Бейбiт уақытқа арналған Қазақстан Республикасының Қарулы Күштерiн азық-түлiкпен, азықпен, жабдықпен, асханалық-асүйлік ыдыспен және азық-түлік қызметінің техникасымен жабдықтау нормаларын бекіту туралы

      "Қазақстан Республикасының қорғанысы және Қарулы Күштері туралы" 2005 жылғы 7 қаңтардағы Қазақстан Республикасының Заңының 22-бабы 2-тармағының 22-тармақшасына сәйкес БҰЙЫРАМЫН:

      1. Қоса беріліп отырған Бейбiт уақытқа арналған Қазақстан Республикасының Қарулы Күштерiн азық-түлiкпен, азықпен, жабдықпен, асханалық-асүйлік ыдыспен және азық-түлік қызметінің техникасымен жабдықтау нормалары бекітілсін.

      2. Қазақстан Республикасы Қарулы Күштері Тылының бастығы:

      1) заңнамада белгіленген тәртіппен осы бұйрықты мемлекеттік тіркеу үшін Қазақстан Республикасының Әділет министрлігіне жолдасын;

      2) мемлекеттік тіркелгеннен кейін күнтізбелік он күн ішінде ресми жариялау үшін осы бұйрықтың көшірмесін мерзімдік баспасөз басылымдарына және "Әділет" ақпараттық-құқықтық жүйесіне жолдасын;

      3) бұйрықты ресми жарияланғаннан кейін Қазақстан Республикасы Қорғаныс министрлігінің веб-сайтына орналастырсын;

      4) жабдықтар мен асханалық-ас үйлік ыдыстарды және азық-түлік қызметінің техникасын сатып алуды кезең-кезеңімен республикалық бюджеттен тиісті жылға бөлінген қаражат шегінде жүзеге асырсын.

      3. Осы бұйрықтың орындалуын бақылау Қазақстан Республикасы Қорғаныс министрінің орынбасары генерал-лейтенант О.Б. Сапаровқа жүктелсін.

      4. Бұйрық алғаш ресми жарияланған күнінен бастап күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрі

      _________ Б. Сұлтанов

      2015 ж. 1 шілде

Бейбiт уақытқа арналған Қазақстан Республикасының
Қарулы Күштерiн азық-түлiкпен, азықпен, жабдықпен, асханалық-асүйлік ыдыспен және азық-түлік қызметінің техникасымен жабдықтаудың нормаларын бекіту туралы
1-норма
"Жалпы әскери азық үлесі"

      * оларды беру мүмкін болмаған кезде ауыстыру нормасына сәйкес ауыстырылады.

      Ескертпе:

      1. Осы норма бойынша мемлекет есебiнен:

      1) басқа нормалар бойынша азық-түлiк алатындарды қоспағанда,

      мерзiмдi қызмет әскери қызметшiлерi;

      2) ведомстволық тиесілігіне қарамастан, гауптвахтада жазасын

      өтейтін әскери қызметшілер;

      3) әскери жиындарға шақырылған әскери мiндеттілер, әскери

      даярлаудан өтетін әскери кафедралардың студенттерi, әскери оқу

      орындарының (әскери факультеттердің) курсанттары – жиындардан

      (тағылымдамадан) өту кезеңінде, сондай-ақ осы бөлiмдерге,

      бөлiмшелерге iссапарға келген әскери қызметшілер;

      4) штаттық әскери оркестрлердiң музыкант тәрбиеленушiлерi,

      оларда мерзiмдi қызмет әскери қызметшілерi осы норма бойынша

      азық-түлiкпен қамтамасыз етiледі;

      5) мерзімді қызмет әскери қызметшілері, сондай-ақ әскери оқу

      орындарына түсу үшін әскери жиындарға жіберілетін әскерге

      шақырушылар, әскери оқу орындарына келген күннен бастап қабылданған

      немесе қабылдаудан бас тартқан күнге дейін жабдықталуда;

      6) әскери қызметшілер – маяктардағы вахтаны өткерген кезде;

      7) әскери қызметшілер – жауынгерлік кезекшілік атқарған уақытта;

      8) әскери қызметшілер – далалық шығуларға қатысқан уақытта;

      9) әскери қызметшілер – тәуліктік нарядта қызмет өткерген кезде;

      10) әскери қызметшілер – қарауылда қызмет өткерген кезде;

      11) әскери қызметшiлер – әскери және арнайы жүктерге (әскери

      эшелондарға) iлесiп жүру және оларды тасымалдау кезiнде және осы

      жүктердi қабылдау орнына барған немесе тапсырғаннан кейiн кері

      қайтқан жолда жабдықталуда.

"Ауыз сумен қамтамасыз ету"
негiзгi нормаларына қосымша азық үлесі

      Ескертпе: осы норма бойынша мемлекет есебiнен әскери

      қызметшілер далалық шығуларда, оқу-жаттығуларда, маневр жасауда,

      полигондарда, зілзала және апаттар аудандарында, төтенше жағдайларда,

      әскери жанжалдар кезінде, бітімгершілік операцияларында жабдықталуда.

"Әскери эшелондарға ілесіп жүру кезiндегi"
негiзгi нормаларға қосымша азық үлесі

      ^* негізгi норманың осы өнiмдерi қосымша норма берiлген кезде

      берілмейді.

      Ескертпе: осы норма бойынша мемлекет есебінен әскери

      эшелондарға ілесіп жүру үшін қарауыл (командалар) құрамына

      тағайындалған әскери қызметшілер – жүктерді тасымалдау кезінде және

      осы жүктерді қабылдау орнына барған және тапсырғаннан кейін кері

      қайтқан жолда жабдықталуда.

"Құрметті қарауыл ротасына арналған"
негізгі нормаларға қосымша азық үлесі

      Ескертпе: осы норма бойынша мемлекет есебінен Қарулы Күштер

      құрметті қарауыл ротасының мерзімді қызмет әскери қызметшілері

      жабдықталуда.

"Мерекелiк үлес"
негiзгi нормаларына қосымша азық үлесі

      Ескертпе:

      Осы норма бойынша мемлекет есебiнен:

      1) мерзiмдi қызмет әскери қызметшілері мен жоғары және орта оқу

      орындарының (әскери факультеттердің) курсанттары – Қазақстан

      Республикасының заңнамасына сәйкес айқындалған мереке күндері және

      тиісті органдардың, мекемелер мен бөлімдердің құрылғанын мерекелеген

      күндері және әскери ант қабылдаған күндері;

      2) әскери жиындарға шақырылған және бұрын әскери ант

      қабылдамаған әскери міндеттілер – әскери ант қабылдаған күндері

      жабдықталуда.

"Қарауылда қызмет өткерген кездегi"
негiзгi нормаларға қосымша азық үлесі

      Ескертпе: осы норма бойынша мемлекет есебiнен әскери және

      мемлекеттік объектiлердi, күзету жөнiндегi қарауылдар құрамында

      қызмет (вахта) өткеру кезiнде әскери қызметшілер, егер сағат

      22-00-ден 6-00-ге дейiнгi кезеңде қарауылда (нарядта) қызмет өткеру

      уақыты түнгi уақыттың кемiнде екi сағатын қамтыса жабдықталуда.

"Емдеу-алдын алу үлесi"
негiзгi нормаларына қосымша азық үлесі

      Ескертпе: осы норма бойынша мемлекет есебiнен әскери қызметші:

      кочегарлар (операторлар), газ-электрмен дәнекерлеушiлер, жұмыстары

      улы химикаттармен байланысты медициналық (ветеринарлық) персонал және

      басқа да мамандар (рентгенологтар), жанар-жағармай материалдарымен

      (жанар-жағармай материалдары қоймасының бастығы, май құюшы) және су

      кәрiзімен (сантехник) ұдайы байланысты мамандар, құрамында ионды

      сәулелену заттары бар бұйымдарды сақтаумен, қорғаумен және оған

      техникалық қызмет көрсетумен байланысты қару-жарақ қызметінің

      мамандары (қару-жарақ қызметінің бастығы, қойма бастығы, сақтау

      орнының бастығы, техник, краншы, такелажшы) жабдықталуда.

"Авариялық-құтқару жұмыстарын жүргiзу кезiндегi"
негiзгi нормаларға қосымша азық үлесі

      ^* баламалы түрде вафлиға немесе кептірілген тоқашқа ауыстыру.

      Ескертпе: осы норма бойынша мемлекет есебiнен әскери

      қызметшiлер авариялық-құтқару жұмыстарын жүргiзу, зілзаланы, төтенше

      жағдайларды жою кезiнде, егер жоюды жүргiзу уақыты кемiнде бiр

      тәулiктен асатын болса жабдықталуда.

"Донорларға арналған азық үлесі"
негiзгi нормаларына қосымша азық үлесі

      Ескертпе: тағам түріндегі осы норма бойынша мемлекет есебінен

      әскери қызметшілерге негізгі нормалар бойынша олардың азық-түлік

      үлесімен (тағаммен) жабдықталуына қарамастан, қан тапсырған күні

      беріледі.

2-норма
"Инженерлік-техникалық құрамға арналған азық үлесі"

      Ескертпе:

      Осы норма бойынша мемлекет есебiнен:

      1) авиациялық техникаға қызмет көрсетуге және ұшуларды

      қамтамасыз етуге жіберілген әуеайлақтарда, полигондарда, техникалық

      және ұшыру бекіністерінде тұрақты жұмыс iстейтiн

      инженерлік-техникалық құрам – ұшуларды дайындау және орындау кезеңінде;

      2) әскери жиындарға шақырылған әскери мiндеттілер, авиациялық

      бөлiмдерде инженерлік-техникалық лауазымдарда тағылымдамадан өтетін

      әскери оқу орындарының (әскери факультетінің) курсанттары –

      жиындардан (тағылымдамадан) өту кезеңiнде;

      3) инженерлiк-техникалық құрамның әскери қызметшiлерi –

      жауынгерлік кезекшілік атқарған уақытта;

      4) инженерлiк-техникалық құрамның әскери қызметшiлерi – далалық

      шығуларға қатысқан уақытта;

      5) инженерлiк-техникалық құрамның әскери қызметшiлерi –

      тәуліктік нарядта қызмет өткерген кезде;

      6) инженерлiк-техникалық құрамның әскери қызметшiлерi –

      қарауылда қызмет өткерген кезде;

      7) инженерлiк-техникалық құрамның әскери қызметшiлерi – әскери

      және арнайы жүктерге (әскери эшелондарға) iлесiп жүру және оларды

      тасымалдау кезiнде және осы жүктердi қабылдау орнына барған немесе

      тапсырғаннан кейiн кері қайтқан жолда жабдықталуда.

3-норма
"Жоғары оқу орындарының курсанттарына арналған азық үлесі"

      Ескертпе: осы норма бойынша мемлекет есебiнен жоғары әскери оқу

      орындарының (әскери факультеттердің) курсанттары барлық оқу кезеңi

      ішінде оқуға қабылданған күнінен бастап әскери оқу орны офицерлер

      атағын беру туралы бұйрықты алғанға дейiн жабдықталуда.

4-норма
"1500 метр және одан жоғары биiктiктегі биік таулық азық үлесі"

      * оларды беру мүмкін болмаған кезде ауыстыру нормасына сәйкес

      ауыстырылады.

      Ескертпе:

      Осы норма бойынша мемлекет есебiнен теңіз деңгейiнен 1500 метр

      және одан жоғары биіктікте қызмет өткеру (жұмыстарды жүзеге асыру)

      кезінде мыналар жабдықталуда:

      1) 1500 метр және одан жоғары биiктiкте орналасқан әуе

      шабуылына қарсы қорғанысты бағыттау бөлiмшелерi мен пункттерiндегi

      мерзiмдi қызмет әскери қызметшiлерi, тағылымдамадан (тәжiрибеден)

      өтетін курсанттар, сондай-ақ осы бөлiмдерге, бөлiмшелерге iссапарға

      келген әскери қызметшiлер;

      2) әскери қызметшілер – жауынгерлік кезекшілік атқарған уақытта;

      3) әскери қызметшілер – далалық шығуларға қатысқан уақытта;

      4) әскери қызметшілер – тәуліктік нарядта қызмет өткерген кезде;

      5) әскери қызметшілер – қарауылда қызмет өткерген кезде;

      6) осы нормаға қосымша мемлекет есебiнен теңiз деңгейiнен 3000

      метр және одан жоғары биiктіктегі жергілікті жерлерде бiр адамға

      тәулiгiне 100 г сиыр сүтi немесе сүттiң осы мөлшерiне ауыстырылған

      сүт өнiмдерi, 30 г мәйектi қатты ірімшiк, 1 г табиғи кофе, 25 г

      жемiс-жидек джемi беріледі.

5-норма
"Аэроұтқыр әскерлерiне арналған азық үлесі"

      Ескертпе:

      Осы норма бойынша мемлекет есебiнен Қарулы Күштер, басқа да

      әскерлер мен әскери құрылымдар десанттық және барлау бөлімшелерінің,

      теңіз жаяу әскерлері, арнайы мақсаттағы бөлiмшелерінің:

      1) мерзімді қызмет әскери қызметшілері;

      2) әскери жиындарға шақырылған әскери мiндеттілер, әскери

      даярлаудан өтетін әскери кафедралардың студенттерi, әскери оқу

      орындарының (әскери факультеттердің) курсанттары – жиындардан

      (тағылымдамадан) өту кезеңінде, әскери қызметi парашютпен секiрумен

      байланысты секiру жасаған күндерi жабдықталуда;

      3) әскери қызметшілер – жауынгерлік кезекшілік атқарған уақытта;

      4) әскери қызметшілер – далалық шығуларға (теңізге шығуларға)

      қатысқан уақытта;

      5) әскери қызметшілер – тәуліктік нарядта қызмет өткерген

      кезде;

      6) әскери қызметшілер – қарауылда қызмет өткерген кезде;

      7) әскери қызметшілер – парашютпен секірген күндері;

      8) әскери қызметшiлер – әскери және арнайы жүктерге (әскери

      эшелондарға) iлесiп жүру және оларды тасымалдау кезiнде және осы

      жүктердi қабылдау орнына барған немесе тапсырғаннан кейiн кері

      қайтқан жолда жабдықталуда.

6-норма
"Спорт комитетi – Армия орталық спорт клубы әскери спорт колледжiнiң курсанттарына арналған азық үлесі"

      Ескертпе: осы норма бойынша мемлекет есебiнен Спорт комитеті

      әскери спорт колледжінің курсанттары жабдықталуда.

7-норма
"Жас ұлан" республикалық мектебi 7-8-сыныптарының
оқушыларына арналған азық үлесі"

      Ескертпе:

      1. Осы норма бойынша мемлекет есебiнен "Жас ұлан" республикалық

      мектебiнiң оқушылары, қабылдау емтихандарын тапсыруға келген және

      казармалық жағдайда тұратын кандидаттар жабдықталуда.

      2. "Жас ұлан" республикалық мектебiнiң оқушылары әскери

      бөлiмдерде практикадан өту кезеңiнде осы әскери бөлiмнiң мерзiмдi

      қызмет әскери қызметшiлерi үшiн көзделген нормалар бойынша

      азық-түлiкпен қамтамасыз етіледі.

8-норма
"Жас ұлан" республикалық мектебi 9-11-сыныптарының
оқушыларына арналған азық үлесі"

      Ескертпе:

      1. Осы норма бойынша мемлекет есебiнен "Жас ұлан" республикалық

      мектебiнiң оқушылары жабдықталуда.

      2. "Жас ұлан" республикалық мектебiнiң оқушылары әскери

      бөлiмдерде практикадан өту кезеңiнде, осы әскери бөлiмнiң мерзiмдi

      қызмет әскери қызметшiлерi үшiн көзделген нормалар бойынша

      азық-түлiкпен қамтамасыз етіледі.

9-норма
"Спорт комитетi – Армия орталық спорт клубының
спортшы мерзiмдi қызмет әскери қызметшілерiне
арналған азық үлесі"

      Ескертпе: осы норма бойынша мемлекет есебiнен Қарулы Күштер

      спорттық құрама командаларының мерзiмдi қызмет әскери қызметшiлерi –

      жаттықтыру жиындарын және жарыстарды өткiзу кезеңiнде жабдықталуда.

10-норма
"Ұшқыш азық үлесі"

      Ескертпе:

      Осы норма бойынша мемлекет есебiнен:

      1) ұшу аппараттары экипаждарының штаттық есептоптарына кiретiн

      ұшқыштар құрамының әскери қызметшiлерi, оның iшiнде дублерлар;

      2) ұшу аппараттары экипаждарының штаттық есептоптарына

      кiрмейтiн, бiрақ жауынгерлiк кезекшiлiктi жауынгерлiк және

      оқу-жаттығу даярлығы жоспары бойынша ұшуларды және авиациялық техника

      мен мүлiктi әуеде сынауды орындайтын, оларға ұшу аппараттарының

      типтерiне сәйкес ұшу сағатының нормасы штаттық экипаждар үшiн

      белгiленген нормадан кем емес айқындалған ұшқыштар құрамының әскери

      қызметшiлерi.

      Осы норма бойынша ұшу аппараттары тиiстi типтерінің штаттық

      экипаждары үшiн белгіленген нормадан аз ұшу сағаттарының нормалары

      бар осы тармақшада көрсетілген әскери қызметшілер қамтамасыз етіледі;

      3) ұшқыштар мен штурмандарды даярлайтын әскери оқу орындарының

      курсанттары – оқу жоспарларына сәйкес практикалық ұшулар басталған

      күннен бастап олар бiтiрiп шыққан күнге дейiн (оның iшiнде ұшу

      тәжiрибелерiнен өткен және басқа да әскери бөлiмдерде тағылымдамадан

      өткен кезеңде);

      4) ауыспалы ұшқыштар құрамы – авиациялық бөлiмдерде

      (бөлiмшелерде), әскери оқу орындарында, курстарда және орталықтарда

      қайта даярлаудан және қайта оқытудан өткен кезеңде;

      5) ұшқыштар құрамы қатарынан әскери академиялардың

      (университеттердің) тыңдаушылары (магистранттары) – ұшу тәжiрибесi

      мен тағылымдамадан өту кезеңiнде ұшулар басталған күннен бастап және

      аяқталған күнге дейiн;

      6) борттық аудармашы, борттық жолсерiктер, ұшу аппараттары

      экипажының штаттық есептоптарына кiретiн әскери қызметшiлер – ұдайы,

      ал экипаждың штаттық есептоптарына кiрмейтiндер – ұшу күндерi;

      7) ұшқыштар құрамына жатпайтын, бiрақ ұшу аппараттарының

      жауынгерлiк және оқу-жаттығу даярлығы жоспарлары бойынша ұшуларға

      және авиациялық техника мен мүлiктi әуеде сынауға қатысатын әскери

      қызметшілер (ғылыми-сынау және ғылыми-зерттеу мекемелерi

      (полигондары) авиация бөлiмдерiнiң, сынау аппараттары экипаждарының

      штаттық есептоптарына кiрмейтiн, бiрақ ұшуларға қатысатын борттық

      инженерлер (техниктер), нұсқаушылар, сынаушылар немесе катапульттеу

      құрылғыларының зерттеушілері, нұсқаушылары,

      нұсқаушы-парашютші-сынаушылары, парашюттердің нұсқаушы-сынаушылары,

      оның ішінде әуе-десанттық әскерлері парашют буындарының нұсқаушылары

      мен жаттықтырушылары ретінде ұшуларға қатысатын ұшқыштар құрамын

      жауынгерлiк қолдану және қайта даярлау орталықтарының

      ұшқыш-әдіскерлері, инженерлері мен техниктері)

      операциялық-реанимациялық ұшақ-зертханалар ұшатын зертханаларының

      жеке құрамы, аға офицерлерi (әуедегі басқару пунктi жөніндегі) және

      әуе атқыш-радистерi және әуе атқыштарын даярлау жөнiндегi авиация

      мектептерiнiң курсанттары – ұшу (парашютпен секiру) күндерi,

      сондай-ақ қызметтік іс-қимыл жоспарлары бойынша ұшуларға қатысатын

      мемлекеттік органдардың бірінші басшылары мен олардың орынбасарларын;

      8) әскери жиындарға шақырылған және ұшу аппараттарында ұшуларды

      жасайтын әскери мiндеттілер, әскери даярлықтан өтетiн жоғары және

      орта арнайы оқу орындары әскери кафедраларының студенттерi –

      практикалық ұшулар басталған күннен бастап жиындар аяқталған күнге дейiн жабдықталуда.

11-норма
"Теңiз азық үлесі"

      Ескертпе:

      Осы норма бойынша мемлекет есебiнен (басқа нормалар бойынша

      азық-түлiк алатын адамдардан басқа):

      1) суүстi корабльдері мен қамтамасыз ету кемелерiнде қызмет

      өткеретін әскери қызметшілер;

      2) суүсті корабльдері мен қамтамасыз ету кемелеріндегі әскери

      қызметшілер – орналасу орындарында дауылға әзірлік кезіндегі

      іс-шараларды жүзеге асырған жағдайда, теңізге шыққан және шетел

      айлақтарына баруға байланысты осы айлақтарда болған уақытта.

      Суүсті корабльдері мен қамтамасыз ету кемелеріндегі әскери

      қызметшілер Қазақстан Республикасының аумақтық суларынан тыс жерде

      жүзген (шыққан) кезеңде (шетел мемлекеттерінің айлақтарында),

      Қазақстан Республикасының базасынан, айлағынан шыққан күннен бастап,

      суүсті корабльдері мен қамтамасыз ету кемелерін сыртқы теңіз

      жолдарымен бір бассейннен басқасына ауыстыру жөніндегі

      экспедицияларға қатысатын жеке құрам жол жүруде болған кезеңде

      қосымша 3 г жеміс-жидек сығындысы мен 30 г қоюландырылған (немесе

      қаймағы алынбаған) сүт беріледі;

      3) штаттық экипаждарға кiрмейтiн қамтамасыз ету кемелері

      топтарының әскери қызметшілері, капитан-тәлімгерлері,

      механик-тәлімгерлері мен лоцмандары, әскери жиындарға шақырылған

      әскери мiндеттілер, әскери даярлаудан өтетін әскери кафедралардың

      студенттерi, әскери оқу орындарының (әскери факультеттердің)

      курсанттары – кемеге келген күннен бастап;

      4) арнайы жүзу құралдарымен жабдықталған теңіз жаяу әскерлері

      мен броньды танк техникасы экипаждарының әскери қызметшілері –

      теңізге шыққан күндері.

      Теңізге шығатын күндер мен жеке құрамның саны әскери бөлім

      командирінің бұйрығымен жарияланады;

      5) теңіз бөлімдерінің әскери қызметшілері – теңізде

      гидрографиялық жұмыстарды орындау уақытында;

      6) теңізде апатқа ұшыраған немесе корабль (кеме) бортына

      алынған адамдар – экипаж осы норма бойынша айлаққа немесе базаға

      жеткізілгенге дейін азық-түлікпен қамтамасыз етіледі;

      7) әскери қызметшілер – жауынгерлік кезекшілік атқарған

      уақытта;

      8) әскери қызметшілер – тәуліктік нарядты өткерген уақытта;

      9) әскери қызметшілер – қарауылдағы қызметті өткерген кезде;

      10) әскери қызметшiлер – әскери және арнайы жүктерге (әскери

      эшелондарға) iлесiп жүру және оларды тасымалдау кезiнде және осы

      жүктердi қабылдау орнына барған немесе тапсырғаннан кейiн кері

      қайтқан жолда жабдықталуда;

      11) суасты сүңгулерін жасайтын, қысымды компрессорлық камерада

      (сүңгуiр барокамерада) дербес болуына байланысты жұмыстарға қатысатын

      әскери қызметші сүңгуiрлерге қосымша 130 г бiрiншi санатты сиыр еті,

      15 г мәйектi ірімшiк, 30 г сары май, жануар майының үлесі кемінде

      72,5%, 40 г қоюландырылған (немесе қаймағы алынбаған) сүт беріледі;

      12) тереңге сүңгитiн әскери қызметші сүңгуiрлерге күн сайын 30

      г құмшекер, 70 г печенье, 150 г жаңа пiскен жемiстер немесе жемiс

      және жидек шырыны, 2 г жемiс-жидек сығындысы және 1 жұмыртқа беріледі.

12-норма
"Жалпы емдiк азық үлесі"

      Ескертпе:

      1. Осы норма бойынша мемлекет есебiнен әскери-медициналық және

      медициналық мекемелерде (әскери госпитальдарда, лазареттерде,

      емханаларда, стационарлық және басқа да изоляторларда) емделуде

      немесе тексерiлуде болатын науқастанғандар, ұшқыштар құрамын

      дәрiгерлiк сараптау бөлiмшелерiнде медициналық тексерiлуде болатын

      ұшқыштар құрамының әскери қызметшiлерi жабдықталуда.

      2. Осы нормаға қосымша мемлекет есебiнен әскери госпитальдар

      мен лазареттерде емделуде және тексерілуде болатын науқастанғандарға

      – тәулiгiне бiр адамға 45 г жас ет, 25 г шұжық және ысталған

      тағамдар, 200 г сиыр сүті, 20 г ірімшiк, 50 г сүзбе, 15 г көкөнiс

      консервілерi және 50 г консервіленген компот беріледі.

      3. Әскери-медициналық мекемелерде емделуде болатын және жасанды

      тамақтандырылатын нәрестелерге емдiк үлес орнына тәулiгiне бір

      нәрестеге 1500 г сиыр сүтi, 50 г сары май, 20 г күрiш, 100 г құмшекер

      және 20 г кептiрілген жемiс беруге рұқсат етіледi.

      4. Әскери-медициналық мекемелерде науқастанған балалар жанында

      стационарлық жағдайда болатын аналар, егер нәрестені тек өз сүтiмен

      тамақтандырған жағдайларда емдік үлес бойынша тағаммен тегін

      жабдықталуда.

      5. Азаматтық емдеу мекемелерiнде емделуде болатын әскери

      қызметшілер осы емдеу мекемесi қолданып жүрген нормалар бойынша

      барлық науқастанғандармен тең тағаммен тегін жабдықталуда.

      6. Азаматтық емдеу мекемелерiнде емделуде болатын әскери

      қызметшiлерді тамақтандыруға азық-түлiк немесе ақша беруге тыйым

      салынады.

      7. Емдiк үлес нормалары бойынша азық-түлiктi ауыстыру

      науқастанғандарға тағайындалған ауыстыру нормалары бойынша

      ем-дәмдерге сәйкес жүргiзіледі.

      8. Науқастанғандарға дәрігердің тағайындауы және энтеральдық

      тамақтандыруға медициналық көрсеткіштер бойынша науқастанғандар үшін

      осы норма стандартты, жартылай элементті және модульдік қоспалармен

      немесе мақсатты бағытталған әсер ететін қоспаларымен ауыстырылады.

      Қоспа түрін таңдау және онымен тамақтандыру ұзақтығы медициналық

      көрсеткіштерге сәйкес жүзеге асырылады. Бір науқастанғанға арналған

      қоспа мөлшері осы мөлшерде 2000 ккал қуат және 70 г белок болған

      жағдайда тәулігіне 2000 миллилитрден аспауға тиіс.

13-норма
"Күйiк шалған науқастанғандарға арналған емдiк азық үлесі"

      Ескертпе: осы норма бойынша мемлекет есебiнен күйік шалған

      науқастанғандар, ағзасы сәулелік зақымданған науқастанғандар жабдықталуда.

14-норма
"Бүйрек ауруларымен ауыратын науқастанғандарға
арналған емдік азық үлесі"

      Ескертпе: осы норма бойынша мемлекет есебiнен

      әскери-медициналық мекемелерде емделуде болатын бүйрек ауруларымен

      сырқаттанған науқастанғандар жабдықталуда.

15-норма
"Туберкулезбен және пневмокониозбен сырқаттанған
науқастанғандарға арналған емдік азық үлесі"

      Ескертпе:

      1. Осы норма бойынша мемлекет есебiнен әскери медициналық

      мекемелерде емделуде болатын туберкулезбен және пневмокониозбен

      сырқаттанған науқастанғандар жабдықталуда.

      2. Туберкулезбен және пневмокониозбен сырқаттанған

      науқастанғандарды тамақтандыру емдейтін дәрiгерлердiң нұсқамасына

      сәйкес әрбір науқастанғанға үлестiң жалпы құны шегінде тиiстi

      азық-түлік жинағынан ем-дәм тағайындаумен жүргiзіледі. Азық-түлікті

      ауыстыру ауыстыру нормалары бойынша жүргiзіледі.

16-норма
"Арнайы әскери мектеп-интернаттарының
тәрбиеленушілерiне арналған азық үлесі"

      Ескертпе:

      1. Осы норма бойынша мемлекет есебiнен арнайы әскери

      мектеп-интернаттарының (кадет корпусының) тәрбиеленушiлерi мен

      қабылдау емтихандарын тапсыруға келген және казармалық жағдайда

      тұратын кандидаттар келген күннен бастап жабдықталуда.

      2. Арнайы мектеп-интернаттарының тәрбиеленушiлерi әскери

      бөлiмдерде және корабльдерде тәжiрибеден өту кезеңiнде, осы әскери

      бөлiмнiң мерзiмдi қызмет әскери қызметшiлерi үшiн көзделген норма

      бойынша қамтамасыз етіледі.

17-норма
"Жалпы әскери жеке тамақтандыру рационы"

      Ескертпе:

      1. Осы норма бойынша мемлекет есебінен негiзгi азық-түлік

      үлестерінен ыстық тағам әзiрлеу мүмкiн болмағанда мыналар

      жабдықталуда:

      1) әскери қызметшілер – жол жүруде, далалық жағдайларда,

      оқу-жаттығуларда, маневр жасауда, полигондарда, өз әскери бөлімінен

      жеке орналасқан бөлімшелерде, зілзалалар және апаттар аудандарында,

      төтенше жағдайларда, қарулы жанжалдарда, бітімгершілік

      операцияларында;

      2) қарауылдар (командалар) құрамына тағайындалған әскери

      қызметшiлер, оның iшiнде әскери және арнайы жүктерді (әскери

      эшелондарды) күзету, қорғау және оларға iлесiп жүру үшін оларды

      тасымалдау кезiнде және осы жүктердi қабылдау орнына барған немесе

      тапсырғаннан кейiн кері қайтқан жолда;

      3) мерзімді қызмет әскери қызметшілері мен әскери оқу

      орындарының (әскери факультеттердің) курсанттары – олар демалысқа,

      іссапарға, жаңа қызмет орнына, запасқа шығарылғандар – тұрғылықты

      жеріне дейін жол жүргенде;

      4) міндетті әскери қызметке шақырылған азаматтар, жиынға

      (тағылымдамаға) шақырылған әскери міндеттілер мен әскери даярлықтан

      өтетін студенттер – жергілікті әскери басқару органынан әскери қызмет

      өткеру, жиындардан (тағылымдамадан) өту жеріне бару туралы тиісті

      бастықтың бұйрығы шыққан күннен бастап;

      5) әскери оқу орындарына түсу үшін әскери жиындарға жіберілетін

      мерзімді қызмет әскери қызметшілері, сондай-ақ әскерге шақырылушылар

      – оқуға қабылданғанға дейін және қабылдаудан бас тартқан жағдайда

      әскери оқу орнынан тұрғылықты жеріне жеткенге дейін жол жүру үшін

      қажетті кезеңде.

      2. Осы рацион бойынша үзбей тамақтандыру жеті тәуліктен аспауға

      тиіс.

      3. Жауынгерлiк және оларға теңестірілген іс-қимылдарды жүргізу

      (шекаралық операцияларын, iздестiруді жүргiзу, қауіпті бағыттарда

      Мемлекеттiк шекараның күзетiн күшейтуге күштердi тарту, жауынгерлiк

      кезекшілікті атқару) кезінде мерзімі үш тәулiктен асатын тұрақты

      орналасқан жерiнен кеткен жағдайларда шағын командалар үшін қосымша 1

      жиынтық портативті қыздырғышпен, 1 дана консервіні және қорапты

      ашқышпен, 6 дана желге, суға төзімді сіріңкемен, 3 дана қағаз

      майлықпен, 6 дана суды зарарсыздандыруға арналған құралдармен, 3 дана

      пластмассадан жасалған қасықпен жабдықталуда.

18-норма
"Аэроұтқыр әскерлеріне арналған жеке тамақтандыру рационы"

      Ескертпе:

      1. Осы норма бойынша мемлекет есебінен негiзгi азық-түлік

      үлесінен ыстық тағам әзiрлеу мүмкiн болмағанда мыналар жабдықталуда:

      1) 5-норма бойынша жабдықталатын әскери қызметшілер – жол

      жүруде, далалық жағдайларда, оқу-жаттығуларда, маневр жасауда,

      полигондарда, өз әскери бөлімінен жеке орналасқан бөлімшелерде,

      зілзала және апаттар аудандарында, төтенше жағдайларда, қарулы

      жанжалдарда, бітімгершілік операцияларында;

      2) десанттық және барлау бөлімшелерінің, теңіз жаяу әскерлері,

      арнайы мақсаттағы бөлiмшелерінің мерзімді қызмет әскери қызметшілері

      – жол жүруде;

      3) 4-норма бойынша тегін тамақтанумен қамтамасыз етілуге құқығы

      бар әскери қызметшілер, 1500 метр және одан да жоғары биіктікте

      орналасқан әскери бөлімдер мен бөлімшелерде тағылымдамадан

      (тәжірибеден) өтетін курсанттар, сондай-ақ осы бөлімдерге,

      бөлімшелерге іссапарға келген әскери қызметшілер – негізгі үлестен

      ыстық тағам дайындау мүмкін болмағанда.

      2. Осы рацион бойынша үзбей тамақтандыру жеті тәуліктен аспауға

      тиіс.

      3. Жауынгерлiк және оларға теңестірілген іс-қимылдарды жүргізу

      (шекаралық операцияларын, iздестiруді жүргiзу, қауіпті бағыттарда

      Мемлекеттiк шекараның күзетiн күшейтуге күштердi тарту, жауынгерлiк

      кезекшілікті атқару) кезінде мерзімі үш тәулiктен асатын тұрақты

      орналасқан жерiнен кеткен жағдайларда шағын командалар үшін қосымша 1

      жиынтық портативті қыздырғышпен, 1 дана консервіні және қорапты

      ашқышпен, 6 дана желге, суға төзімді сіріңкемен, 3 дана қағаз

      майлықпен, 6 дана суды зарарсыздандыруға арналған құралдармен, 3 дана

      пластмассадан жасалған қасықпен жабдықталуда.

19-норма
"Автономды жеке тамақтандыру рационы"

      Ескертпе:

      Осы норма бойынша мемлекет есебінен мыналар жабдықталуда:

      1) теңізде және жабдықтау базаларынан бір тәуліктен астам

      мерзімге қол үздіріп, жағалауда арнайы міндеттерді орындауға тікелей

      қатысатын арнайы теңіз бөлімдерінің әскери қызметші сүңгуірлері;

      2) арнайы шығынсыз әрекет ету орталықтарында даярлықтан өтетін

      әскери қызметшілер, ұшқыштар құрамы мен нұсқаушылар (шығынсыз әрекет

      ету жөніндегі), бұл ретте оларға тиесілі азық-түлік үлесі берілмейді.

20-норма
"Ұшақтар мен тiкұшақтардың экипаждарына
арналған борттық азық үлесі"

      Ескертпе:

      1. Борттық үлеспен мемлекет есебiнен ұшақтар мен тiкұшақтар

      экипаждарының жеке құрамы жабдықталуда.

      2. Ұшуда борттық үлес ұшақтар экипаждарының жеке құрамына

      беріледi: ұшақтар экипажының әрбір мүшесiне – ұзақтығы төрт сағаттан

      асатын қонусыз ұшуларда – бiр азық үлесі, сегіз сағаттан асатын – екi

      азық үлесi, он екі сағаттан асатын – үш азық үлесi және сол сияқты.

      3. Ұзақтығы 4-5 сағат үздіксіз ұшу кезiнде ұшақ (тiкұшақ)

      экипажының әрбір мүшесiне бiр борттық азық үлесi берiледi, экипаж бұл

      жағдайда асханалық азық үлесiнен алынбайды.

      4. Ұзақтығы сегiз сағаттан асатын ұшу кезiнде (тұрақты орналасу

      орындарынан шалғайдағы тiкұшақтар үшiн) борттық азық үлесiн алған

      экипаждың жеке құрамына ұшу уақыттары тура келгенде негiзгi ұшқыш

      үлесiнiң нормалары бойынша кезектi ас қабылдауға азық-түлiк

      алғандарға асханаға қағаз берілмейді және тағам дайындалмайды.

      5. Экипаждың әрбір мүшесi ұшу кезінде алдыңғы ас қабылдаудан

      кейін 4-5 сағат өткен соң бірінші ас қабылдау есебіне сүйене отырып,

      борттық азық үлесімен жабдықталуда. Егер экипаж ұшу алдында екi сағат

      бұрын ас қабылдаса, бiрiншi азық үлесi ұшу басталғаннан кейiн 2-3

      сағаттан соң жұмсалуы мүмкiн.

21-норма
"Корабльдер мен катерлердiң экипаждарына
арналған борттық тамақтандыру рационы"

      Ескертпе: борттық тамақтандыру рационы кемедегi әрбір

      адамға – камбуздары жоқ корабльдерге, катерлерге, сондай-ақ ауа-райы

      жағдайларынан ас дайындау мүмкін болмаған жағдайда жағалық базалардан

      бiр тәулiкке және одан ұзақ қол үздірумен теңізге шыққан кезде

      беріледі.

22-норма
"Әскери бөлiмдер мен мекемелердiң штаттық
жануарларын азықтандыруға арналған"

      Ескертпе:

      1. Күн сайын төсенiшке сабан беріледі:

      1) аттар мен құлындар үшiн – 1,6 кг;

      2. Осы нормаларда көрсетілген жем-шөп орнына бір тәулiкте бiр

      жылқыны азықтандыру үшін мыналар беріледі:

      1) жеткiзушiлерден алынған жылқыларды қабылдау пункттерiнде

      ұстау кезiнде және оларды жерүстi және су көлiгiмен тасымалдаған

      кезде: шөп – 13 кг, сабан – 1,5 кг, ал 1 қазаннан 1 сәуiрге дейiнгi

      кезеңде тасымалдау 1000 шақырымнан асатын қашықтыққа – шөп 15 кг,

      сабан – 1,5 кг;

      2) ат спорты командаларының штаттық жылқылары үшiн: шөп – 6 кг,

      сұлы – 5 кг, бидай кебегi – 1 кг, ұсақталған жүгерi – 1 кг, шөп ұны –

      1 кг, сірне – 0,5 кг, зығыр дәнi – 0,05 кг, витаминді-минералды

      қоспалар – 0,5 кг, тұз – 0,05 кг.

      3. Осы нормаларға қосымша бір тәулiкте бiр жылқыға мыналар беріледі:

      1) күзгі-қысқы кезеңде тамыржемiстер (қызылша, сәбіз) – 1 кг;

      2) даярлық және өткiзу кезеңiнде ат спорты командаларының

      штаттық жылқылары үшiн 0,5 кг витаминді-минералды қоспалар;

      3) әскери бөлiмдерге жасақтауды толтыру үшiн жеткізушілерден

      келiп түскен жылқылар үшiн әскерлерде болған алғашқы үш айда – 1 кг

      шөп;

      4) емдеу-ветеринарлық мекемелерде болған ауру жылқылар үшiн – 3

      кг тамыржемiстер және 1 кг кебек;

      5) 1 қазаннан 1 сәуiрге дейiн ағаш дайындау жұмысы кезінде жүк

      арту жылқылары үшiн – 1 кг сұлы;

      6) теңiз деңгейiнен 1000 м және одан биiк жерлерде – 1,5 кг

      сұлы;

      7) тiстемi бұзылған жылқылар үшiн – 1,5 кг шөп.

      Жеке жылқылар үшін жеке жем-шөп нормаларын арттыру белгіленген

      нормалар бойынша бір тәулікте бөлімге тиесілі жалпы жем-шөп мөлшері

      шегінде кейбір жылқылардың тәуліктік үлесін азайту есебінен

      жүргізіледі.

      Жеке жем-шөп нормасын белгілеу кезінде жылқының бойына, таза

      салмағына, жұмыс жүктемесіне, күйлілігі мен жігерлігіне назар

      аударылады.

      Жеке жем-шөп нормасын арттыру мынадай шектерде белгіленеді:

      салмағы 400 кг артық мінетін және жегетін жылқылар үшін әрбір

      25 кг салмаққа сұлыны тәуліктік беру 300 г дейін арттырылады;

      салмағы 500 кг артық артиллериялық аттар үшін әрбір 50 кг

      салмаққа сұлыны тәуліктік беру 500 г дейін арттырылады.

      Қарқынды жұмыста пайдаланылатын жылқыларға жұмыс қарқындылығы

      мен ұзақтығына байланысты бір тәулікте сұлы беру 500 г – 1 кг дейін

      арттырылады. Барынша қарқынды жұмыс кезінде барынша сұлы беру бір

      тәулікте 8 кг аспауға тиіс.

      Жеке жем-шөп нормасын азайту мынадай жағдайларда белгіленеді:

      салмағы кемінде 400 кг мінетін және жегетін жылқылар үшін

      сұлыны тәуліктік беру әрбір 25 кг салмаққа 300 г дейін азайтылады,

      бірақ жетіспейтін салмағы 25 кг аз болса есепке алынбайды;

      салмағы кемінде 500 кг артиллериялық аттар үшін сұлыны

      тәуліктік беру әрбір 50 кг салмаққа 500 г дейін азайтылады, бірақ

      жетіспейтін салмағы 50 кг аз болса есепке алынбайды.

      Жайылымдағы жылқыларға жайылым сапасына және жылқының

      күйлілігіне байланысты сұлыны тәуліктік беру үштен бір бөлікке, шөп

      екіден бір бөлікке азайтылады.

      Жас жөндеу жылқыларына әскерлерде болған алғашқы үш ай ішінде

      белгіленген тәуліктік жем-шөп нормасына қосымша бір тәулікте 1 кг шөп

      беріледі. Жас жылқылар жем азығына күніне 2 кг тәуліктік беруден

      бастап, әрбір үш күн сайын 500 г жем қосумен біртіндеп үйретіледі.

      Арнайы азықтандыруды талап ететін ауру жылқыларға диеталық

      азықтандыруды ветеринарлық дәрігер тағайындайды. Диеталық азықтандыру

      белгіленген нормалар бойынша ат құрамы сандық тізімінің сол бөлімдегі

      ағымдағы үлесінің жем-шөбі есебінен жүргізіледі. Диеталық азықтандыру

      ұнтақтау, езу, ашыту, жақсарту жолымен дайындалады.

23-норма
"Қызметтiк иттердi азықтандыруға арналған"

      Ескертпе:

      1. Питомниктердегі асыл тұқымды иттер үшiн бір тәулікте бiр

      итке осы нормаға қосымша 50 г біріншi санатты ет немесе 125 г екiншi

      санатты қосалқы ет өнімдері беріледі.

      2. Ауру және әлсіреген иттер үшiн ветеринарлық қызмет

      мамандарының қорытындылары бойынша 200 г сұлы жармасы орнына осындай

      мөлшерде күрiш беруге рұқсат етiледi.

      3. Осы нормаға қосымша ветеринарлық қызмет мамандарының

      қорытындылары бойынша бір тәулiкте бiр итке:

      1) ауру және әлсіз иттер үшiн – 500 г сиыр сүтін;

      2) асыл тұқымды иттер үшiн – 50 гр біріншi санатты ет немесе

      150 г екiншi санатты қосалқы ет өнімдерін;

      3) күшiктеген ұрғашы иттер үшiн – 100 г бірiншi санатты ет

      немесе 250 г екiншi санатты қосымша ет өнiмдерiн;

      4) күшiктерiн емiзетiн ұрғашы иттер үшiн (күшiктерiн бөлiп

      алғанша) питомниктерде – 100 г бірiншi санатты ет немесе 250 г екiншi

      санатты қосымша ет өнiмдерiн, сондай-ақ 500 г сиыр сүтін, 10 г

      азықтық минералды қоспалар;

      5) денсаулықтарына зиянды объектілердi күзететiн иттер үшiн –

      500 г сиыр сүтін;

      6) қысқы кезеңде үлкен иттердің әрбір басы үшiн: тары жармасы –

      100 г, біріншi санатты ет немесе жылқы еті – 100 г немесе екiншi

      санатты қосалқы ет өнімдері – 200 г;

      4. Он екі сағаттан астам жолда тасымалдау кезiнде және иттерге

      осы норма бойынша ыстық тағам беру мүмкiн болмаған жағдайларда құрғақ

      азық мынадай есеппен берілуге тиіс:

      5. Күшiктерге алты айлық жасқа дейiн күн сайын арттырумен:

      1) сұлы жармасы (геркулес), тары – 40 г үш апталық жасынан

      бастап, апта сайын 20 г арттырумен;

      2) бірiншi санатты ет немесе жылқы етi – бiр айлық жасынан 20 г

      бастап, апта сайын 15 г арттырумен;

      3) сүт екі апталық жасынан 150 миллилитрден бастап, апта сайын

      25 миллилитрге арттырумен;

      4) сүзбе – бір айлық жасынан 20 г бастап, апта сайын 15 г

      арттырумен беріледі.

      6. Төсенiшке бір тәулiкте ересек итке 800 г және күшiк үшiн 400

      г сабан берiледі.

      7. Қысқы уақытта (нақты өңір үшін белгіленген жылыту маусымы

      кезеңінде) ашық типті вольерлердегі ересек қызметтік және асыл

      тұқымды иттер, күшіктер үшін жабдықталым нормасы 20%-ға арттырылады.

24-норма
Ұнның базистiк ылғалдылығы 14,5 % болған
кездегi есеппен гарнизондар мен бөлiмшелер наубайханаларына
арналған қалыптағы нан шығысы

      Ескертпе:

      1. Нанды ылғалдылығы 14,5 %-дан төмен немесе жоғары ұннан

      пiсiрген кезде тиісiнше нанның шығысының нормасы ұн ылғалдылығының

      әрбір пайызына артады немесе төмендейдi:

      1) ерекше тартылған қара бидай, ерекше тартылған қара

      бидай-бидай, ерекше тартылған бидай ұндарынан және тазартылған қара

      бидай мен 1-сұрыпты бидай ұнының қоспасынан пiсiрiлген нан үшiн – 1,5 %;

      2) 2-сұрыпты бидай ұнынан пiсiрілген нан үшiн – 1,4 %;

      3) 1-сұрыпты бидай ұнынан пiсiрiлген нан үшiн – 1,3 %.

      2. Ұнның ылғалдылығы 12%-дан төмен болған кезде нанның шығысы

      12 % болғандағыға ұқсас болады.

25-норма
100 кг ұн есебімен әскери бөлiмдер мен бөлiмшелердің
наубайханаларына арналған шикiзат шығысы

26-норма
Азық үлесiн беру кезiнде азық-түлікті ауыстыру нормасы
1. Негізгі ауыстыру нормалары