қысқаша мазмұнын (негізгі бөлімдер) және зерттеуден күтілетін нәтижелерді (студенттердің алатын білімін, іскерлігін, дағдысы мен құзыреттерін) көрсете отырып, пәннің қысқаша сипаттамасын қамтитын таңдау компоненттері бойынша барлық пәндердің жүйеленген аннотацияланған тізбесі;

      18) эдвайзер - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы;

      3. Жоғары арнайы білімнің білім беру бағдарламасын меңгеруге ынталы тұлғалардың алдыңғы білімінің деңгейіне қойылатын талаптар осы МЖМБС-ға 1-қосымшада ұсынылған.

      4. Жоғары оқу орындары жоғарғы білімі бар мамандарды (дипломды мамандар) даярлауды:

      6) мамандығы бойынша МЖМБС және ҮОЖс;

      7) академиялық күнтізбе;

      8) жеке оқу жоспары;

      9) мамандық бойынша ОЖЖ-ға;

      10) пәндер бойынша оқу бағдарламаларына сәйкес жүзеге асырады.

      5. МЖМБС:

      3) міндетті компоненттің мазмұнын анықтайды;

      4) оқу жүктемесінің ең жоғарғы көлеміне және білім алушыларды даярлау деңгейіне қойылатын талаптарды айқындайды.

      3) талаптарды айқындайды:

      мамандықтардың ҮОЖс;

      білім беру бағдарламаларын;

      мамандықтардың ОЖЖс;

      студенттердің ЖОЖ;

      пәндер бойынша оқу бағдарламаларын әзірлеу кезінде.

2 -тарау. Білім алушылардың дайындық деңгейіне қойылатын талаптар

      6. ЖОО-да жоғары арнайы білім:

      5В130100 "Жалпы медицина" мамандығы бойынша медицина бакалавры академиялық дәрежені (білім алу мерзімі 5 жыл) және дәрігер біліктілігі (білім алу мерзімі 2 жыл);

      5В130300 "Педиатрия" мамандығы бойынша педиатрия бакалавры академиялық дәрежені (білім алу мерзімі 5 жыл) және дәрігер біліктілігі (білім алу мерзімі 2 жыл);

      5В130200 "Стоматология" мамандығы бойынша стоматология бакалавры академиялық дәрежені (білім алу мерзімі 5 жыл) және "жалпы практика стоматолог - дәрігер" дәрігер біліктілігі (білім алу мерзімі 1 жыл) иемденумен кадрларды даярлауға бағытталған.

      7. Жалпы білім беретін пәндер (бұдан әрі – ЖБП) циклі, базалық пәндер (бұдан әрі – БП) және бейіндеуші пәндер (бұдан әрі – БП) циклдері міндетті компонент және таңдау бойынша компонент пәндерін қамтиды. Таңдау компонентіне жоғары оқу орны компоненті кіреді.

      8. МК пәндерінің тізбесі мен көлемі осы бұйрықтың 4-қосымшасына сәйкес жоғарғы арнайы білім берудің үлгілік кәсіптік оқу бағдарламасының 2-қосымшасында келтірілген жоғарғы арнайы білім берудің үлгілік оқу жоспарымен айқындалады.

      9. Таңдау бойынша компонент нақты өңірдің әлеуметтік-экономикалық даму ерекшелігі мен еңбек нарығының сұранысын, нақты жоғары оқу орнында қалыптасқан ғылыми мектепті, сондай-ақ білім алушының жеке қызығушылығын ескереді.

      10. ЖБП циклінің көлемі үлгілік оқу жоспарындағы пәндердің жалпы көлемінен кемінде 20%-дан аспайды немесе 28 кредитті құрайды. "Білім берудің тиісті деңгейлерінің мемлекеттік жалпыға міндетті білім беру стандарттарын бекіту туралы" Қазақстан Республикасының Үкіметінің № 1080 2012 жылғы 23 тамыздағы қаулысы (бұдан әрі – №1080 қаулы) жоғарғы білім берудің мемлекеттік жалпыға міндетті стандартының 16-тармағына сәйкес олардың 21 кредиті міндетті компонент пәндеріне тиесілі: Қазақстанның қазіргі заман тарихы, философия, қазақ (орыс) тілі, шетел тілі, ақпараттық-коммуникациялық технологиялар.

      Таңдау компоненті ЖМК циклындағы пәндердің жалпы көлемінен кемінде 315 сағат/7 кредитті құрайды. Мамандықтарға байланысты жоғары оқу орындары өз бетінше қосады.

      11. ЖОО-да БП циклі пәндерінің көлемі ҮОЖ-дағы пәндердің жалпы көлемінің 55%-ын құрайды немесе 4410 сағат/98кредитті құрайды, олардың ішінде 1305 сағат /29 кредит МК пәндеріне және 3105 сағат /69 кредит ТК пәндеріне тиесілі.

      12. БП цикліндегі міндетті компонентке әрбіреуі кемінде 90 сағат /2 кредит көлемінде "Кәсіби қазақ (орыс) тілі" және "Кәсіби бағытталған шет тілі" пәндері енгізіледі.

      Көрсетілген пәндер бірлесіп тілдік және тиісті мамандық бойынша бейінді кафедраларға жүктеледі.

      13. ЖОО-да бейіндеуші пәндер цикліндегі пәндер көлемі үлгілік оқу жоспарындағы пәндердің жалпы көлемінің 29%-ын немесе 2430 сағат /54кредитті құрайды, оның ішінде 405 сағат /9 кредит міндетті компонент пәндеріне және 2025 сағат /45кредит таңдау компоненті пәндеріне беріледі

      14. Оқытудың қосымша түрлері МК және ТК-нен тұрады. МК-тің жалпы көлемі кемінде 14 кредитті құрайды және көлемі 8 кредит "Дене шынықтыру" пәнінен және кемінде 6 кредит кәсіби практикадан тұрады

      15. Оқытудың қосымша түрлерінің МК-ін меңгеру мемлекеттік білім беру тапсырысы шегінде қамтамасыз етіледі.

      16. "Денсаулық сақтау және әлеуметтік қамтамасыздандыру" тобы бойынша жекеленген мамандықтардың өзгешеліктерін ескере отырып 5В130100 "Жалпы медицина", 5В130300 "Педиатрия", 5В130200 "Стоматология" мамандықтары бойынша оқуды бітіру белгісі ретінде 8100 сағат /180 кредит көлемінен кем емес теориялық курс меңгеру болып табылады.

      17. Білім беру қызметін ұйымдастыру оқу процесін, білім беру мазмұнын жоспарлау, оқу сабақтарын жүргізу тәсілдерін, студенттің өзіндік жұмысын, олардың оқу жетістіктерін қорытынды бақылау нысандарын таңдау арқылы жүзеге асырылады.

      18. Үш тілде білім беру бағдарламасын енгізген жоғары оқу орындары білім беру қызметін жоспарлау мен ұйымдастыруды үш тілде: қазақ тілінде, орыс тілінде және ағылшын тілінде жүзеге асырады.

      Екі тілде білім беру бағдарламасын енгізген ЖОО-лар оқытуды екі тілде жүзеге асырады: қазақ және орыс.

      19. Дуальді оқыту элементтерін енгізген жоғары оқу орындары білім беру қызметін жоспарлау мен ұйымдастыруды теориялық оқыту мен өндірістегі практикалық дайындықты үйлестіру негізінде жүзеге асырады.Бұл ретте пәннің оқу материалының 40 %-ына дейіні тікелей өндірісте (технологиялық процесс) меңгерілуі тиіс екені көзделген.

3 -тарау. Білім беру мазмұнына қойылатын талаптар

      20. Осы МЖМБС қолдану келесі мақсаттарға жетуді көздейді:

      1) Білім беру қызметіне және оқушыларды даярлау деңгейіне қойылатын міндетті талаптар негізінде жоғарғы білімнің сапасын жоғарлату;

      2) Жоғарғы оқу орындарындағы білім беру бағдарламаларының сапасы мен оқушылардың білім деңгейін бағалаудың ақпараттылығы мен әділдігі;

      3) 5В130100– "Жалпы медицина", 5В130300 "Педиатрия", 5В130200 "Стоматология"мамандықтары бойынша жұмыс жасау үшін білікті, бәсекеге қабілетті кадрлар даярлауды қамтамасыз ету болып табылады.

      21. Жоғарғы маманданған оқу шеңберінде Қазақстан Республикасының 2015 жылғы 23 қарашадағы Еңбек кодексінің 117-бабының 2-тармағына сәйкес бекітілген Ұлттық біліктілікке сай, кәсіби стандарттарға сәйкес жоғарғы оқу орындары білім беру бағдарламаларын өз бетімен әзірлейді.

      22. Оқу қызметін ұйымдастыру академиялық күнтізбе, оқу сабақтарының кестесі негізінде жүзеге асырылады.

      Оқу қызметінің құрылымы Қазақстан Республикасы Үкіметінің 2013 жылғы 17 мамырдағы № 499 қаулысымен бекітілген (бұдан әрі – Үлгілік қағидалар) жоғары білім беру ұйымдары қызметінің үлгілік қағидаларының 43-тармағына сәйкес оқу жоспарларының (үлгілік, жеке, жұмысы) және кәсіптік оқу бағдарламаларының, оқу жүктемесі көлемінің, академиялық кезеңдер ұзақтығының, академиялық сабақ түрлерінің, оқу материалы көлемінің негізінде қалыптасады.

      23. Білім беру қызметін жоспарлау мен ұйымдастыру оқу жоспарларының негізінде жүзеге асырылады.

      Оқу жоспарлары Үлгілік қағидалардың 43-тармағына сәйкес ҮОБ, ЖОЖ және басқа да ОЖЖ-ға бөлінеді.

      24. ҮОЖ МЖМБС негізінде жазылады. ҮОЖ-да міндетті компоненттің әрбір оқу пәнінің еңбекті қажетсінуін және әрбір оқу қызметінің түрі (практика, мемлекеттік емтихандар, дипломдық жұ мысты жазу және қорғау) кредитпен айқындалады, ал оқу пәндерінің әр циклі бойынша таңдау компоненті кредиттердің жалпы санымен/сағатпен көрсетіледі.

      25. Жоғарғы оқу орны ҮОЖ-ға қосымша жыл сайын жоғары оқу орны таңдау компонентіндегі барлық пәндердің жүйеленген, аннотацияланған тізбесі болып табылатын элективті пәндер каталогын (ЭПК) әзірлейді. ЭПК-де әр оқу пәнінің пререквизиттері мен постреквизиттері көрсетіледі. ЭПК студенттерге элективті оқу пәндерін баламалы таңдау мүмкіндігін қамтамасыз етуі тиіс.

      26. ҮОЖ мен ЭПК негізінде студент эдвайзердің көмегімен ЖОЖ құрады. ЖОЖ әрбір студенттің жеке білім алу траекториясын айқындайды.

      ЖОЖ-ға ҮОЖ-дан міндетті компонент пәндері және оқу қызметінің түрлері (практикалар, мемлекеттік емтихан, дипломдық жұмысты (жобаны) жазу және қорғау) және ЭПК-дан таңдау компоненті пәндері кіреді.

      27. ОЖЖ оқу жылына мамандықтардың ҮОЖ-ы мен студенттердің ЖОЖ-ы негізінде әзірленеді және оны ғылыми кеңестің шешімі негізінде білім беру ұйымының басшысы бекітеді.

      ОЖЖ-да оқу жылында оқытылатын пәндер тізбесі және олардың кредитпен еңбекті қажетсінуі, оқытылу реті, оқу сабақтарының түрлері мен бақылау нысандары, практика түрлері, мемлекеттік емтихандар, дипломдық жұмысты (жобаны) жазу және қорғау айқындалады.

      28. ЭПК, ЖОЖ және ОЖЖ-ның нысанын, құрылымын, әзірлеу және бекіту тәртібін жоғары оқу орны өзі айқындайды.

      29. Үлгілік кәсіби оқу бағдарламалары міндетті компонент пәндері бойынша әзірленеді.

      30. Барлық оқу пәндерінің мазмұны ҮКОБ және ЖОБ айқындалады.

      31. Міндетті минимум мен жоғары оқу орны ұсынатын оқу жүктемесінің көлемі шеңберінде алынған білім деңгейі бақылаудың әртүрлі түрлері арқылы қамтамасыз етіледі.

      32. Студенттердің оқу жетістіктерін бақылауды және олардың оқу пәндері немесе модульдер бойынша білімін бағалауды оқу процесінің межелік кезеңдерінде (әр академиялық кезең мен оқу жылы аяқталған кезде) Тіркеу (бөлім, сектор) кеңсесі ұйымдастырады және бақылау мен бағалау оқытудың қорытынды нәтижесіне бағытталуы тиіс.

      33. Тіркеу кеңсесі білім алушылардың оқу жетістіктерінің тарихын есепке алады, студенттердің белгіленген үлгідегі транскриптінде көрсетіледі.

      Транскрипт білім алушыға білім алудың кез келген кезеңінде оның жазбаша өтініші негізінде беріледі.

      34. Бітірушілердің білімін, іскерлігін, дағдысын және құзыреттерін бақылау оларды қорытынды аттестаттау кезінде жүзеге асырылады.

      35. Жоғары оқу орны бітірушілерін қорытынды аттестаттау академиялық күнтізбеде және мамандықтардың оқу жоспарларында көзделген мерзімде өткізіледі.

      36. Қорытынды аттестаттаудың мақсаты бітірушінің теориялық деңгейін, қалыптасқан кәсіби құзыреттерін, кәсіптік мәселелерді шешуге дайындығын және оның дайындығының білім беру бағдарламасына сәйкестігін бағалау болып табылады.

      Қорытынды аттестаттау мамандық бойынша мемлекеттік емтихан тапсыру түрінде жүзеге асырылады.

      37. Білім беру мазмұнын жоспарлауды, оқу процесін ұйымдастыру және жүргізу тәсілін жоғары оқу орны кредиттік немесе сызықты оқыту технологиясы негізінде өз бетінше жүзеге асырады.

      38. Оқу процесін жоспарлау кезінде жоғары оқу орны осы МЖМББС-ғы 2-қосымшаға сәйкес жоғары арнайы білімнің білім беру бағдарламаларының компоненттерін бөлу нормаларын басшылыққа алады.

      39. Білім беру бағдарламаларының құрылымы білім беру мазмұнын айқындайтын оқу жұмыстарының түрлерінен қалыптастырылады.

      40. Білім беру бағдарламасы:

      1) жалпы білім беретін, базалық және бейіндеуші пәндер циклдерін меңгеруден тұратын теориялық оқытуды;

      2) оқытудың қосымша түрлері – кәсіптік практиканың түрлерін, дене шынықтыруды, әскери дайындықты;

      3) аралық және қорытынды аттестаттауды қамтиды.

      41. Оқу жұмысының еңбекті қажетсінуін есепке алу оқытылатын материалдың көлемі бойынша жүзеге асырылады және оқытудың нақты нәтижелеріне қол жеткізуге қажетті студенттер мен оқытушылардың еңбек шығынының өлшем бірлігі болып табылатын кредиттермен/сағатпен өлшенеді.

      Кредиттер білім беру бағдарламасының жекелеген пәндерінің және (немесе) модульдерінің (элементтерінің) шартты "бағасын" көрсетеді. Жалпы еңбекті қажетсіну ұғымына лекциялық, практикалық (семинарлық), зертханалық, студиялық сабақтар, студенттердің өзіндік жұмысы, курстық, есептік-графикалық жұмыстар (жобалар), кәсіптік практиканың, тағылымдамалардың барлық түрлері, қорытынды аттестаттауға дайындық және одан өту кіреді.

      42. Теориялық оқытудың жалпы еңбекті қажетсінуі оқытылатын оқу пәндерінің тізбесімен анықталады.

      43. Оқу процесін кредиттік оқыту технологиясы бойынша ұйымдастыру кезінде әр оқу пәнінің көлемі кредиттің бүтін санын құрауы тиіс. Бұл ретте пән, әдетте, кемінде 135 сағат/үш кредит көлемімен бағаланады.Ерекше жағдайда пәнді 90 сағат/екі кредитпен бағалауға жол беріледі.

      44. Әрбір оқу пәні қайталанбайтын бір атауға ие болуы тиіс.

      45. Білім алушылар әрбір оқу пәнін бір академиялық кезеңде меңгеріп, оны аяқтаған соң емтихан нысанындағы қорытынды бақылауды тапсырады.

      Кәсіби практиканың барлық түрлері, курстық жұмыстар (жобалар) бойынша қорытынды бақылау білім алушылардың оқу жұмысының аталған түрлерін қорғау түрінде өткізіліп, белгіленген бағалар шкаласы бойынша бағаланады.

      46. Жоғары оқу орындарының білім беру бағдарламалары мен оқу жоспарларына қолданыстағы заңнаманың нормаларын іске асыратын пәндерді енгізу ұсынылады.

      47. Жоғары білімнің білім беру бағдарламасы бойынша оқуды бітірген және қорытынды аттестацияны тапсырған адамдарға

      5В130100 "Жалпы медицина" мамандығы бойынша - медицина бакалавры (білім алу мерзімі 5 жыл) және дәрігер біліктілігі (білім алу мерзімі 2 жыл);

      5В130300 "Педиатрия" мамандығы бойынша - педиатрия бакалавры (білім алу мерзімі 5 жыл) және дәрігер біліктілігі (білім алу мерзімі 2 жыл);

      5В130200 "Стоматология" мамандығы бойынша стоматология бакалавры академиялық дәрежені (білім алу мерзімі 5 жыл) және "жалпы практика стоматолог - дәрігер" дәрігер біліктілігі (білім алу мерзімі 1 жыл) академиялық дәрежесі иемделеді.

      Жоғарғы оқу орны бітірушіге жалпыевропалық дипломға қосымша беруге қабілетті (Diploma Supplement) (Диплома Сапплемент).

4 -тарау. Оқу жүктемесінің ең жоғары көлеміне қойылатын талаптар

      48. Студенттің оқу жүктемесінің көлемі оның оқу жылы ішінде әрбір оқу пәні бойынша меңгеретін сағат/кредит санымен өлшенеді.

      49. Профессорлық-оқытушылар құрамының оқу жүктемесін жоспарлау оқытушының студентпен байланыс жұмыс уақытын көрсететін студенттің оқытушының жетекшілігімен жүргізілетін өзіндік жұмыстарының аудиториялық оқу сабақтарының кестесі бойынша немесе оқу жұмысының басқа түрлері үшін жеке бекітілген график бойынша кредитпен немесе академиялық сағаттармен жүзеге асырылады.

      50. Аудиториялық жұмыстың бір академиялық сағаты 50 минутқа тең. Зертханалық, сондай-ақ дене шынықтыру сабақтары бұдан өзгеше, онда бір академиялық сағат зертханалық сабақтар мен дене тәрбиесі сабақтары үшін 100 минутқа тең.

      Тәжірибелік іс-дағдының барлық түрінің бір академиялық сағаты, оқушылардың қорытынды аттестациясы 50 минутқа тең.

      51. Оқу жұмысының көлемін жоспарлау кезінде бір кредит 30 академялық сағатқа тең:

      1) семестр түріндегі академиялық кезең бойында студенттің аудиториялық жұмысының;

      2) кәсіптік практика кезеңіндегі студенттің оқытушымен жұмысының;

      3) студенттің мемлекеттік емтиханды тапсыру мен дайындық жұмысы.

      52. Студенттің оқу жүктемесі академиялық сағаттардың ұзақтығымен және оқу жұмыстарының түрлері үшін академиялық сағатпен ілесе жүретін оқу сағаттарының көлемдерімен (50 минуттық байланыс сағаттары) анықталады.

      Студенттің аудиториялық жұмысының академиялық сағаттары тиісті СӨЖ сағаттарының санымен толығады, осылайша бір кредитке студенттің семестр түріндегі академиялық кезеңінің бір аптасындағы жиынтық оқу жүктемесі семестр түрінде 15 немесе 30 сағатқа тең болады.

      Дене шынықтыру сабақтары қосымша СӨЖ сағаттарымен қамтылмайды. Дене шынықтыру бойынша қорытынды аттестациялау мен сабақтардың жалпы көлемі (сағат бойынша) студенттің орташа апталық жүктемесіне кірмейді.

      Әр тәжірибелік (оқу тәжірибесінен өзге) сабақ студенттің қосымша оқу сағатымен бірге жүреді.

      Қорытынды аттестаттаудың әр академиялық сағаты дипломдық жұмысты (жобаны) жазу және қорғау бойынша студенттің оқытушымен байланыс жұмысының немесе мемлекеттік емтиханға дайындық және оны тапсыру бойынша студенттің оқытушымен жұмысының бір сағаты (50 минут) болып табылады. Студентті қорытынды аттестаттаудың әрбір академиялық сағаты 6 сағаттық СӨЖ-бен қамтамасыз етіледі.

      53. Оқу жылы академиялық кезеңдерден, аралық аттестаттау кезеңінен, практикалардан, тағылымдамалармен каникулдан тұрады. Соңғы курста оқу жылына қорытынды аттестаттау кезеңі қосылады.

      54. Оқу жылының жалпы ұзақтығы 36 аптадан кем болмауы тиіс.

      55. Академиялық кезең ұзақтығы 15 апта болатын семестрден, немесе ұзақтығы 10 апта болатын триместрден, немесе ұзақтығы 7-8 апта болатын тоқсаннан тұрады.

      Жоғары оқу орны академиялық кезеңнің нысанын және оған қоса оны ұйымдастырудың біріктірілген нысанын да дербес анықтайды.

      56. Әрбір академиялық кезең ұзақтығы 1 аптадан кем болмайтын студенттерді аралық аттестаттау кезеңімен аяқталады.

      57. Аралық аттестаттау кезеңінде барлық оқытылған пәндер бойынша қорытынды бақылау жүргізіліп, ағымдағы үлгерім бағалары (ағымдағы және межелік бақылаулар нәтижелері бойынша орташа арифметикалық бағалар) ескеріле отырып, пәндер бойынша қорытынды бағалар шығарылады.

      № 1080 қаулының 75–тармағына сәйкес пән бойынша қорытынды бағада ағымдағы үлгерім бағасының үлесі 60 %-дан, ал қорытынды бақылау бағасының үлесі 30 %-дан кем болмауы тиіс.

      58. Бітіруші курсты қоспағанда, студенттерге оқу жылы ішінде кемінде екі рет жалпы ұзақтығы кемінде жеті аптаны құрайтын демалыс беріледі.

      59. Кәсіптік практика жоғары білім берудің кәсіптік оқу бағдарламасының міндетті компоненті болып табылады. Ол оқу, педагогикалық, өндірістік, дипломалды болып бөлінеді. Практикаға бөлінетін кредиттер саны 6-кредиттен кем болмауы тиіс. Бұл ретте, жоғары арнаулы білімнің барлық мамандықтары бойынша оқу практикасы 2 кредит көлемінде, ал өндірістік практика 4 кредиттен кем жоспарланбайды, егер мамандық бойынша ТОЖ-да дипломалды практика көрсетілмесе, қажет жағдайда ЖОО өз бетінше жоспарлай алады.

      Практикалардың ұзақтығы студенттің практика кезіндегі 30 сағатқа тең апта бойғы (5 күндік жұмыс аптасы кезінде күніне 6 сағат) нормативті жұмысын есепке ала отырып, аптамен анықталады. Апта санын шығару үшін практиканың кредитпен есептелген көлемі тиісті практика түрінің оқу сағатымен есептелген еңбек қажетсінуіне көбейтіледі және студенттің апта бойғы жұмысының ұзақтығына, яғни 30 сағатқа бөлінеді.

      Практиканың 1 кредитінің еңбекті қажетсінуі оқу практикасы үшін 15 сағатты (50 минуттан), өндірістік практика үшін 75 сағатты (50 минуттан) құрайды. 1 кредитке келетін практиканың ұзақтығы аптамен есептегенде оқу практикасы үшін 0,5 аптаны, өндірістік практика, тағылымдамалар үшін 2,5 аптаны құрайды

      60. Студенттерді қорытынды аттестаттауды аптамен жоспарлау 54 сағатқа тең студенттің апта бойғы жұмысының нормативті уақытына (6 күндік жұмыс аптасы кезінде СӨЖ-ді қоса есептегенде күніне 9 сағат) қарай анықталады.

      Қорытынды аттестаттаудың 1 кредиті 105 (15х7) сағатқа тең, яғни 2 апта. Олардың ішінде 15 сағаты студент пен оқытушының байланыстағы жұмысына, ал 90 сағаты СӨЖ-ге арналады.

      Дипломдық жұмысты (жоба) жазу мен қорғау үшін 2 кредит, яғни 4 апта уақыт беріледі. Сонымен бірге 2 кредит дипломдық жұмысты (жоба) рәсімдеу мен қорғау үшін берілген. Дипломдық жұмыстың барысы алдын ала кәсіби іс-тәжірибе кезінде және теориялық курстың аяқталу мерзімінде жүргізіледі.

      61. Білім алушылардың (бітіруші курсты қоспағанда) қосымша оқу қажеттіліктерін қанағаттандыру үшін, оқу жоспарларындағы академиялық қарызды немесе айырмашылықты жою үшін, игерген кредиттерін өз жоғары оқу орнында міндетті түрде қайта тапсыра отырып басқа жоғары оқу орнында оқу пәндерін оқып-үйрену, үлгерімнің орташа балын (Grade Point Average (GPA) (Грейд Поинт Авераж) көтеру үшін жазғы семестр жүргізіледі.

      Бұл ретте академиялық қарызды немесе оқу жоспарларындағы айырмашылықты жою және қосымша оқу ақылы негізде жүзеге асырылады.

      Жазғы семестр, оқытудың қосымша түрлері (әскери даярлық) демалыс есебінен немесе жеке академиялық күнтізбе бойынша жоспарланады.

      62. Жоғары оқу орны әрбір студентті кәсіптік тәжірибе базаларымен қамтамасыз етеді.

      63. Жоғары оқу орнын кадрлық қамтамасыз етуге қойылатын талаптар Қазақстан Республикасы Білім және ғылым министрінің 2015 жылғы 17 маусымдағы № 391 бұйрығына сәйкес (Нормативтік құқықтық актілерді мемлекеттік тіркеу тізілімінде № 11716 болып тіркелген) білім беру қызметіне қойылатын біліктілік талаптарынде, және оларға сәйкестікті растайтын құжаттардың тізбесінде айқындалған.

Жоғары арнайы білімнің білім беру бағдарламасын меңгеруге ынталы тұлғалардың
алдыңғы білімінің деңгейіне қойылатын талаптар

5В130100 "Жалпы медицина", 5В130300 "Педиатрия " мамандықтары
бойынша арнайы жоғары білімнің білім беру бағдарламаларының компоненттерін
бөлу нормасы (оқу мерзімі 5 жыл)

Интернатураға даярлау бағытымен 5В130100 "Жалпы медицина", "Педиатрия"
мамандықтары бойынша жоғары арнайы білімнің білім беру бағдарламаларының
компоненттерін бөлу нормасы, оқу мерзімі 2 жыл

5В130200 "Стоматология" мамандығы бойынша жоғары арнайы білімнің білім беру
бағдарламасының компоненттерін бөлу нормасы (оқу мерзімі -5 жыл)